العبير والشوك والعصافير وقوس قزح

مؤخرا جدا اكتشفتا – وانا الكنتا قايل نفسي عارف أي شي- اكتشفتا انو كل النساء ينشدن لان يكونن هكذا

Quote: أنا طفلة وأمراه تلاشت بينهما فواصل الزمن، طفلة تلهو بعرائسها، تتحرر جدائلها، تتعالى ضحكاتها متناغمة مع طفولتها البريئة وامرأة نضجت فاكهتها ونما عودها مروياً من ماء الطبيعة

او كما جاء في بوست سلمى صبحي( الركن الهادي)
وقفت في البوست ده طويل بصراحة..ليس لان به جديد غير مطروق وانما لان الاشياء بدت لي جلية..
الكلمات في البوست ده مـَّرت علي في بوستات كتيرة بس بي تراكيب مختلفة وروابط متعددة..

يعني مثلا استطيع زيارة بوست لي صلاح شتات وطلال عفيفي وسلمى صبحي وتماضر الخنساء وقبيلة سيدي رومانس في البورد ده امرق بي نفس الكلمات المرصوصة بس باختلاف الرصة في كل بوست..
لا اقصد ان اقول ان هؤلاء بصاصون ان صح التعبير او انهم ينقلون عن بعضهم ..

ولكن الناس ديل ُدنيتم وااااحدة..والقاسم المشترك فيهم انهم رومانسيون حالمون زهريون مثاليون انسانيون ضنت اللغة عليهم- لشح مفرداتها- بتعابير غير التي نراها لديهم فصارت بوستاتهم بذات المفردات والكلمات..
يعني بصراحة ديل مظاليم اللغة.. لو مرقو فرنسيين كان حيكونوا اكثر ابداعا ..
فمهما تغيرت تراكيب الجمل عبر هذه المفردات فدلالات معانيها تكاد تكون واحدة ..

ذلك ليس المهم..المهم في هذا الامر انو هذه الـمفردات تعجب جميع النساء فجميعهن رومانسيات وطفلات بريئات ونساء حالمات..
بمعنى ادق واوضح فان المفردات زي :
التناغم والحب والعشق والورد والزهور والغيوم والسحاب والمطر والاقدار والبنفسج والهدوء والجداول الراقراقة والعيون والدموع والانتظار والنسمات والغزل والغزلان والوسادات والغروب والشروق والشمس الغاربة والليل والخصل الذهبية والقمر والنجوم المتلالئة والاهات والجسر والنهر والشعر والشعور والعبير والشوك والعصافير وقوس قزح والموج والمداعبة والاحلام كلها مفردات يمكن بها وبقليل من الصبر نسج تعاريف ومفاتيح لكل النساء..
اجعصها مرة في الكون من خلال ماورد اعلاه يمكن براحة ان تجعل منها أي شي..براحة جدا جدا يمكن مداعبة ودغدغة مشاعر النساء بهذه العبارات..

ولطالما استغربت كيف تستطيع هزيمة إمرأة بمثل هذه الكلمات المكررة ..
انا والله ولمدة طويلة جدا افتكرت النسوان ديل يحتجن الى اشياء مبتكرة ومجهود غير.
وللاسف لمدد طويلة ايضا تحدثت عن اشواقي في شكل حكايات فارغة عن ديكة ورحمات الهية ومناسيب للنيل الازرق وحيطان وضل حيطان واصص في بلكونات ومساجد واهلة وفروق لتوقيت الوقت واشجار جهنميات وبنات يشرحن المولاريا لاخواتهن في ظروف صعيبة وحناء على ارجل وايادي لايبين فيها عضم الشيطان وقبطة متسامحون واحجار وابواب لمنازل في وسط الخرطوم والاملاك وشارع المك نمر والكثير الغريب ..

بينما لم يكن الامر لم يكن ليتطلب اكثر من مجرد رص لي كلمات وجمل معينة تبتدي من تناغم وتنتهي باحلام كما في الاعلى..

وبالرغم من انو كذا مرة لفتتني كذا بت لهذا الامر ولفظاظتي في التعامل مع النساء إلا انو انا استمريت ولمدد طويلة بضيع عمري في الركض خلف البنات بما لايجوز ان يُـقال إليهن..
ماكنتا مصدق انو جنس البنات فعلا بهذه السذاجة والبساطة وانو راسهم خفيف لهذا الدرجة..
انا من ضيع في الاوهام عمره..
ديل طلعو أي كلام ياجدع..
قررت من هذه اللحظة ادشدش حنان جميع النساء..
لانو بصراحة الامر طلع لايستحق سوى مجهود رص لهذه المفردات في صيغ ومفردات مختلفة..
يعني تلعب بازل بي الكلمات المرصوصة فوق دي ،تجيب ليك قلب مرة زي السلام عليكم..

من كان حريفا في البازل كان حريفا في النساء..

خذوها مني وانا العارف ..انما المراة لعبة بازل..

والسلام ..

دكين الغبي باثر رجعي..

















المؤسف في هذا الامر اني بتكلم جد

بمثل هذا الحديث الواضح الجارح والذي قد يكون حقيقة لن تصبح ابدا يوما مثل اخوك الــDECENT

اساسي

تخيل من ضمن الحاجات الخلتني اقتنع بي كلامي الفوق ده
انو بوستك بتاع محاكاة طلال والفاضلابي اعجبو بيهو جزء مقدر من الجكس
والجزء الباقي كتم اعجابو في سرو لامن عرفوك مستهتر..

كلام هنبوكة زي داك يقنع جكس ..معناتا الجكس ده هنبوكة ساي..


ياخي صدقني انحنا بنبذل مجهود وبندفع قروش اكتر من اللازم في البنات ديل..

دي عالمين رايحة ساي..

ازيك يامعتصم

Quote: كلام هنبوكة زي داك يقنع جكس ..معناتا الجكس ده هنبوكة ساي..

موش كده بلاهي؟؟

شكرا على المرور الجميل..

Quote: ازيك يامعتصم

لووووووووووووووووووووووووووووووول

للصباح

انت شارب شنو الليلة يا مان !! بقيت تضرب عبارين من ورانا !

هههههههههه فيصل
والله ملاحظتك قوية
ده كلو من الرومانسية الزايدة..

نوبي يالذيذ

وحاتك وماطالبني حليفة انا رديت استنادا على صورة موووو..


وبعد عملتاارسال اتذكرتا انو ده مامعتصم..


قتا ياخ مشيها مافي زول حيلاحظ ليها...



بس رايك شنو في الـــ new look
لزوم الحنك والروعة وكده..

استغفر يا عزو..

رشا سالم ازيك يادكترة ياوريفة يا زهرة يا بستان يا موج في طرف شاطي ازرق
يا سحاب وطل وزهرة نرجس..



