Post: #1
Title: اختبار للسودانيين ألأصيليين
Author: Sudany Agouz
Date: 04-29-2002, 03:13 AM
1- ما معنى الكلمات الآتيه:
(ا)
أم جغوغه - أم عصيفيره- تكل "بضم التاء " - الدوليب - الفرصه "بضم الفاء "- كوسره- الحسكنيت _ الكديب - الهالوك- القرقور- ود الريف- الصريف- تموت تخليه- الانجل
2- أين تقع هذه ألاماكن؟
خور أم برمبيطه - شنقل طوباى وبماذا تمتاز؟ - دوكه - هيبان - سلالاب - حلة حكومه -
كفايه كده النهرده.. والى لقاء آخر ..
أخوكم العجوز
|
Post: #2
Title: Re: اختبار للسودانيين ألأصيليين
Author: nuba
Date: 04-29-2002, 03:44 AM
Parent: #1
أم جغوغة هي الجزء الين من الأمباز يوجد في نهاية العصارة
الفرصة هي الزبده
الكديب هي حش الحشايش من الزراعة
تكل هو المطبخ
الحسكنت شجر شوكي
الهالوك حشيشة تضر الزرع
القرقور سمك
ود الريف زول أحمر أو أبيض ويقصد به ريف مصر
الصريف لتصريف الماء
تموت تخليه حذاء من جلد البقرأو باقي لساتك العربية
|
Post: #4
Title: Re: اختبار للسودانيين ألأصيليين
Author: BousH
Date: 04-29-2002, 03:51 AM
Parent: #2
عمو الحاج سوداني عجوز
لك التحية
نورت البورد
اقول ليك شمار
ما طلعت عجوز بـــــراك
عمو نوبة سوري الاخ نوبة
لك التحيا والله ما قصرت تب
|
Post: #3
Title: Re: اختبار للسودانيين ألأصيليين
Author: BitAlhana
Date: 04-29-2002, 03:47 AM
Parent: #1
ياااااااااي
هو لسه فيها كلام ؟؟
انا اسي الكلمات دي عملت لي نفسيات ....
بيني وبينك ...
انا عرفت كم كلمة منها لكن مابقدر اقول كده عشان البرستيج بتاعي ما يبوظ وكده
|
Post: #5
Title: Re: اختبار للسودانيين ألأصيليين
Author: banadieha
Date: 04-29-2002, 05:48 AM
Parent: #3
والله إنت عجوز إسم على مسمى
إيد مع إيد تشيل تجدع بعيد..القالن نوبا ديل فيهن حاجات أنا عارفهن وفيهن حاجات ما كنت عارفهن..وفي حاجات نوبا ما عارفهن وأنا ما عارفهن..يعني بالواضح كدي لو ما نوبا أن كنت عرفت إلا الفرصة والتكل وتموت تخلي
المناطق كلها حوالين الدلنج..أظن كدا؟
|
Post: #13
Title: Re: اختبار للسودانيين ألأصيليين
Author: Sudany Agouz
Date: 04-29-2002, 08:10 AM
Parent: #3
يا بت أهلنا .. يابت أهلنا
كيف كانوا .. وكيف كنا
أيام الصبا ..كيف كنا..
نحلم ونعشق ونتمنى
نشفق من نظرة عين ..
من كحلة عين
من بعيد لبعيد
ولمسة الايد
ومسة الخدين
كان .. كله ضنين
----- دى حاجة على الماشى عشانك يا بت أهلنا
وكما غنى الفنان .. على ما أذكر الطيب عبد الله..
.يا نوارة فريقنا ..يا السمحة النشفتى ريقنا.. وأخيرا أعجبت جدا بكلمات شعرك الرقيق
أرجو مداومة الاتصال
عمك .. العجوز.
|
Post: #6
Title: Re: اختبار للسودانيين ألأصيليين
Author: Elkhawad
Date: 04-29-2002, 06:18 AM
Parent: #1
صاح نوبه سبقنا لاكن
البعرفو انا انو الهالوك نوع من الاكل في منطقه امبرمبيطه وجبال النوبه
حتي انو في مثل بقول
لو اكلت الهالوك تنسي امك وابوك
خور امبرمبيطه بتمشي ليها من الرهد
شنقلي طوباي تقلقلي دهابي
دوكه القضارف وياسمسم القصارف
هيبان دي ما اخدناها
سلالاب بورسودان وادروب
ونوبه ماقصر كان يخليينا شويه نجرب معلوماتنا
ولي قدام
|
Post: #7
Title: Re: اختبار للسودانيين ألأصيليين
Author: zico
Date: 04-29-2002, 06:32 AM
Parent: #6
تصحيح بسيط لي نوبا
الصريف هو الحصير او القش الذي يتم به تسوير البيوت وغالبا ما يستعمل في القطاطي
|
Post: #11
Title: Re: اختبار للسودانيين ألأصيليين
Author: Sudany Agouz
Date: 04-29-2002, 07:50 AM
Parent: #7
الأخ زيكو
أشكركم على المعلومة .. فعلا الصريف هو "القصب " الجاف ويستخدم فى عمل أسوار المنازل والرواكيب " وهى جمع راكوبة " = يعنى فرندة بلغة البندر ..عموميا جيد جدا يا أخ زيكو ..
