دكين لو سمحت

تخيلت أنني لست في حاجة لتكذيب الأخ دكين
عمل لعبة نتضاحك عليها شوية وانتهى الموضوع
انا ما عايزة اديه اهمية

لكن يبدو انني مخطئة ،، ووجب التوضيح للبعض
وليس لي إلا ان اقول لمن شكك في نوعي
استفتي قلبك
ولو اني لا اظن أنه من المهم كثير لو كنت انا واحد واللا واحدة
بايرة واللا معرسة
بمشي مكعوجة واللا بكتب حروف معضلة
طالما اني ما مخططة الحواجب لأبحث عن عريس
ولا لابسة كرافتة لأصيد عروس السرور

ثم أنني لست في حاجة للتنكر فمن الأساس ،، لا احد يعلم من أنا ومن اي بقاع الأرض اتيت


كما اشكر حسن ظن البعض بي
وانا مش زعلانة من دكين بالمناسبة
كونه ما لقى غيري يتلصق فيه،، فده معناه يا انا زولة كويسة شديد
يا انا سيئة شديد كون الله شبك فيني الجن ده


ومحاولة استفزازي يا سيدي تبدو حلم بعيد
شفت كيف؟؟
فحقو تغير الشريط،، وتقلب الصفحة ،، وشااااااااطر ،، سطر جديد

دومة الحبيبة
كتر الله خيرك
كلماتك رطبت خلعتي
تسلمي إن شاء الله

الخت بت قضيم
كنت بصدد توضيح ان الاخ دكين ليس انت وشرعت في كتابة بوست في ذلك
ولكن سبقتيني الان
وذلك لسبب بسيط جدا بغض النظر عن نوع الكتابة والاسلوب والمفردات
فمن يدخل علي صفحة المتواجدين الان علي المنبر يجد بت قضيم ودكين الاثنان اون لاين فكيف له وهو صاحب الاشتراكين ان يكون اون لاين باسمين في وقت واحد
دكين
دقست فيها يا حبيب
الاخ دكين عزرا ولكني اري انك مهوس بكتابات بت قضيم بغض النظر عن شخصيتها ومن تكون وهذا لا يعطيك الاذن للتجني علي مكتسباتها وبوستاتها واسمها
عموما دافي صديقنا جميعا وما ارتكبه بكري معكم لا يبيح لك واد الاخرين فبكري موجود فلما تطعن في ظله

الناس رافضة تشارك في البوست دا
لانها بتحب تعيش في الكزبة

الأخت بت قضيم

لك تحياتى

الحمد لله اساسى اخرجنى من حالة الاحباط بربطه لهذا البوست فى بوست اخر للاخ اهل العوض ..

كنت قد تساءلت فى بوست للاخ اساسى هل هنالك من يكتب باسم امرأة وذلك بسبب شمار قديم بأن احد المبدعين جدا يتخذ اسما اخر لانثى يكتب به ولذا كان تساؤلى مشروعا ولكنى فوجئت برد الاخ دكين بانه بت قضيم وذهلت حقيقة ..

الحمد لله عزيزتى ان عادت ثقتنا لمحلها ونحن هنا يهمنا القلم دون جندر كما تقول الجندرية فكل يراع رائع نهواه ونشجع صاحبه ونتعاطى معه بكل ايجابية كما ننفر فى ذات الوقت من القلم الردىء الذى يبث السموم والكراهية والعنصرية ونتحاشى الدخول فى بوستاته ونهرب منه كما نهرب من الجزام ان حل بارض ..

كما تقول الاعراب فان لكل حادث حديث والحق يقال عزيزتى انك ملكت يراعا متناهى الجمال والابداع وكم اتحفتينا بكتاباتك الراقية جدا وارجو لك طول البقاء وان تزيدى ابداعا كما عهدناك ..

مع خالص تحياتى

يا دكين

اها شن قولك....يا صلباط

ما لقيت الا قضومة العسل

اطلع منها خلاص اتكشف دورك

الاخ دكين/بت قضيم
الاخ اساسي

سلام

داير اقول ليك يا اخ اساسي ممكن تدخل بميه اسم في وقت واحد من اقرب مقهي انترنت وانا الان لو عاوز ادخل باسمين في وقت واحد ممكن من اللاب توب والكمبيوتر في وقت واحد لو عاوز تتأكد ارسل بياناتك وانا ادخل باسمك واسمي

صراحه انا لسه شاكي في الموضوع
معليش يا دكين/بت قضيم

واسف يا صديقي اساسي ولكن ما حدث يجعلنا لا نعلم مع من نتعامل
وانا البراح بالذات جالس اراقب حركه دخول بت قضيم ودكين والله والله العظيم مرتين يتبادلو في عمليه الدخول والخروج
والله علي ما اقوله شهيد

الابن هوب لس رجاء خاص ما تعمل كدا انامتاكده مثلمامتاكده اني دومه انه بت قضيم ليست بدكين وان تبادلوا الخروج او الدخول او اي شئ هما شخصان مختلفان تماما فارجوك ماتساعد في هذه البلبله فشيري هي شيري وبت قضيم هي بت قضيم والولد دكين هو دكين

الوالده النبيله حبوبه شروق

كما تعلمي باني اول من تصد لدكين في بوست الاخ اساسي ولكن الآن تضاربت الاقول واصبحنا لا نميز بين بت قضيم ولا دكين بسبب ما ارادوا الايحاء به (ان كانوا فعلا اثنين) وهذا هو الحديث فارجوا ان تتمعني فيه جيدا .. ولا اود من حديثي هذا غير ان اوضح لك باني لست بضارم
نار
ولك احترامي ومودتي
بعض اعضاء المنبر جبنهم يثير الاشمئزاز

بت قضيم .. صباحاتك بيض.. الله يطمنك ... والله أنا اتجهجهت لأنه دا خبر غريب قابلته وش صباح اليوم ... على العموم سوف اتعامل معك كبت قضيم وانشاءالله ما يثبت العكس وتبقي "ود قضيم" ولا دكين...

