Post: #1
Title: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:41 AM
Parent: #0
|
Post: #2
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:52 AM
Parent: #1
إلى كل الذين سـجلوا مؤخراً
وما زالوا يحملون إحساس هــدهد سليمان
تعالو إلي هنــا
ليجــرح كل منكم قلمــه لنميّـز رائحة حبره
أو
ليمس كل منكم بقوسـه عصب الكمان حتى يشجينا بألحانه
دقيقــة
إحرصوا على تقديم أروع العروض فالعيون ترقبكم
وموسم فك التسجيلات شغال ربما ترعاكم شُـلة كبيرة
أجمل الأماني
|
Post: #3
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 05:04 AM
Parent: #2
الحــرف يثيـر متعــة الروح
أجعلــوا حروفكم مثيرة ولا تخجـلوا
بعض الحـروف لا تأتي أكلها إلا بكشف سيقانها
أجعلــوه سفور محتشــم
بعض الحروف شــفاء
أجعلوا حروفكم كإنسياب البُـرء في الروح العليـلة
دقيقــة
الموضوع لكل من يحس بالغربة في هذا الحوش
ولكل من يحس أنه يمتلك وعطــاؤه مسجون
بالتوفيـق
|
Post: #4
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 05:26 AM
Parent: #3
ده تكسيير تلج جمــاعي
بعد داك كلو واحد فيكم يكسـر تلجو براو
دقيقــة
إنتو لابدين وين ؟؟
أنا خلااص لسانى إنسلّ وتعبت
|
Post: #5
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 06:21 AM
Parent: #4
إنتـو عارفين الغلطـة ويين ؟؟
فى العنــوان على ما أعتقــد
يعني لو كتبتو :
مهرجااان الأعضاء الجُـدد .. توجـــد صـور
كان أحسن من
مهرجااان الأعضاء الجُـدد .. فرصة الرعاية مفتوحة
دقيــقة
كدي نشوف اللّزة دي بتجيب فائدة
|
Post: #6
Title: Re: مهرجااان الأعضاء الجُـدد .. فرصة الرعاية مفتوحة
Author: عبدالناصر معتصم
Date: 10-25-2005, 09:20 AM
Parent: #5
الاخ ثابت
لك التحيه
طيب ياخ انت ما عندك عصايه موسى(توجد صوره)....انا بنصحك تفتح بوست جديد و تلزق فيه عنوان اصفر "من الصحافة الصفراء" و بين قوسين توجد صورة, و ارقد قفاء و شوف عدد المتصفحين حيكونوا كم و عدد المتداخلين ما ادوك الدرب.
لك التحيه اخى
|
Post: #7
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 09:37 AM
Parent: #6
الأخ عبدالناصر معتصم
إنت عارف ؟؟ أنا أخدت مقلب كبير خلاص
أنا كنت فاكر ( مهرجااان ) دي براها كفاية
لكن لييك علىّ تاني ما بتمقلب
بعدين نحن ناس ( لنج ) هنا وعصاية موسى دي قلنا نلمها شوية عشان
لنا فيها مـآرب أخــرى
وبارك الله فيك قديت عين الشيطان
وإستفتاح من إبن حــلال
دمت بخيـر
|
Post: #10
Title: Re: مهرجااان الأعضاء الجُـدد .. فرصة الرعاية مفتوحة
Author: Eng. Mohammed al sayed
Date: 10-25-2005, 10:34 AM
Parent: #7
| Quote: لنا فيها مـآرب أخــرى |
أنت قاصد الأنا فهمتوا؟
***يانور علي نور***
إجعل في قلبي نور
إجعل في سمعي نور
إجعل كلامي نور
***وأحميني من نفسي***
|
Post: #14
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:14 PM
Parent: #10
| Quote: أنت قاصد الأنا فهمتوا ؟ |
وإنت فهمت الأنــا قاصـدو ؟؟
.
.
