نفسى فى .. بقنية .. وشربوت .. ودكاى .. وكوجومورو

Post: #1
Title: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 09:00 AM
Parent: #0

في سيرة العقوق .. عودٌ على بدء

ثم ..
عشمان فينا يا وطن ؟؟
و نحن الرفاق - الذين تظن -
أبناؤك يا بلد !! .. نحن ؟
الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!!
في محرابك القدس نفعل ذلك يا أبانا ..
و أنت سجودٌ للقضية .

لا تنتظرنا ..
سيقتلك الإنتظار قبل أن تغتالك الشهوات المريضة .
موت بغبينتك .. يا بوي .
أو .. بشلاليت غفلتنا و هوانك علينا .. سيان .

مرصعون نحن - كالدُمى - بألوان الكلمات العاليات الفارهات الهاتفات ..
و بعد ؟؟
يا وطنٌ تتقاسمه قمامات الأمزجة و ملتاثات الهوى .. و ينادينا ..
تنادينا ؟ .. أنسى ..
لا حياة لمن تنادي يا أبانا ..
نحن خصيانٌ في خلافاتنا ..
( النار تلد الرماد )
يا عجوز و وحيد .. و متسول لمرؤتنا ..
فـ .. ( شيل شيلتك ) براك ..
لا دَين لك عندنا - باستثناء أبوتك -
ليس لدينا ما نعطيك إلا الغناء و اجترارات المرارة ..
و الهتاف الإختلاف .
أفيكفيك ؟؟ ..
فاقد الشي لا يعطيه ..
نحن فقط نودّك ( عطية مُزيّن ) ..
تُسحل أو تُزهق أو تنسلُّ أطرافك منك ..
ما همّ ..
لا نملك لك من الامر شيئا ..
نحن عُزّل ..
نعم هكذا ..
نحن عُزّل ..
و ( قفانا أعوج ) يا أبي .

لسنا أبناؤك ..
نحن أبناء سِفَاح ..
و نعُقّك حتى نتمكن من جوهرة قلبك ..
فنعتصرها لجهويتنا و قبليتنا و طائفيتنا و عُهر أطماعنا ..
نحن عُصبة شتات - و معصوبو الأعين بعصبيتنا -

كاذبُ وردي يغنينا , فنطرب للكذبة الطامة :
( نحن أبناء ملوك في الزمان ) ..
و : ( نحن أباؤك في الفرح الجميل ..
نحن أباؤك في الحزن النبيل ) .

نحن أخيلة مآتة ..
فزاعات دلقان .
كاذبة هرطقاتنا نشنف بها سمعك - الذي أوهنه كِبر الصوت و صِغر العمل -
ساقطون نحن ..
و لواؤك منكسُ حتف شمممك يا أبانا ..
تمرغ عزته أحذية الجند و لؤم السوم .. و غدر البنوة .

لا عليك ..
سألقن إبني أحمد أغنية كانت نشيداً بركاناً ..
و كنت تتبتني و تلوليني بها حين أنام .. أتذكر ؟
سامحنا يا أبانا ..
هكذا أرد دينك ( الفي رقبتي ) ..
بأغنية ..
ربما تؤنس جلسات أحمد في يومٍ ( عبوسا قمطريرا ) ..
و تيه ينتظره من إرثي الأجرب .
بعيدٌ , ستؤنسه أغنيتك ..
تحت سماء غريبة .. و أرض غريبة ..
و سِحنٍ أغرب تنادي عليه بـ : يا أجنبي .

أنا ألقنه فاشهد , حتى لا ( تتبلى عليَّ ) و تتهمني بعقوقك ..
أحمد يا ولدي .. قل :
( يا صانع التاريخ )
- : ( يا صانع التاريخ )
( يا شعبي الذي سحق الظلام )
- : ( يا شعبي الذي سحق الظلام )
( المجدُ لكْ )
- : ( المجدُ لكْ )
( البذلُ لكْ )
- : ( البذلُ لكْ )
( ما صوّت الداعي ينادي يا رجال )
- : ( ما صوّت الداعي ينادي يا رجال )
( الخلدُ لكْ )
- : ( الخلدُ لكْ )
( يا صارم القسماتِ يا حيّ الشعور )
- : ( يا صارم القسماتِ يا حيّ الشعور )

أحسنت يا بُُني .
ثم ارفع كأسك ..
و تذكر :
( من عَقّ أباه عقّهُ جناه ) ..
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .

Emad Abdulla

Post: #2
Title: Re: نفسى فى .. بقنية .. وشربوت .. ودكاى .. وكوجومورو
Author: كمال علي الزين
Date: 04-15-2008, 09:05 AM
Parent: #1

ياصاحب ..

إنتا لسا نفسك ولقيتا

ماشايفين أي حاجة , إنتا كاتب الكلام ده بي موية (بقنية)

Post: #3
Title: Re: نفسى فى .. بقنية .. وشربوت .. ودكاى .. وكوجومورو
Author: وليد محمد المبارك
Date: 04-15-2008, 09:12 AM
Parent: #2

نسيت (الابيض ضميرك) الاسم المودرن للبقنية

Post: #11
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 10:33 AM
Parent: #3

وليد الشفت
Quote: نسيت (الابيض ضميرك) الاسم المودرن للبقنية
فى زمنا كان العرقى والله .. القام زت بقى إسمو شنو ؟

تتفن فى واطــة الله .. يجوبو ليك جردل دقة تطعمو بنصية .. المزة لحم تيس أصفااار على الجمر .. وجلسة صاااقطه .. والعرق زى الدهن فى جبهتك .. العيون تلمع بنقاء .. أنصع من ضمير كوز يصلى الصبح حاضر ..
ينوم هادئ البال بعد ما يضاجع نسوانو الأربعة .. ويكون رمل نص نسوان البلد .. وملى الخيران وليدات .. وكسر نفس أمة ..

شايف الجماعة بتصرمعوا كيف ؟؟

Post: #4
Title: Re: نفسى فى .. بقنية .. وشربوت .. ودكاى .. وكوجومورو
Author: Emad Abdulla
Date: 04-15-2008, 09:17 AM
Parent: #2

كاسك يا رأفت ..
خلينا نطمبجا ..

فوووووووووووق ..
في صحة الزبالة يا ابن خالتي .

Post: #14
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 11:41 AM
Parent: #4

Quote: كاسك يا رأفت ..
خلينا نطمبجا ..

فوووووووووووق ..
في صحة الزبالة يا ابن خالتي .
والحلل شنو يا عمدة !! .. الجماعة بدوا يسكروا .. على الخيبة النحنا فيها ..
تتذكر أبشر بتاع الحلة الجديدة داك ..
هو سؤال كدة: الكيزان قبال يكونوا كيزان مش كانوا معانا برضو ؟
ما تيب ..
غايتو أنا كان عندى جارى فى الفصل أوبصة .. عندو هسة فيلا فى الفلل الرئاسية
ما إنتبهنا سااااكت يا إبن عمى ..
شفت الأبطال الحافظين ديل .. ما شاءالله (دى تقولا بالفلاتى)

Post: #5
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 10:13 AM
Parent: #2

كمال الزين
Quote: ماشايفين أي حاجة , إنتا كاتب الكلام ده بي موية (بقنية)
ياخ والله أنت أكتر زول شايف .. طمبجا زى ما قال الأصلى .. خربانا أم بنايآ قش

----------------------------
عشان تقرا .. ضللا بالماوس ..
ما داير أديك لنك .. صنقر هنا

Post: #7
Title: Re: نفسى فى .. بقنية .. وشربوت .. ودكاى .. وكوجومورو
Author: يازولyazoalيازول
Date: 04-15-2008, 10:19 AM
Parent: #5

وأنا نفسى فى

مريســــــــــــــــــــــــــــــــــــــــــــــــــــــــــــه

عديل كده

Post: #8
Title: Re: نفسى فى .. بقنية .. وشربوت .. ودكاى .. وكوجومورو
Author: اساسي
Date: 04-15-2008, 10:23 AM
Parent: #7

Quote: وأنا نفسى فى

مريســـــــــــــــــــــــــــــه

عديل كده

بي رغوتها يا عمك

Post: #21
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 02:51 PM
Parent: #8

Quote: بي رغوتها يا عمك
أساسى ولدنا .. قالوا البيت القدامنا .. لصق بيت ناس طارق خلس وإسكن .. والله وحسة ياخ ..

الراحعين ليها شنو

Post: #25
Title: Re: نفسى فى .. بقنية .. وشربوت .. ودكاى .. وكوجومورو
Author: اساسي
Date: 04-15-2008, 05:18 PM
Parent: #21

Quote: أساسى ولدنا .. قالوا البيت القدامنا .. لصق بيت ناس طارق خلس وإسكن .. والله وحسة ياخ ..

ياخي دا ما قطع راس نص الحلة ... اوع تقول لي حبوبة التحت شقق الجمارك ديك باعت اوضتها سكن فاخر؟؟

يعني تاني ناس جيمي وركس الا يشربوهو آبري

Post: #30
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 07:58 PM
Parent: #25

Quote: يعني تاني ناس جيمي وركس الا يشربوهو آبري
يا أساسى
جيمى كان ما ضربتو كهرباء لحدى حسة بكون إنسهك .. قلت لى ركس داير ليه زول يشرب ليه الكاس الأول والله ده كان دخلو جوة القزازة يتنفس زى السمك

Post: #229
Title: Re: نفسى فى .. بقنية .. وشربوت .. ودكاى .. وكوجومورو
Author: يوسف محمد يوسف
Date: 04-27-2008, 09:25 PM
Parent: #8

اساسى ..
رغوه يمشى فيها السوسيو ...

بضبانتاوووووووووووقرعتا ووووووووحلتاووووووو وحلاة شلعتا
الجلسة هناك عند حواء كلاب ... وحليل امدر.. وحليل ناسا

طالما المشروع اياه فشل !!!

للاستثمار!!
عسلية معلبة !!! كوجو مورو مكيس !! مريسه " خالية الدسم" مبسترة !!!
انبولات دكاى !!! حبوب فوارة عرقى " بلح / عيش " !!!
اندايه .. تمليك !!!

وين اخينا المابيجنا الا ساعة الشربه دى ؟؟؟

شيركم ياخوانا!!!

Post: #20
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 02:46 PM
Parent: #7

Quote: وأنا نفسى فى

مريســــــــــــــــــــــــــــــــــــــــــــــــــــــــــــه

عديل كده
يا هشام الكرنتينة قفلوها ولا شنو ؟
قالوا أبو رزقة بصلى طوالى هناك .. إتحرك معانا ياخى .. هى مريسة بس !!

Post: #6
Title: Re: نفسى فى .. بقنية .. وشربوت .. ودكاى .. وكوجومورو
Author: محمد مكى محمد
Date: 04-15-2008, 10:18 AM
Parent: #1

كأسك ياوطن...
وفى صحتك وصحةعمادعبدالله..
وصحة كل أبناء وطنى..
متى نشرب نخب الحريه?

.............................

مشتاقون يارجل

Post: #9
Title: Re: نفسى فى .. بقنية .. وشربوت .. ودكاى .. وكوجومورو
Author: badr alkalika
Date: 04-15-2008, 10:29 AM
Parent: #6

يا عمك

اساسي دا جاب المريسة دي من وين
يا خي ادينا ( جقمة )

عشان ننسى الهم
وننسى الالم
و.....................

Post: #10
Title: Re: نفسى فى .. بقنية .. وشربوت .. ودكاى .. وكوجومورو
Author: يازولyazoalيازول
Date: 04-15-2008, 10:31 AM
Parent: #9

أساسى

اليوم تأكدت فعلاً أنك أساسى فى المنبر ده وفى كل (البنابر)

Post: #12
Title: Re: نفسى فى .. بقنية .. وشربوت .. ودكاى .. وكوجومورو
Author: وليد محمد المبارك
Date: 04-15-2008, 10:44 AM
Parent: #10

Quote: شايف الجماعة بتصرمعوا كيف ؟؟

المشكلة ما في النسوان الاتصرمحو معاهم هم مباشرة لان الكيزان قله وومن يتصرمحون معهم وان كثروا قله

المشكلة في من اجبروهن على الصرمحة بسبب الضنك وضغط العيش والحاجة .. ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته

زمان كانت الانادي معروفة وين العنده قروش وما عنده قبول بمشي ليها

لكن هسع الشغل بقى جوه الحلال والحواري والازقة والبيوت كمان

لعن الله الفقر ومن قبله الكيزان ومن بعدهم المناضلين الما بختلفوا عنهم

واداك العافية يا رافت

Post: #13
Title: Re: نفسى فى .. بقنية .. وشربوت .. ودكاى .. وكوجومورو
Author: Mohamed Abdelgaleel
Date: 04-15-2008, 11:14 AM
Parent: #12

Quote: في سيرة العقوق .. عودٌ على بدء

ثم ..
عشمان فينا يا وطن ؟؟
و نحن الرفاق - الذين تظن -
أبناؤك يا بلد !! .. نحن ؟
الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!!
في محرابك القدس نفعل ذلك يا أبانا ..
و أنت سجودٌ للقضية .

لا تنتظرنا ..
سيقتلك الإنتظار قبل أن تغتالك الشهوات المريضة .
موت بغبينتك .. يا بوي .
أو .. بشلاليت غفلتنا و هوانك علينا .. سيان .

مرصعون نحن - كالدُمى - بألوان الكلمات العاليات الفارهات الهاتفات ..
و بعد ؟؟
يا وطنٌ تتقاسمه قمامات الأمزجة و ملتاثات الهوى .. و ينادينا ..
تنادينا ؟ .. أنسى ..
لا حياة لمن تنادي يا أبانا ..
نحن خصيانٌ في خلافاتنا ..
( النار تلد الرماد )
يا عجوز و وحيد .. و متسول لمرؤتنا ..
فـ .. ( شيل شيلتك ) براك ..
لا دَين لك عندنا - باستثناء أبوتك -
ليس لدينا ما نعطيك إلا الغناء و اجترارات المرارة ..
و الهتاف الإختلاف .
أفيكفيك ؟؟ ..
فاقد الشي لا يعطيه ..
نحن فقط نودّك ( عطية مُزيّن ) ..
تُسحل أو تُزهق أو تنسلُّ أطرافك منك ..
ما همّ ..
لا نملك لك من الامر شيئا ..
نحن عُزّل ..
نعم هكذا ..
نحن عُزّل ..
و ( قفانا أعوج ) يا أبي .

لسنا أبناؤك ..
نحن أبناء سِفَاح ..
و نعُقّك حتى نتمكن من جوهرة قلبك ..
فنعتصرها لجهويتنا و قبليتنا و طائفيتنا و عُهر أطماعنا ..
نحن عُصبة شتات - و معصوبو الأعين بعصبيتنا -

كاذبُ وردي يغنينا , فنطرب للكذبة الطامة :
( نحن أبناء ملوك في الزمان ) ..
و : ( نحن أباؤك في الفرح الجميل ..
نحن أباؤك في الحزن النبيل ) .

نحن أخيلة مآتة ..
فزاعات دلقان .
كاذبة هرطقاتنا نشنف بها سمعك - الذي أوهنه كِبر الصوت و صِغر العمل -
ساقطون نحن ..
و لواؤك منكسُ حتف شمممك يا أبانا ..
تمرغ عزته أحذية الجند و لؤم السوم .. و غدر البنوة .

لا عليك ..
سألقن إبني أحمد أغنية كانت نشيداً بركاناً ..
و كنت تتبتني و تلوليني بها حين أنام .. أتذكر ؟
سامحنا يا أبانا ..
هكذا أرد دينك ( الفي رقبتي ) ..
بأغنية ..
ربما تؤنس جلسات أحمد في يومٍ ( عبوسا قمطريرا ) ..
و تيه ينتظره من إرثي الأجرب .
بعيدٌ , ستؤنسه أغنيتك ..
تحت سماء غريبة .. و أرض غريبة ..
و سِحنٍ أغرب تنادي عليه بـ : يا أجنبي .

أنا ألقنه فاشهد , حتى لا ( تتبلى عليَّ ) و تتهمني بعقوقك ..
أحمد يا ولدي .. قل :
( يا صانع التاريخ )
- : ( يا صانع التاريخ )
( يا شعبي الذي سحق الظلام )
- : ( يا شعبي الذي سحق الظلام )
( المجدُ لكْ )
- : ( المجدُ لكْ )
( البذلُ لكْ )
- : ( البذلُ لكْ )
( ما صوّت الداعي ينادي يا رجال )
- : ( ما صوّت الداعي ينادي يا رجال )
( الخلدُ لكْ )
- : ( الخلدُ لكْ )
( يا صارم القسماتِ يا حيّ الشعور )
- : ( يا صارم القسماتِ يا حيّ الشعور )

أحسنت يا بُُني .
ثم ارفع كأسك ..
و تذكر :
( من عَقّ أباه عقّهُ جناه ) ..
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .
Emad Abdulla

ونفسي برضو في وطن مالك زمام أمرو
ومتوسد لهيب جمرو

حلو حلاوة ما بتنضاق
ومرا كلو كلو إن ضاق

وطن يعيد إلينا الحرارة
ونعيد إليه العافيه
ويغفر عنا كل ذنوب عقوقنا

شكرا يا رأفت على يقظة
البقنية والشربوت والدكاي والكوجومورو

Post: #36
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 08:15 AM
Parent: #13

Quote:
ونفسي برضو في وطن مالك زمام أمرو
ومتوسد لهيب جمرو

حلو حلاوة ما بتنضاق
ومرا كلو كلو إن ضاق
مر مرارة ما تنطاق
ومرتو ميته ومعلم الفرطاق
Quote: وطن يعيد إلينا الحرارة
ونعيد إليه العافيه
ويغفر عنا كل ذنوب عقوقنا
وعفا الله عن ما سلف
Quote: شكرا يا رأفت على يقظة
ياخ أنت صاااحى .. البصحى أبو الهول منو ؟؟
Quote: البقنية والشربوت والدكاي والكوجومورو
نفسى ياخ .. عسلية صااااافية

التعديل: مع العسلية الصاقطة نسيت أسلم وأفول مشتاقين والله

Post: #22
Title: Re: نفسى فى .. بقنية .. وشربوت .. ودكاى .. وكوجومورو
Author: dardiri satti
Date: 04-15-2008, 02:58 PM
Parent: #12

Quote: ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته

أبناء العاهرات!!!

Post: #39
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 10:12 AM
Parent: #22

Quote:
Quote: ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته

أبناء العاهرات!!!

منو ديل يا الدرديرى ؟؟؟

ياخ حرام عليك أمهاتهم .. مرات البيت كلو تمام .. يطلع واحد بيضة فاسدة ..

عمك الترابى زاتو .. أمشى ود الترابى عندنا فى الجزيرة .. إمكن ما تلقى جبهجى هناك وأهله زى الفل ..

مرحبتين معانا هنا وفى المنبر

Post: #34
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 05:29 AM
Parent: #12

وليد
Quote: المشكلة ما في النسوان الاتصرمحو معاهم هم مباشرة لان الكيزان قله وومن يتصرمحون معهم وان كثروا قله
المشكلة في
Quote: المناضلين الما بختلفوا عنهم

Quote: المشكلة في من اجبروهن على الصرمحة بسبب الضنك وضغط العيش والحاجة .. ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته
هو سقوط مثل وقيم و إنهيار مجتمع
Quote: زمان كانت الانادي معروفة وين العنده قروش وما عنده قبول بمشي ليها

لكن هسع الشغل بقى جوه الحلال والحواري والازقة والبيوت كمان

Quote: لعن الله الفقر

Quote: واداك العافية يا رافت
ويعافيك

Post: #31
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 08:03 PM
Parent: #9

Quote: يا عمك

اساسي دا جاب المريسة دي من وين
يا خي ادينا ( جقمة )

عشان ننسى الهم
وننسى الالم
و.....................
والله يا عمك أنا شايفك اليومين ديل مسخسخ طوااالى .. تقعد تتابعنا .. جواب فصلك يجيبو ليك ود محجوب هنا فى المنبر

Post: #24
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-15-2008, 05:04 PM
Parent: #6

محمد ود مكى
Quote: كأسك ياوطن...
وفى صحتك وصحةعمادعبدالله..
وصحة كل أبناء وطنى..
متى نشرب نخب الحريه?
بالطريقة الشايفا دى .. ما ظنيت
العالم كذبت كذبة كده .. وصدقوها .. حد يشرك لى نفسه ويبلع الطعم ؟؟

شيوية صعاليق يلعبوا بينا القيرا قيرا .. واحد أمنجى مقطوع يعملنا ضحكة مجالسه..!!
قال نضال .. كل وحد يشوف ليه ضل شجرة .. ويغنى ..
حوم الصفحة الأولى بس..
Quote: مشتاقون يارجل
بالأكتر وجايك

Post: #15
Title: Re: نفسى فى .. بقنية .. وشربوت .. ودكاى .. وكوجومورو
Author: طارق عبد اللطيف نقد
Date: 04-15-2008, 01:02 PM
Parent: #1

ونفسى في هواء نظيف
وبراحات اوسع
و وطن يستوعب الجميع
وفيه بسيط من الحريه
وكثير من احتمال الاخر

وبيره0000باااااااااااااااااااااااارده

Post: #16
Title: Re: نفسى فى .. بقنية .. وشربوت .. ودكاى .. وكوجومورو
Author: ابو جهينة
Date: 04-15-2008, 01:14 PM
Parent: #15

رأفت

كيفك يا صاحبي

Quote: ( نحن أبناء ملوك في الزمان )

كنا و الله كذلك ... و صرنا الآن ( أبناءُ يلوكنا الزمان ) ..

