هزيمة جدو الطيب ودشيقوق والحلا بلة يرفض ان يحلو

Quote: هو العرريب ما زي "الحطئية" اهلو ذاتم اليحلهم الحلا بلة منو ...

محمد سيد احمد
ابو بكر سيد احمد

.......... سيد احمد
.............سيد احمد

يا اخي الاسامي ال الله كترها دى مالكم داخلين ليكم في خزان واحد . اها يمكن بتنتحلوا شخصيات بعض في الامتحانات ولا شنو .

ات عارف نحن اصلا غير (أمحمد) بضم الالف وتسكين الميم وضم الحاء وتشديد الميم ما اندنا

إتلمتوا فيهو يا .......... لهب

Quote: ات عارف نحن اصلا غير (أمحمد) بضم الالف وتسكين الميم وضم الحاء وتشديد الميم ما اندنا

اها "شيقوق" و "ابولهب" و "ابوجهل" ما تبع العرريب

منسي

Quote: إتلمتوا فيهو يا

ديل شاربين ليهم شربوت بركاوي عشان كده وقت الفيقة تلقاهم تشتتوا ايدى سبأ

هيييييييييييع يحلكم الحلّ بلة يا الرطانة

Quote: ديل شاربين ليهم شربوت بركاوي عشان كده وقت الفيقة تلقاهم تشتتوا ايدى سبأ هيييييييييييع يحلكم الحلّ بلة يا الرطانة

بس ختا ليهم قدح كبير الليل تركين بتكبو في زي الجراد
وأقع فوقهم محطي بالسوط ضهرا وقلبا

يا ود شيقوق أنا شايف الرطانة بارنك شديد....

وما يهمك كلام ( دكين ) العجب الباشمهندس ... دحين دايرين نسعل " عروس النيل " دى ما ياها الكانو برموها كل سنة لسلسيل الفراديس عشان يفيض وحتى جيتوهن إنتو وفهمتوهم ....وركزتوا ليهم مقولة سيدنا عمر.......
ودحين عقب "الفوم والبصل " ربنا ما قال فيه " قال أتستبدلون الذي هو أدنى بالذي هو خير } " وجعل صفة ملازمة " وَضُرِبَتْ عَلَيْهِمُ الذِّلَّةُ وَالْمَسْكَنَةُ " عشان كدا ربنا خاطب كل الرسل بأن يذهبوا لأقوامهم علا الجماعة ديل قال فيهم ( اذهبا الى فرعون إنه طغى فقولا له قولاً لينًا لعله يَذّكر او يخشى ) وباقيلك طُغيانهن ما باين ديل ارسلو ليهن رسولين ما واحد؟

دى غايتو البنقدر عليها وأخير ليك تراضى " ودالمنسى" عشان يوريك الدبارة.... مجرد إقتراح.

هييييييييييييييييييييييع

Quote: وما يهمك كلام ( دكين ) العجب الباشمهندس ... دحين دايرين نسعل " عروس النيل " دى ما ياها الكانو برموها كل سنة لسلسيل الفراديس عشان يفيض وحتى جيتوهن إنتو وفهمتوهم ....وركزتوا ليهم مقولة سيدنا عمر.......

مثال لهواية العرريب في لخبتة التاريخ ...كانت هنالك مملكتين متنافستين Rivals في الشمال .. المصرية الفرعونية والنوبية وكتاب دافيد او كونور الشهير Ancient Nubia -Egypt's Rival in Africa يضع نقاطا فوق حروف رفعت عن قصد لتجعل اللملكتين وكانهما واحدة وبقصد استعلاء المصرية علي النوبية وتسمية كل ما في المملكة النوبية علي انه من المصرياتEgyptology ولذا ولسنوات قليلة جدا ملضيات كانت بعض المتاحف تفعل ذلك ...والعرب حيث انهم قارئيين للتاريخ وفق رؤاهم وليسو بصانعينه اخذو تلك ولخبتةو كالعادة بين اشياء فرعونية واخري نوبية ومنها عروس النيل ...فلم اجد ما يثبت ان عروس النيل كانت من اشياء الممالك النوبية ......
الفراعنة ولقلة المصادر الطبيعية اعتمدوا علي النيل تماما وقدمو له القرابين اما النوبة فكان فيها من المصادر الكثير من حديد وذهب وتبادل تجاري مع العمق الافريقي والشرق عبر البحر الاحمر ....الخ .. النوبيين النهر تعاملو معه كحاجز دفاعي في كثير من الاحايين ....ألأخ .....
\انتو يالعرريب مافي غيركم ؤاد البنات ودحين تنططو زي الرامينك فوق ترامبليين "انا اخوك يا فلانة ..وعشا البايتات ....الخ "

قبل المداخلة البوست ده تاني اتلحس شايف تكررت فيهو حادثة البوست السابق يعني ما برفع

Quote: وبقصد استعلاء المصرية علي النوبية وتسمية كل ما في المملكة النوبية علي انه من المصرياتEgyptology ولذا ولسنوات قليلة جدا ملضيات كانت بعض المتاحف تفعل ذلك

عشان كده انتو رايحين في النص لا الفراعنة راضيين بيكم ولا نحن راضيين بيكم حقوا تعلنوا انفصالكم طوالي قبل الزحف المصري جنوبا والتمدد العروبي شمالا . يعني بلغة النجارين بقيتوا زى الاسفين بس.

خليني استدرك واراجع نفسي واقول ليك :

هسع دحين انتو لو انفصلتوا حتكون مواردكم شنو؟ ولا بتعيشوا على التعاريف البتلقطوها من السياح البجو يتفرجوا في درابكم ده . قال دهب قال .

Quote: خليني استدرك واراجع نفسي واقول ليك : هسع دحين انتو لو انفصلتوا حتكون مواردكم شنو؟ ولا بتعيشوا على التعاريف البتلقطوها من السياح البجو يتفرجوا في درابكم ده . قال دهب قال .

أها والبلح ده من وين بجيكم ،،، أى نعم عندكم شوية بلحات لكن زى نوع تمركم ده نحن بنديه ل....... أو نعمل بيه .......

أها نحن والملك فيصل واحد .. لمن قال للأمريكان بعد أن أخذهم لمزرعة نخيله : نحن إتربينا بى ده وممكن نعيش بى ده ،،، ده طبعاَ رغم أن العمل جارى على قدم وساق فى مربع 14 عندنا هنالك ،،، يمين إلا تدخلوا بفيزا عندنا .

.

Quote: هسع دحين انتو لو انفصلتوا حتكون مواردكم شنو؟ ولا بتعيشوا على التعاريف البتلقطوها من السياح البجو يتفرجوا في درابكم ده . قال دهب قال .

دحين ياعرريب بعدما وجدتو الكلا والمرعي بالف سنة عندنا بتسال مواردنا شنو .؟؟؟. بسيطة ....حنختكم في متحف و الفرجة بمليم ( ما كترتو )

Quote: بس ختا ليهم قدح كبير الليل تركين بتكبو في زي الجراد وأقع فوقهم محطي بالسوط ضهرا وقلبا

دة الجراد البيكالو العرريب

Quote: وأقع فوقهم محطي بالسوط ضهرا وقلبا

يجازي محنك يا ود ..... ضحكتنى شديد ات قايل ديل بينتظروا السوط على الليمين يطعنوا تراب جوووووووووووووووو.

هسة يا قريبى أنا أعمل شنو
الناس منحونى الجنسية الفخرية ..

خلينى أفتش كلمتين رطانة بالإستعانة بصديق .. وأجيك غماتى كدة

..

Quote: هسة يا قريبى أنا أعمل شنو الناس منحونى الجنسية الفخرية ..

يا قريبي دييل بشط من بيت من قصدة شعر استولي علي بلدنا كلها بعدين اتخيل شن بسوو لك بجنسية فخرية ؟؟؟

ابو بكر

Quote: يا ود شيقوق أنا شايف الرطانة بارنك شديد....

اصلكم ما تتعبوا تجونى خلونى ليهم براى هم وقت ما شافوا ليهم سوط يتلولح بطعنوا تراب طوالي تاني الا يجدعوك بالحيمور .

تعرف الحيمور يا الرطاني ؟

Quote: غنيت بالعديلة في عيال شايق

أماني ان دقيت نحاسك علي كدي ماكنت انجيهت جيهي

كان نبرولك عيال شايق من حاصف لاقاصف

ونصرناك نصر مؤزر على جيرانا ديل
إلا جابتلها :

Quote: ( من شيقوق)

خُم وصُر

كدي لابنفلع لا بنجيب الحجار

بنلبد ورا ونشجع اللعبة الحلوة


وبيني وبينك الحرب كر وفر

والرطّانة رامنك بجوهرة السنتهم

ابقى تار لورا وخيرها في غيرها

Quote: أماني ان دقيت نحاسك علي كدي ماكنت انجيهت جيهي كان نبرولك عيال شايق من حاصف لاقاصف ونصرناك نصر مؤزر على جيرانا ديل

يا ملكة...
شيخ الشوايقة الرجل العظيم ابوبكر سيدأحمد كان واقف معانا...مالك كنتي عايزة تخربيها...
وانتي ماشفتي الفصاحة بهناك ساي...

ود شيقوق قلت لي ابوبكر اشترانا؟؟؟؟
والله لو ما ود المنسي ووقفاته الحيادية كنت طلبت لجوء سياسي في الزيداب

Quote: أماني ان دقيت نحاسك علي كدي ماكنت انجيهت جيهي

دييل العرريب الخربو سبا وسوبا وانتي ملكة سبا فكيفن تدقي ليهم نحاس ..معقولة نحن جيران بس ؟؟؟ كيفن الكلام دة ...انتي شاورتي عيال شايق ؟؟

ود شيقوق قلت لي ابوبكر اشترانا؟؟؟؟
والله لو ما ود المنسي ووقفاته الحيادية كنت طلبت لجوء سياسي في الزيداب
..........................
القمر بوبا
صحي عليك تقيل .. الحيادة رفضها ( أبوبكر ) الزووول مكجني وتب ما نزلتَ لي من ذور
قدر ما رصعوا فوق ضهروا في شان ينزلني أبا
عاد أسوي شنو ....
في الزيداب تشرف ملك يا سيدي هي الزيداب لقتك وين في شين ترفض أنت سيد البيت

تحياتي القمر بوبا

ملكة سبأ - نورت الدار يا بت شايق
قمر بوبا- طولت منا ليش

منسي - اوع الرطاني يشتريك

الرطاني (برة)

المحس (الرطانة) قبيلة بشـمال الســودان لهم لغتهم النوبية المحســية وينتــمون الى محمــد محسـي ( او محسن ) وينقسمون الى محس الشمال ويتكلمون المحسية , ومحس الجنوب الذين فقدوا بالاختلاط لسانهم المحسي ويرجعون بنسبهم الىعجم ابن زيد بن محمد محسن (محسي) الذي يتصل نسبه بأبي بن كعب الانصاري ونسبهم انهم ابناء محمد الملقب بعجم بن زيد ( اوزايد) بن محمد المعروف بمحسي ( او محسن ) بن الملك سعد بن الملك جامع وفي رواية جميل بن حسن بن الملك احمد بن الملك عامر بن الملك عبدالكريم بن عبدالله بن يعقوب بن جابر بن سعد بن موسى بن اويس بن جامع بن سكر بن سالم بن عبدالرحمن بن علي بن سليمان بن محمد بن زايد بن عمارة بن عبادة بن أبي بن كعب الانصاري الخزرجي .