اساسي

انا والله ما فاهم حاجه

وما قادر افهم الحاصل شنو

ممكن يا اساسي

ويا بت قضيم نكون في الصورة
؟؟

سلام مربع

بت قضيم حبيبة البي

هوني عليك اختي .. كثيرون هم الذين لا حيلة لهم ولا شغله غير
تعكير صفو
من
راقت ضمائرهم واستكان طبعهم
بالوان متداخله تكاد تكون باهته ولكنها
تطن وتطن مثل باعوض
زهجه الحر وزهج الخلق بدوره
ما الذي يهم الناس كوني فلانه او علانه
طالما اننا مازلنا على العهد
والود والمحبة نفسها
نقرأ لبعض ونتدارس ونعرف كتابات بعض
واحاسيسنا الجميلة
تكتب نكهاتنا وطعمنا
وتدل علينا
اذن
ماهي المتعة في الهرولة وراء
فضح ماسترته انا ..
لاسباب تخصني انا
عموما ولا اريد ان اكون كمن يحمش في النيران
لكن اري ان الموضوع وصل
الى سقف لا يمكن بعده السكوت
ان يطاطي احدنا
لهذه المضايقات
وان كان وجودنا يسبب ضيقا لاحد
او صرنا غير مرغوب فينا
يجب ان نعرف لنغادر في هدوء
مثل ماجئنا
حقيقي غاظني جدا هذه الموضوع
واوصلني الى حالات من الغضب لم اعرف ماذا اقول
وقررت ان اكتب في ذلك لاقول اقفوا هذا المزاح السخيف
لكن لم اشأ ان اتسبب في زوبعة
وابدو كم شن دخلك يا القاضي
رغم اني اسمي مذكورا بصورة او باخرى

سلام بت قضيم

اعرف جيدا ان لا علاقة لدكين ببت قضيم
كل اسم له شخصيته ومكان تواجده

تبعد بينهم الاف الاميال فلا يربطهم الا هذا البورد الرائع
بكل مشاحناته وغيظه واحيانا بعض المكواة المقصوده ربما

دكين يتوسط صحراء ما يبحث له عن ظل ربما هذا
هو دافعه لكل هفواته لست مدافعا عنه

اما بت قضيم فتجاور البحر لذلك تختلف الاشياء
وطريقة تناولها وطرحها وبلبلتها

والله يا جماعة الموضوع ما بستاهل زعل من دكين
يكفي الشهرة دي

انا بس زعلانة من ناس معينة اعتبرتهم اخواني والغريبة هم اول ناس شكوا فيني
سبحانك يا الله

ود العجمي
والله ما طنشتها رديت عليها
إلا لو ضاعت مع انتكاسات البورد السايبرية البتحصل مرات

دكين يا سجم
ما تجي ترد وتوضح ، الناس دي ذنبها ايه تتحمل غباك ده؟؟

بعدين أظن أن وجن ودافي يستطيعا التأكيد والبت في هذا الأمر
لانهم بعرفونا الاتنين
ما دام دومة ما كفت

ويا هوبليس
ولا يهمك ياخي
ومبروك وظيفة الحراسة ما باركناها ليك
المهم الراتب مغري؟؟؟
ووحاة الله بهزر،، لكن كلامه صحيح يا اساسي ،،، اي شخص عنده كمبيوترين ممكن يدخل بيهم في نفس الوقت باشتراكين مختلفين
لك الحق في التقييم كما تشاء يا هوبليس هذا حق مكفول له يا دومة
وبعدين انا ما عندي مانع اكون الدكتور الشرير مرة
باعتبار ان بت قضيم الدكتور الطيب ودكين وجهه الشرير
!!!!هي اسمها شنو الرواية كانت؟؟؟؟

تمبس
دكين قال هو بت قضيم
رأيك شنو بالله؟؟؟
البقول الإجابة الصحيحة حيربح رحلة للواق واق

كبسيبة
ما سلبطة بس
معاها قوة عين كمان

نووون
واللذيذة البنات المصاحباهم
بكون جاهم حمى هسه
شكرا للثقة

قرنفل الغالي
كتر الله خيرك
والله دكين ده زول كويس
لو عايز تمرضو قول عليه زول كويس
العكس ببسطوا شديد
ما شايف ابتسامتي الواسعة دي؟؟
مع اني دايرة اطرشق

شيري
حبيبتي
راس السوط ضربك
اصلو الوحدة تتمايع يقولوا عليها جكس مدلع حنكوش تربية محلات وطني
تخشوشن يقولوا عليها دكين
حالة سعبة
بس ولا يهمك نحن لها
الموضوع مزحة لطيفة،، فهوني عليك،، لو زاد الامر ،، بوريهم الرجالة صحي


هاااا
حد نازل المطار السري؟؟؟

ولا يهمـــــك
واثقين منـــك








لكن اعتقد انو دكين فعلا ما قصدو غير الهظار وان ثقل
شوفي كونو انو دكين وانتي شخصين مختلفين دي حكايه مافيها شك
لكن احتمال كبير تكوني اساسي
LoOoOoOoOoOoOoOoOlz
بايخه مووش

