يا ملاسى على بالطلاق (المنبر) ده خليتو ليك !!

يا جماعة الخير واحد يدى أخونا ملاسى ده راسو (الزول) ده متلحنى ليك كل ما أنزل (سيناريوهات) يتداخل بالعبارة التالية :

Quote: مش قلت ليك يا جبرا انو الناس ما حتحتمل الإسهاب – و التكرار - دا كتير! _____ ما تسمع كلام البيضحكك!!

أول حاجه أنا ما عارفو بيقصد بـ(الناس) الما (حتحتمل) ديل منو؟؟ يا ربى يكونو أفراد الشعب (الفضل)؟؟ ولا يكونو (جماعتو)؟؟ وإلا منو ما عارف؟؟ بعدينك ما عارف (مش قلت ليك ) القاعد يقول فيها عمال على بطال دى لزوما شنو؟؟ وكأنو فى (قارئ) أبدى تزمرو وعدم إرتياحو من (مقالاتى) !!! والأدهى من ذلك كمان جابت ليها (ضحيك) قال أيه ما تسمع كلام البضحكك) عليكم الله (الزول) ده ما بالغ ؟؟ عليكم الله أدو الزول ده رأسو عشان أنا ما فاضى ليهو.. ومش (المنبر) ده يا ملاسى على بالطلاق (خليتو) ليك !!

شوفو الرابط ده :

(سيناريوهات) : كنت فى جمهورية الأمازون]

Quote: ومش (المنبر) ده يا ملاسى على بالطلاق (خليتو) ليك !!

يا أُستاذ/ جبرا كدي صلي على النبي وخلي الحليفة دي غادي غادي...

أنا وغيري وكتيرييييييييييين دايرنك وبشدة (بيننا)...

لا تشيلك الهاشمية ساكت... قول بسم الله... ولو حسَّبتها تلقاها ماب تصل لي قدر دا...

لك ولحسين ملاسي كميات مودتي...


أبو الحســــــــين...

يا الفاتح,
ليكتب ملاسى ما يكتب وليملأ الصفحات بكلامه فهذا شأنه.
لكن أنت لابد لك من المواصلة, لأن هنالك أنآس وأنا أولهم ينتظرون سيناريوهاتك بكل الشوق واللهفة.

الأخ العزيز ملاسى: الفاتح جبرة صحفى يكتب ويبدع ويحس بنبضنا, فأرحمه من تعليقاتك الغير موفقة.
أما اذا كانت كتاباتات جبرا لا تنآسبك ولا تستسيغها,فهذا حقك ولكن أرجو أن تراعى حقوق الآخرين الذين يعشقونها.
وشكرآ,
عبدالمنعم الحويرص

استاذ الفاتح
تحية طيبة
ولا يهمك السيناريوهات دي لوما شالها الرأس تشيلها العين،بالله سيبك من ملاسي دا أصلاً عنده عمود اسمه شظايا يبخس فيه حاجات الناس ،واعتبرها شظية جاتك طايرة ذي دانات الجماعة التفرقعت اليوم الداك.

الرسول فيك ما تخليهو يا جبرا!!

الاستاذ المحترم
الفاتح جبر
تحياتي الحارة

لا أريد أن أنبهك عزيزي بأن كتاباتك هي ملك للكثيرين الذين ينتظرونك من الجمعة للجمعة
عبر صحيفة السوداني ... كتاباتك تتناول قضايا الشارع السوداني وهموم مواطنيه بجرأة
ربما تخيف الكثيرين من الذين يودون لمدادك أن ينضب .
سيناريوهاتك ياعزيزي ينتظرها الملايين فقط ليلامسوا همومهم عبر هذا القلم الجرئ الذي تحمله ...
ولملاسي أقول أن بإمكان الفاتح جبرا أن يكتب ( مثل الشظايا التي تكتبها) لكن صدقني لن يمر به أحد وإن مر سيكون من باب الشفقة والرثاء علي حال الكلمة الرخصية وساقط القول في وطن مليئ بحارقي البخور ومأجوري الكلمة وأنت جزؤ منهم .
جبرا إختار أن يكون جنباً الي جنب أيوب وصابر ومحمد أحمد وملوال وغيره من السودانيين الصادقين الذين لايملكون من نعيم هذه الدنيا سوي الامانة وعفة اليد والكلمة المسؤولة والرأي السديد ... فلتنفجر بغيظك فليس كل الاقلام تشتري وليس كل الرؤوس تجز بمقص السلطة والترهيب والابتزال .
عزيزي جبرا :
أتمني أن تتراجع عن قرارك هذا

Quote: ومش (المنبر) ده يا ملاسى على بالطلاق (خليتو) ليك !!

فهذا بالضبط مبتغي أملهم وأحلامهم واصل في سيناريوهاتك لفضح هذا الواقع البائس كحال من ساهمو في صناعته وإنا لمنتظرون .

...................

ود وتقدير

خضر

استاذ الفاتح
مساء الخير
تفتكر إنو دة الحل?..يعنى تحرم عشرات الالاف من القراء عشان خاطر واحد? ...ليكتب الاخ ملاسى ما يشاء وهذا حقة ولنتفق اولنختلف معه وهذا حقنا...وبعدين لو ماعجباهو سيناريوهاتك ...ما يقراها...


قرصة:عليك الطلاق اقعد...فى ناس كتار بيكونوا منتظرينك

أخوك محمد مكى

والله بعد حليفتك بالطلاق دي كان اتراجعت عنها تكون زول كضاب

ياخي النسوان ديل رخيصات كدا مالهم

مصير اسرة كاملة واطفال واجيال ونسب ومصاهرة

محكوم بي بوست في صفحة اثيرية لا راحت ولا جات

ذنبها شنو المسكينة بي ملاسي ولا مقالاتك الطويلة؟

عشان تحدد مصير حياتها ومستقبل اسرتها وزواجها؟

يا جبرة
اسمعني الجنا ملاصي ده مراهق جديد , بعدين في مرا محرشاهو يعني ده ما كلامو !!! ده كلام
ناقلو حسب التعليمات ... يا ملاصي : اسمعها مني كلمة : انت لو ما احترمت نفسك ... والله
بنفقعدك في علبك فاهم ؟؟ بعدين لما ترجع حاول تاخد الرضعة بتاعتك عشان بعدين لي قدام تلقي ليك
أخوان في الرضاعة.

فهمت ولا أعيد ليك بالالماني.
عالم وهم.

الأستاذ الفاتح يوسف جبرا

الكتابة هنا ملك خاص للعضو , وحرية شخصية
يكتب أو لا يكتب هذا شأنه

دخلت هنا لأن عنوان البوست يثير الغضب

هل الحلف بالطلاق لديك بهذه السهولة ؟؟ تعليق يخليك تحلف بالطلاق ؟؟!!

طيب إذا قررت العودة للكتابة هنا بناء على رغبة من طلبوا منك العودة

تكون زوجتك طالق يعني ؟؟ّّّ!!!!

وإذا استمريت في الكتابة في المنبر العام

تعليق خلاك تحلف بالطلاق
فإذا تعرضت لأي اعتراضات أو تعليقات أو نقد لأسلوبك ... حتقوم تعمل شنو ؟؟ حتحلف بالطلاق مرة تانية وتالتة ووو


يا أستاذ الفاتح , ذهابك يعد بالنسبة لي أفضل بكثير من استمرارك هنا بهذا الأسلوب
حفاظا على قدسية الزواج وإحتراما للمرأة

_______________________

كبرتِ في نظري كثيراً - أكثر من ذي قبل -
يا نهال كرار ....

