مُـنجزات اعمـــالِ الصمت (مرسوم بنات الكدرو)

مُـنجزات اعمـــالِ الصمت (مرسوم بنات الكدرو)


12-23-2005, 06:06 AM


  » http://sudaneseonline.com/cgi-bin/sdb/2bb.cgi?seq=msg&board=232&msg=1188116327&rn=0


Post: #1
Title: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-23-2005, 06:06 AM

نفسيات الخلوقِ تشكيلاتٌ مفصلةٌ من لدنِ المنفردِ بصفاتِ الجلالِ والجمال لايعلمها احد غيره..
وما يأتيك من مخلوقات الله فقد آتاك الله له ..
ومالم يأتك منهم فقد قبضه الله عنك ..
أن مكر عليك احدهم فقد سلطه الله وعليك مكر.. وانما الماكر ُمسخر لما ُخلق له..
وان بسط احدهم لك في عيشك فهو رزقٌ ساقه الله اليك وباسطه ُميسرٌ لما قد ُبسط..
فانظر في فعائلِ الخلقِ تجاهك تجده تجاهك ..
وفي اسمائه - جل وعلا- جواهر النفس النفيسة، ياواهب، يا باسط، يا يامنتقم، ياجبار، ياقيوم .. وكل يختار جوهرة نفسة النفيسة ويركض بها في دنياه..
فانظر في بلادِ نفسك تجد مسببات فعائل الخلق ...
واعلم ان اقدارة تـتـنزل اليك بقدر دفع الرجاء الخارج منك اليه..
وان تدعوه يستجب اليك، وبالدعوات والرجاء تُرد الاقدار، كما ولا مرد لقضائه تعالى المسطر على لوحٍ في حرزٍ محفوظ.

هذه الايام ُيـقيمني المولى عز وجل - تجلت قدرته في اسمائه - من خلال الغالية.. تمتحنني بصمتها وفي الصمت عدمي وفي الكلام وجودي..
امةُ الله من صقعٍ نائي ُمـسخرةٌ بأمر الله ُتمسك عني ما لازمني من الحنان لزمانٍ غير يسير..
قبضُ الحنان عن المخلوقِ دليلُ تقصير المقبوض عنه في شأن مُـستخلفٍ عليه وامرٌ حادث..
وثوب التقصير كان ملازمي فسربلنيه الله اياه..
وما الله بمغيرٍ حال ثوبي حتى اغير ما بنفسي ..
الامير يعقوب(جراب الراي) كان من ملازمية خليفة المهدي عليه السلام ، وسجن الساير مات فيه صبراً امثال الحسن الزهراء .. ما بدل الخليفةُ ماعليه ..
فبدل الله حاله عصرئذ والكفرةُ على ابوابِ امدرمان..
فانا بالخيار وان كنت لاادري انني بالخيار...
وعدم الدراية غشامة تتغشى سائر ما خلق الله ،الخليفةُ، والعسس، والسالك والدرب وما الى ذلك وكان الانسان ظلوما جهولا .
وفي حال الغشامة يتم التجمير وامتحان النفوس .. وتلك درجة في المقام تتساوي ..
منها يعلو المقام وتكون الموالاة ويتم النظر الى خصوص امرك..
ومنها مايكون دون ذلك يرحمكم الله..
ومن ثم فان حالَك هو كتاب حالِك .. (وكل الزمنا طائره في عنقة)
وشرح مقتضى احوال ماشابه ذلك ودار حوله في التوجيه الكريم (ولئن شكرتم لازيدنكم).
ففي حال الشاكرِ تحل الزيادة .

هذا وامدكم الله ببحر توفيقه وفيض انواره ويسر اليكم ُسبل التحقيقِ والنظر..

داهم يقين الريدة عند غاليتي، حركات بنات الكدرو ..
تدير شؤون الريدة من حصن البنات الحصين ..
تتبع من الـُنصح ما تقولة زوجات الاصدقاء ...
وانا اوفي ديناً قديما جميلاً من الصبر والتهذيب وحسن الصفات والعشرة السمحة ..
ُتظن - هيّ - انها ثمرات النجاحِ في ادارة بنات الكدرو ..
يسوقني في وفائي ذلك شوقي لها، ولهفة نفسي، وامنياتٌ لاتزالُ قيد التحقُقِ واللقاء..
انا شخصٌ تـُرجفني الاراجيف ورعديد .. وبشري ..
سيرد الله كيد غاليتي في نحرها إن طال زمان الادارة الفاسدِ غير اللائق عليها
فكلٌ مُيسر لما خُـلق له..
وغاليتي ما خُـلقت لما تحاول اليه تيسيرا.
وانما عليها أمرٌ عارض ..الم بها لتقصيرٍ تسربلت به وهي عنه غافلة.

ستقرا حتما ما قد تيسر من هذه السطور ..
ستاخذها العزة بالاثم كحال البشر والبنات..
ستمضى قدما في تنفيذ مخططات بنات الكدرو، قائلة في نفسها (النشوف).
ستمضى، ليس ثقة في ثمرات المخطط وانما لان درب الرجعة اشق لمن اتبع ذاك السبيل.
هكذا حدثتنا تواريخ البنات المتبعات سبيل البنات متبعات السبيل المذكور في حلة خوجلي والمزاد.
ولو انها عادت إلى بلاد نفسها لارعوت ..
وبلاد نفس غاليتي مجبولة من جديلةِ النفس السمحة المهذبةِ التفاصيل .
النفس المشتاقةُ التواقةُ إلى فضائلِ الاعمال واللبن المقنن والحوش المرشوش المحفوف بالجهنميات.
قال عقد الجلاد:
(الشاي باللبن برادو لابس تاج .. صينتو الدهب ترقش كبابي زجاج)

حنينةٌ نفسُـها ، قد طال صبرها وامتد مع العنت والمشقة حتى غشيتها غواشى الجهالة والغفلة فصورت لها النفس المغشية الغافلة مرسوم ماقد سبق ،فنظرت مستغيثةً إلى بنات بحرى .

هذا والسلام اليكم ُيساق.. ماهطل هاطلٌ وهب نسيم ..وغنى الكابلي:
في المقرن تشوف الاشجار صفوف...
والنيل حولها كالعاشق يطوف..
تشرب من زلال من خمرٍ حلال ..
ويعم الجلال طولها وعرضها ..



باي حال من الاحوال ُيعتبر حساب هذا البوست ضمن مُـنجزات اعمالِ الصمت خطأ فادح ..
انما هو شرح لمقتضى الحال وللاعتبار ..

وللغالية الشكر، ومراجعة النفوس مقامات لم ِنرها قط .




Please note:-
لاسبيل إلى أن يقف على هذا البوست إلااربابه. هو للنظر والتدبرِ واسقاطِ الحال وهو كقول بن عربي امانةٌ ، فان كان من اهلها حصل له مراده ، وليُسقِط حاله عليه ، وان كان من غير أهلها فليبحث عن اربابها وأهلها..
فان الله يقول ( إن الله يأمركم أن تؤدوا الأمانات إلى أهلها).

Post: #2
Title: Re: مُـنجزات اعمـــالِ الصمت (مرسوم بنات الكدرو)
Author: Eng. Mohammed al sayed
Date: 12-23-2005, 06:20 AM
Parent: #1

التحية لبنات الكدرو
Quote: لاسبيل إلى أن يقف على هذا البوست إلااربابه.

ها قد صمتنا حتي تنجلي الرؤيا

Post: #3
Title: Re: مُـنجزات اعمـــالِ الصمت (مرسوم بنات الكدرو)
Author: شرير والبرتقاله
Date: 12-23-2005, 08:15 AM
Parent: #2

أما وقد فكيت اخرك

.
فانما هي نهرة واحدة فاذا هم رقاد منبرشون تداخل النفس انبساطتها الواسعة ، وبالوساع نفسه يقتعدون
….
ريمثا يتصايحون
تكون الكروش يومذاك قد اخدت زينتها و انبراشتها ,
والمعني
ان النساء فاتنات يومذاك .. يوم تجد كل نفس كبكبتها والغرفة والفراش الوثير والمصابيح الخافتات قد تنادت جعميها عليك لمجرد ان الروائح والبخور والدلكة قد مستها ….
وأن الامور بخواتيمها ..
فالذين تزوجوا عن حب يفعلون الشيء نفسه وبالطريقة نفسها التي يفعلها بها الذين اخذوهن عن اكراه او بغير رضا منهن او من اوليائهن …
وحتى اللاتي يسلمن انفسهن بلا طائل ..لمجرد انهن ماعدن يصبرن على ما يقتعدنه من لهيب ..
انتهوا الى الشيء نفسه..
اقول ليك حاجة ..
أرأيت الخواجيات !!!
انهن يتحدثن بالطريقة نفسها التي يعترفن بها سراً بنات الدروشاب او حتى بنات الكلالة فنجطت
كلهن يا صديقي
سيااااااااااان
يملكن السحر ذاته على اختلاف شكل القفل والعلامة وربما اللللللللللون ..
يشرن الى المعنى ولا يقصدنه ..
اذ هن
في الغالب يتمنعن وهن راغبات !!!
هل رأيت خواجيايياه تحترف الخجل ؟؟
اذا ما ……
أنا رأيت …
ومع ذلك
هن ذوات صلة بالبهجة والمتعة والنعيم والجحيم
ونحن اكثرنا اوغاد
نعتقد جازمين اننا من نسيطر على الوضع برمته واننا من نقود جحافل المتعة …
وهنْ …

Post: #4
Title: Re: مُـنجزات اعمـــالِ الصمت (مرسوم بنات الكدرو)
Author: nashaat elemam
Date: 12-23-2005, 08:25 AM
Parent: #3

دكين.. ياخي لينا زمن من كلامك الزي ده.. حمد لله على السلامه

شرير.. الا زلت هنا انت؟ واين كنت بربك خلال ما مضى..
اذكر لم تشدني بوستات مثل تلك البوستات التي تتفيأها انت وسابق الذكر دكين.. تمتعت بكما-مجازاً- لزمن ليس بالقصير.. عوداً حميداً

Post: #5
Title: Re: مُـنجزات اعمـــالِ الصمت (مرسوم بنات الكدرو)
Author: Ali Alhalawi
Date: 12-23-2005, 09:55 AM
Parent: #4

Quote: باي حال من الاحوال ُيعتبر حساب هذا البوست ضمن مُـنجزات اعمالِ الصمت خطأ فادح ..
Quote: في الصمت عدمي وفي الكلام وجودي..


