Post: #1
Title: فضائية "هارموني" و علاقات الحب الفاشلة
Author: abubakr
Date: 02-08-2008, 02:04 PM
Parent: #0
هارموني فضائية يحاول صاحبها او اصحابها بان يجعلوها "مختلفة" عن الاخريات ولكن يبدو ان حسابات الجيوب والبنوك والتموييل لا تساعدهم فيضطرون ( حتي لا اتهم بانني متحامل) في ترديد مالديهم في فترات زمنية قريبة وليست وفق المعايير التي تكرر فيها الفضائيات الاخري برامجها لتحاطب شرائح اكبر من المشاهديين وفق فروقات الزمن في العالم ...
في بداية بثها الترويجي كررت وبصورة مملة فيديو كلب لمغني ( االوصف هنا ليس دقيقا فقناة هارموني وزوول تاتيان باشخاص وموسيقي علي ان هذه الشخوص تغني وليس ذلك بالضرورة صحيحا).. ذاك المغني له قصة مع حبيبته زوجته وطفلتهما ولسبب ما يخص هارموني يحدث اختلاف او تاخذ الزوجة شنطتها وطفلتها وتذهب الي بيت اسرتها وهنا يغني الزوج متعطفا وووويذهب الي والد الزوجة ويعود بزوجته وطفلته ويادنيا ما دخلك شر ...تكرر هذا الفيديو كثيرا لدرجة انني حسبت ذلك توقيع Signature هارموني وموسيقاها المميزة .... ثم مؤخرا ظهر فيديو "الوردة الحمراء" وصاحبها الجالس علي درابزين بيت من البيوت وحبيبته التي تجلس في البلكونة وهو يجلس تحت البلكونة وحوار موبايلي ثم يجلسان في كرسيين من كراسي الفوتيل الكلاسيك المذهبة والتي لا احبها (وجهة نظر شخصية ) ثم تختفي الحبية ويبقي الكرسي الثاني من دونها ثم يجلس هو علي فوتيل حديث واضعا وجهه بين ركبتييه وبعدذلك نري الحبيبة ترتب ملابسها داخل شنطة وفي صورة مماثلة لخروج الزوجة وشنطتها وطفلتها في الفيديو الاول تخرج الحبيبة وهي تسحب الشنطه والحبيب (بعد ان بدل القميص اللبني الفاتح الي ازرق مارين بلو) ينطلق متاثرا وسط الاشجار حاملا وردة حمراء يرميها ارض ويعود الي كراسي الفوتيل ثم نراهما معا وهي تسحب الشنطة وهو يساعدها في ركوب سيارة جديدة لنج لاندكروز بيضاء وهي في مقعد القيادة بكامل مكياجها زعلانة وحبيبها يذهب ثقيل الخطي ...وخلاص ....
عجيبة يعني ما في قصة حب فرايحية ...وبعديين من وين بتجيبو الجماعة البتصرو انهم مطربيين ....
اين نجوان والزوول وممكونة والمرتضي وجني ومجاهد وووو وووووووووو انتو ما شايفيين الحاصل دة ؟؟؟ لا لاقين ننزل معاش ونلقي لينا راكوبة او مصطبة نترزع فيها ولا بلدا تلمنا واهو مضطريين بعد شغل عشرين ساعة نتكوي بالمصايب دي ....قال فيديو كلب ... كلاب حلتنا زمااااان بالليل كانت عندما ياتي مرفعيين من جهة كلي كومبو ( منطقة في قريتنا التي تحت الماء اسمها عمكة )
تبتدي تتبادل عواء احسن من اية صوت في اية فيديو كلب في هارموني وزوول اليوميين دول ....
ارحمونا ياعالم ....
|
Post: #2
Title: Re: فضائية "هارموني" و علاقات الحب الفاشلة
Author: نجوان
Date: 02-08-2008, 10:40 PM
Parent: #1
Quote: تبتدي تتبادل عواء احسن من اية صوت في اية فيديو كلب
في هارموني وزوول اليوميين دول .... |
طوّلت شوية من الفضائيات بسبب المشغوليات يا باش
ولم أفتقد أيا منها..
