الســعادة المفاجئة هي اخت الحرج

بمنتهى الحــزن والاســى انعى اليكم نفسي ..

الوحيدة التي اعجبتني من بين حشدٍ غزير..

وبعد بحثٍ جاد وتلفونات وكروت وتوصيات وتردد..

طلعت باكستانية..




ـــــــــــــــــــــــــ

اخواني في الباكستان

ليس ثمة من سبب يجعلكم ترسلون بناتكم الى حفلاتنا..
فنحن قومُ ُ شفافون ..لاصبر لنا على الجمال ولا احتمال..
الشي حين يعجبنا ناخذه لاننا لانحتمل الشوق إليه..
يآثرنا الجمال فلا نفكر في شيٍ بعده ولا قبله...
تتعطل مصالحنا جراء التفكير في شيٍ واحد ..
ان القمر الذي طالعناه عشية زواج اخونا طارق الميمون عصي على الوصف..
ان الطلعة البهية التي واجهتني ازمتني ولازالت..
نهاية الاشياء كانت فجرئذ..
ولاعلم لي ان كانت لغتي لاتزال تصلح للتعبير عن وجه ضل طريقة الى ناظري..
مذ حولت تلك الفاتنة كل حرف هنا الى دهشة هناك..
غفر الله لجميع البشتون..



ــــــــــــــــــــــ
هذا والنصيحة بقولا ليكم:
لاتدع باكستانية تبتسم في وجهك ..
















لن اكل سوى التميس في الثلاثين يوما القادمات..

الاخ دكين
دى اسمها (بكية ) بكية شديدة اللهجة
لكن بعد ما تبكى (بس ) ماهو التميس
هل هو التميس (الخيل خف راسن ؟)
نحنا مابنخاف من مراسن
المكارم غرقنا ساسن
لكن (ان تميس )البنت فى الرقصة ذاك امر اخر
وريناماهو التميس ؟ هل هو (تمييس عنصرى )

والله يا سلمى اضحكتيني
لذلك ساتبرع بان اوريك التميس
هو نوع من خبز غريب جدا يصنعه الافغان
ومنو انواع تميس بسكوت تميس بالجبن المهم هو بشبه
في السودان القراصه لكن ناشف ...
واحكي ليك نكتة عاملها ولدي مرهف
مرهف جدو ابو امو سلفي شديد وعندو قناعة انو موية زمزم
دي هي علاج من اي شي
بصلي العشاء في الحرم ويملا حفاظتو موية زمزم ويغشى الفرن يجيب تميس
المهم كلو يوم في الحال ده لمن مرهف اسلاكو ضربت بقى يقول لموية زمزم
( موية تميس )
ولك ولدكين العاشق كوم من محبه

بالعكس

دي فيها حلاة دين سيره امدرمان باكستان وبالعكس وام العروس جينا ليكي

وحفله بي حيدر خازخستان وناس طالبان يفكو زخيره في العقد الف طلقه للسما

وجكس باكستان في رقيص العروس يغنو

دكين العريس انا عجبني لي

زين الولاد

شرف اسلام اباد

وايويويويويوي بالباكستاني

وتووووووووفك وين؟

اوضتين وبرنده خلف خلاف وين؟

في اشلاق اسلام اباد

الشيله من وين يامان؟

سعد قشراباد

والله يريحك من

خالاتا وين اسلام اباد

سمايه بت عماتا وين اسلام اباد

المره وين اسلام اباد

خميس وجمعه وين اسلام اباد

والله يادكين عرسه حلوه

بس بتاكل معاك تذاكر

بالباكستاني اقول ليك

داكينا ها مباريكاتو مال بي ايل النتو وهو

بالعربي اشالله بيت مال وعيال

بالباكستاني مهلا الينا انتوا يساهلوكاتيرا

يعني علينا يمهل وعليكم يسهل

يا وغد
اليوم كنا في سيرتك
و سالتني : "لماذا دكين منقطع"
جاوبتها "حزين علي ما يحدث"
تقوم انت تجي و تجوط الرصة بي بوستك ده ؟

صباحات الله بي خيرها.

Quote: يا وغد اليوم كنا في سيرتك و سالتني : "لماذا دكين منقطع" جاوبتها "حزين علي ما يحدث" تقوم انت تجي و تجوط الرصة بي بوستك ده ؟ صباحات الله بي خيرها.

ياخوي ها

مواضيع زي دي نحن ما قعد نرجيها الصباح

ياتوري الناس الحاضره ومساهره وجات السيره دي

يا من اسي تجهز بوست اعتذارك الما بفيدك

قال الصباح قال

انت حصل شفتني هنا بالصباح

ارجو من الاخ بكري حسم الامر وكده

يالنبي نوح..

النبي نوح هو اقـرب جد مشترك بيني وبين هذه الباكستانية...













من ديك وتاني ما اتلمينا إلا في عرس طارق..

Quote: بمنتهى الحــزن والاســى انعى اليكم نفسي ..

دكين ..
حتى حزنك فاتن و (لذيذ)..

..
العافية

الشفيع هسي دي يكون اسمها منو؟؟

Quote: يالنبي نوح..

بديت اغرق


ممكن نساوي الموضوع





نوبي تعال دقيقه

سلوم الرايقة..