Quote: عليكم الله (الزول) ده ما بالغ ؟؟

ما أظن ..

الرائع جبرا (مستشار الرئيس لشئون التنفيس)

يا خوي كلامك القاعد تككتبو دا لأنو ياهو البيعبر عن حالنا المزري عشان كدا بيكون زي السوط على ضهور ناس ملاسي ديل.
وعلى الحرام لو ما الزنقة الأسي هم واقعين فيها وولو ما الحركة شريك في الحكم كان زمان لحقوك أمات طه. وكان أسي ناس ملوص ديل شايلين سياطهم وقزاز ببسيهم الفاضي وشغالين فيك شغل نضيف.

أكتب ولاتنقطع عليك الله. وقد استجاب الأخ بكري لمطالبنا المتكررة بتخصيص مكتبة لسعادتكم. (مكتبة لجمع سيناريوهاتكم ! ما تفتكرا حاجة بتاكل من وراها عيش).

ويكفيك فخرا ما رأيته بعيني في القاهرة حيث يتجمع السودانيين كل جمعة أما مقاهي النت لطبع سيناريوهاتكم.

ناس ملاسي ديل يمكن "شظايا" ما مكفياهم ودايرين يزحفوا على السوداني.

وطبعا يا جبرا الزول دا من "نجوم القد" الكبار.

انا اتفق مع الكل انو الحليفة بالطلاق ما حاجة ساهلة لكن بالتاكيد لو ما الزعل الشديد ما كان الاستاذ الفاتح حلف بالطلاق وجل من لا يسهو .... فلنصفح عنة اذا كان مقتنع بانة مخطى ...

كسرة :
الحليفة بالطلاق عندنا واحدة من العادات والموروثات الخاطئية والمفروض انو الناس تفتح النقاش فيها والناس كلهم يعرفوا عواقبة عشان ما نحلف ساكت ودا اقتراح انو نفتح بوس عن مسالة الحليفة بالطلاق
وشكرا

Quote: هنالك أنآس وأنا أولهم ينتظرون سيناريوهاتك بكل الشوق واللهفة

أها يا جبرا

نجم نجوم "القد" جاء جاري وراء زولو وبعد شوية حيجيك أبو رزقة وبقية الأرزقية.
فالنجم أساسي كتب:

Quote: ياخي النسوان ديل رخيصات كدا مالهم ]

عليك الله كان ما رخيصات كنتوا بتتكلموا عن استعدادتكم لفض بكارة زوجاتكم.
بئس الزوج وبئس الزوجة.

طبعا ناس اساسي ديل من الناس الشاركوا في الحرب في الجنوب وقال تاني لو أتيحت ليهو الظروف حيمشي يحارب.

لا فض الله فاك يا نهال...

أنا ذاتي متحيرة في حكاية (طلقة على الهوا) دي..

Quote: يا ملاسى على بالطلاق (المنبر) ده خليتو ليك !!

ود جبرا إذهب واطعم عشرة مساكين أو صم ثلاثة أيام

وبعدين نحن ما عارفين انت حلفت طلاق من منو من المرة

أم طلاق من صيد السمك أم من كرعينك ...


بعدين الود ملاسي قاصد يخليك تسيب المنبر لأنه التعليمات

جاته كده ....!!!!!!!!

اسمع لي في قصص إنهم بينسخوا سيناريوهاتك في العتبة و انبسط!

____
بس عليك الله ما تنسى تلاحظ لقراء سيناريوهاتك في البورد في
الفترة الاخيرة بقوا كم .. و أحسن ليك ما تسمع كلام البيضحكك!!

يا استاذ جبره
ملاسي اييه البخلو ليهو البورد..!!!!
ملاسي ده تلعب معاهو (داشنغ _داشنغين) علي الطائر (كده) تاني
مش ملاسي (صحبو) تبلدينا ذاتو ما يجي بجنبك..!!!

الاستاذ جبرة
حزنت جد لقرارك للذهاب
ولحليفتك بالطلاق...

اها نحنا البرة ديل نقرأ ليك وين تاني؟

و هكذا يكون ملاسى قد حقق غرضه

Quote: وطبعا يا جبرا الزول دا من "نجوم القد" الكبار

طيب ما كان تقولوا كده من زمااااااااان ... لا حولااااااااااااااااااا
بالله هو كده؟؟؟؟!!!!

Quote: ود جبرا إذهب واطعم عشرة مساكين أو صم ثلاثة أيام وبعدين نحن ما عارفين انت حلفت طلاق من منو من المرة أم طلاق من صيد السمك أم من كرعينك ...

نموذج حى لما يعرف بـ فقة السلطان !

-------------

الاستاذ الفاتح جبرا ، فى الحقيقة خسارة كبيرة،

و خسارة اعظم ان تترك كل هولاء المريدين بسبب تعليق فرد

و كما انه يهمنى انا كـ شخص تابعت كتاباتك المتفردة ان اعرف

ردك على موضوع (حليفة الطلاق) دى و اتمنى من كل قلبى انك تكون

ليه عزابى ، و ساعتها ممكن نعتبرها جنحة !

لا اعرف كيف ستخرج من هذة الكبوة! و لكن all the best

..
.
اوعاك تجى راجع يا جبرا
لانو طلاقك الفاكيهو على الهواء دا وقع امام 5 الف عضو !!

اسمع نصيحة اختنا نهال ..
والله يعدل طريقك

Quote: مش ملاسي (صحبو) تبلدينا ذاتو ما يجي بجنبك..!!!

هو زول بطلق على الهواء مباشرة وما احترم
الحياة الزوجية ولا ام العيال البجيبنى جنبو شنو !!؟؟

______________________

والله بقت حالتك صعبة يا كيكى ..
بتذكرنى بام دفانة .. عرفتها !!

كتب تبلدينا هنا..الدكتور و المحامي!

Quote: كيكى ما جاء مارى بهنا ...!!؟

......
شفت يا تبلدينا قلنا ليك تدفن (كيوبل) حندفن لغم..!!
...

Quote: والله بقت حالتك صعبة يا كيكى .. بتذكرنى بام دفانة .. عرفتها !!

اها ياوريف ام دفانة منو فينا حسع ؟؟؟..
انا غايتو ام بحتي (بتعرف ام بحتي يا تبلدينا)...؟؟

..
.
ياخى يا كيكى سألت عنك الدكتور والمحامى
حبيت أطمئن عليك ..
لانك متعود - دايماً - تمر بشارع حسين بن ملاسي !!

يوم بحيتك دا والغامك دى بتفرطق ليك راسك ..

______________________

ممكن تنتظر الخريف عشان لقب وريف يتماشى
وواقع الحال
وشكرأ على كل حال ..

الفاضل أستاذ الفاتح جبرا..

لا يترك المنبر لفلان أو علان.. لأن بالمنبر أذواق وأقلام ومتابعات تختلف من موضوع لآخر، ومن كاتب لآخر..

التعليقات (الظريفة) الممكن تتكتب في البوستات إما يترد عليها في مكانها أو يتم تجاهلها.. ولو أي زول مشى ورا الكلام القاعد يقراهو في المنبر ده، زماااااان كان بقى خلا.. إنت ما بتشوف كل يوم وفي أنصاص الليالي الحرابة بتقوم والعك بيوصل لغاية السما. وتاني يوم تجي تلاقي كأنه ما في شئ حصل..

طوًل بالك..



الحبيبة نهال..

سلام..
قلنا نخرًم هنا..