اول شي انا قررت اعمل الـ نيو لوك الشايفاهو في البروفايل ده ده عشان يتناسق مع متطلبات المرحلة الجاية وكده...


اكون زول رايع ووردي وكده..

يا طُمطُم
عزيز ده الحاصل عليه شنو ؟
و حمد وين ؟

عزيز انت في البيت ولا طردكـ بايت بره الليلة!!







___
إكتشفتها براكـ ! ولا ده الوحم !
ده كلامكـ بعد العرس !
ما قلتو نوبة !
عزيز أمشي صلي ركعتين و تعال

في زول وقّع بيناتنا يانوبي..

شوفو ليّ منو بالله

دكين ده من الناس اليسعدني أعلن عليها المحبة على الملأ كده..

ستي تماضر ازيك

وين يازهرة وعبيرها فايح ..
وياوردة وطلها على خدوها..
جيتك هنا كما النسيم على زورق في نهر منساب بي سلالة في سهل تحفه الفراشات والغيوم والرزاذ الخفيف والدعاش ورحية المطر..




وحاتك مافي زول وقع بينا يا سكر الجلاس

بس شفتي لامن اطلع من ديني بكون عجيب ومجلبق كيفن يا تماضر..

عايزيني اكون واقع من مجلة (هو وهي) وانا زول خنشوري ؟!!!..

دكين المكين

عارفك بتتكلم جد ...

بس

Quote: قررت من هذه اللحظة ادشدش حنان جميع النساء.. لانو بصراحة الامر طلع لايستحق سوى مجهود رص لهذه المفردات في صيغ ومفردات مختلفة.. يعني تلعب بازل بي الكلمات المرصوصة فوق دي ،تجيب ليك قلب مرة زي السلام عليكم..

و أنا حأقول ليك كلام ( أكثر جدا من الجد )

كلما رصيت الكلمات بأي مجهود تقدر عليه ..
ثم تيقنت أنك قد فككت طلاسم ال Puzzle .. ستجد نفسك أنك كمن رسم طريقة عودته على الرمال في يوم به كتاحة عجاجا يلوي ..
المرأة يا قريبي لديها بوصلة لها خاصية تحديد الإتجاه و معرفة سرعة نبضك في آن واحد.
ممكن التلاعب بالبازل .. و يمكن الغش .. و لكن صدقني إلى أجل معلوم .. فقلب المرأة له قرنا إستشعار يفوق عمل الإيواكس ..

خليك في الطريقة القديمة و أتبع حواسك التي فُطِرتَ عليها ..

Quote: خليك في الطريقة القديمة و أتبع حواسك التي فُطِرتَ عليها

وهل فطر المكين علي شئ.؟

Quote: وهل فَطَرَ المكين علي شئ.؟

نعم ..
بتركين فيراني اللون و قراصة تحاكي كفرات تراكتور ..

Quote: بتركين فيراني اللون و قراصة تحاكي كفرات تراكتور

وانا اتسأل عن الحموضة التي تشوب هذا البوست ؟؟

استاذي ابا جهينة

انتا بالذات يابو جهينة استاذ في علم النساء..

يعني انتا اكتر زول عارف انو كلامي ده صاح
وماحديثك هذا:

Quote: المرأة يا قريبي لديها بوصلة لها خاصية تحديد الإتجاه و معرفة سرعة نبضك في آن واحد.

إلا تاكيد لي فكرة انو المرة دي انحنا البنخلق منها شي جميل ..
ونحنا البنسوي منها شي غامض مرة وشي واضح ومرات شي شفاف

ماسمعتا ياخي الناس البقولو ليك :
ويييييين ياشفيفة..





هسي تخيل كلامك اللطيف ده عنهم وماعارف علمتا ليهم قرون استشعار وايواكس يكونوا حبوك زيادة..

والله البشوف جرستك يوم لقاء بورداب الرياض ، وتتكلم عن لابد من الانجاز فى ذلك اليوم

والله البشوف كلامك فى اليوم داك ما يقرأ كلام دا

ولا انا غلطان



أحمد العمار

دكين أخوي إنشاء الله خير ؟؟!!

أسمع الكلام ده ( الريد قسم ) ( الحب هو التضحية ) ( يا من رمي سهم الجوي ومضي علي درب النوي

ما كان سهمك طائشاً بدمي تخضب وأرتوي ...... ) ( بنحب من بلدنا ما برا البلد سودانية تهوي عاشق

ود بلد في عيونها المفاتن شئ ماليهو حد ) أها يا أخوي فتك بعافية يطرشني أكان فهمتا حاجة من

كلامي القلته ليك ده .

هاشم الوجيه ..


اها شفتا بس جنس كلامك المافهمتو ده كان ختيت ليهو وردهخ في بدايتو وياشفيفة في نهايتو ممكن برااااحة تبقى هاشم كيوبيد..

يابو حميد ياعمار
ازيك وعساك طيب..


ياخوي الانجاز يادوب عرفنا دربو..

بس الكلام المعسل .. البنات ديل عجينتم وااااحدة..

ياحنك وردي ياقروش وقباح..




وانا قروش ماعندي بصراحة

Quote: دكين الرومانسي باثر دائم المؤسف في هذا الامر اني بتكلم جد

قبيلة سيدي رومانس.

العارف بالله دكين

النساء ما كلهم كوم واحد يعني كل واحدة عندها خارطة طريق براها و البنفع مع واحدة ما بالضرورة بينفع مع التانية. ياخوي خليك في الضمان بطريقتك الأولي و لا تقوم تلقي ليك طوبة في نص راسك بسبب مزه ما تسوي.. زي ما بقولوا أولاد بمبه


خالد

Quote: العبير والشوك والعصافير وقوس قزح

يا سلام يا دكيــن ..
رائعة تلك الكلمات فهي كالنسيم ..
تنعش القلب العليل ..
وهي من أجمل ما قرأت فى الستين عام الماضية !!!!

العبير والشوك والعصافير وقوس قزح

دكين....انت عارف انا مريت على البوست ده لقيت العنوان عصافير وعبير....ولقيت اسمك قلت لالالالالا ده ما دكين!!!!


ولما دخلت

يلا كدي اسمعمني قلت ....

Quote: وبقليل من الصبر نسج تعاريف ومفاتيح لكل النساء..

Quote: اجعصها مرة في الكون من خلال ماورد اعلاه يمكن براحة ان تجعل منها أي شي..براحة جدا جدا يمكن مداعبة ودغدغة مشاعر النساء بهذه العبارات..

وردي عليك من كلام أبوجهينه

Quote: كلما رصيت الكلمات بأي مجهود تقدر عليه .. ثم تيقنت أنك قد فككت طلاسم ال Puzzle .. ستجد نفسك أنك كمن رسم طريقة عودته على الرمال في يوم به كتاحة عجاجا يلوي .. المرأة يا قريبي لديها بوصلة لها خاصية تحديد الإتجاه و معرفة سرعة نبضك في آن واحد. ممكن التلاعب بالبازل .. و يمكن الغش .. و لكن صدقني إلى أجل معلوم .. فقلب المرأة له قرنا إستشعار يفوق عمل الإيواكس ..

