الفــــينا كافــــينا !!!!

تستهويني حروف لوحة السيارات ،،،
اشكل منها عـبارات وبعدها
اربط بذهني بين لون السيارة وموديلها والسائق وفي الآخر قراة حظي
والسيارة التي أمامي مباشرة . يعني تسليه لنسيان قرف الشارع وتقصير للوقت ..
شغلتني عبارات أصحاب المركبات في السودان وسائقيها عن أحرف لوحة السيارات
أو بالاصح وجود تعليقاتهم بالعبارات المكتوبة على السيارة أو على زجاجها وجدة
ابلغ بكثير لانهم يكتبونه بأنفسهم ولم تكن مصادفة عند استلامهم لوحة السيارة
يعني ذات تعبير أعمق ويحمل في طياته الكثير ويوفر علي الفحيص والبحيص ولكن
لا يعفيني من السرحان وضياع الوقت للوصول ولكن بطريقة اكثر متعة حيث يجعلني
احلق في عوالم اخرى ..
قرأة على مركبة عبارة ( الفيــنا كافــينا ) خاصة وأنا جيت للسودان بعد
غربة خمسة سنوات متواصلة وكمان في بداية إجازتي شدتي هذة العبارة لمعرفة الفيهم
شنو؟؟؟ عشان يكفيهم من قابلية تقبل أي شيء ثاني يعني معناه الناس ديل في حالة ثانية وفي قمة القرف .. لكن من شنو ؟؟؟
اهو أنا شايفة هواء الله هابي والدنيا خريف والجو حلو والمطر رزاز ، اشعة الشمس المحرقة تحجبها الغيوم وحاجات طبيعية جميلة مرت الايام وأنا في خضم الاجازة وكل يوم بنفس الجو الجميل ويكون احياناً أجمل من ذي قبل لكن ظهور الحاجات المزعجة والتي قمت بجمعها ووضعها في صندوق الفـينا وأولها الباعوضه المزعجه التي افسدت علينا التمتع بنوم هاديء في الحوش في الهواء الطلق والنسيم العليل أصبحنا نكرة الليل عشان الباعوضوالنوم داخل الهولات والغرف ..


يتبع،،،

خالدة البدوي

بعد الغياب

حمد الله على السلامة وفي شوق لكتاباتك

والفينا بخلينا منتظرين تكملي لينا باقي الحكي







مودتي واحترامي

نعومي حبيبتي ،،

فيني شوق ليكم بحجم شوق النيل

مودتي ،،،

استاذة خالدة
مسكاقمي
كل سنة وانت طيبة شهر مبارك
الف حمد الله على السلامة
الظاهر الاجازة كانت ممتعة ونتوقع بوستات كاربة
تعرفي يا استاذة ادبيات الاجازة وبوستاتها ممتعة جداً
الابن حسن ماذا فعل
التحق بأي كلية
يا استاذة الكتابات في المركبات العامة بالسودان
فلسفة خاصة لاهل السودان
ممكن تقرأ المصحف كامل وانت متحرك في شوارع الخرطوم
من الفاتحة حتى الناس
بسم الله . . . كهيعص . . مجراها ومرساها . . يس . . من شر ما خلق . .
ولك تحياتي وللاسرة

الخال العزيز حمزاوي

كل عام وانت بخير تصوم وتفطر على خير

اولا انا رددت عليك بس احتمال ما ارسلت كويس

اسف على التأخير

ود قاسم والاسرة يسلمون بكثرة

الاجازة كانت ممتعة لدرجة المبالغة ولنا حديث

الابن حسن تسأل عليك العافية هو بطب ام درمان الاسلامية

وكويس والحمد لله وبدأ دراسة يوم الثلاثاء الماضي واليوم

الاربعاء كان مشوا مستشفى ام درمان يعني بداية جادة والحمد لله

اما تعابير مركبات السودان ده عالم آخر ,,

Quote: ممكن تقرأ المصحف كامل وانت متحرك في شوارع الخرطوم

معك حق ،،

ودي شرحها يطول

دمت ،،،

وتحيات الاسرة

Quote: ممكن تقرأ المصحف كامل وانت متحرك في شوارع الخرطوم من الفاتحة حتى الناس بسم الله . . . كهيعص . . مجراها ومرساها . . يس . . من شر ما خلق . . ولك تحياتي وللاسرة

