Post: #1
Title: هل من يعرف حكاية " قال كلاكلة قال "
Author: Sudany Agouz
Date: 06-08-2002, 11:51 PM
Parent: #0
أحبائى
هناك حكاية طريفة ..
قد نسيت تفاصيلها ..
على ما أذكر أن مصريا كان يقطن الكلاكلة ..
والمواصلات و .. و ..
قطعت خيطه ..
وأخيرا ذهب الى مصر ..
وأظنه .. كتب موضوعا فى الجرائد المصرية..
تحت عنوان::
" قال كلاكلة قال"
أرجو من ييتذكر تفاصيله أن يمدنا بمعلوماته ..
لأن الأخ وليد استبدل هذا العنوان بقولته المضحكة:
" قال 13 قال "
......
ألف سلام
عمكم العجوز
أرنست
|
Post: #2
Title: Re: هل من يعرف حكاية " قال كلاكلة قال "
Author: BousH
Date: 06-08-2002, 11:59 PM
Parent: #1
عمنا العزيز آرنست
تحية واحترام
على ما اذكر قال كان مدرس وساكن الكلاكلة طبعا وانت عارف سوق الخضار وين (الخرطوم)،،، واخونا رجع مصر وكعادة المصريين نزل السلة من البلكونة للخضرجي وقال ليهو خت لي فيهو طمام وخيار و و و ولامن رفع السلة فوق قال قولة المشهورة
قال كلالكة قال ويمكن يكون في روايات تانية نسمع من الاخوات
|
Post: #3
Title: Re: هل من يعرف حكاية " قال كلاكلة قال "
Author: رزاز المطر
Date: 06-09-2002, 00:00 AM
Parent: #1
الحكاية ما عندك
كلمات متقاطعة
ولا ده الخرف
الظاهر عليك ودرتة بدري
بس انت لسة صغير
لي جنس الحاله الكرب دي
|
Post: #4
Title: Re: هل من يعرف حكاية " قال كلاكلة قال "
Author: Mandela
Date: 06-09-2002, 06:14 AM
Parent: #3
الأستاذ المصري أتى الى الخرطوم مدرسا
و من سوء حظه أن أزمة البنزين كانت على أشدها و الكهرباء طوااااااالي قاطعه في المدرسه و البيت
و كل يوم يدافر يمشي سوق الخضار و الجزاره و وووووو
عندما عاد الى القاهره
قاعد في البلكونه خالف رجله و ددلدل سبته بحبل علشان يشتري خضار و بعد ما امتلئ السبت رفعه ببطء و أخذ يتذكر معاناته مع الكلاكله
وآل كلاكله آل
|
Post: #5
Title: إليكم نص الحكاية برواية أخرى
Author: Habib_bldo
Date: 06-09-2002, 06:48 AM
Parent: #1
أحبائي لكم التحية والتجلة أولاً وأخيراً
يحكى أن مدرس مصري جاء إلى السودان منتدب للتدريس ولم يجد سكن رخيص في وسط الخرطوم وذهب لمكاتب التعليم محتجاً على إرتفاع إيجار المنازل ونصحه أحد الموظفين بأن يذهب ويؤجر في الكلاكلة وقاله الإيجار رخيص في الكلاكلة وفعلا ذهب صاحبنا ووجد الإيجار رخيص وأجر وسكن وفي صباح اليوم التالي لبس وطلع ماشي الشغل لغاية الساعة 8.30 صباحاً وهو منتظر مش لاقي ولا كارو يآخده للمدرسة وفي النهاية أجر تاكسي بمبلغ وجع قلبه ومشى وفي الرجعة كذلك وقال يمكن دي ظروف مؤقتة وأستمر الحال أسبوع بالتمام ودفع فرق الإيجار في المواصلات ورجع صاحبنا المصري لمكاتب التعليم زعلان وهناك صادف الموظف صاحب النصيحة وسأله قاله كيف الكلاكلة وجات المقولة المشهورة (آل كللاكلة آل) وإنشاء تكون الرواية الصحيحة
وليد
|
Post: #6
Title: Re: إليكم نص الحكاية برواية أخرى
Author: قرشـــو
Date: 06-09-2002, 07:35 AM
Parent: #5
الأخ أرنست
لك تحياتى
اظننى سمعت نفس روايات اخوانا بوش وما نديلا ولكن ربما يكون هنالك شخص ما يعرف ذلك الاستاذ المسكين شخصيا..
على فكرة وضد استهزاء اخونا بتاع الكلاكلة فقد سمعت روايات من مصريين يفاخرون بأنهم كانوا يعملون فى السودان وكيف انهم عاشوا رغد العيش والحياة المترفة ولكن اولئك قبل صاحبنا الذى جاء فى عهد نميرى بتاع الكلاكلة داك قصدى
|
Post: #7
Title: Re: إليكم نص الحكاية برواية أخرى
Author: waleed500
Date: 06-09-2002, 04:19 PM
Parent: #6
العم ارنست
مساء الخير
نعم كلام بوش وما نديلا صحيح دى الروايه الصحيحه عن ال الكلاكه ال
ولانخليها ال 13 ال
|
Post: #8
Title: Re: إليكم نص الحكاية برواية أخرى
Author: Sudany Agouz
Date: 06-09-2002, 09:05 PM
Parent: #7
أخوانى الأحباء
شكرا على معلوماتكم .. فى الحقيقة أذكر هذه الجملة والتى أصبحت مثلا .. بدليل استعمال الأخ وليد لها بعد أن قام بتعديل كلمة " كلاكله " ..
