العم العرريب ود شيقوق وفي زيارته الاخيرة الي البلد لزفاف انجاله وقع عقدا مع نادي معروف نيابة عن حفيده سامي ابن عاليا بنته ..ولقد صرح جدو ودشيقوق بانه كلف كباتن مؤهلين للاشراف علي "سامي" والذي كما ترون في الصورة بيلعب بالكورة حتي وهي غير منفوخة تيمنا بجده الذي جفف الانهار وغلب الحتاتين الاماجد في كل صالات وحفلات ...
أها اقول ليك بطلاق اخوك مجرد وصولو البلد للعرس اعلن للعامة كفيّة صحنو ( دى كناية على عدم استلام اى فلوس من اى حد ) يعني تجي بس تاكل تغسل يديك وتمشى تحت في الحفلة بس .
يلا الرطاني ويا بت طلحة ويا هاشم ود خلف الله ويا ود محجوب
كلكم عارفين انا جدو وعندي الربع الاخر ومنى حبوبة وما عندها النصف الاخر وهي كده وانا كده وهي كده وانا كده وهي كده وانا كده كلها عوامل مشتركة يلا اعملوا لينا اتحاد كونفدرالي ما عندى مانع يكون remote confederation وفقا للاحكام العرفية السائدة والمنبثقة عن المشروع الحضاري الانقاذي .
يالملكة ال Tالفي ال Tشيرت دة بتاع فريق " التاباني" البيلعبو بكورة منفسة ...
Post: #12 Title: Re: ودشيقوق وفريق "الاحفاد" Author: ناذر محمد الخليفة Date: 01-10-2008, 05:16 AM Parent: #1
سلامات يا الطيب ...
ألف مبروك للأولاد مرة تانية ..
قبل كم يوم عرفت إمك موجود في السودان بالصدفة البحتة من عمنا خالد المحرب وأداني رقم تلفونك .. إتصلت عليك والتلفون مقفول وعمنا خالد برضو إتصل بيك والتلفون مقفول !!
والظاهر من مداخلاتك هنا إنك رجعت على ما أعتقد .!!!
كيفك ومشتاقون شدييييييييد للنغم الجميل وشوف لينا صالح الضي وعش معاى الحب لانى بديت احب تاني
Quote: قبل كم يوم عرفت إمك موجود في السودان بالصدفة البحتة من عمنا خالد المحرب وأداني رقم تلفونك .. إتصلت عليك والتلفون مقفول وعمنا خالد برضو إتصل بيك والتلفون مقفول !!
ات عارف ارقامي بتتغير في السودان ومرات بكون قاصد لانو الرطاني مرات تهف ليهو يتصل فيني بالليل شديد وانا بلعب في البلياردو !!!!!!!!!
العزيز ابو بوكر أنا قريت العنوان جيت جاري جري قلت الطيب سجلوه في فريق اسمه " الاحفاد" لانه عارفو خفيف ورشيق من بوست لبوست ومن مطار لمطار. أتاري الشغلانة إستثمار مستقبلي في الاحفاد؟
لكن بينك وبينك:
Quote: هاااا رولاندينو بكور منفسة ؟؟؟ انتو حلتكم ما فيها عجلاتي ؟؟
Quote: دي غايتو Pretty awesome زي ما بقولو بنات الفرنجة
يا اخي من زمن دافوري الفسحة القدام داخلية بحر الغزال في الستينات ما شفت لي كورة منفسة الا عند حفيد جدو ودشيقوق .. الجني وارث جينات الفلهمة من جدو وناوي يلعب زي رينالدو بس بكورة منفسة
Quote: هاااا .. لسان شنو .. دا انا رطاني وعندي كام لسان شي رطان شي عربي شي افرنجي ... ما عليك بيهو اصلو ريقو ناشف من الحت في حفلة عرس انجالو ..
قول باسم الله
انت هسع صليت ولا جيت طوالي على النت ؟
والله الليلة اتصلت بالفكي بتاعي واديتو اسمك لكن طلب اسم امك عشان يلجّم لسانك السليط ده - المساعي جارية للتعرف على اسم والدة الباشمهندس ابو بكر سيد احمد الذى قام بتشييد كل بنايات الشرق الاوسط من الخليج للمحيط ومازال عطاؤه مدرارا .
نناشد الجميع للتعاون معنا في البحث عن اسم والدة هذا العالم الجليل ليتسنى لنا موافاة الفكي باسم امه حتى تكتمل كل حلقات وعناصر الحكرة المجيهة .
Quote: نناشد الجميع للتعاون معنا في البحث عن اسم والدة هذا العالم الجليل ليتسنى لنا موافاة الفكي باسم امه حتى تكتمل كل حلقات وعناصر الحكرة المجيهة .
"العالم الجليل" دي واسعة خالص .. انت البنايين عندكم بتسموهم علما ... ياخي نص امة محمد امهاتن اسنهن فاطمة وبالرطانة فاتنة او فاطنة ... صعبة دي .. انت ما بتعرف فكي هاساوي من اهلنا التيجانية (اصلو ابوي كان شيخ تيجانية) اها كان جاب ليك الاسم دوغري من غير لولة ...!! يعني تعرف انو كل غرب افريقيا وشمالها وبكان ما فيها تيجاني ممكن اشغلهم يخلوك تعمل "بريك " حت بقميصك الاسود ده يا حتات ....
انا النت عندي سو سو مع التلفزيون شغال طول اليوم وفي اي بكان ودي ميزة التكنلوجيا وممكن اكون مسطح وشغال بالريموت .. يعني حالتك حالة معاي .. صباح مساء اي وكت يعجبك ياحتات
Post: #25 Title: Re: ودشيقوق وفريق "الاحفاد" Author: سمية الحسن طلحة Date: 01-10-2008, 06:57 AM Parent: #16
Quote: أها اقول ليك بطلاق اخوك مجرد وصولو البلد للعرس اعلن للعامة كفيّة صحنو
ياسلام يابوعبدالله لعمري انها من شيم الكرام والكرام قليل
أبوبكر بيني وبينك ( ما ممكن دي تكون دعاية إنتخابية )
Quote: هاااا رولاندينو بكور منفسة ؟؟؟ انتو حلتكم ما فيها عجلاتي ؟؟
يا زول الوليد عذبنا النهار كلو ينطط قلنا ننفسها منو كان ينجم شوية
تخريمة
ناس كلية الاحفاد كلهم براجعوا البوست ده قايلين ود شيقوق عندو مشكلة مع فريق الاحفاد خودك
Post: #28 Title: Re: ودشيقوق وفريق "الاحفاد" Author: سمية الحسن طلحة Date: 01-10-2008, 08:18 AM Parent: #27
Quote: تشركي وتحاحي
لابل هي : تدي القبيلة وصا وتدي النقارة عصا
Post: #29 Title: Re: ودشيقوق وفريق "الاحفاد" Author: Ahmed Yousif Abu Harira Date: 01-10-2008, 08:58 AM Parent: #28
مبروك للوليدات يا حاج الطيب وان شاء الله تشيل جنا جناهم.. انا كنت في السودان وما عندي خبر.. لكن بي طلاق يالطيب اكان اديتنا خبر ، الدندر دي كان وقفناها ليكم قرون قرون !! نحن الحت ما بنعرفو عاد ، لكن النسويهو فيكن كان يبقى حديث البلد ديك لامن الوليد الفي الصورة ده يبقى رئيس نادي الهلال..
