Post: #1
Title: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: abubakr
Date: 03-31-2007, 05:22 PM
اليوم 31 مارس 2007 هو اليوم الذي حدده القائميين علي نداء دارفور بالدوحة ( رندة ود.فيصل ونفر كريم ) ونشر في هذا المنبر وبوسائل اخري اجتهد فيها د.فيصل ورندة اجتهادا عظيما فلم يخزلهم ابدا من توسمو فيه خيرا من كل المقيميين في الدوحة فكانو جميعا دون فرز هم اهل الخير ....
ما حدث في الدوحة اليوم مثال اخر يضاف الي حسنات شباب الامل السوداني ويؤكد ان بذرة الخير السودانية باقية رغم ضيم وشتات ...وان السودانيين في قطر" قد القول "... فلا سابق معرفة لي بالقائميين علي هذا النفير والباذليين الا بما فعلو ...
مثال نامل ان يحتذي به ...مثال للعمل لا القول ...
مثال للشتات السوداني في كل العالم ليثبت تواجدا فعليا في قضايا واوجاع البلد ..
هذا نضال فعلي الكل فيه رابح ...
تحية للسودانيين في قطر دون فرز جهوي او سياسي لخير فعلوه ومثال خير اعطو... وتحية للشباب في الداخل الذي ابدي تعاونا مع كتائب الدوحة الخيرة في مسعاهم ...
مودتي
ابوبكر
|
Post: #2
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: Dr. Faisal Mohamed
Date: 03-31-2007, 06:10 PM
Parent: #1
الأخ ابوبكر
لك تحية الود والاحترام.
ومن خلال هذا البوست التحية العطرة لشباب الامل السوداني في الدوحة الاعزاء رندا حاتم- عبدالكريم - ودرملية فهم الجنود خلف نفير دارفور الأول. والشكر موصول لك انت للمتابعة والمناقشة الهادفة نحو وصول الهدف. واقول ليهم ولك كما قال شاعرنا محمد الفيتوري:
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
Quote: لحظة من وسني/محمد الفيتوري
لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني ..
|
ومازال باب الأمل مفتوحا من الخرطوم مرورا بالدوحة وان شاء الله الى جميع بقاع العالم. لنثبت لانفسنا وللعالم باننا مع دارفور.
أخي ابوبكر تم الاتفاق على تكون الحملة مستمرة لحين انتهاء الازمة وعودة اهلنا بدارفور الى ديارهم.وعليه سوف نعمل كلنا من اجل دارفور.
الدعوة عامة للجميع لحضور اجتماع يوم الاحد الأول من ابريل في البالتوك للتحاور والتفاكر لانجاح هذه الحملات واختيار ممثليين للحملات من جميع بقاع العالم في تمام الساعة الخامسة بتوقيت لندن .
اسم الغرفة الحالي لحين الاتفاق على الاسم:
"Sudan - Almontada AlSudani"
دارفور تنادى .............لبيك دارفور
معا من اجل دارفور ....
مع خالص ودي وتقديري ،،،
فيصل محمد
كندا
|
Post: #3
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: abubakr
Date: 03-31-2007, 07:22 PM
Parent: #1
Quote: ومازال باب الأمل مفتوحا من الخرطوم مرورا بالدوحة وان شاء الله الى جميع بقاع العالم. لنثبت لانفسنا وللعالم باننا مع دارفور.
أخي ابوبكر تم الاتفاق على تكون الحملة مستمرة لحين انتهاء الازمة وعودة اهلنا بدارفور الى ديارهم.وعليه سوف نعمل كلنا من اجل دارفور.
الدعوة عامة للجميع لحضور اجتماع يوم الاحد الأول من ابريل في البالتوك للتحاور والتفاكر لانجاح هذه الحملات واختيار ممثليين للحملات من جميع بقاع العالم في تمام الساعة الخامسة بتوقيت لندن .
اسم الغرفة الحالي لحين الاتفاق على الاسم:
"Sudan - Almontada AlSudani"
دارفور تنادى .............لبيك دارفور |
|
Post: #4
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: الطيب شيقوق
Date: 03-31-2007, 07:36 PM
Parent: #3
لله درك يا باشمهندس وثق سيكون هذا بداية خارطة طريقنا هنا في نادى الجالية بمسقط ونامل ان يكون نهج جميع الاخوة في دول المهجر .
هيا بنا لسودان الوحدة وسودان العزة هنا في رحاب هذا المنبر الاسفيري يا عظيم
|
Post: #5
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: محى الدين ابكر سليمان
Date: 03-31-2007, 09:14 PM
Parent: #4
الاخ ابوبكر سلامات
غايتو ناس الدوحة ديل من طينة سودانية كادت ان تنقرض, وخصوصا بوردابهم, الناس دى معجونة بياتو موية زى ما بقولو المصريين؟(ما موية عفاريت طبعا), مجرد التحايا لا تكفى فى هذا المقام, فقط اقول لهم ذكرونا ان نسينا ....سودانيتنا.
شكرا لك ولهم.
|
Post: #6
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: Randa Hatim
Date: 03-31-2007, 09:21 PM
Parent: #4
الحمد لله النفير كان ممتاز وبداية جيدة جدا ومؤشر ايجابى للحملات التالية ... مثل هذا النفير اذا انتظم بين كل السودانيين فى المهجر سيكون لنا دور فعال فى حل مشكلة دارفور ... سيتم تغطية الحدث فى الجرائد الوطنية الثلاث .. وهذا يعتبر مؤشر لنجاح الحملات القادمة...شارك ابناء الجالية السودانية بحماس وسنعمل على انتظام مثل هذه الحملات بشكل ربع سنوى او نصف سنوى...
