Post: #1
Title: اوراد القرمصيص
Author: DKEEN
Date: 04-29-2004, 09:13 AM
Parent: #0
يا من تجدها اعدها
فتلك قسمتي ..
يا فلانة سأجمع لك مهرك يوماً وأجئ معتذراً عن سمرتي ، وسفالة الزمان ..
انا لن اموت حتى تٌٌقبليني .
(انتهى)
ربي هبها لي مجردة من الغربة والسهر ..معتوقة من ظلمة الظن والتخمين.. وهبني لها مودة ورحمة وحديقة ..
اللهم هبها لي عروساً تشهد مولدي وتهدهدني في حجرها ...
اجعلها اللهم سكينة امري تضئ لي فؤادي ، دامعة العينين لا تنفك عن ذكر المولى وسد ذرائع الدنيا ..
تذكرني بمناسيب النيل الأزرق وباني من تراب ، وترضعني الحياة وتختنني ..
واجعل بيننا اللهم مودة المحاصرين ، وصراحة المفارق ...
اللهم وبصرني بمكان ِخدرها ، فأذهب أليها حافيا إلا من شوقي وجاذبيتها...
اللهم يا واحدُ يا قديم :
اعصمني من دق البابِ الخطأ ، والبنت الخطأ ،والظنِ الخطأ
واحمني اللهم من اللواييق ، اللهم اهدني لها من غير ما لبس ..
آمين ..
|
Post: #2
Title: Re: اوراد القرمصيص
Author: اساسي
Date: 04-29-2004, 09:19 AM
Parent: #1
فتحي البحيري يقول ان هذا المنبر من اجل فضح واسقاط النظام فقط لا من اجل خواطر فيل عن العزوبية واشواق الزواج
اما انت ضال او فتحي البحيري اضل لانه لا يصلح ان يجتمع من يسقط النظام ويفضحه ومن اسقط في يده عندما اراد الزواج في منبر واحد
وكل يتخذه لماربه
يوما ما ستسقطوا انت وفتحي ورقة توتنا
ونتحاوم بين الخلايق ميطي
|
Post: #3
Title: Re: اوراد القرمصيص
Author: DKEEN
Date: 04-29-2004, 10:37 AM
Parent: #1
سيسقط المساء ان لم تاتي بشيرتي ...
عليكم بالمساء يا اساسي ..فهو الذي يدوم ...يدوم المساء فتدوم معه الآمنا ...
وما للانظمة من دوام ..
مالي انا والنظام ..
نظام شبكات ؟؟
|
Post: #4
Title: Re: اوراد القرمصيص
Author: walid taha
Date: 04-29-2004, 11:05 AM
Parent: #1
يا قادر اعتقه من اسر (البلكونة) وما يترآء من خلفها..
اجعل اتجاه بوصلته شمالا..
من هنالك ..من هنالك نغادر..
من هنالك يحسم احتدام الصراع وتعلن طقوس النصر..
ثم يعلن موتك متشوحابقبلة الحب الابدية على جبينك المسمر..فأنت المنتصر...بشراك.
اللهم يا رب ابلغه مسعاه..
واقسم له العصمة من الخطأ بنتا وبابا وظنا
واحمه من اللزوجة واللزجين
آمييييييين يارب العالمين
|
Post: #5
Title: Re: اوراد القرمصيص
Author: Ali Alhalawi
Date: 04-29-2004, 11:27 AM
Parent: #4
اللهم عطـر مساءاته الجيفة
اللهم بدل آلامه آمال
اللهم بدل آماله أحلام
اللهم بدل آحلامه لواقع جميل
|
Post: #6
Title: Re: اوراد القرمصيص
Author: حمزاوي
Date: 04-29-2004, 11:48 AM
Parent: #1
شقيقي دكين
سلام وتحية
يا ابن بلادي
اميييييييييييييييييييييين
بس الظاهر عليك ممكون وصابر
|
Post: #7
Title: Re: اوراد القرمصيص
Author: ali othman
Date: 04-29-2004, 12:18 PM
Parent: #1
اللهم اعنه على الصبر
وسهل له الصوم فهو اجدى له
فأن انتكس فألحقه في زمرة حامد
وحله كما حللت بلة
ومابين ليلة وضحاها الحقه بحلة حمد
ليحقق مناه ويجتمع بمن اماتته كمد
|
Post: #8
Title: Re: اوراد القرمصيص
Author: Ahlalawad
Date: 04-29-2004, 12:33 PM
Parent: #1
عشا البايتات
عليك بكثرة الإستغفار ..
