Post: #1
Title: راي فيما يرى النـــائم (احوال تمـــبس)
Author: DKEEN
Date: 09-04-2006, 05:25 PM
Parent: #0
ايها الناس
كنت مع العزيز وليد طه قبل سويعات
وبينما نحن نتحدث في امور الامة وهم الرعية ومظالم الخلق ...
فإذا به سهى ورفع راسه الى السماء ورمى اشارة يمين وكان يقود دابته الكريسيدا وقال لي :
افلا احدثك امرا تنقله عني الى اخونا تمبس..
فقلت : قل وانا بنقله زعيم ..
فنظر لي ثم قال:
(امس شفتا في المنام انو انا بضبح تمبس)
نظرت اليه جليا وقلت: اعد ماقلته فوالله ان ارسالك قد ضل الىّ السبيل..
فقال لي بصوت واضح جلي فصيح البيان:
( قد رايت في المنام اني اذبح تمبس)
طبعاالضحك شرطني جوة العربية..وكانت معنا الانسة رغد حفظها الله وجعلها من الصالحات ..
هذا ماجرى ورغد شاهدة..
اما وقد وعدته بان ابلغك يا تمبس فهانذا انقل اليك رؤيته...
فانظر ماذا ترى ياتمبس؟؟
|
Post: #2
Title: Re: راي فيما يرى النـــائم (احوال تمـــبس)
Author: ود الباوقة
Date: 09-04-2006, 05:36 PM
Parent: #1
وبينما نحن نتحدث في امور الامة وهم الرعية ومظالم الخلق ...
 : D
ود الباوقة
|
Post: #3
Title: Re: راي فيما يرى النـــائم (احوال تمـــبس)
Author: تولوس
Date: 09-04-2006, 05:38 PM
Parent: #1
| Quote: والله وحدو بينا البرحونا وراحو شالو من وادينا بهجتو وافراحو |
صدق انا رايت نفسي في المنام اغني بهذه الاغنيةالشجية الحزينة وقلبي يتقطع ...
وصحوت وقلت في نفسي يجب ان اتفحص قلبي وساكنيه لعل احدهم مغادر ..او يوجد تهديد حقيقي من احدهم وخاصة من اشتكوااخيرا من وجع في قلبهم وهم من اكبر مهددات العشق المنبري
اللهم اجعله خير
|
Post: #20
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:30 PM
تولوس توي
ياخوي انحنا الاحلام الرومانتك دي بطلناها زماااااااااااااااااااااان
الفلس وضيق ذات اليد بقت مامديانا فرقة نحلم احلامك المترفة دي..
هنا عندنا سواطير ومضحى..
هسي رايك شنو تمبس ده نبعيو ليكم بعدين بالكليو ولا بي الرطل ؟؟
|
Post: #4
Title: Re: راي فيما يرى النـــائم (احوال تمـــبس)
Author: معتصم دفع الله
Date: 09-04-2006, 05:47 PM
Parent: #1
Quote: اما وقد وعدته بان ابلغك يا تمبس فهانذا انقل اليك رؤيته...
فانظر ماذا ترى ياتمبس؟؟ |
يا وغد دا بكون تدبيرك إنت ..
والله المنطقة مأمنة ومحروسة ..
أي حركة نضرب في المليان طوالي ..
بيان هام :
إلى جماهير شعبنا في المنتدى ..
نهيب منكم النفرة ضد المدعو دكين ..
وهو يحشد كل جيوشه في "الصحو أو في عز المنام" ..
وأننا سنضرب بيدٍ من حديد كل من تسول له نفسه أن يحلم بمثل هذه الأحلام ..
وإنت يا وليد من يوم ما تابعت هذه الوغد صار أمرك يحير ..
أحلامك زاتو بقت مزعجة ..
وأعلم يا دكين بأننا في الشدةِ بأس يتجلى ..
وسكينا دق ود أب ضلع بس ..
أبقى مارق وتعال ناحية المضارب ..
اللهم هل بلغت ..