لكن عموماً يا محمد السيد
مقصـدي أبسط مما فهمت بكثير
لك كامل المودة
|
Post: #8
Title: Re: مهرجااان الأعضاء الجُـدد .. فرصة الرعاية مفتوحة
Author: فيصل نوبي
Date: 10-25-2005, 09:53 AM
Parent: #1
الاخ ثابت
تحياتي
هناك الكثيرين ممن تظهر تواريخ تسجيل جديده مقابل اسمائهم
ولكنهم اعضاء قدامي
الاعضاء الجدد قليلون جدا و قد لا يلمحو هذا البوست بسسب ( الصوره ) 
وهذه دفعه ايضا
|
Post: #9
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 10:14 AM
Parent: #8
Quote: هناك الكثيرين ممن تظهر تواريخ تسجيل جديده مقابل اسمائهم
ولكنهم اعضاء قدامي |
دي كيف دي ؟؟
يعني هسي إنت قديم ولا جديد
دقيقــــة
وين التهريجــــــــــة ؟؟؟
|
Post: #12
Title: Re: مهرجااان الأعضاء الجُـدد .. فرصة الرعاية مفتوحة
Author: محمد عيد الله
Date: 10-25-2005, 10:42 AM
Parent: #9
شكراً الاخ ثابت محمد.. اول مرة اشوف واحد يرحب بالقادمين الجدد... لكن نحن ما انتظرناهم ودخلنا توش!!!
فكرة
ايه رايك في رابطة بورداب اكتوبر2005
|
Post: #16
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:33 PM
Parent: #12
محمد عيد الله
التحيــة والإحترام
والله قلنا بدل ما الناس تتبهدل وتقعد تلف في الفاضى نقوم نعمل المهرجان
والناس القديمة تجي تحضر التمارين ويسجلو المبرزين
وأصحاب العروض الرائعـة
بس والله فكرة رابطة أكتوبر دي حلوة خاصة أنو أكتوبر شهر بطولات وثورات
وبعدين لو حصل أي نزاع فإنت كفيل بفضه حسب ما يظهر فى بروفايلك
لك الــود غير منقوص
|
Post: #17
Title: Re: مهرجااان الأعضاء الجُـدد .. فرصة الرعاية مفتوحة
Author: فيصل نوبي
Date: 10-25-2005, 04:40 PM
Parent: #9
ثابت يا لذيذ يا رايق :
طيب يا سيدي
عندك ناس غيرو اسمائهم من العربي للانجليزي
زي ديل بيبدو من الاول (صفرو ليهم العدادات)
في ناس كانو بيكتبو بي اسماء تانيه ( Nick Names )
برضو صفرو ليهم العدادات
و في ناس كانو مرفودين و رجعو باسمائهم الحقيقيه
و برضو من خط البدايه
تهريجة
يعني بالعربي برالمه بي سنونهم
اما اخوك حدث ولا حرج !!!
|
Post: #21
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 05:15 PM
Parent: #17
الأخ الظريف فيصل نوبي
يا سفن أب إنت
التحـية لمشاركاتك مع إخوانك البرالمة
شوف أنا بعرف شغل الحراج كويس
يعني أي عربية مصفرين ليها العداد أخوك بنقش سريع
أي ميتسوبشي مركبين ليها شبك أمامي بتاع بي إم دبليو برضو بتتنقش
العربات العلى الزيرو واااضحة مكينتها تنقط موية مش باريها دخان
بعدين أخوك خبرة فى الـ
دقيقـــة
شفت يا نوبي إنت بالتهريجــة ظريف كيف ؟؟
|
Post: #22
Title: Re: مهرجااان الأعضاء الجُـدد .. فرصة الرعاية مفتوحة
Author: فيصل نوبي
Date: 10-25-2005, 05:21 PM
Parent: #21
ثابت يا حريف !
اولا حكايه العربات دي مااا حريف فيها في البورد
و الا كنت نقشت منو الجديد و منو القديم براك
ثانيا
سفن اب دي ما غريبه علي و كأني اعرفها
تهريجة
فيدو ديدو
|
Post: #11
Title: Re: مهرجااان الأعضاء الجُـدد .. فرصة الرعاية مفتوحة
Author: وفاء تاج الدين
Date: 10-25-2005, 10:37 AM
Parent: #1
الاخ الفاضل ثابت
اولا بعتذر لتأخيرى..زى ما قلت إنت يا أخى إحرصو على تقديم أروع العروض
..
ودى من الحاجات الكنت بفكر فيها انه ما فى داعى للكتابه لو ماعندى موضوع يستحق الكتابه واكتفى بالمشاركة فى الموضوعات المطروحة لحد ما اجهز القوس لعصب الكمان.