عن إذنك يا رأفت ( همسة للأخ طارق نقد ) :

قلت نفسك في بيرة باااااردة ؟
أشرب بيرة من الدكان ال جنبكم ال بدون كحول ... الكحول ملحوقة

Post: #42
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 12:55 PM
Parent: #16

أبو جهينة يا صاحب
Quote:
Quote: ( نحن أبناء ملوك في الزمان )

كنا و الله كذلك ... و صرنا الآن ( أبناءُ يلوكنا الزمان ) ..
ما قالوا زمان .. التسوي كريت تلقاهو في جلدا .. ملوكيتنا دى زاتا .. كدى خلينا.. أو تكون أقصى واجبات الحفظ زى ما قال عماد ..

قصة طارق دى .. قال واحد تاب وبقى إمام .. يوم بخطب فى الناس قال: "تلعبون الميسر وتزنون وتشربون البيرة الصاااااااقطة .. وتريدون دخول الجنة"

Post: #40
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 12:45 PM
Parent: #15

Quote: ونفسى في هواء نظيف
وبراحات اوسع
و وطن يستوعب الجميع
وفيه بسيط من الحريه
وكثير من احتمال الاخر

وبيره0000باااااااااااااااااااااااارده

تبدل معاى يا طارق دى بباغة عسلية بى رغوتا
حليلك يا سمسم القضارف

ما كان الهواء نضيف .. والنفوس مطايبة .. والدعوات مقبولة ..
ضيقوها علينا .. الله يضيفا عليهم دنيا وآخرة

Post: #146
Title: Re: نفسى فى .. بقنية .. وشربوت .. ودكاى .. وكوجومورو
Author: طارق عبد اللطيف نقد
Date: 04-21-2008, 02:45 PM
Parent: #40

انت لسه 000000 في حلاتك دي

Post: #147
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 03:39 PM
Parent: #146

Quote: انت لسه 000000 في حلاتك دي
دى فتشتها تفتيش بعد ما تعلقت .. لكن تستاهل ..
أنت الأحلى يا طارق .. لكن سؤال : شنو قصة أبارو ونقد ؟؟ ناس أبارو ما بعرفم لكن د. أبارو الله يطراه بالخير وأبارو تانى كان معانا فى الجزيرة بتو سمحة خلاس .. لا شيوعيين لا حاجة

مرحب بيك ..

Post: #160
Title: Re: نفسى فى .. بقنية .. وشربوت .. ودكاى .. وكوجومورو
Author: طارق عبد اللطيف نقد
Date: 04-22-2008, 12:34 PM
Parent: #147

Quote: شنو قصة أبارو ونقد

ده ممدوح ابارو صاحبي

من بوست كن صديقي

Post: #148
Title: Re: نفسى فى .. بقنية .. وشربوت .. ودكاى .. وكوجومورو
Author: د.محمد حسن
Date: 04-21-2008, 03:48 PM
Parent: #146

Quote: دي صفارة 000 ادريس 000وقال بتاعت النصر

ما لخبط الاختصاص

هي جنس حلاة

Post: #149
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 04:11 PM
Parent: #148

د.محمد حسن
Quote: دي صفارة 000 ادريس 000وقال بتاعت النصر

ما لخبط الاختصاص
أقطع دراعى وأعرف جبت الإقتباس ده من وين .. شكلو كتابة طارق نقد .. بس ما فى القعدة دى .. كدى أفتونا

Post: #162
Title: Re: نفسى فى .. بقنية .. وشربوت .. ودكاى .. وكوجومورو
Author: طارق عبد اللطيف نقد
Date: 04-22-2008, 12:41 PM
Parent: #149

Quote: أقطع دراعى وأعرف جبت الإقتباس ده من وين .. شكلو كتابة طارق نقد .. بس ما فى القعدة دى .. كدى أفتونا

ده جابو من البوست بتاع - اتصال القذافي

وقدر ما قلنا ليه يغير الصنف عشان ما يتلخبط عليه الاختصاص

اهو اتلخبط

Post: #17
Title: Re: نفسى فى .. بقنية .. وشربوت .. ودكاى .. وكوجومورو
Author: Deng
Date: 04-15-2008, 01:15 PM
Parent: #1

العزيز رأفت ميلاد.

أنت داير تجهجه الكيزان في البورد ديل بالبوست ده ول شنوا؟

بعدين شايفك نسيت:

العسلية،الابيض ضميرك والسكو سكو.

دينق.

Post: #43
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 01:09 PM
Parent: #17

كيفك يا دينق
Quote: أنت داير تجهجه الكيزان في البورد ديل بالبوست ده ول شنوا؟
هم والله عالم ما بتستحى .. ماطنها(من يمط) على نفسهم نكاح سااااكت .. مثنى وثلاث ورباع .. وشى متعة وشى مسيار .. والما عرسوها دايرين يرضعوها .. الأطفال ما سلموا منهم .. وحاسدننا على جردل عسلية ولا نصية عرقى حر من وارد دنقلا .. عليك الله ده كلام ..
Quote: بعدين شايفك نسيت:

العسلية،الابيض ضميرك والسكو سكو.
والقام زت .. مانسيت العنوان أبى يشيل

Post: #18
Title: Re: نفسى فى .. بقنية .. وشربوت .. ودكاى .. وكوجومورو
Author: غباشي
Date: 04-15-2008, 01:20 PM
Parent: #1

Quote: نفسى فى .. بقنية .. وشربوت .. ودكاى .. وكوجومورو

يا ميلاد ...
بقنية دي و الله من بعيد شوفتها بنقوية عديييييل

يا دينق
سلامات يا مان ...
ياخ أنا جيت لحدي بلدكم ديك و ناس الـ Homeland Security ما قصروا معاي لما قلت ليهم أنا زميل دينق في البورد
شكراً يا أبو الزمل

Post: #44
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 01:21 PM
Parent: #18

غباشى كيفك
Quote: بقنية دي و الله من بعيد شوفتها بنقوية عديييييل
يا مرطب .. وكل زول بشوف بي شوقو .. بسومها الخدرة .. الملبوكة .. الشديدة .. العفنة .. الوزنة .. لكن بنقوية أكان هسة عندك

Post: #19
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-15-2008, 01:34 PM
Parent: #1

رأفت يا طاشم .....

Quote: نفسى فى .. بقنية .. وشربوت .. ودكاى .. وكوجومورو

الطفاسة شنو؟ ديل كلهم؟ والله إلاّ تيقى سكرة ينّي البنسمع بيها .... بعدين يا غبيان .. إنت عندك البيرة الصااااقطة .. جاي للكوجو مورو؟

البوست ده طبعاً شرك لي دينق ... وأهو جاك

_______
تحت تحت: أنا غايتو معاك في الشربوت

Post: #45
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 02:12 PM
Parent: #19

محمد أبوالعزائم
Quote: الطفاسة شنو؟ ديل كلهم؟ والله إلاّ تيقى سكرة ينّي البنسمع بيها
هي نفس ياخ نقعد نوفر فيها .. ينى البمشى يغنى .. زكرتنى واحد جا قاطع حلتنا ووقع من العجلة .. الليل كلو بحاول يركب .. فى الآخر نام والعجلة فوقو ..
Quote: إنت عندك البيرة الصااااقطة .. جاي للكوجو مورو؟
ماكانت البيرة مالية البلد .. الكجومورو براه ليه ملوكيته ..
Quote: تحت تحت: أنا غايتو معاك في الشربوت
الدكاى حق المحس ما ياهو الشربوت بس الـ (Pale Dry)

Post: #23
Title: Re: نفسى فى .. بقنية .. وشربوت .. ودكاى .. وكوجومورو
Author: almogira alemam
Date: 04-15-2008, 03:03 PM
Parent: #1

با المناسبة دى يا رافت عندنا فى الحلفاية واحدخواف شديد من الشرطة وجنو عرقى قام يوم قبضوه با السابتة مشى للقاضى قام القاضى سالو قاليهو انت قبضوك فى شنو قاليهو يا مولانا والله (شربوت ساااااااااااى) فبقت سايرة عليهو للان

Post: #46
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 02:20 PM
Parent: #23

Quote: با المناسبة دى يا رافت عندنا فى الحلفاية واحدخواف شديد من الشرطة وجنو عرقى قام يوم قبضوه با السابتة مشى للقاضى قام القاضى سالو قاليهو انت قبضوك فى شنو قاليهو يا مولانا والله (شربوت ساااااااااااى) فبقت سايرة عليهو للان

زكرتنى واحد فى أمدرمان .. قصتو معاكسة .. ده قبضوه وجلدوا ليك .. القصة حرقتو شديد .. بقى كل ما يضرب قزازة تطلع فى راسو يمشى للبوليس .. ينبزم ويتحداهم يودوه ينجلد .. يودوه يجلدوه يوماتى .. القصة إنقلبت وبقى ليهم فى رقبتم .. بقى العساكر لامن يشفوه يقوموا جارين

Post: #26
Title: Re: نفسى فى .. بقنية .. وشربوت .. ودكاى .. وكوجومورو
Author: esam gabralla
Date: 04-15-2008, 05:24 PM
Parent: #1

يا نصرانى

عاوز تورط الجمهور ....

الناس تمطق و خايفة ....

انت اختصر القصة و قول: نفسي في انداية ...

حصل جربت حاجة اسمها "ميز"؟ اسال ناس الديم و العشش

المحيرنى عينة اساسي ده

ينطبق عليهو الكلام: نشرب انحنا و تشلعوا انتو

اساسي ده لو ما مات بكون شق الترب

مشو العبار ده سريع ....

Post: #27
Title: Re: نفسى فى .. بقنية .. وشربوت .. ودكاى .. وكوجومورو
Author: اساسي
Date: 04-15-2008, 06:01 PM
Parent: #26

يا عصام من شفتك دخلت البوست دا قلت اكيد جاي تغني
عرقى العيش سواها فينا
سكرانين ورقدنا طينه

ـــــــ
يارأفت انا لحدي ما فارقت السودان وامنية ركس انه يلقي ليهو زول يشرب عنه الكأس الاولي
يكون قصده شنو يا عصام؟

Post: #28
Title: Re: نفسى فى .. بقنية .. وشربوت .. ودكاى .. وكوجومورو
Author: خدر
Date: 04-15-2008, 06:15 PM
Parent: #27

بلاهي اقرب بسط امن شامل قريب وين يا ابن العم ؟

________
اساسي ,, ركس ده اصعب زول بكون

Post: #49
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 02:47 PM
Parent: #28

يا خدر
Quote: بلاهي اقرب بسط امن شامل قريب وين يا ابن العم ؟
بندسوا ياخدر .. زمن قوانين سبتمبر كنت فى السعودية .. سألت واحد عن الحالة كيف .. قال لى بسيطة .. تفرغ القزازة فى خرطوش تقفلو بيى فلتين وتلفو فى ماسورة العجلة .. وتقطع أجعص نقطة تفتيش
Quote: اساسي ,, ركس ده اصعب زول بكون
ما أهو ناقش يا خدر .. أول زول برفعوك فى البوكس

Post: #47
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 02:33 PM
Parent: #26

يا عصام
Quote: يا نصرانى

عاوز تورط الجمهور ....

الناس تمطق و خايفة ....
النفس فيها والقليب ما بيها .. دى ترجمتها يوم لمحسن خالد
Quote: انت اختصر القصة و قول: نفسي في انداية ...
ببنابرا .. وتغزغز القزايز الفاضية فى الصريف قبلى وبحرى مجرى هوا لزوم الترطيب .. وتقعد تدوبى
Quote: حصل جربت حاجة اسمها "ميز"؟ اسال ناس الديم و العشش
شايف صلاح ما قصر وأداك الخبر اليقين .. بس عطن الصيوان
Quote: المحيرنى عينة اساسي ده

ينطبق عليهو الكلام: نشرب انحنا و تشلعوا انتو

اساسي ده لو ما مات بكون شق الترب
أساسى ده ود حلتنا ياخ .. قدامو جمال ووراه النقر ما ياها المقابر فى نصها .. ده حالتو ما حضر زمنا

Post: #29
Title: Re: نفسى فى .. بقنية .. وشربوت .. ودكاى .. وكوجومورو
Author: شول اشوانق دينق
Date: 04-15-2008, 06:58 PM
Parent: #1

كيف يا عمك (على قولة ود البشرى)

كلام عماد قوى خالص وشكراً لنقلك ليه هنا يا صديق.

بس إلا عليكم زيد العرقى ده فى العنوان عشان ما نزعل .

شول اشوانق

Post: #32
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-15-2008, 08:31 PM
Parent: #29

رأفت يا أصلي

كيفك ياخي
Quote: نفسى فى .. بقنية .. وشربوت .. ودكاى .. وكوجومورو

والله خرمتك عينة ..لكن لو شربتهم كلهم بيعملوا ليك ( نُفاخ ) أعمل حسابك ..
Quote: تتفن فى واطــة الله .. يجوبو ليك جردل دقة تطعمو بنصية .. المزة لحم تيس أصفااار على الجمر .. وجلسة صاااقطه .. والعرق زى الدهن فى جبهتك ..

ده شغل ( ديم ) عدييييييييييل ، شكلك كده محتاج ليك لي سفرة سريعة كده با ابن خالتي .. نتقابل هناك.
وشوف صاحبك عصام قال شنو ، الله عليك يا عصام يا قديم انت
Quote: حصل جربت حاجة اسمها "ميز"؟ اسال ناس الديم و العشش

الميز ده طبعاً( مريسة ) الحبش ، لونو قريب من لون المريسة لكن ما تقيل زيها ( آبري أحمر على فاتح كده ) وما فيهو ( حترب ) ..
تلاتة كبابي منو توزنك صاح .. طبعاً لغاية الآن الحبش بيقدموه في حفلات زواجهم ، والله بالبراميل ..
يجيبوه ليك بالجرادل ويختوه في التربيزة قدامك ومعاهو كبابي ، تقش فيهو لمن تقول بس ، وكل مرة تقوم تمشي ورا الصيوان ( تعملها ) وترجع ، تلقاهم ملوا ليك الجردل ، تلحسو كلو وتقوم تمشي تاني ورا الصيوان ..

___________________________
خدر يا حاقد ، عايز تفرتق الحفلة ؟؟؟

Post: #52
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 03:18 PM
Parent: #32

يا صلاح يا فردة
قلت يعمل ليك نفاخ
Quote: لو شربتهم كلهم بيعملوا ليك ( نُفاخ )

Quote: ده شغل ( ديم ) عدييييييييييل
ياحليل الخالة عجبة .. لما تزنق يوصلك فى بطن البيت
Quote: يجيبوه ليك بالجرادل ويختوه في التربيزة قدامك ومعاهو كبابي ، تقش فيهو لمن تقول بس ، وكل مرة تقوم تمشي ورا الصيوان ( تعملها ) وترجع ، تلقاهم ملوا ليك الجردل ، تلحسو كلو وتقوم تمشي تاني ورا الصيوان ..
أنت لقيت الجردل الما بفضى ده وحقصت .. تكون فاتتك أنجيرة العروس .. كان قعدت فيها .. بأكلوك البنات فى خشمك يا معلم .. خليك ورا الصيوان

Post: #51
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 03:02 PM
Parent: #29

شول اشوانق كيفك ومشتاقين
Quote: كلام عماد قوى خالص وشكراً لنقلك ليه هنا يا صديق.
كلام لو العالم تحس ببطولات الفراغ الهم فيها دى .. كل واحد مستنيها تنقلب عشان يقول أنا مناضل قلت وكتبت .. عايزينها جاهزة ببطولات غيرم .. عالم زبالة
Quote: بس إلا عليكم زيد العرقى ده فى العنوان عشان ما نزعل
دى ما الحاشية والعرقى الملك المتوج .. لكن بينى بينك .. العسلية بتديك مقيال يوم كااامل .. بس العرقى بشوتك بدرى بدرى

Post: #33
Title: Re: نفسى فى .. بقنية .. وشربوت .. ودكاى .. وكوجومورو
Author: هجو الأقرع
Date: 04-15-2008, 08:38 PM
Parent: #1

يا حليك يا رأفت ود ميلاد ، يا اخى كلامك ده ذكرنى بالولد الذى وجدها فرصة سانحة عندما رأى شخصا من السكر راقد فى الارض وبهدل ملابسه فقال الولد شفت يا ابوى عاقبة السكر شنو ، فقال الوالد والله يا ولدى ابوك مشتهى ليهو واحده ذى دى ، انت فى احلى مكان و مازلت تحن الى ناس البقنيه ، يا خوى كان غلبتك الغربه ارجع والله ابقى لينا عشرة على المعاك . بلغت سلامك للحبيب هاشم كرار و بسلم عليك ، ما شفته الزمن سوه فيهو شنو .

Post: #53
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 03:57 PM
Parent: #33

كيفك يا هجو يا زول الدخلك فى المعمة دى شنو
Quote: فقال الوالد والله يا ولدى ابوك مشتهى ليهو واحده ذى دى
دى يا هجو بقولوا أريتا فى راسى
Quote: انت فى احلى مكان و مازلت تحن الى ناس البقنيه ،
أحييييا يا هجو .. مادى النارية زاتا .. ما فى البقنية .. فى ناس البقنية والحصل ليهم ومعاهم .. ما مريت على كلام عماد الفوق وهو بقول :
Quote: الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!!
وقعت ليك الوجعة يا هجو
Quote: ما شفته الزمن سوه فيهو شنو
مالو هاشم .. الراجل دفعة ونحن لسة شباب .. بدرى من عمرك .. مش فى أغنية كده .. بطلوا الحركات أنت وكمال الزين تصغروا على حسابنا

Post: #35
Title: أنا نفسى فى شربوت...
Author: Mohiedin Sir El Khatim
Date: 04-16-2008, 05:35 AM
Parent: #1

وأنا نفسى فى مريســـــــة ....

" نشرب مما نزرع"

Post: #37
Title: Re: أنا نفسى فى شربوت...
Author: ابوبكر يوسف إبراهيم
Date: 04-16-2008, 09:07 AM
Parent: #35

الحبيب رأفت

ورأيك شنو تتمها ( كلوميت)!!!

Post: #55
Title: Re: أنا نفسى فى شربوت...
Author: رأفت ميلاد
Date: 04-16-2008, 04:46 PM
Parent: #37

أبو بكر زاااتو
Quote: ورأيك شنو تتمها ( كلوميت)!!!
كلوميت ومعاهو ستو .. يظبط تمام .. اليومين ديل زح مننا بنجيب ليك الكلام

مبروك تانى ياخ

Post: #54
Title: Re: أنا نفسى فى شربوت...
Author: رأفت ميلاد
Date: 04-16-2008, 04:07 PM
Parent: #35

مرحب يا محى الدين
Quote: وأنا نفسى فى مريســـــــة ....

" نشرب مما نزرع"
ما يسمعنى شيخ العرب .. زمان لامن أبو حريرة كان وزير التجارة وقف التصدير لكل المنتجات .. ووقف حال التجار والمنتجين .. بنكتوا على الدناقلة .. فى حصاد التمر يقول لى جارو .. أها تشربوا بالعافية

مرحب بيك محى الدين سرالختم عندنا هنا وفى المنبر .. وإنشاءالله يطيب ليك وبيك المقام

تعديل إملائى

Post: #38
Title: Re: نفسى فى .. بقنية .. وشربوت .. ودكاى .. وكوجومورو
Author: أبي بكر سيد احمد
Date: 04-16-2008, 09:59 AM
Parent: #1

يااااااااااااااااااا رأفت ... يا صديقي

أولاً مشتاقين بحر

ثانياً ما ملاحظين ان البوست دا (ريحته طااااقه ):

ـــــــــــــــــــــــــــــــــــــــــ

الريح على الأبواب ....

بتقسم الإحساس للغاشي والماشي

كل الوطن للناس

لا خاصة لا عامه ..

ومهما العرق دساس

شرف الكتابه عيون ...

في اللوح وفي الكراس ....