لكن الأجمل حين خرج هذا الشرير عن صمته .. أظنه إنكفا على برتقالته و إكتفى بها منّا

تشكر يا عرضحلجى المراسيم .. و لأ أصمت الله لك قلما

Post: #6
Title: Re: مُـنجزات اعمـــالِ الصمت (مرسوم بنات الكدرو)
Author: اساسي
Date: 12-23-2005, 10:12 AM
Parent: #4

خذ عني يا دكين واصمت .. فانا اعيش_خواتيمي_ ايام حكمتي ...
:
من هنا تخرج مسير الصمت حتما
لما تهوي _ الآن _ و تهدي ليلتي
ليلة في قمة الدهشه مأوي
تجيب دعوتي
و صمت جدتي...
نلاحق بقعة خنثى فتقسم أنها نجمه ..
نعيد لحائط معبد لمسا حقيقى ..
فنلصق ..
و الفانوس أنثى
نكدس الأموات فى صور الورق
نرحل بالقوافل خلسة ..
فى اشتهاء و بكاء ..
أحملينى من هنا ..
أنا ... لا .... أحتمل
ــــــــــــــــ
والكلام لها ..ولرضوان همت
ـــــــــــــــــ
ولانه وصلني طرف من خبر بنات الكدرو و ( افعالهن ) خبر متصل من حديث فيها ( ثغرها) فانا ما عدت احفل ببكائياتك ...
انا ما عدت احفل باي شئ .. لاني الان اعيش تجريدة اللقيا... عذرا صديقي ..
بالامس القريب وانا امهر عباب الطريق السريع مع هذا الشرير البرتقالي
اخبرته عن بعض اشواق لقياي ..
تبسم الوغد.. ودون ان يفكر حتي اجابني ان هذه بعض نزوات سرعان ما تخمد اثر اللقيا وتقادم العشرة...
واصل شرير النوايا السيئة حديثه ... بان حالتي كلها محض ( نزوة شبق )
ولكني اقررته انه لولا هذه النزوات (لبارت) جلهن .. حتي اخواتنا وامهاتنا ..
وما كنا نجلس بجوار بعضنا الان في هذه السيارة التي تمخر الاسفلت ..
وما كنا ولدنا اصلا..
لذا اخبرته ان يدعني ( اعيش) نزواتي كيفما كتب لها ..
فقد عاشها من قبل نفس هذا الشرير والان اصبح محض وغد (يتجرس) ويستنكر علي الاخرين جرستهم..!!
اي وغــد هذا الذي يبــيع ديونه ?
والان انت تعيش بواكيرها ايها الدكين..
لذا يا صديقي ..
تجرس في صمت ...
فانا يا صديقي الان قاب قوسين او ادني ... ادني شدييييد

Post: #8
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-23-2005, 12:17 PM
Parent: #3

شرير مشكور على الانذار المبكر..

زولتي دي انا قتا ليها ياخ حركات جكس الكدرو دي ما لاقية عليك ... ولا شبهك ..
قات لي والله مافي اي حركات بنات ياعبد العزيز .. لكن لو عارفك بتجرس كده كان سويتها من زمان..

قالتها وهي تضحك .. ضحكت وكان الدنيا تضحك معها بت الذين ...ثم توالت الضحكات ..و كاني اسمعها تضحك لاول مرة .. والله ان ما صاحب ضحكها ذاك المساء فيض من الافراح مالاحت له نهايات...
ولم يكن ذلك ايضا منجز من اعمال صمتها ..

شرير.. خذ عني ايها العزيز وانت قد دخلت دنيا :
ان من دخل على دنيا من ضحكت ذاك المساء ليس ممن تجاورهم الندامات..


ولان الامر فيه شبهة استغراق وشوق..
ابشرك وابشرها .. انا عندي الكروكي بتاع بيت اهلها ..

Post: #7
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-23-2005, 12:14 PM
Parent: #2

يا هندسة

بنات الكدرو هن اربابه ..

ما بتعرف ليك واحدة من الكدرو هنا ؟؟؟

Post: #9
Title: Re: مُـنجزات اعمـــالِ الصمت (مرسوم بنات الكدرو)
Author: تيسير عووضة
Date: 12-23-2005, 02:10 PM
Parent: #1

دكين..
ليس هذا النص مما يستوجب تدخل المتدخلين كما أسلفت
ولكن وبما أنك أوردت دق الأجراس على الملأ
فإنك قد أخرجته بذلك من دائرة الخصوص
الى دائرة العموم وحقّ للناس أن يشيلوا همك
وفي بعض الأحيان يشيلوا حسّك
واعلم بني..
كل شيئ أحببته إما فاتك أو فتّه
إلا الغالية..
إن أقبلت عليها أغنتك عمن سواها
(ما تشوف الدلال دا... دا كهن نسوان ساكت لكن جايب حقه)
فهنيئاً لك بها وهنيئًا لها بك
وبالله التوفيق

Post: #10
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-23-2005, 04:07 PM
Parent: #1

نشأت يا وجيه ..

تسلم يارايق على وقوفك بمرسوم الحريم ..

اخوي يا Ali Alhalawi

شكلك عرفت الفيها .. ليس من سي سوى الصمت في معرض الرحيل..



اساسي


Quote: والان انت تعيش بواكيرها ايها الدكين..

لذا يا صديقي ..

تجرس في صمت ...


اساسي
ليس ثمة من جرسة ..
حساب هذا البوست ضمن الجرسات التي تلي الصمت يعني سلفا حسابه ضمن منجزات اعمال الصمت وهو كما قلت انفا محض خطأ فادح ...

انتا حتفهم بتين يا سمين يا تخة..

نحنا ما بنتجرس .. كما ولا نجُـرس احدا ..
انما نحن نشتاق وُيشتاق الينا ..
نود ويـودوننا...نحنُ ويحنون إلينا ...
وما بعد الحنان مراتب نعلو بها ..
Quote: لاسبيل إلى أن يقف على هذا البوست إلااربابه


انما انت وقفت بباب هذا البوست ولست من اربابه .. وإن كنت اقرب الناس اليه

حفظك الله غيبك وسرك ..

Post: #11
Title: Re: مُـنجزات اعمـــالِ الصمت (مرسوم بنات الكدرو)
Author: waleed500
Date: 12-23-2005, 06:31 PM
Parent: #10

دكين صاحب القلم الرزين ما الك الا هيفاء
وما لهيفاء الا ذلك الجبريل...اجدك منبرش انبراشة
من لا عوده له....لكن يا حبيب فى حضرة بنات الكدرو
يطيب الجلوس مع امكانية شرب شاى بلبن مقنن فى حوش واسع فى اطرافه
جهينميه حينما تراها تطالب بشراب ثلاثه كاسات زياده ...الحديث عن بنات
الكدرو حديث ذو شجون ديل كلامهم انغام وحينما يحدثونك يهدوك السلام
(السلام عليكم) وعليكم السلام.....امسك قوى يا عزيزى....وفى الصمت لحديث

Post: #12
Title: Re: مُـنجزات اعمـــالِ الصمت (مرسوم بنات الكدرو)
Author: Dafi
Date: 12-23-2005, 11:46 PM
Parent: #11

والله بعد ما كتبت تعليقي..مشفقا ..مسحتو..وكتبت واحد تاني شامتا..وبرضو مسحتو
استجدي يا ولدي استجدي......فانه ما عاد في وجه الخاطرات عنك..مزعة لحم
قال سيدي محمود عبد العزيز في معرض غنائه ..الذي لا ياتيه باطل النشاز..من بين ايديه ولا من خلفه
كنت بستجدي العواطف..........زي مشرد حظو عاثر
العواطف..هي.... هي......ذكري مره...(بضم الميم وتشديد الراء)........وجرح كافر
قال قائل
لا يستقيم الظل..والعود اعوج
وقال صلي الله عليه وسلم..الا ان في الجسد مضغة لو فسدت لفسد كل الجسد او كما قال
اسال الله قلبا..بادئ ذي بدئ....عسي ان يبدلك الله خيرا من بطيني مر الذكري..واذيني..جرحك الكافر
غفر الله لي..ولك..ولبنات الكدرو..فني أنست منهن في غابرات ايامي..غنجا لا يضاهي..وخفرا ينسي الوقار..ويسعد الروح المعني

Post: #23
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-24-2005, 03:54 PM
Parent: #11

وليد الوجيه

يازول قصدك وصل تب ..

الكدرو حديث ذو شجون ديل كلامهم انغام

والله كما قلت يا وليد

هو ذو شجون ..ويطييب الجلوس فان كان لك بهن شان فقل وتحدث وانا اجيد السمع ..


وشكرا لي المرور الجميل ..

Post: #13
Title: Re: مُـنجزات اعمـــالِ الصمت (مرسوم بنات الكدرو)
Author: اساسي
Date: 12-24-2005, 03:04 AM
Parent: #10

Quote: انما انت وقفت بباب هذا البوست ولست من اربابه .. وإن كنت اقرب الناس اليه


يا صديقي اخبرتك اني لم اعد احفل ..

هذا وان حفلت .. لكنت اخبرتك حديثا كثيرا عن (بنات الكدرو)
وعن حنينك..
حديث لا محالة سيدهشك..
ولكني لا احفل صديقي هذه الايام بالحديث ..
ولا بك صديقي..
بيد انك صدقت في انك تشتاق وتوهمت انه يشتاق اليك صديقي ..ويٌحن ..
هذا وقد اتجلي لك ان ساقتني الامارة بالسؤ الي هذا البوست عنوة
واقصص لك من رسائلي ما لن تستطع عليه صبرا ...
شمارا مغربلا من لدني

Post: #14
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 12-24-2005, 03:11 AM
Parent: #1

اللهم إنا نشهد بأنك قد بلغتنا .

و هذه بواكير الحكمة تبدو .

و ما تلك إلا حكمته يهبها من يشاء العلي القدير .

اما بعد ،،،

اعلم أخي أن هذي بوادر التغيير فيك ، و انك لسائرٌ في طريق النبيين و الشهداء و حسن اؤلائك رفيقا.

فالزم دربُك .

و اعلم أخي ان في دربِك هذا نجاتك .

و في مباراتك لجكس الكدرو هلاكك ، و فناء نسلك .

فإما أن تنتقل إلي جنة عرضها السموات و الأرض ، أُعِدت لك ، فيها سلواك و عزاؤك ، عوضك الله عنها ما شئت من الحور العين ، فبنات ارسٍ اولي بك .

و ما يلقها الا ذو حظ عظيم .

و اما انك كاشح الي ربك كشحا فملاقيه ، و يومها لا ينفعك شارع المعونة و لا الكدرو ، و لن تفيدك الجهنميات ، و شايات المغرب بالحليب و الجبنات .

و ما أراك الا ناكص علي عقبيك ، و يبدو انك واردها .