وردي التاني حأستعيره من أساسي

Quote: بمثل هذا الحديث الواضح الجارح والذي قد يكون حقيقة لن تصبح ابدا يوما مثل اخوك الــDECENT

ودي كمان ...

Quote: وللاسف لمدد طويلة ايضا تحدثت عن اشواقي في شكل حكايات فارغة عن ديكة ورحمات الهية ومناسيب للنيل الازرق وحيطان وضل حيطان واصص في بلكونات ومساجد واهلة وفروق لتوقيت الوقت واشجار جهنميات وبنات يشرحن المولاريا لاخواتهن في ظروف صعيبة وحناء على ارجل وايادي لايبين فيها عضم الشيطان وقبطة متسامحون واحجار وابواب لمنازل في وسط الخرطوم والاملاك وشارع المك نمر والكثير الغريب ..

في يا دكين زول بيتكلم بالطريقة دي مع بت؟؟؟؟؟؟؟

عذرتك والله بعد ده

سلمى صبحي


انا بس قصدتا اوريكم انو القصة دي ماصعبة..
الروعة والطحلبة والدجل و واختيار اللفظ الانيق الغارق في تخمة الرومانسية هو امر بس عايز رص وتلاتة دقايق لا اكثر..

لو عايزنو حرم املا ليكم منو قساسيب قساسيب على قول عماد عبد الله.
بس انا دوما ظننت انو المراة اكبر من كده..شي غامض زي ماقال ابا جهينة
فاذا بها هلواسة وهمانة تفتنها العبارات الرقيقة المتاحة والسهلة وتجعلها تذوب زي الزبدة في فبراير..

Quote: Quote: بمثل هذا الحديث الواضح الجارح والذي قد يكون حقيقة لن تصبح ابدا يوما مثل اخوك الــDECENT

الدسينت داك مافي زيو..

Quote: في يا دكين زول بيتكلم بالطريقة دي مع بت؟؟؟؟؟؟؟

انا ده

يا دكين يا قريبي ممكن تواصل تكتب ؟ ناس نوبي وجهينةوتماضر وغادة واساسي والمتداخليين الاعزاءاكيد بيصبروا وبعدين في النهاية -كان ليها نهاية- حيكتبو حقهم .. المهم ممكن تواصل ..الموضوع مهم رغم انك عامل نفسك ما شاعر باهميتو ؟؟؟؟ انا ما عارف ليه ما بتتم كتاباتك وين باقي منشور اخلاء السودان..؟؟

ايها الشفيف اللفيف..يا وردة قاردنيا على شعر اسباني*
انتو ذاتكم بتريدوا الكلام المنمق والسمح
ما برانا..غايتو انا من جيت البورد دا وخليت
الادب والشعر وناس قوس قزح
وزهر قلبي وعصافير روحي و بقيت سياسية
كبيرة ومناضلة مضادة..
بقيت اريد الشتائم...وكل ما كان الزول موتور
كلما فرحت انا..واقول لنفسي بالله انا
غياظة كدا؟


ــــــــ
* من قصيدة لنزار قباني ما يقوم يجي زول ينسى الموضوع الاساسي
وهو الشاكوش الاخير لدكين ويرضع لي في شطر ميت حق
قوقلني وسرقت دون ذكر المصدر...

Quote: انتو ذاتكم بتريدوا الكلام المنمق والسمح

اخر حبيبة قات لي انتا ليه بتحبني لامن انا انبذك زيادة

Quote: وكل ما كان الزول موتور كلما فرحت انا..واقول لنفسي بالله انا غياظة كدا؟

والله انتي بالضبط النموذج المثالي البخرب لي النظرية بتاعتي الجديدة دي..

يعني انتي بالذات نظرية (البازل) دي لا تنطبق عليك..
يعني في الوكت المفترض تمارسي فيهو دورك الطليعي كمرة بتحب الرومانس والعليق والطرشة بتاع الروح العايمة في بحور المخمل وزهر البتيخ..
مرقتي ليهم زي الجنيات ..
لامن لحدي هسي مخلوعين فيكي ومامصدقين انو تصرفاتك دي تصرفات مرة..


الغريبة انتي عاجباني شديد..
عسل عديل كده بالنسبة لي..

قصدي قبل اعتماد النظرية بتاعة البازل ..

ابو بكر ياجبل

Quote: انا ما عارف ليه ما بتتم كتاباتك وين باقي منشور اخلاء السودان..؟؟

باقي شنو ؟؟مافي باقي ..
الناس تقوم تخلي بس..

Quote: الناس تقوم تخلي بس..

الناس بقي فيها حيل بشان تخلي ..

أبوبكر

Quote: الناس بقي فيها حيل بشان تخلي ..

هي تخلي .. الحيل بجي بيلحقا لاحقا

الانيقة تماضر الخنساء


اسعد الله صباحك الانيق بكل ماهو لطيف ونضر .. وبعد

ولكم وكم وكم اشتقنا الى لقياكم الغالية..
انها حادثات الليالي التي شغلنني عن ونسات النهار وهدهدات الليل..
طيوف محباتي وباقات ازاهيري ارفقها لمقامك الرفيع ..























ـــــــــــــــــــــــــــــــــــــــــــــ
اظنها بدايات موفقة..
معليش ماقدرتا استخدم الجمل الاتية(الشواطي- السماء- القلب- الخصل الذهبية- العبير- وقوش قزح)
بس اوعدك افكها فيكي في الدور الجاي
ـــــــــــــــــــــــــــــــــــــــــــــــــ
انا ايضا اعلن محبتي على الملا دون مواربة..

دكين

أعمل حساب لزولتي اللي بتخرم ليك











وحاتك ... غيرك ما بتشوف ليها منام

Quote: وحاتك ... غيرك ما بتشوف ليها منام

بالسرعة دي البوست جاب ثمارو ياحيدر؟!!






يلا قولوا واحد...

يا دكوني أنا يا دوب جييييت ..




مره أضحك ..
ومره تغلبني القراية ..