اللهم فأشهد ..
|
Post: #21
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:40 PM
Parent: #4
يامووووووووووووووووو
دي يا معتصم رؤية صالحين..
حاول اتصالح مع اي شي بجي من الدناقلة ديل..
عترة صالحين ..
وقد استبدلنا تمبساً بنص تيس من مطعم المندي البخاري ..
بس على حسابك يا مان..
|
Post: #5
Title: Re: راي فيما يرى النـــائم (احوال تمـــبس)
Author: DKEEN
Date: 09-04-2006, 06:13 PM
Parent: #1
الريس ود الباوقة
انتا بالذات مفروض تصدق هذا الحدث ..
الم يخبرك عدي باننا كنا هناك؟؟
اها جيناك عشان تفسر لينا الحلم ده..
طبعا مالقينا زول واصل غيرك في بورداب الرياض ديل..
البقية ياحركة شعبية يا حزب امة,,
ايمانهم ضعيف وانتا عارف..
وددنا لو وجدناك ..لكن عدي قام بالواجب ..
مودتي ياحبيب ودمتا رايق انتا والاسرة الكريمة
|
Post: #13
Title: Re: راي فيما يرى النـــائم (احوال تمـــبس)
Author: ود الباوقة
Date: 09-05-2006, 05:48 AM
Parent: #5
| Quote: الم يخبرك عدي باننا كنا هناك؟؟ |
نعم .. جليتو مني بي شوية ...
| Quote: اها جيناك عشان تفسر لينا الحلم ده.. |
حلمكم دا تمشوا بيهو عديل للاخ عبد الرازق الطالب .. انا تخصصي تفسير احلام اليقظة ..
اظهروا مرة تانية ...
ود الباوقة
|
Post: #6
Title: Re: راي فيما يرى النـــائم (احوال تمـــبس)
Author: DKEEN
Date: 09-04-2006, 06:22 PM
Parent: #1
تمبس
طبعا اخوك عايز السيديهات الشطة النادرة وكده..
البدلتين ممكن تديها لي معتصم ..
الروايات والرسائل وشنطة الذكريات لي رشا سالم
السفنجة ممكن نرسلها لي لؤي في جدة..
التي شيرت الكت نديهو لي حميدة ..
الجزمة الاسبانية ديك لي ود الشيخ..
جلابتك السكروتة ديك نخليها وقف لي الحركة الشعبية ونختها في بيت ناس طارق نقد..
السبحة نديها لي ود الموج يمكن ربنا يهديهو..
او ممكن تفدي نفسك بي كبش اقرن املح
وفي الحالة دي لانستغني عن حنين ..
|
Post: #7
Title: Re: راي فيما يرى النـــائم (احوال تمـــبس)
Author: حيدر حسن ميرغني
Date: 09-04-2006, 09:35 PM
Parent: #6
تمبس
ماتعمل نايم
قل ما قاله نبينا إسماعيل لوالده إبراهيم عليه السلام حين حكى له الرؤية
المشكلة إنو عيد الاضحى لسع بعيد
مخارجات مافي
|
Post: #8
Title: Re: راي فيما يرى النـــائم (احوال تمـــبس)
Author: doma
Date: 09-05-2006, 00:01 AM
Parent: #7
Quote: ياحركة شعبية يا حزب امة,,
ايمانهم ضعيف وانتا عارف |
لووووووووووووول
|
Post: #23
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:46 PM
Parent: #8
دومة العزيزة
مكن نفتدي تمبس ده بي مية جنيه صيني حنيه ينطح جنيه..