فاحذر

اقول قولي هذا و استغفر الله العظيم لي و لك و لها و لسائر المتداخلين ، انة هو الغفور الرحيم .

Post: #15
Title: Re: مُـنجزات اعمـــالِ الصمت (مرسوم بنات الكدرو)
Author: ابو جهينة
Date: 12-24-2005, 03:33 AM
Parent: #14

دكين المكين

؟؟؟؟؟؟؟ Er Seh

Quote: هذه الايام ُيـقيمني المولى عز وجل - تجلت قدرته في اسمائه - من خلال الغالية.. تمتحنني بصمتها وفي الصمت عدمي وفي الكلام وجودي..



مادام هو إمتحان منها .. فأثبت يا رجل .. و كن على قدر هذا الإمتحان ..
أم تريد أن أمدك ببعض ( البخرات و البراشيم ) من واقع تجاربي ؟؟

Quote: امةُ الله من صقعٍ نائي ُمـسخرةٌ بأمر الله ُتمسك عني ما لازمني من الحنان لزمانٍ غير يسير..


هذه هي السنوات العجاف .. فلم لم تقطع سنابل السنوات الخضراء و تجعلها في ( قساسيب قلبك و روحك ) حتى تصبر على مثل هذا الجفاف ؟

Quote: قبضُ الحنان عن المخلوقِ دليلُ تقصير المقبوض عنه في شأن مُـستخلفٍ عليه وامرٌ حادث..


الله يخلف عليك ...

Quote: وثوب التقصير كان ملازمي فسربلنيه الله اياه..


ثوبك المسربل دة هو ال عنكل ليك .. أرجع للقصير ..

Quote: وما الله بمغيرٍ حال ثوبي حتى اغير ما بنفسي ..


قديمك نديمك يا دكين ..
خليك في الثوب الأولاني .. أسمع كلام أخوك .. ما تغير الثوب .. حيجي يوم و أنتو الإتنين تقولوا : يا حليل التوب القديم .. رغم قماشو الماسياحي .. كان مريح ..

أرقد عافية

Post: #16
Title: Re: مُـنجزات اعمـــالِ الصمت (مرسوم بنات الكدرو)
Author: المسافر
Date: 12-24-2005, 04:12 AM
Parent: #15

Quote: وبلاد نفس غاليتي مجبولة من جديلةِ النفس السمحة المهذبةِ التفاصيل .
النفس المشتاقةُ التواقةُ إلى فضائلِ الاعمال واللبن المقنن والحوش المرشوش المحفوف بالجهنميات.


ويكأن الجدلة والتهذيب شيئ من التفاصيل

والنفس التواقة
سكنت طرفي حوار أحب شيخه
أجلس يا حوار
كأنك تتحرى الأعداد
لتدلقها بين أصابعيك دون سبحة عطية من ردن أبيض
أين أنت من القرفصاء
وكم شملتك من زمانها
أم شغلتك العطاريب عن أسرار الحديث والدندنة
يا لك شيئ من أنت

Post: #25
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-24-2005, 04:46 PM
Parent: #15

استاذي ابا جهينة..

واقع تجاربك اكبر من قدرة استيعابنا..ياخ انتا زيك زي القلب النابض مرة في شيكاغو مرة في اسبانيا ومرة في اديس..

تجاربك دي بتمسخ علي مشوار الريدة من جبرة الى الكدرو..

ياخ ما اجمل احياء الخرطوم حين تعبرها مشتاقا..
جبرة،العشرة،البرهانية،بيوت الحجر،الديم،السجانة،نمرة تلاتة تنزل جنب القوصي والسكة حديد وتملح شرقا لحدي ما تصل حي المطار وتنظر ناس بحري يتمو ليك اشواقك ، القيادة العامة الطربمة الخرطوم غرب ...النفق ...مسجد الجامعة..
يقطع بيك الملح وانتا سادر في اشواقك ..
تقيف في اشارة النفق مع استاد الجامعة واليوم جمعة تحن لي الجامعة وبكريتو والامس الذي انقضى..
تركب بوكس وتعبر كبري الحديد وتتلفت يمين شمال عايز تحبس زمن المنظر جواك ..
الاملاك .. اطراف من حي الختمية حي الوابورات ..شارع المعونة.. المسجد الكبير.. صيدلية الازيرقابي السوق ..
ومع انو باصات الكدرو بتدفق تتمها بي حافلة لحدي المؤسسة عشان تتفرج في الحضور الجميل في الحافلة ..
ما تيسر من جكس بحري وتشوف منو البتزل في الديوم ومنو البنتزل في سعد قشرة ومنو الجاية من حلة حمد لي صحبتا في الدناقلة شمال..
تعيش ايام ونهار وعصريات عموم بحري..
.تلك ميزة ان تكون في الخرطوم ..
تنزل المؤسسة تعاين لي وجوه الناس ,ديل ناس شمبات الحلة غنايين من يومهم والواحد ماشي بطقطق اصابيعنو ..
وديل ناس شميات الاراضي اولاد عز باين عليهم ..وديلاك نسوان الحلفايا ومن هناك بصات الحلفايا لحدي اسواق الباشا..
تنزل تكتح مع عبد الرحمن حيدر قزازة بارد ومفازة حياته الجميلة ..
والشمس تغرب في طرف الحلفايا تتمها انتا بي باصات الكدرو مرورا بي بيت عوض دكام واللاسلكي ..
وعند غروب الشمس تكون انتا قطعتا مسافة الحبيبة كاجمل ما تكون المسافات..

تعرف زي ما قال عاطف خيري يا ابو الجلاجل (الذهاب الى الشراب اجمل من الشراب)
فان (الذهاب الى المحبوبة اجمل من المحبوبة نفسها)
او بعد الحبيبة شوق ياترى؟؟


ابو جهينة :
اخوك قد ادخر في قسيبة قلبة القسيبة كلامها السمح الزمان ..فلا تخشى عليه من سنوات القحط والجفاف ..

Post: #22
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-24-2005, 03:42 PM
Parent: #14

حمد اخوي

حرم ماك هين ..
عربيد لغة وتربية خلاوي ..
ابشرك عزيزي ..اني ملازم دربي وسالك طريقي..
وبوادر الحكمة ان اتت زحفت اليك والتقينا عند الهفوف فصدقتني ..

فان صدقتني اسخلفتك على حريم الكدرو من بعدي ..


واعلم : إن في نساء ارس تدور دوائر ميراث النوبة ..
اوما علمت ان اخاك يبتغي لبقية القبائل شرف الانتماء ..
اني اريد بهم خيرا ايها العزيز .. ان اتيتهم فقد اتاهم حفيد الشمس ..

هذا وليك وحشة وليت غابرات الايام تعود ..كنتا طشمتا معاك طرف النيل الازرق تحت سماء بحرى وداخلية النشر ..

Post: #17
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-24-2005, 07:35 AM
Parent: #1

دافي


لوووووووووووووووووووووووووول @ كنتا بستجدي العواطف زي مشرد حظو عاثر ..
ده كان زمان يا حبيب
وللاسف لازال..

دافي

نحن قومُُُُ ُ لا نحب واذا احببنا صارت دليلا لعموم الحياة .. ومنظورا لا يتبدل..

وفي ذلك نجيد الاستجداء ومن لم يمت في حبه لم يعش به ..
..
فان ما عاد بنا دليل ..لم نعد وانما تجدنا في الصواني وناصيات الشوارع نحكي ..


يعين مافي حاجة عندي اسمها واله كنتا بحبها ولامن لقيتها ما بتحبني قمتا خليتا..
ابدا ايها الحبيب ..

لا يرتبط حنين الغاليةعندي بحنينها لي .. وانما هو امر تعتق عندي وصار ملازمي .. فهو موجود واكزست سواء قوبل بالجفاء او صار محل اهتمام ..
هكذا نحب وهكذا وددنا لو حبونا..

هل يتبدل الشوق يا كنكون؟؟
هل يموت الحنين يا اخوان؟؟
ااذا اشتقنا وصرنا حنينا ..كيفن تقول كان زمان وكنتا إنتا ؟؟؟
شنو هو ..مايطلبة المستعمون؟؟؟


طيب الان احدثك بما خفي عنك ونحن المعزات بيينا وافرة وقد خمسناها بداخليات الجامعة..ورايت كم تجولنا معا..

اها .. الكدرو فيها نجيلة؟؟؟
اها نحنا على النجيلة جلسنا ..
في اخر جمعة لي من اخر اجازة كانت .. قطعت عصر يوم صيخود حتى ناصية دكان اللحام بتاع ابو حديد ..
تعرف من بيتم ابو حوش اجرد الحدادي مدادي داك .. اخرجنا اشواقنا ومحناتنا، حدائق ونجائل غـلبا..
في مغرب ذلك اليوم يا كنكون كل بسط لانيسة من بساتين نفسة من ثمرِ الالفة ما يشتهي ..

وانتا عارف ثمر الالفة عندي يعني شنو ...

كما ولا تخفي عليك بساتين النفس عند المغارب .. وانت اكتر من تغزل عند المغارب وشاف عند المغارب وراى عند المغارب وحس عند المغارب ولمس عند الحضور كل غيد املود ..


انا بصراحة في مغرب الكدرو داك جبت اخر ما تيسر ...لاخر ما تيسرت ..

ولو ُقبضت الروح عند العشاء لمت مسائذ راضيا مرضيا..
وانت صدقت حين قلت
Quote: فاني أنست منهن في غابرات ايامي..غنجا لا يضاهي..وخفرا ينسي الوقار..ويسعد الروح المعني


اها بعد داك لاقاني مروان في بيت ناس محمد فاروق في الحلفايا سايق( الهايس ) ..
سب لي دين وقال لي : انتا لوا....ك دي ما بتخليها، اصلو ما بتعرف تحب ليك بت ناس من نص البلد ..
مرة جبل اولياء مرة تمرقا لينا في الكدرو ..
الدين دي شغالة بي بنزين ما جاز يا دين (واشار الى الحافلة)
انتا عايز تحب بت ولا رايحة ليك محافظة؟؟


اها النوريك ما استجد:
قبل سبوعين في 10 ديسمبر تقريبا مشى مروان يسلم على رئيسو المباشر المؤتمرجي ود الفاروق جنب بيت ناس المرحوم عوض دكام في طرف الحلفايا.. وبالمرة مر على ديار الغاليين ..

استفضلته فضلا جميلا باذخ .. واجلستة مكانا طيبا في الديوان ودار بينهم حديث ودٍ جميل ..
وحين هم بالقيام سأل عن الامانات ..
فتحدثت حديثا ما عهدة الغالي ود الغالية مروان ود العبادي ..
ولان معزتي عند ذلك المعفن لا تحدها حدود فقد اناب عني وترك الشاي والنجيلة والديوان والجهنميات غير هياب ..
وما استأذن في القيام وما إستودعهم سلاما ..

