أنا بحب شروق.. وبكره عمر الفاروق..

شروق: أغنية عافية المطر في الخلفية

عمر الفاروق: ما في أي حاجة في الخلفية



واتفضل زورنا هنا يا عمر

وكمان زورنا هنا

بقلم: هيثم كابو (صحفي وكاتب وناقد فني معروف)

بروف معز عمر
الفاروق خلو
اقرع الواقفات
وتظل شروق ابو الناس اطلالة انيقة بعافية المطر ويظل عمر (الخازوق) قطره فى بحر شروق شروق فى فضاءات (العناء) السودانى
شكرا
بروف
و
الموصلى
و
آخرون
هم انتم
وشكرا انيقا
لشروق (صحة) وعافية المطر
عفيت
منك
بروف
معز

د.معاويه عمر

Quote: بروف معز عمر الفاروق خلو اقرع الواقفات وتظل شروق ابو الناس اطلالة انيقة بعافية المطر ويظل عمر (الخازوق) قطره فى بحر شروق شروق فى فضاءات (العناء) السودانى شكرا بروف و الموصلى و آخرون هم انتم وشكرا انيقا لشروق (صحة) وعافية المطر عفيت منك بروف معز

ماذا أقول سوى أحبك يا دكتور

الف مرات أحبك

والسنابل في جبيني لا تموت..

ونحو شروق اكثر بهاء

Quote: [ عمر نحترم رايك تماما لكن ندعوك للوسطيه ونحترم شجاعه البروف و الموصلي في الرد ">

على خلفيه قسوة عمر الفاروق في نقد شروق في بوسته الاخير وان كان نقد
لا يخلو من صواب في ضعف حفلها المقدم على النيل الازرق .

شهاب الجميل،

أتفق معك تماماً في اشكالية السهرة الأخيرة

لكن هذا لا يتيح هذه القسوة والحكم المطلق والتجريح من قبل بعض زوار ذلك المكان

ودافع عمر الفارق هو كسب رهان هو فيه الخصم والحكم وبحجة أنني قلت ما قلت فيها من مدح

(برضو شايفو قليل)



وقد كان من الممكن توجيه النقد بصورة خلاف هذا التشفي يدفع ويصحح الخطى


وانت العارف يا حبيب

دا شغل عجيب جداً يا بروف
فالتحية ليك و لعزيزنا الموصلي و لشروق.. و مزيداً من الاشراق

يا نصار يا حبيب

ده شغل اكتر من عجيب والله

تحياتي ومحبتي ليك يا جميل

Quote: أنا بحب شروق.. وبكره عمر الفاروق..

و انا بكـره اسرائيـل

الصحافة

يا زول يا رائع

أنا برضو زيك كده..

عافية المطر
كلمات: د. معز عمر بخيت
ألحان: يوسف الموصلي
غناء: شروق أبو الناس


لست أكتمك الخبر
هذى جذور البحر تعبرني إليك
و لا مفر
سقط المساء على دروب العشق
وانتصب القدر
و نظرت نحوك هائما
بالسحر فاحترق النظر
ظلّت غصون الشعر مسدلة عليك
وها أنا
في الجوف أحلم بالمطر
وأدور في فلك المنى
وحدى و انتظر السفر
***
يا شاديا ملك الزمان نضاره
ونما بقامته السنا
لو كنت أدرك أن لقياك العوالم
والحضارة
أن رؤياك الربيع
وأن منبتك التُّقى
لحجبت وجه النار عنك بأضلعي
وحملت عنك الوجد وعدا صادقا.

يسرني ان اراك ثانية خارج لباس الحزن الذي لبسه معك الجميع.... ايها الجميل




dr.hamid

الحبيب د. حامد،

تسلم يا راقي

وكم سعيد أنا بك ايها الجميل

والحمد لله من قبل ومن يعد

رائع يا بروف
وحمداً لله ان عدت إلينا خارج رداء الحزن كما قيل
لك الود
والحب
أمتعنا بفنك الراقي
أمتعك الله بالصحة والعافية
تقديري لك

الغالي مجاهد،
تحياتي ومحبتي لك يا رائع

نحمد الله كثيرا والحياة لا بد وأن تستمر

بحلوها ومرهاً

وانا زاتى يا دكتور زيك بكره الزول الكريه ده مرتين كمان

يا دكتور صباحات الله بي خيرن

بالنسبة للحلقة البتتكلموا عنها دي حضرتها امس من خلال البوست المنزله سمبتيكو في عكس الريح وسمعت الاغنية الاولي لزيدان ابراهيم
الحقيقة كنت قد قرأت قبل ان احضر بوست عمر الفاروق طبعا عمر الفاروق دا انا بثق فيهو وبعتقد انه اضانه نضيفة بس بعد حضرت جزء من
الحفل امس حقيقة الاخ عمر كان قاسي حد التشفي في حكمه علي شروق ..حقيقة لاحظت حاجة مهمة جدا كنت بفتقدها في مشاهداتي السابقة
لشروق وهي الحضور المسرحي امام الجمهور .. في الحلقة المعروضة سابقا في استديوهات النيل الازرق كان في شوية جمود في حركة شروق
الادائية لكن امس كان حضورها كويس جدا والاداء ما كان بدجة ممتاز لكن ما كان بالسؤ الاتكلم عنه عمر


انت يا بروف رسل لي سيدي عافية المطر و وتعال اسالني بعد كدا من عمر الفاروق وشوف اعمل ليك فيهو شنو واشغله في نفسه قدر كيف
واخليهو يترك المواهب والابداعات تنمو في هدؤ بدون مضايقاته

وبداية كدا دا عنوان البوست : عمر الفاروغ فارس يمتطي سخلة ويكتب بقلم كوبيا

دكتور معز سلام..

معاك ... عمر الفاروق كان قاسي إلى حد ما في نقده لأداء شروق..
وإن كان تقييمه للحفل موضوعي..

ولكن بنفس القدر.. الدعاية والإطراء عند ظهورها كانا مبالغ فيهم ..
وهذا -في تقديري- أضّر بشروق..
ووضع عليها ضغوط كثيرة .. للأداء على مستوى هي لم تبلغه بعد..
وجعل المستمع .. يضع توقّعات تتناسب مع حجم الدعاية..
دي وصفة قد تفشّل أي فنان ناشئ.. لانه لا مجال لفترة نمو ونضج مهني..

حماسك وكونك مؤمن بموهبتها ليس كاف لإقناع المستمع ناهيك عن الديك
فقط..العمل الجّيد بيثبت نفسه والعكس صحيح..

المهم..
شروق خامة صوتها جميلة.. لكن تحتاج .. (وبشّدة) .. لدروس صوت .. من مختص مؤهل..
ضمن أشياء أخرى تتعلق بالكاريزما والتفاعل مع الغنا..

وبالمناسبة.. المبالغة في المظهر الخارجي كانت بتعدّي
بسهولة أكثر إذا كان الآداء مقنع ومطرب.. يعني كسر دا في جبر دا..
بس يبدو أن ذلك لم يحدث..

العزيزة نجوان،

يا ريت لغة الحوار والنقد تكون بموضوعيتك

وحقيقي انا قريت مداخلتك كاملة

ومداخلات كثيرة لا استطيع تكملة قراءتها والله العظيم

لذلك تجديني لا أرد عليها

ولا أنشغل بها كثيراً



شكراً حميماً لك يا نجوان

اساسي

Quote: انت يا بروف رسل لي سيدي عافية المطر و وتعال اسالني بعد كدا من عمر الفاروق وشوف اعمل ليك فيهو شنو واشغله في نفسه قدر كيف واخليهو يترك المواهب والابداعات تنمو في هدؤ بدون مضايقاته وبداية كدا دا عنوان البوست : عمر الفاروغ فارس يمتطي سخلة ويكتب بقلم كوبيا

حبيبنا الأساسي أساسي،

حرّم تصلك السي دي فوراً

بس أجدعني بالعنوان

ويا ود الفاروغ جاك القدرك..

Quote: ويا ود الفاروغ جاك القدرك..

والله يا بروف ما اديتني حقي كويس عمر الفاروق منو كمان القدري؟؟

عمر دا انا مدربه هنا تقول ليهو قدرك

اساسي

Quote: والله يا بروف ما اديتني حقي كويس عمر الفاروق منو كمان القدري؟؟ عمر دا انا مدربه هنا تقول ليهو قدرك

والله قصرت معاك يا اساسي

لأنو عمر ده أنا بقدر عليهو خلي انت..

بس والله الحايشو مني ده بس :

صديق الموج

Quote: وانا زاتى يا دكتور زيك بكره الزول الكريه ده مرتين كمان

موجو العسل..

وهيييييييييييييييييييييييييييييييييييييييييييييييييييييييييييه ..

