Post: #1
Title: قراءة جديدة في تضاريس قديمة
Author: DKEEN
Date: 07-15-2006, 08:04 AM
Parent: #0
على أي حال
اعلموا ان الانسان في الاصل كائنُ ُ جميلُ ُ، مبدع..
تغشـته غوائلُ التيهِ والجهلِ والبلايا فحاد عن طريقِ الجمال وضل إلى الإبداع سبيلا..
فصار إلى ماصار إليه اليوم مشتت الذهنِِ، حائرُ العقلِِ مشغولُ ُ بالاستدراجِ في الدنيا عن مشاهدة الحقِ بالنعيم الآجل..
احبابي
يفتح التنظيرُ افاقاً جديدة ومساحاتِ خيالٍ اخرى ربما لم تكن موجودة عند الكثيرين لاختلاف الثقافات والنشأة..
كما وان الحياة وظروفها فيما اشرنا إليه بـ(الاستدراج في الدنيا) منعت الكثيرين من مجرد النظر إلى الأبعاد المتاحة في جسد الإنسان وبالتالي درج على معاملتها على نحو تقليدي بائس.
ولقد حاولنا جاهدين في ذلك العمل- وذلك جهد المقل - فتح قنواتٍ للحوار مع الكتلة المادية للادمي (البستان)..
آملين في ذلك ان لا ينظرا الإنسان إلى مكونات البستان بصورة مجردة من الخيال وخالية من الإبداع..
ان لاتقتصر تلك الكتلة التي تنبض بالحياة على مجرد العمل اليدوي المجرد من كل خيال خصيب(المكاوشة)..
التعامل مع مفردات الجسد بصورة اكثر حرفنة ..
بصورة انيقة تدعو إلى التوالف والتوادد والتلاطف مع ادوات درج الناس على النظر اليها من باب واحد..
محاولين بذلك ان نجعل من الخيال وسيلة للتقرب والـِولف .. طاقةً تجعلك قريباً إلى من تحب في عالم يزيد كل يوم من حركتة متخليا عن مسائل التأمل والتدبر في خلق الله الجميل..
مشروعا جماليا مفتوحاً قابل للزيادة في عالم عجول عالم الـ Take away وزمان الناس هذا الذي كاد يخلو من المشاعر..
ان نجعل فتحاً جديداً في ارتباطنا بمفردات الجسد القيم ..
ان نوفي الآخر اللطيف بعضاً من حقةِ واقل قدرهِ..
ان نجعل من هيئةِ الإنسان الخارجية مفتاحاً لدواخله..
من الإبصارِ طريقا للتبصر..
من المادةِ واجهةً للروح..
من ما درج الناس إلى النظر إليه باعتياد إلى شيٍ غير معتاد ..
من مااسمته ام ضراع - في غفلةٍ من زمانِ انوثتها - بالتضاريس إلى ابداعِ للخالقِ جل وعلا...
(وفي انفسكم افلا تبصرون)
ويبدو ان الانسان سيظل في عداءٍ دائم مع الاشراقات المعرفية ومع محاولات استشكاف الذات..بالرغم من ضآلة ما سقته اليكم..
وسيظل العداء الناتج من الانطباع الاول هو ماسيسقطه الكثيرين على جميع مايصدر من اعمالٍ لاحقةٍ لشخص معين..
ليظل العداء الاول هوالرديف المكرر لكل ماياتيه..
وسيظل الانسان في رفضٍ دائم لكل التجارب التي تحاول جعله عارياً من الزيف مجردا كالحقيقة..
ستظل الثقافات القاصرة التي تشربتم بها والتي تدعون غيرها- وهي في لاوعيكم كامنة كما ارواحكم الخواء - هي معيار المقزز من غير المقزز..
وسيظل محرك وعيكم هو الفارق مابين ثقافتكم القاصرة وما تحاولون الاندماج فيه من مفاجأءات الحضارة.
واعلموا في خاتمة قولي هذا :
إن كل عمل بن ادم جميلُ ُ وخير ولا يقصد الله بالعباد إلا خيرا جميلاً عميما...
