Post: #1
Title: شمار يعني شنو ياودالمحرب .(..دة مكان للونسة بس )
Author: abubakr
Date: 01-19-2007, 10:20 PM
طبعا بعرف الشمار البهار وكمان لاني بحب الطبيخ -ما بربري- لكن قبل كام شهر وفي بكان غفير المنبر دة قريت رسالة بالانجليزي لشابة صديقة وفيها كلمة شمار بالانجليزي shammar ما فهمت واستحيت اسال لفترة واتصلت بصديقتي وقالت لي يعني "شمار" ما بتعرف شمار وانا لي اقل من سنتيين في السودان ( هي طلعت طفلة وما رجعت الا مؤخرا ) ... وبعدي وبعدين ؟؟؟ واخيرا عرفت وما عرفت ... شنو شمار يا ودالمحرب .. ام احمد بتحكي ليك عن الشمار واللا بس بتخت شمار في الملاح والفول ....
ياام احمد
يامني
ياسمية
ياتماضر الخنساء
يا ماجدة
يا سناء جعفر( انا زعلان وبرضو بسال )
شمار يعني شنو ...
|
Post: #2
Title: Re: شمار يعني شنو ياودالمحرب .(..دة مكان للونسة بس )
Author: Muna Khugali
Date: 01-19-2007, 11:01 PM
Parent: #1
هو شمار غير أخضر ولا يوضـع علي الفول..وان كان وجوده من المكـن ان يتزامن مع الفول...
اصله يعـود الي شـمر..وليس بطريقة شمر عن ساعـديه..واسم الفاعل شـمار بتشـديد حرم الميم
لا تنتمي الي الكلمة بصلة... بل يستعاض عنها بشمشار... وفي حـالة التأنيث تضاف كالعادة ال" ت " المربوطة..وأرجـو ان لا تسألني من الذي ربطها...فهذا يدخل في بند الشمار والشمشرة..
مني
|
Post: #3
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 05:19 AM
Parent: #1
يامني ..الشمشرة مهمة .. قبل كام شهر برضو اتصلت بي معدة برامج بريطانية تعمل لقناة جديدة عالمية بغرض تصوير برنامج عن السودان وذكرت الشمشرة وانها تريد ان تتناول الشمار والشمشره وسط عامة الشعب ...يعني دة اختراع بتاعنا ومهم ..مش
|
Post: #6
Title: Re: شمار يعني شنو ياودالمحرب .(..دة مكان للونسة بس )
Author: سمية الحسن طلحة
Date: 01-20-2007, 08:05 AM
Parent: #3
أنا الشمار خلص منى البارح عملت فول وجاء أحد الأصدقاء يحمل شمارأ
جدييد من السودان وتعشينا مع بعض بالشمارات
كدى إنتو ناوين تعملوا شنو فى العام الجديد ؟
من لم يخطط فقد خخطط للفشل
ماهى خططكم سواء كانت سادة أو بالشمار
والشمار هنا يعنى الرتوش والزيادات (ماعاوزة اقول الكضب والقوالة)
|
Post: #4
Title: الشمار الكتل الحمار !!!!!!!!!!!!
Author: فاروق حامد محمد
Date: 01-20-2007, 07:59 AM
Parent: #1
الشمار يا ست منى يعني ال gossip
وطبعا أشهر شعب مشهور بالشمار هم
أهلك الانجليز ... ولهذا كان لصحف
الشمار(التابلويد) أكثر توزيع في
العالم ال( sun ) مثالا .... وأكتر ناس
بحبوا الشمارات في السودان هم أهلنا
الشايقية وناس بربر ورفاعة .....
عملت لينا شنو مع "هاري بوتر" ؟؟؟؟
هل تحب الشمار يا ابابكر ؟؟؟؟؟؟؟؟
أنا أفضله في الفول !!!!!!!!
|
Post: #5
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 08:00 AM
Parent: #1
الفارووق المشمشر ...
