Post: #1
Title: أبو بكر سيد احمد / كفارة ربنا يخليك لينا كلنا .
Author: الطيب شيقوق
Date: 04-06-2007, 08:51 AM
الاخ الجميل الباشمهندس ابو بكر سيد احمد اصيب بهبوط مفاجئي بعد انتكاسة السيرفر امس.
نتمنى له الشفاء
|
Post: #2
Title: Re: أبو بكر سيد احمد / كفارة ربنا يخليك لينا كلنا .
Author: الطيب شيقوق
Date: 04-06-2007, 09:10 AM
Parent: #1
اخي ابو بكر اكيد سيأتينا جميع الاعضاء هنا للمجاملة ارجو عدم المداخلة الا بعد ان تنقطع زيارات جميع اهلنا في المنبر لتشكر من تكبد عنت السفر للمجاملة وتدعوا جميع الاعضاء للتصافي ليكون منبرنا وجها مشرقا ومشرفا لوطننا السودان من جنوبه لشماله ومن غربه لشرقه .
لكم اخوتى جميعا اطيب الامنيات
|
Post: #3
Title: Re: أبو بكر سيد احمد / كفارة ربنا يخليك لينا كلنا .
Author: bayan
Date: 04-06-2007, 10:00 AM
Parent: #2
الملوك
ابو بكر ربي يديك العافية والصحة الكاملة
ويشفيك لينا كلنا
شيقوق
سلامات وتحياتي لكم جميعا
|
Post: #4
Title: Re: أبو بكر سيد احمد / كفارة ربنا يخليك لينا كلنا .
Author: سمية الحسن طلحة
Date: 04-06-2007, 10:09 AM
Parent: #3
أبوبكر هو أبو التكنولوجيا ولا تؤثر فيه هبوطات السيرفرات
|
Post: #5
Title: Re: أبو بكر سيد احمد / كفارة ربنا يخليك لينا كلنا .
Author: abubakr
Date: 04-06-2007, 10:52 AM
Parent: #1
| Quote: أبو بكر سيد احمد / كفارة ربنا يخليك لينا كلنا . |
خوفتني وخلتني اتلفت يمين شمال علي ابوبكر بتاع "كفارة" دة .. هسع امي لمان تقرء العنوان دة تقول شنو وانا قت ليها انو انا بخير ... لو حصل لي شي والجماهير جاتك زاحفة انت المسعول ...
|
Post: #7
Title: Re: أبو بكر سيد احمد / كفارة ربنا يخليك لينا كلنا .
Author: Ahmed Yousif Abu Harira
Date: 04-06-2007, 10:58 AM
Parent: #5
ود شيقوق
والله بتسوي لك في محنن!!!
حرم أنا قتّ ابوبكر ده فعلا جاهو هبوط ...ولم أكمل باقي الجملة
ان شاء الله دايما طيبين
ولكم دوام المعزة
|
Post: #6
Title: Re: أبو بكر سيد احمد / كفارة ربنا يخليك لينا كلنا .
Author: abubakr
Date: 04-06-2007, 10:56 AM
Parent: #1
| Quote: ابو بكر ربي يديك العافية والصحة الكاملة |
كتر خيرك بيان .. ود شيقوق دة مما ظهر اهو السيرفر بتحصلو حاجات غريبة وهسع انا خايف تحصلي حاجات زي السيرفر ؟ والله خلعني لحدما بقيت اتلفت ؟؟...
|
Post: #8
Title: Re: أبو بكر سيد احمد / كفارة ربنا يخليك لينا كلنا .
Author: abubakr
Date: 04-06-2007, 10:58 AM
Parent: #1
| Quote: أبوبكر هو أبو التكنولوجيا ولا تؤثر فيه هبوطات السيرفرات |
انا خايف ابقي زي بتاع "النمر النمر" ويوم ما تحصلي حاجة ما في زولا يصدق وينجدني...؟
|
Post: #9
Title: Re: أبو بكر سيد احمد / كفارة ربنا يخليك لينا كلنا .
Author: الطيب شيقوق
Date: 04-06-2007, 12:50 PM
Parent: #8
عشان الدكتورة بيان تجي من ماليزيا وبس الزمن ده كلو ما بتتداخل معانا الا وقت الحارة - يطول عمرك يا بيان
| Quote: انا خايف ابقي زي بتاع "النمر النمر" ويوم ما تحصلي حاجة ما في زولا يصدق وينجدني...؟ |
شكرا بت طلحة
شكرا ابو حريرة
يديك العافية لكن فعلا حتبقى عليك حكاية محمود .
|
Post: #10
Title: Re: أبو بكر سيد احمد / كفارة ربنا يخليك لينا كلنا .
