ابوبكر سيد احمد ابو الانسانيه كلها كل سنه وانت طيب

ابوبكر سيد احمد ابو الانسانيه كلها كل سنه وانت طيب


05-15-2007, 04:41 PM


  » http://sudaneseonline.com/cgi-bin/sdb/2bb.cgi?seq=msg&board=224&msg=1192177499&rn=41


Post: #1
Title: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 04:41 PM
Parent: #0


Post: #2
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 04:47 PM
Parent: #1

ابوبكر كل سنه وانت طيب ياطيب وعقبال الشمعه الميه
وانت وسط احبابك واولادك وياريت كان في
امكانيه نطفي معاك الشمع لكن الله غالب
تحياتي لي ساميه والاولاد
ام احمد

Post: #5
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:10 PM
Parent: #2

Dear uncle abubakr

on your birth day wishing you every thing please you
and filled with moments that make your day aspecial day


happy birthday



lina

Post: #105
Title: Re: ابوبكر سيد احمد ابو الانسانيه كلها كل سنه وانت طيب
Author: خالدة البدوي
Date: 05-16-2007, 09:33 AM
Parent: #2

الحبيبة عفاف

العمر كله ليك

وانت تهتمين بمن يعنون لك

كل عام وانت بألف خير ابو بكر ابو الانسانية

ولك ولأولادك وحبايبك عفاف ،،



ودي ،،،

Post: #141
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 10:28 PM
Parent: #105

Quote: الحبيبة عفاف

العمر كله ليك

وانت تهتمين بمن يعنون لك

كل عام وانت بألف خير ابو بكر ابو الانسانية

ولك ولأولادك وحبايبك عفاف ،،



ودي ،،،


خالده والله انت زي العسل علي قلبي
تسلمي وسلمي لي علي عسل قلبي وجوده
واخواته

Post: #3
Title: Re: ابوبكر سيد احمد ابو الانسانيه كلها كل سنه وانت طيب
Author: بدر الدين الأمير
Date: 05-15-2007, 04:53 PM
Parent: #1

عفاف لك التقدير
وهل كان الشاعر العربى يعنى ابوبكر حين قال:

(تراه إذا ماجئته متهللا
كأنك تعطيه ما انت سائله)




كل الأعوام وانت بخيرين وزيادة يا أبوبكر

Post: #4
Title: Re: ابوبكر سيد احمد ابو الانسانيه كلها كل سنه وانت طيب
Author: ولياب
Date: 05-15-2007, 05:08 PM
Parent: #3

ربنا يحفظوا ويمد في أياموا ويشوف أحفادوا

ويجمعنا به في ربوع الوطن


شكراً يا عفاف

Post: #7
Title: Re: ابوبكر سيد احمد ابو الانسانيه كلها كل سنه وانت طيب
Author: فضيلي جماع
Date: 05-15-2007, 05:14 PM
Parent: #4

عفاف يا كلك ذوق..هل تتحدثين عن صديقي الرطان باشمهندس أبوبكر سيد احمد أم هو تطابق اسماء؟

كنا ندردش عبر الهاتف قبل يومين -هو وشخصي الضعيف- أول مرة في حياتنا..وكاني أعرف الرجل حياتي كلها. ربي يعطيك طول العمر ويمتعك بالصحة أيها السوداني المسربل بالوطن أينما حللت.

Post: #11
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:32 PM
Parent: #7

Quote: عفاف يا كلك ذوق..هل تتحدثين عن صديقي الرطان باشمهندس أبوبكر سيد احمد أم هو تطابق اسماء؟

كنا ندردش عبر الهاتف قبل يومين -هو وشخصي الضعيف- أول مرة في حياتنا..وكاني أعرف الرجل حياتي كلها. ربي يعطيك طول العمر ويمتعك بالصحة أيها السوداني المسربل بالوطن أينما حللت
.

استاذي الفاضل/فضيلي جماع

شايف عظمه ابوبكر اهو جاب قامه كبيره زيك انت
لي في مكاني والله يااستاذ انا مدمنه ادمان لي جميع
كتباتك وطبعا غصبا عني لانه كلماتك دايما بتفرض
نفسها دون استاذان وتلامس شقاف القلب والروح
وبعد اقرا كلامك اصاب بحاله من الذهول والرهبه ويقلبني
التعبير عن اعجابي الكبير انااذا كنت بعز ابوبكر مره
اسي اكيد ح يكون مرات
تسلم لينا انت وابوبكر

Post: #10
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:20 PM
Parent: #4

Quote: ربنا يحفظوا ويمد في أياموا ويشوف أحفادوا

ويجمعنا به في ربوع الوطن


آآآآمين يارب

تسلم اخي ولياب

Post: #6
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 05:13 PM
Parent: #3

والله يا ام احمد تتعبي ساى عمرو ما شفت لى رطاني ابو انسانية -

لكن يا عفاف انا الايام دى حاسي زى العندى حاجة ناقصة ابو بكر مشغول وما لامي فيهو وخالد ضارب طناش .

نرجع ليكم

Post: #12
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:46 PM
Parent: #6

Quote: والله يا ام احمد تتعبي ساى عمرو ما شفت لى رطاني ابو انسانية -

لكن يا عفاف انا الايام دى حاسي زى العندى حاجة ناقصة ابو بكر مشغول وما لامي فيهو وخالد ضارب طناش .


اسي ياالطيب عليك الله ابوبكر اكان مره عليك
يوم من غير تتناكف معاه مابجيك وجع راس
ابوبكر لي البعرفوه زي صباح يوم العيد
لي زول وسط اهله وكلهم ملمومين حواليه ومبسوطين
زي لمه بنات عمك حواليك تحت الشجره الفي بيتكم
ربنا يحفظه لينا ولي وليداته

Post: #8
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:15 PM
Parent: #3

Quote: (تراه إذا ماجئته متهللا
كأنك تعطيه ما انت سائله)



الاخ بدر الدين الامير كلك نظر

تسلم

Post: #9
Title: Re: ابوبكر سيد احمد ابو الانسانيه كلها كل سنه وانت طيب
Author: ولياب
Date: 05-15-2007, 05:19 PM
Parent: #8

Quote: والله يا ام احمد تتعبي ساى عمرو ما شفت لى رطاني ابو انسانية -


أها يا أبوالطيب بتجيب الكلام لنفسك ، قبل ما يجيك قريبي وصديقك أبوبكر حينطوا في رقبتك الف رطاني

عررروبي قال

Post: #13
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-15-2007, 05:53 PM
Parent: #9


Post: #15
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 06:48 PM
Parent: #13

Quote: Dear uncle abubakr

on your birth day wishing you every thing please you
and filled with moments that make your day aspecial day


happy birthday



lina


My nice daughter Lina

Do you believe that you mother Afaf is correct in her kind words about Alratani Abubaker

هيييييييييييع ام احمد تستنطق الصمت العصيا - الزمن ده كلو لنا ما اتكلمت الا الليلة وكلام عجمى سااااااااى بختك ود المحرب بقيتوا زينا من تك للمفك .

Post: #140
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 09:52 PM
Parent: #15


Post: #14
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 06:42 PM
Parent: #1

اعزائ ام احمد -الامير- فضيلي- خالد -ولياب ودشيقوق دون فرز ...
ادهشني عنوان البوست فلم اتوقع مطلقا ان تاريخ ميلاد كهل مثلي من ملح الارض يثير الانتباه ولكن صديقتي وبنتي لينا خالد كان لها ترتيب اخر فتمكنت من معرفة تاريخ ميلادي (15 مايو ) واصرت ام احمد (ام لينا - ايمانا بعدل يسمح للينا ما لاحمد) علي التهنئة الاسفيرية وانااخشي ان اكون انا مثار اهتمام اسفيري وناس كثيرين واحداث كثيرة هي الاهم فمعذرة ...وصراحة انا سعيد بحبكم لي واهتمامكم بي و بيوم ميلادي وما عندي لكم غير مزيد من الحب والتقدير والعرفان فانسانيتكم تنعشني وتضخ اكسجينا في خلاياي الكهلة وليعينني المولي علي اكثار من الحب والمودة ليشمل كل البشر...
مودتي
__________
حاشية : يا العرريب ودشيقوق انت اشتكتني لطوب الارض متهما اياي باني السبب في عدم مقدرتكم علي مواصلو رحلة عمر ومشوار سنيين واشتكيتني قانونا لمولانا عبدالمنعم وعندما افسحنا لك المجال انصرفت وتعللت بانك تحتاج الي وقت .. ياخي اربعيين سنة ما كفاية ؟؟ اصلك حتكتب مقدمة ابن خلدون؟واللا الموسوعة البريطانية ؟ ياخي انت رحلة عمرك ومشوار سنينك الواحد بيقسها بمسطرة البلاستيك الفيها 6 يوصة بس ودي ذاتها اطول من رحلتك؟؟..قال رحلة عمر ومشوار سنين انا نفسي اعرف الرحلة ايه والمشوار ايه واللا بس فنة في الفارغ ؟ روح اتلهي وسطح يا حتات

Post: #16
Title: Re: ابوبكر سيد احمد ابو الانسانيه كلها كل سنه وانت طيب
Author: طلال عفيفي
Date: 05-15-2007, 06:54 PM
Parent: #14


يا سلام ، أبوبكر ده إنسان سمح ومحترم وعندو حب للناس ،
أنا عن ذات نفسي بحبو شديد ، وبرتاح لوجودو هنا في المنبر
لأنو زول بيعزز ثقتي في نفسي وما بيبخل علي بالكلمة المحترمة
والإشارة للممكن أعملو ، زول إيجابي ولطيف ...
بقول ليهو كل سن وإنت بطيب وبألف خير يا أبوبكر ويا رب
أقدر أشوفك في السنه الإحنا فيها دي ، عشان أنبسط وتحصل
لي البركه ..


Post: #52
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:25 AM
Parent: #16

Quote: يا سلام ، أبوبكر ده إنسان سمح ومحترم وعندو حب للناس ،
أنا عن ذات نفسي بحبو شديد ، وبرتاح لوجودو هنا في المنبر
لأنو زول بيعزز ثقتي في نفسي وما بيبخل علي بالكلمة المحترمة


طلال شكرا ليك ياصاحب القلب الكبير

Post: #18
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 06:56 PM
Parent: #14

وليااااااااااااب

Quote: أها يا أبوالطيب بتجيب الكلام لنفسك ، قبل ما يجيك قريبي وصديقك أبوبكر حينطوا في رقبتك الف رطاني


والله الايام دى انا بتفسح ساااااااااى الرطانة كلهم مشغولون بمشوار نضال في منطقة امري - حقوا ترشحوا ابو بكر يكون ليكم نائب رئيس جمهورية لشئون الرطانة .

Post: #17
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 06:54 PM
Parent: #1

العرريب ودشيقوق

موتو بغيظكم ايها الحتات

Quote: Dear uncle abubakr

on your birth day wishing you every thing please you
and filled with moments that make your day aspecial day


happy birthday



lina


وين وين وين تلقو زي دة ؟؟؟

Post: #19
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:05 PM
Parent: #17

Quote: يا العرريب ودشيقوق انت اشتكتني لطوب الارض متهما اياي باني السبب في عدم مقدرتكم علي مواصلو رحلة عمر ومشوار سنيين واشتكيتني قانونا لمولانا عبدالمنعم وعندما افسحنا لك المجال انصرفت وتعللت بانك تحتاج الي وقت .. ياخي اربعيين سنة ما كفاية ؟؟ اصلك حتكتب مقدمة ابن خلدون؟واللا الموسوعة البريطانية ؟ ياخي انت رحلة عمرك ومشوار سنينك الواحد بيقسها بمسطرة البلاستيك الفيها 6 يوصة بس ودي ذاتها اطول من رحلتك؟؟..قال رحلة عمر ومشوار سنين انا نفسي اعرف الرحلة ايه والمشوار ايه واللا بس فن ة في الفارغ ؟ روح اتلهي وسطح يا حتات


عفاف ما تخافي الله هسع جيتي انتى وبناتك مولعين النار . هو ذاتو في عيد ميلاد بسوهو زى ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس .

الرطاني حمد الله بشوفتك ومبروك عيد ميلادك طبعا كنت شغال سلو دانسنج صاح وكتر خير ام احمد القلعتك من جحر .

Post: #20
Title: Re: ابوبكر سيد احمد ابو الانسانيه كلها كل سنه وانت طيب
Author: ترهاقا
Date: 05-15-2007, 07:07 PM
Parent: #19

الف شمعة يا بلدينا



احمد ساطور

Post: #22
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:11 PM
Parent: #19

يا اخونا هوووووووووى الحاضر يكلم الغائب

انا جبت توبي ولحافي وهبابي رحلت البوست ده عديييييييييييل ونائم بس مراقب اى زول يكتب ويكضب في شكر الرطاني ده - ده رطاني بتشكر ما تخافوا الله .

انت يا الفضيلي منحاز عديييييييييل الزول زولك حسب ونسب وما عندك شهادة شهادتك مجروحة .

Post: #21
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:10 PM
Parent: #1

Quote: الف شمعة يا بلدينا


كتر خيرك يا قريبي والاف الشمعات لاهلنا الطيبين الصابرين في النوبة وكل السوداني

Post: #23
Title: Re: ابوبكر سيد احمد ابو الانسانيه كلها كل سنه وانت طيب
Author: ترهاقا
Date: 05-15-2007, 07:17 PM
Parent: #21

Quote: ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس .


استاذنا شيقوق ، عايز تقول لينا إنك عارف تاريخ عيد ميلادك ؟ كان فيها بليلة عيش ياكا من ناس ؟؟19/1/1
شهادة بدل فاقد

ومن دييك وعييك


احمد ساطور

Post: #26
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:34 PM
Parent: #23

احمد ساطور

يا سلالالالالالالالالالالالالالالالام يا ام احمد امانة بوستيك ما جاب رجال

الف مرحب بيك اخي الموسيقار المخضرم احمد ساطور سيد الرجال واخو الرجال ووالله طالما انت قريب ابي بكر مافي كلام تاني عين تكرم الف عين .

يا ابا بكر ويا عفاف انا تعرفت على الاستاذ احمد ساطور خلال تواجدى في السعودية السنة المضت ومن خلال الاخوين اللذيذين الابيضين والاملحين تمبس وحميدة وهما فعلا عصفورتان في الحجاز حلتا على فنن ... التقيا بي واخطرونى باننا معزومون اليوم مع الموسيقار والجندى احمد ساطور وبالفعل ذهبنا وكانت روعة اللقاء كانت امسية لا تنسى اطلاقا تعرفت فيها على هذا الساطور الاسطورة الذى جمع بين الفن في ارقى رتبه والجندية الامريكية بارقى تقنياتها .

والناظر لجدران منزل الاخ ساطور يجد الكثير من الشهادات العلمية وغيرها من شهادات الخبرة موسيقي ادب انجليزى جندية ولانو رطانى قطع شك لديه شهادات اخرى ...........

