Post: #1
Title: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-14-2006, 09:02 PM
Parent: #0
الإخوة والأبناء جميعا.. لكم منى التحايا والود
بمجرد أن نلت شرف العضوية والإنضمام لهذا المنبر الوطن وما أن ولجت (البورد) مستطلعا حتى وجدت أن موضوع البورد الأساسى هو مسألة فصل الأخ بكرى للأخت تراجى وحيث أنه قى ذلك الوقت لم أكن ملما (وربما حتى هذه اللحظة) بالحيثيات (الحقيقية) التى أدت إلى ذلك القرار الذى صاحبته ردود فعل (عنيفة) تشكك فى (ديموقراطية) أخونا باشمهندس بكرى فقد رأيت لكل ما سبق أن أتقدم بالإقتراح التالى :
أن يتم تكوين (مجلس شيوخ) من الأعضاء الذين تجاوزوا (الخمسين) والذين عرف عنهم الحيدة والموضوعية والأخلاق الفاضلة (وهم كثر) على أن يترأس هذا المجلس أكبر الأعضاء سنا وتكون واحدة من مهام هذا المجلس هو إستلام (الشكاوى) فى مواجهه الاعضاء الذين يتجاوزون لوائح وقوانين المنبر ومن ثم النظر فيها والتعامل معها (حتى لا يكون الأخ بكرى ضحية للتأويلات التى سوف تنتفى بوجود هذا المجلس المستقل) على أن تحدد كيفية إختيار أعضاء هذا المجلس ومهامة ...إلخ .. بعد أن تتم الموافقة على تكوينه من قبل (إدارته) !!
|
Post: #2
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: عبد المطلب خضر عبد المطلب
Date: 11-14-2006, 09:57 PM
Parent: #1
السلام عليكم
طرحت هذا الاقتراح في بوست بعنوان ( مجلس حكماء البورد ) في 26/3/2006
Quote: عاده ما أجي داخل لي مشاكل البورد بين الاعضاء في نصها.. و لا اعرف منو الغلطان ؟
لا نو بلقاهم بقولوا انو البوستات اصل المشكله مشت الخور .. والخور دا من يوم ما
( حفرو) بكري ماشفتوا.. لكن الظاهر انو تاني بغشى الخور قبل ما ادخل هنا ..
المهم انا داير اقدم اقتراح هنا اذا عجبكم ثنوه وطبقوه واذا لا..فلي اجر المحاوله ..
اقترح قيام مجلس حكماء من اعضاء البورد يتم اختياره من الاعضاء القدامي والمشهود لهم بالقبول بين اعضاء البورد حتي يتم تحكيمهم في المشاكل البتقع بين اعضاء البورد ويتدخلوا لحلها ..ويكونوا من المتابعين بشكل دائم للبورد حتى يعرفوا منوا البدأ اولا وانحرف بالحوار من الموضوع الى المهاترات ...
ماهي نوعية المشاكل التي اتكلم عنها ؟
اقصد الخروج من الحوار الموضوعي الى الاساءات الشخصية والتجريح لشخص المحاور واطلاق الاوصاف الشخصيه التي ليست لها علاقه بهذا المكان
مهمتهم معرفة من اخطأ اولا ومطالبته بسحب مداخلته المعنيه ومطالبته ايضا بتقديم اعتذار..ويمكن ايضا اعطائهم صلاحيات تعينهم على اداء مهمتهم هذه للضغط على من لا يستجيب .. وهذه الاخيره مرفوعه للباش / بكري ابوبكر.
الاقتراح مطروح لكم للاضافة واثراء الحوار حول هذا الموضوع لنصل في النهايه لمنتدى معافى ..