ياخي ده هسي وكت اسئلة؟

ده هسي القدرتي عليهو في الفراش بتاعي ده؟؟

(ده هسي القدرتي عليهو في الفراش بتاعي ده؟؟ )
اريتو يا يمة فراش حبيبك
فراش الهنا
وحات سيدى اعدل دلوكتى وابارى طارق اللمين سيرة ليها ضل
من كشمير وللعاصمة ارح نمشى الاقاليم ديك
ونغنى داك يا الغنا الماخمج
باكستنانية موردة
باكستانية هوى
ومن (هنا) السيرة بتبقى لينا بعيدة
يعنى حتكلفنا تذاكر لافغانستان ومنها لباكستان
وتانى رجعة
يا زول اقول ليك
نتلقاك فى اقرب محل
بس انت (شاور )
ماتمشى للاقليم دا ما كويس
والسيرة مرقت عصر
يا دكين هوى
لبت ناس
البنية اهلا منو قلت لى ؟
عاد ما لازم (نشخت ا########## ) ا########## والعكاكيز تتلاقى
هييييع عكاكيز وسراويل ما تديك الدرب
ولازمن ولا بدن من البطان
لانه لافق مع (باكستان) شفت كيف بطان وباكستان على وزن (فعلان ) ابو الزفت جابت ليها عربى
وبعد شوية حنعمل (غزو تانى ) للباكستانى ونجيب ليك حبيبك الاولانى
والماحب باكستانية يتفلق
وياكل تمييس عنصرى
ياخ كلمة نشخت ا########## دى تعبتنى انشا الله تجى معاى هنا

ياسلمى

انتي لو شفتيها بسمت لي كيف!!


والله لامن حسيت بي نفسي معوق..

Quote: ياسلمى انتي لو شفتيها بسمت لي كيف!! والله لامن حسيت بي نفسي معوق..

هاهاهاهاهاهاها

هو احساس كم خبره ذات مره

دكين اشهد الله اني احبك


البصاص

ود الجمام

افغان مين ياعم..
ده باكستاني شوف عيني دي..

و قالوا البتاني جريدة يدو جوز جوز ..




فتبصر يا صاحبنا .

اوديها ليك دنقلا ياعمدة

تشتغل بدل رتينة ..

يقولو ابداللزيز جاب ليها هاجة واهد حلوة ميا..

نوبي..
اهو ده الفالحين فيهو..
انحنا نحبهم وهم يسآلوك انتا..

طـارق ياخي ماتهظر ياخ..





















انا الفكرة بتاعتك دي لو وقعت لي تاني والله يحلها جنازير بوتو..

Quote: الســعادة

عالم حالمة بشكل

سعادة شنو كمان يادكين
انت الليلة مالك يا اخوى
ميرود ولا شنو؟
الف سلامة مقدما

اشراقة

سلامات شديدة..

هو في الحقيقة احباط .. بس غلبني اكتبو

طارق

ناس فيصل ديل بحبو بي سيرتي..
وانا الاطرش..


هسي يعني لو مانزلتا البوست ده تتخيل فيصل كان ممكن يفتح خشمو؟؟
كان اتونس وحنك وقال ليها دكين زعلان ودكين مضرب ودكين بطيخ وضحك وقشا خشمو ..






نوبي

انا لاحزين ولايحزنون
شديد ولضيض..وفي نعمة كبيرة خلاص احمد الله سيدي..
بطل تفكها في الجكس وتقشر بي حزني ..






التلفون الاخرو سبعتين ده انتا؟؟
اكيد انتا اصلو شيطان غيرك وكت الصلاة مابضرب..

لحدوت الصباح ده كنتا متذكر ملامح وشيها..
اول ماقالو لي باكستانية مساء اليوم.. كل شي زاغ والملامح طشت..


ادفع عشرين صباح جديد بس اتذكر شكل البسمة ..














انا ليه تجيني الموية حفيانة؟؟

وادنقر البسا شبط اخضر.



الواحد اصلو مايعمل فيها باكستاني يعني في بلدكم دي؟؟

المرهفة تماضر..

في حفلة ..
من بين خمسين الى مية بت سودانية..

تعبجني واحدة
القاها باكستانية..



دي بلاي موش قلة ادب مني؟؟

Quote: انا ليه تجيني الموية حفيانة؟؟

لانو عينك في المويه ام شبط

وتشيل وتكشح فيها للفياصل والنوابي

احجز لي انا وسلمي الشيخ

بالخطوط الباكستانيه عشان جادين في الجيه

لكن انت انسب تحجز بالخطوط التونسيه

لانو مواعيدا مظبوطه

وفيصل نوبي صاحب المدير لزم

والسيره مرقت عصر

اتمبو تكش اتمبو تكش اتموتكش

ياخي سلمى و طارق اللمين ديل طيبين طيبة ..
قال سيرة قال ..
عرس يعني و كلام زي ده ؟؟؟
منو ؟ دكين ؟؟



ياخينا كلام فاينال

Quote: الســعادة المفاجئة هي اخت الحرج

و " الصبر مفتاح الفرج "

اللهم اني صايم

Quote: لكن انت انسب تحجز بالخطوط التونسيه

بلاي هسي لو كانت طلعت بت تونسية موش كانت تكون ارحم..


اصلا انا حظي معتد..





باكستان؟؟
باكستان يا وليد؟؟

كلاشنكوف انا ياخ؟؟

يادكين
حكى لينا واحد باكستانى مولود فى جدة مابتفرزه من السعوديين الا بالتدقيق – لمتنى بيه عيزومة عملوها اصحابى لجماعة جايين من السودان وبعد مالاقيتهم عرفت انهم جماعة ليهم ضل فى السودان لذلك عديت باقى العيزومة كلها شايل الابريق لزعيمهم عسى ولعل الاتى من الايام يكون مامتعب زى الفات

المهم احكى ليك الحكايه – الزول دة قال سافر باكستان بعد غياب كم سنة كدة لاقى عمه فى استقباله وركبوا البص لقريتهم البعيدة وبعدهم بشويه ركبوا راجل عجوز ووراءه قمر (فى ذمة الباكستانى) وبعدهم طوالى ركب شاب بدا يعاكس فى البنت (حركات البصات ديك) وزولنا ده مراقبهم وحاقد على الولد لانها البنت عجبته هو ذاته وفجأة ابوها يكشف مشاغلة الشاب لبنته ليغضب ويثور وماشى بالعكاز على الولد الا انه الولد طلب منه الهدوء وان قصده شريف وطلب يد البنت وبعد جدل وتدخل الاجاويد من الركاب وافق الاب وطلب منه المجى الى قريتهم لاتمام مراسم الزواج الا ان احد الركاب طلب منهم اتمام العقد هنا بواسطته فهو مأذون شرعى فوافق الطرفان بتشجيع من الركاب ونزل الجميع من البص حيث تم العقد والجميع سعداء وجاء احد الركاب ومعه حلوى وزعها على الجميع وذكر بانه كان يحملها لاولاده ولكن هذه المناسبة جعلته يبتهج ويوزع الحلوى وذكر لى صديقى بان هذه الجملة كانت اخر ماسمعه ذلك اليوم هو وجميع الركاب ولم يستيقظوا الا نهار اليوم التالى بفعل المخدر الذى فى الحلوى واختفت جميع الامتعة وكذلك الساعات والموبايلات والاموال وكذلك اختفى كل من العريس والعروس وابوها والمأذون والشهود وكذلك صاحب الحلوى

فيادكين احذر الباكستانيات
فوراها قطع شك كمين لدكين !!!!!!!