وتذكر رواية بعض محس بري ان جدهم مضوي عبدالرحمن الذي كان معاصراً للشيخ محمد عبده ودرس معه بالازهر قد نقل نصا من كتاب بالقاهرة يحوي نسباً للمحس يرجعهم الى اصل هاشمي وليس خزرجياً. ويرد اسم عبدالعزيز محسن كأحد ابناء ذبيان العشرة الىجانب صارد جد الصواردة وهم من جهينة . وانجب عجم عدد كبير من الابناء هم فروع المحس على الوجه التالي :

صاردي : جد الصوارد

مزاد : ابوشامة جد الشامية والسعداب

سدران : جد السدارنة

محمد قباني او كباني : جد الخوجلاب

شرف الدين فلاح : جد البداناب . ومنهم الشيخ ادريس ود الارباب واولاد حضرة

عبودي : جد العبوداب بتوتي ودنقلا

سعد : جد السعدلاب

وقد تفرق المحس بعد ان هاجروا من ديارهم بأرض المحس في اماكن متفرقة من السودان فسكنوا توتي وبري وشمبات واوسي وحلفاية الملوك والعيلفون وكترانج والركيبة والكاملين وكلكول وغيرها من قرى الجزيرة والنيلين الابيض والازرق وكسلا ويشير ريتشارد لبان الى مجموعة ملوك المحس التي امتدت من القرن الحادي عشر الى القرن الرابع عشر الميلادي بدءاً بالملك عبدالكريم ثم الملك عامر ثم الملك احمد ثم الملك حسن فالملك جامع فالملك مكين فالملك حمد فالملك برسي فالملك الزبير الذي اعقبه فرح .
ويعتبر الملك جامع جد المحس فمن نسله الملك مكين جد المكناب والملك سعد والد محمد محسي جد المحس وهذان الفرعان هاجرا جنوبا واستقر نسلهم في اماكن تجمعات المحس في الخرطوم والجزيرة .

اهلي عيال شايق (الشايقية)


ابناء شايق بن حميدان الجعلي
وانجب شايق عشرة اولاد هم :
1- سوار ( جد السواراب )
2- حوش ( جد الحوشاب)
3- عون ( جد العونية )
4- محمد شلوف ( جد الشلوفاب)
5- احمد باعوض ( جد الباعوضاب)
6- سالم او هاكيت ( جد ام سالم بالزومة )
7- قريش ( جد العامراب)
8- نافع ( جد النافعاب )
9- مريس ( جد المريساب)
10- كدنقا ( جد الكدنقاب)

وقد تفرع منهم عدة بطون من بينها الحنكاب والعدلاناب والعمراب . وكان منهم بيوت الملك وهي متفرع من جد واحد من الكدنقا اسمه صالح وامه بنت امير الفونج الذي كان اسمه عيسى وكان مقر حكمه في بلدة كجبي ولم ينجب عيسى المذكور نسلا فورث الامارة من بعده صهره صالح وبعد وفاة صالح انقسمت بلاد الشايقية الى ملوكها الملك جاويش او ( شاويش) , والعمراب او ( العماراب ) واشهر ملوكها الملك احمد وهي ممالك حنك وكجبى ومروي وعمرى او امري وقامت مملكة الشايقية اولا على اطلال مملكة نبتة القديمة وامتدت من الشلال الرابع الى ابي دوم قشابي وكان مركزها مروى والى شمالها ممالك الدفار ودنقلا والخندق وارقو. وتقع دار الشايقية بين امري والدبة على شاطئ النيل وتذكر روايتهم انه كان لشايق اثنا عشر ابنا وحضروا لمروي في القرن العاشر وكانت البلاد مأهولة بالنوبة الذين كان لهم ملك نافذ واراد اولاد شايق ان يكون لهم ملك فلم يمنعهم ملك النوبة واقطعهم ارضا زراعية ووقع اختيارهم على كدنقا اكبرهم سنا فنادوا به ملكا ونهج نهجا قويما في تعاون مع النوبة واتخذ عاصمته كجبى بين مروي والتتي شيد بها قصرا وتوفي ودفن بكجبي , له من الاولاد صلاح وصالح وعيسى وفرح وفرج واصلح كدنقا ما بين اخوانه واخيهم سوار وجاء به من ارقو لمروي واشتهر من السواراب الشيخ عكود والشيخ احمد الهدى ومحمد بك سليمان . وتذكر روايتهم ان شايق تزوج بامرأة عربية رزق منها اول اولاده سالم وتوفيت امه فتزوج شايق ابنة عمه فرزق منها بولديه حوش وعون وقيل نافع وشلوف , وفي طريقه للسودان حوالي القرن الخامس الهجري اقام ببلدة توماس بمركز الدار وتزوج بأمرأة هناك رزق منها ابنه كدنقا وكان ذكياً طالباً للعلم فهاجر ابوه واخوته ونزلوا بكورتي وكان هناك من بقايا النوبة في صنم او البركل والزومة والكرو فصار شايق يتودد اليهم حتى صار ملكا عليهم ولما قوي تطلعت نفسه الى التوسع فسار بجيش الى دارفور ولكن قوة الفور جعلته يتراجع ويعقد حلفا تجاريا مع ملكهم ويتزوج احد كريماته التي ولدت ابنه سوار نسبة للسوار الذي اعطاه شايق لها لتجعله في يد ابنه ان كان ولدا وتوفي شايق في كورتي بعد عودته وقام الصراع بين ابنائه بعد وفاته ونادوا بسالم للزعامة لأنه اكبرهم ولما اسئ انصرف عنهم وسار الى الحج عن طريق مصر وفي الطريق صادف اخوه كدنقا متجها الى كورتي فأقنعه بالرجوع معه لتسوية الامر مع اخويه حوش وعون فرفض وكان لكدنقا جماعة من توماس انضم اليهم بعض النوبة سكان مروي وقامت بين كدنقا واخويه حوش وعون حرب في بلدة الدبشية بين كورتي وأم بكول وفاز كدنقا ونودي به ملكا علىالشايقية الا انه تنازل لابنه محمد الذي كان عادلا وهو جد الحكناب , الذين استمر الملك فيهم الى ايام الاتراك واخرهم الملك صبير , اما كدنقا فذهب يبحث عن اخيه سوار في دارفور واحضره الى كورتي مما اغضب اخويه حوش وعون ثم باعاه واسترجعه كدنقا وهذا تفسير العداء بين السواراب واخوانهم العونية والحوشاب ولذلك فضلوا ان يسكنوا البادية بعيدا عن مناطق ابناء عمهم الشايقية .

راجعوا http://www.sudanradio.info/php/vb.353/showthread.php?t=1380

الليلة يحلك الحل بلة يا الرطاني

رافت ميلاد

كيفنك

Quote: هسة يا قريبى أنا أعمل شنو الناس منحونى الجنسية الفخرية

الرطاني اشتراك؟

إبيا لايقا!!!!

ده شنو آناس
بارك الله فيكم فإخوانيتكم تضىء المكان وتريح القلب من نكد الدهر وتنسى العقل قلة الحيلة

سيروا. وما عاش من فرق بينكم.

أسماء

Quote: إبيا لايقا!!!! ده شنو آناس بارك الله فيكم فإخوانيتكم تضىء المكان وتريح القلب من نكد الدهر وتنسى العقل قلة الحيلة سيروا. وما عاش من فرق بينكم.

الاستاذة اسماء عبد الحليم شخصيا - يا بختنا بيتنا نور يا الرطاني

شيقا

تقفَيك لسيرة المحس وأصلهم وممالكهم برضو ما حل

عاوز تمرقنا عراريب بالسلفكة وكده عشان تتخارج من الزنقة دي

اخي حيدر حسن ميرغني

Quote: تقفَيك لسيرة المحس وأصلهم وممالكهم برضو ما حل عاوز تمرقنا عراريب بالسلفكة وكده عشان تتخارج من الزنقة دي

اكيد دفع ليك عشان كده غيرت مواقفك المبدئية . انت مش ملاحظ حشوده من الرطانة تفرقوا ايدي سبب ويعمل الان لاستقطاب آل شايق او على الاقل تحييدهم .

البائع صوت اخير موتو .

نادي صاحبك داك ....... قول لو تعال بيع صوتك للرطاني .

هيييييييييييييييع انا اوباما .

أبوبكر !!!

سلامات ,,,

شوية شوية على جدو .. راعي عامل السن !!!

عطوفي

قلنا جات شايلة الفرح لكن هييييييييييييييييييع .

Quote: شوية شوية على جدو .. راعي عامل السن !!!

وإن سفاه الشيخ لا حلم بعده

وإن الفتى بعد السفاهة يحلم


عطوفي لو ادوك البيتين اعلاه واحد في يدك اليمنى وواحد في يدك اليسرى وقالوا ليك قسّمي للرطاني وشيقا تديني ياااااااااااتو فيهن .

سريييييييييييييع قبل الرطاني يجيك يستقطبك ويمارس الاساليب الفاسدة .

لكن يا شيقا الا انت ذاتك الليله تكون مشربت (من شربوت)...بتصريف مبلتس من Bluetooth العرريب الرسلته ليك في البوست الاصلي
بقيت بتاع مقالات واقتباسات....
وكتين نحن اوس وخزج في مقدمتك ديك والكلام التحت ده في القرن العاشر طيب الكانو نوبة ديك طفشوا وين عشان نبقي خزرج...يا كافي البلا ماكان في زول نسبه زي الخزرج...ولا عشان كتبنا معاكم عربي تعربونا.....

Quote: وتقع دار الشايقية بين امري والدبة على شاطئ النيل وتذكر روايتهم انه كان لشايق اثنا عشر ابنا وحضروا لمروي في القرن العاشر وكانت البلاد مأهولة بالنوبة الذين كان لهم ملك نافذ واراد اولاد شايق ان يكون لهم ملك فلم يمنعهم ملك النوبة واقطعهم ارضا زراعية ووقع اختيارهم على كدنقا اكبرهم سنا فنادوا به ملكا ونهج نهجا

كدنقا ده عربي؟؟؟؟

يا شيقا انت تاريخ السودان حيكتبوه متين؟ما تجي نكتبه...
او اقول ليك...نخلي اي زول يكتب الفي راسه ونلم الكراسات...ويكون تاريخ مرضي عنه...

عفوا للاطالة لانو البوست ده بيعتمد علي ركلات ترجيح

Quote: شوية شوية على جدو .. راعي عامل السن !!!

كل العرريب غير الشلاقة والتصابي ماقي شيتا في الدنيابتكيفم ...في ارذل العمر ويبصبص وانا اقولو جاور ..

.

Quote: ويعمل الان لاستقطاب آل شايق او على الاقل تحييدهم .

عيال شايق ليسو للاستقطاب انهم اصحاب مواقف وانت العرريب فاكرم حيساندوك ووكت ما تنال مرادك تركب جملك وتفز ... في المشمش ....

Quote: إبيا لايقا!!!!

الف مرحب بالقوات الصديقة
( مش جيران بس يا ملكة سبا )

Quote: يرجعهم الى اصل هاشمي

بس .... يعني لازم يحصل تسليم وتسلم من اي واحد قال انو هاشمي اكان في المغرب واللا الاردن واللا الخرتوم بحري ..... اننا نطالب بعروشنا ...

Quote: وتقع دار الشايقية بين امري والدبة على شاطئ النيل وتذكر روايتهم انه كان لشايق اثنا عشر ابنا وحضروا لمروي في القرن العاشر وكانت البلاد مأهولة بالنوبة الذين كان لهم ملك نافذ واراد اولاد شايق ان يكون لهم ملك فلم يمنعهم ملك النوبة واقطعهم ارضا زراعية ووقع اختيارهم على كدنقا اكبرهم سنا فنادوا به ملكا ونهج نهجا قويما في تعاون مع النوبة واتخذ عاصمته كجبى بين مروي والتتي شيد بها قصرا وتوفي ودفن بكج

يااااسلام .... شايف الذوق والحنية ياعرريب ......اها دحين تيمس عمك المغرز داك تتقاسمو مع الر طااني زي ما عمل ماكة النوبة والله بعتو حديد خردة في بكانو ورحت حتيت بالفلوس ؟؟؟

Quote: صحي عليك تقيل .. الحيادة رفضها ( أبوبكر ) الزووول مكجني وتب ما نزلتَ لي من ذور قدر ما رصعوا فوق ضهروا في شان ينزلني أبا

شائعات تعود عليها العرريب دائما للتاثير في معنويات الجيوش الاقوي من قوافلهم ....امامك خيار واحد وهو التبعية الرطانية مافي عندنا نص نص (حيادية )....

قريبي

لولا ثقافتنا المستنيرة تجاة المراة ..
كان تلقى دوما وملكة سبا البتفاصحن ديل هسي تحت رمال صحراء بيوضة..
وقد تحولن الى ثروة قومية يتناوشها ابناء القبائل المتعددة..
العرباويات ديلا هسي كانن يكون مجرد بترول وحترب عظائيات ومواد جيرية..

