أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى"

Post: #1
Title: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى"
Author: رأفت ميلاد
Date: 12-31-2007, 01:45 PM
Parent: #0

ومن ود الشافعى .. ومن بركات .. ومن إمتداد ناصر .. أوطان دائمة

فى الوطن الكبير ..

من الأبيض .. وسينما كردفان وعروس الرمال .. وعصيدة الدخن باللبن
وكسرة القمح .. فى عز المطر ..
الفولة .. وحدائق البان جديد .. وضل التبلدية

من الدلنج .. وهبيلا .. وصينية "عشة" البشيلوها أربعة بنات
جبل الكجور .. وإحتفالات صيد الكيكو
رقيص البنات .. ولم المناديل
أكلت "العجل" ؟؟ - أبوشوك -

من القضارف وديم بكر بضم الكاف
وناس سلمون .. والقطية سنة

كادقلى .. والأقاشى .. وبناتم السمحات
رقصة الكمبلا .. ولشوق فيها "يكاد يغلى" تحت أسفح الجبال

.....
.....

من المليون ميل مربع
تسافر معاى ؟؟

"إسمك مزين البوست"

Post: #2
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: د.محمد حسن
Date: 12-31-2007, 01:51 PM
Parent: #1

Quote: أنا من المسالمة .. ومن مدنى .. ومن الديم .. ومن بورتسودان كمان .. >

انت الزيك منو

يكفي انك

من المظاهر

والريد الظاهر

بالمناسبة عايزك بشدة
يلموا فيك وين بكري وقفل البتاع بتاع الرسايل
والناس ما لها نجضانة

Post: #3
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 02:04 PM

Quote: من المظاهر

والريد الظاهر
والمابعرف المظاهر .. ما من أولاد أمدرمان
رسلى هنا
[email protected]

Post: #4
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: سلمى الشيخ سلامة
Date: 12-31-2007, 02:04 PM

عارف يا رافت اخوى
مرة سالنى لدكتور تجانى السيسى
قال لى
ـ قبيلتك شنو ؟
قلت ليهو
ـ ماعندى قبيلة
ـ كيف يعنى ؟
ـ اولا امى من دنقلا وجدها برضو ، ابوى ولد عمها،
حبوباتى شاتات بالبلد من دنقلا لملكال
ومن القطينة للكاملين ومنها لامدرمان ومنها لبربرومنها لبورتسودان وما تنسى القضارف
وتجى كسلا
تنزل العباسية تطلع شجرة ماحى بك تعرج على حى مكى والقلعةفى امدرمان وتمشى الابيض
اها قبيلتى وين فى دا كله؟
وكان دنقلا دى قبيلة يبقى دا كلام تانى
وحات سيدى وسيدك ما مكجنة شى فى حياة الدنيا غير كلمة قبيلة ولا جهوية
ديل كلمات ما وردن فى بيتنا لهذه اللحظة
احييك يا صديقى واتمنى فى مقدم هذا العام ان تزول هذه المفردة عن قاموسنا ونرجع زى ما كنا
اولاد السودان العريض من حدو لى عدو

Post: #5
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 02:41 PM
Parent: #4

سلمى الشيخ سلامة
المرأة التى تدخل الدواخل دون إستئذان
Quote: وحات سيدى وسيدك ما مكجنة شى فى حياة الدنيا غير كلمة قبيلة ولا جهوية
ديل كلمات ما وردن فى بيتنا لهذه اللحظة
ما ده "المجنن بوبى"

عشناها بالطول وبالعرض فى وئام ومودة
بين الجندول .. والمقرن .. و نواحى العيلفون

لا لون .. لا عرق .. لا عقيدة .. وقّف طريقنا

زماااان .. مور وثة "من زمن الإنجليز" .. القبيلة كانت مطلوبة فى الجنسية والأوراق الرسمية
إنتبهت الناس للعنصرية المدسوسة .. ولغوها

نحن بنمشى لى قدام .. ولا لى ورا

تسلمى يا صاحبة الحروف بخط الإنسانية

محبتى

Post: #7
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 03:42 PM
Parent: #5

هنا كان سؤال ود البشرى
Quote: يا عمك سؤال وكدا
إنت من الديم ولا امدرمان ولا مدني؟

.
Re: محمد البشرى
طبعآ مافى إحتجاج على السؤال ..
يمكن لأول وهلة أزعجنى
ويمكن برضو .. لخبط إنتماءاتى

ولكن برضو ألهمنى .. الإنتماء .. الوطن .. الذكريات .. الثورة

الثورة :

أكتوبر تفجرت فى الخرطوم .. شرارها "ولع" مدنى .. وهدرت بورتسوان .. وكل مدن السودان .. فى سويعات

سلمى الشيخ سلامة .. ولجت .. كعادتها .. الى عمق الأحزان

ونحن على أعتاب ذكرى الإستقلال .. سأواصل

Post: #6
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: محمد البشرى الخضر
Date: 12-31-2007, 03:27 PM
Parent: #1

ماشاء الله يارأفت

بس مالك نسيت صديقنا صديق في القولد

ومنجو في واو

النبي تشرح لسلمى القصة
ماتقوم تفهمني غلط

Quote: "إسمك مزين البوست"
وإنت إسمك حلاق البورد

لا بالجد ما قصرت
شاكرين ياعمك اللفتة الكريمة دي
تكون طالبني واحدة

بتاعة....
جاتنا نيلة تاني في حظنا الهباب
قاصين لي دامة ديناري تفتح لينا بوست
يجيك شايب الشيريا يعرج ورقك

Post: #9
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 05:40 PM
Parent: #6

ود البشرى داخلتنا إتزامنت
لكن أديتا صنة
لكن التعليق الفوق ده كفاية

عالم جبانات

Post: #11
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: محمد البشرى الخضر
Date: 12-31-2007, 08:58 PM
Parent: #9

Quote: عالم جبانات
باقي لينا حداشر دقيقة ونودع 2007
خليني أسوي ليك سواة الصاوي لي ملاسي النختم بيها العام

يا عمك
كتبت
Quote: ود البشرى داخلتنا إتزامنت

مداخلتي كانت الساعة
Quote: 31-12-2007, 02:27 م
ومداخلتك أبوي كانت الساعة
Quote: 31-12-2007, 02:42 م

بس وريني إتزامنن كيفن
ما علينا
السؤال الحقيقي ليه إنزعجت من سؤالي ليك يا عمك -من اول وهلة؟
أوعى تكون فهمتني غلط

عام جديد سعيد تتحقق فيه كل الأماني
إن شاء الله

Post: #14
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 09:25 PM
Parent: #11

يا عمك حكاك حك
Quote: بس وريني إتزامنن كيفن

ياخ مداخلتى كانت قبلك .. لكن جابوا العضة وخليتا على Reply ورجعت ليها
زكرتنى واحد هنا .. جنو يقول ليك وينو الدليل

أها ده مابقدر أجيب إسمو ولا كلو إتخرمج
دى تكون إسديت فيها
Quote: عالم جبانات

ما فهمتك غلط ..
Quote: أوعى تكون فهمتني غلط

لكن لوهلة فكرت فعلآ أنا من وين .. وأحس بإنتماء كامل لكل المناطق الذكرتهم ليك .. وكوطن

وبعدين إنت ويين وسنتكم قصرت كدة .. إمكن الخليج

كل سنة إنت والوليدات بألف خير

Post: #8
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Sabri Elshareef
Date: 12-31-2007, 04:45 PM
Parent: #1

رافت عام سعيد انا اتقاسم معك طرف مدينتي مدني
لها الفضل في تشكيل مفاهيم لا ازال اسير في درب حقيقتها

لك السلام والحب والامان

Post: #10
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: يحيي مصطفي
Date: 12-31-2007, 06:44 PM
Parent: #8

الأخ رأفت
تحية طيبة

ارسلت لك رسالة عبر الإيميل
هل وصلت ؟؟؟
يحيي

Post: #12
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 09:08 PM
Parent: #10

.
وصلة رائعة وهدية قيمة

وياهو ده السودان

رسالة من العزيز Wad_Almahdi

يتقدم بتهانيه العطرة لأسرة سودانيز أون لاين ويتمنى لهم ولهن عام سعيد ومزيد من الإزدهار والإبداع

يخص الأخت سـلمى الشيخ سلامة بهدية رائعة ويتمنى لها عيد سعيد وعام جديد مليئ بالإبداع وحياة هانئة

الهدية:
أغنية للمبدع المقيم الراحل إبرهيم الكاشف
كلمات الشاعر حميدة أبوعشر
وداعآ روضتى الغناء

أنزلها هنا كطلب الأخت سلمى

.

Post: #13
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: سلمى الشيخ سلامة
Date: 12-31-2007, 09:16 PM
Parent: #12

للاخ العزيز ود المهدى شكرى الجزيل
والقومة ليك يا مهدى وشكرا على الهدية
هدية من ايدك مقبولة
معناها انى على بالك
انت جميل والجابك لى ملاك وجميل
واظنك (عرفت ) ان الكاشف احد احبائى الاصفياء
واهيم به هياما يتعدى كل الوصف
وللاغنية وقع خاص لدى
وكان فى مرة حكيت ان احد اصحابى العواجيز حكى لى
ان الكاشف قال لصديقه الراحل ايضا صديق الكحلاوى
ـ كان مت قبلك غنيها لحظة التشييع وكان مت قبلى بغنيها ليك
وهذا ما كان من امر الكحلاوى عليهما الرحمة
يوم رحل الكاشف غناها فى المقابر وابكى كل الحاضرين
لك الشكر يا ود المهدى وكل يوم وانت طيب

Post: #17
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 10:09 PM
Parent: #10

العزيز جدآ يحيي مصطفي
تسرعت قليلآ وأنت فى الفؤاد
وصلتنى رسالتك وأفرحتنى وأرسلتها .. أسأل عنك
العام 78 أنا موجود .. تعرف كل من يعرفونى .. كنت أبحث عنك فى إمتداد ناصر .. ولا زلت

إمتداد ناصر ..
Quote: تعود علاقتي بامتداد ناصر مربع 6 الي عام 1978 عندمت جئت من شندي طالبا بكلية الاداب جامعة الخرطوم وكنت احضر الي منزل خالنا احمد عوض في عطلة نهاية الاسبوع يوم الخميس من داخليات الجامعة (البركس) لذا علقت في الذاكرة اجمل الذكريات عن أبهي الأمكنة وانبل الاشخاص الاستاذ المربي/خيري/ آل محجوب الماحي/ آل حسن محجوب/ آل القدال/ آل مقلد/ آل جمال عبد اللطيف/ والوزير الأشهر د. ابو الكل/ وغيرهم في الشريحة وعندنا علي الطرف الاخر من الميدان في الحي الشعبي تجد اسماء الخال احمد عوض/ حسن السوطري/ حسن محمود/ وتطول القائمة
فتجت ذكريات أيام الفرع .. وناس النقر .. والمرحوم إبن عمى "خلى" خليل سعد . ناس السوطرى .. والطيب الدق ود الترابى .. والمرحوم أسامة إبراهيم شقيق سليمان العو ... وأشرف ..

