عـودة ودقـاسـم لأرض الوطن ..عند قوم فـائـدة

عـودة ود قاسم إلى أرض الوطن ليست مصيبة عليهم بقدر
ماهي مصيبة علينا نحن بالمهجر كما أن عودة شخص
بقامة ودقاسم كسب حقيقي للوطن .
الاحلام العريضة والاماني للعودة لأرض الوطن الحبيب
بقدر الاشواق الكثيرة والمحبة الفائقة والمشاعر
الدافقة للوطن ، التعطش لحضنه الدافي والظمأ
لهوائية واحتوائية بعد سنين الغربة الطويلة
جعلت مشاعرنا تحتضر ألماً وتعتصر معاناةً
تجف وتتقـد بلهيب نفحات المآسي التي تجتاح
من حين إلى آخر حياتنا التي نحاول جاهدين
أن تكون متعادلة نوعاً ما لأنها بأي
حال من الأحوال لن تكون في مستوى ما نرنو إليه
ونحن في شقف من اللوعة للوطن في دواخلنا
الكثير من الأماني العريضة وأولها العودة
تحقـقـت هذة الامنية لود قاسم تحققت الامنية
لعزيز لدينا كيف يكون شعورنا ونحن نتمنى
نفس الامنية مزيج من المشاعروالاحساس المختلط
ولكنة احساس جميل تحفة المودة الصادقة والتواصل
الممتد بإذن الله .
نتضرع بالدعاء أن تتحقق هذة الامنية للجميع

ولكن قبل ذلك نتضرع بالدعاء بأن ينتشل وطننا
من براثن الظلم والطغيان ويعم الخير به لا نطمع
في الكثير يكفينا ردم البرك والمستنقعات وتصحيح
البيئة حتى يسلم الجميع من الأمراض الفتاكة والتي
تنسب للدول المتخلفة من ملاريا وتايفويد وكوليرا
وسل وايدز ..الخ ونرضى بالأمراض الحضارية والتي تزيد
المناعة .
الشيء الثاني تخصيص ميزانية محترمة ولو أخذت من
الجوانب الكمالية الاخرى لتوفير التعليم المجاني
لأطفالنا و لأجيالنا ليعم العلم كل شبر من بقاع
الوطن ونكون بطريقة مباشرة وغير مباشرة
قضينا على سلبيات جوانب اخرى بالتعلم والمعرفة
نقضي على الكثير من المقاومات الطاردة .

بالطمانئنة نكسب الرضاء
( يا ايتها النفس المطمئنة ارجعي إلى ربك
راضية مرضية ) وتأتي الطمانئنة عند الاحساس
بالامان الامان في كل شيء في المال والعرض والروح ..الخ .
أصعب شيء عندما يكون المرء فاقد كل هذة الاشياء
وفي شوق ولهفة وحنان لصدر يحتضنة ويركض بكل ما
اوتي من قوة ليرتمي في حضنه لكن يقابل بالصد
والجفا وغضب الجبين يا لمرارة الموقف .
نحن كغيرنا نود العودة ولكن الخوف كل الخوف
من الصدود ويكون الصد بهذة الاشياء السابقة
الذكر طبعاً هذا غير تلك الاشياء التي لا نحسبها
ونعتبرها من صغائر الامور وهوالتعامل الراقي
ودوره الكبير في خلق الحب والالفة ، كذلك
المناظر الجميلة والتي نراها عند غيرنا
ونتمناها عندنا .
صدمت في العديد من الزيارات للسودان
وآخر صدمة جعلتني ارجع واكمل خمسة سنوات متتالية
والله أعلم هذة المرة ماذا يكون بعد معرفة أخبار
من يعزون علينا وخاصة أن الغربة سوف تتضاعـف
وودقاسم واسرته بعيدين .
نتمنى أن يحتضن السودان الوطن الواحد هـذة الاسرة
الكريمة وان يستقبلها بزراعين ودودتين
تزيح كل اسباب الصدود التي منعتني وغيري من
تحقيق هذه الامنية وبقـدر ما عانت هذة الاسرة في هـذة
الغربة الاليمة وبقدر ما قدمت من جهد من
النفس والنفـيس في التخفيف علينا وعلى غيرنا
من معاناة من خلال قنوات كثيرة منها العمل العام
عبر منظمات المجتمع المدني و الصحبة في كل
المعاملات والجيرة في السكن والرابط القـوي
بين اولادنا ، الامنيات الصادقة بأن يستقبل
السودان ودقاسم واسرته بالتعامل الذي يستحقونه ،
وحتى يكون تشجيعاً لنا ولغيرنا بالاقدام على هذة الخطوة
اقلها وابسطها أن نطبق الدين المعاملة....
وبالمعاملة الطيبة نستطيع تحقيق كل ما نريد نكسب
الود عـلى الاقل من وطننا الحبيب ،
بقـدر فـرحتنا وسعادتنا ..
بأن تحقـقـت أغـلى أمنية لأحبابنا كأنها تحققت لنا
بقدر ما شالت هم فـرقتهم قـلوبنا . على الحب
اجتمعنا وعلى الحب نلتقي ،،