اهو الواحد عرف الحتيت من ودشيقوق ومني عرفتنا بالشمشرة ...
|
Post: #7
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 08:13 AM
Parent: #1
| Quote: ماهى خططكم سواء كانت سادة أو بالشمار |
ياسمية دحين طالما عرفت الشمشرة شنو فانا شماري اسفيري ..اقرب واحد ممكن اشمشر معاهو هو فاروق وفي ابوظبي وليهو اسبوع مما شمشر وقال انو جايني خصوصي وان العربية تنكها مليان بترول وبس هو عايز مرافق ...!! اما سناء جعفر فما بتعرف تشمشر وسامية شريكتي زي كده مستجدة حتي في معرفة الاسم الجديد القديم "شمار" .اهو ود المحرب الحنشمشر معاهو تلفونيا.بالله شمشرونا معاكم ...
|
Post: #8
Title: Re: شمار يعني شنو ياودالمحرب .(..دة مكان للونسة بس )
Author: سمية الحسن طلحة
Date: 01-20-2007, 12:47 PM
Parent: #7
| Quote: اما سناء جعفر فما بتعرف تشمشر وسامية شريكتي زي كده مستجدة حتي في معرفة الاسم الجديد القديم "شمار" .اهو ود المحرب الحنشمشر معاهو تلفونيا.بالله شمشرونا معاكم |
ماعليك ولايهمك العلمك النم والحت يعلم سناء وسامية الشمشرة والشمار
عندى ليكم شمار حاااار....
الحتات طلب تمديد إجازته عشرة أيام أخر
والتى من المفترض أن تنتهى بعد3أيام
|
Post: #9
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 02:24 PM
Parent: #1
Quote: الحتات طلب تمديد إجازته عشرة أيام أخر
والتى من المفترض أن تنتهى بعد3أيام |
ده كلام ؟...وقافل تلفونو ؟؟ متاكدة انو ما سافر صوب الشرق ؟؟
اين ام عبدالله من هذا؟؟؟
|
Post: #10
Title: Re: شمار يعني شنو ياودالمحرب .(..دة مكان للونسة بس )
Author: أحمد الشايقي
Date: 01-20-2007, 03:08 PM
Parent: #1
يا شباب
سلامات
والله زمــن طولنا ما اتلاقينا (اسفيرياً)
الأشغال النكـدة والحروف الكأداء
سلموا لي على محمد المرتضى
وليكم التحيـة كلكـم,
أحمـد الشايقي
|
Post: #11
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 03:19 PM
Parent: #1
عزيزنا ود الشايقي سلام ... المولانات قالو ما بيشمشرو علنا !
|
Post: #12
Title: Re: شمار يعني شنو ياودالمحرب .(..دة مكان للونسة بس )
Author: سمية الحسن طلحة
Date: 01-20-2007, 07:44 PM
Parent: #11
أم عبدالله المسكينة جاب ليها بنايين وقال ليها عاوز أبنى ليك
فى إجازتى دى...وطبعا أنشغلت حبيبتى مع البناء وهو لقى إيدو
|
Post: #13
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-20-2007, 08:54 PM
Parent: #12
اخى العزيز ابوبكر
الليله عندى ليك ونسه من نوع تانى خالص بس الترانسليشن بى فلوس
اولا ادينا الاوكى عشان نبدا الرد سريع
|
Post: #14
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 09:04 PM
Parent: #13
ياخي ات بترجم الكلمة بغلوتية التقول برامج رمضان في القنوات العربية ...كمان بفلوس ... ينفع قرش سوداني قبل التعدييل ؟
|
Post: #15
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-20-2007, 09:14 PM
Parent: #14
انا ويوسف ود امحمد ود اللمام فى سدر القليعه البويضه طار
لى صقر ساهى وانغرف كع من قصيرو جمل ضبح يوسف قال لى الراى
كيف ياابوفاطنه قت ليه القربين لابضبحو ولا بعقيو هسع
فى ركبة اللباله ابالة اللحويين واللحوين بكرهونا ساهى
دحين من دربك ابلك والهشيم (افهم دى واجيب ليك باقى القصه)
لعملومتك دى ام ما تفهم فيها 00000
|
Post: #16
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-20-2007, 09:45 PM
Parent: #1
ياود محرب ... اسئلة اكسب المليون الاخيرة ( يعني لمن الواحد يفوت الخمسمائة الف) اسهل من الغلوتية بتاعتك دي ...انا ما فهمت غير "اللحويين" .. في ذمتك منو البيدفع للتاني ..انا حنكي اتلوي احاول اقرا بس خليك من الفهم ...انا مستعد ابني الصحراء دي كلها بنايات اشكال والوان لكن كلام الجن بتاع دة ما بقدر عليه ...
