بت في هـيلمانة

لو ان لي في الزواج منك نصيب (الافتراض الاول)
فهل مضى مايكفي من عمري لكي تاتين؟
والى متى تعتقدين انه ُيمكنني انتظاركِ؟
باصطحاب الافتراض الاول اعلاه..
فدون شك زوجتي مولودة واكزست على الارض..
إذ ليس ممكنًا ان اتزوج من مواليد هذا اليوم او من مواليد يوم غدٍ..
لذا فهي في مكان ما..
البحث عنكِ وسط هذ النسمات المهولة من سكان العالم امر غير مستحيل..
بيد انه امر ُمرهق والعمرُ ماعاد فيه مايكفي كما ترين..
فقد بلغت ال31 وانتا ماشي..
واستغرب كيف لا اجدك ..
سيما وان الفرز مؤخرا بقى واضح..
فالبنات في كل الشوارع ..
وماتبقى في الخدور سوى القليل..
افعجزت ان اجدك من بين هذا القليل؟؟
ما يا كمان القاك او.. ما القاكي عشان الواحد يحسم قصتو ويعرس من طرف..
بس هل لو انا قمتا اتزوجتا من طرف حتكوني انتي (اعني قسمتي) الزولة المن طرف دي..
واكون ساي ودرتا خمسة سنين بحث وفتيش بينما قسمتي كانت موجودة في (المن طرف) ؟!!
ولا حتكوني انتي برضو موجودة في وسط هيلمانة الدنيا دي وانا خشيت في ناس الطرف شفقة مني ساي..
وحاقوم بالتالي اضيعك وراي بي شفقتي دي وسط متاهات الكثافة السكانية..
لا تلقيني مع غيري.. ولا انا مع غيرك القى نفسي..
امانة بلاي ..
لو قريتي الكلام ده سيبي الفي يدك وقولي عوووك او مرينا ..
انا لي خمسة سنين بفتش فيكي ياخ..
كلفي نفسك مرة وفتشي معاي..
الناس بدت تاكل وشي ياخي..
يسالونني الى متى اظل هكذا دونكِ ..دون زوجة..
ُمعظم الاهل يظنون ان هنالك خللا في مكانِ ما..
ومؤخرا ساورت بعضهن الشكوك حول علاقتي بالرجال..
احدى العزيزات جدا قالـتَّـا لي في اضاني:انتا بتمرق يوم الخميس الخلا مع اصحابك بتعمل شنو؟؟
قالتا في صوت متردد خجول باحث عن اجابة ولو غير مقنعة..
واظنها حين قالت ماقالت كانت تتخيلني في اوضاع فاضحة ..
لاتدري عزيزتي ان اهل هذه البلاد يستمتعون برفقة الصحراء وبالبرد والحجارة..
ونحن نحاول ان نواكب وسيلة المتعة الوحيدة المتاحة هنا..
الخلا والحجارة..
انا ضقتا بصراحة من هذه العُـزلة ومن هذه الليالي التي تخلو منكِ..
ومن هذا الخميس الضكران..
ومن كلام الناس..
1825 ليلة موش كتيرة الواحد يرقدها براهو؟؟
الا ُتحسين بالفرق بين ان تناميها وحدك وانا ننامها معا؟
الآ فاعلمي ان لي معك احاديثَ وفعائلَ كثيرات..
وان حنيني اليك ممزوج باشراطٍ لايدركها غيري وغيرك..وما انا ببالغها في سواك..
والخرطوم بمدنها الثلاثة وسكانها رقيقي الحاشية شرطُ ُ فيها ..
والابوابُ المعروشةِ بالجهنميات شرطُ ُ فيها..
ومغاربُ الشتاءِ في الحلفايا شرطٌ فيها.. والنيل الازرق بظلاله عند النقل المكانيكي وحي الوابورات شرط فيها..
وبؤبؤ عيناك اللتان لاتبصران سوى المحبوب شرطٌ فيها..
ومن ثم المزهريات ونباتات الظل واغنيات الكابلي ..
ولابد من الصبر والتواضع الجم والاخلاص وعدم المكابرة فما تلك بشروطِ هينة..
الا واعلمي ايضا انه لن يكون هناك مايكفي من العمر والمروة إن اوغلتي في هذا الغياب..
سيفنى في قلبي حنيني إليكِ..
ويتبدل حال عافيتي فلا يصلُكِ مني إلا اللمم..
اولا ترين شرودي؟
قد اختلطت علىَّ الازمان وتشابهت الدروب..
واستيقظتُ قبل يومين، فما دريت هل هو الصباح فاغدو الى دوام الصباح ام انه المساء فاسري الى دوام المساء..
بوصلاتُ زماني غدت طائشة..
غدا حالُ بالي شاردا..
فمتى تمتد اغصان شجرةُ العمرِ الجميلِ بيننا؟
متى نمِـدُ جذورها في تربة الذكرياتِ الخصيبة..ويبسط كل منا لرفيقة من ثمرِ الإلفة والمودة ما يشتهي..
انا لو ظللتُ اكتب اليكِ هكذا في كل عامٍ بوست..
فمتى اتوقف عن الكتابة؟!!
لو ظللتي تُـهرقين من عُـمرك هكذا في كلِ عامٍ... 365 يوم..
فمتى تـنـزاحُ عني دوائر هذا القلق الخصب ؟!!
لو ظللنا هكذا حبيبانِ في الغيبِ وقـلِـقانِ في السنينِ لايلتقيانِ..
فمتي سنتزوج؟

وتبقى سيرتك هي الكلام والرؤى الحلوة البعيشا في صحوتي ..
او حتى في عز المنام ..ويبقى اسمك هو الغنا...
هو البخفف لي عذابات الضنا..
الشفتو منك يا مُـنى الروح يا انا ..وصفو بصعب ياجميل..

حبيبك دكين عشا البايتات الحسن
صفحاتُ ُ من رسائل (الصبر والملامة)

الجعان يحلم بسوق العيش


وفي رواية، البايرون في أحلامهم سادرون


عرس من طرف بالله، وهو انت ممكن يعرسوك إلا من طرف؟

يا ولد .. ما أفصحك ..
ما أفظعك بكاي .
ما أحزنك ساساق ..
و مشنوق بخطاف الزمن .. و مدلدل بمزاااااج .
ما أفصحك ..
أول مرة تفارق لئامتك الوغدة ..
و تقعد في واطات الله و تفرش كرتلاتك ..
يا ما أفصح وجع الفتيش ..
كرتلة كرتلة ..
و يا ما أبردها هي ( بعد إذنك ) ..
مدسدسة بين النسمات المليونية في الخرطوم المطلوقة ..
و ما أعورها ( هي ) لو لمت فيك و الحيل رخرخ و بانت تلاليش الوكت ..
( الخروج إلى الخلاء ) يستدعي إعادة الوضوء ..
التيمم ما بفيدك ( و دموعك ما بتعيدك ) ..
موية الوضو مكنترة في الخرتوم جهات جهات ..
( الموية الجارية طهور , الموية الماجارية .. ما جارية ) ..
أقعد إنت باري الخلا ..
لا تلحق وكت الصلاة ( كتابا موقوتا ) ..
و لا يكفيك القضاء و الكفارة .
فيغتس حجرك مع الغاتسينا ( و آخر ما آخر تبقى دُرّابة في خلا .. ما أكتر الحجارة ) ..

ألقيهو يا بنية يا زوجته الإفتراض ..
ألقيهو ياخ ..
ألقيهو قبل ما تبق رتينته آخر بقّه ..
و الكهارب تستبيحه ..
ألقيهو يا وهم إنتي و حبيبته ..
و ريحينا من مقابضته لشجر البرتكان ..
و رمي جمار الشيطان 31 مرةً حسوما ..
هو في شيطان غيرك .. يا زايغة منه , و حبيبته ..

يا عماد عبد الله
كلامك السمح ده انا كان مرقتا منو بوست براهو..
وتجي تقول لي ما افصحك..
ايناني من قلمك السنين..


نفسي ياعماد القاها بت الذين..
سلت روحي وانا بساسق في الدروب..
حرم تغيب اكتر من كدي ناس الطرف يكون جاهم زول..
الباقي فيها كم اصلو لامن نودرو غنى وجقلبة ومظالم..

شوفها لي بطرفكم يا عمدة..
يمكن من قطر..
او من باقي دناقلتكم..
اتصرفوا يا حبان..
بلغو عني وانا المحب الوالٍـه الوالغُ في محبةٍ غائبة..
اخوكم حرم تاني بس منطرف والله يعوضها فيني خير..



البوست نزلتوامس ياعماد
اتصلت علي واحدة امس
قالت لي :اها داير شنو..
قتا ليها : انتي منو اول شي..
قالت لي انتا قتا لي في البوست بتاعك الفضيحة داك مرنا وكده واهو جيناك..
قتا ليها: انتي قسمتي؟؟
البت بي كل ظرافة قالت لي: امال قسمة حبوبتك؟؟

قفلتا السماعة لانو الصوت ماغريب علي...

Quote: عرس من طرف بالله، وهو انت ممكن يعرسوك إلا من طرف؟

ولو فعلتها هل حتلقي نفسك مع غيري؟؟
موش حاودرك وراي ساي يا عزوز ..



ايا قسمتي ..
قولي خير وشوفي الخير الحيجيك قدر شنو..
وبطلي فصاحة وطولة لسان ..
انما انا عليك قوام...
لي متين اساسق ورا الهولداي إن انا؟؟

Quote: 1825 ليلة موش كتيرة الواحد يرقدها براهو؟؟ الا ُتحسين بالفرق بين ان تناميها وحدك وانا ننامها معا؟

ياخ الحته دي مجنونه شديد منك
ما عارف
ليه لما قريته اتذكرته الآكوله البتكلموا عنها اليومين دي في البورد

الحاج حج وجاء
جكيس البنات ما خلا

ياولد..
الزواج من طرف اثنان:-
@ من حساب لحساب
@ طرد..

الاول ..
بت مقيمة , خريجة قارية بالقروش , يعنى شهادة عربية, فوائدها سهلة النقل..ممكن تنقل اقامتها اليك بسرعة وتكلفك 2000 فقط ودى عيوبها , مولدة هنا, امها منظرة عارفها جميع الاسواق
ما بترضى بكريمات البطحاء ولا الحراج..شقة فى العليا او السلمانية..عرقة دى ما بتخارج معاها
سراميك مطبخ جاهز, غرفة صينية او ماليزية وطنى ما بخارج مجلس من اسواق الاندلس,,عدة وما ادراك ما العدة..انا نسيت سعر جرام الدهب 85 ريال..اختار واحدة يديها قصار..لازم بحرينى..
الحفلة وعشاء الشباب..لازم بوفتيك..ودا بطلع روحك..لكن لو طلعت تفتيحة وشغالة بدون احسن..بس دى عمرها بكون فات فيه الفوات..
اما الثانية...لو اقامتك حلوة...بتوفر ليك 11 الف..
نجى لكيفية شحن الطرد...الاختيار , زميلة , بت الجيران الصغيرة ,زميلة اختك ,اخت صاحبك
لو دفع معاك فى الاستقدام..
ودى لو حصلتها مريحة خالص ورخيصة ..ميزتها انها طرشاء...عاوزة ليها سنتين حتى تفتح وتعرف الاسواق والمطاعم..وتتعلم الاكل الجاهز...بس دى لو سكنتها عرقة خلى جيرانك يكونو هنود او بنقالة..وما تزورها لقريباتك او معارفك..
لكن يادكين ياولد ياحنين...لو عاوز نصيحتى وعلى حسب ما قلت ان عمرك 31 ولسع صغنتوتى وبدرى على الهموم, اصبر ليك خمسة سنوات تانى فتش ووفر فتش وفر ..لما ليك تعتر..وامسك واتكسر

هها هها ها والله همك بارد...