فى إنتظار تلفونك

مودتى

Post: #15
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 09:45 PM
Parent: #8

مرحب حبيبنا صبرى الشريف

مرحب بيك وبمدنى الجميلة
مرتع الصبا .. وزهرة الشباب

أنا كنت ساكن بركات .. درست فى الهوارة .. ومدنى الثانوية
مدنى وطنى شبر شبر .. ومعلقة فى الروح .. شبق الشباب .. وروح القتال .. ومعالم الشخصية ..

مدنى بداية النضوج .. ومرتع الذكريات .. منبع التجربة .. وصقل الرجولة

مدنى هى العفة .. هى التميز .. هى الوطن

برجع ليها .. معاك .. حى حى .. وزول زول .. وحجر حجر

كل سنة أنت و أهل مدنى بكل الخير

Post: #61
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: عصام الدين حسين حسن
Date: 01-02-2008, 08:01 AM
Parent: #15

Quote: مرحب بيك وبمدنى الجميلة
مرتع الصبا .. وزهرة الشباب

أنا كنت ساكن بركات .. درست فى الهوارة .. ومدنى الثانوية
مدنى وطنى شبر شبر .. ومعلقة فى الروح .. شبق الشباب .. وروح القتال .. ومعالم الشخصية ..

مدنى بداية النضوج .. ومرتع الذكريات .. منبع التجربة .. وصقل الرجولة

مدنى هى العفة .. هى التميز .. هى الوطن

برجع ليها .. معاك .. حى حى .. وزول زول .. وحجر حجر

القلوب تتآلف بدون سابق معرفة ،، فكنت أخي بصدقك وجمال حرفك وشخصيتك المتميزة وأنت تطرح

أفكار دائماً لها مدلولها .. أحب فيك كل شئ وأتوج ذلك بحبك لتلك المدينة التي أفتخر بالإنتماء إليها ..

أخوك عصام حسين / بانت / مدني حي حي وزول زول وحجر حجر ..
مع مودتي وإحترامي لك ..

Post: #63
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 11:45 AM
Parent: #61

عصام صباح الخير
وسنة جديدة مفتوحة أبوابا ليك بإذن كريم
Quote: أخوك عصام حسين / بانت / مدني حي حي وزول زول وحجر حجر ..
بانت نص البلد وسنتر قلوبنا .. مقرنا بيت أب شيبة (ناس القلة) .. من هناك نخطط .. ننطلق .. وهناك نهجد ..
ناس الجد رحمه الله (الأمين عمر الأمين) من بانت قبال حى البان .. وسمعت "تبت" بقى رأسى مالى ضربة حظ .. وهو الزاهد فى الدنيا ..
أحكى ليك دى وأنا حاضرا .. كان فى لاعب كورة إسمه "دامبا" .. رغم إنه قصير بلعب فردة باك .. بتحرك بخفة وبقفز فى الهوا مرتين .. زى ما بقولوا .. ومزعج شديد يحاصرك فى كل الإتجاهات .. فى بيت أبوشيبة ضبحوا ديك .. وقام ينطط مذبوح .. القلة الصغير (كان طفل) .. عاين للديك وقال .. (حلو .. حلو .. دامبا) .. صارت مقولة متداولة .. و صُدرت برة مدنى .. لكل لفتة جميلة .. ولا بنية لقطة

شفت لما تجيب سيرة بانت بتفتح شنو ؟؟ ..

أهلآ بيك فى الفؤاد

Post: #16
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: nada ali
Date: 12-31-2007, 09:47 PM
Parent: #1

الاخ العزيز رأفت

امنيات طيبة لك و للاسرة بمناسبة الكريسماس و العام الجديد

ندى

Post: #18
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 12-31-2007, 10:15 PM
Parent: #16

الجوابات لسه ما جات
و البلد ابعد شويه
كيف ارسلك و تسمع
كيف ارسلك هديه
.............
الجوابات سكة الزمن
المجرد من سلاحو
تبكى بصمات الاصابع
لما تحفرلك ملامحو
(من اشعار سيد احمد على بلال)

كل سنه و انت طيب حبيبنا رافت

Post: #19
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 12-31-2007, 10:19 PM
Parent: #18

Quote: تنزل العباسية تطلع شجرة ماحى بك تعرج

محو بك ما تخربى الرصه يا سلمى
كل سنه و انتى طيبه

Post: #21
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: محمد البشرى الخضر
Date: 12-31-2007, 10:43 PM
Parent: #19

Quote: محو بك
زمان قبل كان عشرين كان تلتين سنة كدا
في ساتة إبتدائي أخدت علقة محترمة من أستاذ التاريخ محمد دانيال - الله يطراهو بالخير
لغلاطي له في الفصل وأمام الطلاب في إسم السيد محو بك و الأخ سلاطين باشا
كنت مصر على أن النطق الصحيح هو ماحي بك و سليطين باشا
والسبب هو ان حبوبتنا الحاجة زينب محمد أحمد نقد - رحمها الله
عندما كانت تحجينا عن امدرمان و المهدية و الخليفة كانت تسميهم كدا
وحبوبة كانت عندي تفوق أستاذ التاريخ بل و جميع الأساتذة بما فيهم أستاذ عوض القديم بتاع الدين و الحغرافيا
علما و فهما

تحياتي أستاذ ماضي و استاذة سلمى
وعام جديد سعيد

Post: #90
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-03-2008, 09:43 AM
Parent: #21

Quote: وحبوبة كانت عندي تفوق أستاذ التاريخ بل و جميع الأساتذة بما فيهم أستاذ عوض القديم بتاع الدين و الحغرافيا
علما و فهما
كنت مستنى تعليق ماضى
لكن كلامك ده ليه مدلوله .. الروايات المتناقلة أُهملت فى صياغة التاريخ وأعتمد المؤرخين على مراجع الأوربيين وطعموها من راسهم .. إمكن دكتور شبيكة أنقذ ما يمكن إنقاذه بإعتماده على مذكرات بابكر بدرى .. ومؤخرآ تناقلت مراجع أخرى مثل مذكرات يوسف خليل .. لكن قصص الشارع والأحياء لم تجد باحث يجمعها وينقيها .. إنتشرت نكات ونوادر وأحاجى وتلاشت ..

التحية لحبوبة الحاجة زينب محمد أحمد نقد فى عليائها وأنا متأكد إنها كانت ملمة بالتاريخ أكثر من ضرار صالح ضرار

Post: #24
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 10:58 PM
Parent: #18

Quote: الجوابات لسه ما جات
و البلد ابعد شويه
كيف ارسلك و تسمع
كيف ارسلك هديه
.............
الجوابات سكة الزمن
المجرد من سلاحو
تبكى بصمات الاصابع
لما تحفرلك ملامحو
(من اشعار سيد احمد على بلال)
ماضى والمزاج .. جبنة

جارنا فى إمتداد ناصر .. برى الدرايسة
وبصكم الشين داك

الفسحة البينا قالوا بقت سياحة عشان بتربط ببيت الشيخ

أهلآ بيك دومآ فى الفؤاد .. وأنت تعطى الدروس لمن يستحقونها

كل عام والأهل بكل خير وعافية

Post: #20
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: فرح
Date: 12-31-2007, 10:27 PM
Parent: #16

الخال رافت الحنين
كل ما اراك ظاهرا يعود حنينى ألى المسالمه و موده ولطف الاقباط ولى طفوله جميله مع جمال وايهاب
ولى موده خاصه لى خالتى زكيه وحمكت وعمى تادرس
اشكرك على البوست السودانى خالص
كل سنه وانت طيب

Post: #25
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 11:26 PM
Parent: #20

فرح .. يا فرح المسالمة
Quote: كل ما اراك ظاهرا يعود حنينى ألى المسالمه

ناس كدفور .. وخالتى السكات ..
زقاقكم يطلعنى لى ناس فكرى زكريا .. ويلف لى ناس عمك سعد مسعود
قبال ما تتاوق وترجع .. شوف عمك كوبر فاتح ..

المسالمة أرض الأجداد وشاهد مولد أمدرمان .. الجديدة

كيفك يا فرح وكيف الأهل

صحبك إيهاب مريض شديد .. دعواتكم معانا

وكل عام والأسرة الصغيرة والكبيرة بخير وعافية

Post: #23
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 10:48 PM
Parent: #16

العزيزة ندى
كل سنة وأنتى طيبة

ووصلتنا أخبارك المفرحة .. ولى قدام
تحياتى لك وللأخ العزيز كودى

كل سنة وأنتم بألف خير

Post: #22
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Elmoiz Abunura
Date: 12-31-2007, 10:45 PM
Parent: #1

Dear Raaft, Salma, and friends
Quoteوحات سيدى وسيدك ما مكجنة شى فى حياة الدنيا غير كلمة قبيلة ولا جهوية
ديل كلمات ما وردن فى بيتنا لهذه اللحظة
احييك يا صديقى واتمنى فى مقدم هذا العام ان تزول هذه المفردة عن قاموسنا ونرجع زى ما كنا
اولاد السودان العريض من حدو لى عدو

Wish you have a happy new year, and independence day. We should all have a conviction, and committment to achieve a lasting peace, restore democracy, implement sustainable
development, and respect human rights in Sudan

Post: #26
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 12-31-2007, 11:46 PM
Parent: #22

حبيبنا الرجل الراقى المعز أبو نورا
طولت مننا الغيبة .. وأخبارك مقطوعة
Quote: Wish you have a happy new year, and independence day. We should all have a conviction, and committment to achieve a lasting peace, restore democracy, implement sustainable
development, and respect human rights in Sudan

كل عام أنت والأهل والوطن بألف خير

Post: #27
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: هشام مدنى
Date: 12-31-2007, 11:53 PM
Parent: #1

Quote: ومن ود الشافعى

من الجمال كله

ده مكان جميل

يا رأفت

قليل من عرفه فى زمننا هذا

لك التحيه وعام سعيد واسرتك الكريمة

Post: #28
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 00:51 AM
Parent: #27

ليفك يا هشام والأولاد

Quote:
Quote: ومن ود الشافعى

من الجمال كله

ده مكان جميل

يا رأفت

قليل من عرفه فى زمننا هذا
وأنت عرفتها من وين ?

ود الشافعى هى رئاسة سكة حديد الجزيرة . وبها مركز الحركة والورشة لقطارات نقل القطن والبذرة من مناطق الإنتاج والى مناطق التصنيع .. محالج القطن كانت مارنجان .. آخر محطة من الخرطوم الجديد خليف ..

كتبت عنها من قبل فى ذكرى الصديق عبد العزيز أحمد حماد رسام كاركتير "عزيز" فى صحيفة الصحافة ... وسأكتب عنها بالتفصيل

قضينا فيها إحدى عشر عامآ .. كانت الطفولة بمدرسة ود النعيم وطن الفنان محمد الأمين .. الوسطى فى مدرسة المدينة عرب وهذه قصة وفاء أخرى

ود الشافعى كانت قطعة جمال منسية ...

قابلت منها هنا فى المنبر إبن العزيز عبد الوهاب إدريس سامى وصديق الطفولة سيد أحمد قدورة ..