انا الما عرفت الشمار دايرني اعرف "انغرف كع " العاملة زي الاسامي الصينية ؟؟؟
اتو في البادية بتتكلمو صيني واللا ياهو العربي البنسمع عنو اصلو كدة
|
Post: #17
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-20-2007, 10:13 PM
Parent: #16
انا ويوسف ود امحمد ود اللمام فى سدر القليعه البويضه طار
لى صقر ساهى وانغرف كع من قصيرو جمل ضبح يوسف قال لى الراى
كيف ياابوفاطنه قت ليه القربين لابضبحو ولا بعقيو هسع
فى ركبة اللباله ابالة اللحويين واللحوين بكرهونا ساهى
دحين من دربك ابلك والهشيم (افهم دى واجيب ليك باقى القصه)
لعملومتك دى ام ما تفهم فيها 00000
طبعا بعد ان فهم اخونا الرطانى الترجمه عبر الهاتف وما كان
حايفهم غير كده نكمل باقى القصه
من دربك ده ابلك والهشيم
فات منو يوسف قال شقة الحمار (يعنى طلوع الفجر)
جونى ابالة اللحويين سلام عليك وعليكم السلام
من وين؟؟؟
بدوروبى شنو؟
عندكن ابل فى الزريبه دى والله شبعة روب ساهى؟
بعقبونى
الساعه 12 رفاقتى ركزو من فوق لى
سيف ودرقه وبندقيه تلصف
قالولى الراى كيف ياابوفاطنه
قت ليهم هسع تيه جايين بى فوستكم 0(جمع فاس ) وسيوفكم ودركن
بتسئولنى سؤال زى ده ما تضبحو الجمل 000 ضبحوه
يتبع0000000000 بعد الترجمه
|
Post: #18
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-21-2007, 06:16 AM
Parent: #1
هع!!!
انا اخوكن يا كرمات العنب ...
ود المحيرب العرريب ما عارف انو "انا ابن جلا وطلاع الثنايا " ( اوع واحدة او واحد يسالني دي معناها شنو قالو لينا واحنا صغار احفظوها كدة وحفظناها لليوم الاغبر دة التقول كانو عارفيين انو حاقابل العرريب ودالمحرب بعد اربعيين سنة.. مكتوب يا ولدي مكتوب )
اها يالعرريب صاحبك فدي نفسو بالجمل القربين القصيرو "انغرف كع " واتمنظر بجمل صحبو و غشي الحلاويين !! اها شيل شيلتك لو في حلاويين في البورد دة ؟؟بكان ما ات مسطح لا في يوسف ولا جملو القربين كلها كدايس وجريوات ...
قال بيقدر علي الرطاني قال
________________________________
حاشية ( دة ما زي ذصنفرة ناذر دي خصوصي ):
يا كرمات العنب اكان القلتو فوق دة ترجمة غلت لكلام العرريب ود المحرب وما قدرت احل فزورة بني يعرب بالله شوفو لي حلل وخصوصا ام احمد ....