تدفعي ولا نرسلو ليكي بفتيك..
|
Post: #22
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:42 PM
Parent: #7
Quote: تمبس
ماتعمل نايم
قل ما قاله نبينا إسماعيل لوالده إبراهيم عليه السلام حين حكى له الرؤية
المشكلة إنو عيد الاضحى لسع بعيد
مخارجات مافي |
حيدر حسن سلامات
يدينا بس مية ريال ونحنا بنغير الحلم لي زول تاني ..
|
Post: #9
Title: Re: راي فيما يرى النـــائم (احوال تمـــبس)
Author: حمزاوي
Date: 09-05-2006, 02:05 AM
Parent: #1
دكين
الفقري
| Quote: طبعاالضحك شرطني جوة العربية |
يا الأخو
انت عندك بواسير
الزلمي . . ممحون
أما بخصوص الحلم
فالاخ وليد طه لا يحلم
لانه ما قاعد ينوم
|
Post: #10
Title: Re: راي فيما يرى النـــائم (احوال تمـــبس)
Author: Mohamed Abdelgaleel
Date: 09-05-2006, 03:45 AM
Parent: #9
دكين .. سلام .. بعد الذهاب لأحد المتخصصين
في تفسير الأحلام بالدليل والبيان أفاد
بما يلي:
من آلت إليه سبحة المحلوم بذبحه هو المذبوح
وبالتالي فالمذبوح سيكون صديق الموج
والذبح كما تعلم يا شيخنا دكين ذبحان ..
ذبح بالسكين تقطع فيه شرايين الرقبة الرئيسية
وده طبعاً صديق ما بقيف ليهو .. وآخر كالذي مارسه
صديق بفتح بوستات كثيرة في محاولة إبعاد الخال
حمزاوي عن الخؤولة.
وإن كان ما أوردناهو صحيحاً .. فيؤسفني أن أقول
أن القائمين بالإهتمام بشؤون الرعية يحلمان
بغير همومها ويذبحان تمبس الذي نعده من
الصالحين.
|
Post: #25
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:53 PM
Parent: #10
محمد عبد الجليل
حرم انا حقو تعملو لي تمثال في الصالحية..
يا قبة ..
|
Post: #24
Title: Re: راي فيما يرى النـــائم (احوال تمـــبس)
Author: DKEEN
Date: 09-07-2006, 08:49 PM
Parent: #9
الخال همزاوي
بواسير يعني شنو؟؟
انحنا حرم من شدة ما رجال ماعندنا هناي ذاتو...
|
Post: #11
Title: Re: راي فيما يرى النـــائم (احوال تمـــبس)
Author: عمر الفاروق
Date: 09-05-2006, 04:10 AM
Parent: #1
| Quote: فانظر ماذا ترى ياتمبس؟؟ |
المسطول شاف ليك الجماعة بيتخاطفوا اللحمة في عيد الضحية عاين ليهم كده وقال:
والله سيدنا إبراهيم لو عارفكم بتعملوا جنس الحركات دي كان عملا مرطبات ..
|
Post: #26
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 03:48 AM
Parent: #11
عمر
هوووووووي ابقى عشرة على رقبتك ...
الهظار في الحاجات دي بقى يودي التوج..
|
Post: #12
Title: Re: راي فيما يرى النـــائم (احوال تمـــبس)
Author: tmbis
Date: 09-05-2006, 05:47 AM
Parent: #1
Quote: وكانت معنا الانسة رغد حفظها الله وجعلها من الصالحات ..
هذا ماجرى ورغد شاهدة.. |
بلاي الأنسة رغـــد شاهدة على الكلام ده .. واللحظة ديك ما قالت ( سجمي ـ يا ووب علي ) يا اي حركات من الحركات دي ؟؟
أهون عليك يا رغــد ؟؟
انضبح قدامك كــده .. وتستخسري فيني ( كــر علي .. وسجم خشمي ) ؟؟
..
أمــا بعد
فيا معشر البورداب ( باك اسلاش ) بورداب الرياض هذا كتاب دكين بين ناظريكم .. ونوايــا زميلكم الهالك وليد طــه وما يحيك عني في فارهته الكريسيدا ذات اللون الأبيض موديل كم وتمنين ذات الدفع الأمامي .. وما انا إلا عبد فقير ابتهل لمولاي عز وجل دابر كل صـــلاة أن يقضى حاجاتي وتحت تحت يرزقني ببت حلال هدية رضية عندهــا عيونه كبار وعندها( شامة ) تحت حاجب عينه الشمال ، تقدس الحياة الزوجية مستنيرة ذات وجه صبوح .. لو نظرت لها اسرتني وكفتني عنت السؤال ولو ابتسمت يا ديييني بس خلوهــا ساكت ..