أحسب الطلاق الفي العنوان ده ليس (حقيقيا). وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر.. ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته.. أنا بعرف أولاد صغار لسة ما عرًسو بيحلفو بيها!!!!

مع تثبيت عدم تأييدي للاستخفاف بامور زي دي. لأن هناك امور (جدها جد وهزلها جد)..




يا تبلدينا قلت لي 5000 قارئ شهدوا على الطلاق؟ طيب حكمك شنو في طلاق رئيس بلدكم الشهد عليه العالم كله وهسع القوات الدولية داخلة؟

والود للكل

هشام آدم
تحياتي
وشكرا على الإطراء

العزيزة رجاء
تحياتي

Quote: أحسب الطلاق الفي العنوان ده ليس (حقيقيا). وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر.. ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته.. أنا بعرف أولاد صغار لسة ما عرًسو بيحلفو بيها!!!! مع تثبيت عدم تأييدي للاستخفاف بامور زي دي. لأن هناك امور (جدها جد وهزلها جد)..

يا رجاء بما أن الأستاذ الفاتح جبرا صحفي وكاتب المفروض وعيه في هذه الأمور يكون أكبر من كده
الحليفة بالطلاق كتيرة لدا السودانيين , ودا قطعا ما صاح والمفروض من شخص في مكانته انه يساعد في نشر الوعي , مش يحلف بالطلاق بسبب تعليق وفي موقع إلكتروني !!!

كما قلتي انتي هناك أمور ( جدها جد وهزلها جد ) ومنها الطلاق , لا يمكن اعتبارها ( جملة بغيضة ) وما حقيقية

انتوا خليتوا القضية الاساسية وبقيتوا فى الفرعية وهى تجريم الضحية!!
ملاسى موش يخلى الزول يطلق بس!
يخليهو يسب الدين للبورد كمان
جنى

Quote: الحالة الاجتماعية: Married

كنت عاوز اعمل ليك مخارجة من البروفايل بتاعك
لكن لقيتك غاطس تب ومافى طريقة مخارجة.....

غاينو ملاسى ده يوم بودر ليهو زول

Quote: يا أستاذ الفاتح , ذهابك يعد بالنسبة لي أفضل بكثير من استمرارك هنا بهذا الأسلوب حفاظا على قدسية الزواج وإحتراما للمرأة

أسهمك نزلت عندي كتير يا أستاذ ............ يا ريت لو ما رديت على ملاسي

..
.

Quote: يا تبلدينا قلت لي 5000 قارئ شهدوا على الطلاق؟ طيب حكمك شنو في طلاق رئيس بلدكم الشهد عليه العالم كله وهسع القوات الدولية داخلة؟

حلوة وملعوبة رئيس بلدكم ..
والله انا البلد عاجبانى ومكسرانى ورجعت ليها وما فايت كتاحتها
وسخانتها شبر ..
والبقية .. يعطى الملك لم يشاء وينزع الملك ممن يشاء
رئاسة البشير دا حكم الله ..
اما طلاقو واقع .. لو القوات دخلت بحسب قوانينها
بس واقع على المره الاولى

Quote: أحسب الطلاق الفي العنوان ده ليس (حقيقيا). وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر.. ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته.. أنا بعرف أولاد صغار لسة ما عرًسو بيحلفو بيها!!!!

والله ليها قيمة وفيها عدم تقدير للمراة واستخفاف بهذا العقد الشرعى
وذلك الرباط الذى جمعهم ..
ولو الاولاد صغار حلفو بيها ديل صغار
لكن كدى ارفعى عيونك وشوفى ( ابوشنب ) دا .. دا كلام يقولو

___________________

جبرا طلاقك واقع واقع ..

العزيزة نهال.. شكرا على ردك وإهتمامك..



العزيز تبلدينا.. شوف البلد ما مكسرة منو.. إلا كتاحتها وسخانتها دي خليتها ليكم ..

رئيس بلدكم، هو رئيس بلدنا، والبلد بلد البنت والولد.. مش أدونا ليها كده في الابتدائي ..؟




آسفين أستاذ جبرا على التخريمات الواجبة..

الود للكل

..
.
شكرأ للتوضيح يا عزيزة
بس اعتقدت لوهلة انك انتقلت من مرحلة الاغتراب الى الهجرة

__________________________

زوغانكم دا البخليهم يقعدو 17 سنة ووانحنا السخانة هاريانا
وبكره تقولو تجمع ديمقراطى وتمثيل نسبي وهلما جرا ..

Quote: حلوة وملعوبة رئيس بلدكم .. والله انا البلد عاجبانى ومكسرانى ورجعت ليها وما فايت كتاحتها وسخانتها شبر .. والبقية .. يعطى الملك لم يشاء وينزع الملك ممن يشاء رئاسة البشير دا حكم الله .. اما طلاقو واقع .. لو القوات دخلت بحسب قوانينها بس واقع على المره الاولى

حكم الله ما عندنا فيهو كلام!لكن الفيك عرفناها!
جنى

..
.

Quote: حكم الله ما عندنا فيهو كلام!لكن الفيك عرفناها

بس لا اعتقد انك عرفت الفرق بين طعم اكله السمك فى الموردة وابحر

_______________________

شرفونا فى بلدنا لنكرمكم مثلما فعلتم
وجيب معاك رجاء

Quote: : ود جبرا إذهب واطعم عشرة مساكين أو صم ثلاثة أيام وبعدين نحن ما عارفين انت حلفت طلاق من منو من المرة أم طلاق من صيد السمك أم من كرعينك ...

Quote: نموذج حى لما يعرف بـ فقة السلطان !

سلطان منو يا ملك !!!!


أنا لا أعترف إلا بسلطان مايرنو !!!!!!!!

Quote: سلطان منو يا ملك !!!! أنا لا أعترف إلا بسلطان مايرنو !!!!!!!!

استاذنا فاروق!
انا بعرف آدم دبالو سلطان الرزيقات!
عندنا صاحبنا فى الكونكان برفع ورقو جاهز قافل على الفتوح انا مسميهو ادم دبالو عشان مرزق!
جنى

Quote: هل الحلف بالطلاق لديك بهذه السهولة ؟؟ تعليق يخليك تحلف بالطلاق ؟؟!! طيب إذا قررت العودة للكتابة هنا بناء على رغبة من طلبوا منك العودة تكون زوجتك طالق يعني ؟؟ّّّ!!!!

الأخ الفاتح جبرة..

يعني ما قادر تقول يا ملاسي المنبر ده خليتو ليك ..بدون طلاق يعني حافي كده...
بعد العملتو في نفسك ده ..ما نشوفك تاني بهناإلا...!!
لا شكـ إنك لو توفق في إختيار الجملة المعنونة للبوست أو ربما تقصدها...

ومش (المنبر) ده يا ملاسى على بالطلاق (خليتو) ليك !!
كَب !
أنا أخوك أنتا !
مرجوعة يا زول
مرجوعة تب
وفي مسماها وحبلها


عبارة سودانية مفعمة بالمحبة والفنجرة
ولكنها لا تغني عن استحقاقاتها الشرعية والاخلاقية شيئا
الله يديم المودة
_______________
رب اشرح لي صدري

تجري يا راجل ..!!

اخي الفاتح سلامات وكل الشوق ياخي


اولا حليفتك دي ما تمشي علينا لانها غير ملزمة لك دينيااو قانونيا ... ومن كان حالفا فاليحلف بالله..

