"وين بت طلحة من غنياتها يوت نتبرّك " - عايزين "دوبيت"

ياود المحرب وال ابوحريرة وودالنعيم ونزار وودحماد وود شيقوق ( الودرني ورااح) وكل العرفتهم هنا بدوبو انا عندي حمي وما بتروح لو ما دوبيتو بقيادة ملكة الدوبيت....
دية وصيتي وانتو مسئوليين ...
___
حاشية : النسيت اسمو من عباقرة الدوبيت هنا يسامحوني الحمي شديدة ... اما الفارووق فالكلام لاهل البادية ومش لجنيات البندر

.
يوم دبكي الخيول ترجاهو ....ما بتفز
تبرى من المرض تشفى ..وتتب وتهز
نحن أولا د فراش بي فارغه ..مابنشذ
نكابرك ونكرمك غاية الكرم .....والعز


سلامتك أيها النوبي الأصيل... وإنشاء الله حسنة وأجر...ووصيتك على العين والرأس...


دم طيبا ومعافى

شهرين أدرجين راقد على كوعى
ومن كترت الرقاد إطبقت ضلعى
أخوانى الكبار ما فهمو موضوعى
أنا توبى الجديد فشيتو بدموعى



انت تسلم والحمى مقسمة فوق أبان دقشم

Quote: دية وصيتي وانتو مسئوليين

أبوبكر الأصم الديمة باقى معانا
تبرا من الوصية البقولوا أمانة
وتبرا من المرض البمشوا لى الشفخانة
بإذن الله السلامة ليك منى ضمانة

سلامتك ياالأصيل ألف سلامة ليك
سحروك وحسدونا فيك
لوبإيدنا العافية نديك
والمرض مايحوم عليك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــوالله ماتستاهل ياأبوبكر أنا زعلانة جدا
لكن شدة وتزول انشاء الله.

بى بركة الجمعة تنكتبلك عافية
ترجع صحيفتك متل أول جديدة و صافية
ويجوك الخلوق دافرة بى كل قافية
لامن تآمن وتقتنع حكمتو فينا كيفن كافية

و(ياكافى ياشافى)

..........................................................................
محمد السيد
تحياتى

كيف أصبحت ياأبوبكر وكيف أمسيت
يا سمح الفعال الما بقول سويت
التلب المرصع سدرو بالسوميت
شيال التقيلة حاشا ما كلّيت

الملكة
شيخ العرب احمد
قريبي محمد سيد
ود محجوب

عاجز عن شكركم ....ما عندي مقدرتكم في التعبير شعرا ونثرا عن دواخلكم ولكن لو الحمي البسيطة دي بتجيب لي ناس زيكم فيا اهلا بها ...
ببركة الجمعة وحبكم انا بخير

Quote: لو الحمي البسيطة دي بتجيب لي ناس زيكم فيا اهلا بها

رحب بالمرض الجابنا ليهو
وصلك ياالأصيل نتشابا ليهو
لو نمشى على الهامات نجيهو
ياشافى..الشفاء عجلو بيهو

نحن ايانا ليها وكت الحاره مابنتر
والغالى العزيز اخو ام وضيبن يجر
ابوبكر العزيز نسبو وماصل حر
يارب العباد من ها اللحظه مايشوف شر
000000000000000000000000000000000000000000
غنولك جنينا من اصولا صافيه
شاحدين الله ليل يارب تضوق العافيه

والله يا خالد منكم بتعلم الاصول

ساعة الحزه جاتك نجده بطحانيه
جاك نم أبوحريره الفيهو ديك محريه
يا ود أبكر محربنا أيدو رخيه
زى بت طلحه فارسه وتانى حقانيه



منصور

Quote: منصور

ات وصلت ..اها الحمي راحت .. تسلم من كل ردئ..
_______
حاشية : بيني وبينك وات عارف اني طباخ وعايز اعزمك بس اكلتك المفضلةKargigil, Takhtokh دي ما عرفت ليها سالت شف رمزي وشف اسامة والبنية صاحبة اوبرا وينفري ومارتا وكلهم متنظريين الوصفة ...