Post: #56
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-16-2008, 04:55 PM
Parent: #38

أبو بكر يا عزيز
شايفك بى هناك .. ولابد ليك
Quote: ثانياً ما ملاحظين ان البوست دا (ريحته طااااقه ):
بس الريحة الطاقة الشاقا راسنا .. فارقا معانا شديد .. أكان ريحة العرقى .. وريحة عرق أهلى فى حافلة ولا فى طابور رغيف .. ولا إنشاءالله مول عفراء .. كلو مريسة ..

الريحة الما بقدر عليها ريحة خشم تحتو دقن نازل على كرش مليانة بحق الناس .. وكلام كلو نفاق ..

جاينكم وكان ما لقينا منكم طلبنا نبقى على شربوت ناصر
Quote: الريح على الأبواب ....

بتقسم الإحساس للغاشي والماشي

كل الوطن للناس

لا خاصة لا عامه ..

ومهما العرق دساس

شرف الكتابه عيون ...

في اللوح وفي الكراس ....
بديع

Post: #41
Title: Re: نفسى فى .. بقنية .. وشربوت .. ودكاى .. وكوجومورو
Author: osman righeem
Date: 04-16-2008, 12:54 PM
Parent: #1

رأفت يا حبيب
من الصيام

عندي فسيخ بلزمك
ولله بتشم ساي

Post: #65
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 08:11 AM
Parent: #41

عثمان رغيم .. وييين يا زول
ولا أنا المافى .. لكن الحال ياهو
Quote: عندي فسيخ بلزمك
ولله بتشم ساي
يازول أنا ما باكل فسيخ إلا وارد كوستى ..
والله هسة الحجة كان شافت مداخلتك دى تطلب تلفونك بالسريع .. تبقى فى قصة والله كنت بهزر ساكت ..

لكن بصراحة الفسيخ ما بخارج مع السنة .. بنعس وينومك فى البمبر .. تبقى عليك قصة زول هجو داك

Post: #48
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-16-2008, 02:37 PM
Parent: #1

Quote: ماكانت البيرة مالية البلد ..

زي دي كدة؟

Post: #50
Title: Re: نفسى فى .. بقنية .. وشربوت .. ودكاى .. وكوجومورو
Author: Emad Abdulla
Date: 04-16-2008, 02:53 PM
Parent: #48

Quote: عرقى حر من وارد دنقلا
زح من أهلي يا حلبي يا منعول ..
قالوا ( يكفينا شر قلنا و قالوا ) عمك عمر اللوري يغرز منو في الباجة و يقطع ..
يتموهو من تنك العرقي ..
و يبروا نفسهم معاهو جبدة جبدتين ..
آخر ما آخر .. يقوم اللوري .. و تقوم الناس ..
و الدنيا عديلة و في أمانة الله .

و كده و كده و زاد وجدي .

.....
كاسك يا شاب ..
و على نيل بلادنا .. سخام .

Post: #58
Title: Re: نفسى فى .. بقنية .. وشربوت .. ودكاى .. وكوجومورو
Author: فيصل عثمان الحسن
Date: 04-16-2008, 05:39 PM
Parent: #50

رأفت يا عزيز تحياتى .
فى حاجة اسمها أم تبعج , وأظنو من اسمها واضح بتعمل شنو , أم تبعج دى
من ابداعات اخوانا التشاديين , ودى مكان نشاطها الرأس والمعدة والمؤخرة ,أى والله
المؤخرة , يعنى ما زى المزة حقت الحبش والمريسة حقتنا تشرب وتبول , والعرقى تشرب
وتبذق , دى يا زول تشرب وتشوف ليك سهلة واسعة وتتفرجخ , ويفضل شرابها فى موقع
العمليات ذات نفسه لأنها ما بتدى الواحد فرصة عشان يفتش المكان المناسب .

Post: #68
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 09:00 AM
Parent: #58

Quote: فى حاجة اسمها أم تبعج , وأظنو من اسمها واضح بتعمل شنو , أم تبعج دى
من ابداعات اخوانا التشاديين , ودى مكان نشاطها الرأس والمعدة والمؤخرة ,أى والله
المؤخرة , يعنى ما زى المزة حقت الحبش والمريسة حقتنا تشرب وتبول , والعرقى تشرب
وتبذق , دى يا زول تشرب وتشوف ليك سهلة واسعة وتتفرجخ , ويفضل شرابها فى موقع
العمليات ذات نفسه لأنها ما بتدى الواحد فرصة عشان يفتش المكان المناسب .
قلت لى أم تبعج يا فيصل ياخ .. يعنى دى الواحد كان لازم يرجع بالمواصلات إلا يكون لابس بامبر .. ياخ لا أم تبعج لا بتها .. وبعدين الكلام ده جبتو من وين ؟ أصلو ما شفت لى تشادى سكران .. بتاعيين عروق سااااكت ..

عليك الله أم تبعج يا حكمندار .. والله ده كان لقيتو أسلمو خدر

Post: #67
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 08:29 AM
Parent: #50

Quote: زح من أهلي يا حلبي يا منعول ..
قالوا ( يكفينا شر قلنا و قالوا ) عمك عمر اللوري يغرز منو في الباجة و يقطع ..
يتموهو من تنك العرقي ..
و يبروا نفسهم معاهو جبدة جبدتين ..
آخر ما آخر .. يقوم اللوري .. و تقوم الناس ..
و الدنيا عديلة و في أمانة الله .
اللوارى دى فى مدنى كنا بنعرف مواعيدا .. تجمع بدرى بدرى فى موقف الحلة الجديدة .. تتفن معاهم فى الواطـة .. عليك لعضة وعليهم السنة .. والحلة (بكسر الحاء) وراكم .. بس كضابين خلاس بعد يسنسنوا .. جنس قصص .. وكلها فى البلد .. دنقلا ولا تكساس
Quote: و كده و كده و زاد وجدي .
ونوم عينى أصبح قليل
Quote: كاسك يا شاب ..
و على نيل بلادنا .. سخام .
كاسك يا وطنى .. المهم ما تفطنى .. كان كاسى مليان دبلوا ..

__________
عندى ليك سلام لزيز .. جاييك فى المسنجر بدون مؤامرات

Post: #66
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 08:18 AM
Parent: #48

Quote:
زي دي كدة؟
يا حليلا .. كان الخواجات ما يشربوا غيرا ..
تعرف يامحمد أبوالعزائم كنا مراجعين فى المنطقة الصناعية بحرى .. آخر الدوام نخش مصنع البيرة .. ما بدوك تشيل معاك .. لكن عندهم كوز كبييير يملوه ليك من الحوض .. بااارد .. تشرب قدر ما تقدر

أهو داك الكوز الوحيد الكنت بعزو فى السودان

Post: #57
Title: Re: نفسى فى .. بقنية .. وشربوت .. ودكاى .. وكوجومورو
Author: أبو ساندرا
Date: 04-16-2008, 04:59 PM
Parent: #1

طلعت بتاع { جو *} يا رأفت

غايتو تقعد تباري لي الملعون المسمى ب عماد عبدالله
الشافك أو سمعك بيك غيرت السوائل أو الفواكه أعلاه
بهوائيات وأعشاب وخرنديز
ما كضب

* الجو : لقب يطلقه الديامة على الأنادي
الكانت كائنة في مكان المجمع الديني للبرهانية حاليآ
المتاخم للسوق الشعبي وميدان سباق الخيل وأرض الحيوان
والتي لاتبعد كثيرآ عن ديم سلك حيث قطن رأفت ميلاد بعض الوقت

Post: #69
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 09:14 AM
Parent: #57

أبو ساندرا
Quote: غايتو تقعد تباري لي الملعون المسمى ب عماد عبدالله
الشافك أو سمعك بيك غيرت السوائل أو الفواكه أعلاه
بهوائيات وأعشاب وخرنديز
ما كضب
أنت لسة بتقول فيها
Quote: * الجو : لقب يطلقه الديامة على الأنادي
الكانت كائنة في مكان المجمع الديني للبرهانية حاليآ
المتاخم للسوق الشعبي وميدان سباق الخيل وأرض الحيوان
والتي لاتبعد كثيرآ عن ديم سلك حيث قطن رأفت ميلاد بعض الوقت
الترجمة على الشريط .. واحدة سمعتنا بنتكلم .. قالت لى ونستكم زى الفلم المدبلج

هسة أنت بتوصف فينا كدة زى المارى بالديم ماشى لى بيتكم فى نمرة 2 .. تعرف بيوتنا جمب ميدان الديم وسط .. تعرف بيت خالتك بتاع العسلية .. نصحى يوم الجمعة بدرى زى الماشى المطار .. ولا تلقى ناس العربات جايين من ويين وين بى جركاناتم لحسوها كلها ..

Post: #59
Title: Re: نفسى فى .. بقنية .. وشربوت .. ودكاى .. وكوجومورو
Author: محمد مكى محمد
Date: 04-16-2008, 06:25 PM
Parent: #1

يا رأفت البيرق لسه مرفوع ولا نزلتوه..أولاد الديم ديل ماحيخلوا فيها حاجه

Post: #70
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 09:19 AM
Parent: #59

Quote: يا رأفت البيرق لسه مرفوع ولا نزلتوه..أولاد الديم ديل ماحيخلوا فيها حاجه
ود مكى .. ما نحن و نحن الشرف البازخ دابي الكر (شباب) النيل

وزى ما قاليك فى صحة الزبالة

Post: #60
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-16-2008, 08:21 PM
Parent: #1

سَيِدي الفاضِل / رأفت ميلاد ... المُحترم

هذا ذكرني بِطُرفة ... قاليك زول في أمريكا إتقريف ليهو لِسيجارة قام شحد ليهو خواجة
هيا خواجة عِند سيجارة عادِية ؟
ما بدخِن
ولا بنقو ؟
أبداً
سمِح كأس ويسكي ساي ؟
ما بشرب الخمر
سمِح وِكِت ده كلو ما بتسويهو ، كافِرلا شِنو !

ودُمتُم ،،،

Post: #61
Title: Re: نفسى فى .. بقنية .. وشربوت .. ودكاى .. وكوجومورو
Author: عماد شمت
Date: 04-16-2008, 09:02 PM
Parent: #60

انتوا رايحه ليكم سكرة ولا طاير ليكم عبار

سلام ياحلويين

Post: #62
Title: Re: نفسى فى .. بقنية .. وشربوت .. ودكاى .. وكوجومورو
Author: Adam Omer
Date: 04-16-2008, 09:20 PM
Parent: #61

الاخ هناك انا من امس راجى واحد يجيب معاهو العضة

فيصل جاب ام تبعج وام دى ما بتنفع الا فى مناطق العمليات

والعجب لو كان فى واحدهارب وداقين لية كمين الكلام دا ليك يا قيصل

انا عليى العتوت فيصل عليك راس النيفة عماد عليك الاقاشيى وعصام جراللة يجيب الكوارع ويجيى

Post: #63
Title: Re: نفسى فى .. بقنية .. وشربوت .. ودكاى .. وكوجومورو
Author: عماد شمت
Date: 04-16-2008, 10:29 PM
Parent: #62

اخوي ادم اقاشي اجيبه من وين؟؟ العشش دقسوا وشالوها..

الواحد كان يقطع الظلط يلقي الاطايب ...لكن بجيب ليكم الكجيك !!!

والله مع الدكاي في حاجة اسمها النبيت بطلع بعد ما يعملوا الدكاي بسكر شويه

لكن لو كترت منه ياهو النبيت!! ما بتحلك الا تبيت ثلاثه ايام, يعني تشرق وتغرب مع الشمس

وانت في السرير

Post: #81
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 06:40 PM
Parent: #63

Quote: والله مع الدكاي في حاجة اسمها النبيت بطلع بعد ما يعملوا الدكاي بسكر شويه
تعرف يا عمدة النبيت ده بنشف البطن .. إلا تكسر الدكاى بأم تبعج

Post: #80
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 06:35 PM
Parent: #62

Quote: انا عليى العتوت فيصل عليك راس النيفة عماد عليك الاقاشيى وعصام جراللة يجيب الكوارع ويجيى
يا بقارى بطل الفضايح .. إنت وعماد فيصل بتمزوا العمبلوق بقزازة كولا ..
أنا خطتى الصيف الجاى عصام جبرالله بس

أم تبعج يا فيصل ..

أقعد بارى لى ناس شحتو ديل

Post: #78
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 06:30 PM
Parent: #61

Quote: انتوا رايحه ليكم سكرة ولا طاير ليكم عبار
والله يا عمدة غريبة بعد الكلام ده تسأل

ناس لا ناقة لا جمل ديل .. إتعلمتوا الغنا كيف ما عارف

Post: #71
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 09:42 AM
Parent: #60

عزام أولآ مرحب هنا وهناك وفى كل مكان
عزام دى كان جات فى آخر الإسم .. كان قلت ليك من أولادنا بتوع أمدمان
Quote: هذا ذكرني بِطُرفة ... قاليك زول في أمريكا إتقريف ليهو لِسيجارة قام شحد ليهو خواجة
هيا خواجة عِند سيجارة عادِية ؟
ما بدخِن
ولا بنقو ؟
أبداً
سمِح كأس ويسكي ساي ؟
ما بشرب الخمر
سمِح وِكِت ده كلو ما بتسويهو ، كافِرلا شِنو !
دى ذكرتنى زمان لمن الدنيا بخيرا وما فيها فرز .. قالوا إتنين أصحاب طالعين ونازلين .. طبعآ أولادنا بتوع المسالمة الأقباط .. ما بتفرزوا .. اللون أخدر والأسامى مشتركة .. المهم يا زول يوم لاقاهو واحد صاحبو قال ليه فردتك القبطى وين الليلة .. قال ليه "ياتو ده" .. قال ليه فلان .. مشى ليه من دربو وقال ليه "يا زول أنت مسيحى" قال ليه أيوة ..
قال ليه ياخوى نحن سكرنا سوا .. داقشين الحلة سوا .. رمضان فاطرنو سوا .. الكافر ليها شنو

مرحب بيك تانى

Post: #64
Title: Re: نفسى فى .. بقنية .. وشربوت .. ودكاى .. وكوجومورو
Author: عمر سعد
Date: 04-16-2008, 10:48 PM
Parent: #1

يا رافت عرفت الشربوت وكجومورو لكن الاتنين الباقيات ديل ما عرفتهم

بقنية ودكاى

فسر ؟ابقى فشرها........................

Post: #84
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 06:52 PM

Quote: الاتنين الباقيات ديل ما عرفتهم

بقنية ودكاى

فسر ؟ابقى فشرها........................
عمر سعد خت لى تلفونك ياخ .. لا ضربت لا حاجة
وبعدين سيبك من رجالة أبو ساندرا دى .. قال بتاع نسوان قال ..
البقنية يا عمر شربوت المريسة .. والدكاى عرقى الشربوت .. فهمت حاجة !!

يعنى البقنية مريسة بيوت مخفة ومصرح بيها .. وفى العيد بشربوا منها العيال عشان ينوموا بدرى بدرى .. ويمصما الراجل ومرتو عشان يعيدوا كويس .. عشان المريسة الجد بتدى قفاك وتنوم ..

أما الدكاى الدرجة التانية من الشربوت فى التعتيق .. وكلو تمر .. شربوت ثم دكاى ثم عرقى ..

ما شفت ليك حجة ضاربة دكاى !! إنت جاى من ياتو موردة ..

Post: #72
Title: Re: نفسى فى .. بقنية .. وشربوت .. ودكاى .. وكوجومورو
Author: Haitham El Galal
Date: 04-17-2008, 09:45 AM
Parent: #1

يا جماعه انتو لسه مدورين

ذكرتنى يا رأفت قالو زمااااااااااان جماعه قالو يمشو مزرعه واحد معاهم يخمو الرماد كم يوم كده قبل رمضان ما يكابس الجماعه دخلو المزرعه بجماعتهم وهاك يا افراح وليالى ملاح وكلو المهم بعد ما طولو رجعوا للناس لقو اجازة العيد انتهت

مودتى

Post: #73
Title: Re: نفسى فى .. بقنية .. وشربوت .. ودكاى .. وكوجومورو
Author: صلاح أبودية
Date: 04-17-2008, 12:39 PM
Parent: #72

يا جماعة إنتو سكرتوا ول شنو..؟

Post: #86
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 07:26 PM
Parent: #73

صلاح أبودية مرحب بيك أول مرة نلاقيك فى القعدة دى
Quote: يا جماعة إنتو سكرتوا ول شنو..؟
زكرتنى زمان المرحوم جعفر على بخيت كان نظريات قوية كدة زى الشمولية والققز على العامود .. وحاجات كدة ما بستوعبوها ناس النميرى وعساكرو .. النكتة بقولوها جعفر بخيت ووجعفر نميرى فى قعدة .. النميرى كل ما يشرب كاس يوصف وزير بدون يقول إسمو ويقرر يرفتو .. لمن وصل الكاس الخامسة قال فى واحد يومى الأعرف بقول فى شنو أشوتو .. جعفر بخيت قال ليه يا ريس أنت سكرت ولا شنو

تتصور ده الأمام الأقام الحد فى محمود محمد طه .. مع دفعتو فى حنتوب المن فوق صورة الترابى

Post: #85
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 07:09 PM
Parent: #72

Quote: ذكرتنى يا رأفت قالو زمااااااااااان جماعه قالو يمشو مزرعه واحد معاهم يخمو الرماد كم يوم كده قبل رمضان ما يكابس الجماعه دخلو المزرعه بجماعتهم وهاك يا افراح وليالى ملاح وكلو المهم بعد ما طولو رجعوا للناس لقو اجازة العيد انتهت
هيثم الجلال كيفك ومشتاقين والله
جماعتك ديل ماخمو الرماد بس .. ديل خمو رمضان والعيد زاتو ياخ

أظهر ياخ

Post: #74
Title: Re: نفسى فى .. بقنية .. وشربوت .. ودكاى .. وكوجومورو
Author: أبو ساندرا
Date: 04-17-2008, 01:31 PM
Parent: #1

سأل عمر سعد :
بقنية ودكاى

فسر ؟ابقى فشرها
--------------------------
البقنية : دي مريسة أهلك الجعليين أو بالأحرى الجعليات
وكمان ناس الغرب ، وهي أصلآ بتاعت نساء عشان خفيفة
وبتصنع من تخكير الكسرة أو تخفيف الذريعة
بإختصار هي مريسة خفيفة ، خففت للنساء
الدكاي : ده بتاع شايقية وميزته انه بيدفن حتى يقوى ويتعتق
{ الدافننو في جوف الخوابي } زي مافال سماعين حسن

Post: #88
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 07:41 PM
Parent: #74

Quote: البقنية : دي مريسة أهلك الجعليين أو بالأحرى الجعليات
وكمان ناس الغرب ، وهي أصلآ بتاعت نساء عشان خفيفة
وبتصنع من تخكير الكسرة أو تخفيف الذريعة
بإختصار هي مريسة خفيفة ، خففت للنساء
الدكاي : ده بتاع شايقية وميزته انه بيدفن حتى يقوى ويتعتق
{ الدافننو في جوف الخوابي } زي مافال سماعين حسن
ياخوى البقنية شربناها مع ناس الزيداب .. يضربوا البقنية .. وبالليل الذكر .. كان عندهم حولية إسمها أولاد ود غميد .. نقعد بعيد فى الخلا فى الضلمة ونمزمز .. لما صوت النوبة يخفت كدة بنعرف الفتة وصلت .. نتسلل من ورا الصيوان .. وتخمش ليك اللحمة من فوق الفتة وفللى ..

أما الدكاى يا سيدى محس سااااكت .. الغرب فيه تمر !!

Post: #75
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-17-2008, 01:57 PM
Parent: #1

Quote: وكمان ناس الغرب

يا داقس ... ناس الغرب عندهم ال (دولنق)

Post: #76
Title: Re: نفسى فى .. بقنية .. وشربوت .. ودكاى .. وكوجومورو
Author: عمار عبدالله عبدالرحمن
Date: 04-17-2008, 02:35 PM
Parent: #75

قعدتكم دي ما فيها مزه ,,, ولا دقستوا

كتروا منتها ولا بجيب ليكم الكشه ...........

----------------------------------------------------
الديامي عمرو ما بطور لوده لاس فيغاس يقوليك عاشه ووكر بتظبط راسي

Post: #94
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:04 PM
Parent: #76

Quote: قعدتكم دي ما فيها مزه ,,, ولا دقستوا

كتروا منتها ولا بجيب ليكم الكشه ...........
ياعمار مزة آدم عمر دى كلها ماكفتك ؟
بعد ده إلا يجيبوا ليك فقرة ..(بكسر الفاء)

أبو داؤود رحمه الله قاعد فى الصبحية كل ماتخش صينية يلقى فيها رقبة بزوغ .. لامن جات الخامسة إتشابى لقى الضلع رقبة .. قال ليهم "إنتوا ضابحين زرافة"
Quote: الديامي عمرو ما بطور لوده لاس فيغاس يقوليك عاشه ووكر بتظبط راسي
ما ده التفرد يافردة

Post: #77
Title: Re: نفسى فى .. بقنية .. وشربوت .. ودكاى .. وكوجومورو
Author: عمر سعد
Date: 04-17-2008, 05:34 PM
Parent: #75

Quote: يا داقس ... ناس الغرب عندهم ال (دولنق

ياخى لو ابوساندرا داقس معناتو الرماد كال حماد وهو تصدى للشرح

وعملة لى جعليين وشوايقة.......................طيب الحلفاويين عندهم شنو

والدينكا ......................... والرشايدة....................