وكل شي لم تفمههُ ولم يبلغه علمُـك ولا تصرف فيه عقُـلك فهو امانة من خيرِ بن ادم عندك ..فادِها الى اهلها وانقلها إلى غيرك ..
عسى الله يفتح له بها درب تبصرٍ به فيحصل عندك الثواب..
اسال الله لكم سبل الرشد والتيسير والتدبر..
دكين عشا البايتات
من كتاب
( خريطة.. في طربيظة قديمة) صفحة 7
اجري التعديل برقابة ذاتية لصيقة
|
Post: #2
Title: Re: قراءة جديدة في تضاريس قديمة
Author: عبد الله عقيد
Date: 07-15-2006, 08:25 AM
Parent: #1
يبدو لي يا دكين
أن ما أطلق نحوك من سهام كاد يؤثر فيك
مع أن هدف السهام الواضح لكل مبصر ليس هو ما كتبت
وإنما الهدف هو إثقال خطاك ووضع العثرات لقلمك الذي أخافهم
مستندين إلى مادة لو كتبها غيرك لكابروا في الزعم أنها (محض إبداع).
وأن المبدع له الحق في أن يقول ما لا يقال، وأن يصل إلى مواقع لا يصلها الآخرون.
فالتضاريس.. التي استنكرتها تراجي.. مجسدة (هنا في هذا المكان)
بصورة أكثر جلاء ووقاحة وبجاحة.
ولكنها عن ذلك تعمى، وإن رأته فهي تستحسنه على أنه (محض إبداع).
والتجسيد الذي استنكره بشاشا، مجسد (هنا في هذا المكان)
بشكل سافر..
لكن سمو الأمير الكوشي، يتدثر بالغياب، غير (المبرمج) ليعفي
نفسه من تحمل تبعات كثيرة يفرضها (الحضور).
لا أشك أن بشاشا أراد أن يلهيك ويبعدك عن موقع أو مواقع
سيكون لكلماتك فيها أثر..
وهذا حقه بلا شك، فهي وسيلة للدفاع، وقيل إنه (خير وسيلة).
ولكني أرجو ألا تكون قد فاتت عليك هذه الحيلة.
بل أنا متأكد أنها لم تفت عليك.
فاكتب يا صديقي .. وأبدع.. ودع من يشاء يفهم ما يشاء
ومع ذلك
لا تستغرب إن جئتك (ناقدا)
وما أبغي إلا أن يتحقق التوازن
وأن يعامل كل مبدع بنفس المعايير
كما لا أخفي اقتناعي الشخص بنظريتك التي سقتها هنا
ولك تقديري
|
Post: #3
Title: Re: قراءة جديدة في تضاريس قديمة
Author: DKEEN
Date: 07-15-2006, 06:42 PM
Parent: #1
عقيد سلامات
ماسقته هو فقط لاعزاء اختلط عليهم الامر وظلوا مؤخرا في استفسار دائم ..
اتنا المستغرب ليهو
انو بشاشا ده زول ضحل
ضحل بمعنى ضحل..
يعني لا افكارو مرتبة لا منطقو سليم لا بقدر يحاجج..
مفرتق بطريقة اعجب معها كيف يبذل احدهم مجهودا في الرد عليه..
والله ما بحاول اقلل من شانو ياود عقيد ..
لكن الزول ده بالجد ما عندو شي.. وكلما كتب كلما انكشف جزءا من فراغه..
كيف قدر يخلي الناس تجوط وتجوبق طيلة الفترات الماضية وتخش معاهو في حوارات عن العروبية وماعارف الافريقانية؟؟
ولا ياربي الناس دي كلها ماعندها موضوع؟؟
|
Post: #4
Title: Re: قراءة جديدة في تضاريس قديمة
Author: الخير محمد عوض
Date: 07-15-2006, 07:03 PM
Parent: #3
اخـي دكـين
انا ما بقطـف زهـورك بس بعاين بعـيوني
لكم هـو دفبق بالروعـة والجـمال بسـتانك يا عـزيزي
تجـولته برتقالة برتقالة واتكـأت على ظـل مـرفى امـن
به اسـتنطـق خـصـيب ما جـئت به من بين السـطـور، هـذا
وان الذي نفـسـه بغير جـمال لا يري في الوجـود شـيئا جـميلا
البرتقال يا عـزيزي كمـا الصفاف ينبت في ببشـر جمـيل هـو
اصـلا دعـوة لما يتوجـب ان يكـون من حـياة فضـلي ننشـدها
ولك الحـب.
|
Post: #5
Title: Re: قراءة جديدة في تضاريس قديمة
Author: DKEEN
Date: 07-16-2006, 07:01 AM
Parent: #4
الخير سلامات
وشكرا للمرور الجميل والنظرة الجميلة ..