شيخنا ابوبكر سيد احمد كل سنة وانت طيب بمناسبة جميع الاعياد القديمة والجديدة
Quote: شيخنا ابوبكر سيد احمد كل سنة وانت طيب بمناسبة جميع الاعياد القديمة والجديدة
دامت ايامكم اعيادا رطان يبقي ؤشيخكم كيف تدوبو بلغة اشارة يعني ....
Quote: لكن بي طلاق يالطيب اكان اديتنا خبر ، الدندر دي كان وقفناها ليكم قرون قرون !! نحن الحت ما بنعرفو عاد ، لكن النسويهو فيكن كان يبقى حديث البلد ديك لامن الوليد الفي الصورة ده يبقى رئيس نادي الهلال..
ما هو خايف من القرون بشان حتات ... اها جدو ودشيقوق ودر شغل القانون وقرر يعمل "فيدا" بدل "فيفا " "الفا" بدلناها "دال" من دافوري "
Quote: كلكم عارفين انا جدو وعندي الربع الاخر ومنى حبوبة وما عندها النصف الاخر وهي كده وانا كده وهي كده وانا كده وهي كده وانا كده كلها عوامل مشتركة يلا اعملوا لينا اتحاد كونفدرالي ما عندى مانع يكون remote confederation وفقا للاحكام العرفية السائدة والمنبثقة عن المشروع الحضاري الانقاذي .
الأخ الكريم/ أحمد يوسف ابوحريرة يسلمك الله والله يأأحمد أخوي مشدوهين ساكت مشاغل دنيا بارك الله في أبوبكر رفرف علينا شوية مابنقول شيقوق حيطة قصيرة لكن زولاً مهل وسدرو واسع
يا اهل الله جدو ودشيقوق شغال "ديك" وغاشيكم انو مستشار قانوني .. اها يادوبك جاء المنبر والساعة بعد الواحدة صباحا ونحن ماشيين ننوم وهو كل مرة بيجي وش الصبح .. اها ما شغال ديك ؟؟ مسقط ما فيها "حت" وعل الواحد قال كان بحت كعادتو .. لكن اكيد شغال ديك ...
Quote: اها يادوبك جاء المنبر والساعة بعد الواحدة صباحا ونحن ماشيين ننوم وهو كل مرة بيجي وش الصبح .. اها ما شغال ديك ؟؟ مسقط ما فيها "حت" وعل الواحد قال كان بحت كعادتو .. لكن اكيد شغال ديك ...
نوم عشان تصبح تلقاهو متروس نبذ فيك
Post: #53 Title: Re: ودشيقوق وفريق "الاحفاد" Author: سمية الحسن طلحة Date: 01-11-2008, 09:47 AM Parent: #52
جمعة مباركة بعد الصلاة كان الله هون بنزل ليكم صور الضبايح والطباخات المحليات من قرية البردانة وبالمرة كدة يامنى نعمل عقدكم بعد صلاة العصر رأيك شنو يا باشمهندس
Quote: أحببنا أن نفرد لك مساحة خاصة لنحييك استاذ أبوبكر....
يا سلمي يا صديقتي ربنا يفرد لك مساحات الفرح الفي الدنيا كلها ( بس اعفيني من الالقاب : استاذ .. باشمهندس .. الخ انا بس "ابوبكر " ياها الجينا بيها الدنيا وحنمشي بيها وان اكرمنا المولي تبقي بعد ذلك)...
Quote: ياهو اكلنا لو ما عجبك نجيب ليك ساندوتش طعمية وتتغطى وتنوم
انت خالفت منظمة الصحة العالمية وضبحت علي كيفك وبرة الجزارة وما قريت كلام الفاتح جبرا بخصوص الاوراق والفحوصات المطلوبة ...انا اصلا نباتي ولكن بتهمني الصحة العامة .. شفت كيف ياحتات ..
مافي حد غيرك مرق الحد في السروبة الناس ديل كلهم بخافوا البربري وما بطلعوا اى نصيحة .
سليل الكنداكة :
قال منظمة الصحة العالمية قال
صحة شنو ده كلام بيقال لناس الخليج البودوا فائض الاكل للذبالة اما نحن هييييييييييييييع عشمنا في الرب الواقي سيبك من صحة عالمية .
انت عارف يا البربري اكثر امراض الضغط والسكري عند الناس الملتزمين بمقررات منظمة الصحة العالمية اما نحن فتحسب 40 قرية تجد فيها اتنين او تلاتة عندهم سكري او ضغط .
صحيح في انيميا وصحيح في التهاب كبد وبائي ودى السبب فيها العوز يا رطاني .
Quote: انت عارف يا البربري اكثر امراض الضغط والسكري عند الناس الملتزمين بمقررات منظمة الصحة العالمية
اعلي نسبة للمصيبتين دييل في العالم هنا في الامارات وفي بيتي انا وسامية عندنا الاتنيين ما نحنا اولاد بندر !!!!!!!! وحلويين جنس حلاوة وما بنحتاج اي حاجة فيها سكر او محلي .. شفت كيف التطور .....
Quote: ايش رايك نوديك انت وام رشا ست الناس طويلة البال المتحملاك انت نوديكما الريف ونفطركما بالروب ونغديكمابالوبيا ونعشيكم بالتمليكة ( التمليكة اسال منها بت طلحة والله زى الانتي بايوتك تلحس ليك السكري لحس .
