Post: #1
Title: "بعض" النساء .. ونشـوة الأعماق
Author: رأفت ميلاد
Date: 12-03-2007, 01:01 PM
Parent: #0
كان يوجد بالتلفزيون السودانى برنامج شهير بعنوان "عالم البحار"
كان برنامج علمى ممزوج بالإثارة وروح المغامرة مما يجعل المشاهد مشدود للشاشة البلورية بنفس واحد و فى رواية أخرى .. بأنفاس متلاحقة .
مقدم البرنامج لا أذكره ولكن "أعتقد إسمه " كابتن كروزو" وهذه معلومة لا يستطيع تصحيحها إلا "محمد المرتضى حامد" أو "ياسر الشريف" 
فى إحدى الحلقات فقد طاقم الرحلة والبرنامج إثنان من المغامرين الباحثين فى أعماق البحر . وشرح مقدم البرنامج حزينآ ملابسات الحادث بما أسماه "نشوة الأعماق"
"نشوة الأعماق"
هى حالة من الإنتشاء تصييب الغطاس داخل الأعماق وسحره الخلاب . ينجرف المغامر داخل الأعماق ناسيآ محدودية الأكسجين التى تصاحبه ويدخل فى زهول الروعة من حوله و .. يفقد الحياة .
نجاح بعض النسوة هنا غطتهم هالة نجاحهم لتصفيقنا الحميم لهن ووصلن لأعماق النشوة وتسلقن أمجاد يستحقنها بجدارة .
لكن لم يتقاسمن النجاح ليكون مكملآ للصورة التى نحلم بها .. ولكنهن إرتمين فى الأعماق كل بنشوتها وحسبت نفسها وحدها صانعة المجد فأصبح الكلام مطلق والرأى متفرد ونسين من هوالآخر وحجبن منطق التعدد وحرية التفكير والتفاكر .
بين "الكوم والكوم" سينفد الأكسجين بلا شك ..
تعديل: أخطاء إملائية من الكتابة بالماوس
|
Post: #2
Title: Re: "بعض" النساء .. ونشـوة الأعماق
Author: رأفت ميلاد
Date: 12-03-2007, 02:29 PM
Parent: #1
أصبحت هناك ظاهرة "الوصاية"
ماذا يجب أن يُكتب وماذا لا يُكتب وكيف يُكتب أو كيف يُناقش
وحدثت وصاية بأن الخط يجب أن يكون محدد والمطلوب هو فقط "الآتى"
دون ذلك تسود لغة الغمز واللمز
أو التهاتر والإسفاف
ولأن الكرة أصبحت نسوية خالصة
ينزوى الرجال .. أو يسقطوا ..
فلنعود للسطح مرة أخرى .. وكل منا يراجع نفسه
المعطيات للهجوم دائمآ : هى النضال .. الثقافة .. أو نون النسوة
المحصلة النهائية معروفة
الحردان
لم الزملاء فلقد أصبتى الإساءة وأنا "أنثى"
اعلان الجهاد وقد يكون الهكر
ويسقد الجميع صريع الأعماق
ليس هناك وصاية .. وليس هناك تكميم .. وليس هناك أنثى
الرأى لنا .. ولغيرنا
|
Post: #7
Title: Re: "بعض" النساء .. ونشـوة الأعماق
Author: حسين محي الدين
Date: 12-03-2007, 02:56 PM
Parent: #2
المعطيات:
النضال .. الثقافة .. أو نون النسوة..
العمل:
إجتهاد وتفاني أكثر
المحصلة:
تلك النشوة التي ذهبت طائعة إلى أخواتي بسودانيز
===
ميلاد لك التحية
وعبرك لكل الرائعات
|
Post: #11
Title: Re: "بعض" النساء .. ونشـوة الأعماق
Author: رأفت ميلاد
Date: 12-03-2007, 08:46 PM
Parent: #7
حسين محي الدين
تحباتى
Quote: المعطيات:
النضال .. الثقافة .. أو نون النسوة..
العمل:
إجتهاد وتفاني أكثر
المحصلة:
تلك النشوة التي ذهبت طائعة إلى أخواتي بسودانيز |
ما أبدعها من رسالةQuote: ميلاد لك التحية
وعبرك لكل الرائعات |
ولك التحية وتصل عبرك الرسالة
|
Post: #3
Title: Re: "بعض" النساء .. ونشـوة الأعماق
Author: Muna Khugali
Date: 12-03-2007, 02:34 PM
Parent: #1
جائزة هذا العام للمنبر وقبل الأرشفه ومايسبقه من أحداث..يجب فعلا ان تذهب للنساء..
سنرجع بنشوه وشعارنا صورة نشوي اسماعيل!
بوستات الرمق الأخير احيانا تكون جميله جدا!
|
Post: #5
Title: Re: "بعض" النساء .. ونشـوة الأعماق
Author: علاء الدين حيموره
Date: 12-03-2007, 02:54 PM
Parent: #3
Quote: فلنعود للسطح مرة أخرى .. وكل منا يراجع نفسه
|
الحبيب رأفت
تعرف بعد مرات تقول تطلع السطح وتخاف يلاقوك ناس تقول ياريت لو كمل الاكسجين وانا تحت ..
يا اخي اكتب ما تريد .. وسطر لهن ما نريد اصلو هم حايروحو مننا وين ..
|
Post: #18
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 06:41 AM
Parent: #5
حبيبنا علاء
صباح الخير
| Quote: تعرف بعد مرات تقول تطلع السطح وتخاف يلاقوك ناس تقول ياريت لو كمل الاكسجين وانا تحت .. |
أخد شوية أكسجين وأنزل تانى . الكر والفر أفضل منالإنتحار | Quote: اصلو هم حايروحو مننا وين .. |
وحنروح منهم وين
بنسميهم النصف الحلو .. وده ما صحيح .. هن النص الكامل
بدونهن لا يمتليئ ولا نصف الإطار
|
Post: #10
Title: Re: "بعض" النساء .. ونشـوة الأعماق
Author: رأفت ميلاد
Date: 12-03-2007, 04:35 PM
Parent: #3
| Quote: سنرجع بنشوه وشعارنا صورة نشوي اسماعيل! |
تستاهلى التابعية الديامية رغم أنف أبو ساندرا 
|
Post: #4
Title: Re: "بعض" النساء .. ونشـوة الأعماق
Author: د.محمد حسن
Date: 12-03-2007, 02:46 PM
Parent: #1
دزنما اي اقتباس
هذا البوست
ما اجمل
واعمق
وارقى ما قرأت مؤخرا
يا اخ انت زول رفيع
|
Post: #6
Title: Re: "بعض" النساء .. ونشـوة الأعماق
Author: Muna Khugali
Date: 12-03-2007, 02:56 PM
Parent: #4
Quote: ولأن الكرة أصبحت نسوية خالصة
ينزوى الرجال .. أو يسقطوا .. |
ولا تثير "نون النسوه" عندي اي تعاطف ان تغاضت عن القيم الأنسانيه في خطاباتها..
|
Post: #8
Title: Re: "بعض" النساء .. ونشـوة الأعماق
Author: الطيب شيقوق
Date: 12-03-2007, 03:04 PM
Parent: #6
عنوان بوست يشحتف الروح عديييييييل كده يا رافت اخوى
كفاك عنوانك ده تاني ما تكتب اى حاجة وارشحه ليكون العنوان الاول للعام 2007
هيييييييييييييع الكلس ( بتعرفها؟)
|
Post: #23
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 09:58 AM
Parent: #8
| Quote: عنوان بوست يشحتف الروح عديييييييل كده |
يا شيقوق يا رايق دى ياها لنشوة زاتا ياالكلس
مودتى
|
Post: #12
Title: Re: "بعض" النساء .. ونشـوة الأعماق
Author: رأفت ميلاد
Date: 12-03-2007, 10:46 PM
Parent: #6
Quote: Quote: ولأن الكرة أصبحت نسوية خالصة
ينزوى الرجال .. أو يسقطوا .. |
ولا تثير "نون النسوه" عندي اي تعاطف ان تغاضت عن القيم الأنسانيه في خطاباتها.. |
يا منى الرسالة ليست "للجندر"
يهمنى النساء الناجحات اللائى قدمن رسائل مع غض النظر لعدد الأخطاء ومستوى الإنجاز . النجاح نسبى والفائدة عامة من الخطأ والصواب .
نساء أصبح لهن أسماء وإنجازات توجت المجتمع قبل تتويج المرأة مهما إختلفنا معهن أو توافقنا.
أما اللائى يتصيدن الأخطاء ويعملن على هدم الإنجازات للتسلق لخلق إسم ولو ببذيئ القول فهن لسن معنيات ولا يوجه لهن النصح ولا اللوم . من يسقط بمزاجه فله ما يريد وهذا النوع لن يرى سحر الأعماق لنحذره منه لأنه سيظل فى السطح "سطحى" مدى الحياة رجلآ كان أو إمرأة .
كل ما يكتب ليس لكل من يقرأ .. فهناك من يقرأ بدون عيون
مودتى
|
Post: #19
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 08:50 AM
Parent: #4
Quote: هذا البوست
ما اجمل
واعمق
وارقى ما قرأت مؤخرا |
قد يصيبنى الغرور .. شهادة من حبيبنا د.محمد حسن
وليست أى شهادة
شكرآ يا رجل يا جميل
مودتى
|
Post: #9
Title: Re: "بعض" النساء .. ونشـوة الأعماق
Author: Elmuez
Date: 12-03-2007, 03:11 PM
Parent: #1
لا ده نقد شاعري جدا يا رأفت !
حكاية موت الثنائي بسبب "نشوة الأعماق" دي جذبتني أكتر من الموضوع الأساسي هنا!
حكاية تدعو للتأمل مع أنهم ناس عرفة و خبرة !
بعدين أها خلاص عذبتني بمحاولتي تذكر إسم المرحوم الباحث الشهير, أعتقد فرنسي, قائد فريق بحث أسرار البحار ..
السفينة غايتو كان إسمها "كاليبسو" !
بعدين حكاية نشوة الأعماق دي إنت و محمد سني بك ما دايرين تتوبو منها ?! ..
أظنو حسين ملاسي نسى "أوسكار شلهتة الكبار للسني و صحبو"!!
|
Post: #27
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 10:51 AM
كيفك يا المعز ومشتاقين Quote: حكاية موت الثنائي بسبب "نشوة الأعماق" دي جذبتني أكتر من الموضوع الأساسي هنا!
حكاية تدعو للتأمل مع أنهم ناس عرفة و خبرة !
بعدين أها خلاص عذبتني بمحاولتي تذكر إسم المرحوم الباحث الشهير, أعتقد فرنسي, قائد فريق بحث أسرار البحار ..
السفينة غايتو كان إسمها "كاليبسو" ! |
فعلآ القصة كانت مؤثرة جدآ . أهو المعلومات إكتملت .. البرنامج إسمه أسرار البحار وليس عالم البحار .. والباحث الشهير فعلآ كان فرنسى زى ما قلت أنت .. وإسمه جاك كوستو زى ماأورد أشرف البنا .. وإسم السفينة كلبسوا والعالم الذى ضاع فى الأعماق هو مساعده لويس برنارد كما أورد عبد الناصر الخطيب ..
أها إرتحتا ؟ طبغآ أنا ما كنت ناسى من الزهايمر بس من السغرة Quote: بعدين حكاية نشوة الأعماق دي إنت و محمد سني بك ما دايرين تتوبو منها ?! ..
أظنو حسين ملاسي نسى "أوسكار شلهتة الكبار للسني و صحبو"!! |
السنى الشباب الدئم ودائمآ على الأعناق .. بس موضوع ملاسى ده ما شفتو .. دلنى عليه .. وزى ما قال ود البشرى المسنجر يا بكرى
مودتى
|
Post: #13
Title: Re: "بعض" النساء .. ونشـوة الأعماق
Author: محمد عثمان
Date: 12-03-2007, 10:54 PM
Parent: #1
رأفت...
كيفك يا زول..؟؟
و مشتااقين كتير
هسى انا كنت جاى اكتب عن تجربة
لى فى الغوص فى بحرنا الاحمر ..
لكن شايف البوست ماشى الثورة بالنص
اها دا خشمى عندى...
يديك العاافية....
|
Post: #28
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 11:07 AM
Parent: #13
محمد عثمان يا فنان
كيفك يا رجل Quote: هسى انا كنت جاى اكتب عن تجربة
لى فى الغوص فى بحرنا الاحمر .. |
أكتب وكلو "غطس" ما شايف ود البشرى بحول إتجاه البص على كيفو كيف
هى همسات لازعة من مودة حقيقية
بطلوا الجبن
معزتى
|
Post: #14
Title: Re: "بعض" النساء .. ونشـوة الأعماق
Author: أشرف البنا
Date: 12-03-2007, 11:01 PM
Parent: #1
الأخ رأفت تحية و ود...
القبطان ( جاك كوستو ) هو بطل تلك الرحلة الإستكشافية الثرية بفوائدها ...
و ها نحن مع بوستك هذا نجتر أحدى تلك الفوائد ...
في هذا الزمان اعتدنا أن ندور حول الفراغ ...
ليس الحكم على الإطلاق ...
فالمرأة في حياتنا قيمة أكبر و أعظم من التصفيق للخواء و التيه الذي عرفت به حواء ...
ترى حول أي محور يدور هؤلاء ؟؟؟
في سابق الأيام كان للقطيع أناث كثر و ذكر واحد ...
اليوم يترك كل الذكور كل الإناث و يلتفوا حول أنثى واحدة ...
فليقنعوا اذاً بفتات النشوة ...
حتى و إن كانت نشوة الأعماق ...
تحية و احتراماً ...
|
Post: #30
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 11:25 AM
Parent: #14
العزيز أشرف البنا
تحياتى Quote: في هذا الزمان اعتدنا أن ندور حول الفراغ ...
ليس الحكم على الإطلاق ...
فالمرأة في حياتنا قيمة أكبر و أعظم من التصفيق للخواء و التيه الذي عرفت به حواء ...
ترى حول أي محور يدور هؤلاء ؟؟؟ |
أفهم عمق رسالتك وقد وشملت الجنسين . أتمنى تصل بردآ وسلامآ وأن لا تستغل للخلاف من أجل الخلاف كعادتنا .
تشكر عن معلومات رحلة القبطان ( جاك كوستو )
مودتى
|
Post: #163
Title: Re: "بعض" النساء .. ونشـوة الأعماق
Author: Mohammed Tirab
Date: 12-15-2007, 03:05 PM
Parent: #14
جناب
القائد
رأفت ميلاد
هي رقة حرف
لم نالفها
ما بين ترانيم "للخلف دور"
لكن يبدوا أن "الكلية الحربية "بطرانة,,,تلد من تلد
وتخرج الشاعر,ورقيق المشاعر
وكذلك السفاح الجائر
لك التحية والود
**************
كم جميل ان يجمع هذا البوست الانيق وزميل الدراسة ,الانيق "انيق القول والمعشر" د.أشرف البنا
لك الود اشرف
ارجوا الاتصال
[email protected]
لك التحية
د.محمد عبدالله تيراب
___________________
الحق يعلو ولا يُعلى عليه
|
Post: #166
Title: Re: "بعض" النساء .. ونشـوة الأعماق
Author: رأفت ميلاد
Date: 12-15-2007, 04:07 PM
Parent: #163
د. تيراب
رشاقة الحروف
ورزانة الكلمات
وروعة التوقيع
شرفتنا كتير
بصمة نعتز بها مثل الزمن الجميل
عميق إحترامى
|
Post: #15
Title: Re: "بعض" النساء .. ونشـوة الأعماق
Author: عبد الناصر الخطيب
Date: 12-04-2007, 01:02 AM
Parent: #1
رأفت ميلاد
مساء الخير
________________________________________________________
البرنامج الشهير ( أسرار البحار ) ومنتج البرنامج ومقدموا كان المرحوم عالم البحار الفرنسي ( جاك كوستو ) والابحر حول العالم بسفينة الابحاث ( كلبسوا )
وعمل حلقة شهيرة عن سلوك أسماك القرش في البحر الاحمر في السواحل السودانية .والكلام ده كان في سبعينات القرن الماضي
ومساعدوا ( لويس برنارد ) توفي بنشوه الاعماق أثناء تصوير واحدة من حلقاتهم في أعالى البحار
الانعش ذاكرتي لقيت لى قبل مدة كم حلقة DVD .
ولك الود كله
|
Post: #33
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 11:58 AM
Parent: #15
عبد الناصر الخطيب
تحياتىQuote: البرنامج الشهير ( أسرار البحار ) ومنتج البرنامج ومقدموا كان المرحوم عالم البحار الفرنسي ( جاك كوستو ) والابحر حول العالم بسفينة الابحاث ( كلبسوا )
وعمل حلقة شهيرة عن سلوك أسماك القرش في البحر الاحمر في السواحل السودانية .والكلام ده كان في سبعينات القرن الماضي
ومساعدوا ( لويس برنارد ) توفي بنشوه الاعماق أثناء تصوير واحدة من حلقاتهم في أعالى البحار
الانعش ذاكرتي لقيت لى قبل مدة كم حلقة DVD . |
شكرآ على المعلومات الرائعة لكن طبزتها فى الآخر فى غرفة الإنعاش بتاع الـ DVD يعنى دخلت معانا فى نادى الزهايمر ولازم لكزة .
مودتى يا عزيز
|
Post: #16
Title: Re: "بعض" النساء .. ونشـوة الأعماق
Author: حسن الطيب يس
Date: 12-04-2007, 03:10 AM
Parent: #1
يا رأفت
لن تتم نشوة الأعماق هذة إلأ إذا
تلآقحت افتكار الشخصية المعنية مع افكار
الجو المحيط بالموضع و هذا يندر حدوثه
|
Post: #34
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 12:09 PM
Parent: #16
مرحب حسن الطيب يس
Quote: لن تتم نشوة الأعماق هذة إلأ إذا
تلآقحت افتكار الشخصية المعنية مع افكار
الجو المحيط بالموضع و هذا يندر حدوثه |
هذا صحيح وذلك لخلط العدوانية بالخلاف . الخلاف والإختلاف فى الأفكار يولد الحلول ويوصل للنتائج المرضية . المشكله هى (الجو المحيط بالموضوع) . العمار قاسى وما أسهل الدمار .
رسالتك واضحة
محبتى
|
Post: #17
Title: Re: "بعض" النساء .. ونشـوة الأعماق
Author: saadeldin abdelrahman
Date: 12-04-2007, 03:20 AM
Parent: #1
يا عم رافت
بوست زي دا لو مددنا فيه اقامتنا بنبشتنوا ليك ساي
احسن نقرا و نمشي و نعمل حساب النشوة.
تحياتي
|
Post: #20
Title: Re: "بعض" النساء .. ونشـوة الأعماق
Author: عواطف ادريس اسماعيل
Date: 12-04-2007, 08:58 AM
Parent: #17
|
Post: #21
Title: Re: "بعض" النساء .. ونشـوة الأعماق
Author: هشام آدم
Date: 12-04-2007, 09:07 AM
Parent: #20
___________________
عطّوفة ...
كنت آمل ألا تشاركي في هذا البوست
|
Post: #24
Title: Re: "بعض" النساء .. ونشـوة الأعماق
Author: عواطف ادريس اسماعيل
Date: 12-04-2007, 10:04 AM
Parent: #21
هشومي !!!
ودي ,,,
اصلي بمزح مع رأفت فقط ليس إلا أرجو أن لا يفسر مزحي بأكثر من ذلك خصوصا أنني لم أذكر أي شخص من
بعيد ولا قريب,,, لو ملاحظ إني دخلت متأخرة جدا خوفا من التفسير الخاطيء, عموما أقدر نصحيتك
الغالية ...
|
Post: #26
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 10:23 AM
Parent: #21
Quote: رأفت !!!
يسعد صباحك ,,,
بما إني الآن في أعماق البحار قلت النديك تحية من الأعماق ,,,
بغطس شوية وبجيك طالعة ,,, وكان ما طلعت عاد الحقني عشان ما بعرف فن العوم ,,,
ودي ,,, |
ويسعد صباحك يا عواطف
ما عارف أخونا هشام آدم بقصد شنو Quote: عطّوفة ...
كنت آمل ألا تشاركي في هذا البوست |
لكن يا ريت يكون البوست للمعنيين فقط للقراءة . هدنة لمعرفة رأى الآخرين .
أنت بالطبع إحدى المعنيات وإحدى الناجحات . لا أقصد التهكم بنشوة الأعماق ولكن أقصد التوقف قليلآ لمزيد من الأكسجين لمواصلة الرحلة .. رأينا يهمكن بلا شك .
مودتى
مرحب هشام آدم
|
Post: #35
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 12:20 PM
Parent: #17
كيفك يا سعد الدين
Quote: بوست زي دا لو مددنا فيه اقامتنا بنبشتنوا ليك ساي
احسن نقرا و نمشي و نعمل حساب النشوة. |
لامن وصلتك مافى أى خسائر .. يبدو بتاعين الأمن فى الباب صادروا كل الأسلحة ..
الخصيات المعنية هنا مشمولة بكل الود والإحترام .. والله ما جاب حرابة .