مرحب بيك اخي الساطور وبيتنا نور وكلو زينة .

Post: #35
Title: Re: ابوبكر سيد احمد ابو الانسانيه كلها كل سنه وانت طيب
Author: سمية الحسن طلحة
Date: 05-15-2007, 07:56 PM
Parent: #21

أبوبكر
كل سنة وانت طيب
وكل سنة وكل الأمور المحزنة تبعد طريقا
وكل الأمانى الممكنة تصبح حقيقة
وكل الأمل يصبح حياة
وكل الحياة تصبح سعيدة

أم أحمد
الله يطيب حياتك ياطيبة
طيبتى نفوسنا المغمومة
الأيام دى كلها أحزان
ربنا يشفى المرضى
ويرحم الموتى
ويرحمنا وإياكم
ياأرحم الراحمين

.......
بالمناسبة قالوا مواليد شهر مايو يتسموا بالوسامة
عشان كده ياأبوبكر ماتنزل صورتك بنسحرك

Post: #53
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:33 AM
Parent: #35

Quote: أم أحمد
الله يطيب حياتك ياطيبة
طيبتى نفوسنا المغمومة
الأيام دى كلها أحزان
ربنا يشفى المرضى
ويرحم الموتى
ويرحمنا وإياكم
ياأرحم الراحمين




يابت الحسن القومه ليك الله يبعد
الاحزان من حتي البلد الانت فيه
انا لما شئ في الدنيا دي يحزني
بطراكم انتو والله وبزول همي
تسلمي ياملكه

Post: #24
Title: Re: ابوبكر سيد احمد ابو الانسانيه كلها كل سنه وانت طيب
Author: الطاهر ساتي
Date: 05-15-2007, 07:24 PM
Parent: #1

ياحبيبنا كل سنة وانت طيب
وربنا يديك الصحة والعافية وراحة البال
ويخلى ليك اهلك واحبابك وبلدك في نعم الحال
وعقبال الشمعة المية

طبعا دى لو ما الشمعة المية ...........
ولو دى المية قبال الاف ..
تحياتى ليك
ومودتى

Post: #28
Title: Re: ابوبكر سيد احمد ابو الانسانيه كلها كل سنه وانت طيب
Author: ود محجوب
Date: 05-15-2007, 07:39 PM
Parent: #24







أها كدا كيف
كل سنة وإنت طيب يا أبو بكر


وشكرا للأستاذة عفاف أبو حريرة

Post: #54
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:39 AM
Parent: #28

Quote: أها كدا كيف
كل سنة وإنت طيب يا أبو بكر


ود محجوب حبابك الاف

Post: #29
Title: Re: ابوبكر سيد احمد ابو الانسانيه كلها كل سنه وانت طيب
Author: شهاب الفاتح عثمان
Date: 05-15-2007, 07:40 PM
Parent: #24

كل سنه وانت طيب

Post: #55
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:44 AM
Parent: #29

Quote: كل سنه وانت طيب

وانت طيب ياشهاب الفاتح

Post: #30
Title: Re: ابوبكر سيد احمد ابو الانسانيه كلها كل سنه وانت طيب
Author: خالد المحرب
Date: 05-15-2007, 07:44 PM
Parent: #24

عيد سعيد وعمر مديد وصحه وعافيه .




عفاف ما تخافي الله هسع جيتي انتى وبناتك مولعين النار . هو ذاتو في عيد ميلاد بسوهو زى ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس


ودشيقوق شكيتك على الله . دا مو عيد ميلادك دى حاجه اسمها الرحمتات بعملوها
عشان المطر ينزل كرامة بليله عاوز تقولى عارف ميلادك انت من زمن داية الحبل
يعنى ولدوك upside down وعلقولك الوريقه قال عيد ميلاد قال انا موجود ماتقدر
تتحنكش اعلى هامان يافرعون

Post: #56
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:50 AM
Parent: #30

Quote: عيد سعيد وعمر مديد وصحه وعافيه .


العمر المديد ليك يا ابواحمد ياتاج راسي
ونور حياتي

Post: #31
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:44 PM
Parent: #24

Quote: طبعا دى لو ما الشمعة المية


يا فريبي ..مش بعيد عن المية لكن عايزين الالف سنوات خير لبلدنا

Post: #25
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:33 PM
Parent: #1

Quote: انا جبت توبي ولحافي وهبابي رحلت البوست ده عديييييييييييل ونائم بس مراقب اى زول يكتب ويكضب في شكر الرطاني ده - ده رطاني بتشكر ما تخافوا الله .


انت قايل هنا بكان تسطيح ؟ نائم ومراقب كيف يعني ؟ في الحلم ؟ انت رطان واحد ما قادر عليهو احسنلك اتلحف بتوبك وخليك بعيد من الرطان بعديين يمسحوك تركيين من نوع جلد الفار يخلي الضبان يهج ويخليلك البلد ؟؟

Post: #27
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:38 PM
Parent: #25

الطاهر ساتي

Quote: طبعا دى لو ما الشمعة المية ...........
ولو دى المية قبال الاف ..


تسلم غيرك مافي حد بيمرق الحد عديييييييل في الطلحة

Post: #32
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:48 PM
Parent: #27

Quote: انت قايل هنا بكان تسطيح ؟ نائم ومراقب كيف يعني ؟ في الحلم ؟ انت رطان واحد ما قادر عليهو احسنلك اتلحف بتوبك وخليك بعيد من الرطان بعديين يمسحوك تركيين من نوع جلد الفار يخلي الضبان يهج ويخليلك البلد ؟؟


ما تخاف الله بس اوع تسيسوا البوست ده وتبقى فيهو عنصريات رطانة وبطانة - اصلوا البطاحين ما عندهم نفس طويل هسع سمية بت طلحة بتتصل في ام احمد عشان تلغي البوست ده لو شعرت بتجمعات رطانة على حساب البطانة.

وانا ماشى اعمل بوست جديد اقول فيهو ( ام احمد فتنت الرطانة مع ناس البطانة)

Post: #36
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 07:58 PM
Parent: #32

Quote: ودشيقوق شكيتك على الله . دا مو عيد ميلادك دى حاجه اسمها الرحمتات بعملوها
عشان المطر ينزل كرامة بليله عاوز تقولى عارف ميلادك انت من زمن داية الحبل
يعنى ولدوك upside down وعلقولك الوريقه قال عيد ميلاد قال انا موجود ماتقدر
تتحنكش اعلى هامان يافرعون


على الطلاق تقول ام احمد حلموها بالبوست ده الليلة جمع المن سقط لقط - انا ولدونى بالحبل عديييييييل كده ولا بدسها دسها انت التدس ......... ام اهلك .

سمياتي عتود فحل الناس كانوا شوية نادوهم كلهم اكلوا زييييييييين وجابوا الكفتيرة حقت الشاى الزمان الزرقاء والكباية دشرة واحدة مش زى سرامسكم البيعصروها ساعة عشان تعبي الكباية .

ما تكضبوا وتغطوا رؤسكم في الرمال كلكم كنتوا كده لكن خجلانيين والاستحوا ماااااااتوا

Post: #33
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:51 PM
Parent: #1

Quote: أها كدا كيف


ياودمحجوب ... ما تشوف العرريب ودشسقوق الحتات يطفي النار دى اصلو اليوميين برامجو كلها مطرشقة وما قادر يطبق حفلة تانية علي الحفلة الاولي ولا قادر يكمل رحلة عمرو ومشوار سنينو

Post: #34
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:54 PM
Parent: #1

شكر دكتور شهاب وامل ان نلتقي عند زيارتي السنوية لبناتي في KL في اغسطس انشاء الله

Post: #37
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-15-2007, 07:59 PM
Parent: #1

Quote: عيد سعيد وعمر مديد وصحه وعافيه .


الشكر للبنية السكرية لينا والعائلة الحلوة...___
حاشية : انت العرريب دة دة مولود زي خلق الله واللا بايونك Bionic

Post: #38
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 08:08 PM
Parent: #37

Quote: لبناتي في KL في اغسطس انشاء الله


ناس بناتهم في امبدة وناس في KL

ناس افراحها زايدة وناس يتالموا
ناس بتمشى سنين طويلة وناس بدون ما تمشى توصل

ابو بكر بناتك ديل بيعرفن النبق؟؟؟؟؟؟؟؟؟؟

Post: #39
Title: Re: ابوبكر سيد احمد ابو الانسانيه كلها كل سنه وانت طيب
Author: محمد سنى دفع الله
Date: 05-15-2007, 08:08 PM
Parent: #37

;كل عام وانت الحب الكبير
كل عام والسعادة ملازماك
كل عام وخيرك واصل لي الناس الحلوة والشينه
كل عام وانت كبيرنا الذي علمنا السحر والجمال
يا ابو الكل
نحبك

Post: #40
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 08:12 PM
Parent: #39

بت طلحة

Quote: بالمناسبة قالوا مواليد شهر مايو يتسموا بالوسامة
عشان كده ياأبوبكر ماتنزل صورتك بنسحرك


تسحرى شنو هو ذاتو بكف العين

Post: #57
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 00:57 AM
Parent: #39

Quote: كل عام وانت الحب الكبير
كل عام والسعادة ملازماك
كل عام وخيرك واصل لي الناس الحلوة والشينه
كل عام وانت كبيرنا الذي علمنا السحر والجمال
يا ابو الكل
نحبك


الاستاذ الكبير محمد السني دفع الله بيك بيتنا نور والله نور

Post: #41
Title: Re: ابوبكر سيد احمد ابو الانسانيه كلها كل سنه وانت طيب
Author: sanaa gaffer
Date: 05-15-2007, 08:12 PM
Parent: #1

بكري...
كل سنة وانت بالف خير ...
عقبال المائة سنة من عمر سعيد ...
الله يديك الصحة والعافية ... ويخلي ليك مها ورشا وضياء وامهم ...


سؤال في اضانك ...
دة عيد ميلادك الكم ؟؟؟

Post: #42
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 08:17 PM

ٍالاخت سناء جعفر

Quote: سؤال في اضانك ...
دة عيد ميلادك الكم ؟؟؟


مش في اضانو نحن نطالب بكامل الشفافية حول هذا الموضوع

Post: #45
Title: Re: ابوبكر سيد احمد ابو الانسانيه كلها كل سنه وانت طيب
Author: فضيلي جماع
Date: 05-15-2007, 09:24 PM
Parent: #42

Quote: وبعد اقرا كلامك اصاب بحاله من الذهول والرهبه ويقلبني
التعبير عن اعجابي الكبير انااذا كنت بعز ابوبكر مره
اسي اكيد ح يكون مراتتسلم لينا انت وابوبكر [QUOTE

.يا أم احمد دا كتير على شخصي والله..ربنا يعطيك العافية، ويديم السعادة عليكم. فكرة البوست عجبتني كتير..بوست يحكي موضوع الوفاء الذي أصبح عملة نادرة هذه الأيام. كونك قمت بلفت انتباه الناس إلى حادثة تبدو صغيرة لكنها في جوهرها غاية في الإهمية هنا تكمن قيمة ما فعلت با بنت الأصول. ولأن صديقنا ابوبكر يستحق كل هذا النفير من المهنئين والداعين له بطول العمر، فإن من الواجب علينا جميعا أن نثني على ما قمت به بالوكالة عنا.

Post: #58
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 01:05 AM

Quote: سؤال في اضانك ...
دة عيد ميلادك الكم ؟؟؟

سناء ازيك انتي عملتي تحالف مع الطيب
ولاشنو الاسئله البتجرس دي شنو

Post: #43
Title: Re: ابوبكر سيد احمد ابو الانسانيه كلها كل سنه وانت طيب
Author: بكري الصايغ
Date: 05-15-2007, 09:12 PM
Parent: #1

... تـوأمـي الـحـبوب،
ابـوبكـر سـيـداحـمـد،

حـاجـه غـريبة واللـه!!!، كيف نكـون نحـن الأتنييـن "توأميـن"
وتكـون انت اتـولـدت في شـهـر مايو بتاع نميـري وشـهـر غـرق بلاد
النـوبه عام 1964، واكـون انا اتـولـدت في شـهـر نوفمبـر بتاع
عـبود الغــرق حـلفا!!!!.
اخـوي الكاشــف، كـل سـنة وادام اللـه عـليك الصـحـه والافـراح
وجـعـل كـل ايامك اعــياد ومسـرات، وأجـمل التهـاني واطـيب
الأمنيــات.
اخـوك: ابـوبكر سـيـداحـمـد.

Post: #44
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 09:22 PM
Parent: #43

اخى بكري الصائغ
Quote: وتكـون انت اتـولـدت في شـهـر مايو بتاع نميـري وشـهـر غـرق بلاد
النـوبه عام 1964، واكـون انا اتـولـدت في شـهـر نوفمبـر بتاع



ما تخافوا الله ابو بكر تخرج من كلية الهندسة المعمارية جامعة الخرطوم سنة 1970 وانا تخرجت من كلية الحقوق في جامعة الخرطوم سنة 83 كيف يكون ابو بكر اصغر منى - لا حولة ولا قوة الا بالله منكم

عفاف انت من هنا والنار طوالى

Post: #47
Title: Re: ابوبكر سيد احمد ابو الانسانيه كلها كل سنه وانت طيب
Author: فضيلي جماع
Date: 05-15-2007, 09:37 PM
Parent: #44

Quote: انت يا الفضيلي منحاز عديييييييييل الزول زولك حسب ونسب وما عندك شهادة شهادتك مجروحة .


خليك من انحيازي يا شيخ العرب..هسي في مناسبة زي دي مش كان أفضل تجي متلفح بي توبك ومن وراك العيال سايقين ليهم عجل ولا خروف حتى وترفع راسنا قدام الرطانة بدل ما خاتي عنيقريبك قدام صالون الباشمهندس في مناسبة زي دي وهاك يا نقة ؟

ام احمد الزول دا أفرزوا ليه عيشتو..يعني اعملو ليه شوية قهوة وشاي وخلوه يتطلب الله.

Post: #46
Title: Re: ابوبكر سيد احمد ابو الانسانيه كلها كل سنه وانت طيب
Author: Muna Khugali
Date: 05-15-2007, 09:28 PM
Parent: #43

أخونا..
وأبو الأنسانيه
وسيد الخلاق..
وابن الطيبه والاستقامة..
يسعدك الله محل ما تقبل..
ويخليك وساميه لبعضكم ولأولادكم ولناس أحنا..



كل سنه وانت طيب وجميل..

ويا عفه ياحلوة..
انا بحبك شدييييد..

Post: #59
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 01:26 AM
Parent: #46

Quote: انا بحبك شدييييد..

وانا والله يامني بحبك لله في الله كده
انت سكرنا كلنا يافراشه المنبر

Post: #48
Title: Re: ابوبكر سيد احمد ابو الانسانيه كلها كل سنه وانت طيب
Author: AMNA MUKHTAR
Date: 05-15-2007, 09:51 PM
Parent: #1

عقبال الشمعة المية..