انت قايلني زييك بحت وبلبس اسود ..انا ود ريف وطباخيين وكنت بزرع وانا صغير في جروف حلفا قبلما تغرق ..لنت "هييييع" دي قايل بتخليك ود ريف ....السكري بتاعنا ما ليهو دعوة بالاكل دة جا من عوامل خارجية.. يعني اتخيل نفسك اكتر من عشرين سنة كدة بتسمع بس عن بلدك ؟؟؟
جدو شيقوق قال نحن بنشيل الجردل لكن بنات البندر مابشيلن لزوم بلبصة لناس انعام نحن ذاتو ماعندنا نهر ولا جنبنا بحر ولا يحزنون ممكن هم بناتن بيردن من النهر لمن جف
هو داير يغير الجغرافيا ويسرح بي ساااي زي ما بيسوي لما يسافر يتصل ويقول " انا دحين في قندهار ؟ " وانا اقول العرريب يادوبك راح في ستين داهية .. ويطلع قاعد ياكل مشاوي في سوق الناقة ... دة جدو خلبوص
Post: #75 Title: Re: ودشيقوق وفريق "الاحفاد" Author: خالد علي محجوب المنسي Date: 01-11-2008, 05:45 PM Parent: #73
الحبيب ابوبكر تحياتي تصلك طيبات سلاااام الراجل علم في رأسه نار كان في السلطنة أو في السودان شيقوق وكفى ( رغم أن لــ ســـ ا نـــ و مــ تـــ بـــ ر ي مـــ نـــــ و )
نحن معك عزيزنا قلب وقالب
وددت أن نوه فقط كم تمنيت أن تكون كل مناكفات أهل حوش بكري جميلة أخوية يحفها الحب المكنون في القلوب والمودة كتلك التي بينك وبين شيقوق لا نحسدكم ( اللهم لا حسد ) بل ندعو الله أن يصفي قلوب بنو وطني حتى تصبح كقلبيكما أنت وشيقوق.
Quote: وددت أن نوه فقط كم تمنيت أن تكون كل مناكفات أهل حوش بكري جميلة أخوية يحفها الحب المكنون في القلوب والمودة كتلك التي بينك وبين شيقوق لا نحسدكم ( اللهم لا حسد ) بل ندعو الله أن يصفي قلوب بنو وطني حتى تصبح كقلبيكما أنت وشيقوق.
تعرف يا خالد .. مرة قريت انو بعد سقوط مملكة النوبة المسيحية في اقصي الشمال كان هنالك حوالي 80 سلطنة ومملكةعلي مجري النهري وحوله لحد وسط السودان .. وعلي هذا المنوال عد تنوعات كل السودان الحالي والذي كانجزء من سودان يمتد من المحيط الي البحر واختارت كيانات ان تنفصل وتخلق دول لها باسماء اختاروها اهلها واصرت هذه الممالك والسلطنات و القبائل او من بقي منها في ان تتعايش في هذه الارض الواسعة وابقو لها الاسم "السودان" ...لم يكن التعايش حبا فقط بل مصالح فيها المرعي - الكلا- والماء والارض المشتركة فتناسبت الاجناس وتصاهرت .. وهذا لايعني غياب عراك و مناوشات (فالمصاريين في البطن ببتصارع ) وبقي السودان حتي ذهب الغريب وصارت البلاد كلها لنا جميعا فتحول عراك "المصاريين" الي عراك "سلطة وجاه " وهنا ياتي "الشيطان" وصار ما صار وها نحن اليوم في شتات في الداخل والخارج والحل عندنا وفي ارثنا وتاريخنا ....عما ماذا يبحث المتعاركون في بلاد بحجم قارة وارض معطاة تختزن كنوزا ودم مشترك يجري في عروق كل الاجناس رغم تشدق بعراقة اصل علي اصل وصفاء جنس وووو من شطحات اريد بها فقط "سلطة وجاه للبعض دون الاخريين ".... الخير كثير والارض تسع الجميع ولكن المحك هو في ان نترجم القول فعلا كما نري حولنا فالحضارات تبني ولا تقال... وليس عندي ما اتصارع لاجله الا حق يجمع و الا حب مهما قل نتقاسمه ..... ودامت المحبة
Post: #78 Title: Re: ودشيقوق وفريق "الاحفاد" Author: خالد علي محجوب المنسي Date: 01-11-2008, 06:46 PM Parent: #77
Quote: ودامت المحبة
أخي ابوبكر لك كل تشكراتي على هذا الفهم الجميل
ولك تحياتي ومودتي
خالد
Post: #79 Title: Re: ودشيقوق وفريق "الاحفاد" Author: خالد علي محجوب المنسي Date: 01-11-2008, 07:08 PM Parent: #78
Quote: ود شيقوق والله ما شاء الله عليك ياخوي لسع شباب الظاهر الخال غيران منك ومن قميصك الأسود
اكان ده خالك حقو تعمل ليك خال طين وتقطع رقبتو - خالك لبسنا السمح قال شين وضبحنا التور الماكن قال اوراق صحية مافي وطلبنا منى بت العوض قال عايزة تقرا زيادة ووريناهو النهر الجاف وعلى ضفتيه تنمو الشجيرات الزاهية الخضرة وقال مزور اها تاني نسوى معاهو شنو خالك بقى زى جهاز المغتربين كلما تقدم مستند يقول ليك ناقص حاجة وكلما تديهم عملة سودانية وهم في السودان يقولوا ليك لا ريال سعودى او دولا .
Quote: اكان ده خالك حقو تعمل ليك خال طين وتقطع رقبتو - خالك لبسنا السمح قال شين وضبحنا التور الماكن قال اوراق صحية مافي وطلبنا منى بت العوض قال عايزة تقرا زيادة ووريناهو النهر الجاف وعلى ضفتيه تنمو الشجيرات الزاهية الخضرة وقال مزور اها تاني نسوى معاهو شنو خالك بقى زى جهاز المغتربين كلما تقدم مستند يقول ليك ناقص حاجة وكلما تديهم عملة سودانية وهم في السودان يقولوا ليك لا ريال سعودى او دولا .
تحسبو لعب ؟؟؟ داير تلبس زي جنيات الديسكو وتتفخشر بضبايح بر الزريبة وتصور الخيران وتقولي النهر الجاف اتملا موية وكمان عايز تعرس بنية صغيرووونة ...الشغلات دي ما بتفوت علينا انت بس خليك في سبحتك وحوليتك
بالكتابة عند الفقراء بكسّر قرونك وقرونها متاكد بعد شوية تقول ليكم انا خلقت من العريبي ده احسن لى من اولاد البندر بتاعين الجكسيات ديل وعيونن طايرة ما يملاها الا التراب .
دى اكان ربنا رزقك منها ولد حيكون قطع شك فارسا يقلب الحكومة نصف النهار ويخليكم مشتتين في الدنيا دى للقيامة .
Quote: وسميت هكذا تيمنا بالزميلة عالية جمال محمد احمد الزميلة في كلية الحقوق جامعة الخرطوم .
عجيبة ...سااااي كدة تاخدو الاسم زيادة علي السد العالي وسد كجبار ومن غير ما تدفعو Royality؟؟؟ وكمان تضبح تور وتحت من غير ما تدفع لينا بيزاتنا .. اها يانشييل الاسم يا تدفع .. تحسبو لعب .... دة كلام دة...