عارف ليه؟
|
Post: #9
Title: Re: اوراد القرمصيص
Author: Rawia
Date: 04-29-2004, 12:40 PM
Parent: #1
| Quote: واحمني اللهم من اللواييق ، اللهم اهدني لها من غير ما لبس .. |
الكلام لاساسى
حسه فى احكم واجمل من هذه العباره
الباقى دا لى دكين
امـــــــــــــــشى
|
Post: #10
Title: Re: اوراد القرمصيص
Author: شرير والبرتقاله
Date: 04-29-2004, 01:23 PM
Parent: #9
امسياتكم معطونة
بشكل القرمصيص .
ونكهةالدلكة
امتنع عن ثلاث تسلم ولا تهلك
كفيل اذا صار فردي
ومشوار من الرياض اذ انتهي بك في امبده
وحلم اذ جاء بعد مشاهدة
روبي ولا هيفاء العريانه
وبعدين
اذا لم تجد كيس الصعوط ، اشرب حليب
اهو احس شوية من الباسطه البلا باسطه
|
Post: #11
Title: Re: اوراد القرمصيص
Author: Rawia
Date: 05-02-2004, 08:23 AM
Parent: #10
`
|
Post: #12
Title: Re: اوراد القرمصيص
Author: doma
Date: 05-02-2004, 09:37 AM
Parent: #11
ما بال هذا الفتي ؟؟؟ لووووووووووول
|
Post: #13
Title: Re: اوراد القرمصيص
Author: DKEEN
Date: 05-02-2004, 10:57 AM
Parent: #1
| Quote: ما بال هذا الفتي لووووووووووول |
دومة
بال الفتى في حتة تانية
وملا الدنيا صنان
|
Post: #14
Title: Re: اوراد القرمصيص
Author: Dafi
Date: 05-02-2004, 11:31 AM
Parent: #13
|
Post: #15
Title: Re: اوراد القرمصيص
Author: ايهاب
Date: 05-02-2004, 12:17 PM
Parent: #14
اللــــــــــهم امين
عرس لي دكيـــــــــن
وارزقه بنات و بنيــن
يجننوهو في راســـــو
ويريحو منو العالميـن
|
Post: #16
Title: Re: اوراد القرمصيص
Author: DKEEN
Date: 05-02-2004, 02:19 PM
Parent: #1
ايهاب
البنين والبنات البتقولم ديل انشالله هسع يكونو مالين عليك ايامك
يا غالي
وكل واحد شايل دكشنري في يدو..
تسلم
بالمناسبةالبقول (تسلم)طوالي منو ؟؟
دافيييييييييييييييييييييييييييييييييييييييييييييييييييييييييي
اين انت ياها المرض وينك انتا لابد
مالك عننا بتغيب ..تغيب وتغيب معاك لياليك والذكرى
والمناسبة شلضم جانا بي جاي من العودة قبل شهر ..
البلد بي هناك فضتت بس يوسف محي ومنقتو ومزمل ومرتو
واضاااااااااااافتك لي الغنية زهت بي بوستي ...
زهت ايامي وانا بتغزل .....تم تم ترا لالا لملم ..