Quote: عافية المطر كلمات: د. معز عمر بخيت ألحان: يوسف الموصلي غناء: شروق أبو الناس

كدا انا ذاتى بكره عمر الفاروووووق

أنا والله ما بكره عمر الفاروق ، عشان سودانى

لكن والحق يقال ، بحب بروفيسير معز عمر بخيت (لله فى لله)

والبحبو معز نحنا بنحبو

Quote: وبكره عمر الفاروق..

وهل يستطيع الشاعر ان يكره يامعز؟

اعرف انك لن تستطيع الا محبة الناس بما فيهم عمر الفاروق، انا صاح؟


وسلامات

Ishraga Mustafa

القومة ليك

الحبيبة اشراقة مصطفى،

والله أنا سعيد بوجودك هنا

وان شاء الله اطمأنيتي على الوالدة الغالية

في السودان ولاّ النمسا حالياً.. ؟؟؟

مافي كره وحياتك

المسألة مداعبة للأخ العزيز عمر

واستعارة لأغنية شعبان عبد الرحيم

وعمر فاهم الموضوع ده

أنا متأكد..

تحياتي وعميق مودتي

الغالي هشام شيخ الدين،

طبعاً انت عارف وعمر عارف الموضوع ما فيهو كراهية

عمر أخ عزيز جداً والمحبة عامرة

وأهو بنشاغلو شوية


تحياتي الحارة ليك يا زول يا رائع

الغالي أبوقوتة،

تسلم في كل الأوقات يا رب

قبل الدوام وفي الدوام وبعد الدوام

عمر الفاروق

Quote: وهيييييييييييييييييييييييييييييييييييييييييييييييييييييييييييه ..

حبيبي

من يضحك أخيراً.. يضحك كثيراً

وتشوووووووووووووووووووف عينك (غمزة)..

أنا بحب عمر الفاروق .. وما بكره زول..

د.معز ،، يا شفيف الروح

عمر الفاروق انسان جميل وبحب اللون الابيض والازرق

بس لان الشروق فيه حبه لون أحمر شويه



د. معز ،،، هات أذنك شويه ،،،، انت نسيت الرئاسه ولا ايه !!!

تحية وسلام الى كل المتداخلين المحترمين

بعد القراءة هنا وهناك وفي كل البوستات المفتوحة بامر تسجيل الحفلة
وتقييم اداء الاخت الفنانة شروق الملاحظ ان كثير من المداخلات طبع عليها
طابع التبرير والتحيز والمداهنة والارضاء.

هل غلط عمر الفاروق في حق شروق؟

الاجابة لا

فهذا رأيه ورأي الكثيرين سواء قبل الحفل الاخير او بعده والى عمر
الحق طالما ان شروق ارتضت لنفسها ان تكون شخصية عامة
فالفنان شخص عام يحاسب بالرأي على ما يطرحة من عمل في المسرح
ففي كل ما جرى لم تبح شروق بكلمة وكل من حضر الحفل او سمع اتى ليبرر
ويفند سواء بعلم او من دون علم.

وهل رأي عمر الفاروق وغيره في صوت شروق يجعلنا نسيئ له؟!!!! واعني
بعض الاقلام التي اسات اساءة شخصية الى عمر الفاروق

الاجابة كذلك لا.

عمر طرح حقيقة وان اداء شروق كان غير موفق سواء رضينا ام ابينا
والاستديو او قاعة التسجيل فعلا فيها غلط ومشكلة الصوت واضحة
ولكن لماذا ننسى ان الاخ الفنان حمزة سليمان غنى في نفس الظروف
والفنان الشاب محمد عواض غنى في نفس الظرف ولم يلحظ المتلقي
ما لاحظة في الاستماع الى شروق؟!!!
ولدي الدليل بثلاثة تسجيلات من نفس القناة (حفل عكس الريح- حفل الخطوط الجوية- وحفل منتدى النافذة).

مصلحة شروق ان ترى اين القصور وتتداركة لا ان نطبل لها او نمدحها وفي دواخلنا
عكس ذلك. من مصلحتها ان تعي خطاها لتصل الى سلم المجد الغنائي المامول
فالاطراء والتبرير لا يصنع فنان والمجاملات تضر اكثر.

كل فرد له ان يطرح وجهة نظرة ولنا ان نقبلها وبصدر رحب من دون اساءة او فكر مسبق
فالفن رسالة لا تصنع بالاهواء او المجاملات.

ملاحظة اخرى

بث تلفذيون السودان قبل ايام حلقة الى الفنانة الصاعدة بقوة عافية حسن وقد وجدت
انتقاد الكثيرين لاحساسهم ان الصوت مرهق وغيرة من الاسباب الاخرى فكل ذلك او تلك اراء
يجب ان يستفيد منها الفنان لا ان تسبط عزيمته.

اتمنى التوفيق الى الاخت شروق في مشوارها الفني وعليها ان تعي ان الدرب شاق.

عبدالله وداعه الامين

Quote: ولكن لماذا ننسى ان الاخ الفنان حمزة سليمان غنى في نفس الظروف والفنان الشاب محمد عواض غنى في نفس الظرف ولم يلحظ المتلقي ما لاحظة في الاستماع الى شروق؟!!! والفنان الشاب محمد عواض غنى في نفس الظرف ولم يلحظ المتلقي ما لاحظة في الاستماع الى شروق؟!!! ولدي الدليل بثلاثة تسجيلات من نفس القناة (حفل عكس الريح- حفل الخطوط الجوية- وحفل منتدى النافذة).

حبيبنا الشاعر الجميل عبد الله،

ليست نفس الظروف

ولا نفس اليوم

ولا نفس الساوند

وشروق لم يكن لديها ذنب في القصور التقني على الإطلاق وهي لم تشاهد التسجيل أصلاً

كما تم سحب تسجيل حمزة في نفس الحفل لأن الصوت أصلاً لم يطلع لا كويس لا كعب

عشان كده في الحفلات الانت شفتها وعندك بالدليل كانت في وقت ومكان اخر واتلافو فيها الأخطاء

فما نظلم بت الناس ساكت بنوعية المداخلات الموجودة هناك

والتجريح والتشفي الما عندو لزوم وحياتك

أما عمر الفاروق فهو أخ عزيز قبل كل شيء

ولم أشهد اساءة له

ولكن اذا اصابه اي شيء في شخصه فهو أمر مرفوض تماماً

وأنا أعتذر له أمام الجميع ان حدث ذلك بعكس الريح..


تحياتي ومحبتي واحترامي لك

يا دكتور معز سلام

بالله معليش للهمسه البصوت عالي دي

شروق صوتها حلو ....لكن مكياجها فظيع

حقيقي مكياج بلدي جدا وازايائها ايضا

فهي عامله خليجيه اكثر من الخليجين انفسهم

يميل ذوقها للزركشه بشكل سوقي غير محبب اطلاقا.

هذا زمن السهل الممتنع المظهر البسيط

والمكياج المتقن يبين الانسانه وكأنها لا تضع مكياجا.

من حقها طبعا لبس ملابس سهرات...ومن حقها طبعا الكثير من الفخامه

لكن حقيقي قاعده تضبط الامور بشكل عجيب.

مثال:

لبستها الجاكت الاحمر وفستانها الاسود تحته!!

يعني يستحيل ان تجد شخصا يلبس بهذه الطريقه

فكونها لبست جاكت معنها تميل للرسميه,يبقى تحتها اللبس لازم يكون ساده بلا تطريز او زركشه.

لكن نجدها لابسه فستان اسود مطرز بسكسك اسود او ما يعرف عربيا بالخرز!!

بينما لو لبسته فستان اسود فقط وباكمام لو اصلها عايزه الاكمام ومطرز بخرزها

هذا الذي يبدو بانها تحبه وتحرص عليه.

او تلبس فستان احمر ومطرز برضوا...اما جاكت...وغناء...دي زاتها في عالم الغناء ما جايه.

ومعليش للنقد الذي قد يبدو حادا..لكن وضعناه في العام هنا حتى يستفيد من يشاء

فعموما نحن السودانين ابعد من نكون عن الاناقه(باستثناء ناس زي دكتور معز مثلا )

وارجع اقول لك هي انسانه جميله وصوتها وادائها (فقط ببعض اللمسات تصير نجمه بحق و حقيقه)

دعواتنا لها بالتوفيق.

سلام يا د. معــز،

شـروق لا ينقصهـا شئ..
الحس الفنى..
الذوق..
الموسيقى..
الصـوت..

كل شئ..

ولكن لى أمنيـة!