مودتى
|
Post: #22
Title: Re: "بعض" النساء .. ونشـوة الأعماق
Author: محمد البشرى الخضر
Date: 12-04-2007, 09:55 AM
Parent: #1
ما عارف يا عمك لكن عندي إحساس إنك سايق باصك دا على السوق الشعبي امدرمان
وكاتب عليه سعد قشرة
و الركاب فيهم الماشي الصحافة و فيهم المارقها في مدني عديل
ولا أظني أنا البقت ما بتقع لي بالساهل
________________________________________________________
يا بكري
المسنجر
المسنجاااااااااااااار
|
Post: #25
Title: Re: "بعض" النساء .. ونشـوة الأعماق
Author: Nader Abu Kadouk
Date: 12-04-2007, 10:15 AM
Parent: #22
كتب رأفت
كل ما يكتب ليس لكل من يقرأ .. فهناك من يقرأ بدون عيون
ودابكدوك
|
Post: #29
Title: Re: "بعض" النساء .. ونشـوة الأعماق
Author: هشام آدم
Date: 12-04-2007, 11:10 AM
Parent: #25
___________________
الأخ : رأفت ميلاد
لم أقصد بكلامي إلا ما فهمته الأخت عواطف تماماً .. لا نريد أن يكثر اللغط حول ذات الموضوع، الذي كان من الممكن مناقشته وإنهاؤه في ذات البوست. كثرت البوستات التي تتحدث حول هذا الموضوع ولا أعرف سبباً لهذه الأخطبوطية في تداول الموضوعات. أنت تفرد مساحتك الخاصة هنا الآن، والأخت ممكونة في مكان آخر والدكتورة إشراقة في آخر وكذلك الأخ محمد E سليمان !!! لم كل ذلك. ألم يكن من الأجدى اختزال كل هذه البوستات في البوست الأصلي أو البوست الذي أفردته الأخت عواطف مؤخراً حول ذات الموضوع؟
عموماً لم أقصد أبدأ بمداخلتي السابقة ما يسيء إليك.
|
Post: #32
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 11:44 AM
Parent: #29
هشام آدم | Quote: كثرت البوستات التي تتحدث حول هذا الموضوع ولا أعرف سبباً لهذه الأخطبوطية في تداول الموضوعات |
أفهمك تمامآ ولم يقدر للبوست الأصلى الإستمرار بفعل فاعل . لقد مورست عليه سياسة التدمير ولا أعتقد عواطف تركنه تهربآ بل لأن أسلوب الحوار هو الذى إنحرف بتفخيخ مخطط وهذا سبب هذه الأخطوبوطية وكل يحاول رفع صوته ليسمعه وسط هذا الضجيج .
هنا رسالتنا لهن ليتوقفن .. الإستمرار مزيد من التهاتر .. هنا نطلب صوت هادئ من الصامتين فعلآ .. وطلب للهدنة لإحترامنا لكل الأطراف .. لفتك نظر عواطف لم أستنكره | Quote: عموماً لم أقصد أبدأ بمداخلتي السابقة ما يسيء إليك. |
متأكد من ذلك
مودتى
|
Post: #38
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 12:45 PM
Parent: #25
ود أبكدوك يا حصيف (أعنيها) Quote: كتب رأفت
كل ما يكتب ليس لكل من يقرأ .. فهناك من يقرأ بدون عيون |
هى بايخة ولكن برضو أعنيها.. وما بزيد الشرح ولا ندخل فى مقولة "لا تنهى عن خلق ..."
مرورك له نكهه
مودتى
|
Post: #37
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 12:34 PM
Parent: #22
Quote: ما عارف يا عمك لكن عندي إحساس إنك سايق باصك دا على السوق الشعبي امدرمان
وكاتب عليه سعد قشرة
و الركاب فيهم الماشي الصحافة و فيهم المارقها في مدني عديل
ولا أظني أنا البقت ما بتقع لي بالساهل |
لا ما تخاف البص ماشى كويس يا ود البشرى .. الأرض مدورة وكلو بصل ومتصل بى بعضو ... خليك راكب معانا درب السلامة للحول قريب . زمان كان فى قطر إسمو الدوران ..
Quote: يا بكري
المسنجر
المسنجاااااااااااااار |
كلنا مغروضين الواحد كان ما محتاج لى بوست .
حط سفريات تانى:
برنامجك مسحتو .. سيطر على القوقل زاتو ياخى
مودتى
|
Post: #31
Title: Re: "بعض" النساء .. ونشـوة الأعماق
Author: محمد مكى محمد
Date: 12-04-2007, 11:34 AM
Parent: #1
ابو ميلاد
سلامات
يازول أركز وخلينا نركز معاك
خليت الرقيطا وودالعمده وقبلت على النسوان?
===========
(........)داخل البص على مسئوليه صاحبه 
|
Post: #36
Title: Re: "بعض" النساء .. ونشـوة الأعماق
Author: هاشم أحمد خلف الله
Date: 12-04-2007, 12:29 PM
Parent: #31
| Quote: النساء .. ونشـوة الأعماق |
عنوان يحمل اكثر من معني !!! ويا ليت قومي يعلمون !
رأفت احبك حتي النخاع . خير الكلام ما قل ودل .
سيبني في نيراني
في هواك يا جميل
العذاب سراني
|
Post: #39
Title: Re: "بعض" النساء .. ونشـوة الأعماق
Author: badr alkalika
Date: 12-04-2007, 12:52 PM
Parent: #36
ود ميلاد ازيك
والله قبل ما افتح البوست شممت رائحته الزكية
وقبل ان اغوص في الاعماق وانسى الترشيح
اقول هذا اجمل ما كتب هنا
وبعدين قبل ما تاخذني تلك النشوة ايضا اقرا البوست بتاي وانا بفتش لامراة نخلة سودانية حبوبة
واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى
وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن
بدر
|
Post: #43
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 01:36 PM
Parent: #39
يا بدر الخليفة ياحبيب | Quote: وبعدين قبل ما تاخذني تلك النشوة ايضا اقرا البوست بتاي وانا بفتش لامراة نخلة سودانية حبوبة |
النخلات كتار القراية كيف
جايك .. دخلت هنا وغرقت .. عندك بر الأمان ..
| Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغت اشدنا واذا كتبنا العادي صفقنا واذا لم يكتبنا بحثنا عنهن الا اشراقة مصطفى |
إشراقة الله يديها العافية عالمة بقلب فنان ترى وسط الغيوم شروق الصباح | Quote: وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن |
سيبك من لغويات دينق وفتش ليهو على عروس معاك .. شايفو ماشى على تعنيسة . نحن أبحرنا وغتسنا لامن نفسنا إنقطع .. الخلا عليكم إنتو اللسة فى رحلة الأعماق ..
جاييك
|
Post: #42
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 01:20 PM
Parent: #36
جايك يا بدر
بس أشوف دندنة هشام دى Quote: | Quote: النساء .. ونشـوة الأعماق |
عنوان يحمل اكثر من معني !!! ويا ليت قومي يعلمون !
رأفت احبك حتي النخاع . خير الكلام ما قل ودل .
سيبني في نيراني
في هواك يا جميل
العذاب سراني |
شايفك يا هشام حزفت "بعض" بمزاااج .. باين جايبا لينا غنوة جديدة
يلا زيدنى فى نيرانى
يا جميل
محبتى
|
Post: #40
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 01:06 PM
Parent: #31
ود المكى لسة ما لامى فيك Quote: يازول أركز وخلينا نركز معاك
خليت الرقيطا وودالعمده وقبلت على النسوان? |
الريقطا راح لحالو ما لقيت لى زول ناقش . رغم محاكتو كانوا بجيبوها فى الراديو والتلفزيزن .. تلقا مسجل معانا هنا
مالك داير تجيب لينا الهوا .. ود العمدة صاحبى والخليفة ما جدو .. وهسة الجاب سيرة النسوان شنو ؟!
ما تلخبط لينا ياخى
برضو مستنيك
|
Post: #41
Title: Re: "بعض" النساء .. ونشـوة الأعماق
Author: badr alkalika
Date: 12-04-2007, 01:09 PM
Parent: #40
يا ود ميلاد
ياخي سلم علينا ( )
|
Post: #44
Title: Re: "بعض" النساء .. ونشـوة الأعماق
Author: Muna Khugali
Date: 12-04-2007, 01:48 PM
Parent: #41
Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى
وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن
بدر |
نرجو الشرح أكثر..لأنني حقيقي لم افهم تماما..أو فهمت بشكل سلبي وأنكرت أن يكون مافهمته هو المقصود..
مع التحيات..
|
Post: #45
Title: Re: "بعض" النساء .. ونشـوة الأعماق
Author: رأفت ميلاد
Date: 12-04-2007, 07:56 PM
Parent: #44
Quote: Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى
وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن
بدر |
نرجو الشرح أكثر..لأنني حقيقي لم افهم تماما..أو فهمت بشكل سلبي وأنكرت أن يكون مافهمته هو المقصود..
مع التحيات.. |
تغاضيت يا منى لأنى أعرف بدر الخليفة لا يعنى التعميم ودخل فى قلب الواقعة بتحيز تام . أشدت معه بإشراقة وأنا لا أضيع حقها رغم إختلافى فى الطرح معها فى الموضوع المعنى .
هذا ليس دفاع ولكن وجهة نظر متفائلة
|
Post: #46
Title: Re: "بعض" النساء .. ونشـوة الأعماق
Author: محمد البشرى الخضر
Date: 12-04-2007, 08:11 PM
Parent: #45
| Quote: هذا ليس دفاع ولكن وجهة نظر متفائلة |
ما أحوجنا لهذه النظرة يا عمك
بتوفر جهد و تعب كتير
|
Post: #48
Title: Re: "بعض" النساء .. ونشـوة الأعماق
Author: Ishraga Mustafa
Date: 12-04-2007, 09:38 PM
Parent: #46
Quote: تغاضيت يا منى لأنى أعرف بدر الخليفة لا يعنى التعميم ودخل فى قلب الواقعة بتحيز تام . أشدت معه بإشراقة وأنا لا أضيع حقها رغم إختلافى فى الطرح معها فى الموضوع المعنى .
|
مساء الخير يا رأفت!!
من العنوان الرنان بتاع البوست نشوة أعماق ونساء لم اتخيل ان له علاقة {بالنيران المشعللة}
جيت داخلة قلت نقرأ لى شوية شعر لقيت ليك {طوبنا} داك كله بهنا بس ملون بنشوة الأعماق...
اها نجىء للموضوع: اكون شاكرة وسعيدة لو عرفت اختلافك معى فى طرحى للموضوع المعنى وياريت تجىء تزورنى بهناك عشان نقوم بالواجب الانسانى...
تحياتى واحترامى يارأفت
|
Post: #53
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 02:50 PM
Parent: #48
يومك سعيد يا إشراقة | Quote: اها نجىء للموضوع: اكون شاكرة وسعيدة لو عرفت اختلافك معى فى طرحى للموضوع المعنى وياريت تجىء تزورنى بهناك عشان نقوم بالواجب الانسانى... |
الإختلاف ما فى الطرح يا إشراقة .. المشكلة فى "الطوب"
إختلافك فى الرأى مع عواطف كان مؤسس . تم إستغلاله "لرجم" عواطف .. وما أنتبهتى !!
نشوة الأعماق كانت هنا .. وتحول البوست الى "سلخانة" للفكر بالفكر . وأصبح الجدال نسائى نسائى بغمز وتهاتر غلب عليه الجندر . فى النشوة" إختلط الحابل بالنابل ..
عواطف عرضت قضية قوية .. أنا من الناس الذين تبنو الخلاف ولكن لم أفكر إطلاقآ بأنها طرحها "خارج" لتًعامل بهذا الهجوم المقصود ..
وهذا الهجوم لم تقصديه أنت ولا تراجى بإختلاف أوجه النظر فيه .. قاده آخرون لكن روعة النشوى حعلتكما داخل التيار وغيركم أيضآ .. وغلب التعاطف النسوى على لغة الحوار ..
(ده كلو ما كنت ناوى أقول منو كلمة) أرجو أن لا يضايقك رأيى فهو من إحترامى
مودتى
|
Post: #54
Title: Re: "بعض" النساء .. ونشـوة الأعماق
Author: Ishraga Mustafa
Date: 12-05-2007, 03:07 PM
Parent: #53
| Quote: أرجو أن لا يضايقك رأيى فهو من إحترامى |
العزيز رأفت
الله لاجاب الضيق يا اخوى، الكلام الدغرى عمرو مابضايقنى، البضايقنى هو الكلام المغتغت وفاضى وخمج
اعرف وواعية لملاحظاتك اللى قلتها دى ولهذا مابعتقد انو التيار كان جارفنى بل بالعكس كنت اعرف انه نحنا شعوب {وقبائل} مختلفة للاسف خلقونا لنتعارف فتنافرنا، والتعارف ده بيجىء عن طريق الحوار وطولة النفس، اها بالى طويييييييييييييييييييييييل سلبة بس، ولو كنت محظوظة وقريت ارائى فى مسائل الجندر دى كنت تيقنت ان فهمى للجندر ليس تعصبا ولكنه اداة مهمة من ادوات التحليل التى استخدمها... الموضوع مهم ومااراه مهما اقول فيه راى بوضوح ودون تجريح ومابكون مسئولة عن اراء الآخرين لانو اراءهم دى برضو بتمثلهم وهم واعيين ليها، صادف اننا اتفقنا فى رؤيتنا {النقدية} لشكل المعالجة....
أها عشان ما ابوظ نشوة الاعماق دى اخير اوقف لحدى هنا قبال ما انقل باقى طوبى واجىء.... فتك بعافية يا رأفت
وبينا يبقى الود والاحترام ورحابة الصدر
|
Post: #57
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 04:33 PM
Parent: #54
مرحب بيك دومآ يا إشراقة
|
Post: #47
Title: Re: "بعض" النساء .. ونشـوة الأعماق
Author: badr alkalika
Date: 12-04-2007, 09:37 PM
Parent: #44
تحياتي منى خوجلي
بالطبع انا لا اقصد التعميم وحينما ذكرت اشراقة قصدت ان كلامي سالف الذكر لا للتعميم
يا موني لك العتبى
واقصد مثلا في الخليج هناك اتهامات ( ربما ) انم الكاتبات هنالك من يكتب لهن
وفي الوطن العربي ككل اصبح المجتمع اناثي فالبنت الانثى هي في الطليعة وصاحبة النصيب حظا سواء في الوظيفة او الاشادة ومن يكتبن في الوطن العربي باقلام رصينة قليلات جدا ولكن نجد الاشادة تترى عليهن جميعا والامثلة واجدة وشوفي اي بوست هنا فيهو فقط اسم نسرين سوركتي او نانسي عجرم او اووووووووووووووووووك الاف القراء وحينما نكتب عن وادي افو وقرى شكيري وقوز البيض وابقر لا تعليق اها رايك شنو
وتحياتي موني
|
Post: #49
Title: Re: "بعض" النساء .. ونشـوة الأعماق
Author: Ishraga Mustafa
Date: 12-04-2007, 09:55 PM
Parent: #47
| Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى |
الاخ الكريم بدر الخليفة
تشكر ياسيدى على حسن الظن ولكن هناك الآلاف النساء الغير مرئيات يفمن باعمال عظيمة ويضفن اضافات ثرة يتركهن بصمة رائعة على حياتنا ثم يمضن دون ان نذكرهن,,, وفى بوردينا ده كل امرأة هى مفيدة ومجيدة فى مجالها واراك متفقا معى بدليل انك لم تعمم...
معزتى واحترامى
|
Post: #50
Title: Re: "بعض" النساء .. ونشـوة الأعماق
Author: badr alkalika
Date: 12-04-2007, 09:58 PM
Parent: #49
اليك يا صاحبة الفوانيس اسمى تحياتي
وادجلف الى الرائعة منى خوجلي لارفع القبعة طوعا واختيارا
والبركة فيمن يتدفق اقلامهن عطاء وهنا اقول ان بعض الرجال كمان يجدون فرصا ويصبحون نجوما وهم فكرهم ضعيف وعقلهم خواء واقلامهم جافة ولكن بريقهم لامع .......
|
Post: #52
Title: Re: "بعض" النساء .. ونشـوة الأعماق
Author: Muna Khugali
Date: 12-04-2007, 11:03 PM
Parent: #47
شكرا بدر علي مجهود الشرح..
هديه مني ليك ولرأفت مادام الكلام فيه اعماق وغطس وعمق..اوعكم من الغرق..
مع كل الحب..
|
Post: #58
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 04:49 PM
Parent: #52
| Quote: هديه مني ليك ولرأفت مادام الكلام فيه اعماق وغطس وعمق..اوعكم من الغرق.. |
يختى دايرين لينا موية غرقها كدة
جايبة لينا مركب فى نص البحر
|
Post: #61
Title: Re: "بعض" النساء .. ونشـوة الأعماق
Author: Muna Khugali
Date: 12-05-2007, 05:09 PM
Parent: #58
| Quote: يختى دايرين لينا موية غرقها كدة |
انتو يعني كنتو زي البت دي علشان اوديكم في مويه زي الهي فيها؟؟
| Quote: جايبة لينا مركب فى نص البحر |
ماقلتو بتفتشوا في نشوة الأعماق..قلنا نساعدكم بمركب
|
Post: #51
Title: Re: "بعض" النساء .. ونشـوة الأعماق
Author: نها محسن أبورأس
Date: 12-04-2007, 09:59 PM
Parent: #1
أستاذ رأفت
تحياتي وودي وإحترامي
أولا شكرا ليك كتير وأنت تتطرق لموضوع أكثر من مهم وبالفعل نحن في حوجة لمناقشة فكرة الغوص إلي الأعماق أو الإكتفاء بالسباحة علي السطح...
سؤالي هو:
ماذا نحن فاعلات إذا سحبتنا الأعماق قسرا ؟ هل نطلق العنان لنشوة المجد أم نختار أن نطفو علي السطح لنترك المجال لمن هم أقدر منا علي سبر أغوار الأعماق؟؟؟؟
مودتي
|
Post: #59
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 05:01 PM
Parent: #51
يومك جميل يا نها
Quote: وبالفعل نحن في حوجة لمناقشة فكرة الغوص إلي الأعماق أو الإكتفاء بالسباحة علي السطح...
سؤالي هو:
ماذا نحن فاعلات إذا سحبتنا الأعماق قسرا ؟ هل نطلق العنان لنشوة المجد أم نختار أن نطفو علي السطح لنترك المجال لمن هم أقدر منا علي سبر أغوار الأعماق؟؟؟؟ |
لا يانها لا يوجد من هو أقدر ومن هو نافص قدرة . المشكلة فى سحر الأعماق .. هى تجزبك الى الأعمق .. وتصابى بزهول الروعة وتنسى نفسك ويخلص "الأكسجين" .
هو الفرق بين المعقول واللا معقول ..
المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
هى لمسة حب ونقد شاعرى كما قال المعز
طلتك بهية
|
Post: #66
Title: Re: "بعض" النساء .. ونشـوة الأعماق
Author: نها محسن أبورأس
Date: 12-05-2007, 09:12 PM
Parent: #59
أستاذ رأفت
تحياتي وتقديري
أتفق معك تماما في فكرة أن المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
ولكن لي وجهة نظر أخري قد لا تروق للكثيرات ولكنها وجهة نظري والتي لا أفرضها علي أحد وهي أن قمة المجد الذي يمكن أن تصل إليه المرأة يكمن في نجاحها في إدارة مملكتها الصغيرة ومتابعة شؤون رعاياها المكونين من الزوج والأبناء ...فلا نجاح لأي إمرأة أخفقت في هذا الدور المهم...قد نصل لأعلي المراتب العلمية وقد نصل لمجد السلطة والعمل ولكنه مجد زائف ...
ولكن ما أحلاه من مجد ذلك الذي يجمع بين الأثنين المنزل والعمل ولكنها معادلة صعبة عدييييييييييل وعايزة ليها شمشمون مش ....
مودتي....
|
Post: #67
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 10:59 PM
Parent: #66
ياسلام يا نها مداخلة موضوع بوست كامل
Quote: أتفق معك تماما في فكرة أن المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
ولكن لي وجهة نظر أخري قد لا تروق للكثيرات ولكنها وجهة نظري والتي لا أفرضها علي أحد وهي أن قمة المجد الذي يمكن أن تصل إليه المرأة يكمن في نجاحها في إدارة مملكتها الصغيرة ومتابعة شؤون رعاياها المكونين من الزوج والأبناء ...فلا نجاح لأي إمرأة أخفقت في هذا الدور المهم |
قديمآ قيل ( الأم مدرسة اذا أعدتها .. أعدت شعبا طيب الأعراق ) وقيل أيضآ (وراء كل عظيم إمرأة) . هذا ليس إتفاق كامل معك ولكنه إتفاق كامل مع طاقات المرأة . مملكتها الصغيرة هذه هى نواة الحياة فلماذا تظل هى فى الظل لإعداد المجد بطبق من ذهب لغيرها تظل هى ظله .
هذا ليس تحريض ولكن مشاركتها فى المجد لا يلغى مهمتها الأساسية التى تكتسبها بالأمومة وليس من الجامعات والمعاهد التى لا ننكر تطويرها.
| Quote: ما أحلاه من مجد ذلك الذي يجمع بين الأثنين المنزل والعمل ولكنها معادلة صعبة عدييييييييييل وعايزة ليها شمشمون مش .... |
المرأة تستطيع أن تجمع الإثنين إذا توفرت لها الفرص . الدول الأوربية شملت رعايتها المرأة وهيأت لها فرصة الجمع . بل توجهت فرنسا لجعل الرجل حاضنآ إذا كان دخل زوجته أكبر فى عطلة الحضانة عند الوضوع .