شكرا أخت عفاف.

Post: #50
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-15-2007, 10:14 PM
Parent: #48

Quote: خليك من انحيازي يا شيخ العرب..هسي في مناسبة زي دي مش كان أفضل تجي متلفح بي توبك ومن وراك العيال سايقين ليهم عجل


عجل يا شيخ العرب !!!!!!! ده حرم ما يستاهل سحلية . لكن اكراما ليكم عندى ديك فحل علاعلو كبااااار بتكيهو طاااااااب جبرا لخاطركم وبكلم السمحة ام ولدى تتفوا ليكم مع المغربية وتسوى ليكم قدحا وهيييييييييط تاكلوا لحدى تقومواشايلين قلفة - القلفة دى يا ناس اللغة العربية كناية عن الشبعة السيدها بيعرق الى ان تتبلل رحاتاهو من تحت بالعرق ويشيلن تراب من تحت .

Post: #63
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 02:50 AM
Parent: #50

Quote: عجل يا شيخ العرب !!!!!!! ده حرم ما يستاهل سحلية


كان تستر .. انا فيجي !!! يعني ما كانيبال زييك... بطيخة وخلاص...

Post: #60
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 01:33 AM
Parent: #48

Quote: شكرا أخت عفاف.


الشكر ليك انتي ياآمنه اختي

Post: #49
Title: Re: ابوبكر سيد احمد ابو الانسانيه كلها كل سنه وانت طيب
Author: Raja
Date: 05-15-2007, 10:10 PM
Parent: #1



صديقي العزيز أبوبكر




وكل يوم وإنت هاني وسعيد







شكرا عفاف ولينا على التهنئة الحلوة..

Post: #51
Title: Re: ابوبكر سيد احمد ابو الانسانيه كلها كل سنه وانت طيب
Author: حيدر حسن ميرغني
Date: 05-16-2007, 00:14 AM
Parent: #49

ابوبكر

كل سنة وانت طيب


شكرا للرزينة عفاف

Post: #62
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 01:45 AM
Parent: #51

Quote: ابوبكر

كل سنة وانت طيب


شكرا للرزينة عفاف


الاخ الفاضل حيدر حسن مرغني
شكرا علي مرورك وابوبكر زول
ماساهل كفايه جابك انت لينا
تسلم اخو وعزيز

ام احمد

Post: #61
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 01:39 AM
Parent: #49

Quote: شكرا عفاف ولينا على التهنئة الحلوة..


شكرا الاخت رجاءانت مكانك ما اقل من مكان
ابوبكر في عايلة خالد المحرب لانك بتعني كتير عند خالد
تسلمي لي ياحبيبه

Post: #64
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 02:55 AM
Parent: #1

Quote: بالمناسبة قالوا مواليد شهر مايو يتسموا بالوسامة
عشان كده ياأبوبكر ماتنزل صورتك بنسحرك


يالملكة ما انت عارفة البير وغطاهو ..وسامة عجائز شن يسوبا بشان يسحروها ..عند الصينيين هو ما الثور بس الفار .. توم وجيري

Post: #65
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 02:58 AM
Parent: #1

Quote: ناس بناتهم في امبدة وناس في KL


انت مشكلتك انو بتخلي مفتاح المخيخ في درج المكتب .. ناس امبدة في ملكهم وبلدهم حقهم وناس كي ال او اي اسم بالافرنجي سكن مؤقت .. اها منو الاحسن ..؟

Post: #66
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:02 AM
Parent: #1

Quote: كل عام وانت كبيرنا الذي علمنا السحر والجمال


تعرف يالسني .. شوية سحر وكنا ودرنا كل شين ؟

مودتي

Post: #67
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:06 AM
Parent: #1

Quote: سؤال في اضانك ...
دة عيد ميلادك الكم ؟؟؟


انتي ما عارفة .. ما تقوليها.. انا في اخر العقد الخامس .. اها عديها واللا لسه عندك مشكه في الحساب

Post: #68
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:09 AM
Parent: #1

Quote: يسعدك الله محل ما تقبل..


ويسعدك وايةوجارة واخواتك واخوانك وكل البحبوكي

Post: #69
Title: Re: ابوبكر سيد احمد ابو الانسانيه كلها كل سنه وانت طيب
Author: غادة عبدالعزيز خالد
Date: 05-16-2007, 03:11 AM
Parent: #68

الأخ الكبير
أبوبكر

كل عام و أنت بألف خير

غادة

Post: #70
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:11 AM
Parent: #1

Quote: عقبال الشمعة المية..


امونة ..كان عيد ميلاد بجيبك لينا اها كل يوم عيد بشان نشوفك ...

Post: #71
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:16 AM
Parent: #1

Quote: وتكـون انت اتـولـدت في شـهـر مايو بتاع نميـري وشـهـر غـرق بلاد
النـوبه عام 1964، واكـون انا اتـولـدت في شـهـر نوفمبـر بتاع
عـبود الغــرق حـلفا!!!!.


يابكري اخوي.. جينا طالعيين نشوف الحاصل شنو ونسوي شنو واها منها في كبد معاهم

Post: #75
Title: Re: ابوبكر سيد احمد ابو الانسانيه كلها كل سنه وانت طيب
Author: عبدالمنعم الرزوقي
Date: 05-16-2007, 03:23 AM
Parent: #71

عزيزى الاخ ابوبكر

وقفت مصطفا خلف هولإ الجهابذة

احمل في مخيلة كيبوردى كلام كثير ومثير حتي اتفوق

لكن إنهزمت جيوش حروفي الماثلة في الطابور منذ الظهيرة


لا يسعني الا ان اقول كل عام وانت بالف خير

Post: #72
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:17 AM
Parent: #1

Quote: صديقي العزيز أبوبكر


رجوية صحفيتنا المتالقة دوما ..الله يخليكي لينا

Post: #73
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:19 AM
Parent: #1

صديقي حيدر ..الف شكر

Post: #74
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:22 AM
Parent: #1

طلة

و

غادة

الاتنين هنا يا سعدنا وهنانا... مبسوط بيكم شديد ...

مودتي

Post: #76
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:32 AM
Parent: #1

Quote: ما تكضبوا وتغطوا رؤسكم في الرمال كلكم كنتوا كده لكن خجلانيين والاستحوا ماااااااتوا


وينا الرمال ؟؟؟الكتاحة ما خلت حاجة ؟؟؟بعديين داية وبدفتر كانت حبوبتنا عشة فرح واسال ولد خالتي بشري سليمان هو الكان بشيل الدفتر؟ بشان كدة انا بعرف مولود متين : اول صباح (يعني واحدة صباحا) السبت 15 مايو 1948 (اها يا سناء لسه عندك مشكة في الحساب ) في قرية عمكة مركز وادي حلفا - المولود ذكر الاسم : ابوبكر ( الوالد الله يرحمو كان مجهز الاسماء ان ادفانص ) الوالدة : فاطمة الاب: سيداحمد...
اتحداك لو انت عارف ولدوك واللا جيت ناطي برة براك ؟

Post: #77
Title: Re: ابوبكر سيد احمد ابو الانسانيه كلها كل سنه وانت طيب
Author: bayan
Date: 05-16-2007, 03:34 AM
Parent: #76

كل سنة وانت طيب
عمر مديد وسعيد...
وربنا يحفظك يا رجل يا نادر...

Post: #78
Title: Re: ابوبكر سيد احمد ابو الانسانيه كلها كل سنه وانت طيب
Author: doma
Date: 05-16-2007, 04:42 AM
Parent: #77

كل سنه وحبيبنا ابي بكر طيب
دا الزول السمح البتقيف اللغه عاجزه عن وصفه
ابو بكر رجل لا يتحدث عن نفسه ابدا
وهو من خيار من عرفت
شهما كريما نقيا
لا يضن بعلم او مال
يوم شكرك ما يجئ يا انسان

Post: #79
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 05:02 AM
Parent: #1

Quote: لا يسعني الا ان اقول كل عام وانت بالف خير


رزوقي الطيب الحساس ربنا يدييك العافية ويسعد ايامك

Post: #80
Title: Re: ابوبكر سيد احمد ابو الانسانيه كلها كل سنه وانت طيب
Author: doma
Date: 05-16-2007, 05:15 AM
Parent: #79

Quote: بالمناسبة قالوا مواليد شهر مايو يتسموا بالوسامة
عشان كده ياأبوبكر ماتنزل صورتك بنسحرك

كمان اضيف انهم بتسموا بسماحه الروح
وما هو ظاهر للعيون
سجلو عندكم دكتوره بيان من مواليد مايو 25

Post: #82
Title: Re: ابوبكر سيد احمد ابو الانسانيه كلها كل سنه وانت طيب
Author: جعفر عبد المطلب
Date: 05-16-2007, 05:28 AM
Parent: #79

شكراً عفاف علي هذه اللفتة الرائعة .
الصديق أبوبكر كل سنة وانت طيب . العمر لا يقاس بعدد السنين ولكن بعمق تجربة الحياة وطولها وبمدي ما قدم الأنسان لوطنه ومجتمعه . العمر من أعظم نعم الله علي خلقه . العمر هو الحياة .أنظر الي غالب أهل السودان الذين يهدرونه تارة في النوم وتارة فى لعب الورق وتارة بالجلوس علي قارعة الطريق . ثم يرفعون أكفهم بالدعاء خمس مرات في اليوم يسألون الله طول العمر ! إذا ماذا فعلنا بما لدينا من العمر ؟
علي كل حال يبدو أنك صادق في تاريخ الميلاد لأن غالب أهل السودان يحتفلون به فى الأول من يناير !
مفروض يكون في أول أبريل ! بالمناسبة وجودك واخرين شجعنى علي الكتابة هنا .دمت لقرائك

Post: #131
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 03:53 PM
Parent: #82





Quote: شكراً عفاف علي هذه اللفتة الرائعة .
الصديق أبوبكر كل سنة وانت طيب . العمر لا يقاس بعدد السنين ولكن بعمق تجربة الحياة وطولها وبمدي ما قدم الأنسان لوطنه ومجتمعه . العمر من أعظم نعم الله علي خلقه



الفاضل/جعفر عبد المطلب
اذا كان مقياس العمر انجازات المرء
فالمفروض تكون دي الشمعه الالف اللي بيطفيها ابوبكر
كتر خيرك كتير

Post: #81
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 05:18 AM
Parent: #1

Quote: عمر مديد وسعيد...


الله يخليك ويطول عمرك ويسعدك

Post: #85
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 05:51 AM
Parent: #81

Quote: ناس امبدة في ملكهم وبلدهم حقهم وناس كي ال او اي اسم بالافرنجي سكن مؤقت .. اها منو الاحسن ..؟


طيب ما تترك الهملة دى وتجى السودان تبنى ليك بيت جالوص في الحاج يوسف اصلك انسان متواضع وبتحب اهلك ابقى ليهم زى واحد قريبكم جلست معاهو بالصدفة منتظر تاكسي جنب مشرع توتي او بنك السودان الجديد وعرفت انو بيتو منزلة للرطانة كلهم .

Post: #83
Title: Re: ابوبكر سيد احمد ابو الانسانيه كلها كل سنه وانت طيب
Author: ناذر محمد الخليفة
Date: 05-16-2007, 05:39 AM
Parent: #1

عيد ميلاد سعيد يا أبو بكر ..

وعقبال مية وخمسين شمعة ..





Post: #84
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 05:40 AM
Parent: #1

Quote: كمان اضيف انهم بتسموا بسماحه الروح


تعرفي يادومة العزيزة انا فرحان بيكم شديد..اهم ما في لقاءنا الاسفيري انو فيه لقاء للروح واالارواح اكثر تساميا وتسامحا عندما تكون لوحدها بعيدا عن مؤثرات المادة والجسد ..حب لله لا شق ولا طق

Post: #86
Title: Re: ابوبكر سيد احمد ابو الانسانيه كلها كل سنه وانت طيب
Author: Mohamed Abdelgaleel
Date: 05-16-2007, 06:17 AM
Parent: #84

أبوبكر هو ده إنتا؟ يا سلام ياخ
والله وكت أشوفك في بوست بطمئن..

شكرا يا عفاف .. بس خالد ده ما عندو
عيد ميلاد؟ والله شنو .. قال دي رحمتات
هو خالد دا ولدوه يوم المطره أم
شعفوفة

Post: #120
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 03:24 PM
Parent: #86

Quote: شكرا يا عفاف .. بس خالد ده ما عندو
عيد ميلاد؟ والله شنو .. قال دي رحمتات
هو خالد دا ولدوه يوم المطره أم
شعفوفة


العزيز والغالي محمد عبدالجليل الزول الفاضل والاصيل
انت ماعارف خالد ما كان المطره هي زاته

Post: #87
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 06:19 AM
Parent: #1

Quote: الصديق أبوبكر كل سنة وانت طيب


عزيزي جعفر ,.انها لفتة فيها كثير من الحميمية تذكرني بالخير الكثير الذي في بلادنا .. لك شكري ومودتي

Post: #88
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 06:24 AM
Parent: #1

Quote: عيد ميلاد سعيد يا أبو بكر ..


شكرا يا ناذر للبهجة الجبتها معاك

Post: #90
Title: Re: ابوبكر سيد احمد ابو الانسانيه كلها كل سنه وانت طيب
Author: ابو جهينة
Date: 05-16-2007, 06:32 AM
Parent: #88

عزيزي أبوبكر

لا أملك إلا أن أردد مع أم أحمد

Quote: كل سنه وانت طيب ياطيب وعقبال الشمعه الميه
وانت وسط احبابك واولادك وياريت كان في
امكانيه نطفي معاك الشمع لكن الله غالب
تحياتي لي ساميه والاولاد


ربنا يرد الغربة
و يشملك بعافيته

شكرا أم أحمد على هذه اللفتة

Post: #92
Title: Re: ابوبكر سيد احمد ابو الانسانيه كلها كل سنه وانت طيب
Author: Ahmed Yousif Abu Harira
Date: 05-16-2007, 06:33 AM
Parent: #88

باشمهندس أبوبكر سيد احمد

كل سنة وانت طيب وادام الله عليك الصحة والعافية


وبهذه المناسبة بعد بكره "الجمعة" عيد ميلاد ود المحرب المولود ذات نهار قائظ في يوم 18 مايو بمركز صحي الراهبات المتنقل قرب منطقة جوهر على يد الراهبة الايطالية تريزا ارمانو - قدس الله سرها..

ونقول له كل سنة وانت طيب يا جميل وعقبال الشمعة 125




------------------
انتو الطيب ده ولدوهو وين؟ ومتين؟؟؟؟

Post: #89
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 06:30 AM
Parent: #1

Quote: والله وكت أشوفك في بوست بطمئن..


