Post: #1
Title: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 06:41 AM
Parent: #0
كلكم بدون فـرِز
عليكــم تقع مسئولية تجميـل أرواحنا
وزوايــا هذا الحوش
شوف ليكم حل أو أعملوا خُطة
بس تكون قصــيرة المــدى
منتظرين
|
Post: #2
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 06:49 AM
Parent: #1
النــداء موجّـه إلي :
المطربون ..
فنانون تشكيليون
ممثلون وممثلات ..
أُدبــاء وكُتّــاب
شــعراء وملحنون
ولكل من يحمل في كفه حِفنــة جمال فليرمنا بها
مللنا من السياسة والمهاترات
هذا زمانكم ووقتكم
أصنعوا لنا حياة جديدة
أخلِقوا فينا دواخل نقية
أمنحونا أيام برائحـة الياسمين
أبدعوا وتجلوا في ملكوت ارواحنا
نحتاجكم بشـدة
خوالص المــودة
|
Post: #3
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 08:07 AM
Parent: #1
علمونــا معني الحياة
علمونا كيف نهوى الجمال ونكـره القبح
علمونا كيف نتنفس ملء العشــق والمــودة
|
Post: #4
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 08:16 AM
Parent: #1
في إنتظــار الهطــول
نرفع أكفنا لسماوات كرمكم .. أن جمِّـلوا هذا المنبر
أمطرونا روعــةً
ولكم منا صـادق الوعـد أن نغتســل
منتظرين منكم هجمــة جميلة على كل المنبر
|
Post: #5
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 08:31 AM
Parent: #1
قائمــة المطلوبين امام محكمــة الجمال
الأســاتذة
يوسف الموصلي
خدر ( طارق أبوعبيدة )
تماضر شيخ الدين
محسن خالد
عماد عبدالله
فضيلي جماع
عبد القادر الكتيابي
منصور المفتاح
عجب الفيا
معتصم الطاهر
أبوجهينــة
.
.
.
و
لايزال البحثُ جارٍ عن كل من يستطيع إرتكاب جُرم الروعة
|
Post: #6
Title: Re: قبيــلة المبدعين بالمنبـر .. حضـرنا ولم نجـدكم
Author: محمد الأمين موسى
Date: 03-15-2006, 08:36 AM
Parent: #5
أخي المبدع الفاضل ثابت.. أسعد الله أيامك
المبدعون راغبون في الحضور ولكن خائفين من (جدّيع الكراسي والشتائم)..
|
Post: #7
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 08:44 AM
Parent: #6
محمد الأمين موسى
أول التبادي ســلاام يا رائع
كدي إنت اقعد هنا مع المبدعين ديل
إنت وأنا من حقنا نستمتع
وكان جا كُرسي طاير خليهو يقع في راسي أنا
كان خُفنــا من فِليــق الكراسي ما بتقوم لينا حفلة
أوعك تمشي
|
Post: #10
Title: Re: قبيــلة المبدعين بالمنبـر .. حضـرنا ولم نجـدكم
Author: tmbis
Date: 03-15-2006, 09:03 AM
Parent: #7
ثابت ..
سلامات ...
انادي اولا برفع هذا البوست .. فووووق برابط كبير عند مدخل عتبات هذا البورد ..
ثانيا..
للبورد فترات تتحكم فيه مجموعة محددة وإن كانت لا تحسب بعدد اصابع اليد الواحدة تكتب وتتفنن في التجريح ، وفي الاساءة ، وفي ساقط الكلام .. ويدعون الحكمة ، وبالمقابل تتوارى اقلام تزين هذه المساحة بجادة الحديث والحوارات المفيدة ، والمعلومة القيمة ـ المجموعة الأولى تتمادي في توصيل رسالتها إلى ان تصل مرحلة يمل منها الجميع ويصبح ما يأتون به من مواضيع متكرر وسمج تلقائيا يعتاد الجميع على مداخلاتها ومواضيعها .. وسرعان ما تتحول إلى مرحلة في ذاكرة هذه المساحة مثلها ومثل المسلسلات المتكررة التي تفضح عن مضمونها منذالحلقة الأولى ..
..
اتمنى عودة كل من يجملون هذه المساحة بالمعرفة ..
Quote: يوسف الموصلي
خدر ( طارق أبوعبيدة )
تماضر شيخ الدين
محسن خالد
عماد عبدالله
فضيلي جماع
عبد القادر الكتيابي
منصور المفتاح
عجب الفيا
معتصم الطاهر
أبوجهينــة
|
واضيف إلى هذه القائمة الجميلة ..
الاستاذة رقية وراق
ودكتور مصطفى مدثر
ورجاء العباسي
واماني الجندرية
الرحمابي
كبر
دكتور ابكر آدم
استاذ عاطف عبد الله
وملكة سبأ
..
والقائمة تطول
|
Post: #11
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 09:19 AM
Parent: #10
تمبس ؟؟
حتة واحدة ؟؟
ياخ لا
والله شوق لمن غلط يا علاء
يازول معناها أنا البوست ده لقيت ليهو زول يتولاهو
البوست ده مدروع في رقبتك يا علاء
تشوف تنقو تشوف راكوبة بكيفكم
نادوا الناس الجميلة وخلونا نتغير
كفانا مهازل وإسقاطات
بره الجك
إنتظرك ولا لا ؟؟
|
Post: #12
Title: Re: قبيــلة المبدعين بالمنبـر .. حضـرنا ولم نجـدكم
Author: Elmosley
Date: 03-15-2006, 10:14 AM
Parent: #10
ثابت والاهل هنا اكرر معكم النداء
تمبس الجميل
يعني عشان ابيت تجي خاشي بوست تاريخ الموسيقي السودانيه بين مطرقة معاويه يس وسندان الموصلي
(قايلني ماجيت)
بعدين ابقي فالح جيب عمر منصور الفنان جد هنا بدل يقعد يتلبد وراء الثلج
|
Post: #16
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 10:33 AM
Parent: #12
أســتاذ الروائع يوسف الموصلي
يغشاك الجمال وين ما تكون
دخولك أفرحنا وأنت أحد المطلوبين
على عاتقكم الكثير لتقوموا به
جمِّلونا حتى يغدو المكان جميلاً
أعتقد أن الجمال رسالتكم
مارسوه علينا .. بحق الأخــوة
خالص المودة
|
Post: #20
Title: Re: قبيــلة المبدعين بالمنبـر .. حضـرنا ولم نجـدكم
Author: tmbis
Date: 03-15-2006, 10:49 AM
Parent: #12
استاذ موصلي ..
مليون سلام ومنور المكان ..
لمحت البوست قبل فترة ، وكنت بعاني من النشاز والبوستات الزي دي يا استاذ حتى في القراية بتحتاج لي الاحساس المرتب خالص ..
..
ح اكون هناك في صفوف طلبة المعرفة ..
...
اتمنى ان تمتلي المساحة بيك وبالمزيكاتية ..
عمر منصور في آخر مكالمة بينا طلب عضوية بس الفترة الاخيرة مشغول حبتين
بس يا استاذ دي مسؤوليتك انو الناس المزيكاتية دي تكون هنا ...
ولنعيد للبورد سيرته الاولى
..
راجع الماسينجر الداخلي يا استاذ
|
Post: #80
Title: Re: قبيــلة المبدعين بالمنبـر .. حضـرنا ولم نجـدكم
Author: Omer Elsheikh
Date: 12-04-2006, 12:55 PM
Parent: #12
استاذى وصديقى العزيز ود القبايل
شكرا ليك كتير وانا حقأأسف علي التاخير لظروف خارجة عن إرادتى
تلميذكم
عمر منصور
|
Post: #28
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 12:35 PM
Parent: #10
Quote: واضيف إلى هذه القائمة الجميلة ..
الاستاذة رقية وراق
ودكتور مصطفى مدثر
ورجاء العباسي
واماني الجندرية
الرحمابي
كبر
دكتور ابكر آدم
استاذ عاطف عبد الله
وملكة سبأ
..