وثانيا نبثك تحياتنا من كسلا والتي تتزين اليوم بحضور الجنرال

Quote: يا تبلدينا قلت لي 5000 قارئ شهدوا على الطلاق؟ طيب حكمك شنو في طلاق رئيس بلدكم الشهد عليه العالم كله وهسع القوات الدولية داخلة؟

شن قوووووووووووولك يا البشير
شن قوووووك ... جب ..جب .. جب

والله كلام

عوض حمزة

Quote: استاذنا فاروق! انا بعرف آدم دبالو سلطان الرزيقات!

الملك (آدم أم دبالو)
كان سلطان (تقلي)
يا أبو الجنون

ــ

الله يهديكــ
و يهدي ملاسي و جبرا

قانون الأحوال الشخصية السواني لسنة 1991

حالات وقوع الطلاق.

129ـ يقع الطلاق:

(أ) باللفظ الصريح، أو الكتابة، وعند العجر عنهما، فبالاشارة المفهومة،

(ب) بالكتابة إذا نوى الزوج ايقاع الطلاق.

حالات عدم وقوع الطلاق.

المادة 130 - لا يقع الطلاق:

(أ) المعلق على فعل شئ، أو تركه، الا بالنية،

(ب) بالحنث فى يمين الطلاق، أو الحرام،

(ج) المقترن بالعدد لفظاً، أو كتابة، أو إشارة، الا طلقة واحدة رجعية.

Quote: اسمع لي في قصص إنهم بينسخوا سيناريوهاتك في العتبة و انبسط! ____ بس عليك الله ما تنسى تلاحظ لقراء سيناريوهاتك في البورد في الفترة الاخيرة بقوا كم .. و أحسن ليك ما تسمع كلام البيضحكك!!

this is so mean
ya Malassi Jabra is one of the good writers and good people here.. why are you being so rude with him?
____
Jabra, i wish that you change your mind.
and i don't think it's fare to punish people who enjoy your writings to satisfy someone who donesn't.
please do your best to stay for us..

يا ياسر ما ممكن ياخي الكاتب – أي كاتب – يحتفي
بالإطراء – مجاني أو مستحق – و يطلق عند إبداء أي
ملاحظة سلبية!

يافاروق جبرا

هنالك فتوة جديدة لنج عندما يحلف رجل طلاق
وانت ياخو طلاقك واحد من مواطن عادى
لكن هنالك زول حلف طلاق ثلاثة ورئيس بلد كمان
اسى تنازل...اها خلينا نشوفو سوى شنو
ونجبيبلك الخبر القين..

Quote: يا ياسر ما ممكن ياخي الكاتب – أي كاتب – يحتفي بالإطراء و يطلق عند إبداء أي ملاحظة سلبية!

في دي، صدقت شظاياك يا شيخ ملاسي أبوشظايتن نار... ولكن، وينا السلبية هنا؟؟

Quote: – مجاني أو مستحق –

في دي ـ لم تصدق يا شيخ ملاسي ـ كيف يكون مجانياً ما قد يمهر بدم كاتبه في حين تجاوز غير مقصود (للدستور)، أو ما يدفع فيه الغلابة حق فطورهم؟

ـــــــــــ

بالمناسبة:هل يغير الصحفيون في السودان على مضارب الصحفيين في السودان؟؟؟ و لماذا؟؟؟

ـــــــــــ

سنة يا صحافة بلدنا !!!

Quote: استاذنا فاروق! انا بعرف آدم دبالو سلطان الرزيقات!

جني الكلام دا جيبتو من وين ؟؟

كسرة:
الله يستر منئم ما يمر بهنا

بتباااااااااالغ يا جبرة



ملاصي ده زول سااااااااااكت

الأستاذ الفاتح جبرا
وجودك أهم كثيرا من وجود المدعو ملاسي
وصدقني لا وجود لشخص بعينه يدعى ملاسي وهو شخصيةوهمية تم تركيبها في مكتب جهاز الأمن بالمقرن، المكتب المخصص لمراقبة الشبكة والمواقع السودانية.
وأتمنى أن يكذب ملاسي هذه المعلومات وينشر صور شخصية مختلفة له شرطا تكون مع مع ناس من المنبر أو حتى من غير المنبر بدلا عن صورته الحالية.

..
.
بسم الله الرحمن الرحيم

يا عاطف مالك يا زول !!
السطرالاول قلنا دا كلام رمزى
السطر التانى جادى فيهو

الزول ما شفت ليهو صور خالص معانا
ياخى دا جارى وصحبي وفردتى كدا ( وضم الوسطى والسبابه معاً )

_________________________

عليك الله يا ملاسي ما دام بقيت امنجى
عايز لى تصديق تظليا وبطاقة امن ..
كرهونا بالمخالفات ناسكم ديل

Quote: وصدقني لا وجود لشخص بعينه يدعى ملاسي وهو شخصيةوهمية تم تركيبها في مكتب جهاز الأمن بالمقرن، المكتب المخصص لمراقبة الشبكة والمواقع السودانية. وأتمنى أن يكذب ملاسي هذه المعلومات وينشر صور شخصية مختلفة له شرطا تكون مع مع ناس من المنبر أو حتى من غير المنبر بدلا عن صورته الحالية.

موبالغة لاكين!

Quote: جني الكلام دا جيبتو من وين ؟؟ كسرة: الله يستر منئم ما يمر بهنا

زمااااان فى المدرسة ادونا ادم دبالو اكيد تشابهت على الامور بدل سلطان تقلى عملتوا بتاع الرزيقات المهم هنالك رابط يجمع ادم دبالو بالرزيقات لا اذكر ما هو بس انتو ساعدونى شوفوا لينا ادم دبالو الورطنا بالمهدية دا لى يوم الليلة ما دايرة تتفكا مننا!
جنى

Quote: لملك (آدم أم دبالو) كان سلطان (تقلي) يا أبو الجنون

لكين دى عوجة دى!
يعنى ما ينفع سلطان للرزيقات ولو باثر رجعى!
جنى

الفاتح


مشتاااقين ياااخ


علي الزواج ما تخلي المنبر دا لملاسي



___

بعدين الراجل ده زميل جديد ويمكن غيرة عمل وكده

Quote: يافاروق جبرا

أبوقوتة الجميل ....


لييييييييييييييييييييه الغلط يا بيه ؟؟؟؟؟؟؟؟!!!


ما عارف دي إشانة سمعة ليّّّّّ ولا للفاتح ؟؟؟


خاصة ونحن (موردة)!!!!!!!!!!!!! وبنلعب للهلال !!!!

!!!!!

Quote: وصدقني لا وجود لشخص بعينه يدعى ملاسي وهو شخصيةوهمية تم تركيبها في مكتب جهاز الأمن بالمقرن، المكتب المخصص لمراقبة الشبكة والمواقع السودانية.

معقولة كلامك دا يا عاطف !!

Quote: نموذج حى لما يعرف بـ فقة السلطان !

يا كيكي يا خي ما تكلم أخوك ده ....

هو ما عارف نحن ناس (دردق) وتحديدا ناس (الكتلة)

وما عندنا سلطان لا في دردق ولا أمبارونة !!!!!!!!!!!

Quote: يا كيكي يا خي ما تكلم أخوك ده ....

مرحب فاروق القلم الشجاع
يا فاروق الزول ده (ما اخوي ياخي) القصة اسم علي اسم
انا عندي 2 اخوان واعضاء في هذا المنبر
وهم
احمد الامين احمد
وصلاح الامين..
وحبابك وحباب دردق والعشير ذاتتو...