يا بت قضيم

ايووووووووووووا كدا فهمته

غايتو لما الواحد يكون مسطح

لكن ما داير احكها معاك واقول ليك قال متين ووين ؟؟ولييه ؟؟؟
لكن بعرف حاجه واحده بس أنو أنتو الاتنين عملة نادرة وخلقتو ثنائي واقعي ..واعتمدته عليكم كتير جدا ..
المهم انا قاعد هنا ومرخمممممممممممممممممممم ..ولما اجي بلاهي يا بت قضيم تورينا الـ انا منو ؟؟والما انا منو
بس ده كل الموضوع

وأنتو تاعبين نفسكم من قبيل
طيب ما كان تكلمونا بس وكان حلينا المشكلة

تعرفي يا بت قضيم
الناس الصدقت دي لانها عندها استعداد للتصديق يعني مسستبطنة فكرة انو النساء عاجزات وناقصات ولا يمكن ان يكن مبدعات
ياخي ديل صدقوا انو رواية ذاكرة الجسد كتبها سعدي يوسف وليس احلام مستغانمي
بس زي ما بتقول صاحبتنا نبيلة الزبير دعيها تمر ولو انك مررتيها بجمالك الفريد .
اخونا قرشو ما ذهبت اليه عكس ما فهمت انت ، مااره ان الابداع له علاقة بالجندر بل اذهب اكثر واقول له علاقة حتى بالنوع البيولوجي ، المبدع / ة يكتب ويبدع من معارفه وتجاربه وخبراته الذاتية ، ولكل ذلك علاقة بالجندر والنوع ، الابداع عمل فردي ويعبر عن صاحبه/ صاحبته ، ما اقوله ان ذلك ليس معيار قيمة فليس كتابة فلان ابداعية لانه رجل او امرأة بل لان النص المبدع ، واحاول اكتشاف هذه التجارب والفردانية من داخل النص نفسه.
المهم دي نقة كتيرة حتفقش راسك ساااااااااي
وعلى العموم لو لم اكن اعرف بت قضيم ووجدت كتاباتها ملقية على الارض دون اشارة لهوية كاتبها لعرفت انها لامرأة
محبتي لبت قضيم
واحترامي للجميع

ياسلاااااااااام يا قرشو
وعدت اكثر من مرة ان انزل الباب الخاص بالحريم اللامرئي من هذا الكتاب الذي احبه كثيراً ولم افي فقد اضعته .
فاطمة المرنيسي باحثة جادة وكاتبة متميزة لم اعرف انها تكتب الرواية
هذا الكتاب قرأته وكنت اظن انه جزء من سيرتها
احترامي وشكري الكثير

لا مؤخذة يعني

لكن ما يحدث هنا..

كلام فارغ و مسخرة اوي لا تضيف الى النشيد سوى النشاز.. النشاز

حقيقى يقودنى حدسى
انو بت قضيم هى بت قضيم

بسم الله الرحمن الرحيم

بت قضييييييييييييييييييييييم

صاح أنا شين وفاقد حاسة الشم لكن حقيقة لم أتذوق من مداخلة دكين غير النكتة والمزاح
فهوّني عليك يا بت قضيييييييييييييييييييييم يا مبدعة يا رائعة .. رأيك شنو في تاء التأنيث دي؟؟؟

ايهاب
ردينا ليك في بوست المعنى
بعدين يطلعوا فينا فتوة يقولوا قطعنا في ود الناس
الواحد يمشي ويتلفت في بورديكم ده
وبالله المرة الجاية يا ريت زول يقول عليا رانيا هارون واللا شيتاً فيه النور مجرور
اساسي انا ما شفته،، لكن باقي لي ما اسمح من رانيا هارون

واين الثرى من الثريا!!!!!!!!!!!

يا جماعة انتو جادين ولا بتهظروا


الموضوع ده بقى ماخد ليهو لحدي حسي تلاتة بوستات كاملة

والله حاجة غريبة فعلا

بت قضيم
امبارح قلت ارد لكن انشغلت وكان ردى انه الكاتبه ىوم الفول المصلح ما ممكن تكون غير امرأة وهى الجندرية سبقتنى بس قالت الكلام بطريقة فاهمة
يا اخوانا هنالك اشياء ومشاعر كتبتها بت قضيم فى يوم الفول المصلح لا تستنبط وانما تحس
والحس الصادق بيقول انه بت قضيم ودكين شخصيتين مختلفات

يا دكين يا ود امى
انت كتاب والله ليه الا تتشبك فى بت قضيم

غايتو كدى ان نمشي نعزل لى اكتب زول فى المنبر دة واتشبك فيهو

دكـيـن = بـت قـضـيـم


أو


بـت قـضـيـم = دكــيــن

و الـلــه ما جايـة غايتو إلا الواحــد إركب ليها فــيــــل



حتى تدخل الراس .



يا جماعة و الله راسنا ما بستحمل براحه عليهو

العزيزة بت قضيم

لك احترامي وودي وتقديري

البورد ده مرات بيخوف ، يعني كأنه الواحد في غابة
والتعدي عليك ده ممكن يحصل لاي واحدة فينا واي واحد

فانا ماقادرة احس انه الموضوع بسيط
لانه عنده ابعاده

وانا اتمنى انه يكون فعلا الاخ دكين بيهزر
وعاوز يشوف انفعالات الناس مثلا
والناس الجريئة في تعنيفه
والناس العكس كده

بس برضو شي غريب الاختيار ده
يمكن لانك نجمة في هذا البورد والجميع يشهد لك
متاعب الشهرة وكده

بس ورينا كانت في مشكلة قديمة ولا شنو؟
لانه ده اسلوب في البورد موجود للاسف
كتير ناس بتبت تار لبعضها للاسف
ولا اعجاب يمكن؟