وفاء تاج الدين
|
Post: #18
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:41 PM
Parent: #11
الأخت وفاء تاج الدين
ما تأخـر من أتى وبركة الجيتي
سنني أناملك وأحشدي أفكارك وستجديننا آذان صاغية
أعجني حروف لغة بنت عدنان وننتظر وجبة الروعة منك
بس قبل ده ما تنسي تزورينا هنا عشان الونسة
وفقك الله
|
Post: #13
Title: Re: مهرجااان الأعضاء الجُـدد .. فرصة الرعاية مفتوحة
Author: ناصر محمد خليل
Date: 10-25-2005, 01:11 PM
Parent: #1
الأخ ثابت ..
تحياتي لهذا البوست ..
وكما تلاحظ من تاريخ تسجيلي وعدد مداخلاتي فإنني جديد كرت كرتونة وأرجو أن تقبلوني عضوا معكم في رابطة البرالمة بالمنبر
في أي إقتراح ولا حاجة ؟؟
معلوماتي موجودة في البروفايل ..
|
Post: #19
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:51 PM
Parent: #13
الرائع ناصر محمد خليل
لك المـودة والـوداد
يازول مش إنت من خريجي أكتوبر ؟؟ يبقى عضو
خلينا فى الأول نلم الجماعة البرالمة كلهم ونوزع المهام
وأكيد ح نديك مهمة ، بس خلي نومك خفيف
وبرضو ما تغيب من الحتة دي
عشان إحتمال يجو مدربين كبااار يحضروا التمارين
نرجو عدم إهـدار هذه الفرصة
فى إنتظارك بكامل الحـب
|
Post: #15
Title: Re: مهرجااان الأعضاء الجُـدد .. فرصة الرعاية مفتوحة
Author: انتصار محمد صالخ بشير
Date: 10-25-2005, 04:30 PM
Parent: #1
الاخ الفاضل
ثابت
السلام عليكم ورحمة الله تعالى وبركاته
صدقنى يا اخى الكريم العبرة مش فى العنوان احسن حاجة تعملها
تعمل ليك شلة من الاعضاء الجدد وبعد داك تسوى ليك شوية كتاحة شديدة
ذى هبباى طوكر وتعال شوف البوست حقك كل يوم تجده فى القمة
مع امنياتى لك بالتوفيق
انتصار
|
Post: #20
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-25-2005, 04:57 PM
Parent: #15
الأخت الفاضـلة إنتصار محمد صالح
تحيــة ومقامك
والله أنا برضو قلت العبـرة مش بالعنوان .. خلينا نجرب
شوفي يا إنتصار
أنا أوعدك أعمل شلة من الأعضـاء الجُـدد
بس تعالي إنتي وريني الكتاحـة دي بعملوها كيف ؟؟
لك
باقة ورد معاها نهر عشان تشرب كل يوم
|
Post: #23
Title: Re: مهرجااان الأعضاء الجُـدد .. فرصة الرعاية مفتوحة
Author: nashaat elemam
Date: 10-26-2005, 02:16 AM
Parent: #20
الاخ ثابت
ياخي والله عجبتني فكرتك.. يعني شغال ترحب بي روحك برااااااك.. وكمان لامي معاك البرالمة وتشيلوا وتصفقوا لروحكم.. حقيقي فكرتك (عثل بث) ومن مداخلاتك
يا قريبك شكلك كده مولود بسنونك.. وانا بسجل معاك تضامن وشيك رعاية على بياض.. اخوك مسجل من بدري لكن زي سنه كامله كده نسى الموضوع.. ويادوب
مكن الجاز بدأ يسخن.. يلا يا زول في انتظارك وانتظار كل جميل منك
|
Post: #24
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-26-2005, 04:37 AM
Parent: #23
نشأت الإمــام
من أرض المحنــة ومن قلب الجزيرة
وليت وقتي يسعدني
أشق صدر الأشواق من لسان كبري حنتوب مروراً بالدباغـة
ويلاا طواااالي شرقاً
يحاذي الشوق ضفاف الأزرق الخصيب
ينثر العبير عن يمينه فيصيب رزازه أقاصي بركات ومارنجان
يجود بشماله حباً يغتسل فى المياه الزرقاء يروي عطش حنتوب وتخوم الملكية
يااااااه
أثِـرت فينا الذكرى
من علمني أن أقفـز للبروفايل حين يداخلني أحدكم ؟؟
نشــأت الإمــام
هــذه المدينــة أستدعيها من ذاكرتي بحاسـة الشّـم فقـط
شكراً نبـيلاً علي مرورك المعطــر
|
Post: #25
Title: Re: مهرجااان الأعضاء الجُـدد .. فرصة الرعاية مفتوحة
Author: nashaat elemam
Date: 10-26-2005, 05:00 AM
Parent: #24
ثابت.. لك الحب وأنت تلعثم لساني وذاك شأني دوماً حينما تشدهني انتباهة بالغة الروعة.. مثل حديثك الذي انسكب شهداً
وانثال عبيراً وأنت تستجدي من ذاكرتك هذه الصور المدهشة لمدينتي.. عروس المدائن ود مدني.. اواه لكم أعشقها هذه
الفاتنة.. هذه الأنثى الوحيدة التي لم أخنها في حياتي.. احبها حد العشق والوله والهذيان.. لها في القلب مكان لا يشغله
سواها..
