هؤلاء السمحين..

-
{ فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا}
صدق الله العظيم

لم يقل (بعد) ولكن (مع) كناية عن التزامن والمصاحبة،
الحمدلله على كل حال
-

ربنا يبعد عنك الشرور شقيق ما تقبل

عاطف عمر
jini
الشفيع إبراهيم
محمد ابوالعزائم ابو الريش
عثمان رغيم
محمد إبراهيم علي
معاوية عبيد الصائم
Khaleel
المسافر
محمد سني دفع الله
محمد عبدالماجد الصائم
فايز ود القاضي

-

-
قيل (إن أسوأ ما يصيب المرء أن يكون بلا حب)
-

ألف حمداً لله على سلامتك يا أمير
قدر ولطف
أنت يا مولاى من الذين يعطون لهذا المكان ألقه ونضاره والوقار


ألف حمداً لله على سلامتك

الهادي هباني
عبد الحفيظ حسن
الرشيد شلال
دينا خالد
أبو قصي
لؤي
عصام الجيلي
عبد الإله زمراوي
مجدي عبدالرحيم فضل
هشام هباني
أبوبكر عبد القادر العاقب
صديق الموج
حامد بدوي بشير
منال

أكرر (إن أسوأ ما يصيب المرء أن يكون بلا حب)

لم يصبني سوء مما جرى في تلك الليلة التي كانت (بروفة) للردى وانتهت إلى مجرد
زكاة جسد مستحقة مع رجاء أن تكون كفارة لبعض ذنوبي ال (ما ليها حد وما ليها قيف )
نعم ، رحمة المولى والحب المبذول منكم وحبي لكم درأ عني سوء المصاب.
والحمدلله من قبل ومن بعد .

اجر وعافية يامولانا .....

قالوا اللوم بجي بالغفلات ! فقد فاتني معاودتكم في البوست الأصلي

دحن ممكن تقبلوا عذرنا و تلحقونا بكشف السمحين ده ..

وياود شيقوق جهز لي استئناف كااااارب مدعم بالسوابق القضائية كان طلبي ده اترفض .......

من هاتفوني على خط المواساة عند ناصية القلق النبيل من أعضاء المنبر:

DKEEN
Mallasi
تيسير عووضه
Tmbis
بكري أبوبكر
نهال كرار
كمال سالم
جعفر اسماعيل
منى خوجلي
خالد المحرب
د. أبوحريره
عمران حسن صالح
شوقي
إشراقه حيموره
عبدالمنعم خليفه خوجلي
معتصم دفع الله
إسماعيل عباس
أميره الشيخ
عبدالحافظ خضر
مدني العرضي
محمد البشرى محمد الخضر
إنعام عبد الحفيظ
هيثم لبيب
Hadeer Alzain

كانت صلواتنا معك لكن استدارة الارض منعتنا من الوصول الى قائمه السمحين
فالحمد لله الذى تقبل صلواتنا

لا أنشد من هذه المساحة رد جميل أو بذل إطراء لأحد ، فالسمحين الذين كتبوا في بوست
عزيزنا ودشيقوق إبن البردانة لا مكافئ لفضلهم علي ، لكنني فقط وددت أن أذكرهم بدينهم
في عنقي ، جميلهم الذي ربما نسوه لأنهم لايحسبوه دينا بل بعض من أصالتهم وسلوكهم اليومي
الذي لايرجون من ورائه جميلا وهو ديدن جل السودانيين ، أهل المواساة والمروءة
من الذين يدرأوا عنك أثر الخَطب والمصاب قبل أن يعرفوك وأيا كنت وكان اختلافك معهم،
ناس كدا يزيلوا الألم ويطيَّبوا خاطرك (على بياض) ..

بركة بالطلة و الحمد لله على كل حال.

Quote: ربنا يبعد عنك الشرور شقيق ما تقبل

مساء الخير - قُلنا- يا الأمير.

(شقيش) كلمة مريحة ..

(قولي يا مروِّح)..

يا الأمير..

إنت منظر يفرح رؤاك .. إنت ديما الخير في (دعاك)
(نسعى) نحن وطالبين رضاك .. تمسى بالخير ويسعد مساك

يا سمح الروح و الكلام الف حمدلله على السلامه ... شفت بوست ودشيقوق و قلت أمشي و أجيهو راجع بالراحه ... و عييييييييك ... المعذره
يا سيدى نعمل ليك كرامه رايقه بي هناك و تونسنا عن الحوادث و الأحداث
تحياتى و أمنياتى بالصحه و العافيه و عام جديد أقل بؤسآ و أكثر إشراق

يا أُستاذنا محمد المرتضى حامد. غفلنا وحصل اللوم،
لكن براحات عفوك يتقاصر أمامها الشعور بالتقصير
الذي تمدد في داخل نفسي. يا زول يا سمح يا زين
دماثة خُلُقك وتوشحك بوشاح العفو حملني علي التقصير،
فمعذرة...