اسال الله ان يهبك درة في خدرٍ محرز..
يلهمك سرها ومكنونها انوارا وضياءا ..
|
Post: #7
Title: Re: قراءة جديدة في تضاريس قديمة
Author: خالد عبد الله محمود
Date: 07-16-2006, 10:02 AM
Parent: #5
دكين ( الوغد الظريف بتاع البرتكان)
دة كلام شنو دة؟؟؟؟
أنت عايز (تحرمني منك) و لا شنو؟؟؟
بكلم ليك الجماعة.... و قد أعذر من أنذر
التوقيع : وغد جديد
|
Post: #11
Title: Re: قراءة جديدة في تضاريس قديمة
Author: DKEEN
Date: 07-17-2006, 03:15 AM
Parent: #7
خالد عبد الله
| Quote: التوقيع : وغد جديد |
تسعدني دوما الزيادة في كوكبة اوغاد هذا البورد
ما بتعرف لي وردة بالجوار..
طبعا وردة دي عند ناس جنوب فرنسا بتتقال (وغدة)
وشكرا ياوغد
|
Post: #12
Title: Re: قراءة جديدة في تضاريس قديمة
Author: خالد عبد الله محمود
Date: 07-17-2006, 03:30 AM
| Quote: ما بتعرف لي وردة بالجوار.. |
تلقاها عند الغافل
|
Post: #6
Title: Re: قراءة جديدة في تضاريس قديمة
Author: walid taha
Date: 07-16-2006, 07:37 AM
Parent: #1
غريبةوين فيصل نوبي؟!!
|
Post: #8
Title: Re: قراءة جديدة في تضاريس قديمة
Author: فيصل نوبي
Date: 07-16-2006, 03:34 PM
Parent: #6
| Quote: غريبةوين فيصل نوبي؟!! |
قاااااااااااااااااااااااااااااااعد يا وليد 
دكين
تتوقع انهم ممكن يفهموا المنطق ده !!
( وجه مخلوع عيونو مارقة لي بره )
يا فرده ده ما نوع حنكهم و لا فهمهم
كدي شوف امير الكوشة الما داير زول يقراء نوع الكلام ده و ما داير يعرف معني توعية جنسية و لا أدبية ..
اكتب كتابتك و عيش بي اسلوبك يا مان و خلي بتاع العنبلوكات ساكي غنمو
|
Post: #9
Title: Re: قراءة جديدة في تضاريس قديمة
Author: فيصل نوبي
Date: 07-16-2006, 03:44 PM
Parent: #8
| Quote: اجري التعديل برقابة ذاتية لصيقة |
دي براها فهمها داير ليو سنة مع جماعتك ديل
|
Post: #10
Title: Re: قراءة جديدة في تضاريس قديمة
Author: walid taha
Date: 07-17-2006, 01:50 AM
Parent: #9
العنبلوقات
|
Post: #13
Title: Re: قراءة جديدة في تضاريس قديمة
Author: DKEEN
Date: 07-17-2006, 04:33 AM
Parent: #10
ابو رغد سلامات
ياخوي الهلال ده ما ظهر !!
نوبي
تسمِي ام ضراع تفاصيل الادمي الجميلة والتي يصيب الناظر اليها فتوحات جمة بالتضاريس
لا ادري مااصاب هؤلاء النسوة فطفقن يُـخرفن بما لايُـقال..