|
Post: #19
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-21-2007, 09:02 AM
Parent: #18
قت ليهم هسع تيه جايين بى فوستكم 0(جمع فاس ) وسيوفكم ودركن
بتسئولنى سؤال زى ده ما تضبحو الجمل 000
طبعا اخونا البربرى حتى بى التلفون مافهم الترجمه
ولكن لازم نواصل 00 عسى ولعل نصل لى نتيجه قال ده كلام صينى
عليك الله ياسميه
ات مش فاهمه الكلام ده كلو 00000 نواصل قصة القربين
ضبحناه لغايه ما سلخوه وقطعوه مافيهن واحد
شال قطعه جدحه فى النار 0 التقول بنشيع فى جنازه
المهم ولعنا نار فى رضمه لى التنباك
نحن نتمبك الكدايس (جمع كدوس)
وصلنا الهشيم الجهله ماوقفوا فوق لحم القربين
شالو راسو وشققوا البيوت محنانين فى الجمل ده خناعو متل خناع
الحوارمن قو جلدو الرسن مابشيل منو سبيبا
بعده بدا العزاء والفراش لى القربين ياابوبكر 000
افهم 000دى وبرجع ليك
|
Post: #20
Title: Re: شمار يعني شنو ياودالمحرب .(..دة مكان للونسة بس )
Author: Ahmed Yousif Abu Harira
Date: 01-21-2007, 09:27 AM
Parent: #19
يا أبوبكر قصة (القربين) جمل ودخير دي من القصص العتيقة والممعنة في المحلية...يعني معظم كلماتها كلمات شبه منقرضة ولا يتم تداولها إلا في نطاق ضيق جدا جدا...ولا ترثيب عليك إن لم تستوعب كل مفرداتها ال(قميسه) هذه...
مع إني انا شايفك فاهم جزء كبير منها (إذا لم يكن للشرح بالتلفون دور في هذا الفهم) وده يحسب لك لا عليك خصوصا إذا وضعنا في الاعتبار (سنوات تتلمذكم) القصيرة نسبيا على هذا النوع من (الحكي)...
أنا غايتو بتطوع بشرح ما أذكره من القصة وعليك الاستعانة بسمية او ودشيقوق على ما غاب عني منها..
الله يعينك لكن لا تخلي ود المحرب يغلبك...
والحكاية كلها عايزه ليها (صرة وجه) وشوية (إدعاء) وتكون قفزت إلى مستويات اعلى من التتلمذ تتجاوز (نهر ودشيقوق الجاف وقيروانات طحنيته وتيمس عمو الوحلان في النهر الجاف....
|
Post: #21
Title: Re: شمار يعني شنو ياودالمحرب .(..دة مكان للونسة بس )
Author: عواطف ادريس اسماعيل
Date: 01-21-2007, 09:30 AM
Parent: #1
أخي العزيز أبوبكر
مودتي
إنت ما سمعت أغنية فوق الحلة ديك أنا ما بجي الشمار كتير أنا ما بجي ؟؟ عشان تعرف كلمة شمار بحق
وحقيقي لازم تزور الحلة ديك وتاخد ليك كورس شمار مكثف في معهد ناديا للشمشرة الحديثة .. تحياتي .
|
Post: #22
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-21-2007, 10:44 AM
Parent: #1
ياود المحرب
بعده بدا العزاء والفراش لى القربين ياابوبكر 000
افهم 000دى وبرجع ليك
انتو البتسو عزاء للبندقية اللع يعينا معاكم ؟
يا ام احمد ما تخلي العيال يشترو اية بندقية بتاعة لعب دة بعدين لو كسروهن يعملها فراش ...
ويااحمد والله ود المحرب بتفسح في وانا في عرضحالكم ات وقريبتك تشوفو لي حلل ..ود عمك دة بتاع متاحف ووثائق وحيفت فيذ القديم كلو من زمن ما اول عرريب دخل السودان قبل الفيين وكام سنة ..
يا عواطف هي حلة -بكان يعني - واللا حلة شمار .. وليه يعن التحيز للشمار من دون كل البهارات .. قبانيت مالو بشان يخلي كلو واحد يعرف دربو عدييل ؟ انتي بتعرفي القبانيت ..؟ كان ما عارفة اسالي الفاروق هو بيعرف امهري ..