قراءة في ملف العلاقات السوداني الباكستانية..

نجيب الخير يلتقي السفير الباكستاني
الخرطوم:الصحافة
استقبل نجيب الخير عبد الوهاب وزير الدولة بوزارة الخارجية امس، سلطان حياة خان سفير باكستان لدى السودان، وذلك بغرض الوداع بعد انتهاء فترة عمله بالسودان ومغادرته البلاد في منتصف الشهر الجاري.
وتطرق اللقاء الى الروابط والوشائج التي تجمع بين الشعبين السوداني والباكستاني، والى قناعة الطرفين بآهمية تطور العلاقات المتنامية وتوسيع مجالات التعاون القائمة بما يعود بالخير والمنفعة على البلدين الشقيقين.واشاد الوزير بالتطور الكبير الذي شهدته العلاقات الباكستانية السودانية خلال السنوات الماضية..




بعد بحث في قوقل وجهد ..
دي اكتر علاقة لقيتها بين بلدينا ايتها الجميلة ..
اعذريني

فالبلاد لم تراك في ذلك الفجر....

ود العزة والمهلة
دكين سجم رماد الحلة
الليلة ساير يا دكين يا هباب
مجكس باكستانية
صديقة جميلة من بشاور
ان شاء الله يا دكين
تاكل فلفل ويولع ليك الشكمان حقك

ده حالتو قلنا ليكم اصبرو للصباح
آبدول يا آخوي شوف
انت جازف و شوف الحاصل شنو
عشان تنور لينا الدرب و نقدر نسير علي خطاك اذا ما حصل ليك كسر مركب او فارقت الحياة مبدرا..
(الباكستانية ) ياخ شوف اسم جنسيتها ساي يعمل ليك وجع مصافل في عظام الفك ..


الحفلة دي كانت وين ما كلمتنا بقيت تغنج براك ؟؟


يا حمد تعال فت لينا المعلم ده

__

Quote: التلفون الاخرو سبعتين ده انتا؟؟ اكيد انتا اصلو شيطان غيرك وكت الصلاة مابضرب..

ما تكون دي الاميرة المرتقبة و دقست و اتلحست منك يا عمك !!
-- ده ما تلفوني " جادي معاك "

Quote: هو في الحقيقة احباط .. بس غلبني اكتبو

آي قول كده من الأول ..
تاني تجي هلال مريخ ..
بعدين الناس ديل بتاعين كريكت يعني ما ليهم في كرة القدم ..
وبما انهم ما عندهم علاقة بكرة القدم ممكن تدخل باكستان بوصفك خبير كروي وعايز تتطور هذه اللعبة ..
وبعد داك ممكن تلاقي باكستانيات كتااار ..

أمانة في (تميسة) عينك دي الباكستانية دي شفتها وين

سيد البوست / دكين ..... سلامات

جديد في البورد ... لكن متابع جيد ....

عن الباكستانية ....

في مشكلتين هنا ... نفترض إنك لقيت ليك مساكة... ووصلت ليها(الباكستانية )....

ح تتواصل معاها كيييف ؟؟ .. لاحظ .. إنه كتاباتك بالعربي جميلة جدا ..

وقطع شك ح تكسر بت الناس ... لكن بالإنجليزي ..ماعارف وضعك كيف ؟؟؟

وأوع تقولي .. ح تتواصل معاها بي عربي الهنود ... ح تكون كارثة ...

ونص كلامك السمح ..ح يروح شمار في مرقة ..

أنا من رأى فى ساعة الميلاد صحراءٌ * فأمسك بحفنة العُشب الأخيرِ


حسب إفادة المصدر تدعى (شبينة صفدر خان)
خريجةالمدرسة الباكستانية بالرياض
وهى صديقة وجارة (شيماء) قريبة العروس

يتبع،،

باكستانية يا دكين؟؟؟
باكستانية؟؟؟

يا فقُر؟؟؟؟؟



انت يا خوي لازماك رجعة للسودان....
ح تجيبا ضقلها يكركب





باكستانية؟؟؟؟؟



بالغت..

Quote: وهى صديقة وجارة (شيماء) قريبة العروس

وليد تاها..

مين شيماء قريبة العروس دي؟؟

حاتم

Quote: تتواصل معاها كيييف ؟؟ .. لاحظ .. إنه كتاباتك بالعربي جميلة جدا

كان معاها كان مع غيرها..





الاربعين يوم الاولى اللغة قلوبال وليست بذي بال..
الباقي بنمشيهو سترة حال ساي..

Quote: الاربعين يوم الاولى اللغة قلوبال

أربعين بتاع إيه يا عمك ..
" قلوبالك " دي ما تمسكك أسبوع ..
و باقي التلاتين يوم تنقنق يا مواطن : يا بت إنت .. إلهي ربُنا يهدك يا شيخ

دكين

شكيت محنك على الله

وصلت للباكستان كمان

يازول الناس ديل اختاهم

ديل بودوك المسجد الاحمر

Quote: هو في الحقيقة احباط ..

كدى طمنتنى على حالك...

Quote: ما تكون دي الاميرة المرتقبة و دقست و اتلحست منك يا عمك !! -- ده ما تلفوني " جادي معاك "

نوبي
بعد التاكد من حمد من ارقامك كلها..
اتصلن على الرقم المعني
فردت على هندية او سيرلانكية ماعارف..

