منشــور إخـلاء السودان

(ماعندكم ينفد وما عند الله باق ولنجزين الذين صبروا اجرهم باحسن ماكانوا يعملون)
النحل 96
قد مُنحت من الله في 50 يوما خلت مالا ينفد وما ليس على الله بكثير..
والصبر الان كعصائِر نبتِ الطرطور ..
والباقيات الصالحات بناتُُ ُ توزعن بعناية في جبره واركويت وشمبات وودنوباوي وكلتوس..
ما من بؤسٍ يعمُ ادمي كما البؤس يعم صاحب البنات الـمُسافر..
وما من غربةٍ تجتاحُ النفسَ كما الغربة حين تجتاحها صور الصاحباتِ البنات، والجدرانِ وناصياتِ الشوارع..
ومامن شي ُيحمض عليك خبز يقينك وخمائر عافيتك سوى طلعة بهية قد تركتها وراء ظهرك ..
الناسُ سلالاتُ ُ وطبائع..
اجناسُ ُ واعراق ..وقبائلَ مُـتعارفة..
والشمس هناك حـرُها شديد.. والمحباتُ قِـــسَـم..
فاذا ما كنت كثير الاسفار، فاحذر الشمس والبنات..
واحذر ان تربط حوادث ايامك بالامكنة والجدران والوجوهِ الحالمةِ وغيرها..
ودع الحدث حيث حدث، ولا ُتعيد الى دوائر تفكيرك سرد تفاصيل يومك لئلا تعلق بذور التفصيل الخصب بذهنك، لتنبتَ فيما بعد على عمومِ الجدب في غربتك فلا تجد بعدها لواقع غربتك مكانا فتظل في انفصامٍ قِـلق..
فلا انت في التفصيل ولا انت فيما اخترت..
وطالما انت بالخيار فاحذر مغبة التفصيل ..
كما واحذر اطالة النظر الى مكان بعينه دون اخر.. ففي النظر الطويل تندسُ فخاخ الحنين..
وكن حصيفا واحرص على ان يتوزع بصرك طوال حال سفرك على الدورب دون هوادة وبلا تركيز..
فلا تنظر طويلاً في عيونِ البنات..
ولا تنظرُ طويلاً الى جدارٍ مررت به..
ولاتمكث طويلاً في سفرك..
وعلى كل حالٍ إحذر التطويل والاسهاب قدر ما تستطيع..
واختا النيل ..
(النيل.. الختا)
واذا ما قدر الله لك وصافحت فتاة ما لاول مرة فا قشر بالسرحة حين المصافحة..
ولاتقع في شراك العين الظامئة ..
أي لا تنظرُ عينيها ابدا ..وانقل بصرك سارحا بين السماءِ وبين الارضِ باستمرار..
متحايلا بالارض وبالسماء على بدعِـة الانطباع الاول والنظرِ الاول وفِخاخ العيون..
فسماواتِ الله وارضهِ تجدها حيث سافرت ..
وبنات الانطباع الاول والنظر الاول لن تجد اليهن سبيلا فيما بعد.. فيُـذهبن بعدها بدينك ومتاع غربتك وحسنها..
والغربة متاعُ ُ واحسان ُ..فاحذر خلطها بالانطباعات غير الدقيقة وبمغبات النظر الفالت غير المتزن..
واحسن غربتك .. تُحسن الى نفسك واهلك والاقربون ذوي الحاجات..
وابدا لاتنظر مستدركا الى شيٍ فاتك ، تظن انه مضى...
ولاتندم على شي تركته خلف ظهرك ..واعلم انه ما من شي يمضى إلا اتى دونه شيُ ُ اخر..
فان حبيبة مضت اتتك دنياك بحبيبة اخرى .. وان جدارُ مضى اتتك الايام بجدار جديد.. وان فرحُ ُ انطوى فلا تبتئس ولاتندم فالافراح مادامت لاحدٍ كي تدوم لك..
فـسُـنةُ الدنيا الزوال..
اما نورة فاندم عليها على مهل..
نورة الزاد الذي لا ينفد.. نوارة (المين) عند احتدام المغارب ..
نورة لون الطبيعة الابيض المعتدل..
نورة بالجملة كده (صلاة النبي فوقا..)
وليس بذي بصيرة من يطيل مثلا النظر الى صورة المنزل اعلاه في نمرة 2..
كما وليس بذي بصيرة من يمر على دربٍ مرتين في يومه..
فذاكرة الانظارِ ماهلة وشراكِ الحنين صبورة ..
وعلى عمومِ الاشياء وددتُ ان اقول : كن كثير السرحان في اسفارك تنجو..
هذا وان غبت عن مواضعٍ بعينها مدة من الزمان وعدت سالما تنوي الرحيل، فلاتربط المواضع بفعالٍ قد مرت بك في زمانـ ٍ خلا..
ولا تقل لصاحبك بجوارك: ايييه...قد كان كذا وقت كذا وقد كنا كذا في مكان كذا..
وصاحبك قد لايحسن بك الظن ..فهو يمر بالمكان يوميا ولايذكر ما تذكر..
مشغول باله بنهارات البلاد الصيخود وايامها الضكر..
واغلب الظن انت عنده حلومُ ُ كثير الشجن ..
وانا انتظر صفا من السيارات العابرة نظرت فوقع بصري على الصورة التي بالاعلى ..
فرايتُ فيما رايت اقباطا ونساء في ازياء الثلاثينات على كراسي اصطفت بلا ترتيب على مساحات خضراء بجانب عمود المدخل..
والزمان مساء وبدايات شتاء.. وصبيةُ ُ بخدودٍ ورديةٍ وعينانِ كحيلتانِ -لازمتني تلك العيون لسنين طويلات - تغـُرس في وردٍ احمرٍ ازرقٍ على مسافاتٍ محسوبة..
وضابط بلون وردي وعلى كتفه علامات التاج البريطاني..
يتساقط من صنبورٍ نحاسي اللون قطرات ماءٍ بايقاعاتٍ ثابتة ..
ظني ان صاحب البيت يقال له ديمتري..
كان الموظف المسؤل عن جُـمرك الخرطوم في بيت الحاكم العام وصديقا مخلصا لمصطفى بك ياور حاكم مديرية دنقلة انذاك..
حليق الذقن والشارب..
يجلس على كرسي من خشب الخيزران داكن اللون..
والده كان صديقا محببا للاسقف كمبوني الذي وفد الى السودان في ايام غردون الاولى..ومن الذين استنكروا فيما بعد بشدة فكرة منشور اخلاء السودان ..
احاديثهم كانت تدور مابين احوال الارساليات في الخرطوم ودنقلا وكوستي ومابين مقترحات اخرى عن احوال الزراعة والبريد والتشجير وحركة وابورات النقل النهري في تلك المدن..
وبانجليزية محببة دارت بعض الاحاديث عن تخصيص بعض ايرادات الدولة لإنشاء مضمار للخيل ونادي للزوارق الشراعية في الجانب الشرقي من منزل الحاكم العام ..
حين هموا بالضحك المتواصل على اثر طرفة القتها زوجة الضابط، صاح عسكري المرور الواقف امام منزل الاستاذة سعاد ابراهيم احمد قائلا لي:
(يا بتاع اللوحات السعودية اتحرك، الشارع قدامك فتح)..
بعدها تغيرت الملامح..
تيقنت وانا عند نفق بُـري انظر الميدان الشرقي، بانني لن استبين النصح إلا ضحى الغدِ..
قطعت الإشارة ومضيتُ نحو كُـبري الحديد غير هياب..
النيل الازرق منخفض المنسوب..
انا كم يُـحزنني انخفاض مستوي هذا النيل..
البلاد رفعت عنها الرحمة والمنافقين في كل المدائن..
المضطرات الفاتنات في كل الشوارع..
والناس يركضون نحو دنياهم ركضاً..
لاتنتهي آمالهم إلا عند حافة القبر..
يعني عينهم تاني مايملاها إلا التراب..
العالمين سادرين في غيهم لامن البحر قرب ينشف..
لشد ما تحتاج البلاد الان الى شفاعة النبي..

تانيييييي يادكين

يامن رزقت بخمسين ماذا فعلت بها يا ابن ادم

ده من ضمن اسئله القبر الاختياريه


احكي فلجميع هنا في انتظار محنك


kharbaaaanaa balaaak walheee

Quote: انا كم يُـحزنني انخفاض مستوي هذا النيل.. البلاد رفعت عنها الرحمة والمنافقين في كل المدائن.. المضطرات الفاتنات في كل الشوارع.. والناس يركضون نحو دنياهم ركضاً.. لاتنتهي آمالهم إلا عند حافة القبر.. يعني عينهم تاني مايملاها إلا التراب.. العالمين سادرين في غيهم لامن البحر قرب ينشف.. لشد ما تحتاج البلاد الان الى شفاعة النبي

دكين حمدلا على السلامة
( خمسين ) والجوكر ( بايظ ) ؟

صابرين
يا حزن الغناء
على وعد المنى
من بعد الضنى


دكين
قص لينا عن وطن في عز الشدايد


عشرات حبابك
سلامات

أحكي و نحن مستمعين

تعرف النكتة الزول رفع قضية و المحامي كتب المظلمة و الدفاع

لمن الزول سمع المحامي في دفاعه بكي باء شديد سالو يا زوووول مالك

قال و الله ما كنت عارف اني مظلوم قدر دا.............................



احكي و دعنا نبكي معك علي الظلم الحسن حسيني




لمن جيت انا سافرت بس ليه ما لقيت حضرنا و لم نجدكم بالفحمة ع الباب ..؟؟

يكون البلد فحمها كمل كمان ؟؟؟؟؟ صبرك يا ربنا

سودانية 2000

زي الزول الكان بوزع منشورات في الخرطوم..
ولامن قبضوهو لقو الورق الوزعو على اساس انو منشورات ابيض ..
قالوا ليهو ده ورق ابيض وينو المنشور هسي..

قام قال ليهم:
الحاصل في البلد دي عايز كتابة..