سأعود لها ..

كل سنة أنت والأولاد وأمهم بألف خير

Post: #29
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 01:45 AM
Parent: #28

Post: #30
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Ahmed Yousif Abu Harira
Date: 01-01-2008, 06:46 AM
Parent: #29

كل سنة وانت طيب يا رأفت وعام سعيد ان شاء الله عليكم والوليدات
تصدق انني سعيد بانك من كل مكان في السودان؟
وحيث اننا نحبك فاسمح لنا لنقول انك (من عندنا) برضو عشان تكتمل اللوحة.
سعدت كذلك - وكالعادة- (بحديس) سلمى الشيخ هذه المرأة الجميلة النبيلة.
ـــــــــــ
ودالبشرى
كل سنة وانت طيب يا عمك وربنا يحقق الاماني

Post: #31
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: اساسي
Date: 01-01-2008, 07:22 AM
Parent: #30

Quote: ومن امتداد ناصر

ياخي يادوب اتذكرت انك ود حلتنا لعل انت ما اخو جهاد ميلاد؟

Post: #32
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: يحيي مصطفي
Date: 01-01-2008, 07:55 AM
Parent: #31

Quote: تسرعت قليلآ وأنت فى الفؤاد

معذرة للتسرع ولك العتبي حتي ترضي
مزيد من التوضيح في رسالة علي البريد

يحيي

Post: #33
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Dr. Abdalla Siddig
Date: 01-01-2008, 08:40 AM
Parent: #32

العزيز أخ العزيز

كل عام وانت بخير

أقرا بتمعن شديد كل بوستاتك و مداخلاتك

ولكن لا اتداخل معك لسبب واحد

الآ هو انني كلما اردت الكتابة اليك أعتقد بانني اكيب لأخي سليمان (له المغفره)

Post: #34
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-01-2008, 09:23 AM
Parent: #33

Quote: ماضى والمزاج .. جبنة

جارنا فى إمتداد ناصر .. برى الدرايسة
وبصكم الشين داك

الفسحة البينا قالوا بقت سياحة عشان بتربط ببيت الشيخ

أهااااااااااااا الكلام دخل الحوش عديييييييل
ياربى عندك فيزا ولا زياره مؤقته؟؟؟ باقى نحنا عنصرين و لازم نعرف الداخل و المارق و ما تسمع هرطقة الجماعة إياهم ديل يادوبك فى سنه روضه عنصريه,بس لو عرفت سر تسمية ((برى)) بالاسم ده بتنقلب على عشان كده ماااااابقول.

Post: #36
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: نادر الفضلى
Date: 01-01-2008, 10:24 AM
Parent: #34

Quote:

أنا من المسالمة .. ومن مدنى .. ومن الديم .. ومن بورتسودان كمان

ومن ود الشافعى .. ومن بركات .. ومن إمتداد ناصر .. أوطان دائمة

فى الوطن الكبير ..

من الأبيض .. وسينما كردفان وعروس الرمال .. وعصيدة الدخن باللبن
وكسرة القمح .. فى عز المطر ..
الفولة .. وحدائق البان جديد .. وضل التبلدية

من الدلنج .. وهبيلا .. وصينية "عشة" البشيلوها أربعة بنات
جبل الكجور .. وإحتفالات صيد الكيكو
رقيص البنات .. ولم المناديل
أكلت "العجل" ؟؟ - أبوشوك -

من القضارف وديم بكر بضم الكاف
وناس سلمون .. والقطية سنة

كادقلى .. والأقاشى .. وبناتم السمحات
رقصة الكمبلا .. ولشوق فيها "يكاد يغلى" تحت أسفح الجبال

.....
.....

من المليون ميل مربع
تسافر معاى ؟؟

إبن السودان البار!
ود حلة منو ومنو، ومن عندنا ومن عند ناس سلمى وأبوحريره والكاشف
وأساسى، وود البشرى، و محمد قول، و منقو، وأدروب و ...

العزيز رأفت
لك وللمتداخلين، والقراء، وكل الجاى منهم
أطيب الأمنيات للسنة الجديدة وربنا يحفظكم
وينعم عليكم بالصحة والعافية

Post: #43
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 02:47 PM
Parent: #36

نادر الفضلى
حاملة الراية فى الجينات .. ذكرى الأيام العطرة .. والمستقبل القادم
Quote: ود حلة منو ومنو، ومن عندنا ومن عند ناس سلمى وأبوحريره والكاشف
وجاورت السعيد أيضآ .. على مرمى حجر من بيت الزعيم أزهرى .. سكنت الملازمين أول ما جينا من مدنى .. بواسطة المرحوم عمك على صالح سوار الدهب إستأجرنا منزل شقيقه الشهيد .. جارنا كان عمك المرحوم سراج سعيد عبد اللطيف شقيق الأستاذة أم سلمى سعيد .. عشنا أسرة واحدة مع (سيد) سراج .. وهو ممنوع من العمل والسفر خمسة عشر سنة أبان حكم نميرى ..
.. وآل الإحيمر .. وناس النقر وأمين النقر الظريف . الشهداء ملازنا وإجتماعياتنا مع آل النزير وآل القوصى وغيرهم ..
Quote: لك وللمتداخلين، والقراء، وكل الجاى منهم
أطيب الأمنيات للسنة الجديدة وربنا يحفظكم
وينعم عليكم بالصحة والعافية
ولك الصحة والعافية ويقق الأمانى

محبتى

Post: #42
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 02:23 PM
Parent: #34

حبيبنا ماضى أبو العزايم
عامك سعيد وموعود بكل توفيق
Quote: أهااااااااااااا الكلام دخل الحوش عديييييييل
ياربى عندك فيزا ولا زياره مؤقته؟؟؟ باقى نحنا عنصرين و لازم نعرف الداخل و المارق و ما تسمع هرطقة الجماعة إياهم ديل يادوبك فى سنه روضه عنصريه,بس لو عرفت سر تسمية ((برى)) بالاسم ده بتنقلب على عشان كده ماااااابقول.
فيزة شنو ياخ .. ما سطناها من الشريف للمحس .. ما كان قاطع لينا الدرب إلا أولاد كوريا
Quote: لو عرفت سر تسمية ((برى)) بالاسم ده بتنقلب على عشان كده ماااااابقول.
تسمية شنو ؟؟ بري ماكانت ملكة ولا شيخة ما عارف .. كانت حاكماكم مرة .. أقصد "إمرأة" قبل ما يجو الجماعة ..

طبعآ ما عندى خلفية .. لفحى ساكت .. يا ريت تشرح لينا .. عشان نعرف كنا فى ياتو خطر ..

إمتداد ناصر .. طبعآ قسما الشريف حسين رحمة الله عليه .. إمتداد "البرارى" .. نزعا النميرى وأعاد التقسيم .. وكان حظنا .. ناس برى كانوا شايفننا أغراب .. وكانوا يقسموا ناس برى كوم .. والما من برى بسموه "لحم الراس"
يعنى العنصرية شفناها

تحياتى لكل الأسرة وأنت بخير

Post: #46
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 04:16 PM
Parent: #33

د. عبدالله صديق
لا أدرى كيف غفلت عن مداخلتك
لك العتبى

كل سنة وأنت يا صديقى العزيز ..
Quote: الآ هو انني كلما اردت الكتابة اليك أعتقد بانني اكيب لأخي سليمان (له المغفره)
رحمه الله توأم الروح .. رغم بيننا أخ "مراد" كان والدى يناديه المهدى وأنا الخليفة وذلك من العزاب وليس من المودة ..

نسير على دربه الذى قال فيه "مهما كان الثمن" .. ولا أعتقد أنه دمفع بدون ثمن ..

أتمنى مواصلتك

مودتى

Post: #35
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ابوبكر يوسف إبراهيم
Date: 01-01-2008, 10:09 AM
Parent: #32

أخي الحبيب رأفت
سلام على روحك الطيبة
من حقك أن تحلم بدولة المواطنة.. حلم مشروع
ولكن!!!

أنا مثلك أجمع بين الوطن الحلم والوطن الحقيقة، يجتاحك أنت طوفان الوهم، تصنع من عظامك * خشبه المسرح * تعلن عن قيام دولة ذات سيادة مستقلة لا جهويات فيها الديدن فيها للمواطنة ... حقوق.. وواجبات..!! إننا نعيش فقط حريات تقام في دولة المسرح والنشيد الوطني ( نحلم يا وطني .. يا وطن الأحرار .. أن نكبر .. أن نتعلم .. ونكون كفراش الحقل .. حرية .. حرية ).. وبعد أن كبرنا وتعلمنا وحملنا المفاتيح وعرفنا الغربة والاغتراب صُدمنا... فما عادت الطيور من المنافي.. ولا عادت زهرة الحرية تزهر فوق شموخ التلال والجبال .. والمسرح خشبه تهتز فوق الجسر!! فلتختار أنت إسماً لتصف به هذا الجسر!!!!

Post: #44
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 04:00 PM
Parent: #35

حبيبنا ابوبكر يوسف إبراهيم
كل عام وأنت بخير والصحة والعافية غاشياك
Quote: من حقك أن تحلم بدولة المواطنة.. حلم مشروع
ولكن!!!

أنا مثلك أجمع بين الوطن الحلم والوطن الحقيقة، يجتاحك أنت طوفان الوهم، تصنع من عظامك * خشبه المسرح * تعلن عن قيام دولة ذات سيادة مستقلة لا جهويات فيها الديدن فيها للمواطنة ... حقوق.. وواجبات..!! إننا نعيش فقط حريات تقام في دولة المسرح والنشيد الوطني ( نحلم يا وطني .. يا وطن الأحرار .. أن نكبر .. أن نتعلم .. ونكون كفراش الحقل .. حرية .. حرية ).. وبعد أن كبرنا وتعلمنا وحملنا المفاتيح وعرفنا الغربة والاغتراب صُدمنا... فما عادت الطيور من المنافي.. ولا عادت زهرة الحرية تزهر فوق شموخ التلال والجبال .. والمسرح خشبه تهتز فوق الجسر!! فلتختار أنت إسماً لتصف به هذا الجسر!!!!
وليه نبرة الحزن والإستسلام ..
الفكرة تبدأ بحلم .. قال أحد الفلاسفة وأعتقد جان جاك روسو .. "الحقيقة .. أن لا تؤمن بما يدور حولك"
وقال السيد المسيح "ليس بالخبز وحده يحيا الإنسان ، بل بكل كلمة من الله"

الود فى الإنسان .. والإرادة .. توحدهما يفعل المستحيل .. ويحقق إرادة الشعوب ..
لم نكن أول شعب كبأ .. أو عانى من الظلم .. والكوارث ..

شعوب أكلتها الحروب .. وإجتاحها الطاعون .. وناضلت لبر الأمان .. لم يكن هناك أفقر من الصين .. ولا دمار مثل ما أصاب ألمانيا .. وتركيا رجل أوربا المريض .. إستطاع إستراد صحته وفى خطى النجاح ..