Post: #107 Title: Re: ودشيقوق وفريق "الاحفاد" Author: خالد علي محجوب المنسي Date: 01-12-2008, 02:11 PM Parent: #106
يا أبو بكر العريبي دا خبرو شنو دوزات أخدها أيام زواج أولاده ولعت فوقو النار وجا مسخن نحن نمشي لي على شكرو وهو ماشي ولاوي ضنبو في الكلام الحنين وإقردن
بعدين أبقي واعي الزووول شايل كوريقو ويضري في التراب بيني وبينك ودايرنا نقرن فوق بعضنا
Quote: عجيبة ...سااااي كدة تاخدو الاسم زيادة علي السد العالي وسد كجبار ومن غير ما تدفعو Royality؟؟؟
كيف يعني هسع مش قاعدين يدوكم الرويالتي بتاعة اسماك بحيرة النوبة ؟ انت خليك كده بعيد من قضايا اهلك ووقت ترجع تلقى السودان كلو اتباع بالقطاعي وما عندك حل غير تلم مخاليك وتعود تاني للغربة الادمنتها دى .
ود المنسي
يا زول في بوست بقادي مسوياهو عواطف اسمه قسمة ونصيب والله انا قطعت فيك وفي المجرية .
Quote: وكمان انا فى بوست بيغادى حق حليلة اوباما خطبتلك فيه
كونداليزا رايس عشان تفارق فيه درب بتنا دى.
كلام عديل يادكتور عمر الخطيبة باكر جاياكم أفتحلها أضانا وبعد باكر متلهمة أبوبكر يتم المقصرة ويرسلا بارسل لمسقط ويختا بناتكم هو خاطب منكم إتنبن والإتنين ما بنفعن معاهو واحدة ما بتاكل البصل والتانية مابتشرب الروب وهو جنو روب بالبصل
ما تشيل هم ياودالمنسي .. العرريب بقي زي القوات الهجين لابس اسود وشايل كورييق اها لا زول بندر ولا بادية .. اها ضاع بين الحت والنهر الجاف
Post: #116 Title: Re: ودشيقوق وفريق "الاحفاد" Author: خالد علي محجوب المنسي Date: 01-12-2008, 08:58 PM Parent: #112
Quote: في خرف يا أخوانا أكتر من كدة ..
سمية سلااام تعرفي زمان أهلنا بقولو ( الجن بداوّا بس كعبا الإندراوّا ) الإندراوّا دي حالة من الهترشا وسيدأ مو مجنون ومافي ليها عِلاج غير تغير عتبت الباب فد حين يا أختي الزول شوفو لي حل قُبال ما يقول بدور أقع البحر.
Quote: ات قيلو وين ؟ ارض البلغان وفي البلغان كمان كوسوفو . ديل مشاكلهم زى مشاكل دارفور انا خايف علي احمد ذاتو من المنظمات الانسانية تختطفو
عرريب نص كم جدو شيقوق اسمها "بلقان " .....بعدين كوسوفو ما فيها مشاكل هسع وزمن احمد حتكون جزء من الولايات المتحدة الاوروبية عقبال الولايات المتحدة السودانية بدل التفطيع الحاصل دة ....
Post: #123 Title: Re: ودشيقوق وفريق "الاحفاد" Author: خالد علي محجوب المنسي Date: 01-13-2008, 06:34 PM Parent: #122
Quote: ات قيلو وين ؟ ارض البلغان وفي البلغان كمان كوسوفو . ديل مشاكلهم زى مشاكل دارفور انا خايف علي احمد ذاتو من المنظمات الانسانية تختطفو
يا أبو بكر سلااام العريبي دا الشئ الماداير يفهمو كان سقيتو لي مع حرجل مع بدخل في رويسو ألف مرة وريتو أن أحمد دا ماعندو شغلة بي البلقان وكوسوفا .. أحمد مجري والمجر دي في الإتحاد الاوروبي أحمد بحوم أوروبا كلها بي بطاقته الشخصية وبدون جواز سفر.
الحمد الله الآن خلص أصلس الحيوان وأطلس الطيور وأصلس السيارات وداخل الآن يدرس لغة عربية .. بس أدي سنة وحا يتكلم لغةعربية أحسن من العريبي دا .
Post: #124 Title: Re: ودشيقوق وفريق "الاحفاد" Author: خالد علي محجوب المنسي Date: 01-13-2008, 06:37 PM Parent: #123
Quote: ياكافي البلا ويا حايد المحن
سلام يا أب أحمد
سمية والله ما عندنا ما نقوله لكم فقط ندعو الله أن يعينكم مستحملين بلا الجدري النزل في الحلّه عاقا نحن بعاد منو ألآف الأميال ومنجضنّا
Quote: أحمد مجري والمجر دي في الإتحاد الاوروبي أحمد بحوم أوروبا كلها بي بطاقته الشخصية وبدون جواز سفر.
بعض من اهلنا في وادي حلفا ينحدرون بالمصاهرة من بعض المجر الذين كانو او اتو مع جيوش الترك (الدولة العثمانية) وفي زمن سابق كانت هنغاريا توفر لهم بعثات دراسية .ز المهم انو اهلنا دييل راسم قوي والعرريب احسن ليهو يخلي احمد في حالو ...
Post: #126 Title: Re: ودشيقوق وفريق "الاحفاد" Author: خالد علي محجوب المنسي Date: 01-13-2008, 07:30 PM Parent: #125
Quote: بعض من اهلنا في وادي حلفا ينحدرون بالمصاهرة من بعض المجر الذين كانو او اتو مع جيوش الترك (الدولة العثمانية) وفي زمن سابق كانت هنغاريا توفر لهم بعثات دراسية
نعم هم المجراب وحتى دولة المجر تعترف بذلك أن جنود مجرين تزاوجوا في منطقة حلفا القديمة مع حلفاويين ونتج جنس أسمه المجراب .. وكان قد الشيخ محمد خليل والد عضو البورد ( فيصل محمد خليل ) مسؤول عن المنح لدولة المجر وفعلاً درس كثير من أبناء حلفاء منح مجانية وحتى الآن من يدخل ويقيم من أبناء المجراب بعد فترة يستحق الجنسية والمجرية.
ولي اصدقاء كثر منهم فيصل محمد خليل . نادر حسن خليل . حافظ . ومريغني المر . وغيرهم
Quote: وحتى الآن من يدخل ويقيم من أبناء المجراب بعد فترة يستحق الجنسية والمجرية.
اها ياود المنسي شايف الفرق بين العرب وغيرهم.. اها مش ا كان قلت جدك تابط شرا واللا حطئيئة اكان قعدت في بلادم مليون سنة ما بسو لك "سالفة" ويوم ما اقامتك تخلص او تتفنش ياكا البتركب الهوا ... اها ياعرريب جدو ود شيقوق مش كان اخير ليك جد مجري واللا من كوسوفو بدل قعاد مع عرب لا بودي ولا بيجيب ....