البلد ما محتاجة حكي يابتي..




من ناحية تانية
يشهد الله والليل والبنات
اني عملتا ليكي مس كول كذا مرة..



دكتورة بيان:
مشتاقين ياستي ..
مشكورة على السؤال تلك الايام ..
وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي..

NASERELDIN SALAH
تيتاوي
ونهال كرار
اسعد الله صباحاتكم..



(السودان أكثر بلد يصلي علي النبي صلي الله عليه و سلم

شعب السودان يحبك يا رسول الله ..)





لولا الصلوات المتدفقات على رسول الله صلى الله عليه وسلم من إذاعة الكوثر ..
لاتانا الله وملائكته فجعلو عاليها سافلها..

يا زول



...
ما عندك حاجة عندى ؟؟!!

دكييييييييييييييييييييييييييييييييييييييين


سلامات ياخي....
مرحب بك...

صباح الخير دكين

نهال الطيب

تحياتي لنهال كرار

الشوق يا منعول ..
قساسيب قساسيب .

قلت عيون البنات يا أخانا ..
( من أعمالكم سُلّط عليكم ) .
ماذا عندك لنا غير وجع القلب ؟ - فكأننا ناقصيه -
في جيبك النيل الذي خلسة أدخلت .. و وصايا نورة ..
و شوية نظرات تستوجب الغسل .

ثم الرسول فيك ماذا عن الحنينات اللائي يسكنّ المنحنى و الوادي ؟ ..
و تلك اللواتي أبأسهن الإنتظار , و بحلقة العيون و رحمة أفضال الظهور .. و بعض عشاء تعيس في الناصيات المعتمات العاصية ؟ ..
( لنسفعن بالناصية ) .
البنيات مسلطات يا قوم , و هن من جُند الله التي تمشي بيننا ..
فعليكم بالحيطة كما يجب ..
و الرفق كما اوصيتم .

كيفها الخرطوم يا مسلّط ؟ ..
أما زال أهلنا الخواجات أبّان برانيط هناك ؟ ..
بأحاديث معلقات على الجدران في نمرة اتنين ؟
يلعبون النرد و البريدج و يخافون يوما كان عذابه مستطيرا ؟
ألكاترينا محطة لا تزال ؟
و الشيالون .. أما تزال حلاقيمهم سنينة : لي في المسالمة غزال ..
يرابطون - حذر الموت - خلف عماماتهم , و مندسين خلف أشرطة الكاسيت في التاكسيات الهكرات و إيمان سوّاقها .. ؟؟
ثم .. مالك و الحوائط ؟
تميل في الخرطوم الحوائط ..
و السَوَقَة المتفشقون - أيدهم الله - يهيلون عليها من ماء مثاناتهم ..
أما تزال الحوائط دفاتر الزمن ؟
يكتب عليها العاشقون : أحب سارة ..
و تسجل عليها مدونات الفريق الأحمر الذي هو حصان طروادة , و الأزرق الذي هو مما يخرج من السبيلين ؟
ينقش الساسة عليها ترهاتهم ..
و يتفشى عليها الأولاد الذين بلغوا الحلم فبللوا ليلهم ببنات الجيران .
و تستغلها انت مخرجا من العيون العيون
يا ممتطي الرقم الأجنبي .. يا منعول .

إفتقدتك يا صاحب .

Quote: قلت عيون البنات يا أخانا .. ( من أعمالكم سُلّط عليكم ) . ماذا عندك لنا غير وجع القلب ؟ - فكأننا ناقصيه - في جيبك النيل الذي خلسة أدخلت .. و وصايا نورة .. و شوية نظرات تستوجب الغسل .

احذر عيون البنات ياعماد..
انا هسي في راسي اربعتاشر عين
يعني سبعة بنات..
ونورة ما اوصتي بغير دعاء الاستخارة
رسلتا لي في sms
وقات لي استخير وتخير ..والخيرة فيما يختارة الله لك..
فما رايت في المنام غير غربتي..
كيف يغمض للمرء عين وكل العيون كحيلة؟؟
تستخير كيفن وانتا ماقادر تنوم؟؟




موش قتا ليك ياعماد انو الواحد ممكن يحب اكتر من بت في وكت واحد..
ليه بس ما عايزين تقتنعو؟؟

قال صديقي حين راى حيريتي :شفتا ياصديق البنات ديل زي الفواكه
هسي تقدر تقول البرتكان احلى من المنقة ولا العنب احلى من التفاح؟؟مابتقدر إلا تكون جاحد وافقط ضيق...
لكل فاكهة مذاق خاص
اها البنات ديل زي الفواكه..
كل واحدة بي طعم وكل واحدة بي ذوق..

ياعماد للاسف..
البنات ديل يا تحبهم كلهم يا كمان تكون جاحد..
عمرك سعمتا انو دكين جاحد؟؟






ولا حتسمع

حاجة شنو ياملك؟؟

انا حاجتي خليتا في بنك بيبلوس افريقيا..




خليتا لله والرسول والوطن

دكين
...
...

Quote: انا حاجتي خليتا في بنك بيبلوس افريقيا..

.
دى بالغت فيها معاى






بالغتا شديد

دكين ماذا تركت وراك ..
حدثنا عنه ..
فما أحلى الكلام عندك ..
هل تبقى منه شي هذا الوطن حتى نخليه ..

Quote: لشد ما تحتاج البلاد الان الى شفاعة النبي..

صلى الله على سيدنا محمد وعلى آله وصحبه وسلم ..


والســلام ..

مووو

ازيك ياوسيم..

ونهارك طيب وجمعتك معتدلة



سالتي عن حال البلاد..
فأن كنتا لاتزال تسأل



البلد كلها بقت ناس رايعين..
تصدق ؟؟؟



رائعين ورائعات..

الله ماكضب الشينة..

نهال الطيب
نهارك سعيد..

معليش ..طولتا من المنبر
بس مابتفرق كتير
كلكم بنات في النهاية..
بالنسبة لي انتو اسباب هجرتي الحقيقية من السودان..
يعني انا طالبكم وطن..

دكين

شوق من هنا إلى تخوم كلتوس

إنت رجعت ولا لسع بتتحاشى النظر في العيون و الجدران و الأماكن.

Quote: وضابط بلون وردي وعلى كتفه علامات التاج البريطاني.. يتساقط من صنبورٍ نحاسي اللون قطرات ماءٍ بايقاعاتٍ ثابتة .. ظني ان صاحب البيت يقال له ديمتري..

يا حبك للأقباط

ما تنسى تجيب معاك بلح ماركة الدكاى

دكين

مشيت كبري الحديد برااااك


بي كرعيك ...هل عاد كبري الحديد خو كبري الحديد

أم لم يعد دكين هو دكين

أخ من السفر

حمدلله علي سلامتك يا دكين...انت جيت سالم؟؟

رشا سالم..

بعيد عنك جينا مجزئين..


ديك بلد تجي منها سالم؟؟

دكين...

اشياء لا لزوم لها حجبتك عن عيوننا فلم نقرء لك مثل الذي كتبت اليوم

حيث نعيش منذ عقود مضت ( بداية زمن تنفيذ مشروع اخلاء السودان ؟ ) يصف الناس وهجا يلمع من بين
صفوف الزحمة التي لا تنته الا لتبدء بانه "غير"
دكين انت "غير"

واصل

Quote: تميل في الخرطوم الحوائط ..

ياقريبي

ياصحابي
يا اهلي

"وينحني الظل مكسور الظهر "
اااه يا بلد

يا ريتنى لو أقدر أقول
فيكِ الكلام الما انْكتب
واجلى المقاطع بالدهب

نقوليك شنو يافردة أكثر من كدة شنو ياااافردة !!!!!
تحياتى ليك وللمنتدى ، وسلام خاص لى بكور

bak2010ory

سلامات يا حلو
انتا يا إما بتتغزل فيني ياإما شايت في الشباك الغلط..

وفي كل الاحوال حباباك..


مودتي


تماضر الخنساء:
ازيك يا مدهشة..

ومشتاقين
اسعدني مرورك, فانا كم يسعدني مرور الكائنات الموغلة في الياسمين ...
يابت يا حرير..

ابو جيهنة العزيز
انا..متورط..








الاقباط باقي الريحة السمحة الفي البلد..




ياقلب
متورطة زيي شايفك..

وحُـق لبنات بحري ان يتورطن..
انتو الزيكم منو؟؟
مابقدر اقول ليكي حمدلا على السلامة..
دي ماسلامة دي..
دي ورطة..

فاذا ما كنت (دكين)، فأنعم بدواخلك الجميلة..


إفتقدناك دكين..
عوداً حميداً مستطاب.

دكين الحبيب


الناس ديل عاوزين منك شنو؟؟؟؟؟؟؟؟؟؟؟


وطبعا ظهرت شعبيتك مع العودة الاحمد


وعين الحسووووووووووووووود فيها عود


والحسان الله يعافيهم تقاطرن لتهنئتك


بالعودة والله تستحق التهنئة واكثر


ما اروعك ................. ما اروعك


يااااااااااااااا ااااااااااااابلد


تحياتــــــــــــــى


ســـــــــــــــــيد

ابو السيد شريكي في المشاريع الفاشلة..

ازيك وليك وحشة يامدهش..



الشافك قعدتا في البلد دي تاني 28 سنة ماكضب..

دكين ياخ حمدالله على السلامه

بالله الخدر امات عيونن قلاد خليتهن كيف

احمد

Quote: عيونن قلاد خليتهن كيف

انا ما خليتن ..هم الخلوني..

بس حالهم ما بتوصف يا حبيب

تنقو ..

احب مزاجك الجميل ده جدا...

اكيد لابس البمبي الليلة...


جبتا ليك معاي من مدني سروال pink

وشراب اخضر...

يا سلام يا عمك تنقو

والله مبالغة

بعد الليل نا جن ...وناس ليلي جن

يا سلام

الرابط يازول ..

دكين ان شاء الله تنقعك..

abubakr


اقتصاديا واجتماعيا وامنيا وبيئيا..
البلد غير صالحة للحياة الادمية..