شاهدت برنامج تلفزيونى يقارن بين إمكانية المرأة فى إدارة العمل على نسق (الكاميرا الخفية) أثبتت فيها المرأة تفوقها على الرجل فى أداء مهمتين فى وقت واحد بجدارة .
نسائنا ناقصات ثقة فى أنفسهن .. ولاأوافق على كلمة "الجندرة" تسلط المجتمع الذكورى .. فذكورنا يمجدون أمهاتهم وأخواتهم وزوجاتهم لدرجةالتقديس . ولكنه نمط المجتمع . وتقهم الفتاة من أمها فبل أبيها وأى تطلع منها "يا بت إنقهرى"
ياليت نقاش أوسع يا نها
مودتى
|
Post: #69
Title: Re: "بعض" النساء .. ونشـوة الأعماق
Author: نها محسن أبورأس
Date: 12-06-2007, 00:01 AM
Parent: #67
أستاذ رأفت
أعجبني كثيرا تفهمك لوجهة نظري وكأنك تقرأ ما يدور في خلدي...
ولكن كيف يمكن أن تتوفر لنا الفرص والإمكانيات حتي نستطيع تحقيق تلك المعادلة..فظروفنا الإجتماعية والسياسية والتقاليد الموروثة مازالت هي لا أريد أن أقول حجر عثرة لان معظمها صحيح ومفيد ولكن يمكنني تسميتها بأنها المتحكم الأساسي في حياتنا..
إذن وحتي تتوفر كل تلك الإمكانيات وحتي يتفهم الرجل محاولات المرأة بلوغ المجد أري أن تهتم كل إمرأة بمملكتها وأن تضعها في المقام الأول ونصب عينيها وأن نؤمن بأن الرجال قوامون عن النساء شئنا أم أبينا...
ياريت ياأستاذ رأفت تفتح بوست عن الموضوع ده عشان نقدر نشوف وجهات نظر أخري ونناقشها ويمكن نصل لحل....
مودتي وتقديري الكبيرين لشخصك الكريم
|
Post: #70
Title: Re: "بعض" النساء .. ونشـوة الأعماق
Author: رأفت ميلاد
Date: 12-06-2007, 11:53 AM
Parent: #69
صباح الخير يا نها
| Quote: ولكن كيف يمكن أن تتوفر لنا الفرص والإمكانيات حتي نستطيع تحقيق تلك المعادلة..فظروفنا الإجتماعية والسياسية والتقاليد الموروثة مازالت هي |
بل هى فى تطور متطرد .. أعنى التعنت والتسلط .. فرصة النساء أصبحت أوسع ومساحة حريتهم صارت أكبر ..
كثير من العادات التى تعمد لقهر المرأة تم إستئصالها أو المجاهرة بمحاربتها وإستعادت إنسانيتها بنسبة عالية .. هذا بالنسبة للتقاليد الموروثة .
أما ظروفنا الإجتماعية مساحة المرأة تتفاوت بنسبة الجهل والتعليم ما بين عائلة لأخرى ومابين المدينة والقرية .. توسعت أحيانآ الى الأحسن وأحيانآ الى الأسوأ ..
عن السياسية هى رأس الداء ومحاربة النساء و "محاحاتهن" لإرجاعهن الى سوق الحريم ومخادع الرجال متنى وثلاث ورباع .. تم محاربتهن فى أرزاقهن مثل بائعات الشاى وتقفيل سوق الحريم وتقليل فرص العمل ..
هؤلاء لعنة ليس على الحريم فقط بل فى وجه البشرية جمعاء ويجب إستئصالهم . | Quote: أريد أن أقول حجر عثرة لان معظمها صحيح ومفيد ولكن يمكنني تسميتها بأنها المتحكم الأساسي في حياتنا.. |
الصحيح والمفيد لا يمكن أن يكون حجر عثرة فى طريقنا .. وأعتقد تقيد المرأة بالأخلاق والحشمة والإلتزام و بالتقاليد الزوجية والأسرية لا يحجم طموحها وتطلعاتها للمجد .. | Quote: إذن وحتي تتوفر كل تلك الإمكانيات وحتي يتفهم الرجل محاولات المرأة بلوغ المجد أري أن تهتم كل إمرأة بمملكتها وأن تضعها في المقام الأول ونصب عينيها وأن نؤمن بأن الرجال قوامون عن النساء شئنا أم أبينا... |
الإلتزام بالمملكة الصغيرة كما أسلفت هو سر الحاة ومفتاح المجد للمجتمع .
أما موصوع الرجال قوامون على النساء فهو شيئ نسبى . الرجال مكملون للنساء ويمكن عكسها .. ولكن هم النصف الأعلى من الكوب . هذه تتحكم فيها الطبيعة الأنثوية والطبيعة الذكورية وهى شيئ غير قابل للأرقام والترقيم . فنقص الأنوثة عند المرأة مثل نقص الرجولة لدى الرجل وكلاهما مذمة .
المرأة تسعى للرجل للتقدم لها وتعرف كيف تفتح الأبواب له أو توصدها فى وجهه ولكن الرجل يتقدم لها صراحة متأكدآ من وضعه أو يحجم عنها أيضآ متأكدآ من وضعه .. ولكن له سبق التقدم لطلبها ولا تحصل هى على هذا السبف .. وهذا هو صدر الوعاء الممتلئ . هذا بالطبع فى حالة الزواج ولكن يمكن قياسه فى كل تفاهم ومناحى الحياة المشتركة وتخطيطها .
المرأة لها رجلان لهما قوام عليها .. والدها ثم زوجها .. لإكتمال بناء الأسرة
ولكن ليس أخوها أو جارها .. فهى قد تكون وصية .. أو رئيسة فى العمل .. أو للجمهورية .. لايمثل ذلك شيئ على وضع الحياة الأسرية . إنها معادلة الحياة .. | Quote: ياريت ياأستاذ رأفت تفتح بوست عن الموضوع ده عشان نقدر نشوف وجهات نظر أخري ونناقشها ويمكن نصل لحل.... |
دى مسئوليتك إنتى بنقيف معاك وكان سخنت بنزوغ
فى إنتظارك
مودتى
|
Post: #55
Title: Re: "بعض" النساء .. ونشـوة الأعماق
Author: عمر سعد
Date: 12-05-2007, 03:22 PM
Parent: #1
واللة نفس الفهم جانى ان عنوان البوست لرافت قلت اخد فرصة من غسيل العدة وجاء يتكلم
عن قصيدة او قصة قصيرة ..............لكن اول ما لقيت انو فى طين وطوب و(طراب) قلت هوى
مالك ومال المشاكل وانا زى اخوى دينق دةبفتش لى على طوبة سورى معطوبة سورى (نشوة اعماق)
لك التحية ومررنا للسلام ........................................................
لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب)
قراءتك للتعديل شنو ودى واحترامى
|
Post: #56
Title: Re: "بعض" النساء .. ونشـوة الأعماق
Author: Ishraga Mustafa
Date: 12-05-2007, 04:12 PM
Parent: #55
Quote:
لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب)
قراءتك للتعديل شنو ودى واحترامى |
المرة كان بقت فأس بتشق انهار..
وياضلعنا المنقوص استقيم قافية ونشيد...
تحياتى ياعمر
|
Post: #62
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 05:16 PM
Parent: #55
| Quote: واللة نفس الفهم جانى ان عنوان البوست لرافت قلت اخد فرصة من غسيل العدة وجاء يتكلم |
إنت داخل بوست بالغلط ولا شنو .. غسيل عدة شنو ؟ أقرأ إسم الكاتب .. رأفت ميلاد مش أو ساااااااندرا .
Quote: لكن اول ما لقيت انو فى طين وطوب و(طراب) قلت هوى
مالك ومال المشاكل وانا زى اخوى دينق دةبفتش لى على طوبة سورى معطوبة سورى (نشوة اعماق) |
يعنى لا بتطقعوا ولا بتجيب الحوار Quote: لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب) |
أها حل روحك جبتو لى نفسك عاين الدكتورة تحت
تخريمة: الولد ده قلت ليهو شنو حارس التلفون قال لازم يفهم
|
Post: #60
Title: Re: "بعض" النساء .. ونشـوة الأعماق
Author: عمر سعد
Date: 12-05-2007, 05:06 PM
Parent: #1
يا رافت ناس الجندر جونى وانا فقط داير اسلم عليك
| Quote: وياضلعنا المنقوص استقيم قافية ونشيد |
تانى لا بجيك لا بسلم عليك وانا قلت ليك بفتش الايام دى وما داير مصادامات معاهم
لكن الجندر خطيرين
العوين زمان يا رافت كانو .............كدى تم لى القصة
|
Post: #63
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 05:26 PM
Parent: #60
العوين زمان يا رافت كانو .............كدى تم لى القصة
|
Post: #64
Title: Re: "بعض" النساء .. ونشـوة الأعماق
Author: الطيب شيقوق
Date: 12-05-2007, 05:41 PM
Parent: #63
جيتك يا الكلس
احكي ليك قصة عمك المعاشاتي الجميل عندما كان مارا في العصرية الى بقالة مجاورة لمنزله وفي الطريق وجد طالب بيطلع في كتاب استعدادا لامتحان الشهادة السودانية وراح واقف جنب الطالب محكر يديه بوراء وساله يا ولدى بتقرأ في شنو ؟ الود قال ليهو انا يا جدو ممتحن ( بفتح التاء والحاء) الشهادة السودانية . عمك لولح راسه وقال للولد خير يا ابني لكن في تقديري يا جميل لو امتحنت احد امرين :
اما دخلت الجامعة او جبت ليك شهادة ساااااااااااى
اكان دخلت الجامعة حقك راح واكان جبت شهادة احد امرين
اما اشتغلت في الخدمة المدنية او الجيش
كان عملت في الخدمة المدنية حقك راح وكان عملت في الجيش احد امرين
اما شغلوك في سلاح المدرعات او الطيران
اكان شغلوك في المدرعات حقك راح لكن اكان شغلوك يا جميل في الطيران احد امرين
اما متّ في الهواء او متّ الارض
اكان مت في الارض حقك راح اما لو مت في الهواء احد امرين
اما تحولت نيتروجين او تحولت ثاني اكسيد الكربون
لو تحولت نتروجين حقك راح اما لو تحولت ثاني اكسيد الكربون احد امرين
اما صنعوك كرتون او صنعوك تشوز (مناديل ورق)
اكان صنعوك كرتون حقك راح اما لو صنعوك تشوز احد امرين
اما استعملوك النسوان او استعملوك اتلرجال
لو استعملوك الرجال حقك راح
اما لو استعملنك النسوان احد امرين
...............................................
بالامانات ( عندك ايميل؟)
|
Post: #65
Title: Re: "بعض" النساء .. ونشـوة الأعماق
Author: رأفت ميلاد
Date: 12-05-2007, 08:21 PM
Parent: #64
بالامانات ( عندك ايميل؟)
[email protected]
بس أمانة عليك ترسل لى نمرة تلفونك
قبال تغتس حجرنا
|
Post: #75
Title: Re: "بعض" النساء .. ونشـوة الأعماق
Author: Ishraga Mustafa
Date: 12-06-2007, 07:36 PM
Parent: #60
| Quote: تانى لا بجيك لا بسلم عليك وانا قلت ليك بفتش الايام دى وما داير مصادامات معاهم |
عليك آمان الله ياعمر سعد مافى زول يسألك بس انت ساعدنا فى الحفر وتفكيك الصواميل...لمن تفك الانهار بتصحى وبتكون حقوق السواحل محفوظة...
| Quote: العوين زمان يا رافت كانو .............كدى تم لى القصة |
غايتو رأفت ما اظنو يتمها عشان نشوة الاعماق..
ازيكم يا اهلنا...
|
Post: #77
Title: Re: "بعض" النساء .. ونشـوة الأعماق
Author: عمر سعد
Date: 12-06-2007, 09:53 PM
Parent: #75
قال د اشراقة
| Quote: عليك آمان الله ياعمر سعد مافى زول يسألك بس انت ساعدنا فى الحفر وتفكيك الصواميل...لمن تفك الانهار بتصحى وبتكون حقوق السواحل محفوظة... |
دة كلام كبير على فهمو يا دكتورة يا راقية انتى ...يا زعيمة(الجندر) ممكن تبسطى لى اللغة عشان اقدر اتداخل معاك
او انو امشى اتعلم كويس وتعليم الكبر صعب ......................
اللة يحلنى يا رافت ياخى اللة يجيب لى يوم 21/12 ويحلنى منهم
حين تصدم الريح بالخشب المتاكل تستعيد الشبابيك صوت النساء الثواكل وتنام المصابيح قبل اليتامى
ابقى عافية دكتورتنا الرايعة
عليك النبى كان ما تميتى لى قصة (العوين زمان ........)وخلى رافت دة
|
Post: #78
Title: Re: "بعض" النساء .. ونشـوة الأعماق
Author: Ishraga Mustafa
Date: 12-06-2007, 10:31 PM
Parent: #77
Quote: دة كلام كبير على فهمو يا دكتورة يا راقية انتى ...يا زعيمة(الجندر) ممكن تبسطى لى اللغة عشان اقدر اتداخل معاك
|
كدى فى التبادى زعيمة الجندر ده هى صاحبتنا الجندرية الله يردها لينا بفهمها وعلمها وحلاوة قلمها...وبعدين ياخوى ماتتواضع حسع دحين الكتب كلام المصابيح البتنوم قبل اليتامى بيكون عاوز ليهو شرح لكن بالله المصابيح دى خليها تكون صاحيه طوالى وعشان ابسطها ليك ودى فالحة فيها نسميها الفوانيس، دى لازم تكون دايما مشتعلة لحدى اليتامى دبل مايشربوا لبن ويزاكروا لشمس بكرة
| Quote: و انو امشى اتعلم كويس وتعليم الكبر صعب ...................... |
القال منو تعليم الكبر ده صعب اسأل مجرب!!
| Quote: اللة يحلنى يا رافت ياخى اللة يجيب لى يوم 21/12 ويحلنى منهم |
البوست ده ياعمر ماماشى الارشيف قاعد عشان الغطس ده، طيب لو مشى صاحبنا رأفت مابيغرق فى نشوة الاعماق دى!!
Quote: حين تصدم الريح بالخشب المتاكل تستعيد الشبابيك صوت النساء الثواكل وتنام المصابيح قبل اليتامى
|
اها دى اشرحها لى..
| Quote: عليك النبى كان ما تميتى لى قصة (العوين زمان ........)وخلى رافت دة |
دى غايتو خلى رأفت يشوف ليك حل، اخير ليك منى انا لانو دى الكتاحة لو جات بتشعلل ونشوة الاعماق دى بتفرتق..
فتك بعافية يا اخوى عمر
|
Post: #101
Title: Re: "بعض" النساء .. ونشـوة الأعماق
Author: عمر سعد
Date: 12-07-2007, 11:51 PM
Parent: #78
Quote: دى غايتو خلى رأفت يشوف ليك حل، اخير ليك منى انا لانو دى الكتاحة لو جات بتشعلل ونشوة الاعماق دى بتفرتق..
فتك بعافية يا اخوى عمر |
العوين عندنا يا دكتورتنا كانو لو مرو بجمع او (قطيع) من الرجال يخلعن نعليهم بالوادى المقدس
ولا يلبسنها الا ان تجاوزن المكان .
وكن لا ياكلن الا بعد ان ياكل الرجال .....وكن يحفظن ما طاب ولذ للرجال
وكان العوين لا ينادون ازواجهم او اى اسم يتطابق مع ازواجهم صراحة الا رمزا
وفوق ذلك كن سعيدات ايما سعادة وكان سى السيد مرتاح ولا طلا قات ولا شكل ولا زعل
وكن مبسوطات غاية السعادة
فهل انتن مبسوطات غاية السعادة
ام ان انشغالكم بالحرب ابدى
|
Post: #68
Title: Re: "بعض" النساء .. ونشـوة الأعماق
Author: محمد مكى محمد
Date: 12-05-2007, 11:15 PM
Parent: #1
الحق يارأفت
ودشيقوق شكلو كان تعلمجى فى الجيش
دى نفسها قصه جلال والبوت
بيحكها التعلمجيه لمن يكونا (شادين) واحد إداره داخليه...
------------
|
Post: #71
Title: Re: "بعض" النساء .. ونشـوة الأعماق
Author: رأفت ميلاد
Date: 12-06-2007, 12:40 PM
Parent: #68
Quote: الحق يارأفت
ودشيقوق شكلو كان تعلمجى فى الجيش
دى نفسها قصه جلال والبوت
بيحكها التعلمجيه لمن يكونا (شادين) واحد إداره داخليه... |
زى ما بقول ود البشرى يا حليل المسنجر .. دى كان رسلتها لأبو بكر سيد أحمد
ود شيقوق الكلس
|
Post: #72
Title: Re: "بعض" النساء .. ونشـوة الأعماق
Author: AMNA MUKHTAR
Date: 12-06-2007, 01:04 PM
Parent: #1
رأفت سلامات...
أجيب ليك الهبوب ولا مافى داعى
|
Post: #73
Title: Re: "بعض" النساء .. ونشـوة الأعماق
Author: رأفت ميلاد
Date: 12-06-2007, 02:40 PM
Parent: #72
رسالة من الأعماق | Quote: أجيب ليك الهبوب ولا مافى داعى |
كان بقت عليكى نسيمك عليل .. إنتوا بتيين سميتوها الهبوب
مرحب بيك أمونة
|
Post: #74
Title: Re: "بعض" النساء .. ونشـوة الأعماق
Author: الطيب شيقوق
Date: 12-06-2007, 04:08 PM
Parent: #73
رافت
ود المكي الوجيه
حالكما
Quote: بس أمانة عليك ترسل لى نمرة تلفونك
قبال تغتس حجرنا |
تميت ليك السالفة في ايميلك بس حقوق المؤلف ابقى عليها عشرة
ود المكي شنو التعلمجي البيعرف الكلام ده هو اكان بيعرف كلام زى ده اكان اترقى لنقيب طوالي
تلفوني في البروفائل يا الكلس
|
Post: #76
Title: Re: "بعض" النساء .. ونشـوة الأعماق
Author: عبد الناصر الخطيب
Date: 12-06-2007, 09:51 PM
Parent: #1
الجميل رأفت ميلاد ,,,
مساء الخير ,,,,
____________________________________________________________
حته الانعاش DVD دي لابد منها ,,,
( ويادهر أهوالك تشارق منها كم وكم شابت مفارق )
عودة لبوستك :
في حلقة من ( أسرار البحار ) عنوانه ( جنة في الاعماق )
بتتكلم عن الشعب المرجانية والحياة فيها وجمالياته وألوانه ,,,
وبرضوا في حلقة عنوانه ( رأس العواصف )
بتتكلم عن مضيف ماجلان أقصي جنوب القارة الامريكية الجنوبية
ومابين جمال الشعب المرجانية
وعواصف ( المضيق )
بستمر الابحار ,,,
أمنياتي لك دوماً بإبحار أمّن
لك ودي ,,,
|
Post: #97
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 09:45 PM
Parent: #76
Quote: عودة لبوستك :
في حلقة من ( أسرار البحار ) عنوانه ( جنة في الاعماق )
بتتكلم عن الشعب المرجانية والحياة فيها وجمالياته وألوانه ,,,
وبرضوا في حلقة عنوانه ( رأس العواصف )
بتتكلم عن مضيف ماجلان أقصي جنوب القارة الامريكية الجنوبية
ومابين جمال الشعب المرجانية
وعواصف ( المضيق ) |
فتشتها يا عبد الناصر فى النت وفى اليو تيوب . لكن يبدو بكتب الآسامى بالحروف اللاتينية غلط . خاصة أعتقد الأسامى فرنسية بحروفم الكتيرة ديك الما بنطقوها .
يا ريت كان الواحد لقاها وسجلا .. حاجة قيمة
مودتى
وأتمنى برضو إبحار هادئ
|
Post: #81
Title: Re: "بعض" النساء .. ونشـوة الأعماق
Author: Safia Mohamed
Date: 12-07-2007, 11:06 AM
Parent: #1
الأستاذ رأفت ميلاد
ود حلتنا (بعد قطع الزلط) ازيك
طبعا المعلومة دي عرفتها من كتباباتك في بوست سلمى
ا| Quote: لمعطيات للهجوم دائمآ : هى النضال .. الثقافة .. أو نون النسوة |
معليش ل=اعذرني المخ ما تقيل ما فهمت المقصود شنو بالتحديد لكن كان فهمي طلع في محلو تعليقي:
عفوا انا اعتقد المعطيات لاي شيء بما فيها الهجوم او الدفاع يجب ان تكون نون النسوة في كل محاوره اي لا تفرد لها خانة محددة لانك بذلك ابعدتها ضمنيا من الخانات الاخرى التي قد تتقنها جيدا؟ دقيقة دقية بعد قريت الكلام تاني لقيت كلامي دة ما في محلو (أو) هل تعني بها ان النضال والثقافة يمكن ان تحل محلهما نون النسوة ان كان كذلك برضو اقول لا تحل نون النسوة فقط ولكن يملاها الانسان بشقيه نون النسوة هو الرجال بصفيهم بشنو واو الجماعة ولا شنو ما بعرف قواعد كويس لكن اقصد الرجل.
