بدرالدين الامير الي لبنان وكيكي الي السودان

يغادر الدوحة في اجازة كل من الامير بدرالدين والعزيز كيكي

حيث سيتوجة الامير الي لبنان وكيكي الي السودان


نفيسة تشعر بالسعادة وكيكي يختار البعاد



( حفظة السلامة الامير في حلة وترحالة)



مبروووول للقوي الديمقراطية في السودان بحضور كيكي

ومبرووووك للدروز بلبنان حضور بدرالدين الامير

يا منعم.

ولسان حال بدر الدين الامير يقول:

حرب لبنان ولا حر السودان.

دينق.

دينق صديقى
الكلام لمحود درويش:
قمر على بعلبك ودم على بيروت
ياحلو من صبك فرسا من الياقوت
ياليت لى قلبك لاموت حين اموت
بيروت تفاحة.. والقلب لايضحك
وحصارنا واحد فى عالم يهلك




تنهدات: وفى لبنان جنوب دمرته الحروب

مرحب بالقاص الجميل كيكي
حضر الخروف يا منعم والا

الاعزاء دينق وخضر

كيكي وللا الرفيق ال .....


___

الخروف جاهز يا سمؤال

هلا برائد الارجاف الاسفيري..
ويازول انت تغيب سنين وما تجيبك الا اخبار فلان مسافر وعلان قاعد..
انت يا زول بوردابي ولا كمسونجي..
......
وكدي حسي يا منعم اقعد تحت ووريني المسكين منو فينا انا ولاصحبك الماشي بيروت ده..!!
ياكافي البلاء زول ماشي حتة لو اتنهد ساكت بالغلط يلموا فيهو ناس كتائب (الفتح) الجداد ديل
ويفرطقوا ليهو راسوا ولو فرط وقال ردينة وما ادراك ما ردينة كمان يلموا فيهو ناس حسن نصرالله
ويحلهم منو القالو (حمد)..وايضا زولنا الماسكاهو ام فريحانة بلنبان ده ماشي بلد بالغلط ما يلقي زولا كده يعرفوا...(حرم زول يشيل منو سفة ما يلقي)..!!
واحتمال اللبنانين يتذكروا موضوع الجامعة العربية القديم الزمان داك ويتعاملوا معاهو كوافد من بلاد الواق واق..
وفي اطار التامر العربي يفكوا للعملاء يفسحوا اسبوع اسبوعين في مزارع شبعا ويخلو ليهو خشمو ملح ملح..ويااامن ذاااتو....
انا يا نعوم شقير ماشي اعز مكان وماشي للدهشة والجمال وسيرة الوجع واهلنا قالوا العرجاء لمراحا
فانا يا منعم ماشي لمراحي ومراتع صباي...
ماشي للنيل فهو سليل الفراديس وملهم الخلود وينقي الوجدان........
ماشي لمليون ميل مربع وقوم ملانين طيبة رغم العذاب والضناء
ماشي للسحنة السمراء العرقانة في هجير البندر الفوانيسهو البوقدان ماتتو
ماشي للتمتم والوازا والطمنبوروالشاشاي والمردوم والدوبيت,,,,,
الدوبيت يامنعم
امممممممممممم
البلد بشوقو يومي نتاتي والغربة الطويلة بتبقي الزول بعاتي...
ايوه يا منعم دوبيت
.. ماشي لخالتي النعمة وعلوية (فور) وام الحسن الوداعية والرضية ست الزار وتومة ست الشاي
وفاطمة بنزين واحسان (سنة)...
ماشي لعمي (بكر) والطيب ود حسنة وابكر وادم وهارون واسحاق وسيد احمد وادروب وماشي
لساتي وعثمان (كرنك) ..
ماشي للهلال ووردي ووزيدان ومنضرة ماشي للنيل الازرق والابيض وبحر الجبل ولو لقيت فرصة
بمشي بحر العرب وبحر الزراف وخور ابو حبل زاتو عندي فوقو راي...
...
ونشوفك في الخرطوم محل الطيارة بتقوم ...واما صحبك بتاع مزارع شبعا فحدثه عن شوقي
الي فيروز..

