Post: #1
Title: مدنية الصحافة ... وكما نحبها
Author: HAYDER GASIM
Date: 04-13-2007, 04:29 AM
يا صحافة يا قيافة
يا نخلة وجريدك فادع
حاضن الأحلام فى واحة
يا ثمرة ونعيد إنتاجا
بشاير خير ومنزلة أفراحا
يا مرحى وتشيل سحائبك
تنهمر وتزيدك إنشراحا
يا صحافة يا سيرة فواحة
تغشانا وين ما نمشي
تعطر الدنيا توسع براحا
تسلم أراضيك وبنيك
تهيم بيك القلوب سواحة
ماخدة منك كل حنك
تبراك غدوا ورواحا
جايلة فى أعماق شجن
ما إنت بلسم لي جراحا
يا مقدرة ويا مفخرة
يا شجرة حبنا وبذرة لقاحا
جايينك من كل الدروب
وياكي فينا مساء وصباحا
حارنك فى كل القلوب
يا مداخيرنا وفائض أرباحا
يا صحافة يا قيافة
يا نبع طيب مندلق
رافد البستان سلافا
يا سكة الفرح العليل
ومعشر الناس اللطافى
يا معبد الفن الأصيل
يا كفر
يا وتر
يا ثقافة
|
Post: #2
Title: Re: مدنية الصحافة ... وكما نحبها
Author: اساسي
Date: 04-13-2007, 04:48 AM
Parent: #1
|
Post: #278
Title: Re: مدنية الصحافة ... وكما نحبها
Author: elnadeif
Date: 12-10-2007, 08:30 AM
Parent: #2
من هنا نحن بدئنا وسنمضى للنهاية
برغم ادغال المسافةنتحدى الحزن والدجل المغطى والخرافة
ونغنى ونغنى ونغنى يا صحافة
علمينا انتى فينا يا صحافة
علمينا كيف نجتاح الظلام
ثم نمضى كى تعم الرض والوطن السلام
الاخ العزيز حيدر قاسم
سلام من مربع 15 حتى 42 وعودةحميدة.قبل فترة نزلت بوست يا ناس الصحافة ولم اجد رد اتصلت بالاخ علاء حيمورة واتفقنا على تنشيط هذا الامر
المهم اتمنى ان يكون هذا البوست على صدر هذا الموقع والصحافة تستحق اكثر من ذلك
والحديث عن الصحافة ذو شجون ولها من المواقف ما يوثق .يكفينا فخرا اسقاط الترابى
فى ملحمة انتخابية علمتنا اسس العمل الانتخابى مع فطاحلة العمل العام امثال
العم محمد عبداللة 0احمد بشير .حسن عثمان .والمرحوم جعفر حسن عباس.
كل شى ممكن تجدة فى الصحافة الفن الكورة السياسة.
ونحن معقلنا الصحافة شرق مربع 40 فريق العزيمة.التاج محجوب .ابراهيم محجوب.
ازهرى عبد السلام.عوض الزبير .عباس خليفة .الطاهر حمودة .حمودة.عادل خليفة
نصر الدين .المرحوم طارق البرعى.ونواصل اخى حيدر وقد سبق تقابلنا فى منزل
الاخ ربيع مكى مربع 31.
الباقر ابراهيم/الصحافة شرق م/40
|
Post: #3
Title: Re: مدنية الصحافة ... وكما نحبها
Author: HAYDER GASIM
Date: 04-13-2007, 04:49 AM
Parent: #1
أهلي ... ناس الصحافة
أحبائي ... فى أسرة الصحافة الإسفيرية
أعزائي ... من متابعينا فى خيطنا السابق
وكل الأماجد ... من المهمومين { بالتفاصيل } السودانية
إنقطع وصلنا الإسفيري السابق ... ولا ملامة ,
لكن من أقدارنا... التواصل ... ولما غسلنا من فيوضه غربتنا ,
ومن أقدارنا الوفاء ... ولما الصحافة عالمنا الصغير ... الكبير ,
فنحن هنا ... لنكون ... وبكل الصدق ... والفرح ... ويله يا حبان ,
{ سي جديد } ... والجديد شديد ... فأظن الأمسية ... تنام الصحافة غريرة
العين ... وهي تشد خاصرتها على بنيها ... وتنظر لكل الناس من عين الرضى .
فتعالوا ... من هنا ... كل أهل الصحافة ومحبيها ... وفى بعض الوصل شجون .
أظنكم { إتقريفتم } ... من الإنقطاع , يله أبقوا صادين .
مع مودتي
|
Post: #4
Title: Re: مدنية الصحافة ... وكما نحبها
Author: غباشي
Date: 04-13-2007, 05:47 AM
Parent: #1
عزيزي الزعيم حيدر قاسم
أحبائي الصحافاب عموم
ها نحن مرة أخرى نستظل تحت دوحتنا الغناء, نتقي بها رمضاءالغربة و هجير الشوق للوطن , الظل وارف ويتسع لكل الأحبة, فتعالوا إلينا لنجعله واحة للإستجمام ومرتعا خصبا للتواصل و سرد الزكريات ووصل ما انقطع من (البوست القديم) ... أملي كبير أن تعودوا هذه المرة عودة قوية وبفعاليتكم التي عهدتها فيكم فبسم الله نبدأ والمناشدة لكل أبناء الصحافة في كل بقاع البسيطة
|
Post: #5
Title: Re: مدنية الصحافة ... وكما نحبها
Author: هاشم أحمد خلف الله
Date: 04-13-2007, 07:00 AM
Parent: #4
Quote: يا صحافة يا قيافة
يا نبع طيب مندلق
رافد البستان سلافا
يا سكة الفرح العليل
ومعشر الناس اللطافى
يا معبد الفن الأصيل
يا كفر
يا وتر
يا ثقافة |
|
Post: #6
Title: Re: مدنية الصحافة ... وكما نحبها
Author: Wathig Makki
Date: 04-13-2007, 10:21 AM
Parent: #1
Quote:
يا كفر
يا وتر
يا ثقافة |
???
!!!!!!!
|
Post: #7
Title: Re: مدنية الصحافة ... وكما نحبها
Author: طارق جبريل
Date: 04-13-2007, 11:17 AM
Parent: #1
جينا نسلم على أهلنا
|
Post: #8
Title: Re: مدنية الصحافة ... وكما نحبها
Author: عامر تيتاوى
Date: 04-13-2007, 04:00 PM
Parent: #7
سلام لجيرانا الطيبين
|
Post: #9
Title: Re: مدنية الصحافة ... وكما نحبها
Author: omer abdelsalam
Date: 04-13-2007, 04:33 PM
Parent: #1
| Quote: إنقطع وصلنا الإسفيري السابق |
الأحباب / في بوست الصحافة
حمدالله على سلامة عودة البوست للمنبر سالما ..وخشينا مع الأرشفة الجديدة يروح شمار في مرقة
امس كتبت للمهندس بكري نستفسره عن غياب بوست كان يتصدر عنوانين المنبر قبل ايام قليلة
اخى /بكرى
أسال عن بوست ( حي امتداد الصحافة كم نحبه )
لا اثر له بعد الأرشفة ؟
اخشى ان يكون صاحب البوست الزميل ( حيدر قاسم ) في ظرف لم يسمح له بتقديم طلب بنقل البوست
ناسف للإختفاء بوست كان من ضمن عناوين المنبر قبل اسبوعين فقط .
بأسم أصدقاء وابناء الصحافة .. نرجو من المهندس بكرى ، التكرم باعادة البوست الى ساحة المنبر
|
Post: #10
Title: Re: مدنية الصحافة ... وكما نحبها
Author: حمد اسماعيل
Date: 04-14-2007, 04:07 AM
Parent: #9
يا مدينة الصحافه
يالسمحه وقيافه
فيها الريل شوادن
وما بنطيق بعادن
الصحافه صحافة العظام
من ناس سبعه لحدى الحزام
دى كلمات من زول من الصحافه جانى زياره
لما كلمته عن البوست دا اخد نظره سريعه
وقال لى : يا الله وطلب ورقه وقلم وكتب الحاجه السريعه دى
و هو معانا فى تورنتو يا ود قاسم بس نسبة للمشغوليات ما ظاهر
وبسلم على ناس الصحافه وبسبب البوست دا قال حيتابع سودانيز اون لاين
باهتمام اكثر .
طه السر محمد طه- مربع 38 منزل نمره 89
الصحافه شرق . كان اى واحد من الاصدقاء القدامه
والذين فرقتهم سبل الحياه عرفه يقول عوووووووووووك .
تايه فى البقاع كايس الرجوع ليعيش بين الضلوع والراس مرفوع .
التحيه لكل اهل الصحاف
----------------------
|
Post: #11
Title: Re: مدنية الصحافة ... وكما نحبها
Author: HAYDER GASIM
Date: 04-14-2007, 04:57 AM
Parent: #10
شكرا ... أخي غباشي
وأنت تتفضل بتقديم أولى مداخلاتك هنا
وهكذا أنت دائما ... حفظك الله , ولو كان
عندنا زيك تلاتة بث ... لكان أمرنا آخر .
شد الضراع ... وخليك مرابط فى هذا الديوان ما
سمحت ظروفك ... فإن إفتقدنا هذه القيمة على
الأرض , فلنتمثلها فى الإسفير لنحافظ علي قيمتها
المعنوية والإجتماعية ... طال ما نعتز بها .
مع مودتي
|
Post: #12
Title: Re: مدنية الصحافة ... وكما نحبها
Author: HAYDER GASIM
Date: 04-14-2007, 05:01 AM
Parent: #11
الاخ ... واثق
تشكر على المرور
... مع الود
|
Post: #13
Title: Re: مدنية الصحافة ... وكما نحبها
Author: HAYDER GASIM
Date: 04-14-2007, 05:13 AM
Parent: #12
الأخ ... عمر عبد السلام
كيف أحوالك
طبعا ده بوست جديد ... يتصل روحيا ووجدانيا بسابقه , والذي فيما أعتقد
قد أخضع للأرشفة رغم تقديمي لطلب الإستمرار أو النقل ... المهم يا حبيب
إنتهينا من العدد الأول من مجلد الصحافة , نستهل الآن الثاني وبكل ميمونية
... فعسانا نتوفر لهذا السفر الجميل ... فيوما ما سيقرأه أبناءنا وأحفادنا
ونكون بذلك ... وإلي أي شأن أحالتنا الأقدار ... سعداء ... ولا شك .
مع مودتي
|
Post: #14
Title: Re: مدنية الصحافة ... وكما نحبها
Author: HAYDER GASIM
Date: 04-14-2007, 05:32 AM
Parent: #13
الأخ ... حمد إسماعيل
سلمات يارجل ... وعساك بخير
يشرفنا جدا مرورك من هنا , فإنت زول ما ساهل والله
ولصديقك الصحافاوي كل التحية ومرحب بيه وليته ينتظم
معنا فى هذه الحضرة الأبية ... فمن خلقنا الصحافة , ربنا
يحفظه وإياك ... وبالله ناوله العنوان الإلكتروني التالي والذي
نخصصه لأبناء الصحافة ومريديها الذين ليست لهم عضوية فى هذا
البورد :
[email protected]
مرحب مجددا ... خاصة وأن الطلة كانت مسبكة بالشعر ومعطرة بالأناقة,
هو في أظرف منك ... يا حمد ... يا إسماعيل ,
بالمناسبة ... هو شقيق الفنان خليل إسماعيل ,
وهو عازف جيتار محترف ... كما يحترف الطرفة والطيبة
ويخفف بهذا من حيث يدري أو لا يدري أحمال غربتنا الثلجية
العضوض ... فله التجلة ... وأرجو منحه عضوية الصحافة الإسفيرية
الفخرية ... والمصادقة على قبول هذا الفرح الذي يمشي على قدمين
مع مودتي .
|
Post: #15
Title: Re: مدنية الصحافة ... وكما نحبها
Author: مجدي عبدالرحيم فضل
Date: 04-14-2007, 08:20 AM
Parent: #14
Quote:
يا صحافة يا قيافة
يا نبع طيب مندلق
رافد البستان سلافا
يا سكة الفرح العليل
ومعشر الناس اللطافى
يا معبد الفن الأصيل |
الزعيم حيدر قاسم
مرور علي أبناء العمومه والجيران وقدح الضيفان
وعبركم التحية لكل المبدعين من أبناء الصحافة
والفنانين الذين صادقناهم وكان أهل للصداقه وعرفناهم
وكانت نعمه المعرفه لكم الحب عبر تلك الرموز بدرالدين
البطاح الشاعر المرهف واحمد عوض عجوز وعماد علي الطيب
وفيصل عبداللطيف هؤلاء غنين عن التعريف عطرونا هنا في بدايات
الغربه بروائع ما ذالت في مسامعنا موسيقاها تئن وتنوح لتلك
الايام بجده والرياض كانت الأفراح لكم أينما كنتم أحبتي التجله
والتحية ودوام المحبة،،.
أخوكم أبوقــ مجدي عبدالرحيم ـــصي
أمتداد الدرجة الثالثة مربع14 /4
|
Post: #16
Title: Re: مدنية الصحافة ... وكما نحبها
Author: عيدروس حجر
Date: 04-14-2007, 11:04 AM
Parent: #15
دى البداية ان شاء الله من 15 لغاية 42 كل واحد يشوف بيتو وين ..
بس بطلوا الجرسه ..
|
Post: #17
Title: Re: مدنية الصحافة ... وكما نحبها
Author: انعام حيمورة
Date: 04-14-2007, 11:21 AM
Parent: #1
لكم عاتبت نفسي عن الانقطاع الاخير ولكن احيانا يكون انقطاع غير مقصود ..
فهذه رسالة نقدمها نحن ابناء الصحافة (الداخل) الى ابناء الصحافة الخارج ومن المفترض ان تكون رسالتنا حية ومتواصلة حتى ننقل لهم ما يدور في الصحافة من اخبار ومناسبات و .... و ....
اقطع وعد على نفسي بأن لا ابرح هذا المكان وان اتي بكل ما هو مفيد وقيم يخدم الصحافة وابناءها ...
لكم التحية وللصحافة التجلة..
انعام حيمورة
|
Post: #18
Title: Re: مدنية الصحافة ... وكما نحبها
Author: HAYDER GASIM
Date: 04-15-2007, 07:31 AM
Parent: #17
| Quote: اقطع وعد على نفسي بأن لا ابرح هذا المكان وان اتي بكل ما هو مفيد وقيم يخدم الصحافة وابناءها ... |
شكرا ... يا إنعام ... على هذا الكلام الجميل والمؤثر ,
إنت الزيك منو ؟ ... ودامت أيامك مشرقات كاسيات بالجمال
وارفات فى ظلال ... رازقات من حلال ... ناهلات فى الوصال .
بث ... إتكلمي مع إشراقة كمان ... هي وووين بالمناسبة .
مع مودتي
|
Post: #119
Title: Re: مدنية الصحافة ... وكما نحبها
Author: elnadeif
Date: 06-27-2007, 08:31 AM
Parent: #17
الاخت انعام يا فرحت الصحافة عهدناكى دئما ممتلى بالصحافة
الباقر ابراهيم
الصحافة شرق م 40
|
Post: #19
Title: Re: مدنية الصحافة ... وكما نحبها
Author: انعام حيمورة
Date: 04-15-2007, 10:23 AM
Parent: #1
الاخ حيدر قاسم .. عساك طيب الشكر الجزيل لكلماتك الرقيقة..
أعرفك بأن الاخت اشراقة حيمورة تقضى اجازتها السنوية بالامارات العربية المتحدة .. وغالبا ما تعود
فجر غدا ...
وسنكون جنبا في هذا البوست ...
|
Post: #20
Title: Re: مدنية الصحافة ... وكما نحبها
Author: عبد الدائم سيد أحمد
Date: 04-15-2007, 11:08 AM
Parent: #1
اى لحظة بعيدة عنك ضايعة من آيام زمانى
وكل يوم كان لي فى قربك اتمنى لو احياهو تانى
|
Post: #21
Title: Re: مدنية الصحافة ... وكما نحبها
Author: محمد البشرى الخضر
Date: 04-16-2007, 05:05 PM
Parent: #20
الزعيم حيدر
الأحبة الأهل و الجيران
سلام و محبة
مبروك الدار الجديدة العامرة بإذن الله
أتمنى أن تفوق سابقتها حضورا و بهاءَ
حمدالله على سلامة الأخت إشراقة حيمورة و سلمى العزيزة
نشوفكم بسرعة في الدار
إشراقة و سلمى على كورنيش المحيط
|
Post: #22
Title: Re: مدنية الصحافة ... وكما نحبها
Author: شهاب الفاتح عثمان
Date: 04-16-2007, 06:45 PM
Parent: #21
Quote: يا صحافة يا سيرة فواحة
تغشانا وين ما نمشي
تعطر الدنيا توسع براحا] |
سلام لك و لنسابتنا بالصحافه..
وواصل ...
|
Post: #23
Title: Re: مدنية الصحافة ... وكما نحبها
Author: Raja
Date: 04-16-2007, 08:29 PM
Parent: #1
الفاضل حيدر وأهل الصحافة الكرام..
سلام ومحبة..
للأسف لا علاقة لي بالصحافة أبدا.. نحن ناس ام درمان البعرفو بحري بس عشان مرات بتكون طريقهم للخرطوم.. ولولا المصالح والمعايش في الخرطوم، ذاتها كانت بقت مجهولة بالنسبة لينا..
وما عايزاكم تضحكوا علي لأني لغاية هسع ما بعرف الديوم ياتها ولا الإمتداد ولا الصحافة.. كل ما بعرفه هو الشارع الطويييل الهو إمتداد شارع محمد نجيب على ما أعتقد.. أو الشارع البي هنا إمتداد شارع أفريقيا..
دخلت عشان لقيت الصحافة بتجمع ناس بحترمهم حبيت أحييهم من خلال البوست.. واولهم إنت يا حيدر.
الود للكل
|
Post: #24
Title: Re: مدنية الصحافة ... وكما نحبها
Author: نهال الطيب
Date: 04-16-2007, 08:44 PM
Parent: #23
الصحافة حتة حنينة
تربطني بيها ذكريات لأشخاص حنان صاغوا فيني معاني جميلة منذ طفولتي أهل احباء منهم من رحل ترحالا ومنهم من رحله القدر
ناس بيتكم يا أسامة خلف الله
تحياتي
أستاذ حيدر
|
Post: #25
Title: Re: مدنية الصحافة ... وكما نحبها
Author: HAYDER GASIM
Date: 04-17-2007, 04:48 AM
Parent: #24
العزيزة ... رجاء
ففي رجاءآتنا ... أن نكون ,
مرورك من هنا يسعدنا ... وكثيرا ,
| Quote: للأسف لا علاقة لي بالصحافة أبدا.. نحن ناس ام درمان البعرفو بحري |
من أي الزوايا تدخلين ... فأنت نجم يشرفنا ... وشفت شارع محمد نجيب ده , يكفينا
لتوغله جغرافيا فى صحافتنا الحبيبة , ويكفينا كذلك مزيج الإبتسام والوداعة الذي
تجملين به أي بوست تغشين ... فنحن كده مبسوطين ... ودامت أيامك سعدى .
مع مودتي
|
Post: #26
Title: Re: مدنية الصحافة ... وكما نحبها
Author: غباشي
Date: 04-19-2007, 07:08 AM
Parent: #1
أحبائي
و الله الواحد كل ما يقول ما يبعد ... بيلقى نفسو مجبور ... و
ليس عن قصد .... و أن شاء الله ما يكون في إنقطاع بس عليكم الله .... ختوا لي العذر
و إن شاء الله الواحد يكون عند حسن ظنكم دائما
التحية لكل أبناء الصحافة
التحية لكل من مروا على البوست
تحية خاصة لأهلنا ناس الإمتداد
و إن شاء الله دايماً عامرين يا زعيم
|
Post: #27
Title: Re: مدنية الصحافة ... وكما نحبها
Author: عبد الدائم سيد أحمد
Date: 04-19-2007, 07:56 AM
Parent: #1
فى الصورة اشراقة وسلمى على كورنيش المحيط
ورجاء ونهال على ابواب الصحافة وشرفتمونا كتير واهلا" بيكم
غباشى يا قلب
نحن محضرين الخروف لزوم الكرامة ، الشهادة ما مسكتها خلاص .
|
Post: #28
Title: Re: مدنية الصحافة ... وكما نحبها
Author: أبو الحسين
Date: 04-19-2007, 08:41 AM
Parent: #1
Quote: يا صحافة يا قيافة
يا نخلة وجريدك فادع
حاضن الأحلام فى واحة
يا ثمرة ونعيد إنتاجا
بشاير خير ومنزلة أفراحا
يا مرحى وتشيل سحائبك
تنهمر وتزيدك إنشراحا
|
الحِبيِّب حيدر... وأحبابي الصحافاب...
جينا نسلم ونقول مبروك الحوش الجديد...
مع قواسيب مودتنا ومحبتنا...
أبو الحســـــين...
|
Post: #29
Title: Re: مدنية الصحافة ... وكما نحبها
Author: omer abdelsalam
Date: 04-22-2007, 12:16 PM
Parent: #1
| Quote: إنقطع وصلنا الإسفيري |
فينكم ياهل الصحافة ..يكاد المركب أن يغرق
نقترح على أبناء البوست من شرق الصحافة الى غربها بعض هذه المقترحات من المواضيع التى يمكن تناولها هنا :
1/ناس جبرة : اكتبوا لنا عن : ذكريات اصوات دانات معسكر الشجرة في ليالى الإنقلابات السودانية السابقة ..وعن هذا الخطر الماثل ( معسكر الشجرة ) كلما سمع سكان جبرة .فرقعة داوية .
\ ليلة سقوط الترابى في انتخابات 1986 ..كيف كانت الملحمة وتداعياتها .
2/ ناس الصحافة وسط : ارض النغم والوتر : نجوم تلالأت في سماء الصحافة : الموصلى ، فيصل الصحافة ، جلال الصحافة ..والبقية .
3/ ناس الصحافة شرق : الفن الأصيل : حيدر حدربيى ( الراحل والنغمة التى لم يكتمل شدوها ) .
\ عباس تلودي ، فنان لايشدو الا بالجميل أو يختار الصمت .
*الكفر في شرق الصحافة : نجوم سطعت في سماء الكرة السودانية اتت من رحم الصحافة شرق .
** واعتقد ان فى جرابكم الكثير ..أذن ..ماذا ننتظر
|
Post: #30
Title: Re: مدنية الصحافة ... وكما نحبها
Author: HAYDER GASIM
Date: 04-22-2007, 09:56 PM
Parent: #29
شكرا أخت نهال الطيب ... فأنت الأحن ,
نأسف في تأخيرنا للرد عليك وأنت المبادرة ,
لكننا عموما أرحب من هذا التأخير ونتمني أن
تطلي علينا من هنا ما سمحت ظروفك , وأن تستلي
من جراب ذكرياتك ما ينعش هذا البوست ويضيف إليه
مدادا ... وتحنانا .
مع مودتي
|
Post: #31
Title: Re: مدنية الصحافة ... وكما نحبها
Author: غباشي
Date: 04-22-2007, 10:17 PM
Parent: #1
عبد الدايم
| Quote: نحن محضرين الخروف لزوم الكرامة ، الشهادة ما مسكتها خلاص |
تسلم يا حبيب .... بس خلى بالك من الخروف وأبقى عليهو عشرة (بسألك منو  ) لحدي ما نمسك الشهادة ... 
خالي عمر عبد السلام
و الله المراد أصلو مانفارق حوشنا ده ... و لسة الجراب مليان و الزاكرة ثرة ... بس ما لاقين فرقة مع الدراسة و الله
الزعيم
سلامات و تحايا من أخيك الصغير غباشي ...
نهال الطيب
مرحب بيك في حوشنا .....
باقي الحبايب عساكم طيبين و لعل مافي عوجة؟
|
Post: #32
Title: Re: مدنية الصحافة ... وكما نحبها
Author: omer abdelsalam
Date: 04-25-2007, 08:31 AM
Parent: #1
| Quote: بس ما لاقين فرقة مع الدراسة |
ابوالشباب
غباشىأمنياتنا لك بالتوفيق والنجاح وربنا يفكك من زنقة القراية لكن البوست ده داير ليهو ( جكة ) وعاوزة همت الشباب زيكم
وزي ماانت عارف ..انا وأخواني ( الكواشف ) وماشاءالله مالين البوست ..مانقدر على ( الهرولة والجرى فسراع
علشان كدة اشبك ايدك مع شباب البوست وخت يدك مع عبدالدائم وبقية الكتيبة الشابة
لنرى دوما الصحافة..قيافة ومنورة
|
Post: #33
Title: Re: مدنية الصحافة ... وكما نحبها
Author: هاشم أحمد خلف الله
Date: 04-25-2007, 09:17 AM
Parent: #32
شباب الصحافة والله متلوم معاكم كتير والأن أنا حضور والسلام أمانه , تحياتي
للجميع بدون فرز .
|
Post: #34
Title: Re: مدنية الصحافة ... وكما نحبها
Author: غباشي
Date: 04-25-2007, 09:32 AM
Parent: #1
| Quote: اشبك ايدك مع شباب البوست وخت يدك مع عبدالدائم وبقية الكتيبة الشابة |
علم و سيتم التنفيذ ..... انت تأمر يا خال
حبيبنا هاشم
البوست نور بطلتك ...
تحياتي للكل
|
Post: #35
Title: Re: مدنية الصحافة ... وكما نحبها
Author: عبد الدائم سيد أحمد
Date: 04-25-2007, 09:47 AM
Parent: #1
حبايبنا وقرايبنا البعزونا
سلام وشوق كتير
ومقصرين كلنا والسبب يرجع لان كل اعضاء البوست فى بلاد الغربة
الرغبة فى الكتابة موجودة وبشدة ، لكن البعد عن الصحافة ربما يكون السبب
اما الذكريات فتحتاج الى صور
والاغنيات تحتاج الى تسجيل
واللقاءات تحتاج الى تواجد
يمكن لو كان عندنا عدد من الاعضاء فى السودان الوضع يكون مختلف
انا عاوز اعمل حاجة بس بحس انى مقيد ومكتف .
|
Post: #36
Title: Re: مدنية الصحافة ... وكما نحبها
Author: ابوعبيدة حسن محمد
Date: 04-25-2007, 10:14 AM
Parent: #1
الاحبه :
حيدر قاسم
عيدروس
محمد بشرى
هاشم احمد خلف الله
سلام بالكوم00 وتحيات كثيرة00
|
Post: #37
Title: Re: مدنية الصحافة ... وكما نحبها
Author: علاء الدين حيموره
Date: 04-25-2007, 12:23 PM
Parent: #36
أهلا بالاحباب
نعود يا زعيم لمدينتنا العامرة الصحافة لنروي اروع ما ضمته من جمال ..
ورثت من الاخوة عادل جبارة والاخ سيف الدين على البشير سكرتارية اللجنة الثقافية لرابطة ابناء مدينة الصحافة بالرياض ...
لقد أرسوا الاخوة في اللجنة الثقافية السابقة قواعد متينة للعمل الثقافي أمتد الى كل العالم بأعمالهم المميزة .. جهود الاخ عادل جبارة لن نتركها تذوب في زحمة الحياة .. سوف اواصل من حيث انتهوا وسأعدهم بان أكون اضافة للعمل الثقافي في الرياض واعمل جاهدا لرفع اسم الصحافة .. وسوف اشركهم في كل الخطوات ..
شكرا اخي عادل جبارة
شكرا سيف الدين علي البشير
شكرا هاشم خلف الله
وشكرا للرابطة التي اولتني هذه الثقة .
لقد قدمت برنامج العمل لخلال 3 اشهر للجنة التنفيذية وقد اجازته وما يهم بورداب الصحافة هو اشراكهم في اكبر عمل وهو ايجاد موقع على صقحات الانترنت يحمل اسم مدينة الصحافة وذلك طبعا بعد الاذن من الاخ بكري ابو بكر الذي وقف كثيرا لجانبنا ..
اقترح ان يكون العمل مؤسس واقترح ان تكون لجنة برئاسة الزعيم حيدر لتحديد اطار العمل لميلاد هذا الموقع .
رايكم ؟؟
|
Post: #38
Title: Re: مدنية الصحافة ... وكما نحبها
Author: غباشي
Date: 04-26-2007, 05:36 AM
Parent: #1
حبيبنا الباشمهندس محمد البشرى
الليلة ناوي ليك و حأرجع بيك زمن بعيد كدة لحدي سنة 1993 و بالتحديد الوقت داك انا كنت في المرحلة المتوسطة
نظمت رابطة أبناء الصحافة بجامعة الخرطوم دورة أكاديمية تعني مبسابقات المدارس
و كان العبد لله ضمن المتسابقين عن مدرسة عبد الله بن عمر بالصحافة شرق مربع 37
ومن هنا أبعث بالتحايا لزملائي الذين كانو معي ضمن الفريق و أترحم على من وافتهم المنية و هم في ريعان الشباب
خضر عبد اللطيف
المرحوم/معتصم محجوب
المرحوم/عبد الرحمن محمد
علي دقاش
منتصر دهب
محمد عبد المنعم
و قد خضنا في الدورة ثلاث مسابقات شرسة جدا .... اولاهم كانت مع جيراننا
(مدرستكم زمان) مدرسة حلويات سعد و كنا مستضيفين المسابقة بمدرستنا ....
كانت المرة الأولى لنا أمام فطاحلة حلويات سعد فقد كانت أسماء نعلمها جيدا
شباب أذكياء جدا .. ظن البعض اننا خاسرون لا محالة فحلويات سعد مدرسة عريقة
إذا ما قورنت بمدرستنا الناشئة التي لمم تكن قد تعدت عامها السادس منذ أن انشأت
و لكنها كانت تضم صديقي الفذ المرحوم معتصم محجوب أذكي طالب مر على تاريخ المدرسة
جاء اليوم الموعود و بدات المنافسة وسط حماس ومساندة من أنصار الفريقين
و كان التكافؤ واضحا في الإجابات فقد اظهرنا استبسالا منقطع النظير (كسر شديد)
و كان الفيصل في (المعلومات العامة) حيث رجحت كفتنا و كان المنقذ ألأخ (خضر)
بجانب المنقذ الأكبر رفيق الدرب (منتصر دهب) الذي عقدنا عليه آمالا عريضة ولم يخذلنا
و من الصدف ان الإجابة التي رجحت كفتنا في المسابقة كانت (إستوكهولم) عاصمة السويد
عندما تم إعلان النتيجة كان الموقف يحكي عن نفسه و يفوق كل وصف عندما يكون النصر
على حساب منافس قوي له مكانته في المنطقة ......
صديقي الباشمهندس
أرجو أن تكون قد تزكرت الأحداث من خلال هذا السرد كما أرجومنك اذا كنت تملك توثيقا
لهذه (التظاهرة) الجميلة ان تمدنا بها حتى تكتمل الرؤيا ...
في المرة القادمة سأتطرق لمسابقتنا مع مدرسة اليرموك المتوسطة بالصحافة غرب مربع 23 (حلة الزعيم)
لكم الف تحية ...... ونلتقي
غباشي
|
Post: #39
Title: Re: مدنية الصحافة ... وكما نحبها
Author: HAYDER GASIM
Date: 04-27-2007, 04:57 PM
Parent: #38
الأخ الكريم ... علاء حيمورة
سلمات ... وكيف أخبار هبة وياسر ووالدتهم
أهنئك بإختيارك هذه المرة للتصدي لجبهة العمل
الثقافي لرابطة الصحافة بالرياض , أتمناك التوفيق
وأثق في مقدراتك وفى حماستك وفي إرتفاع منسوب إحساسك
بالمسؤلية , فليكن النجاح حليفكم ومزيدا من العطاء ومن
الإبداع الذي يشبه الصحافة ويزين تاريخها ويميز أولادها .
وربما هي سانحة لننزع القبعة تحية للقائد السابق أخونا
عادل جبارة وكذلك الأخوين سيف الدين البشير وهاشم خلف الله ,
فقد أنجزوا من المهام ما يحيل أسماءهم إلى صدر التاريخ الوضئ
... فلهم ولنا كل مفخرة .