تم الباقي ويسكي
نشوفك كتير بلاهي
|
Post: #17
Title: Re: اوراد القرمصيص
Author: ودرملية
Date: 05-02-2004, 03:57 PM
Parent: #16
سلامات
وعوافي
اللهم بلغه المقاصد
وختيهوا البيض (الباب) الفاسد
واكفيهو شر مسافر وكلو حاسد
|
Post: #18
Title: Re: اوراد القرمصيص
Author: tmbis
Date: 05-02-2004, 07:36 PM
Parent: #17
|
Post: #19
Title: Re: اوراد القرمصيص
Author: dreams
Date: 05-02-2004, 08:56 PM
Parent: #18
دكين
تسلم
|
Post: #20
Title: Re: اوراد القرمصيص
Author: DKEEN
Date: 05-03-2004, 08:47 PM
Parent: #1
هكذا يعلن تمبس عن افراحي كلها ..
ابدا ما تخيلت هذا القرمصيص الوعد بعيدا عن هذه الفتاة التي كانت ضمن عروض الحفل الكويتي اياه..
ومافي بت في الدنيا رقصت كما تلك البت النزلها تمبس قدامكم دي
رقصت حتى تمزقت نايط قلبي
ولايزال يتمزق عند العروض المكررة لذلكالعرض
كيدي خلق الله واتني يا شبه القمرة
ارقصي ورشي عبيرك فينا وفتحي يا زهرة
منو فيكم شاف جسم بتنى ورقصة سمحة وقرمصيص وعد ذي الكان في ذلك الهجيج؟؟
امانة يا تمبس كان مارسلتا لي السي دي بتاع القرمصيصة دي ..
|
Post: #21
Title: Re: اوراد القرمصيص
Author: Rawia
Date: 05-04-2004, 05:14 AM
Parent: #1
دكين امى قالت ليكم لمن تمبس يرسل ليكم السى دى
ادونا حبه معاكم
عشان نتفرج نحنا زاتنا لى بت ام روحنا
دافى الغنيه حلوة شديد
وانت وين...... عرست تانى
|
Post: #22
Title: Re: اوراد القرمصيص
Author: tmbis
Date: 05-04-2004, 04:41 PM
Parent: #21
دكين ..
ياخ مالك ومال العرس
انت قدرو ؟؟
السي دي يادكين جاهز علشان خاطر راوية بس .. انت قايل علشان خاطر عيونك؟؟
اها شوف القرمصيص الاصلي ده ..
|
Post: #23
Title: Re: اوراد القرمصيص
Author: Ibrahim Algrefwi
Date: 05-04-2004, 04:50 PM
Parent: #1
البلابل ديل اصلو ما قصرن مع القرمصيص...
دين ماكده ذاتو
|
Post: #24
Title: Re: اوراد القرمصيص
Author: الجندرية
Date: 05-05-2004, 09:08 AM
Parent: #1
دكين
انت قايلو شنو ؟ ما عرس
تذكرت اخت صديقتي التي كانت فرحة بقرب زواجها
وشغلت اختهاقومي دلكيني .. قومي دلكيني وهي نائمة
فتحت صديقتي وجهها فرأت والدتها تقطف البلاعة
قالت لاختها : انت قايلة شنو اهو نهايتو قطف بلاعات
لووووووووووووووووووول
الله يعرس ليك يا دكين
قرمبز
بلابل؟!!!!!!!!!!!!!!!
سمع اضاني دي
دا محمود عبد العزيز
انت عندكم حتة تانية بتسمع منها ؟
|
Post: #25
Title: Re: اوراد القرمصيص
Author: Frankly
Date: 05-09-2004, 12:33 PM
Parent: #24
لك الشكر .....فوق
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #26
Title: Re: اوراد القرمصيص
Author: Frankly
Date: 05-09-2004, 06:53 PM
Parent: #25
دفعا لهذا البوست الى الصفحة الاولى
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #27
Title: Re: اوراد القرمصيص
Author: DKEEN
Date: 05-09-2004, 10:46 PM
Parent: #1
تمبس ايها الرقيق
دوما تضيف الجميل الجميل ..
القرمصيص اصبح في حكم العنقاء والخل الوفي..
وانا ادرى ان قسمتي قد اضحت في عالم الاماني..
بيد لنها على الله ليست بعيدة ..
الجريفاوي
شكرا للحضور والمشاركة
فرانكلي
مشكور لهذه الدفعات المتوالية للاعلى ..