ودمتم بخير .. اخو/تي/اتي
|
مجلس حكماء البورد]
|
Post: #3
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابوبكر يوسف إبراهيم
Date: 11-15-2006, 02:15 AM
Parent: #2
رأي حكيم فكرة مجلس شيوخ أو مجلس حكماء ولكن يجب أيضاً أن لا يكون المجلس وسيلة لتجريد الرجل من إلتزاماته القانونية كونه أمين موقع ومسئول مسئولية مباشرة عن كل الخروقات.. المجلس يجب أن يكون مجلس يلجأ إليه للمشورة ولا يكون ملزم له بما يتعرض مع إلتزامات قانونية يمكن أن يكون منصوص عليها في إتفاقات إنشاء الموقع.. كل دعوتنا هي الإلتزام بالحقيقة وأدبيات الحوار لإغن تم تطبيق هذا فلن تكون هناك أي مشكلات!!
|
Post: #10
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 03:50 AM
Parent: #3
| Quote: ولكن يجب أيضاً أن لا يكون المجلس وسيلة لتجريد الرجل من إلتزاماته القانونية كونه أمين موقع ومسئول مسئولية مباشرة عن كل الخروقات.. المجلس يجب أن يكون مجلس يلجأ إليه للمشورة ولا يكون ملزم له بما يتعرض مع إلتزامات قانونية يمكن أن يكون منصوص عليها في إتفاقات إنشاء الموقع |
عزيزى أبوبكر ... خالص التحايا الطيبات
بالطبع ليس الهدف من الفكرة تجريد الأخ م بكرى من (صلاحياته) إنما تقديم المساعده و(المشورة) فى إدارة دفة (الموقع) بعد أن أصبح بهذا الحجم الضخم (كما ونوعا) وبالطبع الباشمهندس بكرى هو صاحب اقرار الأخير فى كل ما يتعلق (بموقعه) .. ولك ودى !!
|
Post: #9
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 03:30 AM
Parent: #2
عزيزى عبدالمطلب
التحايا والود
أنا أعترف لك بطرح (الفكرة) .. يبدو أن الجميع موافقين على المسألة بس عاوزة ليها شويه أخد ورد ورأى من هنا ورأى من هناك وده كلو بعد ما نسمع رأى (سيد الحوش) .. تحياتى وحبى !!
|
Post: #4
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: Abdelmuhsin Said
Date: 11-15-2006, 02:20 AM
Parent: #1
| Quote: رأي حكيم فكرة مجلس شيوخ أو مجلس حكماء ولكن يجب أيضاً أن لا يكون المجلس وسيلة لتجريد الرجل من إلتزاماته القانونية كونه أمين موقع ومسئول مسئولية مباشرة عن كل الخروقات]
|
Post: #5
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: على محمد على بشير
Date: 11-15-2006, 02:38 AM
Parent: #4
الاخ الفاتح
تحية واحترام
اوافق واؤيد اقتراحك
فقط اختلف معك فى حته ان يكون اعضاء هذا المجلس من كبار السن
ويجب ان يكون الاختيار وفق معايير اخرى كثيره وعلى ان لايربط
الاختيار لعضوية المجلس بالسن وحدها .
|
Post: #7
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: عصام دهب
Date: 11-15-2006, 02:58 AM
Parent: #5
الأخ الأستاذ / الفاتح
تحياتي | Quote: أن يتم تكوين (مجلس شيوخ) من الأعضاء الذين تجاوزوا (الخمسين) |
حقيقي مقترح رائع ..
بس مش ملاحظ إنو بالطريقة دي ما حيكون في سناتورة خالص ضمن الأعضاء ..
و بعد شوية نسمع تمييز و إقصاء و شنو شنو !!
أثني الإقتراح و آمل أن تكون مواصفات العضوية محل إجماع أو ما شابهه .
لك تقديري
|
Post: #12
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 04:02 AM
Parent: #7
Quote: بس مش ملاحظ إنو بالطريقة دي ما حيكون في سناتورة خالص ضمن الأعضاء ..
و بعد شوية نسمع تمييز و إقصاء و شنو شنو !! |
أخى وعزيزى عصام
لك مودتى
طبعا مسألة (فوق الخمسين) دى ح تخليهم كلهم يعملوا (نايمات) لكن طبعا يجب أن يتم تمثيلهمن فى هذا المجلس وأنا بالمناسبة من أشد المنادين بتواجد المرأة فى شتى المحافل ومن المدافعين عنها وعن قضاياها بشكل مستميت ومعليش (للتخريمة) دى !!