والله شوفتك البتطمن .. محل ما نلقاك بنجي داخلين طوالي عارفيين انها جلسة محبة ..مودتي

Post: #91
Title: Re: ابوبكر سيد احمد ابو الانسانيه كلها كل سنه وانت طيب
Author: Adel Sameer Tawfiq
Date: 05-16-2007, 06:33 AM
Parent: #1


Post: #93
Title: Re: ابوبكر سيد احمد ابو الانسانيه كلها كل سنه وانت طيب
Author: معتصم دفع الله
Date: 05-16-2007, 06:41 AM
Parent: #1

العزيز أبوبكر ..
كل سنة وأنت طيب وبألف خير ..
فعلاً يا أبوبكر الواحد يشوفك في أي بوست يطمئن زي ما قالوا الجماعة هنا ..
ياخي نحن بنحبك لله في لله ..
ربنا يسعدك ويحقق أمنياتك ..



شكراً يا عفاف على هذا البوست الجميل ..

Post: #94
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 07:02 AM
Parent: #1

Quote: Adel Sameer Tawfiq


اها زي الورود والازهار الملونة الجابها... حبيبي الله يخليك

Post: #97
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 07:12 AM
Parent: #94

احمد ابو حريرة

Quote: انتو الطيب ده ولدوهو وين؟ ومتين؟؟؟؟


سنة النار قامت في حلتنا بوراء وزمن الطرادة ......... وزمن الصاقعة وقعت ......... ام الطويل والقصير وزمن الراية ما بدلوها الا كرام القوم وزمن الكعكول بسيل براااااااااهو من ساق الطلحة وزمن البقرة الوالدة جديد مافي زولا بقرب ليها وزمن خطيبتك تباري لشوفتها في محل الوردة .

Post: #95
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 07:05 AM
Parent: #1

Quote: ربنا يرد الغربة
و يشملك بعافيته


شايف يابن عمي قرايبنا كتار كيف ما بخلونا نشعر بالغربة .. دة لمة ارواح

Post: #96
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 07:09 AM
Parent: #1

عزيزي احمد ..هذه نفحات ال ابوحريرة تنعش ارواحنا
------------------
Quote: انتو الطيب ده ولدوهو وين؟ ومتين؟؟؟؟


في النهر الجاف جنب الغابة الفيها قرود في الطريق الي المدرسة كما قال ودشيقوق

Post: #100
Title: Re: ابوبكر سيد احمد ابو الانسانيه كلها كل سنه وانت طيب
Author: عواطف ادريس اسماعيل
Date: 05-16-2007, 07:26 AM
Parent: #96

أبوبكر!!!

عقبال تطفي الشمعة المية وشوية ,,,
عفة !!

أبوبكر يستاهل كلو خير لأن إنسان شفاف كل اللي في ألبه على لسانو يئبر ألبي ,,

شكرا عفاف على هذه اللفتة الجميلة ,,,

Post: #121
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:26 PM
Parent: #100

Quote: أبوبكر يستاهل كلو خير لأن إنسان شفاف كل اللي في ألبه على لسانو يئبر ألبي ,,


تستاهلي انت كل خير ياعواطف ياهميمة

Post: #152
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 04:32 PM
Parent: #100

شكرا عفاف على هذه اللفتة الجميلة ,,,

الجمال كله في طلتك علينا يانوارة المنبر
ونوره

Post: #98
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 07:23 AM
Parent: #1

Quote: ياخي نحن بنحبك لله في لله ..


يا معتصم لله في الله دي البترد الروح ...انتوبحبكم تطمنو وتنعشو روح الواحد... لك المودة

Post: #99
Title: Re: ابوبكر سيد احمد ابو الانسانيه كلها كل سنه وانت طيب
Author: Ahmed Yousif Abu Harira
Date: 05-16-2007, 07:23 AM
Parent: #1

Quote: زمن الطرادة



لا لا ...لا يتداخل عليك الاختساس !! إنت قاصد عبدالله ولدك


Quote: زمن الراية


راية حسين خوجلي أم راية أم جمعة ؟

حدد ...

لأنو نحن بنعمل في تقدير عُمر


-------------
رغم ذلك أنا برجح فرج 48

Post: #101
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 07:44 AM
Parent: #99

ود ابو حريرة
Quote: أم جمعة ؟

Post: #103
Title: Re: ابوبكر سيد احمد ابو الانسانيه كلها كل سنه وانت طيب
Author: بكري الصايغ
Date: 05-16-2007, 08:46 AM
Parent: #101

الاخ الـحـبيب الـحـبوب،
الـطيب شـيقون،
تـحـياتي ومـودتي،

...... بـخـصـوص تعـليقك انا قـصـدت انو اخـونا ابوبكر اتولـد في اسـم الشـهر بتاع انقلاب النميري "مايـو "، وانا في اسـم الشـهر بتاع انقلاب
عـبود "نـوفمبر".

Post: #102
Title: Re: ابوبكر سيد احمد ابو الانسانيه كلها كل سنه وانت طيب
Author: tmbis
Date: 05-16-2007, 08:44 AM
Parent: #99

يا أم أحمد .. يا اصيلــة..
الباشمهندس دا .. ثــروة وطنية زيو وزي ( ســكر ) كنانة واحد.. واطعم من السكــر ..
لما يتكلم
، لما يونسك ، لما يحاول يداري اهتماماتو الجميلة بالناس الحولينو ، وبي عالم شكلو أجمل . وفجأة تظهر ليك من غير ما يحس ..

يا هندسة كــل سنة وإنت بالف خير .. وعشمانين في مية وخمسين شمعة .. ومليون ( واط ) من المحبة .. ومن نفحاتك الجميلة..
ربنا يطول عمرك .. ويخليك للناس البتحبك .. وانا أول واحد فيهم ..

Post: #104
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 09:00 AM
Parent: #102

اخي بكري الصائغ

Quote: ...... بـخـصـوص تعـليقك انا قـصـدت انو اخـونا ابوبكر اتولـد في اسـم الشـهر بتاع انقلاب النميري "مايـو "، وانا في اسـم الشـهر بتاع انقلاب
عـبود "نـوفمبر".


اهااااااااا كان تقول لي كده خلعتني ساى

تسلم يا حبيب

Post: #106
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 09:48 AM
Parent: #104

ام احمد يا العفاف

Quote: سناء ازيك انتي عملتي تحالف مع الطيب
ولاشنو الاسئله البتجرس دي شنو


الزول اكان قال النصيحة تنطوا ليهو في حلقه يعنى

Post: #107
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-16-2007, 10:05 AM
Parent: #104



أيها القوم .......

عملتو غلطة كبيرة جداً

أبوبكر سيد أحمد هذا النوبي النبيل الجميل

أخ الجميع وحبيب الجميع وأبو الكل ليس له

تاريخ ميلاد معين ! وعليه المفروض أن تحتفلوا

بميلاده يوميا .... مرة في الصباح ومرة في المساء

يعني 730 احتفال في السنة ...

أبو بكر سيد أحمد يعني كل القيم الخيّرة في الحياة

النبل .. الصدق .. الخير .. الجمال .. الحب ..

الحق .. الروعة.. .. الكرم .. الأصالة .. العطاء ..

أبوبكر كالزهرة المعطار تنشر عبقها وأريجها في غيرما تعمد

أو تكلف ... وهذا لعمري خلق أهل السودان الأنقياء ..

كل صباح ... وكل مساء .. وكل يوم .. وكل أسبوع .. وكل شهر..

وكل سنة .. وكل عقد .. وأنت بمليار خير يا أبا بكر الجميل ...

لك ولسامية والبنوتات وكل الأسرة الكريمة صادق محبتي ...

أخوك/ فاروق حامد

Post: #108
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 10:14 AM
Parent: #107

Quote: عملتو غلطة كبيرة جداً

أبوبكر سيد أحمد هذا النوبي النبيل الجميل

أخ الجميع وحبيب الجميع وأبو الكل ليس له

تاريخ ميلاد معين ! وعليه المفروض أن تحتفلوا

بميلاده يوميا .... مرة في الصباح ومرة في المساء

يعني 730 احتفال في السنة ...

أبو بكر سيد أحمد يعني كل القيم الخيّرة في الحياة

النبل .. الصدق .. الخير .. الجمال .. الحب ..

الحق .. الروعة.. .. الكرم .. الأصالة .. العطاء ..

أبوبكر كالزهرة المعطار تنشر عبقها وأريجها في غيرما تعمد

أو تكلف ... وهذا لعمري خلق أهل السودان الأنقياء ..

كل صباح ... وكل مساء .. وكل يوم .. وكل أسبوع .. وكل شهر..

وكل سنة .. وكل عقد .. وأنت بمليار خير يا أبا بكر الجميل ...

لك ولسامية والبنوتات وكل الأسرة الكريمة صادق محبتي ...

أخوك/ فاروق حامد


ما تخاف الله يا سعادتك عاين بوراك وقدامك حساااااااب

Post: #110
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-16-2007, 10:26 AM
Parent: #107

في غمرة فرحي باحتفائكم النبيل بأبي بكر الجميل

نسيت أن أقول لك شكرا يا أم أحمد بت "القبايل"

وكل الحب للصديق الجميل بن شيقوق الذي يمثل Tom

لأبي بكر الذي يمثل "جيري" المسكين .....

Post: #123
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:34 PM
Parent: #107

Quote: ... وهذا لعمري خلق أهل السودان الأنقياء


ياريت يا فاروق اخوي ..الله يخليك لام ناصر وناصر واخواتو

Post: #122
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:31 PM
Parent: #102

Quote: .. وانا أول واحد فيهم ..


تمبس
انت دائما اول كل المبدعيين البتخلي الحولينك مبتهجيين

Post: #109
Title: Re: ابوبكر سيد احمد ابو الانسانيه كلها كل سنه وانت طيب
Author: انعام عبد الحفيظ
Date: 05-16-2007, 10:24 AM
Parent: #1

يا سلاااااااااااااااااام معقول انا ما شفت البوست دا الا هسه؟

يا ابو بكر يا أبو الإنسانية كما أسمتك عفاف وأسميك انا ايضاً

يا جماعة أبو بكر دا كوم إنسانية براااااااااااااااااهو

وأنا بالجد سعيدة لأنى إتعرفت عليهو هنا في سودانيز اون لاين

عقبال مية شمعة وربنا يخليك لأولادك

ويخلي ليك كل البتحبهم والبحبوك



شكراً يا عفاف تسلمي






تخريمة:

دا بالجد لا كسير تلج لا رمي طعمية

الواحد بقى ما بعرف يقول حاجة

الا والجماعة يقولوا ليهو بتكسر تلج

Post: #111
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 10:43 AM
Parent: #109

Quote: في غمرة فرحي باحتفائكم النبيل


بحزني النبيل يا الفارووووووووووووووووووووق



انت يا الفاروق اخوى دحين الرطاني ده عارف في حتات في السودان اسمها المحيريبة وود الشافعي وحتى ام سنط ذاتها؟

اسالوهو قولوا ليهو بوين حرم يقول ليك احياء في مقدشيو .

Post: #112
Title: Re: ابوبكر سيد احمد ابو الانسانيه كلها كل سنه وانت طيب
Author: doma
Date: 05-16-2007, 10:49 AM
Parent: #109

Quote: يا هندسة كــل سنة وإنت بالف خير .. وعشمانين في مية وخمسين شمعة .. ومليون ( واط ) من المحبة .. ومن نفحاتك الجميلة..
ربنا يطول عمرك .. ويخليك للناس البتحبك .. وانا أول واحد فيهم ..

لول يا تمبس بلش سلبطه ابوبكر دا الناس كلهم محبين اوائل مشتركين
.اخي الشفيف ابوبكر عقبال مئه شمعه يا رب وكل الاماني الطيبه

Post: #124
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:38 PM
Parent: #109

Quote: وأنا بالجد سعيدة لأنى إتعرفت عليهو هنا في سودانيز اون لاين


ان السعيد ومتشرف بمعرفتك .. تسلمي

Post: #151
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 04:25 PM
Parent: #109

Quote: يا ابو بكر يا أبو الإنسانية كما أسمتك عفاف وأسميك انا ايضاً

انعام الزوله التمام تسلمي لي ياحبيبه

Post: #113
Title: Re: ابوبكر سيد احمد ابو الانسانيه كلها كل سنه وانت طيب
Author: mamkouna
Date: 05-16-2007, 11:41 AM
Parent: #1

الباشمهندس العظيم..أبو ضياء..

بلغتك المهذبة نتحمس للكتابة....
بحكمتك و حُسن نواياك نتأكد إنو الدنيا لسه بخير...
و..
بوجودك يزدان المنبر..!

كل سنة و إنت طيب يا زول زي كواكب.



Post: #114
Title: Re: ابوبكر سيد احمد ابو الانسانيه كلها كل سنه وانت طيب
Author: حليمة محمد عبد الرحمن
Date: 05-16-2007, 11:53 AM
Parent: #113

ام احمد
جابنا الشوق بسكتكم
احلي ما في هذا البوست اجماع كل هؤلاء الاخوة على عظم المناسبة: الاحتفال بعيد ميلاد اخونا الكبير مقاما:ـ ابو بكر ود سيد احمد
عمر مديد وعيد سعيد
يعود بالخير وكل جديد
عقبال تطفي الشمعة المية يا راجل يا رايق ورايع..

ـــــــــــــــــــــــــــــــــــــــــ
ود المحرب ابو حريرة الحنكشة ليك شنو؟
ودشيقوق شكيتك على الله . دا مو عيد ميلادك دى حاجه اسمها الرحمتات بعملوها
لا والله يا المحرب الامر مو كدي
يظهر انو الغربة القت بدائها على معرفتك العامة بالبيئة، كما ان الظاهرة التي تطرقت اليها اندثرت..
(الرحمتات) تقام في الاواخر من رمضان رحمة للميتين
حيث تنحر احيانا الذبائح وتعد الاطعمة الجيدة التي يقسم منها للجيران ولبروش الافطار المنتشرة في الشوارع في الارياف..
اما العادة المتبعة في المتبعة والتي يعتقد الناس انها تساعد في نزول المطر، فيطلق عليها، (كِنيش..كِنيش)
وهي عبارة عن بليلة تجلب الذرة او البقول المكون الاساسي لها من مختلف بيوت (الفريق)..
وتقام في الهواء الطلق، ويشترك جميع الاطفال في جلب الحطب المستخدم فيها، ثم حينما توشك على (النجاض)، تتشابك ايدي الصغار مع بعض ثم يبدأون في الغناء: يا خالقنا انحنا ضقنا.. يا خالقنا انحنا ضقنا.. كنيش .. كنيش تجيب المطر والعيش..
ويؤخذ جزء الماء الحار وينثر باصابع اليد عليهم، ثم يبدأون في الغناء:ـ يا خالقنا انحنا ضقنا..
وفيها اشبه ما يكون بالهرولة الدائرية في نفس (الميس)..
وقع ليك الكلام يا المحرب..
تاني ما تتحنكش..!!

