Post: #1
Title: سهمُ ُ ضال وكلبُ ُ طائش
Author: DKEEN
Date: 12-25-2006, 09:41 PM
Parent: #0
القِسمة والنصيب
القسمةُ هي ان يقسمَ الله لكَ من الشي الذي يقبل القسمة مقدارُ ُ معلوم ..
كأن يقسم الله لك من الولد اثنين ومن البقر اثنين ومن المال ماتيسر ..ومن نساءِ الارضِِ واحدة او مثنى او ثُـلاث او ماشاء الله...
والنصيب هو ان يعطيك الله الواهب نصيباَ في الشي..
كأن يعطيك الله نصيبا في الصحة ونصيبا في الجمال اونصيبا من الولد والمال..والزواج هنا هو الشي..
بعضهم
توفاه الله دون ان يكون له في الزواجِ نصيب..فذلك لا قِـسمة لهُ من نساءِ الدنيا ..
فالنساءُ على ظهر الارضِ لايُقسّـمنَّ على الموتى في باطن الارض او الغرقى في اعماق البحار اوالحرقى المتحولين الى رماد..
والعِـلة في عدم القسمة هنا هي الموت وإدراك الأجل وليس حال الموت..
وبعضهم
اعطاهُ الله في الدنيا نصيبه في الزواجِ وقسم له من نساءِ الارضِ ماتَيسر..
ولانستطيع انو نقول هنا ان عِلة العطاء هي الحياة فبعض الناس يحيا ويختار طائعا ان لا ياخذ نصيبه من الزواج..
وكان الاقدمون اذا عادوا من غزوةٍ ما
قسموا غنائمهم الى كيمان كيمان..
ومن ثم اخذ كل غازٍ نصيبه سهماً من هذهِ الكيمان
وهكذا الامر..
النساءُ في هذه الدنيا مُـقسمات كيمان كيمان..
كيمان صالحة.. وكيمان طالحة ..وكيمان ناس الحِـلة ..وكيمان ناس الجامعة وكيمان الاهل ..وكيمان ُصحبة عمل ..وكيمان اجانب..
وليس حال الكوم بذي بال في هٍذه الهُـنيهةَ من زمانِ شرحي،
فنحنُ لسنا في معرِضِ شرحِ حالات كيمان النساء وانما في معرضٍِ شرح فلسفة القِـسمة والنَصيب..
وهكذا فالحيُ المخير المختار ياخذ من أي كومٍٍٍ اراد....
والميتُ بالأجلِ لانصيبَ له في كيمان الدنيا ولايٍُـصيب منها شيئاَ..
عليه احبتي الافاضل كثيري اللطف والكرم
ما هذه الدنيا إلا غزوة.. وما نساؤها إلا كيمان سهام..
فمن هذه الكيمان يأخذُ كل واحدٍ منا قِـسمته، ُيصيبها بِسهمه اذا كان له في الزواج نصيب...
والسهمُ في معنى النصيب والله اعلم..
فإذا ما ضللتَ عن سهمِكَ في الدنيا ظلَ قـوَسُـك مشدوداً ابدِ دوامِ الدنيا..
فاذا ما نبلتهُ وطاشَ سهَـمُـكَ في دنيا الناسِ هذه.. اضحَى قوسكَ متوتراً الى ابدِ الاباد..
فاحّذروا طِـيش سهامِـكُـم فِـيها وشتاتها في الافاقِ، وانظُـروا مليئاَ واستخِيروا ثم ارمُوا بما تَيسرَ..
وماغزوتكم فيها إلا متاع وخيرُ متاعِها سهمُ ُصائِب..
حاشية:
تفسير وشرح معنى القسمة والنصيب هو اجتهادُ ُ شخصي ورد الينا في تمامِ الواحدة من يوم الاثنين 5 ذو الحجة..عن طريق الالهام المباشر بمنطقة عِـرقة في ضاحية وادي حنيفة في تأملي لسنين غربتي المنصرمة..
لا ادري مدى صحتة ..
لكنو بالنسبة لي تفسير مُـقنع..