يجب نناضل .. الجهل .. الفقر .. الكُره ..
وليس هناك مستحيل .. إن لم يكن لنا .. فللأجيال القادمة ..

صديق من الكلاكلة قال الغضب يغلى .. والثورة قادمة .. قال ضاحكآ حجة ّ"..." بائعة الكسرة .. التى لم نسمعها فى حياتنا لها صلة بالسياسة أو ما يحدث فى البلد .. الحجة اليوم تحرض وتقود النساء للهجوم على أبراج شبكة الجوالات وسط الأحياء .. بعد أن إنتشر خبرها بأنها تبث موجات تسبب السرطانيات .. تحميها دولة الكيزان التى تحصد الأموال .. وسحقآ للإنسان ..

لقد لمسوا منطقة الثورة .. فالويل لهم

دع التفاؤل ديدنك .. فهو أكسير الحياة

Post: #39
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 02:02 PM
Parent: #32

حبيبنا يحيى مصطفى
عامك سعيد وأنت فى طرف العالم ومنو نقع .. زى ما كان أبو الله يرحمه "ما ياهم ديل ناس ياجوجج وماجوج زاااتم :D
Quote: مزيد من التوضيح في رسالة علي البريد
بريدك وصل .. والفرحة ما من الفيهو .. الفرحة فى وصولو .. عزبتنى ياخ ..

قت لى جعلى ؟؟ متأكد ما مطعم رباطابى

تلفونك معاى

كل سنة وأنت طيب

Post: #38
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 01:54 PM
Parent: #31

أساسى زاااااااتو بقى حقنا
Quote: ياخي يادوب اتذكرت انك ود حلتنا لعل انت ما اخو جهاد ميلاد؟
يا ود البشرى كده ممكن نحتل البورد ونقلب محو ماحى وما همانا

كل سنة وأنت والأهل والحلة بكل الخير يا أساسى يا (ود حلتنا)

جهاد إتملا عيال وعمل ليهو تلاجة .. وفضل ليهو المعاش

دايرين تفصيل أكتر .. يحيى ما عندو الخبر اليقين يا ربى ؟

تحياتى الخالصة

Post: #37
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 01:41 PM
Parent: #30

حبيبناأحمد يوسف أبو حريرة
مشتاقيين وطولت الغيبة
Quote: وحيث اننا نحبك فاسمح لنا لنقول انك (من عندنا) برضو عشان تكتمل اللوحة.
ياخى أنا منكم وعليكم .. مافى فكاك ..

كل عام أنت الأهل والأحباب بكل الخير
والجابك يجيب عقابك

مشتاقين للمحرب والحيكومة .. وأيام الود

محبتى

Post: #40
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: هاشم أحمد خلف الله
Date: 01-01-2008, 02:08 PM
Parent: #37

ياسلام عليك يا رأفت وياسلام علي ضيوفك الكرام , ياخي انت جمعت السودان كله عندك وجمعت الناس الحلوين كلهم عندك
والله تستاهل يجوك ويقلدوك وبتهاني السنة الجديدة يكرموك ويبوسوك .
كل سنة وانت في احسن حال واكثر شباباً واشراقاً .

Post: #47
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 05:22 PM
Parent: #40

حبيبنا هاشم أحمد خلف
وجودك يضيف البهجة وإستراحة للروح

مرحب بيك ياحبيب

وكل سنة أنت وأم الأولاد وكل الأهل بكل خير

Post: #41
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: وليد محمد المبارك
Date: 01-01-2008, 02:08 PM
Parent: #37

Quote: والمابعرف المظاهر .. ما من أولاد أمدرمان

اولاد قلبها جوكم

سلامات يا رافت وكرسمس مجيد وراس سنة سعيد

المظاهر كنا بنشاقق فيها ونحن في الطريق الى مدرسة الاقباط الثانوية من حي العمدة شمال

الغريبة انا كنت بقرا في جمال عبد الناصر
لكن حضرت اغلب الحصص في الاقباط الثانوية امدرمان

Post: #45
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: يحيي مصطفي
Date: 01-01-2008, 04:09 PM
Parent: #41

Quote: قت لى جعلى ؟؟ متأكد ما مطعم رباطابى

يا رأفت ما تجيب لينا الكتاحة في المنبر انا سوداني
فقط في سودان دولة المواطنة الذي نحلم به وانشاء الله
نراه قبل ان نغادر هذه الفانية وعذبتك لانه الشربوت كان كثير

يحيي

Post: #50
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 06:45 PM
Parent: #45

يحيي مصطفي
Quote: يا رأفت ما تجيب لينا الكتاحة في المنبر انا سوداني
فقط في سودان دولة المواطنة الذي نحلم به وانشاء الله
ياريت يكون ده ديدنا .. لا مناص من طلب الحقوق وتؤخذ بكل أحقية ولا تمنح إكرامية .. ولكن الجهوية التى أرها الآن .. هنا .. مطالبة بتبيل عنصرية بأخرى .. أكثر تعنصرآ ..
Quote: وعذبتك لانه الشربوت كان كثير
شربوتكم إنتو سكوسكو

كل سنة وأنت طيب ويديم الوصال

Post: #48
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 06:06 PM
Parent: #41

Quote: اولاد قلبها جوكم
الشفت قدرا والله
Quote: المظاهر كنا بنشاقق فيها ونحن في الطريق الى مدرسة الاقباط الثانوية من حي العمدة شمال
المظاهر تقريبآ أصغر حى فى أمدرمان والله أعلم .. طبعآ أنا قريت فى محمد حسين سنة وشوية ومنها نقلت مدنى .. والمظاهر خلف المدرسة .. من حدود أمدرمان الصعبة الركابية .. ماتعرف بتين دخلتها وكيف طلعت منها .. ممكن جارك ما يكون ما فى الركابية
Quote: الغريبة انا كنت بقرا في جمال عبد الناصر
لكن حضرت اغلب الحصص في الاقباط الثانوية امدرمان
دى ما بعملا إلا وليدالمبارك أخوى الصغير قرا فى جمال عبد الناصر .. دفعة ناس كجيك وصلاح قرادة .. بتعرف الناس ديل ؟

كل سنة أنت والوليدات وأم الوليدات وكل الأهل بخير وعافية

Post: #49
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Hatim Yousif
Date: 01-01-2008, 06:21 PM
Parent: #48

رأفت ميلاد ... سلامات يازول ياراقي ....

بوست إستفتاء عديل كده ...
وده بيأكد أنك من مدني ....

-

Post: #51
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 07:53 PM
Parent: #49

حاتم يوسف
كل سنة أنت والأهل بألف خير
Quote: وده بيأكد أنك من مدني ....
مدنى الدرجة .. والمزاد .. وشندى فوق .. والقسم الأول .. والعشير و ........ وكمان توتوماتا

ياحليل مدنى ونواحيها .. عووضة .. وجزيرة الفيل .. قالوا كلها دخلت جوة مدنى .. ويمكن الكريبة وصلت وبقى مافى محل يرجوا فيه الله

مرحب ياحاتم ومدنى وطن .. وقيم .. ونخوة

محبتى

Post: #52
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-01-2008, 09:37 PM
Parent: #51

Quote: تسمية شنو ؟؟ بري ماكانت ملكة ولا شيخة ما عارف .. كانت حاكماكم مرة .. أقصد "إمرأة" قبل ما يجو الجماعة ..

دى نظرية ( استفزو عشان إحت العندو) قديمه يا رافت انا ما بقول العندى الا قدام شروط و انت قدرها.... ولا كيف؟؟؟؟

Post: #53
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-01-2008, 10:11 PM
Parent: #52

Quote: دى نظرية ( استفزو عشان إحت العندو) قديمه يا رافت انا ما بقول العندى الا قدام شروط و انت قدرها.... ولا كيف؟؟؟؟
يازول بان وعليك الأمان يعنى حتكون أخطر من خراب سوبا ..

مستنيك ..

Post: #57
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: نادر الفضلى
Date: 01-01-2008, 11:02 PM
Parent: #53

يا رأفت
سلام
هسه فى لفك الكتير فى السودان (تقول نازل إنتخابات رئاسة الجمهوريه!)
ولفك فى أم درمان العاصمه القوميه، ما لقيت كل الشوفتهم شكلاً ولوناً وعرقاً
موجودين فى ام درمان. الفرق ناس أم درمان بيتكلموا بلهجة واحدة، وبعرفوك
إنت ود ناس منو، وما قبيلتك شنو. .. كلامى دا صح ولا ما غلط!

فالأزهرى والميرغنى والمهدى والهندى، على عبد اللطيف، عبد الفضيل ألماظ،
البنا، عبد الله خليل، زاهر سرور، عباس قدح الدم، الشنقيطى، الفيل، شوقى، أرو،
الضرير، عبد التام، الشفيع (الشفايعة)، عزة مجلى، إسكندر، سرور، كرومه، أبوصلاح،
الكاشف، ديمترى البازار الدسوقى، إبراهيم عوض، شرحبيل أحمد، الظاهر،الكوارتى،
برعى، منزول، جكسا، كمال عبد الوهاب، بشارة، الدحيش، سوار الدهب، القبانى، أزرق،
الأسد،أحمد داؤود، الفضلى، أبو العلا، عبد المنعم، ......
و ... تجد كل ألوان الطيف السودانى ذابوا فى مجتمع واحد صاحب ثقافة واحدة.

قلت لى إنت من وين ؟!

Post: #66
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 12:48 PM
Parent: #57

نادر يومك سعيد
Quote: فالأزهرى والميرغنى والمهدى والهندى، على عبد اللطيف، عبد الفضيل ألماظ،
البنا، عبد الله خليل، زاهر سرور، عباس قدح الدم، الشنقيطى، الفيل، شوقى، أرو،
الضرير، عبد التام، الشفيع (الشفايعة)، عزة مجلى، إسكندر، سرور، كرومه، أبوصلاح،
الكاشف، ديمترى البازار الدسوقى، إبراهيم عوض، شرحبيل أحمد، الظاهر،الكوارتى،
برعى، منزول، جكسا، كمال عبد الوهاب، بشارة، الدحيش، سوار الدهب، القبانى، أزرق،
الأسد،أحمد داؤود، الفضلى، أبو العلا، عبد المنعم، ......
ما ياهو ده البنحاول نزكر بيه الناس .. خليل فرح كان حلفاوى وطالع من بيت آل بدرى الاعرفناهم رباطاب ولا ناس رفاعة ولا دينكا .. شرحبيل فلاتى .. والكوارتى كوارتى .. المرغنية ناس بحرى .. طرفم فى سنكات ..ياريت نفهم ..
Quote: قلت لى إنت من وين ؟!
انا أمدرمان تامل في نجوعي .. انا السودان تمثل في ربوعي ..

Post: #91
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: وليد محمد المبارك
Date: 01-03-2008, 11:43 AM
Parent: #48

Quote: والمظاهر خلف المدرسة

استرني يا مان

Post: #54
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: هشام مدنى
Date: 01-01-2008, 10:40 PM
Parent: #28

العزيز رأفت كيفك والأسرة الكريمة

عام سعيد

كيف الكلام ده
Quote: وأنت عرفتها من وين ?