ثابت. أثرت فيّ شجوناً كنت أكتمها عفاً.. ولكن لك مني هذه الأبيات لشاعر مدني مصطفى حاج عمر الزواوي:
مدني وهبتك كل عمري.. وهبتك ما حييت زمام أمري
ذكرتك والنوى يطوي ضلوعي.. وانت مسامعي ومدام سكري
فلن أنسى حدائق وارفات يغرد طيرها.. ويغني شعري..
ونيل زان عنقك واحتواك وخلد فيك ما يحلو ويغري
خمائل عند شطك ملهمات وتوحي بالغريض وفيا تسري
كسري الكهرباء لها دبيب تهز مشاعري وعمود فقري
|
Post: #26
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-26-2005, 10:00 AM
Parent: #25
الأخ نشأت الإمام
شكراً لك
لا أقرأ الآن غير الجمال ولا أسمع غير همس
شكراً لتلك الأنثى ( ود مدني ) ولرائحتها كل خريف
ونتمنى على الجميع تشجيع الجُـدد حتى لا يجدوا حرجاً من الولوج للحوش
وتقديم ما لديهم من روائع
.
.
كثيف المـودة
|
Post: #27
Title: Re: مهرجااان الأعضاء الجُـدد .. فرصة الرعاية مفتوحة
Author: محمد عيد الله
Date: 10-26-2005, 12:15 PM
Parent: #26
الاخ ثابت
شكرا على الدرر والجواهر والحاجات الحلوة دي .... بس ياخي
كفاك ترحيب وترطيب وخلينافي شهر البطولات دة ما يفوتنا
ولك الود كله
محمد عبد الله
|
Post: #29
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-26-2005, 11:49 PM
Parent: #27
محمد عيد الله
ســـلام
يلا يدي على يدك نبدأ المشــوار
أنا في إنتظارك
|
Post: #28
Title: Re: مهرجااان الأعضاء الجُـدد .. فرصة الرعاية مفتوحة
Author: انتصار محمد صالخ بشير
Date: 10-26-2005, 12:35 PM
Parent: #1
الاخ الفاضل
ثابت
السلام عليكم
والله يا ود امى كدى انت جهز الاعضاء الجدد الكتاحة دى اسهل منها مافى
واعقد بعض الجلسات مع الاعضاء واختيار الموضوع بسيط !!
مع تحياتى واحترامى
انتصار
|
Post: #30
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-30-2005, 04:10 AM
Parent: #28
شكراً إنتصـار
ونحن في الإنتظار
|
Post: #31
Title: Re: مهرجااان الأعضاء الجُـدد .. فرصة الرعاية مفتوحة
Author: Ahmed Mohammed Osman
Date: 10-30-2005, 04:26 AM
Parent: #1
مرحبتين حبابك
|
Post: #32
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 10-30-2005, 09:02 PM
Parent: #31
الأخ أحمد محمد عثمان
جزيل الشـكر على ترحيبك وحضورك الذي عطّـر المكان
.
مـودتي
|
Post: #33
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 11-20-2005, 04:29 AM
Parent: #32
أها يا جماعة قلتو شنو ؟؟
مافي زول من المخضرمين عاوز يدق صدرو
ويقول أنا لها
ويقوم ياخدنا في رحلة حول الحوش
.
إنتصار منتظرين كتاحتك
.
.