Quote: مرحب بالقاص الجميل كيكي حضر الخروف يا منعم والا

مرحب اخي السموال وكل الشكر والتحية علي ترحيبك الحار
واتمني ان نلتقي علي ارض الوطن وبيننا اشياء كثيرة ..
وخرفان منعم الاسفيرية دي بكون اكلوها زي دشليون بوردابي كده.
عشان كده تم (الا) بتاعتك دي ساكت وغرم الزول ده

اسمع يا عب منعم
بطل حركات التملق واللف والدوران بتاعتك دي
تسكت دهرا ثم تنطق كفرا .. ما هذا البوست ؟؟

تفتح عشرين بوست للمدعو كي كي ما في مشكلة
أما انك تفتح بوست بهذه السطحية والارجاف
عن السيد / برد الدين الأمير عضو مجلس الادارة
والمدير العام لأوكسينت فهذا غير مقبول تماما

بدر الدين الأمير
رجل الأعمال ورجل البر والاحسان ورجل السياسة وصاحب الأيادي البيضاء
لا تتم معاملة تنقلاته وسفراته بهذه الطريقة الفجة وغير المسؤولة
وكما تعلم ويعلم الجميع فان السيد بدر الدين لديه من الحساد والمتربصين
ما الله به عليم ابتداءً من الصفر وحتى المليون
لذلك فانه من غير المقبول تماما تناول اخباره بهذه الطريقة
مما يعرض حياته للخطر الجسيم ، علما أن سعادته متوجه الى بلد فيها
الجكس زي الرصاص والرصاص بنقر في الراس

كي كي حتة موظف لا راح ولا جي
فلا يعقل ابدا أن يدمج مع السيد
بدر الدين الأمير في بوست واحد
مع مراعاة فروق الاتجاهات
كي كي الى السودان وبدر الى لبنان

وقديما قيل :
(ينقص السيف قدرا اذا قيل أن السيف امضى من العصا)

(اللهم أعم عنا عيون بشاشا)

انكم بهذا التصرف الأرعن والغير مسؤول والغير مبرر نهائيا قد تعديتم على مهامنا الوظيفية باعتبارنا (مدير الشؤون الادارية والاعلامية والعامة) وقد تتسببون في الأذى الجسيم للسيد المدير العام مما يجعلنا نحذركم من مغبة هذا العمل ونحتفظ بحقنا كاملا في ملاحقتكم قانونيا في حال تعرض السيد المدير العام لأي اذي جسدي أو مادي أو معنوي بسبب هذا البوست . وعليه فاننا نأمركم بمخاطبة ادارة الموقع بضرورة سحب هذا البوست فورا وافراد بوست لشبيهكم كي كي وعدم التعرض لأخبار سعادة السيد بدر الدين الأمير با ي حال من الأحوال إلا باذن مسبق وبعد الحصول على موافقة مكتوبة.

معتز القريش
مدير الشؤون الادارية والاعلامية والعلاقات العامة
ومنسق الشؤون المالية ومشرف قسم الترجمة والميديا
والمستشار القانوني للسيد بدر الدين الأمير
والسكرتير التنفيذي لمجلس ادارة شركة أوكسينت قطر

والمدير العام بعد سفر السيد بدر الدين الأمير

Quote: ينقص السيف قدرا اذا قيل أن السيف امضى من العصا

قريش في كلامك الفارغ الفوق كلو ما قلت الحق الا في الكلام اعلاه.
واجد نفسي حزينا كون عبدالمنعم خطف منك حافز بوست السفرة الي لبنان
وممارسسة هوايتك المحببة في الجمجرة ويبدو ان منعم في الدحنسة والحكحكة لضليع
وفايتك بعدة سنين ضوئية فالحق روحك وخش ليك (كورس تاهيلي) ودورة متقدمة
في فنون الجمجرة ...
حتي لا يقرر مديرك جلب (جمجاري) من ارض لبنان وساعتها تعال انا بلقي ليك شغلة
انشاء الله تغرف البترول بتاع قطر للبترول وتكب في الصهاريج الكبيرة الفي ام سعيد ديك
والكلام ده طبعا ما بالواسطة بل بعد معاينة شريفة نشوف فيها مستوي قدراتك في الانجليزي
ونعرفك انت جايبو في الاول من ياتو حتة ومتين..
حتي ذلك الزمان دم بالف خير ولاتنسي ضروري امشي واجي القاك جهزت السفي بتاعك عشان
بطريقتك دي شكلك كده فقدت المنطق وبقيت تكابس في الحوافز من طرف..وكده اللبننة حاصلة حاصلة

يا كي كي سلمات
اوع من منعم والاختلاط به لو في النهار والصباح
اما الليل فاني من الناصحين الا تذكر اسمه قط
ونتمني لك اجازة طيبة مع الاهل والاحباب وكتر
من الشية فانها لاتصر كما قال احد الاخوان

Quote: .. ماشي لخالتي النعمة وعلوية (فور) وام الحسن الوداعية والرضية ست الزار وتومة ست الشاي وفاطمة بنزين واحسان (سنة)... ماشي لعمي (بكر) والطيب ود حسنة وابكر وادم وهارون واسحاق وسيد احمد وادروب وماشي لساتي وعثمان (كرنك) ..

