الموت غابة ابنوس مكلومة _مرثية

الموت
غابة ابنوس
مكلومة ..
وجرح هشابة
وسافنا كبا
حزنها
للرحيل ..
كيف تمضي
والبلاد تهيئ
عرسها..
وتعجن طينة احلامنا الكبيرة..
لترسم اطفالا للفرح الآتي
من سيعطي شجر الاسئلة
الحيرى ثمر الاجابة..
ونهر الافكار دلتا عامنا
القادم..

كيف تمضي قبل ان
يحل السلام لثغته
وقبل اكتمال النشيد،
في وتر الفجر
حين تكون الشمس
خارجة من نزيفها ..
كيف يكون الموت لازمة للولادة الجديدة
في مشرق الصحو
حين تمضي جنوبا..جنوبا
في زمن الفجاءة
يعلنك الغياب ..

Quote: كيف تمضي والبلاد تهيئ عرسها.. وتعجن طينة احلامنا الكبيرة.. لترسم اطفالا للفرح الآتي

كيف??

Quote: الجميل عماد شمت اشتعل الوقت في حديقة الوطن الوارفة .. هذه الايام خط تقسيم المياه مترع بمياه حركتها غمامة الزمن المنسي الحمامة طليقة تبحث بين الغابات عن شجرة طرية الخضرة .. ليكتمل الابنوس، بين الاغصان تختبئ غدارة غبية.. لكنها محشوة بكثير من الفشنك غير واحدة حية .. فهل تنسجم الاقدار معها؟ لك التحية ياشفيف

العزيز ود السر

القصائد فشل في
تعزيتنا..
والخرطوم تفتح شريانها
للنزيف هذه الايام..
اراه يعيدنا للمربع الاول،
ومياه كثيرة تجرف
جسر الثقةالذي لم يكتمل بناءه الاخير
وها هي جراحات الهشابة تعتور من
جديد..البعض هنا يمتلأ للآخر
بخبز العنصرية..
ويمتطي الاحداث ليزكمنا
بمعروضاته النتنه..
الاقتباس اعلاه رد علي
عماد شمت ابان
عودة بطل السلام المفقود
د.قرنق..
اننا امام اخطر مرحلة
في تاريخنا الحديث
وتحتاج لحكمة "ود النعيسان"
لمعالجتها...

الحميم عادل


اعزي السهوب وامنح نفسي
جرعة الحزن ،واهب
الجميع ثمار "اللاّلوب"
كي لا نركز طعم
الرحيل ..


منعم ابراهيم

يامن ترجم احاسيسنا ومشاعرنا هل سيكتمل النشيد ؟؟؟؟؟؟؟؟؟
يا ايها الرجل الشفيف هل سنعزف علي وتر الفجر الحزين؟؟؟؟
ايها الاديب.. هل الفجر الحزين سيغسل نزيف الشمس؟؟؟؟؟؟؟؟؟
هذا هو السودان النحس ..النحس مازال يلازم المليون ميل.
والابنوس غيبه الموت ماذا بعد ؟؟؟؟ هذا قدرنا!!!!!!!!!!
الحبيب منعم تحياوتعيش منعم بالعافيه.

Quote: يامن ترجم احاسيسنا ومشاعرنا هل سيكتمل النشيد ؟؟؟؟؟؟؟؟؟ يا ايها الرجل الشفيف هل سنعزف علي وتر الفجر الحزين؟؟؟؟ ايها الاديب.. هل الفجر الحزين سيغسل نزيف الشمس؟؟؟؟؟؟؟؟؟ هذا هو السودان النحس ..النحس مازال يلازم المليون ميل. والابنوس غيبه الموت ماذا بعد ؟؟؟؟ هذا قدرنا!!!!!!!!!! الحبيب منعم تحياوتعيش منعم بالعافيه.