حباب منصور حبابك ياصباح الخير
بوجودك شا يفنو ابوبكر بقى اخير
حباب اصل الاصول المنو مافى كتير
ودمفتاح عريس البهنسه البتسير

Quote: ساعة الحزه جاتك نجده بطحانيه جاك نم أبوحريره الفيهو ديك محريه يا ود أبكر محربنا أيدو رخيه زى بت طلحه فارسه وتانى حقانيه منصور

يـاأبوبكر :ـ
جاك التمساح المرق باكرية
منصور البشيل عوامو عند اللية
سائلين كريما إيدو مى ملوية
يحفظكم جميع من كل شر وبلية

امييييييييييييييييييييييييييييييييييييييييييييين

أبوبكر إبن عمي الغالي
سلامتك من الحمى و الوِرْدة

Quote: كيف أصبحت ياأبوبكر وكيف أمسيت يا سمح الفعال الما بقول سويت التلب المرصع سدرو بالسوميت شيال التقيلة حاشا ما كلّيت

حرَّمْ الكلام جنس دة يقولوهو فوقي علا أرْكز و ما يحلني علا البطان .. كان سوط كان سوطين

فوق دربك يا الملكة سمية ..

Quote: حرَّمْ الكلام جنس دة يقولوهو فوقي علا أرْكز و ما يحلني علا البطان .. كان سوط كان سوطين

وات كمان .. ود عمي عايزني اشهلت زيادة علي العملتو في الحمي ...ات خد السوطين دحين واكتب في الدفتر ع الحساب ...

Quote: Quote: حرَّمْ الكلام جنس دة يقولوهو فوقي علا أرْكز و ما يحلني علا البطان .. كان سوط كان سوطين

أبوبكر وقع ليك كلامى....
أنا ما قلت ليك أبوجهينة ده زولنا عديل
أصلو مابتغالتو فيه إتنين
دحين أبعدو منو غادى
هسع فى راجل غيرو هنا حركو الكلام ده لمن
ركز لى البطان؟؟؟
والله ذكرنى أهلنا ممايسمعوا دقة الدلوكة
والنحاس والغنا (يابلالى أنا يابو زينب لى أنا)
الواحد يدخل يرجف أعمى وأطرش الإ يباطن حتى يثبت
فى الوطا وعينيهو يفتحن.

Quote: هسع فى راجل غيرو هنا حركو الكلام ده لمن ركز لى البطان؟؟؟

اها خدوه معاكم ممثلا لنا ؟ انتو تجلدوه ونحن نضرب الطار ونرقص ...؟اصلو ضرب الطار والرقيص والغناء النوبي يا بخلي القاصدنا بخير يبقي معانا وما يرجع او القاصدنا بشر يفز بعد ما راسو تلف وخصوصا لو صفوفنا في الرقيص كانت طويلة والطيران كتار ...

Quote: بعد ما راسو تلف

انتو غايتو تلففوا روسيين العالم كلو
وتلفوا العالم وراسكم مايلف
كيف أصبحت انشاء الله كويس

الملكة سمية

Quote: انتو غايتو تلففوا روسيين العالم كلو وتلفوا العالم وراسكم مايلف

أنا زمااااان يا سمية قلت إنو السودانيين مركز نسل آدم .. الناس تلف و تجينا..

دمت

أبوبكر
سلامتك
كفارة البيك يزول
معليش
بقيت أكان ما خشيت عليك يومي ناقص
أتحمل وجع الوشي
وكمان لمان تجيب سيرة بت طلحة (البركة ) ببقى واجب
كن دائماسمين وجكين
يديك العافية(يارب)
نورالهادي

اكا لازم جزيرة ويلونا
اكا موية الورد ترشترا

اكا تبرأ من المرض تقوم شترا
وأسمر اللووووووونا

Quote: اكا تبرأ من المرض تقوم شترا وأسمر اللووووووونا

الحمدلله الشفيت وبقيت تغني واسمر اللوووووونا

Quote: الحمدلله الشفيت وبقيت تغني واسمر اللوووووونا

ومعاها...

كيرا ماس كسا سوكا مس كيسّيه
كيرا سوكا اكا قونجا مس كيسيه

شفت النصاح دا سمح كيف

Quote: كيف أصبحت انشاء الله كويس

كويس بوجودكم واللمة .. ما شايفة البدوبي برطانة دة ..اها بعد الحمي بقي يدوبي وانا منتظر الحمي تروح بالمرة بشان ادوبي باية لغة ..والمهم نور الهادي ما رسم لينا هنا نمة دوبيت لسه ..وود عمي ياخد لو سوطين تلات ..

