Post: #1
Title: فاوضـني بـلا زعــل !!!
Author: خالدة البدوي
Date: 05-31-2007, 01:15 PM
Parent: #0
الالفة بين الناس من أجمل الاشياء التي أودعها الله سبحانه
وتعالى في البشر ،، من السهل أن تنشأ الفة بين الناس
ولكن ...
من الصعب الحفاظ على هذه التألف ,,,
وكذلك من الصعب ايجاد الشخص المناسب للتألف معه ..
والانسان بطبيعته ميال لمِـا يناسب شخصيته وكينونيته ..
حتى تستمر الالفة والعلاقات الحميمة لان اختلاف الشخصيات
في كثير من الاحوال يكون سبب للخلافات المتكررة وبالتالي
ضعف الرابط ..
ومن الاسباب التي تؤدي لإستمرارية العلاقة بين الناس
هو كيفية إدارة الحوار في جميع الحالات سواء
مناقشة المواضيع أو مشاركة الافراح والاتراح أو الاعتذار
عند المواقف التي تحتاج لذلك ..
كيف تتم إدارة الحوار في مثل هذة المواقف يجب أن تكون
مبنية على اسس وقواعد سليمه لا تتسبب في جرح أو خدش العلاقة،،،
اتمنى مشاركتي هذا الموضوع المطروح لنتعلم من خلاله و
كيف نتعامل مع من تربطنا بهم علاقة أي كانت العلاقة ..
ابوه ، أمومه ، أخوه ، زواج ، صداقة ، حب ، زماله .... الخ
|
Post: #2
Title: Re: فاوضـني بـلا زعــل !!!
Author: صديق الموج
Date: 05-31-2007, 01:32 PM
Parent: #1
Quote: اتمنى مشاركتي هذا الموضوع المطروح لنتعلم من خلاله و
كيف نتعامل مع من تربطنا بهم علاقة أي كانت العلاقة ..
ابوه ، أمومه ، أخوه ، زواج ، صداقة ، حب ، زماله .... الخ |
خالده انا بوريك حكاية الزواج دى مافى حل غير الطلاق
اها قصرت معاك...الباقيات اسالى منهم غيرى،،،
احى منكن انت وانعام،،،،
|
Post: #3
Title: Re: فاوضـني بـلا زعــل !!!
Author: Tagelsir Elmelik
Date: 05-31-2007, 02:57 PM
Parent: #2
Ya Siddig
Jala Mubarak Galaik Ma Dait takhlli al7arakat di
galaik ..sadgta..altalg muhim.
|
Post: #8
Title: Re: فاوضـني بـلا زعــل !!!
Author: خالدة البدوي
Date: 06-02-2007, 07:51 AM
Parent: #3
اسعدني مرورك تاج السر الملك
أقول ليك صديق لو خله حركاتو ببقى ما صديق الموج
تعرف انه هو أي حااجة جميلة في زمنا ده ،،
|
Post: #7
Title: Re: فاوضـني بـلا زعــل !!!
Author: خالدة البدوي
Date: 06-02-2007, 07:48 AM
Parent: #2
Quote: مافى حل غير الطلاق اها قصرت معاك...
احى منكن انت وانعام،،،، |
آها .. سيك وعالقة فيك
ده الدايرنو شوفولكم طريقة تانية
ممممممممممممممممممافي 
|
Post: #4
Title: Re: فاوضـني بـلا زعــل !!!
Author: Dr. Faisal Mohamed
Date: 05-31-2007, 06:49 PM
Parent: #1
سلامات الأخت خالدة البدوي
Quote: علمينى الإحتمال
ونحن كيف نقدر نقاوم
فى بلد ملّ الحِوار
صرخة بتموت فى المزارع
وزيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّن ومضة الأمل
البيشرِق كل مرة
*الابيات للشاعر قاسم ابوزيد |
أغنية المرحوم النعام آدم "كلمني" .. أداء صلاح بن البادية اهداء للجميع من أجل سودان يسع الجميع.
فاوضني بلا زعل .... ياخي طمني انا عندي ظن
كنت نازل فوق البحر ..... في خيال محبوبي فكر
السنون دي بروق المطر .... العيون كشافات قطر
مع خالص ودي وتقديري ،،،
|
Post: #5
Title: Re: فاوضـني بـلا زعــل !!!
Author: هاشم أحمد خلف الله
Date: 05-31-2007, 07:53 PM
Parent: #4
الأستاذة خالدة البدوي والله مشتاقين كتير وما عندنا إي مانع نفاوضك بلا زعل بس إنتِ أظهري عشان نعرف
نتفاوض كويس !!
|
Post: #6
Title: Re: فاوضـني بـلا زعــل !!!
