معـركة التســجيلات .. بين المـــريخ والهــلال

إنتهى الدوري الممتاز بفوز الهلال بالبطولة للعام الخامس على التوالي
كأس السودان في خواتيمه
كل فريق عرف مواطن ضعفه وقوته
كل فريق بالتأكيد حدد المراكز التي تحتاج للدعم


معركة التسجيلات تطبخ الآن فوق نيران هادئة
وتحت الرماد وميض نااار

وياااااا خبر بفلوس بكرة يبقى ببلاش

التسجيلات تتطلب الشطب
ربما طالبت إدارات الأندية برفع سقف اللاعبين المسجلين بالكشوفات إلي ( 30 ) لاعباً
إن وافق إتحاد كرة القدم السوداني .. أو بالأحرى إن وافق كمال شداد

أرشح للشطب من المريخ ( رأي شخصي )
(1) صلاح الأمير .. لوفرة لاعبي الوسط بالمريخ
(2) علاء الدين بابكر .. لعدم الفائدة منه خارجياً
(3) التعايشة .. لوفرة المهاجمين بالفريق
(4) أمير دامر .. لكثرة إصاباتة وقلة مردوده

كذلك الإستغناء عن
(1) جان أبالو ( لبطء حركته رغم خبرته )
(2) اليقا ليتانا ( لعدم الفائدة منه نهائياً )
(3) إيداهور .. وفرة المهاجمين وعدم تواجد مهارة المراوغة

من المحترفين الإبقاء على باولينو البرازيلي
وربما إيفوسا لصغر سنه وإرتفاع لياقته
وبرجع

من الهلال ( أتوقع )* شطب كل من :
(1) معتز كبير .. بنزينو خلّص
(2) خالد جوليت .. لإخلاء مقعده في كنبة الإحتياطي
(3) عمار مرق .. عدم الفائدة وخوفاً من ( الإنبراش )
(4) أبوبكر الشريف .. وجود المعز وربما لتسجيل حارس أفضل

( أتوقع ) * كذلك رحيل
(1) كلاتشي
(2) قودوين
(3) يوسف محمد
وذلك للنجاح الذي حققه هؤلاء اللاعبين مما جعل العروض تنهال عليهم

داريو كان قصة طويلة .. الزول بقى جعلي إلا يودوه للموردة

* (أتوقع ) عشان ما يجي زول يكورك ويقول لماذا ترشح

ونواصل

خال معارك التسجيلات في العقد أو العقدين المنصرمين
قام الهلال بتسجيل هؤلاء اللاعبين من المريخ مباشرة ( مع التركيز على كلمة مباشرةً )
(1) عبدو الشيخ
(2) طارق جاديكا
(3) باكمبا
(4) إدوارد جلدو
(5) حمودة بشير
(6) علاء الدين ( يعني )

هؤلاء من أسعفتني الذاكرة بهم

أما المريخ فلا أذكر أنه سجل لاعباً من الهلال ( مباشرة )
ربما يكون اللاعب ( عاطف منصور )

ونرجع

نسيت ان أضيف للقائمة اللاعب المغربي الزنزوني
الذي سجله الهلال من فريق المريخ أيضاً

من القائمة أعلاه يتضح أن الهلال هو الأكثر خطفاً وهرولةً خلف لاعبي المريخ
على عكس ما تدعي صحافة الهلال من مطاردة فريق المريخ للاعبي الهلال



لذلك لا أستبعد أن يقوم المريخ برد هذه الديون للهلال خلال هذا الموسم

ربما بلاعب أو لاعبين
ربما
(1) إستعادة حمودة بشير
(2) تسجيل عمر بخيت .. رغم مستندات احمد الريح
(3) مهند الطاهر .. بدليل أن صلاح أدريس يريد التجديد رغم تبقي عامين من عقده خوفاً من ( الفسخ )
(5) خالد جوليت .. ليكون للمريخ مدافع في كنبة الإحتياط

