Post: #1
Title: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 05:58 AM
حركة تحرير السودان ؟؟
جميع أو قل معظم قادتهاو أجهزتها و كوادرها و وقود حربهامن قبيلة واحدة و حلة واحدة .. قول قبيلتين تلانة .. حلتين .. خمسة ..
يعني بالميت كدا عايزة تحرر السودان دا من منو و كيف ؟؟
و بعدين ..
حركة العدل و المساواة ..
ديل لما أتقسم المؤتمر .. مؤتمرين
بقى في مؤتمر كبير ..
و مؤتمر صغير ..
و عشان الصغير يبقى زي الكبير .. لا زم يكون في عدل و لازم تكون في مساواة .. صاح ..
دي القصة و لسة ..
أسألوا د. خليل ..
و أسالوا شيخ حسن ذاتو ..
يعني ما العدل و المساواة الجد جد ديلك ..
كل ما في الأمر ..
أنا الشباب ديل ما مقتنع بأطروحاتهم الجهوية القبلية العنصرية دي ..
و دا رأيي ..
و بس ..
|
Post: #2
Title: Re: تحرير منو؟ و عدل إيه ؟ و مساواة شنو ؟؟
Author: طارق جبريل
Date: 01-24-2006, 06:03 AM
Parent: #1
عصام كيفنك انت خليت عبري مشيت لي الجنينة
|
Post: #3
Title: Re: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 06:08 AM
Parent: #2
طارق جبريل.. كيف أحوالك .. إزيك ..
الجنينة دي أنا ذاتي خليتها ..
و لا قصدك الجنينة بلد أبو ؟؟
|
Post: #4
Title: Re: تحرير منو؟ و عدل إيه ؟ و مساواة شنو ؟؟
Author: طارق جبريل
Date: 01-24-2006, 06:12 AM
Parent: #3
انا خايف ادريس ديبي يجيك ناطي هنا
|
Post: #5
Title: Re: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 07:27 AM
Parent: #4
| Quote: انا خايف ادريس ديبي يجيك ناطي هنا |
لو بقت على إدريس ديبي هينة ..
المشكلة يجي أخوناسيد النضال ـ على وزن سيد اللبن ـ البيجي ناطي في أي بوست عشان يقول ليك
جلابة و عنصريين و فنيلتك و مش عارف أيه داك ..
يا طارق ..
أنا الناس ديل ما أقنعوني أنهم عايزين مصلحة البلد بدليل أنهم بتكلموا عن مشاكلهم هم و بس .. و ما حصل يوم واحد أتكلموا عن مشكلة البلد بحالها ..
عشان كدا أنا مكجنهم عديل كدا ..
|
Post: #6
Title: Re: تحرير منو؟ و عدل إيه ؟ و مساواة شنو ؟؟
Author: القلب النابض
Date: 01-24-2006, 08:30 AM
Parent: #5
عصام دهب
الزول الصعب
أسأل سؤالك وما بتلقى إجابة لانهم زاتهم ما عندهم اجابة
تحرير شنو ولعب عيال
الله يجيب العواقب سليمة
ويحفظك يا ود دهب
|
Post: #8
Title: Re: تحرير منو؟ و عدل إيه ؟ و مساواة شنو ؟؟
Author: othman mohmmadien
Date: 01-24-2006, 09:56 AM
Parent: #6
أخي الفاضل الزميل عصام دهب
تحية من عند الله طيبة مباركة
قد أتفق معك في نقد كل من ينادي لحل قضاياه بصورة عنصرية ولكن قد لا أتفق معك في الأسلوب الذي تخاطب به هذه الفئات. حيث قد لا يكون مقنع من ناحية عملية ثم لم تقدم المبررات التي يمكن أن تصوغها لطرح رأيك بصورة تقنع الطرف الآخر وتكون جاذبة بالتالي نحن نستعمل نفس خطابهم الضعيف المنفر ومن ثم نخلق واقعاً تعنتياً لا يصب في مصلحة بلادي.