Post: #115
Title: Re: ابوبكر سيد احمد ابو الانسانيه كلها كل سنه وانت طيب
Author: سلمى الشيخ سلامة
Date: 05-16-2007, 12:44 PM
Parent: #114

الحبيب الغالى ابوبكركل يوم وانت طيب
شكرا للغالية عفاف انها ذكرتنا (بعيد )على كل الناس الاحتفال به

Post: #128
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:49 PM
Parent: #115

Quote: الحبيب الغالى ابوبكركل يوم وانت طيب


ياسلمي العزيزة يكن ايامنا بتبقي طيبة

Post: #136
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 04:25 PM
Parent: #115

Quote: شكرا للغالية عفاف انها ذكرتنا (بعيد )على كل الناس الاحتفال به


الاستاذه المخضرمه سلمي الشيخ

طلتك انت (العيد)زاته
تسلمي لينا يارب

Post: #127
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:45 PM
Parent: #114

Quote: يا راجل يا رايق


يا حليمة والله طلتك تطمن وتروق البال .. الله يخليكي

Post: #125
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:41 PM
Parent: #113

Quote: كل سنة و إنت طيب يا زول زي كواكب


يا ممكونة بكم كل الكواكب تحتفل .. الله يخليكي لممكون وكل البشر الطيبيين

Post: #116
Title: Re: ابوبكر سيد احمد ابو الانسانيه كلها كل سنه وانت طيب
Author: sanaa gaffer
Date: 05-16-2007, 01:01 PM
Parent: #1

Quote: سناء ازيك انتي عملتي تحالف مع الطيب
ولاشنو الاسئله البتجرس دي شنو


عفة الظريفة اللطيفة...
انا طيبة بشوفتكم ولمتكم الحلوة دى ...

لكن والله يا عفاف يا اختي لمن سالت ابوبكر امبارح عمل روحه ما سامعني ...
قلت معليش يا بت يكون ما سمعك بالجد ... او ما عاوز يتذكر ما مضى وما هو آت ...
اها قمت من الدغش لاقيته في النلفون وسالته ...
عمل اضان من طين والتانية من عجين ...

هسة انا يا ابوبكر يا دوبك عرفت انت ليه كنت مطنشني ...والله الحاجات البسيطة دي باعرف احسبها ...

لكن كلام في سرك ... عيني عليك باردة ... والله يحفظك ويديك الصحة والعافية ...
وكل سنة وكل الناس سالمة وغانمة .. ومتجمعة في الخير وللخير ...

تسلمي يا عفة ...

Post: #154
Title: Re: ابوبكر سيد احمد ابو الانسانيه كلها كل سنه وانت طيب
Author: حبيب نورة
Date: 05-17-2007, 04:49 PM
Parent: #116

عقبال مليون دمعة!!
دمعة فرح تمرق ما ساعلة في حزن المناديل والصفق
ومليون شمعة تغسل وشي القمرة من سواد نيّة الزمن
الأرق ...
ومع أني جيت لقيتكم أكلتوا التورتة
وحمودي ود خالتي رجع ناس الكلاكلات والصحافات
والكيكة دابت في كباية شاي بي لبن نفسا حار !
لكن برضو في شوية لقيمات
مع كفتيرة شاي حمراء
بتكفي الضهب والجايين بعد ما كملوا برنامج وجه النهار
البجيبوهو آخر الليل
وكنا سوا
انا و انتي و دمعة ملفحة بي قطعتين سكر
ببرطعوا في عينيك
يا بت يا وطن
يا حزن!
أنشاء الله ما ينفعك الكلام القلناهو فيك!
و يا شجن حروف القول المشت في سكتك مشوار
أنشاء الله تدخل عليك بي الساحق والماحق
و البلا المتلاحق !!
حسادة بس
وعيييك
دة عيد ميلاد واللا مهرجانات الحصاد في هضبة التبت؟
شايفوا جرجرني ليكم
كل سنة وانتو البلد

شكرن كتيرن!

Post: #117
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 01:25 PM
Parent: #1

الاعزاء كلكم


والله غلب حماري ..انا ما قدر دة كلو ..حبكم اكبر مني فاستعنت ببنتي ليستمر حبل الود الي اجيالنا القادمة:
الي من طوق عنقي بحلو حديث عني فغلبني ان اجاريهم احسانا فالتجاءت الي بنتي


الي من طوق عنقي بحلو حديث عني فغلبني ان اجاريهم احسانا فالتجاءت الي بنتي

Post: #119
Title: Re: ابوبكر سيد احمد ابو الانسانيه كلها كل سنه وانت طيب
Author: هجو الأقرع
Date: 05-16-2007, 02:29 PM
Parent: #117

يا باشمهندس سلام ، امد الله فى عمرك بالطاعة والرضاء وراحت البال ، اخى الكريم لا يعرف اهل الفضل إلا من هم مثلهم يكفيك فخرا ان يكون هذا البوست بتوقيع بنت شيوخ العرب اختنا ام احمد ، سنة حلوة يا اصيل ، اسف للتاخير بالمناسبة هذا التاريخ يصادف مولد ابنتى هالةالتى تدرس طب نووى واشعة.

Post: #130
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:52 PM
Parent: #119

Quote: هذا التاريخ يصادف مولد ابنتى هالةالتى تدرس طب نووى واشعة.


اكيد رفقة مباركة باذن الله .. الله يخليها ليك ويخليك لاولادك ويفرحك بيهم ...مودتي

Post: #137
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-16-2007, 05:01 PM
Parent: #130

Quote: بالمناسبة هذا التاريخ يصادف مولد ابنتى هالةالتى تدرس طب نووى واشعة.

يا سيد الرجال كلهم ومكارم الأخلاق كل سنه وبنتك فرحه في قلبك
وهالة نور في وجهك ربنا يجعله ليك في الدنيا سند وعضد
ويوم تلاقي ربك تكون ليك رغد
ويحفظه ليك ويحفظك ليهم
انا مبسوطه منك شديد لي موقفك من موضوع نضال هباني
لانه الرجال مواقف وانت عندنا ضرس كبير

Post: #118
Title: Re: ابوبكر سيد احمد ابو الانسانيه كلها كل سنه وانت طيب
Author: Gaafar Ismail
Date: 05-16-2007, 02:23 PM
Parent: #1



الأخ الحبيب الصديق أبو بكر



عيد ميلاد سعيد وعمر مــديد.

عــفاف

شــكرا لهذه اللفتة الكريمة.

تحياتي مودتي

Post: #126
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 03:43 PM
Parent: #118

الاخت الرائعة حليمة

Quote: يظهر انو الغربة القت بدائها على معرفتك العامة بالبيئة، كما ان الظاهرة التي تطرقت اليها اندثرت..
(الرحمتات) تقام في الاواخر من رمضان رحمة للميتين
حيث تنحر احيانا الذبائح وتعد الاطعمة الجيدة التي يقسم منها للجيران ولبروش الافطار المنتشرة في الشوارع في الارياف..
اما العادة المتبعة في المتبعة والتي يعتقد الناس انها تساعد في نزول المطر، فيطلق عليها، (كِنيش..كِنيش)
وهي عبارة عن بليلة تجلب الذرة او البقول المكون الاساسي لها من مختلف بيوت (الفريق)..
وتقام في الهواء الطلق، ويشترك جميع الاطفال في جلب الحطب المستخدم فيها، ثم حينما توشك على (النجاض)، تتشابك ايدي الصغار مع بعض ثم يبدأون في الغناء: يا خالقنا انحنا ضقنا.. يا خالقنا انحنا ضقنا.. كنيش .. كنيش تجيب المطر والعيش..
ويؤخذ جزء الماء الحار وينثر باصابع اليد عليهم، ثم يبدأون في الغناء:ـ يا خالقنا انحنا ضقنا..
وفيها اشبه ما يكون بالهرولة الدائرية في نفس (الميس)..
وقع ليك الكلام يا المحرب..


عفو عليك طلعتيهو اى كلام وريهو كمان كنيش كنيش معاها حبية في الحصحاص ومرات معاها تور بيضبحوهو بقسموهو كيمان

تسلمي

Post: #134
Title: Re: ابوبكر سيد احمد ابو الانسانيه كلها كل سنه وانت طيب
Author: ولياب
Date: 05-16-2007, 04:01 PM
Parent: #126

Quote: انت يا الفاروق اخوى دحين الرطاني ده عارف في حتات في السودان اسمها المحيريبة وود الشافعي وحتى ام سنط ذاتها؟

اسالوهو قولوا ليهو بوين حرم يقول ليك احياء في مقدشيو



يا الطيب أخوي ، يا خي المناطق دي ود عمي بيعرفها حتة حتة (وكمان ستين هتة) يا بتع الجزيرة .

طيب خليني أسألك عن : أم قرقور ، سلمه سروبه ، العليو ، الليدج ، أم رهو ، أم دبش ، الصفية ، السبعات ، القرشي ، أبوناجمة ، شلكي ، ساسريب ، الشبيك ، دغيم ، أرقين ، هاجر ، فرص ، دبيرة .

وصدقني ما حأسلك عن عمكة أو جمي !!!

مع مودتي

Post: #129
Title: Re: ابوبكر سيد احمد ابو الانسانيه كلها كل سنه وانت طيب
Author: mohmmed said ahmed
Date: 05-16-2007, 03:50 PM
Parent: #118

ابننقا تو
ابوبكر
كل سنة وانت طيب
اجمل هدية فى هذه المناسبة
مشاعر الحب والتقدير
التى يحيطك بها الجميع فى البورد
من اعراب ونوبة
وحسناوات
وشيب وشباب

Post: #132
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:55 PM
Parent: #118

Quote: عيد ميلاد سعيد وعمر مــديد.

استاذ جعفر فلتسعد ايامك .. هذه صداقة اسفيرية غالية مستمرة لعقد من الزمان

Post: #133
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 03:58 PM
Parent: #1

Quote: اجمل هدية فى هذه المناسبة
مشاعر الحب والتقدير
التى يحيطك بها الجميع فى البورد
من اعراب ونوبة
وحسناوات
وشيب وشباب


والله هدية العمر .. دييل اهلي ..

Post: #135
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-16-2007, 04:09 PM
Parent: #1

Quote: يا الطيب أخوي ، يا خي المناطق دي ود عمي بيعرفها حتة حتة (وكمان ستين هتة) يا بتع الجزيرة .


يا ودعمي العرريب قريبي دة مفاتيحو ضاربة من يوم الحفلة دييييك ومع اني قت ليهو انا ود سكة حديد وماني قاطع انهار جافة برضو مب قادر يجمع ... يعني المعلوماتو كلها ما تمت صفحة في رحلة عمر ومشور سنين(قصة حياتو-مش بتاع الاتحاد الافريقي- ) بيعرفلك فرص ...؟؟ اها خلوهو لحد ما ناس مسقط يجيبو فنان الحفلة الجاية ومفاتيحو تتصلح

Post: #138
Title: Re: ابوبكر سيد احمد ابو الانسانيه كلها كل سنه وانت طيب
Author: تماضر الخنساء حمزه
Date: 05-16-2007, 07:57 PM
Parent: #1



كل سنة وإنتا أجمل..
ربي يديك الفي بالك..

Post: #139
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-16-2007, 08:41 PM
Parent: #138

ولياب الرطاني - كيفك

ود عمك اعترف براهو اما انت اكيد اتصلت بصديق لانو المعلومات دى مش معلوماتك اما عمكة فهي قرية البروفسير جريس النوبي وجمى من قراكم التابعة لمعتمدية نوري مش صاح ؟

Quote: يا الطيب أخوي ، يا خي المناطق دي ود عمي بيعرفها حتة حتة (وكمان ستين هتة) يا بتع الجزيرة .

طيب خليني أسألك عن : أم قرقور ، سلمه سروبه ، العليو ، الليدج ، أم رهو ، أم دبش ، الصفية ، السبعات ، القرشي ، أبوناجمة ، شلكي ، ساسريب ، الشبيك ، دغيم ، أرقين ، هاجر ، فرص ، دبيرة .

وصدقني ما حأسلك عن عمكة أو جمي !!!


انت يا ولياب هسع بنات عمك ده بيعرفن انو في بلد اسمو السودان؟

Post: #144
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 06:01 AM
Parent: #138

Quote: ربي يديك الفي بالك..


الفي بالي انك وكلكم تكونو كويسيين ومبسوطيين وبلدنا تتعافي

Post: #142
Title: Re: ابوبكر سيد احمد ابو الانسانيه كلها كل سنه وانت طيب
Author: Elmoiz Abunura
Date: 05-16-2007, 10:59 PM
Parent: #1


Abubakr = The Wiseman of Nubia, Sudan
Peace and Love to him

Post: #143
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 05:01 AM
Parent: #142

Quote: انا ود سكة حديد


انتو ما نشفتوا ريقها السكة حديد كنتو بتركبوا فى الدرجة الاولى بلاش سااااااااااااااى ونحن لينا الضهرية للتسطيح بس .

Post: #145
Title: Re: ابوبكر سيد احمد ابو الانسانيه كلها كل سنه وانت طيب
Author: ولياب
Date: 05-17-2007, 06:01 AM
Parent: #143

Quote: انت يا ولياب هسع بنات عمك ده بيعرفن انو في بلد اسمو السودان؟


تعرف يا الطيب أخوي الرطانة ديل مع الرضاعة بيعلموا الطفل في الغربة حب السودان وما يشمله من الأرحام والبلدات ، وبعدين الباشمهندس زي ما عفاف قالت أبوالانسانية فالشعار ده كفاية عليهو ، والبنات كان إشتاقن للسودان بيجيب ليهن السودان بالقمر الصناعي ، ويلا يقعد معاهن ولمن يمر بقرى عربكم يقوليهن ( خلكن من العروووووووب ديل ، ناس أم دقرسي وناس القرقريب وودالشافعي ) أها لمن يصل لقرانا يتحكر ويقعد ويقول ليهن ، شوفوا القرية الحلوة دي ، أكيد بتعرفنها ، ويلا يشرح ده بيت جدكم وديل أعمامكم ، ويوجه المؤشر لدبيرة هاجر ويقول ليهن دة بيت جدكم (حسين) رحمة الله عليه وكده كمان يوجه لقرية تانية ويقول ليهن دي بيوت ناس جدكم (حسن ومحمد) .

يعني تكنولوجيا .

Post: #146
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 06:16 AM
Parent: #145

ولياب الحلو انت تحت التمرين لكن يبدو ال Communication devices بتاعتك متقدمة جدا حتى مخارج حروفك فاتتنا نحن ذاتنا.

Quote: والبنات كان إشتاقن للسودان بيجيب ليهن السودان بالقمر الصناعي


لكن بيجيب ليهن الويكة واللوبيا؟ اصلو بيجيب ليهن دمية بيوت بس بالقوقل ايرس صاح؟ انا ذاتي مرة شفت النهر الجاف بالقوقل ايرس من هنا.