ترى على اي قياسٍ قالت ما قالت؟؟
|
Post: #14
Title: Re: قراءة جديدة في تضاريس قديمة
Author: walid taha
Date: 07-17-2006, 05:37 AM
Parent: #13
| Quote: ياخوي الهلال ده ما ظهر !! |
طفل ذكى برئ سأل ابوه (أبى أين يذهب سكان القمر عندما يصبح هلالاً)
فيا صديقى سكان القمر جنهم وجن الهلال عشان موسم دين ساااكت
رايك شنو نمشى القمر؟فربما تحظى بلقاء حسناء تكره الاوكسجين تمشى على أربع
كم انت بائس
أمشى
|
Post: #15
Title: Re: قراءة جديدة في تضاريس قديمة
Author: DKEEN
Date: 07-17-2006, 07:27 AM
Parent: #1
وليد ما تحنكنا ياخ :
اي حاجة اي حاجة
|
Post: #16
Title: Re: قراءة جديدة في تضاريس قديمة
Author: حمد فتح الرحمن
Date: 07-17-2006, 07:49 AM
Parent: #15
| Quote: ياخوي الهلال ده ما ظهر !! |
( وجهه نادم )
( و وجهه آخر متاكد ان الحاجة دي ما حتكون قريب )
دكين رايك شنو نسافر شهر 2 السنة الجاية ، اعتقد الجو بكون مناسب بدل كتاحة اليومين ديل . بالمناسبة العرس كان الليلة و فاتك يا فردة .
و الله بكون في جنس حمام .
|
Post: #17
Title: Re: قراءة جديدة في تضاريس قديمة
Author: walid taha
Date: 07-17-2006, 09:18 AM
Parent: #16
| Quote: و الله بكون في جنس حمام . |
عرس ده ولا راكوبة
حمد hamam misi dokasil
..$
|
Post: #19
Title: Re: قراءة جديدة في تضاريس قديمة
Author: حمد فتح الرحمن
Date: 07-17-2006, 09:41 AM
Parent: #17
ابو رقد انتا مش عرستا ؟
تاني مالك و مال الحمام
دي اكواد بيني و بين صاحبي الشديييييييييييييد دا
|
Post: #18
Title: Re: قراءة جديدة في تضاريس قديمة
Author: حمد فتح الرحمن
Date: 07-17-2006, 09:37 AM
Parent: #1
انت يا ابراهيم عطا
ناس نوبي و عجاج يفكوها فيك جاي تطرشا فيني ...عشان لاقيني مسكين ؟ و ما قعد اتكلم ؟
اسه احرشم ليك يجو خاشين يشيلو كبكبتك ديك و افتحو ليك بيها بوست
اسمع يا صينية الباسطة بطل عفاناتك دي و اسكت اقعد ما تعملني موضوع لو ما لاقي موضوع
اسمع عندي ليك عرض : انا جاي الرياض بكرة و عندي ليك برنامج يجنن
و ما تنسي الفابيا بجيب ليك بتاعة المدينة بي تمنية بس و لقيت ليك واسطة في الجمارك يطلعا ليك بي خمسة بس و الخمسة زاتا اقسط مدتا سنة
و بشتري ديونك الهالكة الهنا دي بي نفس قيمتا و لما تمشي السودان اول ما تفلس بحول ليك
احسن ليك اقبل عرض اخوك و ما تبيعو بي عرض الدنيا الزايل ...
اخوك البحمل فسوك
يا اب خشما محلوج
|
Post: #20
Title: Re: قراءة جديدة في تضاريس قديمة
Author: DKEEN
Date: 07-17-2006, 11:25 AM
Parent: #18
حمد الطرشة
ياتو عرس الكان اليليلة
انتاياخوي سحلبتا ؟؟
العرس يوم 30 ياتوم كروز ياخوي..
انا جاي الرياض بكرة
تعال وانا بعزمك قهوة في( لابوتـــيه) واكرم وفادتك وبوديك الجمعية بتاعتكم تعمل ليهم فيها انك لان ديلون..لانو القصة دي معاي ما بتقسم بي صراحة..
اناياحمد ياخوي
قريت ابتدائي مختلط..
متوسط مختلط..
ثانوي مختلط..
تجي انتا تفكها فينا؟؟
عندك فرصة لحدي اخر اليومك تقدم عروض الرشوة بي برسنتيشن محترفين وبصورة احسن من كده..