وشكرا على المشاركة..
|
Post: #8
Title: Re: اختبار للسودانيين ألأصيليين
Author: bob
Date: 04-29-2002, 06:33 AM
Parent: #6
ياعجوز ده شنو شغل العجايز ده من اول مره كده ههههههه
اكلمات القلتهن ديل بدل على انك تموت تخلى عديل كده نكهن من وين ياحاج نحنا ناس الايسكريم والشكولاته والبسكويت نبره من الحاجات دى
بـــــــــوب
|
Post: #9
Title: Re: اختبار للسودانيين ألأصيليين
Author: EMU إيمو
Date: 04-29-2002, 06:59 AM
Parent: #8
والله انت رهيب يا عمنا
الحبيب الخواض
انت الظاهر عليك من الربع الثاني الأبيض
السورني والقنقليس والدكوة والهالوق
هذا ما اشتهر به سوق ابو مسعود
الجزء الشرقي
|
Post: #10
Title: Re: اختبار للسودانيين ألأصيليين
Author: Sudany Agouz
Date: 04-29-2002, 07:41 AM
Parent: #6
صفقة لنوبه وللخواض .. لكن برضه فيه أخطاء
أولا: نوبه: أم جغوغة = صاح - الفرصه =صاح - الكديب = صاح - تكل = صاح- الحسكنيت =1/2 (نصف اجابة .. الحسكنيت = شوك من نوع من الحشائش وليس من الشجر .. لكن برضه اجتهاد ممتاز - القرقور فعلا نوع من السمك وبالطبع هذا معروف ولكن المقصود غير ذلك (فكر وقدر( - ود الريف= صاح = تموت تخليه = صاح
ثانيا:الخواض
الهالوك = صاح وجيد ولكن ستستحق الامتياز ان عرفت كيف يزرع نبات الهالوك وما هو شكله - خور امبرمبيطه = صاج - شنقلى طوباى تلقى دهباى = صاح وجيد جدا ولكن أعطيك امتياز لو عرفت ما المقصود ب تلقى دهباى؟ - دوكه = صاح - سلالاب =صاح .. حقيقة أعجبت بالنتيجة حيث كانب فى أقل وقت متاح ولكن مازلت فى انتظار الاجابات الصحيحة - و=شكرا على المساهمة
أخوكم وأبوكم العجوز
|
Post: #12
Title: Re: اختبار للسودانيين ألأصيليين
Author: الشاعر
Date: 04-29-2002, 08:00 AM
Parent: #1
أنا ما عرفت الكلمات كلها ولا اي واحدة من الأماكن وين؟
لكن عرفت ليكم العجوز ذاتو،،
تحلف إنك ما : محمد سليمان بتاع دنيا دنبقا
هههههههه هاااي
بالمناسبة أحكي ليكم هنا طرفة إيقاف البرناج كما حكاها لي أحدهم:
قال إنو محمد سليمان سأل أحد ضيوف الحلقة عن اسم رئيس الدولة والذي هو شاعرها الأول في نفس الوقت، قام صاحبنا -الماسح- قال ليه: جعفر محمد نميري، قام قال ليه -بسخريته المعهودة-: يا راجل ؟!!!!!!! حرام عليك ياخي،
|
Post: #14
Title: Re: اختبار للسودانيين ألأصيليين
Author: Deska
Date: 04-29-2002, 08:52 AM
Parent: #12
اولا لك كل الود والاحترام
الانجل شجرة توجد فى مناطق جبال النوبه وتشبه فى شكلها من ناحية الفروع سير البلاستك وبها مادة لبنية مثل الصمغ ... القرقور كذلك في نفس المناطق وهو قوقع حلزوني يستخرج من الخيران وله ناسو ( ناس سوري جاري )هيبان منطقة بالقرب من مدينة ابو جبيهة ... بعدين للاخت ايمو (سوق ابو جهل ) هو الاسم المعروف على نطاق السودان
|
Post: #16
Title: Re: اختبار للسودانيين ألأصيليين
Author: Sudany Agouz
Date: 04-29-2002, 09:38 AM
Parent: #14
ألاخ والصديق دسكا..
اعجبت باجاباتك الدقيقة الشافية وأعطيك درجة الامتياز - الا أن أغلب الظن تقصد " سورو " بدلا من سورى .. وهى طريقة من طرق لعبة " القرقور ".. هل أنا محق فى هذا ؟؟
وبالمناسبة أشكركم جزيل الشكر على ترحيبكم بى..
عمكم العجوز
|
Post: #15
Title: Re: اختبار للسودانيين ألأصيليين
Author: Sudany Agouz
Date: 04-29-2002, 09:00 AM
Parent: #12
عزيزى الأخ الشاعر ..يالكلك مشارعر..