بلد كلها سحالي وحربويات وثعالب وفطريات ولواطيون..
بلد في نهاية تاريخها الادمي .. وبداية تاريخ السحالي والقعويات والكائنات اللزجة..

Quote: بلد كلها سحالي وحربويات وثعالب وفطريات ولواطيون.. بلد في نهاية تاريخها الادمي .. وبداية تاريخ السحالي والقعويات والكائنات اللزجة..

اصدقاؤك يقولون لك يا(وغد)
وبعض الملاعين يرمونك بيا(ملعون)
وآخرون - سامحهم الله - لايقولون خيرا.... ولا يصمتون

ولاننى لا (اتنابر) كثيرا، وهى بلغة العجم تعنى اغشى المنابر.
فان اول ماأفعله، حين اغشاها، ان ابحث لنفسى عن (حباسة) احفظها جانبا لاستريح عليها فى نهاية التنابر، بعد عناء (المنابزة)، و(الشتيمةأم شلوخ)، وصرف مافى (الغيب) خوفا على مافى (الجيب).
وقد يصيبك رزاز ممايرمون من (ابصقة) وماجاورها من مستخرجات آدمية، وغير آدمية بالمرة
لهذا العنك فى سرى لغيابك ....فليس هنالك كثير حباسات نتوكأ عليها، ونهش بها غنم ابليس، ووالله ليس لنا فيها اية مآرب أخر.
الفاتحة يازول على رويحتنا دى.
وارجو الا تفعلها ثانية،
فقد يقتلنا الشوق، فتحمل فى عنقك ديننا الى يوم الديان
والعفو والعافية
منعم الجزولى

http://www.sudaneseonline.com/video/GALBALSUNOT.mp3

حمد الله على السلامة..

يامنعم..ازيك

يعني قصدك دكين ده شايل ليك وش القباحة وحايم ...

عاملني تكية وسبيل نبذّّ!!
اي زول زعلان من زول يقول ليهوراجع دكين ..



بي اخلاقهم الانا عارفها عنكم في البورد ده لو اخدتا من كل واحد منكم دولار لقاء وكالة النبذ انا حابقى مليونير..

اخلاقهم وانا عارفها..
والبلد وانتو شايفين حالا
والحيكومة وما محتاجة معرفة..


دمتا يا منعم ..

والعفو والعافية يت حبيب

العزيز دكين

حمدا لله على سلامة عودتك و عودة هذا السرد البديع ،،

إن شاءالله المره دى هانت الأمور مع ناس الزكاة و
الخدمات و الضرايب و الـــ ..... و ..... ألخ ،
أم تكرر السيناريو ؟ .

Quote: قتصاديا واجتماعيا وامنيا وبيئيا.. البلد غير صالحة للحياة الادمية.. بلد كلها سحالي وحربويات وثعالب وفطريات بلد في نهاية تاريخها الادمي .. وبداية تاريخ السحالي والقعويات والكائنات اللزجة..

يعنى البلد كلها مهمشة يا دكين!
تحياتى يا دكين يا فارس الكلمة
جنى

Quote: واذا ما قدر الله لك وصافحت فتاة ما لاول مرة فا قشر بالسرحة حين المصافحة.. ولاتقع في شراك العين الظامئة .. أي لا تنظرُ عينيها ابدا

look who's talking

خدوري

موش قتا ليك انا ما استبنتا النصح إلا ضحى الغدِ..



اهو بندفع في تمن شوف العيون اشواق ومكابدات

ازيك انتا يا وغد..
يامروق..
ومشتاقيين بالحيل

دكين الحبيب العزيز


الفشل دايما من الانسان وصاحبك ما فشل


انت الفشلت وداير بيان بالعمل بوريك


ويوم نتقابل فى الخرطوم ما بكون جاحد


وبشوف ليك وظيفة تليق بمكانك .


اها قصرت معاك


ليك وحشة يا ظريف .


تحياتـــــــــــــــى


ســــــــــــــــــيد

Quote: يعنى البلد كلها مهمشة يا دكين!

ياجني ياخي البلد مُهشـمة ..



ومودتي

Quote: اقتصاديا واجتماعيا وامنيا وبيئيا.. البلد غير صالحة للحياة الادمية.. بلد كلها سحالي وحربويات وثعالب وفطريات ولواطيون.. بلد في نهاية تاريخها الادمي .. وبداية تاريخ السحالي والقعويات والكائنات اللزجة..

لم تكن مقديشو بهذا السوء عندما زرتها لعمل في نهاية 1985... لكن الخراب كان عند كل باب ..شوارع وبيوت وناس شاخت وحملة شهادات ثانوية يقدمون لك انفسهم واسمائهم تسبقها القاب (اكثرها شيوعا :دكتور ).. اسواق مليئة بالتجار الطليان وعملائهم واكوام الموز تسد الطرقات والشعب يموت جوعا في اكواخ علي مرمي من السوق ..وعلي مرمي من الاكواخ فلل وقصور وشوارح مسفلته لاحياء راقية يسكنها المقربون من سيادبري وقبيلته وقبيلة نائبه النافذ حينئذ ... حرس رسمي خاص لاشخاص لا يحملون اي صفة سوي انهم اما يعملون في اوشنك ( المستعمرة التجارية لسياد بري و جماعته ) او من قبيلة وحزب الرئيس .. قال لي قريبي وكان يمثل منظمة اقليمية للثقافة هناك ان نظار المدارس ولقد طحنهم الغلاء يديرون "طبالي" اما المدارس لبيع منتجات صغيرة لتلامذتهم ... ذهبت الي ما يسمي البلدية فوجدت صفا طويلا في فضاء - حوش- وفي نهايته يجلس موظف .. سالت ما هذا قال "بيع اراضي ؟ " ...
الفندق الذي نزلت فيه قيل حينئذ انه الاحسن .. خرابة علي المحيط ...اول ليلة ظننت انني في احدي القلاع التي كنا نراها في افلام "دراكولا" صوت هدير المياه والريح واي شئ تلمسه في الغرفة هالك يسقط من يدك فيحدث صوتا ( اكرة الباب .. الكراسي - مقعد الحمام ) ..الزبائن موظفيين يعملون لمنظمات عالمية وسئ حظ امثالي ... التلفونات كبانية من زمن السيد قراهام بل والتي تديره لا تاتي الا لماما ...قيل لي لابد ان يكون لي حرس خاص فاستاجرت شابا من اوجاديين رفيقا ومرشدا.. كان ساخطا علي الاحباش وعلي اهل مقديشو فهم صارو ضحية خلافات البلديين ... اخذني الي ملهي تحت الفندق فراعني ما رايت ..الجنسيين في "زحمة" .. لا تعرف هل انت في استاد كورة ام ملهي .. صراخ وضرب وسكاري وحياري واعجب ما وجدت هو ما شبه لي بانه ماء يتسرب تحت المقاعد وراعني انه مما يخرج من احد السبيليين فاضت به حمامات الملهي القذرة ...
الشعب كان تائها محتارا وغليظا في معظم الاوقات .المكاتب خالية من البشر وحتي الورق الا صور لمجلس قيادة الثورة الاشتراكية حينئذ ..زرت فيللا لاحد المقربيين لم يتجاوز عمره الثلاثيين وعنده حرس رسمي خاص ويحمل لقب دكتور وهو لم يتم الثانوية كما اكد لي من يعمل معه وشرح لي بان الايطاليون لهم مسمي لشهادة الثانوية يعطي او له اسم شبيه بدكتور فاستغل هؤلاء ذلك . كان داخل المنزل عالما غير الذي خارجه حسبته افتراضيا..الفساد في كل ناصية باشكال وصور مختلفة (عقارب- حربويات- ذباب- وانواع من الهوام كثيرة ووووو)....حضرت اجتماعا بين ادارة اوشنك ورئيسها "عبدو هوش" ( قيل لي انه سائق الرئيس الخاص ومن قبيلته) والشركاء الالمان (دويتز) .. كان اجتماعا عجيبا .. عبدو يتكلم بلغة قبيلته و جماعة دويتز الالماني والمترجم لا يعرف هذي ولا تلك وانا محتار فخرجت العن يومي ...بدت لي تلك المدنية وناسها بانهم في "اخر زمانهم" وان نهاية عالمهم دنت ...ولكن جماعة اوشنك والسادة الدكاترة والحرس الخاص كانو مصريين علي ان البلد في نهضة والدليل تلك الفلل والمباني الجديدة والمال الكثير في اياديهم وكروشهم المنتفخة ..
كنت هناك لاعد دراسة جدوي لمشروع كبير لبعض من اغنياء االبلاد التي اعيش فيها ...عدت اشرت عليهم بان يصبرو بعض الوقت لعل الامور تصفي وتلك البلاد "يتعدل حالها" ..ولم يتعدل حتي اليوم ...
وهل لنا في الامثلة عظة قبل ان تقع الفاس فوق الراس ؟؟

عبد العزيز دكين
عودا حميدا,,,

خلينا من البلد,,,,

انت سويت شنو
وجدت بت الحلال
عشان اقدر استقدمهاليك
انا عارف اقامتك ما زالت القديمة
لان تغير المهن واقف,,
وحتى لو غيرتها مكتب الاستقدام ما بوافق
لو ما حصلت فى الخمسين يوم ديل؟؟؟
جارنا عندو بت قرمت,,,قبل تمشى السودان
بنقلها ليك من حساب لحساب,,رايك شنو
مشتاق ليك كتير ياعبدو
نشوفك على التلفون

ابو قوتة..
مشتاقيين

Quote: جارنا عندو بت قرمت,,,

قرمت دي قصدك بيها شنو؟؟

مصدق حسين

الضرايب دي قالو عفوها..
وبرضو قلعوها مني ..
الزكاة قالو لي خلاص مادايرن منك..
قتا ليهم ليه قالو لي طلعتو ما من من تجب منهم الزكاة..
قتا ليهم طيب انا عايز القروش الدفعتها زمان زكاة..
انتو معناتا شلتوها بلا وجه حق..
شنو البخليها هسي ماوادجبة وزمان كانت واجبة..
دين هو ولا كوار..
المرة قالت لي كلامك ده امشي قولو في مجلس ديوان الزكاة
قتا ليها انتي دي الشلتي القروش ما المجلس..
اها يمين شمال قات لي انتا هسي عايز شنو من الاخر كده..
قتا ليها يا ترجعو لي الفات يا كمان ادفع زكاة هسي دي..
قات لي خلاص ادفع..
قمتا دفعتا
وخرجتا منتصرا للدين والاسلام..