Author: Kamal Abdu
Date: 04-06-2007, 12:57 PM
Parent: #1
"أونكل" الطيب
علي بالأيمان من شدة ما انخلعت ما فتحت البوست و ضربت تلفون للخال الذي أوضح لي كم المؤامرة
الكبيرة من "الناطقين بها" كما أثبت لي كيف تدفع "الغيرة" البعض لبث (حلوة "بث" دي مش كده؟)
الشائعات المغرضة
سامحكم الله ... و لن تنالوا منا
أبقوا مارقين
|
Post: #11
Title: Re: أبو بكر سيد احمد / كفارة ربنا يخليك لينا كلنا .
Author: ابوعسل السيد احمد
Date: 04-06-2007, 01:01 PM
Parent: #10
يا ود شيقوق:
سلام.. المهندس دا زرزرة محاكم التفتيش ما
جابت ليه هبوط.
باقي ليك هبوط السيرفر بيسوي له شيئ؟
ـــــــــــــــــــــــــــــــــ
ما زمان قلنا "النسب أحسن"
|
Post: #12
Title: Re: أبو بكر سيد احمد / كفارة ربنا يخليك لينا كلنا .
Author: bayan
Date: 04-06-2007, 01:05 PM
Parent: #10
| Quote: وبس الزمن ده كلو ما بتتداخل معانا |
انا معاك ايها الاخ العزيز مثل القطة التي اكلت بنيها حبا
عشان ما نجيب ليك الهوا. اصلو هنا اي زول يبقى لطيف مع بيان
بتفتح ليه جحيم
..
لكن ما بفوت اي حاجة واقعد ارد في مخي
اسع كدا دي مجاملة زولنا البنريدو
مافي مناضل كيبوردي بيسلخك ولا يقوليك كوز
ولا قاطعو قاطعو
يديكم الاثنين العافية
|
Post: #13
Title: Re: أبو بكر سيد احمد / كفارة ربنا يخليك لينا كلنا .
Author: Muna Khugali
Date: 04-06-2007, 01:38 PM
Parent: #12
شيقوق اخوي قاصد نفسه..
سيناريو لحالة شيقوق امس عند توقف سودانيزاونلاين...
أولا فم مفتوح ونظاره مذهولة فوق الأنف مع صدور شهقة هلع..تبعتها محاولات اعادة اتصال..
تبدل ذلك بعد فشل المحاولات ..الي التأكد بأنه ليس هناك خطأ في توصيلات النت..وتبعتها أخري
لمسنجر الهوت ميل..ثم مكالمات...ايه الحاصل ياخوانا?
لم يأت السؤال الهاتفي بإجابه مفيده..الجميع لايعرف!
تسائل ود شيقوق وهو يرجع النظاره الي مكانها في حيل مهدود من الإحباط..
أسه أعمل شنو بحياتي?
كـدي النحاول نشوف التلفزيون ..
أوف ملل!
طيب ننوم?
اوف وتاني أوف..
الوقت بدري!
وفجأة سطع ضوء قوي اوحي لشيقوق بأن يجرب سودانيزاونلاين مرة أخري..
وكان الضوء حقيقي فقد رجع الويب الي نشاطه..
الحمدلله ..
قالها شيقوق بأطمئنان رب الأسرة لرجوع اخر ابناءه للمنزل..
استلقي علي سـريره في ارتياح ونام بدون شخير!
|
Post: #14
Title: Re: أبو بكر سيد احمد / كفارة ربنا يخليك لينا كلنا .
Author: ماجدة عوض خوجلى
Date: 04-06-2007, 01:41 PM
Parent: #1
الف سلامه ويسلم من كل شر وتحياتى
هسه الطيب فى داعى بس تخلع الناس قبل مايدخلو يقرو الحاصل شنو خاصه الزول المسطح ذى وماعارف انوكان فى مشكله
انت عارف برغم انو الزول بيكون ماقابل اغلب الناس
الا انو احساسه هو انهم اهله ومابيتحمل فيهم حتى ولوكنا بنختلف مع بعض فى النهايه هى ماحاجه خاصه
مش بتتفق معاى وبالمناسبه دى انا مالقايه البوستات بتاعتى
تحياتى لك
|
Post: #15
Title: Re: أبو بكر سيد احمد / كفارة ربنا يخليك لينا كلنا .
Author: عفاف أبو حريرة
Date: 04-06-2007, 02:37 PM
Parent: #14
ابوبكر اشرح لي ماجده دي تاني ماتجيب
سيره السطيح ود شيقوق بتحسس منها
الطيب فال الله ولا فالك مالك قالع قلبنا
ام احمد
|
Post: #16
Title: Re: أبو بكر سيد احمد / كفارة ربنا يخليك لينا كلنا .