Author: عماد محمود علي
Date: 06-02-2007, 07:14 AM
Parent: #5
العزيزة الراقية خلود
صباحك جميل وسعيد ، ،،،
| Quote: مبنية على اسس وقواعد سليمه لا تتسبب في جرح أو خدش العلاقة،،، |
أولاً يجب احترام الشخص الذي تناقشه أياً كان ويجب أن تستمع لكلامه دون مقاطعة وأن لا تغضب لحديثه أياً كان فلو لا اخلاف الاراء لبارت النساء .. ويجب أن تحترم رأيه فختلاف الرأي لا يفسد للود قضية .. ويجب أن يكون الحديث هادئاً دون إنفعال يحكمه العقل دون التمسك والتعصب لرأيك وأن لا تتعالى على مفاهيم الغير ... ففوق كل ذي علمٍ عليم .. وعلينا أن لا نترك للغضب موضعا فلقد وصانا الحبيب عليه افضل الصلاة والسلام حينما سأله صاحبي الوصيه قائلاً : أوصني يا رسول الله : قال : لا تغضب .. لا تغضب .. لا تغضب .. فالغضب يعمي القلب والبصيرة في آنٍ واحد .
ويجب أن لا نتفوه بما لا نرضى أن نسمع فلا نخدش كرامة من نناقش أو نجرج أو أحاسيسه . فهو إنسان وأنت إنسان وكلنا أولاد تسعة ويجب أن نناقش في مواضيع هادفه ويجب أن يكون هنالك دلائل في حوارنا إن كان الحديث يدور في فلك المرجعية ويجب أن لا يكون الجدال بيزنطي ... لا ندري من المتكلم ومن السامع .... .
مـودتــي ســـيدتي .....
تخريمة :
هسه إنت كده قاعده وين علشان أجي أفاوضك ... هو إنت في واحد بيقدر يزعلك ...
|
Post: #11
Title: Re: فاوضـني بـلا زعــل !!!
Author: خالدة البدوي
Date: 06-02-2007, 09:44 AM
Parent: #6
العزيز أودي
لك كل التحايا الصباحية الندية
Quote: أولاً يجب احترام الشخص الذي تناقشه أياً كان ويجب أن تستمع لكلامه دون مقاطعة وأن لا تغضب لحديثه أياً كان فلو لا اخلاف الاراء لبارت النساء .. ويجب أن تحترم رأيه فختلاف الرأي لا يفسد للود قضية .. ويجب أن يكون الحديث هادئاً دون إنفعال يحكمه العقل دون التمسك والتعصب لرأيك وأن لا تتعالى على مفاهيم الغير ... ففوق كل ذي علمٍ عليم .. وعلينا أن لا نترك للغضب موضعا فلقد وصانا الحبيب عليه افضل الصلاة والسلام حينما سأله صاحبي الوصيه قائلاً : أوصني يا رسول الله : قال : لا تغضب .. لا تغضب .. لا تغضب .. فالغضب يعمي القلب والبصيرة في آنٍ واحد .
ويجب أن لا نتفوه بما لا نرضى أن نسمع فلا نخدش كرامة من نناقش أو نجرج أو أحاسيسه . فهو إنسان وأنت إنسان وكلنا أولاد تسعة |
كل القلتو ده عين العقل بس التحتها خط دي
رائك أنه النساء بختلفوا في طريقة تفاوضهن
عندما يكن زعلانات اوكي احترم وجهة نظرك بس ممكن
تقولي نماذج من الاختلاف إذا امكن ..
أو أنه بعضهن يلجأن للاعتذار بطريقة ما للتكفير
عما بدر اثناء الزعل وكيف تكون طريقة الاعتذار
من وجهة نظرك رائك يهمني بصراحة حسب كلامك السمح
الفوق دة ..
خليك قريب اودي وفي انتظارك ..
تخريمة :
هسه إنت كده قاعده وين علشان أجي أفاوضك ...
هو إنت في واحد بيقدر يزعلك ...
شفت !!!
|
Post: #10
Title: Re: فاوضـني بـلا زعــل !!!
Author: خالدة البدوي
Date: 06-02-2007, 09:19 AM
Parent: #5
الاخ هاشم
والله مشتاقين بالاكثتر
اها يادوب لميت فيك
في حاجة شاغلاني كثير ونفس اعرفها
كيف بتتفاوض مع هويدا لمن تزاعلوا
أوع تقولي ما بنزاعل 
| Quote: بس إنتِ أظهري عشان نعرف نتفاوض كويس !! |
أنا موجودة لكن الحياة دي حيرتني ذاته
وقالوا
سألوا واحد مسطول عن هموم الحياة قال هي ثلاثة هموم :
* هم يبكي
* وهم يضحك
* وهم بيرقر
رائك شنو ؟؟؟؟
|
Post: #9
Title: Re: فاوضـني بـلا زعــل !!!