التعليق دي على حسب فهمي المتواضع واحتمال كبير اكون خارج النص
شكرا
صفية
|
Post: #82
Title: Re: "بعض" النساء .. ونشـوة الأعماق
Author: الطيب شيقوق
Date: 12-07-2007, 11:47 AM
Parent: #81
| Quote: لا يستطيع تصحيحها إلا "محمد المرتضى حامد" أو "ياسر الشريف" |
هلا هلا يا ود شيقوق اولاد البندر بقوا فطوك سااااااااااااى
هسع يا رافت لو عدلت اسم البوست ده باستبدال عبارة نشوة الاشواق بعبارة ( وشحتفة الروح ) اكان رجعت شاورتنا نحن اولاد البطانة .
بس انتو اولاد البندر ما بتحبوا الاحتباس الهوائي غرامكم الانسيابية والانتشاء .
هيييييييييييع
جاييييييييييك راجع
|
Post: #96
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 09:38 PM
Parent: #82
| Quote: هسع يا رافت لو عدلت اسم البوست ده باستبدال عبارة نشوة الاشواق بعبارة ( وشحتفة الروح ) |
انت ناقصة شحتفة يا شيقوق Quote: اكان رجعت شاورتنا نحن اولاد البطانة .
بس انتو اولاد البندر ما بتحبوا الاحتباس الهوائي غرامكم الانسيابية والانتشاء . |
ما شايف الزعيمة مالك ناكش لينا كلام الجلابة وجايب لينا الهوا
مرحب بيك
|
Post: #83
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 12:29 PM
Parent: #81
صفية إزيك
كدى أفطعى الزلط وإتلتفى بمين وشمال وقولى بسم الله وتعالى لينا
إنتى جابتك النشوة ولا نون النسوة ولا الإتنين ؟  | Quote: هل تعني بها ان النضال والثقافة يمكن ان تحل محلهما نون النسوة ان كان كذلك برضو اقول لا تحل نون النسوة فقط ولكن يملاها الانسان بشقيه نون النسوة |
يا رايقة .. كنت قايل برانا البنتكلم لغات على قول ماجدة .
الفهمتو منك مافى مصيبة بدون هاتيك "النونات" الفى وجناتو
بوستات الأرشفة صواريخ موجهه .. عملناها لمسات حنية..
كلامك فى العموم "صاح" .. وحنروح منهن وين .. بس فى الخصوص .. لاحظى العنوان.. "بعض" النساء ...
مافى طريقة إلا تقرى البوست تانى
أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة
وما تقطعى مننا
مودتى
|
Post: #84
Title: Re: "بعض" النساء .. ونشـوة الأعماق
Author: Ishraga Mustafa
Date: 12-07-2007, 01:37 PM
Parent: #83
Quote: أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة |
أها عاد يارأفت يا اخوى ان ماوريتينى باقى {النونات} ديل مشن ووين مافى حلل ليك
لابحلك قطيع الزلط ولا بحلك الغطس...
يالله قول... لاسبيل للاستعانة بعمر سعد بقية العقد الجميل!!
|
Post: #85
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 03:12 PM
Parent: #84
Quote: Quote: أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة |
أها عاد يارأفت يا اخوى ان ماوريتينى باقى {النونات} ديل مشن ووين مافى حلل ليك
لابحلك قطيع الزلط ولا بحلك الغطس...
يالله قول... لاسبيل للاستعانة بعمر سعد بقية العقد الجميل!! |
وختيتى لى تحتا خط 
عمر سعد شنو المحتاج ليهو .. ده أنا محتاج لى بودى قارد ومحامى طلب من لاهاى 
.
|
Post: #86
Title: Re: "بعض" النساء .. ونشـوة الأعماق
Author: Ishraga Mustafa
Date: 12-07-2007, 03:21 PM
Parent: #85
| Quote: ده أنا محتاج لى بودى قارد ومحامى طلب من لاهاى |
دة والله ذاتو مابحلك!! يالله قول وبرضو ورينى الاشكال بتاع كابوى دى بجيبوها من ووين عشان اختها ليك هنا ولا اشوف واحد من شياطين منى الخاتهم فى بوستيهابتاع الفوران
اها تقول ولا انادى ناس النونات
* ناس النونات ديل منو يارأفت؟
|
Post: #87
Title: Re: "بعض" النساء .. ونشـوة الأعماق
Author: Tragie Mustafa
Date: 12-07-2007, 03:49 PM
Parent: #86
العزيز رأفت ميلاد
الجميل ورايق دائما بمزاج.....
يا اخي ضحكتني...لان فعلا هذا كان الواقع....
سند ومجموعه من اصحابهم هم الكانوا بتفرجوا على هذا اليوتيوب
وطوالي خطرت ببالي......واتذكرت اعماقك....(واسرار البحار)
وكنت بموت في البرنامج ده وقتها....
Quote:
مش سهرة مع حازم وسند وجايبا لى شياطين البحر
آمنة دى فتانة قتنة
خليك بى برة .. وأخدى ليك نفس وثعالى غاطسة
أقرى مداخلتى مع إشراقة .. وشرحو ..
مودتى |
وخلينا من اعماقك الرايقه ديك
وجيب لينا اعماقنا الهايصه دي وحمل الفيديو بشكل لذيذ زي بتاعك ده
وبعدين برجع لك......
عارف اللذيذ شنو في الفيديو داك؟؟؟
اتخيلت الضفدع ابو قميص برتقالي عواطف والمصائب البي اللون الاحمر
دي الجندريات مطاردنها...وانفقعت بالضحك...شي قلت دي تكون دينا خالد
وشيئ قلت تكون دي اشراقة...وشيئ قلت تكون دي انا......لكن طبعا الفيديو
عامل البطل ابو قميص برتقالي...وشكله حيتغلب على الخيانه كلهم بالزوغان
ويا(ناس نون النسوة) كلكم هنا انا بهظر مع رأفت وبس
مافي زعل بيناتنا.
|
Post: #88
Title: Re: "بعض" النساء .. ونشـوة الأعماق
Author: Ishraga Mustafa
Date: 12-07-2007, 03:57 PM
Parent: #87
Quote: ويا(ناس نون النسوة) كلكم هنا انا بهظر مع رأفت وبس
مافي زعل بيناتنا. |
الليلة مالك باتراجى راااااااااااااايقة كدى ذكرتينى زولة اختنا زمان اسمها تراجى برضو... زعل مابيناتنا مش.... حتى لمن نكون على الهواء مباشرة.الله ورقبتنا.
|
Post: #90
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 04:19 PM
Parent: #88
| Quote: * ناس النونات ديل منو يارأفت؟ |
| Quote: الليلة مالك باتراجى راااااااااااااايقة كدى ذكرتينى زولة اختنا زمان اسمها تراجى برضو... زعل مابيناتنا مش.... حتى لمن نكون على الهواء مباشرة.الله ورقبتنا. |
أمى الله رحما بتقول " الليلة شادينى .. أختانى بى الله واحد" طبعآ فلانة شاديها خلقة
كدى نروق دمها
كان يحلنى
|
Post: #91
Title: Re: "بعض" النساء .. ونشـوة الأعماق
Author: Ishraga Mustafa
Date: 12-07-2007, 04:50 PM
Parent: #90
ياصفية ماتقولى والله رأفت دقة الجرسة لكن بعد الخضرة والموية دى روقت شوية زى روقة تراجى الليلة
يس عليك الله اعدل لى رأسى الختيتو مايل ده.. ختو فى نص البحر خليهو اليغطس ويحتل ذاتو كن يريحنا..شفت الكديسة فى البحر لو شاديها تقول ليك كتحتنى,,, اها حسع مكتحنا مالك... غايتو شوف لو عمر يحلك ده من خت {العوين} القالهم ديل لبد بيكون مستنى بعد يوم 21 اظنو بعدها يظهر..
غايتو مافى روقة فى الويكند ده لو ماقلت ناس النونات ديل منو!! يكون ياربى قاصداك ياتراجى  ، انا غايتو ماعندى نونات.. لكن مرات عندى شعنونة زى حقت الليلة دى
|
Post: #89
Title: Re: "بعض" النساء .. ونشـوة الأعماق
Author: Safia Mohamed
Date: 12-07-2007, 04:08 PM
Parent: #1
د. اشراقة ازيك
استاذنا رافت
*| Quote: ناس النونات ديل منو يارأفت؟ |
انا باقي لي خمنت نقول ولا نسكت ساااااااااااااااااي
صفية
|
Post: #92
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 06:06 PM
Parent: #89
| Quote: انا باقي لي خمنت نقول ولا نسكت ساااااااااااااااااي |
بس على مسئوليتك 
بس ما تجينى كل قيقة دايشة ولا مفلوقة وتقولى لى قطعنى الظلط
أهو صاحبتك الدكتورة شدت ليها خيمة بهناك .. ما قلت ليك الليلة شاديها
|
Post: #93
Title: Re: "بعض" النساء .. ونشـوة الأعماق
Author: salma subhi
Date: 12-07-2007, 06:53 PM
Parent: #92
الأستاذالفاضل رأفت ميلاد...
عالم البحار غني بشتى أنواع الدرر....ولا يظهر بريقها الاّ بصفاء ماءه....
تقديري
|
Post: #95
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 09:33 PM
Parent: #93
| Quote: عالم البحار غني بشتى أنواع الدرر....ولا يظهر بريقها الاّ بصفاء ماءه.... |
ماهو صفاه ده المطلوب يا سلمى
لكن جديع الطوب بعكر الموية ..
بس المشكلة فى الأكسجين .. وفترة البقاء بدون أخطار تحت الماء وسط النشوة
إزيك يا سلمى
|
Post: #94
Title: Re: "بعض" النساء .. ونشـوة الأعماق
Author: Ishraga Mustafa
Date: 12-07-2007, 07:03 PM
Parent: #92
| Quote: أهو صاحبتك الدكتورة شدت ليها خيمة بهناك .. ما قلت ليك الليلة شاديها |
عارف يارأفت لقيت الليلة تراجى مزاجها رايق شديد قلت يابت دى نقطة الصفر
اصلنا تربية انقلابات بعيد عنك..
اها والله الليلة مزاجى رايق زى صاحبتى ام نونات
ماقلت لى عاوز لوج ولاشعبى؟
|
Post: #98
Title: Re: "بعض" النساء .. ونشـوة الأعماق
Author: رأفت ميلاد
Date: 12-07-2007, 09:51 PM
Parent: #94
| Quote: ماقلت لى عاوز لوج ولاشعبى؟ |
لووووج .. قعاد الو اطة دة تعبنا منو
لكن ضربة البداية كان فيها عنف لكن قانونى وكدة .. لدى هسة
الله يستر .. ما قلت ليك شاديها خلقة
|
Post: #99
Title: Re: "بعض" النساء .. ونشـوة الأعماق
Author: محمد المرتضى حامد
Date: 12-07-2007, 10:44 PM
Parent: #98
Quote: أصبحت هناك ظاهرة "الوصاية"
ماذا يجب أن يُكتب وماذا لا يُكتب وكيف يُكتب أو كيف يُناقش
وحدثت وصاية بأن الخط يجب أن يكون محدد والمطلوب هو فقط "الآتى"
دون ذلك تسود لغة الغمز واللمز
أو التهاتر والإسفاف
ولأن الكرة أصبحت نسوية خالصة
ينزوى الرجال .. أو يسقطوا ..
فلنعود للسطح مرة أخرى .. وكل منا يراجع نفسه
المعطيات للهجوم دائمآ : هى النضال .. الثقافة .. أو نون النسوة
المحصلة النهائية معروفة |
رأفت الإستثنائي ، وهذه ليست استقطابا أو تحييدا أو مصادرة لحقك المطلق في نقدي ومخالفتي، لكنها الحقيقة العارية.
كان توفيقك (هاتريك) في العنوان والمضمون والإدارة لهذا البوست وهذه الأخيرة إمكانية تتجلى في اتقاء رذاذ الظربان في
مواضيع كهذه.
أعتقد أنك لخصت في ما اقتبسته من حديثك الكثير وأوجزت فأفدت يا رأفت.
كنت أمنى النفس بالمشاركة الموسعة لكن درءا لضيق الصدور سأكتفي ، مستصحبا كلام سعدالدين ، بما نقلته الرائعة
ممكونة عن أحلام مستغانمي وزينت به بوست (الحب في المنبر) من كلام جميل مما دفعني لنقله الى بوست آخر للأخت سلمى صبحي
بعنوان (عجبي) وهذا البوست مستأذنك وممكونة ومستغانمي في زمن الجهل الفاضح المسطح.
(( ثمة دائماً من يحاول إستدراجك إلى معارك لا نبل فيها و لا شرف لأصحابها، حتى إن أجبتهم خرجت ملطخاً بوحل مستنقعاتهم ))!
(( النجاح إعتداء على الآخرين، لأنّه يكشف فشلهم))...!!
(( المبدع يردّ على كلّ فاجعة بكتاب وليس بمعارك ))!
شُفت القلٌ و دلٌ دا كيف؟!!!!!!
التعليق الأخير من ممكونه،
محبتي يا رأفت،
|
Post: #102
Title: Re: "بعض" النساء .. ونشـوة الأعماق
Author: رأفت ميلاد
Date: 12-08-2007, 09:12 AM
Parent: #99
محمد المرتضى حامد زمزم العطاشا وإستراحة المحاربين ومحراب الإعتراف
إستنجدت بك فى صدر البوست .. لم تستآثر السلامة بالإبتعاد ولكنها حكمة الراشدين ..
مرحب بيك هنا توقيع محبة .. و ستكشف الأيام "لتراجى" (التى لا أطلب تعقيبها.. ولا أريده) المعدن النفيس الذى لا يصدأ ولا تخدشه الأيام ..Quote: (( ثمة دائماً من يحاول إستدراجك إلى معارك لا نبل فيها و لا شرف لأصحابها، حتى إن أجبتهم خرجت ملطخاً بوحل مستنقعاتهم ))!
(( النجاح إعتداء على الآخرين، لأنّه يكشف فشلهم))...!!
(( المبدع يردّ على كلّ فاجعة بكتاب وليس بمعارك ))! |
شكرآ محمد المرتضى .. شكرآ ممكونة
مودتى
|
Post: #147
Title: Re: "بعض" النساء .. ونشـوة الأعماق
Author: نادية عثمان
Date: 12-13-2007, 12:54 PM
Parent: #99
استاذ رأفت سلامات
دخلت اقول ليك كل سنة وانت طيب بمناسبة اعياد الميلاد والقابلة على امانيك يارب
|
Post: #148
Title: Re: "بعض" النساء .. ونشـوة الأعماق
Author: رأفت ميلاد
Date: 12-13-2007, 01:32 PM
Parent: #147
| Quote: دخلت اقول ليك كل سنة وانت طيب بمناسبة اعياد الميلاد والقابلة على امانيك يارب |
دخلتك دايمآ برجلك اليمين زيى قول الوالدة .. معاك نشوة الأعماق وخمرها.. ما فيها غير الروعة والجمال والإبداع
كل سنة وإنتى طيبة وهاشة وباشة كما أنتى دائمآ
شركآ على بصمة جمال الروح على أبواب الأرشفة
محبتى
|
Post: #100
Title: Re: "بعض" النساء .. ونشـوة الأعماق
Author: ماجدة عوض خوجلى
Date: 12-07-2007, 11:29 PM
Parent: #1
سلام رافت
بقرى وكل مااقول اكتب ليك لغة القى قى لغات كتيرة منك لسة ماعرفت
الحروف بتاعتا هسه انا لمن لقيت داشراقه عندها مشكله بتاعت شياطين وشكلات قلت اجى اساعدا
وانت برضو ماتحتاج لمترجم معاك ممكن هم زاتم يكون عملاء موزدوجين يعنى خاطفين لونين وكده
انا بس حبيت اساعد واسلم
   
اها قصرت معاكم ... رافت عندك انت لغات ؟!
|
Post: #103
Title: Re: "بعض" النساء .. ونشـوة الأعماق
Author: رأفت ميلاد
Date: 12-08-2007, 09:30 AM
Parent: #100
مجودة إزيك
يعنى هسة قاطعة الدرب ده كلو عشان تجيبى لإشراقة أسلحة الدمار الشامل دى على راسى أنا ..
ولا إتى ما عارفة المزنوق منو ؟ .. والله الجندرة عندكن يا بنات خوجلى
واحدة راميانا فى عرض البحر .. والتانية جايا بعكاكيزا
ودة شنو ؟؟
ده عشان يكمل الناقصة
ما منكن أمان
محبتى ..
(دى بتختم بيها منى بعد تديك لبعتين)
|
Post: #104
Title: Re: "بعض" النساء .. ونشـوة الأعماق
Author: Ishraga Mustafa
Date: 12-08-2007, 09:48 AM
Parent: #103
نهارك خير ياماجدة...ولصاحبنا رأفت الف تحية
والله كان شفتينى الغنماية تاكل عشاى {غايتو الغنماية دى حاقرين بيها حقارة}..
اها يابت امى شكلة شنو ودراب شنو وشواطين ياتهم الزمن ده الزول كان ما ضافر على روحه يتحول بقدرة قادر لشيطان رجيم...
بعدين رأفت اصلو داقى الجرسة خاصة بعد ماعمر سعد ادى ساقينو الريح وخلى ليك اخونا يعافر عشان شوية اكسجين...{تجىء البحر تانى يارأفت؟}
كدى عدل لى صورتى دى ختها فى نص البحر ولا بكلم صفية تفكك فى نص الزلط وعشان تعرف معلومة جديدة فى كلب بيشبه فى عنفه زول ماجدة الفوق ده...
ده بالمناسبة كلو من نشوة الاعماق... انت قايل الاعماق دى بس فيها مرجانات دى فيها اسماك قرش لاتقل انسانية عنا..
ونهاركم طيب...
قلت لى شادينى؟ لا والله اصلى ماكنت رايقة زى اليومين ديل اها شنو ليك؟!
|
Post: #105
Title: Re: "بعض" النساء .. ونشـوة الأعماق
Author: رأفت ميلاد
Date: 12-08-2007, 11:28 AM
Parent: #104
والله دى رشاوى أصلو ما حصلت
ياخى ديك الراس ما مايل .. بس كنت عامل فيها "كوستاوى" وحركات كده يعنى
أهى دى عدييلة .. إنشاءالله الكتاحة الفى البحر تروق .. ده حالتو غزالتا رايقة قال
وبعدين خلينا كده رضا البرنامج عندو حالات عكسية
|
Post: #107
Title: Re: "بعض" النساء .. ونشـوة الأعماق
Author: Ishraga Mustafa
Date: 12-08-2007, 12:35 PM
Parent: #105
غايتو يارأفت ماقصرت ياود امى
مايقصرن ايامك ياقول امى لكن بصراحة بقيت منافس ختييييييير لكوستاوى
خلاص.... عندى بوست بهناك {اللى يدخل مايخرجش} زى ماقلت
اها فتك بعافية وراى مهام جسمية
|
Post: #106
Title: Re: "بعض" النساء .. ونشـوة الأعماق
Author: محمد مكى محمد
Date: 12-08-2007, 11:38 AM
Parent: #1
| Quote: . ده حالتو غزالتا رايقة قال |
الغزاله جاوزت?
|
Post: #108
Title: Re: "بعض" النساء .. ونشـوة الأعماق
Author: رأفت ميلاد
Date: 12-08-2007, 01:09 PM
Parent: #106
ود المكى
دى بتعرفا من وين ؟؟ أنت فى إجازات المدرسة كنت بتشتغل مع عمال الدريسة؟ ولا جبتها من نشرة الفيضان كان إشتغلت زينا فى الدريسة مصارينك تكون مدبوغة هسة من الويكاب
صيقتناإشراقة الله يطراها بالخير قالت:
Quote: عندى بوست بهناك {اللى يدخل مايخرجش} زى ماقلت
اها فتك بعافية وراى مهام جسمية |
"يا كبدى عليها كانت حلوة وصغيرة .. بس هى الى جابتو لنفسها .. الله يسامحك يا تراجى يا بت أم تراجى" (تُقرأ بالمصري)
|
Post: #109
Title: Re: "بعض" النساء .. ونشـوة الأعماق
Author: Ishraga Mustafa
Date: 12-08-2007, 01:22 PM
Parent: #108
| Quote: مصارينك تكون مدبوغة هسة من الويكاب |
اها يارأفت طلعنا أهل بصلة رحم الويكاب، مرة اختى زارتنى فى فيينا وجابت لى معاها ملاح الويكاب من السودان ومعاه {اتى}، بالله شفت ليك ناس تاكل اللحمة النية وتجىء تقول لينا انتو شعب مسامح ومسالم؟
اها قبال مايتم القضاء على الصغيرة وجاهلة يايمة حقو يدوها فرصة تاكل ليها ملاح ويكاب ولا كجيك، اوعى تقول لى مابتعرف الكجيك... كدى النروق شوية عشان ارد لاخونا عمر سعد عن موضوع {العوين} ديل
بالله لو سمعت النجدة يا آل المروؤة ماتقصر وانا اضمن ليك المخارجة!
|
Post: #110
Title: Re: "بعض" النساء .. ونشـوة الأعماق
Author: رأفت ميلاد
Date: 12-08-2007, 08:01 PM
Parent: #109
| Quote: بالله شفت ليك ناس تاكل اللحمة النية وتجىء تقول لينا انتو شعب مسامح ومسالم؟ |
والله ده ما كلام ساكت دى .. دايرة ليها وقفة
بتزكرنى بى حاجات كتيرة .. هسة الناس الإنقاذ ديل ما سودانية !!!
| Quote: اوعى تقول لى مابتعرف الكجيك |
تعالى إنتى ماشة لى تراجى تعملى شنو ؟
أهى ده أول هام .. تراجى أكلت كجيك .. ؟
لكن إمكن تهزمك بالصيادية والسلات .. لكن كان جابت ليك سيرة المخبازة قولى ليها يا مستلبة
إشراقة سيبك من الكجيك والويكاب .. أكلتى المرس ؟
ما بمتحنك لكن بتمطق
عندنا واحدة هنا أمها سويسرية عايشة فى السودان 50 سنة .. جاتنا زيارة جابت لينا ملاح مرس
مع تراجى .. فى شرط مهم .. الكيمااااااان .. برة
نحن كومنا وين ما عارفين .. ولادة الخمج وين يا الله ..