مروان برطم من كابينة في شمبات بكلام ما تداركت منه شيئا لتداخله وسرعة الرواي ..
ولامن قتا ليهو ياخي انا ما فاهم كلامك ده البت مالها..
رد لي بجملة مفيدة مفردة( دي حركات بنات الكدرو يا عزيز).. وصمت

الان انا لست دهشا ..فقد اعتدت الدهش منذ التقيت كمبال والعجوز وتصرفات طارق هولاكو.

انا فقط ابحث عن العارض الذي الم بي ..
اخوك زول غيبي جدا جدا ..
ويعزو كل مصيبة الى تقصير ما في مكان ما..

Post: #18
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-24-2005, 08:02 AM
Parent: #1

تيسير عووضة :

طبعا لامن اشوف لي بنية في بوستاتي دي قلب ده بقول شححححححححححح

وصحي البوست ليس للتعقيب لكن انتو تتفضلو عايدي..
من اربابه دي قاصد بيها الدبايب..

الجكس عندو مكنزمات رفض ضدي مع اني لااحب الرجال كثيرا..
اسالي من الموضوع ده اساسي.. خبير بنات وعربيد في هذا المجال ..

المهم ياستي
مشكورة على الكلام السمح البهبش الزول هنا ده..(واشار تجاه قلبه)
من ناحية تانية
Quote: (ما تشوف الدلال دا... دا كهن نسوان ساكت لكن جايب حقه)


ما اظن حجيب حقو .. لسبيبين
الاول :اظن انها ليست كعموم النسوان..مع انو البوادر تشير الى غير ذلك والشينة تتكضب ...

تانيا: المدعو مروان لخبط اي شي ..
ولا املك لايقافة سبيلا .. عشان تتفاهم مع زول زي مروان يلزمك خروج وعودة بي ميتين ريال وتذكرة بالميت كده 600 ريال ويومين طريق ..
يعني 800 ريال بدون حق الطريق

واناوحاتك غير 9 ريال ما عندي ..
791 ريال دي اجيبا من وين؟؟

Post: #19
Title: Re: مُـنجزات اعمـــالِ الصمت (مرسوم بنات الكدرو)
Author: garjah
Date: 12-24-2005, 09:31 AM
Parent: #18



اسمع هنا ياخينا

نحن خلينا ليك

اسدي ارضير اقتي كوني

ما تقرب من الواقفات على حيلن سلك ..وكل حاجة فيهن عاملة انتباه..بنات الكدرو...ولا ما جاورها

واياك ان اراك في شارع الماعونة من الجامع الكبير وحتى مصفى الجيلي..فهي منطقة مقفولة وممنوع الصيد فيها.ومحرمة على الاوغاد والاوباش ...

Post: #21
Title: Re: مُـنجزات اعمـــالِ الصمت (مرسوم بنات الكدرو)
Author: تيسير عووضة
Date: 12-24-2005, 11:08 AM
Parent: #18

أي دكين..
ألا قاتل الله الفاقة
لقد أورثتني الكآبة يا رجل
على كل
عندي درهم واحد سأعطيكهُ
ويكون فضل ليك 790 ريال بس
قصرت معاك

Post: #33
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 08:27 AM
Parent: #21

تيسير عووضة ..
رد الله افضالك باحسن منها

Quote: ويكون فضل ليك 790 ريال بس


ختيها في قزازة واقفليها واكتبي عليها (دكين ..يجدة في خير ) وفيكها في الخليج العربي .. لو جاتني تكوني من الانبياء..

مااظن في طريقة اسهل من دي لتحويل درهم يتيم..

Post: #20
Title: Re: مُـنجزات اعمـــالِ الصمت (مرسوم بنات الكدرو)
Author: AlRa7mabi
Date: 12-24-2005, 10:24 AM
Parent: #1

دكين أيها الرجل الخرافي

أنا ذاتي حصل لي ما وقع لشيخنا دافي - يعني الكتابة والمسح دي
لكن ليس اشفاقا وليس شماتة
انما خانتي كل الحروف واستعصت عليٍ وتمنٍعت - كما يتمنعن - هن -
والله لم اجد حروفا تحتفي بهذا الرسم الأنيق

فكان مسحي وشطبي وتنقيحي .. وبرضو ما نفع
بس قلت أجي وأقول ليك أنا في غاية ( الإنتشاء )
هذا فعل خرافي بحق

رحمابي


Post: #24
Title: Re: مُـنجزات اعمـــالِ الصمت (مرسوم بنات الكدرو)
Author: القلب النابض
Date: 12-24-2005, 04:09 PM
Parent: #20

ما اجمل الزمن الذي كنا نسمع فيه الحديث عن بنات الربع الفلاني وبنات بني فلان
ذلك الزمن الذي كان فيه الرجال اصدق من اطفال اليوم

يكرمونها
يكتبونها شعراً
يحملونها بين القلب وبين التاج
يعلنون ريدتهم لها في ربوع الدنياشعرا

ويخبؤون إسمها

يكتبون شعراً يمجد ربعها
والناقة التي تركبها" حتى لو بوكس موديل 82 الذي يعشقه ناس الكدرو"
والشجرة التي تظلها
والنسمة التي تعبر بها

ذلك الزمان الندي

هل ذهب الصدق
ام انها اصبحت متاحة,,,,

كلام دكين يقول لازال عبق الماضي "دكين" بيننا

ولو كتب هذا النص فقط لاغير

انت جيت من هناك يا دكين

هل اشطب ما كتبت أم ارسل يادكين


Post: #26
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 12-25-2005, 01:39 AM
Parent: #24

Quote:

فان صدقتني اسخلفتك على حريم الكدرو من بعدي ..


اما في هذي فقد تعلق قلبي بصبية نوبية ، و ما عُدت احفل بهن .



Quote:

هذا وليك وحشة وليت غابرات الايام تعود ..كنتا طشمتا معاك طرف النيل الازرق تحت سماء بحرى وداخلية النشر ..


و إما هذي
فيا ليتها تعود ،
ليتها تعود يا اخي في الحبوبات ،
ليتها تعود ، فلعصير اشتراكية في دمي يد سلفت و دين مستحق .
ليتها تعود يا صديقي ... كنا سنشهِد عليها ضفة النيل ، فهي خير من سيذكرها لنا عندما يبدا الزمن في محو ميمورياتنا .

ليتها تعود يا آبدول ،
كنت سأدفن باقيها تحت شجرة الليمون تلك أتذكرها ؟؟ أتذكرها يا دكين ؟؟؟ ويحك يا مان !!!!!! انها في اطراف غابة الموز عند طرف الكوبري ناحية الخرطوم .
كنت سادفن باقيها هناك لاسترجعها، كما يسترجع ( البايتا معاهو سكرة امبارح بي ربع كاس بس )


Quote:

اوما علمت ان اخاك يبتغي لبقية القبائل شرف الانتماء ..


و اما الاخيرةُ تلك فما اراك إلا سائرٌ في درب تهارقا ، فانهض في دربِك يا ولدي ارتن ادو باركي .

Post: #31
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 07:51 AM
Parent: #24

يا قلب ..
سلمتي للمرور الجميل ..

لكن كلهم ما اجابوني ..

الان اسالك ..
هل يموت الشوق ؟
هل يرتبط حنينك الى غيرك بحنين غيرك اليك؟؟

هل اذا حنناوما وجدنا المكافي لذلك الحنين نكصنا على عقبينا مبدلين اشواقنا؟؟



بالنسبة لي سؤالك الاخير..
اكتبي ورسلي عادي .. فانا اتلقى التعازي هذه الايام..




ده من ناحية ...
من ناحية تانية ..
اها اجازتك دي في موريشص ولا ماربيا؟؟
مافي فرقة لي فقير معدم ؟؟

Post: #36
Title: Re: مُـنجزات اعمـــالِ الصمت (مرسوم بنات الكدرو)
Author: القلب النابض
Date: 12-25-2005, 08:47 AM
Parent: #31

العزيز دكين " أما زلت في الشوق غارق"

مافي رفقة لي فقير معدوم؟

ليتني اكون برفقتك حيثما حللت

ليتني برفقتك ولو بعض حين

فانا أحب قلمك وأطارده اينما حل

إن سب وإن سخط

إن أحب وإن هُجر

لأنه يسيل من القلب
وانا أقرأه بقلبي ,,,, يا بت الكدرو العزيزة

شوفي الشوق دواهو الوصل فأوصلي

فإن لم تفعلى مكرنا عليك وانت تعرفين مكر النساء

ودكين موهو الزول البيقطعوا وصله إلا دلالاً

ولا أعتقد قطع الوصل دلالاَ يطول

صبراً اخي

ستأتيك وما تراكم لديها من شوق يشفي الشوق عندك حتى ترضى

إن كان للشوق منتهى.


Quote: الان اسالك ..
هل يموت الشوق ؟
هل يرتبط حنينك الى غيرك بحنين غيرك اليك؟؟




الشوق لا يموت لكن يصيبه بيات شتوي ويتفجر

الوصل يزيده يؤججه
يجعلك تحس بسريانه في أوصالك فتستسلم إليه
وكلما كان الوصل حميماً كان الشوق

حنينى اليه لا يرتبط أبدا بحنين غيري إلي
هو كالحساسية
يصيبني كلما تعرضت الى مثيراتها
وليس بالضرورة أن يكون حنين الآخر من بين هذه المثيرات

فقد تكون كلمة
خطاب قديم
كتاب قرأناه سويا
عطر
ولون
وسيارة ظل شجرة
سندوتش فول
ست الشاي التى تجلس بالقرب من الانمائية
أو طريق طويل
وظل العصرية وشاي المغرب في البيت
والأذان


لن اتردد في الارسال هذه المرة

Post: #30
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 07:38 AM
Parent: #20

رحمابي

طولت ما جيت ..
وحاتك يا حبيب انا بوست ما بتجي فيهو بشوف فيهو العوجة..

عديل كده انا كنتا مترقب جيتك ...

احبك انتا البتجينا من زمن سمح ونفس سمحة ..

البنية ياخ ما تعرسا لي وتريحنا من قصص الاشواق التي تكاد تكتسح مواقفي..


وتسلم يا حبيب

Post: #27
Title: Re: مُـنجزات اعمـــالِ الصمت (مرسوم بنات الكدرو)
Author: walid taha
Date: 12-25-2005, 02:34 AM
Parent: #1

الآن فقط أدركت لماذا حنثت بوعدك بمعاودة الإتصال مرة أخرى ليلة البارحة..
إذن خيّم الصمت!!