ابورزقة
ازيك ومشتاقيين
ياخي رسلي لي رقم تلفونك ياحبيب ..
يعني تضرب مرة واحدة وتقرض على كده؟؟
معقولة بس؟؟

دكين

سلامات وحمدا لله على سلامة رجوعك البورد

انعام

الله يقبل حمدك..

البورد ده حلول غربة بس..
حرم في السودان ماتجيب ليهو خبر ..إلا يسوقوك سوق عليهو..



لذلك مستغرب يعني شنو بورداب الخرطوم..

Quote: لذلك مستغرب يعني شنو بورداب الخرطوم..

دي وصلوها ليك ولا شنو؟


بس تقول شنو غالبنا النسويهو

وبعدين تعال هنا تجي وتسافر وما تلاقي بورداب الخرطوم

Quote: لولا الصلوات المتدفقات على رسول الله صلى الله عليه وسلم من إذاعة الكوثر .. لاتانا الله وملائكته فجعلو عاليها سافلها..

الف صلاة وسلام عليك ياحبيبي يارسول الله

والله يادكين صباح اليوم خطر لي نفس الكلام وانا أردد الصلوات الطيبات على نبينا المتدفقة من تلك الإذاعة عبر راديو الحافلة .. ورغم حرارة الجو (من صبحت) ومستلزماتها من نفس حار وأخلاق قاعدة هنا ( وأشار إلى طرف نخرته) وزحمة وضيق ، كانت الجالبة لبعض الراحة ...

Quote: قمتا دفعتا

كاان ما الحر كان قلت ليك أحلف

بلقيس سلامات


تخيلي فقدتا الاذاعة دي شديد خلاص..


...

Quote: ورغم حرارة الجو (من صبحت) ومستلزماتها من نفس حار وأخلاق

خط الطول والعرض بتاع الخرطوم ده اصلو ماخط طول وعرض عواصم..

حاوريكم مالا قِـبل لكم به..



صلو عليه الخاتم الامين..

الساعة لا بهاء ابهى مماهى عليه..

ولا اريج ممايفوح ازكى..

salam ya dakeen,

judging from the above pic, i have nothing to say to you but (alfaaaaaatehah)

regards

manubia

الصورة دي انا حالتو لعبتا فيها بي الرسام عشان ماتجهركم..

حرم تشوفها في بيتم وهي بتقدم ليك شاي المغارب .. واضاتك تصبح..



بت غريبة ياخي..

انا غيرتا حجزي تلاتة مرات عشان بس اقدر اعاين ليها تلاتة مرات للمرة الاخيرة..

Quote: قتصاديا واجتماعيا وامنيا وبيئيا.. البلد غير صالحة للحياة الادمية.. بلد كلها سحالي وحربويات وثعالب وفطريات بلد في نهاية تاريخها الادمي .. وبداية تاريخ السحالي والقعويات والكائنات اللزجة

نظرة ثاقبة معبرة عن واقع البلد...
والله يكون في العون


حمد الله علي السلامة يا دكين

Adrob abubakr


الله يقبل حمد ياادروب

وربنا يلطف بالجميع في قضائه..

اها الديون كيف ؟
و الغالية جابت كم ؟
و بركة البلقيس ما مشت النادي ده حالتك وصفت ليها



تعرف انك وغد بجدارة
لذلك تبقي صديقي الذي أحبه












________
البُرتُقان كيف

Quote: الزكاة قالو لي خلاص مادايرن منك.. قتا ليهم ليه قالو لي طلعتو ما من من تجب منهم الزكاة.. قتا ليهم طيب انا عايز القروش الدفعتها زمان زكاة.. انتو معناتا شلتوها بلا وجه حق.. شنو البخليها هسي ماوادجبة وزمان كانت واجبة.. دين هو ولا كوار.. المرة قالت لي كلامك ده امشي قولو في مجلس ديوان الزكاة قتا ليها انتي دي الشلتي القروش ما المجلس.. اها يمين شمال قات لي انتا هسي عايز شنو من الاخر كده.. قتا ليها يا ترجعو لي الفات يا كمان ادفع زكاة هسي دي.. قات لي خلاص ادفع.. قمت دفعت وخرجت منتصرا للدين والاسلام..

هههههههههههههههههههههههههههههههههههههههههههههههههه

حمدالله علي السلامة...وبركة الما عضتك سحلية.

دكين .. بالله إنت بتعرف نوال برضو !!

































امازحكـ يارجل .. فأنا طوال خدمتي الطويلة الممتازه في حقل البنات الجميلات
لم اعرف او اعشق نوالا وازعم ان تلكـ الخصله الغير متعمدة اسفل العينان .. نادراَ ماتتوفر
فيهن يحملن اسم نوال .. ذلكـ الوجة المليح يليق به اسم كـ سابين - شيرين - طارق - نُهي

اشوفكـ مسنجريا ياوغد

Quote: دكين .. بالله إنت بتعرف نوال برضو !!

قربتا والله ياخدر
وانا قربتااتخلع..
لو كان البوست ده نزل قبل سنتين كان قتا ليك شد واركب..

Quote: سابين - شيرين - طارق - نُهي

نهى ياكبير..
تمرقنا منهاوتقول نهى؟؟





عن صاحبة الصورة

قبل تلاتة ساعات من وقت نزول هذه المداخلة كنتا بتكلم معاها بالتلفون..
قات لي( عيانة ياعزيز..عندي نزلة..وانتا ليه سافرتا؟؟)

والله لامن قالت لي( ليه سافرتا دي) حسيت بي اني اسمي Dkeencilin

ابوالنيز

سلامات يا حبيب

وربنا يسلم ايامك

الصديق دكين
حمد لله على السلامة
يعني كل مرة راجع يد وراء ويد قدام وأبطاك والنجم
حتى ديك جبرة لم تجرو على ذكره في مقالك
وأحوال الحِنَة لم تصفها في سطورك ؟؟؟
وكمان شايف الاحوال أتحسن لوحات سعودية وكدة
مرحبا بعودتك

Quote: دكييييييييييييييييييييييييييييييييييييييين سلامات ياخي.... مرحب بك...

يازول مالك بتفطني؟
حصل شنو؟

د.بيان
راجعي الردود كويس

Quote: دكتورة بيان: مشتاقين ياستي .. مشكورة على السؤال تلك الايام .. وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي..

سلام.

يادكين من بعد الليل ما جن


طيب الرابط مادام عتدم انت .. اصلو الليل مسا علي ةالنضارة بعيدة


قلت لي دفعت الزكاة رجالة كدة .. عفيت منك آ دكين ..

صديق ود رحمة

ازيك ياغالي

وليك وحشة من طول شوفك ياوجيه.

Quote: يعني كل مرة راجع يد وراء ويد قدام وأبطاك والنجم

ابشرك ياحبيب
انا شلتا يدي من ورا خلاص..

دكين الفقري
سرن اقمندو
وصلت بالسلامة
كيف الاهل والاحباب وناس حموك خاصة
أها جيت طابقها ولا لسع تيس خلا ساي
الف حمد الله على السلامة

Quote: ما من بؤسٍ يعمُ ادمي كما البؤس يعم صاحب البنات الـمُسافر..

دكيكين..

أظنك قصدت أبو التومات المسافر...

بس ودرتني كلمة آدمي..

هو ده جنسنا هو.؟؟.

يا حليلك بلا عدد

همزاوي
اشواق كتيرات ياخال

Quote: أها جيت طابقها ولا لسع تيس خلا ساي

ابشرك ..تيس خلا ساااااي


بعد يومين تاني ماتحاول تلاقيني ...

د.بيان

Quote: دكتورة بيان: مشتاقين ياستي .. مشكورة على السؤال تلك الايام .. وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي..

حد يقدر يفطك انتي؟


اعلاه الرد على مداخلتك يا سمح يازين..

بس الكبر دخل باين يا بي بي..
حليلك بقيتي تفطي سطور وسطور..


ومشتاقييين باعداد مهولة..

Quote: اها الديون كيف ؟ و الغالية جابت كم ؟ و بركة البلقيس ما مشت النادي ده حالتك وصفت ليها

يعني انا اسوي عرسي ده في القرير عشان بلقيس دي تجي ولا كيف؟؟


ياخي وصفتا ليها النادي مضبوط..
بعدين ياخي في زول مابعرف النادي الارمني وين..

بصراحة دي ما مشكلتي انو بلقيس ماقدرت تجي العرس..
هي اصلا كانت بايعة الشغلة باين عليها..
البت عندها عربية وسواق يعني لو عايزة تجي كانت جات..

Quote: تعرف انك وغد بجدارة لذلك تبقي صديقي الذي أحبه

ماعارفك قاصد شنو ..بس من الواضح انو في زول حاول يضللك..

انتا قايل نفسك براك الدجال..
ياخي تخيل انا في ناس جابو لي طقم عشا عديل كده قبل سبوع..

وتبقة المحبات بيينا ياوغد..










________

Quote: البُرتُقان كيف

إييييييييييييه ..ماتذكرنا ياخ

لع

كان تجيب ود النصري

وكان جيتك من القرير






وبرضو عندي قطر وسواق قطر

Quote: منشــور إخـلاء السودان

الله يطمنك . . .

حمدالله الف علي السلامة ....

Quote: وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي..