صوت عاملات منزليات كده..




سيتم تزويدك بالرقم على المسنجر الداخلي لمزيد من التحري..




ماعايز تورينا ؟؟

ينصر دينك يا ابو عبده

جبت لينا قرشـــو زاااااتو

يا عمدة مشتاقين والله .

دكين ..
يودول جاياك بي سير محفضتها..
عجم يارسول الله .
غنبلة ذرية تستحق مطالبتك بإدخالها الجامعة العربية..

Quote: ينصر دينك يا ابو عبده جبت لينا قرشـــو زاااااتو يا عمدة مشتاقين والله .

حبيبنا فيصل نوبى

سعيد والله بكم وبلقائكم بعد طول غياب

يقينى ما ان أجد اسماءكم حتى يهل الحب ويهل الفرح وتهل اللحظات السعيدة ...

صاحبك ده انا عارفه غير الاذية ما بعرف لى حاجة

دائما يعوقنا ....

لكن قول ليه احذر ذكور الباكستان فقد انتشر خبر قبل فترة على الشبكة عن باكستانى وسودانى سائق دينا فى منطقة القصيم لا يسر ابدا http://www.ojqji.net/vb/showthread.php?p=431594....

يديكم العافية واللقمة الدافية

والله

البت سمحة يا دكين

لكن غايتو ما عندك نسابا !!!

فاتتني البهجة دي

....



خارج البهجة :

ما كنت قايل روحي بشتاق ليك تصدق ..

دكين كتب:

Quote: والله لامن حسيت بي نفسي معوق..

خدر كتب:
اصابت الباكستانيه و اخطاء دكين

Quote: دكين كتب: Quote: والله لامن حسيت بي نفسي معوق.. خدر كتب: اصابت الباكستانيه و اخطاء دكين

ياسلام على شفافيتك ياخدر
شكرا لهذا الالتقاط الواعى

Save @ PC

اشراقة سلامات
مشتاقين يا ام واصل .. الولد المجنون ده مشروع راوي خطير لكنو كسلان و ساكي لي الفارغه

Quote: قراءة في ملف العلاقات السوداني الباكستانية.. نجيب الخير يلتقي السفير الباكستاني الخرطوم:الصحافة استقبل نجيب الخير عبد الوهاب وزير الدولة بوزارة الخارجية امس، سلطان حياة خان سفير باكستان لدى السودان، وذلك بغرض الوداع بعد انتهاء فترة عمله بالسودان ومغادرته البلاد في منتصف الشهر الجاري. وتطرق اللقاء الى الروابط والوشائج التي تجمع بين الشعبين السوداني والباكستاني، والى قناعة الطرفين بآهمية تطور العلاقات المتنامية وتوسيع مجالات التعاون القائمة بما يعود بالخير والمنفعة على البلدين الشقيقين.واشاد الوزير بالتطور الكبير الذي شهدته العلاقات الباكستانية السودانية خلال السنوات الماضية.. بعد بحث في قوقل وجهد .. دي اكتر علاقة لقيتها بين بلدينا ايتها الجميلة .. اعذريني

احمد محمد عثمان
كتيرة علي يعين باكستانية ؟؟

ياخي نحنا دناقلة ..يعني حرم تفوتني تاني إلا في اربيعن ناس طمطم..


احمد تجاني
كمين بتاع راس قلبك؟؟

ومووو


والله ياحبة انتا بس مشيت بي جاي ونحنا جطناها بي وراك...
عامل لي قميصك الجديد داك...




همزاوي

شكمان منو البولع ياحبة..
حرم نحنا من رجالتنا شكمان ذاتو ماعندنا..




فرشــــــــــــــــــــــو

ياخي بركة الجابتك الباكستانية ..
عارفك شفاف ورعديد..
سعادتنا بيك قدر حرجنا من فرحنا بي شي ماحقنا..

فهمتا شي؟؟





محمد طه الملك؟؟
سلاموز يالذيذ
علاقتك شنو بي ناس حسن الملك انتا ؟؟
اجابتك مهمة شديد..




تنقو

تنساني ؟؟
ولاحتى شُـراب يا تنقو؟؟
ماقتا بترسل لي شغلة من الشارقة..

آآآه..
حليلك ماكنتا قايل نفسي بنساك...

Quote: محمد طه الملك؟؟ سلاموز يالذيذ علاقتك شنو بي ناس حسن الملك انتا ؟؟ اجابتك مهمة شديد..

ابو لقاء


وحاتك يا خدر البت دي انا مديت ليها يدي وسلمتا عليها
واذكر فيما اذكر اني قتا ليها ازيك ياامورة..

ابتسمت لي ابتسامة لااستحقها ولا حتى في حياة اخرى..
ابتسامة كده اصلا مامفترض اشوفها..
فيها حب ومحنة كبيرة خلاص..
وكانها تعرفني ..
لحدي ما حسيت بي اني مجرد معوق او حاتسجن فور خروجي من الاستراحة ..







انتا صحي امنا حوءا نزلت اول مانزلت في باكستان؟
مرة سيدنا نوح كان اسمها منو؟؟
سؤال اخير:
هسي ياربي تكون كتبت عني في بورد باكستانيز اونلاين؟؟














معليش سؤال اخير تاني:
ياخدر نهاية قصة قلبي دي منو؟؟

Quote: مرة سيدنا نوح كان اسمها منو؟؟

مدام نوح ..
إذا عايز تعرف جر سلك لحسن ..

Quote: إذا عايز تعرف جر سلك لحسن ..

ماتقول لي حسن كان معاهم ..
في المركب..

Quote: ابتسمت لي ابتسامة لااستحقها ولا حتى في حياة اخرى..ابتسامة كده اصلا مامفترض اشوفها.. فيها حب ومحنة كبيرة خلاص..وكانها تعرفني ..

DKEEN

منذ امس وأنا فى هذه البدائع

..