رجـاء



رجـاء



رجـاء









smile to the camera

رقمك يا دوك على الإيمل
[email protected] مع الشكـر

Quote: بالله معليش للهمسه البصوت عالي دي شروق صوتها حلو ....لكن مكياجها فظيع حقيقي مكياج بلدي جدا وازايائها ايضا فهي عامله خليجيه اكثر من الخليجين انفسهم يميل ذوقها للزركشه بشكل سوقي غير محبب اطلاقا. هذا زمن السهل الممتنع المظهر البسيط والمكياج المتقن يبين الانسانه وكأنها لا تضع مكياجا. من حقها طبعا لبس ملابس سهرات...ومن حقها طبعا الكثير من الفخامه لكن حقيقي قاعده تضبط الامور بشكل عجيب. مثال: لبستها الجاكت الاحمر وفستانها الاسود تحته!! يعني يستحيل ان تجد شخصا يلبس بهذه الطريقه فكونها لبست جاكت معنها تميل للرسميه,يبقى تحتها اللبس لازم يكون ساده بلا تطريز او زركشه. لكن نجدها لابسه فستان اسود مطرز بسكسك اسود او ما يعرف عربيا بالخرز!! بينما لو لبسته فستان اسود فقط وباكمام لو اصلها عايزه الاكمام ومطرز بخرزها هذا الذي يبدو بانها تحبه وتحرص عليه. او تلبس فستان احمر ومطرز برضوا...اما جاكت...وغناء...دي زاتها في عالم الغناء ما جايه.

بررررافو تراجي ..

أول مرة أتفق معاك تماماً ..
و مع إني ما بفهم أي حاجة في الأزياء و التجميل ..
لكن حاسس إنك بتتكلمي عن ثقة و كلام مقنع و مرتب ..
و أكيد دي أول مرة تكتبي و ما تلاقي زول يقول ليك لا يا تراجي ..
عشان كدا لو خليتي السياسة دي ممكن نكسب لينا خبيرة عالمية في مجال مهم ..
و جنا تعرفوا و لا جنا ما بتعرفوا ..

برررافو تاني تراجي ..

و قرضي على كدا ..

عشان كدا لو خليتي السياسة دي ممكن نكسب لينا خبيرة عالمية في مجال مهم ..
و جنا تعرفوا و لا جنا ما بتعرفوا ..

ان شاء الله تسمع كلامك وتخليها السياسة الماسكة فيها بلا وترة دي ....


ود الباوقة

الحبيب ود الباوقة،

معذرة ان فاتني شكرك على مرورك اكريم

صادق الود وعاطر التحايا

عصام دهب

Quote: برررافو تاني تراجي .. و قرضي على كدا ..

غايتو.....

حالة صعبة..

Abureesh

Quote: شـروق لا ينقصهـا شئ.. الحس الفنى.. الذوق.. الموسيقى.. الصـوت.. كل شئ..

مش كده بالله يا ابوحميد

عفارم عليك يا جميل

Quote: شروق صوتها حلو ....لكن مكياجها فظيع

تراجي العزيزة،

أقول ليك شنو عاد يا بتي..

أنا غايتو عاجباني كللللللللللها على بعضها كده.. (ابتسامة وغمزة

Quote: فعموما نحن السودانين ابعد من نكون عن الاناقه (باستثناء ناس زي دكتور معز مثلا )

كم وجه خجول كده لو ما ظهروا تحت..

حبيبنا كمال مبارك

سلامات يا زول يا جميل

Quote: عمر الفاروق انسان جميل وبحب اللون الابيض والازرق

صدقت يا حبيب

بس بحب الشياطين الحمر استثناءً

الرئاسة ما خليتها

في زول بخلي الرئاسة ياخ..

جاييكم في اللفة..

Moawia Mohammed

Quote: أنا بحب عمر الفاروق .. وما بكره زول..

وانا بحب عمرو موسى وعمر الفاروق كمان..

ما في زول يا معاوية يا حبيب بكره عمر الفاروق

نحن ضد الكراهية

وضد جرح مشاعر الناس كمان..

تحياتي ومودتي لك

اعلن بالفم المليان تضامني مع الدكتور معز ...
أنا بكره عمر الفاروق و بحب د.معز وشروق زيادة شويتين ...
تلانه ..
اربعه ..
تسلم يا بروف و تسلم روائعك ..
و عافية المطر ..
و شروق مطربة الزمن الجميل جداًً..

والله ياعمر

ابشر بطول عمر

دايما الناس بتكره الزول البمرق الحقيقة


ود ضكران خلاص

أخى د/ معز

صباح الخير

قالت نجوان

Quote: شروق خامة صوتها جميلة.. لكن تحتاج .. (وبشّدة) .. لدروس صوت .. من مختص مؤهل.. ضمن أشياء أخرى تتعلق بالكاريزما والتفاعل مع الغنا.. وبالمناسبة.. المبالغة في المظهر الخارجي كانت بتعدّي بسهولة أكثر إذا كان الآداء مقنع ومطرب.. يعني كسر دا في جبر دا.. بس يبدو أن ذلك لم يحدث..

أنا مع كلام نجوان مية في المية


شروق صوتها موش بطال،، يعنى بالنسبة لى أنا عادى ،، ما فيهو إطراب،، يعنى ما زى صوت هادية طلسم ، و لا أسرار بابكر،، و لا أخيراً عافية حسن،،،

ح تقول لى "الخامة الصوتية" بتختلف ،، بقول ليك أيوة ،، و الموضوع ما داير فلسفة ،، بس شروق صوتها عادى ،، يعنى ما شين ، بس ما بيطرب...

تانى جد جد هي مبالغة في مظهرها أكثر من اللازم ،، و أنا بأعزى دة لقربها من الخليجين طول عمرها ،، خلاها تتأثر بمظهر الخليجيات ال" over"،، و نحن السودانيات جمالنا دوماً في "بساطة مظهرنا" ،،

و في حاجة برضو يا معز ،، و بصراحة كدة ،، لو شروق دى كانت "سودانية غبشة" و بنفس مقدراتها الصوتية دى ،، كنتو ح تهتمو بيها نفس الإهتمام دة؟؟؟؟؟؟

دة سؤال برئ ،، و ما تقول أنا شانة عليها حملة،، لكن قيل " أسمع كلام البيبكيك و لا تسمع كلام "البيحرق ليك البخور" "

أتمنى أن تأخذ شروق في الإعتبار كل نقد يوجه لها ،، و توظفه لصالح تطوير مسيرتها ،، و بتمنى ليها التوفيق دوماً

لك ودى يا جار

سلام يا معز تاني

بعد ما كتبت كلامى الفوق دة ،، بديت أتصفح في البوستات و لقيت كلام تراجى زى كلامي برضو

Quote: مكياجها فظيع حقيقي مكياج بلدي جدا وازايائها ايضا فهي عامله خليجيه اكثر من الخليجين انفسهم يميل ذوقها للزركشه بشكل سوقي غير محبب اطلاقا. هذا زمن السهل الممتنع المظهر البسيط والمكياج المتقن يبين الانسانه وكأنها لا تضع مكياجا. من حقها طبعا لبس ملابس سهرات...ومن حقها طبعا الكثير من الفخامه لكن حقيقي قاعده تضبط الامور بشكل عجيب.

عايزة كورسين لحدي أسى

1- كورس في الأداء و النفس الطويل
2- كورس في فن اللبس و الظهور المقبول من الجمهور
" لأنو رجالنا السودانين بيختلفوا عن غيرهم بحبهم للبساطة و الطبيعية"

لكم ودى

نوسة..

Quote: عايزة كورسين لحدي أسى 1- كورس في الأداء و النفس الطويل 2- كورس في فن اللبس و الظهور المقبول من الجمهور " لأنو رجالنا السودانين بيختلفوا عن غيرهم بحبهم للبساطة و الطبيعية"

شكراً يا ستي

الرسالة وصلت.. وشروق اضطلعت عليها

وربنا يديك العافية

أما دي:

Quote: لأنو رجالنا السودانين بيختلفوا عن غيرهم بحبهم للبساطة و الطبيعية

دايرة ليها غمزة..

وابتسامة..

Quote: الرسالة وصلت.. وشروق اضطلعت عليها

الصحيح هو اطّلع أيها الشاعر المجيد !

أما اضطلع بالأمر فتعني قويّ وقام بحمله أي نهض به وقويّ عليه

واضطلع(بالمهمة) تعني قام بها وقويّ عليها !!!

أما اطّلع بتشديد الطاء وفتحها فتعني رآه وعلمه !