شوفتا "تكالب" حاصلة بالجد
والموضوع كلو عايزين يكضبو والناس تسكت
وعايزين اي زول يقول لا يطلعو كوز. وبكدا البورد يفضى
ليهم عشان الناس تخاف من التهم المجانية دي...
وتسكت..

ما تحزن بكرة حيكون احلى خاصة لو الناس اتفقت
ما تخلي اي كضبة تمر...

والشوق مطر
ودومة في تايلاند..

د.بيان

دومة دي عملت درب تايلاند ده ساساقة..
قالو ود الولد اغلى من الولد..
اها دومة دي ود ولدها ده كاسر فيها ضلعة..





موش كان تكلمونا انا كنتا قبل شهر قضيا جزء من شهر العسل في بانكوك في ضيافة عبد الرحمن السيد ..
وبسلم عليكم...

المسافر

وينك ياراجل الغيبة دي كلها؟؟

والتومات وامهم كيفنهم؟؟


اتذكرتك يوم وانا بتعشى في الحلفايا مع مجموعة من العبدلاب ..

عشوني عشا كده طرف مقبرة ..
حتى ظنت انه العشاء الاخير...

يخوانا في زول تاني ماردينا عليهو غير وليد المبارك ده؟؟؟

ديكو

حمدا لله على سلامتك ياحبيب
وبرجوعك للبورد طمنتنى على ناس كتيرين كنت احسبهم تركوا التنابر

مستقبلا عليك الاعلان بكثافة عن اى غياب عن البورد يتجاوز الثلاثة ايام
حتى لا نظن الظنون

Quote: ومامن شي ُيحمض عليك خبز يقينك وخمائر عافيتك سوى طلعة بهية قد تركتها وراء ظهرك

يا اخوى اجازتك دى كانت فى استوكهولم ولا صيدا

وبطريقتك دى بتضلل ضعاف القلوب والممكونين كما فعل عبدالكريم الكابلى باحد الحالمين
عندما سمعه يتغنى بفيك يامروى

بعدين انا مابعرف رب عمل فى الرياض بيدى اجازة خمسين يوم الا قرشى صاحب مطعم النخيل

اكتر حاجة مكيفانى فيك يادكين انك ناس البورد ديل عودتهم على الاستايل حقك
يعنى لو فكيت عنقريب بيمشوه ليك

احمد التجاني
ازيك يارايق..

Quote: بعدين انا مابعرف رب عمل فى الرياض بيدى اجازة خمسين يوم الا قرشى صاحب مطعم النخيل

بعدين دي اجازة زواج ..
يعني اقلا من كده مابتقدر تعمل اي شي..
ولايخفى عليك طبعا- وانتا زول ضليع في الحاجات دي -انو البلد كلها مطهرة فرعوني..

Quote: يعنى لو فكيت عنقريب بيمشوه ليك

انتا قايل مشوهو بالهين .. ولامن قل العناقريب المفكوكة في البورد ؟؟

بعدين البوست ده هسي وريني فيهو عنقريب واحد مفكوك؟

ودمتا يالذيذ يارايق..

جيتك فرحتني

حمدا على السلامة يا عزو يا عزيزنا .... اخبار مروان .... وبقية الشلة

ياخي قلنا الزول ده يجي طابق ويفتح لينا باب ... شنو

اشوفك نكمل باقي الكلام...

العزيز بوش


كل الاشياء الجميلة لاتزال جميلة..
البلد غير من تحب مافي شي بسعدك..



وجيتك طابق بس بعد قضينا شهر العسل في قبرص قالت ماراجعة..
خليتها هناك..


اعتبرني طبقتا وجيت
يلا شد حيلك واكرب خيلك

حيدر حسن

تسلم ياسيدي

موش قتا ليك انقطعنا عن الرد للشديد القوي..


واسعد الله ايامك يا جميل

Quote: قطعت الإشارة ومضيتُ

بسيطة

بركة بالوصول

وليد تاها...


ياخي البلد قالو جابت ليها كتاحات وغبار واعاصير..
ياربي البلد دي الجايها شنو؟؟



انشالله تنبسط بس..

عملناهم اتنين كان يحوقن

سلامات
وعوافي
والله لشد ما يسكرني خمرك يا وغد ..
يا سيدي القبيح ويحك فوالله رهافة العصب لا تحتمل هذه اللغة وهذا السرد البديع ..
فترفق بنا وارحم قبح وجهك الذي كما جيوبنا في منتصف الشهر او يزيد ..
بالله عليك لا تغب .. فجمل بالقلم ما افتقده وجهك المكفهر ..
نحبك ياهذه القصير المكير ..
نحب دينك ودين الخلقك زاتو ..
زفت زفت كل ما يحرمنا من كتابتك في المنبر الفقر دا ..
حتي وان كانت سيئة الطالع التي "لم تدعو لها امها ولم تبخرها حبوبتها"
يافقري ..
مشتاقين ..
وشوف يامعفن خواتيم رمضان بتجيبنا بي هناك ..
قدرك امشي اتلا.. علينا وما نلاقيك عشان ابول ليك في ابريقك ..
سلام

Quote: وشوف يامعفن خواتيم رمضان بتجيبنا بي هناك ..

هناك وين ياخوي.. انتو بقيتو تعمروا في نجد؟؟




محبتي يا ود رملية ..
وكان نفسي نقعد قعدة بي عودك ده ..وتزرق لينا ..قصدي تغني لينا

ود المبارك

يعلم الله اني بريدك لله في لله..

ريدة كده ماهلة بلا سبب..
تقول مُـناسبك..



غايتو محبة لله في لله دي مفترض تدخلني الجنة ..
بالذات بعد خشيت فيها انتا..


دمتا يالذيذ

فالتعلم ياوغد
بان للسودان رب يحميه
وليس لمثلك أن يخليه حتي ولو اجتمعت برومك وفرسك
ولتعلم أن لا انتصارك وغزواتك (الساي) دي مخرجاً لك

شوف بلاي ده قال منشور قال !!!

العزيز نابري

ازيك ياجميل يامدهش..

تخيل كان من دواعي سورير اني لاقيتك.. بذلتا ليكي مجهود عديل لحدي ماوصلتك في ذلك الكهف..

قاطع ليك بحر ياخ..

واجمل مافيك جراءاتك على تلك الحسناء في يوم نجلاء عثمان التوم..
عافي منك.. وعطرك كان براهو .. وراشك كان براهو.. واتجاهاتك كانت براها..
كنتا الاول غديل كده..
زي ديك يا تخش فيها تاخ ياتقعد تتردد وتردد لامن يجي قرمبوز ويختفا..



واجمل مافي البرتش كاونسل انو البريطانيين ديل لحدي هسي قاعدين يأكلو فيكم ..



ليه دايما المثقفين جياع..

مودتي ياحبيب

دكين

شافت عينك اوع تعمل لينا فيها مجنون

حمدلله على السلامه

الله يسلمك يابت البدوي

Quote: مامتخيلة ديكين ده يكون زول مسؤل

عشان كده يا خالدة ماجبتي لي خبر البت اللاقايناها في عرس ود الشيخ..

غياتو خشيتي في ذنب البت ساكت..

لوعرفت انوانا سالتا منها وانتي طنشتي القصة حتغتالك..


دمتي يارايقة ومودتي..

دكين كيف الحال
كل ماتكتبه ينم عن شخصية ماهرة وبارعة فى كل شىء
بس الأهم عندى وينو الطار القلت عندك فى البيت ؟
مايكون طار ...زى ما أى حاجة بقت تطير ...
المدائح منتظراك ملحنة وجاهزة .

لك أطيب المنى

يالملكة ( قالو الليلة الفاتت ودشيقوق ابتدر نشاطه كمسئول عن الشئون الاجتماعية في نادييكم بليلة "حت" لم تشهدها مسقط من قبل واها الكوليسترولات كلها نزلت )....

اي رطاني في بيتو طار ..عشان الواحد لو عندو مناسبة وعايز واحد من المطربيين النوبيين( بنسميهم "شار" ربما من شاعر حيث ان المغني النوبي هو الشاعر و الملحن والمغني وضارب الطار) يحييه ما يتعلل .. ومعظمنا بنعرف نعمل الطار كيف ...ودكيين الرطان اكيد مدكن كام طار ...

الكتاحة بتاعة يوم الاحد الفات هي تبدو من تنبواءات دكيين المناخية باخلاء السودان

Quote: بس الأهم عندى وينو الطار القلت عندك فى البيت ؟ مايكون طار ...زى ما أى حاجة بقت تطير ... المدائح منتظراك ملحنة وجاهزة . لك أطيب المنى

بت الشيخ الحسن

وحاتك يادوب شفتا المداخلة دي وانا بسترجع ايامي كانت كيف ..

وياستي من الواضح انو المديح جواكي شي مؤصل وليهو جذور ..
والطار ليلة الجمعة دي كنتا مديهو النار يحمى..
انتي بس هاتي ماعندك وانا باللحن زعيم ..

ودمتي رايقة بت الشيخ وحالك زين..

ابو بكر ياقريبي


سلامات كده لامن تدفق

يادكيين يا قريبي اها لما اتاخرت كام اسبوع انا قت اكيد قبضوه الجماعة ( ما بعرف هم منو) لانو بيوزع منشورات ؟
يا ولدي مالك وشغل المنشورات دة ؟ ما خلينا زمانك ؟

ابو بكر
اللورد الفي الصورة المع غادة نوري ده منو؟؟


ــــــــــــــــــــــــــــــــ
شيمي

ياخ وحاتك مشتاق ليك..
ولى مغرب الجامعة...
شوق شديد معلوم الاسباب

حمدالله على السلامة يادكين

سلمتي يااشراقة..
الحياة ماشة تبقى صعبة..