|
Post: #23
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-21-2007, 11:52 AM
Parent: #22
ات عارف ياابوبكر ماتقول براك الماعارف انا قبل شويه ام احمد سالتنى
من القبانيت والله اكون صادق معاك الجماعه المعاى هنا فى البيت مابعيدين
منك انا بشتغل مترجم فى كتير من المصلحات ام احمد واولاده
القبانيت من قبيلة الشمار لكن حاره شديد
ادينى رايك نرفع العزاء ولا نواصل ؟؟؟؟
شمار عاجل العريبى الشيقوق بكون فى مسقط يوم 5 فبراير
|
Post: #24
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-21-2007, 02:29 PM
Parent: #1
يا ودالمحرب
القبانيت شطة صغيرونة وحارة وياكلوها اهلنا الامهر كتير بشان كدة بيحتو حتا ما في زيو ؟؟؟
اها يوم داير تحت جرب وياكا المطرود من البناية ؟؟
|
Post: #25
Title: Re: شمار يعني شنو ياودالمحرب .(..دة مكان للونسة بس )
Author: أحمد الشايقي
Date: 01-21-2007, 02:34 PM
Parent: #24
الاخ أبوبكر
شماركم تمام ونحنا قايلين الدار أمان ومافي زولن جايب خبر,
تجدوني هنا على الدوام
تحية لأستاذنا شيقوق
(معظم الشمار عنـه شخصيا)
أحمـد الشايقي
|
Post: #26
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-21-2007, 02:40 PM
Parent: #25
ات عارف ياباشمهندس الشيقوق قالى ات قت المحرب قال تم القبض عليك متلبس فى قضيه مدنيه اعنى الشيقوق قال لى اسال الرطانى 0 ده شمار من الشيقوق
دى انا مافهمتها قالى الرطانى بشرحه ليك قر او او انكر انت امام العداله
محكمه0000000000000000000000000000
|
Post: #27
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-21-2007, 03:51 PM
Parent: #1
يا ود الشايقيQuote:
تجدوني هنا على الدوام
تحية لأستاذنا شيقوق |
ياالف مرحبا انااصلي بدور لي سند شمالي ..العراريب نشفو ريقي
اما العراريب ودشيقوق فلقد تشعبت مسؤلياته وصار مدير لمشروع الطابق الثاني في منزلهم العامر بام مبدة
|
Post: #28
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-21-2007, 04:00 PM
Parent: #1
| Quote: الشيقوق قالى ات قت المحرب قيضك متلبس |
الغريبة كل واحد منكم بقول قبض التاني مو متلبس ؟
|
Post: #29
Title: Re: شمار يعني شنو ياودالمحرب .(..دة مكان للونسة بس )
Author: فاروق حامد محمد
Date: 01-22-2007, 09:25 AM
Parent: #28
| Quote: القبانيت شطة صغيرونة وحارة وياكلوها اهلنا الامهر كتير بشان كدة بيحتو حتا ما في زيو ؟؟؟ |
أيها النوبي النبيل الذي يجسد كل نبل
وأصالة أهل السودان القديم والجديد
القادم بإذن الله قريبا.........
هذا أولا :
أما ثانيا فإني أهيب بكل المنظمات العلمية
والأكاديمية ومنظمة الملكية الفكرية الدولية
بتسجيل هذا الفتح العلمي غير المسبوق باسم
سعادتكم ... فلأول مرة في تاريخ العلوم الحديثة
يتم الكشف عن أن أكل الشطة القبانيت هو السبب الرئيس
لل(الحت)"1" العنيف "الشدييييييييييييييد"....
وأنا ألومك أخي أبابكر عن الكشف علنا عن هذا الاكتشاف
الخطير ذلك أن الأنظمة الظلامية والظلاميين سيسارعون الآن
الى إصدار الفتاوى القطعية التي تحرم أكل الشطة القبانيت
باعتبارهاأهم سبب للتحلل الأخلاقي ومن ثم ايجاد مخرج لتحليلها
لجماعاتهم فقط باعتبارها أهم مساعدات (الذكر)!!!!!