ياااخ
ما لقيت الكلام
وروحى عايزه تمرق بهنا

ودى

داش

بت الخلود ترقد تنوم اسهر براي ارعى النجوم..




المؤسف في هذا الامر ايضا اضافة الى ماسبق

انو هي ماشغالة بينا الشغلة..

مــــزار الشريف

Quote: قراءة في ملف العلاقات السوداني الباكستانية.. نجيب الخير يلتقي السفير الباكستاني الخرطوم:الصحافة استقبل نجيب الخير عبد الوهاب وزير الدولة بوزارة الخارجية امس، سلطان حياة خان سفير باكستان لدى السودان، وذلك بغرض الوداع بعد انتهاء فترة عمله بالسودان ومغادرته البلاد في منتصف الشهر الجاري. وتطرق اللقاء الى الروابط والوشائج التي تجمع بين الشعبين السوداني والباكستاني، والى قناعة الطرفين بآهمية تطور العلاقات المتنامية وتوسيع مجالات التعاون القائمة بما يعود بالخير والمنفعة على البلدين الشقيقين.واشاد الوزير بالتطور الكبير الذي شهدته العلاقات الباكستانية السودانية خلال السنوات الماضية.. بعد بحث في قوقل وجهد .. دي اكتر علاقة لقيتها بين بلدينا ايتها الجميلة .. اعذريني فالبلاد لم تراك في ذلك الفجر....

فتشتها فى قوقل يا دكين

حالتك صعبة
الجاتك فى باكستانيتك سامحتك

ابتسمت لي ابتسامة لااستحقها ولا حتى
في حياة اخرى......................


دكين دا الكلام البودى قوانتنامو بي


اهو بالمرة تجيب لينا خبر سامى الحاج (دا طبعا لو قدرت تقول ان هجرتك كانت من اجل امراءة)

امكـــ

دكين ..... تاني سلامات ..

معلوماتي عن أهل تلك البلاد ... تسمح تقاليدهم بزواج رجالهم من بلاد أخرى ( الشاهد - عمران خان و جميما البريطانية )

.... لكن عن العكس .. لا ندري ..

.. والله أقوليك ..سيبك من موضوع العرس ده .... كده أنت بعد تلم فيها ( كان الله هون ) كسرها .. والباقي ساهل

دكييييييين

أحسن الله عزاءكم.....خيرها في غيرها ...لكن يا دكين ما في بنات سودانيات أحلى من الباكستانيات بس ركز وبتلقى ...



بعدين أنا جد محتارة في بوست نبارك ليك العرس وفي بوست تفتش فيه على عروس يا تو الصاح ؟؟؟




مودتي وتقديري

دكين

تغريدك الحزين بيتعب الاعصاب

مرة صاحبي وقع في غرام وجه جميل

قام كتب ليها جواب

ومشى لحدَى بيتها ودقَ على الباب

جاتو بوجهها الحلوا

قال ليها

أدَي الجواب ده لعماد اخوك

...

ما عندك جوابات نوصلها ليك

Quote: بعدين أنا جد محتارة في بوست نبارك ليك العرس وفي بوست تفتش فيه على عروس يا تو الصاح ؟؟؟

حبله قصيـــــــــــــر

Quote: هسي ياربي تكون كتبت عني في بورد باكستانيز اونلاين؟؟

سؤال وجيه..

أيّها الوغد " ابداللزيز"

إنتا بس بارى سيرة البنات "الرهاب" و فى النهاية أقعد فتش لى قد القفة و ما تلقاهو ..

الاخوات والاخوان فوق
لم استطيع الرد عليكم وانتم اهلُ ُ للرد..

بس اتصلت بي صديقة من بورداب الرياض وقات لي انو:
ابو البت شغال معاها وانها (البت) خرجت في مناسبة مع اصدقاء سودانيون يوم الجمعة المضت

واضاف بكل اريحية وهو يشد على يد صديقتي : انو ماعندو مانع يزوج بتو لي لو انا طلعت وسيم..

قامت صديقتي كتر خيرها فشتت صورة لي اوجه زول في البوست

ومالقت غير عماد عبد الله


.....
مبروك ياعماد...






نحنا نشوف ونفتش وانتا تعرس..

بالله ؟؟؟

Quote: نحنا نشوف ونفتش وانتا تعرس..

نفتش دي شنو كمان ؟
فتشت شنو شكيتك على الله .. !!!

تفتش إنت .. و انا مبروك ؟؟!!
شايفني دلدول يعني وللا كيف ؟؟



كيتو تيق يا أبداللزيز .. كتو تيق .

Quote: شايفني دلدول يعني وللا كيف ؟؟

هي بلاهي ماتكون زول مُــــتة ساكت..

هـدِ لاقي؟؟






هجاب إكي ميرل..

مكرر

Quote: بس اتصلت بي صديقة من بورداب الرياض وقات لي انو: ابو البت شغال معاها وانها (البت) خرجت في مناسبة مع اصدقاء سودانيون يوم الجمعة المضت واضاف بكل اريحية وهو يشد على يد صديقتي : انو ماعندو مانع يزوج بتو لي لو انا طلعت وسيم.. قامت صديقتي كتر خيرها فشتت صورة لي اوجه زول في البوست ومالقت غير عماد عبد الله

والله محن ياهو الفضل (وش ممحون جنس محنة) !

نادية الســر
انتي يا راقدة ليك فوق راي ..

يا كمان مدشدشة في عماد ده..


حددي او رسلي لي مسنجر داخلي نظام جرسة) لانو الموضوع ده انا مابخلي..




هسي في ذمتك شنبو ده شنب باكستانيون....


قال الشاعر:
باكستانيون باكستانيون وحتى الموت باكستانيون

عبد الله الحبيب
صورتك دي كان وين زمان الناس هداوة بال..



رافت ميلاد

احبك محبة كده لا اعرف لها سببا..
معليش الرد ماعندو علاقة بي مداخلتك بس المحبة غالبة..