Quote: أبوقوتة الجميل .... لييييييييييييييييييييه الغلط يا بيه ؟؟؟؟؟؟؟؟!!! ما عارف دي إشانة سمعة ليّّّّّ ولا للفاتح ؟؟؟ خاصة ونحن (موردة)!!!!!!!!!!!!! وبنلعب للهلال !!!!

فاروق حامد محمد

انا آسف...ياخى انتو عندى زى النيلين الازرق والبيض والطوب والاسمنت
والفول والعدس وال q و u...

الفاتح جبرا
فاروق حامد
ابوبكر
الطيب شيقوق
بت طلحة...
كلكم ابناء دفعة ساهم فى دفع هذا البورد للامام..
كل ما اشوف احدكم اتذكر البقية
ليه الزعل ياناس..
يافاروق ود جبرا قول ل الفاتح حامد محمد
تعال راجع
البورد بدونك خراب..
زى الزراعة بدون سراب...
لا يواليها الشراب..
وتصبح ارضا جداب..
تعال املئ الجراب..
واكتب من اعلى الهضاب
الكل من يراك يهاب
ويحرق الفساد كاللهب...
صلى يارب عدد الشهب
على المصطفى النبى الارب
لابقوتة الناظم تزاح الحجب..
ويشكر الفاروق الذوق والادب..

الاخ عاطف


تحياتي


لم اقابل هذا الشخص حقيقة بالخرطوم طوال هذه الفترة

اعتقد بان الصورة التي يضعها المدعو حسين ملاسي

تخص الممثل حسين فهمي .

Quote: ومش (المنبر) ده يا ملاسى على بالطلاق (خليتو) ليك

!
يا جبرا معقول تسيب البورد ده
كله علشان ملاسي انا خايف يكون فيه سبب تاني
و بعدين الناس ديل ما لهم في موضوع الحليفة دي
و الطلاق ... ما السودانيين ديل كلهم بحلفوا طلاق وما جادين
! كدي واحد يفسر لينا قوله تعالي
.....لا يؤاخذكم الله باللغو في ايمانكم...
و بعدين نفرض انه جبرا حلف و نحن اقنعناه و رجع البورد
الحاجة دي و الله اعلم عندها كفارة كما ذكر احد الاخوة اعلاه



الاخ عاطف عبدالله ...
و الله بالغت حسين ملاسي ده غير
صورنا الاتصورناها معاه الكتيرة هنا
بتلاقي و بنتكلم بالتلفون ....
و كمان من الصباح بنشتري الجرايد
من كشك و احد.... و تقول لس شخصية
و همية... كدي الواحد يتنفض كده يمكن
يكون هو ذاته وهمي....
اكان كده الناس الوهميين ديل كتار
ناذر
تبلدينا ... انا...
ولا كيف؟؟؟؟ غايته مداخلتك
دي اظرف مداخلة

استنادا على مداخلة الأخ محمد عبدالمطلب أدناه:
وتحديدا المادة 130/ب

Quote: قانون الأحوال الشخصية السواني لسنة 1991 حالات وقوع الطلاق. 129ـ يقع الطلاق: (أ) باللفظ الصريح، أو الكتابة، وعند العجر عنهما، فبالاشارة المفهومة، (ب) بالكتابة إذا نوى الزوج ايقاع الطلاق. حالات عدم وقوع الطلاق. المادة 130 - لا يقع الطلاق: (أ) المعلق على فعل شئ، أو تركه، الا بالنية، (ب) بالحنث فى يمين الطلاق، أو الحرام، (ج) المقترن بالعدد لفظاً، أو كتابة، أو إشارة، الا طلقة واحدة رجعية.

لا يوجد أي مبرر لتوقفك عن الكتابة، .....

ويا جبرا يا أخوي انت عايز تتلح نظام دولة الأمازون، وعايزه يريحك.....!!!!

Quote: لا يترك المنبر لفلان أو علان ..

وكت لا يترك لفلان أو علان .. مالك خليتيهو بالسنين!!

وعشان إكتشفتا كده يا ملاسي جيت راجعة..

ايوااااا

المدعو مالاصي : وكنيته :
الدلاها المباريه طه!!! فهمتها ولا أشرحها ليك بالألماني ؟؟؟

الكتبتو في البوست دا و الفتاوى التي أتتك تترى؛
ممكن تنكتب فيها سيناريوهات ما تخلص يا جبرا!
_____
و في أنفسكم أفلا تبصرون يا .. شيخنا!!

أها

الطلاق وقع؟

ولا لسة؟ (يتلولح!)

اهداء خاص الى حسين ملاسي و بقية الرجال الاناتي !!]

اولاً يا استاذنا جبرا سيناريوهاتك غاية في الروعة
ثانياً هذا الرجل ملوسي ام سالوسي يعبر عن وجهة نظر يجب ان تحترمها بما انها مجرد وجهة نظر
ثالثا ربما يكون هذا الرجل مسئولاً و يجب ان تتحمل نتيجة الحملة التي تشنها على المسئولين لصالح الشعب
اخيراً انا و ان كنت مواطن من الشعب اقول لن امل سيناريوهاتك يا جبرا حتى تجافي الواقع فما راي الاخوة ابناء الشعب

المسئولون يمتنعون

استاذي الفاتح جبرا,,, اذا كان هذا قرار نهائي غير قابل للتراجع رغم الاستجداءات ,, خينل نلاقيك في بورد تناي ,,لاننا لا نحصل باستمرار علي جريدة السوداني للتواصل معك ,, و اكيد الخلاك تحلف بالطلاق ده جاب ليك الضغط ,,لكن انت كدة اديتو الفي مرادو ,, و الله يديك الصحة و طولة البال

معليش يا جبرا .. في معمعان غزوة الإعلان موضوعك اتنسى شوية!
____
ياهو حال الدنيا!!

حبيبنا جبرا
بصراحة كدة العملتو ده ماكويس ..
زول قال رأى في مقالك تقوم تخلى ليهو الموقع ..؟
طيب لو زول تانى غير ملاسي رسل ليك رسالة بنفس الرأى في ايميلك حتقوم تخلي الجريدة ولا كيف ..؟
حبيبنا انت في وسط عام .. وانت سيد العارفين لمن الواحد يكون في وسط زى ده بيتصرف كيف تجاه الاراء
غايتو انا ماعارف وقوع الطلاق من عدمه في حالات زى دى
لكن على كل حال كان ممكن تعبر عن اختلاف رائك عن راى ملاسي بطريقة احسن من كدة ..
يا استاذنا والله بالغت عدييييييل ..
كدى لامن الاقيك

اظنك يا جبرا بتتكرين لو مشيت كشك الجرايد يوم الجمعة؛
و لقيت ليك زول بيشتري جريدة غير السوداني!!

أنا رأيي يا شيخ الفاتح ودجبرا تمشي المنشية طوالي

وتستفتي في طلاقك ده الشيخ العارف بالله حسن بن عبدالله

الترابي وأكيد سيجد لك مخرجا ...

كان ما عارف بيته أسال الجنرال !!!!

ولا أقول ليك ما تمشي بعيد أسال

عبدالمنعم سليمان عنمنو صاحبه !!!

نهال كرار شنو ياخى شابكه اكبر من أبوك محاضرات عليك الله روقى شويه وخليك محترمه لانك انتى ما ولية امرو وزول زى جبرا بعرف كويس كيف بحلف بالحاجه البتريحو
إذا عندك أجنده خاصه ممكن تنفذيها بعيد عن الناس الكبار أوكى

المسألة حلها بسيط يا أستاذ

يا أستاذ الفاتح، إليك أطيب تحياتي

الأخوان ناقشوك بما فيه الكفاية، وما عايز أكرر حججهم

ولكن عندي ليك حل بسيط. طالما إنت حلفت وما عايز تكسر حلفك، خليك من المنبر في الوقت الحالي.