اهو وصلكم مدير عام الرومانسيين في سودانيز اون لاين

السيد مووووووووو


ازيك يارااااائع

الرررايع دكين
شكلك ماشي في خطي الروعة
مؤخرا جدا اكتشفتا شنو يا ؟؟
موش اسة بقول دنيتك كلها بقت عصفورة رقاصة و السنبل النضرا
و اغاني شرحبيل نص الليل

مؤخرا جدا يا اخ اكتشفت انو الدنيا دي اقامات
الدنيا دي اقامات و بس
عندك اقامة الدنيا دي الذ شئ
عندك اقامة تعرس مرتين وحدة منهم فيها عرق تركي



شكرا يا رايع
تحياتي لكل الرايعين

Quote: العارف بالله دكين النساء ما كلهم كوم واحد يعني كل واحدة عندها خارطة طريق براها و البنفع مع واحدة ما بالضرورة بينفع مع التانية. ياخوي خليك في الضمان بطريقتك الأولي و لا تقوم تلقي ليك طوبة في نص راسك بسبب مزه ما تسوي.. زي ما بقولوا أولاد بمبه

ياخوي كلامك صاح ..
البنات ديل اصناف وانواع.. ما اختلفنا..
بس صدقني القاموس بتاع الجميل الرنانة البادية- من تناغم ومنتهية بي احلام- السقتو ليك بي فوق ده ياخالد هو القاسم المشترك ومفتاح كل بت في ضهر الواضة دي..
بما فيهم بت ابليس ..

Quote: Quote: العبير والشوك والعصافير وقوس قزح يا سلام يا دكيــن .. رائعة تلك الكلمات فهي كالنسيم .. تنعش القلب العليل .. وهي من أجمل ما قرأت فى الستين عام الماضية !!!!

تم التعديل عشان خاطر عيون نوبي السمحة

لووووووووووووووولوز ياحمدين
اهو ده زول برضو فاهم زينا كده الفكرة وصلتو ..

ما أروعك عزوز

وأنت تنشد ما بدواخلك من جمال

يضاهي حروفك التي نسجدتها بروحك الندية

في أجمل خلق الله الانثى ..

جمعت باقات الزهور وكل احساسي بيك

ودخلت البوست لاقدمهم لك عربون محبة ..

عميق ودي ..







رائك شنو ؟؟؟؟؟؟

ما برانا مش ؟؟؟؟؟؟

Quote: العبير والشوك والعصافير وقوس قزح

فى لقاء تلفزيونى مع استاذنا و شاعرنا ابوامنة حامد وفى ايامه الاخيرة قال انا كتبت زمااااان :

وشوشنى العبير فما انتشيت و ساقنى الهوى و ما ابيت و هسه بقول اريتنى كان ابيت !


زى ما بقولو اهلنا الكلمة اطول من العمر اها الله يرحمه من الشافو ندم على كلامو السمح القالو فى شان يكسب قلب البنية دحين دكين ايابا انضم نضمك البتعرفو و ابقى روحك و بس !



و سمعنا فى المثل (الشوك والعصافير وقوس قزح زى الشرا فى القندول) !

Quote: ما أروعك عزوز وأنت تنشد ما بدواخلك من جمال يضاهي حروفك التي نسجدتها بروحك الندية في أجمل خلق الله الانثى .. جمعت باقات الزهور وكل احساسي بيك ودخلت البوست لاقدمهم لك عربون محبة .. عميق ودي ..

بلاي شوفو جنس الكلام ده لو كان موجه لي قلب بت كان دشدش حناياها وخلاهم دراش محبة..

Quote: رائك شنو ؟؟؟؟؟؟ ما برانا مش ؟؟؟؟؟؟

الاولى عديل يا خالدة..


خالص مودتي وباقة ورد ونيل..

اكثر بوستات المدعو دكين سطحية وبعدا عن الابداع .....






































دكين كتاب .. دكين كتاب .. لمن طيرتو الكتابه من أم دماغو المسوكبة دي ..

عيونك كهارب امية لكن صدرك نيسان شاحن قايم طوالي.

أو كما قال الريح

مين الريح!

Quote: عيونك كهارب امية لكن صدرك نيسان شاحن قايم طوالي.

ده شنو البشبه ونسة الدهنون بعد كاس السلاف ده يا معروف..



عشان كده مرقتا من الجامعة دي خالي الوفاض

Quote: اكثر بوستات المدعو دكين سطحية وبعدا عن الابداع .....

الرجل الاستاندر...




سامو ده بذكرني بي مستقبلي وكده..
تعرف يا سامو لو الرياض دي فيها عشرة زيك كان الجكس الفيها ده اتعقد لي يوم الدين ..

بركة البقينا انتا وانتا بس..










مودتي ياقريبي..

Quote: يعني مثلا استطيع زيارة بوست لي صلاح شتات وطلال عفيفي وسلمى صبحي وتماضر الخنساء وقبيلة سيدي رومانس في البورد ده امرق بي نفس الكلمات المرصوصة بس باختلاف الرصة في كل بوست.. لا اقصد ان اقول ان هؤلاء بصاصون ان صح التعبير او انهم ينقلون عن بعضهم .. ولكن الناس ديل ُدنيتم وااااحدة..والقاسم المشترك فيهم انهم رومانسيون حالمون زهريون مثاليون انسانيون ضنت اللغة عليهم- لشح مفرداتها- بتعابير غير التي نراها لديهم فصارت بوستاتهم بذات المفردات والكلمات.. يعني بصراحة ديل مظاليم اللغة.. لو مرقو فرنسيين كان حيكونوا اكثر ابداعا .. فمهما تغيرت تراكيب الجمل عبر هذه المفردات فدلالات معانيها تكاد تكون واحدة ..

دا كلام بهلواني واستعراض شوفوني في البورد ..
الكلمات في أي لغة محدودة والمعاني بلا نهاية يا .....................
وكل مجال له مفرداته الخاصة .. الأدب .. السياسة .. الفلسفة .. اللاهوت وحتى السفاهة والوقاحة لها مصطلحاتها الخاصة يا ........................
قال رومانسيون حالمون مثاليون .. مش أفضل من نكون عاملين فيها صعاليك وشرَّامة وأولاد هرمة
مش أحسن تكتب البنفسج والياسمين والندي بدل مفردات الكوشة يا ........................
وبعدين تعال ورينا يا سيبويه كيف نكتب الأدب وبأي مفردات يا .............
القصة يا مان ما رص مفردات وألفاظ .. القصة فكرة .. والفكرة متعددة والتعبير عنها متعدد ..
الحب فكرة ..
والغزل فكرة ..
والمرأة أفكار ما جسد وملابس داخلية وسرير يا ...................................

ناس طلال والخنساء وسلمي لو بحترموك أو بخافوا منك دا ما علي أنا يا .......... بتعرفني كويس

دا الكلام الكويس .. الكلام الما كويس لما نتلاقى .. بس خليك راجل وما تعمل فيها مجنون يا ........................ فهمت؟







دكين ..
تعرف يا دبيب أنا كتبت الكلام الفوق دا وأنا في قمة الأنفعال ولو لقيتك قدامي كنت طفقتك لكن لما انتبهت لكلامك :

Quote: وللاسف لمدد طويلة ايضا تحدثت عن اشواقي في شكل حكايات فارغة عن ديكة ورحمات الهية و.. و..