احمد سليمان
انا غايتو في شأن تلك الباكستانية مستعد امشي السودان ذاتو مع وليد طه خليك من غوانتنامو ..



ابو حريرة
البت بس لو كانت لقت حريرة اليوم داك؟؟
اخخخخخ

يحضرني في هذا المقام احد الامثال السرية الجميلة


دكين يا فيصل كان منتظر يوم عرس طارق اكتر من طارق
يقوم من بداية الحفلة يقفل علي واحداة و يرخي باقي الجكس تطلع ليه من باكستان


خلاص اعمل حفل استقبال لي طارق و ابدا ركز من جديد يمكن تصيب المرة دي

Quote: خلاص اعمل حفل استقبال لي طارق

حمد

ده الحنك القالو ابو رغد لي هيثم درار المسكين

جابو ليك من الشرقية وقال ليهو هجيج وربة وحتلقى عروستك اكيد..

هيثم من هناك جاي قاشي طريق النعيرية بي 180 كلم في الساعة وحلمو في انو يلقى فتاة احلامو قدامو بي 190 كيلو في الساعة..


وحاتك المسكين جا هنا واتلطع معانا بره انا وحسين
وفي النهاية وليد عملو بتاع لموزين لي خط طويل..



ابو رغد طلع راجل بتاع خطط استراتيجية يا حبيب..
لبس ليك هيثم درار الطاقية..








ده كلو كوم وسحس كوم تاني..
البني ادم الطيب ده كان مقرض على عرس طارق ده بشكل غريب
اصلا ماعندو صاحب غير طارق..
ووليد برضو لبسو الطاقية..

وليد ده حجر عثرة عشبتنا الاخيرة في صحراء نجد..





وتقول لي كيفن مااقرض على باكستانية؟؟

ياخي وليد خلانا نشوف حاجة؟
ماياها ديك كانت الفضلت...

سلـــمى صبحي..


بت تاجر البارود دي هدية والله اداني ليها وما بتتبدل..

تخيلي الناس لحدي هسي ما مصدقين..
وفيصل نوبي قايلا نكتة..

غايتو انتي بس لو عرفتي القصة
انا واضاتي بتصبح..

العزيز حيدر حسن


مرة واحد مشى لي صحبو في البيت
فتحت ليهو اخت صحبو الباب


قال ليها: اخوك موجود ؟؟
قات ليهو : لا
قال ليها: لامن يجي اقول ليهو منو؟؟



مشتاقين ياناس اخر الدنيا..

ياحلاوي


انتا لسع حي؟؟


ياخي كفاك تعال ..والله ما بتتلما..

" كنتُ إذن أتجول في القرية، عندما رأيت فلاحة شابة تقفز من عربة صغيرة، فتاة مرحة طولها متران و عيناها زرقاوان كالبحر، و لها ردف... كالفرس!... و وقفت مذهولاً و قلت لنفسي: " أي يا زوربا المسكين، لقد ضعت!".
" و رحت أتتبعها، و أنظر إليها... من المستحيل أن اشبع! كان لابد لكَ أن ترى ردفيها اللذين يهتزان كأجراس الفصح. و قلت في نفسي: " لماذا تذهب لشراء المناجم، أيها الشيخ المسكين؟ إنك تتنكب الدرب المستقيم، أيها المتقلب الرأي! تلك هي المنجم الحقيقي: ألق بنفسك فيه و شق انفاقك!".
" و توقفت الفتاة، ساومت، و ابتعات كمية من الخشب -ياللذراعين، يا إلهي!- و القتها في العربة. و اشترت قليلاً من الخبز و خمس أو ست سمكات مدخنة. و سألت: " كم أصبح الحساب؟ - كذا... ". و فكت قرط أذنها الذهبي لتدفع. لما كانت لا تملك مالاً، فستدفع قرطيها، و حليها، و صابونها المعطر، و زجاجة الخزامى.. لو دفعت كل ذلك، لضاع العالم! تماماً كما لو أنك تنزع عن طاووس ريشه. ألك قلب لتنزع ريش طاووس؟ أبداً! لا، لا، مادام زوربا حياً، فلن يحدث ذلك. هكذا قلت في نفسي، و فتحت كيس نقودي و دفعت. كان ذلك عندما أصبحت الروبلات مزقاً من الورق. بمئة درهم، كنت تشتري بغلاً، و بعشرة دراهم، امرأة.
" دفعت إذن. و حدجتني الفتاة بطرف عينها. و تناولت يدي لتقبلها. لكنني سحبتها. ماذا، هل تظنني شيخاً؟ و أخذت تصرخ: " سبا سيبا! سبا سيبا!" و هذا يعني " شكراً! شكراً!". و بقفزة واحدة أصبحت في عربتها و تناولت العنان، و رفعت السوط. و قلت في نفسي: " زوربا، أيها الهرم، احذر إنها ستهرب تحت نظرك". و بقفزة واحدة، كنت في العربة إلى جانبها. و لم تقل شيئاً. بل لم تلتفت لتنظر إليّ. و ضربت الحصان بالسوط، و انطلقنا.
من صفحات نيكوس كازنتزاكس

" كنتُ ماراً إذن بكوبان، و رأيت امرأة في بستان. و اعجبتني. يجب أن تعلم، أيها الرئيس، إن السلافية ليست كهاته اليونانيات النحيفات الطماعات اللواتي يبعنك الحب بالنقطة و يفعلن كل شيء ليدفعن لك أقل مما يجب ، و يغبطنك حقك. أما السلافية، أيها الرئيس، فتعطيك أكثر مما تستحق. في النوم، و الحب، و الأكل، هي قريبة جداً من الأرض و البهائم: إنها تمنح ، تمنح كثيراً، إنها ليست كتلك اليونانيات اللواتي يساومنك طويلاً!
و سألتها: "ماذا تُدعين؟". لقد تعلمت شيئاً من الروسية مع النساء، كما ترى. "نوسا. و أنت؟ - ألكسيس. إنك تعجبينني جداً، يا نوسا. و نظرت إلي بانتباه كما ينظر الانسان إلى حصان يريد أن يبتاعه. و قالت لي: "أنت أيضاً لا يبدو عليك أنك مسكين. لك اسنان متينة، و شاربان كبيران، و ظهر عريض، و ذراعان قويتان. انك تعجبني". و لم نتحدث أكثر من ذلك، أذ لم يكن ثمة داع لذلك.