Quote: شروق خامة صوتها جميلة.. لكن تحتاج .. (وبشّدة) .. لدروس صوت .. من مختص مؤهل.. ضمن أشياء أخرى تتعلق بالكاريزما والتفاعل مع الغنا

مادام يانوسه انتي ونجوان قلتو كده
وروني نوع البطيخ الانا ببيعو شنو؟؟
وحبيت اديك مغلومه كمان زياده يانوسه
انو انا مابجامل دكتور معز لانه تعرف عليها عن طريقي
وكمان زياده تاني

Quote: و في حاجة برضو يا معز ،، و بصراحة كدة ،، لو شروق دى كانت "سودانية غبشة" و بنفس مقدراتها الصوتية دى ،، كنتو ح تهتمو بيها نفس الإهتمام دة؟؟؟؟؟؟ دة سؤال برئ

نحن نتحدث ونكتب العربية ونفهمها وعليه كلمة برئ
اصبحت غير واردة وسنحاول افتراض حسن النية

عصام دهب

وحياتك سبع صنائع و البخت ضائع

Quote: بررررافو تراجي .. أول مرة أتفق معاك تماماً .. و مع إني ما بفهم أي حاجة في الأزياء و التجميل .. لكن حاسس إنك بتتكلمي عن ثقة و كلام مقنع و مرتب .. و أكيد دي أول مرة تكتبي و ما تلاقي زول يقول ليك لا يا تراجي .. عشان كدا لو خليتي السياسة دي ممكن نكسب لينا خبيرة عالمية في مجال مهم .. و جنا تعرفوا و لا جنا ما بتعرفوا .. برررافو تاني تراجي .. و قرضي على كدا ..

قلت لي اخلي السياسه؟؟؟لكن السياسين بتاعنا ما طابزنها زي شروق
ممكن يكون خامات ممتازه لكن طريقة تسويقهم لانفسمهم سيئه
انا نحن مقرضين على دي بنسوق افضل منهم وحياتك,بطبزاتنا الشايفه في مواقع آخرى.
تحياتي.




تخريمه:اها الليله ضحكي معاك ده بجيب لي الهواء مع رفاق دربي المناضلين

Quote: اها الليله ضحكي معاك ده بجيب لي الهواء مع رفاق دربي المناضلين

عثل ؤبث يا ام قلب ذهب

أستاذ الموصللى

إنت راس السوط هبشك و لا شنو؟؟

Quote: مادام يانوسه انتي ونجوان قلتو كده وروني نوع البطيخ الانا ببيعو شنو؟؟ وحبيت اديك معلومه كمان زياده يانوسه انو انا مابجامل دكتور معز لانه تعرف عليها عن طريقي وكمان زياده تاني Quote: و في حاجة برضو يا معز ،، و بصراحة كدة ،، لو شروق دى كانت "سودانية غبشة" و بنفس مقدراتها الصوتية دى ،، كنتو ح تهتمو بيها نفس الإهتمام دة؟؟؟؟؟؟ دة سؤال برئ نحن نتحدث ونكتب العربية ونفهمها وعليه كلمة برئ اصبحت غير واردة وسنحاول افتراض حسن النية

لا إنت و لا نحن بنيع طبيخ و لا بطيخ

نحن ،، و أنا لا أتحدث عن نجوان لأني لا أعرفها و لا أعرف تخصصها العلمى،، نحن كمستمعين "عاديين" بيهمنا إنو الزول البيقدم لينا الغنا ،، يكون "بيعرف يغني" و صوته سمح ،،

نحن لسنا "لجنة إختيار الأصوات المميزة" ،، و لكننا "المستهلكين" الممكن الزول البيجينا دة عن طريقنا يطلع فوق ،، و لا يدق "الدلجة"،،

يعنى المعز و أنت و الجميع من حقكم تكتبوا شعر و تلحنوا للدايرنو ،، بس نحن من حقنا نقول البيعجبنا و الما بيعجبنا ،، و دى ياها سنة الحياة ،، و لا ما كدة؟؟؟؟

و برضو أنا مصرة على إنك بتجامل ،، لأنو ما مشكلة إنك تكون عرفتها على المعز ،، لأنو هو الشايل هم توصيلها للناس على رأسو ...

و برضو دى وجهات نظر ،، إنتو يمكن صاح ،، و يمكن برضو نحن الصاح ...

و المفروض إنو دة "لا يفسد للود قضية" و لا شنو؟؟؟

وأنا لسة على سؤالي ،، برئ ،، حسن نية،، ما مهم المهم تجاوبوا عليهو ،، لو شروق دى كانت بت "سودانية متواضعة الملامح و الأصل" كنتوا ح تجيبوا خبرها؟؟؟؟

لكم الود و الإحترام من قبل و من بعد

الاخ د. معذ
حقا لفت انتباهى
عنوان البوست
اخى معذ الفنانة شروق من حق اى انسان او متلقى او مستمع له حق النقد
و لقد قدمت نفسها للناس كمطربة
فيجب ان ننظر للنقد بكل ابعاده للتوجيه و للتشجيع .


و مقولتك (أنا بحب شروق.. وبكره عمر الفاروق..)
من حقك ان تحب شروق و من حقك ان تكره عمر الفاروق لانه نقد شروق

ولكن فى مقولتك هذه تناقض كبير بما تدعو له فى دارنا عكس الريح
دعوة للحب و الجمال
اخى معذ لا للكراهية نعم للحب و التقدم و عوالم الفرح الجميل .

اشارة :
هل تكرهنى انا خالد ابوالقاسم
عندما كتبت شروق و عمليات الانزال المظلى فى بيتنا عكس الريح
معزرة لاكن سودانيز اون لاين و عكس الريح اخوة يعملو على بث الروح
السودانية الاصيلة و ليست للكراهية .

و لك التحية

الحبيب خالد أبو القاسم،

عمر الفاروق أخ عزيز وعنوان البوس مقتبس من أغنية شعبان عبدالرحيم لزوم المداعبة ولفت النظر للموضوع وتوضيح

لانو في فرق بين النقد مهما كان عنيف وبين والتشفي والتجريح الحاصل في بوست عمر


لكن كلمة الكراهية لا توجد في قاموسي ولا الإحساس بها

فمحبة الناس من محبة الله

تحياتي لك

وسلام حار لمحمد وكل الأهل

يانجوان بعد التحيه
بحب اوريك انو أنا في الموسيقى دي تصارعت مع عتاة منظريها
ومؤلفيها
الراحل العظيم جمعه جابر
الراحل العظيم العاقب محمد حسن
فنانا الكبير محمد وردي
على سبيل المثال
يعني لا راس سوط ولا حاجه
أنا مسكت تعبير بسيط أنت قلتيه
انو

Quote: تحتاج شروق الى موسيقى متخصص

ولا أظنك في حاجة الى ان تعرفي أنني متخصص
وانت من المشاركات اللطيفات النشطات
تعرفين أنني أشرفت وسافرت خصيصا لتدريب شروق لتسجيل
شريط عافية المطر والذي نفذ الوتريات فيه اكبر عازفي الكمتجات العرب تحت قيادتي
=====================
وبعد هذا كله فانني أحترم رأي الناس الذين لم يعجبهم صوت شروق او الموصلي أو أم كلثوم حتى فحب الناس مذاهب
ولكن مايهمني يانوسه هو (ألا نلوي عنق الحقيقة)
++++++++++++++++++++++++++++++++
مشروع التسجيل لشروق بدأته أنا بالاتفاق معها لقناعتي الكاملة بها وقومه وساعده معز بحكم قرب المسافة بين الامارات والبحرين
==========================
حقيقة ثالثة وبلا غرور
لم يساعد فنان في تاريخ الموسيقى السودانية
زملائه من الكبار والناشئين والقادمين الجدد
مثلما فعل (شخصي الضعيف)
ودونكم التاريخ والاحصائيات
=========================
تقبلي اعتذاري ان كانت لغتي لاتحمل في طياتها هارموني وكاونتربيونت
ولك احترامي والخلاف لايفسد للود قضية

الأخت العزيزة د. نجاة،

معذرة فقد فاتني أن ارحب بك ايضاً في البوست

تحياتي ومودتي..

حافظ عبدالعاطى احمد

Quote: والله ياعمر ابشر بطول عمر دايما الناس بتكره الزول البمرق الحقيقة

الله لا جاب كراهية يا حافظ

كدي عاين للآيكون الموجود على يمين العنوان في الصفحة الرئيسية

وانت تفهم الحاصل..

امجد محمد الأمين

Quote: و بحب د.معز وشروق زيادة شويتين ... تلانه .. اربعه .. تسلم يا بروف و تسلم روائعك .. و عافية المطر .. و شروق مطربة الزمن الجميل جداًً..

تسلم انت يا أمجد يا زول يا رائع

ويسلم حرفك الجميل

واحساسك النبيل

قرأت حزنك النبيل علي الوالدة تقبلها الله بواسع رحمته..
إذا سمحت لي أبثك تعزيتي من القلب هنا...
و سعيدة أنك قهرت حزنك يا شفيف ...
شروق أبو الناس ..موهوبة فعلا ..
ما دامت موهبتها مقنعة لشاعر رقيق مثلك ..
و موسيقي متمكن مثل أستاذنا الموصلي..