تعرف يا حاج دكين (حجتك مبروكه ان شاء الله) .. انا متضامنة معاك تضامن لا محدود لكن نصيحة منى ليك

اوعك من الشفقة وعرس من طرف .. فتش عليها لو تفضل تفتش العمر كلو .. صدقنى يوم معاها والعمر يكمل احسن من سنين مع غيرها وجواك لسه بتفتش .. اسمع كلام اختك وما ح تندم .. انت قايل السعاده بتتقاس بالزمن .. السعاده بتتقاس بالاحساس .. سعادة لحظه معاها تنسيك تعب التفتيش ولو قالو ليك يا دكين لو رجعنا ليك عمرك لى ورا ح تعمل فيهو شنو؟؟ ح تقول ليهم افتش عليها تانى وانتظرا اضعاف عدد السنين الفاتن ...

ياخى ما سمعت نيكولاس كيج فى فيلم (City of Angels) قال شنو..
he is ready to give up his eternity hundred times just for one warm moment he can spend with her ... تقول اعرس من طرف!!!

ويا سيدى مستعدين نفتش معاك .. واول ما نشوفا ح نكورك بدلك (وجدتها ... وجدتها)

يا حاج

حجاً مبروراً وسعياً مشكوراً وذنباً مغفوراً


أما بعد وقد أطلعنا على رسائلكم ومن حرة فيها وجدت ملتصقة برجل الحمام الزاجل

أما وقد أشفقنا عليه طول المسافات بين القارات
أو أن يلتقمه الحوت ذات إخفاق جناح
( لا تقوى الأجنحة فوق الأحمر والدردنيل)
فقد حبسناه لدينا حينا حتى يقوى عوده
أو قل يقوى عودك
( مسألة العود دي مهمة)
ونبعث لك بهذه القصيدة التي كتبها شاعر قروي
لكي تستعين بها في الأيام الخالية...

(( الليل والنهار .. واحد علي الحال))
(( الليل ما بنوم.. والنوم علي محال))
(( ياناس الشوق والبكاء.. للحبايب طال))

يامسافر

تقبل الله منا ومنكم..
ربنا يغفر ويرحم..ونسالة حسن الخاتمة..

انحنا يامسافر حجتنا دي ان ما ساعدناها بالعرس موضوعنا ده بستحمى تاني..

نساله السلامة وبت الحلال..

كل سنة وانتا طيب والقابلةعلى امانيك انتا والوليدات وامهم..

لوووووووووووووووووووووول

حاج DKEEN

Quote: 1825 ليلة موش كتيرة الواحد يرقدها براهو؟؟

بس وريني دي حسبتها كيف ؟

يعني داير تقنعنا انك بالغ في الـ 26

Quote: وريني دي حسبتها كيف ؟ يعني داير تقنعنا انك بالغ في الـ 26

يانوبي


انا ياخوي من 26 بديت افكر اني اتزوج ..
موش من بلغتا..

الواحد لامن يبلغ اول شي بعمل تِستات ويفنجط في الدنية دي شوية ..

انتا باين عليك طوالي بلغتا بي جاي خلعوك بي المرة بي جاي..


حليلك..
ماجربتا طعم المغامرة ولامن يسكوك ناس حلة المقابر..
ويكورك وراك راجل كبير وانتا جاري:
في المقابر يا كلب انتا الله الخلقك ما بتخافو؟؟

ناصر البطل

Quote: لما قريته اتذكرته الآكوله البتكلموا عنها اليومين دي في البورد

اكولة شنو ياحبيب
قبل يومين جاتني نكتة من زول مابعرفو في الموبايل قال فيها

مسطول سال التاني ليه البنات لامن يصحو من النوم بحكو شعرهم..
التاني قال ليهو : لانهم ماعندهم بي...ات.

خخخخخخخخخخخخخخخخخخخ
ماتكون ي الاكولة..
ياكلك اسد قول آمين

Quote: قبل يومين جاتني نكتة من زول مابعرفو في الموبايل قال فيها

شايف يا خدر !!!!













--
دكين انت متأكد الزول ما بتعرفو ؟

دكــين ..






هل تعلم ..؟؟











لا احس بنعم الله علي .. الا حين اقرأ ماتكتب ..























حرررم .. ياجنى .. انت مسخوط..

دكين

Er serenagmendo

دكين يالك من رجل في هيلمان Haila MAN
فلا غرْو أن تكون البنية في هيلمانة

شيل الصبر يا مان .. فإني أرى أن موعد دخولك القفص ( الإسمنتي ) قد بات أقرب من حبل الوريد

حاشية : يسمونه قفص ذهبي و عش الزوجية .. بينما هو حجرة من الكونكريد بلا نوافذ ( و لكن بيني و بينك أحياناً تكون الحجرة أوسع و لوبي فندق الشيراتون و الهيلتون مع المنافع ).

دمت

ابوالجلاجل الجميل

بت في كونكريت..
ياخي دي فكرة مجنونة.. تحبس نفسك معاها في صبة اسمنت مربعة وتقول ليها بتطيري ولا بتركي؟؟



بي المناسبة
خلي لي جغمة من الدكاي البي طرفك بتاع البرميل..
وكل عام وانتا طيب ورايق يارايق ياجميل

سامو

Quote: احس بنعم الله علي .. الا حين اقرأ ماتكتب ..

من الواضح انوحالتي دي مسغبة ..
عشان كده حسيت بالنعمة
وقالومن راى مصيبة غيره هانت عليه مصائبه واحس بنعم الله عليه..

كل سنة وانتا طيب يا حبيب..

يا خينا شوف ..
خلاس غُلب حمارك وحجرك ادحرج عليك يا سيزيف
لو

Quote: احدى العزيزات جدا قالـتَّـا لي في اضاني:انتا بتمرق يوم الخميس الخلا مع اصحابك بتعمل شنو؟؟ قالتا في صوت متردد خجول باحث عن اجابة ولو غير مقنعة..

الزولة دي قالت كده يبقي الموضوع واضح واقبل بالقسمه وبطل المحاججه
والملاججه بتاعتك دي ياها قسمتك .
دكين بعد ما كنت عشاء البايتات بقيت تحنن وتحنس ؟!!
امسح امسح الكلام ده سريع ياخ خدوري ما يشوفو؟
وامش عرس البت البتسالك ديك ياخ !!
حالتك دي قالوا اوسعته الشيطان رجم ؟!! قوم نوم ياخ.

سفيان ..
خدوري شاف و سمع و ياشماته جاليه الرياض فيا














من يوم رماني لحاظو السَنينِ
مَحق علي نومي و محَق سنيني
اصَبحت كَل صَباح يذداد آنيني
كالبَلبل المغرود يا ما حنيني

هاكـ ياصديقي بعض شجن مصطفي بطران و الامين برهان بصوتي الذي عادة مايؤذيكـ
امعانا مني في إزكاء نيران اشواقكـ التي اعرف .. علكـ تظفر بذات الدين و المال
والقد المياس و العيون النجلاء التي تقطع دابر من اتهموكـ بصناعة الطين .
















حاشية
قال مولانا خدر في مجلس الرشيد و العسس آنذاكـ جادين في طلب يحيي البرمكي
( لابد من خطة مُحكمة للبحث تُضع في الحسبان توقعات الفوركاست و المد و الجزر علي
سواحل البحر الاحمر ) .
...
...
دكين .. ياخي في زول يفتش حبيبه و هو مجدوع في صحراء الربع الخالي .. دي حبيبه
ولا عقرب اصلو ؟

خــدر

ياوغد
امتعتني بصوتك رعاك الله يابو لقاء..

ياوغد هذا حالي بين ظهرانيكم لايخفى عليكم..
فمابالك لاتعطف وتمن علي بنفاج فاتح عليها..
مكشلتك ياطارق متخليني مجرم ومقطع ومازول عشرة ..
عشان كده خفتا على بت الناس مني..
بينما انا امسكن زول قد يكون مر عليك بعد لقاء ..
الانطباع الاخدتو عني عبر هذا العالم الافتراضي هو مااصبو ان اكونه وليس انا..
عشان كده ياخي حن علينا مرة..
وبلغها عني السلام..
وارميني بي رقم تلفونها ..
بعد التزكية ..

Quote: دكين .. ياخي في زول يفتش حبيبه و هو مجدوع في صحراء الربع الخالي .. دي حبيبه ولا عقرب اصلو ؟

وجلال وجهه الكريم ياخدر تشوف بعض وجوه ذوات الخدور هنا.. تعرف انوناس مصطفى بطران وناس برهان وسيد عبد العزيز ديل اشعارهم راحته هباءا منثورا..
ديل ماشافو حريم ولاشافو بنات..
ديل شافو ُركب تمشي على قدمين..

Quote: الزولة دي قالت كده يبقي الموضوع واضح واقبل بالقسمه وبطل المحاججه والملاججه بتاعتك دي ياها قسمتك .!!

Quote: وامش عرس البت البتسالك ديك ياخ !!

وحاتك ماهين يا ود بشير نابري..
انا لاقيها لامن اعرسها..
موش القاها بعدين اشوف حركاتها على ظهر الارض بعدين اقرصها بعدين اقول ليها ياخي ماتعال اعرسك..


واااااااااااااااااي انا من الجاي ياسفيان بشير..
جغرافيا وركبت فيني..

حاج دكين

تهانينا بالعيد والحج وكلو كلو ياصديق

قرأتك بمهلة شديدة خرجت قاصداً هذي الشوارع التي كانت لاتخون فيما مضي شاهدت اللائي في الخدور واللائي يساككن المعايش في هذا اليوم بالذات (رغماً عن غعلان رئاسة الجمهورية هذا اليوم كعطلة رسمية) بالأمس كنت أقرأ شيئاً من هذا القيل عن البنات والخدود والنوم الفرادي أيضاً وواحد تلاتينك صدقني ماشوية كتيرة بالحيل يادكين . قبل أيام أكملت نصف دينك الاخروي حسب ماعلمنا شد حيلك لتكمل ماتبقي من صمودك الدنيوي شد حيلك يادكين بقيت للنص ز

سلامي لكل الناس الشوقهم زيك .

خضر

نهاية رجل شجاع

Quote: والخرطوم بمدنها الثلاثة وسكانها رقيقي الحاشية شرطُ ُ فيها ..

كدي راجع الاحداثيات دي تاني

دكين

الله يدَيك اللي في بالك

ما شوفت الزين بتاع الطيب صالح يكاكي من بيت لبيت لامن عرَس احلى واحدة في الحلة

إنت حلَتكم وين؟

الأخ: دكين ..
كل سنة وإنت طيب .. وربنايحقق أمانيك ..

Quote: 1825 ليلة موش كتيرة الواحد يرقدها براهو؟؟ الا ُتحسين بالفرق بين ان تناميها وحدك وانا ننامها معا؟

طالما نوم ما فارقة ..
يا أخوي دكين كان دا نومك .. ياكة المنتظر عشرة سنين تاني .. على الأقل طمن بت الناس .. أنك زول سهر وق..ر.. حتى ولو يومين في الأسبوع .. لكن نوم ساكت كدة ..ما أظن يجيبة ..(( أسأل ود القريش عن فن الإعلان الجاذب ))

ولك مني كل والود

بشير

بشير جبريل اخوي

كل عام وانتا طيب وفي خير..

Quote: طالما نوم ما فارقة ..

ياخي النوم ده خشوم بيوت ياودجبريل..
اوعك تفتكر الموضوع نوم والسلام..
يعني هسي انا لومعاي بت الحلال دي تفتكر بنوم على مخدة مثلا؟؟

Quote: ما شوفت الزين بتاع الطيب صالح يكاكي من بيت لبيت لامن عرَس احلى واحدة في الحلة

حيدر
ايواااااااااا خلاص عايزين تمرقوني اهبل موش كده؟؟

Quote: إنت حلَتكم وين؟

احلى واحدة في حلتنا هسي عندها احلى تلاتة بنات في احلى حلة تانية..

أمـا فيكم رجل شهم يسكت عشق قتيل الشوق دكين! فقد بلغ سيله زباه . و نشر جرسته فى السهلة حتى رآها كلّ من استطاع للنت سبيلا

يا دكين .. لقد قالها لك مولانا خدر ..