فكرة بناء ويبسايت لمدينة الصحافة فكرة جيدة وترتفع بأحوالنا إلى
روح العصر وتقنياته الفارعة , وأشكرك أخي علاء لتقديم إسمي لقيادة
هذا العمل , والذي سوف أكون جزءا منه ولا شك , وإن ليس بالضرورة فى
رئاسته , لعدة أسباب ... منها أن الفكرة تحتاج لتقنيات { دارس } فى
علوم الكموبيوتر خاصة لجهة تحرير الصحفات الأمامية , فيما لا ينطبق علي
الوصف ... فمعرفتي بالكمبيوتر لا تتعدى كونها تعلما إضطراريا على وسائط
{ الجربندية } ... فليتقدم لهذا العمل من هؤ أكفأ مني حتى نصيب الهدف
المرجو , أخال أن للأخ غباشي شذرات توحي بمعرفة أفضل ... فحاولوه , كما فى
الإمكان إستئجار متخصص لتصميم ويبسايت الصحافة ... أما الأهم والذي ينبغي
أن نعكف عليه هو توفير المعلومات الخام حول الصحافة وتبويبها وتصنيفها
إلى مداخل متعددة فيما يقتضيه العرض الإلكتروني , مثلا عايزين ملف متعلق
بجغرافية الصحافة من ناحية مساحتها وعدد مربعاتها ومنازلها وإمتدادها
الجغرافي وتاريخ قيامها ومراحل تطورها العمراني وشوارعها ومدارسها
ومرافقها الصحية وخدمات الإدارية والشعبية والتعاونية والخيرية وما يتصل ,
وكذلك ملامسة التركيبة السكانية وتطور بنياتها البشرية , هذا يتصل أيضا
بالتصميم الهندسي والمساحي للمدينة ومستوى مواكبته للتطور الخدمي للمدينة ,
وهناك أيضا حوجة لرصد التاريخ الإجتماعي للمدنية , كيف قامت من عدم ومن هم
رعيلها الأول وكيف إستطاعوا مغالبة ظروفهم آنها حتى تقوم الصحافة مدينة شامخة
فى ركن متين من عاصمة بلادنا , وهناك حوجة أخرى لرصد نجوم الصحافة على كافة
مستويات الإبداع الإنساني وفى شتى ضروب الفن والرياضة والموسيقى والأدب والشعر
, كما لا بد من ثمة مرصد للأتيان بسجل الصحافة السياسي وفي عموم يعكس الإتجاه
الغالب لملامحها ولمنافحاتها السياسية عبر التاريخ .
وهناك المجالات النوعية ... كحركات الشباب والمرأة والطلاب والأندية الثقافية
والفنية والرياضية , وهناك حزمة الأفكار التي تحتاجهاالصحافة اليوم للإرتقاء
بمستوياتها التعليمية وخدماتها الصحافية وإرتياداتها الثقافية وما يتصل .
وهناك مشروع { تجميع } أبناء الصحافة فى المهجر وفى بلاد الإغتراب حتى يتواصلوا
مع مدينتهم الأصل بروح جماعية وبأحاسيس حية تمكنهم من التفاعل مع همومها وتقديم
ما يلزم من عون عند الحوجة .
المهم ... كثيرة هي الأفكار ... فلنتوفر للدفع بها وتمحيصها والسعي لربطها بمصادرها
المحتملة لتوفير المعلومات ... فاليوبسايت هو حزمة معلومات تاريخية وأخرى متجددة ,
فكيف نصطاد المعلومة وكيف نحدثها ... فهذا هو التحدي .
أرجو أن يكون فى معرض فكرة الأخ علاء وفيما إحتوته هذه المساهمة المتواضعة مشروعا
للتفكير الجماعي لتحقيق إنتصار { نوعي } لمدينتنا الرءوم .
مع مودتي
|
Post: #40
Title: Re: مدنية الصحافة ... وكما نحبها
Author: سيد محمد احمد سيدنا
Date: 04-28-2007, 07:39 AM
Parent: #39
الاخوة الاعزاء الصحافاب
الاخ العزيز الغالى حيدر قاسم ( النابغة) كما كان يحلو
لنا ونحن فى الابتدائيه ومدرسة سعدابى بالقوز واستاذ حسين
الاسطوره .
الف مراحب بالنسخة الثانيه للصحافة وكنت آآمل استمرار
البوست الاول لما فيه من قيمة تاريخيه لهذا الصرح الجميل
لكن العزاء انكم موجودون وسوف ترفعون شأن المنطقه مرة اخرى
كما عهدناكم.
ايضا الشكر للاخ حمد اسماعيل وصديقه الذى قال
#الصحافه صحافة العظام
# من ناس سبعه لحدى الحزام
لانه ربطنا مع ناس الصحافه
والحقيقة ايضا تقول لا امتداد بدون صحافه ولا صحافه بدون امتداد
لانهم من رحم واحد هو القوز والرميله والحله والسجانه والديم
دمتم اخوتى مع معذتى لكم ( طبعا نحنا رجل فى الامتداد ورجل فى الصحافه)
تحياتــــــــــى
ســــــــــــــد
|
Post: #42
Title: Re: مدنية الصحافة ... وكما نحبها
Author: محمد البشرى الخضر
Date: 04-28-2007, 10:38 PM
Parent: #38
حبابك يا غباشي
أولا| Quote: سنة 1993 و بالتحديد الوقت داك انا كنت في المرحلة المتوسطة |
يا جنا أمش جيب الشاي لاعمامك ديل
المسابقة الأكاديمية كانت احد أروع و انجح نشاطات الرابطة, وقد تميز هذا النشاط بأنه يضم جميع مدارس الصحافة تقريبا بكل مربعاتها
و يخلق نوع من التواصل و التنافس بين الطلاب و المدرسين بل و حتى أولياء الأمور
و الأهم انه كان اكثر النشاطات من ناحية مشاركة أعضاء الرابطة
التحية للدكتور صديق محي الدين - مربع 27 السكرتير الأكاديمي لدورة 93 و اللتي بادرت بإطلاق المسابقة
و تناول الشعلة منه في الدورة التالية المرحوم محمد إسماعيل - طيب الله ثراه
في بوست الصحافة المؤرشف بعض الصور عن جانب من النشاط الثقافي اللذي صاحب المسابقة, سأحاول إدراج المزيد هنا بإذن الله بس أستقر .
أذكر في نهائي مسابقة 93 , فازت مدرسة 24 بنات على مدرسة 40 بنات, و ناظرة 40 هي ست التومة الأستاذة الشهيرة, اللتي جعلت من 40 نموذجا بين مدارس المنطقة و حازت على عدد من الجوائز على مستوى الولاية, المهم تاني يوم أرسلت الأستاذة التومة في طلبي لمقابلتها بخصوص المسابقة , لتهاجم لجنة التحكيم بكل قسوة و تتهمنا بمحاباة 24 في السؤال كذا و كذا و ظلمنا 40 في كيت و كيت, و قد كانت شديدة الغيرة على المدرسة و طالباتها .و نموذجا مثاليا للمعلم و المربي, هنيئا للصحافة بمثلها
ما عارف يا غباشي هل إستمر هذا النشاط على أيامكم ؟
لك التحية يا (ولد)
و للزعيم و الأخوة الأحبة
|
Post: #41
Title: Re: مدنية الصحافة ... وكما نحبها
Author: غباشي
Date: 04-28-2007, 10:32 AM
Parent: #1
| Quote: أخال أن للأخ غباشي شذرات توحي بمعرفة أفضل ... فحاولوه , كما فى الإمكان إستئجار متخصص لتصميم ويبسايت الصحافة ... |
عزيزي الزعيم حيدر قاسم
أشكر لك توسمك في منحي هذا الشرف الذي لا أضاهيه ... فإنشاء ويبسايت في حد ذاته ليس بالشئ العسير
و لكن تكمن الصعوبة في ما يليه من إشراف و تشغيل و متابعة ....
وهذا عن تجربة ..... فقد تكرم أثنان من زملائي من الجامعة بإنشاء موقع للم شمل أبناء الدفعة و في نفس الوقت يهتم
بتخصصنا الذي تخرجنا به .... و لكن ضعف المشاركات مقارنة بالأعضاء المسجلين يجعل الحال يرثى له
| Quote: أما الأهم والذي ينبغي أن نعكف عليه هو توفير المعلومات الخام حول الصحافة وتبويبها وتصنيفها |
أصبتها يا زعيم حتى لا يؤول بموقع الصحافة المنتظر حال موقع أصدقائي .... لذلك يجب أن يكون هناك عدد مقدر من المشرفين
و الرؤى المستقبلية المخطط لها حتى يكون الموقع مواكبا و متجدد ..... هذا رأيي المتواضع و أظن أن فطاحلة الحاسوب و تقنية المعلومات
من أبناء الصحافة كثر , فلم لا يكون هناك حصر لأبناء الصحافة المتخصصين في عالم الكمبيوتر و نحن لن نكون بعيدين منهم بل سنقف
و نكون في معيتهم دوما ... فـ (اليد الواحدة ما بتصفق) .... و الكلام موجه أيضا للأخ علاء حيمورة .. و أسأل الله ان يعينك في تصبو اليه
واطمأنك باننا سنكون معك دوما ..... مع مودتي و إحترامي
|
Post: #43
Title: Re: مدنية الصحافة ... وكما نحبها
Author: HAYDER GASIM
Date: 04-29-2007, 03:32 AM
Parent: #41
Quote: الاخوة الاعزاء الصحافاب
الاخ العزيز الغالى حيدر قاسم ( النابغة) كما كان يحلو
لنا ونحن فى الابتدائيه ومدرسة سعدابى بالقوز واستاذ حسين
الاسطوره .
|
يا عزيزي ... يا سيد محمد أحمد سيدنا ... وهكذا أعهد الإسم
كاملا سالما منذ أن كنت فى العمر دون العشرة ... وإلى الآن , كما
عطا سيد على , والزين الامين الولي ... وعوض عمر والسر النجمي
وحامد حماد خميس . هل تتذكر هذه الاسماء يا سيد ... فجميعهم من
أبناء مدرسة { مجلس بلدي القوز } ... وفى ذكرى مرشدنا ومربينا
الكبير غفر الله له أستاذنا الجليل سعدابي وكذلك أستاذ حسين { الأسطورة }
كما قلت وأضيف أستاذ عبد القادر وأستاذ السر , بل أضيف فراشة المدرسة
الأم الرؤوم { الشام } وكذلك خفيرنا عبد اللطيف وهو يبتاعنا النبق
والقنقليس ... فيما يربط بحماره على الشجرة الوحيدة المقيمة على مقربة
من مدخل المدرسة ... ذكريات وذكريات وذكريات ... رحل بعض رجالها ومايزال
بعضهم على قيد الحياة ... للأموات الرحمة وللأحياء التحية .
رجعتني يا سيد لتاريخ قديم تليد ... لكنه ما يزال حيا وناصعا فى وجداني ,
فلك التحية .
ولخاصة العلاقة بين الإمتداد والصحافة ... فلا ينكرها إلا جاحد , ولا أظنه
موجود بيننا ... فسنظل كما قيض أحوالنا التاريخ وكما إستلزمته الجغرافيا
وكما إستردفه التواصل والحن والكورة والغناء والعشاء ... وما إليه .
شكرا على الإطلال من هنا سيد , فوجودك بيننا يسعدنا وكثيرا ... بس ما تطول
الإنقطاع . مع تحياتي الشخصية لأسرتك الكريمة وتحياتي كذلك نيابة عن أسرة
الصحافة الإسفيرية لرصفائنا فى بوست الإمتداد ... وإن شاء عامرين .
مع مودتي
|
Post: #44
Title: Re: مدنية الصحافة ... وكما نحبها
Author: غباشي
Date: 05-04-2007, 08:50 PM
Parent: #1
| Quote: التحية للدكتور صديق محي الدين - مربع 27 السكرتير الأكاديمي لدورة 93 و اللتي بادرت بإطلاق المسابقة |
,ود البشرى تحياتي
التحية لإبن عمي دكتور صديق محي الدين صديق ....
أظنك يا حبيب انت قاصد مسابقة المدارس الإبتدائية ...
لكن احنا الوقت داك كنا في المتوسطة و انا جاييك في الحكي و يادوب لميت في بوستينا العزيز ......
جاييك يا قلب .... بس قرط على شغلانية المحاباة و الإنحياز ... 
تحياتي لكل أحباب الصحافة
|
Post: #45
Title: Re: مدنية الصحافة ... وكما نحبها
Author: Alsa7afa_30
Date: 05-13-2007, 11:25 PM
Parent: #1
|
Post: #46
Title: Re: مدنية الصحافة ... وكما نحبها
Author: عبد الدائم سيد أحمد
Date: 05-14-2007, 07:22 AM
Parent: #1
سبحان الله الصحافة 30 آمس فى الليل اذكرتك
قلت الصباح اقوم افتش على الصحافة مشت وين
خفت عليها من اول الخريف ما تكون جرفها السيل ومشت بعيد
جيت لقيت البسمة والامل
بس وين باقى الرفقاء
|
Post: #47
Title: Re: مدنية الصحافة ... وكما نحبها
Author: Alsa7afa_30
Date: 05-14-2007, 08:25 AM
Parent: #46
عبد الدائم:
Quote: خفت عليها من اول الخريف ما تكون جرفها السيل ومشت بعيد
جيت لقيت البسمة والامل |
و الله ما عارف الحصل شنو..بعد بحث شديد لحقت البوست من الغرق!!
و أقول معاك
|
Post: #48
Title: Re: مدنية الصحافة ... وكما نحبها
Author: Alsa7afa_30
Date: 05-14-2007, 10:16 AM
Parent: #47
عمر جعفر--الوصية
|
Post: #50
Title: Re: مدنية الصحافة ... وكما نحبها
Author: عبد الدائم سيد أحمد
Date: 05-14-2007, 12:59 PM
Parent: #48
الـوصــيـة و ر د ي
|
Post: #49
Title: Re: مدنية الصحافة ... وكما نحبها
Author: طارق جبريل
Date: 05-14-2007, 12:02 PM
Parent: #1
جينا نسلم على الحبان
ان شاد الله سالمين وتامين
|
Post: #51
Title: Re: مدنية الصحافة ... وكما نحبها
Author: Alsa7afa_30
Date: 05-14-2007, 07:44 PM
Parent: #49
مراحب بالجيران..
و إلـى عودة أصحاب الدار..
|
Post: #52
Title: Re: مدنية الصحافة ... وكما نحبها
Author: HAYDER GASIM
Date: 05-14-2007, 11:29 PM
Parent: #51
| Quote: و إلـى عودة أصحاب الدار.. |
أسجل حضوري ... وقدر ما الواحد { إحرد } تدفعه
الصحافة وخلجات مشاعرها... للعودة .
بصراحة أنا ما مبسوط من أدائنا فى هذا البوست
وهي تجربة لاقت من القبول ومن أشرعة الفرح ما
يجعل نجاحها راجحا ومشرفا ومستمرا بالطبع ,
لكن ما عارف الحاصل شنو ... أعتقد ... ومع
جمال كل كتاب الصحافة وعلو هامتهم وخصائصهم
الشخصية ومزاياهم الإبداعية فى شتى ضروب الحياة ,
لكن بصراحة تنقصنا { الغيرة } على هذا البوست
مع ان الكل فرح به والكل يتشرف بالإنتساب إليه ,
كده شوفو مثلا ناس الإمتداد , ولا أظن أنهم أكثر
عددا منا ولا يتفوقون علينا مهارة ولا جدارة
{ وجه ضاحك ... قبلما تنقلب لي معركة } لكنها
الحقيقة التي نحتاج ان نتبينها بل ونغتدي بها ,
فأبناء الإمتداد حريصون جدا على المشاركة المستمرة
فى بوستهم, وعندما يتغيب لأي أسباب أيهم فهناك من
يسد الخانة وسريعا , ومن يعود فهو يعود بالفرح
الكبير وكأنه عائد إلى منزله الطبيعي , لهذا نجحوا
ولهذا حافظوا على بوستهم فى الصدارة دوما .
فإلى مزيد من الحمية ومن الغيرة والمشاركة
مع مودتي لكل أهلي الصحافاب
|
Post: #53
Title: Re: مدنية الصحافة ... وكما نحبها
Author: Alsa7afa_30
Date: 05-15-2007, 05:21 PM
Parent: #52
سلامات يا زعيم..
و في انتظار البقية..
|
Post: #54
Title: Re: مدنية الصحافة ... وكما نحبها
Author: غباشي
Date: 05-15-2007, 05:42 PM
Parent: #1
معاكم و جنبكم و يدي في يدكم ...... بس مزنوق و الله .....
دعواتكم عليكم الله ... نازل الإمتحانات النهائية
تحياتي للجميع
|
Post: #55
Title: Re: مدنية الصحافة ... وكما نحبها
Author: omer abdelsalam
Date: 05-15-2007, 07:08 PM
Parent: #1
| Quote: مزيد من الحمية ومن الغيرة والمشاركة |
سلامات يازعيم
طال علينا غيابكم
حقيقية يازعيم ..اتفق معك في كل ماذكرته
المسالة محتاجة لشوية ( حمية )
اعتقد ان هناك اشكالية تواجه اعضاء البوست الذين يسكنون في المنافى البعيدة
فاخبار الصحافة ومايدور فيها يوميا لايصل الى مسامعهم . فلا يمكنهم فقط الكتابة من خلال الذاكرة والذكريات .
فهم في حاجة الى جريدة او ( نشرة ) اسبوعية على الأقل يتطوع بالقيام باعدادها البورداب الذين يسكنون في الصحافة حاليا
تنشر في محتواها أخبار الصحافة ( ثقافية ، فنية ، اجتماعية ) الخ
وبالتالى يتمكن كل بعيد عن الصحافة من متابعة مايجري ..ومن ثم يسهل جريان المداد
وأعتقد ان الزملاء في بوست الإمتداد يفعلون ذلك بطريقة غير مباشرة
هذا مجرد مقترح
وللجميع محبتى
|
Post: #56
Title: Re: مدنية الصحافة ... وكما نحبها
Author: مجدي عبدالرحيم فضل
Date: 05-16-2007, 10:01 AM
Parent: #55
جيرانه سلالالالالالام،،،
بلطافة ياصحافة ياقيافة وياشتيلة حنية واقفه!!
أبوقصي
من الأمتداد
|
Post: #57
Title: Re: مدنية الصحافة ... وكما نحبها
Author: عبدالعظيم محمد أحمد
Date: 05-16-2007, 01:01 PM
Parent: #1
الاخ حيدر
تحياتي
مدينة الصحافة بصمة عميقة في وجدان محبيها وساكنيها .. ذكريات ونضالات وعمق ارتباط بالمكان والناس ، قد نكون في زحمة وشرور الحياة ابتعدنا - الي حد ما - عن مجالسها وربما خبأت قليلاً شوارعها في زمن الاغتراب ( الداخلي والخارجي ) والمساسقة والركض ولكن لم ولن يخبؤ اشراقهاالذي غنيناه في زمن مضي .. ونغنيهو للحاضر ولي زمن جاي
انتي يا درب الاماني
يا غنيوات المسافة
يا نهايات المواني
يا صباحات الثقافة
نحن منك
نبني مجدك
مهرجانك ياصحافة
(طارق الامين) - خالد الصحافة
ومجددا ًشكرا لهذه المساحة يا عزيزي حيدرقاسم .... وتحياتي لجميع الصحافاب
|
Post: #58
Title: Re: مدنية الصحافة ... وكما نحبها
Author: طارق جبريل
Date: 05-16-2007, 01:08 PM
Parent: #1
Quote: كده شوفو مثلا ناس الإمتداد , ولا أظن أنهم أكثر
عددا منا ولا يتفوقون علينا مهارة ولا جدارة |
هسي نسميهو شنو دة
|
Post: #59
Title: Re: مدنية الصحافة ... وكما نحبها
Author: Alsa7afa_30
Date: 05-16-2007, 05:23 PM
Parent: #1
مرحباً بالشباب..
أين:
إنعام حيمورة
إشراقة حيمورة
علاء الدين حيمورة
معاوية
عادل جبارة
.
.
.
و البقية..
|
Post: #60
Title: Re: مدنية الصحافة ... وكما نحبها
Author: هاشم أحمد خلف الله
Date: 05-16-2007, 06:24 PM
Parent: #59
اهل الصحافة سلاااااااام جينا نسجل حضور معليش دائماً مقصر أمسحوها لي في وشي !!
|
Post: #61
Title: Re: مدنية الصحافة ... وكما نحبها
Author: HAYDER GASIM
Date: 05-16-2007, 10:13 PM
Parent: #60
Quote: Quote: كده شوفو مثلا ناس الإمتداد , ولا أظن أنهم أكثر
عددا منا ولا يتفوقون علينا مهارة ولا جدارة
هسي نسميهو شنو دة |
والله الكلام ده لا يخلو من الختا ... لكن يا طارق جبريل أعذرني ...
فأنا هنا ناظر وألفة وغفير ومتعاون { متعاون ده هنا لافقة ياربي }
... فالقصد شريف بالطبع ... ولما كنت وما ازال أود { تشجيع وتحميس }
أبناءنا وبناتنا هنا ... إنتو بالمناسبة ما عندكم { بنات } فى بوستكم
ليييييييييه ...
أشكرك طارق على المداخلة ... وأنتهزها سانحة لأسدي تحياتي عبرك لكل ناس
الإمتداد الحلوين ... وقبل أن يتفاعل الإقتباس أعلاه أنقل ليهم كل
{ الكوتيشن } اللي كتبتوا عنهم ... حتى يرضون .
يظل الود ... بلا حدود ... والجاتك فى بوستك سامحتك .
أبقوا متعافين
|
Post: #62
Title: Re: مدنية الصحافة ... وكما نحبها
Author: أبو الحسين
Date: 05-19-2007, 07:32 AM
Parent: #1
صباحات ندية وسلامات لأهلنا الحلوين بالصحافات...
مع قواسيب مودتي لقائد ربان هذا البوست الحبيب حيدر... وكل الحبان الكرام هنا...
أبو الحســـــــين...
|
Post: #64
Title: Re: مدنية الصحافة ... وكما نحبها
Author: علاء الدين حيموره
Date: 05-19-2007, 09:27 PM
Parent: #63
أهلا بيكم ناس الامتداد جيرانا الكرام
أهلا بيكم ناس الصحافة أهلي العــظام
ومعذرة للانقطاع ولكن العودة ستكون وبقوة ..
افرحوا معي و الخلوق نصر الدين حقار يعانق والدته بالصحافة بعد ان من الله عليه بالشفاء .. فلنصر الدين حكايات تروي عن عظمته في وفاءه واخلاصه وحبه للناس ناذرا نفسه لجمع الشمل
فكان اهل لاهم مناصب الرابطة ( السكرتير الاجتماعي ) واستطاع ان يهب المناخ الملائم لاسر أبناء مدينة الصحافة في الرياض ليتلاقوا في حب ومودة ..
عودا حميدا لاسرتك الصغيرة بالرياض ولاسرتك الكبيرة ابناء الصحافة ...
مودة النابغة سليلة السنجراب أبنة الاخ عامر احمد عبد الله .. الف مبروك النجاح الباهر .
وكم فرحنا بهذا التفوق .. مزيدا من النجاح .. وبقلوبنا ابتهجنا معك يا صديقنا الوفي ,,
عودا حميدا وتحن في انتظارك ...
شكرا الصحافة 30 ونعدك بالتواصل ..
قاكهة البوست الزعيم حيدر .. الف مرحب ..
وانا في انتظار المعلومات الرسمية من مجلس الصحافة حتى تكون مقدمة الموقع المقترح
وما زلت مصرا على ان تكون في راس التيم العامل لانجاح الموقع المقترح ,,
وفي انتظار مقترحات كل الاخوة ..
لكم مني كل الشكر ..
|
Post: #65
Title: Re: مدنية الصحافة ... وكما نحبها
Author: HAYDER GASIM
Date: 05-19-2007, 11:28 PM
Parent: #64
Quote: مدينة الصحافة بصمة عميقة في وجدان محبيها وساكنيها .. ذكريات ونضالات وعمق ارتباط بالمكان والناس ، قد نكون في زحمة وشرور الحياة ابتعدنا - الي حد ما - عن مجالسها وربما خبأت قليلاً شوارعها في زمن الاغتراب ( الداخلي والخارجي ) والمساسقة والركض ولكن لم ولن يخبؤ اشراقهاالذي غنيناه في زمن مضي .. ونغنيهو للحاضر ولي زمن جاي
انتي يا درب الاماني
يا غنيوات المسافة
يا نهايات المواني
يا صباحات الثقافة
نحن منك
نبني مجدك
مهرجانك ياصحافة
(طارق الامين) - خالد الصحافة
ومجددا ًشكرا لهذه المساحة يا عزيزي حيدرقاسم .... وتحياتي لجميع الصحافاب |
عزيزنا ... عبد العظيم محمد أحمد
يشرفنا حضورك بيننا ... ومعذرة لتأخرنا فى الترحاب بك ... فإمورنا شوية { جايطة }
مع هذا فلن نخفي فرحنا بك وبمدادك الرفيع وكلماتك الحلوة المشجعة ... فأنت من الآن
فصاعدا ومتي حللت بيننا فسوف تقوم بواجب إستضافة الآخرين ... ولما عدت من أهل المنزل
مرحب ... مرحب ... وبكل المودة والإعزاز .
أبقى داخل لي جوة .
|
Post: #66
Title: Re: مدنية الصحافة ... وكما نحبها
Author: HAYDER GASIM
Date: 05-19-2007, 11:46 PM
Parent: #65
عزيزنا ... علاء حيمورة
كيفنك ... إنت ... العيال ... الأهل ... والصحاب
بصدد مقترحكم المتعلق بالموقع الإلكتروني للصحافة ,
فأحب أن أطمنئك أن أسرة الصحافة الإسفيرية توافق وبلا
تردد على الفكرة , فهي إضافة مانعة لما نحن بصدده الآن
وفي هذا البوست , بل نتحرى أن يكون أكثر إنتظاما وتغطية
ومواكبة لمجريات الإمور فى صحافتنا الغراء . فما عليكم إلا
الشروع العملي فى تنفيذ الفكرة بعد توفير البيانات الأولية
و{ المصمم } الكفء ... ومن قبل الإرادة الوافرة ... ومن بعد
الإمكانيات المادية المطلوبة لتصميم وتسيير الموقع , أقترح
أن تاخدوا نظرة في أقرب نموذج لما به تهمون , وهنا عزيزي
تتقدم المعرفة والعلم والخبرة ... وهذا عمل أقرب إلى الأكاديمي
من التطوعي ... لهذا فربما تأتي مساهمة فى طور لاحق { بعد التصميم}
وأنا بصراحة زول كتابة ساااااي , ولن أضن على صحافتي الكريمة بما
فى إمكاني ... ولهذا أيضا أرى أن تجهيز الموقع لا بد وأن يقوم علي
أيدي فنية متخصصة أو مدركة لطبيعة المهمة .
فى معرض بحثنا عن أزمة عدم تواصلنا المنتظم مع بوست الصحافة فقد
كتب الأخ عمر عبدالسلام ما يفيد ... وهو أيضا يبحث مثلك عن تنويع
وتجديد لمصادر إتصالنا بالصحافة ومواكبة أخبارها ويقدم مقترحا
يتماس وذات مشروع ... بشكل من الأشكال ... فلنناقشه بجدية ...
قال الأخ عمر:
Quote: اعتقد ان هناك اشكالية تواجه اعضاء البوست الذين يسكنون في المنافى البعيدة
فاخبار الصحافة ومايدور فيها يوميا لايصل الى مسامعهم . فلا يمكنهم فقط الكتابة من خلال الذاكرة والذكريات .
فهم في حاجة الى جريدة او ( نشرة ) اسبوعية على الأقل يتطوع بالقيام باعدادها البورداب الذين يسكنون في الصحافة حاليا
تنشر في محتواها أخبار الصحافة ( ثقافية ، فنية ، اجتماعية ) الخ
وبالتالى يتمكن كل بعيد عن الصحافة من متابعة مايجري ..ومن ثم يسهل جريان المداد
وأعتقد ان الزملاء في بوست الإمتداد يفعلون ذلك بطريقة غير مباشرة
هذا مجرد مقترح
وللجميع محبتى |
مع مودتي
|
Post: #67
Title: Re: مدنية الصحافة ... وكما نحبها
Author: غباشي
Date: 05-20-2007, 11:58 AM
Parent: #1
عبد العظيم
مرحب بيك يا حبيب ...
بس معليش لسة البيت جايط من أثر الرحول
أرجو أن تكون إضافة جديدة و يجي على ايدك الفرج
مرحب بيك مرة تانية و ما تؤاخذنا ...
الزعيم و حيمورة
كما سبق و قلت أنا معاكم
بس تتوفر كل المعلومات و تتضح معالم خطة تدشين الموقع
أي مقترح أي فكرة حائرة ممكن ترى النور في موقعنا المرتقب
من هنا بنادي كل الشباب و أهل الصحافة بالخارج أن يمدو جسور
التواصل مع معارفهم داخل الحدود و متأكد حنلقى مية موضوع في الدقيقة
أما ناس الداخل فهم المحور الأساسي
عشان كدة عايزين نرتب أوراقنا
و نقعد في الأرض عدييل
الزعيم
زي ما انت قلت ... نحن ما شوية
بس كدى خليها إستراحة محارب
و الجماعة كلهم حيجوا راجعين
زي زمان و أكتر كمان
تحياتي لكم و إحترامي بلا حدود
|
Post: #68
Title: Re: مدنية الصحافة ... وكما نحبها
Author: غباشي
Date: 05-20-2007, 01:28 PM
Parent: #1
| Quote: افرحوا معي و الخلوق نصر الدين حقار يعانق والدته بالصحافة بعد ان من الله عليه بالشفاء .. فلنصر الدين حكايات تروي عن عظمته في وفاءه واخلاصه وحبه للناس ناذرا نفسه لجمع الشمل |
حيمورتنا... علاء الدين
الحمد لله الذي من على (ود حلتنا) نصر الدين حقار بالصحة و العافية
و قر عين والدته (حاجة شامة) و إخوته كمال, أمير , ناجي و .....
شكرا لك و انت تمدنا بالأخبار الجميلة و المفرحة
أخبار الوليدات شنو ... و كيف ولي العهد
حيمورتنا... إنعام
ما شاء الله عليكم ... ربنا يزيدكم و يقدركم على عمل الخير
انتو طبعا احسن مننا كتير
تحياتي و سلامي لإشراقة حيمورة
أهلنا و حبايبنا ناس الإمتداد
و الله ما بتقصرو يا الناس العسل
الصحافة 30
مشتاقين يا قلب
و عليك الله ما تحرمناالطلة الجميلة دي
لأني بحب الصورة بتاعت الأورغن دي
أبو الحسين
حبيبنا يا رايق
البوست و الله مشتاق لإسهاماتك
بالله عليك ما تبخل
عبد الدائم
ويييييييييينك إنت يا معلم
أخد راحتك و جمع أفكارك و انا متأكد انو في درر حتطلع
عادل جبارة
بقيت عامل زي ود البيت لما يكون مسافر برة و يقوم اهله يرحلوا
على العموم ده الوصف عشان لما تجي راجع ما تروح
مدنية الصحافة ... وكما نحبها
تحياتي ليك يا عزيز
هشومي الشاعر
ما بتقصر يا أبو أحمد بس دايما خليك قريب
أحمد عجوز
شنو عملت لينا ياااك و تاني ما ظهرت
الوصف مع عادل جبارة إترافقوا و تعالو
معاوية
انت الساس و من كبارنا الفتحنا عيوننا لقيناهم قاعدين ...
وين انت و محتاجين لزوقك و مشاعرك المرهفة والحانك السمحة ديك
أها حتجينا متييين؟
أبو عبيدة الرزين
سلامات ... ومعين الزكريات و الصور الجميلة مليان ...