Author: خالدة البدوي
Date: 06-02-2007, 09:04 AM
Parent: #4
د/ فيصل
شكراً على كل شيء
شكراً على الكلمات الرقيقة المعبرة للشاعر/
قاسم أوزيد التحايا الجميلة له ...
شكراً على الأغنية ..
شكراً على كل الجماليات التي زينت البوست
وأجملها مرورك الباهي ..
دواخلنا كطفل وليد ولد على الفطرة ،،
جوانحنا تفيض بدفق من الحب للوطن الواحد ..
حناينا تنبض بحنين دافيء لبعضنا ..
ريحة الطين والارض تجمعنا على امتداد النيل ..
كل هذا الجمال ونزعل من بعضنا ..
كل هذا الجمال ولا نتفاوض بلا زعل حتى وإن زعلنا ..
من أجل كل السودان فالنتفاوض بلا زعل ..
خليك قريب دكتور ..
عميق مودتي وتقديري ...
|
Post: #12
Title: Re: فاوضـني بـلا زعــل !!!
Author: حمزاوي
Date: 06-02-2007, 11:45 AM
Parent: #1
| Quote: احى منكن انت وانعام،،،، |
انعام دي تطلع مين
صديق الموج دا خلاص فوت
وعينو بقت زايغة
|
Post: #13
Title: Re: فاوضـني بـلا زعــل !!!
Author: عماد محمود علي
Date: 06-02-2007, 05:34 PM
Parent: #12
| Quote: خليك قريب اودي وفي انتظارك .. |
قريب جداً يا جميل وراجع ليك إن شاء الله .
تخريمة :
جودي وينك يا عسل ،،،،، مشتاقييييييين .
مودتي لك ولها ....
|
Post: #14
Title: Re: فاوضـني بـلا زعــل !!!
Author: salma subhi
Date: 06-03-2007, 06:08 AM
Parent: #13
خالدة اذيك
بشكل عام سواء مع الوالدين أو الزوج أو حتى الأبناء...الاحترام ياخالدة مهم مهم جداً
الصراحة لان الكذب حبله قصير...والثقة والا تولد الشك...
الوالدين والأبناء نستطيع أن نعرف كيفية التعامل معهم بسهولة بحكم تواجدنا الدائم معهم، أما زملاء العمل فالتعامل بحسب معرفة طباع كل واحد منهم وهذا يتأتى بالعشرة وبالمواقف التي تتضح فيها شخصية الزملاء.
أما الزوج فهو عالم قائم بذاته ولا نستطيع أن نفهم دواخله الا بالعشرة فكل رجل يختلف عن الآخر في الطباع والشخصية والطموح فلا نجزم كيفية التعامل معه الا بسؤال المرأة التي عرفته عن قرب وأستشفت ما يغضبه وما يحبه وأولاً وأخيراً الاحترام وعدم رفع الصوت على الزوج مهما يكن لأن المرأة من صفاتها الأنثوية نعومة الصوت فكيف بامرأة تحيد عن تلك الصفة وتصيح بأعلى صوت تملكه فهذا لا يجوز مهما كان بل بالعكس قد تزيد عناد الزوج فينقلب الأمر الى أسوأ....
مودتي
|
Post: #15
Title: Re: فاوضـني بـلا زعــل !!!
Author: عماد محمود علي
Date: 06-04-2007, 08:25 AM
Parent: #14
خلودة
كيفنك ســيدتي ، ، ،
بعد إذنك ياملاك :
سلومة :
| Quote: الاحترام وعدم رفع الصوت على الزوج |
يا سلام عليك ياسلمى أصيلة يا بت شاعرنا حسن صبحي... ده الكلام ويا بخت زوجك بيك ... ده أمه داعياله ... أحترامي .