تحيــــــــــــــــــــــــاتى
|
Post: #11
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 03:57 AM
Parent: #5
عزيزى على
التحايا وخالص الود
حقيقة لم تأت مسألة (السن) هكذا جزافا ولكنها جاءت لعدة أسباب أولها تسهيل عملية تكوين المجلس وذلك بحصر مساحة الترشيح فى عدد (قليل) من الأعضاء ومن ثم عملية (الإختيار) لمن يتمتع بما يؤهله لأن يكون (عضوا) بالمجلس .. أتمنى إنك تكون فهمتمنى !!
هذا مع خالص تحياتى !!
|
Post: #6
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: Adel Sameer Tawfiq
Date: 11-15-2006, 02:57 AM
Parent: #1
| Quote: من الأعضاء الذين تجاوزوا (الخمسين) |
الفاتح !
كدة ضمان المجلس دا مافيه نسوان !!
الفكرة ممتازة مع التحفظات الذكروها الزملاء ، وأكيد مع الأضافات القادمة ممكن الناس تصل لتصور متكامل !
أنا برررررررة ! اقل من خمسين !!
|
Post: #13
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 04:07 AM
Parent: #6
| Quote: كدة ضمان المجلس دا مافيه نسوان !! |
يا مولانا .. هنالك فقرة (سقطت من الإقتراح) بتقول : لا يجوز ترشيح النساء اللواتى تجاوز عمرهن (الخامسة والعشرين عاماً) !!! وبعد ده براك شووووووف !!!
|
Post: #8
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: mekki
Date: 11-15-2006, 02:59 AM
Parent: #1
إقتراح جميل للغايه وكنت أفكر فى طرحه لكننا نعترف لك بالسبق...
هذا هو الحل الناجع للمسأله...
وكى نكون عمليين دعونا أن نبدأ بالترشيحات:
1.أبو ساندرا (شخص ديمقراطى ويحبه الجميع ولم يحدث ان شادد-من كمال شداد(!)- أحد)
2. الأستاذ احمد عثمان عمر المحامى (قانونى وعضو غير نشط فى البورد)
3. عنصر نسائى لا يحضرنى إسم محايد تماما لكن قد يتفق معظمنا حول الأستاذه الخلوقه تماضر
أى إقتراحات زياده
ويعطى هؤلاء الأعضاء حق فصل الأعضاء (نهائيا او مؤقتا) وإرجاعهم...
مع عقد محاكمه لهم (فى شكل بوست)...
بكرى مهمته فقط ترشيح العضو للفصل ويقوم مجلس الشيوخ بالبت فى الأمر...
تحياتى للجميع
|
Post: #14
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابوبكر يوسف إبراهيم
Date: 11-15-2006, 05:15 AM
Parent: #8
يا الفاتح
1) قالوا ليك حرام يكون من كبار السن براهم!! يعني حقنا راح طبعاً نحن من رهط الرئيس ريجان بتاع الزهايمر!!
2) مجلس الشيوخ أو الحكماء يفترض أن يكون له قواعد تنظم قيامه وتأسيسه وعدد أعضائه وكيفية إنتخابهم. لأني لآحظت أن بعض الممارسات بدأت تظهر ( نرشح لكم فلان ولا نزكي على الله أحداً)!!
3) والله يا الفاتح أنا خايف بكرة بكري أبوبكر يلقى نفسو غريب في موقعه وأنا الزمن وراني مصايب وعجايب في الغربة وشفت كيف يتغول الكسالى وأهل الكلام على العمل الذي تعب فيه غيرهم ويتداعون إلى القصعة طالما الفتة جاهزة للأكل ... والله بكره بكري يطلب منهم عضوية وكلمة مرور ما يدوها ليهو ويمكن يسألووه ؟ إتجاهك شنو؟ أوع تكون ماركسي ملحد؟ نحن عاوزين ماركسي مسلم!! ويقعدوا يعقربو ليهو المسائل لما إنجلط!!