بس أديهو خجة جامدة و ابدا أغرف لينا منو
ود البشرى
ود الجيران إزيك ... أرجع تعال عود تاني عشان تحكي لينا عن الرابطة أيام الجامعة
وعشان أكمل ليك قصة مسابقات المدارس و حركة عدم الإنحياز
الخال عمر عبد السلام
دايما كلامك في السليم و دايما انتو مرجعيتنا الصحافية
خصوصا لما تحكى لينا عن إرث الصحافة شرق و تراثها
دكان الحرزاوي و دكان الهندي و دكان الفنجري
ناس إستاذ طه أمين أخو العميد فضل أمين... إتزكرتهم؟
الزعيم
| Quote: بصراحة تنقصنا { الغيرة } على هذا البوست |
كلهم جايين و حيملوا ليك البوست صفحات و صفحات حتى ترضى
أعتذر لكل من سقط إسمه سهوا و بدون قصد
تحياتي
|
Post: #286
Title: Re: مدنية الصحافة ... وكما نحبها
Author: elnadeif
Date: 12-12-2007, 01:15 AM
Parent: #68
الاخ غباشى
سلامات هناك اسماء ستظل فى البال مهما طال الزمن وكان لهم اسهاماتهم الاجتماعية
والرياضية0وصاروا من معالم سكان الصحافة شرق م 40 كما انهم من اول سكان الصحافة
امثال المرحوم عبدالسلام المهدى والد كل من عبد المنعم .عبد الفتاح .التاج. عمر(ازهرى)
والصحفيةنجاةعبد السلام0داسماعيل.العم محجوب والد لاعب الهلال التاج محجوب وابراهيم مجوب لاعب الاهلى والزومة.وعباس خليفة لاعب القوز.وعادل خليفةلاعب الهلال .محمدخليفةلاعب
المريخ.عثمان الشايقى لاعب القوز.عمر العلمين(عمرالباسم)لاعب المريخ0كامل مختارلاعب 0القوز0حمودة لاعب الموردة0عوض الزبير .نصرالدين. هاشم كتم .اولاد البرعى .اولفر. ود الفوكس رافت الحلبى .طه.محمد.فضل اولادامين.الحرزاوى 0اولاد جودة.اولاد موسى.دكان ياسين
الفوراوى .عبد الرحمن قلاب .حجو البنا.عبدالرحمن الترزى.حسن هاشم.عم فتحى.الاستاذعبد الماجد.الاستاذ محمد المهدى.الاستاذفيصل حسن محجوب.اولاد محمد على كدى.حسن فوانيس.
اسماءوجدناها فى الصحافة م40 وكانوا نعم الاهل وكم هائل من الطيبة والنقاء.
ياريت الاخ ازهرى عبد السلام(عمر)بالمناسبةاسم ازهرى اكثر شهرة من عمر يحكى عن مربع 40
هم من اول الاسر التى سكنت مربع 40حين كانت الصحافة بضعة بيوت .
ونواصل .................
الباقر ابراهيم م/40
|
Post: #287
Title: Re: مدنية الصحافة ... وكما نحبها
Author: غباشي
Date: 12-12-2007, 02:59 AM
Parent: #286
الأخ الباقر ....
تسلم يا حبيب فعلا الصحافة بها الكثير من الأسماء اللامعة و التى كان لها الأثر الواضح في رسم ملامح هذه المدينة و الدليل على ذلك هو من بين كل هذه الأسماء التي ذكرتها لم أعرف منها إلا القيليين
نحن معك و مع خالنا عمر عبد السلام و بالتأكيد حتتزكروا حاجات كتيرة .....
تحياتي و كل سنة و إنت طيب
|
Post: #69
Title: Re: مدنية الصحافة ... وكما نحبها
Author: Alsa7afa_30
Date: 05-20-2007, 02:25 PM
Parent: #1
مرحباً بعودة الشباب..
بخصوص موقع الصحافة على الشبكة العنكبوتية أقتـرح تكوين لجنة لهذا الغرض لمناقشة ما سيتضمنه الموقع بقيادة (الزعيم) و استدعاء المختصين في تصميم المواقع من أبناء الصحافة..
تحياتي..
|
Post: #70
Title: Re: مدنية الصحافة ... وكما نحبها
Author: nazar hussien
Date: 05-20-2007, 03:09 PM
Parent: #69
يا أهل الصحافة...وشباب الصحافة...أنا من الصحافة...منعني الدخول هنا عامل السن..
قريت البوست ولقيت ناس دفعة علي دقّاش...وأنا جدو...عشان كدة...لابد ان استخدم
اسماء اخواني الصغار...انا طافش بالبلاد من سنين طويلة...ولا أعرف الا ناس عمكم
الامين سيد الطاحونة في مربع 30...وبيتنا جنبو...وسكينة ست الكوارع...وعمكم الشاعر
سليمان عبدالجليل...(زوج فنجرية) وناس ودملاح...السر ومحمد...وعمكم سيف الضابط
تاني يخربني...أها أخواني معاذ ورفعت...ديل اصغر وأشهر...لا خلّوا كورة لا حفلة..
وبعرفوا الصحافات دي بيت بيت...
أعرف كذلك آل حيموراب وتحديدا اشراقة...كورلنا سويا زمااااان...علمينا يا صحافة
وهي كلمات طارق الامين...
(برغم أدغال المسافة...(في زول متذكر الباقي) دا زمان هسي بتذكرو رهاب رهاب
وبجيكم راجع تاني
|
Post: #71
Title: Re: مدنية الصحافة ... وكما نحبها
Author: nazar hussien
Date: 05-20-2007, 03:31 PM
Parent: #70
Quote: في ليلة الوفاء لسليمان عبد الجليل
محجوب شريف: لولاه لما كنت أنا محجوب
الخرطوم: عصام الدين محمد
شهد النادي النوبي بالخرطوم أمسية الأحد الماضي التكريم الذي نظمه نادي الخرطوم جنوب الثقافي احتفاءً بالشاعر والناقد الفني المخضرم سليمان عبد الجليل بحضور لفيف من الشعراء والنقاد والمبدعين وأهل الفن، الذين عاصروا المحتفى به.
وتبارى المشاركون في الحديث عن سيرة الشاعر منذ بدايته وعلاقتهم الفنية به، وكيف أن الناقد لا يجامل في نقده وأشاروا إلى مدى استفادتهم منه.
الأستاذ حمد الريح قدم فاصلاً من أغنيات الشاعر وتغنى أيضاً محمد اسماعيل باحدى اغنيات الشاعر محجوب شريف، وكان محجوب قد تحدث باسهاب عن سليمان موضحاً أنه وقف معه في مشواره، ولولا سليمان لما كان هناك محجوب شريف، وأبان أن سليمان يتميز بانسانية راقية تجلت عند اعتقال محجوب وكيف وقف مع أسرته أثناء فترات اعتقاله المتكررة.
وجاءت فقرة تكريم سليمان عبد الجليل كلوحة رائعة رسمها كل المشاركين وهم وقوفاً في لحظات التكريم على خشبة المسرح، وصعد جميع أصدقائه الى المسرح في مشهد مؤثر.
يذكر أن التكريم حضره بجانب أسرة الشاعر عدد من الشعراء منهم التيجاني حاج موسى، ود. عمر قدور، وسوركتي، وأبو شورة، ومختار دفع الله، بجانب الفنانين محمد ميرغني وعبد القادر سالم.
نقلا عن جريدة الرأي العام يوم 20 مايو 2007 |
هذا هو سليمان عبدالجليل الذي وردت سيرته فوق...فهو لا يزال هناك في 30 ربنا يديه الصحة والعافية
|
Post: #72
Title: Re: مدنية الصحافة ... وكما نحبها
Author: Alsa7afa_30
Date: 05-20-2007, 03:45 PM
Parent: #71
نذار حسين:
مرحباً بعودتك و التحية للشـاعر سليمان عبد الجليل..
|
Post: #73
Title: Re: مدنية الصحافة ... وكما نحبها
Author: غباشي
Date: 05-20-2007, 03:48 PM
Parent: #1
Quote: أها أخواني معاذ ورفعت...ديل اصغر وأشهر...لا خلّوا كورة لا حفلة..
وبعرفوا الصحافات دي بيت بيت |
يا سلام ياأخ نزار
أقنبلها ليك و لا أسكت؟
أول حاجة السلام عليكم يا نزار عثمان حسين
|
Post: #74
Title: Re: مدنية الصحافة ... وكما نحبها
Author: nazar hussien
Date: 05-20-2007, 03:55 PM
Parent: #73
Quote: يا سلام ياأخ نزار
أقنبلها ليك و لا أسكت؟
أول حاجة السلام عليكم يا نزار عثمان حسين |
عندك قنابل عابرة للقارات...والله ملوتوف...عشان نطلب الامان او نعمل ساتر...
لكن غباشي دي زاتا...لو في الامتداد...بتكون قنبلتك سودة...
انت قنبل وانا بقنبل...ونشوف القنابل دي بتودينا وين...مش يمكن نتحرر ؟
أهلا بغباشي...طبعا الفرق في العمر كتير جدا يا غباشي وانت ذكرت فوق
انك دفعة علي دقّاش...مش كدة؟
|
Post: #75
Title: Re: مدنية الصحافة ... وكما نحبها
Author: nazar hussien
Date: 05-20-2007, 03:58 PM
Parent: #74
Quote: نذار حسين:
مرحباً بعودتك و التحية للشـاعر سليمان عبد الجليل |
أهلا بود حلتنا...
والله اورقنك دا كل ما اشوفو اتحجز علي الاورقنات...وأمشي اتحاوم بي محلات دنيا الموسيقي
لكن لقيتو غالي خلاص....
|
Post: #76
Title: Re: مدنية الصحافة ... وكما نحبها
Author: غباشي
Date: 05-20-2007, 04:33 PM
Parent: #1
البيقرا السطر الفوق بيقول رفعت أصغر من معاذ
خلينا في القريب يا مان و ما تخاف القنابل عادية بس سد إضنيك عشاان صوتها عالي شديد
أنا دفعة رفعت أخوك دي أول قنبلة
قريب خالد بطاح ... تاني قنبلة
إترافقنا أنا رفعت طوال فترة الإلزاميةفي المعسكر و في سلاح الإشارة
و طبعا كان معانا أخوكم التالت اللي هو ود خالتكم وود عمكم (معتز) .. دي القنبلة التالتة
أزيدك قنابل و للا لسع؟
راجي قنابلك ...
|
Post: #77
Title: Re: مدنية الصحافة ... وكما نحبها
Author: HAYDER GASIM
Date: 05-20-2007, 07:47 PM
Parent: #76
| Quote: يا أهل الصحافة...وشباب الصحافة...أنا من الصحافة |
أعلاه يكفي ... للفرح بك ... فأنت منا وإلينا ... ولله درك .
ياخي إنت من زمااااااان وين ؟ وأي عمر هذا الذي يمنعك ... فأنا هنا
{ أكبرهم } ... ولما تحول هذا الكبر هنا إلى { خاصية } موجبة فى
سياق التداول مع أبناء وبنات الصحافة هنا... لأنهم يعرفون الإصول
ويتمثلون القيم السودانية المائزة الرفيعة ... إذن حرمت نفسك
وحرمتنا منك { ساكت } ... فيما تشير { السجلات } إلى أنك أعرقنا
في هذا البورد وفصيح وكثير الإفادة والتعليق والتداخل , بعدين
ياخي وإن جمعكم الكورال مع إشراقة حيمورة وفيما يشي بأنكم { دفعة }
فهذا مما يزيدني كبرا ... لأنو لمن كانوا ناس إشراقة يتكورلون { من
كورال } ... فقد كنت وقتها ممن يجلسون على رصيف الفرجة وإسداء النصح
بمقتضي العمر ... وتقول لي عامل السن .
شكرا ... شكرا ... شكرا عزيزنا جدا وولدنا الرفيع نزار
ومرحب بيك فى ديارك ... ويله أبقى معانا ... أضرب بخيمتك
هنا وآتنا من فيوضك العتاقي ... شايف غباشي قايم بالواجب
على أكمل وجه ... ويستفرشك من وسائد التذكار وروابط التاريخ
ودوائر الأحوال وإتكاءآت الماضي ... مايجعل وجودك بيننا متصل
ومنتج ... وهذا فينا مرام .
مع مودتي
|
Post: #78
Title: Re: مدنية الصحافة ... وكما نحبها
Author: HAYDER GASIM
Date: 05-20-2007, 09:56 PM
Parent: #77
بإسمه عز وجل
تنعى أسرة الصحافة الإسفيرية أحد أبناء
الصحافة الذين إختطفتهم يد المنون صباح
الأمس بمدينة الرياض بالسعودية ... فقيدنا
المغفور له بإذنه وليد عابدين ... له الرحمة
ولأهله ومحبيه الصبر وحسن العزاء .
وإنا لله وإنا إليه راجعون
|
Post: #79
Title: Re: مدنية الصحافة ... وكما نحبها
Author: غباشي
Date: 05-20-2007, 09:59 PM
Parent: #1
| Quote: إنا لله وإنا إليه راجعون |
له الرحمة و لآله حسن العزاء
|
Post: #80
Title: Re: مدنية الصحافة ... وكما نحبها
Author: nazar hussien
Date: 05-21-2007, 07:27 AM
Parent: #79
الرجل الشامخ المضيْ حد الاشراق...حيدر قاسم
شكرا أن جعلتموني واحدا من صحافتكم العامرة بأهلها...وبكم أخي حيدر...فقد لاحظت من مدة...نشاطاتكم
وحبكم لتلك الديار...المتشرفة بكم....اما ما سقته بشأن خشيتي من عامل السن...ليقيني..انني طفشت من السودان في زمان...ولد بعده جيلين...أولهم غباشي زميل اخي الاصغر من (الاصغرين)...ولدت في بيت ايجار بالامتداد...وانتقلت الي جبرة (خطة اسكانية) ومن ثم شندي شرقها وغربها(خطة عرقية) ثم الصحافة حيث ولد الاصغرين...والذين لم اعرفهما حين اول رجوع لي...أديتهم حاجة باردة وشكرتهم ان اقلوني من المطار لبيت لا اعرفه...فأهلي سكنوها بعد ان استبدلوا بيتهم الخطة الاسكانية الجبرية
الي مربع 30...رجعت وفؤادي أفرغ من فؤاد ام موسي من كثرة الترحال...
التقيت اثناء اجازاتي بشباب حلوين من الصحافة...اولهم بطاح واهله اقرباء غباشي...وآخرين كثر
كلما تعلقت بهم تعاندني هجرة الذاكرة مرة اخري...ولكن انا عازم هذه المرة لأن التقيهم فردا فردا
وبيت بيت...
لكم التحية اهل الصحافة..
|
Post: #81
Title: Re: مدنية الصحافة ... وكما نحبها
Author: nazar hussien
Date: 05-21-2007, 07:29 AM
Parent: #80
لن يفوتني ان اعزيكم في الفقيد الشاب...تغمده الله بواسع رحمته وأسكنه فسيح جناته مع الصديقين والشهداء وحسن اؤلئك رفيقا.
|
Post: #82
Title: Re: مدنية الصحافة ... وكما نحبها
Author: عبد الدائم سيد أحمد
Date: 05-21-2007, 09:18 AM
Parent: #1
لا حول و لا قوة الا بالله
وانا لله وانا اليه راجعون
اللهم ارحمه واسكنه فسيح جناتك مع الصديقين والشهداء
والهم اهله وذويه الصبر والسلوان
|
Post: #83
Title: Re: مدنية الصحافة ... وكما نحبها
Author: جعفر عبد المطلب
Date: 05-21-2007, 10:18 AM
Parent: #82
الاخ حيدر قاسم لك التحية :هذه فرصة نحي من خلالها اهلنا في الصحافة في اركانها الاربعة لاسيما مربع 38 الذي قاد معركةقوي الاستنارة ضد قى الظلام ابان الديمقراطية الثالثة . حيث انتصرت قوي الاستنارة بفضل ارادة الاحتشاد والتحالف والتنسيق وتحديد الهدف . لقد اديرت تلك المعركة من منزل الراحل العظيم ( محمد الحسن عبد المطلب ) وهذا تاريخ مشهود . ذلك الرجل الذى مضى ولكن بصماته ظلت وستظل باقية علي جدران المدارس التي كان يقف علي قمة العمل الطوعي من اجل بناءها ومستشفى ابراهيم مالك يشهد على ذالك العطاء في تجرد ونكران ذات .مافتر يوما من اجل اهل الصحافةوما بخل بماله وعرقه وجهده مما حقق الكثير من المكاسب الرياضية والثقافية والاجتماعية لسكان الصحافة. وفاء اهل الصحافة لهذا الرجل ما زال يتماهي في اشكال مختلفة من الدورات الرياضية والمسابقات المدرسية وختمات القران التي توهب لروحهالطاهرة في عليائها. ما احوجنا ان نعيد صناعة التاريخ ثانيةونحتشد ونرص الصفوف من اجل المعركة الاشرس لان الخصم هذه المرة يمتلك السلطة بمالها واعلامها ومكرها ونحن نمتلك قضية الوطن ومصير اهله بعدالسقوط المريع لمشروعهم الحضاري .
|
Post: #84
Title: Re: مدنية الصحافة ... وكما نحبها
Author: Alsa7afa_30
Date: 05-21-2007, 10:21 AM
Parent: #1
إنا لله و إنا إليه راجعون
|
Post: #85
Title: Re: مدنية الصحافة ... وكما نحبها
Author: غباشي
Date: 05-21-2007, 10:59 AM
Parent: #1
Quote: وآخرين كثر
كلما تعلقت بهم تعاندني هجرة الذاكرة مرة اخري...ولكن انا عازم هذه المرة لأن التقيهم فردا فردا
وبيت بيت |
يا سلام يا نزار على كلامك الحنيًن
خلاص أديناك هدنة و مافي قنابل تاني ... ( بس طلق بتاعت صوت )
في الماضي كنا معا لأوقات طويلة انا و بطاح و رفعت و رضا
و بالرغم من انه كانت لي غيبات و لفترات طويلة أيضا
بحكم اني أسكن في 41
الآن اصبح كل منا في بلد و صارت الغيبة أطول
هل تعلم اني بالصدفة عرفت بأن رفعت سافرالى الهند؟
إكتشفت ذلك عندما أتصلت على رقمه و انا أمني نفسي
سماع صوته بعد طول غياب ...!
و بعد ذلك توالت الأخبار الى ان إستقر في البحرين
وانقلبت الآية عندما التقينا صدفة في المسنجر و بعد طول حديث
قال لي" سلم على بطاح و رضا !!!!! لكن أنا وين ؟؟"
"انت أقرب مني.... قول ليهم قش بيسلم عليكم "
سبحان الله ....حتى في قمة الجدية تجد روح الدعابة تسري
و سخريات القدر التي لم نسلم منها في السابق
يبدو أنها ما زالت تصر على ملازمتنا......( ٍسأحكى بعضها لا حقا)
قضينا أياماً جميلة برغم صعوبتها و أوقاتا سعيدة
و عزائي اقترانها بالزكريات الجميلة التي نركن اليها جانبا
فتخفف علينا وطأة الحاضر
الآن يا عزيزي أرأيت كيف تفرقت بنا السبل ؟
يا سلام عليك مرة تانية
|
Post: #86
Title: Re: مدنية الصحافة ... وكما نحبها
Author: غباشي
Date: 05-21-2007, 11:26 AM
Parent: #1
| Quote: الراحل العظيم ( محمد الحسن عبد المطلب ) |
الأخ جعفر
له الرحمة و المغفرة بقدر ما قدم لأهل الصحافة و أبنائها
فنحن مدينون له بالكثير ...
منذ أن فتحت عيني و أنا أقرأ تلك اللافتة على منزل الراحل
المطل على مدرسة 38 بنات .... و ما رسخ في ذهني أكثر
تلك الدورة الرياضية التي قام بها أوفياء الصحافة
لتأبين الراحل ... فقد كانت حقا كرنفال رياضي
وأوليمبياد سودانية شارك فيها معظم نجوم الكرة في السودان ذلك الوقت
أذكرها بالرغم من صغري في ذلك الوقت لا لشئ إلا أنها
جاءت لائقة بعظمة الراحل و حقا كانت الإشادة بإدارة فريق الزمالك و شباب
مربع 38 و رابطة الصحافة شرق على ذلك التنظيم الراقي الذي ما رأيت مثيلا
له إلا في مناسبتين لا حقتين جاءتا متتابعتين ( سأشير لهما لا حقا)
عزيزي جعفر فتحت بابا ليس بهين لذا كان على أن أسطر هذه الأحرف التي
قد لا توفي الراحل حقه و ايضا لا توفي أهالي الصحافة الرائعين
و مبدعيها ... لكني آثرت ان انال هذا الشرف
تحياتي لأبناء الراحل
الأخت جميلة
الأخ مرتضى
و تحية خاصة لك عزيزي
|
Post: #87
Title: Re: مدنية الصحافة ... وكما نحبها
Author: غباشي
Date: 05-22-2007, 01:25 AM
Parent: #1
فوق
عشان الراحل المقيم
|
Post: #88
Title: Re: مدنية الصحافة ... وكما نحبها
Author: HAYDER GASIM
Date: 05-22-2007, 01:59 AM
Parent: #87
| Quote: الاخ حيدر قاسم لك التحية :هذه فرصة نحي من خلالها اهلنا في الصحافة في اركانها الاربعة |
الأخ الكريم جعفر عبد المطلب
تحايانا الطيبات
شرفتنا ... عزيزنا , وأثرت شجوننا السياسية والوطنية عبر الدلالات الكثيفة
لدائرة الإنتفاضة وتاريخها المشرف والمضئ ... فإن هكذا كانت الصحافة عنوانا
للهم الوطني وجسرا للعبور وتجربة مائزة على الطريق ... فأخالها ستظل كذلك
ولما جبلت على المبادرة الحسنة وعلى الإسطفاف الوطني المشرف .
كيف أخبارك ... وليتك تدلي بالمزيد من سيرتك الذاتية ذات الصلة بالصحافة حتي
تجد بيينا من يعرفك من قبل ومن يتساوق معك فى ذكريات مشتركة ومن يتآلف علي
صحبة جديدة ... وكذلك ما تدخره بذات نفسك من أشواق ومواقف وذكريات صحافاوية,
... فلكل هذا وغيره إفترعنا هذا البوست ... ويله ... إتدفق .
البركة فيكم فى رحيل الإنسان الأصيل محمد الحسن عبد المطلب ... فتاريخه أشفع
من نعيه ... وحبه للناس ولوطنه أغلب من أعظم مرثية ... له الرحمة .
|
Post: #89
Title: Re: مدنية الصحافة ... وكما نحبها
Author: عماد محمود علي
Date: 05-22-2007, 06:54 AM
Parent: #88
الزعيم الغالي حيدر قاسم
اشتياقي ومحبتي ، ، ،
Quote: ومن أقدارنا الوفاء ... ولما الصحافة عالمنا الصغير ... الكبير ,
فنحن هنا ... لنكون ... وبكل الصدق ... والفرح ... ويله يا حبان , |
محبتي إليكم يا أهل الوفاء والمحبة والتسامح ، متواجد دوماً بفرع مدينتكم الغالية بالرياض ( الدار ) .
أمنياتي بتواصل أهل الصحافة دون انقطاع ، وشكراً إنعام حيمورة على كلام الرزين الجميل الوافي .
محبتي لكم جميعاً ،،،،،،،
صديقي عمر عبد السلام لك الود والاشتياق ....
|
Post: #90
Title: Re: مدنية الصحافة ... وكما نحبها
Author: omer abdelsalam
Date: 05-24-2007, 10:17 AM
Parent: #89
| Quote: صديقي عمر عبد السلام لك الود والاشتياق |
صديق بوست الصحافة الوفي
عماد محمود
مرحب بيك ضيف عزيز وعضو فاعل ..والصحافة نورت بوجودك
|
Post: #91
Title: Re: مدنية الصحافة ... وكما نحبها
Author: عبدالعظيم محمد أحمد
Date: 05-28-2007, 03:14 PM
Parent: #1
حيدر
غباشي
شكرا علي الترحيب .. وجد ماني غريب الدار.. واتشرف بذلك
اليكم جميعاً
تحياتي وسلاماتي
امر هنا لاقاء التحية واعلان تضامني مع الافكار والمقترحات الجميلة الواردة هنا لمزيد من التواصل بين ابناء الصحافة - بالداخل والخارج - عبر موقع علي الانترنت جميل جمال الصحافة وعظيم عظمة اهلها
ودمتم
احبتي
لا يفوتني ان اتقدم بالتعازي في رحيل فقيد الصحافة الي جميع اصدقائه معارفه واهله - اهل الصحافة
تقبله الله
|
Post: #92
Title: Re: مدنية الصحافة ... وكما نحبها
Author: HAYDER GASIM
Date: 06-01-2007, 05:38 AM
Parent: #91
شكرا ... عزيزنا وحبيبنا ... عبدالعظيم
فنحن نفرح بكل شئ ,
بالمرور من هنا,
بالمعاودة ,
بالإقامة الدائمة ,
ونتمناك بيننا على الدوام
مع المودة
|
Post: #93
Title: Re: مدنية الصحافة ... وكما نحبها
Author: HAYDER GASIM
Date: 06-01-2007, 05:55 AM
Parent: #92
Quote: الاخ العزيز / حيدر قاسم
تحية طيبة
بالصدفة وبعد تفرغ بسيط بقيت اتمكن من الدخول فى النت
وقابلتة عبدالدائم مشكور رسل هذا العنوان، ارتحتة شديد
لمن عرفت انه فى ناس لسه فاكرة الصحافة ومهتمة ويا ريت
يكون التواصل بقدر حبنا للصحافة .
اتمنى ان نتواصل وانا بتصفح النت وجدت موضوعك القيم (بس
ماتفكر فيه كتير يا حيدر احسن تتعب)
مع تحياتى لك ولافراد الاسرة
شريف الناظر
جدة 31/5/2007 م
|
شكرا ... شكرا ... حبيبنا ... شريف الناظر
ولنا فى الفرح بمقدمك باقة من زهور عبقة ,
نقدمها لأنفسنا ... بالأصالة عن أنفسنا... على
نخب مقدمك الميمون .
أبقى معانا
... لا تعب ولا حاجة ... يا حبيب ,
فنحن بنتعب لمن ننقطع من الأهل والوطن والاحباب والصحافة ,
وطالما هنا مشروع ممكن للتواصل ... فنحن سعداء .
{ لم أستأذن شريف الناظر لنشر الرسالة أعلاه ...
فهو أخي الأصغر ... وتصرفت على أساس هذا { التفويض }
التاريخي ... ولما أصابت رسالته فى امرنا ثمرة ... }
فمرحب بشريف ... وفى المخيلة ... إلتقاء حبيبات العقد
التاريخي لأهل الصحافة وأبنائها الإجلاء .
مع مودتي
|
Post: #94
Title: Re: مدنية الصحافة ... وكما نحبها
Author: علاء الدين حيموره
Date: 06-01-2007, 02:28 PM
Parent: #93
الزعيم حيدر قاسم
الاخوة أبناء مدينة الصحافة
لكم مني عاطر التحايا ..
ما زال أنشاء موقع على صفحات الانترنت يحمل اسم مدينة الصحافة هو الشغل الشاغل وبعد استشارة عدد من الاخوة من ابناء مدينة الصحافة اقترحوا ان يفتح بوست خاص بهذا الاقتراح ..
ارجو ان نجمع كل المقترحات في بوست الصحافة ..
لكم مني كل الود ...
|
Post: #95
Title: Re: مدنية الصحافة ... وكما نحبها
Author: هاشم أحمد خلف الله
Date: 06-01-2007, 02:36 PM
Parent: #94
| Quote: ارجو ان نجمع كل المقترحات في بوست الصحافة .. |
الأخ علاء الدين وأنا معك أثني علي هذا الإقتراح الجميل والتحية من عبرك للزعيم حيدر قاسم ونحن معك
يا زعيم يا كبيرنا في السن وفي العلم والأدب .
|
Post: #97
Title: Re: مدنية الصحافة ... وكما نحبها
Author: HAYDER GASIM
Date: 06-01-2007, 05:34 PM
Parent: #95
الأخ الكريم ... علاء
سلمات ... وأشواق
أراها فكرة جيدة أن يفتح بوست مختص بالموضوع الذي ذكرت ,
على أن يكون العنوان مباشرا ومحيطا تماما بالفكرة حتي يسهل
فهم الغرض منه وحتي يتسني لأولى الدراية بالأمر تقديم ما عندهم,
كأن يكون... مثلا { يا أهل الخبرة ... نريد تصميم موقع
ألكتروني لمدينة الصحافة ... إيديكم معانا } وليته يكون أكثر
إختصارا من هذا .
يظل التصور الأولي هو محتويات الموقع الأساسية , أي صفحاته ... فهذا
ما ينبغي أن تعكف على مدارسته أخي علاء وكل ذوي الصلة بالأمر , كده
أفترع البوست ... ونشوف .
مع مودتي
|
Post: #322
Title: Re: مدنية الصحافة ... وكما نحبها
Author: بكرى ابوبكر
Date: 04-04-2008, 06:37 AM
Parent: #97
h
|
Post: #96
Title: Re: مدنية الصحافة ... وكما نحبها
Author: Alsa7afa_30
Date: 06-01-2007, 05:32 PM
Parent: #1
| Quote: بخصوص موقع الصحافة على الشبكة العنكبوتية أقتـرح تكوين لجنة لهذا الغرض لمناقشة ما سيتضمنه الموقع بقيادة (الزعيم) و استدعاء المختصين في تصميم المواقع من أبناء الصحافة.. |
|
Post: #98
Title: Re: مدنية الصحافة ... وكما نحبها
Author: HAYDER GASIM
Date: 06-01-2007, 05:54 PM
Parent: #96
وصلتنا للتو ... هذه الرسالة من الأخ الكريم د. علي عبدالقادر
من فرنسا ... أليس فى هذا الإسفير نعمة ؟؟؟ كيف كان يمكن أن
نتواصل ونلتحق بركب الصحافة ونتوسل أحاسيسها ونعايش نبضها ...
لولا من جعلوا هذا ممكنا ... فالمجد للإنسان حين يبدع وحين يشترع
من العدم ما يجعل حياتنا أسهل ... وأمتع .
للأخ د. علي باقة من أزاهير الترحاب ومن لفائف الفرح ... فمرحبا به .
Quote: سلام
رغم طول المسافات و السنوات-18 سنة- ولكننا نتابع من على البعد أخبار مدينة الصحافة
يعجبني في المشاريع المرتبطة بالمدن و الأحياء، أن الرابط فيها هو المكان و ليس اللون أو القبيلة أو حتى القرية الأم وفي ذلك تعميق لمعاني الأخوة الإنسانية التي تسمو فوق كل الانتماءات الأخرى، وفي ذلك درء للفتنة القبلية و العرقية التي باضت وأفرخت في السنوات الأخيرة.
لكم جزيل الشكر
- سلام خاص عبركم للأخت إنعام حيمورة
د.على عبد القادر سيداحمد / باريس/ فرنسا- الصحافة شرق مربع 40 منزل 27
|
|
Post: #99
Title: Re: مدنية الصحافة ... وكما نحبها
Author: omer abdelsalam
Date: 06-01-2007, 07:19 PM
Parent: #1
Quote: د.على عبد القادر سيداحمد / باريس/ فرنسا- الصحافة شرق مربع 40 منزل 27
|
د. على عبدالقادر ..حبابك عشرة في بوست الصحافة
فرحت جدا لما قرات انك تسكن في مربع40 منزل 27
يعنى ولد حلتى لزم ..بس انت فى اول المربع وانا فى آخره ( منزل 195 )
ولكن يبدو ان مرافئ الغربة فرقتنا وباعدتنا ولم نلتق.
أحاول نحت ذاكرتى التى اصابها الوهن ..تذكرك وتذكر بيتكم وجيرانكم ورفاق دربك ..ولى ثقة بأننا التقينا من قبل
وتونسنا ..بس مشكلتى ان اولاد مربع 40 كلهم يعرفوني باسم ازهري عبدالسلام وليس عمر من خلال فريق العزيمة في سنوات السبعينات .
أتوقع حضور لاعب الهلال ا لسابق من عمان التاج محجوب وابن مربع 40 في زيارة للمغرب قريبا لعله يمسح الصدا عن ذاكرتى
واتذكرك اخى على
ولك مودتى
عمر عبدالسلام ( ازهري )
|
Post: #101
Title: Re: مدنية الصحافة ... وكما نحبها
Author: علاء الدين حيموره
Date: 06-01-2007, 10:50 PM
Parent: #99
الاخ الدكتور / علي عبد القادر سيد احمد
اهلا بيك ومنور بوست الصحافة ..
