Post: #1 Title: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 03:42 PM Parent: #0
.
جد جد هدية من النوع الببكى داك .. جهزن المناديل
.
Post: #2 Title: Re: عيد الأم .. والله فلم هندى عدييييل كدة !!! Author: Tragie Mustafa Date: 03-21-2008, 03:58 PM Parent: #1
رأفت ميلاد سلامات وكل عام وكل امهات العالم بخير. شكرا لك ابكيتني كعادتي في كل الافلام الهنديه.
شكرا لهذا الفيلم التعليمي عالي المهنية في نشر الوعي عن الايدز وعن كم هو محزن عزل واقصاء مرض الايدز,وعن طرق انتقال العدوى وبانه ليس سهل الانتقال بالمعايشة من اكل او مجالسة او لعب . في ميزان حسناتك . وربنى يشفي المرضى ويرفع عنهم هذا البلاء. قول لفاتن كل عام وهي بخير.
Post: #3 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 04:24 PM Parent: #2
مرحب يا تراجى كل سنة وأنت بخير
Quote: كم هو محزن عزل واقصاء مرض الايدز,وعن طرق انتقال العدوى وبانه ليس سهل الانتقال بالمعايشة من اكل او مجالسة او لعب . في ميزان حسناتك . وربنى يشفي المرضى ويرفع عنهم هذا البلاء.
قرأت من قبل تم طرد رجل من المسجد الكبير فى الخرطوم لحمله جرثومة الإيدز ..
Quote: قول لفاتن كل عام وهي بخير.
وإنتى بكل خير
Post: #4 Title: Re: عيد الأم .. والله فلم هندى عدييييل كدة !!! Author: محمد البشرى الخضر Date: 03-21-2008, 04:29 PM Parent: #1
كل سنة وانت طيب يا رأفت اشمعنى
Quote: جهزن
القاليك منو ما عندنا إحساس
Post: #5 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 04:56 PM Parent: #4
ود البشرى كيفك وطولنا منك والله
Quote: القاليك منو ما عندنا إحساس
لا عارفك بكاى الموضوع هدية ليهن .. لا تتخلى أم عن إبنها إلا للشديد القوى .. وده الشديد القوى زاتو .. لكن معشر الرجال بملصوهم قوااام مع أول توب مارى ..
كل سنة وأم العيال بألف خير
Post: #7 Title: Re: عيد الأم .. والله فلم هندى عدييييل كدة !!! Author: Emad Abdulla Date: 03-21-2008, 05:12 PM Parent: #5
Quote: لكن معشر الرجال بملصوهم قوااام مع أول توب مارى ..
يا ماري عند الأصيل وحدك بشاطي النيل .. صدقني شكلك جميل .
... رأفت يا ابن خالتي .. لازم تلخبط الكيمان يعني و تجيب السافل في الصعيد ؟ حركات حلب حاااااسدين .. و كمان جلكنو قلنا ليكم .. ده براهو و ده براهو ..
كل سنة و الأمهات في كل الدنيا بخير .. و العالم كلو طيب و حلو و مسالم .
Post: #9 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 06:33 PM Parent: #7
حبيبنا عماد مشتاقين
Quote: لازم تلخبط الكيمان يعني و تجيب السافل في الصعيد ؟ حركات حلب حاااااسدين .. و كمان جلكنو قلنا ليكم .. ده براهو و ده براهو ..
أهم حاجة تسوطا وإنت بره شفت كيف
Quote: كل سنة و الأمهات في كل الدنيا بخير .. و العالم كلو طيب و حلو و مسالم .
أجمل الدعوات .. مودتى
Post: #6 Title: Re: عيد الأم .. والله فلم هندى عدييييل كدة !!! Author: طارق جبريل Date: 03-21-2008, 05:09 PM Parent: #1
تعرف يا رأفت الافلام الهندية دي حقو الزول يتنخج بعداك يشوف الفيلم
Post: #11 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 08:09 PM Parent: #6
طارق جبريل الرجل الجميل
Quote: تعرف يا رأفت الافلام الهندية دي حقو الزول يتنخج بعداك يشوف الفيلم
هو داب خج .. قبيل فوت ود البشرى ساكت .. لكن خجونا لامن قلنا كفا ..