تم نقله بعد التحقيق والاقتناع الى كتابنا (كلبُ ُ ضال وسهمُ ُ طائش) صفحة 747
|
Post: #2
Title: Re: سهمُ ُ ضال وكلبُ ُ طائش
Author: walid taha
Date: 12-25-2006, 10:46 PM
Parent: #1
يتعذر الرد الآن
الثانية عشر ليلاً بتوقيت الهاف موون
|
Post: #3
Title: Re: سهمُ ُ ضال وكلبُ ُ طائش
Author: خدر
Date: 12-25-2006, 11:07 PM
Parent: #1
اظنكـ يا صديقي قد اصبحت من ذوي المآرب او لكـ في امر القسمة و النصيب شأن لا نعلمه
فأضحيت بين ليلة و اخري من مروجي تلكـ الافكار واحابيلها .. و قسما بمكن رفع السماء
بلا عمد هذه القِسمة والنصيب كانت الجملة التي دُبجت بليل ضد عشاق الارض جميعا حين تم
اعتمادها في المجمع النسوي الشهير في يومه و تاريخه بعد ان فشل في ايجاد توصيات
لفكرة خيانه الحب بدعاوي مثل تدني انتاج مشروع الجزيره هذا العام او انخفاض منسوب
الازرق عند محطة جبل اوليا
لا سهام ولايحزنون .. هن فتيات جميلات يبحثن عن راحة البال و المال و الجنا و بإستطاعتهن
تدبر امورهم مع ازواج لايعلمون عنهم شيئا فالحكمة الخالده تقول ( راجلا مابتعرفيهو اخير
ليكـ من حبيب ينكد عليكـ و ينظر (نظرية) ليكـ )
شروحات القسمة و النصيب حسب المنظور العقلاني و مايُسمي بالواقع
هذه الفاتنه
نفترض انها حبيبة الوجيه عصام جبرالله .. و عصام لمعلوميه من يهمهم الامر لا خيل له ولا مال ,,
وتقدم لخطبتها لسؤ حظ عصام جبرالله العاثر في نفس الوقت الوجية دكين الحسن صحوي .. و دكين
تمتد اسطبلاته من الحِلة الجديده و حتي السوق الشعبي
حدثني وربكـ اين ستنام تلكـ الفاتنه هذا المساء ؟؟
قسمة بتاعت قلبكـ ؟؟ 
|
Post: #4
Title: Re: سهمُ ُ ضال وكلبُ ُ طائش
Author: Gamal Abayazid
Date: 12-25-2006, 11:55 PM
Parent: #3
والله ياخدر قطعت مصاريني من الضحك
الله يجازيك ياخي
|
Post: #5
Title: Re: سهمُ ُ ضال وكلبُ ُ طائش
Author: المسافر
Date: 12-26-2006, 08:01 AM
Parent: #4
Quote: فإذا ما ضللتَ عن سهمِكَ في الدنيا ظلَ قـوَسُـك مشدوداً ابدِ دوامِ الدنيا..
فاذا ما نبلتهُ وطاشَ سهَـمُـكَ في دنيا الناسِ هذه.. اضحَى قوسكَ متوتراً الى ابدِ الاباد..
فاحّذروا طِـيش سهامِـكُـم فِـيها وشتاتها في الافاقِ، وانظُـروا مليئاَ واستخِيروا ثم ارمُوا بما تَيسرَ..
وماغزوتكم فيها إلا متاع وخيرُ متاعِها سهمُ ُصائِب..
|
وما يدريك ما حوت الكنانة
في ليل أسرجت سرجك على عجل فوق مكر لا يترك لك قرار
وقد لاحت في ناظريك مفازة ظننتها ما بين النجم ورأس المئذنة
وحوافر فرسك تقول فديتك صوب أو أنت المصاب أو لك بحر المصائب
أما حديث الشجيرات حولك كأناشيد الجن ساكني الأودية وملوكها
وإن استرقت السمع جاءك قولهم من يحسب نفسه هذا وقوسه
لم يكن في مقام عروة بن الورد
ولن يضارع أمسلوباجاس
فليرمي إن رمى
فلن ينتزع غير ما يمس جوع الكلاب
|
Post: #6
Title: Re: سهمُ ُ ضال وكلبُ ُ طائش
Author: محمد سنى دفع الله
Date: 12-26-2006, 08:31 AM
Parent: #5
قال القسمة والنصيب
ده كلام عشق
الأيام دي انت ولقع في الهب صاح ؟
ياخوي ده كلام حـــب عديل
مش ؟؟؟
|
Post: #18
Title: Re: سهمُ ُ ضال وكلبُ ُ طائش
Author: DKEEN
Date: 12-27-2006, 11:07 AM
Parent: #6
محمد السني اللذيذ..
استطيع ان اقول بثقة تامة اني ومن 1989طوالي واقع في الحب..
بي صورة مستمرة..
هذا العالم لايمكن احتماله دون إله ..
ومنسوب النيل الازرق..وبت تحبها..
|
Post: #13
Title: Re: سهمُ ُ ضال وكلبُ ُ طائش
Author: DKEEN
Date: 12-26-2006, 01:59 PM
Parent: #5
يامسافر
قد تعاورتني السهام..