ونوع بوستاتى دى بحرمنى من قريبى الحلفاوى .. بنفضنى عديييل
خليتكم عافية
|
Post: #111
Title: Re: "بعض" النساء .. ونشـوة الأعماق
Author: عمر سعد
Date: 12-08-2007, 11:15 PM
Parent: #1
ود ميلاد قال
| Quote: عمر سعد شنو المحتاج ليهو |
ان شا ء اللة العوين يدقوك وانا اساعدهم بالمقاشيش
ان شا اللة العوين يهردوك وانا اساعدهم بى كلوركس
ان شا اللة العوين يغطسو حجرك وانا اساعدهم بالربط والرمى
ان شا اللة العوين ينفعوك كان نفعو زول قبال دة
وييجيبوك يغطسوك فى خور ابو عنجة واكلم صيرة بدل يطلعك تغطس
ما ينفعك الا تقول يا عمر سعد اقول ليك انا ما بعرف اعوم
يا زول ما تخليهم يغطسو العوين ديل احسن من يجو طالعين لينا برة
سابو غسيل العدة والهدوم والطباخة وحرسوك كان تطلع من النص شوية
انت يا ود ميلاد ما سمعت جدى قال نقة العوين بتقصر العمر
وانت لسة البوش ما عملتو لى ولدك
|
Post: #112
Title: Re: "بعض" النساء .. ونشـوة الأعماق
Author: رأفت ميلاد
Date: 12-09-2007, 10:27 AM
Parent: #111
Quote:
يا زول ما تخليهم يغطسو العوين ديل احسن من يجو طالعين لينا برة
سابو غسيل العدة والهدوم والطباخة وحرسوك كان تطلع من النص شوية
انت يا ود ميلاد ما سمعت جدى قال نقة العوين بتقصر العمر |
الإقتباس ده جايبو بحسن نية
راح أنزل بيه بوست يوم 21 الساعة 12 "فى عز الهجير"
عمر سعد .. يعلن الحرب على الجندريات .. نهارآ جهارآ
عشان تعرف معنى المثل "تشوف النجوم فى عز الضهر" | Quote: ما سمعت جدى قال نقة العوين بتقصر العمر |
يعنى القصة وراثية
أنا غايتو جدى ما كان مقاشر الحريم .. لكن كان بنصحنى بقول لى لما تشيل معاك مرة فى العربية خت فى الضهرية "طوبة" ما عارف والله ليه .. إمكن وسيلة دفاع عند اللزوم ؟
| Quote: لسة البوش ما عملتو لى ولدك |
ياخى بوش شنو .. قال لازم يفهم حارسك .. وداير يسافر السودان درس لغة سودانية .. ده على وزن أختو ماشة فرنسا تدرس فرنساوى
الله يحلك وراح أتابع ليك البوست ده .. up .. فوق .. up لامن ..
|
Post: #113
Title: Re: "بعض" النساء .. ونشـوة الأعماق
Author: Ishraga Mustafa
Date: 12-09-2007, 11:27 AM
Parent: #112
| Quote: الله يحلك وراح أتابع ليك البوست ده .. up .. فوق .. up لامن .. |
لامن يجوا ناس الامن الجندرى
اعاد الله يحلوكم من {العوين}
صباحكم خير يا اخوانى رأفت وعمر واجدادكم القدماء!!
|
Post: #114
Title: Re: "بعض" النساء .. ونشـوة الأعماق
Author: محمد مكى محمد
Date: 12-09-2007, 11:33 AM
Parent: #113
Quote: لامن يجوا ناس الامن الجندرى
اعاد الله يحلوكم من {العوين}
|
رأفت وعمرسعد
الكشه جاتكم
|
Post: #122
Title: Re: "بعض" النساء .. ونشـوة الأعماق
Author: عمر سعد
Date: 12-10-2007, 07:36 AM
Parent: #114
ود المكى انا دخلى شنو
البوست دة حق رافت براهو
انا جيت مارىمن الموردة ماشى السوق غشيتى المسالمة لقيت رافت سلمت عليهو واتخارجتة
معناتو اى سرقة فى المسالمة انا مسؤل عنها
الكششة جاتو براهو اصلو العوين ديل انا من زمان بحترمهم وبغطس الحياة معاهم
وكلام تقدمى كتير كدة ما جايب همو (فى الحتة دى)
|
Post: #115
Title: Re: "بعض" النساء .. ونشـوة الأعماق
Author: عمر سعد
Date: 12-09-2007, 01:03 PM
Parent: #1
| Quote: عمر سعد .. يعلن الحرب على الجندريات .. نهارآ جهارآ |
العوين لو سمحتة جندريات دى على وزن جندبيات
العوينات على وزن عويناتك تراع لولى بحار ياقوت
|
Post: #116
Title: Re: "بعض" النساء .. ونشـوة الأعماق
Author: Ishraga Mustafa
Date: 12-09-2007, 02:36 PM
Parent: #115
| Quote: العوينات على وزن عويناتك تراع لولى بحار ياقوت |
ده تراجع واضح
يربى خوف من ياتو كشه؟
|
Post: #117
Title: Re: "بعض" النساء .. ونشـوة الأعماق
Author: عمر سعد
Date: 12-09-2007, 02:42 PM
Parent: #1
افو انا ود امدرمان
الثورات تراجع بضم التاء وكسر الجيم ولا تراجع ودى بضم التتاء وفتح الجيم
اسع يجينى هشام ادم ويقول منصوب على مفعول ومضموم على مجرور انا كرهتى العربى والعرب ديل
والعوين
كدى امشى اتبرعى فى بوستى وتعالى للمجان دة انتو عملتكم شنو فى النمسا الشلن مش
الشلن بى كم جنية كدى ما مشكلة اتبرعى وتعالى
مع انو جدى قال قروش العوين ما فيها بركة لكن نعمل شنو الظروف
|
Post: #118
Title: Re: "بعض" النساء .. ونشـوة الأعماق
Author: رأفت ميلاد
Date: 12-09-2007, 03:32 PM
Parent: #117
Quote: رأفت وعمرسعد
الكشه جاتكم |
ياخوى رأفت رمى "طوبتو" زمااان .. عمر براهو جابو لى نفسه
Quote: ده تراجع واضح
يربى خوف من ياتو كشه؟ |
ده تربص مع العطف الشديد .. بس مبطن بتهديد واضح
| Quote: الثورات تراجع بضم التاء وكسر الجيم ولا تراجع ودى بضم التتاء وفتح الجيم |
طلعلت مايوى كمان .. وتراجع هجومى .. بتاع سدنة لامن يجيكم منصور خالد ..
Quote: اسع يجينى هشام ادم ويقول منصوب على مفعول ومضموم على مجرور انا كرهتى العربى والعرب ديل
والعوين |
بس تمامتك الأخيرة دى ما بتخليك تنسى العربى .. دى تخليك تنسى إسمك زاتو ..
وأسأل هشام آدم زاااتو .. زمان أول ما دخلت ليك البورد دة جديد . إتحرش هشام بالنسوان نصبوا ليه خيمة لامن بقى يقول شعر زى عمرو إبن أبى ربيعه ولما غلبو قام مشى عرس
إنت بتتفاصح ساكت وما مقدر المواقف لامن تغرز .. ديل خطيرات .. أسألنى أنا مؤدب من منازلهم
| Quote: كدى امشى اتبرعى فى بوستى وتعالى للمجان دة |
رغم إنى ما بجننى إلا ناس التبرعات ديل .. خت لينا اللنك ما لامى فيه .. يا حليل المسنجر
|
Post: #119
Title: Re: "بعض" النساء .. ونشـوة الأعماق
Author: عمر سعد
Date: 12-10-2007, 01:27 AM
Parent: #118
عندى جدى يا رافت جوهو اهلك الجموعية وكان عندهم مشكلة دايرنو يحلها ليهم اها
ما لقو العمدة لقو اخوهو (خلف اللة) قامو سالو من العمدة (عباس) قالو ليهم طلع
لكن اتفضلو بجى ونكرمكم فى بيت العمدة اها جماعتك دخلو البيت قام واحد داقس كدة
قال ليهم انتو ما عرفتو دة واشر لى (خلف اللة) قالو ليهو لا قال ليهم دة خلف اللة
اخو العمدة (عباس) قام زولك اتنفض ومشى جوة البيت قال ليهم العمدة عندو ضيوف جهزو
ليهم اكل وشاى اها والموضوع حارقو جدا (لانو هو الكبير) ...بعدة رمى القنبلة بتاعتو
وقال كلمتو المشهورة بلدا ويقصد (امدرمان) يقولو فيها (خلف اللة) اخى (عباس)
خلف اللة ما بقعد فيها (ودة طبعا لانو اتلكبير ) وقال لنسوانو انا طالع
اللحقتنى لحقتنى انا مسافر والقعدت طلقانة ....وفعلا غادر الى سنار حتى توفاة الاجل
يقال انو فى واحدة من نسوانو جرت حفيانة وراهو لانو عارفاهو ما بنتظر
ديل عوين زمان يا رافت اخوى ..............
ودى قصة حقيقة بالمناسبة وليست رواية او من الخيال
لو عوين الزمن كانت قالت المنطق ونتفاهم وفى الحتة دى وانا افتكر وفى الحقيقة
اركز يا رافت للعوين ديل ما تديهم فرصة فيك .......اهلنا قالو (السترة والفضيحة متباريات)
|
Post: #123
Title: Re: "بعض" النساء .. ونشـوة الأعماق
Author: رأفت ميلاد
Date: 12-10-2007, 09:55 AM
Parent: #121
شكرآ يا واسبة يا صديق
كل سنة وأنت طيب والعائلة الكريمة بألف خير
محبتى
وتهانينا للجميع بأعياد الميلاد وعيد الأضحى المبارك والعام الجديد
عمر سعد كيفك ولسة شايفك مكابر
وجدكم أبو الدقيق ده شنو كمان ..
كتر خيرا الجرت وراه حفيانة .. السكران فى زمة الواعى
وقول ليهو خم وصر
زول يسيب أمدرمان ينزح مكوار !!
ناس سنار زاتم جونا فى أمدرمان ..
وبعدين هو كان عاطل ووارث !! .. كوم حريم ويسافر فى يوم!!
بركة فى أخوه العمدة الساندو .. تلقى هو الدفع التكاليف ونهر النسوان يبرن راجلن .. هو ناقص ..
ما تشوفو يتبرع ليك بى قرشين
مستنيك بى هناك
والله المسنجر مهم
|
Post: #124
Title: Re: "بعض" النساء .. ونشـوة الأعماق
Author: Ishraga Mustafa
Date: 12-10-2007, 10:28 AM
Parent: #123
Quote: يقال انو فى واحدة من نسوانو جرت حفيانة وراهو لانو عارفاهو ما بنتظر
ديل عوين زمان يا رافت اخوى ..............
ودى قصة حقيقة بالمناسبة وليست رواية او من الخيال
لو عوين الزمن كانت قالت المنطق ونتفاهم وفى الحتة دى وانا افتكر وفى الحقيقة
|
صباحكم خير...
غايتو بالجد عمر سعد طرح مواضيع جيدة جدا للنقاش
خلينى بس انتهى من مؤتمر القمة مع تراجى اخيتى دى وبجيكم راجعة وربما بمؤتمر قمة بين {عوين{ المنبر و {فحوله}!!
كدى ياعمر نقرأ التاريخ ونقلب تمرحل حركات التحرر الانسانى بقول تحرر انسانى لانو تحرر المرأة فى نظرى لازم يكون اطاره انسانى وعمقة انسانى ولايمكن ان تتحرر الانسانية من انهزامها الا بنهضة النساء وفق المنظومة البشرية الساعية للعدل الاجتماعى..
من زمن كانت المرأة ماسكة مقاليد الامور ومن يوم اتغشت ومسكت مزارعها والارض للرجل ومن يومها بدأ تقهقرها للوراء وبقت ماقادرة تملك حتى قرار نفسها...
وبسأل هل كانن {عوين} زمان هبشن جمرات الوعى؟ والحراك الحصلن ليهن ده نتاج لنضال طويل مشته الحركات النسائية والنسوية فى العالم ومن قبل حركات التحرر عموما وماحركاتنا الا امتداد ليهو، كلامك ده ذكرنى مرة كلام بروفسيرة نمساوية اتوفت ربنا يرحمها بقدر محبتها للناس وكان ياما كان وانا لى سنتين فى النمسا يادوب والبت قدموا ليها دعوة مع زولة من الكمرون نحكى عن مشاكل المرأة فى افريقيا؟ مرة واحدة كدى افريقيا...وكانما افريقيا دى مدينة ولا قرية منسية.. المهم حكينا والكمرونية كان لمن الالمانى يغلبها بتمو فرنسى ولا انجليزى، المرأة والفقر وقلنا انهن مع فقرهن متصالحات مع الواقع قامت البروفسيرة قالت كلام خلانى لسنين طويلة اعيد كتبر من حساباتى ورؤيتى للاشياء واقيف فى كل معنى وكلمة..
{طيب وكت هن مرتاحات ليه عاوزين تغيروا ليهن حياتهن} الفهمتو من كلامها انو التغيير مرات بيكون تمنه غالى وبيكشط كتير من القيم وبحول المجتمع من الروح الجمعية الى الذاتية كما فى اوربا اى غياب البعد الانسانى يعنى لمن لى شهر وشحدت جارتى النمساوية حبة ملح وادتنى باكت كامل فيهو 24 صندوق اندهشت زى دهشتها من شحطتى قدام بابها وبلا احم ولادستور عشان اشحدها ملح، دهشتها فى انو ده ماممكن يحصل فى القرن الحادى والعشرين ودهشتى فى الكمية اللى ادتنى ليها الممكن تدهش ناسنا فى بوردتسودان... التحول من الجمعية للذاتية لانو الحاجات هنا قايمة على المؤسسات وبالتالى عشان نحنا نستفيد من التجارب دى مفروض نراعى ان تكون مؤسساتنا ذات نزعة انسانية وان تكون فيها الروح الجماعية القايمة على العقل الجمعى.
بصراحة ماقادرة اراجع الكلام الكتبتو ده لكن خلاصته زمان ماكان فى عولمة وماكان عالمنا قرية صغيرة..
حسع النقة دى الجابها شنو ياعمر يا اخوى؟
وكيفن تغير مسار البوست من نشوة الاعماق لسؤال الاعماق وهزيمتها بتحولات بتحصل كل يوم فى حياتنا بتمر ومابنقيف فيها لانو لو وقفنا بيكون قطر الحياة وصل الواق الواق...
بالمناسبة الجندر هو صوت الانسانية فى فهمهما للصراع الاجتماعى الذى يشمل النساء والرجال معا، فهمها ليستقيم امرنا ودربنا فى اتجاه العدالة الاجتماعية والدولة المدنية...
معاكم الله انا ماشة وبجيكم بعدين...مع احترامى ومعزتى
رأفت.. مستنياك تفتح بوست {العوين}
|
Post: #125
Title: Re: "بعض" النساء .. ونشـوة الأعماق
Author: محمد مكى محمد
Date: 12-10-2007, 11:18 AM
Parent: #124
Quote: ياخوى رأفت رمى "طوبتو" زمااان .. عمر براهو جابو لى نفسه
|
|
Post: #126
Title: Re: "بعض" النساء .. ونشـوة الأعماق
Author: Muna Khugali
Date: 12-10-2007, 12:43 PM
Parent: #125
شوفتوا اسه كان ماخليتو استخدام اللفظ "مره" و"حريم" وعوين" و"نسوان"
البوست بتاعكم ده غارق لا محال في اعماق ما منها مرقه..
ممكن استبدال الكلمات أعلاه..
بأمرأه..ونساء..
ويللا ندفع معاكم مركبكم القبيل داك..دفعه سمحه..
خلاص بعد كده نقول صباح الخير..
|
Post: #127
Title: Re: "بعض" النساء .. ونشـوة الأعماق
Author: Ishraga Mustafa
Date: 12-10-2007, 12:50 PM
Parent: #126
Quote: شوفتوا اسه كان ماخليتو استخدام اللفظ "مره" و"حريم" وعوين" و"نسوان"
البوست بتاعكم ده غارق لا محال في اعماق ما منها مرقه.. |
ينصر دينك يامنو!!
| Quote: خلاص بعد كده نقول صباح الخير.. |
خلاص بعد ده النقوم على الجرى...
صباح الخير يامنى
|
Post: #128
Title: Re: "بعض" النساء .. ونشـوة الأعماق
Author: رأفت ميلاد
Date: 12-10-2007, 01:57 PM
Parent: #126
وييين يا زُمل جايانا بزعابيبك
دى كانت بتقولا حبوبتى القبطية الجد الما مطعمة | Quote: شوفتوا اسه كان ماخليتو استخدام اللفظ "مره" و"حريم" وعوين" و"نسوان" |
والله أنا كلمة حريم دى ما بستلطفا .. بتزكرنى زمن الحريم وملكات اليمين .. أما مرة يمكن دارجية من مرأة رغم إنها عند المصريين سيئة .
عمى زوجتو مصرية أخدت ليها زعلة حردت فى أوضتا . دخل والدى محضر خير وأول ما بدا قال ليها يا مرة .. لملمت عفشا وطلعت الشارع .. بقت فيهو "جا يكحلا عماها"
أما نسوان لزيزة ياخى .. البضحكنى لما النسوان ينادن بعض "يلا يا بنات"
| Quote: ويللا ندفع معاكم مركبكم القبيل داك..دفعه سمحه.. |
ويين بر الأمان ولا فى الغريق .. لا نعتزر يا إمرأة ويا نساء
يعملا عمر سعد .. ومحمد مكى حايم للشماتة
صباح النور يا منى
|
Post: #129
Title: Re: "بعض" النساء .. ونشـوة الأعماق
Author: رأفت ميلاد
Date: 12-10-2007, 03:37 PM
Parent: #124
يومك سعيد يا إشراقة Quote: حكينا والكمرونية كان لمن الالمانى يغلبها بتمو فرنسى ولا انجليزى، المرأة والفقر وقلنا انهن مع فقرهن متصالحات مع الواقع قامت البروفسيرة قالت كلام خلانى لسنين طويلة اعيد كتبر من حساباتى ورؤيتى للاشياء واقيف فى كل معنى وكلمة..
{طيب وكت هن مرتاحات ليه عاوزين تغيروا ليهن حياتهن} |
دى فعلآ "وقفا" .. بالفعل المرأة ليها الحق بتطوير نفسها وتثقيفها .. ونشر الثقافة والوعى على مجتمع النساء .. ولكن المرفوض هو "التحريض" بالإنقلاب والتمرد . كثير من الجندريات يتوقفن فى هذه النقطة "ضد" المجتمع الذكورى وتكون حرب ضد الرجال .. والحقيقة توكون حرب على المجتمع والقيم .. فيصير إنفلات أكثر منه تحرر .
النساء قديمآ لم يشعرن بالإضطهاد بل تصالحن مع واقعهن ومعطياته مثل "الجرت حفيانة" خلف زوجها وصفها فى حينه وفاء وليس إذلال وكأنه خيرها بين حبه أو مفارقته ..
لكل زمن وكل مكان مفاهيمه .. يجب مراعاته "جندريآ"
المساواة فى الجندر ليست معدومة حتى فى الأرياف السحيقة .. ولكن كما قلت من قبل للمرأة إمكانيات قوية أكثر من الرجل أساسها الصبر وليس قوة الساعدين .
كان لدينا صديق يوغندى كان يقول بفخر "نحن نتزوج أربعة لأن المرأة لدينا إستثمار . يشترى الرجل أربعة مزارع فيتنافس النساء فى عمرانها لإرضائه وكسب وده وهو نائم تحت ظل شجرة"
وصف مبنى على الإستغلال والعبودية .. ولكن معايشته على أرض الواقع ومن مفهموم هؤلاء النساء بأن كل منهن لديها مملكة تطوعها ولها حرية التصرف والخلق أيضآ ملوكية ولا تشعر بالواقع المهبن الذى نتلقاه نحن .