اننا فعلا في الواضة ..
وساقط في جيب خلق الله هذه الايام..
جندرية
مشكورة لدعوتك الطيبة ولكني مؤخرا قررت ان اقضي ما تبقى من حياة في شكر المولى عز وجل على ان الزواج ليس امرا اجباريا ..
لا ادري ماذا كنت سافعل بها بحالتي هذه لو كان الزواج فرض عين ...
احبتي
اعيش اسوا حالات الفقر خلال تسعة وعشرين عاما..
فلس غريب ونكد لا حدود له ..
ترهقني فاتورة التلفون كثيرا ..ولقائكم اصبح مكلفا ويضايقني ...
افكر جادا بالسرقة والحلول غير الشريفة ..
وقد ابيع قريبا هذا الكمبيوتر لو وجدت عرضا مناسبا ...
اعزائي شكرا لحضوركم اجميعن ..
ولكن صدقوني الحياة بشرف غير مجدية بالمرة ..
|
Post: #28
Title: Re: اوراد القرمصيص
Author: المسافر
Date: 05-09-2004, 11:40 PM
Parent: #27
لولى واتلوا ولوا مسائر حرير مو غزة
فدعة فريع عقد العقلة فوق الحزة
ربعة ربيع دارت فنايد الكنزة
جرة حبيل الرحط منه مافي مفزة
مريبيط القليب المنو نابتة معزة
جاييك من قريب اتقاطر عريقي ونز
رفعة قرمصيص بعدهاقل نومي وعزّ
نغيم نفسك يفوق ضرب النحاس الرزا
دكين
لديك ملكة الحركة
ودفقة الملكة
حركة السمكة
وبحر الكلام
التحية ليك
|
Post: #29
Title: Re: اوراد القرمصيص
Author: DKEEN
Date: 05-10-2004, 11:27 PM
Parent: #1
كل يوم بقيت انوم في تمام تسعة ونص مساء ..
هما وفلسا وضغينة ..
الليلة هجس هاجس فيني فتذكرت دون مناسبة تلك القرمصيصة المرسلة من قبل تمبس..
بهرني ذلك الضياء المرسل من تلكم الاماني المرسلات من غيوم السودان..
وهانذا ارفع البوست متاملا شجيا ناسيا ظلمة نفسي وقساوة هذا الزمان واعيد نومي..
متى يسترد الله الوديعة فيريحني من هذا العناء الجليل ..
تمبس :
شكلك كنتا شغال مصوراتي بتاع صبحيات في الدماذين وزقاقات الموردة ...
جكس حلتكم ده لو عندهم اخوات للعرس قول لي اخوك عووووووووك..
وما تفكها فينا تاني اخوك ما حمار ,,اخوك دكين
ملحوظة:
ُرفع هذا البوست للتامل فقط لا للتعليق ..
وقد تاملت وهانذا ماشي انوم ..
اسعد الله صباحكم غدا ..
|
Post: #30
Title: Re: اوراد القرمصيص
Author: DKEEN
Date: 05-10-2004, 11:34 PM
Parent: #1
المسافر
دكين الوجيه شلهات بنات الحله
يقريك السلام والطيبات ِتنّدلا
يوم شاف الحريرة القول عليهو اختله
والفلس الكتير واقعلو من كرتله
الجكس السمح اريتو كان بنخلا
قالو الريق نشف من غيرو ما بنبله
|
Post: #31
Title: Re: اوراد القرمصيص
Author: صديق الموج
Date: 05-10-2004, 11:47 PM
Parent: #30
Quote: احبتي
اعيش اسوا حالات الفقر خلال تسعة وعشرين عاما..