Quote: دكين .. ياخي في زول يفتش حبيبه و هو مجدوع في صحراء الربع الخالي .. دي حبيبه ولا عقرب اصلو ؟

تخارج يا صاحبى من هذه الجرداء و بعدها يمكن أن تردد "ما كان يطرحنى الهوى لولا أنى لعشقك سائل"

_________________________________

عرضــة: لكن شروطك شَرِطْ

Quote: أمـا فيكم رجل شهم يسكت عشق قتيل الشوق دكين! فقد بلغ سيله زباه . و نشر جرسته فى السهلة حتى رآها كلّ من استطاع للنت سبيلا

ماتشوفها لي من بغداد ياحلاوي

البنات هناك بدل ماتموت ساي شمار في فخ..
اخير تموت عندي هنا..

شوفها لي في مابين الرصافة والجسر..

Quote: كدي راجع الاحداثيات دي تاني

انتا باين عليك سامع شي كده ولا كده..
زي ماشايف اخوك فرش وجاب اخرو..
عشان لامن اخش فيناس الطرف ديل..
بعدين ماتجي بت الذين تقول لي :مالك ما كلمتنا انك متسربع؟


هوبة
ياخي انتا جيتك بتسرني شديد ..موش كلمتك قبل؟؟
كل سنة وانتا اكتر من طيب..

قررررض في الكلام الدرر ده وما بتجيك عوجة تب آشقي الحال

Quote: تعرف يا حاج دكين (حجتك مبروكه ان شاء الله) .. انا متضامنة معاك تضامن لا محدود لكن نصيحة منى ليك اوعك من الشفقة وعرس من طرف .. فتش عليها لو تفضل تفتش العمر كلو .. صدقنى يوم معاها والعمر يكمل احسن من سنين مع غيرها وجواك لسه بتفتش .. اسمع كلام اختك وما ح تندم .. انت قايل السعاده بتتقاس بالزمن .. السعاده بتتقاس بالاحساس .. سعادة لحظه معاها تنسيك تعب التفتيش ولو قالو ليك يا دكين لو رجعنا ليك عمرك لى ورا ح تعمل فيهو شنو؟؟ ح تقول ليهم افتش عليها تانى وانتظرا اضعاف عدد السنين الفاتن ... ياخى ما سمعت نيكولاس كيج فى فيلم (City of Angels) قال شنو.. he is ready to give up his eternity hundred times just for one warm moment he can spend with her ... تقول اعرس من طرف!!! ويا سيدى مستعدين نفتش معاك .. واول ما نشوفا ح نكورك بدلك (وجدتها ... وجدتها)

حج مبرور وذنب مغفور.

دكين
جيت ماري لقيت الحنين عامل هيلمانة
قلت أغشاك يا عشاي
أصلو بيني وبينك كدي!
أنت ما قمير في سماي
عاد لاحولا لا قوة
من الشوق المعربد يا جناي!

حبيب نورة

غشواتك دي كتر منها..
زول زيك كتلو الحنين ما لاقاني..
ماتشبك المحبات فينا ساي وانتا كلك شوق..

نادر يا صاحبي..

كلام رنده ده مرتب وسمح بالحيل..
علا الشفقة غلابة..
حاقعد اباريها لي متين ..
اخشى انها ذاتها هسي تكون خشت في زولا تاني وقالت من طرف ولا جهجهة السنين..



تقبل منا ومنكم صالح الاعمال..
سلامي وتباريك العيد لي محمود وام محمود ..

تعرف يا وغد بعد التحية والسلام ومباركة الحجة ..
مافي حاجة بتضيعك غير المساككة دي ..
هسي كان قعدت في واطات الله دي عوجة ما بتجيك ..
شمت العالم فينا بي ردحيك دا ..



تخريمة ..
كيفك يا خدر كل سنة وأنت طيب ..
في إجتماع مغلق قبل كم يوم وفي غيابي ..
اتفق هذا الوغد مع بقية العصابة وقرروا ما قرروا ..
الجماعة طبعاً غشوهو وطلع هو الضحية وخروفه ..

سلامز للجميع ..

Quote: لاتدري عزيزتي ان اهل هذه البلاد يستمتعون برفقة الصحراء وبالبرد والحجارة.. ونحن نحاول ان نواكب وسيلة المتعة الوحيدة المتاحة هنا.. الخلا والحجارة..

Quote: صدقنى يوم معاها والعمر يكمل احسن من سنين مع غيرها وجواك لسه بتفتش ..

ابو حمودي

محبتنا ليك واصلة ..
تمنى لي القاها في حراج الشفاء..

دكين ياخوي انت حجيت قلت اخير اكمل نصف ديني

الكلام ده بخوف ،،،،

بعدين زولتك دي عاوزاك تتحرك معقوله لكن في مكانك

وتهاتي ؟؟؟؟؟؟

اعمل حاجه الوست ما بخارجك حا تقول لك ده كلام بوستات ،،


يخارجك الله ،،،

Quote: دكين ياخوي انت حجيت قلت اخير اكمل نصف ديني الكلام ده بخوف ،،،، بعدين زولتك دي عاوزاك تتحرك معقوله لكن في مكانك وتهاتي ؟؟؟؟؟؟ اعمل حاجه الوست ما بخارجك حا تقول لك ده كلام بوستات ،، يخارجك الله ،،،

خالدة البدوي

ياخي ماتجي تكسبي فيني اجر وتفتشي لي من الملز ..

انا مرة لاقتني واحدة سميحة وانيقة ولضيضة..
دخلت من ناحية البنك الاهلي ومامرقت لي يوم الليلة..
بي دبلوماسيتك دي تخيلي يانا عندي حسس بانومشكلتي في العزوبية ممكن تتحلى

دكين ياخوي انت حجيت قلت اخير اكمل نصف ديني

الكلام ده بخوف ،،،،

بعدين زولتك دي عاوزاك تتحرك معقوله لكن في مكانك

وتهاتي ؟؟؟؟؟؟

اعمل حاجه الوست ما بخارجك حا تقول لك ده كلام بوستات ،،


يخارجك الله ،،،

Quote: اوعك من الشفقة وعرس من طرف .. فتش عليها لو تفضل تفتش العمر كلو .. صدقنى يوم معاها والعمر يكمل احسن من سنين مع غيرها وجواك لسه بتفتش .. اسمع كلام اختك وما ح تندم .. انت قايل السعاده بتتقاس بالزمن .. السعاده بتتقاس بالاحساس .. سعادة لحظه معاها تنسيك تعب التفتيش ولو قالو ليك يا دكين لو رجعنا ليك عمرك لى ورا ح تعمل فيهو شنو؟؟ ح تقول ليهم افتش عليها تانى وانتظرا اضعاف عدد السنين الفاتن ... ياخى ما سمعت نيكولاس كيج فى فيلم (City of Angels) قال شنو.. he is ready to give up his eternity hundred times just for one warm moment he can spend with her ... تقول اعرس من طرف!!! ويا سيدى مستعدين نفتش معاك .. واول ما نشوفا ح نكورك بدلك (وجدتها ... وجدتها)

رندا حاتم
كل سنة وانتي طيبة وربنا يقبل مننا ومنك..
قبل شوية من تاريخ هذه المداخلة كنتا بحصرفي فلم اسمو(Only you(
قصتو زي نصيحتك دي..

انو في واحدة بتفتش عن زولها من عمرها 11 سنة..
قرت اسمو في لعبة زي الكرتلة بتاعة عماد عبد الله دي ..
وبس قررت انها حتتزوج واحد اسمو (ديموند برادلي) دون غيره من خلق الله..
وقعدت تفتش وتبحت وقلتا امريكا دي كلها..
لقتو في ايطاليا ..
فووووووووووو ساقت صحبتها ومشت ايطاليا..
بحيت وقيلب في الفنادق وجري ورا الرجال وبشتنة وقليع شباطة وفساتين ..
ومالمت فيهو
اخر الامر قررت ترجع ويه يائسة ومحبطة وحردانة..
وفي المطار لاقتو ولاقت معاهاو واحد كان متلحها ليك الرحلة كلها في ايطاليا..
كان متلحها وهي قرفانة منو وساكة بتفتش في صاحب الاسم اللقتو في كرتلة حياتها..
اها المتلحها ده من زعلتو قال ليها في المطار:
اهو ده ديموند برادلي الكايسة ليهو ..
انشاء الله يضوي ليك....
ومشى زعلان يطنطن يقول: معقولة زولة تمرق مني عشان حروف هجائية..

انقري ما جرت وراهو؟؟



اها ياستي دحين
انا من حضرت الفلم ده حرم تاني مابفتش ليها
التفتش لي هي
انا ديموند برادلي ده ارجل مني في شنو؟
على الاقل انا قريب ومافي ايطاليا..

عُزاز
كل سنه وانت طيبه .. النيولوكـ اظهر ماكان خافيا من عيون نجلاء
و اسنان ناصعة البياض متعكـ الله بهن .. صورة جميله

نوبي
الوغد ده و بإعتبارو (حاج) كنت عاوز اعفيهو من الردود و اعمل ليهو الـ Dirty Work
عشان حجتو ماتبوظ ساي .. لكن هو البصبرو شنو .. احسب واحد قصه الموبايل دي

معتصم السمح
حج مبرور و ذنب مغفور إنشاء الله
تمبس و ربعو ديل ممكن يدقسوا امبدات كلها تقول لي دكين

الحلاوي
استاتستكـ ساكت صاحبي ده كان لقي راس خيتو .. لكن نسوي شنو
في الطرطشه و الحنين البجي في غير مواعيدو

رندا حاتم
ماتضللي الولد ساي .. عمكـ نيكولاس قال
( am ready to give up my eternity hundred times just for one warm moment to spend with her)
في سياق انو كان ميت و حبيبتو حية ترزق تركب العجلة و تشتغل شفتات في المستشفي
بعدين نيكولاس يا رندا يااختي كان علي الاقل عندو مايستحق التضحيه ..
حبيبه جميله كـ Meg Ryan







دحين دكين اخوي ده فوق كم ؟

خــــــدر

Quote: حبيبه جميله كـ Meg Ryan

البت الشقراء التحت دي كان ده اسمها Meg Ryan
او كان ما اسمها

فهي ماعندها اي علاقة بالسماحة والجمال يا خدر ياخوي..
وشكلها لايختلف عن اي سعافة مليانة بيت عنكبوت..

ذوقك بصراحة فسد..



اي فلم بتكون فيهو البت دي انا بتعتبرو مضيعة وكت ساي..

يابقوتة
من حساب لي حساب لي حساب دي شديدة جدا
احسن مافيهن انهم متعودات على القفلة..
وتوديها بندة مول طااااااااخ تمشي لي الرف العايزاهو وتجيك شيالة العايزة في دقيقتين
يعني تتكسر ليك في البيت عاااااادي والمرقة دي مابعرفوها..
بس دي إلا تموت بيها هنا..
يعني الريال نزل، طلع، طار انتا البلد دي تحرق فيها ورقك كلو ..
لابتحمل ليك السودان لابتحمل ليكي اهلك..
تمشي هناك لو مرقت من الشمس مابتمرق من البعوض ولو مرقت من البعوض مابتمرق من الجوع ولو مرقت من الجوع مابتمرق من اخواتك..

الطرشا الطرد دي ميزتها انها ممكن تتحمل بلاوي السودان بس بلاوي هنا مابتقدر عليها
يفرفرن اليوم كلو عايزات يمرقن.
ويشبكنك انا زهجانة وانا الحبسة ما بحملها..
مافي طريقة تودر زهجتها وجنها إلا بي احوال السرير واستايلاتو الستة..ودي طبعا احوال ماعندنا ليها مروة..
وانا بصراحة الطرشا بتاعة السودان دي ماعندي ليها اضان ..
ولامن يخشن العثيم مول راسها يلف وتتحير في العلب والمعبات المرصوصة وتقعد تنخلع ليك ماتمرق ليك غير بي ماشاء الله ..تقول المحل حق اخوها ود عمها..
بعدين ياخي انتا قاعد هنا عرس من هنا..
انتا قاعد هناك عرس من هناك..