واخشى ان اسقط فلا اتعلق إلا بقربوس سرجي..
وما المتعلقُ بالسروجِ كصاحب السرج والرِكاب..
|
Post: #12
Title: Re: سهمُ ُ ضال وكلبُ ُ طائش
Author: DKEEN
Date: 12-26-2006, 01:38 PM
Parent: #3
ياطروق
نحن معشر الفقراء - انا وناس عصام جبر الله وسفيان نابري وفتحي البحيري - ليس لنا إلا التعلق بسروج الفارغة والكتابة..فلا خيل لنا ومال نهديها..
ُنفلسف ماتيسر منها فيكتمل فقرنا..
امي حفظها الله دوما تقول لي:
انتا ماتلما ليك حبة قروش عشان تعرس بيها ياولدي..
واقول لها عن فلس لا عن فلسفة: انا يمة زولة بعرسوها بي قروش دي ذاتا مادايرها..
ـــــــــــــــــــــ
خدر ياخي..
زولتك دي فيها برتكان مسُـولب بي زاوية حريفة..
|
Post: #7
Title: Re: سهمُ ُ ضال وكلبُ ُ طائش
Author: أبوذر بابكر
Date: 12-26-2006, 08:43 AM
Parent: #1
و
دكين إذا رجف
والرجفة هنا لها مدعاة شاسعة التأويل
لكن أقربها إلى النفس، وفى متناول القلب
ما تسببه أنثى، كاملة البهاء والدسم
وليست فى متناول أى من الشيئين المذكورين أعلاه
وحينها يمكن أن تتحول "الرجفة" لتكون "زلزلة"
وهى مدعاة الهلاك الأولى
"أسأل مجرب"
المهم
يصبح دكين من "أحرف" خلق الله فى معالجة التحبير والكتابة
حين تعتريه هذه "الرجفة"
وتظل المشكلة الأكبر
هى خوفى عليك من "الصيحة"
يا دكين
|
Post: #19
Title: Re: سهمُ ُ ضال وكلبُ ُ طائش
Author: DKEEN
Date: 12-27-2006, 11:22 AM
Parent: #7
طبعا يابوذر انتا المعاني ما بتفتش ليها..
ووالله ماقتا إلا الحق واضحا..
محسن خالد زمان قال:
الونسة مع الناس اللذيذين بتخلي الواحد يتجلى..
اها ..التعلق بالبنات اللذيذات تحديدا بتخلي الواحد يتجلى...
وهذا ما نقلته انت في وضوح
Quote: والرجفة هنا لها مدعاة شاسعة التأويل
لكن أقربها إلى النفس، وفى متناول القلب
ما تسببه أنثى، كاملة البهاء والدسم |
وتقع لذاذة الانثى جزءا من كمال بهاءها الذي سقته انت في وصفك..
تستطيع بنية لذيذة يابوذر ان تجعل مني نهرا من التعابير يكتسح البرايا والاشواق.,.
ياخي ما اجمل البنات..
بالذات لامن تكون هبلة او مستهبلة..
|
Post: #8
Title: Re: سهمُ ُ ضال وكلبُ ُ طائش
Author: ناصر البطل
Date: 12-26-2006, 09:15 AM
Parent: #1
دائما ما أتلصص
البوستات التي يكون كاتبها دكين و الموعققققب عليه خدر
فأستمتع بأن أكون القارئ
و يا حبذا
عندما تكون عن النساء
سادتي...
هل لكم أن تفتونا في شخص
طاش سهمه من قبل مره واحده
كم يبقي له من أسهم واضعين في البال عامل الزمن 
|
Post: #9
Title: Re: سهمُ ُ ضال وكلبُ ُ طائش
Author: mulhim
Date: 12-26-2006, 09:50 AM
Parent: #8
المدخل :
رمى فلان ظبى شك بالسهم فؤاده ... ودكين رمى كلب فصاده ... فهنئا لهما كل ياخذ زاده*
...........................................................
مبلغ علمى ان القسمة والنصيب وما يتعلق بهما فى امر النساء
ما هى الا حيلة الضعيف ..فقل لى بربك كيف يكون زكر السهم والتنشين والاصابة
ان لم تكن عن قصد وبكامل الارادة وكيف يكون اختيار البنيات ان لم تكن تلكـ المفاضله -راجع حاشية الكتاب (مداخلة صديقى خدر من كتاب * فهم البنات فى تقييم الحاجات*)..
هذا من جانب .. الشئ الاخر يا حفظكم المولى وادام عليكم الرزق وما يواليه من قسمه ...