أستاذي الموصلي

لك العتبى حتى ترضى

بس ما تخلط بينى و بين نجوان ،، أنا إقتبست جزء من كلامها من باب التأكيد على نقطة

محددة ،، و ليس لخصوصية النقطة التي تحدثت هي عنها !!!

Quote: يانجوان بعد التحيه بحب اوريك انو أنا في الموسيقى دي تصارعت مع عتاة منظريها ومؤلفيها الراحل العظيم جمعه جابر الراحل العظيم العقب محمد حسن فنانا الكبير محمد وردي على سبيل المثال يعني لا راس سوط ولا حاجه أنا مسكت تعبير بسط أنت قلتيه انو Quote: تحتاج شروق الى موسيقى متخصص ولا أظنك في حاجة الى ان تعرفي أنني متخصص وانت من المشاركات اللطيفات النشطات تعرفين أنني أشرفت وسافرت خصيصا لتدريب شروق لتسجيل شريط عافية المطر والذي نفذ الوتريات فيه اكبر عازفي الكمنجات العرب تحت قيادتي ===================== وبعد هذا كله فانني أحترم رأي الناس الذين لم يعجبهم صوت شروق او الموصلي أو أم كلثوم حتى فحب الناس مذاهب ولكن مايهمني يانوسه هو (ألا نلوي عنق الحقيقة)

لو لاحظت يا أستاذ إنى لم أتعرض في كلامي للموسيقى و التوزيع ،، أنا تحدثت عن شخص شروق كمؤدية لألحانكم،،

و أهل مكة أكيد أدرى بي شعابها ،،

لكن زى ما بنقول بالدارجي كدة "ما تشكر لي راكوبة في خريف"،،

و برضو مفروض تكون مقتنع إنو المستمع "العادى" الما "متخصص" دة ،، هو سبب نجاح أو فشل أى فنان في الدنيا ،،

يعنى ما فى داعي للصولوهات الشغالين لي فيها دى من قبيل .....

و أنا أحترمك و أحترم ألحانك و توازيعك الموسيقية و تاريخك الموسيقي لا يمكن مسحه هنا أو في أي حتة تانية


لك إحترامي

برضو ما رديت على سؤالي؟؟؟؟؟؟

Quote: يعنى المعز و أنت و الجميع من حقكم تكتبوا شعر و تلحنوا للدايرنو ،، بس نحن من حقنا نقول البيعجبنا و الما بيعجبنا ،، و دى ياها سنة الحياة ،، و لا ما كدة؟؟؟؟

افتكر انو ده السؤال لان الاخر بتاع المجامله جاوبتو ليك وقلت ليك أن الذي عرفت معز عليها وتاريخي معها يرجع الى التسعينات فوجدتها تغني رسالة الى أمي بالقاهرة حيث كانت تدرس هناك
فشدني أداءها وصوتهيا الجميلين
فأرسلت خطاب على ما اذكر لوالدها المحترم أبو الناس الذي شجعها ثم قابلتها في الامارات بعد كل هذه السنوات فاعدنا ماتحدثنا عنه بالماضي وقررنا الدخول في عمل مشترك وكانت تسافر الى دبي يوميالعمل البروفات ومعنا عازف الاورغ والموزع الكبير اسامه ثم ثم بعد عودتي الثانية للخليج عرفتها بدكتور معز الذي وقف معنا برجولة قلت في زماننا هذا
============================
أها نرجع للسؤال
من حقك أن تقولي ماتحبين من الاراء في أي فنان في الدنيا لان الفن تذوق ومسألة الجمال مسألة نسبية
ولو حاول أحدهم أن ينازعك ذلك الحق سأكون أول المتصدين
ولكن أشد ما يجعلني أشعر (بالانفرازة)
هو ليس عدم معرفة الحقيقة ولكن التقول بغيرها
=========================
أشكرك جدا على حسن ظنك وعلى كيفك ياعزيزتي
ننقد شروق
ننقد الموصلي
ننقد وردي ننقد أم كلثوم
ننقد سترافنسكي
ننقد حتى (خاشاتوريان)
والفنان بلا جمهور (لالون له ولا طعم ولارائحة)
لك كامل المودة والاحترام وسعيد بمعرفتك عن قرب

amira abdelrahman

Quote: قرأت حزنك النبيل علي الوالدة تقبلها الله بواسع رحمته.. إذا سمحت لي أبثك تعزيتي من القلب هنا... و سعيدة أنك قهرت حزنك يا شفيف ... شروق أبو الناس ..موهوبة فعلا .. ما دامت موهبتها مقنعة لشاعر رقيق مثلك .. و موسيقي متمكن مثل أستاذنا الموصلي..

الغالية أميرة،

شكراً لكلماتك التي تغسل الحزن وتمسح الوجع

لك عظيم مودتي واعزازي الوافر..

وكل احترامي,,

(أستاذي الموصلي

لك العتبى حتى ترضى)

شكرا نوسة لسرعة إستدراكك..
كم هو عالم في تخصصه هذا الرجل ..أستاذنا الموصلي.
و كم هو عظيم و متواضع ..لو عرفتيه

أميرة
إن من سماك قد ناله من التوفيق
الكثير جدا جدا جدا جدا
مودتي واعتزازي

ya slaaaaaaaaaam ya doctor
up
up
up
up

وجود كلماتك فقط يضفي بعد اخر ....والله جد

أستاذي الجليل الموصلي

تحياتي

أنا قلت لك من قبل إحترامي لك و لفنك لا مثيل له " ما قلتها بالضبط و لكن دي الحقيقة"

Quote: أها نرجع للسؤال من حقك أن تقولي ماتحبين من الاراء في أي فنان في الدنيا لان الفن تذوق ومسألة الجمال مسألة نسبية ولو حاول أحدهم أن ينازعك ذلك الحق سأكون أول المتصدين ولكن أشد ما يجعلني أشعر (بالانفرازة) هو ليس عدم معرفة الحقيقة ولكن التقول بغيرها

طيب إنت أسي شايفني عارفة الحقيقة اللى هي "إنو شروق فنانة بحق" و أنا بقول عكس كدة؟؟؟

غايتو لو قصدك كدة ،، تبقي فعلاً إنت ما عارفنى ،، و لمن تيجي البحرين إن شاء الله بتتعرف بى عن قرب

تحياتي و إحترامي

Quote: افتكر انو ده السؤال لان الاخر بتاع المجامله جاوبتو ليك وقلت ليك أن الذي عرفت معز عليها وتاريخي معها يرجع الى التسعينات فوجدتها تغني رسالة الى أمي بالقاهرة حيث كانت تدرس هناك فشدني أداءها وصوتهيا الجميلين فأرسلت خطاب على ما اذكر لوالدها المحترم أبو الناس الذي شجعها ثم قابلتها في الامارات بعد كل هذه السنوات فاعدنا ماتحدثنا عنه بالماضي وقررنا الدخول في عمل مشترك وكانت تسافر الى دبي يوميالعمل البروفات ومعنا عازف الاورغ والموزع الكبير اسامه ثم ثم بعد عودتي الثانية للخليج عرفتها بدكتور معز الذي وقف معنا برجولة قلت في زماننا هذا

دي هي الحقيقه التي اقصدها

وهي انني هو من بادر رتحمس مشروع شروق ليس الان وكان منذ التسعينات
اما رآيك فهو معتبر وكل ما قاله الاخرون سلبا ام ايجابا فهو معتبر
ببساطه لان ابجديات النقد تقول
ان الجدل حول فنان او فن ما هو حاله صحية ممتازة ودليل قاطع علي قيمة ظلك الفنان
وكدي لمن اجيكم هناك سيكون بيننا ذلك الجدل حيا
لك خالص الود

أخى و موسيقارنا

Quote: ان الجدل حول فنان او فن ما هو حاله صحية ممتازة ودليل قاطع علي قيمة ظلك الفنان وكدي لمن اجيكم هناك سيكون بيننا ذلك الجدل حيا لك خالص الود

و هذا بالضبط ما أردته في كلامي ،، لا أريد لشروق أن تكون إنهزامية و تولي الأدبار عند أول إحساس بالخطر ، الحياة مليئة بالأشواك و الورود ،، و لتقطف وردة لا بد أن تطعنك الشوكة ،،، أتمني لها حياة مليئة بالورود "الحقيقية" ،، و تبطئ في إتخاذ قرارات مصيرية ستحسب ضدها في يوم من الأيام ....