والمقدر مابنشوف ليهو بديل..

دكين يا اخوى .. حبوبتى الله يرحما كانت بتحكى لينا القصه دى.

امنا حوا وابونا ادم قالو لما نزلوهم زمان من الجنة نزل كل واحد فى جهه بعيده عن التانى فى راس جبل .. اها امنا حوا بدت تفتش على ابونا ادم فتيش شديد تساسق من راس جبل لى راس جبل وتنزل وادى وتطلع تله .. وهو المسيكين بى غادى برضو يفتش .. لما قربت المسافة .. امنا حواء لمحتو من بعيد طوالى قعدت فى الواطه وانتظرتو لغاية ما شافا وجاها قال ليها .. انا بفتش عليك مما نزلنا من الجنه .. قالت ليهو (انا من يوم نزلونى فى الحته دى ما زحيت منها ولا شبر)...

اها يا اخوى قوم انت اعمل بى نظرية امنا حوا فتش عليها واول ما تقرب تلقاها صنقر فى بطن الواطه ولما تصلك قول ليها(بركه اللقيتينى) ...

دكين البكاى - بدل ما تقعد تحاحى بى برة برة كدة دق سدرك يازول وخش تووووووووش

وشوف العين قالوا ما بكتل الغزال (يا جبان)


نسمع منك قريب

المتّيم دكين..


أكاد أسمع الفنان الذّري يشدو بلسانك
يا غايب عن عيني ..
مع إنك في قلبي..

زي ما قالت رندا
أوعى من حكاية ’من طرف‘ دي..
(لأنه دي بتجعل منك مغترب عادي..
ذو أحلام عادية....جدا)

وأقع.. وإتكسر في غرام فتاة
ولا تقع.. وتتكسر في غرام فكرة

لأنه الأخيرة بتودّي في دهية..
ونبتدي موّال جرسة وبكا... بس من نوع تاني..

Quote: وأقع.. وإتكسر في غرام فتاة ولا تقع.. وتتكسر في غرام فكرة

يا سلام يا نجوان ..
ينصر دينك .

Quote: ناصر البطل Quote: لما قريته اتذكرته الآكوله البتكلموا عنها اليومين دي في البورد اكولة شنو ياحبيب قبل يومين جاتني نكتة من زول مابعرفو في الموبايل قال فيها مسطول سال التاني ليه البنات لامن يصحو من النوم بحكو شعرهم.. التاني قال ليهو : لانهم ماعندهم بي...ات. خخخخخخخخخخخخخخخخخخخ ماتكون ي الاكولة.. ياكلك اسد قول آمين

دكين
عودتك انا اكذب عليك؟
عودتك اطبطب عليك؟
ما تصدقني ياخ!
صدقني يا ولدي، الدنيا دي كلها انحنا عايشينها من طرف! ولا يغرنك تخيير خادع يؤدي بك منتهاه لتسيير محكم الأطراف!

حج شنو إذا انا المحسية بعلمك في دينك!
سمعت بالقضاء والقدر؟
ديل اتنين قرايب كده ماشين الحجل بالرجل، ينفذون ما يؤمرون
الأمور دي اتكتبت خلاص وجفت الصحف ...

وغلاوة سبح الحجاج الجبتها معاك، المودوع اتحسم!
في النهاية حتعرس ليك من طرف، وحتقعد تغالطني وتقول لي (هي دي!)
وحاقول ليك: دي في عينك!

دكين يا ود الضحوي سليل عشا البايتات
انظر للنصف المليء من مرتبة سريرك الشايله حالك،
الكثافة السكانية في معدلها الأمثل! احمد ربك!
عندك مرتبة! غيرك ما عندو!

اثبت لي العكس يا دكين
اثبت لي انو بايدينا نلاقيهم
و بعدها الحياة بعد كده بتصفى لينا
اثبت لي انو سؤالنا عنهم بيقربهم لينا
اثبت لي انو (الطرف) ما ياهو أخرتنا!

تعال اسألك: شن قولك في اللي لقوا و والتمام محال؟؟

بطل برجوازية و شوف حال غيرك

Quote: اثبت لي العكس يا دكين اثبت لي انو بايدينا نلاقيهم و بعدها الحياة بعد كده بتصفى لينا اثبت لي انو سؤالنا عنهم بيقربهم لينا اثبت لي انو (الطرف) ما ياهو أخرتنا!

ازيـــــــــــك يا عزاز ..؟


هكــرتي .. وياد؟؟

والله يا دكين متابعة البوست دا

وبقرأ وبقول يا ربي تدي دكين الفي مرادو

Quote: اثبت لي العكس يا دكين اثبت لي انو بايدينا نلاقيهم و بعدها الحياة بعد كده بتصفى لينا اثبت لي انو سؤالنا عنهم بيقربهم لينا اثبت لي انو (الطرف) ما ياهو أخرتنا!

لكن بيني وبينك كلام عزاز دا كلام عقل

وزي ما في بت في هيلمانة برضو في ولد في هيلمانة


والله يكضب الشينة اللي هي الطرف

دكين أبكر ما مشي الحج ليه

سلامات يا دكين

أيبدو ألا خيار أمامك يا دكين سوى أن تمضي قُدماً على أملِ أن تتقاطع بكما الدروب يوماً؟
قد يكون قدراً مكتوباً منذ أن كُتبت لكما هذي الحياة،
وقد (يكون قسمة و نصيب) كما قلت أنت في (بوست ما، وهو ما يدعو للتساؤل، هل قمت بأبتلاع رؤيتك تلك الآن؟)،
و قد يكون محض صدفةٍ وعبثٌ ثقيل،
كون الأمر يبدو مغرقاً في الرومانسية و الشعرية و الميتافيزية،
فمن أنت حتى تقتطع الأقدار أو أي شيطان كان نصفك وتخبئه بين ستة مليارات نسمة؟*
لتبدأ رحلة بحثٍ دونكيشوتية، تنتهي في أحسن أحوالها بالإلتقاء بنصف ما،
ربما كان أمامك منذ ثمانية أعوام تلتقيان ثم تفترقان ثم تلتقيان،
ثم يبدو الأمر فجاة واضحاً،
هل كنتِ أنتِ طوال الوقت؟
ثم لا يبدو الأمر كذلك،
بعد برهة من الوقت قد تطول
أو قد لا تطول، يتبخرُ كل شئ كأن حريقاً إشتعل وأنتما في غفلة،
وغامَ كل شئ و غاب
و تُسجن فيما غاب
على أي حال،
يمكنك الإختيار عبر أي طريق تود الوصول،
بالطبع يمكن إبتداع العديد من الطرق الأخرى و تصديق ذلك،
لن تكون يومها في شكٍ من أمرك
سيُشرق الأمر واضحاً جلياً،
لأن الحقيقة يا عزيزي هي ما نرغب أن يكون كذلك.


(بِت في عِيونَك
خوفك عليها يشيل و يَغتْغِت فوقا
و يحَتْحِت دواخلك صَفَق
تنوم تشتهيها
تقوم تلقى فيها منامك صدق)**

* (لئن وجدتها يا دكين وسط هذه الأكداس البشرية ستكون مثل الهنديين الذين وجدا طفلةً صغيرة، ربياها ليكتشفا بعد أن تكبر أنها أمهما)
** اقراها كأن عاطف خيري يُلقيها

يا وغد...

مبروك الحج

إن شاء الله يا دكين تقع ليك في واحدة زي دي تعذبك عذاب الدنيا و الآخرة و الملوحة ما تعرف تسويها ليك قول آمين.

حاج معتصم
كل سنة وانتا طيب
سمعنا قالو خطبتا ليكي كازخستانية ي الحجة دي..


ترهاقاكل سنة وانتا طيب..

فقدتك شديد والله في البلد دي لحدي ما الواحد من شدة الفقد مشى حج ذاتو

(وش ضاحك)



نجوان

كلام رندة ده انا مقرض عليهو ..
بس مافي شي حيضيعني غير كلام البنات..
معقولة بس.. نحب البنات
ونفتش البنات وكمان نسمع كلام البنات؟؟

بعدين اوعك تتخيلي اني مامغترب عادي..
انا عادي وفايت العوادي بي غادي..

بس شريط الفديو لسع ما رسلوهو لي..
ولوجيتي للجد ..
مافي الذ من انك تعرس بت مابتعرف عنها إلا صورتها وشكلها وهي بترقص..
وتجي يوم عرسك وهي بترقص معاكتقول ليها :
بدون ماتتلفتي ابوكي وينو في الناس الوراي ديل؟؟
اقلاها حيكون عندكم موضوع اول ايامكم ..
تعرفها من بنات وين؟؟
وقرت وين؟؟
وتقعد تتعرف على اسم جدها في نهاية شهر العسل..
دي بتكون عرسة مضادة لي الملل..
ما حتملها ابدا
لانك حتكون يادوب بتعرفها..



وما اجمل النوم مع الغريبة..

حاج ديكن ....

Quote: وما اجمل النوم مع الغريبة..

ياخواض كل سنة وانتا طيب..


دي اعمل ليها فور ورد لي كوستاوي ..

Quote: معقولة بس.. نحب البنات ونفتش البنات وكمان نسمع كلام البنات؟؟

ماتسمع كلام البنات..
ماتفتش البنات ..
حيحبوك!

وماسبق مامحسوب مع كلام البنات !

دكين ..حجاً مبروراً وذنباً مغفوراً ..

تماضر حمــــزة
الله يبارك فيكي وربنا يتقبل

Quote: ماتسمع كلام البنات.. ماتفتش البنات .. حيحبوك!

قالوالبت زي كورة التنس
كل ما تدقها لي تحت تجيك لي فوق..












انا صدقتا القول ده ..
قمتا دقيتها لي تحت ..من ديك وعيك....

Quote: اثبت لي العكس يا دكين اثبت لي انو بايدينا نلاقيهم و بعدها الحياة بعد كده بتصفى لينا اثبت لي انو سؤالنا عنهم بيقربهم لينا اثبت لي انو (الطرف) ما ياهو أخرتنا! تعال اسألك: شن قولك في اللي لقوا و والتمام محال؟؟ بطل برجوازية و شوف حال غيرك

شوفي ياعزاز يختي

القسمة ياعزاز اتنين
ينقسم ليك من وسط هيلمانة الحريم ديل كلهم بنيتك البتشبهك وغتاك القدر قدحك..وتلقى نفسك معاها..
او ينقسم ليك من طرف وتكون هدية ورضية بس انتا مالاقي نفسك معاهااو غير هدية ورضية وانتا برضو مالاقي نفسك معاها ...

Quote: اثبت لي انو (الطرف) ما ياهو أخرتنا!

دون شك الطرف ماياهو اخرتنا ياعزاز

وتاكدي انو نا س الطرف ديل لابحلوك ولا بخلو خيط مربوط..
يعني حتكون مجهجة وسنين ومتوتر..
ولو كان الطرف اخرتنا ماكان الناس اتفرتقت من بعد لمة..
الطرف ياعزاز هو خيار اليائس المجقلب المحتار القانع ..
بالرغم من من بؤسه كخيار إلا ان صاحبه لايُـلام..
وراجعي في ذلك بوستنا بتاع القسمة والسهم الطائش..






هذا وللحديث بقية بس داهمني الوقت>>

<< بقية عزاز

Quote: تعال اسألك: شن قولك في اللي لقوا و والتمام محال؟؟

اها ديل بالضبط القتهم ليكي..
خشوا من طرف وفاكرين نفسهم لقو بعض..
انتي قايلة خشة الطرف دي إلا تلقاها في شريط فيديو او تلقاها في بورد بكري؟؟

الاشكال هو انو الناس بتستعجل ..والاحوال يتغشاها الضباب والاحتمالات..والبني ادم لايعلم غيب الاشياء..