أهناك مؤشر أبلغ من ذلك؟..
نفسي أعرف من يضع تصور هذه الكليبات (ان كان لها تصوّر)..
____
بس كلهم ما بلحقوا كليب سمية حسن
إبـــداع 
|
Post: #8
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 05:37 AM
Parent: #2
اولا صباحنا اشطة (كما يقول قرايبنا المصاروة) نجوان وممكونة مرة واحدة...
| Quote: طوّلت شوية من الفضائيات بسبب المشغوليات يا باش |
غياب الونسة في الساعات البكون ما شغال فيها بتخلينا افتش الفضائيات الكثيرة ومر مرة اقول يمكن الجماعة دييل حالم اتحسن واهو بناخد الفي النصيب من البلاوي دي ؟؟؟انا بعد كليب سمية داك قلت ما ممكن يبدوعو ابداع متناه زيو تاني وبس جووني ناس زوول بكليب بنات ام لعاب البيرقصن (كرتون!!!) وهارموني بالعيال البحبو يوم ويطرشقو ايام وشايليين الشنط ودة طالعة ودي راجعة واول مرة اشوف زعلة بمكياج كامل يعني دميعة واحدة ما في .. جنس حال ....
احسن حاجة انو شفناكم !!!!
|
Post: #3
Title: Re: فضائية "هارموني" و علاقات الحب الفاشلة
Author: mamkouna
Date: 02-08-2008, 10:57 PM
Parent: #1
كيفك يا باش..و كيفك يا نجوان؟
مشتاقين و الله.
إنتو لسه يا جماعة بتشوفوا الكوارث دي..؟!!!
أنا و الحمد لله شُفت الأول بس..
التاني دا بشوفو بعد أتم كورس الآنتي- بايوتك!
|
Post: #5
Title: Re: فضائية "هارموني" و علاقات الحب الفاشلة
Author: نجوان
Date: 02-08-2008, 11:30 PM
Parent: #3
Quote: أنا و الحمد لله شُفت الأول بس..
التاني دا بشوفو بعد أتم كورس الآنتي- بايوتك! |
ودي كبسولات ولا حقن يا ممكونة..
ولا الإتنين؟
___
أعتقد الفضائيات دي الآن تتطلب تطعيم عــديل كده..
|
Post: #4
Title: Re: فضائية "هارموني" و علاقات الحب الفاشلة
Author: Alsa7afa_30
Date: 02-08-2008, 11:04 PM
Parent: #1
| Quote: ثم مؤخرا ظهر فيديو "الوردة الحمراء" |
سلام أ.أبوبكر
عساك بخير
ناس هارموني كتروها و مسخوها أكتر من اللازم.. و بقيت أتخطاها عند تجوالي بين الفضائيات منذ فترة ..
في البداية قلنا بث تجريبي ..
بعد ما فتحو رسمي قلنا ما مشكلة الجماعة يادوب في البداية و القادم أكيد حيكون أحلى ..
بس بعد كده اكتشفت عدم وجود استراتيجية معينة أو تخطيط برامجي واضح .. هو مافي برامج أساساً !
أما" زول" فلا تحتاج لتعليق ..
|
Post: #6
Title: Re: فضائية "هارموني" و علاقات الحب الفاشلة
Author: نجوان
Date: 02-08-2008, 11:32 PM
Parent: #4
| Quote: أما" زول" فلا تحتاج لتعليق .. |
إلا اذا كان تعليق .. من علقة..
وما الى ذلك..
|
Post: #7
Title: Re: فضائية "هارموني" و علاقات الحب الفاشلة
Author: Alsa7afa_30
Date: 02-08-2008, 11:46 PM
Parent: #6
Quote: إلا اذا كان تعليق .. من علقة..