العزيز شمت


الاحلام التي
زرعناها لم نوقت
بدقة لنجمة الثريا
لتكون مسرتنا هذه
الصيفية مكتملة..
فآثرنا ضياء القمر
لسد بوقة السلام
فضللتنا هالته الزائفة
كانت الشمس ترتاح
في مكان آخر من الدنيا
وحين ما حاولت ان
تفتح عينها
وجدت سحابة من الاسي
الطويل تمتد علي مدي بصرها
تحجب عنها مساحة
الشوف الجديدة ..
وتسممنا بالغشاوة

لك العزاء


منعم ابراهيم

*

Quote: كيف يكون الموت لازمة للولادة الجديدة في مشرق الصحو

لى عودات يا منعم

شن قولك وكت ورد الأمل ينداس
وكت تتمدد الأحزان وما تنقاس
تسد العتمة طاقة ضَوْ
يشيح جرح الفرح جوَّاك
وينبح هَوْ
وكل الناس تهاتى شليل
كل الدنيا راجى شليل
عشان ما يبقى ليها دليل
يكاتل شان عيون عازة
يجيب باكر من المجهول
يهد الغول
يخلى الضحكة تملا الجو
هوية ناس
يخت فى كل ايد كراس
يغنوا أطفال
غناوى الفال
نفس واحد
قلب واحد
وطن واعد
يبق فى كل زول احساس
.............
...........

Quote: شن قولك وكت ورد الأمل ينداس وكت تتمدد الأحزان وما تنقاس تسد العتمة طاقة ضَوْ يشيح جرح الفرح جوَّاك وينبح هَوْ وكل الناس تهاتى شليل كل الدنيا راجى شليل عشان ما يبقى ليها دليل يكاتل شان عيون عازة يجيب باكر من المجهول يهد الغول يخلى الضحكة تملا الجو هوية ناس يخت فى كل ايد كراس يغنوا أطفال غناوى الفال نفس واحد قلب واحد وطن واعد يبق فى كل زول احساس .............

وردة غار مطرزة
بالامل ياعبدو
حين جانا الخبر
طعن المحطات
لاحدهن في الرادي
والاسفير
فضائيات..
وادربكنا لا قادرين
نصدق ياتو
فيهن صاح..
واتيقن في الآخر
بعد ماروحنا
جات حلقوم ..
بكينا..بكينا
لي آخر الدموع
في العين..
واتذكرتك آ الحبوب
علي فقدت عنوانك
...

سلامات
يارايع
واعزي شجر الله

ياتو روادى يا منعم
تقول الصاح
وياتو زمن يودى
خطانا للأفراح
وياتو قلب يصبرنا
بعد ما اتشايحنو جراح
وياتو دموع تبرد
لوعة فى زولاً
ملان لى حلقو بالأتراح



ش قولك على عشماً
صبح للناس
كما الأنفاس
بقالم قومة بدرية
وفكة ريق صباحية
حليب لى طفلة منسية
ولمة ونسة لى ناساً
تنوم وتقوم على ابكباس
شن قولك على عيزومة
أو قيدومة
فى زمناً نسى الأعراس
نسى الدلوكة والزغرودة
والفرح البِّعبِّى الزول
يستِّفو تب
ويملا حماس
ش قولك
وكت كل الأمانى سراب
وحس الصفقة
حس السيرة زى هلواس
.......
.....

ياعبودي احكيلنا
بعد روحت للبلد المصنقرة
فوق ضليل التاكا
جنب القاش ..
سواقينا ..البقت
نغماتها خافته شديد
بعد كضمت بوابيرنا
بدل يانمار
يعاكس اللستر الناتح
بقت ضخّاخةنفضت جيب
ترابلتنا ..
اظن نخلاتنا حزنانات علي
علي الخبر الفجع من هولو
شدرة تك ..
عليك حزنك
بدورك تحكي بالحاصل
عشان عارفك صدوق آزول

البلد المصنقرى فوق ضليل التاكا يا منعم
مصنقرى فينا من أول
معنكلة فى شغاف الروح
معكلتى مابى تتحول
كتير شاهدنا غيرها مدن
محل قبلنا فى الدنيا
يكتر شوقنا ليك يا كسلا
يفضل حبنا الأول
.. .. ..