أستاذة خالدة
حمدا لله على السلامة
ورمضان كريم
ومنورة بفكرة تنم عن ملاحظة دقيقة وقوة حصر، فكثير منا يمر بما مررت به ألف مرة.
ولفتني تعليق الخال الذي نصصته. فهو يرصد النصوص الدينية التي تكتب على العربات والمحلات التجارية. وكأن الخال تعمد أن يتناسى عبارات آخرى ( غزلية) عادة ما تكون مستقاة من الأغاني. بعضها سياسي ، وبعضها اجتماعي ساخر. وكل هذه العبارات قطعا لها مدلولات نفسية ونابعة من مؤثرات اجتماعية ، سياسية أو دينية.
كانت هذه العبارات محددة وفي أماكنها المعهودة، ولكن في الفترة الأخيرة ، تفشى في السودان ، ظاهرة خليجية وهي الكتابة على الجدران، من قبل الصبية والمراهقين، ولا أدري ما الدافع لذلك؟
على العموم يجب أن لا أسبق الأحداث حتى أرى بقية الفكرة.
وارقدي عافية
بعد النص:
حتى لا يضحك علي أخونا الشايقي، فلا أعني الكتابة السياسية على الجدران، في ذلك الوقت.. فهذا أهدافه معروفة.. وعقوبته في السجن قد عرفناها، فلا ينسحب عليها كلام الأستاذة خالدة.
.

الله يسلمك ابي

الله اكرم

وكل سنة وانتم طيبين

تصوموا وتفطروا على خير

Quote: عبارات آخرى ( غزلية)

دي كمان في اخوي ابي وبالكوم لان المكسرين كتير

والمشوكشين اكثر بسبب الاحوال الجوية للمكسرين والاحوال

الاقتصادية للمشوكشين ..

دة غير اشرطة الكاست ذات الاغاني ديك الانت عارفها وخاصة الجو

خريف ومستفذ ..

دمت ،،،

اضفت لصندوق الفينا انقطاع التيار الكهربائي ودة كمان كأنه في
اتفاقيه بين مصادر الكهرباء والباعوض عقدة الاتفاقية بعد
احتجاج الباعوض المستمر بأنه اصيب بسوء التغذية بسبب فرار الناس
من الحيشان والنوم بالداخل .. في الليلة ديك ليلة قطع التيار
الكهربائي لا يهون علينا نسامح الباعوض ولا يهون علينا النيل بالدعوات
البغيضة لمصادر قطع التيار الكهربائي ونتضرع بالدعاء للخالق رب
السماوات والأرض أن يمن علينا بهواء عاصف حتى ولو بعوالق ترابية
لينقذنا من لسعات الباعوض .. ما مشكلة إذا اصبحنا في الصباح
ووجدنا الماء قاطع ممكن نحتمل التراب إلى عودة الماء ولكن لسعة
والهرش اليوم كله ورهبة وخوف من ذاك المرض الفـتاك الملاريا
والرهبة الاكبر من العلاج المسخر لها وهو الراجمات يا لطيف ..
مجموعة حـبوب لاتحمل أي ديباجة أو مسمى لونها ابيض اثنان منها
كبيرة الحجم مقارنة بالبقية ... يطبقون عليها الراجمات يقولون
انها اصبحت العلاج الوحيد للملاريا طبعاً حل جذري لإبادة الباعوض
مافي ...
اصبحنا نعد في تعداد الدول المتخلفة ...
والخوف ليس من الراجمات وحدها كمان من قضاء أيام بالفراش وبعدها
فترة نقاهة وقصر الاجازة لا يسمح ووجود مشاغل اخرى لابد من انجازها
خاصة وروتين الإجراءات المتبع يسير ببط وعلى أقل من مهل دي كمان
حزمة لصندوق الفــينا ومحتاجة لبوست منفرد للعزف على الأوتار
الحساسة ..

نوم متقطع مع هذا الازعاج وفي الصباح نجد الجديد المزعج
بالزيادة ارتفاع التسعيرة
وهاك يا فسح فينا ده الليلة مافي إلا بكرة عشان ما وصل بسبب
لانه البنزين زادوة والسيارات المفروض توصل ما وصلت عادي
تسمع عبارت مثل هذة .. يعني غرضك ما اتغضى .. خلاص لابد من كسب
الزمن واقضي معاملاتي ومستنداتي تمشي تلاقي الموظفين الذين
يقومون بالمهام لم يحضروا طبعاً تعددت الأسباب واذكرها متفرقة :

- اليوم المطر ما قدرو يوصلوا طيب نحن وصلنا كيف والمطر
هي شنو رزاز لانه الوقت صباح وهي صبت بالليل .
- اليوم في مسيرة راحو يشاركو .. الوصلهم للغرض المن
اجله عملو المسيرة شنو غـير حركاتهم دي .
- اليوم يوم إداري ..
- الخزنة مغلقة لانها تفتح الاحد والاربعاء .. عادي تجي بعد
ثلاثة أيام عشان تسدد رسوم معاملة ممكن تنتهي في يوم .
- قفلوا الشباك للفطور .. طبعاً فطور جماعي تحلو الشمارات
علية خاثة انه فول .
- جاء وقت الصلاة ..

يعني الفيهم دة كله يفي وبالزيادة كمان ودي قفشات فقط والخافي
أعظم .. قصر اجازتي حال دون متابعة الفيهم ..

لكن الشفتو كفاني ...