بالمناسبة ياناس ما شفتو "شنبو " !! ؟ ودالمحرب وشنبو ...

Quote: أنا زمااااان يا سمية قلت إنو السودانيين مركز نسل آدم .. الناس تلف و تجينا..

ده يا أبو جهينة لأنكم راكزيييين...للحارة ولى عوج الزمان ولى شيل التقيلة
ولى الـبـطــــــــــان

Quote: أبوبكر سلامتك كفارة البيك يزول معليش بقيت أكان ما خشيت عليك يومي ناقص أتحمل وجع الوشي وكمان لمان تجيب سيرة بت طلحة (البركة ) ببقى واجب كن دائماسمين وجكين يديك العافية(يارب) نورالهادي

عليك الله ياأبوبكر عاوز لوحة أجمل من كده!؟
نحن يانور الهادى لوما مريت انت علينا بكون كل شى ناقص
لاعدمناك

ياخالد المحرب
بسحروك
نحنا ماصدقنا نزار قام
وبقى يهضرب لسانو قلب نوبى ولا شنو ماعارفة
وهسع أبوبكر عيان
وكمان عفاف كيف مابقت كويسة؟

Quote: ياخالد المحرب بسحروك

قت ليهو حاصغر الصورة بشان ما يسحروه ابي !! وخسوسا ام احمد بعافية شوية وهو لازم يكون صاغ سليم اليوميين ديل ...


اما زولي نور فان مباري عمتو .. اتاوق واشوف العمة تلقاني توش هناك

اختى العزيزه سميه والله كان قتى بسحرونى امكن
ات بس الزمى لى الرطانى ده ود شيقوق0 عيونن حاره

ات عارف انا ممكن اضغر الصوره لكن
ماخذه مساحه كبيره احسن عشان انا
دايما كلامى مختصر 0بتكوش لى
الحكايه شويه وكمان العريبى لسع ما شافا
الله يكفينى شرو
العربى عينو حاره خلاص
لكن بت الشيخ الحسن بتلزمو لى
والله كنت داير اسمع صوتك لكن لقيت الوقت متاخر
تحياتى
ود المحرب

الاخ نزار ساعدنا بى الترانسليشن
دا تسدا لى ابوبكر ولا شنو

.

Quote: يوم دبكي الخيول ترجاهو ....ما بتفز تبرى من المرض تشفى ..وتتب وتهز نحن أولا د فراش بي فارغه ..مابنشذ نكابرك ونكرمك غاية الكرم .....والعز

Quote: دية وصيتي وانتو مسئوليين

Quote: أبوبكر الأصم الديمة باقى معانا تبرا من الوصية البقولوا أمانة وتبرا من المرض البمشوا لى الشفخانة بإذن الله السلامة ليك منى ضمانة سلامتك ياالأصيل ألف سلامة ليك سحروك وحسدونا فيك لوبإيدنا العافية نديك والمرض مايحوم عليك

بموجب هذه الوثيقة اقر انا ود شيقوق المحامي وموثق العقود بان اهلي البطاحين والشكرية وقبائل عموم رفاعة الهوى والشرق اقر بانهم ومن خلال ابيات الدوبيت اعلاه بانهم قد قبلوا جميعهم منح المهندس المعماري المخضرم ابا بكر سيد احمد الرطاني ابو لسان ..... شهاة التبعية لتلك القبائل ومن ثم يكون من حقه مطاردة اي من ابناء تلك القبائل لشرح اى عبارة او مقطع يرى من الصعوبة استدراكه ولا يجوز لهذا المهندس ان يستعمل مصطلحات القبيلة في اى تعبير من انشائه الا بعد الرجوع لاي من ابنائها او بناتها وذلك لاننا لم نطمئن بعد على تمكنه من استعمالها .