ولمــا انحصر محــور مزازاتنا في دروب وحواري الجرادية ( جمب ) اسواق بن دايل وجوار بيت ناس مصدق حسين .. ( حس ) أخوكم دكين بالخطر القادم وتحسس مكامن الريد في داخلــه وهو ذو احساس لا يقل حساسية عن مقياس ريختر في رصده . وما ( سناء ) في البوست المجاور ببعيدة عن مطالعكم ـ ولا من ذكر فيما ذكر من قبل في سير الحسان بالمين رود .. والكدرو .. والكلاكلة بغائبات عن سيرفر سودانيز اون لاين دوت كوم .. وما امتدت يد بكري ابوبكر للباندودث .. حاذفه
أقول واناالعبد المتوكل على الله دائم السجود له شاكرا .. ومصليا علي خير الخلق المصطفي ..
أقول أن ما ساقه دكين من حلم ما هو إلا عكس لنواياهـ وما يحسه .. وما يسوقه بعض العباد من تفريق بين الواحد ومشروع الجكس الجديد بتاعو .. فدكين ما ساقه من رؤية عن الهالك وليد طــه ما هو إلا من صميم امنياته انا عارف وليد طـه ما بقول كلام زي .. دهـ .. وليد طه كان قال كلام زي ده .. رغد دي إلا تواصل تعليمه .. يا يغطي قدحــو بي حمد فتح الرحمن اربعمية متر ونيف خارج صحراء نــجد ومضاربها ..
هذا كتابي بيمينكم .. وكان حصلت لي حاجة في مقبل الأيام أو لحدي تاريخ استلام الراتب الجاي من الشهر المنصرم فاعلموا ان النحاس سيدق في سهول البطانة ، واولاد عمي ح ينجلدو ويتباطنو من العالياب لحدي ما يصلو الكلاكلة اللفــة .. على انغام ( سبرانو) زغاريد خالاتي .. كان وصلو الكلاكلة ما بيفرقو بين دكين وطارق نقد وبيت ناس حمزاوي الناصية ..
دكين حق الدية ما عندك .. عايز تضبحني في صمة خشمي ؟؟
انا لسة ما عرست زي ( اساسي ) عايز تضبحني ؟؟
|
Post: #27
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 05:28 AM
Parent: #12
تامبا
البشارةالبشارة...
بقيت تجي في احلام الصالحين ياحبيب..
من زمان وان عندي حسس عميق بانو فقرتك دي منذورة لي تضحيات من اجل الامة..
| Quote: يرزقني ببت حلال هدية رضية عندهــا عيونه كبار وعندها( شامة ) تحت حاجب عينه الشمال ، تقدس الحياة الزوجية مستنيرة ذات وجه صبوح .. لو نظرت لها اسرتني وكفتني عنت السؤال ولو ابتسمت يا ديييني بس خلوهــا ساكت .. |
دي حرم تلقاها مع العنقاء والخل الوفي ؟؟
تمبس اخوي
كن واقعيا وماتقعد تفتش في العروس كتير..
وامسك لي اقطع ليك..
ان خيرا فخير وان شر فرجعها بيت امها ولا تلوم نفسك فالعمر لم يعد فيه متسعا للبحث والتقصي
وتحري الصالحات..
المشى من العمر يا حبيب ما قدر الجاي..
كلها 20 سنة الباقية للاستمتاع بالدنيا...
ال20 سنة فيها المتع كلها : مرتك واصحابك وبر والدينك ورحلاتك وسماع المديح والتلذذ بي تلاوة القران وتعليم البنية كيف تقول (يابا) وحلاقةالدقن وكوي القمصان والباقيات الصالحات ..
لو راحت تاني منهم شهرين انتا خسران ..
