منعم سليمان (بيجو) حمد الله علي السلامة

اها كيف تميكيت ، وجبرة،وهلاديت ، وتلكوك ، وتوقان


عايزين الاخبار ..

لك التحية وحمد بالسلامة ، المرة دي انت وتولوس

جليتو من الالغام

ماذا عن جبهة الشرق ..عن مؤتمر البجا ..عن احوال المدينة..

واحتفلات في موسم الهجرة الي الجبل..الفاصل القاسي للرعاة

ولانعامهم ..بعدين خلاس الصورة الناس نستها الا ,,الاطرش

حارسك ..

حمد لله علي السلامة يا منعم (بيجو)..

إفتقدتك وإفتقدت الإبتسامة..

وشكرا يا منعم

الاخ خالد لك التحية


انت عارف المنطقة الكانو فيها ..اليوم ولتاني منفجر فيها

لغم ..من الالغام المزروعة من اعوان النظام بدون

خارطة..وقد تضرر منها الاهالي في تلك المنطقة

غاية التضرر ...منتظرين منعم عشان يدينا التفاصيل

افتقدانك يا منعم الهميم

منعم الجميل أين أنت يا رجل ؟؟؟

يامنعم
انت وين الحي بيك؟
والله مشتاقين
كدي ادينا تلفون بالله وقالو مشيت اريزونا صحي؟
410
963
3660
عليش

الاعزاء

فاروق

دومه

عليش


لكم التحية علي المرور من هاهنا

وزولنا ده واضح شايل معاه "تراب"

من منطقة الهبباي ديك ..لطن الواضح

انو في ناس كتار اختفت فجاة كدة

من المنبر ..غايتو حانديهم يومين

تاني بعداك نشوف الغفر ياتر دريباتهم

ناس تمشي اريزونا

وناس تمشي تكلباب



وناس بدون ما تمشي توصل




وناس تقابل الترابي

وناس تقابل نقــــد

وناس تقابل المهدي



واحنا بنقابلهم التلاته




ومنعم الحاج في اريزونا


ومنعم سليمان في مرضونا


ومؤنيم سليمان في شبقونا



وشيخنا لاجل غير مسمي (الترابي) في نيالا

وانا وعصام عبدالحفيظ في نيالا بعد يومين

ولا علاقة للزيارة الثانية بالاولي

وعلي القراء وبعض الاعضاء مراعاة فروق الوقت



والشيخ شغال تأليب

وانا مع التاليب



والقوات الدولية قررررربت


وما حتدق في العارضة



والخرطوم اسكتوا سااااكت


وامس احتفلنا في الميدان الشرقي بفوز التحالف


شربنا

وما



روينا



وضحكنا طويلا



وصدقوني ان القادم احلي


قد تتخله فوضي


وقد اموت انا


او يموت احد اقاربك


او اقاربهم



ولكن سيعيش السودان بعدها طويلا كثيرا




وجبهة الشرق يا صديقي منعم الحاج كلام تاني

مافي مؤسسية

في اقصاء

مافي فهم سياسي وبرنامج واضح للفترة القادة

في تسرع وحرب مناصب



وربنا يستر ع الهامش من اهل الهامش



والفترة القادة ستشهد المثير الخطر


وربنا يسهل علي انسان الشرق

من فلان ... وفلان .. ويخلي فلانة .. وفلان ... وفلان ...


ووا آسفاي




هل اتاك حديث الحكومة هذة الايام ؟


وهل سمعت بوقعة عبدالرحيم محمد حسين في اثناء انفجارات الذخيرة ؟



ومن ضحك علي الوقعة الواقعة ؟


ولماذا قبض علية ؟




واين الكاميرا ؟



والواقعة ما الواقعة .. وما ادراك ما الواقعة ....



صديقي منعم والمتداخلين/ت الاعزاء



القادم صعب جدا

لكنة حلو



وياتيك بالاخبار من لم تزود





وبكري معانا ما همانا



......