دقيقــة
إحساس غريب عندما تكون ( برلوم ) في الأربعين
|
Post: #34
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 11-27-2005, 11:23 PM
Parent: #33
فووووق
لحدي ما يجي واحد جديد يقول حاجة
أو واحـد مخضرم يقول برعــاكم
|
Post: #35
Title: Re: مهرجااان الأعضاء الجُـدد .. فرصة الرعاية مفتوحة
Author: سيد محمد احمد سيدنا
Date: 11-28-2005, 00:40 AM
Parent: #1
الاخ محمد ثابت
تحيانى كث ث ث ث ثير على ترحيبك بنا
وبالمناسبه انا اخر المسجلين وبلعب فى الوسط
وما شايف اى خانه فاضيه فى البرالمه خصوصا انكم
قلتو التسجيل لناس شهر اكتوبر المهم ماتنسو انو
لازم يكون عندكم احتياطى0
تحياتى وشكرى نيابة عن الجدد لو
كان بعدى مسحلين جدد0
ربنا يديم المعرفه
اخوك - سيدمسى
تنويه - دا اسم الشهره فى الملاعب
|
Post: #36
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 11-28-2005, 02:40 PM
Parent: #35
ســيد محمد أحمــد
إنت ناسي أنو في فترة تسجيلات تكميلية ؟؟
سيدمس
إتمـرّن معانا بنلقى ليك خانة 
حلوة مش كده ؟؟ طلعت موزونـة
يديك العافية وما تغيب
|
Post: #37
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 12-14-2005, 04:35 AM
Parent: #36
على أعتـاب الأرشـفة وحلول 2006
مازال الأعضــاء الجُـدد يبحثون عن موطأ قدم بين العمالقة
وقـد نجح الكثير منهم
فبعضهم ( لعيبة جاهزين ) وبعضهم ( محترفين )
.
.
من أجـل المستقبل
لا بــد من المدارس الســنية بسودانيزأونلاين
|
Post: #38
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 12-17-2005, 10:36 PM
Parent: #37
وما زالت جموع الأعضـاء الجُــدد تتوافد
زرافات ووحداناً على الحــوش
وما زلتُ أشعر بحاجتهم للتشجيع والمؤازرة
.
.
فمن ينبري لتك المهمــة ؟؟؟
|
Post: #39
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 12-28-2005, 04:22 PM
Parent: #38
تحية لكل الذين إنضموا للمنبر خــلال 2005
نتمنى أن يكونوا إضافة حقيقية للحوش
وإن يعم الســلام ويكون الهدف عطاءً في كل المجالات
والبعـد الكامل عن الخــلافات الشخصية والمهاترات
لنعيش في ســلام
فنحن نأتي هنا لنلتقي بالوطن الجميل
الحوش ملاذنا من ضغوط الحياة وحمى الغربـة
فأجعــلوه كذلك
|
Post: #40
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 01-01-2006, 04:54 AM
Parent: #35
|
Post: #41
Title: Re: مهرجااان الأعضاء الجُـدد .. فرصة الرعاية مفتوحة
Author: showgi idriss
Date: 01-03-2006, 05:13 AM
Parent: #40
أخوي ثابت
وحات خوتك برلوم بلعب في المصاطب
لكن الحكم ما عندك..!!
دا ممكن يحكم المباراة من المنصة!!
صفارة عينة... مشششش؟؟
أبوالشوش.. دا لقبى الرياضي
شوف لينا خانة( فيها يا مطفيها) عجبتك؟؟؟
|
Post: #42
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 01-09-2006, 07:17 AM
Parent: #1
|
Post: #43
Title: Re: مهرجااان الأعضاء الجُـدد .. فرصة الرعاية مفتوحة
Author: عصام الطيب حسن
Date: 01-12-2006, 06:00 AM
Parent: #42
الاخ ثابت
تحياتى و كل سنة و الجميع بخير
ذكرنى هذا البوست بحكاية ( استقبال البرالمة و توديع الخريجين ) ذلك التقليد السنوى فى الجامعات السودانية ....كواحد من البرالمة اسمحوا لى أن القى كلمة البرالمة هذا العام 2006 ( حتى يظهر من هو أجدد منى لينال هذا الشرف ) ....أجد المتعة اكثر فى الجلوس فى مساطب المتفرجين و استمتع باللعبة الحلوة و قد اساعد فى ( جيب الكور ) مرات .....