أخوى وليد
عارف كلما أقرأ " قال 13 قال " أضحك جنس ضحك .. لآنك عاملتنا معاملة أخينا المصرى ..
لكن السؤال .. كيف تسربت مقولته هذه الى السودان .. بعد رجوعه الى بلده ..ويا ترى ماذا نقول نحن ان رجعنا الى سوداننا الحبيب !!!!
عمك العجوز
أرنست
..
|
Post: #9
Title: قال غربه قال
Author: waleed500
Date: 06-09-2002, 11:20 PM
Parent: #8
العجوز الانيق
صباح الخير
ياربى ترجع لينا عجوزنا ده بى السلامه
ولو رجعت البلد يا ارنست بتقول ال غربه ال
وسوف تندم على اى لحظه مكثتها بى الخارج
لك التحيه وحبى الاكيد
|
Post: #10
Title: Re: قال غربه قال
Author: Sudany Agouz
Date: 06-10-2002, 00:58 AM
الأخ الكريم وليد
..
لو أتيت .. هل تضمن لى الشغل ..
أنا كنت رجل أعمال ناجح .. وللأسف ..
وجدت كل المناقصات .. أو الكوتات .. وحتى رخص الاستيراد .. كلها كانت تذهب للجبهجية ..
وأخوك طبعا فى هذه الحالة .. واقع من قعر القفة ..
وبقى من ناس .. قريعتى راحت ..
لكن معليش ..
الله كريم..
....
أخوك العجوز
أرنست
|
Post: #11
Title: Re: قال غربه قال
Author: Al-Masafaa
Date: 06-12-2002, 11:44 AM
Parent: #10
Haooi ya walid al 13 khaleeha ba3eed ma tjeeb alhawaa!!
Ya 3agoozna mawdoo3 alkalakla da zakrni
"7arig almak fi galb aldakheel"
Ideek al3afia??
|
Post: #12
Title: Re: قال غربه قال
Author: waleed500
Date: 06-12-2002, 04:49 PM
Parent: #11
عجوزنا السودانى الاصيل
تحياتى
مافى كوتات بتمشى للجبهجيه تعال ساى لو اصلك رجل اعمال ناجح ممكن ترجع احسن
من اول بكتير
بس انت كيف تجى
|
Post: #13
Title: آل الكلاكلة .آل
Author: Tabaldina
Date: 06-12-2002, 05:18 PM
Parent: #1
..
.
سلامات
يا جدو ارنست
انا جيت لقيت الموضوع انتهى بس الروايات متشابهة وحبيت احشر روايتى برضو
وهى فى فترة انتداب الاساتذة من مصر للسودان والمصريين معروفين بتقشيطهتهم
المهم اخونا بدور على سكن رخيص ما لقى الا الكلاكلة ولسه كانت ما دخلتها الخدمات من كهرباء وماء
وكان كل يوم فى عذاب وباليل فى عذاب .. يشيل الجردل ويمشى لابار الكلاكلة الردموها حسع
ويرمى الدلو ويسحب مويه للغسيل والتشطيف
اكمل سنتين من الغربة وعاد لمصر وسكن فى شقته بعد ان جهزها بكل ما لذ وطاب وفى مصر فى نظام تدلى السبت من اى دور وتكتب الطلبات وصاحب البقالة تحت يسحب السبت ويضع ليك الطلبات حسب الورقة ويتم تسجيهلها فى حسابك لاحقا
بعد ان امتلات السلة بما لذ وطاب من مشربات وماكولات ومعلبات
بدا صاحبنا فى سحب السبت من البلكونة واثناء سحبه تذكر معاناته لسحب الدلو لجلب الماء فى الكلاكلة
وبدا يردد آل الكلاكلة آل
آل الكلاكلة آل
ساخرا .. وشتان بين عكا والاسماعيلة
ودى من عندى
تحياتى
|
Post: #14
Title: Re: آل الكلاكلة .آل
Author: دباش
Date: 06-12-2002, 05:36 PM
Parent: #13
الاخوه الكلاكلاب سلام- اقصد البورداب سلام
انا شخصياً سمعت القصه لكن بروايه اخرى
وهى انو هذا الاستاذ المصرى ذهب للدكان فى اول يوم وصوله للكلاكله
وطلب من بتاع الدكان فول مصلح وطبعاً فحلين بصل وكميه من العيش الرغيف
وكل ملحقات الفول وعندما سأل من الحساب بتاع الدكان قال ليهو 15 الف جنيه
ولما رجع مصر واول ما نزل من القطر ومن اول كشك بتاع فول طلب نفس الطلبات من فول وخلافه وعندما سأل من الحساب قال ليهو قرشين صاغ فقال قولته المشهوره قال الكلاكله قال .
|
|