التحية لكل السودانيين بالدوحة وخارجها ... التحية للسودانيين بالداخل ... التحية للسودانيين بدول المهجر ...
التحية لدارفور ولاطفال دارفور ونساء دارفور...
التحية للسودان الوطن الشامخ ...
والتحية ليك يا عم ابوبكر وانت بتتابع سير الحملة عبر الهاتف وقلبك عليها....
|
Post: #7
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: عبدالكريم الامين احمد
Date: 03-31-2007, 10:34 PM
Parent: #6
سوداني الدوحة..وصيحة حنونة من اجل دارفور ونجاح باهر لح...ة نفير دارفور..صور_
منذ صباح اليوم كان مركز اصدقاء البيئة بالدوحة هي الخلية التي توافد عليها جموع العديدين
من سوداني الدوحة مادين ايادي بيضاء مرصعة بحب كبير ومحنة فطرية تجاه اهلهم واخوانهم في دارفور
الجريحة..
وحملت الصباحات كميات مهولةالملابس والمواد الغذائية والاحذية محملةة بوجدان شاهق ملهوف تمتد
اياديه وهي ترسل دعواتها ونشيدها العالي من اجل ان يعم الامن والطمانينة لهذا البلد الكريم
..والتحية لكل الاخوة والاخوات الذين كان اليوم حضورا ولساعات طويلة في مركز اصدقاء البيئة
ولتفاعلهم الجاد مع هذه الحملة وحتما ستواصل هذا الجهد الكبير من اجل الوطن..
|
Post: #8
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: ودرملية
Date: 04-01-2007, 02:24 AM
Parent: #7
سلامات
وعوافي
عمنا الحبيب استاذ ابوبكر تجدنا هنا والشكر يملاء الخافقين لوقفتك الصلبة ومتابعتك المتواصلة للاحداث بالتلفون وابشرك وابشر كل الاخوة والزملاء بي انو اهلم واهلنا هنا في الدوحة كانوا قدر المسئولية وكان يوما لا يمكن ان توصفه الا الدموع يشهد الله انني احسست بطاقة جبارة تجري في اوصالي وكاني ابن عشرين عاما ..
اهلنا في دارفور اهل تقا وصلاح لذلك باذن الله سيزول الكرب عنهم وستعمر الديار بسواعد اخوانا واخواتنا واهلنا في دارفور وايد علي ايد تجدع بعيد ونحن يعلم الله الواحد لو بي ايدو يبرك حداهم مايفارقم الا بعد الضيق مايفارق لكن العين بصيرة والايد قصيرة.
ويا شباب امانة السياسة ما كعبة تعالوا عليكم الله كلنا منظمين وفلوتر نتلما في حوش وحدتنا والفتنا ومحبتنا ونقول سوادنا بس .. نقيف في قلب الحارة مع اهلنا في دارفور ندفع عنهم المرض والتشرد والدمار تعالوا نتلم حوالينم كدا انشاء الله لو ما قدرنا نمشي ليهم كل زول فينا من موقعو ..
انا بقترح بعد دا الناس تفكر في المساهمات المادية اسرع واجدي نفعا دا غايتو اقتراح يعني لو قدرنا جمعنا 10000 فرد ممكن يدفع كل فرد ماقيمته 50000 جنيه سوداني عليكم الله شوفو الرقم بيبقا قدر كيف وبيسوي شنو ..ومفروض نستنهض منظمات العمل المدني والطوعية ايضا للمساعدات الطبية وعمل اللازم تجاه كافة الكوارث البتحل في ارضنا الحبيبة في دارفور او في بقية مناطق السودان المختلفة ...
يا اخوانا رقابنا في يد الساسة ليه اكثر من نصف قرن وكل يوم الحال راجع لي ورا بعد دا الناس ترمي طوبة السياسة دي وتسك حقها بي مجهودا وتعبا لحدي ما يصلو اهلنا كلهم لي مبتغاهم وخلو ناس السياسة الليحفرو في حفرم الشين دا .. وربنا مابيخيب ظننا تب ..
ليكم المحبة دافقة زي موية النيل
ولوجه الله والعمل الطوعي
|
Post: #9
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: abubakr
Date: 04-01-2007, 05:49 AM
Parent: #1
Quote: لله درك يا باشمهندس وثق سيكون هذا بداية خارطة طريقنا هنا في نادى الجالية بمسقط ونامل ان يكون نهج جميع الاخوة في دول المهجر .
هيا بنا لسودان الوحدة وسودان العزة هنا في رحاب هذا المنبر الاسفيري يا عظيم |
ما عشان كدة العالم الاسفيري كلو فرحان بنجاحك
|
Post: #10
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: abubakr
Date: 04-01-2007, 05:59 AM
Parent: #1
| Quote: ذكرونا ان نسينا ....سودانيتنا. |
يامحي الدين سودانيتك في خلاياك ومساماتك ..يديك العافية
|
Post: #11
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: abubakr
Date: 04-01-2007, 06:01 AM
Parent: #1
ود رملية
انتو قد الفعل واللقول ومعاكم في البتسو وبتقررو
مودتي
ابوبكر
|
Post: #12
Title: Re: (نفير دارفور) تجاوب يلييق بالسودانيين المقيين في الدوحة - فالف تحية لهم
Author: الطيب شيقوق
Date: 04-01-2007, 09:33 AM
Parent: #11
| Quote: ما عشان كدة العالم الاسفيري كلو فرحان بنجاحك |
يطول عمرك
|
|