قدامي انا مثلا اربعة احتمالات وقد لاتكون كذلك:
1- زولتي دي خمسين في المية استعجلت واتزوجت في سنة 99 تمساحا في السوق العربي..
خلاص بي كده انا موضوعي استحمى ومفترض اخش من طرف او اقرض على الخمسين في المية الباقية..
الاشكال هنا ما انا انما السوق العربي ..

2- زولتي دي ما خشت من طرف لسع .. بس بس مية في المية في اواخر شهر اربعة القدامنا ده خاشة خاشة ..
لايمنعها في ذلك محبتها لي او شوقي اليها..
الاشكال هنا برضو ما انا انما الظواهر الطبيعية وخوفي عليها من تبدل الاشياء

3- زولتي دي قاااااااعدة وشغالة في بنك في متحد في العمارات شارع كم ماعارف وبتحب ليها زول من سنة تالتة جامعة ..
ربما لانني حينها كنت اخرقا وعلى ابواب سفر ..وربما لانني مابذلت المجهود الكافي لتعريفها بنصيبها..
وربما لان صديقتها كانت كمحطات الضغط العالي تصدر ازيزا وتهديدا مبطن ..
الاشكال هنا برضو ما انا انما السفر وُبطانة الكهرباء..

شفتي كيف ياعزاز انو بي ايدنا نلاقيهم بس بي ايد حاجات تانية مصائر تانية..

خضر حسين
يابن الشارع البار..
قرأتك بمهلة شديدة خرجت قاصداً هذي الشوارع التي كانت لاتخون فيما مضي شاهدت اللائي في الخدور واللائي يساككن المعايش في هذا اليوم بالذات (رغماً عن غعلان رئاسة الجمهورية هذا اليوم كعطلة رسمية) بالأمس كنت أقرأ شيئاً من هذا القيل عن البنات والخدود والنوم الفرادي أيضاً

تصعد الجدران في اللبلاب
والخرطوم جالسة على مقهى تدخن
استوى في الليل قطاع الطريق
وعابرو نصف المسافة
هل يكون الشارع الان امتدادا لاختناق الليل بالعربات والعهر ؟!
وكنا عاشقين نفتش الاطفال
والاطفال في رئة المخابز
يسرقون النار..
الصادق الرضي ..

انعام عبحفيظ
آمين يدينا الفي مرادنا كان عارفنو..
تصدقي لو قتا ليكي انو انا الفي مرادي ذاتو ما عارفو..
بس زي ما شفتي عندي اشراط الحبيبة وحايم بيها..
لامن القاها حاقول ليها انا ما كنتا عارف انا عايز شنو في مرادي لحدي ما لقيتك ..
بها الـمُـراد يقوم وعليها المُـراد يتحقق..

والطبيعي انو طالما في بت في هليمانة طاشة هناك ولد طاشي في هيلمانة..

نوبي

انتا بالذات موضوع القسمة ده حقو تعمل ليهو رفرش
انتا ماكل حقك وحق غيرك ياخوي...
اصلو نوعك ده البضيع علينا نصيبنا..

خالد عبدالله
الله يبارك فيك يالمبروك
تعرف الجبتها دي ياها ذااها الهدية الرضية
لو تعرف بس انو المطلوب ليس ملاح الملوخية في حد ذاتو
انما الاجتهاد في الشي لارضائك
ان تبذل الجهد المعقول في ان تسعدك..
بعد داك تظبط او ما تظبط دي مسالة تسامح مساحتها واااااسعة

محمد الحاج
كل سنة وانتا طيب

حدثتكم فيما حدثتكم عن القسمة والنصيب
وان من طاش سهمة في دنياه ظل قوسه متوترا الى قيامته..
وان من نبل فاصاب فقد ربح البيع ونال متاع الدنيا في مُـصاب سهمه الصالح..

واني بعد اذ كتبت ما كتبت اتيت فشرحت حالي وحال الهليمانة التي يجب ان ارمي فيها سهمي..
ولاني اخشى من توتر قوسي فقد اتيت بهذا النداء العابث اليؤوس..
انما هو نداء اليائس القنوط..
كصراخ المحاصرين ولامغيث..
والقسمة تاتيك من طرف وقد تُـصيب بها نصيباً من الفرح الذي ساقته (رندا حاتم) وقد لاتصيب..
والنصيب هو مقدار السعادة او البؤس الذي يأتيك وفق ماهو مقسوم لك من نساء الدنيا..

بت في عيونك
معاك او بدونك..
خوفك عليها يشيلها ويغتغت
ويحتحٍـت دواخلك صفق
تنوم تشتهيها
تقوم تلقى فيها
منامك صدق...
او كما قال عاطف

حاج دكين: (حجا مبرورا)

السودانين في كل الدنيا يا خوي بيفتشوا العرس اولا
وبعداك بيفتشو للولد ثانيا وبعداك بيحجوا ثالثا
ويلزموا السبحه والمصلايه وطبعا قد يمتد الزمن بين
كل مرحله والثانيه الي عشرات السنين
وانت يا شقي الحال مادام ما خالفت كل الناس وبديت
الموضوع بالمقلوب فعليك اذا ان تكمل المشوار بالمقلوب
وان تيدأ- بعد حجك هذا في عامك هذا- رحله البحث عن الولد
آكان بالشراء او التبني او اي طريق اخر شريطه ان لا تكون
طريقه ارنولد شوالزنيجر- الذي حمل بولده- واحده منهم
ثم بعد داك تعال وحدثنا عن العرس وعن هي التي تبحث عنها

كسره:
يالخو انت ايام الجامعه ما سمعت عن حاجه اسمها المخزون الاستراتيجي في مناطق البوكسنق المنخفض

عمر بوب ازيك وكل سنة وانتا طيب يا حبيب

والله بقت زي ماقتا

صحبتي قات لي

انتا يادكين جاتك القُـرحة وحجيت مافضل ليك إلا عملية العيون..

انتو في البت الفي الهيلمانة
ولا في الهيلمانة الحسويها ليكم في البوست دا كان خدر ما خت لي لنك الحفظ للاغنية ولا رسلها في الايميل
سلامات يا صحاب
وكل سنة وانتو جميعاً بالف خير

دكين

شكلك البورة محمداك يا مان

عليك بالصيام .. قد يخفف عنك ..

ونجد مرتبتك كويس .. واكل باكمبا كتير .. ونوم بدري


31 سنة وما عرست ... والله مشكلة ... بمعني انك لو بلغت عمرك 15 سنة ..

يعني ليك 16 سنة بتعاني .. وبتحاحي في ابليس وبناته

ربنا يديك مرة صالحة يا مان

واكيد يكون مسكت الستارة وبكيت ودعيت ... " يااااااااااا الله مره "

كل سنةوانتا طيب يا وليد

Quote: شكلك البورة محمداك يا مان

فآل الله ولا فالك يا ود المبارك..

Quote: بمعني انك لو بلغت عمرك 15 سنة ..

15 سنة ؟؟؟؟
نحنا ياخوي مابلغنا إلا في المنبر الحر بتاعكم ده ..

يا جندرية

امسكي دي هدية الهيلمانة دي ..

اسمعي بلاي ام سلمة والمهيرة..

الود طارق ده صوتو صوت ندمانين..ندمانين كده ..شجي وجاي من حتت مُـعذبة
http://www.sudaneseonline.com/sections/mousiqa_dance/pages/mousiqa_tarig.html

انت تتنجبر
وتلقى البت ام هيلمانة بين طرفة عين وشنو ما بعرفو ا يا دكين

لكن كان جبت لي لنك الاغنية الفي البوست دا تحديداً بدعي ليك بجني سليمان الجاب عرش بقليس قبل غمضة العين زاتها
واللهي العظيم دي الاغنية بصوت خدر تمرق الفلايت زاتو

يا دكين

ما تعمل لينا ضبابين في الفاضي ساكت

الموعودة بتاعتك تعمل بمصلحة البريد والبرق , وكان ما لقيتا هناك أمشي شوف ناس مكتب وقاية النباتات .

يامعروف

Quote: تعمل بمصلحة البريد والبرق

مصلحة؟؟
دي انتا منقيها لي من ياتو زمن ؟؟












احسسي الاكيد انو بنيتي دي شغالة في معهد بحوث الثروة الحيوانية في تندلتي..
او مكتب الارشاد الحيواني في شمبات..
اوالمركزالقومي للابحاث البيطرية في الدندر..
المهم بصورة اوباخرى عندها علاقة بي الحيوانات ..

لانو لو ما كان عندها علاقة بالحيوانات كانت ظهرت زماااان..

عندما حدث لى ما حدث لك الآن
حضرت مستلزمات الشيلة فرى سايز والذى منو
واشترت الريحة مثنى وثلاث ورباع
ولم انسى ان اصوم
توكلت على الواحد الاحد
ونزلت السودان
أبحث عنها(تلك التى اشعر بتفاعل كيمائى حين أقابلها)
بدأتها بالفايلات القديمة
الأهم فالمهم
ولم أنسى أن أوقت لكل لقاء
توخيت أن تكون اللقآءات فى شكل طبيعى
كنت أخبى غرضى
ولا إندفع
ما إن تعديت البحر عائدا
وحيدا
ولما كان الوصل شعرة معاوية
حتى ظهرت الحقائق
كانت طبيعة المكالمات منهن:ـ
أن يوم الخميس الجائى عقدى
إذن كلهن كن يغصن فى هيلمانتهن
ثم جاءت ست إجازات بعدها
وكان حالى (محلك سر)

إختر لنفسك
إما الطرف
أو
وطن نفسك لتتحمل عاقبة إختيارك
وصم



أم تراك متآكل الأطراف!!!
..................................................................................
قدر لقلبك عسى التقدير ينفعهو
ليوم كريهة فيه الإمور تلتبس

طبيعية ..
طبيعية جدا حياتهن فى الكدرو
فلاتغرك من تمتطى الأوتس

Quote: لانو لو ما كان عندها علاقة بالحيوانات كانت ظهرت زماااان

وممكن تكون جات الحج وما شفتها وسط الزحمة دي

ما كشَفت كويس جمب الحجر الاسود

أو بير زمزم؟

حيدر

وارد شديد والله ياحبيب
بس اخوك اتجاهو واحد..
حج معناتا حج..

بس صدقني مكة دي في تنوع بشري وجميل بشكل ماعادي..

مودتي

ياهندسة كل عام وانتا بخير

Quote: بدأتها بالفايلات القديمة

الفايلات القديمة هسي اقلا واحدة فيهم بي بتين..

Quote: ثم جاءت ست إجازات بعدها وكان حالى (محلك سر)

وهذا حالي يا حبيب
45 يوم دي والله ماتعرف فيها لون قنلتها ..موش تعرفها عرفة زواج..

المشكلة انهم بظهرن ليك في اخر خمسة يوم..
او اظنهن بحلو في اخر خمسة يوم..



عليه يا هندسة انا حيرتي دي اظنها بتنفكا بقليل من المجازفة والشغل العشوائي..