زعلت من نفسي جداً وقلت أمسح الكلام دا .. لكن ما مسحتو بس خليتو بنبرة ودية لأنو لقيت باقي كلامك فيهو إهانة بالغة للمرأة .. انا ما عارف الجماعة ديل بقبلوا كلامك دا كيف ..
يا رجل المرأة هي الأم اللي ربتك ورضعت من ثدييها لما بقيت راجل ..
والمرأة هي الأخت اللي رتبت غرفتك ودولابك واستحملت سخفك ..
والمرأة هي الحبيبة المساهرة بيك وفاقعة مرارتك وبرضو باكي فيها ..
المرأة هي الصديقة والزميلة والنصف الحلو .. وأجمل شيء في الدنيا ..
وحتى لو كنت تعنى من تعني .. فهم برضو الاخت والحبيبة والصديقة وأمهات المستقبل ..

والعفو يا وهم ..
صلاح / شتات

شاكر ياصلاح حسن تفهمك..

ومع انو مداخلتك بقت كلها نقط نقط ..بس العايز توصلو وصلني..




ماسمعتا الحلنقي قال شنو :

غضبك جميل زي بسمتك

حمد امبس

ياخي تخيل الروعة دي هي بقت المطلوبة الزمن ده

انتا ماشايف الرايع معتصم والرايع طلال عفيفي خامين الجو كيفن..

Quote: عندك اقامة تعرس مرتين وحدة منهم فيها عرق تركي

دي مادايرة ليها اقامة ياحبيب..
دي دايرة ليها راجل ..
راجل يحدد هو عايز شنو..
موش راجل ابوهو يحد ليهو العايزو والماعايزو..

او كما قالت بت التركية السابقة

هاهاهاهاهاهيكة





- صورة لي الاخ هيثم درار
- صورة لي الجالية التركية بالرياض
- صورة للقيد مع الاصل

دكين مساءاتك حنينة. نهاراتك ناصعة مثل ابتسامة طفل غرير

وصبا حاتك سهب اخضر يركض فيه حصان مثل حصان مارلبورو...
وحاجة فيك تجعل العالم في سكون يسبق العاطفة اوبس العاصفة...

Quote: الغريبة انتي عاجباني شديد.. عسل عديل كده بالنسبة لي..

ما ياهو دا بتعرف ترمي مكنات..
ولا دي الشخصية قبل نظرية "البازل"
النكلمك البنات بيكرهن الرجل الكاواي..
تخلي المكاوية والوغودية..الجكس يترامى عليك..

استمر في الكتابة..

Quote: ما ياهو دا بتعرف ترمي مكنات..

اهو دي المشكلة
لامن نكون صادقين تقولو مكنات
ولامن نقعد نقول ياسمين ونرجس قوس قزح تقولو ياسلااااااام الود الحلو ده..

دكين ..
لقد رجعت لكلامك دا برؤية إستدراكية ووجدتك قد تجنيت فيه كثيراً على من جاء ذكرهم أو المرأة عموماً ..
الكتابة زي ما انت عارف تخضع لحاجات كثيرة في أي مجال إن كان سياسي أو شعر أو أدب ولا تخلو من ما ذكرته ..
ممكن ننتقد أي عمل وفق رؤية نقدية إن كان لنا ذلك ولكن لا نبخسه ولا يخرج كلام الشعر أو الأدب من ما جيت به أو يمكن يكون لديك فهم تاني في الحتة دي نحن لا نعرفه ..
ولو كان أي حد يرص الكلام رص زي ما قلت لكان الجميع شاعراً وأديباً وفناناً ..
ربنا خص البشر بخصال تختلف عن الآخرين لذلك جاء الإختلاف ..

من الكرتونة يا عمك دواخلي متمردة .. خدمة الاخوان شرف

يا دكين

الدهنون هذه الايام يعكف على حفظ الفاتحة والاخلاص وعندو نوايا جادة انو يبدأ الصلاة, نصحته الا يقدم على خطوة كهذه لانو سيتحول الى مجرد انسان شين وعاطل المواهب.

تعرف يا اساسي

تحول ضجيج و حدتي ..
إلى سكينة صاخبة بالإلفة ..
وظلمات دواخلي أشرقت حباً للحياة ..

قدرنا يا اساسي اننا نواجه الابتلاءات دي بصدر رحب وامانة منقطعة النظير..






شكرا على الهدية المغلفة بي سلويفان خدماتك..
والبترميها الله بنحملا نحنا والواضة..






احبك لامن تتجلى ..

بوستك دا يا دكين مهم بالحيل، وبمشي اوسع من لغة البنات لي اللغة ، لغة الكتابة. الفرق الكبير بين اللغة الاسهل انتشاراً واللغة البتمرق من الواقع، زي الفرق بين الكتابة عن الربيع وعن عم ربيع الكحيان. الكتابة بقت منظر يا صاحبي، تتعلق في صالات الكلام ربيع ومراكب غيوم واحلام مجانية. يعني الكتابة عن الحافلة بتاعتك شايلة الجداد والحجاج أجمل من مركب سابح، هائم في الغمام وسط الموج البنفسجي، لكن الافضل ركوب المركب المافي، يعني المثل الجنوب افريقي البقول عصفورين في الشجرة داك، داب في المثل السوداني البقول شمار في مرقة..
قبل فترة كت بقول لي واحد من اولاد الزمن ده وبي خبث انو مصطفي سيد احمد افضل من هاني شاكر، وضغطت عليهو اكتر وقت ليو ومن عبد الحليم حافظ ذاتو..
ما لقي حاجة غير يمدّ لي اصبعو!!

نادية بت السر
ازيك كده وحمدله على السلامة..

Quote: دحين دكين ايابا انضم نضمك البتعرفو و ابقى روحك و بس !

اقول ليكي انا اكتشفتا مؤخرا انو روحي بتقدل في وادي والجكس بقدل في وادي في وادي تاني غير ذي روح..

تقولي لي ابقى روحك..
عايزة تروحيني ؟!..
يختي الموت وسط جماعة الرومانس عرس..

Quote: تقولي لي ابقى روحك.. عايزة تروحيني ؟!.. يختي الموت وسط جماعة الرومانس عرس

Quote: محمود درويش كتب ذات يوم في معرض سؤاله عن اوقات كتابته للشعر فقال: اتجنب دوما ان اكتب شعرا بعد ان اقرا لاي كاتب اخر او شعر شخص اخر .. خوفا من ان يلتبس ما اكتبه بما قرات ويسلبني ذلك عالمي الخاصا

قالها من قبلى درويش و ان اختلفنا فى التعبير عن ذلك دكين ابقى روحك و بس و اقدل ما شاء لك فى وادى الجكس و عد غانما صدقنى ما بتروح !