حقو اي عرباوية تجي خاشة هنا اول شي تحمد الله على وجودنا..
وتثنى علينا..
وتاخد الاذن بالكلام..ومن ثم تقول مافتح الله عليها به..




هسي جايات يتفاصحن ونحنا المرقناهم من ثقافة (باي ذنب قتلت)..
صحي عرب مايملا عينم إلا التراب..

بوبااااااااااااااا

Quote: عفوا للاطالة لانو البوست ده بيعتمد علي ركلات ترجيح

يا اخي الله يمسخك ضحكتنى ضحكتنى وانا في الدوام الناس كلهم جوا يشوفوا الزول ده بيضحك ليش حتى في بنية سميحونة عاملة فيها تقلة وما بتروري وشها جات جارية بصورة لا ارادية وهيييييييييييييييع اخوك ملأ بططاطيرو زيييييييين .

لقيتني كيف يا العسل؟

دكييييييييييييييين

Quote: هسي جايات يتفاصحن ونحنا المرقناهم من ثقافة (باي ذنب قتلت).. صحي عرب مايملا عينم إلا التراب..

مالك على بنات عولي

الرطاني معانا انت؟

شوف دق العريريب في عطر منشم كيييييييييييييف .

الليلة يحلك الحل بلة ويبدو ان منهجكم يفتقر الى المؤسسية . بقيتوا زى ناس الانقاذ وزير الخارجية يصرح براهو والرئيس يصرح عكسو وناس الطيب مصطفى في وادي براهم

..

Quote: هسي جايات يتفاصحن ونحنا المرقناهم من ثقافة (باي ذنب قتلت).. صحي عرب مايملا عينم إلا التراب..

عرريب جابو معاهم الكتاحة .. زمانك الواضة مخدرة وغابات اها جونا بثقافة الصحراء وخلوها تصحرت ...

Quote: وانتي ماشفتي الفصاحة بهناك ساي...

ياقمر بوبا كدي اديني روق الحديث دا

اظني رماني جمل في البوست دا

ولا جايبني انبوب بترول

Quote: وانتي ملكة سبا فكيفن تدقي ليهم نحاس ..

انا جابني صوت النحاس ورسلوني عيال شايق البلحقو الضايق

جيران وبس كيف ياود سيداحمد ! ان ما اللسان كلنا يانا نحن (النيل والأرض والسلكاية والتمراية والكسرة الحنيني وغيرو)

ان ماجو قالو اتبعت خلاص

Quote: اظني رماني جمل في البوست دا

??en bro mnea wainge nl mn

ملكة سبأ

Quote: انا جابني صوت النحاس ورسلوني عيال شايق البلحقو الضايق

ونحن معاك يا ملكة

غنيت بالعديلة لعيال شايق
البراشو الضعيف ويلحقوا الضايق
الليلة استعدوا وركبوا خيل الكر
وقدامم عقيدم بالأغر دفر
جنياتنا الاسود الليلة تتنبر
ياالرطاني الغشيم قول لجدادك كر
حسان بحديده الليلة اتلتم
الدابي الكمن في حجره شم ادم
مامون يا الملك يا نقيع السم
فرسانا بكيلو العين يفرجو الهم

ياهو ده التاريخ يا رطاني مش زى تاريخكم الحابسين ليكم دراب وعاملين عندكم تراث . متاكد حتجيني وتقول لي بعانخي والكنداكة وتحتمس وحتشبسوت لكن ديل هم ذاتهم ناكرنكم يا بدووووووووووووون .

جيران وبس كيف ياود سيداحمد ! ان ما اللسان كلنا يانا نحن (النيل والأرض والسلكاية والتمراية والكسرة الحنيني وغيرو)

الناس ديل ما ناسكم ولا بيشبهوكم ناسكم نحن بالتمتم والدلوكة والعرضة والسوط .

الرطاني

Quote: شائعات تعود عليها العرريب دائما للتاثير في معنويات الجيوش الاقوي من قوافلهم ....امامك خيار واحد وهو التبعية الرطانية مافي عندنا نص نص (حيادية )....

جيوش قال . حضاراتكم سادت ثم بادت يا الحبيب .

.

Quote: جيوش قال . حضاراتكم سادت ثم بادت يا الحبيب .

ممكن تقولي حضارتكم وين ؟؟ سوق عكاظ وبقي سوق الناقة الانت بتالكل فيهو المشاوي ولغتكم وبقت لبنانية ( اها شاهد زوول )

ماهر محمد صالح

Quote: زى نوع تمركم ده نحن بنديه ل....... أو نعمل بيه .......

عشان كده كتاباتكم في البوستات بعد غياب الشمس زى درب النمل .

Quote: أن العمل جارى على قدم وساق فى مربع 14 عندنا هنالك ،،، يمين إلا تدخلوا بفيزا عندنا .

يا بخت المستثمرين اندكم ما محتاجين لعمالة شامية للشاورما والنغانغ

Quote: جيران وبس كيف ياود سيداحمد ! ان ما اللسان كلنا يانا نحن (النيل والأرض والسلكاية والتمراية والكسرة الحنيني وغيرو)

انا نضم العرريب البلخبت دة هو البجنني .. اناقصدت عيال شايق ما جيران وبس ؟؟؟؟دييل "ناسنا" ياعرريب ود شيقوق ( بالمناسبة انت لميت في عمتك المودرة في رفاعة ؟ )

Quote: ممكن تقولي حضارتكم وين ؟؟ سوق عكاظ وبقي سوق الناقة الانت بتالكل فيهو المشاوي ولغتكم وبقت لبنانية ( اها شاهد زوول )

حضارة ابل وحضارة نم وحضارة نال وحضارة بطانة وحضارة برق الصعيد وحضارة رعد وصواعق ( ارصد يا الرطاني) مش حضارة دراب وحجارة وجحرة ثعابين .

هيييييييييييييع

Quote: اظني رماني جمل في البوست دا

انتي الوداك مراح العرريب شنو ؟؟ اها دي مواصلاتم زاحفة من ديشليون سنة لا توصلك ولا تنزلك سالمة

Quote: حضارة ابل وحضارة نم وحضارة نال وحضارة بطانة وحضارة برق الصعيد وحضارة رعد وصواعق

ضحكتني ..
اضف الى ذلك حضارة حبوبة المطرة..
وحضارة قفا نبكي..
وحضارة بلة الذي لم يجد مكن يلحه..

دكييييييييييييييييين

Quote: اضف الى ذلك حضارة حبوبة المطرة.. وحضارة قفا نبكي.. وحضارة بلة الذي لم يجد مكن يلحه..

ات عارف دكين اخوى اسمك ده بذكرنى صاحبي في المدارس الاولية زمان كان بيجي المدرسة بسروالو الطويل وتكّتو جارة بالواطة لكن عندو جنس حنجرة لترتيل القرآن هيييييييييع بالذات سورة الفجر وليال عشر وعندما يجى متكامل الاية البتقول ( فاما الانسان اذا ما ابتلاه ربه واكرمه ونعمه ) والله انا كنت لما يجي صاحبي العريبي ده اتجاه الاية دى بأخد لي تكيه معاهو زى السواق العاصر ابنص في منعطف .

Quote: ات عارف دكين اخوى اسمك ده بذكرنى صاحبي في المدارس الاولية زمان كان بيجي المدرسة بسروالو الطويل وتكّتو جارة بالواطة لكن عندو جنس حنجرة لترتيل القرآن هيييييييييع بالذات سورة الفجر وليال عشر وعندما يجى متكامل الاية البتقول ( فاما الانسان اذا ما ابتلاه ربه واكرمه ونعمه ) والله انا كنت لما يجي صاحبي العريبي ده اتجاه الاية دى بأخد لي تكيه معاهو زى السواق العاصر ابنص في منعطف .

ودشيقوق
شكيتك علي الله يا المسلط

زولك دا كان فقدتو في الأيام المحل دي
بتلقى بقى مداح شايل طارو ولافي

كان في مداح يمدح في ساحة ميدان أبوجنزير
وفارش منديلو لي الختّتا .. المنديل إتملا
تب بالقروش .. أها زولك هايم في مديح الحبيب
صلى الله عليه وسلم ومغمض عيونو
جاء واحد أخو بنات لفا المنديل بي القريشات
وجرى .. زولك فتح عويناتو لقى المنديل في خبر
كانَ ... في تلك اللحظة واحد من الحلقة كورك
لي مادح النبي .. عليك الله سوي لينا( أمدح لينا )
مدحت ( أمة محمد )
قام المداح قال لي
أمة محمد إن شاءالله ربي يعدما نفاخ النار

Quote: شكيتك علي الله يا المسلط

اديللو عرريب نص كم ..... عرريب حتات ولابس قميص اسود وبيضحك علي اللابس سروال بتكة طويلة .. شايفيين ياطابور خامس العرريب بيضحك ع التكة ؟؟؟

Dear the Wiseman of Nubia, Abubakr, and Sheikh Al- Arab Eltayeb

I always take stand on issues, but on the family feud between you, I decided to become a
neutral.Honestly, as an Arabized Nubian/ Nubianized Arab,I torn between history, and geography, between language, and culture, between our past, and our present. Abubakr's people, Northern Riverain Sudanese are my ancestors, and Eltayeb's Butana Arabs, Abdelab, and Rufaa Araba are my in- laws, and neighbours. Abubakr reminds me of our sagia in Mugrat Island,our lost fertile land in the heroic town of Almatamma, our forgotten, songs, stories,tongues, and mythologis.Eltayeb reminds me of our blood, tears, and efforts in building our new life after forced migration to a hospitable, and fertile land of Gezira, East of Blue Nile, and Alsaaeid. Due to all above reasons, I would like to facilitate, and mediate between both of you, and reach a historic compromise between two of the major partners in our beloved Sudan, Nubians, and Sudanese Arabs, I urged the wise women of the board Doma,Salma, Asma, and other friends to join me in forming small committee of " Ajaweed", to mend the fences between this two gians, the Wiseman of Nubia, and Sheikh Al- Arab
Peace

يا قريبي المعز ابونورة.. هذا عرريب سلباط ...من زماااانك وهو مودر شغل العرريب الصدج وجاري ورا حفلات زيدان والحت وفلس عمو لمان وزع كل حلاوه البلي وقروانة الطحنية علي البنوت ودحين في ارذل عمرو سكن امبدة وعمل تيراس في بيتو الجديد فاتح عالشارع اها بيلبس قميصو الا سود ومن هناك بير سل اشارات للمارات والغاديات ... دة مو عرريب صدج genuine دة عرريب سانجيمس ونادي التنس (زمااان) ...عرريب ناس رفاعة غير وهذا غير

عمنا...
امس احتليت مسنجر شيقا....
لقيتو ليك حمدي غيث بس....بكون شغال سنما الزول ده ما بورصة

Quote: عمنا... امس احتليت مسنجر شيقا.... لقيتو ليك حمدي غيث بس....بكون شغال سنما الزول ده ما بورصة

هو قال بورصة اوراق ماليه - يعني ما ليهو - وكدة بيكون شغال اي حاجة فيها حت ؟؟؟؟؟

يا عمنا
ودشيقوق متلوق منجي سقركا ارجندا...
لغير الناطقين:شيقا منتطر المركب بالشرق عشان يعدي
دخل مسنجر وقال المنبر ما شغال عندهم...قرب يقول لي الرطاني اشتري بكري كمان
نلقاكم الاحد وراي سفرة صغيرة

Quote: ودشيقوق متلوق منجي سقركا ارجندا...

سقر كدوكمي ...تكون اقنسنق امنا كدهين

المركب غرق وهو زي السمك غاطس في الموية

- العرريب وعمكم فضيلي اتصلت بيهم ولقيتم خاتيين يدهم علي خدهم بعد ما سودانيزاونلاين ابت تجي تب في عمان ...

Quote: أمة محمد إن شاءالله ربي يعدما نفاخ النار

الله يجازى محنك المنسي الممسوخ ضحكتنى

بوباااااااااااااااااااا

Quote: دخل مسنجر وقال المنبر ما شغال عندهم...قرب يقول لي الرطاني اشتري بكري كمان

الرطاني استعمل كل الاسلحة وعند خسر المعركة حولها الى حرب الكترونية استهدفت ISP العماني وبالتحديد المنبر العام وكان ضحيتها ابرياء لا لهم فيها ناقة ولا جمل .