Quote: ويلا يشرح ده بيت جدكم وديل أعمامكم ، ويوجه المؤشر لدبيرة هاجر ويقول ليهن دة بيت جدكم (حسين) رحمة الله عليه وكده كمان يوجه لقرية تانية ويقول ليهن دي بيوت ناس جدكم (حسن ومحمد)


يعنى شغال زى البت ام لجنة السميحة بتاعة النشرة الجوية في قناة الجزيرة صاح؟

Post: #147
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 06:20 AM
Parent: #142

عزيزي ابونورة

ما زالت الحكمة عند اهلنا الغبش والا لما احتملت اجسادهم الضعيف ويلات زماننا ... شكري ومودتي

Post: #148
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 09:03 AM
Parent: #147

الاخت عفاف والاسرة الكريمة

كتر خير الاخ الباشمندس ابو بكر فقد عمل بوستا جديدا يثنيى فيه هو اسرته على كل من طوقه بحبه . كانت مداخلة ابنتيه العالمتين الرائعتين باللغة الانجليزية وقد كان ردى وانا مغمور بالفرحة من روعة المشهد كالاتي :

It is indeed, very nice opportunity to realize every day new information about my faithful friend the FATHER OF ALL (ALRATANI). It has been almost 2 years since I started to be daily in touch with this LORD easily knowing new information regarding so many aspects in our life but grasping none that pertains to his own kingdom. The deeds of this GENTLEMAN need no clarification as they speak for their own.

My relation with this LORD ranks to the highest level of a very faithful friendship. You believe me or not I am now laboring under addiction to his love and admiration.

I believe that his distinguished approach in dealing with me has got the appraisal of our colleagues as well as other visitors to this Forum. His comments to my humble contributions have been always a subject matter of conversation and discussion among so many Sudanese.

I assume that whoever is pursuing our chatting knows we are not just joking but endeavoring to let others know how we can address social, cultural or humanitarian issues via very different entertaining techniques.

God blesses him and blesses your mother who contributes in establishing this mobile teaching institution.

As the LORD has been away from his country for along time I appreciate if you could remind him that his heart is there, so to speak.


معزتي

Post: #149
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 12:21 PM
Parent: #1

ياجماعة الخير ... اعلاه كتاب العرريب بالافرنجي ردا علي بنات الرطان .. اها بنات الرطان لانهن بنات رطان كتبن برطانة الافرنج اما العرريب got of his way وتفضل بنضم جميل بس انا خايف من اني ادفع تمن الكلام الحلو دة .. اصلو من زمن دكان الحلة الكان بيوزع منو الطحنية واللبان وهو شعاره " الدين ممنوع والحرج مرفوع" ... اها بنخليك كدة مقابل الكلمات دي لمدة كام ساعة ..اليوم خميس واكيد يا حت يا تسطيح يا كليهما ...

Post: #150
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 12:28 PM
Parent: #1

ياجماعة الخير

غدا الجمعة الثامن عشر من مايو يوافق عيد ميلاد شيخ العرب احمد ابوحريرة والحاضر يكلم الغائب ( علا ناس ودشيقوق بتاع الحبال والنهر الجاف والتيمس المغرز فخليكم بعيد لحدما نشوف كيفن نحل مشكلة تاريخ ميلادكم بتاعة" زمن الكتاحة دييك" وكانو لكتاحة واحدة اها مليون كتاحة من التلاتينات وانت ولدوك زمن ياتو كتاحة ؟؟
)

Post: #153
Title: Re: ابوبكر سيد احمد ابو الانسانيه كلها كل سنه وانت طيب
Author: Emad Abdulla
Date: 05-17-2007, 04:35 PM
Parent: #150



أيها الملأ ..
هذا الجميل هو ( قريبي ) ..
كلانا سوداني .




يديك زي ما داير يا أبوبكر ..
سكتك خدره ديمه و يطرح فيك البركة و في عيالك ..
شقيش قبلت يا صاحب تلقى مرادك .
و تتعلى ما تتدلى يا رب ..


قول آمين .


Post: #155
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 05:04 PM
Parent: #153

Quote: My nice daughter Lina

Do you believe that you mother Afaf is correct
in her kind words about Alratani Abubaker


Dear uncle Altaieb:


I don't want to get inside this altercation
between you and uncle Abubakr.
I truely love you both as my own father,
but I have to say that every word
mom said about uncle Abubakr is surely right
,and he deserves more than this.


Lina Khalid Almehrib

Post: #156
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 05:45 PM
Parent: #1

يا بنتي العزيزة لينا ..الله يخليكي ..عمك ودشيقوق تعبيرو عن الحب بالمقلوب وكلامو دة كلو من طرف لسانو ..غصبا عنو بحبني بس بقاوح ساي ...وانا كان فضيت ليهو بخلي يرجع كداري للنهر الجاف واصحابو القرود في الغابة الكانت في طريق المدرسة ( هو قال كدة في قصة حياتو "رحلة عمر ومشوار سنين" قال كان مصاحب القرود .. ... اها شفتي عمك ودشيقوق بيسرح كيف.....؟

Post: #158
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 06:14 PM
Parent: #156

Quote: Dear uncle Altaieb:


I don't want to get inside this altercation
between you and uncle Abubakr.
I truely love you both as my own father,
but I have to say that every word
mom said about uncle Abubakr is surely right
,and he deserves more than this.

Lina Khalid Almehrib


الله يديك العافية يا لينا بتي ويكفيك شر عين الحساد ويا ود المحرب وعفاف البنية احجبوها واوعى يجي واحد من ناس البطانة ديل يقول عايز لينا لينا بقت هاى هاى وما بنديها الا لزولا هاى هاى وبتكلم معاها بلغة Hi

Quote: but I have to say that every word
mom said about uncle Abubakr is surely right
,and he deserves more than this.


وووووب هنا يا لينا بتي اتلومتى طاااااااااب الرطاني ده ما بستحق الحبة


Post: #157
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 06:09 PM
Parent: #1

Quote: والكيكة دابت في كباية شاي بي لبن نفسا حار !

يابجلسة ملوكي
الكيك ما بقي حبوب بتبلع
بنرسل ليك حبة حبتين بالنبلة ما تشيل هم
الله ما يخلي الخلي بلدنا هم
انت بس خليك جالس
ونحن بنطمئن لما نلقاك جالس معانا

Post: #159
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-17-2007, 06:39 PM
Parent: #157

Quote: الله يديك العافية يا لينا بتي ويكفيك شر عين الحساد ويا ود المحرب وعفاف البنية احجبوها واوعى يجي واحد من ناس البطانة ديل يقول عايز لينا لينا بقت هاى هاى وما بنديها الا لزولا هاى هاى وبتكلم معاها بلغة Hi



والله يا العريبي بتثبت كل يوم انك

عيريريب ساااااااااااااااااي !!!!!!!!!!

من متين الانجليزي بقى لغة ناس هاي هاي !!

ما الكناسين في لندن بتكلموا انجليزي يا مرسي

وكذلك الحرامية والمشاطات وال..... .. !!

Post: #160
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-17-2007, 07:13 PM
Parent: #159


وبعدين البنية لينا آالطيب هي أصلا هاي هاي جدا

بت قبايل من جميع الجهات .. والهاي هاي

البنديها ليه لازم يكون أخلاق + أصل + علم..

وبعدين بنية أمها بت أبوحريرة وأبوها

ود المحرب ما ده الهاي ذاااااااااته ....

"قواسيب محبتي كما شفاها عادل سمير ..."

Post: #162
Title: Re: ابوبكر سيد احمد ابو الانسانيه كلها كل سنه وانت طيب
Author: Muna Khugali
Date: 05-17-2007, 07:22 PM
Parent: #160

سمح وينها الحفله والفنان؟

عايزين هيصه..
أمشي افتش ليكم فنان..ولا عندكم فنان جاي في السكه؟

Post: #167
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 08:25 PM
Parent: #162

Quote: عايزين هيصه..


هيصة اكبر من دي ؟؟ الجيران سامعين الصوت هسع

Post: #161
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 07:19 PM
Parent: #1

Quote: وووووب هنا يا لينا بتي اتلومتى طاااااااااب الرطاني ده ما بستحق الحبة


يا عرريب انت طردوك من لجنة النادي ؟؟ الليلة خميس ؟؟ اها بس فرد حفلة هي انجازاتك ؟؟؟
بعدين ات مالك ولينا ؟؟؟ خليك بعيد ؟؟؟دي بتي وبعدين بنعلما الرطانة كمان ؟ ما عندي اولاد عمي ناس ابوجهينة وولياب جنبها هناك بيعلموها ويبقي نضمنا رطانة وانت بس لغة اشارة بس ؟

Post: #163
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 07:41 PM
Parent: #161

Quote: بعدين ات مالك ولينا ؟؟؟ خليك بعيد ؟؟؟دي بتي وبعدين بنعلما الرطانة كمان ؟ ما عندي اولاد عمي ناس ابوجهينة وولياب جنبها هناك بيعلموها ويبقي نضمنا رطانة وانت بس لغة اشارة بس ؟


الطيب والله اكان دي حصلت الا اكان تدخل معهد سكينه
هههههههههههههههههههههه

Post: #165
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 08:01 PM
Parent: #163

Quote: وبعدين البنية لينا آالطيب هي أصلا هاي هاي جدا

بت قبايل من جميع الجهات .. والهاي هاي

البنديها ليه لازم يكون أخلاق + أصل + علم..

وبعدين بنية أمها بت أبوحريرة وأبوها

ود المحرب ما ده الهاي ذاااااااااته


ود النار كلامك ده انا اعتز بيه شديد
لان قائله كبير عندي شديد

مشكور ياكريم محريه فيك الذمه
يالاهلك عزاز مشهودلهم بالقمه
والناس المعاك معروفه فيهم همه
والكايس عداك احسن يفوت ينطمه

Post: #164
Title: Re: ابوبكر سيد احمد ابو الانسانيه كلها كل سنه وانت طيب
Author: nourelhadi awad
Date: 05-17-2007, 07:45 PM
Parent: #1

محنتيني بالجد ياعفاف!!!
هسي أبوبكر دا يجيبو لي نضم قدرو من وين؟
(أكس لارج)

عظم المحتفى
عظم المقدم
هو خمر وأمر

وكفى
نورالهادي

Post: #166
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 08:20 PM
Parent: #164

Quote: محنتيني بالجد ياعفاف!!!

النور الهليت ويا الفرح الطليت

ابوبكر قامه تتقاصر جنبها الكلمات
وتتخاذل الحروف انها تديها حقها
ابقي عافيه

Post: #168
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 08:27 PM
Parent: #1

Quote: نورالهادي


ابو قلب ابيض وعمة بيضا
نورت

Post: #169
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-17-2007, 08:29 PM
Parent: #1

Quote: يديك زي ما داير يا أبوبكر ..


يديك بهجة وراحة بال ياقريبي

Post: #170
Title: Re: ابوبكر سيد احمد ابو الانسانيه كلها كل سنه وانت طيب
Author: kamalabas
Date: 05-17-2007, 09:04 PM
Parent: #1

عيد ميلاد سعيدأبوبكر مع الاماني بأعوام كثر قادمات حافلات بالعطاء
مفعمات بالسعادة والهناء والصحة والحياة المنتجة...
,........تعجبني كثيرا موضوعيتك وتركيزك علي مايفيد وطغيان كل ماهو
أنساني وجميل علي كتاباتك........أنت حقا نموزج يحتزي .....
لك ولأسرتك كامل التفدير
............والتحية للاخت عفاف لأفتراعها هذا الخيط الرائع
كمال عباس

Post: #171
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 09:36 PM
Parent: #170

Quote: والله يا العريبي بتثبت كل يوم انك

عيريريب ساااااااااااااااااي !!!!!!!!!!

من متين الانجليزي بقى لغة ناس هاي هاي !!


هسع يا الفاروق انتو المغتربين الواحد يتحكر في المجلس ويقول ليك بتى بقري فيها في المدارس الانجليزية او يقول ليك بتي ما بتعرف عربي ومبسووووووووط كده طيب هسع الحاصل شنو - الانجليزى لغة العصر للبحوث العلمية وغيرها وحتى في خليجكم ده الما بيعرف انجليزى ما بياكل عيش _

خليك يا لينا بتي في انجليزيك الحلو ده وديل حاسدين ما دايرننا نتعلم زيهم دايريننا نكون في بطانتا لكن حرم نحن بقينا الواحد راكب في جملو وبيكتب في الرسالة بالانجليزي لجكسويتو .


وبعدين بنية أمها بت أبوحريرة وأبوها

ود المحرب ما ده الهاي ذاااااااااته ....

لا يا الفاروق ما تخمونا دى ما عادت معايير عرسان زمنا ده عرسان زمنا ده عندهم معايير غير .

Post: #172
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-17-2007, 09:50 PM
Parent: #171

ام احمد

Quote: الطيب والله اكان دي حصلت الا اكان تدخل معهد سكينه
هههههههههههههههههههههه


يا زولة هوى وقت يجي الجد حرم بتنا نقلعها ضحوة منكم كلكم لا انتى ولا اب احمد ما بنشاورو

Post: #173
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-17-2007, 11:02 PM
Parent: #172

Quote: لا يا الفاروق ما تخمونا دى ما عادت معايير عرسان زمنا ده عرسان زمنا ده عندهم معايير غير
.

الطيب لخبت لي لينه راسه ما كفايه دخلتها في
دوامه0
قالت لي ماما عمو الطيب ح يزعل مني
عشان انا بحب عمو ابوبكر
وهم دايما زي كده ولا عمو الطيب جادي
انا قلت ليها عمو الطيب ده نصاب
يوديك البحر تلاقي البحر زاته جفا(النهر الجاف)
موش يرجعك منه عطشانه بس

اسي الجاب سيرة العرسان شنو
والله انت عليك جنس محن

Post: #174
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 04:38 AM
Parent: #170

Quote: كمال عباس


الف شكر كمال ..هذا من طيبك ...

Post: #175
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 04:42 AM
Parent: #1

ياجماعة اليوم عيد ميلاد شيخ العرب احمد ابوحريرة

كل سنة وانت زاهي وبهي ياشيخ العرب

Post: #176
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 04:46 AM
Parent: #1

Quote: يوديك البحر تلاقي البحر زاته جفا(النهر الجاف)


يا لينا عمو الطيب امس ( يعني الخميس بالليل) كان مشغول بحفلة في النادي ...اها الحفلات دي هو البيقدر عليها وقالو بيبقي زي رقاص الساعة يتكتك للصباح ...اصلو قصصو كتيرة وما بيزعل ..

Post: #177
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 07:06 AM
Parent: #176

Quote: الطيب لخبت لي لينه راسه ما كفايه دخلتها في
دوامه0
قالت لي ماما عمو الطيب ح يزعل مني
عشان انا بحب عمو ابوبكر
وهم دايما زي كده ولا عمو الطيب جادي
انا قلت ليها عمو الطيب ده نصاب
يوديك البحر تلاقي البحر زاته جفا(النهر الجاف)
موش يرجعك منه عطشانه بس

اسي الجاب سيرة العرسان شنو
والله انت عليك جنس محن


عفاف ما تخافي الله انا بضحك لحدى وقعت من الكرسي ومتخيل منظرك وود المحرب بتتفرجوا في لينا المسكينة وهى تتحدث بكل براءة عن هل سيكون عريسها رطاني ام بطحاني .