المراجع

ود المحرب
ود ابو حريرة
بت طلحة
ام احمد

على ان يكون الفاروق ود حامد محكما في اى نزاع ينشا بين التابع والمتبوعين وعليه بحكم علاقته بوسائل الاعلام نشر هذا الخبر في صحيفتين يوميتين بلغة اهل البادية وان يناى بقدر المستطاع من اى مصطلحات بندرية قد تخل بتلك الاهداف النبيلة .

مو زول فارغة بتلافا الحديث ويتلقّا
مما قام لى شيل التقيلة موقّا
مابتزعلو الكلمة وجريف أنطقـا
وافر ضرعة لى أوصاف البشكـِّر حقـا

Quote: على ان يكون الفاروق ود حامد محكما في اى نزاع ينشا بين التابع والمتبوعين وعليه بحكم علاقته بوسائل الاعلام نشر هذا الخبر في صحيفتين يوميتين بلغة اهل البادية وان يناى بقدر المستطاع من اى مصطلحات بندرية قد تخل بتلك الاهداف النبيلة .

Quote: بموجب هذه الوثيقة اقر انا ود شيقوق المحامي وموثق العقود بان اهلي البطاحين والشكرية وقبائل عموم رفاعة الهوى والشرق اقر بانهم ومن خلال ابيات الدوبيت اعلاه بانهم قد قبلوا جميعهم منح المهندس المعماري المخضرم ابا بكر سيد احمد الرطاني ابو لسان ..... شهاة التبعية لتلك القبائل ومن ثم يكون من حقه مطاردة اي من ابناء تلك القبائل لشرح اى عبارة او مقطع يرى من الصعوبة استدراكه ولا يجوز لهذا المهندس ان يستعمل مصطلحات القبيلة في اى تعبير من انشائه الا بعد الرجوع لاي من ابنائها او بناتها وذلك لاننا لم نطمئن بعد على تمكنه من استعمالها .

اولا يا محامي البورصة انت القبائل دي وكلتك واللا بس عايز بكرة تسالهم عن الرسوم ؟ هم براهم من غير عقودك "الموثقة" خلوني مجاور بشان اتعلم عربي وات جيت داخل توش سلبطة بشان تطلع ليك جنيهات تاخد بيهن تذكرة الرجوع بعدما ال pre-paid cards خلصت وبقيت ع الحديدة وقاعد في بلكونة الطابق التاني تعاين في الماشيات والجايات ??
ات بس عليك بالعربية التيمس والحت وعبور النهر الجاف وقهاوي الامهريات وقعدة البلكونات ونا براي عارف دربي معاهم ....قال "موثق عقود " ات شغلوك تربط العقود بسلبة ؟؟؟

هييييييييييييييييييييييييييع


ود المحرب ابشنبا يحكر الصقر !!!!


فوووووووووووووووووووووووووق ........


عشان جاييييييييييييييييييييييييييييكم !!!!!!!

غايتو يافاروق النار من السنة الفاتت تسوى لينا فى أبشر يا كمون بى الروا!!!

ـــــــــــــــــــــــــــــــــــــــــــــــــــــــــــــــــــــــ
مما قام لى شيلة التقيلة موقــّا

أبوبكر أرجو صادقة أن تدون لى معنى هذا البيت من منظورك أنت وحسب وقعه على نفسك دون الرجوع إلى أى مصدر ، لأننى بصدد إعداد بحث يرتكز أحد أهم محاوره على سؤال إجابته طي إجابتك على هذا السؤال
ولك منى إحترام
راسخ في النفس
كما الرواسى الشامخات
وسلام.
سمية الحسن طلحة

مو زول فارغة بتلافا الحديث ويتلقّا
مما قام لى شيل التقيلة موقّا
مابتزعلو الكلمة وجريف أنطقـا
وافر ضرعة لى أوصاف البشكـِّر حقـا

Quote: مو زول فارغة بتلافا الحديث ويتلقّا مما قام لى شيل التقيلة موقّا مابتزعلو الكلمة وجريف أنطقـا وافر ضرعة لى أوصاف البشكـِّر حقـا

اكان قصدتي الابيات الفوق دي يا ملكة فطظ في شنبو انا بعرفا :

زولا راسي ( مش الراس بتاعة الجمجمة ..يعني راكز ) وحليم وكريم

Quote: مما قام لى شيلة التقيلة موقــّا

حمال اسية .السند . جبار كسور