واحد قال لى ( صاحبك طلع فى الكدرو؟!)
فصمت

Post: #32
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 08:08 AM
Parent: #27

عزوز ابو الشام بت العم ..

لا ضرس الله لك سنا..
وينك انتي ياخ قاطعة مننا ..لا صوت لا خبر لاشاي مغرب..

ياستي ..
مافي جرسة واخوك صنديد ..
بس ياخ البت سمحة عدييييل ..لايعيبها سوى انو بنات الكدرو حتو فيها..

تخيلي زول بتريدو ترسل ليهو مع صاحبك شريط السمندل عشان يسمعو

يمر اسبوع وانتا منتظر تسمع تعلقيها عن الشريط ..
بعد سبوعين تسال عن النورمال جيتار بتاع الفاتح حسين في الشريط ,..

تقول ليك عبر صاحبك : والله ما لقيت مفك سغير ..




ان ليه تجيني الموية حفيانة ..ادنقر البسها في شبط اخدر


ليه؟؟
سال عاطف خيري..

Post: #28
Title: Re: مُـنجزات اعمـــالِ الصمت (مرسوم بنات الكدرو)
Author: عزاز شامي
Date: 12-25-2005, 03:56 AM
Parent: #1

دكين ...
الجرسة لاكين ما عندك!

اجرست لمن ضرست لي سنوني يا سليل الملوك ...

يا فاتنة دكين ومطلعه زيته وجلسرينه،
حني عليه وإليه يا من شغفت قلبه فالفتى به ما يكفيه من الفلس والغربة
وصوتك له سكن...


Post: #29
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 07:34 AM
Parent: #1

Quote: والنفس التواقة
سكنت طرفي حوار أحب شيخه
أجلس يا حوار
كأنك تتحرى الأعداد
لتدلقها بين أصابعيك دون سبحة عطية من ردن أبيض
أين أنت من القرفصاء
وكم شملتك من زمانها
أم شغلتك العطاريب عن أسرار الحديث والدندنة
يا لك شيئ من أنت


يامسافر

انا في شوقي قد غبت لو تدري ..
اليه المرتجي ومنه الامل يلوح..

وانجرني بيت دوبيت لمعرض حالي اكون لك من الشاكرين ..


قرجة

Quote: واياك ان اراك في شارع الماعونة من الجامع الكبير وحتى مصفى الجيلي..فهي منطقة مقفولة وممنوع الصيد فيها.ومحرمة على الاوغاد والاوباش ...


الاوباش اكتسوحها منذ زمن بعيد ..

بدينا اول ما بدينا بالدناقلة شمال ثم حلة حمد ثم المرغنية ثم الصافية ثم شمبات

وحين كنا في اواخر ايامنا تركنا الصيد في نواحي الكدرو ..

هسع اكتسح اول الاصدقاء اخر الحبيبات ..


ارايت كيف انا في البؤس مقيم؟؟

Post: #34
Title: Re: مُـنجزات اعمـــالِ الصمت (مرسوم بنات الكدرو)
Author: Tumadir
Date: 12-25-2005, 08:30 AM
Parent: #29

دكين

وزال عنك الى اعدائك "الكدرو"

ضحكت كثيرا والله

وانت مبدع مافيك قول

Post: #35
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 08:41 AM
Parent: #34

وزال عنك الى اعدائك "الكدرو"

تماضر والله انتي العسل ..

انا الضحك شرطني..
سلمتي يا لذيذة يا رايقة .. بوجودكم والله لا كدرو ولا زهجو ولا يحزنون..
انا من زمان قتا ليكي البت الكبيرة وخلاص..

Post: #37
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-25-2005, 08:49 AM
Parent: #1

ايها الاكارم ..

انا كما اسفلت لا ازال مصرا على ان التعليق هنا يذهب بالمعاني اجمعين..


لان الاسئلة كثيرة ..والزمان ضنين ..
وحين يتدخل الغالين في صياغتها تتعذر الاجابات ويبقى الصمت سيد المواقف..

حين ينفرد الغاليين باتخاذ القرارات وان تعلم ان كلاكما على حق اذهب الى اقرب بحر وانظر الى بلاد نفسك ..
(كتاب عموم الخرطوم- ص 747- دكين)


وقد جاء في خبر عاطق خيري (عاجبني في البحر السكات وسكتني في الوجع البحر )


انا ياخوانا مشتت المنطقة الشرقية انظر الخليج العربي عله يجيب على مااستعصى على الغاليين مسائذ في اطراف الكدور ..
اخدت اجازة بدون مرتب ..وعنها ما ترتبت..

المشية دي اسمها (ماساة البعيد عن متناول النيل)


ارايتم كيف الامور تدور ثم تدور ..
تبدا الاسئلة اطراف الكدرو والايست كوست وانا ملزم بان اجيب عليها عند طرف الخليج العربي ..

حاقعد ما تيسر ...الى ان تنجلي الملمات ..
عزرا اذا ما توقفت عن الردود يوما او يومان..



انها الحياة ..
مسغبة ورحيل ..

Post: #40
Title: Re: مُـنجزات اعمـــالِ الصمت (مرسوم بنات الكدرو)
Author: Gafar Bashir
Date: 12-25-2005, 10:30 AM
Parent: #37

ستاخذها العزة بالاثم كحال البشر والبنات..

دكين يا عدو المرأة ..

ما حاعلق عشان ما (اذهب بالمعاني اجمعين) ...
لكن ياخي انا ما سكرتير بتاعك ... بس في الاسبوع الفات خمسة سالوني من تلفونك ... وحسب عرفتي الضيقة انو ما عندك موبايل لحد هسي ومافي تلفون عمل لانو اظن انو مافي عمل زاتو كان ما اخاف الكضب ... ياخي اكتب تلفون الجيران هنا .... (لو ساكن جنب بشر) ...

Post: #43
Title: Re: مُـنجزات اعمـــالِ الصمت (مرسوم بنات الكدرو)
Author: Eng. Mohammed al sayed
Date: 12-29-2005, 02:29 PM
Parent: #37

كتب الغالي دكين المكين
Quote: ما بتعرف ليك واحدة من الكدرو هنا ؟؟؟

زاملتني في سنين الدراسة
كنا اذا انتهي بنا الدرس,جمعنا متاعنا,ولان مضاربنا وحدها الاتجاه,اجدها بالقرب مني
وتبتسم حين اعكر صفوها بقولي :
الحمد لله ذهب الهم والكدرو

..........................................................................................
Quote: انا ياخوانا مشتت المنطقة الشرقية انظر الخليج العربي عله يجيب

حذاري ان تاتي ,ففي الشرقية حنين لكل ماهو شرقي في وطني.ولا يفوتك ان الكدرو مضرب من شرق النيل

Post: #38
Title: Re: مُـنجزات اعمـــالِ الصمت (مرسوم بنات الكدرو)
Author: صديق الموج
Date: 12-25-2005, 10:08 AM
Parent: #1

Quote: ايها الاكارم ..

انا كما اسفلت لا ازال مصرا على ان التعليق هنا يذهب بالمعاني اجمعين..


دكين...وهل فى التحاء الاكباد الجراح جناح..بس مصيبتى اكبر اعانى هذه الايام من شبق لى قعدة مع ست شاى نواحى الكدرو..ان اردت ايضاحا تحت النيمة القبل محطة البنزين..يالها من ساحرة تلك البنية ..عليها مسحة جمال لا تخطئها عين درويش ورائحتها نعناع اتت من نواحى بابنوسة من اعمال مديرية كردفال او كردفان لم تاتى بها فاقة ولكن اتى بها الجمال(بفتح الجيم يا وغد)احسب انها اتت مشحونة مع صناديق حلاوة لكوم..كلامها تزيده الامالة حلاوة على حلاوته مع صرامة زى حقت الحمامة فى ذات دفاع عن فرخ..اسال الله ان يقيها ذئاب الخرطوم واصحاب الجبايات الاوغاد من رجال الضرائب التى صارت تؤخذ من المساكين والفقراء وابناء السبيل والعاملين عليها ومن هم فى الرقاب.جلست اليها ثلاث ايام متتالية وتسولت حديثها ذاك المشوب بخجل وليس لى نية فى قمر السماء والله على ما اقول شهيد..وفزت منها بمقعد ورزقت قرب الموصل..شفت وحيد التى تحدث عنها النواسى حين قال:وهى فى سكون الاوصال تجيد..ذلك كان حديثها..حديث لو قيل حول الكعبة لجاز..سالتها عن ابقار بابنوسة حيث ان هنالك ذبابة تعيسة ..قالت لى (حى ولدامى)مع غنة فى الدال تحيلها ضاد..حليلوا بقرنا..وكم تمنيت ان اكون ثور تشتاق له تلك المسيرية الحرة.
قالتها بلوعة قطعت نياط قلبى واسترسلت بذاك الصوت الغانج(هكذا تخيلته) وكلنا رواد احلام..ووصلنا لمشاكل الدونكى واعطابه الكثيرة وكيف ان ورود الماء قفار فوقها قفار ودونها قفار.فجآة التفت الى نفسى فوجدتنى اارتدى كرفتة خلعتها بعنف(مالى والخنق وقد انتهت رحلة العمل التى لبست من اجلها هذه الكرفتة الوائدة للحلق والخلق) حتى اجلس براحتى على ذاك البنبر اتاملها وحديثها.قامت تدلق ماء بكفل ينوء بالعصبة اولى القوة مجدت الخالق الصانع القدير ونهود كسنابل المقد عندما يشوبها الغنج..حوقلت وتشهدت
وانا بين خيالاتى لا اعى..تعوذت شيطان النفس والهوى وتظاهرت اننى لم ارى شئيا لمنحها مزيد من الاطمئنان،وقد كان..اوعزت اليها ان تبيع مع الشاى لقيمات او بسكويت واقمت لها دراسة جدوى ودراسة تسويقية لزيادة مرابحها ،تظاهرت بقبول الطلب ولا اظنها محتاجة لزيادة السلع فى متجرها لان زبائنها كل من يمر بذاك الشارع تقريبا.ولافتتها لاتخطئها عين..ذلك الجمال الباهر الذى يتضوع منها واليها..ادعوا لها معى من العين...
دكين كم سخيف انا فقد شوهت البوست باسهابى ولكنها احد تداعيات الكدرو..
استودعك المولى الى ان ياتى هذا البوست شيطان من اربابه ليبثك النور الجيلانى كداروية
او كما قال..لك مؤدتى،،

Post: #39
Title: Re: مُـنجزات اعمـــالِ الصمت (مرسوم بنات الكدرو)
Author: خدر
Date: 12-25-2005, 10:30 AM
Parent: #38