فلس غريب ونكد لا حدود له .. |
دكين اخوى..حبابك
انت ما ملاحظ معاى انو الايام هنا بمرن سريع خلاص الا اول الشهر اصلوا
ماقاعد يجى؟؟..غريبة ده من شنو ياربى؟؟ سلمت،،
|
Post: #32
Title: Re: اوراد القرمصيص
Author: المسافر
Date: 05-13-2004, 01:41 AM
Parent: #31
الليلة الجميل شوف الحرير كيف زانو
فارد القرمصيص وتحتو المساير بانو
مال وانثنى وعود يعيد ميزانو
وفرد الكف تحية هبت وراه نيرانو
فرشو السباتة وطلقو البخور في مكانو
واتلموا البعاد قبل القراب الكانو
ومرقت رمانة الفريق الجننت حيرانو
النور كيف بهر ودفق علي جيرانو
ات يا دكين ما يهمك فقر وهوانو
وخليك هميم يجيك التمام بأوانو
ما تضيق بالشكية وحالك يضيق بزمانو
ولي باب الصبر يظهر عليك برهانو
دكين
مازلت أدلف إلى كلماتك وكم من فيها معنى ودل
وكم احساس وكم من نفس طلع وإدلى
لا تغيب خليك قريب
محمد حمد المسافر
|
Post: #33
Title: Re: اوراد القرمصيص
Author: ebrahim_ali
Date: 06-03-2004, 09:28 AM
Parent: #32
الحبيب دكين وينك يارجل مختفي مرة
تحياتي
قلت كدى أنرفعه ليك فوق حرام إبداع ذي دا كده يكون في القاع وآخر بوست في المنبر الجديد
يلا لفوق
|
Post: #34
Title: Re: اوراد القرمصيص
Author: المسافر
Date: 06-03-2004, 12:14 PM
Parent: #32
دوبة ادخنت ومرقت حريراً سايب
ابيض وجن في رهافة اللبين الرايب
لفح القرمصيص ورانا منو عجايب
حاز القلب مملوك عائد وتايب
دوبة ادخنت ومرقت تساير النسمة
ابيض وجن في بياض فويطر البسمة
لفح القرمصيص ورانا كيف القسمة
حاز الجمال شرعا حيازة وقسمة
ات يا دكين ما براك زمانك قاسي
امسك في العدد ما تكون ليه متناسي
بسم الله عشرة وواحدة تانية قياسي
واختم بالمثاني ودعاك بعدها اساسي
|
Post: #35
Title: Re: اوراد القرمصيص
Author: المسافر
Date: 06-04-2004, 11:32 AM
Parent: #34
ابرح خوافي الشوق في صبحك البواح
لماالندى طلق الشذي بين الفروع فواح
في أمسك حديث باقي وتمامه صباح
وفي صبحك حديث ماضي وقليله مباح
رافل القرمصيص وبينك وبينه صراح
لاطف كنوز الماس هسيس لماس ورواح
رفرف مقارب وفي التباعد مرة يلقى سماح
وكلما تباعد ورجع في إيدك يعود بالراح
|
Post: #36
Title: Re: اوراد القرمصيص
Author: المسافر
Date: 06-16-2004, 08:03 PM
Parent: #35
جانا المطر بلانا
يوم قمنا من بارحنا
تارينا نسينا غطانا
بارينا السدر وظلانا
ونسم عند الغروب هوانا
ولما السلم لمانا
عند مفرق دريب البانة
ظنينا العلامة ورانا
لازمنا المبيت وكفانا
خوف الودار يطرانا
وخبراً لينا يشيله سوانا
|
Post: #37
Title: Re: اوراد القرمصيص
Author: Rawia
Date: 06-16-2004, 08:27 PM
Parent: #36
نفتقد دكين
رايوة
|
Post: #38
Title: Re: اوراد القرمصيص
Author: حبيب نورة
Date: 06-16-2004, 09:35 PM
Parent: #37
فوق
راجعين
|
Post: #39
Title: Re: اوراد القرمصيص
Author: المسافر
Date: 06-20-2004, 11:42 PM
Parent: #38
هوي يا انا دا الدرب من وين ولا وين
دردرني الهجير حافيات علي قدمين
من يوم شفته واقف متضاري بين بابين
من واحد أعد وارجع من المتين
فلتت جدايلـو ولوحـت بين بين
واتفلت عطوف وفي وقافـو يلين
وفي الشوف اشوف المابتعرفو العين
غير أمرك يا دكين صار علي أمرين
|
Post: #40
Title: Re: اوراد القرمصيص
Author: tabaldy
Date: 08-08-2004, 08:28 PM
Parent: #1
لي فوق
لي دافي يا دكين
ناديهو
في ناس قالوا ما بعرفوا معانا دافي في المنبر , طيب فضل منو في المنبر غيرو ؟ تبلدي ؟ أساسي ؟
بكرة يجونا يقولوا ما بعرفوا شيري وبت قضيم الطولوا الغيبة
يا دافي يا
أبنوسي
|
Post: #41
Title: Re: اوراد القرمصيص
Author: dreams
Date: 08-08-2004, 09:27 PM
Parent: #40
| Quote: في ناس قالوا ما بعرفوا معانا دافي في المنبر |
بالغو لكن !!!!!