والرباطاب.........................................

والبقية تاتى

Post: #95
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:07 PM
Parent: #77

Quote: طيب الحلفاويين عندهم شنو

والدينكا ......................... والرشايدة....................

والرباطاب.........................................

والبقية تاتى
كلوا بيى سكروا .. كدى لقينا فى البنعرفوا ..

Post: #90
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-17-2008, 08:00 PM
Parent: #75

محمد أبوالعزائم
Quote: ناس الغرب عندهم ال (دولنق)
ده شنو ده كمان .. تقول تحت تحت شربوت بس

Post: #79
Title: Re: نفسى فى .. بقنية .. وشربوت .. ودكاى .. وكوجومورو
Author: أبو ساندرا
Date: 04-17-2008, 06:35 PM
Parent: #1

والدينكا
--------------
القامزوت ، والصاح : القام زوت
وأصلآ وافد لهم من غرب السودان بمفهومه الكبير

عموم الشرق فيهو : السكو سكو
وهو من فصيلة الأنيشا الحبشية

Post: #83
Title: Re: نفسى فى .. بقنية .. وشربوت .. ودكاى .. وكوجومورو
Author: Emad Abdulla
Date: 04-17-2008, 06:52 PM
Parent: #79

Quote: السكو سكو
وهو من فصيلة الأنيشا الحبشية
كضباً كاضب ..
تشابهت عليك ( الأدوية ) يا كبير ..

( قال المغني اللط :
يا روزينا
كبي لينا
من قزازة الأنشا ..
يقوموا الشيالين الألطّ يقولوا :
من قـ هيغئ ـزازة الزفـ هيغئ ـتِ ده ) .

.....
الطفى النور منو ؟؟؟

Post: #82
Title: Re: نفسى فى .. بقنية .. وشربوت .. ودكاى .. وكوجومورو
Author: سيف الدين مصطفى كرار
Date: 04-17-2008, 06:41 PM
Parent: #1

border=0>

" />">.com>[/IMG][/
I]

Post: #87
Title: Re: نفسى فى .. بقنية .. وشربوت .. ودكاى .. وكوجومورو
Author: فيصل عثمان الحسن
Date: 04-17-2008, 07:32 PM
Parent: #82

آدم يا خوى , أم تبعج دى الا يجيبا لينا عبدالباقى شحتو , لأنو بعرف الدريبات كويس
وممكن يسويها براهو , لكن بينى وبينك عبد الباقى محتال وممكن يسويها مضروبة , عشان
كدة أول حاجة نجربها فيهو .
بعدين يا رأفت وكت تشرب أم تبعج مواصلات شنو العايز تركبا , الا تكون مشتهى ليك فيضحة
ساكت , أم تبعج دى يا زول قلنا ليك شراب خلا , والمكان البتشرب فيهو تنوم فيهو , ما فى
أى طريقة للانتقال لمكان آخر فى حضرة أم تبعج , يعنى بالواضح كدة فلة ما بتحلك تقول لى
بامبرز .

Post: #98
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:34 PM
Parent: #87

Quote: آدم يا خوى , أم تبعج دى الا يجيبا لينا عبدالباقى شحتو , لأنو بعرف الدريبات كويس
وممكن يسويها براهو , لكن بينى وبينك عبد الباقى محتال وممكن يسويها مضروبة , عشان
كدة أول حاجة نجربها فيهو .
فيها شحتو ؟؟ والله قلبى ان حاسى
Quote: بعدين يا رأفت وكت تشرب أم تبعج مواصلات شنو العايز تركبا , الا تكون مشتهى ليك فيضحة
ساكت , أم تبعج دى يا زول قلنا ليك شراب خلا , والمكان البتشرب فيهو تنوم فيهو , ما فى
أى طريقة للانتقال لمكان آخر فى حضرة أم تبعج , يعنى بالواضح كدة فلة ما بتحلك تقول لى
بامبرز .
يا فيصل اخوى ما أهم حاجة الحوامة .. خلا شنو الببيت فيه ..
ذكرتنى زمان فى ود نباوى الحفلة عند الجيران .. قلنا حق القماير كعب .. نمشى الديم .. غازى إتفلسف علينا وقال أمشوا لى حواء وقولوا ليها من حق الطيارين .. لامن قلنا ليها كحلتنا كحلة سريعة كده .. وأدتنا من القفة البى وراها .. بنظرة كدة زى قصة بطلوا الفلسفة .. قعدنا فى الحوش .. تلاتة كاسات الشمس ضربتنا .. لا شفنا لا حفلة و بتاع .. القزازة صبحت مليانة مافى زول كاسا تانى

Post: #89
Title: Re: نفسى فى .. بقنية .. وشربوت .. ودكاى .. وكوجومورو
Author: Emad Abdulla
Date: 04-17-2008, 07:46 PM
Parent: #82

Quote: هسة أنت بتوصف فينا كدة زى المارى بالديم ماشى لى بيتكم فى نمرة 2
آآآآآآآآخ يا كراعي ..
يا الللللللللللله ..

كبكبك .. كبكبك .. كبكبك
هُم نسونا .. قالوا ما نسونا ..
هُم نسونا .. قالوا ما نسونا ..
هُم نسونا .. قالوا ما نسونا ..

Post: #97
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:23 PM
Parent: #89

يا عمدة ما تتخج كتير .. تتملص فيك حاجة

نمرة 2 دى "نمرة" ما بعرفا إلا أبوساندرا وعبد المنعم سليمان
ما الجات فى بالك
اللية إحتفلت بينا بى كلو
بس أوعاك من أم تبعج

Quote: ( قال المغني اللط :
يا روزينا
كبي لينا
من قزازة الأنشا ..
يقوموا الشيالين الألطّ يقولوا :
من قـ هيغئ ـزازة الزفـ هيغئ ـتِ ده ) .

مش كويس وصلوا يغنو .. ما زى فنانا الفتح الباب بالقلبة وقع العتب فى راسو

Post: #197
Title: Re: نفسى فى .. بقنية .. وشربوت .. ودكاى .. وكوجومورو
Author: اْسامة اْباّرو
Date: 04-25-2008, 01:58 PM
Parent: #97

Quote: والقام زت .. مانسيت العنوان أبى يشيل
أكان
العنوان ما شال إت راسك أبى ؟
ود ميلاد الريق مالو جرى سوريبة والشلاليف إتشققت
حليل الدهن المغتى الكانى ، وسمحه النفخه ومسحة الشنب وجبيدو
سلام يا رأفت أظنك فايته فيك عطشة بت زبدى
( بت زبدى دى طبعاً فى شارع رأفت ، بين بركات وود الشافعى )
إت من دييييييك مريوق
ااشى تكاى مو دكاى عشان بتحلى الإنتكاية والغميدة بعدو
سلمت وما كركبن قريعاتك

Post: #236
Title: Re: نفسى فى .. بقنية .. وشربوت .. ودكاى .. وكوجومورو
Author: يوسف محمد يوسف
Date: 05-02-2008, 09:24 AM
Parent: #89

رافت ميلاد .. كل الود والتقدير

الواحد بعد ما يكمل مروره على البوست ده ... عايز ليه ام فتفت ناعمة .. بى دكوه وشطة خضراء وحمراء
مع اتى بقر وبصله حاره ... عشان راسه يستعدل !!

عطشتونا !!!!!!!!!!

سلام

(ع/م)
يوسف

Post: #93
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 11:58 AM
Parent: #82

سيف الدين مصطفى كرار

طيرتها من راسنا ياخ
مستنيك من أمبارح توضح

صورتين ماظهروا .. والزول القاعد ده منو ؟؟؟؟؟

راجيك

Post: #91
Title: Re: نفسى فى .. بقنية .. وشربوت .. ودكاى .. وكوجومورو
Author: Deng
Date: 04-18-2008, 01:25 AM
Parent: #1

Quote: يا دينق
سلامات يا مان ...
ياخ أنا جيت لحدي بلدكم ديك و ناس الـ Homeland Security ما قصروا معاي لما قلت ليهم أنا زميل دينق في البورد
شكراً يا أبو الزمل

الاخ غباشي.

معليش أنا يا دوب دخلت البوست ده بعد ردك.

إنشالله تكون قضيت وقت جميل بأمريكا، وإنشالله الجو يكون أتصلح معاك.

بعدين الاستقبال بتاع ناس الجوازات ده بقى شئ طبيعي في البلد دي بعد 911.

دينق.

Post: #92
Title: Re: نفسى فى .. بقنية .. وشربوت .. ودكاى .. وكوجومورو
Author: abubakr
Date: 04-18-2008, 05:50 AM
Parent: #1

Quote: في صحة الزبالة يا ابن خالتي .

سمعنا انو الزبالة " في بلدي تلك عندها جضوم ....

Post: #99
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:44 PM
Parent: #92

Quote: سمعنا انو الزبالة " في بلدي تلك عندها جضوم ....
أبو بكر كايسك ياخ .. بجيك بهناك ..
ذكرتنى قصة محزنة للزيى وزيك الطولوا ديل .. بنتونس فى النت ومعانا شباب وشابات من السودان .. صاحبى الفى أمريكا 35 سنة .. بتحسر قال مشى السودان سنة كم و تمانين .. صحى الصباح لقى الزبالة الجمب بيتم فيها حمار ميت .. نطت واحدة من السودان قالت ليهو حمار شنو ياخ .. هسى عاااادى تلقى فيها طفل حديث الولادة ميت ..

نفسى فى عرقى بتاع حجة فاطنة يا أبو بكر .. بتعلو لى مخصوص ومجانى .. بس أجيب التمر والسكر .. خايفة على من حجار البطاريات ..

Post: #96
Title: Re: نفسى فى .. بقنية .. وشربوت .. ودكاى .. وكوجومورو
Author: د.محمد حسن
Date: 04-18-2008, 12:21 PM
Parent: #1

Quote: يا شعبي الذي سحق الظلام

يا شعبي الذي سحقه الظلام

رافت

سلامات

بالانيشا

Post: #100
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 12:47 PM
Parent: #96

د. محمد حسن
Quote: يا شعبي الذي سحقه الظلام
القرون الوسطى ولا الكهوف الله أعلم ..

كاسك وطنى

Post: #102
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-18-2008, 01:29 PM
Parent: #100

يا رأفت كيف أصبحت / أمسيت

Quote: الخدرة .. الملبوكة .. الشديدة .. العفنة .. الوزنة

قلت لي الملبوكة ؟؟ والله معلم يا أخو .. تصدق دي كلمة ما منتشرة بين الكييفة
بسيطين البيعرفوها .. يقول ليك ماشين نتشبك ونتلبك .. ويقول ليك ( شبيك لبيك ).
ومن أسمائها برضو ، الهوا، الترتار ، المدورة ، القرش ، القشة ، النجيلة ، الدخينات ،
الدخنة ، خرا بعشوم ، وخرا بعشوم دي ( مع الاعتذار للاسم الشين ده ) نوع من البنقو بيجي من افريقيا الوسطى
ولو ما كنت زول ( شديد) سيجارة واحدة بتقوم بيك بالراحة ، وتوصلك بعشر زي الترتيب .
وطبعاً ما في زول كان بيجيبها غير ( ع . حريقة ) الله يرحمو الشهير بلقب الخواجة أشهر معلم في الخرطوم
وده بيعرفوه أولاد الحلة الجديدة كويس

الخواجة ده يا رأفت كان زباينو ناس ما بنشوفهم الا في التلفزيون أو في الجرايد ..

الزمن اتغير يا أصلي

Post: #103
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 02:10 PM
Parent: #102

يا أبو صلاح لقيتك كاحل
Quote: الخواجة ده يا رأفت كان زباينو ناس ما بنشوفهم الا في التلفزيون أو في الجرايد ..
عندو حماية تمام ..

تعرف ياصلاح .. أساميها ما بتكمل .. وكل بلد ليه أكوادو .. رندوك يعنى .. يعنى الملبوكة من الغرب والفله (بفتح الفاء مازى الفًله بتاعة فيصل) من الجنوب ..

عندنا (الأستاذ) من ود نباوى حاجة كدى كارثة زى صبرى عيون .. يوم مشي الخانة مع واحد لعيبة المريخ القدامى .. رادفو فى الموتر وفى السكة إختلفوا .. قال ليهو نزلنى .. شفت فى زحمة المحطة الوسطى أمدرمان .. إختار ليك عسكرى لئيم معروف وفرمل قدامو .. قال ليهو يا جنابو الزول ده عندو بنقو .. صاحبك نط من الموتر وجك وسط ااعربات والزحمة .. وهو عشق وإتخارج .. العسكرى إتسمر محلو

Post: #101
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-18-2008, 01:21 PM
Parent: #1

الأخوة المتداخلون ....
الأخ رأفت ( أقصد أخي الأكبر)

أتابع هذه ( القعدة ) من على البعد فلي سابقة مع قصص ( المزاج) حيث أذكر أن ( أحدهم) خرّب لي قصة نشرتها في احد المنتديات السودانية بل وهكّر جهازي ولكن ..... تابعتها ولم أتوقف .....
اليكم منها هذا المقطع :

Quote: ....... كانت المرأة التى تجلس "وتعبر" او تسقي الجمع هي عشة ووكر بشحمها ولحمها..... كانت سمراء اللون .. (بالطبع) ......وجهها دائري ويزيده دوراناً طريقة تصفيف شعرها " المشاط" يميزها ذلك الجمال الهادئ ودقة ملامحها وأنفها الصغير الحجم ، تجلس على مقعد بلدي " بنبر أو بمبر" كبير نسبياً .... كانت ممتلئة الجسم او " تريانة" ، ولكنها لم تكن بدينة . يمكنني أن أقول بأنها في بداية الأربعينيات وقتها ...كان شكلها سودانية مية المية شوية من هنا ..وشوية من هناك .

كان الضوء خافتاً ولكني كنت ألمح النعومة البادية على جلدها ابتدرت امير بالسلام بصوت نسائي قوي ومميز " إزييك يا استاذ !! مبروك لي اخوك .وشفقان مالك ما كان تصبر لحدي الحفلة ما تبدأ " ضحكة قصيرة .. ..وده منو المعاك ده ؟ " أجابها "ده ود عمي من الخرطوم".......

أنا حا أجيب ليكم العضة متبرع بي كوارع رهيبة

Post: #104
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 02:31 PM
Parent: #101

مرحب بيك أسامة فى القعدة وفى المنبر
شكرآ على الكوارع ..
هنا الكوارع والعكو والعنبلااليق متوفرة .. السنكيت مضروب .. بس البسيحم مافى .. حق العنب والكرز ما خارج .. يا حليل تمرنا

عشة ووكر كانت الوحيدة الجاهزة بدون فاضى .. ملفوف فى ورق بالقفف .. ما فيه مضروب .. نوعه ستاندرد عشان كدة حازت على لقب ووكر .. وبعدين بيت محترم ما زى أي خمارة .. تدخل بأدبك وتطلع محترم ..

مهنة متكاملة .. لكن حيرنى الكلام ده
Quote: كان شكلها سودانية مية المية شوية من هنا ..وشوية من هناك
مافهمتو ..

مرحب بيك معانا

Post: #111
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-18-2008, 10:04 PM
Parent: #104

Quote: لكن حيرنى الكلام ده
Quote: كان شكلها سودانية مية المية شوية من هنا ..وشوية من هناك

مافهمتو ..

الأستاذ رأفت
معليش على الكوارع شكلها اتكشحت ...قدُر ما فتشت ليها ما لقيتها .....
يكون في واحد من الجماعة ( تقّل ) وكشحها لينا

الجملة أعلاه ...قصدت بها شوية من الشمال وشوية من الجنوب وشوية من الشرق وشوية من الغرب .....
شوية من هنا وشوية من هناك.. ولو عندك رغبة تقرأ باقيها ... ( ألكزني)....

قبل الخروج :-
شكراً على الترحيب ...... وأنا ما بجي المنتدى العربي كتير ...تلقاني كتييييير في المنتدى الإنجليزي ....
أخوك
أسامة

التعديل لإضافة حرف ناقص في كلمة ( شوية)

Post: #105
Title: Re: نفسى فى .. بقنية .. وشربوت .. ودكاى .. وكوجومورو
Author: أبو ساندرا
Date: 04-18-2008, 03:05 PM
Parent: #1

تتملص فيك حاجة
--------------------
تعديل:
تتملص منك حاجة

هي لسع ما إتملصت يا رأفت ؟

Post: #106
Title: Re: نفسى فى .. بقنية .. وشربوت .. ودكاى .. وكوجومورو
Author: gannat
Date: 04-18-2008, 03:35 PM
Parent: #105

سلام رأفت

أت مسعول من الخير

زمان كان في دفارات شالو بيهم القزاز للبحر؟؟

أسع كل يوم دفار مقبوض مليان حاجات سمحة،

هلا فعلا بعدموها بالشراب ولا بي الشراب ؟؟

الموبايلات شغالة تش،

بس تلفونك ما يقول هلو،

ألا وتلقي الركشة بكامل الحمولة أياها محلي ولا مستورد،

بعدين يا رأفت أت زولنا داك جدو الرسول

والحاجات عندهم علي قفي من يشيل،

أها نحن ديل ناس قريعتي راحت مالم ممسخين علينا الحياة ؟؟

يديكم دوام الصحة والعافية

Post: #108
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 04:33 PM
Parent: #106

Quote: بعدين يا رأفت أت زولنا داك جدو الرسول

والحاجات عندهم علي قفي من يشيل،

أها نحن ديل ناس قريعتي راحت مالم ممسخين علينا الحياة ؟؟
كيفك يا دكتور ومشتاقين
أنت كان حسبتها كويس تلقاها كلها حسادة ..
هسه مريستنا دى غير ما طيروا أسعارها السماعملوا شنو يعنى .. حاربا النميرى حسادة بعد الدكاترة منعوه من السكر ..
أما مولانات المسك والنساء ديل ياهم ناس الدفارات الجديدة .. ناس الممنوعات تبيح المحظورات .. وأنتو تبع الإباحيات دى ..

بقى فى أرخص من الإنسان يا دكتور ؟!!!

Post: #115
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 09:10 AM
Parent: #105

Quote: تتملص فيك حاجة
--------------------
تعديل:
تتملص منك حاجة

هي لسع ما إتملصت يا رأفت ؟
إسبيرات فى السودان مافى .. إلا يعملوا ليهو توليفة ..

Post: #107
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-18-2008, 03:57 PM
Parent: #1

صلاح أبودية ... شكيتك على الله ... بِهِناك حاج حمد كايِس ليك الشعبِية بيت بيت وعلي الطلاق بدرالدين الزنجي مشى ليك بيتك في أُم دُرمان ما لِقاك وكتب ليك [ حضرنا ولم نجدكُم ] وإت بِجاي قاعِد في الإنداية ... سمِح وكتين جاي بِجاي ما تِتحدث ... ما تقول ماشي وجاي ... إنشاءالله بقنِية رأفت ميلاد ما تنفعك يا حاسِد ... شوف الزول ... قايلني بكلم زول ... سمِح والله أكان ما فضحتك في القِبل الأربعة أكون ما ود أبوي.

ــــــــ
يا رأفت ميلاد ... بِالله ما تلخبِتو الكيمان ... الدكاي ده مِن عِندِنا ... وناس الخرطوم والبنادِر ما بعرِفو يقوموا يجرِبوه بعدين نبقى في هيص بيص ... خليهُم في البعرِفوه ... وأكان لِقوا بِيلقوا مزتو وين ...

Post: #109
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-18-2008, 04:35 PM
Parent: #107

Quote: صلاح أبودية ... شكيتك على الله ... بِهِناك حاج حمد كايِس ليك الشعبِية بيت بيت وهلي الطلاق بدرالدين الزنجي مشى ليك بيتك في أُم دُرمان ما لِقاك وكتب ليك [ حضرنا ولم نجدكُم ] وإت بِجاي قاعِد في الإنداية ... سمِح وكتين جاي بِجاي ما تِتحدث ... ما تقول ماشي وجاي ... إنشاءالله بقنِية رأفت ميلاد ما تنفعك يا حاسِد ... شوف الزول.
بركة القيتوا ليكم إنداية تتلموا فيها .. مش أخير من الوقوف غلى العواميد وقعاد اللساتك

Post: #110
Title: Re: نفسى فى .. بقنية .. وشربوت .. ودكاى .. وكوجومورو
Author: سيف الدين مصطفى كرار
Date: 04-18-2008, 04:55 PM
Parent: #1

مساء الفل يا ميلاد

خليك قاعد احسن ليك, جاييك نابليون

مبااااااااااااااااالغة.