كانت من اميز الاماكن الذى اتوقف فيها مطولا الكلام ده من 27 سنة اول مرة كانت الزيارة لها ساعة اللتقيت فيها الانسان والاخ الكريم الفاضل هاشم الجمري وتربطنى به علاقة طيبه واسرته الكريمة حقيقة اعجبنى المكان بصورة لا تتخيلها وما كنت اظن اننا فى السودان اصلا ما لفت انتباهى المراوح خلف الكراسي فى حديقة المنزل وكان يبدوا لى الامر غريب مراوح خلف الكراسي وطبعا لا استطيع ان اخفى هذا الامر وسئلت وعرفت السبب .....

اظنك عارفوا...

من بعد كنت اسجل زيارة للمكان وغيره اماكن كثيرة حوله....

الكريبة و ودحداد ود النعيم

لكن كنت كثير التواجد فى الدرجة وحى المدنيين

هذا خطى كنت كثير التردد عليه بحكم العمل

من ودمدنى الى سنار حمدنالله السوكي
ودالعباسي ودالركيل ودعشوه الفاو القرية عشرة وبالعكس بى هناك الخيارى ودمدنى الخرطوم

الباقي خليهو يوم تانى

تحياتى لك وعام سعيد واسرتك الكريمة

Post: #56
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Adam Omer
Date: 01-01-2008, 10:58 PM
Parent: #54

ليـــــــــى فى المــســــــــــــــــالـمـة غــــــــــــــــزال

انــــــــت مــــــا مـــن اندنا ولا شنــو

Post: #68
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 01:26 PM
Parent: #56

آدم عمر سلام
وكل سنة والأهل بألف خير
Quote: ليـــــــــى فى المــســــــــــــــــالـمـة غــــــــــــــــزال
وسيدة جمالا فريد .. وخلقوها زى ماتريد .. أهل التكفير لما لما حكمونا.. كفروا الأغنية وشاعرا .. وفنانا .. والبغنيها .. عشان (وخلقوها زى ماتريد) .. وماتريد كان إسم خواجية سمحة عايشة الزمن داك .. عالم سلطة .. وهم الفرقونا ومخترعين الشتات والعنصرية .. قاعدين للتكفير والفتاوى فقط للفتن وإراقة الدماء
Quote: انــــــــت مــــــا مـــن اندنا ولا شنــو
أنت ما شايف شهادة بريمة التحت دى ولا شنو .. ولا قعدت فى سويسرا نسيت لى طعم الدخن ..

Post: #67
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 01:08 PM
Parent: #54

هشام مدنى ياحبيب
وأنت جوال تانى فى قلب البلد ..
Quote: اللتقيت فيها الانسان والاخ الكريم الفاضل هاشم الجمري وتربطنى به علاقة طيبه واسرته الكريمة
ناس الجمري كانوا فى مارنجان .. أعتقد .. أول مرة أعرفهم مشو ود الشافعى .. واحد من أولاد الجمرى كان صديق لأخى الأصغر فى مدرسة بركات .. وبجيك لى ناس الجمرى أكتر بعد أعمل تلفون أمريكا ..
Quote: ما لفت انتباهى المراوح خلف الكراسي فى حديقة المنزل
دى جديدة .. تلقاها من إختراع ناس الجمرى ما شفناها .. يمكن من الباعوضة ؟؟
Quote: الكريبة و ودحداد ود النعيم

لكن كنت كثير التواجد فى الدرجة وحى المدنيين

هذا خطى كنت كثير التردد عليه بحكم العمل

من ودمدنى الى سنار حمدنالله السوكي
ودالعباسي ودالركيل ودعشوه الفاو القرية عشرة وبالعكس بى هناك الخيارى ودمدنى الخرطوم
كان عندك لورى سفريات
Quote: الباقي خليهو يوم تانى
مستنيك ودايرين وقفة فى كل محطة .. وكل القرى دى عندى فيها زملاء وزيارات حبيبة ..

Post: #55
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: هشام مدنى
Date: 01-01-2008, 10:53 PM
Parent: #1

Quote: كردفان

يأخى مالها لو مقفول مطارها بنزل فى رمالها

رأفت الحكاية شنو؟

وبالضبط كــــــــــــــــده

Post: #58
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Biraima M Adam
Date: 01-02-2008, 01:18 AM
Parent: #55

رأفت
وكل عام وأنت بخير .. يا حبوب
Quote: من الأبيض .. وسينما كردفان وعروس الرمال .. وعصيدة الدخن باللبن
وكسرة القمح .. فى عز المطر ..
الفولة .. وحدائق البان جديد .. وضل التبلدية

من الدلنج .. وهبيلا .. وصينية "عشة" البشيلوها أربعة بنات
جبل الكجور .. وإحتفالات صيد الكيكو
رقيص البنات .. ولم المناديل
أكلت "العجل" ؟؟ - أبوشوك -

ومن رقصة المردوم وصفق الطمبور .. وجناجر الجرارى وصوت النقارة .. من رمال الغرب وبين أشجار الكتر والسعات .. من مسارب الضعائن ومراتع الغزلان فى كردفان ..

ليك ألف تحية وسلام .. رأفت ما ياهو أنت بقارى عديييييل!!

بريمة

Post: #59
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Muna Khugali
Date: 01-02-2008, 01:29 AM
Parent: #58

Quote: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى

أمشي يا عنصري..ليه ما مشيت الزومه؟؟

Post: #60
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-02-2008, 05:26 AM
Parent: #59

Quote: يازول بان وعليك الأمان يعنى حتكون أخطر من خراب سوبا ..

عندى فكره, تعال نعمل بوست عن اسباب تسمية المدن و المناطق فى السودان, حريف؟؟؟

Post: #62
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: اساسي
Date: 01-02-2008, 10:01 AM
Parent: #60

Quote: كل سنة وأنت والأهل والحلة بكل الخير يا أساسى يا (ود حلتنا)

جهاد إتملا عيال وعمل ليهو تلاجة .. وفضل ليهو المعاش

دايرين تفصيل أكتر .. يحيى ما عندو الخبر اليقين يا ربى ؟

قصدك يحيى (اخو) ناصر (النجار) الجمب الطاحونة ؟
لو قصدك يحيى دا لو قريب في بلجيكا من تلاتة سنوات حسب ما سمعت
طبعا انا زاتي لي فترة من الحلة
لكن عشان نديك تفصيل اكتر
وانت جاي من سبعة ونص وماشي علي بيتكم ..اول فسحة الفيها الفرن والنادي والتعاون
بس انحنا هناك وبي شارعنا طوالي لحدي بيت ناس (امام وهيثم ومحمد جمال) الفاتحين في الفسحة
الصغيرة الفاتح فيها بيتكم

Post: #64
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: تماضر الخنساء حمزه
Date: 01-02-2008, 11:47 AM
Parent: #62

حلتكم دي مالا كلها فسحات فاتحة على بعض ؟

رأفت يعني الجلابة المحس مالك ناكرم

Post: #73
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 02:36 PM
Parent: #64

تماضر الرائعة
سنتك أمل وطلتك متعة
Quote: حلتكم دي مالا كلها فسحات فاتحة على بعض ؟
دى إمتداد ناصر .. أجمل ما فيها الفسحات
Quote: رأفت يعني الجلابة المحس مالك ناكرم
ديل كان داير أنكرم ما بقدر .. صرتى مدفونة تحت الموية فى حلفا .. وإسمى ده سمانى ليهو محسى .. أنا كان دقيت زارى .. ماهو حبشى ولا خواجة .. بدقوا حلفاوية .. تقولى لى ناكرم ؟!!

محبتى

Post: #72
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 02:24 PM
Parent: #62

سلام يا أساسى
Quote: قصدك يحيى (اخو) ناصر (النجار) الجمب الطاحونة ؟
لا لا بقصد يحيى مصطفى زميل البورد الخالو عمك أحمد عوض الراجل النحيف فى دكان على فى الناصية تلقاهو
Quote: لكن عشان نديك تفصيل اكتر
وانت جاي من سبعة ونص وماشي علي بيتكم ..اول فسحة الفيها الفرن والنادي والتعاون
بس انحنا هناك وبي شارعنا طوالي لحدي بيت ناس (امام وهيثم ومحمد جمال) الفاتحين في الفسحة
الصغيرة الفاتح فيها بيتكم
يا زوول ده كلام شنو .. وصفك ده فيه تلاتة بيوت بس .. كان أنت الفى بالى .. بتاع شجرة النيم الإتحرقت .. وفك الشارع لسليمان العو .. تبقى مصيبة وتكون صغير خلاس .. جهاد أصغر منى بى 12 سنة .. عشان كدة إمكن ماإتزكرتنى ..

كان ركبت صاح فى زول فى السعودية إسمو محمد الشيخ .. تتصل بيه وتقول ليهو رأفت ميلاد فقد عناوينك كلها .. ورسلا لى .. عنوانى الجديد فى البوست ده ..

سلامى

Post: #76
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: munswor almophtah
Date: 01-02-2008, 07:00 PM
Parent: #62

ناس ظبى المسالمه وجيران ناس سيده وجمالها فريد
ياخ انت زول تمام التمام وكل السودان أهلك وإنت أهل أى زول
كل سنه وإنت طيب

منصور

Post: #80
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 10:34 PM
Parent: #76

Quote: ناس ظبى المسالمه وجيران ناس سيده وجمالها فريد
ياخ انت زول تمام التمام وكل السودان أهلك وإنت أهل أى زول
كل سنه وإنت طيب
منصور المفتاح
أهل أمدرمان .. وملوك العنج .. وشاهدين على التاريخ
لا هماهم إنجليز .. ولا مهدية
سياد بلد راسخين

مرحب بيك
وسنتك منورة بيى نورك
وسعيدة وبخيتة عليك وعلى عموم الأهل والوطن

Post: #71
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 02:08 PM
Parent: #60

ماضى يومك بديع
Quote: عندى فكره, تعال نعمل بوست عن اسباب تسمية المدن و المناطق فى السودان, حريف؟؟؟
شغل نضيف والله .. أبدا لينا بى برى والقصة بتجر ..
زمان حاولت مع أمدرمان وطلعت بالكتير .. هنا وودقاسم فى أمدرمان هل هى أمدرمان (أم) ..أم در أمان .. (أم) أم درمان ؟!

