إن شاء الله تشرفوا العضّاكم

أتوقع أن تظهر بوستات كثيرة تعلن إنضمام كاتبيها للمنبر الحر
ونسبة لتوقعي أن تكون كثيرة، وفي أوقات متفرقة فإني أرحب بجميع الأعضاء الجدد
والذين أرجو أن يكونوا إضافة حقيقية للمنبر. وأن يكذبوا حديث نفسي والذي عززه بوست العضو الجديد محمد إبراهيم.
أعود وأقول مرحباً بكم لإزكاء الفكر والثقافة.
وإن شاء الله تشرفوا العضاكم.
ملحوظة العضاكم تعني الذي جعلكم أعضاء، ومصدر هذا الاشتقاق هو ذلك الرجل الذي سمع اسمه ضمن أعضاء لجنة المسجد فانتفض قائلاً: أنا العضاني منو؟

والله يا نزار الله يديك العافية لي زمن ما ضحكتا
زي اليوم ده قلت قال العضاهو منو

الأخ ود الشيخ
أسعد الله أيامك
وأضحك سنك..وأعطاك مناك في طاعته
مرحباً بك

مكرر

الاخ نزار مشكور على الترحاب المقدم

ولا عض فوك

الأخ زول ساكت
مرحباً بك..
دعوتك في مكانها لان "فوي" دة معضى في كترة محلات.. الله يكون في عونه ويخفف عنه.

وانا بقول فى البورد دا الناس كده مالهم ..
تارى عاضنهم من زمان ..
طيب فى ناس رقيقين كده ..
زى ناس هناى وهناية ..
ديل العضاهم منو/شنو ؟

شكراً جزيلاً أخ نزار وانشالله يكون نوع من تجديد دماء المنبر الحر

الأخ معتصم الطاهر
مرحباً بك
ياأخي خلي روحك رياضية
ما في داعي لي ناس هناي وهناية
نحن عضونا زمان
وأنتم عضوكم هسة..ونحن بنرحب بيكم..بس ده كل الموضوع

الأخ أيمن جبارة
مرحباً عضواً فاعلاً
وفي انتظار إبداعاتكم