Quote: قدامي انا مثلا اربعة احتمالات وقد لاتكون كذلك:

انت ذكرت تلاتة احتمالات وين الرابع
دكين
موش قالو ليك زماااان البفوت محطتو بتعب ؟؟
يبدو انو المحطة دي ياها قسمتك يا الحبيب
محطة زي دي ما ممكن تكون فاضية مالم تكون راجياك تنزل فيها

غايتو يا اخوي لو نزلت المحطة دي
اضمن ليك انو الفقر الجاي من تالاك دا عمرو ما بصيب جناك ، معقول عاد بس جنا البنية دي يطلع فقران ؟
ياخ حياتك شوفتا ليك مرا سمحة و راقية و متعلمة فقرانة و معشكبة ؟
النوع دا يا دكين ما خلق للفقر و الضنك يعني ما ممكن يجي واحد يعرسا عشان يسكنا في العفاض و لا ارتدي او هوشمار .
ما اتخيل يا دكين انو جنا البت دي ممكن يجي عليهو يوم يقبض الزونان
ولا يرعي النعاج
او يحش قش التناقير
ولا ينضف طلنجي البقر
ولا يغرق في البحر
ولا يحوم نصت نهار حفيان
او يسطو علي جنينة في ساقية واوري يسرق ليه منقة و لا برتكان
ما ممكن الود دا يطهرو في قدح ، ولا صلبو يبقبق بي ركوب الداراوي في حش التمر
ما اتخيل يا عبد العزيز انو ود البت دي ممكن يبيع تسالي في يوم من الايام
ولا يترسل بيت ناس فلانة يشحد حبة بصل
ابدا ما تتصور انو شافعا دا ممكن يكون يوم بايل في لباسو و لا بشرب من مخاخيتو
ما تتخيل انها في يوم حتجي تقول ليك عبد العزيز بتنا خلاص بقت للطهور
و انا كلمتا الداية الاسبوع الجاي تجي تطهرا
جيب الفين

هؤلاء يا عزيزي خلقن لرجل من اثنين :
للجريء و لذوي القسم من المحظوظين
فكن احدهما تسعد
يا حبيب اسمع من نصح اخيك غمت و اقع ، يا كسرت ليك رقبتك ، يا فارقتا الفقر فكان سعدك و سعد لحافك في جاه سعدك .
كن صاحب القسمة و الجريء و اظفر بذات هناءك .
و الله لو كنت سمعتها بتقول لي صاحبتا ( و هو اسه عامل كيف ؟ ) من دربك دا كان مرقتها في شارع الوادي .
غايتو يا دكين البت دي لو اتعرست ولا ادتك شاكوش تاني ما تفتش لي قسمتك الا عند الحور العين
اذا البت دي فلتت منك في الدنيا غايتو الا ترازيها كل سنة بي حجة و عمرة رمضان عسي ان تكون قسمتك مع من قسمن لك من حور الجنان .

سوف اصنع لي فتاة من دمائي
كي تقدسني وتبكي عند موتي
دون زيف
سوف اصنع لي فتاة
من دخان سجائري
لتلم عن وجهي غبار الاغتراب
وكي تقيني من مكابدة النزيف
سوف اصنع لي حبيبة
تفهم الوطن الذي اشقى به
واخصها بالشعر والحمى



الصادق الرضي
غناء العزلة

من دماءك ولا من توب ظاري دا ؟!
ما قت خت لي لنك الحفظ لاغنية خدر دي تحديداً
والله كجك دا اصلو ما يفك كان رضيت اولاد ماما

ياخي وانا مالي ومال لنك الحفظ حقت غنية خدر ياخي؟؟
انا البغنيها ولا انا واضع الحانا؟
اهو طارق ابو عبيدة قدامك خليهو يديك لنك الحفظ..


انتي عينك في الفيل تطعني فيني انا الغلبان؟؟


ده بس عشان خاتر الجية بتاعك الغالية
http://tabatpeople.com/songs/sudan/tariq/

دكين السادر في هيلمانه

يا ولدي، انت لا بتقدر تنقي في الحب لا بتقدر تنقي في العرس! انت اصلا ما جيت الدنيا دي علشان تنقي من الاساس!

انظر حولك! واسأل من سبقوك، من منهم فعلا انتقى رفيقة دربه أو ظن ذلك؟

يمكنك فقط الفكاك من اختيارات لا تحبها، ظنا منك بأن الكلمة لك، ولكنه القدر مرة أخرى ينقل أحجار رقعة حياتك من مكان لآخر ...

اقعد احلم ساي انت بس، وارسم ليها صورة من وحي الخيال
يمكنك احلامك تصيب بعض الحقيقة
ويمكن زي ما قلت، لما تلاقيها تعرف انت كنت داير شنو!
الأفق المفتوح في توقعاتك ده نوع من "خدر" القضا والقدر ... احنا ماشين ساااي كده لغاية ما نلاقي زول وفجأة نقول: هو ده اللي انا طول عمري بدور عليه!

حرام تحصر سقف احلامك في مواصفات

طير وحلق فوق بعيد
و خلي النهايات مفتوحة و خلي بكره يجيب اللي يجيبه، لو نصيبك، ياهو نصيبك! لا بتجري منو لا بيفوتك!

__________________________
"عليك الله انا ممكن احضر لي مباراة كورة ولا حتى بلي؟
وحياتك، حضرت وشلت يافطة و صبغة كل ضفيرة بلون!لو بتحبيه، تبلعي ليهو الزلط!" قالت إحداهن معلقة على تشدق أخرى بأنها لا تريد ان يكون زوجها من محبي الكورة!

Quote: انظر حولك! واسأل من سبقوك، من منهم فعلا انتقى رفيقة دربه أو ظن ذلك؟

اخونا في االله (س) كان بن عوائل او كما يقولون من عائلة اكلت الثقافة عليهم وشربت..
كان يدرس في الكلية (ب)في الجامعة ..
اختار من بين 16 الف بت اختنا في الله (ص) وكان بت مسمسة ولها نصيب في الجمال والجسم المقسم اللدن المايل الى جهات الدنيا كلها.. وكانت بن عوائل ايضا..
(مع انو الدنيا دي كلها ابناء عوائل..فليس ثمة من لا عائلة له بس الوصف هنا عشان ارسم ليكي مسميات تلك الايام بي فهم الكلشر السوداني)

اها ياستي (س) ده حب(س) دي من سنة تانية ..يعني مروا عليهو ال16 الف بتاعين الجامعة والمجمعات الاخرى ده غير بنات الحلة وقريباتو..
حبها حب مبالغ حتى انهم كانو حديث المثقفين ايامها..
ليس ذلك فقط بل وزاد في حبة فحملت منه وهي لاتزال طالبة وليس ثمة عقد زواج مرعي بينهم..

تزوجها فيما بعد وشهد ابنهم في بطن امه حفل زواج والديه..
وتقولي لي مافي اختيار ..


اعلاه سامبل للاختيار والاصرار والترصد..

Quote: حرام تحصر سقف احلامك في مواصفات

عشان اناعارفها بت الذين مليانة مفاجات لذا انا بس راجيها تجي توريني انا عايز شنو بالضبط..
انا وين في نظام الاشياء..



تدهشني وتاتيني بما لم تكن ادري بانه جزء من تفاصيل البني ادميين..
توريني انو انا كنتا ساكي سراب وانو في حاجات تانية اولى بالمحبة..
تقلب كياني ..وتلخبط ليك مسميات الاشياء عندي..
وتحشر في دنياك كل تفاصيلها..
احلامها، افكارها، غنيواتها، ودوراتا الشهرية..ايامها الاوُل ..وبدايتها على الكوكب





ليس ابدا من ضمن شروطي انو تكون مكملة السماحة او فاتنة تسر الناظرين..

والروح السمحة عالم من محبة..
بعدين انا زول منتن ،دشن ومتواضع..
اخشى ما اخشاه الملل لاغير..

...
...
عشا البايتات الحسن
بعد المباركة والمعايدة

نفسى اخش فى الهيلمانة"الدينا" دى وافتش إحتمال القى انا الأخر








تصدق وتأمن عندى إحساس إنو زولتك دى لابدة هنا



فوق رأى

حبيبنا دكين

معليش .. ما قادر أسيبك بالحالة دي


شوف امل دنقل ده بيصوَر الحالة (المستعصية) دي كيف

"كل الذي سميته: شدوا

من قبل ما أجدك،

أضحى على شفة الصبا.. لغوا" (إن شاء الله ما تحسبو لينا كده)

...

"في الليل افتقدك (ده ياهو ليلك القلتو زاتو ...)
فتضيء لي قسماتك النشوى
تأتي خجول البوح مزهوا
وعلى ذراع الشوق استندك
وأحس في وجهي لظى الأنفاس
حين يلفني رغدك!
وأنام!
تحملني رؤاك لنجمة قصوى
نترفق الخطوا
نحكي، فأرشف همسك الرخوا
ويهزني صحوي.. فافتقدك
لكن بلا جدوى
بلا جدوى!
يا وجهها الحلوا
أمطر، فإني مجدب السلوى
ما زلت لا أقوى
أن أنقل الخطوا
إن فاتني سندك
ما زلت أفتقدك
ما زلت أفتقدك

ياملك كل عام وانتا بخير..
ودمتا طيب..

Quote: تصدق وتأمن عندى إحساس إنو زولتك دى لابدة هنا فوق رأى

مافي شي بعيد يا حبيب..
واحتمال زي ماقتا تكون لابدة في المكان ده وراقده ليها فوق راي..
بس بعد فكرةاني استخدمها بدل مخدة ..
وقصص البرتكان اياه وصبر 1900 ليلة ..
ما اظن تقدر تجي تقول ليكم انا ياني زولة دكين..
غايتو كان بقت حربية خاااالص حتجيني بي تحت تحت تقول لي ياخي انا ياهو دي بس عليك النبي ماتقول في البورد انك عرستني انا فلانة..
الناس حتشيل حسي..
وحتتخيل اي شي انتا قتو زمان..







*هذا الحديث نقلا عن ظنون واحدة نِكرة ..
قالت لي في نهاية ايميلها :انتا حرم تاني ماتلقى عروس إلا في الشمالية حيث لا نت ولا بطيخ..

Quote: سوف اصنع لي فتاة من دمائي كي تقدسني وتبكي عند موتي دون زيف سوف اصنع لي فتاة من دخان سجائري لتلم عن وجهي غبار الاغتراب وكي تقيني من مكابدة النزيف سوف اصنع لي حبيبة تفهم الوطن الذي اشقى به واخصها بالشعر والحمى الصادق الرضي غناء العزلة

شكلك كدا هضربت فعلاً بي البت دي
الصادق الرضي شنو و غناء العزلة شنو (واثقة من نفسيها اوي)
القصيدة لهاشم صديق يا دكين (فتشت النص الكامل عشان انزلو في بوستيك دا ما لقيتو استغنيت عن الفكرة)
انت ما بتدخن سجاير شنو الداير تصنعا منو

Quote: انت ما بتدخن سجاير شنو الداير تصنعا منو

لوووووووووووووووووووووووووووووووووووووووووووول!!!

اصنع لها تمثالا من سعوط

..
.

Quote: الصادق الرضي شنو و غناء العزلة شنو (واثقة من نفسيها اوي) القصيدة لهاشم صديق يا دكين

سلام يا ود الحاج
عشقاً منا للشعر وتصحيح لاجل القراء وعشان ما تعمل ليهم كنفيوسنغ
القصيدة فعلاً احد روائع الصادق الرضى ولكن المسمى الصحيح
هو ( علاقة الدم ) وليس
غناء العزلة ..
وأدناه تجد النص الكامل ..

سوف أصنعٌُ لي فتاة من دمائي
كي تُقدسني وتبكي عند موتي
دون زيف
سوف اصنع لي فتاة
من دخان سجائري
لتلم عن وجهي غبار الاغتراب
وكي تقيني من مكابدة النزيف
سوف اصنع لي حبيبةً
تفهم الوطن الذي اشقى به
واخصها بالشِعر والحٌمى
اسميها( نضال)
قد قلت يوما :
هكذا تلد المدينة
من غزارتها غبارا
كي تسمية دماًً
فتلفت الوجهاء حيث اشرت
ثم تناقشوا في اللون .. واللغة البذيئة..والرغيف
كم تبعد الاشياء عن لغتي ..وانت تغادرين دمي
الي اقصى تفاصيل النقيض ..تتسللين الي نوافذ غربتي
وتهيئين القبر من أجلي لأرقد ..في سلام
كم يبعد الشعراء عن الحانهم ..كي يكتبوا اشياء اخرى
لاتخص العاشقات
إذن
ساعُلن في المدينة عن حياتي
ثم اخرج عارياًً .. في هيئة الاطفال
كي اجد البراءة في ثياب الانقياء
اكذا نموت ..كما ولدنا ..عاريين من البكاء
انه وطن جميل ..رغم التناقض في ازقته
ولكن كيف يمكن ان اعود الي السماء ؟؟؟
اني غريب..
والان قد ادركتُ بعض خصائْصُ الكونِ الرحيبٍ
فلا مفر من الحبيبة
سوف اصنعها لتكتب عن دمي نثرا
وتضع ثورةً للحلم والوطن الحبيب
سوف اصنع لي حبيبة
سوف اصنع لي وطن

__________________

ويا لها من وطن ..
كما اظن ان ما كتب ما كتب يرمى لمقصد اخر..