وما الى ذلك.. |
أو تعليق في مروحة و ما شابه ..
|
Post: #9
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 05:44 AM
Parent: #4
| Quote: ناس هارموني كتروها و مسخوها أكتر من اللازم.. و بقيت أتخطاها عند تجوالي بين الفضائيات منذ فترة .. |
يا حسام .. القناعة كنز لا يفني دي انا يادوبك عرفت قيمتا اها كنا قانعيين بحال وبلاوي الفضائية السودانية وجن التلات الجداد دييل Three musketeers وزودوها خالص واحدة اعلانات بس تقول السودان خلاص اتحرر من كل العقد والبلاوي وحكام اخر زمن والاتنين الباقيات وفيدويوهات وكليبات ووليدات وبنوت ماليهن صلة بالطرب ولا الغنا ومذيعات مبسوطات خالص من الحاصل وامس واحدة منهن بتوزع بزيانوس ( انا غايتو من زمن الاغريقي صاحب الاسم ما سمعت بالمشروب الا امس يعني قول 40 سنة )..بعدين في تجوالنا الفضائي بيعتروا لينا واهو الواحد يقع ما حدش سما عليه
|
Post: #10
Title: Re: فضائية "هارموني" و علاقات الحب الفاشلة
Author: Muna Khugali
Date: 02-09-2008, 06:02 AM
Parent: #9
يا سلام علي الحب والهجر..
الورده الحمرا دي والله غلبانه!
يحبوها يقطوعها ويتصورا بيها..
يختلفوا يقطعوها ويرموها!
مسكينه في الحالتين ضايعه..
طيب هي الورده دي بس وروني..ذنبها شن؟؟
أما بالنسبه للمشاهد الأخري فنرجع عندما نشعر بها..
وسيبك انت من هارموني..وركز في الحب والهجر
صباح الفل والياسمين..
|
Post: #11
Title: Re: فضائية "هارموني" و علاقات الحب الفاشلة
Author: منى على الحسن
Date: 02-09-2008, 08:11 AM
Parent: #1
العزيز ابويكر ....سلامات
والله رسالتك دي بجد من زول موجوع شااديد لكن رغم ذلك مصر يشاهد الوباء ده
كل ما ازوركم القاك فاتح ليك مغصه وقاعد قداما
غايتو هارموني دي شفتها في البث التجريبي
ما عندهم غير اغنيتين ومدحتين لزول واحد
والاغنيتين فيهم شاكوش ما عندهم غير الحزن
وبعدها نرجع للمدحتين وهكذا دواليك ... مع فواصل لي بنات سمحات بهمسو بي كلام ( هارموني قريبة من
العين قربية من القلب )
لكن قامت ضاعت مننا ضيعتا سنوية عشان عندها حساسية من القنوات دي
قالت اخير نعاين الافلام بلا قنوات سودانية بلا لما
انت يا باشمهندس عشان ما تمرض اخير ليك تتابعنا فك شوط القنوات السودانية دي
وخليك معنا في تو وفور وأكشن وون
ده كلو كوم كونهم يشيلوا مننا ضريبة مشاهدة قناة فضائية كوم
الله خلقني ما سمعت بي ناس اهلهم يمغصومهم ويفضحوهم مع الخلق البره وكمان يشيلوا
قروش شفته يا باشمهندس الوجع والمغصة دي !!!!!!
|
Post: #12
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 09:01 AM
Parent: #1
| Quote: وخليك معنا في تو وفور وأكشن وون |
يامني دييل بتاعيين سامية ومها ورشاء وضياء .. انا ما عندي صبر وبال علي افلام ومسلسلات طويلة اها الواحد عايز يسمعلو اغنية سودانية ويقوم يبتلي بزووول وهارمووني والشرووق ..لكن زووول وهارمووني عندهم ناس مصريين انهم بغنو وجنس بهدلة للغنا القديم الحافظت عليهو اجيال واجيال ( انا ما عارف الزووول والمرتضي والقرشي ساكتيين ليه ؟؟؟؟)....لازم الواحد يعمل جمعية نفع عام للحفاظ علي الاغاني دي من الطفيليين والطفيليات الكترو وملعون ابو الاورغ والكاروكي .. يعني الواحد راسمالو بس اورغ ويادنيا انا بغني ..لازم اي واحد يجي داخل الاستوديو وجاري الاورغ يطردوه.....