Author: انعام عبد الحفيظ
Date: 04-06-2007, 02:41 PM
Parent: #1
| Quote: الف سلامه ويسلم من كل شر |
غايتو يا الطيب شيقوق خلعتنا خلعة شديدة
يجازي محنك
|
Post: #17
Title: Re: أبو بكر سيد احمد / كفارة ربنا يخليك لينا كلنا .
Author: Gaafar Ismail
Date: 04-06-2007, 02:52 PM
Parent: #1
الأخ العــزيز الطيب شيقوق
ســــلام
خلعتنا يا أخي.
تحياتي ومودتي.
|
Post: #19
Title: Re: أبو بكر سيد احمد / كفارة ربنا يخليك لينا كلنا .
Author: Faisal Taha
Date: 04-06-2007, 04:08 PM
Parent: #17
التحية للأخ الطيب ود السقوق
شنوا يا ابابكر والله اتخعلت جد لمان كلمت
تونة قبل ما افتح البوست -- ربنا يحفظكم جميعا
ويخليكو تتهنوا بشباشبكم دون هبوطات أو منغصات
حاشية : أبوبكر أنا من فرط سعادتي
الغامرة بقرب لقاء الأخت سعيدة بعثمان
العزيز ( لانها في معاناة حقيقية ) اتمقلبت في
عنوان البوست ومحتواه فال كان في البال اني
اكتب عثمان في طريقة لمعانقة ....... في قاهرة
المعز وفي غمرة فرحي بعد ان انهيت مكالمة تلفونية مع سعيدة
قمت كتبت عثمان يعانق ..الخ وادبست .. على اية حال الجمعان السوداني
والهولندي سوف يلتئم شملهما في الأسبوع القادم
وسوف أوافيك برقم التلفون عبر الماسنجر حال
وصولهم soory fr this inconviency
|
Post: #18
Title: Re: أبو بكر سيد احمد / كفارة ربنا يخليك لينا كلنا .
Author: Mannan
Date: 04-06-2007, 03:59 PM
Parent: #1
يا ود شيقوق ... شقيتنا... هظار زى ده بجيب الشقيقة... يا شقى..
معليش المرة دة نمسحها فى وشك.. عشان خاطرك..
المرة الجاية حنشتكيك للامم المتحدة..
منان
|
Post: #20
Title: Re: أبو بكر سيد احمد / كفارة ربنا يخليك لينا كلنا .
Author: عبد المنعم سليمان
Date: 04-06-2007, 04:10 PM
Parent: #1
يا اخوانا ما تخوفونا ساااي بالله
تسلم يا ابوبكر يا راجل يا هميم
منعم
|
Post: #21
Title: Re: أبو بكر سيد احمد / كفارة ربنا يخليك لينا كلنا .
Author: ماجدة عوض خوجلى
Date: 04-06-2007, 04:30 PM
Parent: #1
عفاف كيفك وين انتى مدة ماظاهرة
Quote: ابوبكر اشرح لي ماجده دي تاني ماتجيب
سيره السطيح ود شيقوق بتحسس منها |
عارفه انا اساسا ماكنت عارفه انو السيرفر فيه مشكله امس انالغايه ماطلعت من النت كان شغال لكن تانى مادخلت الا اليوم ولقيت الخبر ده طوالى قدامى علشان كده قلت قلت مسطح دى ماعارف انشالله بس خير الطيب مالو مع الكلمة دى
|
Post: #22
Title: Re: أبو بكر سيد احمد / كفارة ربنا يخليك لينا كلنا .
Author: الطيب شيقوق
Date: 04-06-2007, 07:19 PM
Parent: #21
منى عوض
عفاف ابو حريرة
ماجدة عوض
منان
الفقد وااااااحد ان وجد زولى تمام ومبسووووووووووط وطلب سحب البوست وانا قلت ليهو الا نصوت على السحب رايكم شنو نسحب ولا نبقي .
Quote: "أونكل" الطيب
علي بالأيمان من شدة ما انخلعت ما فتحت البوست و ضربت تلفون للخال الذي أوضح لي كم المؤامرة
الكبيرة من "الناطقين بها" كما أثبت لي كيف تدفع "الغيرة" البعض لبث (حلوة "بث" دي مش كده؟)
الشائعات المغرضة
سامحكم الله ... و لن تنالوا منا
أبقوا مارقين |
ووووووب ده جانا بعكازو عديل ولسانو حت في الانجليزية عجمى يا زول حرم كضبة ابريل بس اختانا سااى
والله يا ابا بكر انا ما قايل عندك فزع زى ديل .
الله يديك العافية ود عبدو
|
|