قد يشاطرنى الكثيرون من البرالمة اننا لازلنا (زغب الحواصل ) لذا نحتاج الى هذا النوع من الرعاية لذا ( اقترح افتتاح مدارس خاصة بالبرالمة ) تكون نواه لبورداب للمستقبل ...عشان نحل مشكلة تدهور مستوى الكورة
تحياتى
|
Post: #45
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 01-18-2006, 08:47 AM
Parent: #43
لا مــاء ولا شــجر
الأخ عصــام الطيب
خوالص المــودة
لا يا أخي نحن أمـة كاملة
سـنّن قلمك وأشحذ فكــرك وتعال للتمارين هنـا
ومكانك محفوظ في تشكيلة المبدعين
كلنا هنا جُـدد .. ولكن زالت الرهبـة الأولى
سـتتعود على الأضـواء بس إنت ألعب كورتك البتعرفا ...
|
Post: #48
Title: Re: مهرجااان الأعضاء الجُـدد .. فرصة الرعاية مفتوحة
Author: يحى حسين القدال
Date: 03-25-2006, 01:22 AM
Parent: #42
ياثابت يابطل
انا جاييكم من فريق Sunday و عايزكم تخلوني اجيب ليكم الكور من برة ، على الاقل اجري دمي شوية ما دا ياهو الفضل لينا ... وبعدين شنو يعني قاصر الترحيب دا على دفعة 2005 م يعني نحن موديل 2006 م " معدل " ما عندنا "موقف" معاكم و لا شنو؟
لك مودتي
يحى القدال
|
Post: #44
Title: Re: مهرجااان الأعضاء الجُـدد .. فرصة الرعاية مفتوحة
Author: يوسف السماني يوسف
Date: 01-13-2006, 11:37 AM
Parent: #1
الاخ /محمد ثابت
كل سنة وانت طيب
شئ من عبق الدواخل ينثر اريج الود علي بساط التواصل عبر اسير الحرف ,
دخلنا هذا الحوش بالرغم من قنابل الاقتتال الحرفي التي تدير معارك الافكار ولكن اليت لي نفسي
ان احاور العقول والافكار واناي الاسفاف في القول لنؤسس لمنبر حر معافي من امراض الانقسامات .
ولك تحياتي
|
Post: #46
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 02-20-2006, 11:55 AM
Parent: #44
مرحب بكل القادمين الجُــدد
معاً من أجل منبر مثالي
يفيض محبـة وســلام ووئام ونقاش مثمر
|
Post: #47
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 03-24-2006, 07:08 PM
Parent: #1
سلام من الساس للراس
وبعد شهرٍ ونيف
نقول مرحى بكل من أسعده الحظ بدخول حوش بكري
نتمنى منكم وعليكم أن تُسخِروا أقلامكم للخير والحق والجمال
طاب مقامكم
|
Post: #49
Title: Re: مهرجااان الأعضاء الجُـدد .. فرصة الرعاية مفتوحة
Author: أبوذر بابكر
Date: 03-25-2006, 01:41 AM
Parent: #1
العزيز ثابت
تحايا صباحية بطعم الجروف
وأحييك على مبادراتك الجميلة دائما
وما قاله بعض الزملاء هنا من أن كثيرين قد تغيرت تواريخ إنتسابهم للمنبر
صحيح تماما، وقد إقتضته بعض الأسباب
فأنا مثلا، يظهر تاريخ تسجيلى فى يوليو العام 2005 بينما أنا هنا منذ نهاية العام 2001 وقد تغير إسم الإشتراك مرتين حتى استقر على الإسم الحقيقى أخيرا وكل ذلك كان لأسباب وجيهة كما أراها
أجدد التحية ولك المودة
|
Post: #50
Title: Re: مهرجااان الأعضاء الجُـدد .. فرصة الرعاية مفتوحة
Author: ثابت محمد
Date: 05-02-2006, 03:52 PM
Parent: #1
مرة أخرى
نرحب بكل الذين إنضموا للمنبـر مؤخراً
نتمنى لهم إقامـة سـعيدة محبة وفائدة متبادلتين
نتمنى أن نقرأ إبداعهم وأن يستفيدوا من مبدعي المنبر
حبابكم عشــرة بلا كشــرة
|
Post: #51
Title: Re: مهرجااان الأعضاء الجُـدد .. فرصة الرعاية مفتوحة
Author: محمد خالد ابونورة
Date: 05-02-2006, 04:17 PM
Parent: #50
| Quote: بس إنت ألعب كورتك البتعرفا |
ذلك لعمري اجمل باص عام 2006
|
|