Post: #112
Title: Re: نفسى فى .. بقنية .. وشربوت .. ودكاى .. وكوجومورو
Author: عماد شمت
Date: 04-18-2008, 11:00 PM
Parent: #110

ياخلي انتوا لسع قاعدين ؟؟..البجيب ليكم السكر ده منو؟؟؟

Post: #121
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 06:16 PM
Parent: #112

Quote: ياخلي انتوا لسع قاعدين ؟؟..البجيب ليكم السكر ده منو؟؟؟
أنت قاصد السكر ولا موية السكر .. وقالوا قطعة سكر .. قلنا أحلى وأندر .. وكاسك ياوطن ..

Post: #118
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 11:45 AM
Parent: #110

Quote: مساء الفل يا ميلاد

خليك قاعد احسن ليك, جاييك نابليون

مبااااااااااااااااالغة.
سيف الدين أنت داير تجننى
كل ما توزن تطيرا
الزول القاعد ده منو ؟؟؟ .. أوع تقول نابليون
ياخى نحن بلا كده ما ناقصنا الزهايمر
الزول ده بعرفو ياخ .. والله كان طلع النقر !!!!

Post: #113
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-18-2008, 11:19 PM
Parent: #1

بالمناسبة يا أستاذ رأفت

حاجاتك المشتاق ليها دي كلها وزيدها شوية كمان

عندنا هنا في ( برايتون) رااااااااقدة.....

بس إنت تعال .....
وبعدين أخواننا الأقباط هنا كتاااااااار .... أشهر واحد فيهم
عم عبدالله ( مايكل ) وهو أصلاً من عطبرة وهو الجزار السوداني الوحيد ومصدر اللحوم والكوارع والذي منه ...( الذي منه دي وشهادة لله كده معناتها ما يطبخ مع اللحوم ..بث..) عشان ما تلفوها على كيفكم...

كدي فكر وتعال لينا في الصيف ...... صيفنا (عجيب وغريب) ...وأعتبرني دليلك ..... الحاجات النفسك فيها دي حا تزهج منها .... على ضمانتني ...

أخوك
أسامة

Post: #116
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 09:23 AM
Parent: #113

مرحب بيك دومآ يا أسامة
Quote: معليش على الكوارع شكلها اتكشحت ...قدُر ما فتشت ليها ما لقيتها .....
يكون في واحد من الجماعة ( تقّل ) وكشحها لينا
يعنى لاقينا العرقى عشان نبكى على
الكوارع ؟
Quote: الجملة أعلاه ...قصدت بها شوية من الشمال وشوية من الجنوب وشوية من الشرق وشوية من الغرب .....شوية من هنا وشوية من هناك..
كده وضحت تمام .. وجميلة كمان
Quote: ولو عندك رغبة تقرأ باقيها ... ( ألكزني)....
ياريت ونكون شاكرين ومقدرين كمان
Quote: حاجاتك المشتاق ليها دي كلها وزيدها شوية كمان

عندنا هنا في ( برايتون) رااااااااقدة.....

بس إنت تعال .....
وبعدين أخواننا الأقباط هنا كتاااااااار .... أشهر واحد فيهم
عم عبدالله ( مايكل ) وهو أصلاً من عطبرة وهو الجزار السوداني الوحيد ومصدر اللحوم والكوارع والذي منه ...( الذي منه دي وشهادة لله كده معناتها ما يطبخ مع اللحوم ..بث..) عشان ما تلفوها على كيفكم...
أوع تكون من عطبرة وما أتفكيت من الأقباط فى برايتون .. والله داير أجى وعندنا حبايبنا كتار هناك .. ويمكن يكون عندنا عرس قريب هناك .. واحد من أولادنا هنا منشن على واحدة بتكم هناك .. بديك خبر الجية .. أعمل لينا نفير وحضروا المواضيع
Quote: كدي فكر وتعال لينا في الصيف ...... صيفنا (عجيب وغريب) ...وأعتبرني دليلك ..... الحاجات النفسك فيها دي حا تزهج منها .... على ضمانتني ...
دعوة كريمة وقدرا وجايكم

مودتى

Post: #114
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-19-2008, 05:59 AM
Parent: #1

ويلٌ لِلـمُـفـطـفِـطـيـن ... الدور ده ماشي يمين ولا شِمال ، تفُطوا سااااااي

Post: #117
Title: Re: نفسى فى .. بقنية .. وشربوت .. ودكاى .. وكوجومورو
Author: وليد محمد المبارك
Date: 04-19-2008, 11:41 AM
Parent: #114

في القماير وطرف المقابر
يلا نشرب كاس الصباح

ان شربنا بنشرب مرايس
ووان عشقنا بنعشق عجايز
في العجايز الجقق السمان

Post: #122
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 06:58 PM
Parent: #117

Quote: في القماير وطرف المقابر
يلا نشرب كاس الصباح

ان شربنا بنشرب مرايس
ووان عشقنا بنعشق عجايز
في العجايز الجقق السمان
والله الجقق عندكم .. طيب ما تجو أوربا .. الما بدو لجؤ يفتش ليه جقة ماهلة كدة ياخد بيها ورق ..

يوم عملت معاى صحفية مقابلة سألتنى عن رأيى فى زواج الأفارقة الصغار من الخوايات العجايز .. قلت ليهافى سرى .. (ما جبرك على المر إلا الأمر منو) .. قلت ليها "I feel pity for them" قالت لى "I feel pity for both them" قلت ليها فى سرى "على سجم خشمن"

Post: #120
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 05:53 PM
Parent: #114

Quote: يا رأفت ميلاد ... بِالله ما تلخبِتو الكيمان ... الدكاي ده مِن عِندِنا ... وناس الخرطوم والبنادِر ما بعرِفو يقوموا يجرِبوه بعدين نبقى في هيص بيص ... خليهُم في البعرِفوه ... وأكان لِقوا بِيلقوا مزتو وين ...
لكن إنتو منو يا عزام .. أنا غايتو أسمح دكاى شربتو عند المحس
Quote: ويلٌ لِلـمُـفـطـفِـطـيـن ... الدور ده ماشي يمين ولا شِمال ، تفُطوا سااااااي
الللللله أنت من النوع الشفقان البشيل كاس الجمبو .. ولما يكب ببدا بى روحو وينتهى بيها ..

Post: #119
Title: Re: نفسى فى .. بقنية .. وشربوت .. ودكاى .. وكوجومورو
Author: AnwarKing
Date: 04-19-2008, 12:21 PM
Parent: #1

البوست بيذكرني بغناء أحباب (ديموقراطيين) لينا كده في شواطئ البحر الأحمر...
بعد ما يقيفوا ديوك، بيغنوا أغنية لنميري بتاعة قوانين سبتمبر...

الحانها جميلة ورنانة

Post: #123
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 07:14 PM
Parent: #119

Quote: البوست بيذكرني بغناء أحباب (ديموقراطيين) لينا كده في شواطئ البحر الأحمر...
بعد ما يقيفوا ديوك، بيغنوا أغنية لنميري بتاعة قوانين سبتمبر...

الحانها جميلة ورنانة
شواطئ البحر الأحمر دى كيلو تمانية يا أنور ولا شنو .. لما مجلس قيادة الثورة بتاع مايو زار بورتسودان والإنقلاب فى أوجه .. (زمن نميرى بنطط فى القطر و يا مايو أبوى زى أمى وأخوى) .. ساقم عمك الواحد داك بتاع ترانزيت .. بتاع نص التمانية .. ساقم كيلو تمانية .. وقف العربى * بعيد منهم متكول على عصايتو .. قال ليهم "فلان ده معاكم .. مش حتنفعوا" .. وما كانت نبؤة بل فراسة .. تنقص الكثير من البلهاء .. والقصة قريبة من ريسنا السيف البقطع لامن قطعوا فينا ..

*العربى : تطلق على الهدندوى فى بورتسودان .. ما يجينا واحد من أنبياء البورد يطلعنا طاشمين وعنصريين

Post: #124
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-19-2008, 07:33 PM
Parent: #1

يا صلاح عبد الله يا عمك
السنتر بارك دي ما سمعت بيهو
ولا كلام عمك رأفت ده
إلا الشربوت سمعتا بيهو مرات مرات كدة
أعتقد كان (يستخدم) في الفطر ولا الضحية ما أتذكر
أما البنقية من غير (واو نار بعد قاف قارورة)
وود أكاي
ما نقشتهم
الكجو شنو ده ما عارف اعتقد كان بعملو بيهو (كُج) وبخرات

---
إقتراح للأخ رأفت:
خت المانيوال (شرح مع الصور) واللـ LINK يا رجل

Post: #125
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-19-2008, 08:25 PM
Parent: #124

Quote: يا صلاح عبد الله يا عمك
السنتر بارك دي ما سمعت بيهو
ولا كلام عمك رأفت ده
إلا الشربوت سمعتا بيهو مرات مرات كدة
أعتقد كان (يستخدم) في الفطر ولا الضحية ما أتذكر
أما البنقية من غير (واو نار بعد قاف قارورة)
وود أكاي
ما نقشتهم
الكجو شنو ده ما عارف اعتقد كان بعملو بيهو (كُج) وبخرات
والله يا أشرف طه والله دى مصيبة ..
أنا كنت قايل نحن الجيل السابق .. لكن طلعتنا من المنقرضون
ياخى البقنية دى لقوها فى آثار حروب شندى .. والدكاى فى حفريات الكرمة

فى تانى حاجة إسمها المريسة والعرقى .. وفى حاجة كدة تقوم بيك زوت
Quote: إقتراح للأخ رأفت:
خت المانيوال (شرح مع الصور) واللـ LINK يا رجل
عايز لنك يا أشرف ؟؟؟ هسة أدخل صلاح ده النت كيف وألكننو .. ولا أقول ليك مصكل لعصام جبرالله ..

دى مصيبة الكحول البدخلك فى مكتبة عماد عبدالله .. ويجى يقول ليك عملتوا لى شنو كده ما عارف فى النص بتاعى

أشرف مرحب بيك ياخ معانا هنا ..

Post: #126
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-19-2008, 09:07 PM
Parent: #1

عايز لنك يا أشرف ؟؟؟ هسة أدخل صلاح ده النت كيف وألكننو .. ولا أقول ليك مصكل لعصام جبرالله ..
هسة المسـ(صـ)كل (أدديس)
ده علي التكتح
إلا ناس بي عد صباعات البطارية يعرفو ليك
الأخو (زمدي)ولا (ود عدنا) ولا متزمد ولا كيف
حدد يا رجل؟؟؟؟؟؟

Post: #130
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 08:07 AM
Parent: #126

Quote: هسة المسـ(صـ)كل (أدديس)
ده علي التكتح
إلا ناس بي عد صباعات البطارية يعرفو ليك
الأخو (زمدي)ولا (ود عدنا) ولا متزمد ولا كيف
حدد يا رجل؟؟؟؟؟؟
يا فردة .. ما عرفنا الفولة
البطلعك من الجخن داك شنو ؟؟

عماد وصلاح بطببو عليك براحة كدة .. لكن بتسخن هسة .. بلة موسى جااااك .. ولسة الـ CET؟

Post: #127
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-19-2008, 09:34 PM
Parent: #1

أستاذ رأفت

أنا ما من عطبرة لكن من محلتين قريبتين ليها " الخرطوم تلاتة و بيت المال "

أما عن دي

Quote: واحد من أولادنا هنا منشن على واحدة بتكم هناك

الزمن ما بتعرف المنشن على التاني منو ...!!!!! الكلام ده بعد ما دخلنا القفص المسكمى مجازاً " ذهبي"

وبعدين بناتنا هنا خطيرات .... (-:

في إنتظار اللكزة ( إيميلك في المسنجر ويكون بقبل عربي) لإرسال قصة مستوحاة من إندايات السودان وبارات مانشستر والبطولة نسائية مطلقة عشة ووكر حقتنا وواحدة اسمها جين بارتليت من مانشستر...
دي بقا صاحبتنا الخواجية

Quote: جين كانت تلبس فانلة صفراء باهتة ..... حاسرة الذراعين ...... تكشف عن اسفل بطنها ليظهر وشم ملاك بجانحين بحجم أُصبع اليد ...... وجهها كامل الإستدارة يحوي تلك الملامح الدقيقة بجانب عينين واستعين ..... لونهما يميل للرمادي ..... كانت أقرب للرسم منه للحقيقة ...... او هكذا كنت أظن .... قصيرة نسبيا ونحيفة ..... شعرها اسود فاحم ...... أو هكذا كان في ذلك الوقت..... قصير نوعا ما ، تتدلى منها عدة خصل بعناية لتغطي جبهتها و تتدلى تلك الخصل حتى تلامس الحاجبان وما بعدهما ...... لتترك لك حر الخيال في التنبؤ بما ستفعله جين حينها ... ولا تخيب جين آمالك إذ أنها ترمي برأسها للوراء تارة ... وتارة أُخرى ترفعهم بيدها النحيلة وترمي رأسها أيضا للوراء ولكن بمجهود أقل ...... لآ أدري ماذا كان يحدث لي حينها ولكني كنت أتابع كل خطواتها ..... ذلك اليوم الذي دخلت فيه مسقى سنكلير أويستر كنت اتشوق للدخول لأي بار أو مسقى أعود فيه الإرتباط بالذكريات القديمة لأيام جلوسي في بيت عشة ووكر والتمتع بالشرب في مكان الشرب .. والتي ما بارحت خيالي قط..........

لو عاوز أي توضيح على الرحب والسعة..

منتظرك في المسنجر ....
اخوك أسامة

Post: #128
Title: Re: نفسى فى .. بقنية .. وشربوت .. ودكاى .. وكوجومورو
Author: الطيب شيقوق
Date: 04-19-2008, 10:37 PM
Parent: #127

انا زعلان لانك نسيت حبيبتي كبدة الابل يا رافت

Post: #134
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 10:57 AM
Parent: #128

الطيب شيقوق
Quote: انا زعلان لانك نسيت حبيبتي كبدة الابل يا رافت
أنت هسة يا شيخ العرب لا بتاكل الملاح أخدر ولا بتشرب الخمر تسكر .. المحومك بى جاى شنو ؟
كبدة الإبل يا حليلا .. كنا نمشى ليها السجانة فجر .. بناكلا بالبصل والدكوة والليمون شغل أولاد بندر .. ضحك علينا البدوى فى الجزيرة .. قال يالبوم قليتوا بركتا وشلتوا فايدتا بالليمون .. وهو ماعارف فايدتا العندنا .. بتفكها .. عشان تعمل سيه جديد

Post: #129
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 07:53 AM
Parent: #127

يا أسامة رسلت ليك فى المسنجر

ياخ شوقتنى ياخ .. الكتابة التى تربط بين بيئة وبيئة حاجة جميلة .. تتدفق فيها المشاعر بين الحنين والواقع .. وما يسمى مجازآ "قاع المدينة" هو الواقع الغير مزيف .. وعندما تكون الأنثى هى موضوع الخواطر معطون برائحة أنوثة صارخة بدون تذويق .. تكون كل الإنفعالات وتكون الحقيقة ..

فى فترة "تقمصتنى" كتابة مثل هذه .. وكنت أكتب بإنسياب أزاح عنى الكثير .. ولكنه فجأة نضب الوعاء كما نفقد كل جميل فى هذه الدنيا .. إذا توفر لك الوقت أدخل هنا .. هاتف النفس و جدار من الوهم نحن صانعوه

محبتى

Post: #131
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-20-2008, 10:08 AM
Parent: #1

Quote: محمد أبوالعزائم
Quote: ناس الغرب عندهم ال (دولنق)

ده شنو ده كمان .. تقول تحت تحت شربوت بس

يا زول دي مريسة أهل الغرب ... ما عارف بيكتبوها كيف لكن بينطقوها (دوللنق)

هسي يجي أبو ساندرا يقول لي ما بيكتبوها (بيشربوها)

ياخي السودانيين ديل عجيبين .. نفس الزريعة .. ونفس الكوجان .. ونفس التخمير .. وفي نقطةً ما تتحول واحدة للمريسة .. والتانية للحلو مر. و ..... عجبي

Post: #135
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 12:19 PM
Parent: #131

Quote: هسي يجي أبو ساندرا يقول لي ما بيكتبوها (بيشربوها)
أيوة المهم بشربوها كيف
Quote: ياخي السودانيين ديل عجيبين .. نفس الزريعة .. ونفس الكوجان .. ونفس التخمير .. وفي نقطةً ما تتحول واحدة للمريسة .. والتانية للحلو مر.
والله تركيبات مختبرية عديل .. العجب ناس الخمرة .. والدلكة .. هسة كان ركزوا فى حاجات تانية كان وصلنا القمر .. بس التركيز فى كل ما يؤدى إلى الإستكانة .. إنشاءالله كان تحت ضل زير ..

واحد من إياهم قال تعبانين نحن فى شنو .. ما أهو الله مسخر لينا الكفار

Post: #132
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-20-2008, 10:20 AM
Parent: #1

يا رأفت ميلاد ... معقول ما تعرِف نِحنا مِنو ... بس عرفت [ الدكاي ] هو منبعو مِن وين ... أها أنا مِن عجم الشِمال مِن عبري زااااتا ... وبعدين الفط ده ما عِندنا هِناك في المحس ... يا أخي إحنا عِندنا جُزُر عديل كدي خاصة لِلدكاي ... التِـفِـطـفِـط ده مِن شِيم ناس البنادِر ... شكيتكُم على الله الواحِد إن ما دُرتو تفطو وتقولو ( معليش ما ماخد بالي ) البالة التكسر كاسك ... جِنس ده ... البِفِك الراس ...

Post: #133
Title: Re: نفسى فى .. بقنية .. وشربوت .. ودكاى .. وكوجومورو
Author: صلاح أبودية
Date: 04-20-2008, 10:46 AM
Parent: #132

يا عزام قبضتك بالثابتة

إنت الظاهر عجبتك ريحة البوست ده أخير ليك تمرق من هنا قبل ما تجي الطارة

والله شايل ليك هم سهلة الديوم دى ح تقطعها كيف عشان ترجع الشعبية..؟

Post: #136
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-20-2008, 04:34 PM
Parent: #1

ذكرتني يا صلاح أبودَية طُرفة : قاليك في واحِد جا لِصاحبو قال ليهو :
- يا أخي ما تَلِم أُمك دي شِوية
- مالا ؟
- قالوا لي قاعدة في الإنداية
- وإنت الكلمك مِنو ؟
- كلمتني أُمي !!!

إنت هسي يا صلاح الجابك بِجاي شِنو وكتين سهلة دِيوم بحري باقية ليك قاسِية ... رايِح ليك الدرِب ... ولا بِتفتِش ليك رايحة ... إنداية رأفت ميلاد دي مُتعوِدين عليها مِن زمن ناس ممدوح نعيم إرسلان أبو شيبة الكبير ...

دحين باقيلك بدرالدين (الزنجي) خابِرنا نِحنا بِجاي ... أمانة عادِل عُثمان أكان سِمع بينا الله قال بِقولنا .... سويتا فينا يا رأفت ميلاد وقعدت ... أغريتنا وأغويتنا

Post: #137
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 07:17 PM
Parent: #136

تفتِّش..عن..وطن..حقكــ

بشيلك هموم وأسافر بدونكـ
والاقي الطريق
البيرحل
بساسق
بيودي لعيونكـ

تفتِّش عن وطن حقَّك..
وماسويتو..إنت براكــ
بس مستني من بعضكــ
إلملم بعضو يبقى حِداكــ
ولاكــ شايل سلاح ترهب..
ولاكــ
بتهدِّد إبقوا معاكــ

بس شايل في إيدياتكــ
عِشقكــ لي سما الخرطوم
وصوت الساقية في بلدكــ
إدوزِّن في مسافاتكــ
البتفصل بين..
خُطاي..وخطاكــ

تماضر الخنساء حمزه

Post: #138
Title: Re: نفسى فى .. بقنية .. وشربوت .. ودكاى .. وكوجومورو
Author: فيصل عثمان الحسن
Date: 04-20-2008, 09:33 PM
Parent: #137

ناس الأنادى خوتم ما زى حقتكم دى , الواحد يغيب ما تسألوا منو
يجيكم راجع ب كرعينو , ما بتدوهو كأس طريق يمسح بيهو شنبو ويروى بيهو عطشتو , الفيكم
اتعرفت , وأم تبعج بنرسل نجيبا يسمكم ما بتضوقوها, يا شحتو أظهر وبان مابنكلم أم الأولاد .