كيف يتزوج المرء في ظل ظروف صعيبة؟؟

Quote: كيف يتزوج المرء في ظل ظروف صعيبة؟؟

والله سؤال منطقى جدا

لكن قبل الاجابة هو الناس بتعرس ليه يادكين؟

بعدين بجيك للحياة الصعبة دى
بنمشيها مرات بدون فرامل لمن تفرمل عمرنا
لكن عمر الشقى بقى


غايتو اخدنى الليلة حسب {الشعنونة} القايمة على دى من دغش الرحمن
أخير النمرق قوام قبال ما ارمى لى قنبلة

Quote: لكن قبل الاجابة هو الناس بتعرس ليه يادكين؟

بتعرس عشان النسوان ديل براهم مابقدرو يعيشو..


























انا الليلة قررتا اقوم ليكي شعنوتك زيادة

Quote: بتعرس عشان النسوان ديل براهم مابقدرو يعيشو..

كلامك صاح...










أها شوف ليك طريقة تانية.. بعدين شعنونتى دى واصله حته مابنفع فيها ذيادة

Quote: كلامك صاح...

كتلتي الدش في يدي ياام واصل..

انا قايلك لسع في ضلالك القديم
تاريكي عرفتي انو انتو بلانا مابتسووا شي..

Quote: انا قايلك لسع في ضلالك القديم تاريكي عرفتي انو انتو بلانا مابتسووا شي

يادكين

وقوفى مع المرأة وحقها مابنفصل من موقفى من حقوق الانسان عموم، لا انساق وراء شعارات وانما قناعات تتغير وفقا لتمرحلها وفقا لتجارب حياتى.. قبل ما اجىء النمسا يادكين كنت وهمانة بانو نحنا كنساء ايا كان موقعنا ولوننا باننا ممكن نتضامن، اكتشفت ده اكبر وهم وكنت دايما كلما القى لى فرصة {للفصاحة} مع النمساويات برمى سؤالى بخليهن لافات فى محالة للاجابة ولقيت ليك كلامى ده عملن منو حكاية ونزل فى مجلاتهم والانترنيت
قصص والله..

ماذا يعنى تحرر المرأة؟ هل نحن متحررات ونحن بوعى او دون وعى نبنى تحررنا على ملايين جثث النساء فى افريقيا وعالمنا النامى؟ والسؤال ده بنحت فيهو فى كتابة سميتها دبابيس على جسد الحركة النسائية والنسوية فى السودان ومنطلقة من اننا كنساء {مثقفات} بعيدات جدا عن النساء البشكلن القاعدة العريضة بتاعتنا، ازمة زيها زى ازمة الاحزاب ومؤسسات المجتمع المدنى، حركات ماقدرت حتى الآن تخلق لغة مشتركة بينها وبين النساء الريفيات.. {يازول مالك حسع خلتينى قمت على الكلام العجيب ده}


وكلامك برضو صاح
الحياة دى مكونة من اتنين رجل وامرأة
قادرين يصنعوا الحياة بطريقة تخدم انسانيتنا

اها وقع ليك ياود امى؟

شعنونتى دى الليلة ماشه عكس الريح

Quote: دبابيس على جسد الحركة النسائية والنسوية فى السودان ومنطلقة من اننا كنساء {مثقفات} بعيدات جدا عن النساء البشكلن القاعدة العريضة بتاعتنا، ازمة زيها زى ازمة الاحزاب ومؤسسات المجتمع المدنى، حركات ماقدرت حتى الآن تخلق لغة مشتركة بينها وبين النساء الريفيات.. {يازول مالك حسع خلتينى قمت على الكلام العجيب ده}

موش قتا ليكي حاقوم عليكي شعانينك كلها..

تعرفي يا ام واصل
من زمان قتا لي عزاز بت ابو الشام انو انتو وناس اشراقة مصطفى والجندرية وبقية الجندريات الفي البورد ديل
بعيدات جدا عن نسوان الحلة البشكلو غالبية نساء البلد..
بالرغم من انكم قدرتو تقرو بعض مشاكلم إلا انكم اكتفيتو بالتحليل والتنظير من ابراج عاجية..من خلال مجلات ودوريات ومحاضرات وندوات هم ماحيسمعو بيها ولا حتى في حياة تانية..
قدرتو وبي براعة غير مقصودة تصعدوا من نجوميتكم - في قضايا المرأة- على كتف قضايا هولاء الحروم..




منو المستعدة فيكم ترجع وتخلي ترف الحداثة ده وطريق المطارات ومكاتب السفر وترجع تقعد وسط الدايات في ام دقرسي وود الماجدي وطيبة الشيخ عبد الباقي والهلالية وتنادي بي محاربة العادات
الضارة مثلا..
انتو للاسف مبادراتكم بتاعة الصعود بالحركة النسوية بتكون في بورد المثقفين ده..
بتاذنو في المكان الخطأ..

يادكين سلام

Quote: منو المستعدة فيكم ترجع وتخلي ترف الحداثة ده وطريق المطارات ومكاتب السفر وترجع تقعد وسط الدايات في ام دقرسي وود الماجدي وطيبة الشيخ عبد الباقي والهلالية وتنادي بي محاربة العادات الضارة مثلا.. انتو للاسف مبادراتكم بتاعة الصعود بالحركة النسوية بتكون في بورد المثقفين ده.. بتاذنو في المكان الخطأ..

كدى اقرأ اللنك ده وبعدين نتكلم
اشراقة أنت..في زمن غسيل الأموال يا اشراقة مصطفى

وبعدين انت قايلنى من وين مانا من الجحانين دى ذاتها وبعرف لغتها ودريباتها
بس عشان ترجع المسألة محتاجة لخطة والسنة الجاية كان الله حيانا وجيت السودان تعال زورنى فى ودابقدوم بتعرفها ووين؟ ولا بس شايل حسنا نحنا...

الشعنونة راقت شوية ومافى طريقة تقوم الا بعد ايبوع كدى اصلها بتصحى كل يوم سبت

ملحوظة:
من متين بقيت عماد؟

يا قريبي

Quote: اللورد الفي الصورة المع غادة نوري ده منو؟؟

صورة لكهل

Quote: النيل الازرق منخفض المنسوب.. انا كم يُـحزنني انخفاض مستوي هذا النيل.. البلاد رفعت عنها الرحمة والمنافقين في كل المدائن.. المضطرات الفاتنات في كل الشوارع.. والناس يركضون نحو دنياهم ركضاً.. لاتنتهي آمالهم إلا عند حافة القبر.. يعني عينهم تاني مايملاها إلا التراب.. العالمين سادرين في غيهم لامن البحر قرب ينشف.. لشد ما تحتاج البلاد الان الى شفاعة النبي..

ولشدة ما يحتاج سودانيز اون لاين الي شفاعة هذا القلم
العزيز دكين
أقرؤك بقلبي

شمس الدين السنوسي

اخوي ابو الشموس

ثمة ضريحٍ يحتاج الناس الى مزاره..

غاب كل ماهو جميل..
لاشي سوى ذاكرة الشتاء وبضع اصدقاء..



دمتا رايق وربك بالبلاد رحيم..

Quote: بعدين دي اجازة زواج .. يعني اقلا من كده مابتقدر تعمل اي شي.. ولايخفى عليك طبعا- وانتا زول ضليع في الحاجات دي -انو البلد كلها مطهرة فرعوني..

أخي الوجيه الوغد دكين:

طيب ما كان تجيبها قبطية ؟!!! وتريح وتستريح ..

حمد لله على السلامة وما أشوفك تاني بي هناك ....

مــودتــــي ، ، ، ،

دكين ....

تحياتى شذيّات ... نديات

تعرف يا دكين طولنا ما قرينا لينا كتابة (طاعمة)...
التحية ليك وللدول المجاورة ... والدول المجاورة دى أقصد بيها
إثنين من أساطين الكتابة (المليحة) ... فاضلابى وطلال عفيفى....


لك الود


عبد الرحمن قوى

عماد محمود

انتا قانص لي من يوم لقاء البورداب داك باين عليك..
دمتا رايق وانيق..

تحياتنا والاف مرحب يا دكين
كتر لينا من وجع البلد ؟

عشان نخفف الاموات والامنا
ونحنا بنحب الوطن

بوستك الحي بعد ممات دا انا حاسي بيهو بوست قد لانه ما من عوايدك بوستاتك تفوت ليها عشرين مداخلة لو بالغت وفيها طمنطاشرة مداخلة ليك

بصراحة ما عندي مزاج اقرأ ليك الايام دي لكن لو تكسب فيني خير تلخص لي الحاصل شنو هنا وترسل لي اميل بالكلام دا

Quote: فذاكرة الانظارِ ماهلة وشراكِ الحنين صبورة ..

ابداع .. يا افندم

ريهان الريح

اسمك مموسق كلو على بعضو زي نغمة كده مارقة من كمنجة..

شكرا يافندم

بدر الحبوب

ماسمعتا القائل
نحنا بنحب شاي الصباح والمغربية

بنحب كده ونعشق تمام..

Quote: لكن لو تكسب فيني خير تلخص لي الحاصل شنو هنا وترسل لي اميل بالكلام دا

الملخص ياحبة هو انو الناس مفترض ياتبقى شيوعيين وتتقاسم النبقة والكهرباء..
ياتعمل اخلاء للسودان..

ياخي ناس بيتنا ماعندهم كهرباء اسبوع
وبيت على بعد اربعين بيت مولع زي الباخرة..

يعني شنو لو طفى لمبات سور الشارع واتبرع لينا بي تمن جمرتا عشان نشغل تلاجتنا واللحمة ماتعفن ..

شوارع عفنت وتلاجات عفنت وناس عفنت وضفابيع عفنت وخطب جمعة مافي زول بخلي ليها بال ودمغة دعم الشرطة وطرمبات الشرطة وشركات الشرطة وكلاب الشرطة وضرايب للشرطة وجبايات مرور وحبيبة جافية وشراميط في الشوارع وشرطة في الشوارع وشمس حرها شديد ومجنزرات اليات عسكرية..
وتجري من تصبِح وترجع تنوم مهموم وتصحى تعبان وتاني تجري ..