يا تخصمهم من زمن الحلاقة يا تخصمهم من زمن المرة..
| Quote: وعندها( شامة ) تحت حاجب عينه الشمال |
ده هسي محل تتمنى فيهو شامة في ذمتك يا غشيم؟؟
قول تحت النخرة ...تحت الشفة الشمال...تحت عبد الحليم ..
شامة تحت الحواجب دي تعضيعا كيف هسي؟؟
لوعوقتها هناك تاني إلا تركب ليها وش جديد..
|
Post: #14
Title: Re: راي فيما يرى النـــائم (احوال تمـــبس)
Author: الطاهر ساتي
Date: 09-05-2006, 06:57 AM
Parent: #1
| Quote: وبينما نحن نتحدث في امور الامة وهم الرعية ومظالم الخلق ... |
ثم ماذا يا امير المؤمنين ..؟؟
|
Post: #15
Title: Re: راي فيما يرى النـــائم (احوال تمـــبس)
Author: انعام عبد الحفيظ
Date: 09-05-2006, 07:07 AM
Parent: #14
| Quote: انا لسة ما عرست زي ( اساسي ) عايز تضبحني ؟؟ |
جرس شديده
الله يعرس ليك يا تمبس
|
Post: #18
Title: Re: راي فيما يرى النـــائم (احوال تمـــبس)
Author: عمران حسن صالح
Date: 09-05-2006, 01:55 PM
Parent: #15
|
Post: #29
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 06:52 AM
Parent: #18
الطاهر ساتي
سلامات يا رايق وعساك طيب..
بلاي لامن تعمل ليك ليك جريدة قريب ما تنسى اخوك في طاقم التحرير..
انعام عبدالحفيظ
تمبس ده شوية كده ويعرس ..
خليكي قريبة بي صحن الحنة..
ابوحمودي
تضحك؟؟؟
|
Post: #36
Title: Re: راي فيما يرى النـــائم (احوال تمـــبس)
Author: انعام عبد الحفيظ
Date: 09-10-2006, 04:11 AM
Parent: #29
Quote: انعام عبدالحفيظ
تمبس ده شوية كده ويعرس ..
خليكي قريبة بي صحن الحنة..
|
غايتو انا كان على جهزت ليهو صحن الحنة
بس اتفقوا في موضوع رغد دا
|
Post: #16
Title: Re: راي فيما يرى النـــائم (احوال تمـــبس)
Author: حمد فتح الرحمن
Date: 09-05-2006, 01:39 PM
Parent: #1
اقول ليك حاجة بالجد و الله يا تمبس
شفتا لغاية اول امبارحات القريبة دي وليد طه دا ما شاف رغد صاحية ساكت خليك من تبقي شاهدة لي مناماتم الخارم بارم دي .
المهم
شوف يا اخوي ...
هلا هلا الله علي الجد
و الجد هلا هلا عليه ...
رغوده دي نحنا ما بنابها
لكن كمان البورة ما بندورا ليها
صراحة هي لما عمها دكين سألا قالت ما بترجاني عايزة تخلص الثانوي و تشوف ليها عريس جاهز و بالحنك دا تكون جلت اخوك من لستتا .
الكلام دا كلام دكين ما عارفو حقيقة و لا عاز يوزعني ، عموما انت عارف زمة ابو الديكـ هي و المواطن عند الحكومة كهاتين ( و اشار بسبابتيه ) ، بالجد بالجد انا شاكي انو يكون خاتيها لي مزمل عشان كدا فكا فيني المكنة دي .
بيني و بينك كدا يا معلم
الفيك اتعرفت و الله
ملبك لي بالجكس الملبن كلو و جاي تقول لي حمد يجي من الخبر يغتي القدح ...
تاكل لي في الدمعة سااااااااااكت
اوع القراريص الحارة دي تخنقك بس
|
Post: #17
Title: Re: راي فيما يرى النـــائم (احوال تمـــبس)
Author: بهاء بكري
Date: 09-05-2006, 01:51 PM
Parent: #1
الممسوخ دكين ... نويت علي ولدنا ولاشنو
|
Post: #19
Title: Re: راي فيما يرى النـــائم (احوال تمـــبس)
Author: حمد فتح الرحمن
Date: 09-05-2006, 05:20 PM
Parent: #1
اسمع ياخ
اسه انا قاعد افكر في كلامك دا !!