خلود :
| Quote: لو لا إختلاف الأراء لبارت النساء : |
المثل أساساً بقول ( لو لا أختلاف الأراء لبارت السلع ) بس المثل ده من عندي بتاع بورة النساء ده ، أنا قصدت هنا بان الاراء تختلف بين شخص وآخر ضارباً بذلك المرأة كمثال ، فالرجال يختلفون في ميولهم ومعرفتهم بجمالها ، فأنا أنظر لإمراة بأنها آية من الجمال ويراها غيري عادية جداً وآخر يراها قبيحة ورابع يراها دميمة . وأرى فتاة أنيقة وجذابة ويراها غيري بأنها أكثر من عادية وحتى لا تعرف تنسق الملابس وهكذا فلو لم يختلف الرجال في جمال النساء كن برن ( بقوا بايرات ) هسه الواحد بشوف ليهو واحدة شينة شناء متزوجة ليها راجل ذي الورد وتقول سبحان الله ده عرسها كيف وهو بشوفها ذي الليل أو قمراً منير وذي ما قال الفنان عبد العزيز المبارك وهو طبعاً زول وجيه ويقال زوجته شينه لما سألوه عن زوجته دي اتزوجتها كيف ، قال ليهم اديكم عيوني تشوفوها بيها . أها دي حكمة الله في خلقه الاختلاف في كل شيء لتصبح الحياة متوازنة .
بس بجيك من ناحية اختلاف النساء في الحوار :
يعني في واحدة بتكون فاهمة جداً ولما تجي تناقش زوجها مثلاً أولاً بتهيء ليهو الجو علشان ما يكون مشحون ، مثلاً تهظر معاه أو تجيب ليهو شاي مدنكل كده وتجي متطيبه ومتزينة , وتقعد مبتسمه وتقول ليهو أها يا حبيبي أنا عايزه أناقشك بس يا عمري من غير زعل , علشان عايزة أفهم . وفي واحدة تجيك داخله توووش بدون رتوش أو مقدمات تقول ليك إنت عامل عارف كل حاجة وعيييك تقوم الشكلة والربة ، وفي واحدة تجيب صارة وشها لما يقرب يقع منها وتقول ليك إنت هسه كلامك ده قايلو صاح .. إنت ... وإنت .... وماتديهو ليك مجال يقول بغم ( بغم دي ما بتاعتك يا وغد ) ، أها الكتاحة تقوم .. .
الحوار يحتاج أولاً أن يكون بهدوء متناهي وبصوت هادي جداً وكما قالت سلمى بعدم رفع المرأة بصوتها على الرجل وبعيد عن الانفعالات خاصة في مناقشة الامور الزوجية التي تحتاج لعقلية المرأة ووعيها ( وأحسبك كذلك ) وفهم الرجل وتداركه للوضع . ولطالما كانت هنالك مودة وإحترام فالجدل والنقاش بيقى تسلية وتدارك لشيء مفقود ليس إلا ....
أها بجيب صادي تاني .....
مــودتـــي يا نقيـــة ....
|
Post: #16
Title: Re: فاوضـني بـلا زعــل !!!
Author: وصال عالم
Date: 06-04-2007, 09:12 AM
Parent: #15
بسم الله الرحمن الرحيم
خالدة البدوي
يارائعة سلام ،،،
هناك أدب الإختلاف ... والإختلاف لايفسد للود قضية .. ولا يُسقط الإحترام بل يُعمق الأدب ... ويطور لغة الحوار ...
دائماَ نتذكر الأركان الدافئة والتي نلجأ إليها بصدق .. إن كان أخ صديق أو زوج أو حتى زميل ... وهنا تجئ اللحظات والتي نحتاج فيها إلى الأركان الدافئة من المسميات أعلاه أيا كان نوع الصلة والعلاقة والقرابة ... في تلك اللحظات لا تملكين عزيزتي إلا الركون لذلك الركن الذي يرسم الفرح في حنايا الحزن النبيل بكلمات أعمق من الحروف .. وأعذب من الماء الشفيف .. فلنا كل العتبى إن لم نفهم مابين السطور ومارسنا الغباء الفطري في سطحية المضمون وألق القشور الزائفة في سحر الأقنعة ...
تحيتي واحترامي
وصال عالم
|
Post: #24
Title: Re: فاوضـني بـلا زعــل !!!
Author: خالدة البدوي
Date: 06-05-2007, 02:07 PM
Parent: #14
| Quote: الاحترام .. الصراحة .. الثقة .. |
ما أجمل واسمى هذة الصفات سلومي
الحبيبة إذا توفرت هذة الصفات اكيد
ما حايكون في زعل وإذا كان وفي اكيد
بكون تفاوض جميل ويذيد من الرابط أكثر
وأكثر كلك جمال سلمى الله يكملك بعقلك
ويجمل حياتك ..
ودي بعمق ،،
|
Post: #22
Title: Re: فاوضـني بـلا زعــل !!!