لينا يا بتي انت بس خليك في انجليزيك الحلو ده وواصلي فيهو عشان بعدين تبقى لينا مهندسة كبيرة زى عمو ابكر .

تحياتي

Post: #178
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 07:16 AM
Parent: #177

Quote: يا لينا عمو الطيب امس ( يعني الخميس بالليل) كان مشغول بحفلة في النادي ...اها الحفلات دي هو البيقدر عليها وقالو بيبقي زي رقاص الساعة يتكتك للصباح ...اصلو قصصو كتيرة وما بيزعل ..


شفت يا لينا الرطانة ديل ما بيعرفوا العرضة بالسيف ولا بيعرفوا ركوب الجمال ولا بيعرفوا رقصة الرقبة ولا بيعرفوا اكل الكسرة ولا بيعرفو الويكة ذاتها والضيف ما بيضبحوا ليهو بودوهو الفنادق ساااااااااى وبعد ياكل في الفندق بدوهو عرض اكتافهم يخلوهو ينوم في الفندق مش زى بابا خالد مش شفتيهو ضبح الجمل لعمو محمد عمر الفكي؟ .

ديل اشكرهم ليك بحاجة واحدة اكان عرستى منهم عمرك ما بتدخلي مطبخ العريس براهو يلبس المريلة ويدخل يعمل الاكل ويجيبو ليك تاكلي ساااااااااى .

Post: #179
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 07:20 AM
Parent: #1

يالفارووق وودشيقوق
اهنا بشتغل في بكان-موقع انشاءات واحد بس- فيهو يوميا حوالي 5 الف بني ادم من اركان الدنيا من عمال ومهندسيين واداريين ووووبلاضافة الس ساكني ما يزيد عن الفين فيلالا وسيلة الاتصال العامة هي الانجليزي وطبعا في دييل عرب كتيرين ....الواحد ما بينطق حرف عربي الا اذا واحد بتكلم عربي اتصل بيهو هاتفيا او كان حديث خاص - غير العمل- ودة نادر ..وفي الطريق من البيت الي العمل وبالعكس اها الفي سكة كلهم لو الظروف خلتك تناضم واحد برضو بالانجليزي وفي السكن مافي غيرو الانجليزي لانها اللغة البتجمع الساكنيين ...اها دايريين عيالنا يتعلمو عربي وين ؟؟؟ دي لا هاي هاي ولا لاهاي اها دة الموجود..العرريب الطيب وكل العرريب ما شايفيين شغلم وبعدين يقومو يلومو الانجليزي ...!! نفسي اسال العرريب ود شيقوق في بكان شغلو سوق الاوراق المالية بتكلمو شنو ( في الشغل مش وقت النضمي عن السيارات وووو ) ...

Post: #180
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 08:11 AM
Parent: #179

Quote: نفسي اسال العرريب ود شيقوق في بكان شغلو سوق الاوراق المالية بتكلمو شنو ( في الشغل مش وقت النضمي عن السيارات وووو ) ...


صحيح لغة التخاطب بين العرب هى العربية وحتى العرب ذاتهم لو ما تكلمت معاهو مرات بالانجليزى ما بيحترموك !!!!!!!! وانا اغلب عملي هنا محاضرات عن البورصات واغلبها باللغة الانجليزية . ولانو الاقتصاد العالمي اتجه للبورصات او اسواق المال عامة ولحداثة دخول البورصات اسواق المال العربية فقد اتجهت سياسات اى دولة لتنمية القدرات البشرية لمواطنيها لاستيعاب هذا النمط من الاستثمار الحديث ومن ثم صار لا مناص من ادخال فقه اسواق المال والبورصات في المناهج التربوية . كما اصبحنا ملزمين بتقديم محاضرات متواصلة في كليات الاقتصاد وكذلك المدارس الثانوية عن البورصات واغلب هذه المحاضرات باللغة الانجليزية .

قبل اسبوع فقط كنت ماشى اقدم محاضرة لطلاب عمانيين صرفين وبديت اتكلم باللغة العربية الطلاب كلهم اتململوا وبعضهم قال ما بيعرف عربي خالص .

يا الفاروق اخوى خلي لينا لينا دى تكرب لغتها وانت ذاتك هسع شغال مترجم مالك لو ما عاجبك امشى شارك في تعريب الجامعات السودانية .

حاشية

الليلة يوم ابيض اول مرة الرطاني يقيف معاى لكن يبدو راس السوط لحقه سااااااااى .

Post: #182
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-18-2007, 10:25 AM
Parent: #180

Quote: هسع يا الفاروق انتو المغتربين الواحد يتحكر في المجلس ويقول ليك بتى بقري فيها في المدارس الانجليزية او يقول ليك بتي ما بتعرف عربي ومبسووووووووط كده طيب هسع الحاصل شنو - الانجليزى لغة العصر للبحوث العلمية وغيرها وحتى في خليجكم ده الما بيعرف انجليزى ما بياكل عيش _

خليك يا لينا بتي في انجليزيك الحلو ده وديل حاسدين ما دايرننا نتعلم زيهم دايريننا نكون في بطانتا لكن حرم نحن بقينا الواحد راكب في جملو وبيكتب في الرسالة بالانجليزي لجكسويتو .


والله يا الطيب بالرغم إنه بناتي التلاتة عندهم Good command في الانجليزي

والفرنسي إلا إنه لغتهم العربية ما شاء الله .. كتير جدا ما بتصلن بيّ ضاحكات

في من يكتبون الذال زاي ويدحض "يضحد" وكثير من الأخطاء الشائعة في المنبر

أما ناصر "الرهيب " قول ما شاء الله " الذي بقي له كم أسبوع ويتخرج من جامعة

هامبورج مهندسا في الالكترونيكس والاتصالات فهو يمتلك ناصية أربع لغات هي العربية

والألمانية والانجليزية والفرنسية .. إلا إنني مركز معاه في العربي لدرجة أنه

يقرأ في أمهات الكتب العربية بسهولة ويسر وقد كوّن ذخيرة لغوية لا بأس بها لمن

هم في سنه ...

المشكلة يا الطيب إنه أم ناصر مدرسة فرنسي وأنا الفرنساوي ده مكجنو من أيام

جي موليه .. أها لما البنات وأمهن يحبوا يغيظوني يقوموا يرطنوا بالفرنساوي

ويعاينوا ليّ ويضحكوا .. بس أقوم أتهيج وأرطن ليهن بالعربي بتاع الجاهلية الأولى

مثل : أيتها الضغبوس يا ابنة الثرملة الحيزبون ( لأمهن) ثم أخاطب البنات بالقول:

وأنتن أيتها الهجارس المعسعسات ليلاً ... فيفغرن أفوههن دهشة ويحرن جوابا!!!

ـ والضغبوس والثرملة والهجرس هي أسماء للثعالب ـ والثعالب لا تنام ليلا كذلك الأولاد

والبنات لا ينامون ليلا أيام الاجازات السنوية .. يسهرون طول الليل أمام "المرناء"

ويقضون الليل كركبةً في المطبخ والبيت .. فيقضون مضجعي ولا أرتاح إلا بعد عودتهم

لمدارسهم وجامعاتهم .

خلاصة القول اللغة العربية مهمة جدا لأبنائنا .. ولا بد من تشجيهم على محبتها ..

Post: #181
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 09:40 AM
Parent: #1

يالعرريب بشان ما تغرز وانت ماشي جاي ( تيمنا بعربية عمك التيمس) فانا قت اساعدك واتي اليك هنا ببعض مما كتبته لك في بوست اخر بخصوص اللغة العربية بتاعتكم :
Quote: .. اللغة لا تعلم قسرا .. اللغة بيئة وثقافة وتعامل يومي بمفرداتها..حتي الدول العربية التي تزدهر فيها الانشاءات هذه الايام تصب ازدهارها في غير لغتها اي تقوي حضارة لغة اخري ...اللغة التي يقل التعامل معها في كل مناح الحياة والعمل تعني انها في سبيل اندثار....لا يمكن ان تفرض لغة علي اجيال قادمة وهي لا تجد اللغة في كل تعاملاتها اليومية .. اول مظاهر اندثار اللغة انها تصيير لغة حديث وليس حديث وكتابة .. بناتي واعداد كثيرة من امثالهن من كل الدول الناطقة بالعربية يتحدثن عربية ( تتفاوت جودتها وفق ظروف خاصة لكل متحدث) ولا يكتبنه وينطبق ذلك علي الابناء ...
لغة حديث فقط تصير لغة تنقصها الصناعة وتفقد مقدرتها تدريجيا في ان تكون لغة عمل وحياة (اكل عيش) ...

Post: #183
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-18-2007, 10:59 AM
Parent: #181

Quote:
Quote: هسع يا الفاروق انتو المغتربين الواحد يتحكر في المجلس ويقول ليك بتى بقري فيها في المدارس الانجليزية او يقول ليك بتي ما بتعرف عربي ومبسووووووووط كده طيب هسع الحاصل شنو - الانجليزى لغة العصر للبحوث العلمية وغيرها وحتى في خليجكم ده الما بيعرف انجليزى ما بياكل عيش _

خليك يا لينا بتي في انجليزيك الحلو ده وديل حاسدين ما دايرننا نتعلم زيهم دايريننا نكون في بطانتا لكن حرم نحن بقينا الواحد راكب في جملو وبيكتب في الرسالة بالانجليزي لجكسويتو .



والله يا الطيب بالرغم إنه بناتي التلاتة عندهم Good command في الانجليزي

والفرنسي إلا إنه لغتهم العربية ما شاء الله .. كتير جدا ما بتصلن بيّ ضاحكات

في من يكتبون الذال زاي ويدحض "يضحد" وكثير من الأخطاء الشائعة في المنبر

أما ناصر "الرهيب " قول ما شاء الله " الذي بقي له كم أسبوع ويتخرج من جامعة

هامبورج مهندسا في الالكترونيكس والاتصالات فهو يمتلك ناصية أربع لغات هي العربية

والألمانية والانجليزية والفرنسية .. إلا إنني مركز معاه في العربي لدرجة أنه

يقرأ في أمهات الكتب العربية بسهولة ويسر وقد كوّن ذخيرة لغوية لا بأس بها لمن

هم في سنه ...

المشكلة يا الطيب إنه أم ناصر مدرسة فرنسي وأنا الفرنساوي ده مكجنو من أيام

جي موليه .. أها لما البنات وأمهن يحبوا يغيظوني يقوموا يرطنوا بالفرنساوي

ويعاينوا ليّ ويضحكوا .. بس أقوم أتهيج وأرطن ليهن بالعربي بتاع الجاهلية الأولى

مثل : أيتها الضغبوس يا ابنة الثرملة الحيزبون ( لأمهن) ثم أخاطب البنات بالقول:

وأنتن أيتها الهجارس المعسعسات ليلاً ... فيفغرن أفوههن دهشة ويحرن جوابا!!!

ـ والضغبوس والثرملة والهجرس هي أسماء للثعالب ـ والثعالب لا تنام ليلا كذلك الأولاد

والبنات لا ينامون ليلا أيام الاجازات السنوية .. يسهرون طول الليل أمام "المرناء"

ويقضون الليل كركبةً في المطبخ والبيت .. فيقضون مضجعي ولا أرتاح إلا بعد عودتهم

لمدارسهم وجامعاتهم .

خلاصة القول اللغة العربية مهمة جدا لأبنائنا .. ولا بد من تشجيهم على محبتها ..

Post: #184
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 01:45 PM
Parent: #183

Quote: خلاصة القول اللغة العربية مهمة جدا لأبنائنا .. ولا بد من تشجيهم على محبتها ..


العرريب السعوال دة مهم فبالله لو عايز ترد مع الفارووق تكون واع لحكاية ان العربي البتكلم عنو فارووق وبتاعك داك الكنت شغال لي مترجم فيهو "مختلفات " او "خلاف خلاف" :

*ما الفائدة العملية من تعلم اللغة العربية اذا كان العمل والعلم لا يستوجبان ذلك ؟
*هل يجب ان يتعلم ابناؤنا العربي بس لان "من تعلم لغة قوم امن شرهم ؟؟"
*هل يجب ان يتعلم ابناؤنا- المسلميين- اللغة العربية لانها لغة القران؟ (ارجو اعتبار ان نسبة العرب او الناطقيين بها من المسلميين لا يتجاوزون ال 15%- ارجو التصحيح ان كان الرقم خطأ- من جملة مسلمي العالم ؟
*في اجتماع طويل مع مجموعة مغربية ناطقة بالفرنسية بخصوص العمل غلب حماري وحميرهم في ان نتواصل حتي في وجود زميلة تترجم العربي الي عربي - هذا مثال فقط فان تحدث بعض اهل بادية الخليج بلسانها لما فهم الكلام كثير من عرب شمال افريقيا .؟

* اذن يالفارووق "لماذا" هي مهمة جدا ؟؟؟

Post: #185
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 04:04 PM
Parent: #184

Quote: والله يا الطيب بالرغم إنه بناتي التلاتة عندهم Good command في الانجليزي

والفرنسي إلا إنه لغتهم العربية ما شاء الله .. كتير جدا ما بتصلن بيّ ضاحكات

في من يكتبون الذال زاي ويدحض "يضحد" وكثير من الأخطاء الشائعة في المنبر

أما ناصر "الرهيب " قول ما شاء الله " الذي بقي له كم أسبوع ويتخرج من جامعة

هامبورج مهندسا في الالكترونيكس والاتصالات فهو يمتلك ناصية أربع لغات هي العربية

والألمانية والانجليزية والفرنسية .. إلا إنني مركز معاه في العربي لدرجة أنه

يقرأ في أمهات الكتب العربية بسهولة ويسر وقد كوّن ذخيرة لغوية لا بأس بها لمن

هم في سنه ...


ما شاء الله يا الفاروق لكن ديل تاني باقى ليك برجعوا ام سنط تاني؟ نحن عايزين لينا مداخلة بالفرنسية من الكركابين في المطبخ ايام الاجازات ديل .
هسع يا الفاروق دحين بيعرفوا سرور وود الرضى والعبادي وزنقار ولا بس ايهاب توفيق ونانسي واحلام ( اللما بطول العنب حامضا عنا يقول)

Quote: المشكلة يا الطيب إنه أم ناصر مدرسة فرنسي وأنا الفرنساوي ده مكجنو من أيام

جي موليه ..



وانا كجنتو من فاز سركوزى وسقطت البنية الحلوة ام دما خفيف


Quote: أها لما البنات وأمهن يحبوا يغيظوني يقوموا يرطنوا بالفرنساوي

ويعاينوا ليّ ويضحكوا .. بس أقوم أتهيج وأرطن ليهن بالعربي بتاع الجاهلية الأولى

مثل : أيتها الضغبوس يا ابنة الثرملة الحيزبون ( لأمهن) ثم أخاطب البنات بالقول:

وأنتن أيتها الهجارس المعسعسات ليلاً ... فيفغرن أفوههن دهشة ويحرن جوابا!!!