الاستاذ متوكل توم

هل نحنا هنا بنكتب لانو وسائل التعبير ضاقت فما وجدت سوى الكتابة مخرجا..
ولا الكتابة هي مجرد مسالة تعبير في وجود وسائل تعبير اخرى؟؟
يعني قصدي هل منتوج الكتابة في وسط ازمة وسائل التعبير هي نفس منتوج الكتابة في وسط متاحة فيهو اشكال التعبير الاخرى ..
الكلام ..الرسم ..الونسة ..الشعر..الاشارات.. الصراخ ..العويل.. البكا..الخ..
لطالما ظننت ان الصبر على ازمة ما يولد في نهاية الامر انفجار بياخد شكل تعبيري محدد بليغ جدا في دلالته..
هذه البلاغات قد تتخذ اشكال تعبيرية عدة..
تكون بعد داك منفذ ستاندر لي مخارجة ازماتو الجوانية ..
فبعضنا تضيق به ازمة ما فينفجر معبرا عن ازمته في لوحة ..
تتفاوت بلاغتها ودلالتها حسب الازمة وحسب براعته في التعبير من خلالها عن ازمته..
وبعضهم يجد مخرجا لازمته في التعبير عن طريق الخطب او الكتابة او ماشئت من وسائل..

قصدي اقول انو البلاغة في التعبير عن طريق وسيلة معينة لاتأتي لمجرد رغبتنا في التعبير عبر تلكم الوسيلة..
فان لم تكن ثمة موهبة في الرسم فانه مهما كانت ازمتي في الحياة فلن استطيع التعبير عن دواخلي في لوحة او شخبطة..

وزي ماقتا انتا استخدام اللغة الاسهل انتشارا لايمكن ان يخلق شيئا بديعا اذا لم تكن تلك اللغة تعبيرا عن واقع يمكن تحسسه..

إذ ليس من المعقول ان اتخيل مثلا نجما يركض مبتعدا في ليلة صيف..
التعبير ده فعلا كان مجازي جميل حين تم استخدامه في النجرة الاولى ..
خارج اطار الاستخدام المفاجي الاول ببقى شي منسوخ ليس إلا..
قس على ذلك ..(خصل ذهبية على رمال فضية في شواطى الحبيبة..)
وظلمات في الدواخل تشرق بالحياة..
بازدياد عدد الكاتبين بهذه الطريقة مرقت لينا قوالب جاهزة اصبحت تتكرر..
مثلا الاهات الحرى
يعني مع الاهات دي 99% في المية تجي معاها الحرى
الاحرف الندية..
الواقع المريرمثال اخر..
99% مع الواقع تلقى كلمة مرير
والخصل الذهبية
لازم الاحرف ندية دايما ولازم الخصل الذهبية ..مع خصل
ولازم تجي مع كلمة عبق كلمة الماضي
فتصير عبق الماضي
وقوالب درج الناس على استخدامها ..
فور اطلالة الكلمة الاولى تتبعها الرادفة المتلازمة..
وكثير من المتلازمات يضيق بها هذا البوست..
اظنو الناس دي لامن تكتب شي تجتر دون ان تشعر اخر الكتابات الجميلة المحفذة اصلا للكتابة ..
محمود درويش كتب ذات يوم في معرض سؤاله عن اوقات كتابته للشعر
فقال: اتجنب دوما ان اكتب شعرا بعد ان اقرا لاي كاتب اخر او شعر شخص اخر ..
خوفا من ان يلتبس ما اكتبه بما قرات ويسلبني ذلك عالمي الخاص..او كما قال.

العايز اقولوا يامتوكل انو مافي انسان في الدنيا دي مابليغ
كل العالمين دي عندها سنسر بالغ الحساسية تجاه الاشياء وسنسر تعبير عن هذه الاشياء برضو بليغ جدا في قدرته على توصيل الفكرة..

الازمة هي في كيف تعبر عن ازمتك او الحالة التي (تركبك)..ان تتلمس الطريق الانجع لمخارجات الداخل ..
الخلايق دي كلها ربنا قاسم ليها بالفطرة مخرج ما..
بس للاسف مواهب التعبير دي في ظل التوجيهات الغير راشدة والتربيات الرتيبة المتشابهة في طفولات باكرة وحالات التسيير الكتيرة والتعليم النمطي والجبر يفقد الانسان اليها - في كل هذه التراكمات - السبيل..

الرسام مثلا لامن يجي ينقل فكرتو عن طريق الكتابة بتكون الكتابة اقل بلاغة في التعبير عندو من رسمة بتمرق من وجدانه بصورة سهلة وسلسة..
وكذلك الكاتب غالبا ماتكون محاولته للتعبير عن طريق الرسم مهتزة وتفتقر الى البلاغة والابداع

خذ مثالا حياً لذلك :
والدتي حفظها الله واطال في عمرها المديد..
امي دي نشأت في اقاصي الشمال في بيئة ُتديرها ثقافة نوبية خالصة..
وجودها في الخرطوم اجبرها على التعامل مع انماط الثقافات الاخرى الموجودة..
امي دي في معرض نقاش أي موضوع لامن تجي توصل لينا فكرة معينة باللغة العربية بتكون الفكرة ركيكة ومهترئة وفقيرة وبالتالي غير مقنعة ولايمكن الركون اليها..

نفس الفكرة دي امي لامن تجي تسوقها لينا بي المتوكي (اللغة النوبية) بتكون غاية في البلاغة وباهرة وواضحة المعالم ومدعمة بي امثال نوبية بالغة في دلالاتها على قصد الفكرة..
بنقتنع بلا ادنى ردود..
ابلغ دلالة يا متوكل على عجز وسائل التعبير غير الـمُدركة بالفطرية
هي الاشواق بتاعتي التي سقتها عبر هذا المنبر في فارغة ودراش كلام وانماط غير محترمة في نظر الكثيرين ..
ماهي إلا تخبطات الانسان الطاشي في ايجاد وسيلة التعبير الانجع لأزماته ..
ولاعتقادي الجازم في فشلي في إستحضار الكتابة لتكون حلا لازماتي كثيرا ما ظننت انو انا ربما اكون مدخورا لي وسيلة تعبير اكثر ايضاحا ...
التعبير عن الدواخل عقب قعدة سكر مثلا..
او الصراخ داخل جردل ملي بالماء..
او الرسم على قزاز..او النحت..
وانا ماجربتا نص الحاجات القتها دي ..
بس اتبعت -في كسل وتقليد - مثل الاغلبية- الوسلية الاسهل شيوعا..(على حد تعبيرك البليغ)
الكتابة
لذلك يراني الكثرين مجرد مشاغب وصعلوك ..