الناس بتولع الحيط ونجفة فيها 45 لمبة زينة وانتا كهربة لي تلاجة ماعندك..
الناس بتاكل في مؤمن وايفوري وبكري صحبك حلف بي دينو انو ليهو سنة وتلاتة شهور مع اهلو بياكلو بس فطور وغدا..
الناس تقري اولادها في كمبوني وانتا حيوان منوي فيهو مروة يبقى ليك ولد يقرا عليك الفاتحة ساي ماعندك..

الزول ده ما اعتيادي !!

إنت يا دكين جادي في الكلام ده ، وكنت داسي ده كلو وين ؟
يا قلبك يا أخي ، وكت عندك كل الـ"ما عارف أسميهو شنو " ده ،
ليه ما كشفت ، وفتحت لينا الجراب ده من زمان ، ولا أنا
الغبيان وما داري بالحاصل في الدنيا دي ..

ده كلام جميل بقدر ما هو جارح ، وفيه أغاني ومشاعر بديعة ..

ما هأعرف أقول ليك شنو ، لكن بحاول أرجع تاني .. أحاول ..

طلال
ياخ النيولوك بتاعك السماوي ساحر عديل كده..
للاسف البورد ده جكس لي وجاهتك دي مافيهو..

يعني وجاهة ماعندهم ليها رقبة..

لو البورد ده اتحول لي فلم انتا حتكون البطل مافي شك..الخاين حيكون ابصلعة..




شكراللطلة ياطلة..
وحاول ارجع..

يا طلة
[q]الزول ده ما اعتيادي !![/q]


جيلكم ما اعتيادي بس الاشياء المزعجة حولو كتيرة .. شفتو اكتر مننا والاجيال القبلكم وشفتو اسوء من الذي شفناه ونحن في عمركم ولذا انتو ما اعتيادي واقوي ... قريبي دكيين قال يا كدة يا نفرتق ونخلي السودان؟ هو السودان دة يخلوهو كام مرة ؟ ما الحاصل اخلاء قسري وجماعة جيران دكيين العندهم كهربا مدفقة استولت عليهو والناس اللحمة عفنت في تلاجتهم ما اخلو هو الاخلاء كيف ؟؟ انتو بس واصلو ارفعو صوتكم وخلو دكيين ينضم وانت وفاضلابي واهو معاكم اشراقة وعندها كتير لانو الاخلاء الحاصل كمان ما يجيب اخلاء السودان من روحو ؟

الأخ دكينز* حمدلا على السلامة.

الكلام الفوق دا جميل وتحليل دقيق لازمة السودان الحالية ويدل على ان لك القدرة على التحليل ودا مشروع جاهز"لمحلل نظم" بدل مشاريعك الغير ناجحة؟ (وجه ضاحك).

Quote: والغربة متاعُ ُ واحسان ُ..فاحذر خلطها بالانطباعات غير الدقيقة وبمغبات النظر الفالت غير المتزن.. واحسن غربتك .. تُحسن الى نفسك واهلك والاقربون ذوي الحاجات..

الفقرة دي لا تنطبق عليك وانما على وصية من متصوف ودرويش. فاعرض عنها يا دكينز. لووووول ....

Quote: ولاتندم على شي تركته خلف ظهرك ..واعلم انه ما من شي يمضى إلا اتى دونه شيُ ُ اخر.. فان حبيبة مضت اتتك دنياك بحبيبة اخرى .. وان جدارُ مضى اتتك الايام بجدار جديد.. وان فرحُ ُ انطوى فلا تبتئس ولاتندم فالافراح مادامت لاحدٍ كي تدوم لك.

دا شكلوا شاكوش تقيل يا دكينز! ويدل على ذكاء من جانبك فانت لا تريد الاعتراف بالشاكوش وبالتالي اتيت بالجدار بين الحبيبة التى مضت والفرح الذي انطوى حتى تبعد الشبه!!! والتفسير الآخر هو الحبيبة التى مضت والفرح الذي انطوى وجدار عش الزوجية المرتقب الذى مضى. وفي كلتا الحالتين شاكوش تقيل جدا!!!
بالتالي يصبح العنوان "منشــور إخـلاء السودان بقلم دكينز المشوكش" (وجه ضاحك).

دا كلوا كان مزح ، نبدأ بالجد.

Quote: ولشدة ما يحتاج سودانيز اون لاين الي شفاعة هذا القلم العزيز دكين أقرؤك بقلبي

اتفق مع الأخ شمس الدين السنوسي فانا ايضا قرأت هذا البوست وبعض مداخلاتك الجميلة مع د. اشراقة مصطفى وقلبي على وطني. الامثلة ادناه تحتاج منا لوقفة وكل واحدة مشروع لبوست للمناقشة الجادة والخروج بحلول عملية وفعلية.

Quote: غاب كل ماهو جميل.. لاشي سوى ذاكرة الشتاء وبضع اصدقاء..

Quote: الملخص ياحبة هو انو الناس مفترض ياتبقى شيوعيين وتتقاسم النبقة والكهرباء.. ياتعمل اخلاء للسودان.. البلاد رفعت عنها الرحمة والمنافقين في كل المدائن.. الناس بتولع الحيط ونجفة فيها 45 لمبة زينة وانتا كهربة لي تلاجة ماعندك..

Quote: شوارع عفنت وتلاجات عفنت وناس عفنت وضفابيع عفنت وخطب جمعة مافي زول بخلي ليها بال ودمغة دعم الشرطة وطرمبات الشرطة وشركات الشرطة وكلاب الشرطة وضرايب للشرطة وجبايات مرور وحبيبة جافية وشرطة في الشوارع وشمس حرها شديد ومجنزرات اليات عسكرية.. وتجري من تصبِح وترجع تنوم مهموم وتصحى تعبان وتاني تجري ..

تاني يا دكينز جبتا سيرة الشاكوش "وحبيبة جافية".

Quote: منو المستعدة فيكم ترجع وتخلي ترف الحداثة ده وطريق المطارات ومكاتب السفر وترجع تقعد وسط الدايات في ام دقرسي وود الماجدي وطيبة الشيخ عبد الباقي والهلالية وتنادي بي محاربة العادات الضارة مثلا.. انتو للاسف مبادراتكم بتاعة الصعود بالحركة النسوية بتكون في بورد المثقفين ده.. بتاذنو في المكان الخطأ..

Quote: بالرغم من انكم قدرتو تقرو بعض مشاكلم إلا انكم اكتفيتو بالتحليل والتنظير من ابراج عاجية..من خلال مجلات ودوريات ومحاضرات وندوات هم ماحيسمعو بيها ولا حتى في حياة تانية.. قدرتو وبي براعة غير مقصودة تصعدوا من نجوميتكم - في قضايا المرأة- على كتف قضايا هولاء الحروم..

شوفتا يا دكينز "التحليل والتنظير من ابراج عاجية..من خلال مجلات ودوريات ومحاضرات وندوات ..بالاضافة الى المنتديات أو أي وسائل اخرى تاتي بها الالفية القادمة"، دي مشكلة المثقفين السودانيين رجالا ونساء. فيجب علينا جميعا النزول من تلك الابراج العاجية والاندماج مع القاعدة والتخاطب بلغتهم والشعور بمشاكلهم واحتياجاتهم.

لك خالص الود والتقدير على هذا البوست التحفة.

تخريمة:
* دكينز دا الاسم الجديد لك ونتمنى من الأخ بكري ابوبكر اجراء اللازم... لــووول....

Quote: ياتعمل اخلاء للسودان..

دكين..

تفتكر50 يوم كافية للاخلاء.؟؟؟

مع محبتى..

هسي القال ليكي اخلي في خمسين يوم منو ياسمسمة؟؟

Dr. Faisal Mohamed

سلامات ياممتع..
صدقني يامنقة انا ماعندي مشايرع فاشلة انااصلا مشاريع من اصلو ماعندي..
مشروع واحد وخشت فيهو حلبية عملتو لينا قيامة رابطة جميلة ومدهشة..

تحليلك اصاب ما اصاب من حقايق..
غير ملزمين بالرد تفصيلا على الحقايق لانو الشواكيش الاخدناها اخدنا معاها مواثيق بالبكاء في صمت ..

ولو خرناقاها تاني لي قدام ماحناخد شواكيش ...


لك خالص محبتي وودي على حضورك يادكتور.

ادكين والله بنحب الحب وبنحب فوق ابو عشرين وضهر الترع ولما نروح البيت نشرب الشاي والقهوة // وقاعدين في العنقريب والبنبر والوطن بحبوا الجميع مش زي حب الجماعة ملي جيوب ابدا بنحبوا ساكت لله .

ابوبكر الخليفة
جيوبنا ملانة محبة..ياحبيب

دحين يادكين ده مو عماد
اها حمد الله علي السلامه
ودعناك الله وقبلنا الوداعه

Quote: ومامن شي ُيحمض عليك خبز يقينك وخمائر عافيتك سوى طلعة بهية قد تركتها وراء ظهرك .. الناسُ سلالاتُ ُ وطبائع.. اجناسُ ُ واعراق ..وقبائلَ مُـتعارفة.. والشمس هناك حـرُها شديد.. والمحباتُ قِـــسَـم.. فاذا ما كنت كثير الاسفار، فاحذر الشمس والبنات.. واحذر ان تربط حوادث ايامك بالامكنة والجدران والوجوهِ الحالمةِ وغيرها..

تبت لله و الرسول ..
قلمك أخضر دايما .. قول آمين .
و بنية كدي ما تعتر ليك يا عزيز يا ود أم دكين .. قول آمين .
و يتقسم ليك ما يتقسم ليك : حيط و وجوه تحميك القعدة و عيون تزوزي بيك فوق مزازاتك .. قول آمين .

تعرف ياعمدة

Quote: الناسُ سلالاتُ ُ وطبائع.. اجناسُ ُ واعراق ..وقبائلَ مُـتعارفة..