الرطاني بعد سواها اتصل فيني تلفونيا يسال عن الحاصل . محن بتسووها انتو يا الرطانة تقتلوا الواحد وتمشوا مع جنازتو .

Dear Abu Nora

Quote: the Wiseman of Nubia

It is a condition precedent upon you as a an even handed arbitrator to set a side the presummed wisdom of this Ratani

You know Abu Nora the notorious mala practices of this man in our struggle. He is purchasing the votes of the electorates
. Hence any endeavours associated with any incentives of whatsoever kind shall bear with it the failure of the prospective reconcialtion

To me Alratani with his vicious propensity could not abide with any term or provision in the agreement.
you know the history of his predecessors when they violated the so call al PUCAT treaty

Alratani deserves an agreement like the historical treaty with abdulahi Bin Sar7 which implied terms stipulating for their free drink of Marisa and Araki

Heeeeeeeeeeeeeeeeee3

Quote: بعد ما سودانيزاونلاين ابت تجي تب في عمان ...

سويتها انت وضاحك علينا قال ابت تجى قال - امشى كده

Quote: الرطاني بعد سواها اتصل فيني تلفونيا يسال عن الحاصل . محن بتسووها انتو يا الرطانة تقتلوا الواحد وتمشوا مع جنازتو .

طبع العرريب الشين دة ما بتخلووه برضو بعد الف سنة مع الحضارة النوبية .. ما ببتعلمو في الف سنة حتتعلمو متيين ؟؟؟ امس لو ما اتصالي التلفوني ماكا كنت فارش زي ما لقيتك وصحبك فضيلي وبعطمة لسانك قت " اها فارشين بعدما المنبر العام ودر تب " وكان ان نصحتكم ترفعو الفراش وتسالو عمانتيل تفك زنقتكم ....دحين تقول مؤامرة رطانة ؟ اكان كنا بنتامر ما كناختيناكم في المرمي وشتنا فيكم الكورة من خط سته ورددناكم الي اعقابكم خاسريين؟؟؟اها كنا ريحنا الناس من نضمكم المكلوج دة

Quote: To me Alratani with his vicious propensity could not abide with any term or provision in the agreement. you know the history of his predecessors when they violated the so call al PUCAT treaty

اها شايف مكر الرطانة وقرايبم حتي بعد ما تعربو .. اها ابونورة خلاك ترطن ؟؟؟ الفوق دة ما رطانة ؟؟ اها ياعرطاني...

اها لسه ما خليت هواية لخبتة التاريخ والانساب؟؟؟ "البقط" انتو العرريب الفركشتو .. ما جبتو "الشربوت " حسب الاتفاق رغم انو اتفاق بوري سوء نيتكم ..كيف بني ادم مقابل زجاجة عرقي او شربوت ؟؟ يا ضلالية ...؟؟ هسع وكت جبت سيرة "البقط" امسك تكة سروالك في خشمك واركب الهوا اخيرليك .....

Quote: اديللو عرريب نص كم ..... عرريب حتات ولابس قميص اسود وبيضحك علي اللابس سروال بتكة طويلة .. شايفيين ياطابور خامس العرريب بيضحك ع التكة ؟؟؟ --------------- ابوبكر سيداحمد

بكوري إزيك
شنو يا كافي البلا وحايد المحن
حجوة أم ضِبِبينة دي ما أنتهت
( قمصك الأسود .. التيمس .. صفحية الطحنية )
بعدين الطابور الخامس ما بكون من نفس الفصيل يا سيدي
الطابور الخامس دا مثلا يكون رطاني ومساند شيقوق
لكن نحن ما طابور نحن أهل الجلد والرأس

عاش شيقوق
عاش عاش عاش

Quote: بكوري إزيك شنو يا كافي البلا وحايد المحن حجوة أم ضِبِبينة دي ما أنتهت ( قمصك الأسود .. التيمس .. صفحية الطحنية )

دي ما عدة الشغل ؟؟؟

Quote: لكن نحن ما طابور نحن أهل الجلد والرأس

شغال في مسلخ البلدية ؟؟؟

Quote: عاش شيقوق عاش عاش عاش

يعيش فيمتو

سلام يا اهلنا
رغم العلاله والكترابه القايمه دي
الا انو وباخلاق الفرسان نسأل
ياجماعه ياربع ياقوم يارطانه مسعولين من الخير
اختنا سماح نعل مافي عوجه قدر ما اجي متراوح ماشايفا

Quote: سويتها انت وضاحك علينا قال ابت تجى قال - امشى كده

اصلو يا شيقوق قالوا أهلنا زمان
الرطاني لما يتعلم وبتفلقص
بركب في تكتّو لمبا
( كتلو بسألأ المات منو ؟؟ )

Quote: دي ما عدة الشغل ؟؟؟

علي الأقل وديها لأهلك في ورش عطبرة
يسنوها شوية كدبّت

عاش عاش شيقوق

Quote: سقركا ارجندا...

اجنده خفيه معروووووووووف الشغل ده
محايه +حرجل+محريب= انتي سقركا ارجندا

Quote: اجنده خفيه معروووووووووف الشغل ده محايه +حرجل+محريب= انتي سقركا ارجندا

محمد أحمد محمود
تعرف سماح دي أظنها طلعت السماء السابع
ناس ما بعرفوا المحريب والحرجل ديل ناس
عجوة ومشتقاتها البدور اللوري .. بعد مغيب
الشمش .. بس بقلبوا السلام لو في اي موضوع
بقولوا ليك هلي لبكرة

تحياتي ومودتي

Quote: اختنا سماح نعل مافي عوجه قدر ما اجي متراوح ماشايفا

في مهمة خاصة ... اصلو كوادرنا دائما في مهام خاصة؟؟

معاهدة البقط مع أهل النوبة / رمضان عام 31ه

1-عهد من الأمير عبدالله بن سعد بن أبي سرح لعظيم النوبة ولجميع أهل مملكته
2-عهد عقده على الكبير والصغير من أهل النوبة، ومن حد أرض أسوان إلى حد أرض علوة
3- إن عبدالله بن سعد جعل لهم أمانآ و هدنة جارية بينهم وبين المسلمين ممن جاورهم من أهل صعيد مصر وغيرهم من المسلمين وأهل الذمة
4-إنكم معاشر النوبة آمنون بأمان الله وأمان رسوله محمد النبي صلى الله عليه وسلم ألا نحاربكم ولا ننصب لكم حربآ ولانغزوكم ما أقمتم على الشرائط التي بيننا وبينكم
5-على أن تدخلوا بلدنا مجتازين غير مقيمين فيه، وندخل بلدكم مجتازين غير مقيمين فيه
6-وعليكم حفظ من نزل بلدكم أو يطرقه من مسلم أو معاهد حتى يخرج عنكم
7-وان عليكم رد كل آبق خرج اليكم من عبيد المسلمين حتى تردوه إلى أرض الإسلام ولا تستولوا عليه ولا تمنعوا منه ولا تتعرضوا لمسلم قصده وحاوره إلى أن ينصرف عنه
8-وعليكم حفظ المسجد اللذي ابتناه المسلمون بفناء مدينتكم ورتمنعوا منه مصليآ وعليكم كنسه وإسراجه وتكرمته
9-وعليكم في كل سنة ثلاثمئة وستون رأسآ تدفعونها إلى امام المسلمين من أوسط رقيق بلادكم غير المعيب يكون فيها ذكران وإناث ليس فيها شيخ هرم أو عجوز ولا طفل لم يبلغ الحلم تدفعون ذلك الى والي اسوان
10-وليس على المسلمين دفع عدو عرض لكم ولامنعه من حد ارض علوة الى ارض اسوان
11-فان انتم آويتم عبدآ لمسلم او قتلتم مسلما او معاهدا او تعرضتم للمسجد الذي ابتناه المسلمون بفناء مدينتكم بهدم او منعتم شيئا من الثلاثمئة راس والستين راسا فقد برئت منكم هذه الهدنة والأمان ونحن وأنتم على سواء حتى يحكم الله بيننا وهوخير الحاكمين
12-علينا بذلك عهد الله وميثاقه وذمته وذمة رسوله محمد صلى الله عليه وسلم ولنا عليكم بذلك أعظم ما تدينون به من ذم’ المسيح وذمة الحواريين وذمة من تعظمونه من أهل دينكم وملتكم . والله الشاهد بيننا وبينكم على ذلك
13- كتبه عمرو بن شرحبيل في رمضان سن’ إحدى وثلاثين

راجع معاهدة مع أهل النوبة / رمضان عام 31ه

Quote: بركب في تكتّو لمبا

الرطانة بيلبسو بتاع من Calvin Klein ومش سروال بتكة ؟؟

Quote: الرطانة بيلبسو بتاع من Calvin Klein ومش سروال بتكة ؟؟

لالوبنا ولا تمر غيرنا
تتككنا ولا كلفن كلينكم
ثم ياخ اخشوشنوا فان النعمه لا تدوم

ياود المنسي طمنتي على سماح
محبتي الاكيده ليكم جت اسي دي ولا تهلي لبكره

Quote: ثم ياخ اخشوشنوا فان النعمه لا تدوم

رووح ياشيخ هو نحن ليفة بشان نخشوشن ؟؟

Quote: ليفة

حرم انتو الكدوبه الفيكم ديرلا حجر نار راسو عديل+ صنفره لزوم التنعيم
ياخ انتو الا اتلموا الابيض والازرق حتن قدرو يمسحوا من غبشتكم شويييه

Quote: حرم انتو الكدوبه الفيكم ديرلا حجر نار راسو عديل+ صنفره لزوم التنعيم

جنس تخلف عرريبي كدوية شنو وكدارة شنو انتو ما بتعرفو بوودي لوشن ...

منسي

Quote: الرطاني لما يتعلم وبتفلقص بركب في تكتّو لمبا

انت مولع؟

محمد احمد محمود

Quote: رغم العلاله والكترابه القايمه دي الا انو وباخلاق الفرسان نسأل ياجماعه ياربع ياقوم يارطانه مسعولين من الخير اختنا سماح نعل مافي عوجه قدر ما اجي متراوح ماشايفا