إذا مقالاتك موجودة على السوداني بالشبكة، سأتطوع بنشرهاهنا، إذا لم يتطوع بنشرها أحد الأصدقاء من السودان حيث يسهل الحصول عليها ومتابعتها في وقتها. وخليك من ملاسي والمنبر مؤقتا حتى يهدأ البال. أرجو أن تبعث لي عنوان بريدك الإلكتروني على عنواني الموضح في البروفايل. مع خالص شكري وتقديري

ولنا عوودة

WAD ELGAALI


لم أقلل من إحترامي للأستاذ جبرا بكتابة رأيي هنالأكون غير محترمة !!
إن كان الإختلاف يعني لديك عدم الإحترام فهذا شأنك
من حقي أن أكتب اعتراضي على عنوان البوست
وهذا المكان قبل كل شيء منبر للحوار , من حق الجميع أن يبدوا آراءهم حتى ولو كانت ( للكبار )
طلما لا تتجاوز قوانين البورد أو حدود الإحترام

من هذا البوست أرجو من الباشمهندس بكرى أبوبكر
وليكن إقتراحا مني والإقتراح كالتالي :-
1- للعضو الحق فى فتح بوستين إثنين فقط في الشهر الواحد.
2- البوستات الخبرية ترسل إلي الإدارة لتنزل باسمها مع الإحتفاظ
لصاحبها بحق السبق الصحفي.
بهذا فقط تتنهي الهرجلة من شاكلة عضو واحد يفتح خمسة بوستات
في اليوم الواحد, كما أن البوستات الجيدة تجد مكانها في الصفحات
الأولي وأيضا يجد مدمني الكتابة (بطريقة أنظروا نحن هنا وبكثرة)
الفرص الجيدة والزمن للمداخلات وإثراء الحوار.
من يقتنع بوجهة نظرى ويمتلك كيبورد عربي أرجوه أن يفتح بوستا
بهذا المعني علي أن يكون العنوان واضح ويشي ما بالداخل.

يعني يا ود الجعلي؛ من الألف نفر الانتقدوا حركات جبرا دي؛
ما لقيت غير نهال كرار تتشطر عليها!!

يا ملاسي


قصتك شنو ياااخ ؟




صديقي جبرا


ملاسي دا احنا لو عملنا زيك كده اكان خلينا ليه الخرطوم ذاتها



اتمني ان اقرا لك الجمعة بالسوداني وبالمنبر



يا ملاسي غلبك كيكي جريت لجبرا ؟



منعم

Quote: يا ملاسي غلبك كيكي جريت لجبرا ؟

من فينا القام جاري يا منعم!!

Quote: يا ملاسي غلبك كيكي جريت لجبرا ؟

سلام يا منعم
ملاسي ده اليومين دي عامل ليهو (دوبلير) اسمو تبلدينا
يخفف عليهو الكبع شوية

..
.
الدوبلير دا سادى خانة
لكن التوينز ما بفرقوهم الا بدرجة ذكائهم ..!! مش !!؟

______________________________

أنت اشتغلت فى الصليب الاحمر متين يا كيكى !!؟

كنت مسافر يا ملاسي وبعدها شغلتنا اموالنا واهلونا عن دخول المنبر يا ملاسي




بس بالله بعد حليفة جبرا دي يا ملاسي ضميرك ما انبك ؟



انشاء الله يأنبك


منعم

Quote: بس بالله بعد حليفة جبرا دي يا ملاسي ضميرك ما انبك ؟

أنبني جداً .. جداً.

طيب اعمل مناشدة لعودة جبرا واعتذر عن ملاحقتك ليهو


او احلف طلاق زيه لو ما رجع اقيف ؟

أناشد جبرا بالرجوع .. و الباقيين تلقاهم عند الغافل

أعزائى وأحبابى جميعاً (بمافيهم ملاسى)!!
لكم منى عاطر التحايا وأصدق الود :
أولا دعونى أقول لكم بأنى (ما عندى طلاق) والحاجه دى بيعرفوها ناس بسيطين فى (المنبر) أولهم مولانا (عادل سمير) !! ليه ؟؟ ممكن تسالو !! وهنا لابد من إبداء الشكر لكل من حاول أن يجد لى (مخرجا) وكذلك (اللوم) لبعض (بناتى) العزيزات اللواتى تبرعن وتفضلن بإلقاء (محاضرات) الإستهجان لفعل (الحليفه) لكونه – حسب إعتقادهن- ينتقص من قيمة (المرأة) عموما و(حرمنا المصون) بصورة خاصة وما درين أن (حرمنا المصون) محصنة ضد كل ما ينتقص من قيمة (المرأة) من طلاق و(تثنية وتثليث وتربيع) !! وأرجو منهن أن يجدن الشجاعة الكافية للوقوف أمام مسألة (التثنية والتثليث والتربيع) وإبداء رأيهن فيها ويخلو حليفتى دى (بى جنبه)!!!
أما حكاية البوست فلا يمكن لكل من يتدبر الأمر أن يعقل المسألة فهل يمكن لى (أو لأى عضو آخر) أن يترك المنبر لمجرد (رأى عضو – أو ملاحقة عضو) ؟ بالطبع لا يمكن إلا إنو الكلام يكون تحتو كلام !!
والكلام التحت الكلام هو إنى رأيت أن أضع حداً (لا أقول لسخف) ولكن (لعدم موضوعية) الأخ ملاسى ومحاولاته المتكررة عملية (الإغتيال المعنوى) التى يمارسها ضد (كتاباتى) وربما (كتابات آخرين) وأن أشهد علية أعضاء المنبر فى محاولة منى لتقويمة (ده لو ممكن يتوب) من (الحاجات دى) .. وبالفعل فقد أثمرت فكرتى وتصدى له معظم الأعضاء بالسيوف الصوارم !! وقعدوهو فى (علبو) !! وإن شاء الله يعى هذا الدرس لأنو لو ما خلى الحاجات دى يوم بيكتل ليهو زول ذى ما قال أحد المتداخلين .
تزامن موضوع بوست الحليفه ده مع إفتتاح موقعى على الشبكة العنكبوتية (على الطلاق مجرد تزامن) وهذا يجعلنى أتفرغ قليلا لرعاية الموقع وإدارته وهذا لا يمنع أننى سوف أكون متواجدا بين الحين والآخر ... ويا ملاسى لو عاوز تدخل الموقع مرحب بيك لكن بى (موضوعية) عشان ما أحلف تانى وأخليهو ليك !!!
أحبائى :
قلبى عامر بحبكم جميعا وحب هذا الوطن العظيم .. لم أتعود أن أحمل غلاً لأحد ... فلنختلف جميعا فى كيفية حبنا لهذه الأرض الطيبة ولكن فليكن الإختلاف بيننا (بشرف) .. يقول السيد المسيح عليه السلام :
ماذا يكسب الإنسان إذا ربح الدنيا وخسر نفسه

كسرة :
يا ملاسى حكاية البوست كانت (حركة) فى شكل (ورده) أعتذر لك إن أصابتك ببعض (الكدمات) التى كنت (أقصدها) !! وتانى أعمل حسابك عشان المرة الجايه ح تكون (ورده) فى شكل (حركه) بس ما (مسلحة) !!