Quote: دحن ممكن تقبلوا عذرنا و تلحقونا بكشف السمحين ده ..

عمر عثمان
تجلت لي عظمة الكثيرين ممن اختلفت معهم في رؤى لكنهم كانوا من أوائل من
كتب داعيا واتصل مواسيا،
دروس في السماحة..
أتمنى على المولى أن يحفظهم جميعا حلا وترحالا ..
هم وكل من التقينا في هذا المكان وخارجه،
كثير منهم لم يتوقف بالكتابة بل عاود الإتصال هاتفيا ،
أعلم أن بعض الأحباب – وأنت منهم - ما كانوا ليتأخروا،
فقط باعدت الظروف بينهم وبين المنبر فلك ولهم الود .
زي ما قال الراحل صالح الضي

(نحن ما ناسك ..)

يا عمر..

أبو ساندرا
عبدالحميد المقابل
البحيراوي
عبد الدائم سيد أحمد
سيف بخيت موسى
saadeldin abdelrahman
شمس الدين ساتي
ibrahim alnimma
محمد الكامل عبدالحليم
Osman M Salih
أحمد العمار
ismeil abbas

Quote: بركة بالطلة و الحمد لله على كل حال.

سعدالدين (الخطيب) ..
كيفك يا لسان الدين الحبيب..

مولانا محمد المرتضي
ماتشوف شر ياجميل اجر وعافية
والله لم نسمع او نري بما جري معك
معليش ياعزيز ربنا يكسيك ثوب العافية

السمحين الأحباب بدون ألقاب،
المقامات محفوظة كما يقولون ،
فالألقاب قرأت أنها ليست سوى وساما للغافلين فالعظماء ليسو بحاجة لغير أسمائهم.

عصام جبرالله ..

تقول لي عيييييك..؟؟
في موضوع تاني بهناك برضو عملت فيهو عييييك ..
عموما إنت ما بتغيب إلا بالشديد القوي ، والشديد القوي دا بعرفو بهناك.

سلمت أيها الجميل..

Mahmoud Mustafa Mahmoud
هشام المجمر
سيف الدوله كامل
محمد علي البصير
سفيان بشير نابري
Ahmed Yousif Abu Harira
فيصل محمد خليل
Najma
علاء الدين يوسف علي محمد
أبوبكر أبو القاسم
Ibrahim kojan
وليد عبداللطيف
أبوجهينة
عمران حسن صالح

شنو الحاصل يا ود حامد
سلامات ياخى ماعندنا خبر
اخوك فى السودان مع عقد قران حسناء
والشبكه يوم طاشه ويوم تاشه

خير يا زول ,, وحسع كيف

Quote: قدر ولطف

نعم يا العزيز ،

والله يا عاطف قدر ولطف..

شكرا يا سيدي على المحادثة المزيلة لوعثاء الخطر وإنهاك الجسد وكآبة المنظر..

Quote: غفلنا وحصل اللوم،

يا معاويه سلام،
حرام عليك يا راجل،
لوم؟
حاشاك،
كتبت أعلاه أن الكثيرين لم يكونوا ليتأخروا لولا غيابهم عن المنبر،
تسلم يا معاوية.

حمزة بابكر الكوبي
SHIBKA
ABUHUSSEIN
مهيرة
عاصم البنا
طارق جبريل
محمد حيدر المشرف
عادل سمير
Awad okasha
فيصل عثمان الحسن
أيمن مبارك أبو الحسن
Elmuiz Haggaz
MOHAMMED ELSHEIKH
محمد عثمان إبراهيم
عادل الباهي عبدالرازق
إنعام حيموره
willeim andrea
Elmoiz Abunura
Azhary Awad El kareem
سلمى الشيخ سلامة
الزاكي عبدالحميد
نجلاء قرافي
ASHRAF MUSTAFA
ماجدة عوض خوجلي
عبداللطيف بكري أحمد
Osman Musa
Al-Shaygi
عبدالله ود البوش
عبد المجيد المقابل
Balla Musa

أخوي يوسف ود السماني

غيابك طال
عساك بألف خير
والحصل برضو خير
وزي ما قال لي عزيزنا أيمن الطيب : ربنا بيهيئ لينا محطات مفروض نقيف عندها ونراجع الإحداثيات
ونرجع البصر كرتين
ونقرا خارطة الطريق
ونراعي إشارات السير


تسلم يا العزيز.