|
Post: #15
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 05:39 AM
Parent: #14
| Quote: مجلس الشيوخ أو الحكماء يفترض أن يكون له قواعد تنظم قيامه وتأسيسه وعدد أعضائه وكيفية إنتخابهم. لأني لآحظت أن بعض الممارسات بدأت تظهر ( نرشح لكم فلان ولا نزكي على الله أحداً)!! |
يا عزيزى أبوبكر
أولا هذا المجلس المقترح مجلس إستشارى فقط يعنى ما عندو أى صلاحيات تجاه مالك المنبر بل هو كائن مساعد له ومالك المنبر الحق تماما إنو يقول للمجلس ده (مع السلامة) لو إتضايق من (حاجة) وثانيا : مسأله ترشيح الأعضاء فأعتقد إنو فى (شيوخ) كتار الناس بتتفق عليهم !!(شيوخ دى بقت تعمل ليناشد عصبى فى المصارين عشان كده قول عواجيز) !!ودمت أخى
|
Post: #19
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابوبكر يوسف إبراهيم
Date: 11-15-2006, 08:43 AM
Parent: #14
عُدل ونقل أدناه
|
Post: #16
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 05:44 AM
Parent: #8
عزيزى Kekki
الإقتراح هو جميل ومن شأنه أنو يضبط المنبر ويرتقى بيهو وكمان يساعد أخونا بكرى ده عشان ما يشيل الشيله براهو بس المسأله عاوزه ليها قعدة وشوية مباصرة .. مع محبتى
|
Post: #17
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابن الرشيد
Date: 11-15-2006, 06:23 AM
Parent: #16
أستاذناالفاتح
أتمنى أن لانفقد من عرفناهم
وأن لا يرحل عننا من وددناهم
على العموم
الفكرة بحق صائبة ورائعة
فقط أتمنى أن يكون هنالك أيضا ضبط
للبوستات التى تكتب فكثير منها
غير موضوعى بالمعنى الجاد
وأجزم أن أغلبها بأساليب وتعابير فاضحة سوف
ينهار بها هذا المنبر
والذى هو ملىء بالكرام
مع تحياتى
ولكم منى جميعا كل الود
|
Post: #18
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: أبو ساندرا
Date: 11-15-2006, 07:05 AM
Parent: #1
كتب الإستاذ / مكي :
Quote: .أبو ساندرا (شخص ديمقراطى ويحبه الجميع ولم يحدث ان شادد-من كمال شداد(!)- أحد)
2. الأستاذ احمد عثمان عمر المحامى (قانونى وعضو غير نشط فى البورد)
3. عنصر نسائى لا يحضرنى إسم محايد تماما لكن قد يتفق معظمنا حول الأستاذه الخلوقه تماضر |
أوافق على:
1- إقتراح الأخ جبرا
2- على ترشيح الأخ مكي للدكتور أحمد عثمان عمر فهو حكيم
3- على ترشيح الإستاذة تماضر شيخ الدين ، فهي جديرة
4- أعترض على ترشيح الأخ أبو ساندرا لعدم توفر شرط السن الخمسيني
حيث مازال المذكور يافعآ ولم يبلغ الحلم ناهيك عن الحكمة
كما إنه حاينحاز للستات ويجاملهن
أنا عارفو كويس
وشكرآ يا مكي
على الثقة
وشكرآ على الإشتقاق الظريف
وبالطريقة دي الواحد ما حا { يشادد } معاك
|
Post: #20
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-15-2006, 12:32 PM
Parent: #18
Quote: أعترض على ترشيح الأخ أبو ساندرا لعدم توفر شرط السن الخمسيني
حيث مازال المذكور يافعآ ولم يبلغ الحلم ناهيك عن الحكمة |
آآآآآآآآآآآآآآآآآآآآآآآمنا و صدددددددددددددددددددددددددقنا !!!!مع تحيـــــــــــــــــــــــــــــــــــــــــــــــــــــــــــــاتى !!
|
Post: #21
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابوبكر يوسف إبراهيم
Date: 11-16-2006, 01:40 AM
Parent: #20
الأخ الفاتح
القلم الحر الذي لا ينتمي لذاك أو لتلك أو لهذا هو الذي لديه حرية الحركة ومافيش حد حيقدر يقول ليهو إنت طلعت من الخط وخرجت عن السياسة العامة ألخ .. عشان كده يا خوي نحن دائماً وأبداً ما بنقبل على الإطلاق أن نُرشّح أو نُنتخب حتى لا تُقيد حرية أقلامنا وأفكارنا طالما كانت تلتزم أدبيات الحوار وموضوعية الحوار .. وكل ما فعلته في موضوع الإقتراح أني حاولت أن أضفي على الحوار جو من المرح والدعابة حتى لا تصير الحياة مَنَشّية زي اللياقة (فان هاوزن).. مع تقديري وإحترامي للجميع حتى وإن إختلفنا معهم فهذا لا يفسد للود قضية ..فلك و لهم التقدير وحق الإحترام حتى ترضوا عني جميعاً .. وأنا بطبعي وفاقي ولا أرضي على نفسي أن يغضب مني أي أخ خاصة أخونا ( أبو ساندرا) هذا الرجل العف اللسان الهاديء الطباع الدمث الأخلاق ..