الله يكون في العون انا فاكرة اني اكتفيت لكن مازلت

بسمع وانا في الغربة لكن صدقوني السودان

الحبيب انا في شوق لا يوصف له عديل كدة ..

لما اذكر النيل وكيف يفيض حنية

والدعاش وكيف بتغني قمرية ..

يذيد ولهي وريدي ..

واغني كل الغناوي..

وارسل سلامي ..

ركـزى علـى اللغه ياخالده.الـسودان كـله اصبح يتحدث بلغه غـريبه قالوا اسمها الرانـدوك.حـقيقى لما مشيت الـسودان كنت ذى الاطرش فـى الزفه.والغريبه هذه المصطلحات الرندوكيه شائعه ليست بين الشباب فقط,حـتى بين العـواجيز من النسـاء.

رمضان كريم صباح

وكل عام وانت بخير

لغات متداولة بس لذيذة وفعلا اصبحت متداولة بشكل مبالغ

لكن ما كنت بفوت حاجة والما بهمني بطنش ,,

شكرا على مرورك الجميل ،،


دمتي ،،،

الأستاذ/ خالدة .. تحياتي لك .. ومبروك للإبن حسن وبالتوفيق
وعوداً حميداً .. واضح أن الخرطوم غير .. ودقاسم توقف عن الكتابة

أثني طلب الخال حمزاوي حول التفاصيل

النبيل محمد عبدالجليل

رمضان كريم

وكل عام وانتم بخير

كيف احوالك انت اتمنى تكون تمام

الاحوال يا سيدي بس انت اقراء وجدانياتي وتفهم الموضوع

ود قاسم والاسرة يسلمون على الجميع دون فرز

وتوقف ود قاسم عن الكتابه ابلغ تعبير ،،

يا سيدي ياهو ده السودان بس ربك يهون الامور

مر على قصيدتي اللقاء وانت تعرف اكثر واقصد به لقاء الصودان

بعد خمسة سنوات عاشهم الشوق ..

اشكر مرورك الجميل والى اللقاء ،،

دمت ،،،

زكريات بغرض الرفع ،،،

فوق ،،

الأستاذة / خالدة

واصلي سردك الجميل عن ذكريات الاجازة و ما احلى الوطن خاصة بعد غياب ، أنا جيت قبل شهر و مشتاق للعودة(واحد من رباطاب الداخلة بعطبرة قال و الله الداخلة دي أنا قاعد فيها و مشتهيها) فما بال من غاب خمس سنوات.

العبارات المكتوبة على سيارات الأجرة تعبر عن مشاكل و مشاعر و هموم

المشكلة انو أي واحد يمشي الاجازة عاوز ينجز الكتير و لكن سلحفائية الاجراءات لا تساعد على ذلك ، ذهبت لاستخراج شهادة بحث لأرض بالخرطوم بحري ، بدأت الاجراء من الصباح قالو الاستلام الساعة اتنين و تم تسليمي الشهادة الساعة الرابعة و كل مكتب تمشي اجراءات طويلة لانجاز معاملتك.

واصلي

الحاج حمد الحاج

المعاناة يا خالدة ..
دي الفيهم ومنكده عليهم ..

نجي لموضوع الكتابة على العربات بجد فيها كلمات معبره ومعانٍ لأشياء كثيرة ..
وقد درج عليها السودانيين وهي بحق صادقة تخرج من كاتبها وتعبر عنه ..
هناك كلمة كنا نتبادلها ولا نزال أنا وشتات وبقية العصابة وفي إجازتنا الماضية للسودان وجدنا صاحب حافلة كاتبها فمتنا من الضحك أنا وشتات والعبارة هي ..
( أها نفهم شنو ) ..
وهناك الكثير منها الذي يستهوينا ..

يا ريت لو تواصلي في الحكي ..
أنا لما جيت من الإجازة المغصة كتلتني وما قدرت أقول حاجة وما أظني أقدر أقول ..

تحياتي ..

بوستك لذيد وممتع

لاحظت في اجازتي الماضية انو معظم الحافلات في الخرطوم تبث اغاني خليجية او شامية

لما مشيت نيالا لقيت معظم الحافلات والركشات بيركبوا اغاني حبشية وارتيرية ...


ممكن يجي يوم ما نلقى زول بيسمع في عربيتو اغنية سودانية !!!

طبعا كانت عاجبانب عبارة
( مذكرة الجيش)
كان كتبها واحد في حا فلته ايام الديمقراطية

اما اروعها

كتبها سايق قتدراني في الترلة

( بس تشيل فوقي وتودي)
مودتي

د/ محمد حسن

مساءك سعيد وكل سنة وانت بألف خير

وعيدكم مبارك

فعلا عبارات ذات مدلول وفي نفس الوقت تخلي

الواحد يسرح كدة إلى دني الجمال أو الى

دنيا الاحلام ،

اسعدني مرورك الجميل

دمت ،،،