يا ربي اناغ قلت شنو وليه ؟




منعم

حمد الله الف علي السلامة..
وانت قاعد تمشي وين يا منعم (كومي)
اوع تقول لي قاعد امشي (مانيلا) ياكيكي
....
منعم ب مشتاقين والله وفاقدين
سيليكون ودينا وكل الحبايب.. وتحت تحت كده فاقدين (نوبي) ذاااتو

كتب عبدالمنعم سليمان:

Quote: وقد اموت انا

كر
يموت الموت ياخ
ولك طولة العمر
والخرف اللذيذ

شايف عندك أخبار / توقعات / إرهاصات مبشرة

عايزين تفاصيل بالماسينجر
أو
أخسر فيني كرت تعبئة زي مابتعمل مع { نفيسة}
و إتصل

كتب عبدالمنعم سليمان:

Quote: وقد اموت انا

كر
يموت الموت ياخ
ولك طولة العمر
والخرف اللذيذ

شايف عندك أخبار / توقعات / إرهاصات مبشرة

عايزين تفاصيل بالماسينجر
أو
أخسر فيني كرت تعبئة زي مابتعمل مع { نفيسة}
و إتصل
يا سعادة النائب

كيكي


سلامات



والله افتقدناكم


وقالو لي كنت بطل المقاطعة للبضائع المحمد الجمعية البخسة


وكمان قالوا لي ود قريش وملاسي ومن لف لفهم كانو مع التطبيع



واحنا

لا بنسافر مانيلا


ولا بنبيع

ولا نرضخ للتطبيع



منعم

Quote: أخسر فيني كرت تعبئة زي مابتعمل مع { نفيسة}

نفيسة (جلدة) يا ابوساندر وعشان كده منعم (مضطر) يركب الصعاب ويعبي الكرت...
...

Quote: وقالو لي كنت بطل المقاطعة للبضائع المحمد الجمعية البخسة وكمان قالوا لي ود قريش وملاسي ومن لف لفهم كانو مع التطبيع

ابطالها يامنعم صحبك كوستاوي وهباني (الدود النتر)
وجضموا نضال كيبوردي لحدي ما السيرفر (اااااامن ذاتتو)
ومنعم ب برفضو شايفو فتح (دانات تقيلة) وكل الشباب الحلويين كانو في الصفوف الامامية
اسعد وعادل عبدالعاطي وبشاشا وتراجي وعييييييك
...
شنو ياخي ما فيها صورة تاني مع ابو الشيوخ..

والله يا ابو ساندرا مشتااقين وما لاقي حاجة تعبر عن ذلك غير رسالة عن طريق

الهاتف وصلتني من صديقي الفنان التشكيلي الدومة .. اكتبها لك :


(صداقتنا مثل ان تبول في لباسك يراها الآخرون ولا يشعر بدفئها غيرك)


البول يجمع ويفرق .. يروي ويغرق






منعم الميت من الضحك

كيكي بطل المقاطعة

Quote: شنو ياخي ما فيها صورة تاني مع ابو الشيوخ..

يا زول اسكت ساااي ما يقوم يسخطك تلحق ملاسي

Quote: يا زول اسكت ساااي ما يقوم يسخطك تلحق ملاسي

لا يامنعم خلاص يازول سكتنا..
اي حاجة ولا العولاق علي اخر العمر..

.. خلاص يا زول انت اتصور مع الزول البقدم (ايام لها ايقاع) داك
ما شيخنا بسخت

منعم الجميل أين أنت يا رجل ؟؟؟

Quote: خلاص يا زول انت اتصور مع الزول البقدم (ايام لها ايقاع

ها يا زول زولك شالو الصالح العام قبل شهر


ده صالح عام بتاع امين حسن عمر ( الانقاذ في ثوبها الجديد)


شيخك صاحب الصورة شال برنامجو وفات وخلا الناس قاعدة ام فكو


تنظيم ابطاله عب رحيم وعمو نافع وسيادتو البشير والولاد امين

والخطيب وغازي والبقية تجار وانتهازية واثرياء حرب من المركز والهامش


تصدق تحت تحت حتي علي عثمان اصبح من المغضوب عليهم ..