أصبح الآن الأوربيين يهجرن نسائهن ويرتمين فى أحضان نساء شرق آسيا اللائى يصل بهن تقديس الرجل بغسل أرجله يأيديهن .
أجد الرجل الذى يذهب لهن لهذه الأغراض إنتهازى ومتسلط .. ولكن رجالهن من بنى جلدتهن غير لك لأنها عادات نابعة من تقاليد مجتمع أو ربما تربية دينية ..
فعلآ من يتأمل الأشياء بعمق يرفض الأحكام المطلقة . | Quote: بالمناسبة الجندر هو صوت الانسانية فى فهمهما للصراع الاجتماعى الذى يشمل النساء والرجال معا، فهمها ليستقيم امرنا ودربنا فى اتجاه العدالة الاجتماعية والدولة المدنية... |
دى محاضرة كاملة تشكرى عليها | Quote: رأفت.. مستنياك تفتح بوست {العوين} |
إنتى قاااعدة ودييييك نها أبو راس وقدااامك ست البحر الدايرة تغرق الغاشى والماشى وديييك الإندرعت فيك بمزاجك ... أنا مالى
|
Post: #130
Title: Re: "بعض" النساء .. ونشـوة الأعماق
Author: محمد مكى محمد
Date: 12-10-2007, 05:49 PM
Parent: #1
| Quote: والله أنا كلمة حريم دى ما بستلطفا .. بتزكرنى زمن الحريم وملكات اليمين .. أما مرة يمكن دارجية من مرأة رغم إنها عند المصريين سيئة . |
من قبيل شابكنى ملاح" مرس" وملاح "ويكاب"
أها رأيكم شنو فى ملاح "الفاصوليا" ...يعنى إلا بعد "الكشه"..
-----------
ما زلنا فى إنتظار "الصياديه"...
الليله الإ تقوم جارى...
|
Post: #131
Title: Re: "بعض" النساء .. ونشـوة الأعماق
Author: عمر سعد
Date: 12-10-2007, 08:46 PM
Parent: #1
يا رجال العالم ومضطهدية اتحدو ضد العوين قبال يغطسوكم ويغطسو حجركم
اصلو حجركم غاطس....................................................
هل هذا العالم ذكورى لاا عتقد بل عوينى يناضل الرجال لان يتصالحو معهم
وهم لا يرضون بذلك ..... لثا رات قديمة .........او بفهم جديداضغط حتى
تطلع باحسن النتائج ............او زى ما بتقول خالتى(وريهو المكشم بلا بصل)
هى معناتة شنو يا رافت اخوى ... نص يومك فى المطبخ
|
Post: #137
Title: Re: "بعض" النساء .. ونشـوة الأعماق
Author: رأفت ميلاد
Date: 12-11-2007, 08:25 PM
Parent: #131
Quote: من قبيل شابكنى ملاح" مرس" وملاح "ويكاب"
أها رأيكم شنو فى ملاح "الفاصوليا" ...يعنى إلا بعد "الكشه".. |
والله مقدر حالتك يا محمد مكى .. ياها حياة العزوبية .. العدس والفاصليا
Quote: -----------
ما زلنا فى إنتظار "الصياديه"...
الليله الإ تقوم جارى... |
الزعيمة مافى الفورمة .. الله يستر .. والصيادية أالحسا بسرعة قبل ما يجو يعملوك سلات
| Quote: هى معناتة شنو يا رافت اخوى ... نص يومك فى المطبخ |
وإنت أقعد إضحك لى كدة وما عارف الجاييك ساكت
زمان فى إمتحان الشهادة السودانية ورقة الكيمياء كانت قاتلة . طلع واحد من الإمتحان لامن دايخ . لقى ولد بلعب فى الرمله "قال ليه بتكتح ساكت ما عارف راجيك جنس كيمياء"
|
Post: #132
Title: Re: "بعض" النساء .. ونشـوة الأعماق
Author: شهاب الفاتح عثمان
Date: 12-11-2007, 02:50 AM
Parent: #1
الاعمــاق مهاوي خطــر وظلمــات..
و نون الجنـــدر طــريق خطــر ..
علينـا الحــذر ! , فقد افشــى ميــلا د و ربعــه الخبر
حبـابكــم .
|
Post: #134
Title: Re: "بعض" النساء .. ونشـوة الأعماق
Author: رأفت ميلاد
Date: 12-11-2007, 08:03 PM
Parent: #132
مرحب بيك دكتور شهاب النسمة
Quote: الاعمــاق مهاوي خطــر وظلمــات..
و نون الجنـــدر طــريق خطــر ..
علينـا الحــذر ! , فقد افشــى ميــلا د و ربعــه الخبر |
والله ماشى منتهى الحزر وماشى تحت الحيطة حتى فى أعماق الأعماق ..
لكن تقول شنو فى الجوز المحشى لوز ده .
واحد طوالى فى خط التمنتاشر التقول العجب
والتانى سارق الباك ..
شوف الصيادية دى بقنطرة فى التمانيات كيف ويزوغ
لكن العجب ياهو الكاسرنو كاسرنو .. وشايلنو بى نقالة كان فضل فى مناوراتو دى
شرفتنا زيارتك كثير
محبتى
|
Post: #140
Title: Re: "بعض" النساء .. ونشـوة الأعماق
Author: Muna Khugali
Date: 12-12-2007, 12:00 PM
Parent: #134
Quote: لكن تقول شنو فى الجوز المحشى لوز ده .
واحد طوالى فى خط التمنتاشر التقول العجب
والتانى سارق الباك .. |
أنا غايتو الكابتن قال اكون احتياطي
كنت دايره أخت الوش الكله سنون داك.. لكن الله يسألني كجنته تبّ!
|
Post: #151
Title: Re: "بعض" النساء .. ونشـوة الأعماق
Author: رأفت ميلاد
Date: 12-13-2007, 04:26 PM
Parent: #140
| Quote: أنا غايتو الكابتن قال اكون احتياطي |
يعنى يا منى إحتياطى لمتين ؟ ولا داخلة بعد ما تتأكدى النقالة حضروها بى برة
| Quote: كنت دايره أخت الوش الكله سنون داك.. لكن الله يسألني كجنته تبّ! |
بركة ..  شوفى لينا حنيات زى دى ..
|
Post: #133
Title: Re: "بعض" النساء .. ونشـوة الأعماق
Author: عمر سعد
Date: 12-11-2007, 07:31 PM
Parent: #1
كلام عجيب يا د اشراقة
اول مرة اشوف عوينة زى دى
|
Post: #135
Title: Re: "بعض" النساء .. ونشـوة الأعماق
Author: رأفت ميلاد
Date: 12-11-2007, 08:13 PM
Parent: #133
Quote: كلام عجيب يا د اشراقة
اول مرة اشوف عوينة زى دى |
ياتو كلام ??
وقالتو وين .. هنا ولا هناك ??
يعنى تلقاها منك ولا من غيرك
يعنى تتقطع ..
|
Post: #136
Title: Re: "بعض" النساء .. ونشـوة الأعماق
Author: عمر سعد
Date: 12-11-2007, 08:22 PM
Parent: #1
Quote: صباحكم خير...
غايتو بالجد عمر سعد طرح مواضيع جيدة جدا للنقاش
خلينى بس انتهى من مؤتمر القمة مع تراجى اخيتى دى وبجيكم راجعة وربما بمؤتمر قمة بين {عوين{ المنبر و {فحوله}!!
كدى ياعمر نقرأ التاريخ ونقلب تمرحل حركات التحرر الانسانى بقول تحرر انسانى لانو تحرر المرأة فى نظرى لازم يكون اطاره انسانى وعمقة انسانى ولايمكن ان تتحرر الانسانية من انهزامها الا بنهضة النساء وفق المنظومة البشرية الساعية للعدل الاجتماعى..
من زمن كانت المرأة ماسكة مقاليد الامور ومن يوم اتغشت ومسكت مزارعها والارض للرجل ومن يومها بدأ تقهقرها للوراء وبقت ماقادرة تملك حتى قرار نفسها...
وبسأل هل كانن {عوين} زمان هبشن جمرات الوعى؟ والحراك الحصلن ليهن ده نتاج لنضال طويل مشته الحركات النسائية والنسوية فى العالم ومن قبل حركات التحرر عموما وماحركاتنا الا امتداد ليهو، كلامك ده ذكرنى مرة كلام بروفسيرة نمساوية اتوفت ربنا يرحمها بقدر محبتها للناس وكان ياما كان وانا لى سنتين فى النمسا يادوب والبت قدموا ليها دعوة مع زولة من الكمرون نحكى عن مشاكل المرأة فى افريقيا؟ مرة واحدة كدى افريقيا...وكانما افريقيا دى مدينة ولا قرية منسية.. المهم حكينا والكمرونية كان لمن الالمانى يغلبها بتمو فرنسى ولا انجليزى، المرأة والفقر وقلنا انهن مع فقرهن متصالحات مع الواقع قامت البروفسيرة قالت كلام خلانى لسنين طويلة اعيد كتبر من حساباتى ورؤيتى للاشياء واقيف فى كل معنى وكلمة..
{طيب وكت هن مرتاحات ليه عاوزين تغيروا ليهن حياتهن} الفهمتو من كلامها انو التغيير مرات بيكون تمنه غالى وبيكشط كتير من القيم وبحول المجتمع من الروح الجمعية الى الذاتية كما فى اوربا اى غياب البعد الانسانى يعنى لمن لى شهر وشحدت جارتى النمساوية حبة ملح وادتنى باكت كامل فيهو 24 صندوق اندهشت زى دهشتها من شحطتى قدام بابها وبلا احم ولادستور عشان اشحدها ملح، دهشتها فى انو ده ماممكن يحصل فى القرن الحادى والعشرين ودهشتى فى الكمية اللى ادتنى ليها الممكن تدهش ناسنا فى بوردتسودان... التحول من الجمعية للذاتية لانو الحاجات هنا قايمة على المؤسسات وبالتالى عشان نحنا نستفيد من التجارب دى مفروض نراعى ان تكون مؤسساتنا ذات نزعة انسانية وان تكون فيها الروح الجماعية القايمة على العقل الجمعى.
بصراحة ماقادرة اراجع الكلام الكتبتو ده لكن خلاصته زمان ماكان فى عولمة وماكان عالمنا قرية صغيرة..
حسع النقة دى الجابها شنو ياعمر يا اخوى؟
وكيفن تغير مسار البوست من نشوة الاعماق لسؤال الاعماق وهزيمتها بتحولات بتحصل كل يوم فى حياتنا بتمر ومابنقيف فيها لانو لو وقفنا بيكون قطر الحياة وصل الواق الواق...
بالمناسبة الجندر هو صوت الانسانية فى فهمهما للصراع الاجتماعى الذى يشمل النساء والرجال معا، فهمها ليستقيم امرنا ودربنا فى اتجاه العدالة الاجتماعية والدولة المدنية...
معاكم الله انا ماشة وبجيكم بعدين...مع احترامى ومعزتى
رأفت.. مستنياك تفتح بوست {العوين} |
الكلام الفوق دة دة كلام ما يكتبو الا راجل شنبو متر
كلام عجيب يا رافت يا ود ميلاد
ما جيتنى للشحدة تانى ؟
|
Post: #138
Title: Re: "بعض" النساء .. ونشـوة الأعماق
Author: رأفت ميلاد
Date: 12-12-2007, 10:24 AM
Parent: #136
Quote: الكلام الفوق دة دة كلام ما يكتبو الا راجل شنبو متر
كلام عجيب يا رافت يا ود ميلاد
ما جيتنى للشحدة تانى ؟ |
.  يا زوووول إنت بى صحك .. وأهو قدامك بى شنباتم كتاااااااار كتبوا شنو ؟
إنت خليك فى الشحدة دى .. متابع ودايرا تعمر ونرشها بس عندك مرات ضيوف كدة ..
|
Post: #139
Title: Re: "بعض" النساء .. ونشـوة الأعماق
Author: محمد مكى محمد
Date: 12-12-2007, 11:12 AM
Parent: #1
شايفك رجعت وأحييت بوست (كلام النسوان).
أنت قايل بحلك? سيرتكم وصلت (الملايو وبان دونغ)
وكل الدول المنحازه كمان...
-------------------
مصريا أخت بلادى ياشقيقه...
تررارم...
مازلنا فى الإنتظار ومقدما نعتذر للكابلى
|
Post: #142
Title: Re: "بعض" النساء .. ونشـوة الأعماق
Author: رأفت ميلاد
Date: 12-12-2007, 04:16 PM
Parent: #139
Quote: شايفك رجعت وأحييت بوست (كلام النسوان).
أنت قايل بحلك? سيرتكم وصلت (الملايو وبان دونغ)
وكل الدول المنحازه كمان... |
ياخوى البوست نكتتو إيمان صالح من ياتو جب الله أعلم .. لكن بينى وبينك .. كان فضلنا على كلام النسوان كان أخير لينا Quote: مصريا أخت بلادى ياشقيقه...
تررارم... |
مصر المؤمنة دى الجابا شنو هسة ؟ على سيرة باندونغ !! أها نكت لينا شهرزاد زاتا
|
Post: #141
Title: Re: "بعض" النساء .. ونشـوة الأعماق
Author: AMNA MUKHTAR
Date: 12-12-2007, 12:00 PM
Parent: #1
هوووووووووى يا ضكور المنبر..نحن لا دايرين نعمل عليكم انقلاب ولا نغتس حجركم..
نحنا ننشد ( العدل) فقط ولا شئ سوى العدل........وبس
أهدى ليكم هذه الأبيات التى نسيت قائلها والله:
خيبة أمل شهرزاد
يا شهرزاد كفاك قصة فارس
فتكت به الأزراء والأنواء
قصى على ذاك العليل حكاية
تغنيه عما يرتجيه الداء
فهو المريض ولا رجاء لبرئه
استفحلت فى ذاته الأدواء
ما داك طرح فراشه وهمومه
هل يرتجى برء له وشفاء؟
|
Post: #143
Title: Re: "بعض" النساء .. ونشـوة الأعماق
Author: Ishraga Mustafa
Date: 12-12-2007, 04:28 PM
Parent: #141
Quote: الكلام الفوق دة دة كلام ما يكتبو الا راجل شنبو متر
كلام عجيب يا رافت يا ود ميلاد |
لحين عودة اهديكم هذا المقال الذى كتبته فى هذا العام ونشر فى مواقع مختلفة... مضطرة اعيده هنا بمناسبة {ابان شنبات ديل الله يدينا خيرهم}
Quote: حكاية البنت {محمد ولد}
د. إشراقه مصطفى حامد
أمل وبدر جاءا الى الدنيا سواسية، أمل ستصبح إمرأة وبدر يصير رجلا لكل دوره {بيولوجيا} فى صناعة الحياة
براءة الطفولة تكسى وجهيهما، يلعبان سويا كل الالعاب المتاحة بدءا من{ شليل وين راح، كرة الشراب وبيوت الطين}
استمر حال المرح وبهجة الخريف الهلّ الى أن بدأ يلعبان لعبة {عروس وعريس} وبدأت بعدها {كتاحة الفرز}، للاولاد كوم وللبنات كوم آخر. بدأ ذلك قبل فك حروف المعرفة لندرس عن خصوبة النساء والعيال القادمون من { صلب الرجال}.
بدأت الحكاية حين بدأ التقسيم والمحزن إن السطوة تمارس فى الغالب من الأمهات اللآتى أكتوين بها. كان أول سؤال رميته فى بركة جدتى المسكوت عنها وعمرى لم يتجاوز بعد العاشرة {ليه انتى بس البتعوس الكسرة} كنت أمنى نفسى بمعرفة السر الذى جعل دور جدى ينحصر فى {العسكرية وتمطير الصعود بعد المعاش كسبا للرزق} ودور جدتى المحصور {بين صاج العواسة وغسل الصحون وشد حلة الملاح} رغم انها كانت تعمل ايضا كسبا للرزق. كنت اتخيل الادوار معكوسة وجدتى تلبس برنيطتها وتمطر الصعوط الا انها لم تفعل، لبست برنيطتها فقط {لعيال ماما} وهى تنفض عنها تعب الروح وتحررها من الشقى حين تقرع {الطمبرة}.
كثير من البنات لم يعشن طفولتهن كما ينبغى ان تعاش، الامهات والحبوبات لايملن من خلط الحناء والمحلب تفوح رائحته {لجرتق بنات الطهور} والاعداد لسيرة البحر والصالحين لكف {الكج من المطهرات} ولم يكن هنالك {كجا} اكثر من تلك اللحظة التى هدرت فيها تلك الداية ذات المشارط الغولية فى جسد البنات، من يومها تم ترويض ارواحهن قبل الجسد والبنات اللآتى انطفأت فيهن بعض من جذوة الحياة يدندن بنغمة مكسورة القلب {الليلة الفرحة وبكرة الضبحة}. والصغيرات اللأتى لم يجربن بعد قسوة الألم يلعبن كفرسات تمرن ساقيها للركض فى الفضاءات، لم يكن يعرفن ان تلك المرأة ذات الشنطة الحديدية تبرم {شنبات} سطوتها وهى تقول {تلقنها عند الغافل}.
بدأت قصة الترويض وقسمة ادوار الحياة التى ربما تنازلت عنها المرأة بذاتها منذ فجر التاريخ وهى تترك الارض لآدم ليفلحها وخطواتها تتقهقر للخلف. يومها انطفأت رتينة الضحكة وسكنت تحت رماد التقاليد... الضحكة التى حولتها المقاومة التى فعلنها النساء جمرات تنفض رماد السطوة وتشتعل بمواجهة الواقع وعلا صوتهن ضد الترويض النفسى والروحى للبنات صغيرات السن.
لعبن الحبوبات دورهن بجدراة مستلبات لعقلية الاستبداد والقهر ومهدن الطريق للمدرسة لتقوم بدورها فى ترسيخ تقسيم الادوار وتحديدها. أمل المسكينة انهد {حيلها} و {طشت الغسيل المردومة قدامه هدوم بدر وابو بدر} يتوعدها بمزيد من التعب ويديها الصغيرة تدعك المها ورغوة الصابون تتحول الى رماد يغطى المكان، ثمة جمرات تولع فى عينيها فترى الطريق. تعود أمل من المدرسة لتساعد أمها المنهوكة، حدد المنهج الادوار حيث كان اول درس فى المطالعة والبنات شغوفات بالمعرفة، فبدر يفتل عضلات سطوة الحروف التى تهبه الفضاء ليمرن فيه جسده الصغير ليتم اعدادة ليكون رجلا {قدر الحيطة} وصوته يعلو بالسطوة وصوت أمل تتلبسه عورة مناهجنا لذا ينبغى ان لايعلو فتفضح قلة حيلة معرفتنا بوجودنا الانسانى.
أمل التى انفردت روحها وهى تتمنى ان تكون لاعبة كرة، قدم، سلة او طائرة تتحول بقدرة قادر الى {محمد ولد}
رسمت المناهج دربا غير التى رغبته أمل التى رغبت فى دراسة الهندسة الكهربائية او المعمار، أمل التى تريد ان تدرس ادراة الاعمال لتصبح {بيزنس ومن} ولم تدرى ان عليها ان تدرس الأعمال المنزلية وتتقنها.
كبرت أمل وتزوجها بدر، حتى بدر الذى حرر نفسه من تقسيمات الادوار {نظريا} مازال لحد كبير ينقصه الفعل عدا قلة إستطاعت ان تعيد بلور ذاتها. يعود بدر من العمل منهوك القوى ومسحوق فى الغالب بالفقر ومنهك الدماغ وهو لايدرى من اين يسد {ديون الروح المابتنتهى}. أمل تدخل المطبخ، أمل تحبل، تلد، تغسل، تخبز وتنهك لدرجة انها لاتستطيع ان تكنس شوكة واحدة من {ضريسة} عذاباتها المددة أمامها كصبى مات شهيدا فى حروبنا الضروس.
بدر يعود من العمل وشيب الهموم مشتعل فى رأسه، يرقد على أول سرير يقابله {مكرفسا روحه والملاية التى كسرت أمل ظهرها وهى تكويها} والظروف تكوى خبز الفرح ورائحته المحروقة تعكر حاجتهما لفرح منزوع من فك انياب الزمن. يتناول الجريدة يقرأ اخبار السياسة و{يلعن ابوها بلد}، الهلال والمريخ وكورة الشراب تلوح فى شاشة الطفولة التى ضاعت بين فكى صانعى المناهج والاعلام. يحاول النوم وأمل {تزازى فى الصغار} لينام بدر وصوته يعلو{ ياولية ماتدقى الشفع ديل خلينا ناخد لينا غمدة} والمسكينة تشتهى ان تغمض عينيها مرة واحدة فى النهار لتسكن هواجسها، تعمل طيلة النهار وأجرها عند الله واجر بدر عند الحكومة التى كسرت ظهره بالضرائب التى بلعتها {كروش} انتفخت بين يوم وليلة. أمل تجهز وجبة الغداء الفقيرة فى غالب الأمر والتى سيحولها بترولنا وثروتنا الخيرة الى مائدة روح غنية. {باذن الله ومشئتة}.