فان حال تأملكم كان مجلبة لتلك الفكرة الانهزاميه .. ايها الفارس دكين ضحوى .. يا صاحب الكرامات..اسرج فرسك واشدد قوسك
وارمى ما شاء الله لك ولا تيأس ولا تبتئس ...
والزارعها الله بتقوم فى الحجر..
هذا وكن فى سلم وسلام ..
_______________________________
* بتصرف من (رمى المهدى ظبى ......)
|
Post: #26
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:13 AM
Parent: #9
Quote: مبلغ علمى ان القسمة والنصيب وما يتعلق بهما فى امر النساء
ما هى الا حيلة الضعيف .. |
قصدك المشوكشين على ابواب الاماني
هو ذاك يا ملهم..
انما قد فشلنا في الوصول الى مآربنا فرميناها في القسمة..
الا لعن الله الفقر ..
|
Post: #10
Title: Re: سهمُ ُ ضال وكلبُ ُ طائش
Author: abuguta
Date: 12-26-2006, 10:09 AM
Parent: #8
يالها من قسمة ونصيب..وقعت على بال واحد مقسوم ابداع
يدعى دكين..صاحب قلم مشقوق..
حتى بوستك هذا زواره قسمة ونصيب
Quote: انظر الى احدهم ماذا يحيط من قصمة علم وهو فى مدن الضاب
لفكرة خيانه الحب بدعاوي مثل تدني انتاج مشروع الجزيره هذا العام او انخفاض منسوب
الازرق عند محطة جبل اوليا |
فالقسمة والنصيب فى منظور ابقوتة..فما قسمت لك واحدة من نساء خدها وعش فصل الشتاء
ولا تنظر وراءك الى عذابة جلوس فى مقهى يحسدونك , على تلك القسمة التى تحايلت عليك واخذت
ما عندك فى محفظة..
دعنى اقولك
كن جميل زى قسمتك..
ياهبة الوجود
فى بسمتك..
خليك انيق
للناس صديق
وصادق حشمتك....
دكين ..دحين
سمح مو شين
واعدل جلستك..
دى اغنية تمها معاك...
وشف ليها فنان من نجوم الغد..
كل عام وانت بخير
|
Post: #31
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:54 PM
Parent: #10
ابقوتة الجيمل
كل سنة وانتا طيب والقابلة بي وليد سغيروني يخليك تعرف قيمة سرير الدبل لامن يكون لك وحدك لاشريك لك فيه سوى الشريك الاصيل..
|
Post: #20
Title: Re: سهمُ ُ ضال وكلبُ ُ طائش
Author: DKEEN
Date: 12-27-2006, 11:32 AM
Parent: #8
Quote: طاش سهمه من قبل مره واحده
كم يبقي له من أسهم واضعين في البال عامل الزمن |
ناصر اخوي
هل تعني طاش سهمة بمعنى انه اصلا ما وصل الدروة وطاش عنها بعيدا؟؟
ام تعني انه السهم وصل الدروة بيد انه حاد عن وسطها ولامس جزءا غير ذي بال؟
ففي الاولى لاباس من شد القوس مرة اخرى والرمي بعد التسديد..
فما ذلك إلا شاكوش
وفي الثانية خازوق وركب فيك يا حبيب..
لو لحقتا جبتا منها جنى تاني يحلك الحلا بلا..
تخُـم وتصُـر بس..
ولو الحالة الاولى والعمر جرى بيك
فارمي من طرف والجايبها الله بتقوم في الصيوان ترقص..
|
Post: #11
Title: Re: سهمُ ُ ضال وكلبُ ُ طائش
Author: Ahmed Mohammed Osman
Date: 12-26-2006, 11:16 AM
Parent: #1
صديقي العارف بالنساء دكين
مررت بعد غياب بالبورد فوجدته يرجف او يغلي بصور لا يلحظها الا من كان كثير خبرة بفعائل الهوي او عظيم حظ وصاحب فراسة بما تحت السطور...