يامتوكل
إدراك وسيلة التعبير المناسبة لكل شخص هي مفتاح بلاغة التعبير عند ذلك الشخص..
ومادون ذلك قد يخلق شي وقد يكون جميل بيد انه مكرر وربما يعوزه الصدق ..
بل واكثر من ذلك بتبقى ليك في كثير من الاحيان زي مدة الاصبع بتاع صاحبك بتاع هاني شاكر ..
العالمين دي لايخلو احد منها من منفذ تعبيري بديع..
بس الازمة في كيف تلقى منفذك في دنيا متقلبة عجولة مُـرتبة سلفا لسحبك الى جهاتها الاكثر شيوعاً.


قد ارهقتك يامتوكل فالسماح..

الفيلسوف دكين الممكون في وحدته، زراعة الفرح غاية لا تدرك ولكن نثر الابتسامة يمنة ويسره، تفعل ما لم يفعله النجار في الحطب، علماء البرمجة العصبية يقولون الهدوء، والكلام الشوية، والابتسامة النصف كوم، والشياكامع اختيار اللون المناسب لها، تجذب حتي معزي الطريق، -نعم معزى من ماعز- اليك، لكن المهم الضوابط والاضابر، الفليسوف دكين لولا انك تكتب وتكتب لحسبتك دوريشاعلى قارعة الكلمات، دمت راهبا.

الامير دكين:
واما بعد..

وصل مكتوبك الذي شكّّ الاسافير ورماها بايظ بلا رحمة. والذي يصلح ميثاقاً يعلق في باب اتحاد الادباء والكتاب.
تعرف ميزان المفردات الجواني ده لو بقى صاحي فيك وشايلو مع دخولك لاي بوست ح يصداء من القوالب الرتيبة اياها ناس (غمرني حزن)و(غمرني فرح) و (كالنار في الهشيم) وبعد كم قالب كدي تلقى نفسك ابتليت وجنيت على ميزانك، رغم قناعتي انو الميزان ده لو حتل فيك بإذيك. الميزان عينو طايرة والمفردة لو ما جاتو ملظلظة ومبغبغة كدي و frish ما منسوخة من اخواتا وما دخل عليها زول قبالك ما ما بقبل بيها وتكون تصويرية (ايوة) تصويرية visual يعني الكلمة تمرق من الكي بورد الهيلك تجيني بي ريحة دخانا زي سواتك البتسوي فيها انت دي، والسميتا انت صعلقة، آآي صعلقة تعبيرية. منتجع تعبير شروطو اكبر من ضرورة فكّ الخط وطعن الامية.
أزمة التعبير او بي الاصح التعابير القوالب دي فضيحة لي زولاً سبقت اسمو كلمة أديب ومعانا في البورد هنا - مع الف داعي لذكر الاسامي شعراء لسة بقولوا (جميلة كالقمر) و(المواني البعيدة) عليك النبي ديل مو دايرين تدريب تعبيري (يخسي عليهم!).
أها الزول الداير يعبر عن جواهو وعلاقتو مع التعبير زي (بعيدة كالنجمة) أو كـ(السراب) ده بعد يضغط الزر بتاع إرسال هل بكون إتمطى؟ ماااظن. إذن مفروض يشوف سباق ضاحية او رفع أثقال أو يتفرج تلفزيون او يقراء كتاب، رواية، شعر. ممكن يلقى تعابيرو لافة في ورق الناس، لانو ح يرهق نفسو وعلي اقلً تقدير لم يتشاكل ما ح يلقى ليهو تعبير يقيف معاهو ح يقعد يعملها (الي المدعو) ودي حاجات منسوخة ما بتخليك تشد الملايه وتنوم مطمئن.
لكن من محاسن التعابير القوالب انها بتخليك تلقى زولتك الرايحة ديك، بي الكتير بتكون ساهية (تقطف في الزهور) و(الهواء عبث بشعرها) كيتا ًللـ(النجوم). و(تظلّ تحلم انت يا دكين) حلم مايمرقك منو إلا نقة الحجاج في الحافلة في الكنبة الوراء.

دكين
تحايا
الحقيقة اللوح محرض علي قرآن التفكير
لكن انت حاول أرتكاب الفضيحة النقدية
بنفس درجة القداسة في نصوصك!

...!!
عموماً جميل أنو تكون في مقارنات ومقاربات
من شأنها تجويد عملية القصطرة
في ظل ظروف أجبرت أقلامنا علي التبول اللاأرادي
غايتو!
كدي أنشوف آخرتا
يمكن نلقي زول فضيحة أكتر منك

سعيد جداً بي البوست الممتع دة

شكرن كتيرن!

حبيب نورة

سلامات ياتاني امنقة زول هنا..

ياخوي انا قررتا التحول التام نحو الرومانسيين ..

شغلتنا دي ما جايبة حقها..

الدقم ازيك
شكرا على اضافاتك واسعد الله نهارك ونهار من معك

نادية السر سلامات ..

ياخي انا لحدي هسي مسنجري فيهو بت واحدة مفرمل بيها..

Quote: و عد غانما صدقنى ما بتروح !

صدقيني بروح..

اصدقك واكضب ميسنجري؟؟

يا منقة

انت عارف المحك وين

انك تعرس ويختوك في علبك

ahin koti ware edo dabo

Dakeen Revolution

you Lost the way

somethings fall a part...

الـمُـهذب بحر الكلام متوكل توم

Quote: تعرف ميزان المفردات الجواني ده لو بقى صاحي فيك وشايلو مع دخولك لاي بوست ح يصداء من القوالب الرتيبة اياها ناس (غمرني حزن)و(غمرني فرح) و (كالنار في الهشيم) وبعد كم قالب كدي تلقى نفسك ابتليت وجنيت على ميزانك، رغم قناعتي انو الميزان ده لو حتل فيك بإذيك. الميزان عينو طايرة والمفردة لو ما جاتو ملظلظة ومبغبغة كدي و frish ما منسوخة من اخواتا وما دخل عليها زول قبالك ما ما بقبل بيها وتكون تصويرية (ايوة) تصويرية visual يعني الكلمة تمرق من الكي بورد الهيلك تجيني بي ريحة دخانا زي سواتك البتسوي فيها انت دي، والسميتا انت صعلقة، آآي صعلقة تعبيرية. منتجع تعبير شروطو اكبر من ضرورة فكّ الخط وطعن الامية

لا إضافات.. قد اوفيت ياود توم..

مصدقك تب ..والبورد ده مرات يصلح لان يكون مقبرة افكار طازجة زي ماقتا..
لامن تجي من زيك مهذب ونضام بتعفيني من مؤؤنة ان اُشتم او ان يُـظن بي السوء..

بعد الناس حقو تقيف وتعفينا من القوالب المستهلكة الهلكتنا ديك..