والقائمة تطول |
تمبس
قالو : أقدم منك بي بوست أعَرَف منك بي ميّة قيقابايت
نبصم بالخمسة على إضافتك
والخمسة التانية نرفع ليك بيها تعظيم سلام
خليك قريب
|
Post: #40
Title: Re: قبيــلة المبدعين بالمنبـر .. حضـرنا ولم نجـدكم
Author: نادية عثمان
Date: 03-15-2006, 10:41 PM
Parent: #6
النبيل محمد الامين موسى
| Quote: المبدعون راغبون في الحضور ولكن خائفين من (جدّيع الكراسي والشتائم).. |
طالما ان هذه الدار بها امثالك من النبلاء فلاخوف على المبدعين ولاهم يحزنون !!
كن فى الجوار ولن يصيبهم رشاش القنابل القاتلة ..!!
وكن بالف خير دوما
|
Post: #8
Title: Re: قبيــلة المبدعين بالمنبـر .. حضـرنا ولم نجـدكم
Author: عبد الله عقيد
Date: 03-15-2006, 08:48 AM
Parent: #1
الاخ ثابت محمد
لك التحية
وأكرر معك هذه الدعوة الجميلة
للمبدعين أن يضاعفوا جهدهم
لتجميل وجه البورد بإبداعاتهم
لك التقدير
|
Post: #9
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 08:56 AM
Parent: #8
عبدالله عقيد
التّجلة والإحترام
بس باقي أنا زول برلووم هنا أقعد معاي تم الرّصة بتاعة المبدعين ديل
ونضيف للقائمة
الشاعرة نادية عثمان
الشاعر عبدالله وداعة الأمين
.
.
البحث جاري
والإنتظــار أريتو ما يطول
|
Post: #19
Title: Re: قبيــلة المبدعين بالمنبـر .. حضـرنا ولم نجـدكم
Author: أبوذر بابكر
Date: 03-15-2006, 10:48 AM
Parent: #9
العزيز ثابت الهمام
ود وتحية ملونة
يعنى قصدك أنا مبدع
يا زول قول بإسم الله
الإبداع لغةً
Creation
هو الخلق والتكوين والإتيان أو إبتكار الجديد وبعد الجديد دى
فى حاجات كتيرة
أنا شخصيابكتب الحاجات البتكون فايره جوه مسامات الروح
عاد بعد داك يكون إسمها شنو، الله أعلم
كتر خيرك يا ثابت والله على إنك توسمت فينا الخير
أما عن الحضور
ففى أوقات بكون الأنزواء والإبتعاد أفيد شويه وأنجع
ومتى ما حصلت "فورة" من الفورات إياها، أكيد بتلقانا
وبينى وبينك كده، الوضع ما مشجع هنا الأيام دى
وغياب الصحاب ورفاق أزقة الكلام السمح برضه ليهو تأثير مو هين
حياك الخالق المبدع وغطاك وملاك عافية وسعادة
ومجددا ليك ود غزير
|
Post: #24
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 11:18 AM
Parent: #19
Quote: أنا شخصيا بكتب الحاجات البتكون فايره جوه مسامات الروح
عاد بعد داك يكون إسمها شنو، الله أعلم |
بعد داك تُسمى لغةً بالإبــداااع
Quote: وبينى وبينك كده، الوضع ما مشجع هنا الأيام دى
وغياب الصحاب ورفاق أزقة الكلام السمح برضه ليهو تأثير مو هين |
ومن هنا نسأل عنهم جميعاً
ونضيف للقائمة
جبــران صاحب المحـراب
أبوذر مازادك التواضع عندي إلا رفعــةً
أسكن فينا
لك ما تشتهي
|
Post: #13
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 10:18 AM
Parent: #1
ونضيف أيضاً
الرجل المُرهف أبوذر بابــكر
الشاعرة ( سـوما ) أسماء الجنيد .. أو رائحة الطمي
أيزابيــــلا .. نورس الجمال
عبير خيري .. عصفورة الجنة
و
و
تطــول القائمة ولا نمِــلُ الإنتظــار
|
Post: #14
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 10:25 AM
Parent: #1
نُضــيف كذلك
هشــام آدم
تيســير عووضة
إشـراقة مصـطفى
عُــزاز شـامي
ولا ننسـى .. الجمال المُصّــور
عصــام عبدالحفيظ
حســين ملاسي
|
Post: #15
Title: Re: قبيــلة المبدعين بالمنبـر .. حضـرنا ولم نجـدكم
Author: Muna Khugali
Date: 03-15-2006, 10:30 AM
Parent: #14
أنـاقلت أجـي وسط الزحـام.... أخـت الكـرسي بتاعي مع الجماعة..... وبعـديـن فجـأة اتلفت ليك وأسـألك...
وانت ذاتك اسـمك وينـو يا ثابت?
مـني
|
Post: #17
Title: Re: قبيــلة المبدعين بالمنبـر .. حضـرنا ولم نجـدكم
Author: munswor almophtah
Date: 03-15-2006, 10:42 AM
Parent: #15
حليل سودانا حق وشليل
وصندل فوق ضريره إنكب
حليل نخلاتو فوق القيف
وباص بالسيره جاها طلب
وجده تهاتى طول الليل
تحاحى القمره كم ترغب
وتسأل وين فلان فى السوق
وجوا حشاها نار ولهب
وجنوت فى الفريق كيمان
بفتلو من الأحاجى طرب
وواحدين فى الجروف دافقين
ومن نخلاتا عزقو رطب
وفوق سيالا سمبر راك
ووز فى حوضا عام وشرب
وصوت البو بجيك بالليل
وإلهث فوق تلاهو كلب
ومركب شارفه فوق النيل
قريب بحداها غزو هلب
وبى أطراف هجايع الليل
تجيك علاله ماسكه درب
جمال بالحرجل المعروف
وجردقه فوق رحلها تلب
وتسمع فى المقيل قوقاى
وبالا همو فات وذهب
وتقدل بالكبور عبران
وفوح روح المسك بتهب
وتسمع بدرى للآذان
وبتشوف للدروب بتدب
وديمه شغفنا بالسودان
ودايما ليهو نحن نحب
وفيهو إن شاء الله يوم بنكون
وليهو دوام نتوق ونشب
منصور
|
Post: #21
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 10:55 AM
Parent: #17
Quote: حليل سودانا حق وشليل
وصندل فوق ضريره إنكب
حليل نخلاتو فوق القيف
وباص بالسيره جاها طلب
وجده تهاتى طول الليل
تحاحى القمره كم ترغب
وتسأل وين فلان فى السوق
وجوا حشاها نار ولهب
وجنوت فى الفريق كيمان
بفتلو من الأحاجى طرب |
الأســتاذ منصور المفتاح
عليك الله هسي المقطع ده لو الواحد ببلع منو في اليوم ثلاث مرات
هل يبقى من قبحه شـيىء؟؟
السودان
ما أملتُ عيشاً في سواه ولا في غيره أرجو مماتي
ولكن للحياة بنا صروف فآآآه من تصاريف الحياة
منك تبدأ دفقات الجمال هنا
جزاك الله ألف خير
|
Post: #29
Title: Re: قبيــلة المبدعين بالمنبـر .. حضـرنا ولم نجـدكم
Author: خدر
Date: 03-15-2006, 12:45 PM
Parent: #17
ثابت يا فنان
ماتقول ماشفت البوست شفتو قبيييييييل والله
والله خجلاااان منو بوستكـ ده
لكن .. انا غايتو عندي قناعة
كل زول في الدِنيا دي فنان في الحاجة البعرف ليها
يبقي كلنا فنانيين
وانت نسيت ناس كتاااار والله
وفي ناس كتار فنانيين حردوا البورد زمان
خسارة كبيره والله
اما عني فشكرا لادراجي ضمن بند العطالة اعلاة 
ومعاكـ للطيش .. بس ( لقاء ) تديني فرصة شوية
|
Post: #35
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 06:35 PM
Parent: #29
خدر يا فنــان
يازول والله دخلتك براها بالدنيا أنت من رموز الجمال
أنا معاك كل زول فنان في الحاجة البعرفا
والدليل انو في ناس فنانين في قلة الأدب
وناس فنانين في إختلاق المشاكل
بس إنت فنان في قلمك وفي أحاسيسك وفي حنجرتك
عشان كده ما بنستغنى منك
لما ( لقاء ) تآخد ليها غفوة تعال لينا
| Quote: ومعاكـ للطيش .. بس ( لقاء ) تديني فرصة شوية |
أما الآن .. فإلي ( لقـــــاء )
|
Post: #18
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 10:44 AM
Parent: #15
مُنـى خُوجـلي
لحظــــــة من فضــــلك  
كل الأماني المُتـرفة وبقدر عليها وبعرفا
| Quote: وانت ذاتك اسـمك وينـو يا ثابت? |
والله ضحكتيني لما وقعت علي قفــاي
أنا فاتح ليك كنـوز ذهب وماس وجواهر
عينك في ده كلووو
مايعجبك إلا ( ثابت ) ريال الفضـة المِصقِّـر وحالتو بي البلا .. ده ؟؟
والله صحيح حُب الناس مذاهب
ويرزق المساكين في المجانين
خليك قريبــة فأنت آيــة من آيات الروعة
|
Post: #22
Title: Re: قبيــلة المبدعين بالمنبـر .. حضـرنا ولم نجـدكم
Author: munswor almophtah
Date: 03-15-2006, 11:01 AM
Parent: #18
ثابت يا ثابت سر الإبداع كركون سماح يا أبو السماح
سئمنا كركون سلاح وسر الليل وجئنا نغنى للسودان بدون عائد إلا من
جميل الكلم الذى يتساقط كما الرطب من تلك القلوب الرطبه دونما
نهز جزعها الثابت فى أرض الوفاء ويشملنا ظل فرعها الذى يعانق
عنان السماء فيا ثابت نتمنى أن نكون من زمرةالمبدعين الذينا حشرتنا
معهم وأمانى لك بالجميل وإنت عند الله جزاك
منصور
|
Post: #23
Title: Re: قبيــلة المبدعين بالمنبـر .. حضـرنا ولم نجـدكم
Author: Muna Khugali
Date: 03-15-2006, 11:09 AM
Parent: #18
كـلهم عجـبوني وأكـثر لكـن انت برضـو عاجـبني..فيها ايه دي?