القسمة والنصيب اخوان لا علاقة لهما بعذابات القلوب واناتها..ولكن من طيبتهما الشديدة وسذاجة من يعرفهما ، يتم التعلل بالرفض لاسباب محرجة بهما.. فيا صديقي لا تبتئس فقد قيل في الزمان الغابر من طلب العلا سهر الليالي.. في دلالة واضحة علي ان الانسان يمكنه الوصول لمبتغاة (وليس نصيبه) اذا بذل الجهد المطلوب.. ولكن الجهد المطلوب نراه نحن معشر الرجال من مفهومنا فقط تطبيقا للزكورية وايماننا بكمال رؤيتنا... متناسيين ان المطلوب لا يحدده الشاري ولكن يحدده العارض (البائع اذا جاز التعبير)
واني احسب انك شددت وترك وصوبت بعيداً ولكنك تحتاط لطيشان سهمك ارضاء لغرور فيك او تزرع اسباب منذ الان لتستظل بها عند الطيشان وتقنع نفسك بعدم التقصير او عدم اتضاح الرؤية.. فابحث في قرارة نفسك عن مغيرات زوايا انطلاق سهمك واعمل علي وزنها جيدا او فاعزف عن هذا يصلحك الله
صديقي
اختا الرملة ما تقع المكان الهش، وما تمد رجليك ابعد من لحافك، واعلم ان ما فاتك لم تكن لتدركه وما والاك لم تكن لتفوته
الا هل بلغت، اللهم فاشهد
اخوك
احمد
|
Post: #23
Title: Re: سهمُ ُ ضال وكلبُ ُ طائش
Author: DKEEN
Date: 01-05-2007, 01:57 PM
Parent: #11
اخوي احمد
صديقي
Quote: اختا الرملة ما تقع المكان الهش، وما تمد رجليك ابعد من لحافك، واعلم ان ما فاتك لم تكن لتدركه وما والاك لم تكن لتفوته
الا هل بلغت، اللهم فاشهد |
شفتا مافاتك لم تكن لتدركه دي ذاتا ياها القسمة
ومن والاك لم تكن لتفوته ده ياخوي النصيب
بعدين ياخي انتا الكلام ده جبتو لي زي كاني لامن كتبتا البوست قاصد نفسي بيهو ..
عقدتني
انا يا حبيب بس جاني الهام وقتا اشاركم فيهو بغض النظر عن صحتو..
صحي انا مالاقي بت اعرسها بس كمان ما منكور لي الدرجة دي يابو حميد..
انا بس حبيت اشرح المعنى عشان الناس ما تعمل كلمة القسمة والنصيب دي فرمالة الرفض..
ويقعدوا يعقدو في ناس عمك تنقو ..
|
Post: #14
Title: Re: سهمُ ُ ضال وكلبُ ُ طائش
Author: عمر الفاروق
Date: 12-26-2006, 07:11 PM
Parent: #1
بيعجبني في دكين إنو بيجبر المتداخلين الكتابة بنفس إسلوبه ..
وبيعجبني أكتر لمن الاقي زول يكون نوع كتابة دكين ما من إستايلو ولكنه يصر ان يجاري الاسلوب ده ..
بالجد بتحس إنو اي زول عايز يرد على دكين بيتعب شديد وبيعصر مخو عصر ويراجع قاموس المخيخ عشان يتذكر ليهو كلمة رومانسية أو فصيحة تتماشي والبوست ..
عموماً زي ما قال ناصر البوست لمن يكون عن النسوان وفيهو خدر وكاتبو دكين عن نفسي استمتع بيهو ..
والاجمل لمن يجادعهم ابو ذر بلغته الراقية ..
تخريمة :
من ما لقيت الموضوع فيهو " قسمة " حسيت إنو الموضوع عندو علاقة بي " رقيص العروس "..
|
Post: #28
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:46 PM
Parent: #14
عمر الفاروق كل سنة وانتا والمدام طيبين..والقابلة عندكم شافع ينضف ليكم الكرشة..
| Quote: عموماً زي ما قال ناصر البوست لمن يكون عن النسوان وفيهو خدر وكاتبو دكين عن نفسي استمتع بيهو .. |
قصدك كاتبو حاج دكين..
ياخوي تاني من هنا ولي قدام الحدث ده تأرخ بيهو سلوكياتنا..
تقول مثلا قبل حجة دكين ام بعدها...
انا تاني غايتو يا عمر ماعايز معاكم ..
لانسوان ولادياولو ..
تاني بس الشهادة والعمل الصالح..
..
| Quote: عندو علاقة بي " رقيص العروس ".. |
اعوذ بالله
|
Post: #15
Title: Re: سهمُ ُ ضال وكلبُ ُ طائش
Author: تماضر الخنساء حمزه
Date: 12-26-2006, 08:13 PM
Parent: #1
دكين ...
لاأخالفك التفسير ..
وإن أضفت لك من قاموس ( النساء والسهام ) ماقد..تعرفه ..
فالسهام لدينا _نادراً_ماتطيش ..مكتوب على أسنتها ( ماطار طائر وإرتفع ..إلا كما طار وقع )
والوقوع ليس شرطاً أن يكون ..للأسفل ..