من صفحات نيكوس كازنتزاكس

Quote: هجاب إكي ميرل..

ياعجمي دي لياتوا عجمعي فيهم ..
غايتو إذا وافقت ح طلع لينا عرق جديد إسمه ( الدنقلاويش ).

دكين
احوال النوار هنا لاتسر
هات ضراعك سلفة يومين

ارسل ليك من ياتو صنف
البضاعة لاترد بعد الشراء

Quote: و لها ردف... كالفرس!... و وقفت مذهولاً و قلت لنفسي: " أي يا زوربا المسكين، لقد ضعت!". " و رحت أتتبعها، و أنظر إليها... من المستحيل أن اشبع! كان لابد لكَ أن ترى ردفيها اللذين يهتزان كأجراس الفصح.

سند اخوي...
لعل اجمل ماكُـتب عن المؤخرات جاء في مدونات نيكوس

حتى انه يمكن ان نطلق عليه بجدارة نيكوس كازنتزاطيز


دمتا رايق يا سند واسعد الله مساءاتك اينما كنت

دكين ســــــــــــــــلام ،،،،
صاحبك صديق الموج قلت ليهو بوست دكين
الشديد ده ماشفتو ؟
قال لى مريت عليهو لكن عندى رأى فى
الباكستانية بصفة عامة !!
قال ( عاملة كده زى عيش الريف ....
هدومها كتار ما بتنفع معاى ) !!!!!

إذا قال صديق الموج فصدقوه فإن القول ما قال صديقو

وهذا ما امسكت انا عن إخباركـ به ترفقا في بحثكـ عن حواء تزين لكـ امر التفاحة
الان بعد ان قالها الموج سأهديكـ نصحي يا وغد

ابتعد قدرما استطعت عن الباكستانيات و الافغانيات و الصوماليات
فأنكـ لا محالة مُنفق جُل نهاركـ في تقشيرهن من ثياب وسرابيل و سراويل
و لعلمي بعجلتكـ التي اعرف .. فإنكـ لا محالة فاعلها علي ثيابكـ ثلاثا قبل
ان تصل الي الكليه الحربيه و حينها حايكون شكلكـ بايخ بصراحة

فتدبر من امركـ رشدا و اعلم ان العجلة هي صنو الحرج و ليست السعاده
فأستمسكـ بحبل القسمة و النصيب وإلا .. فانكـ منكساَ رأسكـ خجلا لا محالة
كلما مررت بسوق القماش

Quote: انتا صحي امنا حوءا نزلت اول مانزلت في باكستان؟

تشير الكتب السماويه بوضوح شديد الي مسأله نزول امنا حواء بمعيه العاشق الاكبر الي الارض
لا علم لي بمكان هبوطهما.. لكني و بالنظر الي ورقةالتوت الشهيره التي كانت تستر جسد حواء
و استصحاب زي الباكستانيات استطيع الجزم بإستحالة نزولها في ارض البشتون .. وليتها فعلت

حتي تعفيكـ من الحرج وانت تعبر سوق القماش

خدر..
تاني أكتب بالصباح بس
كتابة المساء دي بتعوِّق

طارق
رفقــــاً بصديقنا فهو صائم ..
يستطيع تدبر أمره .. و خرق الغطاء دون خلعه
يعني ممكن يكون أول بلاغ إغتصاب زوجة


دكين
سمعت نكتة الازواج الحلوين اللي بيجيبو أولاد شينين و العكس
..
أحكيها لابو الباكستانية عشان ينسي موضوع عماد عبدالله ده

نوبي ..
خدر قال ليّ مابرد على زول تاني
أنا خايف على مكانتي الفنية

دكيــن .... والله مشتاقين

Quote: اتصلن على الرقم المعني فردت على هندية او سيرلانكية ماعارف..

إنت النضمى كلو بقيت تشوفو أوردو؟؟

النية مطية يا خدر

دكين لما مشي يسأل من البت قال ليهم
لو وافقت قولو ليها دا دكين
و لو شاكوش قولوا ليها الود البسال دا كان حسين
حسين دا زول طيب و د ناس ليه سنتين راجي الله و عرس طارق عبده
و الله اخد ليه حقو من الظالم و المفتري

عقبال الجاية تطلع بنقالية
عشان القرمصيص دا تاني تشم ريحتو بالسمع بس

Quote: لاتدع باكستانية تبتسم في وجهك ..

تبدأ مشاكلنا من هنا ..
فلدى بعض الشعوب الإبتسامة قد تعنى شئ آخر مختلفاً تماما عن ما يجول بخلد (عشا البايتات)

مثلاً فى أحدى القبائل الإفريقية هنالك عُرف وهو انه عندما (يتف ليك) زعيم القبيلة - بعد ان يجمع كل ما لديه من لُعاب- فى وشّك فذلك يعنى أنه قد رحب بك أيما ترحاب

فأنظر ماذا ترى

Quote: ابتسمت لي ابتسامة لااستحقها ولا حتى في حياة اخرى.. ابتسامة كده اصلا مامفترض اشوفها.. فيها حب ومحنة كبيرة خلاص.. وكانها تعرفني ..

ولانكـ ياصديقي متيقن من حرصي عليكـ سأسألكـ سؤلا موازياَ


هل حملت تلكـ الابتسامه كل شحنات الحنان التي توهمت
ام ان انعكاسكـ رغباتكـ تمثل لكـ حناناَ سويا ؟








_______
اخشي عليكـ من الحَنان يا صديقي .

Quote: تمثل لكـ حناناَ سويا

بل تمثل له حناناً آسيوياً يا خدر

وين يا...

Quote: وين يا...