Post: #128 Title: Re: ودشيقوق وفريق "الاحفاد" Author: خالد علي محجوب المنسي Date: 01-13-2008, 07:54 PM Parent: #127
Quote: اها ياود المنسي شايف الفرق بين العرب وغيرهم.. اها مش ا كان قلت جدك تابط شرا واللا حطئيئة اكان قعدت في بلادم مليون سنة ما بسو لك "سالفة" ويوم ما اقامتك تخلص او تتفنش ياكا البتركب الهوا ... اها ياعرريب جدو ود شيقوق مش كان اخير ليك جد مجري واللا من كوسوفو بدل قعاد مع عرب لا بودي ولا بيجيب ....
نحن جدنا العباس لو مشينا قلنا الكلام دا في السعودية بقولوا لينا شيلوا رفات جدكم دا وأمشو بيها السودان ...
والله كلامك صاح يا أبوبكر الناس ديل فير شديد ما زينا
Quote: نحن جدنا العباس لو مشينا قلنا الكلام دا في السعودية بقولوا لينا شيلوا رفات جدكم دا وأمشو بيها السودان ...
مرة سمعت انو العراقيين بيقولو العباس كان عندو بنات بس وعاشن هناك عندهن .... انا بس نفسي اعرف ليه ابولهب وابوجهل مع انهم برضو من بني هاشم ماعندهم سلالة في افريقيا ؟ نفسي اعرف بس
Post: #130 Title: Re: ودشيقوق وفريق "الاحفاد" Author: خالد علي محجوب المنسي Date: 01-13-2008, 09:56 PM Parent: #129
Quote: مرة سمعت انو العراقيين بيقولو العباس كان عندو بنات بس وعاشن هناك عندهن .... انا بس نفسي اعرف ليه ابولهب وابوجهل مع انهم برضو من بني هاشم ماعندهم سلالة في افريقيا ؟ نفسي اعرف بس
نحن عينا في العباس نمشي علي أبوجهل وأبولهب يا زووول كلامك دا كيف ديل كان بقوا فوقنا لزم نتبرا منهم
عليك الله خلينا عايشين الحلم نحن ما تمسكين لانو عربي لكن بندور لحمة في جاه الرسول خلونا يا ناس
Quote: انا بس نفسي اعرف ليه ابولهب وابوجهل مع انهم برضو من بني هاشم ماعندهم سلالة في افريقيا ؟ نفسي اعرف بس
والله يا أبوبكر ياريت اليوم لو عندهم نخوة زي ماكان عند أبوجهل دا الناس يوم الهجرة قالوا ليهو ليه مادخلت علي محمد وهو نائم لماذا أنتظرتم عند الباب حتى فلت منكم فكان رده هل تريدون أن تقول العرب إني هتكت ستر بيت محمد !؟ لكن ناس أحمد المجري ديل جدهم المك نمر دربم زلق ببلع جت وكان هزو ضرعاتم ورق الشدر ينحت
Quote: عليك الله خلينا عايشين الحلم نحن ما تمسكين لانو عربي لكن بندور لحمة في جاه الرسول خلونا يا ناس
ياودالمنسي قبل كام اسبوع جابو مداحيين في احدي الفضائيات وقبل المدحة اصر المادح كبيرهم علي تعريف نفسو وجماعتو بان جدهم العباس ...؟؟ انت الحكاية شنو ؟ اها ليه العباس بالذات ؟؟ قدر ما فتشت في الكتب ما لقيت حاجة تورينا العلاقة ؟ يعني جعفر بن عبدالمطلب ما برضو من بني هاشم وامو من الحبشة وكذلك عمرو بن العاص والاتنين جو المنطقة وعاشو فيها وحكملحدهم شمالها-مصر- ؟؟ ليه ما في علاقة الا بالعباس ؟؟؟
Quote: ياودالمنسي قبل كام اسبوع جابو مداحيين في احدي الفضائيات وقبل المدحة اصر المادح كبيرهم علي تعريف نفسو وجماعتو بان جدهم العباس ...؟؟ انت الحكاية شنو ؟ اها ليه العباس بالذات ؟؟ قدر ما فتشت في الكتب ما لقيت حاجة تورينا العلاقة ؟ يعني جعفر بن عبدالمطلب ما برضو من بني هاشم وامو من الحبشة وكذلك عمرو بن العاص والاتنين جو المنطقة وعاشو فيها وحكملحدهم شمالها-مصر- ؟؟ ليه ما في علاقة الا بالعباس ؟؟؟
اها ات قايلني اسماعيل باشا ؟؟؟ بربري سااااي وبس داير اعرف جدكم من وين وكيف وصل حداكم وباقي العايلة مشت كيف العراق وحاجات تاريخيىة زي دي ؟؟ ما انا موسي جدي ( دي كمان قول ما صحي ؟ ) ....
Quote: اها ات قايلني اسماعيل باشا ؟؟؟ بربري سااااي وبس داير اعرف جدكم من وين وكيف وصل حداكم وباقي العايلة مشت كيف العراق وحاجات تاريخيىة زي دي ؟؟ ما انا موسي جدي ( دي كمان قول ما صحي ؟ ) ....
ياود محجوب سلام والله واحدة عاشت في العراق اشارت الي اهتمام وتبريكات ببنات العباس في ضريح ... اها يعني بقيتو ما تعرفو قرايبكم ؟؟؟
Post: #137 Title: Re: ودشيقوق وفريق "الاحفاد" Author: سمية الحسن طلحة Date: 01-14-2008, 09:49 AM Parent: #136
Quote: لمتيين نعلم العرب العربي ؟؟ جاتكم اواا
( الجملة دي مجلوبة من بوست أخر والهمبته هيلنا جلب يجلب فهو جلابي ) ياود المنسي أنت وأنا حقو نتنازل حروف جرنا ماقدرت تعمل أمام أبوجهل وأبو لهب أما أبوبكر جراهم عادي
دكتور عمر خليتني أضحك براي ( هذه بتلك )
أبوبكر صبحك الله بالخير البكا بحرروا أهلو وكمان بحرروا فلسطين و... و.. و. يعني شنو الغريب لو بنات العباس في العراق أصلا جدنا البطحاني من البطحاء مابين مكة والعراق
Quote: أصلا جدنا البطحاني من البطحاء مابين مكة والعراق
يالملكة اها اليوميين دييل المنطقة دييك بالذات فيها ناس لاجئيين يقومو يقولو تبعكم ونبقي في تلتلة ... نفسي اعرف جد منو من الناطقيين بها في السودان جاء من داخل المليون ميل ؟؟ كلهم جدود مستورديين ؟ عجيبة .. فاتت الحكاية دة جدو ودشيقوق انو يبقي جدو مستورد
جيتكم منبهر عديل من فندق شمنقرلا والله قريبكم ( الا الرطاني) لبس لبسة هيييييييييييييع واتحكر ليكم مع ناس زياد الدباس وخبراء مؤشر داوجونز والله عاينت جاى وجاى وجاى وجريت نفسي وقلت احمدك يا الله القريتني وجلستنى مع البرستيدشات ديل هسع اكان الواحد ما قرا اكان يكون لابس ليهو فتيقة ومصر في راسو وشائل عكازو في اكتافو تابع الغنم محل ماشات .