لن يدهشك أن تعلم أنه ..كثيراً مايكون للأعلى ..!
أما الأوتار ..فالبعض ..يحبذها ..مطاطية العواطف ..قصيرة..الأجل ..
وقد تكون ..قوية الشعور ..صادقة ..بغير شفافية مطلقة ..إذ أن هذه الأخيرة ..لاوجود لها ..
*عمر الفاروق ...صدقت ..تعبتا جداً علشان أرد على دكين وشكلي طلعتا برَّة مضمون تفسيراتو ..
تحياتي ومودتي ..
|
Post: #36
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:04 PM
Parent: #15
الرقيقة تماضر الخنساء
كل سنة وانتي طيبة والقابلة على امانيك
البنات يا تماضر سهام والبنات شي سمح..
وانتي بنات ..
وسهمك سمح..
|
Post: #16
Title: Re: سهمُ ُ ضال وكلبُ ُ طائش
Author: 3mk-Tango
Date: 12-26-2006, 08:55 PM
Parent: #1
اكتر جملتين بكرهم في الدنيا دي :
القسمة والنصيب ..... ووالله انا بعتبرك زي اخوي ...
الاولي ضربه قاضية فنية ...
والاخري ضربة قاضية مباشرة ..
تستخدم الاولي لتعزية النفس ..
والاخري كشاكوش في الصنقوع ..
لم اجرب الاولي .. ولكن كنت اخو لكثيرات ..
تمنيت الثانية واعتبرت بها تقدير عندما جربت جملة ثالثة ... ( انا احبك انت ؟؟؟؟ )
كعب الفقر يا اخوي وسمحة المقدرة ..0
____
كدا تخاف من البرد وترسل وليد المسكين ..
ما قلتو مكانا شرقيا ... ولا دي قسمة برضو ..
|
Post: #17
Title: Re: سهمُ ُ ضال وكلبُ ُ طائش
Author: حبيب نورة
Date: 12-26-2006, 09:36 PM
Parent: #16
دكككككين
العوافي
ميري كريسماس
وكل سنة وانت طيب
|
Post: #40
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:20 PM
حبيب نورة كل سنة وانتا بالف خير
وميري كريسماس
طلتك دايما بتبهجني يا منقة.. وبنحب نشوفك فارد بوستاتك قريب..
|
Post: #30
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:51 PM
Parent: #16
تنقو
| Quote: القسمة والنصيب ..... ووالله انا بعتبرك زي اخوي ... |
| Quote: تمنيت الثانية واعتبرت بها تقدير عندما جربت جملة ثالثة ... ( انا احبك انت ؟؟؟؟ ) |
لوووووووووووووووووووووووووووووووووول
وتكون معاها حركة اصبع تمسحك من فوق لي تحت..وتقولها ليك تاني :انتا؟؟؟
اجمل شي فيك ياتنقو اعترافاتك ..
انتا بس لوبطلتاتلبس شراريبك قوس قزح ديك امورك حتتعدل..
|
Post: #21
Title: Re: سهمُ ُ ضال وكلبُ ُ طائش
Author: خالدة البدوي
Date: 12-28-2006, 01:07 PM
Parent: #1
دكين
ان شاء الله ربنا يقسملك الفي بالك
وما تندم على الشيء الما بتقسم لك
عسى أن يتقسملك الاحسن منه ودي أكيد
طالما انت دواخلك صافية والاحسن ما
بالضرورة يكون في الجانب الذي يروق
لك ممكن يكون في جانب آخر بس برضو
بكون أحسن عشان الجانب الانت عاوزة
ممكن يكون في شكل نعمة تجلب لك نقمة
واصل ونحن متابعين ،،،
دمت ،،،
|
Post: #33
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:59 PM
Parent: #21
Quote: ان شاء الله ربنا يقسملك الفي بالك
وما تندم على الشيء الما بتقسم لك |
ياخالدة والله مافي اي شاكوش
ماتسمعي كلام المغرض تمبس ...
|
Post: #22
Title: Re: سهمُ ُ ضال وكلبُ ُ طائش
Author: بت قضيم
Date: 01-01-2007, 08:00 PM
Parent: #1
جن بورة رسمي
|
Post: #24
Title: Re: سهمُ ُ ضال وكلبُ ُ طائش
Author: سمية الحسن طلحة
Date: 01-05-2007, 05:39 PM
Parent: #22
دكين
والله عجبنى الإسم فدخلت
ووجدت ماهو أعجب
آخر شى ياقلبى أتوقع إنو يصيبك
سهم الكلمة المر بميدان تدريبك
ياما نصحتك وقتلك ياقلبى أرعى بقيدك
الظاهر إنو نصيحتى بتضرك مابتفيدك
رغم إنك عارف داءك سببوطبيبك
ومامكتوب فى قسمتك ولامكتوب فى نصيبك
ربنا يقوى نصيبك ويبقى سهمك كسهم وليم تيل...