وقد يطارد الهلال من لاعبي المريخ
(1) عبدالحميد السعودي .. لندرة بل إنعدام المهاجمين الوطنيين بالهلال
(2) صلاح الأمير .. مجرد إحساس ولعدم وجود لاعب وسط طويل القامة بالهلال

هذه مجرد إحتمالات .. لكنها قريبة جداً من الواقع

ونرجع

الهلال بكل تأكيد سيتعاقد على الأقل مع لاعب أجنبي آخر إضافة إلي النيجيري الحفيان أوليفاني
وذلك لأنه سيفقد ربما إثنين من النيجيرين الثلاثة
طبعاً داريو كان مافي زول رافع ليهو ضو .. وربما يعود بيتر جيمس بعد تعافيه


المريخ سيتعاقد مع ثلاث لاعبين أجانب على أقل تقدير
هذا إن حدث الإستغناء عن إيداهور أو إيفوسا إضافة لأبالو وأليجا ليتانا ..
مع بقاء باولينو البرازيلي
سيكون منهم مدافعيين .. لتدعيم دفاعه الذي يُعد أضعف خطوط المريخ وبدون إحتياطي .
ومهاجم سيكون مفاجأة التسجيلات و ( مفتاح ) هجوم المريخ 2008
ونتمنى ان يكون المدرب فرنسي والمهاجم من الدوري الفرنسي وصاحب إسم
فقد فشلت أغلب تعاقدات المريخ مع الأجانب .. ولا أظن أنهم سيفشلون هذه المرة


سنواصل

فقد المريخ جهود الخبير أتوفيستر بسبب تعاقده مع منتخب الكاميرون
المتوقع أن يفقد الهلال ريكاردو هيرون لظروف عائلية ( لو ما تكون دي حيلة من البرازيلي )
وربما ينجح الهلال في الإبقاء عليه

المريخ يضع على قائمة المرشحين
(1) سيدكو الألماني .. مدرب منتخب البحرين سابقاً
(2) باتريك ليونغ .. الفرنسي


وربما الزاكي بادو المغربي


نعيش ونشوف

الشكية لله


بوستك وصل 8 كولوم زول حللك ساى مافى
ممكن الناس تشوف ابقوتة وتجى داخلة


هضربة مهزوم فى شهر واحد 5 مرات..ووصيق قارى ومحلى
ياخى خليك انت عبد الباسط سبدرات ظاتو شامتو حمرت من الغلب
اصبر ياخى عندك كاس كبيرة جاية,,,,,
خيرها فى غيرها,,,

الهلال ممكن يسجل اول مشطوب للمريخاب والعام القادم
تتهافت عليه الفرق الاخرى,,,شرطا الا يكون عجوز مثل العجب

Quote: هضربة مهزوم فى شهر واحد 5 مرات..ووصيف قارى ومحلى

أبقووووووتة
أول حاجة مبروك عليكم الممتاز للعام الخامس
وييين يا الحبيب .. شايفك غائب .. إن شاء الله خير
قلت لي وصيف قاري ومحلي ؟؟
طيب
المحلية دي أصلو حقتكم .. من الله خلق الهلال ( لو ) حقق حاجة بتكون محلية

نحن وصيف قاري .. إنتو الوصافة ما لميتو فيها
آخر وصافة قارية ليكم كانت متين ؟؟ ( ام سنينة )
هسي أحسن وصيف الكونفدرالية ولا بطل الدوري الممتاز ؟؟ أمرق النصيحة يا ابوقوووووتة

قلت لي هضربة ؟؟
طيب إنت يا المابتهضرب
قول لي خلال عشرين سنة المريخ سجل مين من لاعبين الهلال ؟؟

يمكن تقول صلاح إدريس بهضرب يا أبو قوتة .. كده ممكن أصدقك والله
سمع أضاااااااني دي من تلفزيون النيل الأزرق وبعضمة لسانو قال :
ريكاردو عندو مشاكل أسرية وظروف عائلية وبنحاول نحلها ليهو .
وقال كمان إنو قعد مع مهند وقال ليهو عاوزين نجدد ليك يا مهند
مهند قال ليهو كيف تجددو لي يا ريس وانا الباقي لي سنتين
قام صلاح إدريس قال ليهو : عارفين باقي ليك سنتين بس برضو عاوزين نجدد ليك
زول عقدو باقي فيهو اكتر من النص .. بجددو ليه .. بدون سبب ؟؟