رحم الله أمهاتنا وأعطاهم الجنة .. وحفظ كل أمهات لعالم
تحياتى للمدام وكل سنة وهى طيبة
Post: #8 Title: Re: عيد الأم .. والله فلم هندى عدييييل كدة !!! Author: تماضر الخنساء حمزه Date: 03-21-2008, 05:55 PM Parent: #1
كل سنة وكل الأمهات بخير
كل سنة وانا بخير
رأفت المناديل في الحالة دي مابتفيد من قريت عنوانك (فيلم هندي ) جيت بي بشكيري
Post: #13 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-21-2008, 11:10 PM Parent: #8
تماضر يا أحلى أم
Quote: المناديل في الحالة دي مابتفيد من قريت عنوانك (فيلم هندي ) جيت بي بشكيري
أنا لازم أبلل الليلة بشكيرك ده تمام .. أجيب ليك جالب السعد لؤى شمت .. وأمه الصديقة زينب .. وليمياء زاتا بقت أم .. مع حبيبنا الموصلى الفنان وجهزى بشكيرك
Post: #18 Title: Re: عيد الأم .. والله فلم هندى عدييييل كدة !!! Author: تماضر الخنساء حمزه Date: 03-22-2008, 11:53 AM Parent: #13
رأفت صباحاتك ورد
أطمنك البشكير اتملا ودفق
شكرا..وفاقدين لؤي جدا
Post: #10 Title: Re: عيد الأم .. والله فلم هندى عدييييل كدة !!! Author: مازن الجمّال Date: 03-21-2008, 07:01 PM Parent: #1
كل سنة وجميع امهاتنا بوافر الصحة والعافية
رافت يا جميل تحياتي
Post: #14 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 09:10 AM
صاحب الطلة المريحة مازن الجمّال محبتى
Quote: كل سنة وجميع امهاتنا بوافر الصحة والعافية
Post: #12 Title: Re: عيد الأم .. والله فلم هندى عدييييل كدة !!! Author: عبدالرحمن عبدالله Date: 03-21-2008, 09:29 PM Parent: #1
up
Post: #17 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 11:38 AM Parent: #12
ود جيرانا شكرآ على رفع البوست ربنا يحفظ نساء بلادى ويخلى ليك الوالدة أهديك فى عيد الأم :
Post: #19 Title: Re: عيد الأم .. والله فلم هندى عدييييل كدة !!! Author: عبدالرحمن عبدالله Date: 03-22-2008, 11:57 AM Parent: #17
Quote: ربنا يحفظ نساء بلادى
بلادك ياتا؟
Post: #15 Title: Re: عيد الأم .. والله فلم هندى عدييييل كدة !!! Author: سيف الدين مصطفى كرار Date: 03-22-2008, 09:48 AM Parent: #1
الف تحية لك
تهنئة مباركة لكل الامهات فى المعمورة بعيدهن واتمنى لهم وافر الصحة والعافية.
يااستاذ ميلاد يظهر انك بتحب الافلام الهندية ,فى قناة هندية جديدة نزلت على نايل سات
يمكنك ان تستمتع بروائع الاعمال الهندية ,اسم القناة nd tv imagine
قال الشاعر
الام مدرسة اذا اعددتها اعددت شعبا طيب الاعراق
تحياتى.
Post: #16 Title: Re: عيد الأم .. والله فلم هندى عدييييل كدة !!! Author: سيف الدين مصطفى كرار Date: 03-22-2008, 09:49 AM Parent: #1
الف تحية لك
تهنئة مباركة لكل الامهات فى المعمورة بعيدهن واتمنى لهم وافر الصحة والعافية.