للذين لا يعرفون الاخ الدكتور على ,, فهو ابن الخال المرحوم عبد القادر سيد احمد بخيت .. والدتة المرحومة الخالة الروضة محي الدين بخيت الف رحمة تزل عليها ..
تلك المرأة العصامية وقد فتحت بوست قبل اشهر يحكي عن روعة الخالة ( من البوستات المأرشفة ) ..
لهذه الاسرة سيرة حياة عطرة أمتزج فيها الكفاح مع التوادد لبناء اسرة عرفت بالكرم والنقاء والواجب في الملمات فكانوا مثالا نادرا ...
سوف نرجع بوست الحاجة الروضة لتكرم من أبناء الصحافة ...
مودتي
|
Post: #100
Title: Re: مدنية الصحافة ... وكما نحبها
Author: غباشي
Date: 06-01-2007, 10:42 PM
Parent: #1
أهلي ناس الصحافة ... إزيكم و مشتاق ليكم شدييييييييييييد
|
Post: #102
Title: Re: مدنية الصحافة ... وكما نحبها
Author: علاء الدين حيموره
Date: 06-02-2007, 10:29 AM
Parent: #100
غباشي الراقي
تحياتي
منتظين مقترحاتكم ..
دمت ..
|
Post: #103
Title: Re: مدنية الصحافة ... وكما نحبها
Author: ابوعبيدة حسن محمد
Date: 06-02-2007, 11:14 AM
Parent: #1
فوق شوية 00
|
Post: #104
Title: Re: مدنية الصحافة ... وكما نحبها
Author: Abdelmuhsin Said
Date: 06-05-2007, 01:49 AM
Parent: #1
الاخ حيدر قاسم لك التحية
|
Post: #105
Title: Re: مدنية الصحافة ... وكما نحبها
Author: HAYDER GASIM
Date: 06-05-2007, 04:50 AM
Parent: #104
شرفتنا أخ محسن ,
وإنابة عن أسرة الصحافة الإسفيرية
أرحب بك ... وليته يطيب مقامك بيننا.
|
Post: #106
Title: Re: مدنية الصحافة ... وكما نحبها
Author: علاء الدين حيموره
Date: 06-05-2007, 07:50 AM
Parent: #105
أخ عبد المحسن
الف تحية وانت تزور هذا البوست
ياربي انت محسن سيد ود مربع 28 ؟؟
مودتي
|
Post: #107
Title: Re: مدنية الصحافة ... وكما نحبها
Author: Abdelmuhsin Said
Date: 06-05-2007, 11:12 PM
Parent: #1
Quote: ياربي انت محسن سيد ود مربع 28 ؟؟
[/QU
لا ابدا أسم على أسم
|
Post: #108
Title: Re: مدنية الصحافة ... وكما نحبها
Author: Alsa7afa_30
Date: 06-06-2007, 00:07 AM
Parent: #1
مرحباً عبد المحســن..
|
Post: #109
Title: Re: مدنية الصحافة ... وكما نحبها
Author: علاء الدين حيموره
Date: 06-07-2007, 07:51 AM
Parent: #108
لا بد ان تكوني في القمة يا صحافة
|
Post: #110
Title: Re: مدنية الصحافة ... وكما نحبها
Author: عبد الدائم سيد أحمد
Date: 06-14-2007, 10:39 AM
Parent: #1
مـا نـســـــيـناك
|
Post: #111
Title: Re: مدنية الصحافة ... وكما نحبها
Author: غباشي
Date: 06-14-2007, 03:06 PM
Parent: #1
كلو عشان عيونك
|
Post: #112
Title: Re: مدنية الصحافة ... وكما نحبها
Author: HAYDER GASIM
Date: 06-22-2007, 03:37 AM
Parent: #111
قبل الأرشفة ... وووين إنتو ؟؟؟
أجمعوا ... أهلي وصحابي الصحافاب ,
فهنا جذع نتفرع منه ... وإليه نعود,
هنا كانت البدايات ... حتى ما كنا
لنصدق ... كل هذا الحضور ... وكل هذا
الألق الصحافاوي , هنا إلتقى عمر عبد
السلام بغباشي , والعجوز بعيدروس , وإنعام
بهيام , وعبدالدائم بمعاوية , وعلاء بالصحافة
تلاتين , وهاشم بعادل , وأنا بشكوكو , وأنتم
فى معية كلكم ... وبعضكم فى حرز بعض ... فكان
فى تباشير الفضاء إسمنا الإسفيري , وكنا الأفرحين ,
... هنا إبتدأنا ... وتواصلنا ... وعشمي دوام الإلفة
والمعزة ...
لأجلكم ... وصحافتكم الرائعة ... وأهلها الطيبين ...
يبقي هذا البوست حيا ... مديدا ... موثوق الرباط
بتاريخنا على الأرض ... وبتواصلنا الإسفيري المشرق .
فقط ... أرجو عونكم بتقديم شخص آخر يتولي أمر هذا
البوست للعام القادم ما وسع العمر ... لا نقصا فى حبي للصحافة
ولا فيكم ... لكنه النقل الموضوعي للخبرة وللمسئولية ,
كما هو الرغبة الأصيلة فى تناقل الرسالة من جيل إلى
آخر ... مع يقيني بعظمة الصحافة وبقدرة أجيالها الناهضة ,
ليس لتحمل مثل هذه المسئوليات الخفيفة ... إنما الجسام الصعاب .
لقد رأينا كيف تفتق النوار على ردهاتنا الإسفيرية , وكيف دلفنا
جميعا لنطاق الأريحية والصحبة دون حواجز عمرية ولا ثقافية ولا
سياسية ولا إجتماعية ولا مربعية ... ولا ولا ولا .
إذن ... سوف نستثمر حقلنا المعرفي لمزيد من الألق وهو يضيئ
صحافتنا القيافة أصلا وسوف نتداول مسئوليتنا هنا كما فى بيوتنا.
وختاما ... فالصحافة إسم ومعني , تاريخ وجغرافية , فن وإبداع ,
أصالة ومعاصرة , حمية ومحنة , معاطف وجياد , مرسل وأوتاد, وعد
وميعاد .
... فأبقوا عشرة .
مع مودتي
|
Post: #113
Title: Re: مدنية الصحافة ... وكما نحبها
Author: omer abdelsalam
Date: 06-22-2007, 07:55 AM
Parent: #1
Quote: وختاما ... فالصحافة إسم ومعني , تاريخ وجغرافية , فن وإبداع ,
أصالة ومعاصرة , حمية ومحنة , معاطف وجياد , مرسل وأوتاد, وعد
وميعاد .
... فأبقوا عشرة .
مع مودتي |
هل هي خطبة الوداع يازعيم ..اعيد النظر
==============================
يابورداب الصحافة ياقيافة
قبل ان يغلق الباب وتهل صفحة جديدة للمنبر
مارايكم في خطبة الزعيم حيدر قاسم
هل نترك هذا الرجل الهمام يغادر دفة المركب التى قادها كل تلك الشهر الماضية بحنكة ودراية
0 فايت مروح وين ....لسه الوقت بدري 0
قولوا كلمتكم
|
Post: #114
Title: Re: مدنية الصحافة ... وكما نحبها
Author: Alsa7afa_30
Date: 06-22-2007, 10:56 PM
Parent: #1
Quote: وختاما ... فالصحافة إسم ومعني , تاريخ وجغرافية , فن وإبداع ,
أصالة ومعاصرة , حمية ومحنة , معاطف وجياد , مرسل وأوتاد, وعد
وميعاد .
... فأبقوا عشرة .
مع مودتي |
أعتــرض!!
|
Post: #115
Title: Re: مدنية الصحافة ... وكما نحبها
Author: عبد الدائم سيد أحمد
Date: 06-23-2007, 07:35 AM
Parent: #1
انا ايضا" اعـتـرض وبشـــدة ...
ربما الفتور الذى صاحب البوست فى الفترة الاخيرة
يعود الى ترغب الكل للموقع الخاص لمدينة الصحافة
ولو لا هذا البوست لما كانت فكرة الموقع اصلا"
والقادم احلى واجمل يا زعيم
مع خالص الود
|
Post: #116
Title: Re: مدنية الصحافة ... وكما نحبها
Author: هاشم أحمد خلف الله
Date: 06-25-2007, 11:07 AM
Parent: #115
حا نبقي مليار وزيادة يا زعيم ما تشيل هم , شدة وتزول .
|
Post: #117
Title: Re: مدنية الصحافة ... وكما نحبها
Author: HAYDER GASIM
Date: 06-27-2007, 05:40 AM
Parent: #116
أعزائي ...
عمر عبدالسلام
الصحافة تلاتين
عبدالدائم
هاشم
أشكركم بشدة عزمكم
وبحنوكم ... كما أمكم { الصحافة }
... وللحديث بقية .
مع مودتي
|
Post: #118
Title: Re: مدنية الصحافة ... وكما نحبها
Author: غباشي
Date: 06-27-2007, 05:48 AM
Parent: #1
Quote: أرجو عونكم بتقديم شخص آخر يتولي أمر هذا
البوست للعام القادم ما وسع العمر |
سأعود بعد أستوعب ماذا يحدث !!!!!!!!!!!!!!!؟؟؟؟؟؟؟؟
|
Post: #120
Title: Re: مدنية الصحافة ... وكما نحبها
Author: HAYDER GASIM
Date: 07-16-2007, 00:43 AM
Parent: #118
بعد غيبة ... آن لهذا البوست ... أن يترجل
فمرحا مجددا بكل نوار الصحافة ... حتى تدني
كل القطوف الجميلة ... والثمار اليانعة ...
... أي حتى تكتمل رسالتنا المجيدة .
مع مودتي
|
Post: #121
Title: Re: مدنية الصحافة ... وكما نحبها
Author: Alsa7afa_30
Date: 07-16-2007, 01:10 AM
Parent: #120
حمداً لله على سلامة العودة يا زعيم..
|
Post: #122
Title: Re: مدنية الصحافة ... وكما نحبها
Author: HAYDER GASIM
Date: 07-16-2007, 03:06 AM
Parent: #121
شكرا ... الصحافة تلاتين ... إمتا تبقى أربعين
... وكله مجد .
مع مودتي
|
Post: #123
Title: Re: مدنية الصحافة ... وكما نحبها
Author: omar altom
Date: 07-16-2007, 10:20 AM
Parent: #122
اهو انا كمان جيتك ياريس
وان شاء الله الصحافة دايما فوق وشكرا لي بكري الذي جعل هذا التلاقي الاسفيري ممكنا
عمر عثمان التوم
|
Post: #131
Title: Re: مدنية الصحافة ... وكما نحبها
Author: غباشي
Date: 07-17-2007, 02:21 AM
Parent: #121
|
Post: #124
Title: Re: مدنية الصحافة ... وكما نحبها
Author: عبد الدائم سيد أحمد
Date: 07-16-2007, 11:54 AM
Parent: #1
اهلا" بيك يا عمر
يا اخوى ما تكون اخو خالد عثمان التوم مربع 23
بس الحقنا سريع البوست ده داير ليهو درب ( بكسر الدال والراء )
خالص الود
عبدالدائم / مربع 25
|
Post: #125
Title: Re: مدنية الصحافة ... وكما نحبها
Author: omar altom
Date: 07-16-2007, 11:58 AM
Parent: #124
عبد الدائم يا اخوي
ازيك.ياهو انا زاتي اخو خالد.شكرا علي التحية والله يكفينا شر الدربات
|
Post: #126
Title: Re: مدنية الصحافة ... وكما نحبها
Author: معتز الامين
Date: 07-16-2007, 01:21 PM
Parent: #1
الرائع حيدر قاسم
تحياتى
اعتذر كتير للانقطاع عن اهل الصحافه والمنبر لسفرى لفتره
لدى الكثير الكثير لتقديمه بس اجيكم بى مهله
تحياتى
|
Post: #127
Title: Re: مدنية الصحافة ... وكما نحبها
Author: Alsa7afa_30
Date: 07-16-2007, 01:58 PM
Parent: #1
ألف مرحب بالصحافابي الجديـد عمر عثمان التوم..
|
Post: #128
Title: Re: مدنية الصحافة ... وكما نحبها
Author: عادل جبارة
Date: 07-16-2007, 02:12 PM
Parent: #127
Quote: فقط ... أرجو عونكم بتقديم شخص آخر يتولي أمر هذا
البوست للعام القادم ما وسع العمر ... لا نقصا فى حبي للصحافة
ولا فيكم ... لكنه النقل الموضوعي للخبرة وللمسئولية |
,
الزعيم حيدر قاسم
ومالك تريد أن تجعلني أشعر بوزر الغياب
أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،،
|
Post: #129
Title: Re: مدنية الصحافة ... وكما نحبها
Author: omer abdelsalam
Date: 07-16-2007, 06:39 PM
Parent: #1
Quote: أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،،
|
الزعيم حيدر
عوافي
اسمع كلام اخوي الكاشف { عادل جبارة }
واصل المسيرة الشباب والعجائز من فريقنا كمان معاك 
|
Post: #130
Title: Re: مدنية الصحافة ... وكما نحبها
Author: HAYDER GASIM
Date: 07-17-2007, 02:05 AM
Parent: #129
Quote: اهو انا كمان جيتك ياريس
وان شاء الله الصحافة دايما فوق وشكرا لي بكري الذي جعل هذا التلاقي الاسفيري ممكنا
عمر عثمان التوم |
وظفرا مبينا ... أيها الصحافاب ... الأحباب .
إنضم إلى قافلتكم الإسفيرية الأخ عمر عثمان التوم ,
من أولاد مربع 23 , ومن فوح الصحافة التاريخ ... بدءا
والعزم منتهي ... شاب أينع من ثمار الربيع وأنضر من زهراته
الطيبات , مشدود إلى خاصرة الصحافة بكل لوادن الصلات وغلاظها,
ولد فيها وترعرع , تمشي بين شوارعها وإنتمى إلى ركابها ... تعلم
فى مدارسها , لعب الكرة فى ميادينها وجالس صحابه على نواصي
الدكاكين وتحت أعمدة الكهرباء { وسواء أكانت مضيئة أم لا }
إنبثق من همومها ... وتداعي فى رسالتها النصوح ... لهذا فهو
مثلكم أعزائي ... يحمل هم الوطن والأسرة والصحافة والمستقبل
على كافة هذه الصعد ... شاب جميل ... سليل أسرة كريمة , رعى
حالها منذ أن كانت أبوين صادحين بالمحبة والطيبة والمسئولية,
هما عمي عثمان التوم وخالتي النعمة ... أطال الله عمرهما ومتعهما
بالصحة والعافية وراحة الضمير وهدؤ البال ... فقد أديا رسالة
عظمية وأنجبا للدنيا أولادا وبنات كأروع ما يكون ... ربنا يحفظهم
ويغطيهم من كل كل مكروه .
من أشقاء عمر ... خالد وهاشم , ومن شقيقاته ... سلوى ونجلاء { صاحبة
ديوان الشعر الشهير ... منزلة الرمق } وأتوقف عن ذكر البقية درءا
{ للعين } ... لهم خالة إشتهرت { ببت التوم } ... وهي إمرأة تغطي
عين الشمس ... من شدة شخصيتها وحكمتها وأحاسيسها الأسرية والإجتماعية.
أسرة راضية ... مرضية ... تستحق تقديرنا وإعجابنا .
مرحب بيك يا عمر ... فأنت اليوم فى دارك ... خد راحتك ,
... ونسمع منك وعنك ألف خير .
مع مودتي
|
Post: #133
Title: Re: مدنية الصحافة ... وكما نحبها
Author: HAYDER GASIM
Date: 07-17-2007, 03:03 AM
Parent: #130
Quote: الرائع حيدر قاسم
تحياتى
اعتذر كتير للانقطاع عن اهل الصحافه والمنبر لسفرى لفتره
لدى الكثير الكثير لتقديمه بس اجيكم بى مهله
|
وده معتز الأمين { أخو طارق الأمين } شاب على قامة رفيعة من
الوفاء والأناقة ... هو { فردة } عمر عثمان التوم ... وكلامها
من طلائع شباب الصحافة وعنوان لجيلها الراهن حزما وعزما ومطمحا .
مرحب مجددا ... معتز ... وما في مشكلة ... فالناس هنا ينقطعون
لأسباب جد تستحق ... فبالمهلة ... لكن مع المسئولية كذلك , لأننا
هنا نقيم شأن الصحافة ونتداول فى أخبارها ونعمل لأجل خيرها ...
إذن فهنا رسالة جليلة تستحق الإنتباه والتقدير ... فأدينا من
وقتك الأقل ... لكن مع محاولة الإنتظام ما أمكن ... فهذا نداء
لك وكل الشباب للتقدم بثبات فى رفع راية الصحافة الإسفيرية ,
فنحن أعمامك العجائز ... تعبنا خلاص ... لكن برضو ما حا نخليكم
براكم وحا نقيف معاكم لامن تزهجوا مننا .
قلت أن لديك الكثير الذي ستقدمه إلينا ... فما أسعدنا بهذا
الخبر ... وما أحر إنتظارنا لما سوف تقدمون ... وده { الدرب }
القال عليهو أخونا عبد الدائم سيد أحمد وهو يمازح أخونا عمر
عثمان التوم ... فلك كل الفضاء .
مع مودتي
|
Post: #139
Title: Re: مدنية الصحافة ... وكما نحبها
Author: omar altom
Date: 07-17-2007, 09:21 AM
Parent: #130
العزيز حيدر
تحيات ومحبات. للصحافة علينا دين يحتاج رده ان نعيش عمرنا من جديد لنوفي بعضا منه.هي حياتنا ونحن هي.
شكرا يا سيدي علي الاطراء والثناء وآمل ان اكون في مقام ما نعتني به من صفات .كل ما يمكن ان اقوله هو انني لو لم اولد في الصحافة لما كنت انا كما انا.
تحياتي للاولاد
|
Post: #132
Title: Re: مدنية الصحافة ... وكما نحبها
Author: غباشي
Date: 07-17-2007, 03:01 AM
Parent: #1
مرحبا بالأخ عمر عثمان التوم ..... لا شئ يضاف فالزعيم أوفي و كفى ... فهنيئاً لك
|
Post: #134
Title: Re: مدنية الصحافة ... وكما نحبها
Author: HAYDER GASIM
Date: 07-17-2007, 03:33 AM
Parent: #132
Quote: الزعيم حيدر قاسم
ومالك تريد أن تجعلني أشعر بوزر الغياب
أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،، |
جميل أن نسمع منك { يا غالي } وإنت بالمناسبة
يا عادل من الناس اللي حا أرشحهم لتولي مسئولية
هذا البوست ... وحا نتفق على الزمن عشان خاطر
أخونا غباشي ... لأنك تملك حاسة إجتماعية نضرة ,
وتجربة حياتية ما سهلة وإنتماء ضالع للصحافة ,
وعاشرت المجالس والمجتمعات وأنابك من المعرفة
والسعة ما أحس بقيمته , حتى ولو لم تقيمه لذاتك ,
فخليك قريب ... خاصة وأنك من { الشباب } حلوة ده ,
وتملك البصيرة الإجتماعية والثقافية التي يمكن أن
تدير بها هذ البوست وبكل بساطة ... فأجهز .
بالمناسبة ... كيف أخبار الصحافة هذه الأيام ؟
مع مودتي
|
Post: #135
Title: Re: مدنية الصحافة ... وكما نحبها
Author: HAYDER GASIM
Date: 07-17-2007, 03:46 AM
Parent: #134
وعزيزي ... غباشي
عسا أحوالك طيبة
أخجلت تواضعي بعباراتك القوية الجزلة ,
ولا يسعني إلا أن أكون معكم وبكم ... منكم وإليكم,
ما كانت الصحافة بجمالك وروعتك , وما ظل الوفاء
والتقدير فى مرعيات عهودنا الأخوية والإنسانية الصدوق .
فالآن يجتاحني إحساس طيب مؤداه أننا صرنا فى مقام الأسرة
الواحدة وأننا نقيم أمرنا على هدي القيم السودانية وعلى
خواص الصحافة التاريخية ... فوجدت هنا أخوتي ولما بعدت
عن أسرتي ... وصارت الصحافة الإسفير في طعم الصحافة الواقع ,
وكل يوم نتجمل ونترقي إحساسا وصدقا ... ونتحرى اليوم الذي
نكون فيه كلنا ... غباشي .
مع مودتي
|
Post: #136
Title: Re: مدنية الصحافة ... وكما نحبها
Author: عبد الدائم سيد أحمد
Date: 07-17-2007, 07:20 AM
Parent: #1
اخى الاصغر معتز
ود حلتنا والشارع الورانا .... ازيك ونورت الصحافة
بطلتك البهية ، رغم انى ارى شيئا" من طارق الامين بدأ على
محيك الزاهى ....
عزيزى كيف اخبار شارعكم ، شارع .....
ولا بلاش اسأل لى اشرف عبدالمطلب من اسم الشارع
وتعال لي راجع ، ونحن فى الانتظار
خالص الود
|
Post: #137
Title: Re: مدنية الصحافة ... وكما نحبها
Author: معتز الامين
Date: 07-17-2007, 08:18 AM
Parent: #1
اخى الاكبر حيدر
تحياتى
شكرا على الكلام الجميل
هذا العمل ينعش مابداخلنا ويدخل داخلنا النشوه
خاصه اننا من فتره شغلتنا الحياه والمعايش عن امور جد هامه
شكرا لك وانت تعيد لنا حيويتنا مجددا
|
Post: #138
Title: Re: مدنية الصحافة ... وكما نحبها
Author: معتز الامين
Date: 07-17-2007, 08:28 AM
Parent: #1
عزيزى عبد الدائم
كيفك يارائع وكيف جعفر طول مننا
اما بخصوص الشبه الا يكون مبادىء الصلعه العندى
موضوع الشارع دا انتو ماناس عجائز يكون الاسم كان فى وزمنكم
على العموم حاولت اتصل بى اشرف الغول
تلفونو مقفول ح ابارى ليك الموضوع دا لمن اعرف اسم الشارع
محبتى
|
Post: #140
Title: Re: مدنية الصحافة ... وكما نحبها
Author: HAYDER GASIM
Date: 07-18-2007, 03:24 AM
Parent: #138
| Quote: ولا بلاش اسأل لى اشرف عبدالمطلب |
وأنا أسأل عن أحمد عبدالمطلب ... كل زول ودفعتو ,
عساهم جميعا بخير .
مع مودتي
|
Post: #141
Title: Re: مدنية الصحافة ... وكما نحبها
Author: omar altom
Date: 07-18-2007, 06:10 AM
Parent: #140
سلام ياشباب
مهند حيمورة وين انت؟
رسل لي رقم تلفونك في الايميل بتاعي الموجود في البروفايل عشان اضرب ليك ونشوف ممكن نعمل ايه خطوة لي قدام.
سلامي لكل الحيموراب
|
Post: #142
Title: Re: مدنية الصحافة ... وكما نحبها
Author: عادل جبارة
Date: 07-18-2007, 07:08 AM
Parent: #141
Quote: الزعيم حيدر
عوافي
اسمع كلام اخوي الكاشف { عادل جبارة }
واصل المسيرة الشباب والعجائز من فريقنا كمان معاك |
صديقي الجنرال عمر عبد السلام
وسلام مربع من أخوك ( الكاشف )
أكون سعيداً جداً عندما أجدك هنا تحديداً
وربما الإحساس بوجود ( واحد دفعة ) يشجعني
على ( الونسة ) !!
( الأولاد الصغار ) كتروا علينا .. ناس غباشي
وعمر عثمان التوم ومعتز الأمين ..
والله سعيد جدا بانضمام الأخ الأصغر عمر عثمان
فلازلت أذكره يافعاً يانعاً 00
من دواعي السرور كذلك الأستجابة الكريمة
من زعيمنا حيدر ورعايته المستمرة للحوش
ولي عودة ،،،،
|
Post: #143
Title: Re: مدنية الصحافة ... وكما نحبها
Author: عادل جبارة
Date: 07-18-2007, 07:38 AM
Parent: #142
Quote: جميل أن نسمع منك { يا غالي } وإنت بالمناسبة
يا عادل من الناس اللي حا أرشحهم لتولي مسئولية
هذا البوست ... وحا نتفق على الزمن عشان خاطر
أخونا غباشي . |
أخي الزعيم حيدر قاسم
متعك الله بالصحة والعافية
إن صنفتني من فئة ( الشباب ) فذاك
من ( ذوقك ) فالشباب شباب الروح بالحماسة والهمة
وإن صنفني صديقي الجنرال من فئة ( العجائز )
فذاك أيضا من دواعي الفخر والأعتزاز .. فالعجائز
فيهم الحكمة والخبرة والروية 00
وبالمناسبة يازعيم 00 حتى محاولتك لأخذ إجازة ولو
قصيرة سيقابلها الجميع بالرفض وهذا قدرك ونصيبك
أن تكون قائدا وزعيما أما بخصوص ترشيحك لي فهذا
ليس مرفوضاً فقط بل يزيدني حرجاً وإحساساً بالتقصير !!
أخي حيدر
واصل وستجدنا هنا دائما بإذن الله ( أنا وأخوي الكاشف )
وبقية الشباب .. ً
|
Post: #144
Title: Re: مدنية الصحافة ... وكما نحبها
Author: غباشي
Date: 07-18-2007, 10:53 AM
Parent: #1
| Quote: يجتاحني إحساس طيب مؤداه أننا صرنا فى مقام الأسرة الواحدة |
تتساقط مني الكلمات و أنا احاول ان ارد عليك أيها الزعيم ..... لا أجد من الحديث الا انه لا صحافة بدون حيدر قاسم , عادل جبارة , عمر عبد السلام , معاوية محمد, إشراقة و إنعام حيمورة ,عبد الدايم السيد (عفوا اذا سقطت بعض الأسماء)
فأنتم من حملتم المشعل و سرتم به و لولاكم لما رأينا صحافة اسفيرية و لا تصادقنا , أنتم من مهدتم لنا الدرب كي نسير عليه و نجئ قدما اليكم .... و يبدو اننا مازلنا في أمس الحوجةلوقوفكم معنا كي نستطيع المضي قدما تحت توجيهكم , ذلك للتمهيد لأجيال قد تأتي
لا يسعني إلا ان اطلب منكم ان لا تبتعدوا عن هذا المكان الإسفيري الجميل فأنتم له اكسير حياة كل ما ارتوى منه تجددت خلاياه و امتد به العمر .....
تحياتي لا تنقطع
|
Post: #145
Title: Re: مدنية الصحافة ... وكما نحبها
Author: عادل جبارة
Date: 07-18-2007, 11:18 AM
Parent: #144
يا سلام يا غباشي
ضاع الكلام وغابت المعاني
وسط هذا الزخم الأجتماعي
المترابط ،،
وعشان المشاعر الفياضة دي
ياريت ولدنا الشاب الصحافة 30
يجيب الأورغن ويعمل لينا حفلة بالمناسبة دي
طبعا يا شباب الولد الظاهر في الصورة
ده الدكتور حسام ( الصحافة 30 ) إختصاصي
علم الأحياء الدقيقة .. طبعاكلكم كنتوا فاكرينه
بتاع أورغن !!!
|
Post: #146
Title: Re: مدنية الصحافة ... وكما نحبها
Author: Alsa7afa_30
Date: 07-18-2007, 03:49 PM
Parent: #145
Quote: ده الدكتور حسام ( الصحافة 30 ) إختصاصي
علم الأحياء الدقيقة |
أستاذنا العزيز عادل جبارة..
أنا لا دكتور ولا يحزنون..يادوب علوم أحياء دقيقة
يعني ما دكتور و متخصص أحياء دقيقة ...لكن فطيت الدكترة و مشيت على الأحياء الدقيقة طوالي... شفت كيف؟
دعواتك أنو ربنا يسهل لينا الدكتوراه..
Quote: طبعاكلكم كنتوا فاكرينه
بتاع أورغن !!! |
أما الكلام ده فهو فعلاً صحيـح
لكن عرفت كيف ؟؟؟!
|
Post: #147
Title: Re: مدنية الصحافة ... وكما نحبها
Author: HAYDER GASIM
Date: 07-18-2007, 04:32 PM
Parent: #146
شكرا عزيزي ... عادل جبارة
فكلما تظهر من هنا يضئ البوست
وتتوهج الأحاسيس وتتكاثر الأقدام ,
فنحن نطالب بإستمرار وجودك بيننا
وإن دعا الأمر أن { نكريك }
{ وجه ضاحك }
مع مودتي
|
Post: #149
Title: Re: مدنية الصحافة ... وكما نحبها
Author: HAYDER GASIM
Date: 07-18-2007, 04:51 PM
Parent: #147
Quote: لا يسعني إلا ان اطلب منكم ان لا تبتعدوا عن هذا المكان الإسفيري الجميل فأنتم له اكسير حياة كل ما ارتوى منه تجددت خلاياه و امتد به العمر .....
تحياتي لا تنقطع
|
وهذا ... غباشي
يدعوكم بصدق يقطع نياط القلوب ,
أن تلتئموا هاهنا , فبعد إنتهاء
أي دوام أو دراسة أو أي مهمة حياتية
فلا بد للمرء أن يرجع إلى داره , فهذا
هو دارنا ... أتوخي عودة الجميع بعد
الساعة السادسة من مساء كل يوم , اللهم
إلا من يسد خدمة ليلية , فإن تلحون علي
فى الإستمرار في الإشراف على هذا البوست
{ الدار } فإنني أتخذ من الأمر مسؤولية
وكما الوالد , لهذا سأتفقد أبناء وبنات
داري كأول ما تكون المسئولية وعلى نحو
يومي ... لهذا فظهوركم من هنا ولو لبرهة
فإنه يعني حضوركم ويعفيني من هم الإنتظار
والسؤال , لأنه لا يمكن لي أن آوي إلي
فراشي ولا يمكن لعيني أن تغمض ما لم أطمئن
أن كل أبناء داري حاضرين وأن غائبهم فى أمان .
ولكم مودتي
|
Post: #150
Title: Re: مدنية الصحافة ... وكما نحبها
Author: غباشي
Date: 07-18-2007, 05:33 PM
Parent: #149
Quote: لهذا فظهوركم من هنا ولو لبرهة
فإنه يعني حضوركم ويعفيني من هم الإنتظار
والسؤال , لأنه لا يمكن لي أن آوي إلي
فراشي ولا يمكن لعيني أن تغمض ما لم أطمئن
أن كل أبناء داري حاضرين وأن غائبهم فى أمان |
من أجل هذا كان من الصعب علينا أن نحتمل غيابك عنا و لو إلى حين
كلماتك في الأعلى تزيدنا تمسكا بك و تجعل من التخلى عنك ضربا من المستحيل
ما أحلى أن تحكي الكلمات عن نفسها و تتجلى المعاني في أبهى الصور
الأنسانية للتواصل و الترابط
معك من أجل وضع أفضل للصحافة أما بالنسبة للتنحي أعتقد انه لا عودة للحديث
فيه مرة أخرى ....
تحياتي لكم فردا فردا ...
|
Post: #148
Title: Re: مدنية الصحافة ... وكما نحبها
Author: غباشي
Date: 07-18-2007, 04:40 PM
Parent: #1
شكرا هذا الحضور البهي و بإنتظار باقي العمالقة ....
الخال عمر عبد السلام .... أظهر و بان عليك الأمان
|
Post: #151
Title: Re: مدنية الصحافة ... وكما نحبها
Author: ahmed agooz
Date: 07-18-2007, 05:50 PM
Parent: #1
من دار الصحافةارسل ليك تهاني
يالبوست القيافة
ود قاسم حبابك
يا معاوية وصحابك
ديومة النضافة
ويا كرم الضيافة
عشقتك يا صحافة
هاشم وود جبارة
غباشي الشاب أمارة
حسام الطلّ شارة
عمر وعمر جدارة
وحجر الاسمك منارة
وبوابة الصحافة
أهل حيمورة نارة
ومعتز وأهل الحضارة
شكوكو من دون شك شطارة
وعشقتك يا صحافة
وبحبك يا لطافة
أخوكم وخالكم وعمكم /أحمد عوض(عجوز) م 24
شغلتني عنكم ايضا هموم الصحافة وشغل الرابطة
|
Post: #152
Title: Re: مدنية الصحافة ... وكما نحبها
Author: غباشي
Date: 07-18-2007, 06:06 PM
Parent: #151
| Quote: أخوكم وخالكم وعمكم /أحمد عوض(عجوز) م 24 |
ما أحلى هذا اليوم ....