مالك كاسرة فيك ضلعة ولا شنو؟

Quote: -عهد من الأمير عبدالله بن سعد بن أبي سرح لعظيم النوبة ولجميع أهل مملكته

واقرء هذا ياعرريب

Quote: ردة عبد الله بن سعد بن أبي سرح: قالوا : وكان عبد الله بن سعد بن أبي سرح يكتب لرسول الله صلى الله عليه وسلم الوحي فربما أملى عليه رسول الله صلى الله عليه وسلم سميع عليم فيكتب عليم حكيم فيقرأ رسول الله صلى الله عليه وسلم فيقول كذلك الله ويقره . وافتتن وقال ما يدري محمد ما يقول إني لأكتب له ما شئت ، هذا الذي كتبت يوحى إلي كما يوحى إلى محمد . وخرج هاربا من المدينة إلى مكة مرتدا ، فأهدر رسول الله صلى الله عليه وسلم دمه يوم الفتح فلما كان يومئذ جاء ابن أبي سرح إلى عثمان بن عفان رضي الله عنه وكان أخاه من الرضاعة فقال يا أخي ، إني والله اخترتك فاحتبسني هاهنا ، واذهب إلى محمد فكلمه في ، فإن محمدا إن رآني ضرب الذي فيه عيناي إن جرمي أعظم الجرم وقد جئت تائبا . فقال بل اذهب معي . قال عبد الله والله لئن رآني ليضربن عنقي ولا يناظرني ، قد أهدر دمي ، وأصحابه يطلبونني في كل موضع . فقال عثمان انطلق معي ، فلا يقتلك إن شاء الله فلم يرع رسول الله صلى الله عليه وسلم إلا بعثمان أخذ بيد عبد الله بن سعد بن أبي سرح واقفين بين يديه فأقبل عثمان على النبي صلى الله عليه وسلم فقال يا رسول الله إن أمه كانت تحملني وتمشيه وترضعني وتقطعه وكانت تلطفني وتتركه فهبه لي . فأعرض عنه رسول الله صلى الله عليه وسلم وجعل عثمان كلما أعرض عنه النبي صلى الله عليه وسلم بوجهه استقبله فيعيد عليه هذا الكلام فإنما أعرض النبي صلى الله عليه وسلم عنه إرادة أن يقوم رجل فيضرب عنقه لأنه لم يؤمنه فلما رأى ألا يقدم أحد ، وعثمان قد أكب على رسول الله صلى الله عليه وسلم يقبل رأسه وهو يقول يا رسول الله تبايعه فداك أبي وأمي فقال رسول الله صلى الله عليه وسلم نعم . ثم التفت إلى أصحابه فقال ما منعكم أن يقوم رجل منكم إلى هذا الكلب فيقتله ؟ أو قال " الفاسق " . فقال عباد بن بشر ألا أومأت إلي يا رسول الله ؟ فوالذي بعثك بالحق إني لأتبع طرفك من كل ناحية رجاء أن تشير إلي فأضرب عنقه . ويقال قال هذا أبو اليسر ويقال عمر بن الخطاب . فقال رسول الله صلى الله عليه وسلم إني لا أقتل بالإشارة وقائل يقول إن النبي صلى الله عليه وسلم قال يومئذ إن النبي صلى الله عليه وسلم لا تكون له خائنة الأعين فبايعه رسول الله صلى الله عليه وسلم فجعل يفر من رسول الله صلى الله عليه وسلم كلما رآه فقال عثمان لرسول الله صلى الله عليه وسلم بأبي [ أنت ] وأمي ، لو ترى ابن أم عبد الله يفر منك كلما رآك فتبسم النبي صلى الله عليه وسلم فقال أو لم أبايعه وأؤمنه ؟ قال بلى أي رسول الله ولكنه يتذكر عظيم جرمه في الإسلام . فقال النبي صلى الله عليه وسلم الإسلام يجب ما كان قبله فرجع عثمان إلى ابن أبي سرح فأخبره فكان يأتي فيسلم على النبي مع الناس .

Quote: الرطانة بيلبسو بتاع من Calvin Klein ومش سروال بتكة ؟؟

قلتا لي شنو ؟؟؟
وبي الرطانة إسمو شنو ؟؟
( سروال كِدود )

يا أخونا
الطيب شيقوق
محمد أحمد محمود
القمر بوبا
وابوبكر
دعواتكم لنا أن يحفظنا الله في الأيام الجاية دي
يوم الاثنين سوف يعلنوا الكوسوفيين إستقلاهم
عن دولة صربيا ومتوقع وقوع أحداث دامية.

الرطاني ما تقنط لي ربنا يغتس حجري

منسي

Quote: الرطاني ما تقنط لي ربنا يغتس حجري

عليك الرسول ابقى مارق باولادك - ما خلاص جيت لينا غانم بمجرية داير شنو تاني ؟

هيييييييييييع بطلاق يفحلوا فيك انت يا الارباب

Quote: الرطاني ما تقنط لي ربنا يغتس حجري

اكان انت عارف دعوات الرطانة كاربة مالك والحتات ؟؟؟
دحين اها بدوهم استقلالهم شن دايرين تاني ؟؟ انت بس خليك قاعد جو البيت..

الرطاني

Quote: فقال عثمان انطلق معي ، فلا يقتلك إن شاء الله

وهل كانت ثمة وساطة تعصم عن العقاب حتى زمن الرسول يا باشمهندس؟ واين اتوبيا دولة المدينة مع غياب سيادة حكم القانون ؟

دعونا نتفاكر بعقلانية احبتي

Quote: وهل كانت ثمة وساطة تعصم عن العقاب حتى زمن الرسول يا باشمهندس؟ واين اتوبيا دولة المدينة مع غياب سيادة حكم القانون ؟ دعونا نتفاكر بعقلانية احبتي

شيقوق
أنتَ القانوني وقول لينا
ونحن جل جسمنا إضنين
زي درق أهلك وكت الحرابا

منسي

Quote: أنتَ القانوني وقول لينا

افتيكم في شنو يا الحبيب اهو الرطاني ختاها واضحة اقروا بس

Quote: عليك الرسول ابقى مارق باولادك - ما خلاص جيت لينا غانم بمجرية داير شنو تاني ؟ هيييييييييييع بطلاق يفحلوا فيك انت يا الارباب

ودشيقوق
الأولاد الحمدالله سافروا المجر
بس أخوك مارق لي الربا والتلاف
والوالدة الله يديها العافية
ينوم من بدري معاد تشوف التلزيون
علا يجبن ليها الخبر البنيات الشليقات أخواتي
بس دعاكم والله لطيف بعباده

تشكر يا الضو

Quote: واقرء هذا ياعرريب

كتب الرجراجة البتقرأ فيها دي
بتوديك في داهية

أنتَ يا شيقوق
الزووول دا كافل

جدو العزيز

جدو العزيز سلامات

عبد الحافظ

جدو وجدو وجدو وجدو اها تاني عندك حاجة ؟

هييييييييييييييييع لانكم سلفيون لم تدركون حتى الان ان الجدودية اتعولمت

ود المنسيييييييييييييي

Quote: الأولاد الحمدالله سافروا المجر

اها اديتم مصاريف ولا ساااااااااااااى

هييييييييييييييييع لانكم سلفيون لم تدركون حتى الان ان الجدودية اتعولمت




هاك العولمة دي

Quote: جنس تخلف عرريبي كدوية شنو وكدارة شنو انتو ما بتعرفو بوودي لوشن ...

إشبعوا ناس الخليج في الهوا

عييييييك زولك بقى يعرف البوديلوشن
حليل أيام كتا شايل جردلك تملا في لي الحمام
وتندعك بي باقي صابونة غسيل العدة
والليفا من عاشميق النخلة

هلا هلا نعجة وماتت

Quote: اها اديتم مصاريف ولا ساااااااااااااى

هم خلو لي مصاريف
المرة بت عز أخوك وقع مفتح
وقعتا علي وشي في شان اشوف
ما بقع بي الجنبا

يا ودشيقوق
الداهي البتجي زاحا زي الدبيب الأرقط
المسويها الجنى عبدالله دا
بسوها كيف اشرح لي في إميل يا الحبيب
ما تنسى

Quote: الداهي البتجي زاحا زي الدبيب الأرقط

انتو يا عرريب يا كافا البلا ما في نضمك زهور وورود ونسمات الصباح وهواء عليل واوراق خضراء تتماوج يمينا وشمالا بس دبيايب وعقارب ومرافعيين انتو لسه ما سمعتو بانو الانسان الاول دة كاااااان زماااااان .. شي سراوييل بتكة وشي دبابيب مرقطة ما سمعتو بال virtual reality .. وليداتكم اها بيلعبو بالدبابيب دي .. ما عندكم بلاي استيشن واي بوكس ,,بوكس في عينكم ....قال دبايب قال

Quote: عاشميق

ما تخاف الله يا ود المنسي دى بعرفها ليك

الاخ الرطاني ان اخلاقيات وسلوكيات المنبر العام تلزمنا بتفسير ما يرد منا من عبارات او اشارت ان كانت محلية ليتسنى لك فهمها والرد عليها .

ومن هذا المنطلق دعنى ابين لكم ان كلمة عاشميق قد وردت في اغنية الفنان الكبير الكابلي في مقطعها الذي يقول :

عاشميق حبل الوجج انا اخويا مقلام الحجج خال فاطمة ليهم بلالي الفي ايد الرجال ........

نواصل غدا

Quote: عاشميق حبل الوجج انا اخويا مقلام الحجج خال فاطمة ليهم بلالي الفي ايد الرجال ........ نواصل غدا

لغة شنو الكلمة الواحدة فيها بيواصلو ترجمتها يوميين هو نضمكم مسافر علي طول ....

Quote: جدو العزيز

حلوة Scrolling جدو دي ات في النهاية بس زحلقو

ورد فى نشرة الصباح أن شيقا قد إستسلم ورفع العلم الابيض ... ووقَع على إتفاق غير مشروط
__
سارع بالاستسلام قبل ما نحشد ناسنا وناساتنا
هم متعودين يجو بكرة
بس انت .. عجَل

Quote: ورد فى نشرة الصباح أن شيقا قد إستسلم ورفع العلم الابيض ... ووقَع على إتفاق غير مشروط

ياهو داك بيلولح بالتكة

Quote: دعونا نتفاكر بعقلانية احبتي

لم تك هنالك اتوبيا دولة المدينة وانما دولة في طور التاسيس بقيم جديدة ورسالة سماوية وكان ما زال الكثير من المنفلتين امثال بن ابي السرح موجوديين ...مكانة عثمان واهمية تواجده بالقرب من النبي (ص) كانت اهم من عقاب المرتد ورغم ذلك فان العفو كان شاقا علي النبي (ص ) ..والاسلام يجبل ما قبله ولكن ربما التجاوز الكبير في ان يمكن مثل ذلك من حكم مصر وهي عظيمة حينئذ ونتاج حكمه وتجاوزاته هي مفردات اتفاقية البقط والتي جعلت مما حاربته دولة الاسلام حين التاسيس من رق واسترقاق بندا اساسيا فان خالفته النوبة نقض العهد !!! ورغم ذلك التزمت النوبة باستراقاق ابنائها وقيل انه في وقت ما قل عدد من يصلح لذلك فوهب الحاكم النوبي ابنه حتي لا يقال عنه بانه نقض العهد ثم كان ان سافر الي الخليفة في بغداد او دمشق (لست متاكدا) وحكي له عن سوء مال اليه النوبيين من جراء ظلم ولاته بمصر فاكرم الخليفة وفادته واعاده الي النوبة ...
تجاوزات كثيرة لازمت تصرفات ولاة وحكام المسلمين وهذه المعاهدة بعض منها ....

المنسي

عبد الحافظ

Quote: هاك العولمة دي

ات عارف يا منسي عبد الله العمل الداهية البتتلولو دى صاحبي ومعاى في مسقط ومستشار قانوني اد الدنيا - وهو سنجك اصلو السناجك زى السمبر بيجوا محل اخوانهم حايمين .

اما المصيبة السواها بتمشى زى لوحة حركة الطيران دى بمشى ليك مخصوص يوريني ليها واجي اشرحها ليك .

حيدر

Quote: ورد فى نشرة الصباح أن شيقا قد إستسلم ورفع العلم الابيض ... ووقَع على إتفاق غير مشروط __ سارع بالاستسلام قبل ما نحشد ناسنا وناساتنا هم متعودين يجو بكرة بس انت .. عجَل

انت قابض تكيل عشان تنشر الدعايات المقرضة دى . امشى من هنا يا سادن ونادى الهامل بتاعك داك خلو يجى مارق بجاى ولا قانص؟

Quote: لم تك هنالك اتوبيا دولة المدينة وانما دولة في طور التاسيس بقيم جديدة ورسالة سماوية وكان ما زال الكثير من المنفلتين امثال بن ابي السرح موجوديين ...مكانة عثمان واهمية تواجده بالقرب من النبي (ص) كانت اهم من عقاب المرتد ورغم ذلك فان العفو كان شاقا علي النبي (ص ) ..والاسلام يجبل ما قبله ولكن ربما التجاوز الكبير في ان يمكن مثل ذلك من حكم مصر وهي عظيمة حينئذ ونتاج حكمه وتجاوزاته هي مفردات اتفاقية البقط والتي جعلت مما حاربته دولة الاسلام حين التاسيس من رق واسترقاق بندا اساسيا فان خالفته النوبة نقض العهد !!! ورغم ذلك التزمت النوبة باستراقاق ابنائها وقيل انه في وقت ما قل عدد من يصلح لذلك فوهب الحاكم النوبي ابنه حتي لا يقال عنه بانه نقض العهد ثم كان ان سافر الي الخليفة في بغداد او دمشق (لست متاكدا) وحكي له عن سوء مال اليه النوبيين من جراء ظلم ولاته بمصر فاكرم الخليفة وفادته واعاده الي النوبة ... تجاوزات كثيرة لازمت تصرفات ولاة وحكام المسلمين وهذه المعاهدة بعض منها ....