انتا عارف اخوك حالج واول ضحكة حاجيب اخري ..
|
Post: #22
Title: Re: قراءة جديدة في تضاريس قديمة
Author: حمد فتح الرحمن
Date: 07-17-2006, 01:00 PM
Parent: #20
Quote: انتاياخوي سحلبتا ؟؟
العرس يوم 30 ياتوم كروز ياخوي.. |
حاج كبكبة اخوي
العرس الليلة دي
و فابيتك دي تاني الا تمشي تقشر بيها في كلتوس
Quote: قريت ابتدائي مختلط..
متوسط مختلط..
ثانوي مختلط.. |
عاز توهمنا انك قريت وين يا بيضة الحصان ؟
و الله دي ياها الطرشة زاتا يا ابراهيم عطا
ممكن الابتدائية هي المرحلة الوحيدة القريتا مختلط في كلتوس مع بنوت يشركو بيهم لي التمساح ما يقبض . لكن تاني ما شايف ليك اختلاط بي كبكبتك دي يا ابو يوسف .
|
Post: #23
Title: Re: قراءة جديدة في تضاريس قديمة
Author: DKEEN
Date: 08-29-2006, 05:41 PM
Parent: #1
يقول اهلي :
البيت المافيهو نخلة زي البيت الفي السهلة..
اها..
بت بلا برتقان مافي فرق بينها وبين حمد فتح الرحمن..
حمد برضو مابطال بالمناسبة..
|
Post: #24
Title: Re: قراءة جديدة في تضاريس قديمة
Author: حمد فتح الرحمن
Date: 08-30-2006, 03:03 AM
Parent: #1
استغفر الله
حالة متاخرة خالص خالص
قوم
قوم سافر سريع
حاجاتك بنلحقك ليها هناك
بس انتا الحق رقبتك الزي رقبة الديك اب رقباني
قبل ما تقع تكسرا بي حالتك دي
وغد سافل
|
Post: #25
Title: Re: قراءة جديدة في تضاريس قديمة
Author: فيصل نوبي
Date: 08-30-2006, 03:31 AM
Parent: #1
حمد و آبدول
خلاس ..
لموها ..
|
Post: #26
Title: Re: قراءة جديدة في تضاريس قديمة
Author: DKEEN
Date: 10-04-2006, 12:51 PM
Parent: #1
حبيب نورة
سامبل للانسان الجميل..
حمد كروز
لكن والله عافي منها
طلعتك اي كلام .. وضربت بي فكة روحك عرض حائط القولد الثانوية..
صدقني ياحمد
انتا فوتا عرض ما حتلقاهو في حياتك دي...
ولا في حياة تانية..
|
Post: #27
Title: Re: قراءة جديدة في تضاريس قديمة
Author: تولوس
Date: 10-04-2006, 01:37 PM
Parent: #26
ياخي انت رجل جميل وقلمك لا يخط الا خطوط الجمال ...
لا عليك ياخي اكتب واكتب فان للناس احساس بجمال الروح والاشياء ولا يكره الجمال الا الشنينيين...
|
Post: #28
Title: Re: قراءة جديدة في تضاريس قديمة
Author: حاتم الياس
Date: 10-04-2006, 02:12 PM
Parent: #27
اللغة مرات عندها حد..بعض الكتابات تشكيل ورسم فى مهابط روح لايعلم سرائرها الا الخالق وحده وأنت حتى الشهقات تلونها..وتعجبنى فى كتاباتك خبرة ود الحله..
بلانضم ..ومثل مريد لفحته عطور الضريح وهو شايل نعلاتو داخل..سلام
|
Post: #31
Title: Re: قراءة جديدة في تضاريس قديمة
Author: DKEEN
Date: 10-12-2006, 07:36 PM
Parent: #28
اخونا حاتم الياس
انما هي محاولات لتبرئة النفس في ساحات الادميين الذين لايبصرون إلا الجسد ..
الناس دي بقت بس تشوف دكين تتحسس اماكن بعينها..
اوغاد ..
غفر الله لهم..
كرتك اب ميزان داك لسع معاي..