انا مبسـوطـة اني ضـحكتك وانك لقيتني مـن المجـانين وزي المثل مابيقـول..
رزق الهبل علي المجـانين..
بس قبل ماأمشي رأيي ده خـليه ثابت هنا لأنه حـقيقة.....معليش مابعرف التحف الصـفرا المرسـومة دي بتجـيبوها مـن وين ..علشـان أرص منهم ليك.... لكـن هأسـأل تيسـير..
|
Post: #46
Title: Re: قبيــلة المبدعين بالمنبـر .. حضـرنا ولم نجـدكم
Author: عزاز شامي
Date: 03-16-2006, 08:50 AM
Parent: #14
الله! حته وحده تضمني لباقة المبدعين !
انا يا سيدي مازلت على باب الجمال انتظر الإذن بالدخول ...
وتكفيني نعمة توفر هذه النافذة لأقرا منها للمبدعين الحقيقيين...
بانتظار عودة طيور الابداع المهاجرة
وأن يغمرنا المتواجدون بمزيد من الجمال ...
دمتم جميعكم بخير
كل الود
|
Post: #56
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-21-2006, 03:13 AM
Parent: #46
الأخت الفاضـلة عُــزاز شـامي
أسعدك الله وأضحك أيامك
هكذا إن لم يسـتصحب المُبدع ( الحقيقي ) التواضع لقتله الغرور
التخلع اللاإرادي
سيب رسالة ... انا زهجانه!
شخصيات تدهشني!
مناجاة لراحل مقيم
حلفا! كيف تغمرك مياه و أنت السماء؟
بيحصل
كل هذا وعُــزاز المِحبــرة تُنكر الإنتماء لقبيلة المبدعين
عليه قررنا وبكامل قوانا العقلية وبحالنا المعتبرة شرعاً
تغير جملتها
| Quote: أنا يا سيدي مازلت على باب الجمال انتظر الإذن بالدخول ... |
لتصبح
أنــا يا سيدي بابُ الجمـال إنتظـر حتى أعطيــك الإذن بالدخول
كامل وخوالص المـودة
|
Post: #25
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 11:50 AM
Parent: #1
ونوشح صــدر المطلوبين لبهو الجمال
بالشاعر الرقيق : د. مُعِــز عمر بخيت
والفنان الشفيف : أحمـد العربي
.
.
لا يزالُ البحثُ مستمراً والإبداعات تَتْــرى
|
Post: #26
Title: Re: قبيــلة المبدعين بالمنبـر .. حضـرنا ولم نجـدكم
Author: ابو جهينة
Date: 03-15-2006, 12:06 PM
Parent: #25
ثابت
تحياتي يا زول يا زين
شكراً لإعطاءنا شرف الإنتماء لنسب هذه القبيلة الشماء ..
و لن نخيب ظنك بحول الله ..
إبق هنا .. فستجدنا في كنفك حاضرين ..
تمبس
يا زول شفقتنا عليك ..
ياخي ما تتصل .. تعال بس .. البيت قريب
أرقدوا عافية
|
Post: #27
Title: Re: قبيــلة المبدعين بالمنبـر .. حضـرنا ولم نجـدكم
Author: هشام آدم
Date: 03-15-2006, 12:19 PM
Parent: #26
Dear Mr. ثابت محمد
Thanks for including me, although I am not a creative at all, anyway, let me participate with my recent post here into your wonderful post
Quote:
مواعيد دوام الوردة
من الساعةِ الندى ... إلى أن يصبح ظل كل شيء مثله
ومن رحيل الطيور (تهادي الورق) ... إلى حلول الغسق
_____________
" فتّاح يا جميل "
أعرف سر انتفاخ الهواء المثلّج كل صباح ، وسر خيوط الأرق على عيني حبيبةٍ تنام على أطراف خيال شاب وسيم .. تقبّل فيه احتلام الطيور الزواجل .. "يا راجل!!" كيف استحال المدى متوالية هندسية متكررة لصورتك؟ أتعرف أني الآن عرفت سر (لماذا النظر؟) وكيف يكون خيالك ضوءاً يحفّز هذا البصر .. وأني قبل وبعد فطورك أشرب ماء جنونك أُغمّس فيه جنوني .. وأفرش فوق انتظارك سجادتين!! ودوماً أحسك روحاً تحوّم حولي ، فأخجل أن أبدّل ثيابي أمامك.. !!
أتعلم أني - صباحاً – أحس بأني قضيت مسائي أبيعك خصلات شعري خصلةً خصلة!! وأني – صباحاً – أفيق فألمح آثار أصابعك على كتفي العاري!! وأني أحس بالجانب الآخر من سريري دافئاً ويحمل عطرك الذي أشتهيه!! فارسم ابتسامة صباحية (بريد الصباح) لوجهك يعني: "أحبك أيها الشقي الوسيم" أقبّل روحك قبل أن تغادر وقبل أن أغادر هذا الفراش (حديقتنا المسائية).
صباحاً .. حيث أفيق – كل صباح – أحس بأني اقترفت محبة عشقك ذنباً حلالاً .. فأؤمن بك!! وأؤمن أنك – وحدك – تعرف سر احمراري ... وسر وجومي على المائدة حين تصرخ أمي : "يا بت ما تاكلي" !! فأضحك لك..