ما شاء الله راسك مليان معلومات لكن لكن

Lacking the proper mechanisims of communication viz , the arabic language principles

حنتصل باهلي في جامعة الاحفاد لرعايتكم

Quote: ما عندكم بلاي استيشن واي بوكس ,,بوكس في عينكم ....قال دبايب قال

ات عارف نحن اولادنا في الريف السوداني احسن من اولادكم في بلاد الغربة .

ما بنططوا فرحا لما يشوفوا الجمل في التلفاز ولا بيضحكوا لم يشوفوا الحمار جاري ساكي حبيبتو في القنوات الفضائية لانها عندهم على الطبيعة شى عادى . مش زى اولادكم الكل يوم عايزين يطلعوهم من الصباح للشمس . ناسنا شماسة عديييييييييييل شبعانيين في مشى المسافات البعيدة وشبعانين ونسة الاهل وبيعرفوا العم والخال والجد والحبوبة - بعرفوا الوردة ( مش من زهور وورود اعنى وردة الموية) والمرسال بعرفوا النبلة ورباط التكة ذاتو واكان رسلت اولادنا عييييييييييييك يشيل مرسالك ويقوم جاري ويغنى سااااااااى لحدى يصل محل مرسالو . وانتو اولادكم في المرسال هيييييييييييع الواحد زى الحمار اللتيد.

الحمار اللتيّد يا الرطاني بالتاكيد بتعرفوا لانك استمتعت بمجانية التعليم وكنت بتركب حمارك من حلتكم للمدرسة الصغرى في عبرى .

للمصلحة العامة الحمار اللّتيّد هو الحمار الكلما نهرتو واديتو سوط جاك راج خلف .

هييييييييييييع امبارح المنبر ذاتو بقى لتيّد معانا هنا

منسي

Quote: الأولاد الحمدالله سافروا المجر بس أخوك مارق لي الربا والتلاف والوالدة الله يديها العافية ينوم من بدري معاد تشوف التلزيون علا يجبن ليها الخبر البنيات الشليقات أخواتي بس دعاكم والله لطيف بعباده

بطل جعوليتك تعال مارق يا اخوى الناس ديل بتطاحنوا وبتوطوك وانت ذاتك معاك مرتك المحجبة دى بتكونوا مستهدفين عدييييييييييل

Quote: ما بنططوا فرحا لما يشوفوا الجمل في التلفاز ولا بيضحكوا لم يشوفوا الحمار جاري ساكي حبيبتو في القنوات الفضائية لانها عندهم على الطبيعة شى عادى

قال في "التلفاز" ليه يا عرريب ما سويتو حقكم وسميتو اسم عرريب ؟؟
لزومو شنو وليداتنا يشوفو حمير وجمال ما كفانا احنا الشفناهم من حميير يكفي لعشر اجيال كاملة ؟؟؟خليهم في بايونك وومن ...؟؟ قال يشوفو حميير هو نحن طلعنا من هناك بهين ؟؟؟؟

اولادنا لما تجي داير ترسلم تبدء رجاءك ب "would you kindly وتختما ب Thank You في كلا الحالتين يعني لوافقو او ما وافقو .. قال نرسلم قال ؟؟؟؟ مين يرسل مين ؟؟؟؟

عبري دي بلد ناس سمحيين كتير وزي ما قالك فضيلي امس هي حلة شاعر فطحل اسمو الجيلي عبد الرحمن اما انا فمن عبكة وهي موطن الفخارPottery النوبي في التاريخ القديم والذي يسمي abkan Pots بشان كدة بتلقي زولا فنان زيييييي كدة يعمل ليك تمثال من الطين بفميصك الاسود .....

شايف الفنجرة كيف؟؟ شاعر فطحل وفنان فلهمة وانت اها ناس حلتكم بسوو شنو غير لم الجراد ؟؟؟؟

Quote: Lacking the proper mechanisims of communication viz , the arabic language principles

اها نضمكم ياعرريب فيه كومينيكاشن ميكانيزم ولانغوج برنسيبلز شن بخليك ترطن ؟؟؟؟

Quote: انت قابض تكيل عشان تنشر الدعايات المقرضة دى . امشى من هنا يا سادن ونادى الهامل بتاعك داك خلو يجى مارق بجاى ولا قانص؟

إن قبضنا بنقبض (عراريب)

وفى العراريب

الـ ..... الكبار





_

الهامل طلع رحلة صيد

Quote: اولادنا لما تجي داير ترسلم تبدء رجاءك ب "would you kindly وتختما ب Thank You في كلا الحالتين يعني لوافقو او ما وافقو .. قال نرسلم قال ؟؟؟؟ مين يرسل مين ؟؟؟؟

ههههههههههههههههههههههههههههههههها خلاص رفعتوا اياديكم من التربية وخليتوهم يربوهم ليكم تقنيا؟ دحين ات قايل ده بيكون فيهو رجاء ليك لا قدام ولا تفتكر بيعرف معاني ال Paternity and maternity . والله عينة ده يبيعك انت ابوهو زى ما ود المنسي باع شندى كلها

Quote: بشان كدة بتلقي زولا فنان زيييييي كدة يعمل ليك تمثال من الطين بفميصك الاسود .....

ما استبعد لانو عمركم كلو ساكنين ليكم جنب حجار وتراب وتماثيل قال حضارة قال .


شايف الفنجرة كيف؟؟ شاعر فطحل وفنان فلهمة وانت اها ناس حلتكم بسوو شنو غير لم الجراد ؟؟؟؟

بلدنا بلدنا بلدنا خليك بعيد ات ما سمعت قريبك الرطاني خليل فرح قال شنو في بلدنا ؟

يا الطبيعة الواديك ساكن
مافي متلك قط في الاماكن
يا جمال النال في ثراكن
يا حلاة البرعن اركان
في قفاهن تور قرنو ماكن
لا غشن لا شافن مساكن
في الخزام والشيح والبراح

اها يا بربري دى حضارتنا ودى طبيعتنا مش حابسين لينا حجار وتماثيل ودراب زيكم

حيدر

Quote: إن قبضنا بنقبض (عراريب) وفى العراريب الـ ..... الكبار

عليك الرسول نادى الهامل واقرا ليهو تعليقك ده ضحكتنى يا اخي



_

Quote: الهامل طلع رحلة صيد

انشاء الله غانم لكن بيني وبينك اكان ما لقى ليهو غزالة طلقتو في سحلية بفكها ولا شنو رايك ا حيدر اخوى ؟

Quote: اكتشاف تمثال لإخناتون شمال السودان كشفت بعثة الآثار بجامعة الخرطوم عن العثور على تمثال رجحت ان يكون للفرعون المعروف "امنحتب الرابع" المعروف باسم اخناتون والذي حكم لمدة سبعة عشر عاماً من عام 1369 "ق.م". وقال رئيس البعثة الدكتور يحيى فضل طاهر ان البعثة عثرت على رأس وعنق لأحد الفراعنة بقرية سيسة بمنطقة المحس الى الشمال قليلاً من معبد اخناتون اسيسبيب بالقرب من دلقو،موضحاً أن التمثال منحوت من الحجر الرملي ويبلغ حوالي 17 سم في الطول و13 سم في العرض، مؤكداً ان الرأس المكسور من جسم كامل بحالة جيدة. وترجح البعثة المكونة من د. يحي فضل ود. هويدا محمد آدم واحمد حسين عبد الرحمن ومحمد حياتي، بحسب دراسات أولية أن يكون التمثال للفرعون المعروف بإخناتون "امنحتب الرابع والذي حكم لمدة سبعة عشر عاما من عام 1369 ق.م" ويشار أن لقسم الآثار بالمنطقة مشروعا بحثيا يعرف بمشروع المحس الآثاري والتراثي واللغوي والبيئي وستسلم القطعة الأثرية النادرة للهيئة العامة للآثار والمتاحف في وقت لاحق. وفي جانب آخر،عثرت الوحدة الفرنسية التابعة للهيئة القومية للآثار على مقبرة تعود إلى أكثر من 5500 عام في منطقة الكدادة قرب شندى، وحوت المقبرة شخصا في يتوسط ثلاثة آخرين تم دفنهم كطقس جنائزي،خلال فترة العصر الحجري الحديث وينتظر أن يحسم الاكتشاف الذي قاده العالم في وحدة الآثار الفرنسية جاك رينولد، الخلاف بين المتخصصين حول عادة دفن الضحايا البشرية ويشكل أرضية للأبحاث الأساسية فيما يخص تنظيم مجتمعات فترة ما قبل التاريخ فضلا عن كونه يمثل الخطوة الأولى في العالم لتكوين الدويلات بعد انتقال البشرية لمرحلة الزراعة والاستقرار فيما يعرف بثورة العصر الحجري الحديث، وعثر فى الكشف على قطع أثرية مهمة.

شوفت كيف

اخناتون زاتو طلع مننا ومن الحلة نفسها

http://www.alkhaleej.ae/articles/show_article.cfm?val=481012

Quote: وعثر فى الكشف على قطع أثرية مهمة.

طيب متهملين في طوكيو والامارات مالكم - امشوا الحقوا نصيبكم من الورثة دى قبل الجهجية يلحسوها منكم

الرطاني يا اخي الحقونا تاني البوست ما بيمشى لتحت في التصفح لحق بوستينا القديم

انا ما قادر اتصفح مداخلتك الاخيرة

Quote: طيب متهملين في طوكيو والامارات مالكم - امشوا الحقوا نصيبكم من الورثة دى قبل الجهجية يلحسوها منكم

مالعرريب استولي علي بكانا وقالو مالتم واها قنا نشوف بكان يلمنا ...الجبهجية كان خلوها علي لحس اثاراتنا بسيطة دييل لحسو الهوا...

Quote: طيب متهملين في طوكيو والامارات مالكم

إستراحة ملوك

رطاني

حيدر

Quote: إستراحة ملوك

20 سنة لكن؟

Quote: 20 سنة لكن؟

إستضافة مفتوحة

دي فايدة السلالة الملكية

العنقالة يحتاجو لكفيل عشان الإقامة

أمبارح عرضنا تمثال واحد من تماثيل دكين

Quote: هيييييييييييييييييييييييييييييييع انا الكيك الكمل بلادو فريك . ويا الرطاني الغشيم قول لجدادك كر

والله يا أبوبكر و شيقوق ضحكتوني لمن دمعت جاتكم نيلة


تخيل يا أبوبكر ما شفت البوست إلا بعد مداخلتك إياها



على العموم أنا و إبن عمي على الغريب وإنت تعارضت المصالح




آآآآفيلقو




صلاح واسبه

Quote: انتو يا عرريب يا كافا البلا ما في نضمك زهور وورود ونسمات الصباح وهواء عليل واوراق خضراء تتماوج يمينا وشمالا بس دبيايب وعقارب ومرافعيين انتو لسه ما سمعتو بانو الانسان الاول دة كاااااان زماااااان .. شي سراوييل بتكة

نحن ناس دبايب وعقارب ساااااكت
وبناكل حارا ما بنضوق باردا

وسروالنا بي تكا ووكت ننفنجر بنسوي فوق التكا
فل بي التريكو الأخضر
وطاقيتنا شغل مشغل وما بنشريها من السوق

بس في شئ ماب نعرفو

العجوة الجاي من المحوس وكان عول مابينقرو السوس
ومشتقاته المقطرة

Quote: اما المصيبة السواها بتمشى زى لوحة حركة الطيران دى بمشى ليك مخصوص يوريني ليها واجي اشرحها ليك .

ودشيقوق
أمشي لي عبدالله دا الليلة وأدخل لو بي كلام معسول
شكلوا كدي زولاً قتيت ما بوريك بي أخوي وأخوك

والله الداهي عجبتني بالحيل
أها قمتا كتبتا السطر وأديتو نخسا بالماوس في
ضنبو لكن معسم زي شوال الأسمنت الضاربا المطرا
ما إتحرك سنت من بكانو.

Quote: ومشتقاته المقطرة

اها بعد بقيت مجراب ايه راييك في الانتاج الرطاني .. احسن سيللر عندكم واللا علي طول انهار اوروبا والراين ما بتقدر علي مشتقات زي دى

Quote: جاتكم نيلة

انت بس خلي النيلة للعجوز المتصابي بشان ينيل بيها قمصانو ,,اصلو بحب القمصان السودا....