الما حاسد يتابع القنوات الاتية في برامجها الاقتصادية :
CMBC العربية الجزيرة -النشرة الاقتصادية عمان - النشرة الاقتصادية
لاحولاااااا.. دة شنو ..."شمنقرلا" دي وين ؟؟؟ هي "شانجريلا Shangirila" وهي مجموعة فنادق خمس نجوم من شرق اسيا ....وبعدين مع العرريب دة ؟؟؟؟
Post: #149 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:04 PM Parent: #148
Quote: ياودالمنسي قبل كام اسبوع جابو مداحيين في احدي الفضائيات وقبل المدحة اصر المادح كبيرهم علي تعريف نفسو وجماعتو بان جدهم العباس ...؟؟ انت الحكاية شنو ؟ اها ليه العباس بالذات ؟؟ قدر ما فتشت في الكتب ما لقيت حاجة تورينا العلاقة ؟ يعني جعفر بن عبدالمطلب ما برضو من بني هاشم وامو من الحبشة وكذلك عمرو بن العاص والاتنين جو المنطقة وعاشو فيها وحكملحدهم شمالها-مصر- ؟؟ ليه ما في علاقة الا بالعباس ؟؟؟
عمران جدكّم والنسبة عباسية وآيات فضلكم لي الليلة مي منسية أهي الدنيا بي فخركم مكسية نزيلكم ما بهم إن سوا ألآف سيئة
في ثابت العرب في آصلها وفخودا مثبوتا الرجاله وعنكم مآخودا صغيركم يدخل الحار أم لبوث ويخودّا مجرب من قديم سيفكم يوابر الخودّا
Post: #150 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:09 PM Parent: #149
Quote: لكن ناس أحمد المجري ديل جدهم المك نمر دربم زلق ببلع جت وكان هزو ضرعاتم ورق الشدر ينحت
ريحانة البطانة تسلمي البراك خربانة كلمي ابوبكر دا حالنا دا بنقيف معا قُصاد عريبي الدندر والله كان خلينا لي برا العريبي علا يأكلو وسوي لي البسوي كديس الخلا في الجِقر
دحين قولي لأبوبكر دا مازلنا أخوان وخلينا نبقى علي العريبي
ولا من يوم الليلة بنشيل عدتنا ونتكامل العريبي في خندقو
تحياتي يا ملكة
Post: #151 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:14 PM Parent: #150
تعرف يا أبوبكر في واحد من الجعليين مشى الحج .. وكل همو في الحج متين يصل يزور قبر جدو العباس .. ها لما وصل المدينة وزار قبر الحبيب محمد صلى الله عليه وسلم سعل رفيقو : ها زول وين قبة جدنا العباس .. قام رفيقو ودا للبقيع ولقى العباس مدفون في البقيع .. إتحمق بي الحيل الجعلي وقعد جنب القبر يناشد في وقال : والله كان دفنوك عندنا في السودان كان سوينا ليك قبة أكبر من قبة ود أخوك دا .
Post: #152 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:22 PM Parent: #151
Quote: يعني شنو الغريب لو بنات العباس في العراق أصلا جدنا البطحاني من البطحاء مابين مكة والعراق
شن قولك يا باشمهندس وديل ولاد عمنا والما عندو ولاد عم يشوف لي أولاد عم
ود عمي وأخو أبو تجو تسدّو ما لي أبو
Post: #154 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:28 PM Parent: #152
Quote: امس قال عندهم مؤتمر ETF (بتاع بورصات ) وهو قاعد هناك يبصبص ..
يا باشمهندس الكلام دا بِتابا بجيك الشهفوفة هسع زي صاقعة النجم
Quote: : والله كان دفنوك عندنا في السودان كان سوينا ليك قبة أكبر من قبة ود أخوك دا .
اها ما دفنوه عندكم ليه ؟؟؟ بالله عندك نسخة من شجرة العائلة الكبيرة قوي ؟ بعدين انتو زمانك العرب سوي ليكم شنو بشان دحين داير تساند العرريب ؟؟ ادوكم شوية من بترولم ؟؟
حاشية: احمد المجري اسهل ليهو رطانة بدل العربي الما جايب همو دة
Post: #155 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 07:36 PM Parent: #153
Quote: اها ما دفنوه عندكم ليه ؟؟؟ بالله عندك نسخة من شجرة العائلة الكبيرة قوي ؟ بعدين انتو زمانك العرب سوي ليكم شنو بشان دحين داير تساند العرريب ؟؟ ادوكم شوية من بترولم ؟؟
حاشية: احمد المجري اسهل ليهو رطانة بدل العربي الما جايب همو دة
ها زول ها إت قايل أنو العباس جا السودان .. لا لا ها زول كدي إنعدل في شان أحكي يلك .. عند دخول العرب السودان كان بينهم من أحفاد العباس وهم اللذين إستوطنّو في النطقة وتزاوجو مع سكان المنطقة.
والله نحن عريب اليوم مكجننهم بي بترولهم. لكن البلقى لي نسب فوق الرسول الحبيب صلى الله عليه وسلم بيابا
بعدين أحمد دا جعلي وزي ما قالت ليك الملكة دربو زلق حرم ما إسمع الدلوكا أقرب كنش يختفو ويجي يعرض وفوق عديلو حرم
Quote: عند دخول العرب السودان كان بينهم من أحفاد العباس وهم اللذين إستوطنّو في وتزاوجو سكان المنطقة
بس يوسف فضل قال انو ما في دليل يثبت ذلك .. بالمناسبة بروفيسور يوسف فيضل هو صاحب اهم ما كتب عن دخول العرب السودان ...ويقال انه كان للعباس ابنين كان قد توفيا قبل تاريخ ما يقال انهم اتو الي السودان ولم يكن لهم نسل ...ياخي خليكم مع ابولهب وابوجهل وما في زول بيغالطكم...بعدين العرب بتاعيين الجامعة العربية دييل هم من نسل العرب ديلك اها زي حال الرطان اتعلمو اللغة وهاك يا اجدادنا وعرب اصيليين ...يعني انا هنا مصر علي اني نوبي وعلي انو اللغة العربية ليست ماي مزر تنق وامس القريبة دي اتجادلت مع صديق من هنا بيصر علي اني عربي وانا اقول نوبي .. وقبل اسبوعيين قابلت شيخ من السعودية واثناء الحديث اصريت علي اني نوبي وحيث انو الرطانة كتار هناك في السعودية ما حب يجاادل كتير قال "لكم فضل دخول الاسلام هناك "..اشوف الرطانة سوو شنو وانت تقولي عربي ....