أتعلم أني أحب الصباح (جيولوجياك) التي ألتقيها كل صباح ، أمتّع نفسي بآثارك على جسدي ... هنا حيث كنت تقبل خدي ... هناك حيث فرشتَ ذراعك حولي .. أو .... أحبك ... أتعلم أني أحبك ؟ أتعرف ماذا يعني أني أحبك؟ يعني : أنك كنت خلف سأمي من (هطالة) الآخرين ... وكنت وراء احتقاري غزل العابرين .. وكنت وراء جفوني حين أنام فأحلم بك ... دون وجه ، ولكنك كنت هنالك. لا تضحك رجاءً ... لست عابثة!!! أعرف أني إنسانة تستحيل بين يديك عصفورةً لا تعرف غير التقاط الحبوب الصغير (قبلاتك أو كلماتك) .. وأعلم أنك أنت القفص الحرية الذي يحتويني. فأكره ريشي فقط لأنه قد يشعرك برحيلي بعيداً عنك... وأكره هذا الجناح لأنه قد يلهمك سوء نيتي في مجون الطيران ..
|
Thanks and waiting for my friend Ahmad Al-Arabi
|
Post: #34
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 06:19 PM
Parent: #27
Quote: من الساعةِ الندى ... إلى أن يصبح ظل كل شيء مثله
ومن رحيل الطيور (تهادي الورق) ... إلى حلول الغسق |
هشــام آدم
جمّـل الله أوقاتك
أنت مبدع بما تسـطِّر وليس بشــهادتي
نأمل منكم الكثير
الكلمة داء ودواء
الكلمة الجميلة عـلاج وشفاء
فداوونا بالتي كانت هي الداء
لك ماتشتهي
|
Post: #30
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 02:13 PM
Parent: #26
أبو جهينـــة
يا طعم البلد وريحة النخيل
شــقّاق دروب الحرف
مرحب بيك وحبابك مليون
إنت عارف أنا عاوز أقول ليكم شنو ؟؟
عاوز أقول مادام في ناس رائعة ومبدعة مفروض تعالجو القبح
مفروض تنشروا الجمال والبهجة
لما كل يوم ينزل بوست راقي ودسِـم ومليان جمال
أكيد ناس قريعتي راحت بخجلو
وبذلك نُقلِّص مساحات القبح ونقصِّـر ضلو
وحبة حبة نكون كلنا جميلين زيكم
رايك شنو ؟؟
يلااااا .. إتدفقوا
|
Post: #31
Title: Re: قبيــلة المبدعين بالمنبـر .. حضـرنا ولم نجـدكم
Author: نادية عثمان
Date: 03-15-2006, 02:32 PM
ثابت ياجميل
ومعك ننادي كل مبدع وعاشق جمال جمعنا به حسن الحظ فى هذه المساحة الجميلة والاسماء كثيييييييييييييييرة
منها على سبيل المثال لا الحصر :
فيصل محمد صالح
الموصلى
فضيلى جماع
يحى فضل الله
جمال حسن سعيد
الكتيابى
تماضر
خدر
بد الدين حلا
السنى دفع الله
وناس كتااااااااااااااااااااااار حلوين ربنا يرجعهم لينا يارب
ولمن يرجعوا مايغيبوا ويشفقونا ويخلونا نهاتى ونفتح البوستات ونكورك ليهم تااااااااااااااانى
تعااااااااااااااااااااااااااااااااااااااااااااااالو ياخ !!
|
Post: #32
Title: Re: قبيــلة المبدعين بالمنبـر .. حضـرنا ولم نجـدكم
Author: اسوتريبا
Date: 03-15-2006, 03:35 PM
Parent: #31
كل الحب ..لكل المشاركين في البوست ...بما انني قديم جدا في البورد بس (من منازلهم ) اشتاق كثيرا بالاضافة للذكرتهم
لود عزة و منوت الليموني ,,....و ايهاب و دافي الدافي ....و بلير ....باكاش ....و دقنة .. اساسي بمكنة رومانسي ....و ناس كتار غادرونا وما اتلفتو وراهم اتمني رجوعهم ...
وردة لك و للبوست الجميل
|
Post: #38
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 07:43 PM
Parent: #32
اسوتريبا
شكراً للمرور
وليت الذين ذكرتهم يسمعون وبهم تعود للحياة حميميتها ودفئها
نتمنى أوبـة كل النوارس لنصنع خريف المحبة
| Quote: وردة لك و للبوست الجميل |
ومني لك حديقة من تحتها نيل ومن فوقها سحاب
|
Post: #37
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-15-2006, 06:47 PM
Parent: #31
الرقيقة نادية عثمان
حياك الغمام وهطلت عليك السعادة
حضورك زيّـن صدر البوست وزيّن دواخلنا
قلنا نخليكم يا قبيلة المبدعين تشتغلو في الناس تعديل
فلترة .. تنقيه .. وتزرعو فيهم الجمال الشايلنو ده
| Quote: تعااااااااااااااااااااااااااااااااااااااااااالو ياخ !! |
ومع نادية ننادي
تعاااااااالو اهطلوا فناً وروعة
أسعد الله أيامك
|
Post: #57
Title: Re: قبيــلة المبدعين بالمنبـر .. حضـرنا ولم نجـدكم
Author: احمد العربي
Date: 03-21-2006, 04:04 AM
Parent: #25
الجميل ثابت
لك العتبى حتى ترضى عنى
شغلتني اشياء خرافيه واهازيج
حفظتها من حضن امي حين اهم بالنوم
وبعض عصافير الخريف التي زارتني شتاء
لك مكانه بالقلب
مودتي موصوله
|
Post: #33
Title: Re: قبيــلة المبدعين بالمنبـر .. حضـرنا ولم نجـدكم
Author: معتصم الطاهر
Date: 03-15-2006, 03:41 PM
Parent: #1
تابت
أحبك ياخى .. متآخى وشايل من البرم ألوانو ..
وفارشها فى سباتة عرس الجمال
يا زول انت بتختنى مع السبيط العراض دا مالك ؟
أها من دى النبقى قدر كلامك ..
ونعتذر للجفاف الاتسلبطنا فيهو كم بوست ..
|
Post: #36
Title: Re: قبيــلة المبدعين بالمنبـر .. حضـرنا ولم نجـدكم
Author: نادية عثمان
Date: 03-15-2006, 06:42 PM
Parent: #33
ومريم بت الحسين
وعشة بت فاطنة
وست البنات
والجندرية
والبنية
وسوما بت الجنيد
وزولة واحد اتنين تلاتة
وناس تانى كتاااااااااااااااااااااااااار
تعالو عليكم الله
|
Post: #47
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-16-2006, 12:43 PM
Parent: #36
Quote: ومريم بت الحسين
وعشة بت فاطنة
وست البنات
والجندرية
والبنية
وسوما بت الجنيد
وزولة واحد اتنين تلاتة |
| Quote: وناس تانى كتاااااااااااااااااااااااااار |
نادية الحنينــة
عليييك الله ناديهم كلهم
ناديهم يانادية
عشان يجتاحو البورد ده في خمس دقائق يقلبوه حديقة
بـدل المشـاكل حُـب
بـدل المهاترات حنــان
بـدل الجفــا وصـال
وبدل الكراهيــة عِشــق
قادرون على ذلك لو إمتشقوا أقلامهم .. وهذا رهاني عليهم
|
Post: #45
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-16-2006, 07:34 AM
Parent: #33
معتصم الطاهر
إنت هنا بالكامل ولا تقســيط ؟؟
يازول مابنقدر ندفعك محبة حتة واحدة كده
كان تتجدّع لينا عِنَبْ ناكلك على قدر إمكاناتنا
خطك العريض ده عامل فيني إحساس إنو يوم التيسوعة والجيب مليان
والله جد
عريض زي جبهة الراهب
وواضح زي سورة النور
مافي غير نحبو ونحبك
ومداخلاتك كده زي حقنة النوم قبل الواحد يكمِّل الدوز يلقى روحو إتوسَّد الدهشة وغفا
الله يخليك ويديم المحبة
المشروع ياسيدي ليس بقصد حضوركم هنا
ولكن
أن تنتشروا في كل أنحاء المنبر تقيفو بين القبح وكيبورداتو
الناس دي مابتخجل إلا لما الواحد يغلبو يكتب شنو
والله يامعتصم ( البَرمْ ) دي مايعرفا ليك
إلا زول ضربو دُعاش مطرة
( وش خجلان وفرحان زي يوم الدُّخلة )
|
Post: #39
Title: Re: قبيــلة المبدعين بالمنبـر .. حضـرنا ولم نجـدكم
Author: mustafa mudathir
Date: 03-15-2006, 10:26 PM
Parent: #1
الأخ الصديق ثابت محمد
بوست أنيق والله
يعيد الحيوية لمن يقرأه
أقرأه بعد ساعات عمل طويلة
وأشكرك عليٌه
أعتقد أن أول شيئ نتوقعه من المبدعين
هو أن يدعموا مثل هذا البوست
وبعدين تعال شوف!!!