و في إنتظارك في البحرين إن شاء الله

هي غضبة كانت منها وهي شفيفه
وعمرها ما آذت انسان
ولكن يانوسه المسالة وصلت بالبعض لدرجة الصفاقة
ربنا يغفر لهم
يكفي شروق ان نفتخر بها ان لها زوجا عظيما
ذو خلق ويقف معها برغم كل تلك الاعاصير
سنلتقي باذن الله
وتقبلي احترامي ومودتي

والله لو اكتفت شروق بعافية المطر...هذا الموشح الاندلسي...لكفاها ان تدرج بين القامات
السوامق...وسيذكر التاريخ كلماتي هذي...بكل صدق...


لا اري نقدا مؤسسا هنا لشروق... كله انطباعات شخصية لا تؤثر علي مسيرتها الفنية
فشروق ما خلقت الا للغناء...

غني يا شروق...فما كتب عنك لا يجب ان يكون الا عافية للمطر القادم...

لا تعتزلي غناءنا...لأننا نتوسم فيك ان تؤندلسيه...وتخرجينا

من هذا التكرار والضجة القاتلة...

د/المعز
اتقدم اليك باعتزاري عن ما جاء في معرض مداخلتي في `ذلك البوست وعفوا ان اصابك
رشاش الحروف
واصدق القولك انني راجعت نفسي وعرفت انني اسئت لنفسي قبل ان اسئ اليك والي شروق و ليس من ديدني الكتابة والحوار بهذا الاسلوب
لذا اتمني ان تقبل اعتزاري
وعلي الرغم من اعتزاري الي انني ما زلت اصر علي ان هناك اهتمام منك بالفنان شروق لو وجدته اي فنانه اخري من برنامج نجوم الغد (( بتاع الشفع)) لكان لها شان اخر
فشروق صنيعة اعلامية كنت انت المساهم الاكبر فيها
وهذا الاهتمام شئ من حقك كشاعر ولكن نري ان هناك غيرها يستحق ذلك الاهتمام

7abib_alkul

Quote: د/المعز اتقدم اليك باعتزاري عن ما جاء في معرض مداخلتي في `ذلك البوست وعفوا ان اصابك رشاش الحروف واصدق القولك انني راجعت نفسي وعرفت انني اسئت لنفسي قبل ان اسئ اليك والي شروق و ليس من ديدني الكتابة والحوار بهذا الاسلوب لذا اتمني ان تقبل اعتزاري

الأخ حبيب الكل،
فمن عفا واصلح

فأجره على الله..

شكراً لك

نزار الفنان
امال عمك الراحل محمود حسين خدر
قال ياخدارنا الكنت دارنا وكنت في دنيانا واحه
انت في ريدك مدارنا
وانت في حبك مدارنا
ليه تفتكر؟؟
انت نعم الذواق ونعم الذوق وعزفك جميل زي طبعك

نزار حسين

انت أصلك زول فنان

واحساسك عجيب

وحسك راقي

تسلم يا غالي

Elmosley

Quote: يكفي شروق ان نفتخر بها ان لها زوجا عظيما ذو خلق ويقف معها برغم كل تلك الاعاصير

لم تقل الا الحق والله يا موصلي..

التحية للجميل ياسر

وتحية صادقة لأسرتها الكريمة

وعلى رأسها والدها الإنسان لعظيم مولانا أحمد أبو الناس

الغالي نيازي،

شكراً على احساسك النبيل

وعلى مشاعرك الكريمة

شكراً لكلمة طيبة كشجرة طيبة

شكراً متوهجاً لك..

Mohamed Ahmaed Olyesh

Quote: ya slaaaaaaaaaam ya doctor

يا سلام عليك انت

يا عليش يا جميل

تسلم يا حبيب

Quote: الأخ حبيب الكل، فمن عفا واصلح فأجره على الله..

يا سلام على التربية ..
طبعا ما قصدي التربية البدنية ولا التربية جامعة الخرطوم

أها شفت كراهيتك لي سووت ليك شنو ؟
كده درون

تحياتي يا لذيذ يا رايق ..
تخريمة :
انا بكره شروق وبحب البروق..
والما بيحبني إن شاء الله يتقلب طايوق..

عمر الفاروق

Quote: تحياتي يا لذيذ يا رايق .. تخريمة : انا بحب شروق وبحب البروق.. والما بيحبني إن شاء الله يتقلب طايوق..

أنا بحب البروف الأنسان الشاعر القلبوا دهب

الطبيعى المتواضع الحنون

وبكره شروق الملونة المتصنعة حتى فى غناها

وبكره ضعف شخصيتها الفنان لازم يكون له شخصيتوا يدافع بها عن نفسوا ويواجه بيها

مستمعنوا.

وبعدن ظاتوا صوتها ما جميل ياخ

أغنية عافية المطر كلماتها رهيبة لكن شروق ضيعت جمالها

Quote: الرسالة وصلت.. وشروق اضطلعت عليها

الصحيح هو اطّلع أيها الشاعر المجيد !

أما اضطلع بالأمر فتعني قويّ وقام بحمله أي نهض به وقويّ عليه

واضطلع(بالمهمة) تعني قام بها وقويّ عليها !!!

أما اطّلع بتشديد الطاء وفتحها فتعني رآه وعلمه !

فاروق حامد محمد

Quote: الصحيح هو اطّلع أيها الشاعر المجيد ! أما اضطلع بالأمر فتعني قويّ وقام بحمله أي نهض به وقويّ عليه واضطلع(بالمهمة) تعني قام بها وقويّ عليها !!! أما اطّلع بتشديد الطاء وفتحها فتعني رآه وعلمه !

شكراً أستاذ فاروق حامد لهذا التصويب الهام

ومعذرة للخطأ



لك الود والاحترام

انا بحب الجداد

وبكره الفول

Quote: ليت شروق امتهنت الفن ان كانت من وطن يعرف من يتولون الامر فيه قيمته فهو اشرف المهن The best career in the entire world except for our beloved country اختلف معك حول دكتور معز فيما اتيت به لعله الغصب ياعزيزي قارجوك آن تراجعه لاننا لم نسمع منك الا الجميل

الموصلي أيها الجميل النبيل بحق ,,,

تعلم تماما إني مهجوس بكل ذي موهبة وخلق

وقد قلت رأيي فيك وفي ذلك الصوفي النبيل

مثلك "أبي عركي البخيت" فأنت وهو تتشابهان

خلقا ونبلا وصلابة ومحبة للسودان ولأهله الغبش الأنقياء

الأوفياء ، الأتقياء ، الشرفاء ، الكرماء .. ولعمري هذا خلقهم

وديدنهم وجبّلتهم وما أنت ـ بحق ـ إلا مثال رائع من أهلنا

الرائعين .. بارك الله فيك وفي ذريتك الى يوم الدين ...

أما بعد ... ( قيل إن أول من استخدمها لاستهلال الكلام هو

هو ذلك البليغ المفوه قس بن ساعدة أحد نصاري الجاهلية

وأبلغ خطبائها "سقى الله ملحده مزناً هتوناً" وعفواً للاستطراد ..

أولا : يبدو إنك فهمتني خطاً حين قلت إن شروق ذات career

وقد قلت ذلك لمن لا يعرفها ويعتقد إنها فنانة فقط وقد قصدت

من ذلك انها شابة جامعية متعلمة ... ولها مهنة محترمة ... ولم

أقصد مطلقا أن أقلل من قيمة الفن ... وهل الفن إلا الحضارة ...

وهل هناك حضارة دون فنون ... لست أنا من يفكر بهذه الطريقة ..

ثانيا : أنا لا أعرف د. معز بخيت ولم أتشرف بلقائه ولست غاضبامنه

أو مغاضبا بل إني أعرف السيد والده وهو رجل محترم وجميل ومحبوب ..

... ولكني أختلف مع الدكتور في كثير مما يطرحه شعرا أكان أو رؤيً

أدبية أو فكرية .. وهذا لا يعيبه في شئ ما دام قد طرح نفسه ونتاجه

على "العامة" من أمثالي .. كما إن طريقته في الترويج والتسويق لنفسه

ظالمة له ولمن يحبه ... فالمغالاة في كل شئ أمر غير محمود ... خاصة

وأنا عرفت في حياتي المهنية كثيرا من العلماء والأدباء بدءا من ذلك

العالم النحرير عبدالله بن الطيب والمجذوب وذلك المهجوس بالعلم والفكر

التجاني الماحي الذي كما قال "ود ضيف الله" (العلم يخرج من رأسه دخاخين

دخاخين) وغيرهم كثير .. وكانوا جميعهم أناسا في غاية التواضع والزهد ..

فإن أثنيت على علم أحدهم خفر خفارة الحرائر .. ولم يكن أحد منهم يتحدث عن

علمه وبراعته مطلقا ... ولم يجرؤ أحدهم مطلقا على التسويق لنفسه .. فالعلم

والتواضع أمران لا يفترقان ,,, وكما قيل فإن العالم كلما علم أحس بجهله فتواضع ..