Post: #144
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 09:29 AM
Parent: #138

Quote: ناس الأنادى خوتم ما زى حقتكم دى , الواحد يغيب ما تسألوا منو
يعنى نمشى نفتشك فى الخلا ؟؟
Quote: يجيكم راجع ب كرعينو , ما بتدوهو كأس طريق يمسح بيهو شنبو ويروى بيهو عطشتو , الفيكم
اتعرفت , وأم تبعج بنرسل نجيبا يسمكم ما بتضوقوها, يا شحتو أظهر وبان مابنكلم أم الأولاد .
أيوااااه كان بتجيب لينا شحتو ده بنديك كاس الزواده .. التحقيق ما زال مستمرآ فى أم تبعج .. يمكن نوظفا فى دعم الإقتصاد الوطنى .. بدل الشربة وما شابه من السهلات .. علاج ومزاج 1x2

Post: #140
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-20-2008, 10:18 PM
Parent: #136

Quote: يا رأفت ميلاد ... معقول ما تعرِف نِحنا مِنو ... بس عرفت [ الدكاي ] هو منبعو مِن وين ... أها أنا مِن عجم الشِمال مِن عبري زااااتا ... وبعدين الفط ده ما عِندنا هِناك في المحس ... يا أخي إحنا عِندنا جُزُر عديل كدي خاصة لِلدكاي ...
الكلام ده تقولو لأبو ساندرا .. أنا متأكد أنو حق المحس .. بظبطوا صاح
Quote: التِـفِـطـفِـط ده مِن شِيم ناس البنادِر ... شكيتكُم على الله الواحِد إن ما دُرتو تفطو وتقولو ( معليش ما ماخد بالي ) البالة التكسر كاسك ... جِنس ده ... البِفِك الراس ...
راسك خفيف
Quote: سويتا فينا يا رأفت ميلاد وقعدت ... أغريتنا وأغويتنا
الكلام ده قولو فى الحراسة
Quote: إنت الظاهر عجبتك ريحة البوست ده أخير ليك تمرق من هنا قبل ما تجي الطارة
يا أبودية الطارة دى شنو ؟؟!!

Post: #139
Title: Re: نفسى فى .. بقنية .. وشربوت .. ودكاى .. وكوجومورو
Author: طارق جبريل
Date: 04-20-2008, 09:38 PM
Parent: #1

ود ميلاد كيفنك
وانا واله مشتهيلي شربوت يكون بايت ليه يومين

Post: #141
Title: Re: نفسى فى .. بقنية .. وشربوت .. ودكاى .. وكوجومورو
Author: الطيب شيقوق
Date: 04-20-2008, 10:25 PM
Parent: #139

Quote: بتفكها .. عشان تعمل سيه جديد

الله يجازي محنك انت يا المسلط الواقع من السماء سبعة مرات

بس اقول ليك بعد الانبساطة والقدلة والطاقية في الهامة يا دنيا ما فيك الا انا مع سيجارة البينسون والمبسم والعراقي الساكوبيس والفنيلة ذات المربعات الزماااااااان ديك والشبط الما خمج تتناول حق الطريق لتعود الحال الى ما كانت عليه قبل تناول كبدة الابل .

تقوم راجع بيتك المجاور لمحل الكعمة وتخيط الدوداب خياطة ترزي

هييييييييييييييييييييييييييييييييييع قول اخوى

لقيتني كيف ؟

Post: #150
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 07:20 PM
Parent: #141

Quote: تقوم راجع بيتك المجاور لمحل الكعمة وتخيط الدوداب خياطة ترزي

هييييييييييييييييييييييييييييييييييع قول اخوى
والله يا ود شيقوق ماك هين .. جاينى قاشر بالعراقى الخفيف والفنلة الشبكة والشبط الوسيم .. تلقاك خاتى ليك خمسة جنيه ظااااهرة فى الجيب الصغير ومتعطر بى 555 .. ياخوى بى قشرتك دى إلا يدخلوك قطية الأفندية .. كدى نراجع قصة الصبغة دى تانى

Post: #145
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 11:28 AM
Parent: #139

كيفك يا طارق جبريل
Quote: وانا واله مشتهيلي شربوت يكون بايت ليه يومين
ياخى بدل تقعد تصبر يومين طعمو ولا بدلو بى دكاى
كيفك يا خوى

Post: #142
Title: Re: نفسى فى .. بقنية .. وشربوت .. ودكاى .. وكوجومورو
Author: Elbagir Osman
Date: 04-21-2008, 03:16 AM
Parent: #1

الكومر جا...

Post: #152
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 08:27 PM
Parent: #142

ياعبدالقادر عثمان
Quote: الكومر جا...
قبيل كتبتها ومسحتها .. مالك داير تجيب لينا الفضايح .. يقولوا علينا من زمن الكوامر .. بالمناسبة هسة الكشة بى شنو .. خليناها آخر الأيام بكاسى

Post: #143
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-21-2008, 05:56 AM
Parent: #1

Quote: الكومر جا...

يا زول ديل جماعتنا ..

بنديهم عبار عبارين .... يقشوا شنباتهم ويتخارجوا

Post: #153
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 08:37 PM
Parent: #143

Quote: يا زول ديل جماعتنا ..

بنديهم عبار عبارين .... يقشوا شنباتهم ويتخارجوا
عبارين شنو .. ديل دايرين الشده كلها .. عالم دنيئة

ذكرتى قصة واحد من أولاد الموردة الشبك ديك .. جا شايل كيسو وقاطع الخور .. وقفوا بتاع مباحث وصادر الكيس وسايقو الحراسة .. العسكرى طبعآ داير الكيس .. ماشى معاه ومديهو فرصة يجرى .. الراجل كاحل ومباريهو ساكت .. يخب العسكرى يخب معاه .. إقيف يعمل ببول يقيف إستناه .. قام العسكرى جرى .. جرى وراه يكورك "يا جنابو الكيس .. يا جنابو الكيس" جدعو ليهو واصل

Post: #151
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-21-2008, 08:10 PM
Parent: #1

الكومر جا...
ياخي إنتو قدام خلاس
ورأفت ده شكلو حكّاها كدة من ضابط صف لحدت ما وصل لي رتبة لواء ركن شمالي غربي مع جنوبي شرقي مع رياح خفيفة إلى متوسطة السرعة تنشط أحيانا مثيرة للأتربة والغبار
ياخي قالو ليك ناس العرقوب والألعاب الهوائية ديل
بجيهم وكت كدة لمن يقحوا بي نخرتم
بعملو (أستدعاء) لي (سهرة من الأمس) وبتّدوزنو ويدوزنو
يعني تلقى فيهم الواحد قاعد ساكت كدة في الشغل ولا البيت تجيهو عشراقة كدة يقح فيها تقوم تصحي المخيخ والنصفين الأيسر والأيمن في الدماغ
بعدين زمان ناس الخال ديل كانو بدورو من المغربية
المسلسل لسة ما بدى تلقاهم شتتو لي زيدان إبراهيم
وكل ساعتين زيدان وكدة
ولمن يقعدو بكون دايما في واحد ماسك المكرفون وجاري باللاين والباقين بسمعو ليهو
بعد ساعة كدة الناس بتكلمو اتنين اتنين
بعد تلاتة ساعات الناس كلها بتتكلم والحلة بتسمع
تقول لي ما CET يا رجل

Post: #154
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-21-2008, 08:53 PM
Parent: #151

Quote: ياخي إنتو قدام خلاس
قلت لى
Quote: بعدين زمان ناس الخال ديل كانو بدورو من المغربية
المسلسل لسة ما بدى تلقاهم شتتو لي زيدان إبراهيم
وكل ساعتين زيدان وكدة
ولمن يقعدو بكون دايما في واحد ماسك المكرفون وجاري باللاين والباقين بسمعو ليهو
بعد ساعة كدة الناس بتكلمو اتنين اتنين
بعد تلاتة ساعات الناس كلها بتتكلم والحلة بتسمع
وأنت كاحل ده كلو .. كنت بتلعب بلى
Quote: تقول لي ما CET يا رجل
والله أنت بتاع البقنية بى واوا .. قلت لى قدام !!

Post: #155
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-21-2008, 08:58 PM
Parent: #1

العزيز رأفت
دي الطج
عسل من عسل وبالبرميل (القرشة)

Ethiopian Style Honey Wine (Pure Natural Water, Organic Honey, Champagne Yeast)

ومعاها العضة دي

دوروت وكيويت وطيبس وكيتفو كل انواع الفتفت وما ننسى الميطميطا

أنا ما قلت ليك يا رأفت يا أخوي جيب الشرح ولا اللينك
المشكلة في التوثيق

------
نست الفاونديشن تحت الإنجيرا - لذا أذنا لصاحب الموقع بالتعديل

Post: #158
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-22-2008, 08:04 AM
Parent: #155

صباح الخير يا أشرف طه
Quote: دي الطج
عسل من عسل وبالبرميل (القرشة)
ياخى قبيل أبيت أعلق على صلاح .. لكن الطج دى مش ياها الميز على نضيف ؟؟ ..
Quote: دوروت وكيويت وطيبس وكيتفو كل انواع الفتفت وما ننسى الميطميطا
صحن مجهبز .. وباين حفرك جوة أسمرة ولا أديس .. ما زى ناس قريعتى راحت .. المتفنين تحت شجرة يشربوا القهوة .. أصنافك دى ما بعرف فيها إلا الكتفو .. وباكل المبوخ منها ما النى ..

عشت أيام بديعة فى الخرطوم بصداقة مع السفير الحبشى فى الخرطوم .. وهو من القبائل المشتركة فى الجنوب .. بالتحديد قامبيلا .. وطبعآ جنوبى عدييييل .. فكنا لما نقعد معاهو أيام حظر التجول .. يحلف نمسح القزازة .. والمزة زى صحنك ده ..

أحلى ناس أهلنا الحبش

Post: #156
Title: Re: نفسى فى .. بقنية .. وشربوت .. ودكاى .. وكوجومورو
Author: لؤى
Date: 04-21-2008, 09:33 PM
Parent: #1

سلام يا جدّي
مشتاقين

الحاصل شنو ؟

ـــــ
أنا في البعيد مشتاق لهمسة من الوطن يا نسمة

Post: #159
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-22-2008, 09:38 AM
Parent: #156

حبيبنا لؤى
طلتك تفرح ياخ

وبعدين ده شنو الجايبو لينا فى باغة بلاستيك حمرا
ياخى دى كان مريسة تكون بتاعة هناجيك ساكت ..

دى تكون عجينة آبرى أحمر ياخ .. المريسة وسطل المريسة لا يفترقان

على نمط أبوساندرا : ترجمة هناجيك هو حناكيش وليس شيئ آخر

شكرآ على المحاولة يا لؤي .. ما بتقدروا عليه ده .. ده بتاع ناس مهيد

Post: #169
Title: Re: نفسى فى .. بقنية .. وشربوت .. ودكاى .. وكوجومورو
Author: لؤى
Date: 04-22-2008, 07:18 PM
Parent: #159

Quote: ده بتاع ناس مهيد

والله بالغتَ

كانت لكما أيّام
ـــــ
أنا في البعيد مشتاق لهمسة من الوطن يا نسمة

Post: #157
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-21-2008, 10:11 PM
Parent: #1

أنا في البعيد مشتاق لهمسة من الوطن يا نسمة

حالتك؟

ده الـ Documentation الصاح

Post: #161
Title: Re: نفسى فى .. بقنية .. وشربوت .. ودكاى .. وكوجومورو
Author: محمد أبوالعزائم أبوالريش
Date: 04-22-2008, 12:39 PM
Parent: #1

Quote: ياخى دى كان مريسة تكون بتاعة هناجيك ساكت ..

رأفت إنت سكرت والاّ شنو؟

Post: #163
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-22-2008, 01:09 PM
Parent: #161

Quote: رأفت إنت سكرت والاّ شنو؟
والله يامحمد أنا إتلغيت من بدرى وبقيت ماقادر أفرز .. لكن زى ما شرحتها معناها ياهو حناكيش زاااتا .. أنا حناكيش دى زاتا كنت لما أسمعا بتعمل لى قشعرينة .. شكلا شين .. لكن لقيتا زى الموية فى خشوم الرجال والإناث .. أها قلت نضيف ثقافتنا

تعرف لامن كنت فى الوسطى عندنا طالب سمعو مدرس بغنى "عليك النبى تجى يا ود الزمزمى" جلدوه فى طابور الصباح .. مسكوه أربعة كبار والخامس شد الجلابية وأخد 15 سوط إستهلكوا فيها 3 سيطان نيم ونفذ عدد 2 مدرسين شديدين .. وبعدها أخد 15 يوم exemption من المدرسة .. الواحد بقى كان كرو ما يجيبا فى خشمو..
وحاتك مرت السنين ويوم سمعت البنات بغنوها فى حفلة عرس عااااادى ..

ما الما بسكرنا شنو

Post: #164
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-22-2008, 01:22 PM
Parent: #1

بالجد ولا شنو ?

ازييك يا حاج رأفت صباحاتو بُيُض ...

ده شنو:
ما الما بسكرنا شنو

التعديل لإضافة الجملة الأخيرة

Post: #165
Title: Re: نفسى فى .. بقنية .. وشربوت .. ودكاى .. وكوجومورو
Author: الطيب شيقوق
Date: 04-22-2008, 01:35 PM
Parent: #164

Quote: .. ياخوى بى قشرتك دى إلا يدخلوك قطية الأفندية

انت السويسريين ديل بيكون عينوك بدون معاينة قطع شك لقوا مؤهلاتك ما تخرش منها ميّة .

المعاينة كانت الساعة كم يا فيفي ؟ والله اكان اخوك معاك كان هيييييييييييع لحسك

Post: #166
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-22-2008, 01:40 PM
Parent: #164

Quote: بالجد ولا شنو ?

ازييك يا حاج رأفت صباحاتو بُيُض ...

ده شنو:
ما الما بسكرنا شنو
اسامة صباحاتك فل ..
وصلتنى رسايك كلها .. ياخى مسكرة وجميلة ..

ردى عليك مطول بالإى ميل .. وراح أخت ليك نمرة التلفون .. وياريت تلفونك ..
الليلة بالليل أنا شغال .. وفى المكتب فى السهرة بكون براى وعلى راحتى

كتابة طاعمة ياخ

لى بعدين

Post: #167
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-22-2008, 01:46 PM
Parent: #1

+خلاص يا حاج

أنا بخلص برضو زي الساعة 10 عندنا يعني بعد 9 ساعات ...

نتلاقا يا حبيب....

Post: #168
Title: Re: نفسى فى .. بقنية .. وشربوت .. ودكاى .. وكوجومورو
Author: الطيب بشير
Date: 04-22-2008, 01:58 PM
Parent: #1

.
رأفت يا كبير المبسوطين هنا..
جميل أن الفنان طارق أبدل صورة البوليص في بروفايلي..otherwise كنت أعمل كشة هنا
و أشيل أنضـف صـنف معروضات...

خلينا نبدا بالشربوت..إنت هـوا..

Post: #170
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-22-2008, 08:51 PM
Parent: #168

حبيبنا الطيب بشير
Quote: جميل أن الفنان طارق أبدل صورة البوليص في بروفايلي..otherwise كنت أعمل كشة هنا
أوع تكون أنت الكومر الملاوزين لينا بيه من قبيل .. كان كدى سليمة .. كنا خايفين ساكت
Quote: و أشيل أنضـف صـنف معروضات...
دى ذكرتنى قصة حصلت فى الجزئية فى الخرطوم .. جابوا المتهم وما لقوا المعروضات .. أها باقيها ما بتحكى .
Quote: خلينا نبدا بالشربوت..
دى سهلة حلال عليك .. وياريت تشيل معاهو أم تبعج مافى زول ناوى يطلع الخلا فى الطراوة دى .. الغربية أم تبعج زاتاى جابا لينا بوليص

Post: #171
Title: Re: نفسى فى .. بقنية .. وشربوت .. ودكاى .. وكوجومورو
Author: د.محمد حسن
Date: 04-22-2008, 10:07 PM
Parent: #1

اغنية
بحلم بالتروبر
والعرقي السيوبر
والبنقو الخطر

واهديها

لساكني الدهليز

Post: #175
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-23-2008, 11:16 AM
Parent: #171

Quote: بحلم بالتروبر
والعرقي السيوبر
والبنقو الخطر
يا دكتور دلعتها .. ولا خوفة .. ولا موديل جديد
فبتاعتنا
بحلف بالتركتر
والعرقى المقطر
والوسكى الخطر

وتكسرا مع أغتية الكابلى
عمرى ياهو الباقى لى

وبعدين تواصل

بحلف بالتعريفة
و ...
والله كان تميتا .. تشربوا ما ترووا

Post: #176
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-23-2008, 11:22 AM
Parent: #175

يا حاج رأفت

صباح الخير

طبعا أنا ما نمت امس ( ؟؟ )

اسمعني
Quote: بحلف بالتعريفة
و ...
والله كان تميتا .. تشربوا ما ترووا

دي بتموها ليك ناس مدني ...

Post: #181
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-23-2008, 02:10 PM
Parent: #176

Quote: دي بتموها ليك ناس مدني ...
زيدان ما قال ليهم يا ناس مدنى .. إشاعة ساااااكت

Post: #172
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-22-2008, 10:21 PM
Parent: #1

تعرف يا رأفت يا عمك
رأينا فيما يرى النايم
وسمعنا حكى الحكواتية
قالوا في طقوس مزج المريسة مع اللحسة العويصة (العرقي هنا عندكم):
في الصيف:
جردل الطلس في (القايلات) مع المريسة والعهدة على الراوي
كان لمن الشغلة كدة تنعنش مع الكشاتين (وبما ان المرايس تترس)
كان أبي لحسة يرسلنا ونحن صغار: أمشي جيب تلج من ناس فلان
ثم يأمرونا (بدرشه)
وبعدين نعلقو (ليهم) في أضان الجردل ويخلو لين ما الجردل يعمل دورانية في الرملة بتاعت طين
في الشتاء:
كان يدرش فيه العرقوب

شاهد على العصر
--------------

الخال عمدة:
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .

أب أحمد
سينام أحمد هانئا
ويترحم عليك كثيرا
ما ورثته
الجهل
ولا الجبن
ولا النفاق
المال مناعة مكتسبة
والأخلاق مورثة من قبلك له

Post: #177
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-23-2008, 11:49 AM
Parent: #172

Quote: شاهد على العصر
ولو كانت الصاد مكسورة .. لأخذنا بشهادتك .. ولكن هكذا لا نأخذ بها يا أخ العرب .. يجب إحضار شاهد معك أو إمرأتين .. (قارورة أو نصين)
Quote: ما ورثته
الجهل
ولا الجبن
ولا النفاق
المال مناعة مكتسبة
والأخلاق مورثة من قبلك له
مضمونآ خطابة جميلة .. ولكنك كأنك لم تقرأ النص .. وأتيت تتطبطب على على خالك .. حيث ضاع الطبطيب بالخرزانة ..

عدلت هذه قلبة عدلة
Quote: ورثته
الجهل
أى جهل يا هذا .. نحن خرجنا من النور الى الظلمات ..
والجبن نصبه الخائن بيوت وأشباح .. قطع رجل عبد الباقى .. وفقأ عين على فضل قبل أن يشق رأسه .. وأخرص لسان وقلم ريشة عماد عبد الله ..
فهرولت أنا .. لماذا ؟؟؟ لأن الله يريد هكذا !!!

النفاق .. أن تقول هذا هو الرئيس .. وهذا هو الوزير .. وكلهم ولاة الأمر وجبوا الطاعة بعد الله !!!

الأخلاق لا تورث ولا توّرث .. الأخلاق أن تصير أجنبى .. أو تهرب يجواز مزور .. دى تفتيحة
والضروريات تبيح المحظورات .. كما قال الله
والله إذا بصق فى وجهى أبصق فى وجهه .. وأرفع كأس الثلج المدروش
(تدق هنا .. ترج هناك)

Post: #173
Title: Re: نفسى فى .. بقنية .. وشربوت .. ودكاى .. وكوجومورو
Author: محمد مكى محمد
Date: 04-22-2008, 11:45 PM
Parent: #1

يا شباب كدى ورونى ...شايفيين الأنا شايفو دا ولا خلاس طشيتوا

Post: #174
Title: Re: نفسى فى .. بقنية .. وشربوت .. ودكاى .. وكوجومورو
Author: ibrahim kojan
Date: 04-23-2008, 09:30 AM
Parent: #173

كنت إفراج مؤقت في الخرطوم...... هق .... هق...

الحقوني بي قرعة مريسه.. عشان الحق الونسه...

ويا ود ميلاد المريسه او (البغو)بيشربوها بالقرعه.. هق ...

كب لي جالون...

ونواصل.....