وليه الصمت ده من دكين
كسب وقت اطول ولا شنو ؟

والله ياخي للاسف
شي محــــــزن والله

الاعزاء البورداب
الحبايب
والله انا لمن قريت رد دكين ولقيته اتسلبط في بت قضيم...
الحاجة الوحيدة العملتها اني ضحكت ضحك شديد ..من دكين ومقالبو الماليها اول ولا ليها آخر....
مع انه انا ما قديم في البورد..لكن من قرايتي البسيطة شفت مشاكسات دكين ومناكفاته لي بت قضيم ...واحترام بت قضيم الممزوج بشوية خوف من لسانه السليط داك ...لوووووووووووول...
وعرفت على طول انه دا مقلب جديد من دكين...
وما اعتقد انه في داعي للحجة الطويلة الحصلت دي الا انها تكون اضافة لسجل المشاكل في البورد...
يا جماعة كل مرة بنقول انه الناس تطول بالها لي بعض وتتحلى بسعة الصدر
وتخت الظن الحسن في الاول ..عشان البورد ما ناقص مشاكل..
انا ما كنت عايز اكتب في الموضوع لانه اتخيلت زي بت قضيم انه الموضوع ما محتاج ...
عليكم الله يا حبايبنا
عليكم الله
بس نطول بالنا لبعض
ونحاول نتقبل الدعابات بحسن نية السودانيين المعهودة
حتى لو كانت من العيار الثقيل
نخلي البورد ساحة للحب والتواصل...



في امان الله

ههههههههههههههههههههههه
جِنويته قامت عليه
والله طولت ما ضحكت
يا حليلك يا دكين
بقيت بت قضيم عديل كده

خائفه أقول دكين فردتى العالم الفاضلين لى من الناس
يشمونى بسببك يا دُك دُك لكن الله غالب
مجبوره خادم الفكى على الصلاه

عزيزتى بت قضيم
مشتاقين والله
عارفه الود دا مجننى بيك بت قضيم بت قضيم
طيرتى ليه الفتفوته الباقيه من نافوخه
أها سوا نفسه إنتى
ومن .........ما بقى دكين بت قضيم

وزى ماقلت ليك من زمان إنتوا إمتداد لبعض فى الجنويه
الله يخليكم لينا ونستمتع بيكم أكتر وأكتر
والله أنتوا الإتنين حاجه ما تخلص
وأجمل حاجه أنكم رغم تعارفكم فى هذا المنبر الجميل
قويت أواصر أخوتكم وتعاملكم راقى جداً جداً
لدرجه فظيييييييييييعه
والدليل ألو لو
قصدى إن ناس البورد كلهم هاجوا لآنك شخصيه مرموقه بالنسبه ليهم
وفجأه يجى واحد معولق فى نظرن كدكين ويقول أنا بت قضيم
بكل جمالك وتألقك وكلامك وأخلاقك العاليه
فوقعت لديهم موقع ما لطيف فأعذريهم وأعذرى دكين أن أغرقه إعجابه بكتاباتك
فى متاهات وأن كنت أعلم أن كلامى هذا لن يروقه لكن ما مشكله
بعض من حركاته ومنه نستفيد

يعجبنى فيك أعصابك الهادئه ورزانتك
دمتى عزيزتى

وإنت يا دكين مباااااااااااالغه
مواضيعك دى بتفكر فيها بتين
ما تلقى ليك طرف بوست مدلدل بتعمل منه مواضيع قوام قوام تألفه
أها فى داعى دخلت العالم كله فى حيص بيص

أساسى سلام
ههههههههههه
يعنى أى هيجه فى المنبر لآزم تكون طرف فيها
بعد دا بقيت متعهد شكلات فى المنبر
أسمع دايره لى صيوان شكله لمده تلاته يوم
اليوم بكم

يا ناس المنبر مشتاقين والله

والله يا اساسي حكايتك حكاية محل ما امشي القاك عامل غاغة

ياخي حرام عليك سيب الناس في حالا

ياخي مالك ومالو دكين ولا بت قضيم

ياخي ما تخلينا في المفيد وبطل الغاغات يا غاغة

صحي والله الاختشو ماتوا

الإخوة الأعزاء/ لكم خالص التحية وعاطر المودة
لا يمكنني إلا أن أقول جازماً أن بت قضيم لا يمكن أن تكون إلا هي، ليست لدي معرفة شخصية بها وليس لدي حس الناقد المتبصر للأمور ولكن يمكن أن يكون هنالك تشابه ما، مجرد تشابه، كأن أقول أن كتابات بت قضيم تشبه إلى حد ما كتابات شيري، ولكن لكل منهما نكهته الخاصة ومزاجيته الخطابية والكتابية، فشيري تهتم بالسياسة كجانب من كم إهتماماتها الكثيف والمتعمق، تميل إلى حد ما إلى الطرفة التلقائية الجميلة، رائعة في سردها، ودودة جداً مع الجميع، لا يمكن أن تملها.
أما بت قضيم تعرف كيف تغوص في بواطن الأحداث خصوصاً الأحداث التي تحتاج لدراية كبيرة ومتابعة ممعنة في التبصير، تعرف كيف تصيغ ما حدث فعلاً وما يمكن حدوثه على ضوء قراءتها المتمعنة لواقعها، مجتمعها، تميل إلى الطرفة التلقائية كذلك ولكن بما تمليه عملية السياق، ودودة كذلك ولكنها لا تميل للردود على كل المواضيع مثل ما تفعل شيري، وكذلك لا يمكن أن تملها.
ليس من خلال ما سبق أن أشير إلى أنهما شخصية واحدة (لا سمح الله) ولكني بصدد أن أقول يمكن أن يكون هنالك تشابه وبنفس المقدار لا يعني التطابق. ولذا أود أن أشير ولو إشارة صغيرة أو تساؤل بسيط ، كيف اقتنع الإخوة والأخوات بأن دكين يمكن أن يكون بت قضيم ؟؟

سؤال آخر ، هل استمرأ دكين هذه اللعبة لذا لا يود أن ينفي لنغلق هذا الباب النشاز أم ماذا ؟؟ ليتنا نسمعه.