من المغرب ...
بصراحة اخوك جلكن
لقيت نفسي انا زاتي قدح و عايز اليغتيهو
عندك لي غوتا ؟
ولّا اتوكل و اتسلح بالعلم ؟؟
و لّا اصوم و الاجر علي الله ؟؟؟
ياخ لو لقينا لينا بطانية جلد نمر ما بطال
ولّا حتي جلد خروف
اشا الله جلد دكين دا زاتو
ولّا اكلم ليك همزاوي خالي يديك شاكوش و ينزلني محلك
الي مي همزاوي انقي
|
Post: #28
Title: Re: راي فيما يرى النـــائم (احوال تمـــبس)
Author: مصدق مصطفى حسين
Date: 09-08-2006, 06:05 AM
Parent: #1
أيها الممسوخ دكيــنا
| Quote: وقد استبدلنا تمبساً بنص تيس من مطعم المندي البخاري .. |
هنا مربط ( الحلم الكابوس ) و إنكشفت خطتك اللئيمه 
|
Post: #30
Title: Re: راي فيما يرى النـــائم (احوال تمـــبس)
Author: Emad Abdulla
Date: 09-08-2006, 07:12 AM
Parent: #28
أمبانن تود ..
| Quote: ( قد رايت في المنام اني اذبح تمبس) |
.. أُورمود أيقي جابيكون .
مِندى ؟؟؟ 
|
Post: #31
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 07:13 AM
Parent: #1
حمد امبس
امس رغد دي كانو مسرحين ليها تسريحة اسمها (لاباش كيري)
بكون فيها الشعر على شكل قمبورين اعلى الراس..
كانت زي الاميرات ماشاء الله..
اها انا طوالي لامن شفتا الجمال الباذخ ده ..
اخدتا وليد على جنب وقتاليهو :
طبعا انتا عارف ظروف اخوك ..وانو انا من زمان عايزلي هدية رضية ..
وانوانا عشان اكون نفسي عايزلي كان 17 كان18 سنة تاني..
الوكت داك رغد بتكون بقت عروس..
اها الراي شنو؟؟
عاين لي من فوق لي تحت كده وقال لي :
وانا حالقى احسن من خلقتك دي وين؟؟
(امبل دب منكقي..جاني قليقل)
*********************
من الواضح انو الرؤية بتاعة وليد في المنام حتتحقق
لو اصر تمبس على مسالة انو يجي يخطب رغد دي..
|
Post: #32
Title: Re: راي فيما يرى النـــائم (احوال تمـــبس)
Author: Emad Abdulla
Date: 09-08-2006, 07:19 AM
Parent: #31
تامبا ..
حدد أهدافك بالله ..
.. إنت ( مزنوق ) .. وللا داير تعرس ؟؟
|
Post: #33
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 09:31 AM
Parent: #1
بهاء اب تي شيرت ازرق منفرد
ولدكم فداكم..
مصدق حسين
ابقى ورينا لو في تحركات مريبة جنب بيت الانسة رغد بلاي..
|
Post: #34
Title: Re: راي فيما يرى النـــائم (احوال تمـــبس)
Author: nour tawir
Date: 09-08-2006, 09:44 AM
Parent: #33
بعد الشر على تمبس..
أن شا الله البكرهوه فى الحوش دا..
وماقادرين يفتوه!
..
تعديل لخطأ لغوى..
|
Post: #35
Title: Re: راي فيما يرى النـــائم (احوال تمـــبس)
Author: DKEEN
Date: 09-08-2006, 09:46 AM
Parent: #1
عمدة
لايُــسال الصالحين عن ماهية احلامهم..
كِـتى كوج...
|
Post: #38
Title: Re: راي فيما يرى النـــائم (احوال تمـــبس)
Author: انعام عبد الحفيظ
Date: 09-18-2006, 07:50 AM
Parent: #37
|
|