هسع لو قالو التحول بالتفاوض الناس ديل يتكلموا معاهم بياتو لغة ..



______

مصطفي محمود شكرا يا صديقي يا رائع


منعم

Quote: ابطالها يامنعم صحبك كوستاوي

مقاطعة بتجمعنا مع كل من هب ودب





___

ثمن الديمقراطية

Quote: ناس تمشي اريزونا وناس تمشي تكلباب وناس بدون ما تمشي توصل

وناس غرقانة للدّو في العسل..


والسكناب عندك ..

نان هرّيوا ..الجماعة

السدرة ما زحوا منها

ولا قيد سالفة..

غبار تراكم حول سروبات

سفّاها الزمن ..والناس

هللت وكبرت ..وخسرت

ارواح ..وقري اترحلت..

ومداين كانت محروسة

بالضلالات ..وهدومها مفصلة

علي مقاسات الحال..

ومفصولة شقين..

التياب في مكان...والسديري

والشوتال ..في مكان آخر

والتناسل في الخفاء حتي من

نفسك..

ما في زول ضد "الثقافة" او يفترض

انو مصلح عشان يغير احساس في

وتر الشنبر الذي اندغمت عليه

ايقاعات قبائل لكن الظلم واقع

من سنين..العندو فارد جناحو

ومكتم علي البائس التعيس..

والماعندو تشلتو الظروف..ومضطر

يتجوقر بي غبنو ..ومافي زول

يشاركك مرارة الحنظل ..

واياك تشتكي ..حتي الي نسوانك..

مافي زول بكلم مرتو في

مخيال الشرق..والوضع زي

ماياهو..والله احبطني شديد

لما قلت:

- الناس تفتش في الكراسي عشان

تتوهط ..وعشان تكمل الكبري

البداهو الشيخ "بامكار"

بين جدة وسواجن..اها هسة الناس

مضطرة تمد الكبري لا عند سيدني..

انا حزين ..حزين ..للشهداء

السقت دماهم خلا "كدبوت " وخيران

طوقان.. وسواحل عقيق وهمبكاييب..

والفورة الف الناس لاحقةشنو؟

ما هو كلو عجوة بالديت..

وفي كل شبر قرنيت منزوع التيلة..

اه من دي "النيلة" علي رايك

يامصري ..

منعم عايزين تفاصيل

سلامات يامنعم

واللهم انصر البورد باحد المنعمين منعم ود الحاج ومنعم ودسليمان
يا لهما من كسلاويين فاضلين جميلين!

هباني
بالمناسبة وين صاحبنا الكسلاوي فايز خليفة حمدتو ود معهد الكليات
وجارنافي عمارة الجزلي بالبوستة وكوخ العم توم؟

هباني الكلس المغوار..المطلع

زيت الكيزان..والناس الراسها

بوار..تعرف يالحبيب..

انا باقي طولت شديد..وملامح

الناس ظاتوو راحت ..فايز

ده كان قلت ليك آخر مرة

شفتو فيها في التمانينات صدقني

لكن منعم (أ) بجيب خبرو

عامل فيها يساكك من بحري

لا قبلي ..ومتلكلك بين حجار وحصحاص



لك التحية

ودالحاج منعم





ممكن أعكنن ليك البوست ده حبة؟

البورد مدور لبع نضيف، وأنا رحت فرق الرجلين ساكت..

والدواس ما بناباهو، لكن مافي زمن..

منعم أ من ما صافح الشيطان، بقيت قدر ما أشوفو، إتعوز.. والعياز بإله بشاشا، آمون..