ما بتحير الا مغير

..
.
(1)

Quote: طالما اني ما مخططة الحواجب لأبحث عن عريس ولا لابسة كرافتة لأصيد عروس السرور

(2)

Quote: دكين يا سجم ما تجي ترد وتوضح ، الناس دي ذنبها ايه تتحمل غباك ده؟؟

(3)

Quote: تخشوشن يقولوا عليها دكين حالة سعبة بس ولا يهمك نحن لها الموضوع مزحة لطيفة،، فهوني عليك،، لو زاد الامر ،، بوريهم الرجالة صحي

what's a wondurful comment's ya bittgedaem.
wallhi i enjoy ur post's & any word's u wrote here.
sorry i have no arabickeyboard in dz new off.ragoni o adoni alshareet ya Dkeen ma golna 3a2b..

ya abuhussain golta ly ila yrkabo liyha feel(Elephant)..ya zole ma tageeb lain alkash hina bardoo..

salam ya wajenat,
salahderar
assasy al 3laya gassi..
and all the rest..

مساء الفل
شاكرة حسن ظن كل من وثق في كلمتي وصدقني ،، وبعضكم قال في كلام،، لو جينا لموضوع اعترافات،، فالأولى أن اعترف اني نصه لا استحقه،، يا جماعة سويتوا لي أهميات من مافي،، لا انا لا الغبيان دكين يستحقها

رغم اني اعتقدأن من أفضل ما فعل دكين أن تقمص اسم انا نفسي تقمصته من سيده الفاضل سعيد ،،، فقد فتح افاقي الضيقة لأشياء كثيرة في مجتمعنا السوداني الطيب
رغم ان الموضوع تافه ولا يستحق لكني فوجئت بابعاده الكبيرة
ليس في شخصي المتواضع بل في العموم

واشكر ايضا حسن ظن كل من صدق دكين وكلامه،،، فكوني اكون شخص بقوة عين دكين شي ما هين

كنت قررت أمس أن لاافتح هذا الموضوع من جديد،، لكنني لم استطع ان اتحمل رؤية كلمات تنساب في كماء بارد في عز الهجير واسكت دون أن اعبر عن شعور الامتنان الذي شعرت به
والله يا دكين جدا شكرا،،، استطعت أن تريني كيف اكون في بعض عيون الناس الطيبة

تسلموا لكل شئ

بالمناسبة يا دكين
في ناس بدت تراسلني على اساس اني انا انت
شفت كيف؟؟؟
يعني ما انت انا
فانا شاكرة بشدة فضل صداقاتك

المشكلة تطلع دوما هي بت قضيم ودكين

السلام عليكم

دكين

انت حبيت تلفت النظر ولا شنو؟؟؟

واذا كنت بتهظر فده اسخف هظار..





بنت قضيم

تحياتي



و

لي قدام

سلام بت قضيم

سلام دكين

شايفك اشتريت ليك بوست قبل يومين حولت ملكيته لك ولا شنو
اختفى من الوجود اصلوا عندى فيهو ملكية نصفه وبي مستندات
كمان انتا عارفها اكيد

بعدين نرجع للموضوع الاساسى انو مافى موضوع عندك
وفى ذاك البوست انتا ما وريت اخوانك بالرغم من انه انا قلت ليك
ورى اخوانك عشان يعرفو لكن ما فارقه لو انتا قلتا او انا
وريتهم فى النهاية المعرفة على قدر الحوجه


بتعرف بله يمكن تكون بتعرفه او سمعته بيهو على العموم
سوف يزورك ويوضح لك كيفية الحلول مثله مثل اللاب توب
وتاكد من من ارسلته لك

دكين

Awadnasa
قال الله تعالى في كتابه العزيز كُلَّمَا أَوْقَدُوا نَارًا لِلْحَرْبِ أَطْفَأَهَا اللَّهُ وَيَسْعَوْنَ فِي الْأَرْضِ فَسَادًا وَاللَّهُ لَا يُحِبُّ الْمُفْسِدِينَ
مع الفارق الكبير في أساس الخطاب وكيفيته ومناسبته إلا أنني ، والله أعلم، لا أجد سبباً موضوعياً لإثارة نقطة أخرى أو إتهام شخص آخر والجميع بصدد التأكيد بأن دكين كان يمزح ، بصرف النظرعن وقع مزحته هذه على كم ووقعها كذلك على كم آخر من الناس إلا أنها سببت من المتاعب ما سببت، وكما قالت الأخت/ بت قضيم أن الموضوع فعلاً لا يستحق ولذا أتمنى ألا تفتح له باباً آخر

سلام بت قضيم

سلام للرجوع والعوده

دكين الشين قلتا لى موهوم بيها

دكين يعشق دكين
دكين وهم دكين
هناك اسلحة للدمار الشامل وانت تعرفها جيدا اظنك

اولا الويكا وهى بدرة تعتبر من انواع السلاح الكيمائ
الظاهر انتا ما بتعرفها ولا ما عندك فكره كويسة
سوف تاخذ منها بس بدره جرعه خفيفه للرفرش
( need to know )
تانيا الاعلامى سوف يحضر لك بله سبق واخبرتك