كسرة أخيرة :
شكرا.. شكرا .. شكرا .. أحبابى جميعا

الفاتح جبر الله كسر حليفتكم
هو ملاسى بعرف يعنى شنو على بالطلاق
ملاسى فهمها على الاطلاق لان ملاسى بطلق
عباراته على عواهنها لكن يسمو ان
يحلف بالطلاق وكل إناء بمافيه ينضح

أحبائى :
قلبى عامر بحبكم جميعا وحب هذا الوطن العظيم .. لم أتعود أن أحمل غلاً لأحد ... فلنختلف جميعا فى كيفية حبنا لهذه الأرض الطيبة ولكن فليكن الإختلاف بيننا (بشرف) .. يقول السيد المسيح عليه السلام :
ماذا يكسب الإنسان إذا ربح الدنيا وخسر نفسه

it is a real pleasure to have you back

welcome
dr mustafa

يعني تعبي كلو راح على الفاضي يا جبرا

ابو نشوى
ابو النسب
عاطر التحيات

Quote: أولا دعونى أقول لكم بأنى (ما عندى طلاق) والحاجه دى بيعرفوها ناس بسيطين فى (المنبر) أولهم مولانا (عادل سمير) !! ليه ؟؟ ممكن تسالو !!

اها انا عارف ممكن أقول..؟
خلاص خليناها مستورة
وشاكرين لروحك الطيبة والدعابة الجميلة
ابو محمود

لقيتك متابع يا ملاسى لكن

Welcome back
plaese give the Link of your Web site

MALLASI
HOW R YOU

Thanks dear Shammashi . the web site address is :

www.alfatihgabra.com

c u !!

Quote: يعني تعبي كلو راح على الفاضي يا جبرا

معليش يا ملاسى كانت (حركة) فى شكل (ورده) ... تعيش وتآخد غيرها .. معقولة بس أمشى وأخلى ليك البورد ده إنت (حبيبى) !!! وكمان (الجماعة) المعاك ديل كلهم (حبايبى) !!

كسرة :
فى حب يا أخوانا أكتر من كده ؟

كسرة تانية :
ما فهمت ؟ (على) ده كان عاوز يقول ليك شنو؟

والله يا استاذ جبرة لقيتو متابع لما قال الناس تعبهم راح ساكت
ودا معناتو انو اخونا متابع الموضوع ودا بى دورو معناتو شنو؟؟؟؟؟؟؟

حبيبنا الفاتح جبرا سلامات

Quote: يا ملاسى على بالطلاق (المنبر) ده خليتو ليك !!

الجماعة العملوا من العنوان موضوع ما عندهم موضوع . دى طريقة سودانة معروفة والفاتح جبرا راجل متفتح وواضح جدآ ومعاركه بالسخرية فى التعبير , مافى داعى تتجندروا عليه .

وأنا شايفو قعّد صاحبنا كويس مافى شك . الشعلقة على أكتاف الكبار بالصعلقة عليهم ما بتوصل فوق . السفيه شتم الباشا.

تياتى

Quote: اها انا عارف ممكن أقول..؟ خلاص خليناها مستورة

لا.. لا يا (أبوالنسب) أحسن نخليها (مستورة)

كسرة :
قول لى (محمود) الليلة مشينا سجلنا (نشوى) فى المدرسة !! عشان يكون متابع

Quote: والله يا استاذ جبرة لقيتو متابع لما قال الناس تعبهم راح ساكت ودا معناتو انو اخونا متابع الموضوع ودا بى دورو معناتو شنو؟؟؟؟؟؟؟

والمعنى واضح !! يا (على) وإلا مش كده ؟

دفرة وكده !!

Quote: دفرة وكده !!

يا جماعة خليكم بالجمبات

Quote: وأنا شايفو قعّد صاحبنا كويس مافى شك

عزيزى الأستاذ رأفت ميلاد:
يا خى مشتاقين .. إنت وين يا راجل ليا فترة طويلة ما قريت ليك؟؟ .. زمان كان الواحد بشوفك مرة بى جاى ومرات بى جاى .. إن شاء الله تكون الإمور عندك تمام ؟ أما إذا سألتم عن أحوالنا ف ناس (ملاسى) ديل بقو لينا فى رقبتنا .. تفتح (الماسورة) يطلع ليك (ملاسى) ..تظبط محطة الراديو يتكلم ليك (ملاسى) .. تطلع شرابك (بضم الشين وليس بفتحها) يطلع ليك منو (ملاسى) .. تجى تفتح الباب وتقوم تدخل المفتاح فى (الخرم) يقوم المفتاح ما يدخل تقوم تعاين جوة الخرم تلاقى واحد (ملاسى) .. !!
أها كرهنى ليك العيشة لحدت ما قمت عملت (تدويل) للقضية وعرضتها (للرأى العام)فى المنبر عشان يقعدوهو ليا فى حتتو و(الأخوان) ما شاء الله يعجبوك ما قصرو !!! وتانى ح يمشى (يلعب) بعيد عشان عمو (جبرا) ما يزعل منو تانى !!