قرار شجاع بكل المقاييس
ونتمنى العودة الطوعية لكل المهاجرين السودانيين
كل شعوب العالم تغترب وترجع 0000 اما الشعب السوداني
فيهاجر بلا عودة0000000

ودقاسم واسرته الكريمه فقد كبير لمجتمع الرياض00 ولنا بصورةخاصة
فهو نعم الاخ والصديق والخال000
ونتمنى ان نلتقي في ارض الوطن00

ومقومات العودة للوطن بيت ملك وسيارة 00
والباقي علي الله

فهنئا للوطن بأبنه المقدام الخال العزيز ود قاسم
وتسلمي يا خالدة

Quote: فهنئا للوطن بأبنه المقدام الخال العزيز ود قاسم

اخوي طارق مصائب قوم عند قوم فوائد

إني اعتصر ألما على فراق صديقنا ودقاسم واسرته

ولكني سعيدة بهم وبقرارهم الشجاع ..

ربي أعناعلى فراقهم ..

أمنياتي أن لا يخذلني السودان ويهم لاستقبالهم

بموانع الصدود يارب

شكرا طارق على مرورك ...

مودتي ،،،

الغالية خالدة

ودقاسم ذلك الانسان الفنان

بقدر ما أحزننا فراقة

ولكن سعدت حقا بعودته للوطن

الذي يحتاج لأمثال ودقاسم

والسؤال هنا ياأستاذة

متى نتخذ القرار الشجاع ونعود للوطن ؟

هذا هو السؤال الكبير ؟ ؟ ؟

مع مودتي ...

مرحب بيك يا ودقاسمفى السودان وفى انتظارك يا خال
بالله ورينا تفاصيل الرحلة عشان نقابلك فى المطار

العزيزة خالدة
والله كنا متحمسين للعودة الطوعية النهائية
لكن بعد قصيدة مصطفي عثمان امس في حفل الملتقي
وتقرير عبد القادر علي عبد الرحيم
اصبحنا نشفق عليهم وغيرنا راينا
وربنا يوفق الجميع

Quote: والله كنا متحمسين للعودة الطوعية النهائية لكن بعد قصيدة مصطفي عثمان امس في حفل الملتقي وتقرير عبد القادر علي عبد الرحيم اصبحنا نشفق عليهم وغيرنا راينا

اخوي طارق

نحن ده ما عارفنه من زمان لكن قنا يمكن الحال

اصلح خاصة ونحن لينا خمسة سنوات من السودان لكن

معك حق كمان قصيده جايه كلماتها من مصطفى عثمان

الكل يومين في السودان دي معناها حقيقة لا محالة

لكن اقول ليك شيء نحن عودة ود قاسم هي الشعرة التي

قصمت ظهر البعير يا مشينه وما جينا يا جينا وما رجعنا

سررت بمرورك ،،،

دمت ،،،

الأخت خالدة ،

تحياتي ، يعطيك العافية ، كلامك في محلو .. وبعدين قرار عودة ود قاسم للسودان ، كما قال قرار أنفق فيه من الوقت قرابة السنتين ، يعني ما قرار مرتجل .. نسأل الله أن يعدل خطوتو بين أهله وأحبابه ، وأن يوفقه ويسدد خطاه :
(والغريب عن بلدو مهما طال غيابو ..
مصيرو يرجع تاني لأهلو وصحابو .. ) .

تخريمة :بعد إذن الأخت خالدة

الأخ طارق ، لك مودتي :

Quote: العزيزة خالدة والله كنا متحمسين للعودة الطوعية النهائية لكن بعد قصيدة مصطفي عثمان امس في حفل الملتقي وتقرير عبد القادر علي عبد الرحيم اصبحنا نشفق عليهم وغيرنا راينا وربنا يوفق الجميع

عاد لمتين بس ؟ طالما إنو ود قاسم أخذ ذلك القرار الشجاع بكل المقاييس ، نتمنى نحن برضو نبقى زيو ونسير في خطاه ، وبلاش نتردد عشان قطع الكهرباء واللا الموية ( الكلام ده ليك ولي ولينا كلنا) حا نفضل لمتين قاعدين هنا ؟ خلينا نتخذ القرار ونقول : (ياني يا نيل ليك راجع ) .

لك وللأخت خالدة والأخ عثمان سيد أحمد كل التحايا ، وربنا يجمعناكلنا في السودان عما قريب مثلما جمعنا هنا في الرياض .

( ليمو )

Quote: عاد لمتين بس ؟ طالما إنو ود قاسم أخذ ذلك القرار الشجاع بكل المقاييس ، نتمنى نحن برضو نبقى زيو ونسير في خطاه

شكراً ود قاسم يا من جعلتنا نرى قرار العودة بعد طول الغياب واستمراء الغربة ممكنا .. ونسأل الله أن يلهمنا عاجلاً مثلك قرار العودة الحاسمة وحرق السفن والرهيفة التنقد.