قلتا لى مخطوب (فى البوست السابق) ما تكون نسيت
استخدم بدرة الويكاللانتعاش

صورتك الخايف عليها انتا قايله دى الكليه

ان تعشق فانت موهوم
وان توهم فانت معشوق

عندى حبوبه زمان قالت ابعد من الدكن وكان لقيتو عضيهو

سلام

لم افي،،، وليست لم اوفي،،، اللام دي ما قالوا ليك جازمة،،،
يا روسي

!!!أها مشيت
طيب،، مع السلامة وبالله ما تقطع،،، الله يبارك فييييييك،،، الله يسلمك
عليك الله سلم لينا على الناس القدامك
وإن شاء الله تمشي وتجي بالسلامة،، وعقبال الوش الجديد
يا اب وش

صلاح
Awadnasa
بهزر
ما تبقي حساس كده
دومة دي بالذات فوق مستوى الشبهات

شفت يا دكين
بقيت شبهة
جيد لي امك

ود العجمي
ما قلنا ليك معليش
نتير يعني واللا سنو

تحياتي للجميع
إن شاء الله البوست ده ما يختفي
قاشرة بيه الأيام دي
البت عاملة فيها ليلى علوى،، ونظام ودكين مجلة الكواكب وكده يعني
ابرى من البت الدبة دي

بت قضيم


يعني نفهم من كلامك دا
انو اعتراف ضمني
بانك ودكــين

في انتظار التحرر ؟

غايتو انا شاكي في ثلاثة

قرجه: وجن
كولا : غدي
اساسي: دكتوره بيان
روبينسون :عديلة المتوهجة

كان كنت قرجه جيد لآمى على قول بت قضيم يا شرير والبرتقاله
كان هسه كفيت أمى شر قعادى مقابلاها كده
لا شغله ولا مشغله
بلاى ما عندكم وظائف فى جده إن شاء الله مراسله

تصدق الليله أول مره أحس بشرك
عارف ليه
حاسه أنك بديت تشك فى بت قضيم
صدقنى ولو أن الأمر بستحق كان حلفت ليك بالله لكن الموضوع ما بستاهل
دكين صديق قديم جدا وود ناس ومحامى قد الدنيا
وبت قضيم صديقتى التى أحبها رغم عدم معرفتى بها الشخصيه
واعرف أيضا أن لها شأن كبير لا يخفى علينا
وصدقنى لولا أنها بتخاف من علاقات النت أنا كنت جرجرته بيتنا
بس الله غالب
يتخيل لى الموضوع أتفه من عمل الهُليله دى كلها
عملنا من الحَبَّه قُبه مش كده بالله
بعدين على فكره القطيعه القطعته فينى وصلتنى عشان تعرف الدنيا دى ضيقه كيف
لكن عافيه ليك يا حبه
مساءاتك بنكهه برتقالك يا طيب

والله يا شرير والبرتكانة دايرة اقول ليك الفهم قسم
إلا خجلانة منك

ليه النفس العدائي دا
المسألة ابسط من كده

ماجابت ليها زعل
يا
..
...
بعدين البرتقاله
وموش البرتكانه
البرتكان دي في سوق ام دفسو

والله؟؟؟
اتخيل كنت قايلاه بتباع في قزاز
!!!!

يا بت قضيم اللون دا ما حقك عليك الله لا

القزاز ببيعوا فيهو حاجات تانيه
موش البرتقال
يا طيبه
؟؟

غايتو يا بت قضيم
اولا فشلت في ادارة هذه المشكلة
بالرغم من ادراكي غير المشاب بالظن في انك ودكين شخصين مختلفين
لكن لم تريدي لا ادري ام لم توفقي في تغير هذه الصورة في ازهان البعض ( قد تكوني اعجبت بهذا الوضع ) نسال الله لك السلامة ان تكوني دكين

يا اساسي
بالجد انا ما قادرة اوصل فكرة ان انا لست دكين واني شخص منفصل بذاته وانثى تعشق لم الملايات؟؟؟

لما اكب العربي ده كلو ويجي الشرير يقول لي يعني انت هو واللا ما هو ،، من المفترض يعني ان اكب فيني جليد الاسكيمو وابتسم وارد ببلاهة اني هي والله انا ما هو دكين؟؟؟
استفزني الشرير وبرتكانته،،، وعلى فكرة،،، انا بطبعي مسيخة جدا جدا وليس لذلك علاقة بدكين أو غيره
إذا كنت ودكين نشترك في طبع المساخة،، هل هذه مشكلة كبيرة يعني؟؟؟
بعدين كيف يعني استمرأت الحكاية يعني اقلب ليكم هوبة مثلا؟؟؟
ثم اني اندهش،،، لماذا كلام دكين حديث منزل وانا كلامي مشكك فيه؟؟
يعني لماذا احاول ان اثبت كلامي ودكين بس يرمي كلمة ويمشي؟؟؟
العالم دي لها قابلية تصديق كل ما هو معوج
وجندرية ما كذبت
وبصراحة
بوستك الأخير ده طلعني من طوري
يعني كان لازم ابكي وانتحب واعمل شوية حركات بنات لاثبت للعالم اني عندي ضوافر وبضربها منكير؟؟؟
انا عصبية صح؟؟؟
معليش
ما بحصل ليك مرات تجي البيت ويكون زميلك في الشغل حارقه معاك وبعدين يجي اخوك يتغاتت عليك ويحاول يهزر وانت ما ليك في الهزار بالزهجة دي؟؟؟
اعتقد بهذا الشعور رديت على شرير
أما لو كان ردي يشبه ردود دكين فمش ذنبي
وان شاء الله دكين يطير في السما الاحمر شان ترتاحوا