أقول الكلام دا بعد أن أضاف الصديق
الرائع تمبس إسمي فوضع على كتفي
مسؤلية الاستجابة لك.
تحية برضوا للقلم الشاب هشام ادم
وتحية لكل المشاركين
مصطفى مدثر
|
Post: #41
Title: Re: قبيــلة المبدعين بالمنبـر .. حضـرنا ولم نجـدكم
Author: محمد سنى دفع الله
Date: 03-15-2006, 11:48 PM
Parent: #39
ثابت
تحياتي وأشواقي
الواحد لمن القى ليه بوست جميل
بشيلو الفرح
وبرقص وياخد ليه نطا لافوق
البوست الرامي لي قدام ....امل وبفتح لينا باب للابداع
اليوم العالمي للمسرح قادم
وعايزين نمد يدينانكرم ناس ماسكين جمرة الابداع
ونعلي شانم
لك المحبة والموده والاحترام
|
Post: #42
Title: Re: قبيــلة المبدعين بالمنبـر .. حضـرنا ولم نجـدكم
Author: عبدالله وداعه الامين
Date: 03-15-2006, 11:58 PM
Parent: #41
اخوي الحبيب ثابت
ليك وحشة يا اوكسي وتسلم سيد الناس
معك ومع كل مبدعي بلادي نتلفح الفرح القادم
ونتوسد الهم لسودان غني في تنوعه وجميل القسمات
تحية لكل من مر من هنا وخط بيدة بذرة الابداع
والتحية لاساتذتنا واعلامنا الشامخة التي ما بخلت بان تعطر سماء البورد
بكل جميل وانيق
والتحية لك ثابت وانت تحمل عبى الجمال وروح الوطن
محبتي و تحياتي
عبدالله
|
Post: #44
Title: Re: قبيــلة المبدعين بالمنبـر .. حضـرنا ولم نجـدكم
Author: إدريس محمد إبراهيم
Date: 03-16-2006, 02:12 AM
Parent: #42
الأستاذ الكريم / ثابت
تحية ملؤها الحب والمنى ..
قرأت دعوتك الجميلة لكل المبدعين واستمتعت بما تقاطر على هذا المكان الجميل، فأرجو أن تسمح لي أخي ثابت أن اقحم نفسي وسط هؤلاء الرائعين وأبعث بقصيدة منشورة في مكان آخر بهذا المنبر ..
مع خالص حبي وتقديري ...
وتعبت أبحث
وتعبت أبحث في كلام الناس عن وصف يليق بمقلتيك فلم أجد ..
نقبت في كل القواميس الفصاح وفي متون الأبجديه ...
وسبحت في جوف المعاني والحروف فلم أجد
إلاك يا زهو العصور النرجسيه ...
يا قامة الوجد الخرافي الفريد ...
وضوء شلال المعاني الشاعريه ...
هذا أنا ...
بحر من الأشواق ينضح بالآلي والكنوز العسجديه..
سفر تهالك هده الترحال سعياً مضنياً ..
خلف أسوار قصيه ...
حزن المدى والتوق يرفل في ثنايا التيه يحلم بالصباحات النديه ...
وله ترجل حاسراً في مقلتيك ... عمامة الشوق البهيه ..
القى متاع الحزن وافترش الفضاءات السخيه ...
وأطل البدر صبحاً حالماً... متوشحاً ألقاً جميلاً سرمديا..
ألقى على الحب التحيه ...
أرسى مراكب وجده الولهى بأعطاف المواني الساحليه ...
ضميه في حضن الحنان وفي العيون قد اكتست
سحر الطقوس البابليه ...
أرويه شهداً خالصاً ثم انثري منه البقيه ...
ودعيه يرفل في ثنايا الروح طهراً مقدسيا ...
يا لوحة رسمت بفرشاة الزمان العبقريه ...
يا قصة تروي ولحناً ترقص الدنيا له ...
يا كلمة وسعت حروف الأبجديه ...
ما زلت أبحث فيك عن معنى يفوق الوصف يرتاد الثريا ...
ها أنت أتعبت اليراع فلم يجد ..بوحاً صدوقاً شاعريا ...
فالمقلتيك حبيبتي مني التأمل والتبتل والتحيه ...
إدريس محمــد إبراهيم
الخميس - 23/02/2006م
|
Post: #54
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-19-2006, 10:16 PM
Parent: #44
Quote: بعض رجــاء
أحكي واروي عنا في كل الأرجاء...
قل للطير وللفيروز وللنيروز حكايتنا ...
أخبر عني لآلي البحر المدفونه ...
اهمس واشرح للأيقونه ...
وخبّر كل الأنحاء ...
سطر رسمي مزهواً فوق جناح الريح... صيفاً وشتاء ...
وقل للمطر وسعف النخل وللأنواء ...
انشر قصتنا للعشاق المكلومين ...
انثرها زهراً مؤتلقاً فوق صدور المحرومين ...
لكن هنالك بعض رجاء ...
أن تتحاشى يا نبض القلب الأسماء ...
دع عنك دعاء وسلوى وميساء
كل أولئك يا قدري محض نسـاء ..
لكني امرأة تملك كل بريق الدنيا ..
تعرف كنه الأشــياء ..
امرأة رهنت كل العمر لديك فداء ...
فجراً وصباحاً ونهاراً ومساء ...
لم تبق لغيرك ثانية ...يا أحلى قضاء
لا غيرك يتربع عرشــي ..
لا غيرك أهلاً لإمارة كوني ومملكتي ...
من يملك مفتاح القلب وحيداًَ ... يا حبي ...
يتحكم يفعل كيف يشاء ..
دعنا رمزاً قدسي التيه يرصع وهج الأشياء ...
يقتبس الحب الزاهي من أنفاس تشبسه الأضواء ..
ينير دروب الحيرى تيهاً خلف سراب الرمضاء ...
فهلا تفعل ؟...
يا من علمني كيف يكون الحب أميراً أسطوري الإنشاء ..
كيف يغوص بمجرى الروح لهيباً مشتعلاً ودماء ..
كيف يبهرج حزن الدنيا طرباً وغناء ...
يتماهى... يرقص ويزغرد في وجه الأحزان ...
يتناهى معنى يزرع في أعماق دواخلنا الإنسان ...
كيف يفيض شموخاً يسمو فوق صغار الأشياء ...
يتيه يروّض فينا العفة يكبح من يتنادى عواء ..
كيف يكون الكأس رحيقاً ممزوجاً شوقاً وبهاء ...
كيف خلايا الروح تسربل اسمك زهواً ودعاء ..
فهلا تفعل قل لي ...
هذا بعض رجاء ...