فعلا أذكر هذه الواقعة مع مع المذيع محمد سلمان " دنيا دبنقا " وعلى ما أذكر كانت "وقعة للركب" على الأستاذ محمد سليمان - لا أذكر بالضبط هل أوقف بعدها هذا البرنامج ؟؟
وكما كان يقول .. كضبا كاضب ..
أنا مش محمد سليمان
المهم أشكركم جزيل الشكر بترحابكم الكريم
عمكم العجوز
|
Post: #17
Title: Re: اختبار للسودانيين ألأصيليين
Author: Al-Masafaa
Date: 04-29-2002, 11:36 AM
Parent: #15
Ya Mr. Ajouz, Algargoor altani khalio fee siraak, wala kaif ya man
Best Regards,,
|
Post: #18
Title: Re: اختبار للسودانيين ألأصيليين
Author: nuba
Date: 04-29-2002, 03:08 PM
Parent: #1
This is Halook (Orobanche)
|
Post: #19
Title: Re: اختبار للسودانيين ألأصيليين
Author: قرشـــو
Date: 04-29-2002, 03:15 PM
Parent: #18
يا عجوز
لكن والله تمام ياخى وتسلم للاصالة
تصحيح للاخوان عن موضوع الصريف
فالصريف يا حلوين هو سور قد يتم تشكيله من الحصير او قش الناس والقنا او اى توع من القش..
فى زول بعرف :
التبس - بتكسين الباء
المرخ - بكسر الراء
التمليكة - بتشديد الميم
الكارجقل - بكسر الجيم
كفاية عليكم كده
|
Post: #20
Title: Re: اختبار للسودانيين ألأصيليين
Author: nuba
Date: 04-29-2002, 03:26 PM
Parent: #18
ها ها ها يا أخوانا أنا ماعجوز للدرجة دي، يمكن قدرك يا بناديها وده من متابعاتي لكتاباتك في البوردـ بالمناسية صورتك ديك وين، غايتو فايتني بالشعر وفايتك بالنضارات أنا يا أخوانا عرفت الحاجات دي لأني تربال ولد ترابله ـ يعني مزارع للناس المابعرفوا كلام الشمالية ـ والصريف غلطت فيه ماعارف ليه مع إنو كان عندي راكوبة جميلةفي الخلا قبل سنتين كده
الهالوك هو حشيشة تضر الزرع ويعرف بهذا الإسم حتي في الكتب العلمية ووسط المزارعين ـ والصورة الفوق ممكن تختلف شوية عندكم يا عجوز لأنه هناك كثير من أنواع هذه الحشيشة وهومشكلة كبيرة للزراعة في السودان خاصة الطماطم والأسود وعائلتهما، وأول مرة أسمع إنو يؤكل وعلي العموم هي معلومة جديدة وحقيقة إختلاف العادات الغذائية وارد
|
Post: #21
Title: Re: اختبار للسودانيين ألأصيليين
Author: Elkhawad
Date: 04-29-2002, 03:44 PM
Parent: #20
اخونا نوبا الهالوك القاصدو عمنا العجيز ده هو الهالوك الفي الغرب وهي ثمره تشيه الدليب وبتقوم بروس في الخلا وبعمول منها اهلنا في غرب السودان اكله معينه
|
Post: #22
Title: Re: اختبار للسودانيين ألأصيليين
Author: nuba
Date: 04-29-2002, 03:57 PM
Parent: #21
سلام خواض
غريبة لم أسمع بهذ من قبل، رغم إني زاملت عدد كبير من غرب البلاد في الدراسة، وفي السنين الأخيرةكان جميع الذين يعملون معي من مهندسين زراعيين وعمال زراعة منهم وكنا نتبادل المعلومات ولم يتطرقوا لذلك، علي العموم معلومة جديدة وحقيقة البلد واسعة
|
Post: #23
Title: يا عجايز
Author: Abamna
Date: 04-29-2002, 04:08 PM
Parent: #1
ازيكم يا عجايز كلكم
انت زاته يا عجوز تقدر تعرف لى الحاجات دى شنو
التراى
القرقريبه
الللس
الجاغوس
الديداب
البتاب
الغرنجال
اها قولو يلا
|
Post: #24
Title: اختبار في محله
Author: أسير الغرام
Date: 04-29-2002, 06:48 PM
Parent: #1
عمو السوادني العجوز
اول حاجة برحب بيك وبقدومك لبوردينا
العامر ده
واقول ليك اتفضل لجوه
معليش جاءت متاخرة لكن اعمل شنو
كنت مافي وجيت لقيتك دخلت
لكن الشباب طبعا ماقصروا قاموا بالواجب وزيادة
اما بالنسبة للكلمات في كلمات عرفتها و
كلمات لم اعرفها وفي مناطق عرفتها والباقي
ما عرفنها
على كل حال مشكور للمعلومة الرائعة دي
وفعلا كنا محتاجين لواحد زيك
ولك الشكر مجددا
ـــــ
أسير الغرام يا قلبي ظلموك الحبايب سقوك الآلأم يا قلبي
|
|