دمتم

تبلدينا
من زمن البوست بتاع الاهداء لعظيم النوبة دااااااااااك ما حصل شفت ليك مداخلة مع دكين

Quote: سلام يا ود الحاج عشقاً منا للشعر وتصحيح لاجل القراء وعشان ما تعمل ليهم كنفيوسنغ

و كأني أراك تتودد هنا


















شن قولكــ

..
.

Quote: و كأني أراك تتودد هنا

الدودة التقوم ليك فى المحل داك
يا زول والله الغلاط بتاع الشعر ما بعجبنى
وخاصة لمن ليس لهم به علم ..
وصححت المعلومة .. لا اكثر ولا اقل ولم اتطرق للحاج
من قريب ومن بعيد .. وماورد اعلاه لود الحاج

Quote: شن قولكـ

يقليك فى صاج سمكـ بالموردة ..
دا قولى .. ما دايرين كدية حرقتنى وما شباه
فنحن تجاوزنا عهود الجاهلية
الغبابرة بما يعادل 1000000 سنة ضوئية ..

بعدين تعال سمعت بزول بمسكل من الامارات
ولمن تمسكل ارجع ليك ما بترد
مغتربين مقطعين ومفلسين لمن ما قادرين تعال راجعين

تحيتى مع الود والحب الدفين

يا تبلدينا كان ما تودد كان بديت المداخلة بي دي
بعدين

Quote: دا قولى .. ما دايرين كدية حرقتنى وما شباه

ما تتكبكب

Quote: بعدين تعال سمعت بزول بمسكل من الامارات ولمن تمسكل ارجع ليك ما بترد مغتربين مقطعين ومفلسين لمن ما قادرين تعال راجعين

ده ما كان مسكلة
بس كناركم تعبانة

توقع اليوم خط رقعة علي ص و ليس س ..

و مافي داعي للف و الدوران
و تلفوناتك الملح دي أدينا منها 10 دقائق





آبدول
صاحبك فرش ورقو

..
.

Quote: يا تبلدينا كان ما تودد كان بديت المداخلة بي دي

يا حبه؛
بديت كدا عشان ما يجو الزيك يشمشروا
ويعملوا من الحبه شكله .. وقع ليك

بعدين يا حتى الاخطاء الاملائية بقيتوا تقيفوا فيها
طب لمن وقفت فى اشباه مالها المديدة ما برضو غلط
ام انها تدخل فى قاموس الكبكبانه
ما علينا وصلنا وجهة نظر وثقفناك والقراء ..
بقليل مما لدينا واعتقد انكم تحتاجون لاتكاءة فى ظلال الكلمة
خليك جاهز ..

Quote: آبدول صاحبك فرش ورقو

دى غايتو تفسيرها صعب كما يحدث دوماً فى بعض
المداخلات فأن كان الفاعل فى صحبك .. المعنى هو انا
فاننى لست فراشاً ولا حريف وست وبوكر
أوالمشار اليه للحاج .. فقد هنا لزم التوضيح
وسبق ان اخبرتك فى الميل 41 على ضفاف الازرق يوماً من الماضى


وبالمناسبة انا اوت فروم هير
ما دام حتجيب ليها خـــر...ات

نشوفك بعافية؛
ونسال الله السلامة
دى كيف معاكـ

____________________
تعديل :
أوووبس يادوب وقع لى اسمع ود الحاج مقصود
محمد الحاج وليس الحاج دكين .. وروق اللعبة

Quote: وبالمناسبة انا اوت فروم هير ما دام حتجيب ليها خـــر...ات

يا زول ما تجيب آخرك سريع ( عم نمزح ) ..

أتمني أن تعود المياه لمجاريها ( ويا ) صديقك القديم ..

آبدول آسفين علي الخرمجة يا صديقي

دكين

عيدك مبارك وحجا مبرورا وسعيا مشكورا وهابي نيو يير

Quote: لو تعرف بس انو المطلوب ليس ملاح الملوخية في حد ذاتو انما الاجتهاد في الشي لارضائك ان تبذل الجهد المعقول في ان تسعدك.. بعد داك تظبط او ما تظبط دي مسالة تسامح مساحتها واااااسعة

أهو ده الكلام ،، أهو ده الفهم ،، لو بس تفتح عينها وتقرا الجملة دي كان جاتك على جناح السرعة او بساط الريح ايهما أسرع ؟

شرووم

غايتو يا دكين بي طريقتك دي الله اعلم تتزوج . اقعد سويها كلها كلام وجرسة .. ربنا يعينك ...

بعد العيد ما شفناك غاتس وين ...




ود الباوقة

آبدول

هاك دي

Quote: You see a gorgeous girl at a party. You go up to her and say, "I am very rich. Marry me!" That's Direct Marketing You're at a party with a bunch of friends and see a gorgeous girl. One of your friends goes up to her and pointing at you says, "He's very rich. Marry him." That's Advertising. You see a gorgeous girl at a party. You go up to her and get her telephone number. The next day you call and say, "Hi, I'm very rich. Marry me." That's Telemarketing. You're at a party and see a gorgeous girl. You get up and straighten your tie; you walk up to her and pour her a drink. You open the door for her, pick up her bag after she drops it, offer her a ride, and then say, "By the way, I'm very rich "Will you marry me?" That's Public Relations. You're at a party & see a gorgeous girl. She walks up to you & says, "You are very rich.. That's Brand Recognition. You see a gorgeous girl at a party. You go up to her and say, "I'm rich. Marry me" She gives you a nice hard slap on your face. That's Customer Feedback

عوزااااااااااااااز
طلب خااااااااااااص
عليك الله ترجميها لي صاحبنا ده عشان ما يفضحنا و الحجة تروح في 60 داهية

يا دكين
تحت تحت كده قول لي كم مرة عرفت وجهة نظر الزبون

بعد البحث im so sorry يا دكين، المقطع شكلو فعلاً جزء من غناء العزلة ضد العزلة للصادق الرضي، لكن النص بيتلقي مرات مفصول عن بقية النص و مقرون باسم هاشم صديق! لكن لما لقيتو مع بقية نص الصادق الرضي كان متسق مع بقية النص و واضح انو جزء منو
لك الود وتقبل اعتذاري

كما يتسرّب الضوء شفيفاً
صوب سطح البحر
وهو محمّل’’ بروائحِ القمر النبيِّ
خلاصة السحر
غناء النشوةِ الكبرى.
وهفهفة العناصر في تراكيب الضياء
تتصاعدُ الأرواحُ في الأمواجِ
وهي ترتّلُ الغصِّة شيئاً من خواص الماء
خيطاً من دُخان الرغو
في همسِ المزاميرِ
وَوَشوشة الغناء على شفاه الحورِ
إذ يسبحن بين القاع والسطحِ
فضاء الرهبة الصدفيةِ، اللالونَ
حيث الصمتُ فاتحة الوجودِ الداخليّ
لدولةِ البحرِ وقانون المياه
خذ من شعاع الشمس نافذةً
وحلّق في فضاءات الغيابِ
إلى رحيل أبدي
لا مكان الآنَ لكْ
والله يسكن بالأماكنِ كلّها
وجهاً يضوِّء بالأزقّةِ
شارعاً يمتدُّ في كسرةِ الخبز - الطعام
المستحيل - إالى ثياب الفقراء
! ماذا يلوّحُ بالنوافذ؟
هل ترى منديل عاشقةٍ
بلون البحرِ
دمع صبابة في نهد عاشقةٍ
بطعم النارِ
يقطرُ ...
والعصافيرُ اكتمال للندى
في شرفة الحلمِ
تسدُّ الأفقَ
تبحثُ عن طفولتها بذاكرةِ الفضاء الرحبِ
والفجر المعلّب في رفوف الصمتِ
واللغة الخفية للغناء على مسام العشبِ
والشجر المخبّأ في تماثيلِ الشجرْ
الحزن لا يتخير الدمع ثيابا
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويخرج من حدود المادة السوداء
شىء’’ ليس يفنى فى محيط اللون
أو يبدو هلاماً فى مساحات العدم
الحُزن فينا كائن’’ يمشى على ساقين
دائرة’’ تطّوف فى فراغ الكون
تمحر من شعاع الصمت
ذاكرة السكون المطمئنه
كيف ترفضُّ الجدائل فضة فى الضوء
ترفضُّ الفقاقيع
ما بين إمرأة الرذاذ
إشارة للريح فى المطر الصبى
إضاءة فى الماء
خيطا من حبيبات الندى
سحراً..صلاةً..هيكلاً..قوسَ قزح
ذلك سر الكون
أن تبصر فى كل حسن آية لله
أنوارا من الملكوت والسحر الإلهى المهيب
ذلك سر العدل
أن تتفجر الأشياء تُفصحُ عن قداستها
ترى فىالشىء ما كان احتمالا
ثم تنفتح الكنوز
الأرض كانت تدخر القمح لأطفال لها
فقراء لا يتوسدون سوى التراب
قل للذين يوزعون الظلم باسم الله فى الطرقات
وفى صفوف الخبز
والعربات والأسواق
والغرف الدمار
البحر يا صوت النساء الأُمهات
القحط يا صمت الرجال الأُمهات
الله حى’’ لا يموت
كيف استوى ما كان بالأمس هواءاً نتناً
ريحاً بغيضاً
بما كان هواءاً طيباً
ريحاً يؤسس معطيات الشارع الكبرى
عبيراً ضد تلك الرائحة
ما أشبه الليلة بالبارحة
كل ما كنا نغنيه على
شاطىء النيل تغّيب
وانطوى فى الموج منسيا
حطاما فى المرافىء
أو طعاما للطالحب
فى إنزلاق الصوت للقاع
وفى صمت المسافات القصيه
نحن في ساعة الحزن
وميقات الفجيعة ، والفراغ العاطفيِّ
الوطنيِّ
الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة’’
هى اللغة - الرماد
لا تثق بالقلب : إن العشق يؤذي
بينما يجدي التحرك في السكون
وفي مساحات الأنا
وعي التكّون
وابتكار الفرد مجموعاً
يوازي سلطة الإطلاق ، تحديد المواضعِ
بالإشارة نحوها بالاسم
تفتيت الهلامِ
واختراق السرّ ،
فتح نوافذ الأشياء ،
تكريس التفاصيل الدقيقةِ
قوةَ تنسف الأحلام والذكرى
وأشباه الحبيباتِ - الدمى ، والأصدقاء.
لا تثق بالقلب : كي يتصاعد الضوء
على كل المساحاتِ
وحدّق جيّداً
اختر مكانك واحترق حيث انتهيت
أنت منسوب الدم الآنَ
وأنت الإشتعال - النارُ
مجمرة الغضب
أنت - إذن - ضياء اللحظة الآتي
أنا / أنت : ونحن الناسُ
والشارعُ
والعواميد التى تمتد بالإسفلتِ
صوتي / صوتكَ : المشروخ في صدأ المقاعدِ
وانهيار البراكين
لم أقل : إن الفضيحة قد ترآءت
في تلافيف العمامةِ
وامتداد اللحية - الزيفِ
!لماذا لم تقل ؟
إن العماراتِ استطالت
أفرغت أطفالك الجوعى على وسخ الرصيفْ
أنت تعرف أنهم يقفون ضدّك
ضدّنا
ضدِّي
و أعرفُ أنني سأظلّ السلطة - اللاوعي
نحن الآن في عمق القضيةِ ،
مركز النارِ
وبالهامش تبقى سلطةُ اللغةِ الخفيفةِ
كي تُعلَّقَ في الفراغِ
نعم ، سننسى كل ما يأتون من فعلٍ
وقولٍ
سوف نصلبهم عرايا بالمساميرِ
على بوابةِ التاريخ
ثمَّ نعِّبىء الأيام في الصمت الخرافيّ الرهيب
لست من نورٍ لِتغفِر
أنتَ من طينٍ لتبنى
فابنِ لي بيتاَ
لنا
لكَ
للصغارِ القادمينْ.
إن يكُ للعدلِ في الأرضِ وجود’’
فليكن دمنا هو المقياسُ
إن تكُ السماء مقابلاً للأرضِ
فلتكنِ الدماء مقابلاً للعدلِ
قال الله كونوا ، ثم كنَّا
هل تحققنا تماماً من وجود الذات في أرواحنا
! ضوء التكون وانطلاق الكائنات؟
نحن نخرج عن غناء العزلة الكبرى
لنكتب عن غناء العزلة الكبرى
ولكنا نصاب بضربة الحزن
أوان خروجنا من داخل الصمتِ
وفى جوف السؤال.
او علاقة الدم
علاقة الدم
سوف أصنعُ لي فتاة من دمائي
كي تقدسني وتبكي عند موتي
دون زيف
سوف أصنعُ لي فتاة
من دخان سجائري
لتلمَّ عن وجهي غبار الاغتراب
وكي تقيني من مكابدة النزيف
سوف أصنعُ لي حبيبة
تفهم الوطن الذي أشقى به
وأخصُّها بالشعر والحمَّى
اسمّيها : نضال
( إنَّ هذا الاسم أقربُ من دمي)
قد قلتُ يوماً : هكذا تلدُ المدينةُ
من قذارتها غباراً
! كي تسمّيه دماً
فتلفَّت الوجهاء حيث أشرتُ
ثم تناقشوا في اللون
واللغة البذيئةِ
والرغيف
كم تبعد الأشياء عن لغتي
وأنت تغادرين دمي
إلى أقصى تفاصيل النقيض
تتسللين إلى نوافذ غربتي
وتُهيئين القبر من أجلي لأرقُدَ
في سلام.
كم يبعد الشعراء عن ألحانهم
كي يكتبوا أشياء أخرى
لا تخصُّ العاشقاتِ
إذن
سأعلن في المدينة عن حياتي
ثمَّ أخرج عارياً
في هيئة الأطفالِ
كي أجد البراءة في ثياب الأنقياء
أكذا نموت - كما ولدنا -
!عاريين من البكاء؟
إنه وطن جميل
رغم التناقض في أزقته
ولكن كيف يمكن أن أعودَ
!إلى السماء؟
فأنا غريب عن دمي -
إني غريب
والآن قد أدركتُ بعض خصائص الكون الرحيب
فلا مفرَّ من الحبيبةِ
سوف أصنعها لتكتب عن دمي نثراً
وتصنع ثورةً للحلمِ والوطن الحبيب
سوف أصنع لي حبيبة.
سوف أصنع لي وطن.