أشكركم جميعاً
ابوبكر
|
Post: #22
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: 3mk-Tango
Date: 11-16-2006, 02:25 AM
Parent: #1
تحيات للجميع ..
اقترح علي الناس الجدد العودة الي الارشيف قليلا حتي يعرفو بعض
تجارب سودانيز اونلاين ...
وعشان ما تكون تجربة المجرب ..
احترامي ..
|
Post: #26
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-16-2006, 08:31 AM
Parent: #22
Quote: اقترح علي الناس الجدد العودة الي الارشيف قليلا حتي يعرفو بعض
تجارب سودانيز اونلاين ... |
I am a new member , I would like to go back to the archives, could you please tell me the method I have to follow !!
thanks
|
Post: #27
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-16-2006, 08:33 AM
Parent: #22
Quote: اقترح علي الناس الجدد العودة الي الارشيف قليلا حتي يعرفو بعض
تجارب سودانيز اونلاين ... |
I am a new member , I would like to go back to the archives, could you please tell me the method I have to follow so as to get these articles concerning the matter !!
thanks
|
Post: #23
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: أبو ساندرا
Date: 11-16-2006, 04:46 AM
Parent: #1
كتب الفاتح يوسف جبرا :
| Quote: آآآآآآآآآآآآآآآآآآآآآآآمنا و صدددددددددددددددددددددددددقنا !!!!مع تحيـــــــــــــــــــــــــــــــــــــــــــــــــــــــــــــاتى |
يطمنك ربي يا الفاتح
مع عامر الحب ، يا مؤمن يا صديق
و كتب أبوبكر يوسف إبراهيم :
Quote: خاصة أخونا ( أبو ساندرا) هذا الرجل العف اللسان الهاديء الطباع الدمث الأخلاق ..
أشكركم جميعاً |
حرام عليك يا ابوبكر
ان تسطر فيني هذا النعي المبكر
وإنشاء الله يوم شكري مايجي
حتى أخرف ويرفع عني القلم واعيس في الأرض جمال
شكرآ جزيلآ يا أبوبكر
وياريت نكون عند حسن ظنك
|
Post: #35
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ابوبكر يوسف إبراهيم
Date: 11-18-2006, 01:10 AM
Parent: #23
إنشاءالله عمرك يطول زي مجاري البحور .. قول آمين يا ابوساندرا
ابوبكر
|
Post: #24
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: lana mahdi
Date: 11-16-2006, 05:21 AM
Parent: #1
| Quote: أن يتم تكوين (مجلس شيوخ) من الأعضاء الذين تجاوزوا (الخمسين) |
الحبيب الفاتح
الحبيب عصام قال الدايرة أقولو: ما ح تلقو ولا سيناتورة
حتى السيناتور في ناس جقلبو قالو ما وصلو السن دي(كالوالد أبي ساندرا)
غايتو راجع شرط السن دة بعد دة بنجي و نناقش
|
Post: #25
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-16-2006, 08:19 AM
Parent: #24
| Quote: حتى السيناتور في ناس جقلبو قالو ما وصلو السن دي(كالوالد أبي ساندرا |
إنتى يا (لنا ما شفتى عمك (عادل سمير) جقلب كيف ؟؟؟ وبعدين أخونا (أبو ساندرا) ده باين عليهو ما حصل الخمسين لكن بينى وبينك (شنبو) ده بتاع (خمسة وستين) !!!