بدر يغسل يديه وليست به حيلة لغسل حزنه المرابض ، أمل تهفو لتسمع كلمات طيبة من نوع {تسلمى ياحبيبة، اقعدى ارتاحى شوية، شكلك تعبان الخ...} أمل التى كانت قبل أعوام حبيبة القلب والروح تحولت الى {ولية} {تنقنق كحلة بليلة الفقراء} لا لاشىء الا لشوقها ان تلعب ضمانة الحياة مع بدر الذى فضل بعد ان تجرع شاى العصر الى لعب {الضمنة} مع بدريون ما انفكوا يحكون عن غزوة بدر.
أنها المكونات الثقافية، الاقتصادية والسياسية التى أنتجت تقسيم الأدوار وركزت السلطة فى يده وبالتالى يصعب فى كثير من الاحيان تقبلها كشريكة تتساوى معه فى حقوق المواطنة. لذا توجب على أمل ان تختار مفرداتها بعناية تنسجم مع الدور المحدد لها وان {لاتشطح} فى استخدام لغة السياسة والاقتصاد و {البزنيس} فهى مجالات للرجل أطرتها النظم والتشريعات التى حددت المساحة التى تناسبها حتى فى العمل السياسى وتحظى بوزارة الاسرة والشئون الاجتماعية بدلا عن وزراة العدل او وزارة الثقافة { والله ياهو الفضل يابرلمان النساء}. المؤسف ان أمل نفسها مسلوبة لهذه الثقافة التى تتعامل معها باعتبارها {الفأس المابشق الرأس} والحية الرقطاء والشيطان الذى أنزل آل بدر وابوهم آدم من الجنة وخصوبتها التى تحولت بقدرة قادر الى {نجاسة} ونقصان فى العقل والدين.
ثقافتنا {ماشاءالله} طافحة بالأمثلة التى شكلت عظمة الاستلاب وتقوم المرأة نفسها بتأطيرها وقدرها اللذى اختارته راضية مرضية حتى فى {صينية الغداء المدنكلة يوم السماية والمناسبات السعيدة} التى تحظى بها الرجال اولا والباقى لهن وماتبقى من فتات لاطفالنا.
أمل التى اتيح لها ان تدرس وتصبح قانونية مثلا عليها ان تواجه مصيرها ومصير ملاييين النساء المكبلات بقوانين الاحوال الشخصية وعليها ان تصبح {محمد ولد ابو عضلات} لترأس وزراة العدل { ويومها ستصفى حساباتها الشخصية مع اعداء المرأة كما فعل وزير العدل الحالى مع صحيفة السودانى} وهنا يجب ملاحظة الفرق وفقا للثقافة السائدة بان النساء {كيدهن عظيم}.
أمل فى إعلام تغييب الوعى عليها ان تهتم بزينتها وان تكون مؤهلة لفرز {السرتية والمحلبية الجيدة وكل ادوات تفتيح البشرة} وان تصبح اسيرة للسوق المحلى وسطوة الاستهلاك، أمل الفقيرة عليها ان تحلم {بالعيش} ليسد جوع روحها وهى تفتح شهيتها لطريقة اعداد الوجبات الشهية التى يقدمها التلفزيون {شىء خروف محشى وشىء بشملى وآخر كرملى} يسيل لعاب الفقيرات و{الكمونية} التى يغلب عليها {الفشفاش} تنتزعها من حالات التقمص الوجدانى التى أعرف الآن سر إعجابى بها حين درسناها فى كلية الاعلام، علينا فقط ان نتقمص و {نغمص يدنا فى ملاح ام رقيقة المصلح بماجى}. للحظة تقمصت حالة ان تكون اعلامية مديرة للتلفزيون و الخروج من دائرة تقديم برامج المنوعات.
{لكزتنى} حقيقة الواقع ان الأمر سوف يصبح بلافائدة حتى ولو صارت وزيرة للثقافة ومازلنا نهمش وجودنا كنساء وتقوم أغلبيتنا بدور المستلبة التى تخاطب ضيفاتها من النساء بصيغة المذكر مع إيمانى ان اللغة تعكس الواقع الذى نعيشه والذى تغييب فيه المرأة ، النازحين، المهمشين وذوى الاحتياجات الخاصة.
لا ادرى الى متى نستخدم مفردات مثل معركة التحرير وسلاح التنوير قدرنا اننا شعوب لم تعرف غير المعارك نشيد وغير السلاح وسيلة للثروة والسلطة ومع ذلك نرزح فى {فقر الدنيا والعالميين}.
ومع ذلك يجب ان نخوض معركتنا ونجيب على السؤال مالذى جعل أمل محمد ولد؟
الاجابة تكمن فى معركة التنوير والتنقيب فى آبار ارثنا، مناهجنا، تشريعاتنا، سياستنا.
الاجابة تكمن فى التحدى بمواجهة واقعنا وتغييره بتأنى ودراسة وأن يشارك فيها اصحاب المصير دون تعالى او تسلط
تكمن ايضا فى تفتيت ذاتنا حجرا حجرا وترميمها او اعادة بنائها إن دعى الحال. البداية تغيير مناهجنا وغربلة تاريخنا وبدلا من المعلقات التى حفظناها {لاايدنا لا كراعنا} نبدأ بعلى المك وملكة الدار، لنكتب عن تنوع ثقافاتنا وبدلا من اختصار حكاية جنوبنا فى تلك الجملة التقريرية عن طقسه لندرس عن انسانه وثقافتة. لنكسر مقصلة تغريب الذات، لنركز على حقيقة تاريخنا ونواجه أخفاقاتنا ونخطو تجاه الفعل بدلا من الاكتفاء بلعن الظلام وان نبتكر مناهج ترسخ فينا إحترام ذاتنا والآخر وقبوله. أن ندرس عن حواية وأحمدو، أشول وملوال، أهل الريف والانقسنا، شرقنا وغربنا. أن نحكى عن بترولنا، غاباتنا ونيلنا للفقراء وان يقرروا كيفية توزيعها.
لامانع بعدها ان ندرس مايليق بانسانيتنا فى مداها الانسانى المنفتح على العالم. عفوا انها ليست {احلام محمد ولد أو احلام زلوط} إنها أحلام إمرأة تحفر معكم ومعكن لقلع ضرس الفقر والتغييب الذى لازمنا سنينا عددا... ربما تجود {ترعنا} بخيرة الطمى.
* أمل وبدر اول دروس المطالعة الاولية
|
|
Post: #144
Title: Re: "بعض" النساء .. ونشـوة الأعماق
Author: Ishraga Mustafa
Date: 12-12-2007, 04:28 PM
Parent: #141
نفسى اعرف بالجد فهم اخونا عمر من كلمة {عوين} دى؟
وبما انها فى الغالب ماموضوعة بين قوسين فيعنى ذلك انها مقصودة.. هل هى مطابقة لكفردة {الحريم}؟
اها فى الانتظار....
التعديل لتكرار الموضوع {حكاية البت محمد ولد} واضاقة السؤال الموجع اعلاه
|
Post: #146
Title: Re: "بعض" النساء .. ونشـوة الأعماق
Author: رأفت ميلاد
Date: 12-12-2007, 06:03 PM
Parent: #144
المقال دسم يا إشراقة بس مضغوط شديد بالضغوط الفيه دى
يعنى بنتهى بمليون سؤال .. ويمكن تكون دى أهدافه ..
بدينى إحساس ضربة البداية .. بعد الختام Quote: ومع ذلك يجب ان نخوض معركتنا ونجيب على السؤال مالذى جعل أمل محمد ولد؟
الاجابة تكمن فى معركة التنوير والتنقيب فى آبار ارثنا، مناهجنا، تشريعاتنا، سياستنا.
الاجابة تكمن فى التحدى بمواجهة واقعنا وتغييره بتأنى ودراسة وأن يشارك فيها اصحاب المصير دون تعالى او تسلط |
ما بين ظلم المرأة وخنوعها شعرة .. ومابين تمردها وإنفكاكها أيضآ شعرة ..
ما وصل اليه غيرهن فى "الغرب" لا نتمناه لهن .. وكله خارج من جب الظلم ..
هناك أيضآ ما مررتى به مسرعة كأنه "بعبع" يستحيل لمسه ..
الجزء الأخير | Quote: تكمن ايضا فى تفتيت ذاتنا حجرا حجرا وترميمها او اعادة بنائها إن دعى الحال. البداية تغيير مناهجنا وغربلة تاريخنا وبدلا من المعلقات التى حفظناها {لاايدنا لا كراعنا} نبدأ بعلى المك وملكة الدار، لنكتب عن تنوع ثقافاتنا وبدلا من اختصار حكاية جنوبنا فى تلك الجملة التقريرية عن طقسه لندرس عن انسانه وثقافتة. |
ده موضوع آخر .. نعم لا ينفصل ولكن يجب أن يكون عنوان منفصل .. عجبنى تعبير | Quote: حكاية جنوبنا فى تلك الجملة التقريرية عن طقسه |
نكتفى بالإعتراف بالإخاء والمواطنة ... تنازلآ !!!!
وأيضآ تستحق عودة
محبتى
|
Post: #153
Title: Re: "بعض" النساء .. ونشـوة الأعماق
Author: Ishraga Mustafa
Date: 12-13-2007, 04:53 PM
Parent: #146
سلامات يارأفت!
اتفق معاك المقال مضغوط ضفط الجن هو نان الشىء الفيهو ده شئى نصاح؟ ده دهور بلد بحالها
وهذا حال اغلب المقالات التى اكتبها لانها فى الحقيقة مداخل لدراسات انوى ان اكرس لها وقتا فى المستقبل وبحتها ونحتها بشكل اعمق..
Quote: ما بين ظلم المرأة وخنوعها شعرة .. ومابين تمردها وإنفكاكها أيضآ شعرة ..
ما وصل اليه غيرهن فى "الغرب" لا نتمناه لهن .. وكله خارج من جب الظلم .. |
اقتبسه هنا فقط لاعود الى هذه الفرضية بشكل عميق اذ انها فعلا تنفع لتكون فرضية بحث علمى
الا ان ماوصلت له المرأة فى {الغرب} لايمكن وضعه فى سلة واحدة، هناك حقوق توصلت لها المرأة {الغربية} بعد معارك وكقاح طويل وذلك فى اطار حراك مجتمعاتهم تجاه ترسيخ حقوق المواطنة
هذا يمكن الاستفادة منه كتجربة نستلهم منها مايفيدنا، كما ان الحركة النسائية والنسوية فى {الغرب} اعترفت بوجودنا وبدور نساء عالمنا النامى اللآتى وقفن ضد العديد من المفاهيم بل وصاغنها وفقا لرؤيتهن وقناعاتهن ففكرة ال Empowerment نادت بها ورسختها الحركات النسوية والنسائية العالمية كواحدة من اهم اسهامات نسائنا فى العالم النامى...
مازالت المرأة فى بعض دول {الغرب} تواجه بمشاكل جمة ففى الوقت الذى لم تتساوى فيه المرأة بحق الاجر المتساوى فى بعض بلاد اوربا نجد العديد من البلدان النامية انتزعت هذا الحق فى المقابل هناك حقوق كحق اجازة الولادة واهتمام هذه الدول بتحفيز النساء ماديا لمدة تتراوح بين عامين الى ثلاثة اعوام. ولايمكن مقارنة الحركتين او هذه الحركات اذ ان لكل حلفيتها التاريخية وابعادها الاقتصادية والسياسية التى صاغتها، هنا لايمكن باى حال من الاحوال نكران الديمقراطية فى ترسيخ كثير من الحقوق الانسانية
هناك من البرامج المطروحة فى بعض دول الغرب كالمساواة التى تأتى {بكسر الرقبة} رفضت من نسائهن الناشطات مثال فى النمسا تم سن برنامج اسمه {النص بالنص} يعنى كل شىء يكون مقسوم بالتساوى
لان المساواة فى الحقوق مابتجى بضربة حظ انما هى معركة طويلة تقودها حركة التنوير من الجنسين...
مالا اتمناه هو نقل المشروع الأوربى برمته وتطبيقة فى بلادنا فهذا من رابع المستحيلات وقابل للفشل لان التغيير يفترض ان يأتى من ارضية الواقع وباشراك النساء فى قضايهن المصيرية ولاتأتى ايضا بالتمنى او التشهى وانما بالتأنى والخطط الواضحة وهذا يحناج بالضرورة لمساحة حرية تتيح لنا ان نقول قولتنا فى مسيرة تاريخنا... المساواة فى الحقوق والواحبات لن تحدث مالم يتساوى الرجال مع بعضهم وكذلك النساء، هذا يعنى ان هناك رجال مسحوقيين ومهمشين يلتقوا فى قضايا مصيرية مع النساء وبالتالى تصبح القضية واحدة وهذا يأتى بفهمنا لحقيقة الصراع الاجتماعى الذى يجب ان نراعى فيه النوع والتمييز الممكن يحصل بسببه
اما الجزء الاخير مربوط ربطة جن كلكلى بالموضوع الرئيسى واتفق انه بيحتاج لقراية براه... بس انت ابقى على الاعماق دى ماتمشى الارشيف
شفت.. يارأفت خليتنى ارش لى محاضرة ممكن اكون شطحت بالفكرة وغيرت مسار الاعماق...
اها فتكم بعافية
|
Post: #154
Title: Re: "بعض" النساء .. ونشـوة الأعماق
Author: رأفت ميلاد
Date: 12-13-2007, 05:28 PM
Parent: #153
| Quote: بس انت ابقى على الاعماق دى ماتمشى الارشيف |
تعرفى يا إشراقة فى كلام كتير وجديد هنا إتقال .. لكن تشعب المواضيع بخلى كل موضوع ما ياخد حقو من النقاش و"التقليب" على نار هادية .. عشان كدة أرشفة البوست مناسبة وما أظن فقد حقه إنسانيآ وفكريآ للعمق الأصلى .. فهو رسالة أكثر منها جدال .. .. .. بس | Quote: شفت.. يارأفت خليتنى ارش لى محاضرة ممكن اكون شطحت بالفكرة وغيرت مسار الاعماق... |
أولآ هى رسالة من داخل الأعماق .. وحقو تكونى أوفى للأعماق كل ما ترجعى للمحاضرة دى .. وأكيد بتحتاجيها فى موضع آخر .. تتذكرى أعماقنا دى وتعمليها مرجع بى لنك ولا ذكرى طيبة .. فهى ولدت هنا ..
|
Post: #155
Title: Re: "بعض" النساء .. ونشـوة الأعماق
Author: Ishraga Mustafa
Date: 12-13-2007, 06:41 PM
Parent: #154
العزيز رأفت
| Quote: تعرفى يا إشراقة فى كلام كتير وجديد هنا إتقال .. لكن تشعب المواضيع بخلى كل موضوع ما ياخد حقو من النقاش و"التقليب" على نار هادية .. عشان كدة أرشفة البوست مناسبة وما أظن فقد حقه إنسانيآ وفكريآ للعمق الأصلى .. فهو رسالة أكثر منها جدال .. .. .. بس |
أتفق معاك انو فى كلام كتير اتقال واشارات عميقة تقتح نفاجات على العقل مضاءة بفوانيس من القلب مباشرة.. فاى حوار لايلامس الوجدان بيبقى من وجهة نظرى ماعنده قيمة انسانية، المواضيع تداخلت كموجات طبيعية فى الاعماق... البوست ده ممكن يتأرشف مافى مشكلة ما الاسفير ده قاعد ولو لقينا الوقت النقة راقدة لكن مغصتى بتكون كبيرة لو اخونا عمر سعد لبد لحدى ماالارشفة تحصل ومايورينى انا تحديدا حكاية {العوين} دى
| Quote: أولآ هى رسالة من داخل الأعماق .. وحقو تكونى أوفى للأعماق كل ما ترجعى للمحاضرة دى .. وأكيد بتحتاجيها فى موضع آخر .. تتذكرى أعماقنا دى وتعمليها مرجع بى لنك ولا ذكرى طيبة .. فهى ولدت هنا .. |
مؤكد لانى عموما لا اتناول الا ما احسه من الاعماق حتى لو غرقت فيها لهذا كل المواضيع التى طرحت هنا وتم تناولها باريحية وبلطف من الجميع وعلى رأسهم قطبانا رأفت بن ميلاد رضيت ايام الميلاد عنه... ستبقى دافع وفوانيس لمواصلة الحفر... لحين تنبع ماء الاستنارة الحقة فى حياتنا حينها هنئيا لمن سينعمون بحصادنا الذى غرسنا بزرته... كلمة طيبة/ غنوة/نكتة/غضب/ انفعال/اناشيد/ مطرة/مزامير/وجبريل الذى يخصنى كل يوم بحكاية انسانية...
وكل عيد ميلاد انت واسرتك طيبين ومعزومين المرة الجاية الكريسماس معانا
تحياتى واحترامى وشكرى لاتاحتك لى الفرصة لكل هذه النقة المعتبرة
|
Post: #145
Title: Re: "بعض" النساء .. ونشـوة الأعماق
Author: رأفت ميلاد
Date: 12-12-2007, 05:03 PM
Parent: #141
أمونة يا مسخنة Quote: يا شهرزاد كفاك قصة فارس
فتكت به الأزراء والأنواء
قصى على ذاك العليل حكاية
تغنيه عما يرتجيه الداء
فهو المريض ولا رجاء لبرئه
استفحلت فى ذاته الأدواء
ما داك طرح فراشه وهمومه
هل يرتجى برء له وشفاء؟ |
لا حولااااا ده كلو فى عمر سعد
ياخى ده أسد علىّ بس .. شبهتيه بشهريار ساكت ..
بعدين شنو قصة والله مافى خايب غيرا
النسوان فى الكفاح .. وهى قاعدة تحجى راجل عشان تنعسو ما يقطع راسا
"الأخيرة دى رسلا لى محمد مكى بالمسنجر" .. شفتى كيف
|
Post: #149
Title: Re: "بعض" النساء .. ونشـوة الأعماق
Author: محمد مكى محمد
Date: 12-13-2007, 03:15 PM
Parent: #1
Quote: نفسى اعرف بالجد فهم اخونا عمر من كلمة {عوين} دى؟
|
أنا كنت قايلها كشه بوليس ساى..
المسأله دخلت فيها قوات خاصه ,المارينز للتدخل السريع,اللواءآمنه..
هيئه الاركان برئاسه إشراقه ومنى فى الميدان...
عمرسعد...قول لبن حامض..
|
Post: #150
Title: Re: "بعض" النساء .. ونشـوة الأعماق
Author: Ishraga Mustafa
Date: 12-13-2007, 03:57 PM
Parent: #149
Quote: المسأله دخلت فيها قوات خاصه ,المارينز للتدخل السريع,اللواءآمنه..
هيئه الاركان برئاسه إشراقه ومنى فى الميدان... |
سلامات يامحمد مكى
ده مالسبب الخلى اخونا عمر يلوذ بالقوات العربية
يازول تعال وضح عوجة مابتجيك لكن دايرين نعرف المعنى شنو
غايتو دى زنقة ماحصلت اظنو كان شاف حروف الشين دى ساكت يلاوز/ يازول نحنا اخوات واخوان
بس ماقلتو رأيكم فى حكاية البنت محمد ولد
رأفت الاعماق راحت فى حق الله وبقيت فى التحلك اها الارشفة على وشك ويكون كويس كان اترجيت بكرى يجره باعماقة وشوكة لسنتنا الجديدة لسه كلامى ماكمل... يحلكم الله عاد امانة ماشبكة وعكليتة وبالى طوييييييييييييل
|
Post: #152
Title: Re: "بعض" النساء .. ونشـوة الأعماق
Author: محمد مكى محمد
Date: 12-13-2007, 04:39 PM
Parent: #1
| Quote: بس ماقلتو رأيكم فى حكاية البنت محمد ولد |
أشراقه تحياتى
الجماعه زاغوا ....
عفيت منك..
بمناسبه محمد ولد دى
لما كنا صغار كان فى واحده من بنات حلتنا بتلعب معانا ,وما بتلعب بالعرايس وكانت حريفه جدا وما بخاف من خشونه اللعب.
لما رجعت السودان لاقيتها وسلمت عليها وكانت آخر أنوثه,بالمعنى الحرفى للنعومه واللين والغنج..طبعا إندهشت لأنو فى ذهنى مازالت تلك الصوره التى رسمتها لنفسها عندما كانت صغيره..
-------------
لما طلعنامن السودان كان فيهو محمد ولد,لما رجعنا لقينا حماده بت...!!!!
مودتى
|
Post: #156
Title: Re: "بعض" النساء .. ونشـوة الأعماق
Author: رأفت ميلاد
Date: 12-14-2007, 11:47 AM
Parent: #152
Quote: أشراقه تحياتى
الجماعه زاغوا ....
عفيت منك.. |
هسة يا محمد مكى الزول كان داير بس يشرب قهوة لا حتى كان داير يجى يشحت ليه طايوقة بعد الكلام ده البجيبو شنو | Quote: رأفت الاعماق راحت فى حق الله وبقيت فى التحلك اها الارشفة على وشك ويكون كويس كان اترجيت بكرى يجره باعماقة وشوكة لسنتنا الجديدة لسه كلامى ماكمل... يحلكم الله عاد امانة ماشبكة وعكليتة وبالى طوييييييييييييل |
برضو الزول كان خاف شوفو ليهو عزر ... ولا شنو ؟
|
Post: #157
Title: Re: "بعض" النساء .. ونشـوة الأعماق
Author: محمد مكى محمد
Date: 12-14-2007, 12:28 PM
Parent: #1
| Quote: هسة يا محمد مكى الزول كان داير بس يشرب قهوة لا حتى كان داير يجى يشحت ليه طايوقة بعد الكلام ده البجيبو شنو |
طق طرق يا بن.....