Author: خالدة البدوي
Date: 06-05-2007, 01:23 PM
Parent: #13
اودي العزيز
قربك جاب لينا كل العبر والكلام السمح ده
ياريت لو كل الناس متلك يفاوضوا بالطريقة دي
وفعلا الرجل يود الحوار الهادي البسيط من غير
تزمر ورفع صوت لانه الفيه كافيه من المسؤليات
وغيرها ويحتاج للزوجة دوحة يرتاح عندها من
وهج الحياة ..
والمرأة مخلوق خلقه الله سبحتنه وتعالى يجمع
كل الجمال ومن أجمالها انها مخلوق لطيف
وحنين وتحمل في دواخلها عاطفة كبيرة فلا بد
أن يكون دورها كبير في بسط الاريحية لمناقشة
الامور مع الزوج ..
شكراً اودي وافكارك النيرة
تسلم يازوق ..
Quote: تخريمة :
جودي وينك يا عسل ،،،،، مشتاقييييييين .
مودتي لك ولها .... |
جودي مشتاقة بالاكثر وهي لا تفاوض اي
خلاف بيني وبينها تقول لي ما صاحبتك
وأول ما اطرم لها كدة وأعمل زعلانه
تحيط عنقي بزراعيها وتقول لي أنا
أحبك قدر العالم كله ..
ودنا الكبير لك ...
|
Post: #21
Title: Re: فاوضـني بـلا زعــل !!!
Author: خالدة البدوي
Date: 06-05-2007, 01:15 PM
Parent: #12
الخال العزيز حمزاوي
مسكاقمي
وينك يا جميل نحتاجك دائماً لتشاركنا
اقولك دي زوله كدة تختها على الجرح يبره
وهو ميت فيها موت بس عامل فيها ...
دي ام حيدر المرأة الجميلة بكل المقاييس ..
دمت يازول يا جميل
|
Post: #17
Title: Re: فاوضـني بـلا زعــل !!!
Author: DKEEN
Date: 06-04-2007, 09:40 AM
Parent: #1
العزيزة خالدة البدوي
سلام وتحيات طيبات..
الحوار في التعاملات المختلفة مسالة نسبية لايمكن ان تخضع لتقييم استنادر..
مثلا
مااراه انا وزوجتي حوار محترم قد تراه مجموعات اخرى على نحو غير ذلك..
وما اراه حوار يزيد من موالفتي لاصحابي قد يراه الاديب بشرى الفاضل مسالة لايمكن السكوت عليها..
ماتراه صديقتي شذى حوار (effective) قد تراه سلمى صبحي مثلا مجموعة عبارات غير مجدية وغير محترمة..
اعتقد انو الحوارات التي تخلق الإلفة والمودة بين الناس مسالة زي ود الموية مابتنقبض ..
|
Post: #18
Title: Re: فاوضـني بـلا زعــل !!!
Author: عادل جبارة
Date: 06-04-2007, 03:53 PM
Parent: #17
الأخت والصديقة العزيزة الدكتورة خالدة البدوي
ثقافة الأعتزار هي ما يجب أن نتعلمه .. كيف نمتلك شجاعة أن نقول كلمة ( آسف ) حتى ولو كنا على يقين بأن موقفنا هو الصواب فهذه الكلمة تعدل الموازين وتعيد الصواب .. ستجد من تعتزر إليه قد انتقل إلى موقف لا يحسد عليه بل ربما يباشر في التخفيف عنك ومحاولة إلقاء اللوم على نفسه ومن ثم يبادرك هو ويطلب منك السماح !!!
مسامحك ياحبيبي
مهما قسيت عليا
قلبك عارفو أبيض
أبيض عارفو قلبك وكلك حُسن نيه
*******
ماخطرت لى قلبي سلوى تحيدو عنك
وماممكن أعاتبك و اخد خاطرى منك
انا عارف خصامك
وغضبك فى كلامك
ما من جوه قلبك
كلو على لسانك
*******
ظلموني القالوا عني غيرني البعاد
وحياة نور جمالك.. زاد البيا ...زاد
اصبح شوقي أكتر...
حبك عندي أكتر
وأملي فى إخضرارك نامي ولسة أنضر
*******
اسأل عنى طيفك وذكراكم شهود
ياما أشتقت ليك ورجيتك لو تعود
وحشتنى الإبتسامة...عيونك بكلامها
تداري فى إشتياقك...وتفضح لى غرامها
******
سيان عندي عدلك او جورك عليا
تكابر او تداري حبك باقي ليا
بترجع ليا تانى وتسأل عن مكاني
تجدني زي ماكنت وزايد فى حناني
مســــامحك ياحبيبي
مهما قسيت عليا
قلبك عارفو أبيض
أبيض عارفو قلبك وكلك حُسن نيه
|
Post: #27
Title: Re: فاوضـني بـلا زعــل !!!