جهز لينا البوست وأفتحو .. وعشان الناس هنا بسوقوا سواقة الجن .. والمتابعة صعبة .. لما تجهز إتصل بى هنا [email protected]

ومستنك

مودتى

Post: #70
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 01:57 PM
Parent: #59

منى خوجلى سلام
Quote: ليه ما مشيت الزومه؟؟
رغم الشمالية جيت مارى بيها وعمرى 40 يوم .. رجعتى حدها عطبرة .. والزومة .. مستنيك والعزومة مقبولة ..
و الزومة .. عندنا فى نص البلد وبقوا من نسيجنا فى أمدرمان وبحرى والخرطوم ومدنى ....
بس الزومة ده جبتوهو من وين .. المركب مكنة كوز ده ..
Quote: أمشي يا عنصري
واحدة بواحدة يعنى ؟ .. باين حارقة لسة .. الله بحبك جليتى من راس السنة

مودتى

Post: #69
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 01:41 PM
Parent: #58

بريمة وسعيد بوجودك .. وألف حمدلله بالوصول
كل عام أنت والأهل والأحباب وكل الوطن بألف خير
Quote: ومن رقصة المردوم وصفق الطمبور .. وجناجر الجرارى وصوت النقارة .. من رمال الغرب وبين أشجار الكتر والسعات .. من مسارب الضعائن ومراتع الغزلان فى كردفان ..
كان جبت سيرة الغزلان .. ما ياها غرب أمدرمان .. كردفان ورمالا ومساير البقارا .. قالوا عطشانين ؟!! .. أعزب المياه وأنقاها .. شربناها فى كردفان .. لا طين ولا صراصير .. زى الزجاج الشفاف بنقاء أهلها وترحابم وكرمم وجمالم .. بنهاجر ليها .. كردفان الغرة أم خيراً جوة و برة ..
Quote: رأفت ما ياهو أنت بقارى عديييييل!!
شهادة .. وشرف .. وقلادة

محبتى

Post: #65
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: منى على الحسن
Date: 01-02-2008, 12:36 PM
Parent: #1

الاخ رأفت سلام وجميع المتداخلون هنا

سنة سعيدة ون شاء الله كلنا ملمومين في الوطن ....

مدن في ذاكرتي ....

علاقتي مع مدينة ام درمان بدات بعد الجامعة انا من الخرطوم وبحري

الا كبري ام درمان ما عديتو الا في سنة اولى جامعة ( استغفر الله كان قبليها للقصر الشباب

والاطفال ) كل صديقاتي كانوا من ام درمان اول حاجة ركبتها إلى بص الثورة بالنص ونزلت في محطة

الدومة جم جامع الشيخ قريب الله لقيت نفسي في مدينة هي ام المدن تذكرك بالتاريخ والعراقة والحب ومن

وكتها حبيت ام درمان وعشقت هوا ام درمان وحيبتا ( ترابا ) الحمرا ...

دخلتها شارع شارع ....حي العمدة ..المسالمة ...ود نوباوي ..ابوؤوف ...سوق الشجرة

ود البنا ....بانت ...العرضة ..العباسية ...حي البوستة السوق ...الملازمين ..وحمد

النيل ...المهندسين الثورات ...بالنص والشنقيطي .. مقابر أحمد شرفي ...المنطقة الصناعية وسوق

المرايات وكنت في كل زيارة باكتشف طريق وسكة ريد جديدة لهذه المدينة التي ادمنت حبها

وكانت لي في ايام الاسبوع السبعة اربعة يوم لا كتشاف ام درمان

فانت يا استاذ رأفت من اجمل مدن السودان أم درمان ..مدني السوق والدرجة وحي الدباغة ..والابيض

الدرجة او الحي البريطاني والقلعة والبترول وحي حسيب والبان جديد ...كادقلي الجبال وشلالات كلبي

ومقابر الكمنولث والمصارعة القضارف ..كسلا ..انت من مناطق هي جنة الله في الارض...

وانا احمد ربي الذي انعمي بزيارة اغلب هذه المدن وعشت فيهاجزء من عمري

لي في كل مدينة ذكرى وحنين دايم..

شكرا على هذا البوست الزي نفحة حنين للوطن

Post: #74
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 03:49 PM
Parent: #65

منى على الحسن
مرحب بيك وأول مرة نتقابل
كل سنة وأنتى والأهل بألف خير
Quote: انا من الخرطوم وبحري
وبحرى فى القلب .. أسمعى دى براك على جنبة
وياريت تحكى لينا عن بحرى حكيك الحلو ده .
Quote: الدومة جم جامع الشيخ قريب الله لقيت نفسي في مدينة هي ام المدن تذكرك بالتاريخ والعراقة والحب ومن

وكتها حبيت ام درمان وعشقت هوا ام درمان وحيبتا ( ترابا ) الحمرا ...

دخلتها شارع شارع ....حي العمدة ..المسالمة ...ود نوباوي ..ابوؤوف ...سوق الشجرة

ود البنا ....بانت ...العرضة ..العباسية ...حي البوستة السوق ...الملازمين ..وحمد

النيل ...المهندسين الثورات ...بالنص والشنقيطي .. مقابر أحمد شرفي ...المنطقة الصناعية وسوق

المرايات وكنت في كل زيارة باكتشف طريق وسكة ريد جديدة لهذه المدينة التي ادمنت حبها

وكانت لي في ايام الاسبوع السبعة اربعة يوم لا كتشاف ام درمان
حكيتى وكفيتى
Quote: ..مدني السوق والدرجة وحي الدباغة ..والابيض

الدرجة او الحي البريطاني والقلعة والبترول وحي حسيب والبان جديد ...كادقلي الجبال وشلالات كلبي

ومقابر الكمنولث والمصارعة القضارف ..كسلا ..انت من مناطق هي جنة الله في الارض...
إنتى صاحبة أرض وشريكة وطن .. ربنا يديم ذكرياتك .. وتسقيها للأجيال .. أصالة

كل سنة وأنت والأهل أحبابك فى كل الوطن بكل الخير

مودتى

Post: #75
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: اساسي
Date: 01-02-2008, 06:12 PM
Parent: #74

انا قبيل كتبت محمد الشيخ عشان عارفو صاحب جهاد هو وشمس الدين رمضان بس تاني مسحت الكلام لسبب ما عارفو لكن علي العموم محمد الشيخ دا جاري بالحيطة في امتداد ناصر ومعاي في جدة دي لكن يا حبيب جهاد زاتو اكبر مني بـ 12 سنة يبقي انحنا قدر بعض في حياة تانية
انا بصراحة بتذكر المرحوم كويس بس ما كنت بتحاوم في حلتكم كثير ناس اندراوس عندهم كلب عضاني وحرمني الشارع داك.
عمك عوض عنده ولدين الكبير ايهاب والتاني علاء الدين بس علاء الدين دا دفعتي
بعد دا انت قدر براك

Post: #77
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: Salah Waspa
Date: 01-02-2008, 07:25 PM
Parent: #75

ومن ود الشافعى .. ومن بركات .. ومن إمتداد ناصر .. أوطان دائمة
======================================

تعرف يا رأفت في حتتين أنا عارفك بتحبهم وبتموت فيهم وهم قواسم

مشتركة بيننا وقد سقطا سهوا من قائمة بوستيك وأعتذر بالنيابة

عن رأفت لأهل الشجرة ومنطقة حلفا . ( عليك واحد)

ودي

صل ا

Post: #78
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: عماد شمت
Date: 01-02-2008, 08:31 PM
Parent: #77

ياخلي اكلت العجل ابوشوك قضروف سعد

ودفرت في الرابعه

انت مالكن تخصص عمبلوقات شن جابك للعجول

جهاد عمليه كرش !!ابوسن بضحك في ابوسنين

انشاء الله عملت روشت كويس السنة دي والا قضيتها مع الطياريين

سلم لي علي صاحبي المكلب

ده السودان ياخلي ياحليلو !!!

بجيك بي غادي

Post: #85
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 11:20 PM
Parent: #78

كيفك يا عمدة
Quote: ياخلي اكلت العجل ابوشوك قضروف سعد

ودفرت في الرابعه

انت مالكن تخصص عمبلوقات شن جابك للعجول
والله يا عمده لحمو أبياااض وزى أطعم حاجة فى الدنيا .. وصيدو زاتو فروسية .. لازم يجروا إتنين بمحازاتو عشان ما يدوهو فرصة يطلق شوكو للخلف .. وضربة شوكو بتجيبك وا طـة .. داير تخصص وجرأة .. أكلناه عشاء ومزينا بالجراد .. متعة تانية .. ما شفت النوبة بتصارعوا كيف ؟ تغزية طبيعية ..
Quote: انشاء الله عملت روشت كويس السنة دي والا قضيتها مع الطياريين
والله حارس المجانين وكلو روشت

تحياتى للوليدات وأمهم

Post: #79
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-02-2008, 08:40 PM
Parent: #77

Quote: كان ركبت صاح فى زول فى السعودية إسمو محمد الشيخ .. تتصل بيه وتقول ليهو رأفت ميلاد فقد عناوينك كلها

تقصد محمد الشيخ محجوب ارباب؟؟ اخو التاج و محجوب و كلهم فى السعوديه؟؟؟؟ امانه ما كتل راجل

Post: #86
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 11:27 PM
Parent: #79

Quote: تقصد محمد الشيخ محجوب ارباب؟؟ اخو التاج و محجوب و كلهم فى السعوديه؟؟؟؟ امانه ما كتل راجل
ياهم زاتم .. الكتل وين ياخوى ؟

عملت لينا شنو فى المشرع

سؤال: بتعرف توفيق غبد الملك ؟ من أولاد كوريا "برى" .. وعايش فى اليونان ؟

Post: #84
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 11:08 PM
Parent: #77

كيفك يا واسبة والأولاد بألف خير

Quote: فيهم وهم قواسم

مشتركة بيننا وقد سقطا سهوا من قائمة بوستيك وأعتذر بالنيابة

عن رأفت لأهل الشجرة ومنطقة حلفا . ( عليك واحد)
الواحدات كتير .. حلفا هابشتها مع تماضر فوق .. أما الشجر موطن آخر .. منو فى الخرطوم ما إستظل بالشجرة فى الهجير .. زى ما قلت ليك من الديم فركة كعب .. "الصارقيل" من توتى والبحر فى الشجرة .. تقطع الجزيرة الصغيرة ..

التحية لأهل الشجرة ودينهم فى رقبتى .. بإنقاذ زوجتى وإبنى من غدر النيل ..

مودتى

Post: #83
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 10:57 PM
Parent: #75

Quote: محمد الشيخ دا جاري بالحيطة في امتداد ناصر ومعاي في جدة
يا أساسى أنا إفتكرتك محجوب أخو محمد الشيخ .. عشان كدة جبت سيرة النيمة
Quote: يا حبيب جهاد زاتو اكبر مني بـ 12 سنة يبقي انحنا قدر بعض في حياة تانية
لا حولا ومغلغنا الغلغلة دى كلها .. أكيد ما شفتك .. وحتى كان شفتك كان يادووب أجضمك وأنا ماشى
Quote: عمك عوض عنده ولدين الكبير ايهاب والتاني علاء الدين بس علاء الدين دا دفعتي
بعد دا انت قدر براك
لا قدرت .. الأولاد ديل زاتم كانو فى اللفة ..

يا زول الكتوف إتلاحقت وبركة البقيت مننا وفينا

Post: #81
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: عزيز عيسى
Date: 01-02-2008, 10:41 PM
Parent: #1

سلام يا رأفت،

عدت قبل أربعة أيام من زيارة قصيرة الى السودان
بعد فترة طويلة..
كنت في مدني وبركات الأسبوع الماضي..
مدني لم تعد مدني الزمان..
وبركات لم تعد بركات التي كانت تمتاز
بجمال زهورها وورودها التي تفوح في كل مكان..