و ما أحلاها من حركة بوست ...
أحمد عجوز شرفنا .... مشتاقين يا غالي
تمنيت حضورك و ان لم اصرح به علنا ولكنك لم تخيب ظني في المخيلة
نعم هكذا نحن أبناء الصحافة دائما تجدونا عندما تحتاجونا.......
الا ما عدمتكم في كل الأحوال يا من جعلتم من الغربة حلا في وطن اسفيري ... زينتموه بطلتكم البهية
|
Post: #153
Title: Re: مدنية الصحافة ... وكما نحبها
Author: omer abdelsalam
Date: 07-18-2007, 07:02 PM
Parent: #1
الله ..الله ..يابورداب الصحافة
ماهذا الحضور البهي ..جعلتم لحظات الأصيل في مغربنا تمر عذبة كبسمة الطفل الضحوك
|
Post: #154
Title: Re: مدنية الصحافة ... وكما نحبها
Author: Alsa7afa_30
Date: 07-18-2007, 07:49 PM
Parent: #153
و بمناسبة هذه اللمة الجميلة نرجو من الجميع متابعة موضوع إنشاء موقع الصحافة الإلكتروني و المساهمة بالرؤى و التوجيهات و التعديلات أو حتى برفع البوست ... لأني أرى أن الخطى تتباطأ و الحماس يقل تدريجياً..
ودي و تقديري للجميع..
|
Post: #155
Title: Re: مدنية الصحافة ... وكما نحبها
Author: هاشم أحمد خلف الله
Date: 07-18-2007, 08:28 PM
Parent: #154
اهل الصحافة الكرام جيتكم انا بعد طول غياب وإنشاء الله دائماً ملمومين علي الخير وفي الخير
وحبابكم عشرة .
بإلامس القريب إكتشفت شاعراً خجولاً الأ وهو حسام الدين صلاح ( صحافة 30 ) وقرات قصيدته الجميلة ولو لا
خوفي من الحرج لانزلتها لكم هنا ولكني اترجاهو هو شخصياً بإنزالها هنا .
|
Post: #156
Title: Re: مدنية الصحافة ... وكما نحبها
Author: غباشي
Date: 07-18-2007, 11:40 PM
Parent: #1
يا سلام على أحلى لمة .....
يلا يا جماعة زكرونا أيام البوست بتاعت زمان
الربان حيدر قاسم شاهد على كل الأحداث
التحديات المنتظرة بين عمر عبد السلام و عادل جبارة
مع خلفية موسيقية منتقاه إما من معاوية محمد أو من أ.أ.د الصحافة 30
و صور جميلة من الإخوان حيمورة و كلام جميل من هاشم خلف الله و رومانسية عبد الدايم
مداعبات محمد البشرى و رزانة أبو عبيدة , الحجرابي عيدروس و أحمد عجوزو...و القائمةتطول
(بس ما تلومونا) .... يللا يا أحباب نعيد له سيرته الأولى
تسلموا يا أحلى بورداب
|
Post: #157
Title: Re: مدنية الصحافة ... وكما نحبها
Author: Alsa7afa_30
Date: 07-19-2007, 00:14 AM
Parent: #156
بالأحمر كمـان؟؟؟؟
الله يسمع منك..
|
Post: #158
Title: Re: مدنية الصحافة ... وكما نحبها
Author: Alsa7afa_30
Date: 07-19-2007, 00:44 AM
Parent: #1
ولدنا الفنان خالد محجوب في اليابان..
|
Post: #159
Title: Re: مدنية الصحافة ... وكما نحبها
Author: HAYDER GASIM
Date: 07-19-2007, 04:48 AM
Parent: #158
معزتي للجميع
مرتاح أنا اليوم أكثر من سوابقه ,
لأن أسرة الصحافة الإسفيرية بدأت
تنتظم خطاها فى دارها ...
شكرا ... هشومي , غباشي , الصحافة
تلاتين ... ومن قبل { العجوز } الشاب
وهو يطرحنا شعرا ... ويجمعنا إخوة .
وتحياتنا لولدنا خالد محجوب فى الرقاع
الآسيوية البعيدة وهو ينثر الشذر والنضر
من تراثنا الغنائي السوداني , فهو صاحب
رسالة ونحن بفعله ... نتمجد .
وووين باقينا ... أنا داير أنوم , عليك
الله يا غباشي ... تاكي الباب ... أخوانك
وأخواتك جايين ... لاكين أنا مابقدر أساهر
وبعد ما إجو ... ياهو ترى العشا مغتغت في
المطبخ ... كان ياكلولم حاجة قبلما إنوموا
وتصبحوا على خير
|
Post: #160
Title: Re: مدنية الصحافة ... وكما نحبها
Author: غباشي
Date: 07-19-2007, 05:10 AM
Parent: #159
تصبح على خير
|
Post: #161
Title: Re: مدنية الصحافة ... وكما نحبها
Author: omer abdelsalam
Date: 07-19-2007, 08:08 AM
Parent: #1
نصبح لكل أهل وبورداب الصحافة ..وتحية للجميع من ضفاف نهر ابى رقراق ونسائم المحيط الأطلسي ..عناقان حميمان عند ساحل مدينة الرباط
|
Post: #162
Title: Re: مدنية الصحافة ... وكما نحبها
Author: عادل جبارة
Date: 07-19-2007, 10:39 AM
Parent: #161
النفرة الثقافية لرابطة أبناء الصحافة بالرياض
غداً الجمعة الموافق 20 يوليو 2007 م بدار الرابطة
بحي منفوحة سيكون موعد انطلاقة الفعاليات للجنة الثقافية
الجديدة بقيادة المثقف الفنان علاء حيمورة ، وسيكون عنوان
الندوة – قراءات شعرية من ديوان صلاح الغول –
والدعوة موجهة لأبناء الصحافة بالرياض وكذلك
أعضاء سودانيز أون لاين وكافة المهتمين بالشأن الثقافي
|
Post: #163
Title: Re: مدنية الصحافة ... وكما نحبها
Author: غباشي
Date: 07-19-2007, 11:09 AM
Parent: #1
| Quote: والدعوة موجهة لأبناء الصحافة بالرياض وكذلك أعضاء سودانيز أون لاين وكافة المهتمين بالشأن الثقافي |
أتمنى أن تكون الندوة موفقة ...... تحياتي استاذنا عادل و كل التوفيق للأخ علاء الدين ...
|
Post: #164
Title: Re: مدنية الصحافة ... وكما نحبها
Author: عادل جبارة
Date: 07-19-2007, 11:25 AM
Parent: #163
أخي غباشي
نتمنى كل التوفيق للأخوة في اللجنة الثقافية
الجديدة والسير على الدرب الذي رسمت ملامحه اللجنة
السابقة والتي كان الأخ والصديق علاء الدين أحد
صناع نجاحها 00
أيضاً شاعر الصحافة الجديد الصديق هاشم
سيكون حاضراً ومستجيباً لطلبات الأعضاء
المستمتعين بصعود نجمه وشاعريته
وسنوافيكم بأخبار مصورة تحكي روعة المشهد
فانتظرونا ....
|
Post: #165
Title: Re: مدنية الصحافة ... وكما نحبها
Author: غباشي
Date: 07-19-2007, 11:31 AM
Parent: #164
| Quote: وسنوافيكم بأخبار مصورة تحكي روعة المشهد فانتظرونا |
إذن فنحن على موعد مع الروعة !
منذ الأن سأهيئ نفسي للتمتع بقمة الأبداع المسكون فيكم ...
شكرا أخي عادل
|
Post: #166
Title: Re: مدنية الصحافة ... وكما نحبها
Author: عادل جبارة
Date: 07-19-2007, 11:42 AM
Parent: #164
إخوتي
ما أقسى لحظات الفراق ..
عندما تحين تلك اللحظات .. تصعد الغصة
وتمتلئ المآقي بالدموع ..
لحظات لا أتمناها للأحبة
لأنني أعاني منها ما يقارب الأربع سنوات
وأدرك ما يعتمل في النفس حينها
سيودعنا مساء اليوم إبني العزيز أحمد هاشم خلف الله
مغادراً للسودان الوطن والأهل ومفارق للغربة 00
ياترى كيف يكون حالك اليوم أم أحمد .. قلبي يشفق عليك
لأنني أعرف ما يمثله أحمد بالنسبة لك .. أدعو الله أن يثبت
قلبك فسيكون أحمد في رعاية الله بين أهله أعمامه وعماته وخالاته
أتمنى لأبني أحمد هاشم كل التوفيق والنجاح وأن يسدد الله
خطاه ويحقق ما يصبو إليه من تفوق ونجاح ويفرح قلب والديه
كل التوفيق لك يا أحمد بإذن الله وقلوبنا معك
وفي رعاية الله ...
|
Post: #167
Title: Re: مدنية الصحافة ... وكما نحبها
Author: عبد الدائم سيد أحمد
Date: 07-19-2007, 11:45 AM
Parent: #1
معقول يا غباشى ده الصحافة 30
والله كنت متخيلو اخضر وطويل وشعرو غزير
او بالاصح شبهو قريب من ناس محطة 7
لكين والله ( حلاتو ) هاهاها
اها يا شباب اليوم الخميس صفقة ورقيص
اتمنى انو اللمة تكون اجمل من لمتكم حقت امبارح
احتفالا" بالاعضاء الجدد مهند وعمر التوم ومعتز
وشايف احمد عجوز بقى ينظم الشعر كمان ( ديومة النضافة )
والله يا هاشم خلف الله لقيت ليك منافس
يا معتز شارعكم اسمو شارع الوسخانين
عارف ليه
فى اوئل التسعينات قامت المحلية بردم شارعكم ( الفاصل بين 25 و 22 )
بتراب ناعم رمادى اللون نسبة لقدوم الخريف ، ولكن تحول التراب بفضل مرور
العربات الى تحويل الشارع وساكنيه الى اشباح برموش رمادية طيلة العام
وليس اشرف الغول الا دليل على ذلك
|
Post: #168
Title: Re: مدنية الصحافة ... وكما نحبها
Author: غباشي
Date: 07-19-2007, 12:21 PM
Parent: #167
| Quote: معقول يا غباشى ده الصحافة 30 والله كنت متخيلو اخضر وطويل وشعرو غزير |
الرومانسي الحالم ... أخونا عبد الدايم
لو كنت عاينت في يدينو كان عرفت فورا انو الصحافة 30
أنامل ذهبية تداعب الأحياء الدقيقة و تجنن الكي بورد (أورغن / كمبيوتر)... شفت كيف
| Quote: اشباح برموش رمادية طيلة العام |
ما عارف دايما في علاقة بين الناس و تراب الردميات ... في مناسبة أخرى و ايام ما
كانو شغالين في شارع جبرة ردميات حمراء قبل السفلتة و اظنها استمرت لزمن طويل ... وكان أحد اصدقائنا
بالجامعة يسكن في احد المربعات المطلة على شارع جبرة ... المهم بمرور الزمن و مع تراكم
الردميات تحول لون شعر صديقنا الي الأحمر
مرة تانية حأعيد السؤال بتاعي ليك يا الحالم الرومانسي لماذا هذه التحور السريع حسب لون
التراب ؟هل لأننا (خلقنا من تراب)؟
|
Post: #169
Title: Re: مدنية الصحافة ... وكما نحبها
Author: HAYDER GASIM
Date: 07-19-2007, 05:33 PM
Parent: #168
الأخ عادل جبارة
تسلم حبيبي
غلبتني كلماتك عن أحمد هاشم ,
وهي تعبر عن أحاسيس أب مفضال
ولا يسعني إلا أن أتمناه التوفيق
والنجاح , ولا بد أن فى وجوده في
السودان سيتعلم الكثير كذلك وسوف
يضيف لشخصيته مكونات جديدة , وهي
ولا شك تجربة مهمة ... أتمناه التوفيق
مع مودتي
|
Post: #170
Title: Re: مدنية الصحافة ... وكما نحبها
Author: HAYDER GASIM
Date: 07-19-2007, 05:46 PM
Parent: #169
أخوي ... عبد الدائم ,
قلت لي داير { تكرب الخميس } ... والله عال ,
طيب حقو نقسم الأدوار , فيا الصحافة تلاتين
بالله نزل لينا مزازيك من بيب الكلاوي , ويا غباشي
حصل السوق وشوف اللحمة الضأني الما خمج ,
بالإضافة للعيش والسلطات وما تنسي الشطة
الخضرا , ويا عجوز أبقى سيد البيت وجهز
الديوان وما بطال لو نسمع ليك أغنية أغنيتين,
ويا الشباب الجداد... عمر التوم ومهند ومعتز
إنتو الليلة ضيوفنا وعلى شرفكم نعمر خميسنا هذا,
ويا العجائز { عمر عبد السلام وعادل جبارة وأخرين }
ما تنسوا تجوا من التمرين بي غادي , لأنو لو مشيتوا
بيتوكم حاتبقى المشية الياها, فالكبر يوهن الذاكر
والجسد ... علاء حميورة ... ولأنك فنان فأنت مسئول
عن إخراج هذه الجلسة وتوقيع ملامحها الجمالية ,
... طيب ياربي أنا اعمل شنو ... آه ... ول مع
العجائز .
واصل يا عبد الدائم ... النظام
مع مودتي
|
Post: #171
Title: Re: مدنية الصحافة ... وكما نحبها
Author: omar altom
Date: 07-19-2007, 05:52 PM
Parent: #169
الصحافاب سلام جاكم
في زول عارف سر تسمية الصحافة بهذا الاسم؟ وعلاقة الموضوع بالصحافة الجريدة والصحفي الاستاذ عبد
الرحمن مخت ر و الاستاذ سيد احمد خليفة شنو؟؟
|
Post: #172
Title: Re: مدنية الصحافة ... وكما نحبها
Author: HAYDER GASIM
Date: 07-20-2007, 05:06 AM
Parent: #171
Quote: في زول عارف سر تسمية الصحافة بهذا الاسم؟ وعلاقة الموضوع بالصحافة الجريدة والصحفي الاستاذ عبد
الرحمن مخت ر و الاستاذ سيد احمد خليفة شنو؟؟ |
{برلومنا} ... العزيز جدا ... عمر التوم
وإنت قايل نحن بدينا من وين ... من ذات المبتدأ ,
فأصبحنا بفعله ... خبر ... كده راجع
خيط ... إمتداد الصحافة ... وكما نحبه { فى الإرشيف }
إنقضى الخميس { وما إتعشينا } ... ياربي ... حصل شنو ؟
|
Post: #173
Title: Re: مدنية الصحافة ... وكما نحبها
Author: غباشي
Date: 07-20-2007, 06:51 AM
Parent: #172
| Quote: خيط ... إمتداد الصحافة ... وكما نحبه { فى الإرشيف } |
إمتداد الصحافة ... وكما نحبه
حبيبنا عمر التوم .... يمكنك العودة لصفحات البوست الأول كما أشار له الزعيم
مودتي
|
Post: #174
Title: Re: مدنية الصحافة ... وكما نحبها
Author: omer abdelsalam
Date: 07-20-2007, 08:16 AM
Parent: #1
Quote: العجائز { عمر عبد السلام وعادل جبارة وأخرين }
ما تنسوا تجوا من التمرين بي غادي , لأنو لو مشيتوا
بيتوكم حاتبقى المشية الياها |
نحن جايين ..وكمان { جاكيين }
وخلينا الشباب ورانا
وعاوزين ليهم دفرة
|
Post: #175
Title: Re: مدنية الصحافة ... وكما نحبها
Author: عادل جبارة
Date: 07-20-2007, 09:42 AM
Parent: #174
جمعة مباركة للجميع
بمناسبة الجكة ياعمر عبد السلام اليوم عندنا في الرياض
مباراة هامة تجمع بين فريقي الصحافة ونجوم كرمة 00 وهناك
بوست فتحه خالنا حمزاوي رئيس فريق نجوم كرمه يتحدى فيه
فريق الصحافة وإنشاء الله أولادنا يكسبوا النتيجة ونرد لحمزاوي
والمباراة ستكون عصرا بينما المنتدى الشعري بدار رابطة الصحافة
سيكون بعد صلاة العشاء باذن الله 00 يعني الأنشطة الثقافية والرياضية
هنا على قدم وساق ماشاء الله 00
حان وقت صلاة الجمعة 00 الى اللقاء كل الأحبة
|
Post: #176
Title: Re: مدنية الصحافة ... وكما نحبها
Author: طارق جبريل
Date: 07-20-2007, 11:14 AM
Parent: #1
جيرانا كيفنكم
جينا نشرب معاكم شاي الصباح
|
Post: #177
Title: Re: مدنية الصحافة ... وكما نحبها
Author: عادل جبارة
Date: 07-20-2007, 03:50 PM
Parent: #176
طارق جبريل
ود الأمتداد الأصيل وصديق الصحافاب المابخيل
دايما تجينا بالكلام الجميل
مرحب بيك تشرب معانا شاي الصباح وقهوة الضحى
كمان البعد الفطور
تحياتنا لكل أودلاد جيرانا بي هناك 000
|
Post: #178
Title: Re: مدنية الصحافة ... وكما نحبها
Author: HAYDER GASIM
Date: 07-20-2007, 04:40 PM
Parent: #177
Quote: جيرانا كيفنكم
جينا نشرب معاكم شاي الصباح |
شاي شنو ... نحن الأقلو عندنا ضبيحة
ماشايف المراح حايم فى محطة { سبعتنا}
فلترق دماء الأكباش الشكرية عنوانا لمعزة
لا تخبأ
شكرا طارق جبريل وكل ناس الإمتداد الأصفياء
إتفضلوا لا جوة ... البيت بيتكم
|
Post: #179
Title: Re: مدنية الصحافة ... وكما نحبها
Author: طارق جبريل
Date: 07-20-2007, 05:05 PM
Parent: #178
زعيم الصحافة والله ما قصرت
ونحن ذاتنا جايين بي ضبيحتنا
|
Post: #181
Title: Re: مدنية الصحافة ... وكما نحبها
Author: غباشي
Date: 07-20-2007, 06:19 PM
Parent: #179
|
Post: #180
Title: Re: مدنية الصحافة ... وكما نحبها
Author: omar altom
Date: 07-20-2007, 05:33 PM
Parent: #1
اعزائي الصحافاب
نهاراتكم سعيدة اينما كنتم
وتحية خااااااااااصة جدا للاخ الفنااااااااااااااان احمد عجوز(الصوفي المعذب)
وعبر هذه السانحة ارسل عاطر التحيا للمبدعين من ابناء الصحافة خاصة في مجالات كرة القدم والغناء والوسيقي وهم يرفعون اسم الصحافة عاليا في سماء بلادي وجعل اسمها لحنا فريدا يتغني به الركبان.
وسؤال الي الاخوة المتداخلون الي اين وصل مشروع الموقع الالكتروني؟؟؟
|
Post: #182
Title: Re: مدنية الصحافة ... وكما نحبها
Author: HAYDER GASIM
Date: 07-21-2007, 03:13 AM
Parent: #180
غباشي ... كده أده الشية ده سوطة ,
زي { المسكت } كده .
العزيز طارق جبريل ... لكن ما بالغت ,
ده { أنضف خروف } أشوفو فى حياتي ,
عزال ... بشكل ... ولا يسعني إلا أن
أهديك أغنية { يابا هوي طبعك وأنا
كيف خلاصي معاك }
|
Post: #183
Title: Re: مدنية الصحافة ... وكما نحبها
Author: غباشي
Date: 07-21-2007, 09:13 PM
Parent: #1
ناس الصحافة ...
لا أســكــــت الله لــكــــم حــســــــاً
|
Post: #184
Title: Re: مدنية الصحافة ... وكما نحبها
Author: omer abdelsalam
Date: 07-21-2007, 09:46 PM
Parent: #183
منور ياغباشي
باين بورداب الصحافة المحليين فى آخر نومة ..وبورداب امريكا لسه ماجو من الشغل اصبر شوية
|
Post: #186
Title: Re: مدنية الصحافة ... وكما نحبها
Author: غباشي
Date: 07-21-2007, 10:05 PM
Parent: #184
مرحب ببورداب الأطلس .... مشتاقين يا خال !
|
Post: #185
Title: Re: مدنية الصحافة ... وكما نحبها
Author: omer abdelsalam
Date: 07-21-2007, 09:58 PM
Parent: #1
Quote: مباراة هامة تجمع بين فريقي الصحافة ونجوم كرمة 00 وهناك
بوست فتحه خالنا حمزاوي رئيس فريق نجوم كرمه يتحدى فيه
فريق الصحافة وإنشاء الله أولادنا يكسبوا النتيجة ونرد لحمزاوي |
الكاشف اخوي
عادل جبارة
كم النتيجة ؟
في سؤال : المبارة دي فيها ناس قدرنا..والله كلهم من ناس جيل غباشى وصحافة 30 وعبدالدائم وانت نازل ؟
|
Post: #187
Title: Re: مدنية الصحافة ... وكما نحبها
Author: هاشم أحمد خلف الله
Date: 07-21-2007, 11:17 PM
Parent: #185
اولاً أهل الصحافة سلام , وسلام مربع كمان ودخول من أجل إعلا إسم الصحافة والناس القيافة
Quote: الكاشف اخوي
عادل جبارة
كم النتيجة ؟
في سؤال : المبارة دي فيها ناس قدرنا..والله كلهم من ناس جيل غباشى وصحافة 30 وعبدالدائم وانت نازل ؟ |
الحبيب عمر عبد السلام سلام ومشتاقين كتير والله , ياخي انت لسع مع اخبار الكورة دي , صاحبك ود جبارة
لا حضر الكورة ولا حاجة والنتيجة هزيمة الصحافة 2/ صفر من نجوم كرمة .
|
Post: #188
Title: Re: مدنية الصحافة ... وكما نحبها
Author: غباشي
Date: 07-22-2007, 00:41 AM
Parent: #187
منور يا ابو أحمد
|
Post: #189
Title: Re: مدنية الصحافة ... وكما نحبها
Author: omar altom
Date: 07-22-2007, 00:55 AM
Parent: #188
غباشي(لو برضي)
انت المنور البوست ياخ
تحياتي
|
Post: #190
Title: Re: مدنية الصحافة ... وكما نحبها
Author: عادل جبارة
Date: 07-22-2007, 07:43 AM
Parent: #189
Quote: صاحبك ود جبارة
لا حضر الكورة ولا حاجة والنتيجة هزيمة الصحافة 2/ صفر من نجوم كرمة |
.
شفت يا جنرال ؟؟
أنا من البداية قلت ليهم يلتزموا
بسداد مستحقات عقدي
لو التزموا ما كان حصل الحصل
شفت دفعتك كيييف !!
|
Post: #198
Title: Re: مدنية الصحافة ... وكما نحبها
Author: غباشي
Date: 07-23-2007, 02:37 AM
Parent: #189
تسلم يا حبيب ....
و ان شاء الله تنورنا دايما بطلتك
تحياتي
|
Post: #191
Title: Re: مدنية الصحافة ... وكما نحبها
Author: عبد الدائم سيد أحمد
Date: 07-22-2007, 08:13 AM
Parent: #1
Quote: مرة تانية حأعيد السؤال بتاعي ليك يا الحالم الرومانسي لماذا هذه التحور السريع حسب لون
التراب ؟هل لأننا (خلقنا من تراب)؟ |
ياغباشى
اذكر زمان لما كنا فى الثانوى بمدرسة المقرن اول حاجة
بعملوها اولاد الكلاكلة وجبرة لما يجو المدرسة الصباح
يجرو على الماسورة يتشطفوا ويسرحوا شعرهم الاحمر
وفى الصحافة برضو زمان لما الواحد كرعينو يكونو مغبرات
يقولو ليك مالك ذى الجاي من سوق العشرة .
بعدين حلوة حكاية الحالم الرومانسى دى
عشان البوست بتاعكم ده مليان جكس الصحافة البهبل داك
يعنى يا اخوانا ما حرام عليكم تقعدو عزابة كده حتى اشراقة
وانعام حيمورة فتحو لينا ، شنو يا مهند ما تعزل ليك كم حاجة
كده من عندك ونحن مستعدين للتزكية.
الزعيم حيدر قاسم
ارجو نسخ بوست أمتداد الصحافة ... وكا نحبه نحن فى اول مشاركة
لك فى هذا البوست ، لكى يتمكن الجميع من متابعة البوست السابق
وربطه بالبوست الحالى .
وتشكرون ...
|
Post: #197
Title: Re: مدنية الصحافة ... وكما نحبها
Author: غباشي
Date: 07-23-2007, 02:32 AM
Parent: #191
Quote: ياغباشى
اذكر زمان لما كنا فى الثانوى بمدرسة المقرن اول حاجة
بعملوها اولاد الكلاكلة وجبرة لما يجو المدرسة الصباح
يجرو على الماسورة يتشطفوا ويسرحوا شعرهم الاحمر
وفى الصحافة برضو زمان لما الواحد كرعينو يكونو مغبرات
يقولو ليك مالك ذى الجاي من سوق العشرة .
|
ضحكتني و الله يا عُــبَـــد
Quote: بعدين حلوة حكاية الحالم الرومانسى دى
عشان البوست بتاعكم ده مليان جكس الصحافة البهبل داك
يعنى يا اخوانا ما حرام عليكم تقعدو عزابة كده حتى اشراقة
وانعام حيمورة فتحو لينا ، شنو يا مهند ما تعزل ليك كم حاجة
كده من عندك ونحن مستعدين للتزكية. |
يعني انت عشان تكون حالم و رومانسي لا زم عينك تكون زايغة
بعدين خليك حذر ....
محتوى النص المقتبس من ردك به كلمة بالحجم العريض و أخرى أيضا بالحجم العريض
و تحته خط ....... هذه الكلمات و مجمل المحتوى قد تجر عليك عقوبات من مجلس الأمن
مالم تقم بسحبهاأو ان تتداركها ...............
هسع ما كان إخير ليك تكون حالم رومانسي ؟
تحياتي يا لذيذ (كمان قول ما لذيذ )
|
Post: #192
Title: Re: مدنية الصحافة ... وكما نحبها
Author: Ishraga Haimoura
Date: 07-22-2007, 08:13 AM
Parent: #1
الأعزاء الصحافاب
تنعى مدينة الصحافة بكل الحزن الراحلة سهير أحمد حامد ، التي ولدت ونشأت في مدينة الصحافة
العزاء لكل مدينة الصحافة ولوالدتها المكلومة وأخواتها إحسان وسحر وابتسام
ووارينا سهير الثري ... فما أمسخ الدنيا ... وما أفجع موت الغربة
|
Post: #193
Title: Re: مدنية الصحافة ... وكما نحبها
Author: Alsa7afa_30
Date: 07-22-2007, 01:00 PM
Parent: #192
رحمها الله و ألهم أهلها و ذويها الصبر الجميل..
|
Post: #194
Title: Re: مدنية الصحافة ... وكما نحبها
Author: Alsa7afa_30
Date: 07-22-2007, 01:08 PM
Parent: #193
تعازينا أيضاً للأخ أحمد عجوز في و فاة عمته..
إنا لله و إنا إليه راجعون
|
Post: #199
Title: Re: مدنية الصحافة ... وكما نحبها
Author: غباشي
Date: 07-23-2007, 02:42 AM
Parent: #194
إنا لله و انا اليه راجعون
خالص العزاء للاخ أحمد عجوز و لآل المرحومة سهير
تغمدهما الله بواسع رحمته
|
Post: #195
Title: Re: مدنية الصحافة ... وكما نحبها
Author: omer abdelsalam
Date: 07-22-2007, 01:24 PM
Parent: #1
نعزي زميلنا ورفيقنا / احمد عجوز في وفاة عمته
نسال الله لها الرحمة والمغفرة ..واسكنها فسيح جناته
انا لله وانا اليه راجعون
|
Post: #196
Title: Re: مدنية الصحافة ... وكما نحبها
Author: mohanad haimoura
Date: 07-22-2007, 02:25 PM
Parent: #195
سلام شباب الصحافه
سلام لكل اخوانا الكبار
سلام من سبعه للحزام
الموضوع في موقع الصحافه ماشي ابطا من السلحفاه
اتمني انو الناس تتحرك شويه عشان الحماس ما يقل
ده الايميل بتاعي
[email protected]
|
Post: #200
Title: Re: مدنية الصحافة ... وكما نحبها
Author: غباشي
Date: 07-23-2007, 02:46 AM
Parent: #196
مرحب بيك مهند
أن شاء الله كل شي حيكون تمام ....... شكرا للهمة و النشاط
جايين على الكربة
جهز شعورك
|
Post: #201
Title: Re: مدنية الصحافة ... وكما نحبها
Author: غباشي
Date: 07-23-2007, 03:01 AM
Parent: #1
يا ناس الصحافة .....
أخوكم أمبارح ما حضر الكورتين 
داير ناس الهلال و ناس المريخ يجو يحكوا الكورتين كانن كيف ؟ ونتونس شوية
راجيكم .......
|
Post: #202
Title: Re: مدنية الصحافة ... وكما نحبها
Author: HAYDER GASIM
Date: 07-23-2007, 03:38 AM
Parent: #201
أولا ... مبروك الصفحة الثالثة من المجلد الثاني للصحافة ,
فنحن إذن ... نتقدم ونحرز النجاح تلو الآخر , ولو أسرعنا
الخطى قليلا فسوف نحصد الأجمل ولا شك , فشدوا حيلكم يا شباب
شوية .
بالنسبة للمباريات , حضرت الشوط الثاني من مباراة الهلال ,
ولم أوفق فى مشاهدة مباراة المريخ ... النتائج أضحت معلومة,
... أنبسط لفوز الهلال بمقدار إحساسي { القومي } وأفرح لتعادل
المريخ بمقدار إنتمائي له وإعتقادي فيه ... أخوكم مريخابي قطع .
... لكن أحترم الهلال ... بإعتباره المعادل الموضوعي للآخر عندي .
مع مودتي
|
Post: #203
Title: Re: مدنية الصحافة ... وكما نحبها
Author: omer abdelsalam
Date: 07-23-2007, 12:04 PM
Parent: #1
بصراحة انا هلالابي على السكين ...ولكن
Quote: شفت يا جنرال ؟؟
أنا من البداية قلت ليهم يلتزموا
بسداد مستحقات عقدي
لو التزموا ما كان حصل الحصل
شفت دفعتك كيييف ! |
بس الفريق فيه ثغرات خاصة في خط الوسط والدفاع ومحتاج لى ناس خبرة زي ازهري عبدالسلام بتاع فريق العزيمة مربع 40 واخوي الكاشف عادل جبارة المدافع الخطير ..ياريت الهلال يشتريه قبل مايخطفو ريال مدريد ..
رايك شنو في الكلام ده ياهاشم أحمد خلف الله ؟
تخريمة : عبدالدائم ..اكتشاف جديد ..بعد جيرتك لينا في الصحافة الجميلة ..اكتشفت انك زميل دراسة في مدرسة المقرن الثانوية
ولكن عييييييييك عمك عمر من دفعة اواخر السبعينات ومن المؤسسين للأول فريق كرة قدم خاض اول منتخب للمدرسة في اول دورة مدرسية سنة 1975
وكان مدرب الفريق آنذاك لاعب الموردة والفريق القومي المخضرم يوسف مرحوم واحد سكان حي المقرن ...
|
Post: #204
Title: Re: مدنية الصحافة ... وكما نحبها
Author: غباشي
Date: 07-23-2007, 12:27 PM
Parent: #203
| Quote: عبدالدائم ..اكتشاف جديد ..بعد جيرتك لينا في الصحافة الجميلة ..اكتشفت انك زميل دراسة في مدرسة المقرن الثانوية |
| Quote: عمك عمر من دفعة اواخر السبعينات ومن المؤسسين للأول فريق كرة قدم |
يا خال ... عبد الدائم ده شكلو كان مع ناس الكورال و الجمعيات الأدبية
ما شايف جنو وجن التراب و الكتيح ..... و رومانسي حالم
|
Post: #205
Title: Re: مدنية الصحافة ... وكما نحبها
Author: عيدروس حجر
Date: 07-23-2007, 05:36 PM
Parent: #204
الاخوة الاعزاء
نعم امس فاز الهلال وتعادل المريخ ولكن ارجع لفوز الهلال
بالرغم من انتمائى للقلعة الهلالية الا ان الهلال لم يقدم
المستوى المطلوب واذا لعب الهلال بهذا المستوي سوف ينهزم
من اسيك ابيدجان فى ساحل العاج .