ودمتا حبوب ..
|
Post: #30
Title: Re: قراءة جديدة في تضاريس قديمة
Author: DKEEN
Date: 10-12-2006, 07:27 PM
Parent: #27
| Quote: لا عليك ياخي اكتب واكتب فان للناس احساس بجمال الروح والاشياء ولا يكره الجمال الا الشنينيين |
فريد عبد الوهاب
بالرغم من الصدق في حديثك بس بالعكس انحنا اكتر ناس بنحب الجمال ..
تعرف ياتولوس
لامن تعرف من تمنيت ان تعرفهم ..تاني مابهمك زول..
|
Post: #29
Title: Re: قراءة جديدة في تضاريس قديمة
Author: الطاهر ساتي
Date: 10-12-2006, 01:51 PM
Parent: #1
فوق .. وبس
|
Post: #32
Title: Re: قراءة جديدة في تضاريس قديمة
Author: DKEEN
Date: 10-13-2006, 07:33 AM
Parent: #29
الطاهر امبس
الهي ادو باركي..
دوقورِكر بلاي
|
Post: #33
Title: Re: قراءة جديدة في تضاريس قديمة
Author: رشا سالم
Date: 10-13-2006, 01:50 PM
Parent: #32
دكين الما وغد..
Quote: اعلموا ان الانسان في الاصل كائنُ ُ جميلُ ُ، مبدع..
تغشـته غوائلُ التيهِ والجهلِ والبلايا فحاد عن طريقِ الجمال وضل إلى الإبداع سبيلا..
فصار إلى ماصار إليه اليوم مشتت الذهنِِ، حائرُ العقلِِ مشغولُ ُ بالاستدراجِ في الدنيا عن مشاهدة الحقِ بالنعيم الآجل..
|
والله كلامك ده يفتشوا ليهو في اقلد كتاب ما يتلقي..
( اقلد من قليد اي كبير ومكلبظ)
|
Post: #34
Title: Re: قراءة جديدة في تضاريس قديمة
Author: تولوس
Date: 10-13-2006, 03:16 PM
Parent: #33
سلام يا دكتورة
هسة يقوم يصدق
وغد وكمان شين
|
Post: #37
Title: Re: قراءة جديدة في تضاريس قديمة
Author: DKEEN
Date: 10-14-2006, 09:01 AM
Parent: #34
تولوس
مع حديث الدكتورة..
كلامك بندق في بحر ساي..
انا من بتين بشتغل بي كلام الضكور؟؟
قِـــم بس قم...
|
Post: #35
Title: Re: قراءة جديدة في تضاريس قديمة
Author: DKEEN
Date: 10-13-2006, 07:05 PM
Parent: #33
الاخت د. رشا
بلاي كلامك ده قوليهو لي الوغد تولوس ومن والاه..
الناس دي حاقرة بي كوني فقيرا معدما استجدي الجكس..
الله يسلمك ومرورك سرني ..
|
Post: #36
Title: Re: قراءة جديدة في تضاريس قديمة
Author: حمد فتح الرحمن
Date: 10-14-2006, 07:07 AM
Parent: #1
Quote: صدقني ياحمد
انتا فوتا عرض ما حتلقاهو في حياتك دي... |
اسمع ... آخر عرض بتاع اليوم داك قايم و لّّا راحت علينا ؟
| Quote: ولا في حياة تانية.. |
دي اتفقنا فيها خلاص
حنتلاقي في الجنة 
|
Post: #38
Title: Re: قراءة جديدة في تضاريس قديمة
Author: DKEEN
Date: 10-14-2006, 07:55 PM
Parent: #36
| Quote: اسمع ... آخر عرض بتاع اليوم داك قايم و لّّا راحت علينا ؟ |
نحنا يحمد بنعرض في فسفس؟؟؟
انا جيتاليك الخير لحدي عندك وانتا غطستا في الكرسي بكل هملة ..تقول بيت ابوك؟؟
تاني ياحبيب تلقاها عند الغافل
بس ممكن نراجع المسالة لوحنستني..
حنسني..