كريم

فرقتك صعبة حارة ما بتندار


فرقتك صعبة حارة زي النار

وبرضو ما هماك ماشي في قتلاك

التحايا عبرك للوريف حسن ماكردة ومجيد تانكر


اللورد بدر

الله علي بيروت وناس بيروت

بالله الوصية في الذمة

بوس لي مريام فارس

الكلام لعبد الكريم كيكى:
لا تسافر فى الأسفار خمسة
مصائب أقلها يسجنك بقال
فى بيتك وتبقى تهضرب سيم
سيم بالكربون .
ولنا عودة لتفاصيل ماحدث

Quote: يا كي كي سلمات اوع من منعم والاختلاط به لو في النهار والصباح اما الليل فاني من الناصحين الا تذكر اسمه قط ونتمني لك اجازة طيبة مع الاهل والاحباب وكتر من الشية فانها لاتصر كما قال احد الاخوان

شكرا يا سري والف تحية وسانقل تحاياك لاصدقائك صلاح الامين وابو قرجة
والشي الجميل باذن الله سنشرف زواج (عبدالملك) بتاع اسمرة مكتب (منصور خالد)
وستكون تظاهرة عاجة بقدامي المحاربين والناس الرائعين
..ومنعم ده انا حدي معاهو سوالين بس يامنعم
وريني وين الزول الاسمو حسين ملاسي
ويا منعم وين شركة كنار للاتصالات لاني عندي فيها واحد كده برضو ماشي ليهو (بقرنيت) ودوشكا
وبعد داك يفرتق يشوف شغلتوا وين
انا ما ناقص بلاوي مع النظام العام القاطعوا ناشف مع الناس هناك

Quote: فالحق روحك وخش ليك (كورس تاهيلي) ودورة متقدمة في فنون الجمجرة ... حتي لا يقرر مديرك جلب (جمجاري) من ارض لبنان

نفرض انو جاب جمجاري من لبنان
ح يجيب ليهو باسوورد في سودانيز أون لاين من وين
وبكري قفل التسجيل ههههه

Quote: التحايا عبرك للوريف حسن ماكردة ومجيد تانكر

يصل يا خلي وعلي جناح السرعة باذن الله
سابلغهم تحياتك واشواقك
وحسن ماكرتة طبعا طالب منك (رادي) وموبيل 3300
وبليب ..فنشوفك في المطار
ماركردة اتطور يا خلي ولم يعد ذلك ماكردة القديم

خليل يارقيق الحال
شكرا صديقى وكما قال
نزار قبانى :
لوكنت معى فى رأس السنة
ببيروت......

عبدالمنعم سليمان
كان معى هذا المساء صديقنا المشترك
سعادة الشيخ محمد بن ناصر آل ثانى
وشاف هذا البوست ثم علق ( صج منعمو
مايجوز عن سوالفو يابدر عطنى تلفون
منعمو عشان اطرش ليهو بيزات يسافر يتسانس
معاكفى لبان ) قلت ياشخ محمد معنم موجود فى
الحدود السودانية التشادية وماعندو تلفون
قال : وشلون عندو انتر نيت قلت هذا انترنت حق
منظمات الامم المتحدة لمن يحصل فرصة يحط هذه
السوالف قال مالت عليه الـ.........

Quote: كان معى هذا المساء صديقنا المشترك سعادة الشيخ محمد بن ناصر آل ثانى

شفت يا قريش بودار اللبننة والتفنيش حقك بدات ملامحها تظهر..
سعادة المدير ورجل البر والاحسان نزل الملعب (وعمال بلمع في روحو)
وايش دعوة با بدرالدين تلعوس عزيزي القاري
تري احنا ما نبي خرط هووون..
ايش فيك يا رجال ربعك ال ثاني واحنا مو دارين...جببببب

يا منعم صاحبنا المشترك بوش بن آل كلنتون
قال داير عنوانك عشان يرسل ليك دواء الفحولة



قوم إذا إشتهى أحدهم للأوزو
يشد الرحال لشارع الحمراء
لمضاجعة و أكل الكباب

بابا كوستا
بين الشد والشدايد
رحال ورحيل فى الليل
ومراحل ومراحيل ويظل
لشمام كوستى خصوصية الطعم وخلاسية الرائحة
وسيد الرايحة تيمم شطر لبنان ولقاش كسلا خصر
من غير إختصار وللرى كنابى للعطش والرى الآخر ...