وليس هنا متسع من المجال لأضرب لك مئات الأمثلة... فلا أحد يمكنه الإحاطة بكل علم

غيره "هو" الله المحيط ..

لعلي قد أسهبت ... فعذرا رغم إني لم أقل كل ما أريد قوله ..

لكم جميعا خالص محبتي وأقصى ودي ...

فاروق حامد محمد

Quote: ولم يكن أحد منهم يتحدث عن علمه وبراعته مطلقا ... ولم يجرؤ أحدهم مطلقا على التسويق لنفسه .. فالعلم والتواضع أمران لا يفترقان ,,, وكما قيل فإن العالم كلما علم أحس بجهله فتواضع ..

الأستاذ الجليل فاروق،

بالرغم من انني لم أفعل ما ذكرته،

لكن دعني أختلف معك

ما سقته من حديث يناسب عصور قديمة

هذا عصر الإعلام

والإعلام عن النفس والذات أصبح صنعة وأصبح منهجاً ومادة علمية

والعلماء والمبدعون في المجالات المختلفة يروجون الآن لأنفسهم عبر كل الوسائل المتاحة من مؤتمرات ، مجلات علمية واجتماعية وصحف ودوريات .. وعبر الفضائيات والإنترنت.. الخ..

ومن يعمل في صمت دون أن يقدم نفسه للآخرين بالصورة المطلوبة يموت في صمت وتدفن معه أعماله مهما كانت عظيمة..

وستظل مجهولة كما حدث لمعظم الذين ضربت بهم المثل أعلاه، الا في نطاق ضيق

وهم أجدر بكثيرين ممن حصلوا على تكريم عالمي واقليمي ومحلي،

فيما عدا العلامة الطيب عبد الله والحائز على جائزة الملك فيصل وهو جدير بجوائز عالمية أكثر أهمية..

وإذا لم تقم الدولة ومؤسساتها العلمية بمسئوليتها تجاه العلماء فالأجدر بصاحب الشأن أن يفعل ذلك تجاه نفسه..

يمكن للإنسان أن يحث الآخرين ليفعلوه لكن الشجاعة تقنضي أن تقدم نفسك للآخرين وتتحدث وتفتخر بما تنجزه ويجب أن تسوق وتروج له بالطرق المتاحة.

كل هذا لا يتعارض مع التواضع..

فالتواضع في مفهومي هو ألا تتعالى على الآخرين وان تتواصل معهم وأن تبقى بجانبهم في السراء والضراء

وألا تتباهى وتتكبر عليهم، لكن هذا التواضع لا يتنافي على الإطلاق مع الإعلام عن الإنجازات..


ولا يختلف اثنان في ربط العلم بالتواضع لكن في رأيي أن يكون التواضع المذكور أعلاه

ولا يجب أن نربط التواضع بالتدني أو بالإنزواء وبالتالي التعتيم على الإنجاز

أما النرجسية فهي شيء آخر يتعلق بحب الذات المفرط و تعظيم النفس بغرور وتعالي

وهي في أحيان كثيرة تتعلق بمرض نفسي قد يستوجب العلاج

..

ختاماً فان ثقافات الشعوب ومفاهيمها تختلف بين أمة وأخرى لكنها تتغير بالتأكيد لدى كل أمة وشعب مع الأجيال

والحصيف من يعرف لغة العصر ووسائله ان اراد التواصل مع الأجيال القادمة.



كل الود والتقدير

تسلم استاذ فاروق
ولان الاجيال تتعلم من آمثالكم
لذا فالحساسية عالية تجاه آقوالكم
تناقشنا انا ومعز حول الطريقة التي طرح بها
موضوع الشفيفة شروق واختلفنا فيه
فهذا السودان قد آنجب ولن تقف ارضه الولود عن الانجاب
للمبدعين قبل آن ناتي فقد اتوا وبعد آن نذهب سوف ياتون
انها الارض البكر الحنون
لمعز رآي هو آن السودان المكتنز باهل العلم والمثقفين يتواضع آهله الي حد التواري
آنظر اين محمد منير من محمد وردي مع احتزامنا لمحمد منير فالبون شاسع
آنظر آين راحلنا المقيم عبد الله الطيب من الذين يقولون آنهم آهل لها (العربية)
آنظر الي عثمان حسين ايراهيم عوض محمد الامين ابوعركي وغيرهم من جهابذة الفن
فقد قتلهم التواضع هذا العالم يا آستاذ اصبحت تلعب فيه الدعاية وتقديم النفس دورا اساسيا
ثقافتنا الاجتماعية في البساطة والتبسط تمنعنا ذلك
ولانمنح فنوننا من الامكانات الا القليل
=========
==فعلا فقد فهمت خطا علما بان زوجتي تعمل في مجال التمريض حفظها الله
========
الله عزيزي فاروق فالظلم قد اصاب حلوقنا بالغصة وادمي قلوبنا
اشكر لك عودتك لتقول رايك مرة آخري
شكرا لك ولدكتور معز كونه تفهم رآيك وتقبله كشخصية عامة
============
آخيرا
عذرا لعدم وجود الهمرة والالف المقصورة في كومبيوتري

بقيتوا تخوفو )يامن تملكون ناصية اللغة

Quote: أنا غايتو عاجباني كللللللللللها على بعضها كده.. (ابتسامة وغمزة

المثل قال يا دكتور( اكل ما يعجبك والبس ما يعجب الناس).....

مبروك عليك عجبك لكنك برضو طلع ذوقك بلدي

المهم الزوله ظريفه وقول ليها ما تزعل مننا لكن كل همنا عايزين ليها الكمال وحياتك.

ويا شروق انت جميله وصوتك حلو واكيد عندك حضور والا ما كان انشرقوا بك ناس دكتور معز

وعندك قوام جميل وبشره حلوه ونضره,يعني ماشاء الله تبارك الله,بس خففي المكياج شويه

وبطلي دندشة الخلايجه الكثيره دي....انتبهي للبنانيات...فهن يميلن للبساطه اكثر

لذا هن الالكثر اناقه,وربنا يوفقك ومنبرنا ده لازم تتحملي....ولا تعتبيره يمثل كل الشعب

شعبنا طيب بس نحن لسانا طويل,فتحملي وربنا معاك.

إزيك يا أستاذ الموصلي..

Quote: مادام يانوسه انتي ونجوان قلتو كده وروني نوع البطيخ الانا ببيعو شنو؟؟

أولا أعتذر إن كان هناك ما ضايقك في مداخلتي (الوحيدة) اعلاه ..
فقط أتعجّب للحساسية الزايدة

المهم سيدي..
أحترم سيد البطيخ.. (زي ما بحترم الموسيقار ..الأديب.. وغيرهم..)
لكن.. إن كانت هناك بطيخة مسيخة
لا يمكن أن يقنعني سيد البطيخ بأنها غير ذلك..
مهما كانت خبرته في زراعة البطيخ أو تسويقه..

لا أعلم إن كنت تجامل أو لا... وصراحة لا يهمني ذلك كثيرا..
نقطتي الأساسية هي أن شروق تحتاج لدروس صوت..
مش تلقين لأغنية.. أو ألبوم معين..
وجيّد جدا إن كانت قد تلقّت دروس صوت منك.. أو من مختصين آخرين..
ولكن واضح أنه ليس كاف بعد..

وكما ذكرت نوسة... الفنان يخاطب المستمع العادي ..
وهذا المستمع بيصدّق أضانو .. أولا وأخيرا..

أشيد بطموح شروق .. وبدعم من حولها..
لكن مشوارها لسه طويل.. ويحتاج نفس أطول..
ولك التجلة والإحترام..
___
وللبعض..
لبس شروق ومكياجها شئ ثانوي.. وشخصي..
من حقها أن تظهر بالمظهر الذي يروق لها..
وكم من نجوم الفن العالميين لهم أذواق .. لا يفهمها أحد غيرهم..
ولكن مع ذلك يهضمها الجمهور ..
لأن موهبتهم وإبداعهم.. هما الطاغيان..

فيا شروق ألبسي ما يروق لك يا بنيّة..
بس غنّي لينا كويس..

أخي الحبيب د. معز !!!