ويا شرير اسفين،،، بس انت كمان بطل غتاتة وخفة دم ما في وقتها ما شفتني مركبة ايريال الشر؟؟؟
وبعدين تعال هنا يا اساسي،،، القال ليك لم العكاكيز منو وشغلك حلال مشاكل؟؟
يا اخواني ما بلقى لي زول فاضي افش فيه غل مدير السجم ده فيه هسه؟؟
ما تجي نتشاكل يا اساسي؟؟؟

العزيزة بت قضيم
خالص المودة
تابعت الجدل الداير ، وهل بت قضيم هي دكين ام لأ ، المهم يا ستي من الاول اعتقادي ان الاسماء ابدا ما ليها علاقة بابداع الشخص وكتاباته
وكل له خصوصيته
فما يهمنا هو كتابات بت قضيم الجميلة
ودمتي يا عزيزتي

مرات اجي ارد يا مايا اقول ما في داعي للأهميات
ومرات افكر انها قلة ادب مني وجليطة اني ما ارد على الناس
لكني عزمت وقررت ارد عليك،،، لانك اظنك قلت المفيد الجميل
بغض النظر عن كوني فانا اكتب وخلاص
رغم انه بيغيظ احيانا انك تكون مشكوك الهوية
ويجيني احساس اقوم احلف اقول والله يا جماعة انا ما دكين
ويجيني احساس اني لو رديت على حد في بوست حتشكك فيني يا ربي هي واللا ما هي،،، صفة الكذب والشكك اللي حاسة انها حتلازمني مضايقاني جدا

لكن لا بأس،، موضوع وينتهي إن شاء الله
دمت يا عزيزتي

الأخت العذيذه بت قضيم

هونى عليك الأمر أختى وكان الله فى عونك..والله الأحداث الأخيره قرفتنا من البورد شديل والواحد داخل وبطنو طامه

لا أدرى كيف لم يفهم ناس البورد هذه المسأله..يعنى لو فى واحد بيستخدم أسمين كما يدعى الأخ دكين وأعترف أنو هو نفسه بت قضيم..ياجماعه بعد كده الورقه البستخدمهابتكون أتحرقت وبفكر يدخل بأسم جديد..وكونهو أنو فى واحد بينفى وواحد يؤكد ده معناها أنهم شخصيتين مختلفتين اللهم الا أذا كان الواحد عندو أنفصام شخصى..يعنى يا جماعه بالعقل كده أذا كان الأخ دكين مصر أنو بت قضيم فمن هذه الشخصيه التى تنفى بأصرار ذللك

أوافقكم فى الدور المدهش الذى تقمصه الأخ الى خلاكم تنطلى عليكم هذه الحيله ومنعتكم حتى من أستخدام العقل لدقائق معدوده لتقصى الحقايق..يا جماعه يوجد الكثير ممن له خلاف مع الأخر فى البورد أو فى غيره يعنى لو أنتو بتصدقوا أى كلام يتقال ده تبقى مصيبه

باكر ذول ممغوص من كتابات بت الاحفاديقول أنها طلعت ولد وأقرع كمان..ولا واحد يقول لقيتها بتبيع الشاى فى سوق سعد قشره..وأخر ممغوص من هترشه شيرى يقول طلعت راجل ومتذوج أربعه ولا يمكن يقول لقيتها تتسكع فى شارع النيل والخ...

يا جماعه لكم فى حادثه الأفك عبره..فلا يأخذكم الهوى وأستهدو بالله

الأخت بت قضيم

لست محتاجه لتبرير موقفك..العايذ يصدقك كان بها والماعايذ الله معاه وأنتى لست فى قفص أتهام لتدافعى عن نفسك ولا تدخلى نفسك فى الجدال الذى لا طائله من وراءه

وللك أحترامى


وفى أمان الله

لا اله الا الله

سلام للجميع

بت قضيم لكى التحية والتواصل

بت الاحفاد كلامك فى محله وجميل

اما هذا الموهوم دكين فماذا تغطى اصلا
الواضح بقولو ما فاضح يا موهوم يملاءك الوهم حتى النخاع
اما الكلام السابق فانت تفهمه جيدا جدا

واتمنى ان تكشف المغطغت
قلتالى مخطوب ولا لا كما ذكرت سابقا

انت تعيش فى وهم كبيييييييييييييييير

سلام للجميع

الوهم الدكينى لا زال مواصل

ياخ قلنا ليك ورى اخوانك واخواتك عشان يعرفو وانت رافض


قلتا لى مخطوب ولا لسه

قانونى مخضرم طبعا انت بتعرف الخضرمة كويس

ولا قانونى محترف حليل القانون

هذا النوع اتخيلوا درس القانون ولا يفقه فيهو شى

يا عبدو لا دكن
يا عبدو لا نكد
يا عبدو لا يا عبدو لا


ولا يحلو لك عزو....عزو.....عزو.....عزو

الصورة لسه ما وصلت
الحبوبه الليلة تانى قالت لى حكمه بس هسى مستعجل

سلام ورغم ان الكتابة بالماوس تشبه نظافة العدس كماقالوا. الا ان الحق يجب ان يقال فهذه البت قضيم من اروع ممن كتب فى هذا البوردورغم عدم معرفتى الشخصية بها لم ولن يداخلنى الشك فى انها انسانة جميلة بالمعنى العميق للكلمةومن المحزن جدا ما تمر به بسبب مزحه سخيفة من المناكف دكين. ارجو ان ينقفل هذا الباب وتعود لنا بكتاباتها التى نعشق.وعذرآ بالانابة عن كل المتشككين فنظرية المؤامرةموجودة فى جيناتنا و انت ادرى