اما المريخ
فكانت مباراته عك فى عك ودفاع مفتوح نعم تعادل المريخ
مع الاسماعيلي وهذا انتصار فالنقطة غالية
لعل الاسباب وراء تراجع اداء المريخ والهلال فى الفترة الاخيرة
يرجع الى الاعلام واصحاب الاقلام المدمرة للرياضة فى السودان
فيتم شحن اللاعب السودانى اعلاميا فكيف يكون اداءه فى المباراه ؟؟
و المستور فى منتخبا القومي الذى سيلعب امام الكبار فى غانا
الله يستر ؟؟؟
حجر
|
Post: #208
Title: Re: مدنية الصحافة ... وكما نحبها
Author: غباشي
Date: 07-23-2007, 09:59 PM
Parent: #205
أولا قبل أي شي ......
شكرا للهلال و المريخ ... الخلوك يا عيدروس تظهر
و الله مشتاقين ..... (بالأحــضـــان ياخ)
و الله لا أخفي عليك بأن الإعلام صار يبالغ في تضخيم الحقائق و الشحن اللا معقولى
و الضحية هم اللاعبون و نحن مشجعين و السودان ككيان ...... أرجو أن يوجه الإعلام
لتقدم و تطور الرياضة في بلادي ... حتى لا نصاب بانتكاسات عند كل انجاز .....
سلمت يا حبيب
|
Post: #206
Title: Re: مدنية الصحافة ... وكما نحبها
Author: omer abdelsalam
Date: 07-23-2007, 06:16 PM
Parent: #1
Quote: لعل الاسباب وراء تراجع اداء المريخ والهلال فى الفترة الاخيرة
يرجع الى الاعلام واصحاب الاقلام المدمرة للرياضة فى السودان
فيتم شحن اللاعب السودانى اعلاميا فكيف يكون اداءه فى المباراه ؟؟
|
اخي / عيدروس
أرى انك وضعت الأصبع على الجرح ..تلك هي العلة
أضف اليها أنضباط الاعب السوداني التكتيكي داخل الملعب .. عدم تاثره باجواء المبارة وردود الفعل من الحكام والخصوم ..الاعب السودالني محتاج الى اعادة تاهيل سيكولوجي ليتعامل مع كافة أجواء المباريات خاصة خارج الأرض
تخريمة : ده شنو العملتو ده ياغباشي فجأة لقينا نفسنا محلليين رياضيين
|
Post: #207
Title: Re: مدنية الصحافة ... وكما نحبها
Author: omar altom
Date: 07-23-2007, 07:46 PM
Parent: #206
الصحافاب اجمعين
تحيايا معبقة بانتصارات الكرة السودانيةمساء 22/يوليو!!!!
الزعيم حيدر
شكرا علي ( لكن أحترم الهلال ... بإعتباره المعادل الموضوعي للآخر عندي ) .
اتمني ان اري الفريقين في المبارة النهائية لكل في بطولته.
احترامي كبير
|
Post: #209
Title: Re: مدنية الصحافة ... وكما نحبها
Author: HAYDER GASIM
Date: 07-24-2007, 01:07 AM
Parent: #207
Quote: أولا قبل أي شي ......
شكرا للهلال و المريخ ... الخلوك يا عيدروس تظهر
و الله مشتاقين ..... (بالأحــضـــان ياخ)
|
هذا هو إحساسي كذلك ... إنتزعه غباشي ومشى به
بين الناس ... إلا أن نشرع من بعد { لحق الملكية
المعنوية }
مع مودتي
|
Post: #210
Title: Re: مدنية الصحافة ... وكما نحبها
Author: غباشي
Date: 07-24-2007, 02:29 AM
Parent: #209
| Quote: (بالأحــضـــان ياخ) |
هو الشعور التلقائي عند مقابلة الأعـزاء بعد غيبة طويلة
و حضن الصحافة دائما مفتوح لكل المغردين خارج السرب .. ..
عسى أن يعودوا مجتمعين مرة أخرى .....
تعالو
|
Post: #211
Title: Re: مدنية الصحافة ... وكما نحبها
Author: HAYDER GASIM
Date: 07-24-2007, 03:03 AM
Parent: #210
مهند حيمورة ...
على ظلال الذكري ... ثاني أيام عيد الأضحي المنصرم ,
وعلى متنها إلتقينا ... ذاك اليوم ... لأجل غادة , وكان
بيتكم ... بيت الضيافة الذي لا تخبأ أنواره ولا رحابته ,
أذكرك ... وأنا لا أنسى الأعزاء إطلاقابالمناسبة , حفظتك
فى سري وأنت اليوم جهور ... إقتبطت لكل أحوالكم آنها ,
وأنا اليوم كلي سرور ... وللصحافة مستحقات لا تناب .
ترحيب متأخر ... لأنه أبى إلا القدوم من الأعماق ,
لكون ديارنا الإسفيرية نترك على جنباتهانفس أحاسيس
الصحافة الأرض والناس والتاريخ ... فمبلغ فرحنا
بك عظيم ... خاصة وأنك من ناس الداخل الأشم .
عشمنا فيك كبير أن تعدل فى مسيرنا نحو الأرفع ,
وأن توافينا بالمتيسر فى معيتك من أخبار أهلنا
فى الصحافة وعلى الميسور كذلك من جبهات إهتمامك
ووصلك الطبيعي .
تحياتي ... لأسرتك الكريمة
مع مودتي
|
Post: #214
Title: Re: مدنية الصحافة ... وكما نحبها
Author: mohanad haimoura
Date: 07-24-2007, 12:22 PM
Parent: #211
العزيز
حيدر قاسم
تسلم ياسيدي علي الكلام الجميل ده
بس انا ماقدر ده كلو
والف شكر ليك
وكل ناس الصحافه الحنان
ودائما في خدمة الصحافه واهلها الطيبين
مع خالص حبي وتقديري لكم
اخوكم الصغير
مهند حيموره
|
Post: #212
Title: Re: مدنية الصحافة ... وكما نحبها
Author: عبد الدائم سيد أحمد
Date: 07-24-2007, 06:50 AM
Parent: #1
| Quote: اكتشفت انك زميل دراسة في مدرسة المقرن الثانوية / 1975 م |
يـا عــمــو لا لا ..
| Quote: جنو وجن التراب و الكتيح |
والتعب و الاكل الكعب يا غباشى ..
|
Post: #213
Title: Re: مدنية الصحافة ... وكما نحبها
Author: omar altom
Date: 07-24-2007, 08:58 AM
Parent: #1
يرفع احتراما واجلالا ل:-
1/ حامد بريمة ممثلا لقبيلة الرياضيين
2/ يوسف الموصلي عن الفنانين
3/ المرحوم خالد عبد القيوم ود حلتنا الفنآآآآن وماذالت مجموعته القصصية تبحث عن نفاج للخروج في حوزة حاتم قاسم اخا اخينا!!!
|
Post: #215
Title: Re: مدنية الصحافة ... وكما نحبها
Author: عيدروس حجر
Date: 07-24-2007, 04:28 PM
Parent: #213
الحبيب
غباشي
الصغير الكبير
مهند
كبيرنا وسيد الحوش
حيدر قاسم
جميع الصحافاب
لكم كل الود والاعتزار ولكم هذا الاهداء
]
|
Post: #216
Title: Re: مدنية الصحافة ... وكما نحبها
Author: عيدروس حجر
Date: 07-24-2007, 04:38 PM
Parent: #215
الاخ الفاضل
غباشي
الشوق مطر زى خريف السودان والله لا فرقناويجمعنا فى ليله سهره
مهند الصغير
المنظراتيه فى السودان حدث ولا حرج ودا حالنا فى كل شئ وخاصة
الكورة والسياسية ودمت عزيزى
شقيقنا واهلى البعاد وصديق العائلة الحجرية
ود قاسم
كلامك كبير علينا وما بقدر عليه
مشكور
وحجر
|
Post: #217
Title: Re: مدنية الصحافة ... وكما نحبها
Author: ابوعبيدة حسن محمد
Date: 07-24-2007, 04:58 PM
Parent: #1
هذا شأنكم دائماً ابناء الصحافة 00
متواصلون00
متحابون00
متأزرون00
الاحباء
حيدر قاسم
غباشي
عيدروس حجر
مهند
بقية الصحافاب
تحايا وسلامات بالكوم
وتحية خاصة للفارس الجديد ابن خالتي عمر عثمان التوم0
ولي عودة
|
Post: #218
Title: Re: مدنية الصحافة ... وكما نحبها
Author: غباشي
Date: 07-24-2007, 07:11 PM
Parent: #217
دي الدايرنها إحنا و قاعدين عشانها
و يا ريت يكون معك آخرون ....
تسلم يا ابوعبيدة
|
Post: #219
Title: Re: مدنية الصحافة ... وكما نحبها
Author: ابوعبيدة حسن محمد
Date: 07-24-2007, 08:16 PM
Parent: #1
Quote: دي الدايرنها إحنا و قاعدين عشانها
و يا ريت يكون معك آخرون ....
تسلم يا ابوعبيدة |
الظريف غباشي
سلامات وتحايا بالكوم
تعرف بوست الصحافة ده ، زي كافتيريا كلية الاقتصاد بالنسبة لينا00الواحد لو ما دخلها كل يوم ومرة وسط طاولاتها واتخارج ما برتاح وما بدخل اي ( لاكشر) او اي مكتبة ، فدائما اجد هنا ما يسعدني ويريح بالي 00
فكلن دوماً جزءاًً من هذا القعد الماسي الفريد
وخالص الود
|
Post: #220
Title: Re: مدنية الصحافة ... وكما نحبها
Author: غباشي
Date: 07-24-2007, 08:50 PM
Parent: #219
| Quote: زي كافتيريا كلية الاقتصاد بالنسبة لينا |
بتذكر يا أبو عبيدة لما خشينا الجامعة و في سنة أولى
قررنا نعمل مسح شامل لجميع الكافتيريات و الغرض الأساسي
هو أختيار أحسن كافتيريا في نطاق الأكل البلدي و البوش ....
شفت يا حبيبنا مسكناها ليك من عمك الياس -السوق الشعبي - قانون- منتدى الفلاسفة-
النادي الجغرافي - اقتصاد-علوم - بيزنيس
بعد داك مرقنا برة للمتحف و كفتريا صحة .... تقريبا كان في وجه شبه
بين معظم الكافتيريات لكن بتفرق في نظام القعدة و الكمية
بعد داك رسينا على اقتصاد .... و استمرينا فيها لحدي ما امتحنا السميمستر الأول
شتنا امتحاناتنا و أخدنا جمة كدة في البيت ... زي اسبوعين
و أول يوم نزلنا فيهو الجامعة اتلاقينا و قلنا نمشي نفطر.... وييييين؟
في اقتصاد طبعا ...... و بقينا ما شين و شاقين الغربي باتجاه كافتيريا اقتصاد
و أول ما عدينا بورد اقتصاد الشهير و لفينا يمين ..... شفنا منظر
لاحولا و لا قوة الا بالله .....
الكافتيريا كسرووووووووها
و من الزمن داك لحدي ما وصلنا سنة رابعة .... بقى علينا التعب و الأكل الكعب
وفي رواية أخرى بقينا نحشي من البيت
|
Post: #221
Title: Re: مدنية الصحافة ... وكما نحبها
Author: omer abdelsalam
Date: 07-26-2007, 11:42 AM
Parent: #1
تحية صباحية من شاطئ الأطلسي للوجوه النيرة والخيرة التى طلت علي البوست في الآونة الأخيرة
عمر التوم
مهند حيمورة
ابوعبيدة
ونقول للغائبين ..طال غيابكم :
هاشم احمد خلف الله - ابوأحمد -
اشراقة حيمورة
انعام حيمورة
نزار حسين
جعفر عبدالمطلب
عبدالعظيم محمد أحمد
على عبدالقادر
معتز الأمين
الباقر ابراهيم
محمد البشرى الخضر
عبدالمحسن
حمد اسماعيل
معاوية
|
Post: #222
Title: Re: مدنية الصحافة ... وكما نحبها
Author: Osman Musa
Date: 07-26-2007, 02:13 PM
Parent: #221
الصحافة ... كما نحبها
لكن هو جس حب ؟
|
Post: #223
Title: Re: مدنية الصحافة ... وكما نحبها
Author: HAYDER GASIM
Date: 07-26-2007, 10:29 PM
Parent: #222
كما الأم الرءوم ... والأخت الحنون
إديك العافية ... أخي عتمان
مع مودتي
|
Post: #224
Title: Re: مدنية الصحافة ... وكما نحبها
Author: غباشي
Date: 07-28-2007, 11:50 AM
Parent: #1
Quote: ونقول للغائبين ..طال غيابكم :
هاشم احمد خلف الله - ابوأحمد -
اشراقة حيمورة
انعام حيمورة
نزار حسين
جعفر عبدالمطلب
عبدالعظيم محمد أحمد
على عبدالقادر
معتز الأمين
الباقر ابراهيم
محمد البشرى الخضر
عبدالمحسن
حمد اسماعيل
معاوية |
|
Post: #225
Title: Re: مدنية الصحافة ... وكما نحبها
Author: HAYDER GASIM
Date: 07-30-2007, 04:05 AM
Parent: #224
صحوا النوم سلام ... يا صحافاب
أعرف أن نجم النيل والفريق القومي
الأخ بكري عبدالجليل كان يقطن الصحافة
... لكن فى أي المربعات ؟ وإن الحال واحد
مع مودتي
|
Post: #226
Title: Re: مدنية الصحافة ... وكما نحبها
Author: omar altom
Date: 07-30-2007, 07:49 PM
Parent: #225
يا ريس
سلامات واشواق
بخصوص سؤالك عن بكري عبد الجليل انا شخصيا ما عارفهو كان ساكن وين لكن برفع ليك البوست ده
فووووووق لحدي ما الجماعة يجو مارين بي هناوبدوك الاكيدة وان كنت برجح انو الكابتن بكري ساكن مربع
20 .
شفته جنس الغربة دي؟؟؟؟؟
تحياتي للجميع
|
Post: #227
Title: Re: مدنية الصحافة ... وكما نحبها
Author: HAYDER GASIM
Date: 07-31-2007, 03:13 AM
Parent: #226
Quote: شفته جنس الغربة دي؟؟؟؟؟
|
الظاهر عليها من نوع { أبوكديس }
تعرف يا عمر ... وفي سياق الغربة,
فقد حدث وأن سكنت مع أحد أبناء البطانة
ويدعي عوض الكريم على { ونسميه ... العوض }
وكان ذلك فى مقتبل شهورنا الاولى بكندا.
كانت بالطبع همومنا مشتركة وقضايانا متسقة
مع أحوالنا كمهاجرين جدد ... إلا أن صديقي
العوض كان له هما آخر ... هو كيف { يوصف }
البلد التي هو فيها الآن لأهله في ريرة/البطانة,
فهو يجزم أن أهله لا يعرفون كندا البتة, وتأكيدا
لزعمه فقد أضاف { هو أمريكا فى تلتله } ... لكنه
يدري أن أهله يعرفون مصر , بل يعتقد أن في أحوالهم
تماهي بأم الدنيا ... ويدلل على ذلك بقول شاعرهم الحاردلو
{الشم خوخت بردن ليالي الحرة ... } وخوخت تعنى التشبيه
بالخوخ ... والخوخ شجرة بحرطيسة ليس لها مقام فى البطانة,
وعلى هذا النحو يؤكد صديقي العوض أن قصارى ما يعلمه أهله
عن خارج السودان ... هو مصر .
كانت أيامنا تلك { فى بداية التسعينات } وكانت حينها الإتصالات
التلفونية بالسودان عزيزة ولا تتم إلا عبر الساعات الطوال من
التجريب والإنتظار ... وفي ليلة كما سائر ليالي العزابة كنا كلنا
صاحين نتونس ونضرب الهم بالفرح ... فإذا بصديقي العوض ينفصل عنا
فجأة بقوله { الخط جا } وإعتلت حنجرته بصوته القوي ... وإستزاد,
وكأنها رغبته الخاصة فى التأكيد على حيوية هذا { الخط } والحيلولة
دون إنقطاعه ... وكنا فى جواره نسمعه ... يسلم ويسأل ويتفقد الأحوال
ثم كانت هناك برهة يستمع خلالها لمحدثه فى البطانة ... بالطبع
لم نفهم حينها تلك البرهة وماذا كان السؤال ... لكنا سمعنا صديقنا
العوض يرد قولة { تال مصر ... تال مصر } ... المهم إنتهت المكالمة
وأودع صديقي السماعة إلى حجرها وهو يكتم ضحكة كادت أن تشرط أشداقه,
فبدون أن نسأله قال ... سأله خاله عن أين هو الأن , فأجاب أنه فى كندا,
فإستنفضت { كندا } كل مستغربات الخال فأردف سائلا ... كندا ده وين ؟
فكانت إجابة صديقي العوض ... تال مصر ... فهذا كل الممكن فهمه ...
ولهذا أكرر معك:
شفت جنس الغربة ده ...؟
مع مودتي
|
Post: #228
Title: Re: مدنية الصحافة ... وكما نحبها
Author: ابوعبيدة حسن محمد
Date: 07-31-2007, 09:35 AM
Parent: #1
Quote: الكافتيريا كسرووووووووها
و من الزمن داك لحدي ما وصلنا سنة رابعة .... بقى علينا التعب و الأكل الكعب
وفي رواية أخرى بقينا نحشي من البيت |
عزيزي غباشي
الاتكسر كتير في الجامعة دي 00بداية من بيت القزاز بالنشاط ، ومقهي النشاط وووو 00
ربك كريم
وتحياتي
|
Post: #229
Title: Re: مدنية الصحافة ... وكما نحبها
Author: غباشي
Date: 07-31-2007, 12:34 PM
Parent: #1
| Quote: الاتكسر كتير في الجامعة دي 00بداية من بيت القزاز بالنشاط ، ومقهي النشاط وووو 00 |
حبيبنا أبوعبيدة
المشكلة ما في الكسير ... المشكلة في البتبنيهو محل الكسير .... و الله الكفتريا القالو عليها جديدة
لا يمكن تمييزها من الكشك ؟؟؟
الكلام ده حسب آخر إحصائية 2003
تسلم
|
Post: #230
Title: Re: مدنية الصحافة ... وكما نحبها
Author: علاء الدين حيموره
Date: 07-31-2007, 02:08 PM
Parent: #229
السلام عليكم كل ابناء وبنات الصحافة ..
فرحانين نحن اليوم عشان اخونا الباقر ابراهيم احمد ( 38 ) عريسا وقد اكتملت مراسم عقد القران بالمنشية على كريمة الاستاذ عبد الرحمن بشار ( هبة )
الف مبرو للاخ الباقر ولكل آل ابراهيم احمد وآل مكي ..
|
Post: #231
Title: Re: مدنية الصحافة ... وكما نحبها
Author: غباشي
Date: 07-31-2007, 04:19 PM
Parent: #230
الأخ علاء الف مبروك للباقر ابراهيم و هبة .... نتمنى ليهم حياة زوجية هانئة
و إن شاء الله عقبال هبة الصغيرة
|
Post: #232
Title: Re: مدنية الصحافة ... وكما نحبها
Author: HAYDER GASIM
Date: 08-04-2007, 05:23 AM
Parent: #231
أعزائي الصحافاب الكرام,
من يدلي فيكم على أداة وصل بفيصل الصحافة,
فأكون شاكرا ... ومقدرا
مع مودتي
|
Post: #233
Title: Re: مدنية الصحافة ... وكما نحبها
Author: علاء الدين حيموره
Date: 08-04-2007, 08:48 AM
Parent: #232
حيوا معي جهد الرائع / عامر سنجراب ( الصحافة 29 ) وهو يقدم لحملة وليد دارفور مستلزمات طبية تقدر ب 65000 ريال واصراره على تقدم بأسم رابطة ابناء مدينة الصحافة .
شكرا اخونا عامر
|
Post: #235
Title: Re: مدنية الصحافة ... وكما نحبها
Author: عيدروس حجر
Date: 08-04-2007, 09:15 AM
Parent: #232
الزعيم
حيدر قاسم
لك ولكل عاشقين الاستاذ فيصل الصحافة
| Quote: من يدلي فيكم على أداة وصل بفيصل الصحافة, |
الزعيم فى الانتظار يا صحافاب الهمة
|
Post: #234
Title: Re: مدنية الصحافة ... وكما نحبها
Author: عبد الدائم سيد أحمد
Date: 08-04-2007, 09:06 AM
Parent: #1
الليلة شرفتا يا ود السناجريب انتا
...
..
|
Post: #236
Title: Re: مدنية الصحافة ... وكما نحبها
Author: عيدروس حجر
Date: 08-05-2007, 02:55 PM
Parent: #234
؟؟؟؟؟؟؟؟
؟؟؟؟؟؟؟؟؟
|
Post: #237
Title: Re: مدنية الصحافة ... وكما نحبها
Author: HAYDER GASIM
Date: 08-18-2007, 02:40 AM
Parent: #236
نوم العافي ... لكن يا ناس الصحافة ... ما خجلتونا
الحاصل شنو ... ؟؟؟
إن شاء الله ما في عوجة
ونسمع منكم
مع مودتي
|
Post: #238
Title: Re: مدنية الصحافة ... وكما نحبها
Author: HAYDER GASIM
Date: 08-25-2007, 06:22 PM
Parent: #237
ليس لنا من { بديل } لحب الصحافة
فلنرفع رايتها الإسفيرية ... كأضعف الإيمان
فهنا يحتشد مسرب فى التاريخ , يشرفنا أن
نكون جمعيا فى غماره ... حضورا وهما
ومشاعرا صحافية آلقة ... فأبقوا صادين
وأعيدوا إجتماعكم على راية مدينتكم الحنون
مع مودتي
|
Post: #239
Title: Re: مدنية الصحافة ... وكما نحبها
Author: omar altom
Date: 08-25-2007, 06:57 PM
Parent: #238
الزعيم
وييييييين اراضيك؟؟؟؟؟؟
هيّ ................ فينا
فيها قمنا .......وابتدينا
من حنانها........ارتوينا
الشوارع ...علمتنا
المدارس...نورتنا
والامل فارد جناحو.....للشباب الطامحينا
(والصحافة....كما نحب)
نور ...عيونا
ضئ ...رتينة
فـــــــــــــــــــــوق
مكان تسمو الاماني
في الاعالي
كما المعالي
والثريات..........الثمينة
شكرنننننن علي رفع البوست....وفي انتظار البقية
|
Post: #240
Title: Re: مدنية الصحافة ... وكما نحبها
Author: zole
Date: 08-25-2007, 07:25 PM
Parent: #238
السلام عليكم
شباب الصحافة الحلوين
تحياتي لكم جميعا
الاخ حيدر قاسم ،،، شكرا جزيلاً على البوست
وهيجت علينا المواجع يامان
اما بخصوص سؤالك عن كابتن بكري عبدالجليل
فهو من سكان الصحافة غرب مربع 21
الاخ ابوعبيدة حسن ،، تحياتي واشواقي
وشنو من ديك وعيك ، متذكر ولا بعدك
انا إيهاب النور ومدرسة الصحافة غرب مربع 16 والصحافة غرب المتوسطة
اتلاقينا قبلسنة تقريبا في النادي السياحي - ابوظبي والتلفون ضاع سامحني
كل الشباب تحياتي ( غبشاوي وعمر التوم وحيمورة وحيدروس و انعام حيمورة طبعا انا زميلك
|
Post: #241
Title: Re: مدنية الصحافة ... وكما نحبها
Author: HAYDER GASIM
Date: 08-27-2007, 06:32 PM
Parent: #240
Quote: هيّ ................ فينا
فيها قمنا .......وابتدينا
من حنانها........ارتوينا
الشوارع ...علمتنا
المدارس...نورتنا
والامل فارد جناحو.....للشباب الطامحينا
(والصحافة....كما نحب)
نور ...عيونا
ضئ ...رتينة
فـــــــــــــــــــــوق
مكان تسمو الاماني
في الاعالي
كما المعالي
والثريات..........الثمينة
|
يا سلالالام عليك يا عمر , أفرحتني بهذه الكلمات القوية
الصادقة حول الصحافة , وهي بحق مصدر فخار ومنعة ,
وهي أصل جدير بالإحتفاء , وهذا ما لا أود أن يغيب عن
ذهن أبنائنا وبناتنا الصحافاب الأحباب ... لأن في غيابه
إضمحلال لأخصب ركن فى مضلع هويتنا وهو صحافتنا
العظمية ... فأرجو ألا يحدث ذلك .
شكرا أبو عمير ... وخليك بي هنا ما أمكن , ويا حبذا لو جبت
ليك بعض الصحافات إتنوسوا معاك عشان ما تشعروا بالملل ,
فقد صمم هذا البوست خصيصا لكم ... فعشقنا للصحافة ضاقت
به الأرض وكان لزاما علينا التوجه به نحو هذا الإسفير الوفير .
مع مودتي
|
Post: #242
Title: Re: مدنية الصحافة ... وكما نحبها
Author: omar altom
Date: 08-28-2007, 05:28 AM
Parent: #241
Quote: فعشقنا للصحافة ضاقت
به الأرض وكان لزاما علينا التوجه به نحو هذا الإسفير الوفير .
|
ولهذا نحن هنا.......
في هذا الفضاء ...حيث الصحافة هي الماوي....والملاذ.....في غربة يعلم الله وحده متي ستنتهي!!!!
التحية لكل لبورداب الصحافة في الشتات الكبير وهم يتنسمون عبير مدينتهم الجميلة عبر البوست
( الحنين) ....
اين معتز وطارق الامين؟؟؟؟
اجمعوا هنا ياشباب
|
Post: #243
Title: Re: مدنية الصحافة ... وكما نحبها
Author: HAYDER GASIM
Date: 08-28-2007, 05:47 AM
Parent: #242
| Quote: اين معتز وطارق الامين؟؟؟؟ |
معتز ... فى تقديري ... ما يزال يكتنفه إحساس كونه { برلوم }
أما طارق الأمين ... فهو فى تقديرى كذلك ... تغيان ... والله أعلم .
أما غباشي ... فهو فى شرحي { هي لازم تكون طوااااالي شرحو }
... إنو ... عندو ... إمتحانات
ناس الرياض ... تختلف { أمزجتهم } بإختلاف الدوام , فما علينا
إلا بشكيتهم للحي الذي يدوم .
عمر عبدالسلام ... أتوقع أن يتداخل للتو ... فله فى سترة الحال شئون .
الصحافة تلاتين ... أوصلنا له النداء ... وله فى الحساسية قراريط وأوزان .
بنات وأبناء حيمورة فى السودان ... إلا أن نسمع منهمن/م ... أولا .
عبدالدائم ... شايفو قدم أوراق إعتماد { بأثر رجعي } للديم ... لكنه من رياحيننا .
زول { zole } ... فرد جديدة ... حارة فى سوقنا الإسفيري ... فمرحب به .
دحين يا عمر أخوي ... عليك بالباقي ... لكني أشاركك الدعوة بأن ... نجمع هنا .
مع مودتي
|
Post: #244
Title: Re: مدنية الصحافة ... وكما نحبها
Author: هاشم أحمد خلف الله
Date: 08-28-2007, 06:38 AM
Parent: #243
الزعيم حيدر قاسم وجميع أبناء الصحافة الكرام , سلام من الله عليكم طبعاً كنت في إجازة سنوية في
السودان والحمد لله كل الناس بخير وصحة جيدة والأمطار ما زالت تهطل بغزارة شديد ومشكلة تصريف المياه
مازالت قائمة خاصة بعد توقف الأمطار كمية من البرك والحفر وربنا يعين بصراحة منظر يؤذي البصر
ويا ريت الناس لو تشد الهمة وتعمل نفرة لانقاذ ما يمكن إنقاذه ولا فائدة في حكومة اٌلإنقاذ , دعوة
للجميع للمشاركة في إيجاد حل جذري لهذه المشكلة , ودمتم في رعاية الله وحفظه .
|
Post: #245
Title: Re: مدنية الصحافة ... وكما نحبها
Author: انعام حيمورة
Date: 08-28-2007, 07:13 AM
Parent: #1
الصحافاب الاجلاء ..
تحية وتقدير ... اسجل حضور ومتابعة .. وبالجد الواحد قدر ما يقول ما يبرح هذا المكان .. الا ان المشغوليات كتيرة جدا جدا والاعباء اكتر .. ولكن لابد من الحضور فهو واجب يفترضه علينا المكان والانتماء ..
سبق ان قدم لي الباشمهندس بكري ابو بكر بان يحول هذا البوست الى كتاب يحكى عظمة هذه المدينة ...
رايكم شنو ؟؟
تحياتي وامنياتي للجميع
|
Post: #246
Title: Re: مدنية الصحافة ... وكما نحبها
Author: HAYDER GASIM
Date: 08-28-2007, 06:46 PM
Parent: #245
الأخ هاشم , أبو أحمد
كيفنك , وحمد لله زيارتك الطيبة لسودانك الحبيب
ولأهل الأحباء ... كيف أحمد تحديدا ... عامل بعد
{ تلك الجرسة }
Quote: والأمطار ما زالت تهطل بغزارة شديد ومشكلة تصريف المياه
مازالت قائمة |
نعم متوقع أن يكون الحال كذلك , فالصرف الصحي فى بلادي كلها مشكلة
Quote: ويا ريت الناس لو تشد الهمة وتعمل نفرة لانقاذ ما يمكن إنقاذه ولا فائدة في حكومة اٌلإنقاذ , دعوة
للجميع للمشاركة في إيجاد حل جذري لهذه المشكلة , ودمتم في رعاية الله وحفظه . |
وهنا الحديث عن الصحافة ... اؤيد أي تحرك لمساعدة أهلنا ومدينتنا للتخلص من المياه الراكدة ولتحسين
الصرف ... بس عايزين أفكار محددة وقابلة للتنفيذ فى فترة زمنية وجيزة ... فماذا فى كنانتكم ؟
شكرا هشومي على هذه اللفتة وربنا يعيننا فى إصلاح الحال .
مع مودتي
|
Post: #247
Title: Re: مدنية الصحافة ... وكما نحبها
Author: HAYDER GASIM
Date: 08-28-2007, 07:24 PM
Parent: #246
| Quote: تحية وتقدير ... اسجل حضور ومتابعة .. وبالجد الواحد قدر ما يقول ما يبرح هذا المكان .. الا ان المشغوليات كتيرة جدا جدا والاعباء اكتر .. ولكن لابد من الحضور فهو واجب يفترضه علينا المكان والانتماء .. |
شكرنننن ... إنعام , أحاسيس طيبة ومقبولة
وأتمنى أن يغالب الجميع الظروف التي تحول
دون مرورهم من هنا .
Quote: سبق ان قدم لي الباشمهندس بكري ابو بكر بان يحول هذا البوست الى كتاب يحكى عظمة هذه المدينة ...
رايكم شنو ؟؟ |
إقتراح مشرف ومقبول , لكن بي صراحة يا إنعام ما يزال هذا البوست يحتاج إلى مزيد من المعلومات حول الصحافة
خاصة تلك المرتبطة بوضعها كمدينة قائمة بذاتها , بدءا من المسوح الجغرافية إلى الخدمات الصحية والتعليمية المتوفرة
بالمدينة إلى جهازها الإداري وتركيبته التنظيمية , إلى مرافق العمل الطوعي إلى الأندية الرياضية إلى المراكز الثقافية
إلى حركة المدينة الفنية ومسيرتها الإبداعية , إلى لجانها التعاونية وجمعياتها الخيرية ومنظماتها النسوية والشبابية ...
إلى إجراء حوارات حية ومصورة مع نماذج للرعيل الأول فى المدينة ونجوم المجتمع , مع إضاءة على الخصائص السكانية
والتركيبة البشرية وإقتصاديات الصحافة وحرفها السائدة ... وما يتصل .