متأكد انهم معانا فى المنبر
تسلم
ويسلم دافى
ودكين ذاتو
|
Post: #42
Title: Re: اوراد القرمصيص
Author: نادر
Date: 08-08-2004, 10:18 PM
Parent: #1
دكين
أنا ما شفت البوست ده من زمان ... يا أخوي الله يجمع ... ده بوست يضحك ويبكي ... بس تعرف في البطبطة دي هاك النص ده أنسب حاجة مع حالة الإندياح الروحي
لوح السراب
عثمان بشرى
لوح السراب نقع محاية الشوق
لا تجيني لا نجالة الخاطر
سبيب من طيف
وقع الصقر .. أو هان
كتر البتابت عيب
لا تجيني هان في الغربة
أم سدولاً جيف
تعردي في يمنة ويسرى
أسئلة تعبر السيف
دحين ودرني .. شن خدرني
غير حيلاً غشاهو الكيف
يا تركة حشاي عنف المساسقة
والهبر والجيف
ضمة حساك .. كشنة بالي
متنخشم ضراي تبالي
جكاك المتنى رهيف
شن تبقى الرهيفة المالية
ضمة بلاك .. شايلة هلاكي
والميتة الفطيس كفكيف
صوت من نجم مقهور
ومتورط علاقة مع السماء
أو غابة في وردة مريض بلدي
معصلج في الحكيم والإسبتالية
مجنونة من غبشة زقاقات البيوت اليابسة
ماكلة ولابسة أحلام في الحضر
ثمود أو عاد وبيناتن حجر
منحل ..
غنوة بعيدة .. بعيدة
مقيات الهبوب والقرى المطرية
أو طورية
تفتق سرة في شهوة بذور
والضل كديب مأجور على حقو
مزنق في سماي
سمت المخاليق البتجبد
جوة ميدان الطحين سب دين
وزغرودات صبايا
عشم المسارقة والمجابيد الهويني
المفاتيح البلاش
والكيف مستف إحتشاد
كلاكي جيد
جيداً يجود حالكي
يا هبر القنيص الفضي
والخلا سم بهار
عفيط الشوق قميص ودران
من الصبر المحمد تار
أجيك مسك بدراوي
في ساعة نفاس بكري
أجيك عكري
أجيك من حتة الوطن المعتب ضل
ومتريق علي في نعشة مبلولة
ومطعنة بالخلو الذهني
من كدب التهم والجتة المرقشة
بالمرابيط واللحام البشري
أبنوسة في فد مرقة وقعد للريح
والهتش عريان
ومن وين أختلف عنك
يطيب ظنك
أدخلي من المغارب
ما ختاك النيل
محل قبلت أتمحن
وأشوفك في حداهو توسوسو
شن بتقولوا يا كاشفات جرفنا عروض
شن بتقولوا يا سمك الهجير والمستحي
أبنوسة طرف من براطيشي السؤال
عذبني قصر الأجوبة
ساسقت بين أمشي وتعال
عفرت هدومي الأتربة
وحل المقادير إختلال
في تكلنوجيا الأفئدة
تمشيني من أقصى التلال في الروح
إلى أشهى العذابات في الحبال
ينشل صوت الأقربة
أبنوسة جيتك برة
صوت الإجتماع
واللجنة والعرق الرهيف
طلقانة بنوت النميمة الهشة
سماك ما بتنفضح لليل
ولا بربح نجومك شوق
وبشر في السهل عفريت
وكل ما يسقطك في الدم عنت
إتجلبط هلاويس وانشتر
مين يقدر بلاك في العكرة
من شبق الطنين والفكرة
يبرد أضاني من قعدة ونسة الموية
والخمج المكركع
مين يقدر يحت إحساسي في غربال
يفرز كومو .. يسند نومو
بالإرث البتصحى من الصباح
دكان وراكوبة ونعال
تنشال على كيف
تتحدث عن الكوليرا ونهايات السباق الأجنبي
ولا هماك
مناكف في الغلط والصاح
وتتتقب براح
مين يطلع مع الضي من تحت فركة
وعصير نجمة هفيف الليل
ينقط في المسام
الهم برش . .