يااستاذ ميلاد يظهر انك بتحب الافلام الهندية ,فى قناة هندية جديدة نزلت على نايل سات
يمكنك ان تستمتع بروائع الاعمال الهندية ,اسم القناة nd tv imagine
قال الشاعر
الام مدرسة اذا اعددتها اعددت شعبا طيب الاعراق
تحياتى.
Post: #22 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 02:16 PM Parent: #16
سيف الدين مصطفى كرار تحياتى
Quote: تهنئة مباركة لكل الامهات فى المعمورة بعيدهن واتمنى لهم وافر الصحة والعافية.
ولهن المودة
Quote: يااستاذ ميلاد يظهر انك بتحب الافلام الهندية ,فى قناة هندية جديدة نزلت على نايل سات
يمكنك ان تستمتع بروائع الاعمال الهندية ,اسم القناة nd tv imagine
مالك علينا يا سيف .. الكويس نايل سات هنا ما بصلنا .. ولا كان العيال وأمهم حرمونا التلفزيون لكن عندهم موجة ألمانية قادننا بيها ..
Quote: الام مدرسة اذا اعددتها اعددت شعبا طيب الاعراق
Post: #20 Title: Re: عيد الأم .. والله فلم هندى عدييييل كدة !!! Author: الطاهر عثمان Date: 03-22-2008, 12:49 PM Parent: #1
a piece of Art gameeel
Post: #21 Title: Re: عيد الأم .. والله فلم هندى عدييييل كدة !!! Author: هاشم أحمد خلف الله Date: 03-22-2008, 01:24 PM Parent: #20
ربنا يطول في عمر امهاتنا يا رافت يا خوي انتا عارف من يوم الخميس لحدي صباح السبت ده انا في إتصال دائماً مع السودان لانو الوالدة كانت تعبانة شديد واليوم الصباح فقط عرفنا انها في احسن حال من الأيام السابقة . ربنا يشفيها ويشفي كل مريض إنشاء الله
Post: #24 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 02:42 PM Parent: #21
العزيز جدآ هاشم أحمد خلف الله
Quote: ربنا يطول في عمر امهاتنا يا رافت يا خوي انتا عارف من يوم الخميس لحدي صباح السبت ده انا في إتصال دائماً مع السودان لانو الوالدة كانت تعبانة شديد واليوم الصباح فقط عرفنا انها في احسن حال من الأيام السابقة . ربنا يشفيها ويشفي كل مريض إنشاء الله
ألف سلامة للوالدة .. ربنا يحفظها ويديها الصحة والعافية .. ويحفظها ليكم من كل شر .. تحياتى لها وكل سنة وهى طيبة وتحية مثلها للمدام .. وأدام الله المحبة
Post: #23 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 02:37 PM Parent: #20
الأخ الطاهر عثمان تحياتى
Quote: a piece of Art
فعلآ جميله .. تمثل الأمومة فى أطراف العالم .. هى لغة مشتركة لا يغيرها لون ولا طقص ولا ثقافة أرفق لك باقى اللوحات مع مودتى
Post: #25 Title: Re: عيد الأم .. والله فلم هندى عدييييل كدة !!! Author: ناجية مصطفى Date: 03-22-2008, 10:05 PM Parent: #23
الأخ رأفت ميلاد تحية طيبة وكل سنة والكل بخير وعافية
وكل أمهاتنا الجميلات بالف خير وربنا أخليهم لينا
أخى رأفت من زمن طويل وأنا بسأل عن أولاد الشهيد سليمان ميلاد
تهانى وأولادها أين يعيشون وكيف حالهم أتمنى أن أسمع عنهم
خيرا لوتكرمت أرسل لى عنوان تهانى حتى أطمئن على أحوالهم
وللك منى ألف شكر وكل سنة أنت وأم العيال بالف خير أمين
Post: #26 Title: Re: عيد الأم .. والله فلم هندى عدييييل كدة !!! Author: رأفت ميلاد Date: 03-22-2008, 11:56 PM Parent: #25
ألف مرحب أخت ناجية وطلعتى من ريحة الحبايب
نعمة زواجا الشهر الجاى وعلى إتصال بى دائم هم بخير وفى أستراليا