تنهدات: الكلام القاسم أبو زيد الغنا لمصطفى سيد احمد:
سافر محطات الوداع ضجت ...

كيكى
تعلوس دى بالامهرى أو الصومالى
وبالقطرى تلعوز وبالسودانى تجهجه
خليك مع الزمن ياريس ....

تنهدات: سوف نحكى لاحقا عن هدايا كيكى
التى جلبها من أديس أبابا نوعها مضامينها
ولمن قدمت ثم حصاد الهشيم

Quote: تعلوس دى بالامهرى أو الصومالى وبالقطرى تلعوز وبالسودانى تجهجه خليك مع الزمن ياريس

كلو ماشي يا بدر
تلعوس, تلعوز, تلخبت .تفكها .جاكة
السوال المهم اللعوزة حاصلة ولا ما حاصلة؟؟؟

كيكى
حاصلة ونص
جبنا لبيد من باب الحماية وصمام أمان
تم تهجينه وبقى هو والظلامى فرد بل وبحيكو
مؤمرات ضدى المهم الدور والباقى عليك توصل
هديتنا لفكى قوبى وتطلب لينا الحماية ومن
لبنان حا نجيب ليك البياض .

هذا وقد كان فى وداع الوجيه
بدر كلا من...و....
الذان سيتوليا ملف العازف التائب
لمولاه فى غياباالمذكورين اعلاه

ياسر مبيوع
الذى يبيعنا امسيات عشق وسفر
بالامس الاول فضحت لبيد بدرالدين بشجى
الحانك واظهر ملكاته فى العشق

Quote: جبنا لبيد من باب الحماية وصمام أمان تم تهجينه وبقى هو والظلامى فرد بل وبحيكو مؤمرات ضدى

سمعنا بالنار تلد الرماد
أول مرة نشوف الرماد يلد النار

لبيد أبو النسب ... والنسيب عين شمس
ولن تفيدك المغارز يا مدير
لبيد ابننا ـ مننا وفينا
الولد ولدنا والبت بتنا

كيكي ربنا يكتب السلامة الذهاب والعودة

بس عايز اقول ليك ، والله بحترمك ، فما تخلي احترامي ليك يقل ولو انش

اوكي

Quote: كيكي ربنا يكتب السلامة الذهاب والعودة بس عايز اقول ليك ، والله بحترمك ، فما تخلي احترامي ليك يقل ولو انش اوكي

مرحب اخي معتصم
والله يسلمك ياخي..
ودوما سيظل بيننا الاحترام والتقدير يا معتصم
والله لاجاب الشينة باذن الله ..
ولك محبتي

Quote: شفت يا قريش بودار اللبننة والتفنيش حقك بدات ملامحها تظهر.. سعادة المدير ورجل البر والاحسان نزل الملعب (وعمال بلمع في روحو)

هههههه يلقاها عند الغافل ...
لقد تم الاستلاء على الوريث الشرعي
الوجيه ابن الوجيه ـ
السيد / لبيد بدر الدين الأمير
انظر الصورة ....



وجاري العمل حثيثا للإستيلاء على الوريث الآخر

صديقي بدرالدين الامير

تحياتي واشواقي ..

نصيحة بتنهداتها : ابعد عن المرجفين والمنافقين وفنش طوااالي

ع وزن سير سير وفنش العوير


كيكي ..

مرحبا بك بالسودان ولا تستمع لسري الهارب من المواجهة والصمود

ولا لكوستاوي بتاع الكلاوي .


شعار المظاهرة القادمة

نضرب بوليس نضرب جيش نقتل ود القريش نمشي لبنان نستلم الحشيش


اذا عاد اعووود

منعم

توصلو بالسلامة

المهم الاخبار

يا منعم
ازيك والف سلامة ليك ، ونبحث عن اخبارك عند علاء الذي غادر الي
اوغندا وعارف الي نيروبي وكيكي الي السودان ومنعم الي بورسودان
دنيا والله
اها اراجل دة هو صحبك نعم لكن اخوه صلاح صحبي وهو بسمع كلام صلاح
وبالعدم اب قرجة واذا ضاقت بهاشم كرار يعني انت محاصر
وابعد نفسك من ها معارك قلت ايه يا محروس نفيسة