Post: #178
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-23-2008, 12:59 PM
Parent: #173

Quote: يا شباب كدى ورونى ...شايفيين الأنا شايفو دا ولا خلاس طشيتوا
محمد مكى أنا والله ما شايف حاجة .. الصورة ما ظاهرة عندى .. دى شنو

Post: #179
Title: Re: نفسى فى .. بقنية .. وشربوت .. ودكاى .. وكوجومورو
Author: محمد مكى محمد
Date: 04-23-2008, 01:46 PM
Parent: #178

http://www.sudaneseonline.com/u/888888888888888888888.jpg

Post: #180
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-23-2008, 02:07 PM
Parent: #179

محمد مكى الصورة دى مرت بي قبل كدة .. بس بدون تاريخ .. فما إنتبهت ليها
بالله شوف الحتة دى فاضية كيف ..

قهوة وإنداية التومة فى السوق العربي

Post: #182
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-23-2008, 05:01 PM
Parent: #1

صحي الأندادي بِتدورلا مُنادي ... وناديتنا يا ود ميلاد ... وهسي بحري والشعبِية
كُلها عِرفت بِنا ... فضحتنا فضيحة ... الله يِجازي مِحنِك ... مِن زمان بخاف مِن
الشربوت ومقيلو ... هسي نتخارج مِن الإنداية دي كيفين بس ، بعد ما تمبجطنا طمبجة

Post: #183
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-24-2008, 09:36 AM
Parent: #182

Quote: هسي نتخارج مِن الإنداية دي كيفين بس ، بعد ما تمبجطنا طمبجة
إنت المتخارج ليها شنو ؟؟
والله كان فقت منها .. ياك الدخلت فى وحسة .. حتبقى مع الحكومة ولا مع المناضلين .. خليك فى الإنداية أخير ..

Post: #184
Title: Re: نفسى فى .. بقنية .. وشربوت .. ودكاى .. وكوجومورو
Author: ماضي ابو العزائم
Date: 04-24-2008, 09:57 AM
Parent: #183

ود ميلاد
شكيت محنك على الله
أنا غايتو لو عندك مريسة فقرا أملى لى قرعة و..... تشربو بالعافية

Post: #187
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-24-2008, 07:19 PM
Parent: #184

يا ماضى وليك وحشة ياخ
Quote: أنا غايتو لو عندك مريسة فقرا أملى لى قرعة
قت لى بقيتوا على بتاع الفقرا

أوع يكون بتاغ الشيخ طه .. شرابو....... وبخورو ...........

بطل الدسة والدبرسة وتعال نشوف لينا مصيبة ننكتا سوا .. فتشت بوست أسامى المدن سما أرض ما لقيتو

ما تقطع ياخ

Post: #185
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-24-2008, 01:06 PM
Parent: #1

حرم الفُقرا مُشتهينها ساي ... هسي الإسوم ما كُتار ... التِمِحِك في
جِنس الإسم ده شِنو الجابِرُم عليهو ...

Post: #186
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-24-2008, 01:11 PM
Parent: #1

هوووي يا ود ميلاد ... ما تقول أنا جاي بِجاي نان القِلة اللدب البِتسيها
أنا جاي كايِسلي مُـشُـك ... إت قايِل البِيجي الإنداية كلو بِدورلو بقنِية ...
يخسي عليك ... أها بعد ده المُخارجة هَينة وكتين الحِكاية مُـشُـك ... مُش

Post: #188
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-25-2008, 05:39 AM
Parent: #186

Quote: ما تقول أنا جاي بِجاي نان القِلة اللدب البِتسيها
أنا جاي كايِسلي مُـشُـك
عزام أنت حواتى كايس مشك .. يعنى من الإنداية كايس "البلطى"
والبلطى أنواع

زمان لينا خاله فى الحلة بتشد المريسة .. بالليل تلقى للحمار قدام البيت ضرب المشك وإتفلطح نام

Post: #189
Title: Re: نفسى فى .. بقنية .. وشربوت .. ودكاى .. وكوجومورو
Author: وضاحة
Date: 04-25-2008, 05:55 AM
Parent: #1

ياجماعة انا دخلت غلط ولا شنومعذرة علي عدم الفهم

Post: #190
Title: Re: نفسى فى .. بقنية .. وشربوت .. ودكاى .. وكوجومورو
Author: هاشم أحمد خلف الله
Date: 04-25-2008, 06:36 AM
Parent: #189

ود ميلاد سلام ومشتاقين كتير والله

في الصحافة وفي حلتنا في واحدة بتعمل عرقي إسمها زهرا وزهرا دي مشهورة خالص
اها شباب الحلة عِرفو الدرب وبالليل يمشوا لزهرا دي ويشيلو منها العرقي وفي نص المنتزهة
تسمع الغناء والضحك والقرقرة , رجال الحلة الكبار الكلام ده تب ما عجبهم وقالوا زهرا دي
خربت علينا عيالنا لازم نشوف ليها صِرفه (مخارجة من الحلة يعني ) وزهرا جارة الشايقي
عم حسب الله عليه رحمة الله , الجماعة مشوا لعمك حسب الله بإعتباره اكثر المتتضررين
مشوا مجموعة كبيرة من ناس الحلة ودقو عليهو الباب عم حسب الله فتح الباب للجماعة وهو
مندهش , إتفضلوا يا جماعة ادخلو لـ جوه , الجماعة قالوا ليهو أسمع يا حسب الله والله الليلة
دي نحنا جيناك في خبر !! خير يا جماعة في شنو ؟ جارتك زهرا بوظت علينا شفع الحلة
وكل يوم سكرانين بالليل وعملوا لينا فلقة في راسنا من كواريكم وغناءهم الزي صوت الحمير
فدحين نحنا جيناك عشان نطرد زهرا دي من البيت .
عمك حسب الله زعل زعل شديد من الجماعة وقال ليهم عليكم الله يا جماعة زهرا دي عملت
ليكم شنو عشان تطردوها والله بتناولني قرازة العرقي بالحيطة

يا رافت والله القصة دي واقعية بس انا والحمد لله لا بشرب سيجائر ولا بسف تمباك ولا بشرب
محرمات , ودي قناعة شخصية مني علي الرغم من انو الوالد عليه رحمة الله قالوا كان مقطع السمكة
وديلها وكذلك اخواني الكبار , إلا انا والحمد لله .

Post: #192
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-25-2008, 09:30 AM
Parent: #190

كيفك يا هاشم
Quote: عمك حسب الله زعل زعل شديد من الجماعة وقال ليهم عليكم الله يا جماعة زهرا دي عملت
ليكم شنو عشان تطردوها والله بتناولني قرازة العرقي بالحيطة
الراجل فى أمانة الله لا كشة لا مخاطرات فى بطن بيتو تجيهو بالحيطة .. دايرين يقطعوا رزقو
Quote: انا والحمد لله لا بشرب سيجائر ولا بسف تمباك ولا بشرب محرمات
يعنى زى الزول بتاع (تحرش يوم الخميس) داك يادوب تشرب العصير ..

تعرف دى ذكرتنى بالراجل المشى للدكتور قال ليه داير أعيش 100 سنة تنصحنى بشنو .. قال ليه أبعد من كل المكيفات والكحول والمخدرات والنساء .. قال ليه ديل كلهم عمرى ما عملتهم .. الدكتور قال ليه "طيب عايز 100 سنة تعمل بيهم شنو"

يا زول ربنا يهدى الجميع .. مريح نفسك وضميرك وصحتك

مودتى

Post: #194
Title: Re: نفسى فى .. بقنية .. وشربوت .. ودكاى .. وكوجومورو
Author: محمد البشرى الخضر
Date: 04-25-2008, 10:29 AM
Parent: #190

سلامات يا رأفت يا عمك
بوست يودي النظام العام , الحكاية شنو

هاشم ابوي...
Quote: لا بشرب سيجائر ولا بسف تمباك ولا بشرب محرمات
ما قلنا حاجة
لكن كان لي بكاك و دردقتك دي اخير المابيهن ديل

Post: #195
Title: Re: نفسى فى .. بقنية .. وشربوت .. ودكاى .. وكوجومورو
Author: هاشم أحمد خلف الله
Date: 04-25-2008, 11:38 AM
Parent: #194

Quote: لكن كان لي بكاك و دردقتك دي اخير المابيهن ديل

ود البشري مشتاقين بسم الله الرحمن الرحيم انا الظاهر علي سكرت
دحين ده ود البشري ولا ود الصائم

انتا لسه وراي يعني المنبر ده كلو ببكي وبدردق مالقيت غيري انا
يعني هسع انتا مقصر من البكاء والدردقة
كلنا في الهواء سوا

Post: #211
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 10:10 AM
Parent: #195

Quote: انتا لسه وراي يعني المنبر ده كلو ببكي وبدردق مالقيت غيري انا
يعني هسع انتا مقصر من البكاء والدردقة
كلنا في الهواء سوا
ما قلت ليكم فيها إنّه .. أدونا لنك ووين الصور

Post: #209
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 09:53 AM
Parent: #194

كيفك يا ود البشرى
Quote: سلامات يا رأفت يا عمك
بوست يودي النظام العام , الحكاية شنو
ما تخاف يا عمك .. طلغنا تصريح لحدى الساعة عشرة .. وبتاعين السوارى كلهم قابضين ومتعشيين .. موصفين ليهم الخيانة أى دقن وكرش .. ما يهوب هنا
Quote: هاشم ابوي...
Quote: لا بشرب سيجائر ولا بسف تمباك ولا بشرب محرمات

ما قلنا حاجة
لكن كان لي بكاك و دردقتك دي اخير المابيهن ديل
الفلم دا وراه فلم .. دى شكلها حسادة ساكت يا هاشم .. الزول ده خرتو وين ؟؟

Post: #217
Title: Re: نفسى فى .. بقنية .. وشربوت .. ودكاى .. وكوجومورو
Author: محمد البشرى الخضر
Date: 04-26-2008, 01:30 PM
Parent: #209

Quote: الفلم دا وراه فلم .. دى شكلها حسادة ساكت يا هاشم .. الزول ده خرتو وين ؟؟

لا حولا يا الديامة جنس نظرية مؤامرة قاليك
خرت شنو ياعمك
ساي شيل حال لي الله و الرسول بس
دا غير انو اخوك ايامو الكان في الميدان قبل يعتزل حته في خرت زاتو ما بلعب فيها
وحبة الظروف اضطرتني ليهن مافي ود مقنعة خرتني حتى اسأل لو ما مصدق

Post: #191
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-25-2008, 09:14 AM
Parent: #189

Quote: ياجماعة انا دخلت غلط ولا شنومعذرة علي عدم الفهم
وضاحة الشلاقة عليك شنو ..

Post: #193
Title: Re: نفسى فى .. بقنية .. وشربوت .. ودكاى .. وكوجومورو
Author: وضاحة
Date: 04-25-2008, 10:17 AM
Parent: #1

هههههههههههههههههه

وحيات الله يا رافت عندى جنس قصص فى الموضوع دا

لكن لو هطربت بتجينى طوبة من الرجال البردحوا فى المنتدى دا

وانا ما ناقصة

اها اخليكم فى سكركم ورمادكم دا

فتكم عافية

Post: #210
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 10:07 AM
Parent: #193

Quote: وحيات الله يا رافت عندى جنس قصص فى الموضوع دا

لكن لو هطربت بتجينى طوبة من الرجال البردحوا فى المنتدى دا

وانا ما ناقصة
عاقلة ..
Quote: اها اخليكم فى سكركم ورمادكم دا
أخير من الواعيين .. هم البدخلوهم الحراسة هسة
Quote: فتكم عافية
الله يعافيك

Post: #196
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-25-2008, 12:46 PM
Parent: #1

يا جماعة أخجلوا الليلة الجُمعة ...
ما تزعل يا ودميلاد يوم الأحد برضو بنخجل ليك ...
ويوم السبت بِنخجل ليهُم ...

شكيتكُم على الله ، سمِح الباقي لينا شِنو ، وِكتين
سويتو لينا أيام الإسبوع كًسور وبواقي ...

دحين مقيل يوم التلات بجوز ...

Post: #198
Title: Re: نفسى فى .. بقنية .. وشربوت .. ودكاى .. وكوجومورو
Author: ماضي ابو العزائم
Date: 04-25-2008, 04:08 PM
Parent: #196

على كلامك يا رافت رجعت لبوست اسماء المدن فى الارشيف و لقيت (كل)بوستاتى الاساسية مافى!!!!!
الحقنا يا بكرى

Post: #199
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-25-2008, 04:50 PM
Parent: #198

ماضى دقة سريعة وأنا ماشى الشغل .. بجيك تانى من المكتب

ياخى لقيت البوست فى (مواضيع توثيقة و متميزة)

هنا : معاني و اسباب اسماء هذه المدن

بجيك راجع

ود البشرى وأباروا .. مرحب بيكم .. جايكم .. مافى مشكلة وعزام مرابط مافى مشكلة

Post: #200
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-25-2008, 07:33 PM
Parent: #199

ود أبارو لكن ما حيرتنى
Quote: ود ميلاد الريق مالو جرى سوريبة والشلاليف إتشققت
حليل الدهن المغتى الكانى ، وسمحه النفخه ومسحة الشنب وجبيدو
سلام يا رأفت أظنك فايته فيك عطشة بت زبدى
أنت الدخلك فى الحتت دى شنو .. قبيل أن لخبطت مع طارق نقد وقلت ليه كان عندنا فى الجزيرة أبارو .. لكن إستدركت مؤخرآ الكان عندنا (أبو) ..
Quote: ( بت زبدى دى طبعاً فى شارع رأفت ، بين بركات وود الشافعى )
فى حلة برضو فى النص إسمها موبى (الباء تنطق أحيانآ v ) .. مشهورة جدآ بالأنادى وهى مكان خطر كما كنا نسمع ..
يوجد منحنى بعد عبور الترعة قرب القرية يصير خطر جدآ فى الخريف تنزلق فيه العربات وبه مجارى عميقة بفعل اللوارى .. فى مساء أحد الأيام كاد أن (ينقلب) لورى محمل بالركاب فى هذا المنحنى .. قفذ أحد الركاب برشاقة الى من اللورى الذى كان يسير ببطء .. عاد اللورى وضعه السليم وواصل السير .. رفض سائق اللورى الوقوف لإنتظار الرجل قائلآ (وكت الموت زاغ منا .. حرم ما يركب معانا)
غاب الرجل أسابيع وأهله يبحثوا عليه حتى وجده فى موبى (مجندل) آخر مزاج
Quote: ااشى تكاى مو دكاى عشان بتحلى الإنتكاية والغميدة بعدو
سلمت وما كركبن قريعاتك
والله منطق سليم .. متكيكين الزمن ده كلو وما جايبين خبر ..
خالنا الله يرحمو ما قادر يفتح قزازة الشرى بخشمو .. قلت دقيقة يا خال وفتحتها ليه القرش المشرشر داك .. قال لى بشرب قبل يعرسو أمك ودى ما أعرفا

مستنيك أعرف علاقتك ببركات وود الشافعى شنو

وشكرآ على الطلة الحلوة

Post: #201
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-25-2008, 10:35 PM
Parent: #200

Quote: تعرف دى ذكرتنى بالراجل المشى للدكتور قال ليه داير أعيش 100 سنة تنصحنى بشنو .. قال ليه أبعد من كل المكيفات والكحول والمخدرات والنساء .. قال ليه ديل كلهم عمرى ما عملتهم .. الدكتور قال ليه "طيب عايز 100 سنة تعمل بيهم شنو"

مبالغة يا رأفت
حكاويك دايرة ليها ( قعدة )

Post: #213
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 10:25 AM
Parent: #201

يا صلاح ما إتفقنا نتلاقى فى البلد
Quote: حكاويك دايرة ليها ( قعدة )
لكن بعد بوستينا يكون إتفتح فينا 30 بلاغ من ناس التعيين السياسى فى المنبر .. كدى ما تسأل لينا أبو ساندرا نقد كان بدس وين .. ولا ده الكلام البجيب الهوا

Post: #214
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-26-2008, 11:52 AM
Parent: #213

Quote: نقد كان بدس وين

يا رأفت ، هو نقد كان متدسي ؟؟؟؟؟؟؟

Post: #215
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 01:00 PM
Parent: #214

Quote: يا رأفت ، هو نقد كان متدسي ؟؟؟؟؟؟؟
شفت .. شفت .. شفت .. شفت .. ما قلت لييييك ده الكلام بجيب الهوا .. لكن على اليمين .. لا حلق دقنو لا شنبو ولا رسل جواب للأمارة .. أها الإتبلبل يعوم ..

الدفار جاى جاى

Post: #202
Title: Re: نفسى فى .. بقنية .. وشربوت .. ودكاى .. وكوجومورو
Author: عماد شمت
Date: 04-25-2008, 11:18 PM
Parent: #200

لكن إنتو منو يا عزام .. أنا غايتو أسمح دكاى شربتو عند المحس

تعرف ياعباس بقنيه ...في مرة من المرات سافرنا في الاجازة الصيفيه انا وبن عمي حيث الاعراس

والابتهاجات...

وعندنا في المحس بيقيسوا العريس المقندل بعدد (الكوبيك) الزير القناوي ده طبعا زير ضخم

لمن يكون مليان دكاي بيشلوه اربعه كبار ... واقل عريس بيعمل 24 زير ,,وجركانات العرقي من القولد,,

اه الحفلة دورت والرقيص والغبار لي رب السما..ودعمي الشليق قال يمشي يشرب موية

اه جاني راجع قالي في زول كاتلينو وجسمه كله دم !!!ياراجل كاتلينو عديل كده؟؟

مشينا نتأكد...لقينا فعلا الراجل لابس جلابيه بيضاء كلها دم!!ياستار ..المهم كلمنا واحد تاني

من البلد ..قال لا حولة تعرفوا الزول ده بعد ماكمل الدكاي بقي يمصر في المشك ولمن سكر ماقدر يتحرك

من محلة نام علي كوم المشك وطبعا لون المشك احمر بقت في الجلابيه بيضاء مكوية ..

,,,اه شفت جنس الطيران ده ..

Post: #216
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 01:14 PM
Parent: #202

يا خلى
Quote: واقل عريس بيعمل 24 زير ,,وجركانات العرقي من القولد,,
ده الكلام .. العرس عندكم
Quote: لا حولة تعرفوا الزول ده بعد ماكمل الدكاي بقي يمصر في المشك ولمن سكر ماقدر يتحرك

من محلة نام علي كوم المشك وطبعا لون المشك احمر بقت في الجلابيه بيضاء مكوية ..
ده عوم عديل .. الشى الدكاى كان ما حقو راسو ده ما حقو ؟ بشتنة الجداد ..

Post: #207
Title: Re: نفسى فى .. بقنية .. وشربوت .. ودكاى .. وكوجومورو
Author: اْسامة اْباّرو
Date: 04-26-2008, 00:56 AM
Parent: #200

سمعت بى سكرة ينىّ ؟
سكرة ينىّ النسى مرتو فى البار
باين مى سكره ، خواده وعوم عديييل
أّاّى والله ماها موبى براها، الراس وديم
بتول(بفتح الواو) و كل ضهر الترع تريان محل ما
تغشى تبل الريق وتقطع العطشة ، ماك محتاج عمار للمزه
من أقرب حوض تجرتقه .
وحاتك بى بتيخته كمان شنو ليك ؟
Quote: مستنيك أعرف علاقتك ببركات وود الشافعى شنو

كيف ؟ حبيب أنا يانى من بلد التسعة لغات
والعاشره الإبتسامه
يعنى الألف ثابت مو واو مع ود نقد
تعرف يا رأفت النعمه تريانه ، حليل أيامه وكراعه الخدره
زى ما قال الشايقى : من عمايلكين بقيتن تسون المريسى رقيقى
( مبرر حالة البلد و الضيق الحلت وقطعت الخمير من تيبارنا ده)
وعليك بالمدمس وكرف التراب
سلمت من شوكاً يلولو هدمك

Post: #218
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 07:02 PM
Parent: #207

Quote: أّاّى والله ماها موبى براها، الراس وديم
بتول(بفتح الواو) و كل ضهر الترع تريان محل ما
تغشى تبل الريق وتقطع العطشة ، ماك محتاج عمار للمزه
من أقرب حوض تجرتقه .
وحاتك بى بتيخته كمان شنو ليك ؟
وييين الكلام ده يا أسامة .. ولدنا فى عمر الزهور عيالوا أطفال .. كتلوه عشان يشيلوا موبايلو
Quote: كيف ؟ حبيب أنا يانى من بلد التسعة لغات
والعاشره الإبتسامه
يا حليل اللغة العاشرة دى .. البسمة إنطفت فى عيون الأطفال ..
Quote: يعنى الألف ثابت مو واو مع ود نقد
تعرف يا رأفت النعمه تريانه ، حليل أيامه وكراعه الخدره
زى ما قال الشايقى : من عمايلكين بقيتن تسون المريسى رقيقى
( مبرر حالة البلد و الضيق الحلت وقطعت الخمير من تيبارنا ده)
وعليك بالمدمس وكرف التراب
سلمت من شوكاً يلولو هدمك
ما أجمل دواخلك يا ود أباروا .. كاسك فى صحة الحرية والجمال

Post: #212
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 10:16 AM
Parent: #196

Quote: يا جماعة أخجلوا الليلة الجُمعة ...
ما تزعل يا ودميلاد يوم الأحد برضو بنخجل ليك ...
ويوم السبت بِنخجل ليهُم ...