بنية سمحة وقامتها مديدة عزمتني عرس اختها
امها جموعية وابوها محسي..
في العرس جات الناس دي تتراقص من باب النادي ولحدي محل العروس
العريس محسي واهل العروس عرب الجبل..
مافي زول بفوتنا في مجاملاتنا نحنا النوبيين بس الجموعية اليوم داك كسحوناوالجمو اعجميتنا..
يمين بالله الحروم الواحدي تجي من باب النادي ترمي رقبتها لا ورا وتجي تقدل بي مسايرها..
الخلايق دي تضج..والمزيكة دي هزت شجر النادي العربي..


بس القصة دي قاعدة في بالي لحدوت ماقمتا مرقتا العبارات الفوق دي نفسي بردت..



آآمين..

دكين يا حاقد

Quote: حرم تشوفها في بيتم وهي بتقدم ليك شاي المغارب .. واضاتك تصبح.. بت غريبة ياخي.. انا غيرتا حجزي تلاتة مرات عشان بس اقدر اعاين ليها تلاتة مرات للمرة الاخيرة..

هسه عليك الله ده أسمه كلام يا دكوني يا أخي ، ماتوريني مكانا النمشي نسلم عليها ساكت هسه انا نازل السودان إجازة إن شاء الله شهر سبعة ما تخاف بسلم ليك عليها معاي .
إنت هسه شفت جبت لينا الكلام هسه في واحدة إتصلت علي وقالت لي إنتو الرجال ديل عيونكم طايرة تطير ما ترك هسه دكين صاحبك ده متين عرس وقام يجقلب ده لسه عسله ماتمه ... اها شفت كيفن يا أخوي جبت لينا الكلام .. كلامك ده كان تكتبوا لينا بالحبر السري ، أها يا أخوي كده رسل لي عنوان البنية دي بالايميل النمشي نملي عويناتي دي ساااااكت كده ذي ما إنت عملت ونبرد بيها حرارة جو السودان ونشبع عيونا من جوع البطنون الحاتقابلنا في السودان . بطل خيانة يادكوني ورسل العنوان يا تعال عند ناس موو هناك نتفق ......


محبتي ليك يا جميل ....

Quote: أها يا أخوي كده رسل لي عنوان البنية دي بالايميل النمشي

جدا ياعماد

ارجاني برسلو ليك..

ازيك ياموصلي

ياخي وينك ووين غنانا المعاك ياجميل..

Quote: كما واحذر اطالة النظر الى مكان بعينه دون اخر.. ففي النظر الطويل تندسُ فخاخ الحنين.. وكن حصيفا واحرص على ان يتوزع بصرك طوال حال سفرك على الدورب دون هوادة وبلا تركيز.. فلا تنظر طويلاً في عيونِ البنات.. ولا تنظرُ طويلاً الى جدارٍ مررت به.. ولاتمكث طويلاً في سفرك.. وعلى كل حالٍ إحذر التطويل والاسهاب قدر ما تستطيع..

ولا تقرأ كثيراً لدكين حتى لاتدمن له القراءة


















معليش يا دكين انا عارفاك عايز زوجة ما عايز قراء

Quote: ماسمعتا القائل نحنا بنحب شاي الصباح والمغربية بنحب كده ونعشق تمام..

والزوجة والأم الحنون....

العزيز دكين ,

Quote: فلا تبتئس ولاتندم فالافراح مادامت لاحدٍ كي تدوم لك.. فـسُـنةُ الدنيا الزوال.. اما نورة فاندم عليها على مهل.. نورة الزاد الذي لا ينفد.. نوارة (المين) عند احتدام المغارب .. نورة لون الطبيعة الابيض المعتدل.. نورة بالجملة كده (صلاة النبي فوقا..)

الندم على مهل وقفت عندها كأنى اسمع النور الجيلانى و قد كسى صوته عميق الشجن و تضرج بالتطريب

ده جرحك يا غرام الروح لا طاب لا بدور يبرأ متن يبرأ و بين الذكرى و النسيان مسافة قريبة يا انسان

انعام عبحفيظ..

تجي ترشحي لينا زوجة من طرفكم؟؟





ريهان الريح..
شكرا للاضافة..
بس كان تجير الخط لحدي الام الحنون..

نحنا مرة مابتجي في خط واحد مع امنا دي شاي بكيات ساي مابنشربو معاها
خليك من شاي الصباح..



عاملة اسمك السمح ده..

Quote: انعام عبحفيظ.. تجي ترشحي لينا زوجة من طرفكم؟؟

انا علي الترشيح وانت عليك الإختيار

Quote: ولا تقرأ كثيراً لدكين حتى لاتدمن له القراءة

العزيزة انعام ..الشباب دييل بيكتبو كلام وايد حلو (كما يقول الاعراب هنا) واول ما الواحد يدمن كتاباتهم يختفوا ونبقي يا انت وين انت لحدما واحد كدة يمرر تخميسة (دة من اعلي درجات الكيف زماااانك عندما كنا مفلسيين دائما-هسع وبعد عقود بتكون مؤقتا وحسب الظروف- وما عندنا حق السجارة-عادي!! مش ؟ )..يعني يجي دكيين يكتب ويغيب نجري وراء طلال يداوم كام يوم ويغيب يجي الفاضلابي يتاوق ويختفي اما ابن اختي عثمان صالح ولا بتاوق ولا يخمس ولا يجيب خبرنا ( اهو ننتظر ست البنات يمكن تحنن قلبو علينا)...

مودتي
ابوبكر

مالك يادكين بتفطنى

انت قايلنى صفر بتقضى







اها ده ذاتو البقوم الشعنونات

إشراقة مصطفى

لست وحدك ... أنا برضو (فططت) لكنى قلت
يمكن الرد على حايكون خاص وإستثنائى...


لك وله الود


عبد الرحمن قوى

Quote: لست وحدك ... أنا برضو (فططت) لكنى قلت

الحمدلله مابراى.. الله يكفينا شر الوحدة


وكيفنك يادفعة قدامى!

معليش يادكين وكت مارديت لينا وفطيتنا قلنا نسلم ساى

فيها حاجة دى؟

د.اشراقة


انا بصراحة قريت ليكي اللنك الختيتهو داك

وخجلتا اجيك تاني

ولان الخجلة كانت كبيرة بصراحة وتسع تاني كم واحد معاكي
قمتا دخلتا عبد الرحمن قوي ذاتو معاكي..


ولا املك إلا ان اردد - معترفا ممنونا- ماقاله بانقا

Quote: آه.. يا اشراقة إن تكريمك للمعلمة آمنه قرندة تكريم لكل المعلمين الذين وهبوا أجمل سنوات العمر لتربية الأجيال برغم ضيق ذات اليد وعدم توفر ضمان اجتماعي لهم يليق بتضحياتهم مع استمرارمعاناتهم التي تمتد لشهور لاستلام مرتباتهم الضئيلة في هذا الزمن الأغبر الذي أول من يستلم فيه المرتبات الحكام بينما يرفل الطفيلية في النعيم من عرق الذين علموهم هؤلاء المعلمون الأجلاء. وردة لكل آمنه قرنده في مجالها.

ودمتي رايقة

وراجيك تجي الحتة المنسية القتيها ديك..


عشان تشوفي الشعانين الماشفتيها لاقبل ولا بعد..

ياقوي
ليك كل ودي وامتناني ..
ياخي انا ختيتك لي عوزة..
اصلا البوست ده انا ناوي لو ماقرتو نورة ما افك دربة

قتا ادخرك لي يوم يكون البوست هجر الصفحة الاولى..
اجي ارفعو تاني واقول ليك ياقوي نورة ماجات حدوت هسي ليه؟؟
يعني شغل اخوانيات.. وعوزة في اوكات صعبة..
يعني بصراحة كنتا عايزك انتظر بيك نورة..
تتشرف بيك وتتشرف بي انتظارها معاي..


والكتابة الطاعمة دي مامني ياقوي
دي من سماحة اللحظات الشفناها واشتقنا ليها..
نحن شن قدرتنا ياحبيب..
غرباء وبلدنا ابتنا..




دمتا رايق ودام ودك

Quote: العزيزة انعام ..الشباب دييل بيكتبو كلام وايد حلو (كما يقول الاعراب هنا) واول ما الواحد يدمن كتاباتهم يختفوا ونبقي يا انت وين انت

ابو بكر يا عزيزنا

ودا البخلينا نخاف على نفسنا من الإدمان لهم

هي أقلام تحكي بهدؤ وببساطة عن مايجيش بنفوسهم

يتميزون بروعة الكتابة والنثر الجميل

ويجعلونك تحلق عالياً بين أحرفهم

نادية السر


تجي افرجك على نورة دي؟؟

الرجل الجنتل دكين

صباحك بنكهة الفروالة وطعم المانجو

Quote: جدا ياعماد ارجاني برسلو ليك..

رجيتك وفي إنتظار عينيك كملت الصبر كله ....

غايتو يا دكين البنية دي قطعت فيني عرق عديل كده أها لو مارسلت لي عنوانها بمشي أجيب موو وتمبا وبنعمل عصابة عديل كده وبنجيك هناك ،، اها وكتها النشوف منو فينا البفوز بيها يا انا يا أنا ....


لك كل الاماني الطيبة يا طيب القلب ....

Up

حتى يتزوج دكين .... ويرسل لي عنوان العسل ......

عمدة
امشي جامعة الخرطوم وخليك في المين روود قدام كلية القانون وعاين يمين شمال
لو ماشفتها براك مافيك فايدة..

الله يرد غربتك يا عزيز

الوجيه النبيل دكوني

Quote: عمدة امشي جامعة الخرطوم وخليك في المين روود قدام كلية القانون وعاين يمين شمال لو ماشفتها براك مافيك فايدة..

يازول ها الصورة الشفتها ليها دي نورها براهو بوديني ليها عاد كيفن ما بشفوها تب بشوفها يا خوي الزول البصل هناك ده لو النعام آدم زاتو بشوفها . تعرف كمان عندي بنت خالتي بتقرأ هناك في نفس المجال يعني الموضوع شبه منتهي وأكيد ح تكون صاحبتا بس إنت أديني خاطر علشان أدخل تووووش يومين بس وأكون متزوجا ليك بدون أحم ولا دستور ... بس خاطر يا غالي ...