خلينى النعدل الراس..
ونحصل الترماى....
وبى شمالوا فنجان جبنه بى شمالوا..
أنا هسع بشرب فى القهوه ومبسوط بسطه
قال شنبات قال
حأرسل ليك ماخ 3 بال DHL .
|
Post: #159
Title: Re: "بعض" النساء .. ونشـوة الأعماق
Author: رأفت ميلاد
Date: 12-14-2007, 08:09 PM
Parent: #157
Quote: طق طرق يا بن.....
خلينى النعدل الراس..
ونحصل الترماى....
وبى شمالوا فنجان جبنه بى شمالوا..
أنا هسع بشرب فى القهوه ومبسوط بسطه
قال شنبات قال
حأرسل ليك ماخ 3 بال DHL . |
والله يا محمد مكى لا منك ولا كفاية شرك
ياخى "الزول" المعنى فى المداخلات دى كلها واااحد
داير تلف على الكلام مالك .
أنا كنت قاصدو هو .. أنا لا قلت عوين ولا حريم .. أنا قلت نسوان ودافعت عليها .. لكن من الليلة دى فقط حرم "إمرأة .. ونساء"
ودى إالتزام منى .. أها شيل شيلتك أنت وصاحبك دخلك معاهو عديييل ..
أقرا كلامو سمح ..
أعماق شنو سويتوها خل .. الله يجيبك يالأرشفة
|
Post: #158
Title: Re: "بعض" النساء .. ونشـوة الأعماق
Author: عمر سعد
Date: 12-14-2007, 05:30 PM
Parent: #1
Quote: لا حولااااا ده كلو فى عمر سعد
ياخى ده أسد علىّ بس .. شبهتيه بشهريار ساكت .. |
يا خوى رافت القال الكلام دة لى منو الكلام ليك يا المنطط عينييك صاحب
البوست .....................................
انا عندى نقة (عوين) مع الدكتورة اما امنة مختار دى ما عندى معاها اى حوار
تانيا انا كنت غايب من البورد دة واللة الشغل والقراية بتاعت الكبر هههههه
وحاجات تانية حاميانى خلتنى ما انتبة للبوست دة وبوستى بتاع الشحدة ....
اها قلتى لى دايرة تعرفى قصدى بعوين دى شنو العوين كل من عاون الاخر فى ان
بفقد توازنة باى صورة من الصور .........................................
طيب لمن تفتحو بوستيكم انتى ورافت عنهم بجيكم بمهلة (مهلة دى مش قرية فى جزيرة)
يا ود مكى بطل الشمارات والحريش خلى قهوتك دى وانتة شكلك رايك من راى بس خايف
ههههههههههههههههههههههههههههههههههههههههههههههههههههههههههههههههههههههههههه
رافت وين مرقتو الليلة ...................................................
مرقتة مع عوينتك ولا شنو ؟
|
Post: #160
Title: Re: "بعض" النساء .. ونشـوة الأعماق
Author: رأفت ميلاد
Date: 12-15-2007, 12:24 PM
Parent: #158
والله يا عمر سعد رديت عليك مداخلة طول وعرض
وين ما راحت .. ما عارف
فشيت مغصتى فيها كلها وما مستعد أبدا أعيدا
خطوطا العريضة
1- إنت مفترى وعينك قوبة ولا ما عارف مصيبتك لسة
2- لبعة محمد مكى فى التنك .. درابو طششنا ياخ
3- مصيبتك بقت محلية .. "المرأة" العندى فى البيت قرت كلامك وكان سمعت صوتا فى التلفون أقفل الخط وأنا ما مسئول .. مش قلت ليك أنا مؤدب من منالهم
|
Post: #161
Title: Re: "بعض" النساء .. ونشـوة الأعماق
Author: عمر سعد
Date: 12-15-2007, 02:18 PM
Parent: #160
والة يا ود ميلاد
عوينتك تخليك تغسل المطبخ تفش غلك فينى انا المسكين دة انا ذنبى شنو انت عينك للدكتورة قصدى الفيل تطعن فى ضلو
عارف يا رافت رجوع للاعماق : من جعل العوين يغطسن فى هذة الاعماق انها سذاجة الرجال وطيب الخاطر ادى الى انعكاس
جعل العوين يغطسن ونحنا نطفح فوق والطفيح للسمك لمن تضربو كهرباء بطفح انحنا ما ماس كهرباء عديل هل هو احساس بالظلم الكتير
تجاههم ام هو (دق الاضينة واتعذرلو ) لية ما نطفحسوى او نغطس سوى اسع بقى فى حاجتين حاكمين ومحكومين نساء ورجالا
اها الاوائل ديل مغطسين حجرنا نحنا الاتنين وفيهم نساء المصيبة ....اذا المسالة مسالة حومة ومحكومين
لادخل للجنادر او (الجرادل) اى دخل فىالصراع دة ...................................................................
|
Post: #162
Title: Re: "بعض" النساء .. ونشـوة الأعماق
Author: Ishraga Mustafa
Date: 12-15-2007, 02:30 PM
Parent: #161
غايتو ياعمر يا اخوى ماعاوزة اعكر مزاج يومى ده لانو الاحساس بيهو مابيتكرر
خلينى اتعكر وبجى بتم العكرة هنا
قلت لى كلام بقولوا منو؟
ازيكم
___________________________________
والله يارأفت جابنى راجعة جنس الكلام العجيب ده مفروض مداخلتى الفاتت تكون القفلة للسنة وللاحزان
|
Post: #165
Title: Re: "بعض" النساء .. ونشـوة الأعماق
Author: Mohammed Tirab
Date: 12-15-2007, 03:40 PM
Parent: #162
حلّق البوست
وطاف بالنون
كل الآفاق
بعد ذلك ,,
دنا وتجلّى,,
ثم هوى
وتولّي
غار بفعل النون
وموج عشق "راء"المجون
ثم غرق في .....نشوة الاعماق
|
Post: #183
Title: Re: "بعض" النساء .. ونشـوة الأعماق
Author: رأفت ميلاد
Date: 12-18-2007, 05:28 PM
Parent: #165
Quote: حلّق البوست
وطاف بالنون
كل الآفاق
بعد ذلك ,,
دنا وتجلّى,,
ثم هوى
وتولّي
غار بفعل النون
وموج عشق "راء"المجون
ثم غرق في .....نشوة الاعماق |
هو داب غرق يا دكتور .. الله بس يدى العافية
|
Post: #164
Title: Re: "بعض" النساء .. ونشـوة الأعماق
Author: عمر سعد
Date: 12-15-2007, 03:38 PM
Parent: #1
قالت الدكتورة
غايتو ياعمر يا اخوى ماعاوزة اعكر مزاج يومى ده لانو الاحساس بيهو مابيتكرر
خلينى اتعكر وبجى بتم العكرة هنا
قلت لى كلام بقولوا منو؟
يا دكتورة كيفك فى الاول مين العكر ليك مزاجك دة ان شا اللة ما يعكر مزاجك كنتى كويسة مالك ؟
اكيد الضحية والريفت فالللى معكرة مزاجك ههههههه
|
Post: #167
Title: Re: "بعض" النساء .. ونشـوة الأعماق
Author: AMNA MUKHTAR
Date: 12-16-2007, 10:31 AM
Parent: #1
| Quote: انا عندى نقة (عوين) مع الدكتورة اما امنة مختار دى ما عندى معاها اى حوار |
ليه ياخ..انا كنت قايلة نحنا ( أخوان)..
|
Post: #168
Title: Re: "بعض" النساء .. ونشـوة الأعماق
Author: عمر سعد
Date: 12-16-2007, 03:47 PM
Parent: #1
| Quote: ليه ياخ..انا كنت قايلة نحنا ( أخوان).. |
هذا ما قالتة االاخت امنة مختار
كنت خايف من الفهم الخطا ؟ وحصل
الكلام دة موجة لى ود مكى وهو بيحاول يحمش النيران وبيحاول يقول انك انتى بتناكفينى عشان ارد
عليك لكن قلت ليهو انا وامنة مختار ما عندنا (حوار) بمعنى هى ما وجهت لى كلام مش ما داير اتحاور معاك
ودة القصد من كلامى اوكى اخت عزيزة ولك الود والاحترام
وارجو ان يفهم كلامى فى هذا السياق وان فهم فى غيرة لك العتبى حتلى ترضى
|
Post: #169
Title: Re: "بعض" النساء .. ونشـوة الأعماق
Author: محمد مكى محمد
Date: 12-16-2007, 06:08 PM
Parent: #1
Quote: الكلام دة موجة لى ود مكى وهو بيحاول يحمش النيران وبيحاول يقول انك انتى بتناكفينى عشان ارد
|
انتوا مكنات الحلاقه لسه ما وصلتكم?
أمشى أراجع ناس ال DHL ....
لأنوا شايف لسه فى باقى شعر فى شناباتكم..
---------
عمر سعد ...ماهو طعم اللبن الحامض???
دحين ما هو والروب واااااحد?
رأفت قال زبادى...
-------
أمونه الحكيمه...السلاد لسه نص إستوى ...
|
Post: #172
Title: Re: "بعض" النساء .. ونشـوة الأعماق
Author: رأفت ميلاد
Date: 12-17-2007, 05:35 PM
Parent: #169
Quote: انتوا مكنات الحلاقه لسه ما وصلتكم?
أمشى أراجع ناس ال DHL ....
لأنوا شايف لسه فى باقى شعر فى شناباتكم..
---------
عمر سعد ...ماهو طعم اللبن الحامض???
دحين ما هو والروب واااااحد?
رأفت قال زبادى... |
صاحبك بدا يجر واطى
وأمونة قالت دايرة السلات طازج فى ديم عرب
ده معناهو لحمة جمبها ساطور .. وسكينة
مسكين .. كان صغير وجاهل
|
Post: #174
Title: Re: "بعض" النساء .. ونشـوة الأعماق
Author: Ishraga Mustafa
Date: 12-17-2007, 05:56 PM
Parent: #172
فاطى سطرى ليه يارأفت؟ ملك مداخلتى ديك ماشايفة؟
___________________________________________________
انا زى الكديسة لمن ادور اشاكل بقول للفار اقصد للزول مالك مكتحنى؟ انت ذاتك حسع مكتحنى مالك؟ اخونا عمر ده ماتعملوا سبة جاوب وبعدين بجىء لقصة العوين دلى وماتنسى ترسل ال 45 يرو
|
Post: #176
Title: Re: "بعض" النساء .. ونشـوة الأعماق
Author: رأفت ميلاد
Date: 12-17-2007, 10:22 PM
Parent: #174
| Quote: فاطى سطرى ليه يارأفت؟ ملك مداخلتى ديك ماشايفة؟ |
منو القليك فطيتا .. مستنين الجقلبة ..
إنتى مالك تفطى الفيل ونازله فى الفيران انا زى الكديسة لمن ادور اشاكل بقول للفار اقصد للزول مالك مكتحنى؟ انت ذاتك حسع مكتحنى مالك؟ اخونا عمر ده ماتعملوا سبة جاوب وبعدين بجىء لقصة العوين دلى وماتنسى ترسل ال 45 يرو برسلا بفوائدها بس شوفى لى الجماعة العملوها صور وداك اللسة بتنبر
قال كتاحة قال
|
Post: #170
Title: Re: "بعض" النساء .. ونشـوة الأعماق
Author: عمر سعد
Date: 12-16-2007, 06:12 PM
Parent: #1
Quote: انتوا مكنات الحلاقه لسه ما وصلتكم?
أمشى أراجع ناس ال DHL ....
لأنوا شايف لسه فى باقى شعر فى شناباتكم..
---------
عمر سعد ...ماهو طعم اللبن الحامض???
دحين ما هو والروب واااااحد?
رأفت قال زبادى... |
|
Post: #171
Title: Re: "بعض" النساء .. ونشـوة الأعماق
Author: AMNA MUKHTAR
Date: 12-17-2007, 12:44 PM
Parent: #1
| Quote: وارجو ان يفهم كلامى فى هذا السياق وان فهم فى غيرة لك العتبى حتلى ترضى |
يا أخوى الله لا جاب العتب..انت مالك قلبتو جد؟!
أخونا محمد مكى ..انت عارف السلات نحنا بناكلوا ملهلب من الجمر
لكن جماعتك ديل رأفت وعمر سعد ..من كبار أنصار المرأة فى المنبر
ما يغرك الكتيح دا.
عشان كده لو لاحظت جندريات المنبر بعاينو للبوست ده من بعيد بعيد ..
ولم يعلنوا عليه الحرب...الا هزارا..
|
Post: #173
Title: Re: "بعض" النساء .. ونشـوة الأعماق
Author: محمد مكى محمد
Date: 12-17-2007, 05:52 PM
Parent: #1
أخيرا...
رأفت بدون شنبات...توجد صور..قريبا
|
Post: #175
Title: Re: "بعض" النساء .. ونشـوة الأعماق
Author: محمد مكى محمد
Date: 12-17-2007, 06:13 PM
Parent: #1
|
Post: #177
Title: Re: "بعض" النساء .. ونشـوة الأعماق
Author: Muna Khugali
Date: 12-17-2007, 11:22 PM
Parent: #175
ده واحد منام خروف كده موزعاهم للأحباب..
كل سنه وانت طيب يا رأفت وزوارك...
عمر سعد اوعاك تاكل مراره ..
|
Post: #178
Title: Re: "بعض" النساء .. ونشـوة الأعماق
Author: عمر سعد
Date: 12-18-2007, 00:12 AM
Parent: #1
الاخت منى
اوعك تاكل مرارة يا عمر
موضوع المرارة طرشق وح ااعيد فى الدوحة
كيفك سلام اها خرفان لنن كيف بتكلمو انجليزى
فى شربوت ولا لا
|
Post: #179
Title: Re: "بعض" النساء .. ونشـوة الأعماق
Author: kamal ali
Date: 12-18-2007, 00:42 AM
Parent: #1
العزيز ود حلتنا رافت
تحياتى وكل سنه وانت طيب ( كل الاعياد _ ضحيه وميلاد وراس سنه واستقلال )
شايف الموضوع سخن شويه بالرغم من كل الحميميه الموجوده .
عشان كده انا عايزك يارافت تغير العنوان ليصبح ( بعض ..الاناث ... ونشوة الاعماق )
فليست كل امرأه أنثى ولكن كل انثى امرأة . وحتى ترضى كل انثى فى المنبر اصابها
الزعل من كلمات مثل عوين ومره ونساء وقبل ماعمر سعد يقول ليك جدو قاليهو (الجماعه)
مع اكيد محبتى للجميع ,,
|
Post: #180
Title: Re: "بعض" النساء .. ونشـوة الأعماق
Author: محمد مكى محمد
Date: 12-18-2007, 01:00 AM
Parent: #179
أخوك كان حلقوا ليهو....بل راسك
| Quote: فليست كل امرأه أنثى ولكن كل انثى امرأة |
Quote: الزعل من كلمات مثل عوين ومره ونساء وقبل ماعمر سعد يقول ليك جدو قاليهو (الجماعه)
|
ياخوى براك جيت مدردق نفسك
0000000000
|
Post: #181
Title: Re: "بعض" النساء .. ونشـوة الأعماق
Author: عمر سعد
Date: 12-18-2007, 02:04 PM
Parent: #1
الاخ كمال سالم
اولا لم اتى بمصطلحات جديدة وما سمعتة من جدى او حبوباتى موجود ومطروح فى (السوق)
اولا كلمة عوين ان لست بمخترعها وكلمة جماعة لست بمخترعها
دة كلام موجود عشان كدة جات نشوة الاعماق انو الكلام دة يتحذف
واللة العوين والجماعة كانو من افضل النساء ولم يشعرو باضطهاد او كذا انما هى لعنة الفرنبة
انما المصلحون الجدد هم من غطسو فى الاعماق ويريدون ان يمسحو تاريخ طويل علريض موجود
حتى على مستوى (بنات الزمن) يرغبن فى عوننة وجعمه انفسهم دون الشعور بالخذلان
انها نشوة الاعماق كما يقول صديقى رافت ميلاد
من اراد ان يكتب راية فليكتبة دون ان الالتفاف حول كلمات الاخرين وتظليلها ..................
|
Post: #182
Title: Re: "بعض" النساء .. ونشـوة الأعماق
Author: Ishraga Mustafa
Date: 12-18-2007, 04:17 PM
Parent: #181
Quote: اولا لم اتى بمصطلحات جديدة وما سمعتة من جدى او حبوباتى موجود ومطروح فى (السوق)
اولا كلمة عوين ان لست بمخترعها وكلمة جماعة لست بمخترعها
دة كلام موجود عشان كدة جات نشوة الاعماق انو الكلام دة يتحذف
واللة العوين والجماعة كانو من افضل النساء ولم يشعرو باضطهاد او كذا انما هى لعنة الفرنبة
انما المصلحون الجدد هم من غطسو فى الاعماق ويريدون ان يمسحو تاريخ طويل علريض موجود |
صاح يا عمر اخوى ...... ولكن!!
كل سنة وانت طيب واسرتك بخير
|
Post: #184
Title: Re: "بعض" النساء .. ونشـوة الأعماق
Author: عمر سعد
Date: 12-18-2007, 06:40 PM
Parent: #182
صاح يا اشراقة اختى ولكن ايضا
كل الامانى الحلوة لك والاسرة الكريمة (واصل )والبنية مشروع العوينة نسيت اسمها منو هى طيبة برضو
اية النيو لوك بمناسبة العيد دة ؟ ولا لسة انتو عيدكم بتسمعو بيهو سمع
الناس معظمهم فى السودان مضحية دجاج وسمك بخت ناس الموردة اللة نصرهم فى النهاية
دة نقاش طويل وعريض داير ليهو قعدة وزمن عشان يتكمل
|
Post: #185
Title: Re: "بعض" النساء .. ونشـوة الأعماق
Author: Ishraga Mustafa
Date: 12-18-2007, 07:31 PM
Parent: #184
البنية اميرة حياتى اسمها مرافىء ياعمر يا اخوى
اشترينا الليلة ملابس العيد والهدايا وكراع خروف
وبرنامج العيد بيبدأ من بكرة ويستمر حتى الاحد
سينماوبرامج أطفال مع سودانيين وناس من كل انحاء العالم..
أها بتى دى باى حال من الاحوال مابتكون مشروع {عوين} الطريق ممهد ليها تعرف حقوقها الانسانية وترسخ لقيمتها...
________________________________________________________________________________
ومع كل ذلك برامج العيد ماعندها طعم الا فى السودان، ساعة ابوى يفرحنا بطلته البهية
|
Post: #186
Title: Re: "بعض" النساء .. ونشـوة الأعماق
Author: محمد مكى محمد
Date: 12-19-2007, 01:06 AM
Parent: #1
أخواتى أخوانى العزيزات والأعزاء
كل عام وأنتم بخير جميعا بمناسبه كل الأعياد والسنه الجديده..العفو والعافيه كان هزارنا تقل على قلب زول فيكم..لكن واحتكم كان بى قلب صافى ,تكبروا تنسوا والعاقبه عندنا فى المسرات..
ودى واحترامى..
===========
يا رأفت أنا مسافر أعيد مع الأسره..أفتح الماسنجر أيام الأعياد..سلامى للعائله الكريمه
|
Post: #187
Title: Re: "بعض" النساء .. ونشـوة الأعماق
Author: رأفت ميلاد
Date: 12-19-2007, 12:14 PM
Parent: #186
الحبيبات النونات لى حدهن
أمهات .. وزوجات .. وأخوات .. وبنات
أخص هنا زائرات الأعماق
منى خوجلى
عواطف ادريس اسماعيل
إشراقة مصطفى
نها محسن أبورأس
آمنة مختار
تراجى مصطفى
صفية محمد
سلمى صبحى
نادية عثمان
ماجدة عوض خوجلى
الأخوة والزملاء الأعزاء أعاده الله عليكم وأهلكم بكل الخير والعافية
|
Post: #188
Title: Re: "بعض" النساء .. ونشـوة الأعماق
Author: عمر سعد
Date: 12-19-2007, 01:03 PM
Parent: #1
وكل سنة وانت طيب يا رافت بمناسبة عيد الكريسماس والميلاد والاضحية وراس السنة
وكل الذين غطسو الى الاعماق ابان شنبات فى الاول ودالمكى (العفو والعافية)
والاخوات فى التانى دكتورتنا الرهيبة
امنة مختار مجننة ود القريش
منى خوجلى اخر مزاج
عواطف اسماعيل ......................
نشوف الاعماق دى كيف بعد ناكل اللحم ونشرب شربوت واللة شارب شربوت الان خطير بشكل شربوت عنب اول مرة اشوفو
ولحم خروف سورى يديك العجب الما اكل لحم الخرفان السورية ما ااكل ما تفكوها فينا وتقولو خرفان سودانية اشاعة ساكت
وعندنا معايدة فى نادى الغزال الساعة 6 وحفلة ومسرح اطفال وحاجات حلوة كدة اى زول فى الاعماق يطفح ويجى مرحب بيهو
|
|