*******************************************************************
Quote: دي اتفقنا فيها خلاص
حنتلاقي في الجنة |
الجنةدي سلوم تلاقي فيها منو ولا منو ؟؟
انتو كلكم البت دي قات ليكم الجنة؟؟
سمح انتظروها كان بتجيكم..
|
Post: #39
Title: Re: قراءة جديدة في تضاريس قديمة
Author: حمد فتح الرحمن
Date: 10-15-2006, 03:37 AM
Parent: #38
Quote: الجنةدي سلوم تلاقي فيها منو ولا منو ؟؟
انتو كلكم البت دي قات ليكم الجنة؟؟
سمح انتظروها كان بتجيكم.. |
لا لا الزولة دي بدت الصلاة خلاص و صايمة صيام فلاتة ، باقي ليها الحج بس
و على الجنة عدل
كمان رسايلا بقت كلها من النوع المكتوب في اخرو
( من نشر هذه الرسالة له اجرها و اجر من عمل بها الي يوم القيامة )
يا حبه الجنة دي كانت اقتراحي في البداية عشان كدا حتلاقيني اول
و بعدها نشوف حكاية باقي الشباب دي
بعدين دي جنة ، جنة عرضها السماوات و الارض الناس دي شفقانة مالا ؟
اما عن تحانيسك فهي هينة يا حبيب
ديتك مشوار لي حراج الشفا
الكلام تحانيسا هي
|
Post: #40
Title: Re: قراءة جديدة في تضاريس قديمة
Author: DKEEN
Date: 10-15-2006, 09:02 AM
Parent: #39
| Quote: يا حبه الجنة دي كانت اقتراحي في البداية |
انا والله كنتا قايل الجنة دي إقتراح الهي...
موش قتا ليك ياحمد انتا فكتك في روحك فاتت الحد الائتماني للفكة...
|
Post: #41
Title: Re: قراءة جديدة في تضاريس قديمة
Author: Ibrahim Algrefwi
Date: 10-15-2006, 09:47 AM
Parent: #1
الاخ البك بانسر : دكين ، علي وزنة البك بووس ...
سلامي يغشاك طيف مابك من صبابا...
لغتك سمحة ، تشهي الكتابة ، وتضاريسك مغرية بالتامل ...
انا شائفك من زمن ، وبحبك ، يامجنون ...
|
Post: #43
Title: Re: قراءة جديدة في تضاريس قديمة
Author: DKEEN
Date: 10-15-2006, 07:34 PM
Parent: #41
جريفاوي
محبتك لينا في الخواتيم مقدرة ..
بنردها ليك بمحبة زايدة عليها..
طريناك بالخير انا والسيد نابري رد الله غربة محبوبتة من جنوب شرق الارض..
تاني مرة ياخي لامن تحبنا قول لينا ..
مش تنتظر وتجينا بعد نقنع من محبة السمحين...
|
Post: #42
Title: Re: قراءة جديدة في تضاريس قديمة
Author: حمد فتح الرحمن
Date: 10-15-2006, 05:28 PM
Parent: #1
| Quote: انا جيتاليك الخير لحدي عندك وانتا غطستا في الكرسي بكل هملة ..تقول بيت ابوك؟؟ |
انت عارف انا يا داب اتجاوزت تداعيات الصدمة الحضارية بتاعة الكرسي دا قبل ستة ايام
و بديت استوعب الكان حاصل شنو
اسمع يا اخو ...
زيادة في التحانيس و كدا رايك شنو في زيارة للمدينة
و الله ما خسارة فيها
من ناحية تانية
في مسالة الجنة دي
رايك شنو تخش انت زاتك معانا
ممكن نشوف ليك اُختا لزم و الله
بنحاول ندخلا ليك معانا
بس يلزمك شوية رضا والدين
و القليل من رضا الجيران كمان
|
Post: #44
Title: Re: قراءة جديدة في تضاريس قديمة
Author: تولوس
Date: 10-15-2006, 07:50 PM
Parent: #42
Quote: بس يلزمك شوية رضا والدين
و القليل من رضا الجيران كمان |
حمدعساك بخير ياالحبيب
خوينا من ناحية رضا الوالدين متوفر والحمد لله من قبل ومن بعد
ورضا الجيران ولله الحمد ماعليه زود ... عاد ياطويل العمر باقي لينا رضي الحبان والله المستعان
|
Post: #45
Title: Re: قراءة جديدة في تضاريس قديمة
Author: DKEEN
Date: 10-15-2006, 08:22 PM
Parent: #42
| Quote: زيادة في التحانيس و كدا رايك شنو في زيارة للمدينة |
دي رشوة مُقيمة ..