إدريس محمــد إبراهيم
الريـــاض 16/02/2006م |
الأخ إدريس محمد إبراهيم
هذا النّص كفيل بوضعك في قلب زُمرة المبدعين ؟؟
فقد تسربلت زوايا الروح منه شجناً جميلاً
ونام العِشـقُ في زفة حروفك
لك المدادُ وجدار أرواحنا
|
Post: #52
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-19-2006, 09:34 AM
Parent: #42
Quote: ينصر دينك
ودين ابو اهلك ذاتو
ودين ميتين ميتينك
ياخي بحبك جد من جوه
ومهما اقول تلقاني مدينك
يا عولاق الشوق الساكن
في الانفاس خليني ادينك
يا الفجرتا الحب الساهي
ويالصحيت جوايا طنينك
فرتق عقد الريد يا سادن
للبهواك وتركتو سجينك
اقطع وهج الشوق بي وشك
ياخي تعال ادينا سنينك
اعطن وش الناس التسال
في الافراح نسيها انينك
مرمط ايد الشوق الخدرت
في الاعياد واديها رنينك
شوفا دوام عن حالك تسال
وخايفة تكون فطسته معينك
يا موهوم بي وهم الحاضر
وشايلة الدنيا محنة يدينك
سجم امات القلب الرادك
لو بيكوس ويخلي معينك
العن يوم الشوق العفن
وما اداني معاني تصينك
ياني بريدك مهما اكابر
يالرسيت جوايا حنينك
ومهمه اقول يا سيدي بحبك
ويا محتال بس الله يعينك
تقدر تخدش مر احساسي
وفي الاشواق تلقاني رهينك
ومحتاج ليك لو عترت ايدك
فوق الريد سكرت رجلينك
خامة رماد قلبينا الحرقو
في الاشواق رسمت خدينك
وينصر دين ميتين ابو اهلك
ودين ميتين ابو ام ميتينك
وينصر دينك
عبدالله وداعه الامين
لندن 15.08.2005 |
عبدالله وداعة الأمين
يااا عولاق الشوق الساكن في الانفاس
يااا إنسـياب البُــرء في الروح العليلة
لك التجلة وأنت من أخذ بيديّ لهذه الواحـة الوريفة ( سودانيز أونلاين )
ينصُــر دينك يا عبدالله
|
Post: #50
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-18-2006, 04:43 PM
Parent: #41
محمد السني دفع الله
والله الظاهر انا ختيت روحي في ورطة
وبتمني { الإنقاذ } من الورطة دي
يعلم الله ليس لي قوة إحتمال الجمال
ولا أملك اللغـة التي أُدلل بها الجميلين
شفت الورطة دي كيف ؟؟
غايتو خُت إيديك جوووه إحساسي والله تمرق خضراء يانعة
بس الإحساس ده أترجمو كلمات وحروف كيف دي عاوزة برنامج
لك ما تشتهي
لك الإنحناء ومايحتوي
ولنا نحن أن
.
.
نتمنى سعادتكم
بس
|
Post: #48
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-16-2006, 02:55 PM
Parent: #39
مصطفى مدثر
ســلام صديقي
وكل ما يأتي من طرف الرائع ( تمبس ) فهو بلا شك رائع
والدليل السلاسة والأريحية في مشاركتك
أبدأ لينا إنت بدعم البوست يامصطفى عشان المبدعين يتلموا
وبعديها طوالي يضعوا خطة التحرك لنشــر الجمال
وأنا مستعد أعتِّـل ليكم أي حاجة لأي مكان
دمت بخير
|
Post: #43
Title: Re: قبيــلة المبدعين بالمنبـر .. حضـرنا ولم نجـدكم
Author: بدرالدين شنا
Date: 03-16-2006, 02:08 AM
Parent: #1
تحياتي ليك يا نادية ولزوجك وبيتك
|
Post: #49
Title: Re: قبيــلة المبدعين بالمنبـر .. حضـرنا ولم نجـدكم
Author: Aymen Tabir
Date: 03-16-2006, 05:36 PM
Parent: #43
ما احوجنا لهم ولابدعهم!!!
لاحصرهم.. ودعوتهم
المبدع لا يقبل دعوات لتنشيط انتاجه وفكره..انه يمارس مسئولية تجاه الاخرين وتجاه وعيه المتقدم .
الابداع مسئولية يدركها المبدع الحقيقي ويمارسها بتجرد وحياد
ودمتم
|
Post: #61
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-21-2006, 06:38 PM
Parent: #49
| Quote: المبدع لا يقبل دعوات لتنشيط انتاجه وفكره |
الأخ الكريم أيمن تابر
الود الكثيف والإحترام لرأيك
ولكن
ذكِّـر إنما أنت مُذكِّر لستُ عليهم بمسـيطر
نحن لم ندعوهم لتنشيط الإنتاج بل لنشره بيننا
قد تلهيهم مشاغل الدنيا فنطلبهم بساعة يقتصونها لنا
قد يُكر صفوهم ما يمور به المنبر من خلافات
فنحسب أن تذكيرنا لهم يجعلهم يتحملون من أجل واجبهم تجاهنا
هم بشر
وقبل وفوق كل ذلك هم جميلين ونحن ننادي الجمال
نادينا عليهم فلبوا النداء
وهذه دعوة لتكون معنا مبدعاً أو متلقياً للروعة البتول
لك كامل المودة
|
Post: #64
Title: Re: قبيــلة المبدعين بالمنبـر .. حضـرنا ولم نجـدكم
Author: Aymen Tabir
Date: 03-25-2006, 03:36 AM
Parent: #61
العزيز ثابت
التحايا والتقدير
اقدر ردك ..احترمه
ما قصدته في سابق مداخلتي لا يتناقض والدعوة التي ابتدرتها ولكنها في سياق مختلف ما اردت قوله ان تراكم الاحباطات والمنغصات قد تكون واحدة من اسباب عزوف البعض عن اي انتاج ولكن راي ان ذلك لا يدم اي قضية لذلك عليتلامن قيمة استشعار المبدعون لادوات ابداعهم ومحاولة التجاوز عن العزوف لمواجهة ما لا نحب . نفس الوقت تسليمنا بغياب المبدعين وابدا عهم فيه اجحاف في حق بعض الاقلام التي تدرك وبوعي اهمية انتاجه ولا توقفهم عوامل تعكير الجو والخلافات الحادة احيانا فلناخذ على سبيل المثال لا الحصر الخواض والفيا والبرنس ومحسن خالد وعثمان محمد صالح والمفتاح وفضيلي وغيرهم تجد ان اقلامهم لا يكسرها عاتي الرياح العابرة بل خطوطهم الابداعية مستقيمةوحادة تعبر عن مسئولية المبدع التي ناديت بها.
لك التقدير فموضوعك لمس نقطة هامة وضرورية
ساعيد صياغة صوتي واضيفه الى صوتك :
قبيلة المبدعين حضرنا ..نطالبكم بمزيد من الابداع لنصد به كل اشكال القبح
مع عميق تقديري
|
Post: #55
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-20-2006, 11:16 AM
Parent: #43
| Quote: تحياتي ليك يا نادية ولزوجك وبيتك |
بدرالدين حلا
التحية لك ولكل من يعــز عليك
وفي إنتظار سخريتك الطاعمة وسربعتك العجيبة
مرحب بيك
|
Post: #51
Title: Re: قبيــلة المبدعين بالمنبـر .. حضـرنا ولم نجـدكم
Author: جبران
Date: 03-19-2006, 06:45 AM
Parent: #1
ثابت محمد
تحية يا سيدي .. شكرا لهذا الإكليل .. الذي تشرئب كل الاعناق له وتتمنى أن تحاط به .. ما حسبت أنني سوى ما قاله جماع
وفي لجج الأثير يذوب صوتي
كساكب قطرة في لج بحري
عبرك أشكر بكري (متخزلا فيه كل اسماء القائمين بأمر البورد) الذين أتاحوا لنا هذا الوطن الموازي .. تحية للكل العطرين .. من شاركوا ولمن ورد اسمه في هذا البوست .. من ملأوا المساحات بالضياء .. تحية صديقة لك سيدي
|
Post: #62
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-24-2006, 06:52 PM
Parent: #51
جبــران
عليك السلام وكل الهيــام
مشاركتك هي الوحيدة التي وددتُ أن تستقر على رأس البوست مثل التاج
أتدري لماذا
أيام كنت أتقاسم الشجن مع روحي ولم أك عضواً هنا بعد
كنت أقضي الساعات الطِّوال متعبداً في محرابك
متمسحاً بكل أعمدته طالباً التعميد
وعندما حضرتّ أنا هنا كتبت عليك ظروفك بعض غياب
سعيد بعودتك وسعيد بعودة المحراب
أذكُر فيما أذكر
أنني أقرأ المحراب أنام فيتسلقني الياسمين
أقرأ المحراب عندما أصحو فتشقشق العصافير
كان المحراب دنيتي
واليوم صانع المحراب عندي ؟؟ تخيّل الدهشة والنشوة
تكتب بقلمك على جدار الروح فننتشي بذلك الإحتكاك الخصب
تكتب بقلمك على باب الغيابات فنسمع صرير اللقيا كأنشودة
جبران
لاتغب .. كّن شمساً إن غابت ندرك أنها بيننا
لك الإنحناءة وما تحــوِي
|
Post: #53
Title: Re: قبيــلة المبدعين بالمنبـر .. حضـرنا ولم نجـدكم
Author: تيسير عووضة
Date: 03-19-2006, 02:08 PM
Parent: #1
يا ثابت
أين أنا من هؤلاء ؟ ..