______
المهم يا قريبي أنا داير شكلة إن شاء الله يصلحونا بعد 5 دقايق.. المهمة شكلة..

ياسر طيفور


انا ذاتي عايز

زول يبداها ..

والناقصة تب بتمها

ليك ..

بس الضرب في "الركب"

وما دايرين اي مطالعة

في الخور..


لك التحية..


اول حاجة طلّع الصامولة من عصاتك

Quote: اول حاجة طلّع الصامولة من عصاتك

معناتا يا منعم إنت كنت مُضِر خلاص..
كمان لو الزول طلع صامولة من راسو وربطها في عصاتو، والله إحتياطي مركزي ما يحلنا
_______
واحد شكلنجي محترف بوصي في صاحبو عشان عندو شكلة مرتقبة؛ قال ليهو:
دُقو في صفحاتو، الوجع بيظهر ليهو بعد يومين تلاتة..
وأردف: أختى الرأس.. الراس حق الحكومة..(خايف عليهو من السجن)..
أها يا منعم، هنا في سودانيزأونلاين، في شكل بيوجع في التو وبستمر إسبوعين تلاتة..والزول الضارب قاعد يتبختر في المنبر..
وفي شكل (أرعن)، لأنو أحد طرفيه كيشة، يقوم يتهور ويطلع ليهو كلمة ما ياها، و الجماعة يبقو ليهو في رقبتو.. ويجي بكري يلحقو غنم زهرة يا قول كيكي:

الشكل يا منعم الناس مابنو، وأي زول يقول ليك بوستات كلها مشاكل؛ وتلقى بوست المشاكل عدادو سما

نحن غايتو مع النقلة الحلوة، لينا ولا علينا..

صديقي منعم
رغم انو ما فاهم اي حاجة بس اقول حمدلله علي السلامة ياجاي من السفر
تخريمة
جاي بي لبن ولا احمر

salama my a


Salam all

missed muniem

7imdila
3la
alsheikh

انت عارف ياياسر


زمان كدة في الابتدائي انا فعلا كنت زول شقي

والله ماوراك مضرتي ..طبعا ظاهرة كل ناس منطقة

عندها زعيم بيحرسها يمكن تكون موجودة في اماكن كتيرة

من السودان ..اها نحنا منطقتنا في كسلا السواقي الجنوبية

اسمها "ابوسوميت" أول مادخلت سنة أولي كان معانا عمي

ود عم ابوي ..بيقرأ في سنة خامسة الوكت داك ياداب غيرو

النظام من اربعة سنوات لستة سنوات سنة سادسة ماكان فيها

اي زول ..اها عمي دة قدر ماتجي فسحة ..يقوم يحرشني في

اولاد من سنة تانية وتالتة ..وصاحبك ضهروا قوي تبدأ المسألة

بالصراع ..والكجار وتتطور الشكلة من المدرسة ونمشي نتمها

في الخور ..بعد ما كانت بين نفرين تبقي بين منطقتين ..

معركة كل يوم مفلوق زول ..ومكسورة يد زول ومرات عركين

وهسة انا راسي دة لو حلقت صلعة ..تلقاهو مطقع زي صحن

السماد..بس كانت السكاكين "ممنوعة" والبلقوه شايل سكين

بقولو عليهو جبان ..اها هسة البورد زي ما قلت الناس

النفس بتاعها للمشاكل معدوم ..من قولة تيت تلقاها

جر صاحبه وفطسو في الخور ..مع منعم صاحبي دة عايزين

نتكتك المسالة شوية

غايتو يامنعم الأصلي
أخونا زمان، منعم التاني، قبال ما يبقى شيخ، أكنا هنايين في لباس واحد..
لكن بعد سلامو وبسمتو للشيخ حسن، كل زول يلبس لباسو براهو، مالنا والقراية أم دق..
___
غايتو أنت أمشي دافسو؛
كان إنت غفستو، بقيف إتفرج فيكم..
كان هو غفسك، بحجزكم..
وهكذا سوف أعدل بينكما

طيب ده مايتهو ذاتو البحصل

زمن المدارس ..