انما الخير العميم في ديار رسول الله..
وإن جيت بي فجرك ده اخوك حاضر تب..
وليك علي اعرس ليك ايرانية من نهاوند..
|
Post: #46
Title: Re: قراءة جديدة في تضاريس قديمة
Author: حمد فتح الرحمن
Date: 10-16-2006, 03:47 AM
Parent: #45
| Quote: وليك علي اعرس ليك ايرانية من نهاوند.. |
ما داير ايرانية
داير سوادنية
تولوس قريب جلال صاحبي
انا عايز من زولنا دا رضا الجيران بس
لو نال رضا جيرانو
اعرف انو دخلنا جنتين
جنة في الدنيا و جنة عرضها السموات و الارض
|
Post: #47
Title: Re: قراءة جديدة في تضاريس قديمة
Author: Bakhaf
Date: 10-16-2006, 04:07 AM
Parent: #46
هل يعقل انو بكري ابوبكر في يوم من الايام رفدك ..!!!!!
ياخ انت جن مصرم
وكتاااااااااااااااااااااب للدين
الغريبة اصحاب الديباجات الجاهزة مصنفنك ضلامي .!!!!!
وهو النور كيفنه ما عارف ..!!!!!
ضلاميين هم ... وضلاميه بصيرتهم
نعني هسع دكين ضلامي .. وتراجي مستنيره .. وبشاشا كاتب عظيم ومطهراتي درجه اولى
كان كده انا خفاش لا يعيش الا في ضلام زي ضلام دكين ده
|
Post: #48
Title: Re: قراءة جديدة في تضاريس قديمة
Author: DKEEN
Date: 10-16-2006, 07:56 PM
Parent: #47
الجميل بخاف
هي رفدية واحدة؟؟
بس ابو بيان راجل حبوب واخو اخوان
وندين ليهو بالكثير من المعارف الطيبة
على الاقل تعرفنا من خلال الحوش حقو على احبة افاضل
وعندو علينا حق الونسة المجانية
والمتعة المجانية
والجكيس المجاني
والفضفضة باحوال سناء
ندين له بهذه الجمايل ..ونتمنى لهو فيض سعادات..
بالمناسبة يا بخاف هاك اقرا:
Quote: gool leho fi Dakeenia mu3jaba
(معجبة بس مامكسرة )
قالت ليك إنت زول so very intelligent وضكران ومدهش وضلامي السرور .. وقول ليهو كان ما معرس يلحقك الله حاتم الياس قبايل العيد دي يا رب إنت والوغد دكين الضلامي
I am just joking ma tgool leho aaaiiii shii... بس عجبني كلامو دا شديد |
البنية قات ليك ضكرااااااااااااااااااااااان ومدهش وضلامي السرور ضمن ماقالت
يعني بالهيروغليفي كده يامان : مكسرة فيك
وجاك الجن المصرم الانتا جبتا سيرتو.. شد حيلك يامان الجاتك في قلبك سامحتك
|
Post: #49
Title: Re: قراءة جديدة في تضاريس قديمة
Author: Bakhaf
Date: 10-17-2006, 03:33 AM
Parent: #48
دكين المتين
نعني هسع يا دكين .. انفع انضم لي نادي النوار واحواله ... بعد الغزل العفيف الفوق ده
قول للبنيه الجميلة دي
شكرا كتير .. وكتر خيرك
وشكرا يا زوق
قلت لي مكسرة فيني ...
هاهاهاهاهاها
الله يجازي محنك
ده حالتو ما رفعنا صورتنا هنا
هاهاهاهاهاهاهاهاهاهاهاها
بخصوص ابو بيان ( ابو صلعة )
والله ربنا يعينه
بتخيل لي سودانيز اون لاين دي ادارتها اصعب من ادارة سودانيز اون قراوند
شكرا يا حلو
ليك
وللدكيناويه الظريفة
|
|