Post: #1
Title: اللقـــــــــاء
Author: خالدة البدوي
Date: 09-28-2006, 01:50 PM
Parent: #0
تعطلت لغة الكلام
الفـرح الكبير ...
الشموع الموقـدة
ازدان المكان ..
كانت لحظات مدهشة ..
****
شوقي الكثير ..
رحـــل بعــيد ..
طاف الـبوادي ..
كل الاماكن عــدده ..
****
ما اكتفى ..
ما ارتوى ..
من وطـني الحنون
الفي قلبي جوه ..
و شراييني والاورده
****
ريدتي ليك الكانت زمان
زمن الخريف ..
زمن الشتاء ..
فكرتها خلاص انتهت
بغربة سنين ..
ووجع الانيين ..
لقيته لسه باقية مؤكدة
****
تنبض بالحنان ..
واللوعة ..
واللهفة ..
والشوق لآخر مدى..
****
احسك تنادي ..
وأنا في صمتي ..
في دهشة ومستغربه ..
عم السكون ..
ذاد الشجون ..
اكتمل المهرجان ..
وأنا في حيرة !!!
ألبي الندأ ؟؟؟
اقول لبيك وطني
والله أرجع لغربتي اتوسدة ؟؟؟
****
مجبورة ارجع ..
عشان حبك يظل ..
ما ينتهي ..
ما يتكوي ..
في زحمة المفروض ..
والمرفوض ..
والمنتهي ..
وفي الليله أيوه وبكره لا ..
من غير خُـطى ..
من غير عـناية ممهـدة ..
****
تغيب شمس الظلام ..
ينبثق فجر الصباح ..
اللابد يكون ..
الساعة ديك ..
أفرح بيك أنا وكل النجوم ..
والطيور المهاجرة ..
والوكر الحزين ..
يفرش ورود ..
يطلق بخور ..
زقرودة اهلي الحنان ..
تدوي فوق ..
تسمِـع كل الملا ..
وبي فرح اهلي ..
اتجاوز أي حاجة واتحمله ..
****
|
Post: #2
Title: Re: اللقـــــــــاء
Author: Abulbasha
Date: 09-28-2006, 02:27 PM
Parent: #1
يا سيدتي وزميلتنا خالدة
سلام ورمضان كريم وتصوموا وتفطروا علي خير
كانت زيارتكم للوطن هي من أجمل قراراتكم ، حيث بان هذا الأمر من خلال مفرداتكم التي تعبر عن رحلة الوجع اللذيذ حال عودتكم إلي مهجركم القريب البعيد
ولقد سعدنا جدا لإطمئناكم علي دخول الدكتور لكلية الطب بالسودان ، بمثل سعادتنا بتشريفكم للبلد بعد غياب إمتد لخمس سنين
شكرا علي القصيدة التي تعبر عن مدي تراكم حبكم لهذا الوطن الجميل والذي نود الحفاظ عليه من كل مكروه حتي نهديه للأجيال القادمة.. وطن حدادي مدادي .. وطن خيـّر ديمقراطي ، بعد أن بدأ مسلسل جيلنا في محاولات الحفاظ عليه
تحياتي لكل الأصدقاء البورداب برياض الخير
وإلي اللقاء بالخرطوم مرة أخري مع جميع أهل بيتكم
صلاح الباشا / بحري
|
Post: #3
Title: Re: اللقـــــــــاء
Author: خالدة البدوي
Date: 09-28-2006, 04:20 PM
Parent: #2
استاذنا الرائع
كل سنة وانت طيب
رجعتني للذكريات الجميلة والايام الحلوة التي قضيناها
وياكم والسودان كان جميل بوجودكم فيه انت وود قاسم وعبدالقادر
الريس والفعاليات التي جمعتنا بكم كان لقؤنا بكم اجمل بكثير من
الفعاليات ..
لك الود والتحايا النواضر استاذنا الجليل تحياتي للجميع وكثيراً
للسودان ذاك الوطن الجميل والحبيب ..
دمت ،،،
|
Post: #4
Title: Re: اللقـــــــــاء
Author: نجود حسن عبد الرحمن
Date: 09-28-2006, 04:51 PM
Parent: #1
عند اللقـــــــاء
وصــــار
خالص مودتى اختى خالده
|
Post: #5
Title: Re: اللقـــــــــاء
Author: خالدة البدوي
Date: 09-30-2006, 06:52 AM
Parent: #4
نجود كل سنة وانت طيبة
رمضان كريم
لقيت الوطن الحبيب بعد غربة خمسة سنوات عجاف
بشوق لا يوصف وقابلني بالمثل خاصة نيلة فارداً زراعية
يكاد يغمر السودان كله بحضنة لكنة خاف عليه من أن يقصم
اضلعة كذلك استقبلني وطني الحبيب .. شفت شوقة في نيلة الفايض
عجزت أن اعبر تعطلت لغتي ،، جبت الكثير من بقاعة عطبرة .. كوستي ,,
كنت سعيدة مستمتعة به كما هو يجود علي بالكثير من ابداعاته ,,
لك الود ,,
ومرورك الجميل ،،
|
Post: #6
Title: Re: اللقـــــــــاء
Author: خالدة البدوي
Date: 10-21-2006, 04:48 PM
لقاء السودان الجمليل ،،،
كل سنة والجميع بخير ،،،
عيد سعيد ،،
|
|