يا مولانا
رحل البوست الي الدورة الجديده قبل الارشفه
لي فيه مأرب اخري






مشغول اسه انا

Post: #41
Title: Re: مُـنجزات اعمـــالِ الصمت (مرسوم بنات الكدرو)
Author: خدر
Date: 12-26-2005, 01:27 PM
Parent: #39

Quote: وهل فى التحاء الاكباد الجراح جناح..بس مصيبتى اكبر اعانى هذه الايام من شبق لى قعدة مع ست شاى نواحى الكدرو..ان اردت ايضاحا تحت النيمة القبل محطة البنزين..يالها من ساحرة تلك البنية ..عليها مسحة جمال لا تخطئها عين درويش ورائحتها نعناع اتت من نواحى بابنوسة من اعمال مديرية كردفال او كردفان لم تاتى بها فاقة ولكن اتى بها الجمال(بفتح الجيم يا وغد)احسب انها اتت مشحونة مع صناديق حلاوة لكوم..كلامها تزيده الامالة حلاوة على حلاوته مع صرامة زى حقت الحمامة فى ذات دفاع عن فرخ..اسال الله ان يقيها ذئاب الخرطوم واصحاب الجبايات الاوغاد من رجال الضرائب التى صارت تؤخذ من المساكين والفقراء وابناء السبيل والعاملين عليها ومن هم فى الرقاب.جلست اليها ثلاث ايام متتالية وتسولت حديثها ذاك المشوب بخجل وليس لى نية فى قمر السماء والله على ما اقول شهيد..وفزت منها بمقعد ورزقت قرب الموصل



لاحولاااااااااااااااا يا الموج
جبتو من ويين ده كلو
الله يطلع .. زي ما طلعت ...


والله و تاء الله قول مثل قولكـ هذا لم يطرق اذني منذ وفاة صاحب المستظرف
التحيه ليكـ


____
هوووووووووووووووووي
جااااااااااااااااااي
قاتل الله البعد عنكم ايها الجميليين

Post: #45
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-30-2005, 04:20 PM
Parent: #39

طرووق او كما يحلو لك الاسم من ام لقاء ..
نوعية البامبرز دي رديئة يا حبة ..
في بامبرز (كالفن كلاين) بتلقاهو في المولات الكبيرة .. انتا قايل لقاء دي هينة ولا مقطوعة لينة؟؟

تعرف يا امنقة زول وانا في بؤسي هذا ربنا حضرني الحفلة السويتها في قطر ..
اعنية انا امدرمان ..
والله يا طروق لامن فرحتا اني بعرفك ..

ياخ انتا وجيه بالمناسبة..

Post: #46
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-30-2005, 04:29 PM
Parent: #39

وليد طه

تخيل السنة الجاية زي الوقت ده المرة تقول ليك عايزين لحم كنغر عجالي..
حرم لامن تجيك نفسيات ..


النسوان هم النسوان ..

كان في استراليا كان في المربع ..
والمثل بقول (الكنغر البجيب الريح .. اطعن في ضلو)

Post: #52
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-31-2005, 05:38 AM
Parent: #38

ود الموج

اولاد امدرمان الزيك ديل يستحيل يخربوشي خشو فيهو ..
زيك زول صاحب زوق راقي وحسس مرهف محبتو واجبة..

يكفي البوست زهوا انك جعلته مكانا لتداعياتك انتا وبتاعة الكدرو ..

حبابك يا جميل من اي فج اتيت به الينا..

Post: #42
Title: Re: مُـنجزات اعمـــالِ الصمت (مرسوم بنات الكدرو)
Author: صديق الموج
Date: 12-29-2005, 08:38 AM
Parent: #1

Quote: لاحولاااااااااااااااا يا الموج
جبتو من ويين ده كلو
الله يطلع .. زي ما طلعت ...


والله و تاء الله قول مثل قولكـ هذا لم يطرق اذني منذ وفاة صاحب المستظرف
التحيه ليكـ


____
هوووووووووووووووووي
جااااااااااااااااااي
قاتل الله البعد عنكم ايها الجميليين


خدر انت اجمل..نحن الما عندنا فى الطيب نصيب،،،،

Post: #44
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-30-2005, 04:01 PM
Parent: #1

واثناء عودتي من الشرقية ومرورا باطراف الربع الخالي
ادركت كم انا بعيد منك عزيزتي..
كم ترى يلزمني من الرمل والسماء كي اكون على متر منك؟؟

قيزان بلا نهايات ..نفود اثر نفود....
كان كل شي بالغ الاتساع حولي الى حد انني لم استطيع تصور من هو ابعد مني..
والحال هكذا تصوري لامن مسكتا قميصي خوف ان تزداد المسافات..

Post: #47
Title: Re: مُـنجزات اعمـــالِ الصمت (مرسوم بنات الكدرو)
Author: waleed500
Date: 12-30-2005, 04:41 PM
Parent: #44

تحياتى دكين
ما عارف الرابط شنو بين الكدرو والكرور
تشابه احرف ولا البنت الكرور اصلا كدراوية.. يقال
ان كدراوية اغنية نور جيلانية وقلبى مقتول بصبية
شال النوم من عينيه وجناحو صفر ياى ياى ياااا
عندى كلام كتير عن بنات الكدرو ولانى من ال هذا
البيت سوف ادخل من دون ما اطرق الباب...تعرف الباب
ده من اجمل الابواب التى شيدت فى هذا العصر القليل
الدسم بحس براحة حينما ادلف هنا يكون سر الراحة دى من
وجودك هنا ولا الدار دار حسناوات الكدرو انا بقول الاتنين
صنعو الراحة....اكتب يا دكين ياخى انت مفروض الحكومة تتبناك
حتى يكون الشعب ده فى غبطة وسرور بعيدة الامد بالتالى
المظاهرات بتنحسر (اقصد بالحكومة _الادارة البورديه)>>انتظر منك حديث
كدراوى ونحن فى الانتظار هل انت متكلم؟؟؟

Post: #53
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-02-2006, 02:18 PM
Parent: #47

Quote: تشابه احرف ولا البنت الكرور اصلا كدراوية.

وهي كذلك يا وليد ..الفي بالك ده هو ذاتو ..
اها رايك شنو ..تستاهل ؟؟

Quote: عندى كلام كتير عن بنات الكدرو ولانى من ال هذا
البيت سوف ادخل من دون ما اطرق الباب..


طيب انا راجيك تدفق لينا ...

وتشكر للاطراء الجميل .. والدار دراك

Post: #48
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-30-2005, 04:51 PM
Parent: #1

ابو امنة العزيز

.... (لو ساكن جنب بشر) ...
تخيل الاربعة يوم الفاتو ديل انا بنوم في حتة اقرب ادميين منها 40 كيلو ..
تخيل تكون نايم مفرد لا شريك لك في سرير دبل في زيفة وبرد في مكان يقع على بعد 15 مر من البحر و40 كيلو من اقرب ادمي ..
يعني لو طلعتا عريان اكورك بما يفتح الله عليى بكلمات في دائرة قطرها 39 كيلو لما اسمعت حيا...
حتة الله لا وراك ليها ..


موضوع الموبايل :
انتا عارف اخوك لا يزال يرزح في الفقر والعدم ..

الهاي تاكنولوجي دي تستهلك مالا وعافية ..
وانا غير العافية ما عندي وخاتيها للغالية ...

في هذا الزمان المُـبتلى آآمل ان تجد نصيبها من عافيتي ..

والله اعلم ..

Post: #49
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-31-2005, 04:46 AM
Parent: #1

Quote: مافي فرقة لي فقير معدم ؟؟



Quote: مافي رفقة لي فقير معدوم؟


اها دي بنية من صليل القوافي زي ما بقولوا ....
بت واقعة من جبة وسجادة وتثير مخزون الكتابات الغميسة ..
من زمن المحنات والانمائية ياغالية ..
ومن القلب تُـقرا..





قد ارسلتُ ما تيسر ومن بنفسة شي فليلقني والليجي يقلعنا..

Post: #62
Title: Re: مُـنجزات اعمـــالِ الصمت (مرسوم بنات الكدرو)
Author: القلب النابض
Date: 01-07-2006, 10:02 AM
Parent: #49

دكين

زرع الخالق ما بنقلع

والمكتوب في الجبين لابد تشوفو العين

ورفقاً بالرفيقة! وانا اعلم بانك أرفق بها من نفسها

لك ولها أمنيات اللقاء والتوادد والوصل الذي لا يعكره فراق.

Post: #50
Title: Re: مُـنجزات اعمـــالِ الصمت (مرسوم بنات الكدرو)
Author: فيصل نوبي
Date: 12-31-2005, 04:56 AM
Parent: #1


دكين ( عشا البايتات )

و جبل .... الما بنطلع

سلام و الله يهنيك بالانت فيو و كل سنة و انت طيب

تهريجة:

النقط دي كان غلبتك بتمها ليك بهناك

Post: #51
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 12-31-2005, 05:08 AM
Parent: #1

Quote: انها في اطراف غابة الموز عند طرف الكوبري ناحية الخرطوم

.
اخوي يا حمد

غنى الخليل فقال
قدلة يا با الحاج حافي حالق ..
قد قتله الشجن الى ربوع ام در ..
وانا الان يا حمد لوتدري كم يقتلني الحنين الى جولات العصر ما بين كبري بري وكبري الحديد بتاع بحري ..
قد جمعنا مع الاحبة حب تنسم روائح النيل من هناك .. والشرف في القول والفقر المدقع ..والسلاف
كم احببنا ذلك السهب الاخضر وتلك السواقي ..خليط من رائحة برم السنط والموز والعشر وحشائش لم تدركها المسميات بعد .. واريج من طرف الازرق ..والمحبات والمودة

في يومي هذا مستعد لان ادفع ماتبقى لاكون في عافية ذلك المكان ..
ياحمد دمتا رايق ودام بهاك مشمول بالنظام ..

Post: #54
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-03-2006, 03:34 AM
Parent: #51

Quote: تخيل تكون نايم مفرد لا شريك لك في سرير دبل


يا هو دا ؟؟؟
















هاك بنات الكدرو ديل

Post: #55
Title: Re: مُـنجزات اعمـــالِ الصمت (مرسوم بنات الكدرو)
Author: garjah
Date: 01-03-2006, 11:10 AM
Parent: #54

Quote: وانا غير العافية ما عندي وخاتيها للغالية ...




يا زمن وقف شوية

Post: #56
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-06-2006, 04:52 PM
Parent: #54

حمد اخوي

السرير سريري وانا به زعيم...