هسي بعد الكلام ده امانة في ذمتك البهضرب أنا ولا صلاح إدريس ؟؟



ونرجع للسؤال وأووووووعك تعمل فيها نايم

الهلال سجل من المريخ ( حسب ذاكرتي الضعيفة )
عبدو الشيخ .. جاديكا .. باكمبا .. إدوراد جلدو .. الزنزوني
حمودة بشير .. علاء الدين يوسف

ديل براهم ثلاثة أرباع التشكيلة .. صح ؟؟

من هم اللاعبين اللذين سجلهم المريخ من الهلال خلال هذه الفترة ؟؟؟؟؟؟
أتمنى تجاوبني ما تمشي تعديها كلها تنظير .. عاوز جواب صرييييييييح
تقول لي المريخ سجل من الهلال فلان وفلان وفرتكان .. زي ما أنا رصيت ليك الجماعة ديل

تحياتي

دهـ من الفرن


ولك تحياتي

ود المايقوما
سلاااام
شكراً على رفد البوست بهذه القصاصة

بس العاوز أعرفو انا
الهلالاب ديل ماسكين ليك .. المريخ عاوز لعيبة الهلال
المريخ يطارد اللاعب الفلاني .. المريخ يخطف اللاعب الهلالي
جبنا ليهم سبعة أو تمانية سجلوهم من المريخ

اها السؤاااااااااااال
خلال عشرين سنة كم لاعب سجلهم المريخ من الهلال ؟؟
طبعاً أهم شئ ذكر الأسماء


عاوز زول يجاوبني

الاخ ود المايقوما:

المريخ اكمل اتفاقه مع عمر بخيت علي اساس : هل تسجيلة رسميا أم فرقعة اعلامية يلهي بيها جمهوره من الاحباطات المتسارعة والمتتتالية والتي لايكد يفيق منها حتي يواجه بأخري

هل يريد الوالي الاستمرار في الجلوس في كرسي الرئاسة علي حساب لاعبي الهلال

بي ياتو قانون حيسجل عمر

هل سيتم تفصيل قانون جديد عشان يسجل عمر بخيت


طيب افرض فصلوا القانون وعمر سجل للمريخ بما اوتي للمريخ من وسائل

وقامت الثورة والنفرة

وبعد عام من الان

عاد الوصيف لي وصافتو

حيقوموا يفكروا في لاعب صفقة تاني زي هيثم طمبل وعمر بخيت

دي لياقة شنو دي

انتو متين حتكونوا نفسكم وتبطلوا محاكاة وحب ما عند الجيران

القناعة كنز

ياخي ابالوا دا عيبو شنو

دا شنو دا

خلال معارك التسجيلات في العقد أو العقدين المنصرمين
قام الهلال بتسجيل هؤلاء اللاعبين من المريخ مباشرة ( مع التركيز على كلمة مباشرةً )
(1) عبدو الشيخ
(2) طارق جاديكا
(3) باكمبا
(4) إدوارد جلدو
(5) حمودة بشير
(6) علاء الدين ( يعني )
(7) سعيد الزنزوني .. مغربي

أها السؤاااااااااااال
خلال عشرين سنة كم لاعب سجلهم المريخ من الهلال ؟؟
طبعاً أهم شئ ذكر الأسماء

أبوقووووووتة وياااسر عبدالقادر
مالكم بتفطو السؤال ده .. مش سؤال وااااااااااااااااااضح
أنا عارفو سؤال حاااااااار وبكشف كضبكم وكضب إعلامكم
غلبكم تجاوبوهو ؟؟
تاني ما أسمع زول يقول المريخ بطارد ويسجل لاعبي الهلال ..
ولو سجلنا من حقنا مادام إنتو سجلتو سبعة من المريخ

علييييييييييييييييييييكم الله تجاوبوني .... سمح ؟؟؟