الود حريقة بتاع النضال ..

و حريقة حالف أن لا تنطفئ جذوة نضاله ..


حتى تحرق كل شيْ ..

وحتى يخرج من دياره إلى دار الحرب ..


حيث الراحات و الكي بوردات الما خمج ..


حريقة لا يهمه أن تحرق الأرض .. الزرع .. يجف الضرع ..


يموت الناس كل الناس ..


لكن فليبقى حريقة و يستمر النضال ..

حريقة يغضبه و يزعجه أن يتفق المتخاصمين ..

و يسره و يشرح قلبه أن تتسمم الأجواء ..

و تدوي المدافع و تتراقص الدوشكات ..

و يصرح حريقة ..

و يملأ الكون بيانات ..


فترقبوا حريقة ..


و تابعوا ..

حينما أشتد أوار القتال ..

و بانت في ساحة الوغي ..

معادن الرجال ..

كان حريقة يمارس نضاله ..

مقالاً تلو المقال ..

و حينما جنح العقلاء للسلم ..

حز كثيراً في نفس حريقة ..

أن تغيب فجـأة شموس نضاله ..

و ينزوي في البعيد ..

فأعلن بنفسه ..

الحرب ..

وللود حريقة بتاع النضال
العايز الدم يسيل يملآ
الوديان والخيران
والنساء والولدان والشيوخ
يفزو يملوا البلدان
دا كلو
ما عنده مانع
مادام الدم ما دمه
وما دام الام ما امه
والولد ما ولدو
حالهم المبشتن
بيديه
فرصة يريح ضميرو
بأنه بيناضل
ولانه حيكون عاطل حقيقي
بعد يحل السلام
بنقوليه مع صلاح احمد أبراهيم:-
قلبي مع الشهيد تحت التراب دافنونو
وقلبي مع السجين بين الجدر حابسنو
وقلبي مع المواطن الحر أذى ملاحقنو
ديل سودانا والباقين يمين ما منو

البنت الحريقة

Quote: البنت الحريقة

دي حاجة تانية خالص ..


كانت واحدة وبس ..


دخلت زقاق النضال بالدس ..


بقت حجة ( ورناحة ) ..


كورك حمار الوادي في الساحة ..


و إعتلت عرش ..


النضال براحة ..

Quote: ما عنده مانع مادام الدم ما دمه وما دام الام ما امه والولد ما ولدو حالهم المبشتن بيديه فرصة يريح ضميرو بأنه بيناضل ولانه حيكون عاطل حقيقي بعد يحل السلام

الأخت الفاضلة د. بيان
الواد حريقة ..

فكر نفسو ..

شيخ طريقة ..

دخل في خلوة عميقة ..


قال بيتأمل ..

حقيقي ..


كان بيتـالم ..

عشان درب البلد ..

الماشي في تالا السلام ..

ماحيودي حريقة لي قدام ..

حريقة بطنو غريقة ..