ودمتا رايق

إنك إن كشفت لهم ما كشفت لي ما فعلوا

و إن سترت عني ما سترت عنهم ما أبتليت

Quote: إنك إن كشفت لهم ما كشفت لي ما فعلوا و إن سترت عني ما سترت عنهم ما أبتليت

الانبياء الكذبة ..
تعرفهم بسيماهم..
وشعورهم غير الحليقة ..
ذكرتني غاندي فلوت..
ـــــــــــــــــــــــــــــــــــــــــــ

انتا يافاضلابي كلامك براهو وشبهك ماف
يشهد الله..
والليل
وتنية النيل ..

Quote: انتا يافاضلابي كلامك براهو و شبهك ماف

هسي دي أضمنها شكر كيف مع دغالتك المعهودة يا عزيز

Quote: يا منقة انت عارف المحك وين انك تعرس ويختوك في علبك ahin koti ware edo dabo

قرجة امبس

زمان عرسنا ياحبيب

edon mn kori

ogreass denge takori

كده منقة يا منقة
عشان الواحد يقدر يستمتع

ياقلب ياجميل يا رايق يا حساس يا مرهف ..

يادوب فرزنا مفاتيح قلوب العذارى ..
تقولي لي لوست ماي وى..







نوبي

دايما دايما
في الخدمة يا رايق..
انتا بس اشر..

دكين 00
يبدو أنك قديم ومهتريء كصاحبك أبوحراز 00
هل انت من زمن الكلام المعسول ؟؟
هذا جيلنا الخائب 00
كان يعتقد أن بامكان الكلمات الجميلة أن تروض الأنثى في مضمار الحب
ولكن الجيل القائم الآن لايؤمن بهكذا خرافات 00
بل يصفنا باننا متخلفين
كل شيء عندهم فيما يتعلق بالمرأة في بث مباشر على الهواء 0
انا واحد من الناس اتـفجر عطاءاً حينما اضع قارورة فارغة بجوار أنفاس إمراة وأنـتـظرها حتى تمتليء
ومن ثم تفيض لتكون عطري المفضل مدى الحياة !!
في الخاطرة التي ستقراها لاحقاً ردت احداهما ممازحة ربما
00 ياحيوان 00 انت من زمن الرسائل
ثم رفعت يديها وقرات الفاتحة على روحي !!!

Quote: إمراة 00 تشهق !!!

لحظة واحدة مع إمراة تغمرك برحيقها
وعطرها الأنـثـوي الأخاذ
تـجعلك تــتـوه في تـضاريسها الأنــثـوية المعقــدة
وفي كل مساماتها
ونتوءاتها
تـتـعلق وتــتــشبث بروحها
وباجنحة ملائكية
تسمو بك الى عنان السماء
فـتـأخذك غفوة ساحرة
لتـقـترب منها أكثر وأكثر
وتـتـربص بتلك اللحظة الرائعة
وأنت تقترب من أحد أنهارها
وتسألها إن كانت تحبك أم لا ؟؟؟
فـتـذوب في أعماقك
ومن ثم تبحث عنها
وعن كل تفاصيلها
وأنت 00 ماتـزال معلقاً معها
مابين السماء والأرض
ومابين الجنة والجحيم !!!!
ومابين الشهيق والزفير !!!
ومابين الروح والروح
ما أجملها حواء 00 وهي تختصر لنا كل عناء السنين
تعيد التروية الى قلوبنا المترهلة
تحملنا في شوارعها وبين أزقتها الضيقة المترعة
ترضعنا حنيناً من الروح لافطام بعده
واجمل اللحظات عنفاً وعنفواناً حينما ترمينا بين سواحلها
فـتـجعلنا في قمة الشوق والنشوة
هناك ثلاثة انهار من شرب منهما 00 لايظمأ 000
نهر الأمومة
ونهر الكوثر في الجنة
ونهر الشهقة في المراة !!!
لاتسألوني اين يقع هذا النهر في خارطة المراة ؟؟
لأن المراة كلها أنهار !!!!!!

هذه الخاطرة اسمها { إمراة تشهق }
أهديتها لأحد المواقع قبل فترة
وعندما استيقظت صباحاً وجدتهم وقد ذبحوها من الوريد الى الوريد
سأحكي لك كيف انني وجدتها عارية تحتضر وتلفظ أنفاسها الأخيرة
وحتى هذه الأنفاس الأخيرة كانت ممزوجة بمسك الجنة

Quote: ياخوي انا قررتا التحول التام نحو الرومانسيين ..

سلام يا دكين بالصدفة قريت دي!!!!!

دنيا دوارة...ما كان من الأول


تحياتي

الوجيه دكين

سلام ومحبة يسودها احترام ...

Quote: ماكنتا مصدق انو جنس البنات فعلا بهذه السذاجة والبساطة وانو راسهم خفيف لهذا الدرجة..

عرفت كيف يا أبو العريف ... هسه كده جرب طريقتك دي اكن ما لقيت ليك قوبه في نص راسك تشوف ... يا أخوي ديل بيلعبوا بالبيضه والحجر وحكاية رأسهم خفيف دي أمشي أهبشه ح تعرف بعدين كيف خفيف ... يا أخوي أحسن حاجة تكتب بالنهار لانك بالليل كلام ماياهو ....

غايتو حيرتني عديل كده ... هسه يوم اجتماع التعارف ما كنت بتكورك عديل كده وقلت أها عرسو لينا بالمجان ، لو راسهم خفيف مالك ما جكست ليك واحدة وأكلت بي راسها حلاوة وعرستها . يازول قول إستغفر الله وارجع لماضيك التليد .


مع محبتي ....

عمده

اب حراز اللذيذ

Quote: هذه الخاطرة اسمها { إمراة تشهق } أهديتها لأحد المواقع قبل فترة وعندما استيقظت صباحاً وجدتهم وقد ذبحوها من الوريد الى الوريد سأحكي لك كيف انني وجدتها عارية تحتضر وتلفظ أنفاسها الأخيرة وحتى هذه الأنفاس الأخيرة كانت ممزوجة بمسك الجنة

وجه باسمة كتيرة..




سلمى صبحي

عفوك ورضاك ياخي

ندمان وسافي التراب ..
قتي لي من وين الاخت؟؟

Quote: قتي لي من وين الاخت؟؟

؟؟؟؟؟؟؟؟؟؟؟؟؟؟
؟؟؟؟؟؟؟؟؟؟
__________
_________

العزيز عمدة

سلامات واسعد الله مساك

ياخي اليوم داك انا كنتا خرمان عرس ساي...


لاتؤاخذنا بما قنا..

الرجل النبيل السكره دكوني


صباحك بنكهة القهوة وطعم السكر ، ،،،

Quote: ياخي اليوم داك انا كنتا خرمان عرس ساي...

والله يا ريت يا دكين كل يوم تكون خرمان عرس ، علشان ما تبقى ذي صاحبي ...... عدو المرأة ...

Quote: لاتؤاخذنا بما قنا..

ودي على وزن لا تؤاخذ السكارى بما يقولون ولا حاجة تاني ...