المنظر أدناه أخذته من الحواشات بين بركات والسوريبة..
لاحظت المزراعين تخلوا عن زراعة القطن وزرعوا البصل بدلا عنه.
متع نظرك بهذا المنظر الخلاب الجميل..
وتمتع بشم النسيم العليل.. لعل وعسى أن يذكرك هذا المنظر
بالأيام الجميلة.

Post: #87
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-02-2008, 11:48 PM
Parent: #81

عزيز عيسى كيفك
وكل سنة وأنت طيب ياخى
وسعيد فعلآ بوجودك
Quote: كنت في مدني وبركات الأسبوع الماضي..
مدني لم تعد مدني الزمان..
وبركات لم تعد بركات التي كانت تمتاز
بجمال زهورها وورودها التي تفوح في كل مكان..
ياخى فعلآ شيئ مؤسف .. حكى لى صديقى عبد الباقى عبد الحفيظ المحامى نفس الشيئ وهو يكاد يبكى .. عشنا صبانا هناك وهى قطعة من الجنة .. ناس عادل أمين عبدالله "سمساعة" وأمين القاش ومحمد عبدالرحمن طه وكمال عباس "كومى" وناس الخواض وأولاد طمبل وصديقى الرشيد ....... نقاء صبا وصفاء نفوس

شكرآ على الهدية الرئعة وزكرتنى الترعة نمرة 2 وزكريات بديعة ..
يوم آخر الليل جايين كداري من ود الشافعى .. لقينا ليك مرفعين فى طرف السوريبة .. كسرنا على الحلة ودخلنا ليك وسط الحريم .. طلعنا بى كورية لبن .. وشافوا لينا عربية نقلتنا بركات عشان حرنا من الخوف

مودتى

Post: #82
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: محمد عثمان
Date: 01-02-2008, 10:49 PM
Parent: #1

يعنى يا رافت ولا كلمة عن بورتسودان..سمح
طيب نحن برضو المساالمة عندها فيها اياام جميلة
نجمة المساالمة
فريق حى العرب
شاارع الكنيسة
مدرسة التوفيقية..
دكان برعى...
اولاد ابو قنااية
اولاد ملة
مجدى محمد حسين و فردته الصينى
و ناس ابو مرين
و ناس ميسرة
و الحكم المشهور ابو عضل

و اللستة تطول..كانت اياام جميلة و انا اعتبرها
من اجمل فتراات حيااتى و كانت فى المساالمة...

بامانة قدر ما اتزاوغت من البوست دا ما قدرت...
و لى فى المساالمة غزاال.....

و تحيااات....

Post: #88
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 01-03-2008, 00:25 AM
Parent: #82

محمد عثمان صديقى الجميل
Quote: يعنى يا رافت ولا كلمة عن بورتسودان..سمح
عن بوتسودان مستنى زول يجينى والله جابك .. زى ما إنت عارف بورتسودان وطن الوالدة .. وعشنا فى ديم مدينة .. بيتنا بين فاطنة تلميذة وعمك عثمان حسين هلال .. وقدامنا ناس دكتور أهل تجانى وعزمى أحمد خليل .. وبعدين نقلنا ترانزيت .. درست فى بوارث .. دفعتى عبدالمنعم فودة والأمين أدروب .. وورانا شمس الدين وبافلى .. ديل شلة الكورة ..
باخى بورتسودان دايرة ليها بوست ما مداخلة كان دخلنا البحر .. الميناء .. المارين قاردن .. فلمنقو .. الدريك .. سلاييت ..
وكان زرت ديم سواكن وضربت المخبازة ..ولا السلات فى ديم عرب .. ولا الصيادية فى ترب هدل ..
ده كان ما سافرت عروس .. وبعيد من البحر أربعات .. وقريب كيلو تمانية ..
تتزكر النبع العذب البصب فى البحر فى خور كلاب ؟ ده ما أعجوبة والله ..

لكن المسالمة دخلت حلتنا عديييل
Quote: نجمة المساالمة
لعبت فيها وكان مدربنا سينا
Quote: مدرسة التوفيقية..
ياما حبينا فيها ..
Quote: ناس أبو مرين
فى
Quote: شارع الكنيسة
Quote: دكان برعى...
الله يرحمه
Quote: اولاد ابو قنااية
صلاح أبو قناية فردتى وضاع منى فى الزمن Quote: ولاد ملة
مجدى محمد حسين و فردته الصينى
و ناس ابو مرين
و ناس ميسرة
و الحكم المشهور ابو عضل
سياد بلد .. وداعة ميسرة إتفارقنا متشاكلين .. غدرنى يوم فى زقاق ناس كدفور "بسلفستار" .. عمك ميسرة حلف و جلدو قدام الخلق .. بعد السوط الأول عمى قبض يدو حلف عليه .. وداعة كان أصولى .. أتمنى أن يكون الله هداهو ..
Quote: بامانة قدر ما اتزاوغت من البوست دا ما قدرت...
تفوت مننا ياخوى .. ما بخاطرك

محبتى

Post: #89
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-03-2008, 05:44 AM
Parent: #88

راجع بريدك يا رافت

Post: #92
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: ماضي ابو العزائم
Date: 01-03-2008, 09:46 PM
Parent: #89

Quote: سؤال: بتعرف توفيق غبد الملك ؟ من أولاد كوريا "برى" .. وعايش فى اليونان ؟

ديل بيكونو شفع ساى

Post: #93
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: محمد أبوالعزائم أبوالريش
Date: 01-07-2008, 11:52 AM
Parent: #1

عارف يا رأفت أنا زي ود البشرى من زمان متحير .... تكتب بوست نقول إنك من (جخانين) أم درمان .. يتكلم أبوساندرا أو عماد عبد الله تبقى ديامي ...... هسة بقيت كمان تفتي لينا في برى؟

يا زول حبابك عشرة .. كان لحم راس كان (بيت كلاوي)

Post: #94
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-17-2008, 10:06 PM
Parent: #93

يا ناس أبوالعزايم
متأسفين على التأخير الإضطرارى
يا ماضى
Quote:
Quote: سؤال: بتعرف توفيق غبد الملك ؟ من أولاد كوريا "برى" .. وعايش فى اليونان ؟

ديل بيكونو شفع ساى
الراجل دفعة وطبيب ولسة قاعد هناك .. يكون قدامكم ..

سلام يامحمد
Quote: عارف يا رأفت أنا زي ود البشرى من زمان متحير .... تكتب بوست نقول إنك من (جخانين) أم درمان .. يتكلم أبوساندرا أو عماد عبد الله تبقى ديامي ...... هسة بقيت كمان تفتي لينا في برى؟

يا زول حبابك عشرة .. كان لحم راس كان (بيت كلاوي)
كمونية ولا عكو .. أخدنا المواطنة كاملة .. وبقينا نتحاوم فى كل الجخانين بتصريح .. لحدى برى الشريف ..

مودتى

Post: #95
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: mohamed osman bakry
Date: 02-17-2008, 11:22 PM
Parent: #94

Quote: من القضارف وديم بكر بضم الكاف
وناس سلمون .. والقطية سنة

من سلمون هذا يا رأفت

Post: #96
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-17-2008, 11:31 PM
Parent: #95

يا محمد عثمان بكرى سلام
Quote: من سلمون هذا يا رأفت
والله ما عارف يامحمد .. عندما كنا مراجغين للزراعية الآلية .. كان صديق زميلى فى التيم .. هو أثيوبى ورجل خدوم جدأ وسعى مع أبناء القضارف لحسن إسقبالنا والتفانى فى راحتنا .. لذلك خطر إسمه فى فى ذهنى فى السرد عندما ذكرت القضارف محبة ووفاء

مودتى

Post: #97
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-17-2008, 11:46 PM
Parent: #96

الأخت سعاد من برى جارة المرحوم شقيقى سليمان فى برى .. التى إتصلت تطلب عنوان زوجة وأبناء المرحوم .. آسف لإنقطاع الإتصال قبل أن أتمكن من إعطائها لعنوان ..
أتمنى معاودة الإتصال لعدم ظهور رقمها فى هاتفى أو الإتصال غبر الإيميل [email protected]

محبتى

Post: #98
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: mohamed osman bakry
Date: 02-18-2008, 00:03 AM
Parent: #96

شكرا يا رأفت لسرعة إستجابتك.
لي صديق بل أخ ـ سلمون بيتو
جمعتنا القضارف بمدارسها المختلفة
الإتحاد الإنجيلية
ثم القضارف الثانوية.
و فرقتنا الأيام يا رجل.

مودتى

Post: #100
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-18-2008, 08:07 AM
Parent: #98

يا محمد عثمان
Quote: شكرا يا رأفت لسرعة إستجابتك.
لي صديق بل أخ ـ سلمون بيتو
جمعتنا القضارف بمدارسها المختلفة
الإتحاد الإنجيلية
ثم القضارف الثانوية.
و فرقتنا الأيام يا رجل.
بالرجوع الى بروفايلك لا أعتقد إنه نفس الرجل .. سلمون من دورنا وأنت لا تزال أعزب .. الهم إلا أن تكون قد عنّست ..
وزى ما بقول أهلنا "الحى بتلاقى" .. أتمنى أن تجمعك الأيام بصديقك فى الوطن ..

"أرجو أن لا تكون دعابتى ثقيلة على قلبك"

مودتى

Post: #99
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: مازن الجمّال
Date: 02-18-2008, 00:17 AM
Parent: #1

Quote: ومن ود الشافعى .. ومن بركات .. ومن إمتداد ناصر .. أوطان دائمة

يا سلام على ود الشافعي يا رأفت يا جميل

وعلى النبق المصري

ويا حليل مدني الحنينة

Post: #101
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-18-2008, 08:18 AM
Parent: #99

مرحب مازن الجمال
Quote: وعلى النبق المصري
تتصور يا مازن لم أجد هذا النوع من النبق فى أى مكان .. لا داخل السودان لا خارجه .. وكلما وجدت فواكه من أنحاء العالم المختلفة بحثت عنه .. يعرف بالنبق المصرى .. وبعض الأوساط النبق الهندى .. والإسم المحلى له بين أهالى ود الشافعى وما جاورها "تمر الصين"

يوجد بكثرة فى "جنينة المدير" .. ورغم نجاحه وغزارة إنتاجه .. وروعة طعمه .. وقِدم وجوده .. لم يفكر أحد فى نشره وجعله محصول قومى ..

توجد أشياء فى بلادنا لا نبالى بها ولا نطورها وقد تكون ثروة .. مثال ذلك فى الجزيرة الخرووب والضريسا وعيش الغراب "ود الواطة" ومثلآ "القضّيم" فى الغرب ..

شكرآ على الذكرى الجميلة

مودتى

Post: #102
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: othman mohmmadien
Date: 02-18-2008, 10:38 AM
Parent: #101

سلام يا رافت ....

إنت
من المسالمة .. ومن مدنى .. ومن الديم .. ومن بورتسودان كمان
ومن كل السودان
وبتعرف أم أحمد الدقت المحلب ...
بس ما أكلت الأكعب شئ ؟؟؟؟
وهو ليس بالحمت رمت ...
إذا عرفته تكون أخطر مني ...