( كان تصبر شوية ياخي قبل اعلان فتحك العلمي هذا )
حاشية : "1" الحت هو الرقص العنيف وقيل الرقص "الردفي" (الشديد)
|
Post: #30
Title: Re: شمار يعني شنو ياودالمحرب .(..دة مكان للونسة بس )
Author: sanaa gaffer
Date: 01-22-2007, 09:45 AM
Parent: #1
| Quote: يا سناء جعفر( انا زعلان وبرضو بسال ) |
ابوبكر زعلان ؟؟؟ ليه وكيف ومتين ؟؟؟
وبعدين تقولها على الملا كدة ؟؟؟
انت ما عارف انو الشمشارين كتار ؟؟
هسة حيقعدوا يزيدوا على الشمار توم وملح عشان يعرفوا ابوبكر زعلان من سناء ليه !!!
الا انت زعلان ليه ؟؟!!
غايتو انا باحب الشمار الاخضر المورق مع ملاح البامية المفروكة ...وكمان لمن يختوه في الكفتة والمحشي ..
لكن بيني وبينك مرات انا وحرمكم المصون (سامية) بيكون عندنا شمار دقاق بس انت ما بتعرفه لاننا بنتعمد نخليك برة منو ...دة شمار حريمي بس ...
ويلا يا جماعة كتروا الشمار ... عشان الموضوع يحلى ...
|
Post: #31
Title: Re: شمار يعني شنو ياودالمحرب .(..دة مكان للونسة بس )
Author: فاروق حامد محمد
Date: 01-22-2007, 11:42 AM
Parent: #30
| Quote: انت ما عارف انو الشمشارين كتار ؟؟ |
طبعا انت قاصداني أنا (شخشيا) ؟؟؟؟؟!!!!!
طيب يا سناء (يد مضمومة أصابعها الى أعلى)
|
Post: #32
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-22-2007, 11:51 AM
Parent: #31
ابوبكر ات وين من البارح بضرب ليك مابترد
على التلفون انشاء المانع خير00
|
Post: #33
Title: Re: شمار يعني شنو ياودالمحرب .(..دة مكان للونسة بس )
Author: سمية الحسن طلحة
Date: 01-22-2007, 02:47 PM
Parent: #32
أبوبكر انت زعلان من سناء جعفر لى شنووووو؟
وكنت وييين ما بترد على ود المحرب؟؟؟
انتهى.
والله ياسناء أنا بعمل جنس مفروكة بالشبت تقطعى ايدك فيها
ـ مابتعرفى الشبت ـ ده أحلى من الشمار الدقاق الشغالين بيهو انت وسامية ده.
وبعدين انتو داسنو من ابوبكر لى ايييه؟
|
Post: #34
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-22-2007, 04:44 PM
Parent: #1
| Quote: حاشية : "1" الحت هو الرقص العنيف وقيل الرقص "الردفي" (الشديد) |
اولا لم تفي بوعدك وترسل اس ام اس بعد ان وصلت الي دياركم مساء الامس ؟
ثانيا ات تخصصت في الحت بحكم الجوار ام بزراعة القبانيت ؟
ثالثا حكاية القبانيت والحت ما عايزة اكتشاف ات بس جرب وتناول كميات من القبانيت وبعدين شوف حتحت كيف ...
|
Post: #35
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-22-2007, 04:45 PM
Parent: #1
Quote: أبوبكر انت زعلان من سناء جعفر لى شنووووو؟
وكنت وييين ما بترد على ود المحرب؟؟؟
انتهى. |
ياملكة
لانها لا كتبت ولا زارتنا ...وليها حوالي شهر ما عتبت بيتنا ؟؟؟ اها ازعل واللا ما ازعل ؟؟
لكن المهم انها تكتب
| Quote: وكنت وييين ما بترد على ود المحرب؟؟؟ |
كنت في سابع نومة ... بينا وبين المحرب ساعة يعني عشرة عندهم حداشر وامس كان يوم عمل طويل بحكم انو بداية اسبوع وثانيا بعد الشغل الفارووق خلاني شغال عامل كبانية لحد الساعة عشرة الا شوية لانو ضهب في الطريق بين دبي وابوظبي (تخيلي قاعد كام وتلاتيين سنة في الامارات )!!!!!وعلي بال ما اطمنت عليهوو انو وصل كت تعبت ( ما انا زول قربت المعاش وشي سكري وشي ضغط ..الخ)
اها شايفة انا برئ كيف ؟؟؟
وا نتهي .. ( حلوة حكاية انتهي دي .. زي "النهاية" بتاعة الافلام المصرية زمان )
|
Post: #36
Title: Re: شمار يعني شنو ياودالمحرب .(..دة مكان للونسة بس )
Author: عفاف أبو حريرة
Date: 01-22-2007, 05:06 PM
Parent: #35
ابوبكر وينك خالد كان قلقان
عليك لانك ماظاهر وكمان مابترد على
التلفون على كل حال هو مداوم
انا ح اضرب ليه واطمئنه عليك
ام احمد
|
Post: #37
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-22-2007, 05:29 PM
Parent: #1
Quote: ابوبكر وينك خالد كان قلقان
عليك لانك ماظاهر وكمان مابترد على
التلفون على كل حال هو مداوم
انا ح اضرب ليه واطمئنه عليك
ام احمد |
في بيتنا بسموني "ابو القلق" !! ودرجاتي في القلق كلها A++ وما كنت متوقع انو في منافس حتي اجتمعت مع العرريب ود المحرب .. تيمان حتي في القلق ....