إنهم أنبياء الجمال
وأنا من الحوارين ..
شكراً أن أدخلتني في زمرتهم
عساي استقي منهم قليلاً من الإبداع ..
ومعك أوجه النداء للمبدعين
من ذهبوا
ومن كانوا حضوراً
نحبكم وننتظركم ..
|
Post: #58
Title: Re: قبيــلة المبدعين بالمنبـر .. حضـرنا ولم نجـدكم
Author: Dr. Moiz Bakhiet
Date: 03-21-2006, 04:31 AM
Parent: #53
الأخ الحبيب ثابت
معذرة إن فاتني هذا الألق الجميل
ولم ألحظه إلا الآن
فقد بتنا في زحمة الأشياء وعتمة النسيان
نتوه ما بين الحضور والغياب لكننا على الأقل لا نفقد الأمل
شكراً لك على هذه الإضافة الثرة
وأنت ونحن نحاول أن نزين وجه هذا البورد الوطن بكل ما هو جميل
وتفضل وتفضلوا بزيارتي هنا
حيث يسكن جمال آخر
المطربة شروق: عش معاي الحب.. يا للجمال يا للروعة يا للص...كي.. تعالوا استمتعوا
|
Post: #67
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 04-04-2006, 12:29 PM
Parent: #58
| Quote: معذرة إن فاتني هذا الألق الجميل |
د . معــز بخيت
الرجل الشفيف
ألق الروح وروح الألق
لالالا .. لم يفتك شىء لتقل القادمُ أحلى
لم يفتك شىء وقطار الرائعين لا يتعدى محطاته ولا روَّاده
مقعدك في أول قمَرَة في القطار
والصفحات البيض تنتظر أنامل تحمل الكلمة والشفاء
إشرع الحروف تمشي على سجاد أرواحنا
لك ما تشتهي وعذب الأيام
|
Post: #65
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-27-2006, 06:38 PM
Parent: #53
الرائعـة دوماً تيســير عووضة
سلام سليل سلام هي حتى مطلع الفجر
أنتي في الطليعـة ترتدين ثوب التواضع الذي يفضحك اكثر
أنتي ( هنا ==>) ويشير السهم للمنطقة الواقعة بين الدهشة والجمال
أنتي بما تكتُبين
ليس بما تُقيِّمين به نفسك في لحظة تواضع
هـذا نذرٌ من كتاباتك
صور من حلتنا ..
عازف الكمان ..
كلمات متقاطعة ..
بوصلة البورد ..
إن كانت تلك كتابات الحواريين ليأخذ أنبياء الجمال إجازاتهم الصيفية
هل تريدين جلب المزيد مما يفضح تواضعك ؟؟
ولا نخلي الطابق مستور ؟
هل أقرأ لوحك المحفوظ بين مُشتبِك الضلوع ؟؟
تيســير عووضة
لا تغيبي بنا نقص لكالسيوم الجمال
خوالص المودة
|
Post: #59
Title: Re: قبيــلة المبدعين بالمنبـر .. حضـرنا ولم نجـدكم
Author: wadazza
Date: 03-21-2006, 04:33 AM
Parent: #1
عزيزى ثابت
مررت من هنا....فلتسمح لى برسم حرف على حصى طريق هذا البوست ..التذكار
للجميع هنا ..أشواقى ...وتحياتى
ودعزة
|
Post: #68
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 04-07-2006, 06:48 PM
Parent: #59
| Quote: فلتسمح لى برسم حرف على حصى طريق هذا البوست |
ودعازة
ومن لغير أبناء عازة لتجميل وجهها
أراك إخترت أن ترسم حرفك على الحصي
ومن يختار الصعب يُبدع
لك الحصى والرمال
ثم
لك صفحة أرواحنا بيضاء من غير سوء
وخوالص المودة
|
Post: #60
Title: Re: قبيــلة المبدعين بالمنبـر .. حضـرنا ولم نجـدكم
Author: Tabaldina
Date: 03-21-2006, 05:12 AM
Parent: #1
..
.
قبيلة المبدعين بالمنبر
حضرنا .. ووجدنا بعضكم
شكراً يا ثابت على جمع الجمع
ممكن أضيف بناديها
حقيقة رجل ملئ بالابداع
واعتقد ان ود عزة يوافقنى الراي
فى هذا الصديق المشترك
دمتم
|
Post: #69
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 04-11-2006, 09:59 PM
Parent: #60
Quote: ممكن أضيف بناديها
حقيقة رجل ملئ بالابداع
واعتقد ان ود عزة يوافقنى الراي
فى هذا الصديق المشترك |
تبلدينــــا
ومعك ننـادي لـ بناديهـــا
ولا أخفي إعجـابي الشديد بمُســمي ( تبلدينا) و( بناديها)
لينادينا التبلدي المصفوف كالعرائس على شارع النيل يزِّين خاصرته
خوالص المـودة
|
Post: #63
Title: Re: قبيــلة المبدعين بالمنبـر .. حضـرنا ولم نجـدكم
Author: جبران
Date: 03-25-2006, 01:25 AM
Parent: #1
ثابت
سلمت يا سيدي وغنمت .. وثبتك الله بالقول الثابت في الحياة الدنيا وفي الآخرة .. ورد الله عليك برود المحبة التي دثرتني بها .. ما قلته عن المحراب هالني في ما أوليت من اهتمام .. واسكرني بالفرحة مما ذكرت من ارتياح .. فلك المحبة يا سيدي .. واعلم أنما غيابي وحضوري هو متطلب الحياة كما في المد والجذر .. فالنفس تركض بين فرح وحزن .. وتيار الحياة يقود الواحد بين الوادي والجبل .. فهي دوما في ارتفاع وانخفاض ..
شكرا لما أسبغت علي من ثناء .. وما تفضلت على به من مفردات .. كما أني أحييك على هذا الرمز الحبيب .. لكل القلوب المحبة .. فاختيارك لهذه الخريطة بكل ما من تنوع .. ينبهنا لكي نشكل قلوبنا بهذه الخريطة ... وأن نسوعب التباين الموجود فيها .. فهو تباين في وجداننا مرسوم .. وجميل أن يأخذ القلب شكل الوطن
|
Post: #66
Title: Re: قبيــلة المبدعين بالمنبـر .. حضـرنا ولم نجـدكم
Author: إدريس محمد إبراهيم
Date: 04-01-2006, 08:59 AM
Parent: #63
الأستاذ الكريم والأخ العزيز / ثابت ...
تحية تزهو بك وتزدان .. أنت وكوكبة المبدعين في هذا المنبر ...
تذكرت مقطعاً من أحد قصائدي القديمة .. ومن أجل عيون هذا البوست الجميل أهديه لكم مع خالص الود ...
أواه يا جرحي المقيم يحزني ...
عشقته أوعية الدماء ...
تنمو بقايا الزكريات تقص أجنجة الرجاء ...
ويحشرج الأمل الجميل .. يموت عصفور الضياء ..
وحدي أنا ...
نصلاً من الحزن الزري بكبد أقنية الهناء ...
ظماً يحدق بالسحاب الزرق يبتهل السماء ...
جرحاً طواه الويل والإلحاح أضناه الرزاء...
يا أنت أزمعت الرحيل ..
والزاد حفنة كبرياء ...
مع خالص حبي وتقديري ...
|
Post: #74
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 06-05-2006, 12:31 PM
Parent: #66
Quote: أواه يا جرحي المقيم يحزني ...