|
Post: #13
Title: Re: فضائية "هارموني" و علاقات الحب الفاشلة
Author: haroon diyab
Date: 02-09-2008, 09:37 AM
Parent: #1
استاذ / ابو بكر
صباح الخير
بس علي الاقل هارموني حتي الان بتجيب فنان بهدوم.....لكن الفضائية السموها باسمنا (زول) دي وحاتك بعد الساعة عشرة تبث بنظام ( اغنية بهدوم والتانية ابو من غير هدوم ....!)
شفت جنس المحن دي .
كتب صحافة 30
| Quote: أو تعليق في مروحة و ما شابه .. |
او تعليق ملابس في بلكونة .....لكن هي الملابس زاته وينه .
اللهم اكفنا شر المحن ....ماظهر منها ومابطن .
يديك العافية
هارون دياب
|
Post: #14
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 09:41 AM
Parent: #1
Quote: بس علي الاقل هارموني حتي الان بتجيب فنان بهدوم.....لكن الفضائية السموها باسمنا (زول) دي وحاتك بعد الساعة عشرة تبث بنظام ( اغنية بهدوم والتانية ابو من غير هدوم ....!)
شفت جنس المحن دي . |
يا قريبي.. جنس بخل ؟؟ لا اوركسترا ولا صوت ولالحن وكمان ماكو هدوم .... دي اقتصاديات الفضائيات السودانية الجديدة...
|
Post: #15
Title: Re: فضائية "هارموني" و علاقات الحب الفاشلة
Author: مازن الجمّال
Date: 02-09-2008, 10:14 AM
Parent: #1
العزيز ابو بكر
وده كلو كوم ولا في فيديو بتاع تلاتة اولاد كده من قراية اساميم اتضح لي
انو في اتنين منهم اخوان والتالت غايتو اتحشر في نصهم .. الاغنية اتخيل لي اسمها
يا ست الدلال .. عليك الله يا ابو بكر كدي احضر الفيديو ده وقول لي رايك .
|
Post: #16
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 10:19 AM
Parent: #15
| Quote: عليك الله يا ابو بكر كدي احضر الفيديو ده وقول لي رايك . |
حاااضر .. بس انا عندي ضغط وسكري ؟؟ بعدين انت المسعول
|
Post: #17
Title: Re: فضائية "هارموني" و علاقات الحب الفاشلة
Author: مازن الجمّال
Date: 02-09-2008, 10:29 AM
Parent: #1
لا كان كدي ما تحضرو .. لانو نسبة 90% من الناس الشافوه راقدين في عنبر الحالات الخطيرة
|
Post: #18
Title: Re: فضائية "هارموني" و علاقات الحب الفاشلة
Author: الطيب شيقوق
Date: 02-09-2008, 12:37 PM
Parent: #17
Quote: كلاب حلتنا زمااااان بالليل كانت عندما ياتي مرفعيين من جهة كلي كومبو ( منطقة في قريتنا التي تحت الماء اسمها عمكة )
تبتدي تتبادل عواء احسن من اية صوت في اية فيديو كلب في هارموني وزوول اليوميين دول .... |
طيب طالما اندكم حاجات زى دى مالكم بتفتروا علينا يا رتانة ؟
|
Post: #19
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 12:43 PM
Parent: #18
| Quote: طيب طالما اندكم حاجات زى دى مالكم بتفتروا علينا يا رتانة |
؟
نفسك في حت حتي مع المرافعيين
|
Post: #22
Title: Re: فضائية "هارموني" و علاقات الحب الفاشلة
Author: الطيب شيقوق
Date: 02-09-2008, 12:51 PM
Parent: #19
| Quote: نفسك في حت حتي مع المرافعيين |
يا زول والله الحت اكان امبارح وناس الكاميرات جاريين للتصوير وكانوا بيضحكوا قالوا حالفين يرسلوا الصور للرطاني
|
Post: #23
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 01:19 PM
Parent: #22
| Quote: يا زول والله الحت اكان امبارح وناس الكاميرات جاريين للتصوير وكانوا بيضحكوا قالوا حالفين يرسلوا الصور للرطاني |
انت عملتها علنا ؟؟؟؟
|
Post: #21
Title: Re: فضائية "هارموني" و علاقات الحب الفاشلة
Author: محمد سنى دفع الله
Date: 02-09-2008, 12:50 PM
Parent: #18
رتــانــه
ماتقدرش تغمض عينيك
انتوا البوديكم تعاينوا شنو ؟
تــســـتــاهــلـــو !!!