لك خالص مودتى !!
|
Post: #28
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: ناذر محمد الخليفة
Date: 11-16-2006, 08:35 AM
Parent: #1
!!!!!!!!!
| Quote: وبعدين أخونا (أبو ساندرا) ده باين عليهو ما حصل الخمسين لكن بينى وبينك (شنبو) ده بتاع (خمسة وستين) !!! |
:
|
Post: #29
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: Tumadir
Date: 11-16-2006, 08:40 AM
Parent: #28
| Quote: أن يتم تكوين (مجلس شيوخ) من الأعضاء الذين تجاوزوا (الخمسين) |
تقصدوا خمسين دولار مش؟
لا يا مكى شكرا وللمثنين ..انا عندى رايى فى الرقابة والمقصات والوصاية ..
شكرا على الترشيح
وانا لاقدركم لا لحم سدركم ...
|
Post: #30
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-16-2006, 11:10 AM
Parent: #29
| Quote: تقصدوا خمسين دولار مش؟ |
لا يا تماضر ......خمسين كيلو !!
|
Post: #31
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: أبو ساندرا
Date: 11-16-2006, 12:10 PM
Parent: #1
Quote: (كالوالد أبي ساندرا)
|
يا لنا ، شايف عندك حرف الف زائد بين الواو واللام
الصحيح هو كالولد
أعد
يا أخ جبرا
انا شايف الأحسن أن يكف بكري عن أصدار القرارات وإنزال العقوبات
ويجعل هذا المكان حرآ تمامآ
أي زول يسن قلمو
يتأدب
واللا يقل ادبو
ونترك الحكم للرأي العام
والعقوبات السكوتية
وهي توقع أن ينفض الناس عن الكتابات الهايجة
والناس الجايطة
ودي أفدح عقوبة
أن ينفض الناس من حولك
وينصرفوا عن بوستاتك
أن يتفادى الناس البوستات اياها
والإحتدامات البدون سبب
ويدعوها تذهب أسفل سافلين
في الحضيض
حيث مكانها اللائق
بالطريقة دي لابكري يتدخل
ومابنحتاج لمجلس حكماء وشيوخ
وأهل حل وعقد
|
Post: #32
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: د.أحمد الحسين
Date: 11-16-2006, 05:08 PM
Parent: #31
أتسآل: لماذا يحتاج الناس لشئ من خارجهم حتى يكونوا منضبطين وعفيفي اللسان؟
|
Post: #38
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 01:29 AM
Parent: #32
| Quote: أتسآل: لماذا يحتاج الناس لشئ من خارجهم حتى يكونوا منضبطين وعفيفي اللسان؟ |
مرحب بيك وشكرا على المرور د. أحمد
طبعا (الناس) ما (واحد) عشان كده (بعض) الناس (عاوزين ليهم) فرامل (خارجسة) .. وإلا شنو؟؟؟
|
Post: #37
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 01:25 AM
Parent: #31
Quote: انا شايف الأحسن أن يكف بكري عن أصدار القرارات وإنزال العقوبات
ويجعل هذا المكان حرآ تمامآ |
تحياتى وودى أبوساندرا
طبعا (الحرية المطلقة) فى مثل إدارة هكذا موقع لها مضار كثيرة و (ما بتودى الموقع قدام) .. والمسألة عايزه ليها شوية (إنضباط) ...هذا فى رأئنا المتواضع ودمت أخى
|
Post: #33
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: محمد مكى محمد
Date: 11-16-2006, 09:12 PM
Parent: #1
الاخوة الافاضل
اقترح مايلى:-
1.ان يكون جميع اعضاء المجلس من...السيدات الزميلات قوارير المنبر.
2.يرشحن و ينتخبن عضوات الملس فيما بينهن.
ربما يساعد هذا على تربيتنا ،بغض النظر عن السن،التربية الديمقراطية السليمة وان المرأة هى ايضاً انسان
مع ودى
محمد مكى
|
Post: #34
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: بكرى ابوبكر
Date: 11-18-2006, 00:12 AM
Parent: #33
الاستاذ الفاتح يوسف جبرا
سلام و تحية و اسف للتاخير فى الرد لكن الزحمة حاصلة و قبل ما تكمل مداخلتى المتواضعه هذه ارجوك الرجوع للارشيف لمعرفة المزيد عن هذا الموضوع ...............