Author: خالدة البدوي
Date: 06-10-2007, 12:14 PM
Parent: #18
Quote: مسامحك ياحبيبي
مهما قسيت عليا
قلبك عارفو أبيض
أبيض عارفو قلبك وكلك حُسن نيه
*******
ماخطرت لى قلبي سلوى تحيدو عنك
وماممكن أعاتبك و اخد خاطرى منك
انا عارف خصامك
وغضبك فى كلامك
ما من جوه قلبك
كلو على لسانك
*******
ظلموني القالوا عني غيرني البعاد
وحياة نور جمالك.. زاد البيا ...زاد
اصبح شوقي أكتر...
حبك عندي أكتر
وأملي فى إخضرارك نامي ولسة أنضر
*******
اسأل عنى طيفك وذكراكم شهود
ياما أشتقت ليك ورجيتك لو تعود
وحشتنى الإبتسامة...عيونك بكلامها
تداري فى إشتياقك...وتفضح لى غرامها
******
سيان عندي عدلك او جورك عليا
تكابر او تداري حبك باقي ليا
بترجع ليا تانى وتسأل عن مكاني
تجدني زي ماكنت وزايد فى حناني
مســــامحك ياحبيبي
مهما قسيت عليا
قلبك عارفو أبيض
أبيض عارفو قلبك وكلك حُسن نيه |
الصديق الودود
عادل جبارة
اولاً اشكرك كتير على الاغنية الجميلة دي وكم احبها
خاصة عند سماعي لها للفنان معتذ صباحي ..
كانت أبلغ تعبير عن اناقتك في إدارة الحوار
وما شاء الله .. ما شاء الله عليك ..
زعلك شكله غير .. يا بختك حنان ..
برضو في انتظارك للمذيد من اساليب الحوار
وثقافة الاعتذار ...
|
Post: #26
Title: Re: فاوضـني بـلا زعــل !!!
Author: خالدة البدوي
Date: 06-10-2007, 12:09 PM
Parent: #17
Quote: | Quote: الحوار في التعاملات المختلفة مسالة نسبية لايمكن |
ان تخضع لتقييم استنادر.. |
Quote:
عشان كدة كان هذا البوست يا دكين ..
ونود الحوارات الهادفة التي تقودنا إلى
لم الشمل والمحبة والوئام لا إلى التفرقة
والبغضاء ..
وعماد قالينا لولا اختلاف النساء لبارت ...
كمان برضو لولا اختلاف الرجال لم تكن النساء
من اساسة ...
ولكن الا تتفق معي في أن هناك نمط معين يجب
اتباعة في ادبيات الحوار عامة والاعتذار
وما شابة يعني فاوضني بلا زعل دي
المانع شنو تكون استاندر ؟؟؟
|
Post: #19
Title: Re: فاوضـني بـلا زعــل !!!
Author: walid taha
Date: 06-04-2007, 05:42 PM
Parent: #1
أُستاذة خالدة إزيك
| Quote: وكذلك من الصعب ايجاد الشخص المناسب للتألف معه .. |
لدى تعليق بسيط على المقطع أعلاه
فى رأى ان الإلفة هو شعور يمكن ان يفرض نفسه وسط اى علاقة (خاصة الطويلة منها)- حتى لو كانت مع عدو- فهو احساس لا يستأذنك للدخول بل يناسب الى روحك دونما أسباب
وهنا لا يمكننا ان نحدد كيف نختار الشخص المناسب للتآلف معنا فليس هنالك اصلاً بوصلة او مؤشر يدلك الى هذا الشخص سوى العشرة والتى بالطبع تحكمها فترة زمنية تقصر او تطول
فأنت تربطنى بك علاقة طيبة إذن نعيش سوياًفأما ان أألفك او لا .
إذن العُشرة هى سيدة الموقف
ودى مفاوضة بلا زعل 
شكراً خالدة
|
Post: #20
Title: Re: فاوضـني بـلا زعــل !!!
Author: عماد محمود علي
Date: 06-05-2007, 10:55 AM
Parent: #19
فوووووق
حتى نجلس ونتفاوض بلا زعل ...
مـودتـــــي ، ، ، ،
|
Post: #28
Title: Re: فاوضـني بـلا زعــل !!!