|
Post: #24
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 01:20 PM
Parent: #21
Quote: انتوا البوديكم تعاينوا شنو ؟
تــســـتــاهــلـــو !!! |
مش فلوسنا ؟؟؟
|
Post: #20
Title: Re: فضائية "هارموني" و علاقات الحب الفاشلة
Author: sanaa gaffer
Date: 02-09-2008, 12:48 PM
Parent: #1
Quote: لكن قامت ضاعت مننا ضيعتا سنوية عشان عندها حساسية من القنوات دي
قالت اخير نعاين الافلام بلا قنوات سودانية بلا لما
انت يا باشمهندس عشان ما تمرض اخير ليك تتابعنا فك شوط القنوات السودانية دي
|
يا ابوبكر .. انت بتحب تعذب روحك ليه ؟؟!! ...
القنوات السودانية دي كلها مفروض تصنف من الاسباب الاساسية لارتفاع ضغط الدم والسكري وزيادة ضربات القلب والغرغرينا كمان ...
منى كل يوم تشيل الريموت وتتكلم معاهو .. اي والله بتتكلم مع الريموت واسمعها بتطنطن .." عليك الله يا قناة السودان ما تشمتي فيني سناء " ..
تجيبها . وانا ابتسامة الشماتة توصل لغاية ضروس العقل عندي ...
قالوا لي ادفعي واشتركي في النيل الازرق .. قلت ليهم انا مجنونة ؟؟!! في زول في الدنيا يشتري سبب وجع قلبو ؟؟!! ...
غايتو الله يخلي لينا ( الامبيسيهات) من واحد لغاية اربعة .. قال تلفزيون السودان قال !!! .. فكونا بلا لمة ....
ــــــــــــــــــــــــــ
نجوان وممكونة ... ليكم وحشة ...
|
Post: #25
Title: Re: فضائية "هارموني" و علاقات الحب الفاشلة
Author: abubakr
Date: 02-09-2008, 01:24 PM
Parent: #1
| Quote: يا ابوبكر .. انت بتحب تعذب روحك ليه ؟؟!! ... |
ما زي الملاريا في الخرتوم ما اهو الناس برضو بتمشي الخرتوم
|
Post: #26
Title: Re: فضائية "هارموني" و علاقات الحب الفاشلة
Author: abubakr
Date: 02-10-2008, 06:09 PM
Parent: #1
| Quote: وده كلو كوم ولا في فيديو بتاع تلاتة اولاد كده من قراية اساميم اتضح لي |
انت متاكد!! يا مازن انهم ثلاث فقط.. في فريق "بلي" لابسيين تي شيرت ابيض وكيكرز بس هم اربعة ...دييل عينة براهم ...
وواحد طويللابس زي مزظفيين البنوك كرفتتو رفيعة وطويلة وهو طويل بس مبسوط من روحو جنس انبساط لكن سجم الغنا...
يا ناس "زوول" الله يوريني فيكم يوم ...
|
|