جندورة
اعذريني غبت عن النت و البلد فترة
ده اللنكـ جعله الله خير ذخرا لكـ لدحر ظاركم آنف الذكر
Save @ PC



التحايا لي تراث امانة

Quote: ياوغد هذا حالي بين ظهرانيكم لايخفى عليكم.. فمابالك لاتعطف وتمن علي بنفاج فاتح عليها.. مكشلتك ياطارق متخليني مجرم ومقطع ومازول عشرة .. عشان كده خفتا على بت الناس مني.. بينما انا امسكن زول قد يكون مر عليك بعد لقاء ..

يا وغد .. من أسر لكـ بتلكـ الهواجس !! فأنت عندي يعلم الله و قليلين
انكـ خاص .. هذا الاعتراف اقوله فقط من اجل عيني الشفافيه
لكن قطع شكـ بكرة حا انكرو






ملحوظة
عدت الي قواعدي سالما .. حمدالله علي سلامتي

خضر السلام عليكم ورحمة الله وبركاته

ياخى هذه قمة الروعه وقمة الإبداع
فيا عزيزى نرغب وبشده فى وضع لنك
لأغانيك الأخرى فقد كانت هذه سببا
لنصبح من المعجبين ومعى صديقى بكرى
الأحمر الذى فتح عينى على ذلك الإتحاف الرائع
فياعزيزى دلنا على سبيلك ويادكين أنت روعه كذلك
ويا عزاز بسحروك عينهم من نار



منصور

اخونا منصور المفتاح القاص البخلينا مشدوهين بي اوصاف شخوصة المدهشة .. سلامات
ياخي و شكرا علي الاطراء و بكري الاحمر و زمنكم الاديتوني ليهو و عذرا علي التأخير في الرد
شايف الوغد اعلاه وضع لنكـ لبعض الاغنيات من تراث الموسيقا السودانيه و انا لقيت لكـ
ديل برضو
طارق ابوعبيدة 2
طارق ابوعبيدة1
طارق ابوعبيدة 3
لوعندكـ عضوية في مزيكا سودانيه في عدد كويس من الاغنيات هناكـ برضو
يمكن نتلاقا يوم من ايام الله و نتونس كتير عن القصه و الموسيقا .. قول ياريت

شكرا تاني ليكـ و لي البت الفي هيلمانة و لي بكري الاحمر .


يا وغد شفت كيف ّّ!!
بيان بالعمل لـ (مصائب قوم عند قوم فوائدُ)
اشوفكـ هناكـ و ماتنسي كلمة السر

مودتي للجميع ..

وشكري لمنصور لانة اثنى على شيئين يستحقان الثناء

غنية خدر ..
وعيون عزاز...

الشفيف دكين

أخبرتك يوما ما انك من عالم اخر

واخبرك اليوم بان مليكتك في اختباء مؤقت

وانها تنتظر لحظة ما ...لتباغتك بالدهشة والجمال

رفقا بها وبالاختباء ..الم تعلم ان اعلان الحب يصيبه بالعلل

كن بخير و كثر من الدعاء

حتما هي قادمة اليك

وما عليك سواء الاحتفاء بها

وتسلم

يا خدوري

يفتحها عليك ربي محل ما تقبل

ظاري شدت ما نزل
شاركت لي في كم بوست كدي

WILL BE MOVED TO
تنوير الافهام فيما حصل بين نفيسة وعصام.. بوصط للشمشرة والشمارات

لذا لزم التنويه

Quote: علكـ تظفر بذات الدين و المال والقد المياس و العيون النجلاء التي تقطع دابر من اتهموكـ بصناعة الطين

خدر السمح والله انت قديم خلاص

ناس دكين ديل قول ليهم فاظفر بذات الاقامة تربت يداك

..مش فى حب عذرى وحب اعمى وحب من طرف واحد دكين ده حبو اسمه الحب الاعشى لانه يتملكه ليلا فقطّ!!!!

Quote: دكين ده حبو اسمه الحب الاعشى لانه يتملكه ليلا فقطّ

ود المويه..
ياغبيان شغل نص النهار قالوا بجيب العمى والطشاش



امشي ..
عامل لي نضارتك قعر الكباية دي..

من الواضح انو انتي ناوية تودرينا...

يا دكين، زمان قلت لي، تخلي تيسير عووضة الدنقلاوية السمحة وتمرقها في ساوس أفريكا آلغبيان، سمح إنت آلغشيم، هسّع تفتش للعروس، وهي حلاتها مضوية بوستك دا كلّو، لو ماك مطلّش ومتنيّل بستين عشى، عشى يعني أعمى ما أكل، في بت في المكان دا كلّو عاجناك وخابزاك، وبتعرّف تأدّبك تمام التمام زي عزاز دي، كان ماك شقي؟
حرّم تفتّش الواطـة دي كلها، ما تلقى زيها،
أها أنمرق، قبّال عزاز تجي تدقني، وتقول خطبت ليها من "طرف"،..

يامحسن
نبرا ونستبرا ياخوي..
دي انا اعرسها ولا اقعد اعد في التاشيرات الفي جوازها..
عزاز دي حتقول لي بما انو راتبي تلاتة اضعاف راتبك انا دايرة العصمة ..
وحتزلني بي بيتهم السراميك..
وبابهم السراميك ..
وجضوما السراميك..
وتلفزيونهم خرطومية بوصة داك..


ده كلو من ناحية من ناحية تانية ..
انا اصبر الصبر ده كلو واجي اعرس من طرف؟؟

Quote: عاجناك وخابزاك،

تعجن شنو ؟؟والله دي ماتعجن لخوخ..
















دي مابت في هيلمانة
دي بت في مزهرية..

يا معلم
قول بتك دي عضوة في البورد و قرت البوست دا
ولا قوول حلمت ليها حلم و حكتو لي صاحبتها العضوة البورد و ديك فسرتو إنها البت المقصودة و دلتها على البوست دا
أو قووول هي عضوة في بورد تاني و كاتبة بوست بعنوان "ود في هيلمانة", أها قام واحد شليق , عضو في المنبر داك عمليها مداخلة نبهها للبوست دا.
أها قووومي يا بت الهيلمانة , تعجب بيك و تشاور روحها و تستخير
و قووووووومي يا الغبيانة إتكسري فيك
و قوووووووومي تابعي كلامك في البورد وإنتظري اللحظة المناسبة عشان تفتح الموضوع معاك
و قوووووووومي يا سودانية أفتحي بوست التحليل و ابتدي بي دكين
و قوووووووموا يا الأعضاء أقعوا شكر في دكين و طلعوهوا مهذب و ملاك مع البنات
و قووووووووووم يا وليد الشفت اشمت فيك و قرقر
و قوووووووم يا الحبيب يحرقك الكلام و الشماتة
و قوووووووووم أقع في البورد شتارة و فليت و دراب عشان تأكد إنك وغد
وقووووووووومي يا بت الهيلمانة أقري الدراب حقك
و قووووووووومي إتخلعي و إتوبعلي و إتكرعلي*
وقوووووووووومي أحمدي الله الشافك و كسري الكمبيوتر
و قووووووووووومي أكرهي دكين و سيرة الدناقلة و التركين.

أها يا خوي مبسوط؟
أقعد باري لي وليد
طيرت البت منك, بي قلة أدبك
خلاص خليك كدا
وغد أصيل لا يشق له غبار....
و أعزب بارد الليالي و الفراش.

بتاعة تثقيفية....
*إتوبعلي و إتكرعلي
تصريف لغوي لرد الفعل النسائي الشهير (وووووب علي و كرررررررعلي)

ودالبشرى
شرطا بطنا ضحك

ياخي انتا مصاقرني كده مالك..
قول خير وهي براها بتجي..


اها النبشرك ياخوي

شفتا انا اكعب ماعندي قتو في البوست ده..تاني اشنى من كده بتي الفي هليمانتكم دي مابتلقى..
يعني خلاص انا كده ده اخري في قلة الادب والدراب..


شفتني كيفن زول سمح..


يعني انا وريتا اشنى مافيني في البوست ده..

احلاني بقى ده شي تاني..
ليها براااااااااااها

بس هي تبقى مارقة بت الذين..



بقالك بترسل صورتها ياود البشرى ولا بتبلها وتشرب مويتها؟؟؟

Quote: ياخي انتا مصاقرني كده مالك..

دي إجابتها في بوس(ط) منفصل
شايف بنات فيصل قالن الموضة الموسم دا بوسطاط الفارغة

Quote: بقالك بترسل صورتها ياود البشرى ولا بتبلها وتشرب مويتها؟؟؟

الكلام دا أنا كان ما أخاف الكضب سمعتوا في بكانا قريب من هنا

Quote: شايف بنات فيصل

بنات فيصل ديل منو ياخوي
انتا قصدك بت فيصل بالليل وبت فيصل بالنهار وبت فيصل في دائرة الانغيما؟؟


ديل كده بقو تلاتة بنات في هيلمانة ..

Quote: الكلام دا أنا كان ما أخاف الكضب سمعتوا في بكانا قريب من هنا

انشاء الله تضوي ليها صورتها العاجباها دي..

هاقد مر الفلانتاين الواحد والثلاثين
وانا بعدُ ماقبلُتـِك يا عمري..