وللذين لايعلمون فان قطعتي الملابس التي في المخدة المقابلة هي مشتراة للغالية من المنطقة الشرقية للاستئناس بها ولقفر المكان وحاجته لان يكون اليفا..

كان في الدولاب بس لقيت التلاتة متر البين الدولاب والسرير دي موحشة قتااحسن يكون اقرب ..وعليه كان حيث رايتم..



مؤخرا اكتشفتا انو الوحشة ليست في السرير ولا الشاليه..

وانما هنا(واشار الى قلب خالي من الذكر)






حمد اخوي مرة لا تعينك على ذكر الله وسد زرائع الدنيا اخير منها الحِـلبة بتاعة اخونا تنقو المطقمة مع فنلتك..
فاظفر بها حمد وتنعم ...






ملحوظة : الهاء في اظفر بها راجعة لي ذات الدين وليست لحِـلبة تنقو ..

Post: #57
Title: Re: مُـنجزات اعمـــالِ الصمت (مرسوم بنات الكدرو)
Author: صديق الموج
Date: 01-07-2006, 03:14 AM
Parent: #1

Quote: السرير سريري وانا به زعيم...


والله اعلم بالسرائر

Post: #58
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-07-2006, 05:18 AM
Parent: #1

دكين :

خذوا حلبتكم عني فدنياي ذخر بذات الدين و الحسب ، اما الثالث فساحدثك عنه ليتر ،

فقد ظفرتُ و لا حاجهٌ لي بما غنمتم .

أما عنها :

فما يجمعها بحلبة تنقو إلا اللون

أتدرى يا حبيب ؟!

نعم نعم

لها لون حِلبِي و قلب حَليبي

و هي

قالوا قطعة سكر

أي سكر الله يهديك

ليس كمثلها سكر الجميلة اللطيفة

فهي لا تماثل ، و لكن يمكنني ان اصنع لها تمثال ،

و أضعة هنا ( و أشار إلي الرف ) و اطرق صامتا ، و ندم علي ما كتب .

Post: #59
Title: Re: مُـنجزات اعمـــالِ الصمت (مرسوم بنات الكدرو)
Author: Haydar Badawi Sadig
Date: 01-07-2006, 05:22 AM
Parent: #58

شكراً يا دكين،

لقد قلتها بصدق، أيها الشفيف.

أعزائي البورداب،
أرجو زيارتي في هذ الخيط:

الـــــــــــلـــــه

يناقش الخيط موضوع الساعة.

Post: #60
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-07-2006, 07:28 AM
Parent: #58

اما الثالث فساحدثك عنه ليتر

حمد اخوي

لا ادري ماقصدك بالثالثة ..ولكن ابشرك غاليتي جسمها فاخر وبهكنة يُـزل السرج عن حال متنها كما ذلت الصفواء بالمتنزل..
لها ايطلا ظبي وساقان مجلوان من رخام رخيم ..

عن الثوالث حبيبي ليس كمثلها شي ..


وفي اخر مهاتفة وريتها كيف انو البترميها هي سماها بحملا انا في واضاتي ..

قامت ردت قات لي : نردها ليك في ليليتك ياعزيز..

فسكتُ وداهمتني عبرة من لايرى في القريب لقاء ..


غاليتي ماعندها اتنين تلاتة ياحمد وتعرف كيف تدير شؤن الحنان..



الذي اعلمه انك ظفرت بشي جميل بديع الوصف ..اورثتك صمتا وترتيبا ودبلة وملت عينك ..بس الجزء التالت منها ده ما اظن يحصل حرمنا حفظها الله في حلها وترحالها..


ثم لا تندم على شي جال بخاطرك فسطره قلمك وااعلم إن الدنيا لا تحتمل الدسوسية..

وسرعان ما نرحل عنها..


هذا واسعد الله نهاراتك ومقام حالك..

Post: #61
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-07-2006, 07:57 AM
Parent: #1

قرجة

دي عافية في حرز محرز يعني زي غذاء الجنين ..لو الام اكلت ولا ما اكلت لا ينقص من غذائة شي ...

اها عافية الغالية دي كان طال الزمن ام قصر ،وهن العضم ام اترم، بكى الزمان ام بنا سعِـد فهي باذن الله القادر واهب المروات واجدة..



اخوي قرجة
العافية ثابتة باذن الله
والغاليات راوبح كان يجن ُقماح ..

Post: #63
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-07-2006, 10:52 AM
Parent: #1

Quote: قامت ردت قات لي : نردها ليك في ليليتك ياعزيز..


ما على كيفا يا حبيب ، لا زم تردها ليك مثني و ثلاث .

Quote: بس الجزء التالت منها ده ما اظن يحصل حرمنا حفظها الله في حلها وترحالها..


نعمل مسابقة حلا و لا كيف ؟

Post: #66
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-07-2006, 12:47 PM
Parent: #63

Quote: ما على كيفا يا حبيب ، لا زم تردها ليك مثني و ثلاث


والحق يلازمك يا صديقي..

واحد صاحبي ما افضلو عليك قال لي ونحنه جلوس : مثني وثلاث ورباع وخماس لحدي سبعة..وحلف ودق صدرو ، واحسبة كان صادقا لانو جات من القاهرة طوالي ولدت ..

خلعني بي صراحة لامن قتا ياربي الزول ده جدو كان كم حصان؟؟

بس بعد ما وصلتا البيت ضرب قال لي : الحقيقة ده بس في الشهر الاول ..هسع انا ياعزيز بخش تحت السرير لو شميت ريحة الدخان طقت في البيت..




Quote:
نعمل مسابقة حلا و لا كيف ؟


الجزء التالت من الغاليات ما عندو علاقة بالجمال يا استاذ ..

كان النور مطفي او مولع فهي اجزاء تتشابه وانما الاختلاف في الاحجام والمقاسات ومنو الكانت بتعلب حجلة ومنو الكانت بتركب عجلة ومنو الكانت بتعلب عروس وعريس..



ودمتا رايق اخوي حمد..

Post: #64
Title: Re: مُـنجزات اعمـــالِ الصمت (مرسوم بنات الكدرو)
Author: 3mk-Tango
Date: 01-07-2006, 11:23 AM
Parent: #1

عجبني ليكم الشغل النظيف دا .. لطشتو من بوست شديد لافي بي جاي ..




Post: #65
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-07-2006, 11:50 AM
Parent: #64

تنقو

شاكيرا بقت تغني بالعود ولا شنو ؟؟


وحاتك يا تنقو وما طالبني حليفة قبل شوية وانا بكوي جلاليب الحاج قتا حقو انزل غنية لي ابو عركي في البوست ..وانتا نزلتا ليهو غنية كتا بغنيها قبل عشرة سنوات في المظلات جبل اولياء ..
حرم انتا وحمد تكتلونا ذكرى ساااااااااااي

انتا ود فقراء عدييييييييييل وانا امنت ..
بعد ده ياخوي انا وحمد بنجيك في قبتك ديك مدنقرين ونبوس الكفوف..
وبدل (اللازانيا) نجيب ليك لالوب ..


شايل سبحة شيخ العركيين تمبس ولا شنو انتا؟؟

Post: #67
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-07-2006, 03:01 PM
Parent: #65

ده شنو يا تنقو انتا شفتها و لا شنو ؟

ياخي الكلام دا ياهو وصفا زاتو .

علي اليمين انتا حاوي بس .

خلاص يا زول انا البمسك البياض ، و خلي دكين اليدخل عليك المريدين ، و طلاب الدواء .


اما انت يا دكين

فقدر ما نرفعك لي فوق تنزلنا تحت.

الحاصل شنو يا اخ ؟؟

شكلك رايح ليك مكمن اسرار ، ربنا يجمعك بيهو قريب ، و تكحل بيهو عينيك .

شايف شيخ تنقو بشرك بي قرب الوعد .

بركاتك يا تنقو .

Post: #68
Title: Re: مُـنجزات اعمـــالِ الصمت (مرسوم بنات الكدرو)
Author: نادية عثمان
Date: 01-08-2006, 10:48 AM
Parent: #67

دكين

كل عام وانت بالف خير

وكذلك لله درهن بنات الكدرو !!!






الكدرو .. الكدرو نفر !!!

Post: #69
Title: Re: مُـنجزات اعمـــالِ الصمت (مرسوم بنات الكدرو)
Author: خدر
Date: 01-13-2006, 01:54 PM
Parent: #64

وسماح عينيكـ عاد يعمينا زي الليها ماشفنا


تعرف يا دكين جنس غاليتكـ دي و جنس كلام عفاف ده بجهجهوني .. جني و جن الحَنان ياخي
البنات !!

أح ح ح ح ح ح ح ح

انحنت كي تلتقط شنطتها من اريكة مهترئه تزين منزلي الحقير الممتلئ فقراَ و حناناَ
فكشفتَ .. لا ادري عن عمد ام تأمرت تنورتها القصيره مع رغباتي المختبئة بمهاره

رُفع الحجاب لنا فلاح لناظرِ قمرُ تُقطع دونه الانظارُ

واكتشفت ساعتها ان المولي عز وجل قد خلق البنات من طينة و اولاد الداخليات من طينة اخري
وتجلت قدرت الخالق ,, فالفرق شاسع بين لِباس العزابه ولِباس غاليتي آنذاكـ
كشفت تنورتها المتأمره عن حواشي لباس (بناتي *) وردي اللون شفافه
كانت تنتعله آنذاكـ ,, وكنت انا طبعا حافيا تلكم الايام,, قاتل الله الفقر و الصيف و العمل السياسي
و
راودتها بعد عام عن نفسها و كان ساعتها صدام مشغولا بغزو الكويت الشقيق فيما يُعرف في
كتب التاريخ بـ ,, كمبلت
كان نهاراَ رمضان غائظاَو كانت خائفه و كنت اردد في سري

رمضان الكريم شن قدركـ بي صومو .. اكلي و اشربي باكر بشيل لكـ لومو





ساواصل





______
* يتلخص الفرق بين اللِباس البناتي واللِباس الحريمي في الفورمولا التاليه
كلما صغر عمر البنت كلما كبر لِباسها حتي يتمكن من إحتواء ثروات البلاد القوميه
و كلما تقدمت بها السن كلما صغر لِباسها وتناثرت اشلائه

Post: #70
Title: Re: مُـنجزات اعمـــالِ الصمت (مرسوم بنات الكدرو)
Author: garjah
Date: 01-14-2006, 11:42 AM
Parent: #69



دكين

خدررررر


اخوكم مستغرب من حكاية العافية البيدخروها للحلوات دي

بالمناسبة يا دكين الحاجة الوحيدة الما ممكن تدخرها


هي العافية

فالقاعدة تقول لا يوجد شئ يمكن اداءة بنفس الجودة كما كنت تفعل في السابق

فالماضي دائما جميل

فكورتنا الزمان كانت اجمل

وحكوماتنا الزمان كانت اوطن

وشبابنا الزمان لن يعود




لكن فكرتك حلوة

واتخيلتك يا منجة...وانت شايل ليك كمية من العافية مبارياك محل ما ماشي

ويلاقنك الحلوات ويتوسوسن

هي

شوفن دكين داخرلو عافية قدر شنو

بختا بت الكدرو

Post: #71
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-14-2006, 06:06 PM
Parent: #1

Quote: فالقاعدة تقول لا يوجد شئ يمكن اداءة بنفس الجودة كما كنت تفعل في السابق


قرجة..