عشقته أوعية الدماء ...
تنمو بقايا الزكريات تقص أجنجة الرجاء ...
ويحشرج الأمل الجميل .. يموت عصفور الضياء ..
وحدي أنا ...
نصلاً من الحزن الزري بكبد أقنية الهناء ...
ظماً يحدق بالسحاب الزرق يبتهل السماء ...
جرحاً طواه الويل والإلحاح أضناه الرزاء...
يا أنت أزمعت الرحيل ..
والزاد حفنة كبرياء ... |
الرائع إدريس محمد إبراهيم
الشكر كل الشكر على هذا الشجن النبيل
إنها قطعة حزن تبعثُ الفرح في النفوس
الحزن إبداع وتجلي
خوالص المودة
|
Post: #70
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 04-22-2006, 05:21 PM
Parent: #63
عفــواً للجميع
وعفواً خاصاً للشفيف جـبران
من كُثر إرتعاش السعادة
فقد ( تكــرّر ) النزفُ لك شهيقاً وزفيراً
نأسف لتكرار المداخــلة ..
|
Post: #71
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 04-22-2006, 05:21 PM
Parent: #63
جـبران الشــفيف
دائماً في حضورك تضيقُ أقمصـة الحروف عن جسـد إحساسي تجاهك
فأضطر لإكمال الباقي بداخلي نزفاً وسخرية من عجزي
دائماً ما يغرقني حرفك الأزرق في لُجج الجمال
أصلي على نفسي صلاة العاجز ، قلبٌ يدعو لك وسبابة تُعدد ضروب الجمال عندك
وشفاهاً كلها حمدٌ وهمسٌ وإبتســام
وصمتٌ في حرمِ بهائك
ثم
دائماً ودون تردُد أسجدُ سجود السـهو للتقصير في رد جمائلك
أحاول بقدر المستطاع إبقاء مداخلاتك تاجاً على رأس البوست
بل أعشقه عندما يكون الياقوتة التي تُزيَّن رأس التاج
أرعي حروفك وأقرأ ماوراها وما أمامها ودائماً أكتشف أنَّ ما تخفيه أعظم
تســعدني تلك النسمات الحزينة بين جناحيك
أمشي على أمشاط القدم حتى لا أزعج ملائكة الجمال
أكتم أنفاسي حتى لا أصدر شهيقاً أو زفيراً يقطع تلاوة الروعة
ثم أخرج طاهراً نقياً سعيداً كما ولدتني أمي
رباااه كم أنا ســعيد بك
كانت أمنيتي سابقاً أن أقرأ جديد المحراب وهاهو صاحبُ المحراب يكتبُ لي
تخيلني يا جبران بهذا الحال!!!! ثمّ أهمس لنفسك بفضلك تجاهي
بعدها
أقطف من سقف اللغة كل معاني الثناء
خذ من الأمنيات كل عذب يشبهك
و.. لك روحي مُهداة تنتظر القادم الأجمل
|
Post: #72
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 06-03-2006, 12:01 PM
Parent: #1
قبيلة المبدعين
نردد الدعوة
أن جملوا دواخلنا
أنثروا حروفكم الدافئة على صقيع أرواحنا
الغُـربة أدخلتنا في طور التجميد
هل من مغيث ؟؟
|
Post: #73
Title: Re: قبيــلة المبدعين بالمنبـر .. حضـرنا ولم نجـدكم
Author: طيفور
Date: 06-03-2006, 04:57 PM
Parent: #72
Quote: قبيلة المبدعين
نردد الدعوة
أن جملوا دواخلنا |
تاني يا ثابت...؟؟
تااااااااااااني؟؟؟
ها جنا.. ها
العسل دا بشوقك
بالجد بوست جميل
يديك العافية
|
Post: #76
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 06-08-2006, 02:05 PM
Parent: #73
طيفوووور
ويين يا حلو
والله لا أصدق
مش دي المرة الأولى تزورنا ؟؟
والله تستاهل يضبحو ليك شربوفا وتحلي برتكان من حدائق دكين
يااخ لغتك مبالغة .. العجب اللثعة
والتانية أنك بتكتب التشكيل حروف شوف ( بشوقك ) دي طعمها لذيذ كيف ؟
الزول يقرأ لمن تشقو السعادة
والله جد
ما ح أخليك أنا جاييك بمزاااج
وبث
|
Post: #75
Title: Re: قبيــلة المبدعين بالمنبـر .. حضـرنا ولم نجـدكم
Author: DKEEN
Date: 06-05-2006, 02:03 PM
Parent: #1
ثابت
بنفسك التواقة الى الجمال
انتا بصراحة ما محتاج اي قبيلة مبدعة ام غير مبدعة..
انتا براك اغلبية مبدعة..
والدليل مزاجك العالي البرتقالي
وعباراتك المنتقاة بعناية ..
وونستك الفوق ذات الاسكيل العالي
دمتا يا حبيب
وانتا زول مكسب..
وبصراحة الماعرفك ما عرف ..
|
Post: #78
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 07-18-2006, 05:36 PM
Parent: #75
دكين في زيارة عبر البورد ؟؟
والله دي مفاجأة ما شفتها غير الليلة
برجع ليك
كن بخير أيها ( الوغد )* الجميل
* بيني وبين نفسي النقطة في الغين ما موجودة
|
Post: #77
Title: Re: قبيــلة المبدعين بالمنبـر .. حضـرنا ولم نجـدكم
Author: عصام أحمد
Date: 06-16-2006, 11:22 PM
Parent: #1
*
|
Post: #79
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 07-31-2006, 11:00 AM
Parent: #77
عصام أحمد
شكراً لنفض الغبار عن هذا الموضوع
أتعشم أن يرتفع صوتنا وننادي المبدعين لهذا الفضاء
كم نحتاجهم الآن وقد عمّ القبح
خالص المودة
|
Post: #81
Title: Re: قبيــلة المبدعين بالمنبـر .. حضـرنا ولم نجـدكم
Author: خالدة البدوي
Date: 12-21-2006, 03:32 PM
Parent: #79
ثابت خليك ثابت
ما دايرين نخرب الرصة لكن ..
بجمالك حضر اصحاب الجمال مررنا نستمد من عبقهم
دعوة لمذيد من الزخم الجمالي ،،،
|
Post: #82
Title: Re: قبيــلة المبدعين بالمنبـر .. حضـرنا ولم نجـدكم
Author: Salah Waspa
Date: 12-21-2006, 06:36 PM
Parent: #81
ألحبيب ثــابت
كــل عـــام وأنــت مــبـدع
أســــمح لي أضــيف لهــذه الكـــوكــبة :
شــــــخصـــكم ثــم شـــــخصـــيتان أحـــبهما وأحــب كــل ما تكتبانه
العـــزيــزة الرائعــة عـــزاز شـــامي والمخــضرمةســـودانية 2000
وهــنــاك بالطـــبع منــــويــة أحـــدث وأجـــمل حـــبوبة .
أتمــنى للجــمـــيـع حـــــب الجـــميـــع
صـــــلاح واســـــبة
|
Post: #84
Title: Re: قبيــلة المبدعين بالمنبـر .. حضـرنا ولم نجـدكم
Author: ثابت محمد
Date: 03-10-2007, 08:50 AM
Parent: #81
خالدة البدوي
مرة واحدة ؟؟ هسي أجيب ليك تحية من وين
تحية تتطاول ولا تطولك
أولاً :حمد لله ع السلامة بحضورك في أحد بوستاتنا
ثانياً :حمد لله ع السلامة إنتي ومعتصم
ثالثاً: أخربي الرصة عشان تتصلح
.
.
.
أدينا من زخمك شوية
خوالص المودة
|
Post: #83
Title: Re: قبيــلة المبدعين بالمنبـر .. حضـرنا ولم نجـدكم
Author: الملك
Date: 12-31-2006, 11:10 AM
Parent: #1
معقولة
...
...
البوست ده يكون فى آخر المنتدى!!!
...
...
وهادى رفعة
|
|