عبدالمنعم امواج سلام
بدرالدين رجل يشار له بالبنان فلا غرو ان يسافر الي لبنان
وكريم صديقي رجل يحب الفن والكلمة والافتتان فلا غرو ان يغادر الي ارض الحبان السودان وكما تغني الفنان الذري الراحل ابراهيم عوض
احب مكان عندي السودان
وين اراضيك اوع تكون في بورتسودان علي حد قول مصطفي سري ولا الموضوع سري للغاية
ولسان حال خليل يقول
في بعدك ياغالي اضنناني الالم

نتمني لهم قضاء اجازة سعيدة

متولى يا مالك شعورنا
الدوحة تتناقل خبر أنك
عائد لها وجمال عاصقيل
وانور وباقى العقد الفريد
تيتهامسون القائد عائد عائد
شكرا لطيب كلماتك التى تشبه طيب معشرك

منعم يارفيق الدروب
ظلاميك توغل ودخل فى
اللحم الحى وبقى عندو
طابور خامس من الداخل
والجهجهة زى ماقال كيكى
حاصلة ... عايزين إمداد
لوجســتى

الأمنيات الطيبات لبدر الدين وعبدالكريم بقضاء إجازة ممتعة



شكرا يا منعم.. إنت غطستا وين..؟

Quote: الأمنيات الطيبات لبدر الدين وعبدالكريم بقضاء إجازة ممتعة

موسم الهجرة الى هواي


ما هو وجه الشبه بين أردن وليبنون



Alkarampa
___________________________________
يا جماعة الويك أند ده جنى وله شنو? متسحلف مالو?

كوستاوي يا حبيب..

Quote: ما هو وجه الشبه بين أردن وليبنون

طبعا وبالرغم من الخواجات الناوين لينا وعايزين يطحنوننا بالشغل.. حنلقى لينا أيام إجازة.. ومن هسع صاحبتي قالت لي قاعدين يمشوا سوريا عشان يجيبو مشتريات البيت.. آدي رحلة.. لغاية ما شغلنا زاته يمشي دمشق وبيروت.. مش في لاجئين عراقيين هناك..؟

ودي

كيكي و ود الأمير..
إجازة سعيدة... إحذروا إن يتسلل عليكم الدوام خلالها..
(الدوام ده حريف وعينو قويّة)..

ويا معتز كاوشت على المدير وولد المدير ..
دي ياها الشّدة واللضّة البقولوا عليها..

رجاء..
في لاجئين من العراق بالأردن... رأسماليين سابقين (أو شئ قريب من ذلك)..
أتوا بفلوسهم وتملّكوا العقارات في كتير من أحياء الدرجة الأولى بعمّان..
بعض المترتّبات كانت زيادات في الأسعار وتكاليف المعيشة للأردنيين..
يعني مهاجرين .. إن صّح التعبير..

يا ريت تكتبي عن إنطباعاتك..
حظ سعيد..

نجوان يا نجد والهوى نجدى
شكرا ياحضرة البديهة وكونك
متحضرة هذا بديهى ...
وياسيدتى ليت الظلامى معتز
توقف عند لبيد فهو يخطط عشان
ياخد غسان لابنته الاخرى ويتزوج
هو من مهاد يعنى على رأى اهلنا
المصريين يرثك وانت حى

تنهدات: يقول أفلاطون : ليس المهم أن نستعيد شبابنا
إنما الاهم أن نحتفظ بنعمة الشباب فتطول أيامها اوأيامهه

Quote: ويا معتز كاوشت على المدير وولد المدير .. دي ياها الشّدة واللضّة البقولوا عليها..

نجوان يا خيتي

الله بدي الجنة
.
.
.
.
.

تنهدات : ومن شر حاسد اذا حسد

رجاء
إليك وإليك جزيل الود
وصادق الامنيات بالتوفيق
فى تجربتك الميدانية الجديدة
يامن تلجئين للعمل وسط اللاجئين

الله بوست جميل


فقد جمعنا بمتولي وسري ورجاء والخردة كوستاوي


وشغلتنا اموالنا واهلونا عن التواصل معهم




وصل الحبيب كيكي الي الخرطوم يوم الجمعة الساعة 4 عصرا


عقبال ما تصل نفيسة ع الضيعة



اااخ اكثييير وحشتني ايزابيل


وينك





اللهم الطف من انتقام اهل البلقان ولبنان


وابعد عنا مدراء المكاتب الحبرتجية ومن لف لفهم




ما قلنا فنش يا بدر


وانت بدر السما في صفاك


بس اصفا وفنش



منعم