Author: خالدة البدوي
Date: 06-10-2007, 12:21 PM
Parent: #19
Quote: فى رأى ان الإلفة هو شعور يمكن ان يفرض نفسه وسط اى علاقة (خاصة الطويلة منها)- حتى لو كانت مع عدو- فهو احساس لا يستأذنك للدخول بل يناسب الى روحك دونما أسباب
وهنا لا يمكننا ان نحدد كيف نختار الشخص المناسب للتآلف معنا فليس هنالك اصلاً بوصلة او مؤشر يدلك الى هذا الشخص سوى العشرة والتى بالطبع تحكمها فترة زمنية تقصر او تطول
فأنت تربطنى بك علاقة طيبة إذن نعيش سوياًفأما ان أألفك او لا .
إذن العُشرة هى سيدة الموقف |
ما أجمل مفاوضتك وليد
طبعاً بلا زعل وده دليل واضح على انك تتفاوض
بلا زعل بالعكس ده كلام جميل
واتفق معك في
| Quote: فهو احساس لا يستأذنك للدخول بل يناسب الى روحك دونما أسباب |
وما اقصده هو الاستلطاف أو الاعجاب بسبب جوهر أو فكر أو ......
ولكن الارتباط في العلاقة مهما تكون ليس للفرد يد فيه مثل ماذكرت
وجه نظر جميل وليد ولا تحرمنا من مثل هذة اللفتات الجميلة
كمان ما بنستغنى عن روياك للحوار والاعتذار وما يدور في هذا الصدد ..
تقديري ،،،
|
Post: #23
Title: Re: فاوضـني بـلا زعــل !!!
Author: د.محمد حسن
Date: 06-05-2007, 01:23 PM
Parent: #1
خالدة
الانيقة الشعور
فاوضني بلا زعل
|
Post: #25
Title: Re: فاوضـني بـلا زعــل !!!
Author: عماد محمود علي
Date: 06-06-2007, 07:11 AM
Parent: #23
Quote: وأول ما اطرم لها كدة وأعمل زعلانه
تحيط عنقي بزراعيها وتقول لي أنا
أحبك قدر العالم كله .. |
وهي العالم كله ....
مـودتـــي ، ، ،
|
Post: #30
Title: Re: فاوضـني بـلا زعــل !!!
Author: خالدة البدوي
Date: 06-10-2007, 12:30 PM
Parent: #25
أودي العزيز
يختلف الزعل مثل ما يختلف اسلوب الاعتذار
احياناً الواحد منا يذيد الطين بله بكلام
في لحظة زعل .. عشان كدة بنقول في حالة
الزعل يفضل الخروج من المكان والابتعاد
عن الطرف الاخر مهما كان أب .. أم .. اخ
زوج .. أبن .. صديق .. زميل ..
حتى لا تخدش أي كلمة في لحظة زعل احساس
الطرف الثاني مما يتطلب اعتذارات متبادلة
والمسألة تجر ..
وممكن ما يزول الخلاف بشكل نهائي بسبب الكلام
الجارح .. وقد تزول المشكلة الاساسي التي تسببت في الزعل
ويبقى التفاوض الكان في ظل الزعل ..
نود المذيد من الحوار حول فاوضني بلا زعل ..
|
Post: #29
Title: Re: فاوضـني بـلا زعــل !!!
Author: خالدة البدوي
Date: 06-10-2007, 12:24 PM
Parent: #23
د/ محمد
مشتاقين وكيف التوأم
عملتوا داك والله لسه
أنت ممن يتفاوضون بلا زعل
اتحداك غير كدة ،،،
مرورك اسعدني ،،
|
Post: #31
Title: Re: فاوضـني بـلا زعــل !!!
Author: إسحاق بله الأمين
Date: 06-10-2007, 02:36 PM
Parent: #29
الأستاذة خالدة
سلام
أعتقد لو أن أي إنسان فهم طبع أخيه وعامله بما يوافق طبعه سيكسبه وما أظن أبداً سيخسره.
|
Post: #32
Title: Re: فاوضـني بـلا زعــل !!!
Author: عماد محمود علي
Date: 06-10-2007, 03:39 PM
Parent: #31
| Quote: وأول ما اطرم لها كدة |
إذا كررتيها مابينا تفاوض لا بي زعل ولا من غير ، فمثلها يقال له :
تغلطوا إنتو يا أحباب ونجيكم نحن بالاعذار ....
ولها المودة والمحبة أينما حلت وكانت وبدون زعل .....
|
Post: #34
Title: Re: فاوضـني بـلا زعــل !!!
Author: خالدة البدوي
Date: 06-11-2007, 08:19 AM
Parent: #32
حاضر اودي
تغلطوا إنتو يا أحباب ونجيكم نحن بالاعذار ....