Quote: دكين حزين علي ما يحدث

العزيز حيدر حسن
ياخي ماسمعتا بي كلام الجيش بتاع (جيبو حي)



دحين لو لقيتو لينا حي نكون ممنونين..


By the way,where is the femail you till me that she is going to be mad of me
??
may be she is my GESMA




would you please send her my GOBLATI

المهندس العزيز عبمنعم حفيد ود حبوبة..


صحبك صديق الموج كلامو مابقع واضة تب..
بس ياخي قول ليهو دكين قال ليك انتا جربتا عيش الريف لامن تفرتقو من غطاهو وتنجضو؟؟






دمتا رايق ياهندسة
وليك وحشة ولي الوج مثلها..

صديقي الوغد خدر
لاتكن غشيما ايها الحبيب
انما سر اللون في مالم تصله الشمس ..
وكلما زاد ماعلي الشي من غطاء زاد احتفائه بالضو وبالضياء..
اومارايت لؤلؤة من قبل وكيف تبدو في جلائها الفرد..
انما ذلك كونها في محارة في ححرزٍ مُحرز والمحارة في قاع بحر وقاع البحر ظلمات فوق ظلمات..


انتا بس كده الحق شوف ليك باكستانية خارج محارتها وبعدين تعال اتفاصح..

نوبي

Quote: سمعت نكتة الازواج الحلوين اللي بيجيبو أولاد شينين و العكس

ياخي دي هينة...

انتا سمعتا بي نكتة المامتزوجين البجيبو اولاد حلوين؟؟

مصدق يافنان

انا هسي لي يومين راكب لموزينات سااااي..

حمد

حسين ده مافي زول ضيعو غير وليد

حقو نعرس ليهو رغد..





وليد

الله يقرفك ,,
اصلا كلو منك
لو انتا كنتا باقي على سترة اخوانك (انا وحسين )ماكان خليتنا لي اذان الفجر بره..





BY THE WAY
عرس طارق وانتهى
متين حتشتاق لي الرياض دي؟؟

حمد

حسين ده مافي زول ضيعو غير وليد

حقو نعرس ليهو رغد..





وليد

الله يقرفك ,,
اصلا كلو منك
لو انتا كنتا باقي على سترة اخوانك (انا وحسين )ماكان خليتنا لي اذان الفجر بره..





BY THE WAY
عرس طارق وانتهى
متين حتشتاق لي الرياض دي؟؟

BE BE

ليك وحشة يااخلاص النوارني...



بس مرقتي منها كده والمطر ده نزل هبد الخلايق هبد..

بت ولا زنكي انتي؟؟

Quote: By the way,where is the femail you till me that she is going to be mad of me ?? may be she is my GESMA would you please send her my GOBLATI

ده عشان كلام الليل يمحوه النهار

نوبي

بركة الباقي بقى صح..

كرهتنا البلي ذاتو..
الواحد مايعمل فيها قاري (فيلا جلدا) اصلو هنا؟؟

الوغد دكين سلام جلدى جلدى
كلامى انا خليه ولكن خير القول ما قال خدر فهو خبير بعلوم
نساء اسيا...وله كتاب تحت الطبع بعنوان حلم الجعان فى سبر
اغوار الباكستان000
شوف عينى الباكستانيه تشترى خمسة عشر متر للبسه واحده
واذا قيض لك الله واحدة منهن ابدا سهرتك من الرابعه عصرا
عسى ان تصل بالسهرة الى نهاياتها المنطقيه،هذا مع حرص
مطلوب منك انت لا تملك واحد فى الميه منه كما قال خدر
حتى مع بنات الماساى...
عبد المنعم عمر سوف لا استودعك سر مرة اخرى...
حمد فتح الرحمن الا ترى ان صديقك يجرى وراء سراب بقيعة.

Quote: شوف عينى الباكستانيه تشترى خمسة عشر متر للبسه واحده

حلوة دي..
ياخ على دينار الله يرحمو ماكان برسل كسوة الكعبة الشريفة خمسطاشر متر مرة واحدة ...

دكين البكاي ...

خليك من الجرسة دي ولو عايز





تعال اخطب ليك أخت مرتي

هندية لا بشاور لا سبورة

امير


قرت معنا واحدة جدها باكستاني ..
اسها هبة
عذبتنا بي سماحتا لامن خلينا ليها الجامعة..

تعرف يامان
الحيستمتع بي زواجك من هندية بالضبط هو ود الجيران
او ود اخوك او ود احد اقربائك او طلبة الجامعة ..
حيلقو ليهم بت عم او بت جيران او بت قريب زي الرصاص..


غايتو بتك دي يا تدسها ياتخليها في بونا..

دكين
تتذكر صباحات العسكر والتربية ؟
تتذكر الحرمان في أيام المعسكر الأولى ؟
( الجكة ) خارج المعسكر بعد طول شظف وحرمان يولد في طوابير ( المستجدين ) هستيريا بكل ما يلبس ثوباً أو ما لا يلبس .
قبل الأسلمة جلالات الطالبة وذات البرتقالة طبنجة وما شابه تؤكد صدق ما ذكرت .
وما أورده هنا خدر يدعم ما أقول
فأنت وفي هضاب نجد أشبه بهم ( مستجدي ) العسكر
أعادك الله ديار شمبات حالما محملا ديوكها حال ما ألم بكم جراء شوقكم .
وأعانك على غربة تشبه ثكنات ميز تمنين ومصنع الرجال .


سؤال

إنت قلت داير تعرس الباكستانية دي ولا كلامك حاجة ( كيري ) ساي وكدة ؟
خدر الزول ده قاصد شنو ؟


أبنوسي

Quote: دحين لو لقيتو لينا حي نكون ممنونين..

إعتبر الصنف وصل

وما تكلم نوبي

إستحمى كثير

شكيتك علي الله يا دكين
الله يجازي محنك

by the way

Quote: الواحد مايعمل فيها قاري (فيلا جلدا) اصلو هنا؟؟

دي غلبنك قلت تخليها بالعربي ما كان تنقلها من الكتاب