اولا اشكرك لاهتمامك بالموقع و مسيرته و ارحب بك فى المنبر ولو انها متاخرة شوية
ثانيا بما انك جديد كدى نديك فكرة سريعة عن تاريخ ادارة المنبر منذ ان دشن المنبر فى منتصف 2000 الى اليوم مر المنبر بعد مراحل ادارية مختلفة .... بدا بادارتى ,ثم ادارة منتخبة,ثم ادارة مكلفة,ثم ادارة سرية.....الخ من تجربتى مع المنبر من 2000 الى اليوم ان المنبر شهد استقرار اداريا كبير فى السنوات الماضية مقارنة بالسنوات السابقة ....
اشكرك مرة اخرى وسوف اقوم بتقيم التجربة بنهاية هذا العام عندما قوم بتحديث و ارشفة الموقع
|
Post: #36
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: عبدالكريم الامين احمد
Date: 11-18-2006, 01:22 AM
Parent: #34
استاذ جبره سلامات وحبابك في المنبر
يازول الراجل ده اسمو (ميكي)...ما (كيكي)....
انت يا زول شكلك كده اكبر من ابوساندرا ذاتتو!!!!
فتش كيكي ده وين....
وعموما انا مع راي تماضر الراقي العميق...وبرضو انا لا قدركم ولا لحم سدركم..!!!
اخوك كيكي
|
Post: #39
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: doma
Date: 11-18-2006, 01:31 AM
Parent: #36
ارشح تفسي فقد تعديت ال 70 سنه من غير الجمع والعطلات
|
Post: #43
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 01:58 AM
Parent: #39
| Quote: فقد تعديت ال 70 سنه من غير الجمع والعطلات |
معنى كده يا doma عمرك هسع مع عطلات السودان و(المسيرات) الكتيرد دى 180 سنة !!!
|
Post: #41
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 01:55 AM
Parent: #36
| Quote: يازول الراجل ده اسمو (ميكي)...ما (كيكي).... |
نعمل شنو يا عبدالكريم (للكى بوردات) المعصلجة دى هو ما بركة الطلع (كيكى) !! عليك أمان الله (العجاج) بتاع (البلد) دى لمن (يدخل) فى الكيبورد نص الحروف ما تشتغل !!!
وشنو حكاية (لحم السدر) الطالعة دى !!!! هذا مع تحياتى !!
|
Post: #46
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 02:16 AM
Parent: #34
| Quote: اشكرك مرة اخرى وسوف اقوم بتقيم التجربة بنهاية هذا العام عندما قوم بتحديث و ارشفة الموقع |
شكرا ليك (إنت) أخى بكرى على هذا المجهود الضخم الذى تبذله وما قصدنا إلا (الإصلاح) ما إستطعنا والمساهمة فى خلق (ألية) للحد من (المسالب) التى تعترى (المنبر) من أجل (إستقراره) وتقدمه وذلك لإيماننا العميق بأن هذا المنبر يحمل (رسالة) سامية لشعبنا (الطيب) (الصبور) . وكما قد نذرنا أنفسنا لخدمة (السودان) فتجدنا إن شاء الله (تحت الخدمة) فى أى (خدمة) تخص (منبر السودان) -ما بتاع أخونا عثمان ميرغنى طبعاً- !!!!
أخد (راحتك) يا باشمهندس وقيم (تجربتك) وكان محتاج لأى حاجة إنت بس أشر !!
وشكرا ليك على الترحيب حتى لو (متأخر) !!!!
كسره :
حكاية إدارة (سرية) دى ما فهمتها !!!!!!!
|
Post: #40
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 01:49 AM
Parent: #33
| Quote: وان المرأة هى ايضاً انسان |
ما فى ذلك شك !!! يا ود المكى !!!
|
Post: #42
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: bob
Date: 11-18-2006, 01:56 AM
Parent: #40
عــلى ان اكــون رئيســا لذلك المجلس المزعم انشائه
وذلك اضعف الايمان!!
|
Post: #44
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 02:01 AM
Parent: #42
| Quote: وذلك اضعف الايمان!! |
مال أقوى (الإيمان) يكون شنو يا بوب ؟؟.. بكرى بقعد فى كنبة (الإحتياطى) !!!!
|
Post: #45
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: bob
Date: 11-18-2006, 02:05 AM
Parent: #44
| Quote: بكرى بقعد فى كنبة (الإحتياطى) !!!! |
بــكرى كفائته اقل من كفائتى وهو يعلم ذلك!!