Post: #103
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-18-2008, 12:57 PM
Parent: #102

كيفك يا عثمان
Quote: بس ما أكلت الأكعب شئ ؟؟؟؟
وهو ليس بالحمت رمت ...
إذا عرفته تكون أخطر مني ...
ياخوى أنا البدخلوا الناس يدهم فيه بلبعو .. ماغلبى إلا التركين والفسيخ النى .. ويوم فى بورتسودان عند جماعة أقباط بعملو "أبوجلمبو" بالملوخية "فى شوربتو" .. شفتهم بختوهو فى الحلة فى النار حى وهو بحاول يطلع .. عملية مجرمة ياخ .. رغم بررورها كان مات يبقى سام وسمه زعاف .. طبعآ غلبنى آكلو لا هو ولا ملخيتو ..

أها أنت أكلت شنو يا مقطوع الطار دى ما كانت الحجة بتقولا ليك ؟

مودتى

Post: #104
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: othman mohmmadien
Date: 02-18-2008, 03:18 PM
Parent: #103

أصلو الحكاية يا رأفت ...
خالاً ظريف لينا... عليه رحمة الله
صاحبه أبوه كاتم الهواء عليه شوية ... ومجلدها عليه .....
جنهم الأكعب شئ .....
يوم جاء لأبوه .. يا أبوي عايز أشتري ... أقاشي ...
أبوه ما داير يديه القروش ...
قال ليه: طبعا درسوكم الحروف السايلنت في بعض الكلمات في اللغة الإنجليزية.... في المدرسة
رد لأبوه: أآي يا أبوي ...درسونا ليها
أبوه قال ليه: طيب الأقاشي ده إصلو الأكعب شئ .... بس الآي والبي سايلنت .... فصار أقاشي ....عايز تاكلو برضو

طيب لو أكلته ... ماأحلى أكعب شئ في كل من المدن التي أنت منها ... ما تغلط وتقول لي اقاشي المسالمة ....
لأن

ظبية المسالمة
الفي الخمائل هايمة
يا حالمة يا ظالمة ياظالمة ياظالمة

يستحيل تكون شمت ريحة الأكعب شئ ...
لك ودي .. (الميم والتاء سايلنت = مودتي)

Post: #105
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-18-2008, 04:11 PM
Parent: #104

تعرف ناس خالك ديل جلدة خلاس .. أوع تكون عليك قصة "الولد خال"

تعرف أول مرة أكلت الأقاشى كان كادقلى .. الزمن داك ما وصل الخرطوم .. ما عارف كان أحلى حاجة فى الدنيا ولا الجوع كافر .. الحصل قبلها كنا فى ليلة صاخبة فى رأس السنة .. ونومنا بدون عشا .. صحينا لقينا الناس مشوا رحلة .. فتشنا ما لقينا غيروا فى التلاجة .. يعنى بارد كمان .. نحن نفرين ضربنا وجبة تسعة .. ونطينا فى لورى مشينا الدلنج ..
فى الدلنج أكلنا أبو شوك "العجل" حاجة رهيبة .. الجراد ما عجبنى .. من المكوم فى السوق .. قالوا المعمول على أصلوا مظبط والله أعلم ..
فى بورتسودان .. الصيادية والمخبازة والسلات
فى مدنى النيفة بتاعة العشير .. فى أفران حرارية تحت الواطة .. بدخلوا فيها الخروف كامل .. بطلع شكلو زى النى .. تخت صباعك تصل العضم .. زى الفرصة
فى الأبيض عصيدة الدخن باللبن والعسل .. بعد المطرة
فى سواكن "الزرمباك المجفف .. وده حيوان القواقع الحلزونية
فى المسلمة طرشى بشارة لا يعلو عليه وطعمية حى العرب وباسطة عم بين .. ولازم يسدرك قبال تفوتو
فى ود الشافعى النيق الهندى زى ما قال ليك الجمال
فى كوستى السمك العجل والبياض طعمو براه
فى الدمازين جداد الوادى .. وبلطى عجيب
فى القضارف الشاى باللبن بالكباية الشب
وفى الجريف الشاى الصاموتى بالحلة المقننة فى زرايب الزبالة
وفى الدبة الجداد المجفف زى ورق الكراس .. طبقات طبقات .. تنسل وما تقيف
فى فلاتة لحمة التيوس على الفحم
فى الجديد خليف تتقدا ويكاب ..
فى الجزيرة الموليتا بالليمون والشطة ام نويورا .. وكان أديتا شوية دكوة ولوبا عفن ما بتخلص

والمشتهى الحينيطير .. يطير

Post: #106
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: othman mohmmadien
Date: 02-19-2008, 08:38 AM
Parent: #105

تعرف يا رأفت إنت روحك
خلقت منذ أزل سحيق
منذ أن قرر الله أن يخلق البشر ...
ثم رمى بها في هذا السودان .... الجميل
منتظرة مقدم الجسد ... وقد كان ..
وأعتقد أنها تقيم هناك في السودان ..
مرتبطة بك أثيرياً ...
رغم بعدك عن السودان
بصراحة كده ...
إشتهيت زيارة كل هذه المدن ... ولن أجد نفس الطعم الذي تذوقته ...
الكول والمرس شايفك ما جبت سيرتهم
رأفت العجيب ....

*****
غفر الله لأخونا الشهيد سليمان
وحفظه في علياءه ...
بكل صدق لم أكن أعلم عنه شيئاً وبذكرك له بصورة ثابتة في ردودك ...
جعلني أبحث عنه فوجدته في سيرة لم يحوطها شئ
سوي شذى ًفواح من كل جنب
وحب الناس العاديين له لأنه زرع الحب
قي قلب من قابله
وهاهو يزرعه في قلب كل من سمع عنه
وسيظل هكذا دوما...
له الرحمة ...
وحفظ الله أسرته الكريمة ..

Post: #108
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-19-2008, 10:26 PM
Parent: #106

Quote: الكول والمرس شايفك ما جبت سيرتهم
الكول أكلتو .. الغريبة .. فى الخرطوم .. أكلتو كتير جاهز .. قالوا قبل الطهى ما بتقابل .. المرس لحقنا لحدى هنا .. وتصور البتجيب لينا المرس سويسرية .. عايشة فى السودان منذ أكثر من أربعين سنة حتى الآن .. متزوجة سودانى ولسة هناك .. بتجى فقط زيارة ..
وبتظبطو على أصولوا أهاةشن ليك
Quote: فوجدته في سيرة لم يحوطها شئ
سوي شذى ًفواح من كل جنب
وحب الناس العاديين له لأنه زرع الحب
قي قلب من قابله
شكرآ على الكلمات الطيبة عن شقيقى المرحوم سليمان .. كان تركيبة كتب لهاأن لا تعيش .. لديه القدرة لولوج القلوب .. خاصة الأطفال وذو العاهات العقلية .. لدية قدرة ممنوحة لمواصلتهم .. وكان يوصفهم .. بأنهم أنقياء من شرور البشر ..
مرح يحبور .. مداعبته حميمية .. شرس فى مواقف القوة ..

مرتبط بإدمان بأركان السودان .. أذكر فى صبانا ظهرت له منحة لدراسة الهندسة فى موسكو .. ذهبنا لوداعه فى المطار .. وقبل الدخول الى صالة المغادرة إختفى .. بحثنا عنه ويئسنا بعد إقلاع الطائرة .. غضب والدى ولم يأذن لى بالبحث عنه إلا بعد عدة أيام .. ذهبت الى مدنى وأنا أعرف أين أجده .. وجدته مسترخيآ منتشى .. عاتبته على فعلته فرد بحبور "حد يسيب مدنى يمشى موسكو"

ولكنه ترك مدنى وعشق الدمازين ومن قبلها بورتسودان ..

رحمه الله وسأحكى عنه كثيرآ .. كان شعلة من المتناقضات المقبولة .. مليئ بالحياة يداعبها ولا يسفهها..

مودتى

Post: #107
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: badr alkalika
Date: 02-19-2008, 03:44 PM
Parent: #99

تعرف يا رافت بعد مليون تحية تداعب بسمتك الاريحية هذه وتلامس الوقار في شيبات شعراتك ولك تحياتي
تعرف انت من وين
انا حاسي انت من بيتنا ومن بيتهم
انت من هنا
ومن هنالك
انت من النيل
ومن النخيل
ومن دارفور
وملكال
ودبايوا
حبي ومودتي

Post: #109
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: رأفت ميلاد
Date: 02-19-2008, 10:35 PM
Parent: #107

كيفك يا بدر الخليفة
وبشرنا بعد الغيبة .. وصلت وين من المشوار ..
فى إنتظار الأخبار السعيدة بإذن الله
Quote: وتلامس الوقار في شيبات شعراتك
يا حليلن الشيبات .. بنفتش تفتيش كان نلقى واحدة سودة .. دايرين نسأل أبو ساندرا من الوصفة
Quote: انا حاسي انت من بيتنا ومن بيتهم
انت من هنا
ومن هنالك
انت من النيل
ومن النخيل
ومن دارفور
وملكال
ودبايوا
دبايوا وكتيوا يا بدر .. ما أجمل شعورك .. وجودك فى القلب الله يعلم

محبتى

Post: #110
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: badr alkalika
Date: 02-21-2008, 07:36 AM
Parent: #109

اول حاجة يا جماعة الخير داير اسالكم انا سبق وان شاركت في هذا البوست و مااااا لقيتو وبتحصل لي كتير ؟

يارافت حبيبي حياااااااااااااك
تعرف انت من وين
انت من بيتنا
ومن بيتهم
انت من هنا ومن هناك

انت من الكشاشة والقطية والحوش

Post: #111
Title: Re: أنا من المسالمة .. ومن مدنى .. ومن الديم .. ومن بورتسودان كمان .. "يا محمد البشرى&quo
Author: badr alkalika
Date: 02-21-2008, 08:47 AM
Parent: #110

يارافت انا مازلت ابحث عن الحقيقة
ومازلت الهث خلفها
والضوضاء من حولي لم تخدعني
المني زيادة الرغيف في البلد
والانثى الغائبة التي تقلق كثير من المتزوجين ( ان شاء الله انت ما منهم ) تعرف كثير من الناس حولي وحولك يبحثون عن انثاهم الغائبة رغم العيال

فالبحث عنها ارهقني أقرأ بوست طلتك العزيزة فيهو بث لشكواي

تعال الليلة البيت بدري وجيب الرغيف
الولد عندو حمى
التطعيم
المدرسة
الكراس
القلم
احبك
مفردات داير احسها في بيتي انا
وين البيت
وين الانثى
اين انا
اين البلد
وين الرغيف
اماه اماه اماه اماه
( تعرف في زول غيرت الصورة اللي انا خاتيها صورة السيد محمد عثمان
لقيت صور ناس ما بعرفهم نضاااااااااااااااااااف شكلهم في اوروبا
اها براجع في البوستات امكن الغير الصورة اساء او قل ادبو وهذه ليست من شيمي
فتك بعافية