ولا يهمك يا سيدي ،،
كدة التفاوض والله بلاش ،،
شفت الرد جاء طوالي ( حاضر ) وبعدة الكلام السمح
ده المقتبس منك ،،
|
Post: #33
Title: Re: فاوضـني بـلا زعــل !!!
Author: خالدة البدوي
Date: 06-11-2007, 08:14 AM
Parent: #31
Quote: لو أن أي إنسان فهم طبع أخيه وعامله
بما يوافق طبعه سيكسبه وما أظن أبداً سيخسره |
.
كلام جميل اسحق
هو فعلاً إذا فهم كل طرف الاخر وتعامل بنفس الفهم
أيد ما حا يخسر ..
هنا مربط الفرس افهم الطرف الثاني وبعد داك كل شيء
بيتيسر ...
هو ده دي نقطة مهمه جداً خاصة في التعامل مع المرأة
هي كائن بسيط يمكن التعامل معه بابسط شيء فقط لمن يفهمه ..
لكن يا اسحق يا خوي الفهم قسم ..
|
Post: #35
Title: Re: فاوضـني بـلا زعــل !!!
Author: عماد محمود علي
Date: 06-11-2007, 08:25 AM
Parent: #33
| Quote: كدة التفاوض والله بلاش ،، |
جودي لا بفاوضوها ولا بتفاوضوا فيها .. هي تأمر وعليكم السمع والطاعة ...
وذنب الجميل مغفور ....
مـودتـــي وإحـترامــــي ، ، ،،
|
Post: #36
Title: Re: فاوضـني بـلا زعــل !!!
Author: انعام عبد الحفيظ
Date: 06-11-2007, 08:34 AM
Parent: #1
Quote: من السهل أن تنشأ الفة بين الناس
ولكن ...
من الصعب الحفاظ على هذه التألف ,,,
وكذلك من الصعب ايجاد الشخص المناسب للتألف معه ..
والانسان بطبيعته ميال لمِـا يناسب شخصيته وكينونيته ..
حتى تستمر الالفة والعلاقات الحميمة لان اختلاف الشخصيات
في كثير من الاحوال يكون سبب للخلافات المتكررة وبالتالي
ضعف الرابط ..
|
خالدة العزيزة
أتفق ما ما ذكرت أعلاه لكنه يجب ألا ننسى أنه
وتبقى المودة في التصافي وفي الزعل
|
Post: #37
Title: Re: فاوضـني بـلا زعــل !!!
Author: حليمة محمد عبد الرحمن
Date: 06-11-2007, 08:45 AM
Parent: #36
| Quote: فاوضـني بـلا زعــل !!! |
تعرفي يا خالدة العنوان المقتبس فوق دا
هو الجابني ليك.. بسرعة الهوا.. اصلو
الاغنية دي عزيزة على شديد وفيها معاني
كبيرة خلاص ولطيفة ومحببة الى النفس..
بجيك راجعة يا خالدة العزيزة مادام فيها
دعوة للتفاوض بلا زعل..
مودتي ياغالية..
حليمة
|
Post: #38
Title: Re: فاوضـني بـلا زعــل !!!
Author: خالدة البدوي
Date: 06-11-2007, 02:00 PM
Parent: #37
الحبيبة حليمة
مرورك له وقع خاص
وفي انتظار مكنونك الجميل
لتسرحي وتمرحي في هذة الاغنية
وكمان ما نعنية من طرح البوست
وهل نحن نجيد التعبير والتفاوض بلا زعل
كجنس نساء ..
وهل العلاقة ذات صلة بكيفية الحوار والتفاوض
في كثير من المواقف ؟؟
في انتظارك لتجودي علينا بالكثير ،،
مودتي ،،،
|
Post: #39
Title: Re: فاوضـني بـلا زعــل !!!
Author: خالدة البدوي
Date: 06-13-2007, 03:23 PM
Parent: #38
التفوض والحوار ودورة في تنمية العلاقات أو هدمها
|
Post: #40
Title: Re: فاوضـني بـلا زعــل !!!
Author: عماد محمود علي
Date: 06-14-2007, 08:13 AM
فووووق
|
Post: #41
Title: Re: فاوضـني بـلا زعــل !!!
Author: خالدة البدوي
Date: 06-20-2007, 01:45 PM
Parent: #40
يرفع مقدارك يا اوودي يا غالي
انت الناس دي خائفة من البوست ده ماله
حتى ولو لزوم الاوتوكيت عشان الناس تتعلم
اسلوب الاعتذار ..
ما اعدمك يا اوودي ،،،
بجيك نتحاور فيه أنا وأنت كان الناس دي تتعلم ..
مودتي ،،،
|
|
|