انا الزول في داري

ما بقدر احمر ليهو..

Quote: أخسر فيني كرت تعبئة زي مابتعمل مع { نفيسة}

حلوة دي

منعم الحاج ال (ما اصلي)


شايف قعدتك عامرة


جابت العمدة هباني وفاروق وكيكي وعيييييك وريهان ذاته



وكمان ياسر طيفور اللي عاوز معانا مشاكل




وحات سيدي صاحب الضريح ما بشاكلو لكين بجيهو برواقه


وبجيك رايق بالمساء


منعم

Quote: وحات سيدي صاحب الضريح ما بشاكلو لكين بجيهو برواقه

يا زول إنت الأيامات دي بتطفش وين؟
البزنس وقف علي كرعينو ولا لسه
____
يا منعم عندي طلب صغمبتوني كده،
لما أجي السودان دايرك تقابلني بشيخ الترابي
عشان إتبرك عندو، وأسب ليهو دين وإتخارج..

Quote: منعم الحاج ال (ما اصلي)

منعم الحاج ال ( اصلي)


واللة بعد الفيديو ده خلي ياسر طيفور يعمل حركات تاني عشان ادي ليك سكينه في بطنو

ع الوضع طائرا


------

ياسر طيفور

الامور ماشة وشكلها حتمشي كويس


بث مستني الشيخ يدينا الفاتحة وما اسب ليه الدين زييييك




يومين وبكون فاضي عشان اطلع د...

عبدالمنعم سليمان

أفتقدتك كثيرا

ربنا يحفظك فى الحل والترحال

عمك هشام

عم هشام يا زول


والله I MISS U


زي ما انتا مس مي




يمسمس ايامك ويبعد عنك مجانين الكرنتينة وما يركبك بصات الجبل اليومين ديل

منعم ..حمدلله على السلامة
عوداً حميداً مستطاب

تماضر


يجوووك في عرس وليداتك انشاء الله




____

وفي غيابي بشاشيلك




بالمناسبة



لسة ما طلعت دينا ؟

تحياتي للمنعميين(بالتشديد)
منعم سليمان حمدلله علي السلامه
قولي ناس جبهه الشرق ديل جايين متين
وعاوزين ينفذو الاتفاق مع المؤتمر الوطني
متين؟؟ الانتخابات قربت وهم لسه بتشاكلو ولا شنو ؟
منتظرينك تحكي يا حبيب

ازييك يا عظمة



تحياتي يا ظريف




حاجيك برواااقة كده




محبتي

منعم

منعم الحاج (الأصلى)
دخلت حرم بس أسلم عليك

صاحبك طلع لا أصلى ولا يحزنون
تتصور تضرب ليه تلفون يقول سورى عندى خط تانى
يكون ناس فلان
عليك الله دى حركات أصلية ؟

والله يارأفت ياأخي

صاحبنا دة من يوم الصورة..ومساراتو

بقت ما لافقة..وجريهو

كتر ...ولو عملنا ليهو

شوكة كتر في أضانو

مايحسبيها..


انا اصلي عامل البوست

ده لهو شرك...

وحايهبر فيهو في اللحظة

المناسبة..


لك التحية وكل الاحترامات ياصديقي

رافت ميلاد

ازييييك


اولا والله ما عرفت اللي في التلفون دا انت الا بعد ما انتهت المكالمة


كنت مع تلفون خارجي هام وما اهم من تلفونك بالتاكيد بس تقاطعات


لك كل العتبي والمحبة يا رافت حتي ترضي



والله العظيم اسف يا رافت



منعم الما اصلي


بجيييك بكره .. سمح



منعم