ـ والضغبوس والثرملة والهجرس هي أسماء للثعالب ـ والثعالب لا تنام ليلا كذلك الأولاد

والبنات لا ينامون ليلا أيام الاجازات السنوية .. يسهرون طول الليل أمام "المرناء"

ويقضون الليل كركبةً في المطبخ والبيت .. فيقضون مضجعي ولا أرتاح إلا بعد عودتهم

لمدارسهم وجامعاتهم .


انت متعب روحك مالك اتاكى بيهن قبلك وقول ليهن نحن مقبلين ومتكاملين الشارقة ومنها صادين ابو ظبي وبناخد انجمامة تحت برندات دبى وبعد داك نقلع بدابتنا محل المولى يسهل علينا.


Quote: خلاصة القول اللغة العربية مهمة جدا لأبنائنا .. ولا بد من تشجيهم على محبتها ..


اذن نحن متفقون يا سعادتك

Post: #186
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-18-2007, 04:39 PM
Parent: #185



عرووووب ونوبه














ســــــــــــلام

Post: #187
Title: Re: ابوبكر سيد احمد ابو الانسانيه كلها كل سنه وانت طيب
Author: فاروق حامد محمد
Date: 05-18-2007, 05:52 PM
Parent: #186

Quote: * اذن يالفارووق "لماذا" هي مهمة جدا ؟؟؟



هي مهمة جدا يا أبا بكر الجميل للحفاظ على

هويتنا وديننا .. فإن أصبحنا بلا هوية فسنصبح

وقتها مسخاً لا لون له ولا طعم ولا رائحة ...

حكى لى الصديق النوبي الجميل القانوني مصطفى حسن محجوب حادثة

سمعها في النادي النوبي بالقاهرة .. قال: كان اثنان

من أعمامنا المسنين يجلسون قربه فسمعهما يتحادثان :

قال الأول : هل تذهب معي لعيادة ابن محمدخير بالمستشفى ؟

فرد الثاني : هو الولد ده متربي فين ؟

ـ هو ولد كويس متربي في الخرتوم وبشتغل مهندس ...

ـ بيعرف يرطن ؟

ـ لا ما بعرفشي .... أصلو الواد ده أتربى في الخرتوم وما

عاششي في البلد !!

فرد الثاني في عصبية : وانت حتروحلو ليه .. ده مش بني آدم هتى !!!

في بادئ الأمر ضحكت حتى القهقهة .. ولكني حين تأملت معاني ما يقصده

ذلك المسن أدركت إنه على حق .. فقد فقد ذلك الشاب هويته وخصوصيته

كنوبي تماما .. فاذا جلس مع أهله الرطانة فإنه يجلس مثل ناس سموأل

بتوع نمرة اتنين !!!!

هل عرفت أهمية الهوية يا أبابكر ؟؟؟؟

Post: #188
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 07:10 PM
Parent: #1

يالفارووق

Quote: هل عرفت أهمية الهوية يا أبابكر ؟؟؟؟


هل الاسترالي والنيوزيلندي يستمد هويته من لغته ( الانجليزية) ؟؟؟؟

Post: #189
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 07:50 PM
Parent: #188


Post: #190
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 08:20 PM
Parent: #189

Lets define language


(LANGUAGE is the development of the basic form of communication between human beings, in a
society. It is also the most developed. We cannot communicate in any real sense without language, other than through gestures; we do communicate through some non-verbal forms like the visual arts - painting and sculpture - and through dance, but the culmination of true, articulate, communication is through language. It could take a number of forms, of course. It could be unvarnished, workaday prose, it could be poetry, it could be drama; but all of these are forms of language, written, spoken and read.

You may wonder why I am spelling out what are elementary, basic and self-evident truths. It is for two reasons: one is that from time to time we need to reiterate to ourselves some truths that, without such reiteration, may well recede into the background of one's concerns; and the other is the present situation in which we find ourselves with regard to language.

Let us, for the purposes of this argument, set aside the question of English and the mother tongue. Let us limit our concern to English. It is this language that is used in the world of finance, commerce, education, research, and the dissemination of knowledge (though other languages play different roles in some of these areas as well). It is essential if one is to study medicine, for example; or if one is to become a pilot of a sophisticated fighter aircraft. And it is the language of management, indeed of government, in most parts of the country.

But the purpose is not to argue for or against the English language. It is there and we need to recognise that it will be there for many years to come, and play a vital role in the evolution of India as a major economic and political force in the world. And in other areas as well - creative writing, for example, in which Indian writers have won world renown and respect.

Given this situation, it is necessary to look at what is happening to the language, because it is, like all languages, the primary and most sophisticated means of communication between people. If communication is to be truly close and meaningful, if complex ideas are to be communicated with clarity and understood without any ambiguity, then it follows that the users of this language must be skilled in its use. They may not be Shakespeares or Miltons, but they must be familiar with what words mean, and what they do not.

"You should say what you mean," the March Hare told Alice in Alice in Wonderland. "I do," Alice replied, "at least I mean what I say - that's the same thing, you know." "Not the same thing a bit!" said the Hatter, "You might as well say that `I see what I eat' is the same thing as `I eat what I see.'" That is precisely the point. The way in which the language is being used more and more is making it pretty much what the Hatter said to Alice.

We are all aware that the young use colloquialisms, and slang, and that its use is considered to be very trendy - "cool", as they like to say, very "groovy". That is fine; it is what happens to language through the ages - it evolves and new words, expressions and usages surface. But these usually come about to make meanings clearer, not to confuse and blur them. I was told that at marketing meetings, where professionals hold forth on the success of their strategies, it is more "the market's rocking, man" than specific information on what the nature of their triumph is. Again, the phrase, as phrases go, is innocuous enough, a little curious, but understandable. But it teeters on the brink of obscurity; its use does not indicate anything other than the fact that they are doing well.

And what is happening is, to a very large extent, because of the fact that people who are now coming into fairly important marketing and management positions are using language in this manner - a manner that reveals their inability to express themselves in it clearly, in precise terms. It reflects in the kind of advertisements one sees, where a debased form, supposedly loved by the young, is used. Its basis is bad English. Now, when this sort of thing is dinned into the
of young people through television and the kind of programmes that appear to fascinate them, some of the corruption creeps into the everyday speech and indeed, the writing of the young.

Recently I had to point out to the editor of a well-known journal that a young reporter had used the phrase someone or the other had "whetted" the Prime Minister's speech, when she meant "vetted". It obviously was not a typographical error, but what was truly disturbing was that this absurdity had passed through various levels in the journal and been cleared for publication in that form. One person can be careless; but a whole hierarchy of editors? It reinforces just what I am saying: the language is being used - at times deliberately, at other times out of ignorance - in a manner which can lead finally to a situation when communication, its prime function, will break down. The bright young things writing advertising copy can play with language only if they are sure that those who read their distorted absurdities actually know the correct forms and are, consequently, diverted by such antics.

But it would be less than fair to blame the advertising and marketing world alone. The primary cause for the near-breakdown in communication is the appalling nature of English language teaching. In most States, even in private schools, there are teachers whose knowledge of English is atrocious. Some cannot spell correctly; others have only a vague idea of what grammar means; and most have a pitifully small vocabulary. This is what they communicate to their students. Small wonder, then, that these students come out of schools, and then carry into college the wreckage of a form of communication that is covered up for a time by being passed off as college slang - "fundas" and "fatchas" are prime examples - but then they have to face the big bad world of work. And that is where the poor grasp of English brings with it standards which can only go down, never up.

There are those who learn to write and speak the language well, true; but how many are they? We are talking of the English speaking class in general; if this class is the class which produces managers, professionals in different fields and experts, how on earth can levels of knowledge be retained? I have heard doctors who speak an English that is barely recognisable as such, and yet they have impressive professional degrees. How did they get them? That, really, is the kind of question that is worrying.

It is time that some serious thought is given to this, and the subject looked at shorn of any political baggage. If we are to take a major place in the world of international finance, commerce, industry, research and education, we cannot depend on the skills and knowledge of a handful of gifted individuals. There are just that many Amartya Sens and Jagdish Bhagwatis. What after them? As the world evolves and grows, we need to grow with it, and we will if the modes of communication are mastered by most of our bright people. Otherwise we will remain on the fringes of knowledge and academics and international management.

There are British or U.S. nationals of Indian origin who are doing well, true enough. One is not, frankly, interested in them. One is interested in, and concerned about, our young people, about Indians; they are among the brightest, and most intelligent of their generation. It would be a terrible tragedy if their inability to express themselves were to blight their future).

http://www.hinduonnet.com/fline/fl2115/stories/20040730001207300.htm

Post: #197
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-19-2007, 04:30 AM
Parent: #190

Quote: Lets define language


المقال هذا يتحدث عن اللغة كاداة تواصل ؟ لكن تواصل اين ؟ هل فقط بعد العمل وداخل منزلك مع اهلك ام في العمل والعلم والشارع والمتجر والمصنع ؟؟؟ اللغة العربية صارت لغة جد خاصة واداة تواصل محدودة الاستعمال حيث ان العمل والعلم لا يستعين بها الا في القليل .. وهنا مشكلة ... ومشكلة اخري في تنوع ادوات الاتصال في هذا الزمان فالتواصل من خلال الصورة بانواعها الساكنة ومتحركة لدرجة لا تستوجب اللغة التقليدية ياخذ حيزا كبيرا من استعمالات اللغات عموما ...

Post: #191
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-18-2007, 08:20 PM
Parent: #1

Quote: تنكرت للغة العربية وصار غرامها التحدث بالانجليزية .


انا حادثت لينا تلات مرات و هي بتتكلم عربي احسن منك ؟؟ يعني الا تقطع النهر الجاف وتصاحب قرود ؟

Post: #192
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 08:34 PM
Parent: #191

Quote: اللغة أهم أدوات العملية الاجتماعية وأدوات صناعة الإنسان، فاللغة هي الواسطة التي تربط الفرد في وقت وحيز اجتماعي معين مع أبناء أمته ممن لم يرهم أو يقابلهم. ولكن هذا لا يمنع وجود مَنْ يقلل من أهمية اللغة أو يعدها مجرد عامل بين عوامل أكثر أهمية.

لكن اللغة ومنذ فجر التاريخ كانت مقياساً لتمييز أمم لأنفسها عن الآخرين، فمثلاً قام اليونان بتمييز أنفسهم عن البربر باعتبار الأخيرين لا يتحدثون اليونانية، وقام اليهود في الأندلس باستخدام العبرية لتسجيل أمور دينهم في حين قام الأطباء اليهود في بولندا باستخدام مصطلحات طبية عربية بدل اللاتينية التي كان يستخدمها الأطباء المسيحيون، مما قد يكون نوعاً من السعي للتميز الإثني.


راجع
http://www.egyptiangreens.com/docs/general/index.php?eh...id=260&categoryid=36

Post: #194
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-18-2007, 08:39 PM
Parent: #192

Quote: انا حادثت لينا تلات مرات و هي بتتكلم عربي احسن منك ؟؟


لينا امها وابوها من الناطقين بها ورشا وامها وابوها من الناطقين بغيرها يا كافي البلاء

Post: #198
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-19-2007, 04:49 AM
Parent: #192

Quote: لكن اللغة ومنذ فجر التاريخ كانت مقياساً لتمييز أمم لأنفسها عن الآخرين، فمثلاً قام اليونان بتمييز أنفسهم عن البربر باعتبار الأخيرين لا يتحدثون اليونانية، وقام اليهود في الأندلس باستخدام العبرية لتسجيل أمور دينهم في حين قام الأطباء اليهود في بولندا باستخدام مصطلحات طبية عربية بدل اللاتينية التي كان يستخدمها الأطباء المسيحيون، مما قد يكون نوعاً من السعي للتميز الإثني.


يالطيب انت هنا تشير الي اللغة كاداة تمييز اثني ؟ ولكن الانجليزية صارت اداة تمييز علمي وصناعبي وفي بريطانيا واستراليا ونيوزيلندا اداة تمييز قومي ( حيث ان في هذه الدول اثنيات مختلفة لها لغاتها ) لا ن قاموسها هو الذي يحتوي علي مسميات وشرح كل الصناعات والعلوم وما يحتاجه البشر الي تواصل في دار علم ومكان عمل ومناح الحياة الاخري ...هذا هو ليس حال العربية في بلاد ارادتها كاداة قومية في وجود لغات اثنية اخري (السودان مثالا) فالعربية في السودان لغة تواصل عامة يمكن ان تتغلب عليها الانجليزية بسهولة مع اتساع استعمال قاموس اللغة الانجليزية في مناح الحياة والعمل والعلم وهذا ما نراه اليوم من خلط بين اللغتيين باستعمال مفردات انجليزية تحشر احيانا حشرا بين الجمل العربية او تصيير الانجليزية هي لغة الخطابة والكتابة وتبقي العربية للخطابة كما هو الحال وسط الاف من الاجيال الجديدة المغتربة والتي ما زالت في بلادها ( مثالك عن الطلبة العمانيين).. الاصرار علي لغة يجب ان يتجاوز مرحلة الخطابة والارث الي ربطها بصناعة واختراع وليس ترجمةلمسميات الصناعة والاختراع ...اردنا ام ابينا اللغة العربية في اسوء مراحلها الان لان الناطقيين بها انشغلو بمؤثراتها البديعية وثراء معاني كلماتها وتجاهلو ان يجعلو لها مكانا مميزا في الصناعة والعلوم الحديثة والتقنية وهي ادوات حضارة تفوق اللغة اهمية ....

Post: #193
Title: Re: ابوبكر سيد احمد ابو الانسانيه كلها كل سنه وانت طيب
Author: محمد المرتضى حامد
Date: 05-18-2007, 08:36 PM
Parent: #191

الصديق الودود أبوبكر،
مناسبة طيبة ليعيِّر لك الخُلَّص عن محبتهم لشخصك.
لك الود ولعفاف الوفاء.

Post: #195
Title: Re: ابوبكر سيد احمد ابو الانسانيه كلها كل سنه وانت طيب
Author: عفاف أبو حريرة
Date: 05-19-2007, 00:41 AM
Parent: #193

[

Post: #196
Title: Re: ابوبكر سيد احمد ابو الانسانيه كلها كل سنه وانت طيب
Author: الطيب شيقوق
Date: 05-19-2007, 01:36 AM
Parent: #195


Post: #199
Title: Re: ابوبكر سيد احمد ابو الانسانيه كلها كل سنه وانت طيب
Author: abubakr
Date: 05-19-2007, 05:05 AM
Parent: #193

ود المرتضي

Quote: لك الود ولعفاف الوفاء.


خالص مودتي وتمنياتي لك دائما بكل خير