وهمة .. في شكل .. مهدي منتظر !!

Quote: رسالـة إلى كافـة المسلميـن من الإمـام المهـدي المنتظـر بالسـودان بسم الله الرحمن الرحيم والصلاة والسلام على سيّدنا محمد وعلى آله وصحبه وسلّم .. الحمد لله الملك القوي القادر ذو القوة المتين الجبّار القهّار والصلاة والسلام على سيّدنا محمد خاتم الأنبياء والمرسلين وصاحب اللب السليم الذي قال له ربه : ( أذن للذين يقاتلون بأنهم ظُلموا وأن الله على نصرهم لقدير ) . صدق الله العظيم . الحمد لله الذي فطر السماوات والأرضين ودبّر أمور الدنيا بحكمته وما خلق الجن والإنس إلاّ لعبادته فطريق الله واضح لكل من أراد أن يعيش في هذه الأرض ويعمّرها .. فأما بعد: من الإمام المهدي المنتظر الخير زكريا حسين عبد الله تلميذاً العارف بالله الشيخ عبد الرحيم البرعي ابن الشيخ محمد وقيع الله إلى كافة مسلمي الأرض أدعوكم إلى الدفاع عن هذا الدين ومقدساته وإيقاف هذا الزحف الأمريكي الجائر الظالم الذي نسي أن الله هو المهيمن ذو القوة المتين وأدعوكم أيضاً أن تقفوا في وجه كل اليهود وأضغاث أحلامهم التي تسمي ما بين النيل والفرات من بعد ما ضرب الهوان قلوب سلاطين وحكام المسلمين وولّوا أمورهم لليهود والأمريكان ونسوا أن الله يخرج الذين آمنوا من الظلمات إلى النور من بعد ما ظهر الفساد في البر والبحر وأخرجت الأرض أثقالها والآن أتى أمر الله لتنزل الملائكة بالروح على من أراد لهذا الدين أن ينتصر ويجب أن لا ننسى بدر وملائكتها وقال تعالى: ( وإذا قرأت القرآن جعلنا بينك وبين الذين لا يؤمنون بالآخرة حجاباً مستوراً )والآن أراضينا يكثر فيها السلاح والعتاد وعلينا أن نتسلح بالإيمان وقال تعالى: ( وما رميت إذ رميت ولكن الله رمى ) يجب أن لا تخافوا من كلمة دمار شامل لأن الأمريكان هم اليهود وأن الله تعالى لم يعد اليهود بالنصر بل حصرهم في علوهم ودخولهم المسجد ونحن نعدهم بالبأس الشديد والقتال حتى النصر . والصلاة والسلام على سيّدنا محمد ناصر الحق بالحق والهادي إلى الصِراط المستقيم . الإمـام المهـدي المنتظـر الخيـر زكريـا حسيـن عبد الله

لينا زمن نفتش ليك !!
جيت الليلة ..
كايسنا ؟؟

يظهر أنو الخير كتر من المحلبية ..

ألم يعلم هذا الرجل أن المهدي المنتظر يواطيء اسمه اسم النبي صلى الله عليه وسلم .. ((محمد بن عبدالله)) !!


دا مش تقل المحلبية يا أخ عصام .. دا تقل البقنية



كل عام وأنت بخير ..


جاد

الأخ / جاد
السلام عليكم و رحمة الله و بركاته
و كل عام و أنت بألف خير و صحة و عافية

Quote: دا تقل البقنية

تعرف يا جاد مرة قريت عن واحد متنبئ إسمو ( النبي شعيشع ) ..
لقيت الإسم ما خايل كلو .. كلو ..
يعني جاي مشعشع جاهز ..
أهو زي صاحبنا الخير المنتظر .. ..
هسع يقوم يسمع بكلامك دا ..

Quote: ألم يعلم هذا الرجل أن المهدي المنتظر يواطيء اسمه اسم النبي صلى الله عليه وسلم .. ((محمد بن عبدالله)) !!

يطلع بيان إستدراكي يقولو إنو هو أصلاً إسمو محمد ـ سلامة الإسم ـ لكن من كان حوار صغنتوتي كدا بدلعوه و بيقولو ليهو الخير ..
و المكنة تشيل في الوهم ..

شكرا جزيلاً .. يا humida

بس عندي سؤال لسيدنا المهدي المنتظر ..

ال CV دي عايز يقدم بيها وين ؟؟

بعدين الزول دا ذاتو إتخرج من الخلوة بعدنا بخرطمية سنة كدا ..

يعني أقدمية ساكت مفروض يعمل كماكنت و يحيى و يقيف إنتباه ..

أوعة يكون هو الزول الخاتي صورته جمب صورة الشيخ البرعي ـ عليه رحمة الله ـ و عايز يقشر بيها ..

الله يرحمك يا الشيخ البرعي و يوسدك الباردة ..
قال ترعرع قال ..

صراحة كدا الزول دا ..
شكلو ..

زي العامل O.K. كدا..

لأنو دا أصلو ما ممكن يكون في الإنتظار ..

شكراً تاني يا حميدة ..

والله دا موش كتر المحلبية مهدى الحكومة دا
دا كمان عمل ليهو حنة
ياخة دا ماعرف ايمثل الدور كويس
انا انصح صلاح قوش والجماعة المعاو انهم مفروض يجيبو زول عشان يتقن الدور
بس الزول دا الترابى مايشفو حيكون عندو معاو جلسة خاصة
ياعصام دهب
الزول دا قلت لى اسمو زكريا من جنوب دارفور
يعنى حينقذ الحكومة من الامريكان
ياخى خليهو يثبت ليهو يان برونك بس فى نيويورك
مارجع الخرطوم بعد كدا يفكر يبقى مهدى

الأخ/عصام .. كل عام وانت بخير
عزيزي عصام علم النفس الإجتماعي تحدث كثيراًعن سيكلوجية الإنسان المقهور ومن ضمنها انتظار الزعيم المنقذ والمخلص من الواقع الأليم الذي يعيشة ،وأظن هذا المهدي الدجال قرأ نفسية المجتمع السوداني وما يلاقيه من أهوال فاراد ان ينصب نفسه مهدياً،وانا حسب وجهة نظري امثال هولاء يشكلون خطراً على المجتمع وعلى المفاهيم الدينية القيمة وعليه يجب بترهم ومحاصرتهم حتى لا تتفشى افكار هولاء المغمورين في عقول البسطاء .

سلام يا ابو النسب و عيدكم مبارك

دا مهدي منتظر محظوظ خالص لانه جا بعد ثورة الاتصال
و اهو في ثواني بلغ رسالته لكل الكرة الارضية
ما زي داك الادعي النبوة في زمن احد خلفاء العباسيين
زول اول ما صرح بنبوته خمشوهوا العسس و طوالي علي
دار الخلافة
الخليفة سأله عن ادعاءه النبوة صاحبنا اكد انه نبي
مرسل.. الخليفة سأله لمن ارسلت.. قال ليهو هو انا
لقيت فرصه افهم حاجة، الرسالة جاتني من هنا و لقيت نفسي
بين ايدك من هنا.. فعرف خطل الرجل و اطلق صراحه.. الا أن
ما لم يلحظه ذلك الخليفة (بمزاجه كدا) أنه حال الامة هو الذي
اورد الناس هذه الموارد،، و ما اشبه اليوم بالامس،، ما سمعتوا
بالمرأة اليمنية الادعت النبوة قبل فترة كأول رسولة انثي؟