الشي لا يخضع لاي قاعدة من اي نوع فهو في حد ذاته قاعدة..

ارايت لوان شيئا صبر دهرا فتعتق ،اولا يكون مذاقه مُـسكرا مروعا وذا نشوة ..
قس على ذلك إن صح القياس ام لم يصح..




نسأل الله ان يهبنا واياكم عافية تجفل منها الحرائر..

Post: #72
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-14-2006, 06:13 PM
Parent: #1

خدر

تعرف في 75 في المية من روايات ماركيز دنقرن الخادمات ذوات التنورات القصيرة اثناء نشر الغسيل ..
ماركيز طوالي تما الباقي موية ..

لاتيني ما بهظر ..
امسك لي اقطع ليك..



ان افظع مافي البشريات هو اللباس ..
الكائن البشري ذو اللباس هو المثير على الاطلاق ..
الاول عديل ده ..


البراشوت الذي ترتديه النساء هو صاحب الطقس الاول والاخير ..

تبدأ من طق وتنتهي بي طق..
ده لو اللستك مشدود..




تبدو صافيا هذا المساء يا مزاج ..

Post: #73
Title: Re: مُـنجزات اعمـــالِ الصمت (مرسوم بنات الكدرو)
Author: القلب النابض
Date: 01-14-2006, 08:36 PM
Parent: #72

كل سنة وانت طيب آآدكين

بخيتات بنات الكدرو وسعيدات

وقبل العيد الجاي يارب


انطوت المسافات طي , وأعمال الصمت قد أُنجزت

ونُفذ مرسوم بنات الكدرو

وشربنا شرباتكم

ولو اسفيرياً سنتذوق طعمه.

دمت لها بعافيتك

ودامت لك بحنانها.

وكل سنة وانتو طيبين.

طيبين

Post: #74
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-15-2006, 05:28 AM
Parent: #1

وانتي طيبة يا قلب والسنة دي تتحقق امانيك ..



بتسمعي لي الكابلي؟؟



خدي اي غنية من طرف ..واعتبريها اهداء عيد ..ولو ما عندك قولي عووووك..

دي اجمل هدية ممكن اقدمها لي زول بعيد ..

وانتي تستاهلي الجميل..

Post: #75
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-15-2006, 10:48 AM
Parent: #74

انا كنت فاكر ان دكين وحده من تتقمصة فلسفة سقراط هذه الايام .






لله درك يا سقراط ، فقد البست ثوبك الكثيرين .

Post: #76
Title: Re: مُـنجزات اعمـــالِ الصمت (مرسوم بنات الكدرو)
Author: خدر
Date: 01-15-2006, 02:48 PM
Parent: #75

دكون
يا شقيق الروح من جسدي
اهوي بي منك ام المُ !!
ايها الظبي الذي شردا
تركتني مقلتاكـ سدا
زعموا اني اراكـ غدا
واظن الموت دون غدي
اين مني اليوم مازعموا !!

موشح اندلسي


والله يا دكين انزل الموشح ده هنا .. الا اجهجهكـ انت و الكدرو والنور الجيلاني ذاتو
شفت الكلام الفوق ده ده كيف !!

يا حمد خلي النقنقة و اكتب اسراركـ الداسيها دي

Post: #77
Title: Re: مُـنجزات اعمـــالِ الصمت (مرسوم بنات الكدرو)
Author: خدر
Date: 01-15-2006, 03:12 PM
Parent: #76






أح ح ح ح

انا عارف انو جنس ده بريحكـ انت و حبايبكـ




كل سنة وانتو طيبين

Post: #79
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-15-2006, 05:13 PM
Parent: #77

طروق العزيز

كلمتك بانو حضرتا ليك حفة قطر في بيت الثعلب بتاع تنقو في الخبر - حي الثقبة مساء يوم ممطر ..

رايتك وضيئا غنايا وعربيدا..

من ناحية تانية الموشح بديع وكلماته اندلسية كانها خرجت من بساتين الإلف ..

Quote: أح ح ح ح


من الصعب بمكان شرح احوال الحرف حاء ..

حرف حنان عصي ..يدخل في حال كثير من احوال العباد ...فيحيل الامر برمته الى حال اخر..

يدخل في الحب والحنان والحرد والحليل والوحوحات والروح ..

كان مروان العبادي -الله يطراه بالخير - إذا قدم حبيبته نواحي ود نوباوي شرب من سبيل هناك ولامن يروى ينزل الكوز ويعاين لي حبيبته ويقول: اح ح ح ح ح
وكنا اذا راينا جميلا يتهادى انا ودافي ومروان في المين روود نقول في جوقة جماعية :
اح حييييييييييييييييييينا..

واذا فارقونا الغاليات رددنا نحو سحابات الخريف ذات الالوان البنية : حليلا..

Post: #78
Title: Re: مُـنجزات اعمـــالِ الصمت (مرسوم بنات الكدرو)
Author: حمد فتح الرحمن
Date: 01-15-2006, 04:24 PM
Parent: #1

Quote: كلما صغر عمر البنت كلما كبر لِباسها حتي يتمكن من إحتواء ثروات البلاد القوميه
و كلما تقدمت بها السن كلما صغر لِباسها وتناثرت اشلائه





اي انه عندما تكون البنوتة صغيرة يكون مكمن الاسرار كامل الدسم ، كما القدح المكفي . و هنا يسمي الغطاء لباسا ، و يمكنك ان تراه و تلمسة دون تثريب عليك .

و كل ما البنوتة كبرت ، جماعة فرعون بجو يشيلو حتة ، و ناس آبدول ينقروا نقرة نقرتين تلاتة ، و الغريب في الامر ان هذه هي مرحلة النمو و الازدهار للمكمن ، و هي اكثر المراحل جاذبية لتلاميذ سقراط من الجانبين ، و يسمي الغطاء في هذه المرحلة نكسا .

اها بعد كدا يجي الزمن يعمل عمايلو لما الشغلة تبقي كالعرجون القديم ، و في رواية اخري كالقدح المفتوح ، و في هذه المرحلة و هي الاخيرة يتحول اللباس الي سربادوق ، و في هذه المرحلة تتحول العلاقة الي اخوة صادقة بين الطرفين ، احتمال تكسر قاعدة الاخوة بي مرة واحدة في السنة و غالبا ما تكون في المولد .

مولانا ارجوا الا يكون قد جانب الصواب اجتهادنا ، و نكون قد وفقنا لما فيه خير الجميع .

Post: #80
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-15-2006, 05:30 PM
Parent: #78

Quote: ينقروا نقرة نقرتين تلاتة


حمد اخوي
عدة ولا سويتش زد واي ؟؟
ياخ انتا ثقافة الباجة دي ما بتخليها ابدا؟؟

ثم ان اجتهادك ما جانب الصواب اخي حمد ..
ناس فرعون الله يأزاهم يشيلو ما ينفع الناس ويبقى الزبد جفاء ..

Post: #81
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-15-2006, 05:34 PM
Parent: #78

نادية عثمان


كل سنة وانتي طيبة والقابلة طيبة وامنياتك محققة ..


البوست بدا ينحرف بدخول اخي خدر واخوي حمد ..
لذا نامل المتابعة عن بعد واعملي ساتر ..

الناس ديل انا ما اضمن ليك شايتين وين ..او كيف ..او بي شنو ..
ولا اتحمل تبعات الاثار النفسية التي قد تنتج من جراء المتابعة لحديث اخوان الصفاء..

Post: #82
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 01-20-2006, 05:02 PM
Parent: #1

وكم شملتك من زمانها
أم شغلتك العطاريب عن أسرار الحديث والدندنة

يامسافر
انت من دون الافتراضيين تعلمها ..
هي لا تنحى منحا لا يجوز لها ..ولا تاتي امرا هو ردٌ ..انها تفعل ما تفعله النساء عادة ..
ولا يشغلني عنها عارض باذن الله .


بيد انها استمرأت صمتها الذهبُ.

Post: #83
Title: Re: مُـنجزات اعمـــالِ الصمت (مرسوم بنات الكدرو)
Author: Munir
Date: 01-26-2006, 04:35 PM
Parent: #82


دكـين :

ربما قيل لها ما قال شاعرنا القديم :


لا تاخـدي المسـافر يجري طـافر
يرمي حمـله فـوق اهلـك يسـافر
ويسوي لك سواة النـار للكافر




Post: #84
Title: Re: مُـنجزات اعمـــالِ الصمت (مرسوم بنات الكدرو)
Author: Ali Alhalawi
Date: 02-19-2006, 09:07 AM
Parent: #83

و رجعت لـ"المرسوم فى ضمير دكين" أتفقد صمت العشق
أتلصص على صمت "الكدراوية" التى تسرق النوم من العين

Post: #85
Title: Re: مُـنجزات اعمـــالِ الصمت (مرسوم بنات الكدرو)
Author: وجن
Date: 02-20-2006, 03:10 PM
Parent: #84

قمةالحزن أن يفوتنى كل هذا الإبداع

Post: #87
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 02-23-2006, 04:25 AM
Parent: #84

ياعلي وانا اخوك..

بحري بقدرة الجليل الباسط بسطت في اعماق نفسي إلف لا يحده حد ..

تخيل مرات بتخيل انا الرايحة لي بحري موش بت ..

Post: #86
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 02-23-2006, 03:09 AM
Parent: #83

منير الوجيه

ياخ للاسف خدر وحمد عوجو ربة البوست ده ودخلونا في حتات ضيقة شديد ..

بتكون طبعا عرفتا الضيق ده وين ..

وبنسلم عليك تاني يا جميل..

Post: #88
Title: Re: مُـنجزات اعمـــالِ الصمت (مرسوم بنات الكدرو)
Author: DKEEN
Date: 03-09-2006, 01:00 PM
Parent: #1

ياخدر الموشح بتاعك ده عايز لنك الحفظ بتاعو قبل ما يختفي من السيرفر ..إن امكن