فإن توفر لديكم أي مقدار من المعلومات آنفه , فأدفعوا به بالله إلى هنا ... وخطوة خطوة نتابع الأمر ونسد النقص فى المعلومات
المطلوبة ... بل أقترح أن تتضافر جهودنا جميعا لإستكمال اللوحة الجمالية لمدينة الصحافة فى فترة زمنية مقدارها ثلاثة أشهر
من الآن , كما أقترح أن يكون بورداب الصحافة بالداخل تجمعا مخصصا لهذه المهمة والتي غالبا ما تقتضي سعيهم على الأرض
حتى يظفروا بما نريد , بالمقابل أقترح أن يوفر بورداب الصحافة خارج السودان الدعم المادي والمعنوي المطلوب لإنجاح هذه
الحملة.
وحين { نحس } بأن فى معيتنا ما يكفي من معلومات ترتفع إلى قامة الصحافة تاريخا وحاضرا , فنكون إثرها قد تأهلنا موضوعيا
وفنيا للحديث الجاد عن { كتاب الصحافة } وعلى نحو يشرفنا , ووقتها سوف نطلق الضوء الأخضر للأخ بكري لتنفيذ الفكرة .
فما رأيكم ؟
مع مودتي
|
Post: #248
Title: Re: مدنية الصحافة ... وكما نحبها
Author: omer abdelsalam
Date: 08-28-2007, 07:28 PM
Parent: #1
الزعيم / حيدر قاسم
كل الأحبة في حوش الصحافة الجميل
شوق ليكم من غير حدود
نود التواصل معكم ... ولكن اكراهات عدة تحول دون ذلك
على رأسها العطب المتكرر للكمبيوتر الشخصي الذي اصابني بالدوار
سنعود ونلتقيكم قريبا وان شاءالله نلقاكم متلمين في جلسة سمر حلوة كل التي عهدناها لديكم في ايامنا الماضية .
التحية للجميع
عمر عبدالسلام
|
Post: #249
Title: Re: مدنية الصحافة ... وكما نحبها
Author: HAYDER GASIM
Date: 08-29-2007, 02:31 AM
Parent: #248
| Quote: عمر عبدالسلام ... أتوقع أن يتداخل للتو ... فله فى سترة الحال شئون . |
وقد فعلها الرجل ... سجل حضوره خلال بضع سويعات من إشارتي آنفه .
تشكرا يا كريم ... وحين تتجاوز منقصاتك الحالية , فتعال للمقيل والبيتان فى داركم العامرة .
يهمني كذلك عزيزي عمر رأيك فى المقترحات آنفة الذكر حول { كتاب الصحافة }
ونسمع منك .
مع مودتي
|
Post: #250
Title: Re: مدنية الصحافة ... وكما نحبها
Author: انعام حيمورة
Date: 08-29-2007, 07:08 AM
Parent: #1
| Quote: فإن توفر لديكم أي مقدار من المعلومات آنفه |
جهد ما استطيع باذن الله مع التنسيق مع رواد الصحافة ..
|
Post: #251
Title: Re: مدنية الصحافة ... وكما نحبها
Author: HAYDER GASIM
Date: 08-29-2007, 04:52 PM
Parent: #250
| Quote: جهد ما استطيع باذن الله مع التنسيق مع رواد الصحافة .. |
شكرا إنعام ... ياها المحرية فيك ... وربنا إوفقك .
آمل أن أسمع من مبادرين أخر .
مع مودتي
|
Post: #252
Title: Re: مدنية الصحافة ... وكما نحبها
Author: Alsa7afa_30
Date: 08-29-2007, 10:16 PM
Parent: #251
سلام و تحايا يا زعيم و كل الصحافاب ..
حقيقة لا أعرف ما هو سبب هذا الركود و الخمول بعد النشاط و الهمة اللذان انطلقنا بهما !!
دعنا نكون صرحاء و نناقش الأسباب حتى لا يكون تجمعنا هنا بدون فائدة .
ماذا عن مشروع موقع الصحافة الذي لم يرى النور حتى الآن ؟؟؟
إذا عجزنا عن اتمام هذا المشروع البسيط , ماذا عن المشاريع الأخرى التي يجدر بنا المشاركة الفاعلة فيها كالمساهمة في بناء مسجد أو مدرسة أو لدعم علاج شخص ما و ما شابه ..
أتمنى أن يتغير هذا الحال في القريب العاجل ..
مع التحية ..
|
Post: #253
Title: Re: مدنية الصحافة ... وكما نحبها
Author: عيدروس حجر
Date: 08-30-2007, 04:32 PM
Parent: #252
اخيرا تم الغاء القبض على
بوست امتداد الصحافة كما نحبه
من قبل Alsa7afa_30
بالله عليكم البوست كان وين الفترة دى كلها ؟؟؟
حتى فى Google لم يظهر عندي ,,
ضياع مجهودات مقدرة من اعضاء مكافحين للنهوض
بهذه المدنية العريقة ...
| Quote: ماذا عن مشروع موقع الصحافة الذي لم يرى النور حتى الآن ؟؟؟ |
| Quote: أتمنى أن يتغير هذا الحال في القريب العاجل .. |
حجر
|
Post: #254
Title: Re: مدنية الصحافة ... وكما نحبها
Author: HAYDER GASIM
Date: 09-06-2007, 01:32 AM
Parent: #253
ألحقنا ... يا غباشي
فبوستنا ... يغرف ... يغرق ... يغرق
فساعدنا نجيبوا فوق ... وبعد داك نشوف
مصيرة شنو ... ولما لكل أجل كتاب
مع مودتي
|
Post: #344
Title: Re: مدنية الصحافة ... وكما نحبها
Author: علاء الدين حيموره
Date: 05-05-2008, 12:00 PM
Parent: #253
فوق وصخافتنا فوق
|
Post: #255
Title: Re: مدنية الصحافة ... وكما نحبها
Author: غباشي
Date: 09-16-2007, 03:33 PM
Parent: #1
اهلي الحبان ناس الصحافة
رمضان كريم , تصوموا و تفطروا على خير
و إن شاء الله من العتقاء في هذا الشهر
متلوم معاكم شديد و الله لكن ما عن قصد
بس ربنا يهون القواسي و نرجع ليكم أحسن من الأول
عزيزي الزعيم حيدر قاسم ...
رمضان كريم مرة تانية
وأسأل الله ان ينعم عليك ببركات هذا الشهر ....
طال الغياب و قد يطول أكثر و لكن ما باليد حيلة
فانا ماذلت في المعترك و لا أدري متى أعتق !!
و لكن تأكد بأنه و ما أن أن تستقر الأمور فستجدني في طليعة البوست معكم
أحاول أن ألحق بما فاتني من جمالكم و جمال مدينتكم
فقط ما أرجوه هو نقل هذا البوست قبل أن يؤرشف
و سوف تصفو الليالي بعد كدرتها ....
تحياتي لكل الشباب ....
الأخ العزيز جداً عبد الدائم
شكرا على الرسالة الرقيقة و الجميلة و ليس بغريب أن تكون كذلك طالما كُتبت بواسطتك ...
تسلم يا حبيب
باقي الشباب
تحياتي لكم و حبي اللا محدود ....
الى أن نلتقى ... قريباً و إن طال الأمد
أخوكم
غباشي
|
Post: #256
Title: Re: مدنية الصحافة ... وكما نحبها
Author: omer abdelsalam
Date: 09-16-2007, 06:29 PM
Parent: #1
رمضان كريم ياصحافاب
أصحي يانايم وحد الدائم
وأصحوا بورداب الصحافة بمناسبة هذا الشهر الفضيل
وكل عام وانتم بخير
|
Post: #257
Title: Re: مدنية الصحافة ... وكما نحبها
Author: Alsa7afa_30
Date: 09-20-2007, 08:13 PM
Parent: #1
رمضـان كريم يا اخوانا ..
ساعات قليلة و كاد البوست يتأرشف !!
بس ربنا ستر ..
شكـراً بكـري للإستجابة ..
|
Post: #258
Title: Re: مدنية الصحافة ... وكما نحبها
Author: HAYDER GASIM
Date: 09-21-2007, 03:01 AM
Parent: #257
شكرا أعزائي الصحافاب
فقد حضر منكم اليوم إلى هنا عدد لا بأس به,
ونتحرى الباقين ... آمل أن ينهض هذا البوست
فى الفترة القادمة ليحمل أحلامنا وأحاسيسنا الجميلة
تجاه محبوبتنا الصحافة , فببركة هذا الشهر المبارك
فليلتئم الشمل وليؤوب حملة الرسالة الصحافاوية
المبينة إلي دارهم الإسفيري حتى يحسنوا عرض
الصحافة أما الملأ .
فأقل ما أنجزناها إلي الآن هو إعادة تأهيل العلاقات
الإنسانية بين الأعضاء ووصل ما إنقطع منها بظروف
الفرقة والشتات , بالمقابل فقد نهضت علاقات جديدة
على وشائج قوية من الإلفة والإحترام , كما تم عرض
مكتوب طيب عن الصحافة كدار للكرام وكتاريخ حافل
وكذكريات حنونة .
بل تعرفنا من خلال هذا البوست على الإمكانيات الإنسانية
والإبداعية للفيف من أبنائنا وبناتنا , ومن قبل الرغبة الأكيدة
فى خدمة الصحافة وإعلاء راياتها أمام الناس ... صحيح أن
طموحنا أكبر من محصولنا الراهن ... لكننا نمتلك القدرة على
فعل أعظم وعلى إنجاز أكبر ... فقط ... لنتواصل مع مبتدئنا
ونتفاعل مع أحلامنا حتى تصبح حقيقة .
مع مودتي
|
Post: #259
Title: Re: مدنية الصحافة ... وكما نحبها
Author: طارق جبريل
Date: 09-21-2007, 02:28 PM
Parent: #1
جيرانا كيفنكم
رمضانكم كريم تصوموا وتفطروا على خير
|
Post: #260
Title: Re: مدنية الصحافة ... وكما نحبها
Author: Elmosley
Date: 09-22-2007, 00:34 AM
Parent: #259
حبيبتي التي هجرتني غصبا عنها فهجرتها غصبا عني!!!!!
|
Post: #261
Title: Re: مدنية الصحافة ... وكما نحبها
Author: haider osman
Date: 09-22-2007, 00:57 AM
Parent: #1
| Quote: حبيبتي التي هجرتني غصبا عنها فهجرتها غصبا عني |
شرحه....
سلام للجميع .....
|
Post: #262
Title: Re: مدنية الصحافة ... وكما نحبها
Author: ابوعبيدة حسن محمد
Date: 09-22-2007, 06:16 AM
Parent: #1
الاعزاء والاحباء
ناس الصحافة
رمضان كريم وتصوموا وتفطروا على خير ،،
وكل سنة وانتو طيبين00
وح نرجع ليكم تاني00
|
Post: #263
Title: Re: مدنية الصحافة ... وكما نحبها
Author: هاشم أحمد خلف الله
Date: 09-22-2007, 06:41 AM
Parent: #262
|
Post: #264
Title: Re: مدنية الصحافة ... وكما نحبها
Author: omar altom
Date: 09-22-2007, 09:45 AM
Parent: #1
الاعزاء الصحافاب
كل عام وانتم بالف خير ورمضانكم كريم
تحية خاصة لود جيرانا ابن الامتداد طارق جبريل علي حضوره الدائم في البوست و(إبداء حسن النوايا)
سنرجع يوما الي حينا .......ونغرق في دافئات المني
سنرجع مهما يمر الزمان......وتنأي المسافات ما بيننا
سلامكم- عمر
|
Post: #265
Title: Re: مدنية الصحافة ... وكما نحبها
Author: غباشي
Date: 09-22-2007, 10:15 AM
Parent: #1
ياألف مرحب بالشباب
|
Post: #266
Title: Re: مدنية الصحافة ... وكما نحبها
Author: Alsa7afa_30
Date: 10-10-2007, 10:28 PM
Parent: #1
كل عام و أنتم بخير ..
ربنا يحقق أماني الجميـع ..
|
Post: #267
Title: Re: مدنية الصحافة ... وكما نحبها
Author: HAYDER GASIM
Date: 10-11-2007, 01:23 AM
Parent: #266
أهلي وأحبابي ... ناس الصحافة الحنان
أينما كنتم أحييكم ... فى أرض صحافتنا الغراء,
في الشتات ... في الإسفير ... في الهجير ...
أتمناكم عيد سعيد ... وأن يجد كل فرد فيكم مراده .
مع دوام العافية ... والسداد .
... مودتي
|
Post: #268
Title: Re: مدنية الصحافة ... وكما نحبها
Author: عبد الدائم سيد أحمد
Date: 10-11-2007, 11:22 AM
Parent: #1
عيد سعيد وكل عام والجميع بخير
آبو عناب ..
|
Post: #269
Title: Re: مدنية الصحافة ... وكما نحبها
Author: HAYDER GASIM
Date: 10-11-2007, 02:55 PM
Parent: #268
يعني كان كتير على عناب أن يحتل
خبر خروجها إلي هذه الدنيا بعض
كلمات فى بوستنا هذا , ما شفت
علاء حيمورة { عرض } بهبة الله كيف,
ربنا يحفظ كل أطفالنا , مبروك
البنية وطابت أيامك وأسرتك الكريمة.
طبعا يا عبد الدائم حا تفوتنا صلاة
العيد للمرة الألف , وقلبي يوجعني
لأنها مناسبة تتم أمام منازلنا وتضيف
إليها بهاءآ وحسنا... بعد ساعات قليلة
سوف تنطلق النداءآت من جامع 26 لحض
الناس على صلاة العيد { رحم الله عم أحمد }
وسوف ينخرط الكبار والصغار فى صفوف ممتدة,
وسوف تتبلم النساء فى الحيز الخاص بهن, وسوف
يسبغ { البياض } لونه المشع على جمهرة المصلين,
وسوف يقيمون الصلاة فى أدبهم وخشوعهم المعهود,
وسوف يمسك كل جاره من يده بعد إنتهاء الصلاة
تبريكا وطلبا للعفو والعافية , وسوف يرجعون
إلى منازلهم وهي فى أبهي حللها وكامل ترتيبها,
وسوف يتحركون زرافات ووحدانا على إمتداد الحلة
والحلة المجاورة , سوف تمتلئ جيوبهم بالحلوي لأن
قليلها يكفي { لسد النفس } فيما يصر كل من تطوف
عليه بأخذ شئ من معروضه ... وسوف يعودون للمرابطة
لوجبة الإفطار والتي غالبا ما تكون عصيدة بي ملاح
تقلية أو روب , وبعضهم يؤثر القراريص ... وربما
يأخذون من بعد قسط من الراحة فيما الأطفال لا راحة
لهم ... يوم جميل مشرق وندي بالوصل ومزحوم بالإبتسام.
تصدق يفوتنا كل هذا المولد ... يا خسارة ,
عشمي فى أيام تعود بنا إلى بلدنا لنشارك
أهلنا سرائهم وضرائهم .
مع مودتي
|
Post: #271
Title: Re: مدنية الصحافة ... وكما نحبها
Author: غباشي
Date: 10-11-2007, 10:32 PM
Parent: #269
عيد سعيد و كل عام و أنتم بألف خير يا أحلى ناس و ربنا يحقق جميع الأماني .......
و دايما صحافتنا بألف خير ...
أبو عناب
عندك العيد عيدين يا حبيب .... و فرحتنا فرحتين ! ربنا يخليها ليك و لينا و من هسع حـاجزييييييييين
تحية خاصة ليك يا زعيم و كل عام و انت بالف خير
بورداب الصحافة .... ربي يسعدكم بالعيد .....
كل سنة و أنتو طيبين
|
Post: #270
Title: Re: مدنية الصحافة ... وكما نحبها
Author: omer abdelsalam
Date: 10-11-2007, 10:18 PM
Parent: #1
[Bاهلنا في الصحافة ..حبابكم عشرة ..وعيدكم مبارك ..وكل عام وانتم بخير
وصلتني رسالة من ابن الصحافة شرق الأخ / علي عبدالقادر
Quote:
الأخوان الأفاضل/حيدر قاسم و عمر عبدالسلام ...شكراً على الكلمات الطيبة التى أوردتموها عنى----------------------------------------وصلتنا للتو ... هذه الرسالة من الأخ الكريم د. علي عبدالقادرمن فرنسا ... أليس فى هذا الإسفير نعمة ؟؟؟ كيف كان يمكن أن نتواصل ونلتحق بركب الصحافة ونتوسل أحاسيسها ونعايش نبضها ...لولا من جعلوا هذا ممكنا ... فالمجد للإنسان حين يبدع وحين يشتري من العدم ما يجعل حياتنا أسهل ... وأمتع .للأخ د. علي باقة من أزاهير الترحاب ومن لفائف الفرح ... فمرحبا به---------------------------------------------د. على عبدالقادر ..حبابك عشرة في بوست الصحافة فرحت جدا لما قرات انك تسكن في مربع40 منزل 27-----------------------------------------------------------------------عذراً على التأخر في الرد نسبة لبعض المشغولياتأشكركم على مجهودكم وأتمنى إن تتضافر جهودكم عبر الإسفير لإنشاء موقع مدينة الصحافة بالأنترنت مع أبن خالتي بالرياض علاءالدين حيمورة وهو سكرتير رابطة أبناء الصحافة بالسعوديةكأغلب سكان الصحافات ولدت بالديوم الشرقية وكبرت بالصحافة شرق مربع 40 ودرست الجامعة ومابعدها بفرنسا .أتمنى أن أجد الفرصة لدعم كل مايخص السودان عامة والصحافة خاصةد.علي عبدالقادر.باريس.فرنسا--------------------------------------------------------------------------------
|
|
Post: #272
Title: Re: مدنية الصحافة ... وكما نحبها
Author: عبد الدائم سيد أحمد
Date: 10-13-2007, 10:11 AM
Parent: #1
Quote: يعني كان كتير على عناب أن يحتل
خبر خروجها إلي هذه الدنيا بعض
كلمات فى بوستنا هذا , |
ولا حتى غنوا ليها ناس معاوية والصحافة 30
Quote: حا تفوتنا صلاة
العيد للمرة الألف |
حاول الحق العيد الكبير
وربنا يتوب علينا من الغربة
غباشى الظريف عاوز تحجزها لمنو 
|
Post: #273
Title: Re: مدنية الصحافة ... وكما نحبها
Author: غباشي
Date: 10-13-2007, 10:30 AM
Parent: #272
كلك نظر يا عـمِّـي
|
Post: #274
Title: Re: مدنية الصحافة ... وكما نحبها
Author: غباشي
Date: 12-09-2007, 07:02 AM
Parent: #1
++
|
Post: #275
Title: Re: مدنية الصحافة ... وكما نحبها
Author: عبد الدائم سيد أحمد
Date: 12-09-2007, 07:23 AM
Parent: #1
++
++++
++++++
|
Post: #276
Title: Re: مدنية الصحافة ... وكما نحبها
Author: Alsa7afa_30
Date: 12-09-2007, 10:14 AM
Parent: #1
|
Post: #277
Title: Re: مدنية الصحافة ... وكما نحبها
Author: omer abdelsalam
Date: 12-09-2007, 12:42 PM
Parent: #1
وينك يازعيم ؟ [/
وينكم ياصحافاب ؟ ؟ ؟
|
Post: #279
Title: Re: مدنية الصحافة ... وكما نحبها
Author: omer abdelsalam
Date: 12-10-2007, 07:19 PM
Parent: #1
Quote: ونحن معقلنا الصحافة شرق مربع 40 فريق العزيمة.التاج محجوب .ابراهيم محجوب.
ازهرى عبد السلام.عوض الزبير .عباس خليفة .الطاهر حمودة .حمودة.عادل خليفة
نصر الدين .المرحوم طارق البرعى.ونواصل اخى حيدر وقد سبق تقابلنا فى منزل
الاخ ربيع مكى مربع 31.
|
الباقر ابراهيم
حبابك جارنا العزيز
مازلت اذكر ملامحك جيدا بالرغم من مضي سنوات عديدة لم نلتقي خلالها .. ـتأسفت لعدم رؤيتك في السودان خلال زيارتي الأخيرة في العام الماضي نعم أخي الباقر تلك الأسماء التى ذكرتها كانت عنوانا وصفجة نيرة في مربع 40 الجميل ..عسى ان تجمعنا الأيام مرة اخرى سويا في ذلك المكان الرائعأخوك عمر عبدالسلام وإن شئت أزهري عبدالسلام
|
Post: #280
Title: Re: مدنية الصحافة ... وكما نحبها
Author: elnadeif
Date: 12-10-2007, 11:55 PM
Parent: #279
الاخ العزيز عمر عبد السلام(ازهرى)
اولا البركة فيكم وفينا فى المرحوم والدكم واخينا انور
شكرا لاهذا البوست جعلنا نشوفك من خلال هذة الاسطر .مدة طويلة
لم نتقابل.وكل منا فى بلد ولكن فى البال كل الناس السمحين
ودوما بحاول ابحث عن اخبار الصحافة وخاصة الصحافة شرق .قد
لا اعرف فيها شخص الان كل الناس ضاق بيها المكان وهاجرت فى بلاد
اللة الواسعة وتبدلت الوجوه والسكان .ياريت تكتب عن انطباعك
بعد زيارتك الاخيرة للصحافة وخاصة مربع 40
ونواصل................
الباقر ابراهيم
.
|
Post: #281
Title: Re: مدنية الصحافة ... وكما نحبها
Author: غباشي
Date: 12-11-2007, 00:11 AM
Parent: #1
مرحباً بكم مرة أخري
و لمة جديدة عشان العيد .....
|
Post: #282
Title: Re: مدنية الصحافة ... وكما نحبها
Author: HAYDER GASIM
Date: 12-11-2007, 03:22 AM
Parent: #281
Quote: مرحباً بكم مرة أخري
و لمة جديدة عشان العيد ..... |
تسلم عزيزي ... غباشي,
بالله جبت البوست من سابع ياتو بئر ؟
لكن ... عشانك,
وعشان ... عناب,
... سيستمر.
وكل سنة وإنتو طيبين
مع مودتي
|
Post: #283
Title: Re: مدنية الصحافة ... وكما نحبها
Author: omar altom
Date: 12-11-2007, 05:57 AM
Parent: #282
وين ياناس
البركة بي الشوفة
اها انا ماشي الصحافة بعد اسبوع من الليلة
في اي وصايا؟؟؟؟؟؟؟
الحالمون يمتنعون
ــــــــــــــــــــــــــــ
الزعيم حيدر
سابلغ تحاياك للاهل وساقول باننا التقينا هنا في هذا المكان .او لم نلتقي؟؟؟؟
محبتي بلا حدود
|
Post: #284
Title: Re: مدنية الصحافة ... وكما نحبها
Author: غباشي
Date: 12-11-2007, 10:07 PM
Parent: #1
| Quote: وعشان ... عناب,... سيستمر. |
تحياتي يا زعيم و كل سنة و إنت بألف خير
تحية خاصة لأهلنا و ناسنا .... ليكم أنتو يا حبايبنا
و كل سنة و انتو طيبيبن ........
|
Post: #285
Title: Re: مدنية الصحافة ... وكما نحبها
Author: غباشي
Date: 12-12-2007, 00:32 AM
Parent: #1
| Quote: في اي وصايا؟؟؟؟؟؟؟ |
يا عمر يا ماشي لأهلنا ....
بسراع و صل رسايلنا
و الشوق ماتنسى يا حبيبنا
لكل البيسألك عنا
قول ليهم على العهد ما زلنا
زكراهم أنفاسنا و مشاغلنا
و كيف حال بستانا و خمايلنا
ربوتنا مجمع حبايبنا ....
عيد سعيد عزيزي عمر التوم و ربنا يكتب ليك السلامة .....
و ما تنسى زول في الحلة إلا تسلم عليهو و تبوس إيديهو ...
غباشي ...
|
Post: #288
Title: Re: مدنية الصحافة ... وكما نحبها
Author: HAYDER GASIM
Date: 12-12-2007, 05:04 AM
Parent: #285
Quote: اها انا ماشي الصحافة بعد اسبوع من الليلة
في اي وصايا؟؟؟؟؟؟؟ |
يا حبيبنا ... أولا بالسلامة,
وثانيا لأمك وأبيك العزيزين تحياتي الجليلة,
وقول للنعمة إنو حيدر ما يزال { شبعان } من
تلك القراصة ... وممتن لتلك الأريحية, وكمان
عليك الله { قالد } بت التوم ... كما قالدتها
قبل عام ... فأصابني إرتياح لعام كذلك.
أما سلوى عثمان التوم ... أم البينات الطوالع,
فلها مني إصحطباحات السنين المواضي ... وإلتئآمي
المحدث لجهة شخصها الوريف.
فيما إستورثتنا... نجلاء عثمان التوم من بعض
كلياتها شعرا فخيما لا يتورع المرور من على أضيق
الحلوق ... لهذا فهي نغم بازخ نود إعادة إكتشافه
عدة مرات فى اليوم الواحد.
بلغ صديقي التاريخي ... عمر الناظر محبتي المتحشرجة
على أنغام زمن الإفتراق ... لظني بأني وعمر ما كنا
لينبغي أن نفترق.
وسيقلع مصطفى الناظر أذنك بصماخها ... من شدة إنعطافه
لدوائر السياسة المستديرة ... فبلغه محبتى للوطن
وتفاؤلي بإحتمال العبور إلى بر ديمقراطي مبين.
وسوف تصافح شقيقي وسميك { عمر } ودعني أسميه أفضلنا,
لجهده المبذول يوميا ... على سبيل الأسرة ومجتمعه الصغير
وتطلعاته الكبيرة فى إقترانها الأخلاقي بقضية السلم الإجتماعي.
عليك الله يا عمر حاول { دقق } ليك إن شاء ملوة عيش فى طاحونتا
, عشان تجي وتحكي لي كيف ما تزال تقترب وتتباعد الأشياء.
لا تنسى ... تمشى من أول وهلة وتشيل الفاتحة فى خالتك حرم الباشا,
رحمها الله, وكل الموجبات الأخر ... وأنت الراعي ... والواعي.
أتمناك إجازة طيبة ... وإلتقاء رحبا مجيبا بأهللك الطيبيين.
ونسمع منك ... وعنك ... كل خير.
|
Post: #289
Title: Re: مدنية الصحافة ... وكما نحبها
Author: عبد الدائم سيد أحمد
Date: 12-12-2007, 08:41 AM
Parent: #1
| Quote: وعشان ... عناب,... سيستمر |
عناب معيدة فى الصحافة
وحتمشى صلاة العيد مع حبوبتا
وحتقول
الله اكبر الله اكبر الله اكبر ولله الحمد
وراء عمك عبداللطيف
ستكون صلاة العيد فى تمام الساعة السابعة ونصف
الله اكبر الله اكبر الله اكبر ولله الحمد
مولانا حسن صالح بالعباية السوداء حيخطب خطبة العيد
بعد الصلاة والخطبة حتطول شوية والجماعة بالهم فى الضبيحة والشية
بعد الصلاة والمعايدة السريعة للجيران ، ارى معظم الناس بيتجهوا
لبيت الطبيب البيطرى فخرى محمد عبدالمطلب مربع 25 علشان بجيب
معاهو لناس الحلة كمية من الضباحين ، بعد ما كبرو ابواتنا والمروة
بقت ما ذى زمان وقلت عزيمة الشباب وبقو كسلانين زيكم كده يا ناس الصحافة ...
ويا عمر التوم بلغ سلامى لناس 23 وبالاخص قميحة ومنتصر الصايع
ومــي ( ولد حلتكم  )
|
Post: #290
Title: Re: مدنية الصحافة ... وكما نحبها
Author: HAYDER GASIM
Date: 12-21-2007, 03:15 PM
Parent: #289
ناس الصحافة ... إزيكم,
وكل سنة وإنتو طيبين
وربنا يسهل كل إموركم
فى مقبل أيامكم, وإديكم
الفي مرادكم ويحفظكم من
كل مكروه.
كدى ... مروا من هنا,
وأي واحد إحكي لينا كيف
كان عيده.
مع مودتي
|
Post: #291
Title: Re: مدنية الصحافة ... وكما نحبها
Author: طارق جبريل
Date: 12-21-2007, 05:23 PM
Parent: #1
يا جيرانا يا حلوين كيفنكم
كل سنة وانتو طيبين
والسنة الجاية زي ما عايزين
|
Post: #292
Title: Re: مدنية الصحافة ... وكما نحبها
Author: omer abdelsalam
Date: 12-21-2007, 05:32 PM
Parent: #1
يأأهلنا في الصحافة
عيدكم مبارك ....وكل سنة وانتم طيبين
أخترت هذا العام..مدينة جرسيف بشرق المغرب لقضاء عطلة عيد الأضحي ...عسى ان ان تذكرنا بالصحافة شرق
اينما رحلنا وارتحلنا ..الصحافة عزيزة علينا و دوما في البال ونتمثلها في حياتنا اليومية ..حتى ولو في أقاصي المغرب ...التحية للجميع ...وكل عام وانتم بخير
|
Post: #293
Title: Re: مدنية الصحافة ... وكما نحبها
Author: Alsa7afa_30
Date: 12-21-2007, 07:41 PM
Parent: #1
|
Post: #294
Title: Re: مدنية الصحافة ... وكما نحبها
Author: HAYDER GASIM
Date: 12-22-2007, 02:35 AM
Parent: #293
Quote: يا جيرانا يا حلوين كيفنكم
كل سنة وانتو طيبين
والسنة الجاية زي ما عايزين |
شكرا ... عزيزنا ... طارق جبريل,
دائما مبادر ... وأنت إبن الإصول.
تحياتنا من خلالك لكل أهلنا الطيبين
بالإمتداد الحبيب, وأظنك تعلم أن
{ظروفنا الموضوعية} لا تسمح بإستئناف
الحرب على محطة سبعة, ولثقتنا فى
أعماقكم الإنسانية المجيدة رغم
إختياركم لحمل السلاح, لكننا نثق كذلك
فى مقدار إلتزامكم {بالهدنة} الموقعة
بيننا وبينكم ... ودمتم.
عيد سعيد ... وعهد جديد.
مع مودتي
|
Post: #295
Title: Re: مدنية الصحافة ... وكما نحبها
Author: HAYDER GASIM
Date: 12-22-2007, 02:46 AM
Parent: #294
Quote: عناب معيدة فى الصحافة
وحتمشى صلاة العيد مع حبوبتا
وحتقول
الله اكبر الله اكبر الله اكبر ولله الحمد
وراء عمك عبداللطيف
ستكون صلاة العيد فى تمام الساعة السابعة ونصف
الله اكبر الله اكبر الله اكبر ولله الحمد
مولانا حسن صالح بالعباية السوداء حيخطب خطبة العيد
بعد الصلاة والخطبة حتطول شوية والجماعة بالهم فى الضبيحة والشية
بعد الصلاة والمعايدة السريعة للجيران ، ارى معظم الناس بيتجهوا
لبيت الطبيب البيطرى فخرى محمد عبدالمطلب مربع 25 علشان بجيب
معاهو لناس الحلة كمية من الضباحين ، بعد ما كبرو ابواتنا والمروة
بقت ما ذى زمان وقلت عزيمة الشباب وبقو كسلانين زيكم كده يا ناس الصحافة ...
ويا عمر التوم بلغ سلامى لناس 23 وبالاخص قميحة ومنتصر الصايع
ومــي ( ولد حلتكم ) |
عبد الدائم ... الظريف ... أبو عناب,
ماض مهاب ... أهلا حباب ... داعي مجاب.
وكل سنة وإنت طيب, تسلم حبيبي لعناب
ولأهلك ومحبيك وناس الصحافة وكل الوطن.
أها ... أخبار فريق الشبيبة شنو, وحاتك
مشيت السنة الفاتت ما فهمت طظ من سبحان الله,
لكن ... لاقيت الأولاد الحلوين وعلى رأسهم
منتصر فى ركن منتهزة ستة وعشرين القريبة منكم,
وحيث نهض هناك كشك جرائد تمام ومحضور بفعالية
عالية وربما هذا أصبح { نادي } أولاد الحلة, لكن
فقط بالنهار.
سيد أحمد ... ياخي عليك الله ما تنقطع, ووافينا
بين زمانك المزدحم بلحظات أراها مهمات.
كل سنة وإنت طيب.