يا ام احمد
غلطان النوم والتعب والجسد الشاب وعجز وشغل يوم طويل خلاني انوم حوالي العاشرة والنصف مساء وخالد لقيت مكالماتو كانت بعد داك( فرق الوقت ساعة) .. واليوم ما قدرت ارد علي تلفوناتو الا الساعة ستة الا مساء وانا توي طالع من اجتماع .. شغلنا كتير واجتماعات ونضمي كتير فمعليش قلقلقتكم ....
|
Post: #38
Title: Re: شمار يعني شنو ياودالمحرب .(..دة مكان للونسة بس )
Author: سمية الحسن طلحة
Date: 01-22-2007, 09:28 PM
Parent: #37
واحد أخونا أول مة يغترب أشتهى ملاح ورق
أصحابو قالوا له أمش سوق الخضار أشترى حاجة اسمها سلج وشمار
أخونا وصل السوق وبعد تعب أتذكر كلمة سلج واشتراه وقال للبائع
عاوز شمبر ....وهو يقصد شبت +شمار... يعنى خلط زيت يظهر انو داير
عمرة مكنة كاملة مش نص عمرة
|
Post: #39
Title: Re: شمار يعني شنو ياودالمحرب .(..دة مكان للونسة بس )
Author: sanaa gaffer
Date: 01-23-2007, 05:42 AM
Parent: #1
Quote: أبوبكر انت زعلان من سناء جعفر لى شنووووو؟
وكنت وييين ما بترد على ود المحرب؟؟؟
انتهى.
والله ياسناء أنا بعمل جنس مفروكة بالشبت تقطعى ايدك فيها
ـ مابتعرفى الشبت ـ ده أحلى من الشمار الدقاق الشغالين بيهو انت وسامية ده.
وبعدين انتو داسنو من ابوبكر لى ايييه؟ |
عاد يا سمية لكن الشمار ما عندك ...
اها يا ابو بكر شفت اسئلة سمية دي هي الشمار زاته..
عليك الله يا سمية انتي وين ؟؟ انشاء الله تكوني في دبي عشان اجي اكل المفروكة بس بالكسرة ما بالقراصة .. لاني ما باحب القراصة ... وباعرف الشبت كوووويس ما هو الشمار زاتو ولا شنو ؟؟
والشمار داسنو من ابو ابكر عشان لو عرفه بتبقى مشكلة ...
دة شمار حيكون بيني وبينك خلي في سرك..
|
Post: #40
Title: Re: شمار يعني شنو ياودالمحرب .(..دة مكان للونسة بس )
Author: abubakr
Date: 01-23-2007, 06:32 AM
Parent: #1
| Quote: . لاني ما باحب القراصة ... |
دة كلام
الما بحب القراصة كيفن يحب البرابرة والرطانة
|
Post: #41
Title: Re: شمار يعني شنو ياودالمحرب .(..دة مكان للونسة بس )
Author: sanaa gaffer
Date: 01-23-2007, 07:07 AM
Parent: #40
Quote: دة كلام
الما بحب القراصة كيفن يحب البرابرة والرطانة |
والله يا ابوبكر انا هسة بقيت كويسة ... يعني ممكن آكل قراصة ( بس ما كتير ) ...
