Post: #1
Title: تمبــس ....... الله كم ؟؟؟
Author: ثابت محمد
Date: 04-01-2007, 10:16 PM
Parent: #0
شوف
أنا مازي تيسير عووضة بكسر ليك تلج
ولا بديك مهلة 72 ساعة
قدامك ثلاث ساعات بس .. تجي فيها غصباً عنك
لو ماجيت إستحمل النتائج
والله تشوف وش عمرك ماشفتو من ثابت
عشان كده ماتخلينا نمرق من هدومنا
بلا تحانيس بلا بطيخ بلا كلام فارغ
يعني شنو ؟؟ عاوز البورد كلو يقعد يحنس فيك ؟؟
يلا أعمل تسجيل دخول وتعال سريع
حتى لو عاوز تنبذ تعال فكها فيني أنا
أنا أخوك .... زي ما بقول المرحوم دكين 
أنا حارس الجهاز ده لحدي ما تجي
والله مستعد أقعد هنا سنة كاملة
طبعاً معاي أشواااااقي
|
Post: #2
Title: Re: تمبــس ....... الله كم ؟؟؟
Author: filan
Date: 04-01-2007, 10:19 PM
Parent: #1
سلام .
علاء مصباح البورد الخـُماسي , و صولته
مكانك هنا , و ستظل هنا بغيابك ... بحضورك ,
لو إعتصم الناس ببابك , أو جروك على الشوك , شوك السياسة , أو على (( بادوبة الخور )) كما جاء إسمها في سفر ( عدم الموضوع , وموضوع العدم )
عدم هذه السماء بلا قمر يدوزنها , أو نجمات تدي الشبال للغيم , هذه القاعة يلفها دخان كثيف من تبغ الشقاق , و عماري الحرابة رقم 1
تعال و ليكن الوعيــد وعداً بالإيراق .
ثابت الله واحد
|
Post: #3
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 10:27 PM
Parent: #2
فلان
سلام ومحبة
الزول ده جربنا معاهو الكلام السمح وما جاب فيهو خبر
كان عندك كلام أكعب من كده أكتبو
لو ما عندك أعمل تحرير وخلي المشاركة فاضية
أنا عارف إنك مسلم يا فلان
بس ( الله واحد ) أنا عاوز تمبس الكافر بالمودة يجي يقولها هنا
أنا وراهو والباندوث عمييييق
|
Post: #4
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 10:39 PM
Parent: #1
تمبس
يازول انعل الشيطان وتعال
إنت عارف ذكرتني شنو ؟؟
الواحد يموت ليهو زول يقعد يبكي ويجعر والناس تسكت فيهو
يازول إستغفر والكلام ده مابصح منك .. وكلنا لها
وما بتتذكر فلان داك صغير عرس ماعرس مات في حادث حركة
المهم وزولك ولا شغال بي زول يبكي ويتنهف
بعد ساعتين ثلاث يسكت .. تاني ساعتين يقعد يتونس
بعد شهر تلاقيهو مجكس في حفلة في الفريق
دحين يا حبيبنا أنا عارفك راجع راجع .. أحسن ما تضيع زمنك وزمنا
تعال هسي بكرامتك وفي قمة التحانيس دي
مش تجي بعدين ( مسيريقة ) زي العامل ليك عملة
يلا أنا منتظرك
خلي معتصم ده يقوم ليك من الجهاز
اصلو معتصم ده جنو قعاد في الأجهزة 
|
Post: #5
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 10:46 PM
Parent: #1
تمبس
والله ببدأ العد التنازلي
بعدو بغادر كل حاجة .. حتى نفسي ساغادرها
أحسن ليك
10
9
8
7
يلااااا منتظرك
|
Post: #6
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 10:55 PM
Parent: #1
تعال نحسبها بالمنطق يا علاء الدين
البورد ده أنا متاكد
أقل حاجة 75% من الأعضاء عاوزنك تجي .. ودي نسبة كبيرة
البقية برتاحو لما إنت تمشي وديل ممكن نقول أنهم ضدك
لما ترجع ح تفرح 75% من أحبابك وتكيد 25% من يريدون ذهابك
شوف لما ترجع بتربح قدر شنو ؟؟
كنا واقفين وين ؟؟
6
5
4
يازول الصبر بدأ يكمل
|
Post: #7
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 11:04 PM
Parent: #1
؟؟؟؟؟؟؟
؟؟
؟
|
Post: #8
Title: Re: تمبــس ....... الله كم ؟؟؟
Author: Raja
Date: 04-01-2007, 11:24 PM
Parent: #7
الأخ ثابت..
سلام وتقدير..
غبت عن المنبر لمدة أسبوع ولما عدت وجدت بوستات مناشدة للعزيز تمبس.. وأن هناك الكثير من الزملاء يضعون صورته في مكان صورهم..