بسبيل التحية وتصحيح وصلة الموقع:
http://www.alfatihgabra.com
عمر

Quote: بسبيل التحية

حياك الله يا عمر وأبقاك .. شكرا ألف شكر

يا سيدي وسيد ريدي: هكذا مات زنقار..!
شوقي بدري


قبل سنوات، أكرمني ابن عمتي بابكر مخير عندما زرته في لندن وأهداني اسطوانة صديقه مصطفى السني، وما أدراك ما السني، فلم يحدث قط أن استمعت إلى اسطوانة أو كاست لأي فنان بذلك التكرار، لكن الأسطوانة سرعان ما اختفت من المنزل كما اختفت من قبل مئات الكتب والأشرطة والأسطوانات ، لأن معشر السودانيين لا يؤمنون بالخصوصية مع استخدامهم عصا الإلحاح الغليظ في وجهك: يخس عليك، يعني شنو كان أديتني الكتاب دا؟!
(2)
أكثر أغنية استمتعت بها في اسطوانة مصطفى السني، هي أغنية (فاطمة خميس) التي لا تخلو من عذوبة وعبقرية وحب رغم كونها مناحة ورثاء لوالدها وهي أغنية كان يؤديها الراحل (أبو داؤود) في الجلسات الخاصة فقط.
السني يغني هذه الأغنية التي عنوانها:
(يا دمعي الأتشتت وغلب اللقاط)
ويقول:
يا سيدي وسيد ريدي
اشكي ليك أنا بجروحي
بس أقول يا بر يا أبو البتول
يا جليس يا الساكن السوق
و يترجمها السني الى الإنجليزية قائلا :
My companian who lives in the bazar
والصحيح هو:
يا جليس يا الساكن السور أو (الصور).
والصور هي منطقة شرق حي الملازمين التي لم تكن مسكونة، والاسم جاء لأنه كان هنالك سور حول ام درمان القديمة منذ عهد العنج، ثم جدد هذا السور في ايام المهدية، و(جليس) هو (فكي) يظن الناس في أم درمان انه يشفي ويساعد، و(بر أبو البتول) كان فكي في المنطقة التي صارت الآن المجلس الوطني في مدخل الكوبري.
(3)
فاطمة خميس كانت تتحدث عن حزنها لموت والدها وحبيبها، الا انها تستدرك مستنجدة بالأولياء (بر ابو البتول) و (جليس) الذي كان غرب مدرسة الصناعات في الملازمين.
وفاطمة كانت شاعرة وملحنة ومغنية قوية الشخصية، فعندما ارادت (ثورة مايو الظافرة) ان تكرم الفنانين الذين إنتقلوا الى جوار ربهم ـ ربما كمداً من مايو نفسها ـ اضيف اسم فاطمة خميس عن طريق الخطأ الى لوحة الشرف الميتة وهي على قيد الحياة، وقام الدكتور الفنان أبو سبيب، صاحب الأسهامات المتميزة في تحقيق الهوية السودانية الذي يعمل الآن في جامعة اوبسالا في السويد، قام بنسخ لوحة التكريم لـ (فاطمة خميس الميتة) بخط جميل، ثم نادوا على أهلها في الحفل لإستلام لوحة التكريم، فجاءت فاطمة خميس متحزمة كعادة السودانيين في حالة الحرب أو النفير وكادت تحطم المنصة لولا إعتذار كبار رجال الدولة، ولحسن حظه لم يكن الخطاط أبو سبيب موجودا.
(4)
من يذكر المبدعة مريم عبد الرحيم التي اعطتنا اجمل الأغنيات مثل (طيبة الأخلاق) التي غناها كثير من الفنانين حتى إستقرت كإحدى روائع الفنان عثمان حسين؟!
مريم عبدالرحيم كانت تسكن شرق السوق قريباً من فريق السيد المكي، وهنالك (شريفة) التي عاشت في حي المسالمة وكانت تلقب بـ (القائم مقام) لأنها كانت في التركية قد حصلت على لقب عسكري رفيع في الجيش لأنها تلهب بأغانيها حماس جند الحكومة.
(5)
من الأسماء اللامعة والمبدعة قديماً، (مستورة) التي عاشت لسن متقدمة واشتهرت بالطعمية اللذيذة كبيرة الحجم التي وصفها صديقي (عثمان ناصر الميكانيكي بـ (طعمية زي الدبرياش).. والدبرياش هو طارة الكلتش، والكلتش هو صندوق التروس، والتروس شئ مثل الضروس لا تسألوني عنه..
ومن الذين إستحضرهم ويجب ذكرهم: (رابحة التمتم) وهي التي كان لها الفضل على فنان السودان الكبير (فضل المولى زنقار) حين أعطته اغانيها والحانها حتى يقوم بتسجيلها في اسطوانات بمصر بمساعدة صديقه محمد الذي عرف بـ (ديمتري البازار) لأن والده كان يونانيا ووالدته يرجع اصلها الى منطقة دنقلا.
ديمتري هو الذي اكتشف عندليب السودان (ابراهيم عبدالجليل)، عندما شاهده يسير في طرقات الموردة يبيع لمبات الاضاءة (ام ملين) التي تعمل بخيط القيطان ويصنعها السمكرجية من العلب الفارغة، وابراهيم كان يترنم في الشارع ببضاعته فأعجب ديمتري بصوته.
(6)
(رابحة تمتم) رفضت ان تسجل اسطوانة لأنها كانت معتدة بنفسها وقالت:
ـ انا ما بسجل اسطوانة عشان مافي صعلوك يجي القهوة ويشنق طاقيتو ويطلب شاي بتعريفة ويقول شغلو رابحة..!
(رابحة) تنازلت عن أغانيها لفضل المولى زنقار، وزنقار هو خال محمود، الأخ غير الشقيق لوزير الخارجيه الأول مبارك زروق، وقتل زنقار لسوء الحظ في دكان آدم المكوجي شمال غرب الجزارات، فقد كان المفتش (برمبل) يجبر الجزارين على تغطية اللحم بالملاءات النظيفة وان يغيروها يوميا مع ملابسهم ولهذا اعطى (برمبل)، آدم رخصة غسال كي يغسل ملابس الجزارين وملاءاتهم.
زنقار تم قتله في دكان آدم بواسطة احد اصدقائه (الشيالين) لأنه قرر ان يستعيض عنه بآخر قبل سفره الى مصر.
(7)
أم درمان كانت مليئة بأغاني البنات والسباتة. والبنات كن يغنين للشباب الوسيمين، ولو كان هناك متسع من (الوقت والحرية) لذكرت الكثير منها.
كنا نسمع الفتيات يغنين:
بياض الفل انا جنني
بياض الفل عبدو معني
و(عبدو معني) هو شقيق الضابط ولاعب الكرة الشهير، فاروق معني. كانوا يسكنون بالقرب من طابونة البخيت، كما كن يغنين لـ (علي بدري) الذي كان أول طبيب سوداني وكان وسيماً جداً:
يا المكاشفي تجيب ود بدري ماشي..!
وعندما ظهر الدقيق الفينو المستورد الناعم جدا الذي صار يستورده التاجر كمبال، وكلمة (فينو) ايطالية تماثل كلمة (فاين) بالانجليزي صرن البنات يغنين للشباب المغرورين بأناقتهم :
يا دقيق كمبال أنا عندي ليك غربال..!
(8)
الاخ الزميل حسين ملاسى، صاحب زاوية شظايا بملحق بانوراما بـ (الرأي العام) ذكرني بحادثة الأستاذ احمد عبد الرازق الذي جاء الى المطربة الام درمانية الشهيرة وهو فى بداية شبابه وطرق الباب، فسألته عن غرضه بعد أن إرتابت فيه لاختلاف شكله من اهل العباسية لأنه كان وسيماً يميل الى البياض، وعندما رد عليها بأن عنده اغنية ملحنة فى شكل دويتو ـ ثنائي ـ ويريد ان يغنيها مع الاستاذة، إكتفت بأن نظرت اليه وقالت: جَر..!
وحين لاحظت شقيقتها مدى الحرج الذي إرتسم على وجه أحمد عبد الرازق، قالت للمطربة كما تناقل خبثاء العباسية:
ـ خليهو يخش، كان ما بعرف يغني، اقل شئ نعاين ليهو ساكت ..!

تابع الاثنين المقبل مع شوقي بدري:
ـ ود الرومي وتوم شم العيش وبخيت ود ابو الجوخ: الريدة الريدة يا حبيب قلبي..


نقلا عن الرأي العام السودانية عدد الاثنين
www.rayaam.net/


والله جر ومعاها حجار وتراب.

العزيز shammashi

المداخلة بتاعتك الأخيرة دى يادوبك هسع حتين قريتا وهى قيمة للغاية ..

كسرة :
أيه رأئك نقوم نعمل ليهو (دور تانى) ... البوست ده !!

Quote: الشعلقة على أكتاف الكبار بالصعلقة عليهم ما بتوصل فوق . السفيه شتم الباشا.

أوعك تقل ادبك يا ميلاد!
_____
الباشا قرر انو يرد
عليك .. المرة دي.

Quote: أيه رأئك نقوم نعمل ليهو (دور تانى) ... البوست ده .

"الدور التاني" لو لي البوست ما عندي مشكلة.
لكن لو لي شي تاني.
دي والله إلا تشوف ليها كوز زي ناس د. المشرف وحاج نور .

you gave me anice day ya shammashi

Quote: دي والله إلا تشوف ليها كوز زي ناس د. المشرف وحاج نور

شوف يا شماشى ياخوى نحنا نتكلم فى أى حاجه إلا فى (السياسة) !!

السيد الفاتح

لايوجد ما يستدعى ذهابك من هنا من أجل بضعة غلمان سيتحسن سلوكهم أسرع لو إستمريت فى التداخل معهم- وزجرهم إذادعت الضرورة شأن كل الغلمان . لهذا المنبر مهمة تربوية أرجو أن لاتضن بها على صغار البورد.

خالص التحايا وأبقى هنا

عادل