لذلك وجــب عليه الجلوس فى تلك الكنبــه!!
|
Post: #47
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 02:19 AM
Parent: #45
Quote: بــكرى كفائته اقل من كفائتى وهو يعلم ذلك!!
لذلك وجــب عليه الجلوس فى تلك الكنبــه!! |
خلاص يا بوب أى واحد فيكم يجى يقعد معاى !!!
|
Post: #48
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: Waly Eldin Elfakey
Date: 11-18-2006, 02:04 PM
Parent: #47
دكتور الفاتح انشاء الله
عرفت قصة الادارة السرية دي
بعد ده
|
Post: #49
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: السنجك
Date: 11-18-2006, 02:17 PM
Parent: #48
اولا احبذ انه بكرى يتفاعل مع هذه المقترحات لانه ببساطه بكرى لما يتجاهلها تبقى طنق حنك ساكت
يعنى كتب فى هذه المساله الكثير وكان فيها مقترحات مفيده لكن شاله الريح
فاول حاجه دايرين نضمن متابعة بكرى
السنجك
|
Post: #51
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 10:29 PM
Parent: #49
| Quote: اولا احبذ انه بكرى يتفاعل مع هذه المقترحات لانه ببساطه بكرى لما يتجاهلها تبقى طنق حنك ساكت |
أخونا السنجك : راجع كلام الباشمهندس بكرى فى هذا البوست .. لك مودتى
|
Post: #50
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-18-2006, 10:25 PM
Parent: #48
| Quote: عرفت قصة الادارة السرية دي بعد ده |
والله يا والى الدين بالجد كده ما عرفتها.. ويبدو ليا فى الحاله دى لازم أستعين بصديق
|
Post: #52
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: Mohamed Adam
Date: 11-18-2006, 10:50 PM
Parent: #1
أخِي الفَاتِحْ يوسِفْ جَبرا
لَكَ مِنِي التَحِيّه مُزدَانَه بأرِيّجْ المَحَبَه.
ونُرَحِبْ بِكْ هُنَا بِكُلِ حَفَاوه.
أخِي:مُنذ بَاكُورة ِإنْشَاء هـذا المَنبَر لَقَدْ فُصِلوا أعضّاء كُثُرْ مِنْ بَيّنَهُم لا حَصّراَ:
رَوضّه مُردا
عَادِلْ عَبد العَاطِي.
خَالِدْ الحَاجْ.
و.....إلخ
إنَهُمْ وَرّبْ الكَعبَه كَانوا ولا يَزالونَ فَقدْ عَظِيّمْ نَتَألَمْ لِفَقدِهِمْ..
فإقتِراحَكْ يَا أخِي نَضَعَهُ نَصبْ أعيُننا إذا كَانَتْ إدارَة هَـذا المَوقِع لَيّسَتْ بِالجَداره التِي وبِالإمكَانْ أنْ تُدِيّرْه بِالوجِهِ المَطلوبْ..
أعلاهُ رأيّ الشَخصِي قَدْ يَحمِلْ بِطَيّاتِه الخَطَأ أو الصّوابْ.
مَعَ فَائق إحتِرامِي لَكَ.
|
Post: #53
Title: Re: إقتراح بتكوين (مجلس شيوخ) للبورد ... إقرأ وقل رأيك !!!
Author: الفاتح يوسف جبرا
Date: 11-19-2006, 03:08 AM
Parent: #52
| Quote: إذا كَانَتْ إدارَة هَـذا المَوقِع لَيّسَتْ بِالجَداره |
أخى محمد آدم ........... حففظة الله وتولاه
لم يكن الغرض من هذا الإقتراح هو (الطعن) أو (التشكيك) فى مقدرة القائمين على إدارة هذا (الصرح) بل كان الهدف هو مساعدتهم فى إدارته وذلك بإنشاء كيان (إستشارى) ينظر فى المقام الأول فى (تجاوزات الأعضاء) وذلك من منطلق (نصف رأئك عند أخيك) علما بأن قرارات هذا (الكيان) غير ملزمة لمالك هذا الصرح
هذا ما ازم توضيحة .. ولك ودى ومحبتى
الفاتح جبرا
|
|
|