الشايقية المعاي جنها قراصة ... ( دمعة دجاج بالقراصة ) ( ملاح اخدر بالقراصة ) ..
يا زول دي حتى الفسيخ خلتني آكله بالقراصة ؟؟!!! لاحظ ( فسيخ ) وكمان ( تركين ) ...
بس انا كمان اشترطت عليها لو عاوزاني آكل معاها لازم تعمل لي القراصة بمواصفاتي الخاصة ..
تكون رفيعة خالص .. خالص ... خالص ..
لينة خالص وفيها قدود عشان ما احس بيها زي سد الحنك ...
عارفة ناس حيقولوا عاملة فيها حنكوشة وكدة يعني ...
لكن انت ادرى اني بت شفتة وحربية مش كدة ؟؟
مشكلتي الوحيدة ما باحب القراصة ...
|
Post: #42
Title: Re: شمار يعني شنو ياودالمحرب .(..دة مكان للونسة بس )
Author: الطيب شيقوق
Date: 01-23-2007, 12:58 PM
Parent: #41
وووووووووووووووب يا ود المجرب
ويا ام احمد
ويا بت طلحة
ويا ابا بكر
ويا الفاروق - الغائب الحاضر في امبدة
ويا سناء الاميرة
ويا البت السمحة الدخلت عليكم ونسيت اسمها - يطول عمرها
ويا الصادقاب
ويا البادراب
ويا بكري ابو بكر
بوستيكم ده احلى من رجل المرة ذاتووووووووووو
والله خلاني الكز ام عبد الله بعييييييييييييييد واتلب في هامتو ابل الريق وافك الريق واطفئ نيران حبي ليكم حبة .
بس زعلتنى حقارة ود المحرب لابي بكر اتلهمو بكلام زى صواقع الرشاشية والدرتية عليك الله يا ود المحرب خاف الله في الرطاني ده وانت براك داخل جهنم قبال دى يودوك وين تاني .
ويا اخوانا هوى ود المحرب ده اتلحنى حماني النوم بيتصل وقت الهجعة وبنكون انا وام عبد الله في العبادة ؟؟؟
دى طليلة ساى اشوفكم وارتاح حبة
|
Post: #43
Title: Re: شمار يعني شنو ياودالمحرب .(..دة مكان للونسة بس )
Author: خالد المحرب
Date: 01-23-2007, 01:22 PM
Parent: #42
البلل اللخمجك يالطيب ات جيت من وين داخل بى فضايحك دى00
والله لما شفت اسمك زى الاعرابى الذى فقد دابته فى العراء و عندما
وجدها قال الحمد لله الهم انا ربك وانت عبدى 00هذا شعورى بالظبط والله
الاخ الطيب وجودك له طعم خاص بجمع الحبايب والله 000
|
Post: #44
Title: Re: شمار يعني شنو ياودالمحرب .(..دة مكان للونسة بس )
Author: الطيب شيقوق
Date: 01-23-2007, 01:39 PM
Parent: #43
يا ود المحريييييييييييييييب صوت عاااااااااااااااااااااالي كاني في غابة حرية تسمع صدى الحس زى ود القيف ( ابو بكر ودالقيف ده هو رجع الصدى لما تكون في البحر الجاف وتكورك بصوت عااااااااااااااالي صوت بجيك تاري ) تاري يا رطاني شرحتها ليك بت طلحة وخلي ام احمد تكمل الناقصة تشرح ليك وكان ما فهمتها تاني الا ام دلدم في سردبتك ( ام دلدم ابو بكر اخوى الليد المصرورة وسيدها يتلهمك بيها وعاضي لسانو يوهطها ليك في سردبتك ( سردبتك هى عنقرتك وعنقرتك محل دوماتك الوراء .
بجيكم وعرفت دريب انسرق بيهو من ام عبد الله واتلهمكم
|
|