مع مودتي
|
Post: #296
Title: Re: مدنية الصحافة ... وكما نحبها
Author: HAYDER GASIM
Date: 12-22-2007, 03:25 AM
Parent: #295
Quote: يأأهلنا في الصحافة
عيدكم مبارك ....وكل سنة وانتم طيبين
أخترت هذا العام..مدينة جرسيف بشرق المغرب لقضاء عطلة عيد الأضحي ...عسى ان ان تذكرنا بالصحافة شرق
اينما رحلنا وارتحلنا ..الصحافة عزيزة علينا و دوما في البال ونتمثلها في حياتنا اليومية ..حتى ولو في أقاصي المغرب ...التحية للجميع ...وكل عام وانتم بخير
|
محب الصحافة ... وحكيمنا { المجاني }
عمر عبدالسلام ... تسلم,
كل سنة وإنت طيب ومتعافي
وأكثر منعة وأخضر عودا.
أمنياتي لك بقضاء عطلة طيبة وزاخرة
بالعوائد الجمالية والنفسية والإجتماعية,
أما أن تختر جرسيف بشرق المغرب لإستحضار
الصحافة شرق ... فهنا تتماهى وعلى نحو
مجيد يزيد في غيرتنا على الصحافة ويوثق
فى مقادير إرتباطنا بها وحبنا لها.
نتوقع طلتك البهية ... ما عزمت.
مع مودتي
|
Post: #297
Title: Re: مدنية الصحافة ... وكما نحبها
Author: HAYDER GASIM
Date: 12-22-2007, 03:26 AM
Parent: #296
وين ... عادل جبارة ؟
|
Post: #298
Title: Re: مدنية الصحافة ... وكما نحبها
Author: HAYDER GASIM
Date: 12-22-2007, 05:57 AM
Parent: #297
ووين ... إنعام حيمورة ؟
|
Post: #299
Title: Re: مدنية الصحافة ... وكما نحبها
Author: هاشم أحمد خلف الله
Date: 12-22-2007, 10:58 AM
Parent: #298
الزعيم حيدر قاسم كل سنة وأنت والأهل جميعاً بألف خير وكل عام وانتم طيبين أهل الصحافة الأعزاء والعيد علينا وعليكم يتبارك إنشاء الله .
|
Post: #300
Title: Re: مدنية الصحافة ... وكما نحبها
Author: Muna Khugali
Date: 12-23-2007, 12:21 PM
Parent: #299
كل سنه وانتو ملمومين كاملين وكمان زايدين والأهم طيبين وفرحانين..
بت جيرانكم من الأمتداد..
|
Post: #301
Title: Re: مدنية الصحافة ... وكما نحبها
Author: غباشي
Date: 01-25-2008, 02:42 AM
Parent: #1
| Quote: مدنية الصحافة ... وكما نحبها |
و لسة بنحبها
|
Post: #302
Title: Re: مدنية الصحافة ... وكما نحبها
Author: HAYDER GASIM
Date: 01-25-2008, 03:11 AM
Parent: #301
كتر خيرك ... غباشي ... وبارك الله فيك,
دحين لميت فى البوست ده وييين؟ وهو خارج
رادار الحوارات الحية فى هذا البورد.
يبدو أنها { الغيرة } على الصحافة وما تستحق
منا من تقدير وتداول وبسط في الرأي والمعلومة
حول صحافتنا الجميلة ... متين يا الله نمشيلا.
فهلا نعيد إصطفافنا على موقع صحافتنا الإسفيرية؟
أقلو ... نحدث معلوماتنا حول بعضنا... وبعد طول
إنقطاع ... فأرجو أن يقول أي منا ... عووووووك.
مع مودتي
|
Post: #303
Title: Re: مدنية الصحافة ... وكما نحبها
Author: هاشم أحمد خلف الله
Date: 01-25-2008, 09:02 AM
Parent: #302
مرحب غباشي
مرحب حيدر قاسم
انا جيت غايتو شوفوا الباقين وين ؟؟؟؟؟؟؟؟؟؟؟؟
|
Post: #304
Title: Re: مدنية الصحافة ... وكما نحبها
Author: عيدروس حجر
Date: 01-25-2008, 11:07 AM
Parent: #303
الاخوة الصحافاب
رجع البوست من جديد
واهلا وسهلا بكل من يسأل
حيدر قاسم
الشوق مطر والابتهال بالدعاء لكل الاسرة الكريمة
بالصحة والعافية
هاشم احمد
شاعر الصحافة
كيفنك والاسرة الكريمة
الغائبين
قصر الله طلتكم علينا
منتظرين
|
Post: #309
Title: Re: مدنية الصحافة ... وكما نحبها
Author: غباشي
Date: 01-26-2008, 03:07 AM
Parent: #304
تحياتي يا عيدروس , و إن شاء الله تكون بخير
|
Post: #305
Title: Re: مدنية الصحافة ... وكما نحبها
Author: غباشي
Date: 01-25-2008, 11:08 AM
Parent: #302
Quote: كتر خيرك ... غباشي ... وبارك الله فيك,
دحين لميت فى البوست ده وييين؟ وهو خارج
رادار الحوارات الحية فى هذا البورد.
|
أهلا بالزعيم
شفت الواحد الواحد لما يكون متضايق مش بيفتش على أقرب زول بيعرفوا عشان يفضفض ليهو ؟ ... أها بس الكلام ده منطبق على الأيام دي و الحالة صعبة ... عشان كدة جيت بيجاي و قلت انتظر يمكن يجي زول ماري بيجاي ... ولما ما لقيت زول عملت ليكم missed call و أها الحمد لله الإستجابة كانت سريعة ...
الواحد بيجاي ليلو من نهارو ما بيتفرز و الزمن ماشي بسرعة رهيبة ... و الضغط زايد معاها بشده ... نعمل شنو ؟ خلال السنتين ديل يا حيدر حصلت أحداث كتيرة على النطاق الشخصي في العائلة و الأصدقاء بالسودان لحدي ما أنا بقيت خايف الواحد لما يرجع ما يقدر يتعايش مع الوضع الإتغير دا .... بيجاي الضغوط و التحديات مع العلم و التحصيل في زروتها و ما بين ده و ده الشلهتة حصلت ... عشان كدة ما لقيت حتة الجأ ليها غير بوستنا العزيز لأنوالحال من بعضو .....
و لسة في كلام
|
Post: #306
Title: Re: مدنية الصحافة ... وكما نحبها
Author: غباشي
Date: 01-25-2008, 05:24 PM
Parent: #1
العزيز (أبو أحمد) كيف البرد و ياكم ؟؟؟
|
Post: #307
Title: Re: مدنية الصحافة ... وكما نحبها
Author: هاشم أحمد خلف الله
Date: 01-25-2008, 05:31 PM
Parent: #306
غباشي مشتاقين والله والبرد شوية أخف من الأيام الفاتت
ومالك زهجان وقرفان يأخي والله كلنافي الهواء سواء
بس نعمل شنو ياهو ده الدنيا مرة فوق ومرة تحت
عيدروس حجر بارك الله في بوست الصحافة الخلانا نلاقيك
الحمد لله العيال تمام والأهل بخير طمني عنك وعن الأولادك
|
Post: #308
Title: Re: مدنية الصحافة ... وكما نحبها
Author: HAYDER GASIM
Date: 01-25-2008, 10:51 PM
Parent: #307
أعزائي ... غباشي وهاشم وعيدروس ... تسلموا,
إفترعتم بداية طيبة لمشوار آمل أن يتصل, فأقله
يا جماعة الحضر { ما يزوغ } وأصبرو ليكم
أسبوع إسبوعين كحراس لهذا البوست وحينها
ربما تتغير كثير من الأشياء لما هو أفضل.
والعافية درجات ....
أبو عناب ... مطلوب حضورك فورا
مع فارع مودتي
|
Post: #310
Title: Re: مدنية الصحافة ... وكما نحبها
Author: غباشي
Date: 01-26-2008, 03:18 AM
Parent: #308
| Quote: والعافية درجات .... |
نأمل أن تكون بداية لعافية ... بالرغم من المشاغل
|
Post: #311
Title: Re: مدنية الصحافة ... وكما نحبها
Author: غباشي
Date: 01-26-2008, 03:29 AM
Parent: #307
| Quote: والله كلنافي الهواء سواء |
هاشم يا حبيبنا و الله ياخ تقول شنو
بس إتلملمت حاجات كتيرة مع بعض و بقت سبب في الدبرسة و الزهج ....
بيجاي الإمور شوية واقفة ....
و بيني وبينك المدة بدت تطول ...
ده غير المناسبات السعيدة اللي بقينا برة منها ... ده كلام ده؟؟
غير كدة و كدة أخوك حاليا في عنق الزجاجة ....
بس ربك يهون ...
|
Post: #312
Title: Re: مدنية الصحافة ... وكما نحبها
Author: عبد الدائم سيد أحمد
Date: 01-26-2008, 12:47 PM
Parent: #1
الزعيم
اتحرمنا من الحبايب ...
وعشنا فى الغربة البعيدة ....
كل موجة حزن تمضى ...
وبكرة موجة تهل جديدة ....
لا خطاب يحمل محبة ... ولا وصية شوق نريده
لا آمل ينعش قلوبنا ولا خيالاتنا السعيدة
غباشى
ده مقطع من قصيدة مـــوجــة لاستاذنا سيف الدين الدسوقى
يروي فيها غربة زول موالف عمره لا راح لا مرق
اصبح الشوق فى حروفو نار على صفحة ورق
ومافى ياناس قلب يسأل عن غريق شبعان غرق
القصيدة من غناء فرمالاتى البلابل وما حانزل ليك الاغنية
عشان ما تحرق لي البوست اياه ...
وعاوز اقول ليك حاجة فى اضانك (( لو عاوز شوية ذهج من النوع الخليجى ))
نزيدك من عندنا ولا كيف يا هـاشــم
اها نخش فى الجد جد
انا شايف الحل الوحيد يكمن فى اتمام عملية الموقع الخاص بمدينة
الصحافة ، وما عارف الموضوع اتوقف ليه
لان التواصل عبر هذا البوست ( الحبيب ) لا يكفى فى ظل محدودية العضوية
ولا رايكم شنو ؟
|
Post: #313
Title: Re: مدنية الصحافة ... وكما نحبها
Author: هاشم أحمد خلف الله
Date: 01-26-2008, 01:04 PM
Parent: #312
Quote: اتحرمنا من الحبايب ...
وعشنا فى الغربة البعيدة ....
كل موجة حزن تمضى ...
وبكرة موجة تهل جديدة ....
لا خطاب يحمل محبة ... ولا وصية شوق نريده
لا آمل ينعش قلوبنا ولا خيالاتنا السعيدة |
Quote: ده مقطع من قصيدة مـــوجــة لاستاذنا سيف الدين الدسوقى
يروي فيها غربة زول موالف عمره لا راح لا مرق
اصبح الشوق فى حروفو نار على صفحة ورق
ومافى ياناس قلب يسأل عن غريق شبعان غرق |
عبدالدائم يا لجمال طلتك البهيه وكلمات الشعر الندية
ياخي والله مشتاقين كتير وربنا يجمعنا مرة تانية في الصحافة
ويا غباشي اسمع كلام عبدالدائم ده
Quote: وعاوز اقول ليك حاجة فى اضانك (( لو عاوز شوية ذهج من النوع الخليجى ))
نزيدك من عندنا ولا كيف يا هـاشــم |
يا زول هيييي امسك في الخواجات ديل قوي
ومدام زهجان ومدبرس طيب اكتب خواطرك في ورق
يمكن يزيل عنك كتير وتحلم تعود بدون قلق
يا زول سيبها للخالق .
|
Post: #314
Title: Re: مدنية الصحافة ... وكما نحبها
Author: غباشي
Date: 01-26-2008, 02:45 PM
Parent: #1
+
|
Post: #315
Title: Re: مدنية الصحافة ... وكما نحبها
Author: غباشي
Date: 01-26-2008, 02:49 PM
Parent: #1
الأعزاء
جايييكم برواقة ...
|
Post: #316
Title: Re: مدنية الصحافة ... وكما نحبها
Author: HAYDER GASIM
Date: 01-26-2008, 05:46 PM
Parent: #315
Quote: اها نخش فى الجد جد
انا شايف الحل الوحيد يكمن فى اتمام عملية الموقع الخاص بمدينة
الصحافة ، وما عارف الموضوع اتوقف ليه
لان التواصل عبر هذا البوست ( الحبيب ) لا يكفى فى ظل محدودية العضوية
ولا رايكم شنو ؟
|
شكرا ... أبو عناب ... على سرعة وحسن الإستجابة,
وكلامك الفوق ده ... صااااح, وأؤيد معك فكرة تكملة
موقع الصحافة الإلكتروني ... وهو بالمناسبة قطع شوط
كبير ... لكنها لعنة التوقف { السودانية } والتي
تحدث عاااادي في كل عمل سوداني.
مع ذلك فأرجو أن نعيد الروح للفكرة ونكون هذه المرة
جادين ومتعاونين ومحددين ... ويله يا الصحافة تلاتين
وخالد ومعاوية وآل حيمورة ... ورونا الناقص شنو ونتمو
كيف؟
ونسمع من أهل الذكر
مع مودتي
|
Post: #317
Title: Re: مدنية الصحافة ... وكما نحبها
Author: mohanad haimoura
Date: 01-26-2008, 05:57 PM
Parent: #316
الحبايب
اخوانا الكبار
كيف امسيتو
Quote: وأؤيد معك فكرة تكملة
موقع الصحافة الإلكتروني ... وهو بالمناسبة قطع شوط
كبير ... لكنها لعنة التوقف { السودانية } والتي
تحدث عاااادي في كل عمل سوداني.
|
اها يا اخواني ما تورونا الجديد شنو عشان نكون معاكم في الخط
مهند حيموره
|
Post: #318
Title: Re: مدنية الصحافة ... وكما نحبها
Author: HAYDER GASIM
Date: 01-27-2008, 08:49 AM
Parent: #317
شكرا عزيزنا ... مهند حيمورة,
كيف إنت والأسرة الكريمة
ربما فى مقبل الأيام توضح الصورة
أكثر فيما يتعلق بالموقع الإلكتروني
لمدينة الصحافة ... بس كمان ما لامين
فى أخوك علاء ... عشان نتفاهم معاهو في
الموضوع ده ... وربما آخرين كذلك .
حانصبر ... وبكل أمل وثقة ... فأنا متفائل.
مع مودتي
|
Post: #319
Title: Re: مدنية الصحافة ... وكما نحبها
Author: HAYDER GASIM
Date: 01-27-2008, 08:58 AM
Parent: #318
وصلت بريدي الرسالة أدناه:
| Quote: العزيز الرائع الأستاذ حيدر قاسم وقاسمنا الأعظم ذاك الجمال ومهد الفنون حوشكم العامر صحافة العظااام لقد أفتقدنا هذا الحوش كثيرا لعل المانع خير عزيزي وأنا من الذين يتابع لك كل ماتكتب وأن لقلمك طلاؤه وطراؤه وكثيرا ما تمتعني وتشوقني حرفا وكلمة ،وأعجز عن الرد وإيفاء ماتستحق من ثناء وهذة رسالة مودة أقبلها مني أخي الكريم . أخوك أبوقصى مجدي عبدالرحيم فضل إمتداد الدرجة الثالثة مربع 14 |
شكرا ... أبو قصي ... على الإطراء لشخصي
وأتمنى أن أكون عند حسن ظنك دوما, كما
تشكر عزيزي على تلك الكلمات الدافئة
والحنونة فى حوشنا الصحافة, وماكان بودنا
أن ننقطع هكذا ... لكنها الظروف الغلاب, فقط
نعدك وكل من يشاركونك هذا الإحساس بأننا سوف
نظل موجودين ما بقيت الصحافة. فيما هي مناسبة
كذلك لنبادلك أحاسيس الأخوة والجيرة والعشرة
مع إمتداد الدرجة الثالثة, وأرجو فى الذكر أن
تغري تحيات أسرة الصحافة الإسفيرية لكل حبانا
فى إمتدادكم الجميل.
مع عاطر المودة
|
Post: #320
Title: Re: مدنية الصحافة ... وكما نحبها
Author: Alsa7afa_30
Date: 01-27-2008, 10:36 AM
Parent: #1
|
Post: #321
Title: Re: مدنية الصحافة ... وكما نحبها
Author: HAYDER GASIM
Date: 01-27-2008, 08:05 PM
Parent: #320
شكرنن ... إبننا البار ... الصحافة تلاتين,
وهكذا أنت ... تجينا شايل الفرح والفال الحسن,
إختيارك يشبه ذوقك الرفيع, وجيناكم أغنية معبرة
وتخترق صميم وجداننا وتعبر عن كامل أحوالنا.
فليتنا من بعد نتضام بلا إنفصام ونتواصل بلا إنقطاع,
فأمامنا مسئولية كبيرة وخلفنا تاريخ عظيم... فلنكن
لهما.
تسلم عزيزي ... مع عاطر مودتي
|
Post: #323
Title: Re: مدنية الصحافة ... وكما نحبها
Author: omar altom
Date: 04-04-2008, 04:31 PM
Parent: #1
سلام ياشباب
البوست ده اليله مرقو ليكم بكري من الارشيف........... مزاجك راااايق ياريس......... وين ناس الصحافة اصحوا الانتخابات قرررربت
|
Post: #325
Title: Re: مدنية الصحافة ... وكما نحبها
Author: HAYDER GASIM
Date: 04-05-2008, 01:27 AM
Parent: #323
Quote: البوست ده اليله مرقو ليكم بكري من الارشيف........... مزاجك راااايق ياريس......... وين ناس الصحافة اصحوا الانتخابات قرررربت
|
عزيزي ... ود عثمان التوم الصغير ...
ياخي والله ليك وحشة ... وإن شاء الله وجدت
الأهل طيبين ... ياخ زيارتك للسودان ده
ما بوست بحاله ... ويا ريت تحكيلنا ...
وبس طمني بربك على صحة الوالدة والوالد
وسلوى ونجلاء وخالد وهاشم وكل عقدكم النضيد.
بعدين ياخ ما تعرج شوية على حلتنا وورينا
الحاصل والمتحصل ... بل والسودان كما رأيته.
أشاركك الإحساس بروقة مزاج أخونا بكري, فأنا
من شد { زعلي } من ناس الصحافة الإسفيريين
قررت ألا أرفع هذا البوست جزافا ... لكن يبدو
أن لأخينا بكري { رأي } ... وكلو خير .
فلنعد إلى مجرانا الإسفيري ... من بنات وأبناء
حيمورة فى السودان ... إلى فروعهم فى المهجر,
إلى أبو عناب إلى أبناء الصحافة بالرياض, إلى
الصحافة تلاتين ... إلى معاوية محمد بأمريكا,
إلى عيدروس بالخليج ... وحتى كبيسة ... والكيك.
يا أخوانا ... ده ما حلتنا الجديدة ... يعني إلا
كمان نلعب فيها سكج بكج وندقق فى طاحونة قاسم
ونشجع المشتري والعزيمة .
فأبقوا ... مارقين
مع مودتي
|
Post: #324
Title: Re: مدنية الصحافة ... وكما نحبها
Author: omer abdelsalam
Date: 04-04-2008, 08:01 PM
Parent: #1
حمدالله على السلامة يازعيم
نرجو ان تسمح لي مع هذه البداية ان نجدد عبر البوست تعازينا الحارة لأبن الصحافة شرق البار، وعضو المنبر والبوست ، الباقر ابراهيم { النضيف } بوفاة والده وعمنا العطوف الحنون العم ابراهيم
عليه رحمة الله
وأنا لله وأنا اليه راجعون
|
Post: #326
Title: Re: مدنية الصحافة ... وكما نحبها
Author: HAYDER GASIM
Date: 04-05-2008, 01:32 AM
Parent: #324
Quote: حمدالله على السلامة يازعيم
نرجو ان تسمح لي مع هذه البداية ان نجدد عبر البوست تعازينا الحارة لأبن الصحافة شرق البار، وعضو المنبر والبوست ، الباقر ابراهيم { النضيف } بوفاة والده وعمنا العطوف الحنون العم ابراهيم
عليه رحمة الله
وأنا لله وأنا اليه راجعون |
إنابة عن أسرة الصحافة الإسفيرية ...
البركة فيكم ... أخونا الباقر ... وربنا
يجبر كسركم ويحسن عزاءكم ... وإنا إليه
لراجعون.
شكرا حزينا أخي عمر عبدالسلام على تحديثك
لمعلومنا فيما إختاره الله ... ولا أراكم مكروها.
... والدوام لله
|
Post: #327
Title: Re: مدنية الصحافة ... وكما نحبها
Author: طارق جبريل
Date: 04-05-2008, 01:41 AM
Parent: #1
سلام يا ناس الصحافة
|
Post: #328
Title: Re: مدنية الصحافة ... وكما نحبها
Author: HAYDER GASIM
Date: 04-05-2008, 03:44 AM
Parent: #327
| Quote: سلام يا ناس الصحافة |
وسلام مربع ... يا ناس الإمتداد.
شكرا ... عزيزنا طارق جبريل
مع فارع الود
|
Post: #329
Title: Re: مدنية الصحافة ... وكما نحبها
Author: هاشم أحمد خلف الله
Date: 04-05-2008, 05:20 AM
Parent: #328
كبيرنا حيدر قاسم سلامات ومشتاقين كتير والله
البوست ده نكتو من وين ؟؟ اهي فرصة كويسة
نلاقي اهلنا ناس الصحافة من جديد ونطمئن علي الأخبار
تخريمة :-
يا حيدر عندي مجموعة صور لاعضاء رابطة ابناء الصحافة بالرياض
إنشاء الله انزلا ليكم هنا اما بخصوص الصور الاسرية فلازم
اخد الآذن منهم اولاً انت عارف بعض الناس متعقدة حبتين
|
Post: #330
Title: Re: مدنية الصحافة ... وكما نحبها
Author: HAYDER GASIM
Date: 04-05-2008, 06:25 AM
Parent: #329
الرائع ... هاشم ... تسلم,
ومفقود ... مفقود ... مفقود.
كيف أحوالك تكون والأسرة الكريمة
والأهل فى السودان؟ عسى الجميع طيبين.
Quote: تخريمة :-
يا حيدر عندي مجموعة صور لاعضاء رابطة ابناء الصحافة بالرياض
إنشاء الله انزلا ليكم هنا اما بخصوص الصور الاسرية فلازم
اخد الآذن منهم اولاً انت عارف بعض الناس متعقدة حبتين |
يسعدنا أن نرى صورة أي شخص يمت إلى الصحافة,
ومرحب بصورك الأسرية { بعد إجتياز المعاينة }
ياخ عليك الله دفر لينا ناس الصحافة المشاركين
في هذا البوست ... وخليهم إصحصحو شوية, وإدونا
من جملة ألف وأربعمائة واربعين دقيقة في اليوم,
فقط خمسة دقائق ... فهل لا تستحق الصحافة ذلك؟
مع مودتي
|
Post: #331
Title: Re: مدنية الصحافة ... وكما نحبها
Author: هاشم أحمد خلف الله
Date: 04-05-2008, 07:21 AM
Parent: #330
وهو كذلك يا زعيم من اليوم بالليل سابداء في تنزيل الصور
اما الأسرية فقد تاخذ بعض الوقت .
|
Post: #332
Title: Re: مدنية الصحافة ... وكما نحبها
Author: علاء الدين حيموره
Date: 04-05-2008, 09:35 AM
Parent: #331
الاخوة الصحافاب
اهلا بيكم واعتزر بشدة عن الانقطاع وذلك لظروف العمل ...
الاخ الجميل حيدر
الف تحية
Quote: بس كمان ما لامين
فى أخوك علاء ... |
اهو بعد ده حاتلمو فيني وبشدة
وقبل ان استرسل اتمنى من الجميع الترحم على روح الوالد ابراهيم والد الاخ الباقر وان يتغمده الله بواسع رحمته ..
ايضا حمدا على سلامة الاخ مزمل محمد محجوب ( 23 ) بعد نجاح عمليته وخروجه من مستشفى عبيد بالرياض ...
اما بخصوص الموقع فقد حددنا بعض المهام للاخوة في الخرطوم ولكن بدون نتيجة وسوف اعيد التنسيق مع الاخ مهند ونواصل فكرة المشورع الهام ..
اتمنى من الجميع المساهمة الفاعلة في بزوغ شمس هذا المشروع ...
ونواصل ..
|
Post: #333
Title: Re: مدنية الصحافة ... وكما نحبها
Author: هاشم أحمد خلف الله
Date: 04-06-2008, 05:40 AM
Parent: #331
|
Post: #334
Title: Re: مدنية الصحافة ... وكما نحبها
Author: HAYDER GASIM
Date: 04-06-2008, 05:52 AM
Parent: #333
Quote: اهو بعد ده حاتلمو فيني وبشدة
|
أخيررررا ... حمدالله على السلامة ...
عزيزنا ... علاء ... بركة السمعنا صوتك.
الدار غيرك خراب ... فكن بيننا, لنشعر
بالطمأنينة ... والإعتدال.
بعدين ... وييين ... عادل جبارة؟
وكيف أحوال أولاد الصحافة في الرياض؟
أما موقع الصحافة الإلكتروني ... فينتظر
مبادرتكم ... ومن قبل ... غيرتكم ...
فأبقوا جاهزين وأعمل { كولات } لكل من
يعنيهم الأمر ... ودعونا والصيف على
الأبواب ... أن نرى أبواب هذا الموقع
مفتوحة للإستجمام وتبادل الرأي والمشورة.
مع مودتي
|
Post: #335
Title: Re: مدنية الصحافة ... وكما نحبها
Author: HAYDER GASIM
Date: 04-06-2008, 05:54 AM
Parent: #334
أخوي ... هاشم ... تسلم,
بداية طيبة وصور رائعة,
بس وحاتك حسنا بالأسماء
... ما إستطعت لذلك سبيلا.
وفاخر مودتي
|
Post: #336
Title: Re: مدنية الصحافة ... وكما نحبها
Author: هاشم أحمد خلف الله
Date: 04-06-2008, 05:56 AM
Parent: #333
الوجيه سيف علي البشير اخو جبر الله
الصورة السابقة تظهر خالد حيمورة و الرشيد كرفرف
معليش يا حيدر عندي مشكلة في تحميل الصور
وبحاول اضغطا وبعدين انزلا
الالبوم يحتوي تقريباً علي 125 لقطة
|
Post: #337
Title: Re: مدنية الصحافة ... وكما نحبها
Author: عبدالله كع
Date: 04-06-2008, 06:15 AM
Parent: #1
ناس الصحافه سلامات
يا جافين ....
اسلو ياخي شوفنا عملنا شنو ؟؟؟؟؟؟؟؟؟؟؟
انشالله معزومين قريب يوم مفتوح
|
Post: #338
Title: Re: مدنية الصحافة ... وكما نحبها
Author: هاشم أحمد خلف الله
Date: 04-06-2008, 06:20 AM
Parent: #337
اخونا الحبيب عبدالله كع
شرفنا حضورك كتير
وإنشاء الله نكون معاكم في يومكم المفتوح
بس متين ؟ إنشاء الله في إجازة العشرة يوم القادمة .
|
Post: #339
Title: Re: مدنية الصحافة ... وكما نحبها
Author: HAYDER GASIM
Date: 04-06-2008, 06:25 AM
Parent: #337
Quote: اسألو ياخي شوفونا عملنا شنو ؟؟؟؟؟؟؟؟؟؟؟
|
مقصرين ... عزيزنا عبدالله ... لكن ليك علينا,
من الآن ... فصاعدا ... ستجدنا متوفرين وبكثرة
لكل حبيب صحافي ولكل خبر يهمنا ولكل جميل تضعه
الظروف في سلة حياتنا, بل ولكل حزن يصرفه المولي
على طريقنا.
فلك العتبى حتى ترضى ... مع آهل مودتنا... وتسلم.
|
Post: #340
Title: Re: مدنية الصحافة ... وكما نحبها
Author: عبدالله كع
Date: 04-06-2008, 06:49 AM
Parent: #1
استاذنا هاشم صباحك فل......
| Quote: بس متين ؟ إنشاء الله في إجازة العشرة يوم القادمة |
اكيد.... اليوم المقترح يوم الجمعه القادم انشالله وسوف تصلكم الدعوةانشالله
ــــ
حيدر يقصر الملح .......
Quote: مقصرين ... عزيزنا عبدالله ... لكن ليك علينا,
من الآن ... فصاعدا ... ستجدنا متوفرين وبكثرة
لكل حبيب صحافي ولكل خبر يهمنا ولكل جميل تضعه
الظروف في سلة حياتنا, بل ولكل حزن يصرفه المولي
على طريقنا.
فلك العتبى حتى ترضى ... مع آهل مودتنا... وتسلم |
إذا المرء لا يرعاك إلا تكلفا فدعه ولاتكثر عليه التأسف
ففي الناس أبدال وفي الترك راحة وفي القلب صبر للحبيب ولو جفا
ما كل من تهواه يهواك قلبه ولا كل من صافيته لك قد صفا
إذا لم يكن يصفو الوداد طبيعة فلا خير في ود يجئ تكلفا
ولا خير في خل يخون خليله ويلقاه من بعد المودة بالجفا
وينكر عيشا قد تقادم عهده و يظهر سرا كان بالأمس قد خفى
سلام على الدنيا إذا لم يكن بها صديق صدوق صادق الوعد منصفا
ـــــــــ
دربكم اخضر يا ناس الصحافه
|
Post: #341
Title: Re: مدنية الصحافة ... وكما نحبها
Author: omer abdelsalam
Date: 04-15-2008, 06:53 PM
Parent: #1
ياجماعة الصحافة وين ..دخلوها في التنظيم ولا شنو ؟
اصحواا يا أهلنا
|
Post: #342
Title: Re: مدنية الصحافة ... وكما نحبها
Author: بكرى الخليفة الكتيابى
Date: 04-15-2008, 07:14 PM
Parent: #341
الصحافه صحافه العظام من سبعه للحزام
الصحافه صحافه الهجيج من سبعه للصهريج
احبكم
بكري الخليفه الامتداد
حيدر وين تلفوناتل
|
Post: #343
Title: Re: مدنية الصحافة ... وكما نحبها
Author: عماد شمت
Date: 04-15-2008, 08:53 PM
Parent: #342
الصحافه فيها الدرر يابكري الخليفه
الصحافة قبلتنا هي الجسد والروح
تحاياي القلبية لكل احبتي بالصحافه
وياحليل الحزام الاخضر قالوا قطعوها الكلاب ,,,
دمتم ودامت ايامكم كلها سعادة
تحيه خاصة للحبيب حيدر قاسم والرشيد كرفرف والاخ خالد حيمورة
تسلموا
|
Post: #345
Title: Re: مدنية الصحافة ... وكما نحبها
Author: Alsa7afa_30
Date: 05-05-2008, 12:17 PM
Parent: #1
Quote: فلنعد إلى مجرانا الإسفيري ... من بنات وأبناء
حيمورة فى السودان ... إلى فروعهم فى المهجر,
إلى أبو عناب إلى أبناء الصحافة بالرياض, إلى
الصحافة تلاتين ... إلى معاوية محمد بأمريكا,
إلى عيدروس بالخليج ... وحتى كبيسة ... والكيك. |
|
Post: #346
Title: Re: مدنية الصحافة ... وكما نحبها
Author: مجدي عبدالرحيم فضل
Date: 05-05-2008, 01:05 PM
Parent: #345
الصحــــــــــــــــــافة تلبس حٌلــه زاهية مطَرزه بعِظــــــامه من القامات الشاهقه يعتليها القطب القاصي حيــد ر قاسم وفرعها المتدلي أحمد عوض عجوز حينما غرد بالصحافة صحافة العظام من سبعه لجنوب الحزام ،والصحافة صحافة الهجيج من سبعه للصهريج ، وفيهم شاعرنا هاشم والمتفاني عادل جبارة وعيال حيمورة وحسام الدين ومعاوية وغباشي الجواكر الهاشي وعبدالدائم الزايغ مننا في جده وجيت لقيتوا بجاي بس الصياد الشاطر بيلبد في..
أحبتي عام جميل وربع مديد بجمالكم ياريس الكتيبة القاصدة (حيدر ود عمي قاسم)
مزيد من الإبداع جيرانه الكرام .
،،،،أبوقصى،،،،
|
|
|