وكت جات الأوامر:
قوموا لى كسلا
كأنو الزول ولدو جديد
كأنو الدنيا فرحة عيد
وكت ناغمنا حس الرجعة
دغدغ فينا عصب اللهفة
لامس فى عروقنا الوجعة
طفر شوقنا
كورك جااااااااك
بنقر غادى صنقر جاى
وشال من عينا نوم الهجعة
صحى حنين هجدلو سنين
ولقد جمرو زاد اللوعة
خلى البال حرارتو تزيد
ونارو تقيد
يشد فى السرعة
لى بلداً ملانا
من السبت لى الجمعة
كان احساسنا
كان أنفاسنا
خلى الزول ودوب الرجعة
..........
........

ياعبودي والله الشوق
ملي الوجدان ..
واتحكر يزاحم فينا يوت
بكان
قبلنا ..لا ارتحنا
ولا شمينا نفس العافية
لا ريحة سواقينا ..
نساسق في دروب الغربة
تعجن فينا ..بالتعب
اليقص ضهر
الصبي.. وصقّرنا
حتحت فينا وهم الحاجي
لامن راسنا ابيضّا..
وكتير تاوقنا
للبلد التفرق ناسا
زي تيراب
قرع مطري ..
كل زولن حضنلو سرابة
راجي سحابة الايام ..


ـــــــــ

بابكر فرج كيف حالو


منعم

كيف تمضي قبل ان
يحل السلام لثغته
وقبل اكتمال النشيد،
في وتر الفجر
حين تكون الشمس
خارجة من نزيفها ..
كيف يكون الموت لازمة للولادة الجديدة
في مشرق الصحو
حين تمضي جنوبا..جنوبا
في زمن الفجاءة
يعلنك الغياب ..

اتخاففنا واتخاتفنا ما صدقنا
من عينينا سالت دمعة
واترصينا فى كونفوى
طويل ورهيب
يجيب الخلعة
اتحركنا فى زحمة مشاعر
فايضة جات مندفعة
اتلقانا جبل التاكا
بى هيبة جلالو وقدرو
واسع صدرو
مرفوع هامة
عالى القامة
باهى الطلعة
ولما دخلنا للبلد المضمر هافة
لابسة الفوطة
شايلة الجبنة
كسرت فينا كمين ضلعة
إلا جماله يا منعم
جماله الكان أصيل
وطبيعى أصبح صنعة
القاش اللى علم كسلا
معنى الثورة
مسجون بى جسور مرتفعة
بعد ما كان أسد كل البرارى الخصبة
صار اليوم مجرد ضبعة
حتى المعجزة المنسابة فى توتيل
يوم خليته يا منعم
كانت مارقة فى الله
وكانت جارية لى الله
وكانت ريق خلايق الله
رزقاً مافى شك مقسوم
سووا الليلة فوقو رسوم
ورقة وباب وكم لبعة
بلد تلهث ورا الموضة
تشيد كل يوم أوضة
وما تقدر تنش من فوقه
باعوضــــــــــــــــــــــة
وفوقه الحمى زى ولعة
حتى الناس بقت ما الناس
منفخة بره
شان من جوه فاضية كَرَوْ
كلما تكبر الأعمار
يبقوا صغار
عالم دايشة مابتوعى
.....................
.....................
بابكر فرج زواجو يوم 1/9

العجيل

الا وحاتك آ منعم فى ناس لسع
تقيف طوله
وتشد حيله
وتزيد رفعة
بتوطا الجمرة يوماتى
وتموت شان روحه بين الناس
تكون إلهام
تطوف تسعى
بدون ما أذكر الأسماء
براك عارف
وبى ضى حسك المرهف
أكيد شايف
ناس موسومة بالروعة
وكلما الريح طفت شمعة
تولع تانى كم شمعة
ويمرق من غيابة جب شقا الأحزان
ابن أيوب
على زمناً بلا ميزان
بلا عنوان
يلا شرعة
.....
....
..
العجيل