أعتقد أن ثمن الديمقراطية فادح وهي صعبة المنال وتحتاج من كل منا صبراً عظيما وتحمل أراء الغير ومقارعتها الحجة بالحجة حتى نصل لمفهوم واحد يحترم فيها صغيرنا كبيرنا ونقدر إختلافاتنا بصورة ودية سلمية وهذا يتأتى فقط لو نجحنا بإستمرار الديمقراطية فقط ، هل تذكر تلكم الأيام وندوات حزب الأمة وحزبكم الإتحادي بالأبيض كانت ودودة من كل النواحي وكانت ديمقراطية بكل حق وحقيقة لم يعكر صفوها إلا بني كوز الذين سعوا لإستلام السلطة وهم الفئة القليلة التي يمكن أن تناسبها أيضاً كلماتك التالية
تحرير منو؟ وعدل منو؟ ومساواة شنو؟
نظراً لخطابها الأحادي تجاه قطر كالسودان وبالتالي سقطت في منتصف الطريق عموما نحن في حوجة لطولة من البال وبعد للنظر وإستقطاب للآخر وتعديل أفكاره الهدامةوحمايةواقعناا لديمقراطي.
لكم منا كل تقدير وإحترام
عثمان
|
Post: #10
Title: Re: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 10:29 AM
Parent: #8
أخي الفاضل الزميل / عثمان حمدين ..
السلام عليكم و رحمة الله تعالى و بركاته ..
جميل جداً أن نتفق على إدانة عنصرية هذه الحركات التي ما رفعت السلاح إلا لتحقيق مصالحها الجهوية و القبلية الضيقة .. و سواء في الغرب أو في الشرق أو في الشمال أو الجنوب فإن أي تحرك يتأسس على مثل هذه المرتكزات النتنة يتعين التصدي له بغض النظر عن أسلوب التصدي الذي لا تتفق معي فيه ..
حينما تقوم هذه الحركات بترويع الآمنين و قتل الأبرياء و ممارسة التصفية العرقية و الدعوة بكل وقاحة لتدويل الخلاف بزعم محاربة الحكومة فإن الأمر حينها لا يمت للنضال بأي صلة و لا تستحق هذه المجاميع المنفلتة غير هكذا أسلوب ..
تقبل سلامي و عظيم إحترامي
عصام
|
Post: #9
Title: Re: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 10:01 AM
Parent: #6
يا قلب ..
| Quote: أسأل سؤالك وما بتلقى إجابة لانهم زاتهم ما عندهم اجابة |
أهة تاني :
جلابة شنو؟ و هامش إيه ؟ و ظلم منو ؟؟
| Quote: تحرير شنو ولعب عيال |
المحيرني ناس التحرير ديل شغلهم كله أنطونات و رتينزات
و برضو لعبهم ما أتصلح ..
هو التحرير ذاتو هسع درجة كم ؟؟
تحياتي يا قلب
|
Post: #7
Title: Re: تحرير منو؟ و عدل إيه ؟ و مساواة شنو ؟؟
Author: عمر الفاروق
Date: 01-24-2006, 09:44 AM
Parent: #1
تحرير رقبة ..
الإنت جاي تقول عليه ..
إنت عارف هو معنى العدل إيه ..
وإيييييييييييييييه !!!!!!!!!!
|
Post: #11
Title: Re: تحرير منو؟ و عدل إيه ؟ و مساواة شنو ؟؟
Author: عصام دهب
Date: 01-24-2006, 10:46 AM
Parent: #7
عمر الفاروق ..
عايز تجيب لينا الهوا مالك .. هسع يجوا ناس هناييين الإنسان ديلك يقول ليك إستبعاد و أستعباد .. و جلابة و جنجويد ..
| Quote: إنت عارف هو معنى العدل إيه |
آه .. عارف
|
Post: #12
Title: Re: تحرير منو؟ و عدل إيه ؟ و مساواة شنو ؟؟
Author: على احمد على
Date: 01-24-2006, 12:43 PM
Parent: #1
عشان كدا أنا مكجنهم عديل كدا
|
|