|
Post: #25
Title: Re: سهمُ ُ ضال وكلبُ ُ طائش
Author: Marouf Sanad
Date: 01-05-2007, 06:10 PM
Parent: #24
يقول علي كرم الله وجهه:
"قُرنت الهيبة بالخيبة , والحياء بالحرمان. والفرصة تمر مر السحاب , فانتهزوا فرص الخير"
وقسمتك تقسما ونصيبك تصيبو
|
Post: #27
Title: Re: سهمُ ُ ضال وكلبُ ُ طائش
Author: ابو جهينة
Date: 01-06-2007, 09:00 AM
Parent: #25
الحاج عبدالعزيز
( شايف كيف كلمة عبدالعزيز لايقة مع الحاج ؟ )
حج مبرور و سعى مشكور و عيدك مبارك
| Quote: فإذا ما ضللتَ عن سهمِكَ في الدنيا ظلَ قـوَسُـك مشدوداً ابدِ دوامِ الدنيا.. |
هناك من يستعمل في قوسه سهام غيره ... و يعيش أيامه رغدا هانئاً ..
فماذا تقول في هذا ؟ أظن لا يدخل هذا في القسمة و النصيب.
| Quote: فاذا ما نبلتهُ وطاشَ سهَـمُـكَ في دنيا الناسِ هذه.. اضحَى قوسكَ متوتراً الى ابدِ الاباد.. |
عبد المعروف صديقي في عطبرة .. نَبَلَ عدة سهام فطاشت كلها .. فما كان منه إلا أن قطع وتر قوسه و أقسم بأن لا ينبل مرة أخرى .. ثم تصوف و إنقطع للعبادة
|
Post: #37
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:04 PM
Parent: #27
يا ابا جهينة..
| Quote: هناك من يستعمل في قوسه سهام غيره ... و يعيش أيامه رغدا هانئاً .. |
والله ياخي ما دايما بتظبط..
دي بس تكون مرة هدية ورضية ساي..
والمرة الهدية والرضية صالحة لكل قوس ومكان..
|
Post: #38
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:07 PM
Parent: #25
معروف اخوي كل سنة وانتا طيب
خير من يحدثك عن القسمة والنصيب هواخوك الدهنون..
الفرصة زي ماقال سيدنا علي تمر مر السحاب
قد مرت وماانتهزناها وهانحن نؤسس لفشلنا ونفلسف الواقع عشان نستحمل الحصل..
|
Post: #32
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:57 PM
Parent: #24
سمية الحسن طلحة
العجبك اسم دكين ولا اسم الكلب الضال والسهم الطائش
عموما في كلا الحالات
اسم سميةالحسن طلحة اجمل..
| Quote: ربنا يقوى نصيبك ويبقى سهمك كسهم وليم تيل... |
هو بتاع النشاب في قرون اروبا الوسطى اسمو وليم تيل ولا لويس باستير؟؟
شكلك ملخبتة يابتي..
|
Post: #29
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 05:51 PM
Parent: #22
بت قضيم
كل سنة وانتي طيبة ..
بختك رديت عليكي بعد اتناشر ذو الحجة..
عشان كده الرد جاكي تهنئة..
امنياتي الصادقة بايام طيبة وامنيات تتحقق ليك ولي ناس البيت ..
|
Post: #34
Title: Re: سهمُ ُ ضال وكلبُ ُ طائش
Author: نادية عثمان
Date: 01-06-2007, 06:25 PM
Parent: #29
حاج دكين
حجة مقبولة باذن الله وكل سنة وانت طيب والقابلة على امانيك يارب
|
Post: #35
Title: Re: سهمُ ُ ضال وكلبُ ُ طائش
Author: عمران حسن صالح
Date: 01-06-2007, 07:20 PM
Parent: #34
| Quote: شرحِ حالات كيمان النساء |
ولك أن " تتمدد كما شئت في هكذا عنوان "
فقط أبدأ وستجد الكثير
|
Post: #39
Title: Re: سهمُ ُ ضال وكلبُ ُ طائش
Author: DKEEN
Date: 01-06-2007, 08:18 PM
Parent: #35
عمران كل سنة وانتا والاولاد في خير عميم..