Quote: وبناكل حارا ما بنضوق باردا

اتارييكم هنود وغاشينا تاكلو" قرم مسالا " وما بتشربو باردة تب " تندا نهي" ؟؟؟

Quote: على العموم أنا و إبن عمي على الغريب وإنت تعارضت المصالح

ٍSALAH WASBA

هو انت يا الحبيب عندك ابن عم؟ لا

Quote: هو انت يا الحبيب عندك ابن عم؟ لا

عجيبة والله .. شفت ليك رطان ما عندو بن عم ؟؟ قايلو عرريب جا براهو ضهبان ...

Quote: اها بعد بقيت مجراب ايه راييك في الانتاج الرطاني .. احسن سيللر عندكم واللا علي طول انهار اوروبا والراين ما بتقدر علي مشتقات زي دى

أنا ماجربتو
لكن مرة جماعة نسابتنا محس
العربية قطعت بنزين
كبو ليها مقطر عجو جاي من المحوس

وكان يتبخر في الهواء قبل يصل التنك

والعربية ياخسارة مادورت

Quote: انت بس خلي النيلة للعجوز المتصابي بشان ينيل بيها قمصانو ,,اصلو بحب القمصان السودا....

حتى لو عجوز فوق عديلو راتع
بعدين يا خوي لباس اللون الأسود
وقار بركا الما لبس مبمبي

( يا الابس البممبي أنتَ )

Quote: وقار بركا الما لبس مبمبي

هو بيلبس بمبي كل خميس وتلقاه حايم من حفلة الي حفلة ...

Quote: والعربية ياخسارة مادورت

خسارة شنو ؟ ما رؤوسم دورت ؟ يعني كيف العربية ورؤسم تدور

الرطاني

تقطعوا سااااااااى معاك ود المنسي

كان عندى مشكلة في الجهاز واتصلحت وجاييكم بعد امشى اونس المحامين واشرب معاهم القهوة -

خلوا القطيعة لحدى اجي

وسلموا لى على صالح وسبا (ده اسم رطاني عدييييييييل) يبدو انو الحملة الدعائية مستمرة

Quote: كان عندى مشكلة في الجهاز واتصلحت وجاييكم بعد امشى اونس المحامين واشرب معاهم القهوة -

ات ايه حكاية محامينكم ويوم السبت؟ هم رافعين قضية علي اليوم دة بالذات ...

Quote: تقطعوا سااااااااى معاك ود المنسي

ودشيقوق
الله يقطعّوك ويدمروك في ناطوع
الواحد تب ما يسلم من خشيمك الزي اللبقا دا

الرطانا ديل ناس برد الليل يا الحبيب
يلا علي القيزان .. يهود بيهم الليل
ومرات كك تفقع شمش الله عليهم حتى يتكاملو
بيوتهم يتمو النومة.

خالد

صاحين وحات الله وغيركم مابنشوف منام









ماتقولو دي ريدة

دي تحميرة من تحت اللحاف

Quote: ماتقولو دي ريدة دي تحميرة من تحت اللحاف

حيدر حسن مريغني
سلااااااام

هلا هلا وإحردن كان بتخوفنا بي حدرك
الخلا ولع والرهيفة التنقد

التحميرة يمين كان رجفّت الرُجال ما بنزح
حاقبين سيوفنا للرطانا وقلوبنا مابِتوح
وزولك راقد يكضم برقر ايس تي ومرات مح
نحن العريب كان حرّت مابتشوف غير تاح تح

وارقد قفا
المشتهي الحنطير إطير



تخريمة

تحياتي إن شاء قلبك واسع زي جبيبنا أبوبكر
وكان بقى لا أنا أسف وبسحب كلامي

Quote: الرطانا ديل ناس برد الليل يا الحبيب يلا علي القيزان .. يهود بيهم الليل ومرات كك تفقع شمش الله عليهم حتى يتكاملو بيوتهم يتمو النومة.

يا عرريب طابور خامس القيزان والعراقيب دييل ايفرست العرريب الصحراويين -الرطان ناس جرف وبيوتا واسعة ونخل ودفايات (شايف كيف ... زمااان كان عندنا دفايات قبل سوني وسيمنز )..

Quote: يا عرريب طابور خامس القيزان والعراقيب دييل ايفرست العرريب الصحراويين الرطان ناس جرف وبيوتا واسعة ونخل ودفايات (شايغ كيف ... زمااان كان عندنا دفايات قبل سوني وسيمنز )..

الله يجراي محنك يا أبوبكر
ضحكتني
البيوت في الجروف وجنب نخيلات العجوة
وقاعدين تقطرّو
ومن تغتس شمش الله بتكاملوا القيزان
وهاك شرررررر كب ....وقرطع أبلع ..
واح من السم

Quote: البيوت في الجروف وجنب نخيلات العجوة وقاعدين تقطرّو

اها والعرريب من الصفيعة الي تحت الناقة يرضعووو لبن سااااي ويسووو الهوائل .. اسال جدو شيقوق ؟؟؟

Quote: تحياتي إن شاء قلبك واسع زي جبيبنا أبوبكر وكان بقى لا أنا أسف وبسحب كلامي

معقولة دي ياخالد?

بالتأكيد ولو ماكده ما كان لقيتني بعرض بي مهل

وده كلو من بكري وودشيقوق الفاتحين نفاج محبة غريق

تاح تحالتحميرة يمين كان رجفّت الرُجال ما بنزح
حاقبين سيوفنا للرطانا وقلوبنا مابِتوح
وزولك راقد يكضم برقر ايس تي ومرات مح
نحن العريب كان حرّت مابتشوف غير

المنسي بطلاق عليك تكل مشنق طاقيتك في هامتك وماسك عكازك المضبب وساند الهمل من القطيعة

كده يا المنسي ارخي لي اضانك حبة

ات دحين حيدر ده رطاني ولا متلصق ساى في الرطانة ؟ شايف زولك بتكلم كمان بحمرة عين .

الرطاني

هييييييييييييييع جيتك متقريف بالحيل انعدل يا اللّخو جاياك الصواعق البتلوعك وما برحمك الليلة الا تشوف لى عروسا هدية ورضية من نادى العزابة الهناااااااااك .

Quote: اها والعرريب من الصفيعة الي تحت الناقة يرضعووو لبن سااااي ويسووو الهوائل .. اسال جدو شيقوق ؟؟؟

يسوووووووووو شنو؟؟؟؟؟؟؟؟؟؟؟

ات ماك عارف لبن الناقة علاج لامراض الباطنية ؟

Quote: ات ماك عارف لبن الناقة علاج لامراض الباطنية ؟

هي صحرا واللا عيادة؟؟؟

حيدر

Quote: دي تحميرة من تحت اللحاف

اكان حمرة عينك بتجيب مريسة ام زين اكان قرعت المعاك من الهملة البسوي فيها دى

Quote: حاقبين سيوفنا للرطانا وقلوبنا مابِتوح وزولك راقد يكضم برقر ايس تي ومرات مح نحن العريب كان حرّت مابتشوف غير

يا عرريب انتو اصلا ماسمعتو بال Nuclear war سيوف شنو ومطاوي شنو .. حتي السيوف دي عرفتوها من بلاد فارس والسند ودحين كنتو بتناضلو بسيوف العشر ولبن النووق ....

الرطاني

Quote: ولبن النووق ....

والله تاني البقول كلام في لغتك انا اقلع عيونو
حرم النوق دى سيبويه ما يجمعها كده

كنت متوقعك تجمعها ناقات او نياق او فياغرا ذاتو

قال شاعر الدوبيت

دوكتي أنا ما دوكة درَّاسة *** ولاها مطفّقة وعاكاسة
من كبري البطانة أساسها *** واقود ما بيدور له كواسة
من الخشبة من جنب راسها *** والعيش مو فيتريت مرَّاسة
ولا الصفراء التدور سنباسة *** قمحاً صافي ليه دناسة
ومويةً حلوة غير كنداسة *** من النيل بهود نحاسة
وكتين نقلب القُرّاصة *** جنبنا ما بنخلي دَبَاسـة
ويكتنا أما ملساء ملاسة *** والشرموط كلد يا كاسـة
مش فنطاز جبيت وأماسا *** القاعد أوكير حراسـة
وعيشها من الخواجة إغاثة *** والشرموط بِقيرةً بائسـة !
ــــــــــــــــــــــــــ
شيخنا دقاق كلامه مواسا *** يجيبو جديد وبي قرطاسة
صاحب غيرة عنده حماسة *** من أجداده راجياه وراثة
لكن نحن تعب وكواسة *** زي عيش الحلب بالطّاسة
دوكة شيخنا مش منبوشة *** وما ملقية فوق الكوشة
طالعة من الورش ملطوشة *** في مكان العمل مخروشة
حطبها مش كليتة حوشة *** ولا شافة 00000 وخروشة
فلنكة وبي زفت مرشوشة *** دخاناً يجيب الدوشـة
جنب أب تِفّةً منفوشة *** البدّهّن المخشوشة
جارة هيكل المربوشة *** من انتاجها راسمة بروشها
أنا دوكتي مهندسة ومنقوشة *** مش برميل صفيحة كوشة
فوقها نملس المفروشة *** وتمراً خالي من كرموشة
إنت دوكتك من كشوش حبُّوشة *** مش سوار عرب مكروشة
بي طرادة واحدة قروشها *** عندك جابتها المخموشة
دوكة شيخنا مي مليومة *** من سنة اربعين مخدومة
ماها من الورش مختومة *** باعتها شلّة معدومة
شيخنا الراوي ليك القومة *** عندك سلطة تاني حكومة
واللت ناس ابوك مفهومة *** وفي الياباك تركّب دومة
أما اللت نحاس مدروسة *** يشهد مصطفى الحاج موسى
ما بنوقد البتاكله السوسة *** من السلمة وتقول ابنوسة
وكتين نقلب السنبوسة *** نهدد امركانا وروسا
ماها مكشفنة وترتوسة *** حمراتاً تقول هي عروسة
ملاحها البحلي ضروسها *** من صادقابي ماهو بروسة
كمان جيرانها طيبة نفوسها *** مش قول قالوا شيء ملموسة
أما اللت دقاق معكوسة *** تطلع كلّكاب ..... بالخوسة
جارة هيكل الملموسة *** إلاّ من الطبق محروسـة
وكتين تشبع تقوم مفدوسة *** تتكبت مابتشوفها ضروسها
أنساب ليها تب ما تكوسا *** خليها التكون مدسوسة

يا خال والله بحبك لكن بيني وبينك بعد الجلابية دي والعمة والشال مش بقيت من أهل العررييب عديل كده ؟؟

تحياتي القلبية لكما فأنتما ملح هذا المنبر وأهديكم صورتي الترائية دي !!


تخريمة :-

ود شيقوق هسع العريس فينا منو ؟؟ انا ولا انتا ؟؟؟

Quote: يا خال والله بحبك لكن بيني وبينك بعد الجلابية دي والعمة والشال مش بقيت من أهل العررييب عديل كده ؟؟

دة ماهول العرريب .. هولم ملفحة وتوب وسروال بتكة .. الجلابية والعمة دي البغسلوهن بماء النيل وبيظهرهن بتاعتنا نحن بتاعيين الجرووف والجزر اما زولك العرريب فخليهو في سروالو تكتو .....

Quote: والله تاني البقول كلام في لغتك انا اقلع عيونو حرم النوق دى سيبويه ما يجمعها كده

انت كويس ؟ ما عندك حمي واللا شيتا مدورة راسك ؟؟؟
زمن سيبويه كانو لسه زمن المؤوودة فكانو بس بيقولو "ابل" بشان مايؤدوهن

Quote: كنت متوقعك تجمعها ناقات او نياق او فياغرا ذاتو

شن جاب لجاب كان ما !!!!!!