تمدد على كيفك
تتمدد قدر فرشك
وحتى إن كان إذا نعشك
زنق أحلامك البكرة
ومين يقدر يضمك في حدث عابر
ولد في ثرثرة بنوت من الدهشة
ويضمك في حلوقن ريق
مدبرة في الخفايا قدر
بلاك ما دافقت جواي
روح نطفة ولا بلغت ظنوني بلد
ولا ناطح عرق في الروح
بكيمياء العلاقة ولد
يا شكنبة كل القوانين
وإرتفاع صقر الممارسة
في أزيز الإيدلوجيا
أحبك ..
حر من البدرة الملح
أحبك
أنتي بايوتك الكلامات المهترشة
حين يصطدم الندى بالليل
لا تتفرعي في النار
نسمتك من السليقة
أنا وين من العالم
إذا كل القوانين
ركزت طايوقة فيني
ومركزت جواي كون
ولا هامش يكون في الواطة
غير إتنين ونسمة من الدغش
تمرق على التاريخ سلام
عودين مشبكة في هدف
وتترتب صفوف الديش
أنا وين ..
وتقعدي في الهبايب ثرثرة ونتيش
محننة بالسليقة …
آآ مهبوشة قومي من الزلط
دهستني في أترك سموم اللهفة
حي عليك قومي من العباية
الفار لعب فيني … الضلمة
أمرقي يا جاموسة من تحت الأكمة
أسكتي يا قرقير ضحاوي البال هي يمة
وإتلفح ضهاري الغربة
منك أنسيك أسمي وإتنبر بلاد
من صف بطاقة وإشتباهات في الهوية
ما بفوتك …
حدثي الجايين ورا رقراق بيوتك
ما بفوتك …
بين زناة الفكرة والغلط المبيت
ما بفوتك …
جف الدبر أو شيب
ما بفوتك …
أطلقي البيبان تفك ريقا
وتصلح من بنابرا للفريق
الواطة صبحت
واللحافات في الشمس
جريها تحت الزول
بكان خت الفقر
وإنطاق فجر ضحوية
ما بفوتك …
من يفضل باقي غير قفة غناكي الفنجري
أنا منك إدليت علي
وغشيت يميني وجيت عليك
يا شكنبة كل القوانين
وإرتفاع صقر الممارسة
في أزيز الإيدلوجيا
أحبك ..
حر من البدرة الملح
أحبك
أنتي بايوتك الكلامات المهترشة
حين يصطدم الندى بالليل
الآن لا أبكي ..
ولكني أحدد قدرتي في الإتساع
على مدى عينيك
رب طريقة أخرى تحملني الأمانة
وفق إيماني بها
وفظاعتي في العشق
إبان الهزيمة فيما يخص البحر
للبحر الذي
فيما يخص البحر
|
Post: #44
Title: Re: اوراد القرمصيص
Author: DKEEN
Date: 08-09-2004, 11:31 PM
Parent: #1
ميسون نجومييييييييييييييييييييييييييييييييييييييييييييييييييي
|
|