Post: #157 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 08:22 PM Parent: #156
بس يوسف فضل قال انو ما في دليل يثبت ذلك .. بالمناسبة بروفيسور يوسف فيضل هو صاحب اهم ما كتب عن دخول العرب السودان ...ويقال انه كان للعباس ابنين كان قد توفيا قبل تاريخ ما يقال انهم اتو الي السودان ولم يكن لهم نسل ...ياخي خليكم مع ابولهب وابوجهل وما في زول بيغالطكم...بعدين العرب بتاعيين الجامعة العربية دييل هم من نسل العرب ديلك اها زي حال الرطان اتعلمو اللغة وهاك يا اجدادنا وعرب اصيليين ...يعني انا هنا مصر علي اني نوبي وعلي انو اللغة العربية ليست ماي مزر تنق وامس القريبة دي اتجادلت مع صديق من هنا بيصر علي اني عربي وانا اقول نوبي .. وقبل اسبوعيين قابلت شيخ من السعودية واثناء الحديث اصريت علي اني نوبي وحيث انو الرطانة كتار هناك في السعودية ما حب يجاادل كتير قال "لكم فضل دخول الاسلام هناك "..اشوف الرطانة سوو شنو وانت تقولي عربي .... الأخ الحبيب / أبوبكر كل حديثي حول هذا الموضوع كان على سبيل المزاح أخي لا ننكر أن أهل السودان تزاوجوا من العرب اللذين دخلوا السودان في عهود مضت ومنهم قبائل عدة .. سؤال ؟؟ كم عدد صحابة الرسول ؟؟ وكم عدد اللذين دفنو في الجزيرة العربية ؟؟ هذا يقودنا إلى أن صحابة الرسول وهم كُثر قد هاجروا لنشر دين الله في شتى بقاع الأرض وطأت أقدامهم الصين واندونيسيا وماليزا وغيرها .. وكانت هناك مقولة جميلة للبروف عبداللع الطيب عليه رحمة الله .. عندما عارضت بعض الدول دخول السودان في جامعة الدول العربية .. قال لهم أين العرب منكم وأعني العرب فضل وكرم وشهامة ؟؟ فأن هولاء هاجروا وبقى في الجزيرة العربية حثالة العرب هم اللذين تقاعسوا وهم أجدادكم أما أجداد الأفارقا في الدول التي دخلوها هم العرب وأجداد الأسيويين في الدول التي دخلوها هم العرب ..
Quote: كل حديثي حول هذا الموضوع كان على سبيل المزاح
لا عليك انا اعرف ذلك ... منطق الاشياء ان الاقدر هو الذي يخرج لنشر رسالة وبالذات رسالة دينية كالاسلام وعليه فان اقدر العرب خرجو الي اركان الدنيا بالرسالة وكان منهم كثير اتي الي افريقيا وبقي فيها وتزاوجت اجيال من العرب مع الافارقة ومع الافارقة العرب او العرب الافارقة الذين تواجدو قبل الاسلام ..انها سلسلة انساب طويلة اختلطت فيها دماء وانساب اخري فكنا نتاج لذلك التمازج ولنا ان نفتخر به حيث تعايشت كل الانساب دون عراك لمئات السنين وبقيت مصالحهم رهينة تعايشهم السلمي حتي اتي من يعكر صفو ذلك التعايش وصار الذي يجري في بلادنا اليوم من تفتيت لتماسكه وتمزيق لنسيجه الاجتماعي وليد تمازج تلكالانساب والتعايش السلمي .....
Quote: بس يوسف فضل قال انو ما في دليل يثبت ذلك .. بالمناسبة بروفيسور يوسف فيضل هو صاحب اهم ما كتب عن دخول العرب السودان ...ويقال انه كان للعباس ابنين كان قد توفيا قبل تاريخ ما يقال انهم اتو الي السودان ولم يكن لهم نسل ...ياخي خليكم مع ابولهب وابوجهل وما في زول بيغالطكم
اها أقولك يا باشمهندس أكان البروف يوسف فضل قال كلام زى دا قولوا أمشى عيد قرايتك من جديد. ومنو القال انو فى واحد من ولاد العباس جاء السودان.
اها سيدنا عبد الله بن عباس ((رضى الله عنه)) توفى سنة 68 هجرية
ويعنى الدولة العباسية دى كلها اشاعة ساكت؟؟؟؟
أكان داير اولاد العباس ننزلن ليك
واكان داير شجرة نسب القبائل الجعلية برضو جاهزين
بس انت عايز ساكت تشغلنا من جدو ود شيقوق الهسع راقد فى البيت لا بسمع ولا بشوف من الأكل الأكلو فى الفندق.
Post: #161 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 08:42 PM Parent: #160
أأسف للتكرار فقط تم الحزف
Post: #162 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 08:43 PM Parent: #160
لا عليك انا اعرف ذلك ... منطق الاشياء ان الاقدر هو الذي يخرج لنشر رسالة وبالذات رسالة دينية كالاسلام وعليه فان اقدر العرب خرجو الي اركان الدنيا بالرسالة وكان منهم كثير اتي الي افريقيا وبقي فيها وتزاوجت اجيال من العرب مع الافارقة ومع الافارقة العرب او العرب الافارقة الذين تواجدو قبل الاسلام ..انها سلسلة انساب طويلة اختلطت فيها دماء وانساب اخري فكنا نتاج لذلك التمازج ولنا ان نفتخر به حيث تعايشت كل الانساب دون عراك لمئات السنين وبقيت مصالحهم رهينة تعايشهم السلمي حتي اتي من يعكر صفو ذلك التعايش وصار الذي يجري في بلادنا اليوم من تفتيت لتماسكه وتمزيق لنسيجه الاجتماعي وليد تمازج تلكالانساب والتعايش السلمي ... يسلم فوك يا الرطاني هذا فهمي الذي أومن به تعرف أنتً تاني أحسن زول بعد الرطاني الجميل فيسل محمد هليل صاحب بوست تعالوا شوفوا حلفا قبل الهجرة وهو صديقي في المجر وهو شخص جميل شديد وزايد في الرجال شبرين تعرف به يا باشمهندس.