ودي ,,,

رغم أن شهادتي في إبنتي وحبيبتي شروق التي أعزها كثيرا لأنها كما ذكرت سابقا قد غنت لي في بيتي

ولأول مرة في حياتها شهادة مجروحة لكني مضطرة للدخول ليس دفاعا عنها لأنها لا تحتاج إلى دفاع من أحد

ولكن لأقول للذين لا يرون في شروق أي موهبة فنية هذا رأيهم ونحترمه وهناك ألف طريقة لعدم الاستماع

إليها ولكن أن يتعدى الموضوع المجال الفني ويصل إلى مستوى التجريح والنقد غير البناء فهذا والله

عيب كبير فمنذ متى صار الناس ينتقدون لبس المطربة ومكياجها وتفاصيل حياتها لأنهم لم يحبوا صوتها

علينا أن تحترم خصوصية الآخرين وذوقهم في أختيار ملابسهم حتى ولو لم ترق لنا فحب الناس مذاهب أما

الذين دافعو عن شروق لأنهم أحبوا صوتها فأقول لهم شكرا لأن شروق رغم كل شيء ما زالت تتحسس

طريقهاالفني بعد أن وجدت من يرعاهافلماذا تشحذون سكاكينكم لذبحها دون سبب علما أن هناك الكثير من

المطربات العربيات اللواتي لاعلاقة لهن بالغناء لكن خدمهن الإعلام خدمة العمر كما خدمهن الشكل فأصبجن

نجمات ولم يتجرأ أي شخص من بني جلدتهن في الإساءة إليهن أو انتقادهن بهذه الصورة الجارحة فرفقا

بالقوارير يا إخوتي فما هكذا تورد الأبل وأعتذر عن اي عبارة جاءت في غير محلها لأي شخص فكلم محل

تقدير و إحترام لكني أحب شروق وهذا قدري معها والحب لا يناقش ,,,

ست الفهم و الناس عطوفة

Quote: وأعتذر عن اي عبارة جاءت في غير محلها لأي شخص فكلكم محل تقدير و إحترام لكني أحب شروق وهذا قدري معها والحب لا يناقش ,,,

صدقت يا عزيزة ،، المشاعر لا تناقش ،، و لكني شخصياً لا أكره شروق و لا أكره صوتها لكني أكره "النفخ" الأكثر من اللازم ،، و عذراً إن جاءت كلماتي "من ضمن الناس" جارحة و منتقدة،، و شرحت لدكتور معز وجهة نظري بصورة شخصية منعاً للبس،،

دمتى و نتمنى لشروق مستقبل زاهر أينما كانت

نوسة !!!

كم أنت أصيلة و نبيلة !!!

لك إعزازي وتقديري ,,,

الاستاذه عواطف
فات علي ان اقول لك
لا فض فوك
وتسلمي

حبينا الموصلي !!!

ودي ,,,

وشكري الجزيل على كلماتك الرقيقة ,,,

نحن نحب اهل الحق والذين يناصرونه
تسلمي

عواطف ادريس اسماعيل

Quote: أخي الحبيب د. معز !!! ودي ,,, رغم أن شهادتي في إبنتي وحبيبتي شروق التي أعزها كثيرا لأنها كما ذكرت سابقا قد غنت لي في بيتي ولأول مرة في حياتها شهادة مجروحة لكني مضطرة للدخول ليس دفاعا عنها لأنها لا تحتاج إلى دفاع من أحد ولكن لأقول للذين لا يرون في شروق أي موهبة فنية هذا رأيهم ونحترمه وهناك ألف طريقة لعدم الاستماع إليها ولكن أن يتعدى الموضوع المجال الفني ويصل إلى مستوى التجريح والنقد غير البناء فهذا والله عيب كبير فمنذ متى صار الناس ينتقدون لبس المطربة ومكياجها وتفاصيل حياتها لأنهم لم يحبوا صوتها علينا أن تحترم خصوصية الآخرين وذوقهم في أختيار ملابسهم حتى ولو لم ترق لنا فحب الناس مذاهب أما الذين دافعو عن شروق لأنهم أحبوا صوتها فأقول لهم شكرا لأن شروق رغم كل شيء ما زالت تتحسس طريقهاالفني بعد أن وجدت من يرعاهافلماذا تشحذون سكاكينكم لذبحها دون سبب علما أن هناك الكثير من المطربات العربيات اللواتي لاعلاقة لهن بالغناء لكن خدمهن الإعلام خدمة العمر كما خدمهن الشكل فأصبجن نجمات ولم يتجرأ أي شخص من بني جلدتهن في الإساءة إليهن أو انتقادهن بهذه الصورة الجارحة فرفقا بالقوارير يا إخوتي فما هكذا تورد الأبل وأعتذر عن اي عبارة جاءت في غير محلها لأي شخص فكلم محل تقدير و إحترام لكني أحب شروق وهذا قدري معها والحب لا يناقش ,,,

ماذا أقول يا عواطف

سوى

جميلة

ومدهشة..

وكلنا نحب شروق

ونزداد بها يقيناً كل يوم

تحياتي لك ايتها الرائعة على امتداد الأزمنة

Quote: المهم سيدي.. أحترم سيد البطيخ.. (زي ما بحترم الموسيقار ..الأديب.. وغيرهم..) لكن.. إن كانت هناك بطيخة مسيخة لا يمكن أن يقنعني سيد البطيخ بأنها غير ذلك.. مهما كانت خبرته في زراعة البطيخ أو تسويقه.

انت ليه كنتي جايه متآخرة كده
كيفك يانجوان
المهم انك زريتني بالكلام الفوق ده
انت شديده ولضيضه
ما اظن جيلكم بعرف اللغة الدراجه دي
لم اقصد هبش مهنة بيع البطيخ وقصدت ان اقول لك
ماهي اذن مهنتي كان ممكن اضرب مثل اخر لكن العادة في السودان
ان تضرب مثل اما ببتاع البطيخ او بتاع الطماطم
اهي جات كده لكن والله ماعارف السبب
اها انا كمان بديك زره!!!
انتي قلتي هي محتاجة لموسيقي متخصص
ولم تقولي محتاجه تدرس في معهد ولا كده ولا كده
وفعلا كلامك صاح وشروق كثيرا تتمني هذا ولكن ظروف الحياه كربة اسره وعاملة كمان بتفرق
بينما نجد الكثيرين والكثيرات من الفنانين والفنانات الجدد مصابين باسفيكسيا
الاجترار والركون الي الماضي والنوم في احلامه
بحثت شروق عن الاصعب والجديد
وبدلا عن تشجيعها ولو بسبب اجر محاولة كسر هذه العادة القبيحة التي يتبناها ارباب الشركات
من اجل توفير المال وعدم صرفه علي الفن ومن اجل الحصول عليه بسهولة ويسر
ها نحن نثبط من همتها ونكسر مقاديفها
نجوان اللطيفة
بزغم ان حب الناس مذاهب
الا ان هناك مانسميه باجر المحاو،لة
وشكرا لك ولك الاحترام مشفوعا بالمحبة
السودانية الخالصة

Tragie Mustafa

Quote: مبروك عليك عجبك لكنك برضو طلع ذوقك بلدي

أمووووووووووت في البلدي..

وفي بلدي يا تراجي..

وليد محمد المبارك

Quote: انا بحب الجداد

الشفت

اعمل حسابك من انفلونزا الطيور

وحاجات تانمية حامياني..

وأنا ببادلك نفس الإحساس يا وضاحة

وانتي عارفة محبتي

بس بالغتي شوية مع شروق

وبرضو انتي عارفة..

والبحب ما ممكن يكره كلو كلو..

عواطف

نوسة

موصلي

شكراً لروعتكم

..

وشكراً لكل زوار هذا البوست وقرائه

ولكم المحبة اجمعين

ولعمر الفاروق على وجه الخصوص

Quote: عافية المطر كلمات: د. معز عمر بخيت ألحان: يوسف الموصلي غناء: شروق أبو الناس

كلمات رائعه يا دكتور معز
اللحن أبدع فيه الأستاذ الموصلى (لحناً وتوزيعاً)
لذلك فى مداخله لى ببوست آخر عن البطله شروق
ظننت أن الموسيقى والأغنيه عربيه، فعذرأً
ويحزننى حقاً أن مثل الأستاذ الموصلى ليس متفرغاً للفن
ويعمل فى مجال ليس له علاقه بالفن ـ لا يحدث هذا إلا فى سودان العجائب!
أما الفنانه شروق فهى إشراقات لإبداعات جاده وجميله وقطعاً القادم أحلى

وشكراً لأخونا عمر الفاروق الذى قدمها لنا بطريقه ذكيه ـ النقد والهجوم والإثاره
و أحى معز والموصلى لوقفتهما الشجاعه مع موهبه ستحدث نقله إيجابية
فى الغناء السودانى لمن يصيخون السمع للكلمات والألحان والأداء الراقى

Quote: أنا بحب شروق.. وبكره عمر الفاروق..

أنا بحب شروق.. وغداً عمر الفاروق..

احب عمر الفاورق لانه يصحي ذاكرة الناس عنا
بمشاترته
شروق يتم نقدها في جدل ساخن
اذن هي موجوده

تشكر حبيبنا عادل
هل هنالك من يعطي مبعا فرصة التفرغ في السودان؟
ربما في الالفية الرابعة حبيبنا نادر