ماذا حدث؟ ولماذا غاب تمبس؟
ولأني أؤيد وجوده في هذا المكان سأنضم لكل المناشدات.. يا ريت افهم الأول
دمت
|
Post: #9
Title: Re: تمبــس ....... الله كم ؟؟؟
Author: ثابت محمد
Date: 04-01-2007, 11:32 PM
Parent: #1
رجاء
سلاام ومودة
يطرشني ويعمي الجيران
والله ما عارف السبب شنو
بس العارفو أنو تمبس زعلان وقال مابرجع البورد
والعارفو كمان أنو البورد بدون تمبس مسيييييخ
وشايف الناس بتناشد فيهو يرجع
قلت أناشد معاهم
أنا قايل روحي زول مهم عند تمبس
لكن طلعت ماخد مقلب
عليك الله يا رجاء أقعدي هنا ناشدي معاي
غايتو أنا الظاهر إنو دي ح تكون آخر مناشدة
حسيت بنفسي صغيير
غايتو الله يجازيك يا تمبس
|
Post: #10
Title: Re: تمبــس ....... الله كم ؟؟؟
Author: عبدالله وداعه الامين
Date: 04-02-2007, 00:16 AM
oxy noon
ثابت يا ما متحول
اولا ليك وحشة انت
و وحشة علاء دي تانية والله
والله يا تمبس منتظرين وحننتظرك تاني وتالت
غيب بس اتاكد انو لسه في بتحبك وعاوزة وجودك هنا
شكرا حبيبنا ثابت وكويس انو تمبس جابك انت ذاتك لو مفتقدنك
امشي جيب علاء من يدو وتعالو الاتنين
تحية و ود يا سيد الود
|
Post: #11
Title: Re: تمبــس ....... الله كم ؟؟؟
Author: ثابت محمد
Date: 04-02-2007, 00:26 AM
Parent: #1
عبدالله وداعة
ياااخ سلاام لحد الشبع
ينصر دينك ودين أبو أهلك ذاااتو
إنت عارف يا عبدالله الواجعني شنو ؟
أول حاجة
الناس كلها عاملة صورة تمبس بروفايل تقول مات
عملو لينا تحويصة بقينا ماعارفين تمبس رجع ولا مارجع
تاني حاجة
الزول ده الليلة ساهر بي ..هسي الساعة ثلاثة صباحا
والبيوجع أكتر إنو أنا متأكد من رجوعو
غايتو الحمد لله .. الجنة بس
ربنا يلزمنا الصبر
|
Post: #12
Title: Re: تمبــس ....... الله كم ؟؟؟
Author: صديق الموج
Date: 04-02-2007, 06:28 AM
Parent: #1
ثابت يا اخوى انساك منه شايف الجماعة الخاتين صورتو
كل يوم يزيدو واحد وهو مفتكر نفسه ولا سامى الحاج
انساك منو،،،،
|
Post: #13
Title: Re: تمبــس ....... الله كم ؟؟؟
Author: ثابت محمد
Date: 04-02-2007, 08:03 AM
Parent: #12
Quote: ثابت يا اخوى انساك منه شايف الجماعة الخاتين صورتو
كل يوم يزيدو واحد وهو مفتكر نفسه ولا سامى الحاج
انساك منو،،،، |
صديق الموج
صباح الحقيبة والغناء الطاعم
أنا بنساني منو ما عندي مشكلة
بس تاني ما أشوف وشو ولا يجيني ناطي في الخبر
والله سامي الحاج ما يلحقو
الزول ده أقطعو منو الأكل والشراب خلوهو إضراب رسمي
وخليهو يجي يلملم صورو المعلقة في بروفايلات الناس
ما عاوزين حاجة تذكرنا بيهو ذاتو
وإنت أول زول تبدأ لينا
هسي صورتك دي كاتب فيها تصميم تمبس ليه ؟؟
تمبس عمل فيها شنو ؟؟ مش ياها خلقتك
برااكم أديتوهو فينا فرقة
هسي تسألو يقول ليك أنا صممت صورة صديق الموج
كلمو يا صديق يجي هنا يكتب لي أنو ما عاوز يرجع
بعد داك بقتنع وبفتح ليهو
قال Timbis Design قال
|
Post: #14
Title: Re: تمبــس ....... الله كم ؟؟؟
Author: ثابت محمد
Date: 04-02-2007, 08:12 AM
Parent: #1
ود الموج
الزول ده أدونا ليهو يقعد معانا شهرين متتابعين
كفارة عن صحراء الرياض القاحلة
والله شهرين في الخبر نرجعو ليكم حنكوش
لو شاكلو زول يقول ياااااااي ويتعطر ويرجع يكتب
بس جو الرياض قاحل وبأثر في النفسيات عشان كده أخلاقو بتكون ضيقة
رسلو يا صديق بقطر المغرب
بعد دااك أسألني من رجوعو
كلها خمس وجبات سمك متتالية وختامها دجاج الطازج
هل يبقى من نرفزته شيىء؟؟
|
Post: #15
Title: Re: تمبــس ....... الله كم ؟؟؟
Author: ثابت محمد
Date: 04-02-2007, 09:32 AM
Parent: #1
يا ناااااس الرياض المتواجدون الآن
معتصم دفع الله على وجه الخصوص
الزول ده عادةً بصحى من النوم الساعة كم ؟؟
|
Post: #16
Title: Re: تمبــس ....... الله كم ؟؟؟
Author: ثابت محمد
Date: 04-02-2007, 10:00 AM
Parent: #1
تمبس
إنت جيت وانا الغبيان ما جايب خبر ؟؟
نقطة صغيرة .. خطوط كنتورية .. وأطلس
كمان جبت ليها خطوط كنتور وأطلس وجغرافيا ؟؟
الموضوع كان بحتاج تنظر لتاريخك الجميل في المنبر
وليس لجغرافية البورد المتقلبة
نعلن عن : إغـلاق هذه النافذة
عموماً القصد عودتك
حمد لله ع السلامة
|
Post: #17
Title: Re: تمبــس ....... الله كم ؟؟؟
Author: تيسير عووضة
Date: 04-02-2007, 02:54 PM
Parent: #1
| Quote: أنا مازي تيسير عووضة بكسر ليك تلج |
الله يكسر رقبتك 
|
|