Quote: قال شاعر الدوبيت

دة اكييد من اندنا وطباخ ... في عرريب بيعرف قدر دة في القراصة والدوكة والويكة ... ؟؟

يا هشومي والمدام يا احلى اتنين في الدنيا ( اوع يا هشومي تديني فلقة)

نورتما المنبر العام ولولاكما لكان المنبر العام جفاف وتصحر فبطلتكما يزدان هذا المنبر

Quote: يا خال والله بحبك لكن بيني وبينك بعد الجلابية دي والعمة والشال مش بقيت من أهل العررييب عديل كده

؟؟

ما في كلام طاااااااااب ياكا مننا بسماحتك دى نحن زولا شين ما اندنا

Quote: تحياتي القلبية لكما فأنتما ملح هذا المنبر وأهديكم صورتي الترائية دي !!

تسلم يا الحبيب بس افتقدناك كثيرا لانك الشطة الخضراء المسحونة ومعتقة باليمون

لقيتني كيف؟؟


تخريمة :-

Quote: ود شيقوق هسع العريس فينا منو ؟؟ انا ولا انتا ؟؟؟

انتمااااااااااااااااااااااااااااا يا هشومي

تاني لقيتني كيف ؟

الرطاني

Quote: شن جاب لجاب كان ما !!!!!!

ههههههههههههههههههههههههههههههههههههي يا خي كتلتني بضحكة اقسم بالله انت واحد مسلط وواقع من السماء الف مرة .

انا ماشى اجتماع وجاييكم

Quote: انا ماشى اجتماع وجاييكم

والحت كمان داير ليهو اجتماع ؟؟ شغل المسجل او التلفزيون طيب في الكمبيوتر شغل اي اغنية لزيدان وحت ؟

Quote: كده يا المنسي ارخي لي اضانك حبة ات دحين حيدر ده رطاني ولا متلصق ساى في الرطانة ؟ شايف زولك بتكلم كمان بحمرة عين

ودشيقوق
والله الزول دا ظنيتو متسلبط سااااكت
ولا مقهور الضحى الأعلى ( متزوج منهم )
في رطاني إسمو حيدر
إنطقوا كيف ؟؟؟ هيدر
ما بسمو عينت الأسم دا

رقد عافية سااااكت ودشيقوق برجع لي مراحو

Quote: معقولة دي ياخالد? بالتأكيد ولو ماكده ما كان لقيتني بعرض بي مهل وده كلو من بكري وودشيقوق الفاتحين نفاج محبة غريق

أبشر يا هيدر
أنت كان كدي زلاً تب ويا ريت الناس كلها لو زي الرطاني أبوبكر
كان عمت المحبة الظريفة على طريقته الجميلة في بناء المحبة


تحياتي وأركز

يا جماعة الشتح الصفحة التالته دا منو ؟
قطع شك دا هاشم ودخلف الله بي عمة ترباس
اللابسها دي
البوست بقى ماشي مفشق زي النعجة المحينا لبن

Quote: يا عرريب انتو اصلا ماسمعتو بال Nuclear war سيوف شنو ومطاوي شنو

الرطاني
دا كلامك وهسي التجارب جاريا على قدم وساق
وكان شفتا قنبلتنا محشيا جوه كمان في دبايب
وعقارب وشي جندب ونمل سكر
يعني البتقع في تبقى ميتا وخراب ديار
والناجي المشوه يلدغو دابي ولا عقرب

Quote: دوكتي أنا ما دوكة درَّاسة *** ولاها مطفّقة وعاكاسة من كبري البطانة أساسها *** واقود ما بيدور له كواسة من الخشبة من جنب راسها *** والعيش مو فيتريت مرَّاسة ولا الصفراء التدور سنباسة *** قمحاً صافي ليه دناسة ومويةً حلوة غير كنداسة *** من النيل بهود نحاسة وكتين نقلب القُرّاصة *** جنبنا ما بنخلي دَبَاسـة ويكتنا أما ملساء ملاسة *** والشرموط كلد يا كاسـة مش فنطاز جبيت وأماسا *** القاعد أوكير حراسـة وعيشها من الخواجة إغاثة *** والشرموط بِقيرةً بائسـة ! ــــــــــــــــــــــــــ شيخنا دقاق كلامه مواسا *** يجيبو جديد وبي قرطاسة صاحب غيرة عنده حماسة *** من أجداده راجياه وراثة لكن نحن تعب وكواسة *** زي عيش الحلب بالطّاسة دوكة شيخنا مش منبوشة *** وما ملقية فوق الكوشة طالعة من الورش ملطوشة *** في مكان العمل مخروشة حطبها مش كليتة حوشة *** ولا شافة 00000 وخروشة فلنكة وبي زفت مرشوشة *** دخاناً يجيب الدوشـة جنب أب تِفّةً منفوشة *** البدّهّن المخشوشة جارة هيكل المربوشة *** من انتاجها راسمة بروشها أنا دوكتي مهندسة ومنقوشة *** مش برميل صفيحة كوشة فوقها نملس المفروشة *** وتمراً خالي من كرموشة إنت دوكتك من كشوش حبُّوشة *** مش سوار عرب مكروشة بي طرادة واحدة قروشها *** عندك جابتها المخموشة دوكة شيخنا مي مليومة *** من سنة اربعين مخدومة ماها من الورش مختومة *** باعتها شلّة معدومة شيخنا الراوي ليك القومة *** عندك سلطة تاني حكومة واللت ناس ابوك مفهومة *** وفي الياباك تركّب دومة أما اللت نحاس مدروسة *** يشهد مصطفى الحاج موسى ما بنوقد البتاكله السوسة *** من السلمة وتقول ابنوسة وكتين نقلب السنبوسة *** نهدد امركانا وروسا ماها مكشفنة وترتوسة *** حمراتاً تقول هي عروسة ملاحها البحلي ضروسها *** من صادقابي ماهو بروسة كمان جيرانها طيبة نفوسها *** مش قول قالوا شيء ملموسة أما اللت دقاق معكوسة *** تطلع كلّكاب ..... بالخوسة جارة هيكل الملموسة *** إلاّ من الطبق محروسـة وكتين تشبع تقوم مفدوسة *** تتكبت مابتشوفها ضروسها أنساب ليها تب ما تكوسا *** خليها التكون مدسوسة

ودشيقوق
ها زول ها
الرطانة شن خبرتهم بالنضمي دا
والله بسطني بالحيل يا الضو الما
بقولك سووووو

تسلم كيتن في الرطاني

Quote: البوست بقى ماشي مفشق زي النعجة المحينا لبن

الله يسخطك ود المنسي ضحكتنى شديييييييييييييد والله انت تقول ساكن معانا في الدنادر ديييييييييييييك

Quote: الله يسخطك ود المنسي ضحكتنى شديييييييييييييد والله انت تقول ساكن معانا في الدنادر ديييييييييييييك

ودشيقوق
تضحك لهله ( يعني بلا سنون )
والله معاك أخدتني الحيرة
مرة تحانن الواحد لامن ياخدلّو غمدة
شوية كدي تصقعو فوق رويسو كع

Quote: مرة تحانن الواحد لامن ياخدلّو غمدة شوية كدي تصقعو فوق رويسو كع

ياعرريب
دة ما طبع الدبايب ...
انتو وقت انتو جنون ساااي بتلعبو الغتوتية مع الدبايب اها ياهو حالكم لمان تكبرو

Quote: يا أخونا الطيب شيقوق محمد أحمد محمود القمر بوبا وابوبكر دعواتكم لنا أن يحفظنا الله في الأيام الجاية دي يوم الاثنين سوف يعلنوا الكوسوفيين إستقلاهم عن دولة صربيا ومتوقع وقوع أحداث دامية.

ياود المنسي انت واهلك ياخي تسلموا من كل شر
ثم تانيا انا كلمتا امي تدعو لكم استخدمتا معاك الجوكر قصرتا معاك..
انت ياخ ماسك ميمنة جيشناالحبه ما بتجيك

هلا هلا عليك يا
محمد أحمد
تسلم يا الغالي
ودعوات الوالدة والجايبا الجنى
تجد الرضى عند رب كريم وقادر

لك تحياتي ومودتي
أرقد عافية

Quote: مرة تحانن الواحد لامن ياخدلّو غمدة شوية كدي تصقعو فوق رويسو كع

لا لا لا ود المنسي خليك فاهمنى صقعتك انا قاصد اكتل بيها حيل الرطاني عشان يفرح ويتقنطر واجيبو ليك اربشيييييييييييييي من فوووووووووق

Quote: لا لا لا ود المنسي خليك فاهمنى صقعتك انا قاصد اكتل بيها حيل الرطاني عشان يفرح ويتقنطر واجيبو ليك اربشيييييييييييييي من فوووووووووق

انت صقعتو ؟؟؟ بلا سلبطة وتبريرات ؟؟؟ وقال انت زي الدبيب ؟؟؟ اها شغل عرريب صحيح جوطة وكوارييك وضريب في الفاضي .. كدة انت بس اعلن الحرب عليهو والقوات الهجين جاهزة .....

Quote: انت ياخ ماسك ميمنة جيشناالحبه ما بتجيك

جيش النمل ؟؟؟
اها الواحد بس يجي ناطي تلبت علي الجيش كلو يروح تحت الارض ؟؟؟
ميمنة ايه هو هسع شايف حاجة ؟؟

Quote: كدة انت بس اعلن الحرب عليهو والقوات الهجين جاهزة .....

لا لا عطر منشم ده تهنأ بيهو انت براك لكن بيني وود المنسي ما بفوح يا رطاني يا مفتاني

Quote: لا لا عطر منشم ده تهنأ بيهو انت براك لكن بيني وود المنسي ما بفوح يا رطاني يا مفتاني

ما قتو عرريب وبتاعيين حارة .. دحين كنكشتو في الزير البارد . الراجل قل انت دبيب !! في سبب للحرابة اكبر من دة ؟؟ دبيب كيف يعني ؟؟؟ كدة ورينا انك كا دبيب واديللو.....

Quote: ما قتو عرريب وبتاعيين حارة .. دحين كنكشتو في الزير البارد . الراجل قل انت دبيب !! في سبب للحرابة اكبر من دة ؟؟ دبيب كيف يعني ؟؟؟ كدة ورينا انك كا دبيب واديللو.....

هيييييييييييييع

يازعيم

Quote: مالك كاسرة فيك ضلعة ولا شنو؟

خبارك يعني بتحمر لي في شان سعلت
وبعدين عملات ودالمنسي ات تفلق وتداوي
ومرات مرات كدي تشيلك الهوشه وتضرب ماك فارز في ناسك
يازعيم عوووووك ديل نحن نحن معاووووك
الرطانه مالك غبيان منهم ديلاك الشايلين النشاشيب

ود محمود

Quote: خبارك يعني بتحمر لي في شان سعلت وبعدين عملات ودالمنسي ات تفلق وتداوي ومرات مرات كدي تشيلك الهوشه وتضرب ماك فارز في ناسك يازعيم عوووووك ديل نحن نحن معاووووك الرطانه مالك غبيان منهم ديلاك الشايلين النشاشيب

هيييييييييييع اقدل ساى كت قايلك طابور خامس علا فرزتك هسع

Quote: لا لا لا ود المنسي خليك فاهمنى صقعتك انا قاصد اكتل بيها حيل الرطاني عشان يفرح ويتقنطر واجيبو ليك اربشيييييييييييييي من فوووووووووق

يازول ها الرطاني ربيان بالعجو
وما بنقدر
علا بقول ليك الرطاني أجدع لي الشرك
وريتك لي قبل دا ( داكي الليلة )
ملوحا وتركين .. ووراهن كيس تمباك
وإتلافا في حصفتو بي عود مضبب كف
بتجيب خبرو

Quote: انت صقعتو ؟؟؟ بلا سلبطة وتبريرات ؟؟؟ وقال انت زي الدبيب ؟؟؟ اها شغل عرريب صحيح جوطة وكوارييك وضريب في الفاضي .. كدة انت بس اعلن الحرب عليهو والقوات الهجين جاهزة

انت بس أمرق منها
ودعمي ما بديني عوجا
دا حديثا بيناتنا
شن بدخل الرطانة في

Quote: جيش النمل ؟؟؟ اها الواحد بس يجي ناطي تلبت علي الجيش كلو يروح تحت الارض ؟؟؟ ميمنة ايه هو هسع شايف حاجة ؟؟

الرطاني
نمل ؟؟؟
ليه عسكر الديش منكم ولا شنو ؟