تحياتي
Post: #163 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 08:49 PM Parent: #162
الليلة يا أبوبكر عمو ودشيقوق دا قافل تلفونو من صباح الرحمن
العريبي رجع من الفندق وهسي قاعد قِدام المرايا وبعاين لي نفسو وإسووي هيييييييييييييع هيييييييييييع أنا الشافو خلو أنا .... وأنا وبعد شوية بِفكر لي نفسو بلقى الساعة واحدة صباحاُ وبعدها بتكامل العنقريب بي لبستو السوداء ديك القاشر بيها في العرس.
Post: #165 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 09:13 PM Parent: #163
بس انت عايز ساكت تشغلنا من جدو ود شيقوق الهسع راقد فى البيت لا بسمع ولا بشوف من الأكل الأكلو فى الفندق.
هااا ناس هااا العريبي أكل لغاويس الفنادق عووووك آآآ ناس الليلة العريبي دا بتمسكّو يابوسّا وأها بعد داك إقعد يفتش في المليّن والله دا حفلة دي .. الزول خرب البطن تب متعودة علي اللبن بي الفطير صباحي وملاح لوبا ( ويكاب بي مصران عفن ) نهاري .. وبالليل كباية شاي بي لبينة مقننّا مع ليقيمات.
Post: #166 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 09:19 PM Parent: #165
هااا ناس العريبي ضبطّو بي هناك حايم في حوش عواطف
ولسان حاله يقول :- ونسة الضكير لي الضكير النوم منا أخير
هييييييييييييييييييييع اكان ده بقى ملازنا و فزعنا دنيا عليك السلام
Post: #170 Title: Re: ودشيقوق وفريق "الاحفاد" Author: خالد علي محجوب المنسي Date: 01-14-2008, 09:57 PM Parent: #169
مراحا منو الرطاني ؟
والله يانا مراحك كان درتا وكان ابيت وإن بقيت متغدي في سبعة نجوم ومع بلقيست كمان يانا مراحك كان بقيت لابس اللبسا السوداء يانا مراحك وكان غيرتها يانا مراحك
مالك آزول بتنكر لينا ما تخلينا نقنط ليك وندعو أن يطردوك من بوستات .... و....
هيييع ..نسيت شن قالتك مني بتي الاسبوع الماضي ؟؟.. خليك في شمنقريلا!!!! تفنجل عويناتك هناك تصاقر القاعدات في الريسيبشن .. اصلو من يوم ما حتيت ولبس الاسود ياكا الخرب تب ؟؟؟
"الزول" اسم سرقو جماعة وعملو فضائية بالاسم لكن ما زولنا شئ لبناني وشي سوري وشي امريكي ومرة مرة اها سوداني تحياتي للمجراب فيصل..اها رجع الي الجذور زي اليكس هيللي لما رجع الكميرون يفتش عن جذورو
Quote: هيييع ..نسيت شن قالتك مني بتي الاسبوع الماضي ؟؟.. خليك في شمنقريلا!!!! تفنجل عويناتك هناك تصاقر القاعدات في الريسيبشن .. اصلو من يوم ما حتيت ولبس الاسود ياكا الخرب تب ؟؟؟
Quote: بس من مرة واحدة في شاتغريلا في مسقط بقيت ما زولنا هسع كان ودوك برج العرب او قصر الامراء تبقي ET؟؟؟
تمشوا تاني اها كمان الليلة ناس البورصة قالوا ود شيقوق ده اصلا ما تركبوهو في الطيارة مع الرطانة والجماعة اياهم تودوهو المطار وتركبوهو قدام في ال business class
هييييييييييع والله تاني بعد فك الاحزمة اجي ماري فيكم سااااااااى متحدر واعاين ليكم بطرف عيني بس
Post: #180 Title: Re: ودشيقوق وفريق "الاحفاد" Author: خالد علي محجوب المنسي Date: 01-15-2008, 10:15 PM Parent: #179
[
Quote: B]الا انت الخليت بنات عمك السمحات وحنينات ومشيت للمجريات سبحان الله واحدين في صراع مع زوجاتهم قبيلتي وقبيلتك وواحدين عايشين صراع حضارات في العناقريب .
ود شيقوق المسلط .. والله انتَ داهية قالوا زمان الما بتقدر علي جدعّو لكن لا قدرنا عليك ولا قدرنا نجدّعك
تعرف يا شيقوق زمان كان عندنا أبن عمتنا خطب بت محسية من أهل أبوبكر .. وحبوبتي مغيوذا منو شديد قامت قالت لي انتَ مالك ما تغطي قدحك ماشي لي بعيد مالك ؟؟ رد قال ليها قدحي يلغى في الضيب
يا العريبي والله دي كانت قسمة أحمد في الحياة كان ما عرست المجرية دي ما كان أحمد جا
Quote: ود شيقوق المسلط .. والله انتَ داهية قالوا زمان الما بتقدر علي جدعّو لكن لا قدرنا عليك ولا قدرنا نجدّعك
تعرف يا شيقوق زمان كان عندنا أبن عمتنا خطب بت محسية من أهل أبوبكر .. وحبوبتي مغيوذا منو شديد قامت قالت لي انتَ مالك ما تغطي قدحك ماشي لي بعيد مالك ؟؟ رد قال ليها قدحي يلغى في الضيب
يا العريبي والله دي كانت قسمة أحمد في الحياة كان ما عرست المجرية دي ما كان أحمد جا
يقدر الله لكل خلق سبب
وسبحان الله
تحياتي يا السيد جليس الفناجرا وفي الفنادق كمان
والله المجرية المسكينة تلقاها تجي تعاين ليك وبتكتب في الكلام الفوق ده تكون قايلاك بتعمل دراسات عليا.
Post: #182 Title: Re: ودشيقوق وفريق "الاحفاد" Author: خالد علي محجوب المنسي Date: 01-15-2008, 10:31 PM Parent: #180
Quote: هييييييييييع والله تاني بعد فك الاحزمة اجي ماري فيكم سااااااااى متحدر واعاين ليكم بطرف عيني بس
ودشيقوق مبروك عليك وفوق عديلك أقدل إن شاءالله يركبوك جنب الكابتن وتضرب البوري لما تدخل الأجواء السودانية
وتخلف البوري زي تيمس جدك عندما تحط الطائرة في المطار بتعرف البوري المخلوف كيف إتخيل معاي
(سجمــــــــــــــي نورا ...سجمـــــــــي بتي )
Post: #183 Title: Re: ودشيقوق وفريق "الاحفاد" Author: خالد علي محجوب المنسي Date: 01-15-2008, 10:37 PM Parent: #182
Quote: والله المجرية المسكينة تلقاها تجي تعاين ليك وبتكتب في الكلام الفوق ده تكون قايلاك بتعمل دراسات عليا.
قرقراب قر قر قر
الله صحي مسكينة وما عارفاني بلت وبعجم في هباب مع ود شيقوق
أمشي لبوست منصور المسادير الراجل وسمك بي ابيات من شعره الجميل