والسنةالجاية حاجين كلكم..
| Quote: شرحِ حالات كيمان النساء |
ابشرك حامدها مدوتعال انتا بس مد قرعتك ...
|
Post: #41
Title: Re: سهمُ ُ ضال وكلبُ ُ طائش
Author: DKEEN
Date: 01-07-2007, 09:42 AM
Parent: #34
نادية امبس
كوريقانج نل..
كل سنة وانتي طيبة وبركة الرجعتي طيبة ورايقة وحالك زين..
وربنا يحقق امانيك ويهون القواسي..
|
Post: #42
Title: Re: سهمُ ُ ضال وكلبُ ُ طائش
Author: فيصل نوبي
Date: 01-07-2007, 10:25 AM
Parent: #41
آبدول
لك من الاشواق بحجم ما رميت به شيطانك..
نسأل الله لك حجا مبرورا و ذنبا مغفورا..
تابعت منذ اول حرف كتب و لا زلت أنتظر .. و لي سؤال يؤرقني ..
هل لا زلت علي موقفك هنا من ذلك السهم؟
أم وجدت الفكرة في طواف الوداع لذلك السهم ..
دعوة:
نسأل الله ان يكون طوافك شاكلة هذه البوستات هو طواف الوداع بهذا البوست
|
Post: #43
Title: Re: سهمُ ُ ضال وكلبُ ُ طائش
Author: Ali Alhalawi
Date: 01-07-2007, 03:59 PM
Parent: #42
أيها الفيلسوف دكين
النساء طيب هذى الدنيا
فمن كانت غايته امرأة ينكحها
أو بهجة وحبور زائلين
لا يمنعه عن ذلك إلّا جيبه أو لسانه
فلم يبلغ مسامعنا أن للقسمة أو النصيب دور فى نيلهن
فسهمك يا صاحبى هو جيبك أو لسانك
و من قال غير ذلك فهو غير صائب
و مختلط حابله مع نابله
و لن يصيب منهنّ شيئا
فالجيب زينة من زّين الحياة
فهل تتم زينة النساء بغير زينه
أمّا اللسان فسهمه لن يطيش
و أراك يا صاحبى ذرب اللسان لبقا
أوصيك بالبعد عن " زولة بعرسوها بي قروش"
فتزوّج فقيرا يغنك الله
"من كتاب القول النفيس فى ذكر العرس و التكييس"
و أقول كما قال "الحريف" أبوذر | Quote: دكين من "أحرف" خلق الله فى معالجة التحبير والكتابة |
بس شوف ليك فكى بتاع تطويل نفس
و الـ  بمناسبة الحج
|
Post: #44
Title: Re: سهمُ ُ ضال وكلبُ ُ طائش
Author: DKEEN
Date: 01-07-2007, 08:45 PM
Parent: #43
يافيصل نوبي وياحلاوي
اخوكم لحدي اخر السنة دي لو مالقى قسمتو تاني حاخش من طرف..
لو عندكم زولة بتعزوها زحوها من الطرف ..
|
Post: #47
Title: Re: سهمُ ُ ضال وكلبُ ُ طائش
Author: انعام عبد الحفيظ
Date: 02-11-2007, 04:13 PM
Parent: #44
Quote: اخوكم لحدي اخر السنة دي لو مالقى قسمتو تاني حاخش من طرف..
لو عندكم زولة بتعزوها زحوها من الطرف .. |
لما تجي نهاية السنة
يا دكين ما تنسى الكلام دا
وما تقعد تقول لينا
انا عندي بت في هيلمانة
|
Post: #45
Title: Re: سهمُ ُ ضال وكلبُ ُ طائش
Author: ايهاب نميري
Date: 01-07-2007, 09:11 PM
Parent: #1
كل سنة وانت طيب يا دكين ايهاب نميري
السودان
|
Post: #46
Title: Re: سهمُ ُ ضال وكلبُ ُ طائش
Author: saadeldin abdelrahman
Date: 01-07-2007, 09:24 PM
Parent: #1
Quote: هو بتاع النشاب في قرون اروبا الوسطى اسمو وليم تيل
ولا لويس باستير؟؟
شكلك ملخبتة يابتي.. |
لوووووووول
انتا تساليطك دي إذاَ ما كانت من ابليس!
ده انتا برااااك يا اخوي
تقبل الله طاعاتك و دعواتك انو ربنا يهون لينا برضو..
اي الغرضين شئت.
|
Post: #48
Title: Re: سهمُ ُ ضال وكلبُ ُ طائش
Author: حبيب نورة
Date: 02-11-2007, 04:24 PM
Parent: #46
دكين
أححححييييا
|
|