شكيتكُم على الله ، سمِح الباقي لينا شِنو ، وِكتين
سويتو لينا أيام الإسبوع كًسور وبواقي ...

دحين مقيل يوم التلات بجوز ...
يا عزام أيام الله كلها واحد .. والولدوه يوم السبت ما زايد كراع من بتاع الإتنين .. اليوم الكبير جاى .. نشوف ناس الدقون ديل يطلعوا فتوى يخارجوا بيها نفسهم ويورطوا الباقين كيف ..

Post: #203
Title: Re: نفسى فى .. بقنية .. وشربوت .. ودكاى .. وكوجومورو
Author: ASHRAF TAHA
Date: 04-25-2008, 11:40 PM
Parent: #1

الرائع للطيش ... رأفت
سلام ليك وللحبيب العمدة
إهداء
بتاع أهلنا

بويا ييه

Post: #204
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 00:22 AM
Parent: #203

يا سلام يا أشرف
عدلت المزاج .. بمزاج

راجع ليكم ..

Post: #205
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-26-2008, 00:24 AM
Parent: #204

Quote: كنت إفراج مؤقت في الخرطوم...... هق .... هق...

الحقوني بي قرعة مريسه.. عشان الحق الونسه...

ويا ود ميلاد المريسه او (البغو)بيشربوها بالقرعه.. هق ...

كب لي جالون...

ونواصل.....
لا حولاااا كوجان هنا وأنا داقس

وجاينى ببقبق .. والله السودان بى خيرو

ذكرتنى قصة بحكيها الوالد رحمة الله عليه .. زمان فى أمدرمان الزول المستنكح الما بدفع فى الشربة بسموه (فانوس) .. فى واحد بلبد لحدى الشربة تجى والجماعة يدوروا يجى داخل ويبقى سيدا .. يوم كتر وبدأ هق .... هق... واحد زهجان منو .. قال ليهو فانوس وتبقبق ..

وبقبقتها عند ناس العمدة وجيتنا .. أخباركم معانا

حمدلله بالسلامة ياخ ومشتاقين

Post: #206
Title: Re: نفسى فى .. بقنية .. وشربوت .. ودكاى .. وكوجومورو
Author: محمد مكى محمد
Date: 04-26-2008, 00:26 AM
Parent: #1

قيمى لسه ما جا?أنا حاجز...

Post: #221
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-27-2008, 08:00 AM
Parent: #206

Quote: قيمى لسه ما جا?أنا حاجز...
لاحولاااا أنت حاجز فى إنداية التومة من سنة 55 .. ؟؟ أنت قيمك بكون جا مليون مرة .. بس كل ما يكوسوك بتكون دخلت تاخد ليك عبار

لكن مبالغة .. إنداية وقهوة !!! .. يكون نظام بار وكفتيريا .. بس الناس ماخدين على الإندايات ..

Post: #208
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-26-2008, 09:11 AM
Parent: #1

إنتو لسه فاتحين ..؟؟

أقصد قاعدين..؟؟؟؟؟

أها الليلة بي شنو؟؟؟؟؟

وعندس سؤال لي ناس الإختساس

كم تبلغ نسبة الكحول في كل من
الشربوت
البقنية
الدكاي
المريسة ( بأنواعها المختلفة )
عرقي القصب
عرقي البلح
عرقي العيش
؟؟؟؟؟؟

Post: #219
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-26-2008, 08:39 PM
Parent: #208

Quote: عرقي القصب
عرقي البلح
عرقي العيش

يا عثمان أنا طبعاً ما خبير ، ولا أدعي ذلك
ولو ملاحظ ، نقتي كلها ( قديمة ) يعني من ( قبل الانقاذ .. وكدا ) ..
كلامي مع ود خالتي رأفت ده كلام قدييييييييم ، من سنة دو
الجو الممكن تتونس فيهو ونسة لذيذة زي دي ، وتفعد وتتجيه ، ويكونوا أصحابك حولك ، ده زمن ما بيرجع تاني ، زمن الله يرحمو ، والناس دي كلها عايشة على الذكريات ..
هو فضل لينا شنو تاني غيرها ؟؟ نتذكر ونحسر ..
أها الإجابة على زي سؤالك ده ظهروا ليهو شفوت جداد ممكن يردوا عليك رد نموذجي ، نحن فات فينا الفوات يا أخينا ..
وبعيدن منو البيعرف ليك النسب دي ؟ العرقي ده ( بـيـعبروه ) بالكاس ، يعني كم كاس ممكن ( يوصلوك ) والكاس زاتو حسب ( الموزع ) لو كان غتيت ، بيكون مغطي قعر الكاس بي أيدو لمن يكب كاسو ، ولمن يدور على الجماعة بيكون منقص العبار شوية ، أها ده زول شرفان ، أختاهو ..
والعامل التاني نوعى العرقي زاتو ، جايبو من منو ؟؟

لكن بيني وبينك عرقي القصب ده أول مرة اسمع بيهو ، وعرقي العيش ( عفن ) ومشاكلو كتيرة ..
عرقي البلح يا هو العرقي الواااااااحد ده .. برضو ( صعب )
ما لاحظت للجماعة الماحد لما يرفع الكاس ، بعدها بيكرفس وشو كيف ؟؟ ويقول ( أفففف) ويمكن يديها ( بصقة ) ..

Post: #220
Title: Re: نفسى فى .. بقنية .. وشربوت .. ودكاى .. وكوجومورو
Author: MAHJOOP ALI
Date: 04-27-2008, 03:27 AM
Parent: #219

ود ميلاد
كدى انجرلينا بنبر فى قعدتكم دى...
تعرف .... بعد سنين طوال
السنة دى ضربنا الشربوت الما خمج ...
ووين ؟ فى بلاد العم سام

Post: #224
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-27-2008, 09:01 AM
Parent: #220

كيفك يا محجوب على
Quote: كدى انجرلينا بنبر فى قعدتكم دى...
جاينا بعد ما غنينا .. حقو الليله تفط عشان توصل عزام بيتم
Quote: تعرف .... بعد سنين طوال
السنة دى ضربنا الشربوت الما خمج ...
ووين ؟ فى بلاد العم سام
لا حولا .. نحن الكسرة يا الله .. عندنا بت واحدة باقين ليها فى عمرا .. شربوت عديل .. ودفنتوا وين ؟ ولا شربتوا داشر ..

Post: #223
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-27-2008, 08:51 AM
Parent: #219

Quote: يا عثمان أنا طبعاً ما خبير ، ولا أدعي ذلك
ولو ملاحظ ، نقتي كلها ( قديمة ) يعني من ( قبل الانقاذ .. وكدا ) ..
كلامي مع ود خالتي رأفت ده كلام قدييييييييم ، من سنة دو
قوية دى يا فردة القريت فيها أسامة عثمان .. قلت قبل الإنقاذ ؟؟ عندنا صاحبنا الطريفى .. تقول ليه بطل المنتشة .. يقول ليك "يا يابا بديناها ولا تميناها .. أخير من ناس من زمن التركية والمهدية وجات عليهم الخطة الخمسية الإنقاذ أولاد أمبارح ديل !!! نحن زمن الـ GB ناس الإنقاذ ديل كانوا متفنين قدام الجامع يبيعوا فى الكتب الصفرا .. ما قامت ليهم قامة إلا بعد عرفوا طريق ناس إبراهيم روثمان وحسن الفتا .. (الفتاة)
Quote: ما لاحظت للجماعة الماحد لما يرفع الكاس ، بعدها بيكرفس وشو كيف ؟؟ ويقول ( أفففف) ويمكن يديها ( بصقة ) ..
ود عمى الله يرحمو يعز الشربة .. قال والله كان عفيتونى من أول كاس ده .. سمعو أبوه من وراه وهو ما شايفو .. قال قال يا كلب أنت كان دخلوك جوة القزازة تتنفس زى السمك

Post: #222
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-27-2008, 08:37 AM
Parent: #208

يا أسامة كيفك
باقى الشغلانة لسة ما وصلت .. ولا لسه فى التخمير
Quote: كم تبلغ نسبة الكحول في كل من
الشربوت
البقنية
الدكاي
المريسة ( بأنواعها المختلفة )
عرقي القصب
عرقي البلح
عرقي العيش
؟؟؟؟؟؟
شايف صلاح عبدالله أفحمك .. لكن والله نسبة الكحول ما فكر فيها زول بلك .. نحن بنحسبا .. سمح .. كعب .. داشر وهلمجرا ..

لكن صحى شنو عرقى القصب ده

تعرف ظهرت موضة عرقى الجوافة وعرقى الموز .. إتضح ياهو التمر ويرموا موز أو جوافة داخل إناء التقطير فياخد النكهة .. كان ظريف لكن حليمة ما بتخلى قديمة ..

Post: #225
Title: Re: نفسى فى .. بقنية .. وشربوت .. ودكاى .. وكوجومورو
Author: نورالدين بابكر بدري
Date: 04-27-2008, 10:13 AM
Parent: #222

الأخ رأفت ميلاد لك ولضيوفك الكرام ألف تحية

تعرف دخلت على بوستك دا بقيق في الطريقة التفكها مني

قصة حقيقية

ست عرقي طردوها ناس الفريق - قامت رحلت محل تاني وقطعت راس الناس
الما عرفوا وين مشت

في صلاة الجمعة إمام الجامع بيتكلم في الخطبة ( بائعة الخمرة الجديدة الساكنة جنب
الفرن بتاع ناس فلان تالت بيت من الناصية حرام نسكت على وجودا هنا- ولازم نشوف حل )

القاسية انتهت الصلاة - وصاحبنا الكان في الجامع لي عند ست العرقي
توشك دق الباب - وفتحت ليهو - انتي بي جاي ونحن ما عارفين
والله كان ما امام الجامع ما كنت عرفت جيهتك
طبعاً حجز حقوا وفرتق

محبتي

نورالدين

Post: #233
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 04-29-2008, 11:00 AM
Parent: #225

نورالدين بابكر بدري
مرحب بيك تانى

آسف غلى التأخير .. أهو نعيد بيض وفسيخ على النت .. وبضو نطشم هنا .. بعد ما غلبنا العديل قلت الراجل لقى العنوان فى الجامع
Quote: والله كان ما امام الجامع ما كنت عرفت جيهتك
ياخ الإمام ده زاتو عارف العنوان ده بالتفصيل كيف
تعرف قالوا واحد مستهبل من إياهم عامل فى مولانا .. بخطب ودخل يدو فى جيبو يطلع المنديل .. طلعت مهاهو كروت كشتينة .. راح رفعا وواصل "أتلعبون الميسر يا أعداء الله .. خسئتم"

Post: #226
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-27-2008, 05:16 PM
Parent: #1

يا حاج رأفت

والله الشغل جاهز بس زي ما بقولو اللبنايين " كبسة زر " وتصلك بس انشغلت مع العجايز
عرقي القصب ده من القصب
وفسر الماء بعد الجهد بالماء...

المهم بطلو حركاتكم دي وورنا النسبة بتاعت كلو واحد ......

بالجد يا شباب انا عاوز أعرف النسب المئوية وكما ذكرت أعلاه .....

أخونا صلاح شكراً للوصف الدقيق لحالة العرقي بعد الكشح..... عجبتني صرة الوش ...... لكن سؤال مرات بكون فيها قُحة موش كده ؟؟؟

قصة صغنونننة:-

صاحبي جداً جامايكي جاء السودان سنة 1999 عشان يزورني وكده .... قال عاوز يشرب .... الشباب اتبرعوا وجابو ليهو عرقي قاطع من الفتيحاب " في أوج عهدها " صاحبنا شرب الكاس الأول ووقف على حيلو ولفه لفتين ...وقعد ولم يشرب بعدها ابداً .... قال لي بعد كم يوم كده ....
( الناس بتشرب عشان تنبسط موش عشان تموت ... ده شنو الأنا شربتو داك ..... ياخ لو ما الكوارع " كان بيحب الكوارع شديد" ما كنت قعدت معاك يومها ....
حكيت ليهو عن البوست قبل يومين... فسألني من النسب المئوية لأنو يعتقد أن العرقي نسبته المئوية اكثر من 50 في المية.....
ولذلك عاوز إجابة شافية .....

وبالمناسبة الليلة عندي كوارع كااااااااااااااااربة ...
( يا عم رأفت قرايبكم ديل حا يبوظو طبعنا )
....................

Post: #227
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-27-2008, 06:27 PM
Parent: #226

أسامه .. كيف حالك

لو عايز تعرف شئ عن النسب المئوية ، أدخل على البوست بتاع أخونا مهاجر ده ..
وأنا كتبت مداخلة عن نفس الموضوع ..
النساء: هل يشعشن اسرع من الرجال (دراسة عن سكر النساء)

قصة صاحبك الجمايكي ده ، عندي قصة شبيهة بحكيها ليك ..

Post: #235
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 05-02-2008, 05:46 AM
Parent: #226

صباح الخير يا أسامة
البضاعة ما كاملة .. أنت لسة شغال ?

كان عندنا خواجة أستاذ من ولز فى مدنى الثانوية .. كان أكبر مننا شوية أو فى دورنا .. من الـ overseas volunteer .. كانلامن يشرب العرقى يعرق وحالتو تبقى حالة .. قال أنتوا أغرب شعب .. جوكم حار نار بدل ما ترطبوا بالبارد تشربواالعرقى وتاكلوا الشطة

Post: #228
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-27-2008, 07:04 PM
Parent: #1

أها مشينا بي هناك وسألنا نفس السؤال ...

شكراً يا ابو( الصلح ) في إنتظار القصة الشبيهة بي قصة صاحبي الجامايكي....

........
أخوك أسامة

Post: #230
Title: Re: نفسى فى .. بقنية .. وشربوت .. ودكاى .. وكوجومورو
Author: MAHJOOP ALI
Date: 04-28-2008, 00:33 AM
Parent: #228

..
Quote: شربوت عديل .. ودفنتوا وين ؟ ولا شربتوا داشر

ميلاد:
دفنى ؟ فى بلاد اليانكى ؟
يااخوى هنا الواضح مافاضح
وما تتعشم منى الوصفة مجانا
كان داير قزازة ارسل المعلوم مع حق ال dhl
والتسعيرة باليورو نسبة لتدهور الدولار

Post: #240
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 05-05-2008, 12:23 PM
Parent: #230

Quote: دفنى ؟ فى بلاد اليانكى ؟

خمرتوا بالطاقة الشمسة فى البكونة
Quote: يااخوى هنا الواضح مافاضح
وما تتعشم منى الوصفة مجانا
كان داير قزازة ارسل المعلوم مع حق ال dhl
والتسعيرة باليورو نسبة لتدهور الدولار
جابت ليها عملة صعبة .. ياخى بعملوا فى الحِلة .. ما ببيعوا ده .. أخدوا فينا الأجر
كان عندنا واحدة لما تفتح الشدّة الجديدة .. بتقول بسم الله

معليش على التأخير يا محجوب

تحياتى

Post: #231
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 04-28-2008, 06:59 AM
Parent: #1

ألا فأسْقِني خمراًً وقل لي هي الخمر
ولا تُسْْـقِِني سـرّاًً إذا أمكن الجهر

شوف جِنس التِعِكلِت ده ... ضاق الخمر ولِمِس ماعونو وشافا الخمج بِعيونو ... كمان دايِر يسمع
إسِما بِأضانو يِشنف أُذنِهِ يعني ... إت يا ودميلاد أبونواس ، جا قبًل ده إندايتك دي ...

Post: #232
Title: Re: نفسى فى .. بقنية .. وشربوت .. ودكاى .. وكوجومورو
Author: Salah Abdulla
Date: 04-28-2008, 01:15 PM
Parent: #231

أسامه ،، إزيّك

دكتور باتريك ، كان يعمل في منظمة أطباء بلا حدود في ثمانينات القرن الماضي في الخرطوم ..
أحضره جارنا وزميله في العمل الذي يسكن ( عزابي ) في حلتنا
باتريك كان جديد في البلد ( وسنة ) نضيفة مافي ، وصاحبك ( اتكرش ) وحالتو بقت تحنن
طلب من صديقه أنه يشوف له ( حاجة )
يقوم يسمعو قدورة ود اختي ( زول مسلط ) وقال له غالي والطلب رخيص
أدوه كاس عرقي وااااااحد بس ، صاحبك لون بقي بنفسجي ، وجاتو نوبة قحة ، وحالتو بقت حالة ..
بعد ما هدأ شوية ،، قال جيبو لي بيبسي ، كسر بالبيسي ..
ضرب الكوارع ، وأم فتفت والفول ( الفول من الشطة لون أحمر ) ..
بعد تلاثة شهور بالضبط ، كان باتريك أخطر من يدّور كاس العرقي ، وأشهر زبون (أم فتفت ) في سوقي السجانة والديم ..

Post: #234
Title: Re: نفسى فى .. بقنية .. وشربوت .. ودكاى .. وكوجومورو
Author: Osama Mohammed
Date: 04-29-2008, 11:49 AM
Parent: #1

صلاح
صباح الخير

قصة حلوة والخواجات ديل بحبو الشراب القوي بصورة كبيرة .....

ذكرتني قصة البروف الذي عاد للتدريس في جامعة الخرطوم في التسعينات بعد أن تركها في بداية الثمانينات ....
وهو من بلاد (الملكة) حيث قال ومنذ نزوله من على سلم الطائرة
وبالعربي " داير فول وموية جبنة......بصل كتير ....زيت سمسم كتير ..... بعد قزازة عرقي عرقي !!!!"

ملاحظ هنا في بلد الخواجات الشباب الصغار في السن بشربو بي صورة مقلقة ...حيث( يكسرون) الفودكا الروسية بمشروب الطاقة رد بول - Red Bull- وهو على ما أعتقد يحفظ السوائل في الدم لمدة طويلة .... شوفت البشر دي بقت كيف؟؟؟؟؟

لك التحايا
اخوك اسامة

Post: #237
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 05-02-2008, 08:58 PM
Parent: #1

الخراااابا ... إنتو ودميلاد ده كشو ولا شِنو

Post: #238
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 05-02-2008, 09:06 PM
Parent: #1

هوووي ... الفِجه دي بعد ده بِتجيب لينا الهوا ساي وصل الأن عدد زُوار
هذا العمود (الريحتو طاقه) إلى 2762 زائِر ، والله دي عطشه ، هيا
ناس المُخارجة كيفنها

Post: #239
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 05-04-2008, 05:50 PM
Parent: #1

عبار

Post: #241
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 05-05-2008, 12:25 PM
Parent: #239

كيفك يا يوسف محمد يوسف
Quote: الواحد بعد ما يكمل مروره على البوست ده ... عايز ليه ام فتفت ناعمة .. بى دكوه وشطة خضراء وحمراء
مع اتى بقر وبصله حاره ... عشان راسه يستعدل !!

ديل كان لقيتم ياها الفكت
Quote: عطشتونا !!!!!!!!!!
نفسك هفتك زييى كدة .. الله يزوّل الأسباب ونتطايب جمب الترعة

Post: #242
Title: Re: نفسى فى .. بقنية .. وشربوت .. ودكاى .. وكوجومورو
Author: رأفت ميلاد
Date: 05-05-2008, 12:28 PM
Parent: #239

يا عزام والله إنتا الفارقة معاك شديد الإنداية ..
Quote: ألا فأسْقِني خمراًً وقل لي هي الخمر
ولا تُسْْـقِِني سـرّاًً إذا أمكن الجهر

شوف جِنس التِعِكلِت ده ... ضاق الخمر ولِمِس ماعونو وشافا الخمج بِعيونو ... كمان دايِر يسمع
إسِما بِأضانو يِشنف أُذنِهِ يعني ... إت يا ودميلاد أبونواس ، جا قبًل ده إندايتك دي ...
ده الدوبى دة مقيل فى حاجة كاااربة .. لكن فارقة معاهو فى حاجة حيرتو كدة
Quote: الخراااابا ... إنتو ودميلاد ده كشو ولا شِنو

Quote: هوووي ... الفِجه دي بعد ده بِتجيب لينا الهوا ساي وصل الأن عدد زُوار
هذا العمود (الريحتو طاقه) إلى 2762 زائِر ، والله دي عطشه ، هيا
ناس المُخارجة كيفنها

Quote: عبار
والله كوراكك العالى ده الماش يجيب لينا الكشة

كيفك يا عزام .. غيبة قسرية كده لكن بدون عبار

Post: #243
Title: Re: نفسى فى .. بقنية .. وشربوت .. ودكاى .. وكوجومورو
Author: عزام حسن فرح
Date: 05-05-2008, 07:11 PM
Parent: #1

أمانةً عليك ... هسي القصرِية الدخلا شِنو ... الزول ده فُطو