سلام يا احباب

يا دكين بطل الصلبته وخلي بت قضيم في حالها.... يا جماعة انا بعرف دكين وما عندو اي علاقة ببت قضيم وللاسف ما حصل لي شرف التعرف ببت قضيم الا من خلال كتاباتها في المنبر الحر ... وبعرف قرنفل وصديق عمر ... واخ عزيز

يجازي محنك يا دكين

اعتذر للجماعة واركز يا زول ...بطل الصلبته

يا خوانا
انا اعتذر عن ما سببته لكم من ازعاج وحرج ..هو ليس اعتذارا بقدر ما هو ندم علي اني زعلتا هذا الشي العزيز على نفسي بت قضيم..
ان الامر بدا مزحة
معليش ثقيلة ولكنها كانت مجرد مزحة ... توافد القوم هنا وهناك وكثر الحديث ..فاخذتني العزة بالاثم وواصلت ثقالتي تلك..
ماحبيت ازعل هذا الشي الجميل(بت قضيم)واعتمدتا على طولة بال افترضتها فيها..وكانت كذلك ذات بال طويل وسمح كما تعودت..
وما حبيت زول يزعل ..
بس ما عارف الناس استنكرت الامر بالطريقة دي ليه..
البينات الظرفية التي تصب في صالح اننا شخصان مختلفان كانت اكبر من البينات التي تصب في اتجاه اننا زول واحد..
اظن لاني في نظر الكثيرين مشاغب وصعلوك فان التصاقي في بت قضيم في حد ذاتو مسالة ظن الناس انها تحتاج من يودبني فيها ...
او ظن الناس انني لا استحق ان احب بت قضيم لدرجة اللصتقة دي ..
يعني استكثر البعض علىً حتى الريدة فيها..
او حتى اني اكون زي الزين في عرس الزين مجرد درويش ..
واصلت وما هماني زول وكان عزائي في ذلك ان بعض البورداب وصلهم قصد المزحة الاولي وان الامر لا يستحق سوى النظر بعين غير..
والله لم اكن اعلم ان في الامر ما يستحق الاعتذار حتى علمت قبل سويعات ان ذلك الخاطر عندي اكبر من هذا الراس الذي يابي الاعتذار ...
وعلمت ان بت قضيم فعلا شايلة مني تقيل وان الامر اضجرها..وسبب لها الما على الم ..وهذا ما لا تستحقة تلك المحبوبة
والله اني اقولا على الملا
انا دكين اقولها واعلم ان في قولها وهمة وشي مغرق في العاطفة والخيال
فكيف يحب الرجل منا شيئا لا يعلم كنهه ديقتال في ديقتال جزء من عالم افتراضي..
محض خيال ..
اقولها اني حبيت هذا الشي الذي لا اعلم له حقيقة ولد.. بت ..مرة..قبيلة..حلة ..جن..شيطان

المهم هذا الذي دعى نفسة ببت قضيم ..
حب ماكن متمكن ..ومبرر غير كافي لما سببته من الم ..
حب جزء من محنة الديقتال المعاصر..
المستمر ..
ضحية جديدة للتكنولوجيا ..
حبيتاواتصلتقتا فيها ..
ولان الامر لم يكن عقلاني اصلا..
واصلت في جني وصبينتي وهذا الرهق ..
ومع ذلك يبقى حبي لها امر يخصني ..
وعدم تصديقكم لها انها بت قضيم امر يخصكم انتم ..
لا دخل لما قلته انا في اصراركم انها انا ..
ومن الواضح انكم انتم اعتمدتم على اشياء لا دخل لي بها ..ولا يجب ان تحشروني في مغبة سوء استخدامكم الاشياء في قياس هل هي .. ام هل ليست هي..
لا تحملوني وزر قربكم الشديد من هذه الاجهزة وولا تسقطوا على حالات غير...
وصدمتها فيكم ..
الامر لم يكن بهذه الصعوبة والشبه لم يكن بهذا المقدار الذي يصيبكم بالاشتباه ..
باي قياس قستموه..
لو ما قادرين تعرفو..او ما عايزين
انا بقولا
اعلموا ان هنالك اسباب لست طرفا فيها ..
يحتاج الامر لان تصارحو انفسكم ..
ومع ذلك انا اعتذر لكم اجمعين ..اعتذر صادقا غير مجبور لان هناك فعلا من تالم ..ومن ظن.. ومن ادركته اشياء لم تكن لتكون لولاء ما فعلت ..
لكم جميعا دون فرز ..
عميق ودي وبالغ اعتذاري..
ووالله وددت لو اني اذكر كل الاسماء هنا فردا فردا ولكن القائمة طويلة..
والغضب على كبير وقد لا يترككم لتطلعو على الاسماء كلها ..
ويا بت قضيم عذرا وحق الذي تعزين.. قد آلمني المك ولا ازال حاملا همك هذا الذي تحملين..وما قصدت شيئا يسؤكم..

وحقيقة اخيرة وهي برضو جزء من محنة الديقتال
هي اننا
لو استثنينا المعارف
(فان المتامل الموضوعي.. المتشكك او غير المتشكك لهذا اللبس الذي ادعيته... لا يغير اعتذاري هذا شيئا فيه)

وانت موغل في غيابك يا قمر


لا حد يخبرنا عنك

لا حد يطمنا



ايها الناس
اما من وصية بالجوار



يا العاملين اصحابا
ما تورونا الحاصل شنو؟؟