الشامي الحبر عبدالوهاب
رشا سالم
Gaafar Ismail
نوفل عبدالرحيم حسن
أبوذر بابكر
Hadeer Azain
ولياب
El Awad
محمد المسلمي
محمد عبدالرحمن محمد
Abdlaziz Eisa
محمد علي طه الملك
ساميه حامد
Mona Altom
النصري أمين
Kostawi
محمد عثمان
Yassir Tayfour
سلمى تاور
Mohamed Eltayeb
ندى عثمان حسن

يا حيدر تتذكر وداليمني ؟

(أبوك تعبان يغزغز في الهواليق
يسوق الساقية فكة ريقو دفيق
يفتل في الحبال ما خلا شيتن أسمو أشميق
يرسل ليك فيشان تقرأ العلم
تلفانا في الضيق
وإنت أتاريكا في بلد الترك ولداً مطيليق
ويا خسارة عيشنا ما أكلو الجراد والحكمة متيق
إنت يالناسينا أنا ما برضالك الشين
الله يغفر ليك حقوق الليك والدين
الرزق عند سيدو رسلوا لينا في الحين
والله العيش قواسيب في محلين
وتمرنا نجض ونحش وتجارو واقفين
إن قعدت مع السلامه
وإن جيتنا يا الزين
وإنت إن ما جيت بننتظر السغيرين)

بالله يا حيدر أخوك (قرضان) ينطط في الخوازيق
وانت تاريك في بكان العرس ولدا ...
واخسارة دموعي وسهري فيك

أبوالعروس..
ياخ ألف ألف مبروك وتهانينا لك وأم العروس ومنتظرينكم بالحفلات ..
سلامي لماضي أبوالعزائم كتير ..

وكأني بك تقول : " ومالي لا أرى الهميم ؟ أم كان من الغائبين ؟
هو والله يا جميل من المغيَّبين التائهين ... المتلومين
حمداً لله آلاف على سلامتك
والقلوب الحايمة حولك دي براااها ستكون لك درعاً واقياً من الشرور
أسأل الله أن يديم عليك نعمته وعافيته ويحفظك في حلك وترحالك
أعتذر عن تأخيري
دمت بخير يا مرتضى

طارق ميرغني
Asma Abdel Halim
munswor almophtah
خالد العبيد
هيثم طه
Nagat Sid Ahmed Elshiekh
أحمد طراوة
Mannan
فضيلي جماع
حبيب نوره
Doma
طه جعفر
عبدالله أبوشوارب
عمر ادريس محمد
عبد الرحمن إبراهيم محمد
خالد علي محجوب المنسي
أحمد التجاني أحمد
Ahmed al Qurashi
Kabar
حمد عبدالغفار عمر
عصمت العالم
مزمل خيري
Ali Sirelkhatim
أمين محمد سليمان
ناظم إبراهيم
Salah Abdulla
عباس محمود
الفاتح ميرغني
Mamkouna
يحيى ابنعوف

Quote: وكأني بك تقول : " ومالي لا أرى الهميم ؟ أم كان من الغائبين ؟

hameem يا هدهد،

أريتك تبقى طيب اِنت أنا البي كلو هيِّن..
يا سيدي إنت بالذات غيابك كِتِر وتلاشت معه ال (أشياء صغيرة جميلة)،
سألتك بالذي سمك السماء تعيدها..
خلينا نعود نقرأ عِوضا عن هذياننا..

تسلم يا عادل..

يالرحمته الواحد الصمد القهار!!
ألف حمداً لله على سلامتكم..

وما أجمل الأخوة في السراء والضراء يتقاسمونها
يا حافظ ياحفيظ.

تحياتي.

Quote: يالرحمته الواحد الصمد القهار!! ألف حمداً لله على سلامتكم.. وما أجمل الأخوة في السراء والضراء يتقاسمونها يا حافظ ياحفيظ.

عائشة موسى السعيد،
نعم ، بدون (د) ، فهناك أسماء تشرِّف الألقاب وليس العكس...
أنت ممن يشرِّف الدرجة..

شكرا لك ..
نعم ، نتمنى لو نتقاسمها فكلنا غرباء وكلنا كم مهمل في هذا الكوكب الذي لايسوى
ذرة في غبار الكون..

ليتهم يعلمون..

حمدلا الف على السلامة يا استاذ محمد المرتضى

سمح انت و عسل انت يا مولانا هههههههههههه

الف عافية و سلامة كفارة وطهور ان شاء الله

الاخ ود المرتضى تحياتى و سلاماتى
والف سلامة و كفارة ليك يا زول
ربنا يبعد عنك كل شر والحمدلله انت طيب
وبعافية و بخير ربنا يجعل دوما السمحين حولك
كما انت سمحا حول الناس

ياخي الف سلامة
اجر وعافية ان شاء الله
يلا تعال أملانا جمكسين ياخي

Quote: كتبت أعلاه أن الكثيرين لم يكونوا ليتأخروا لولا غيابهم عن المنبر،

والسماح الجد هو شوف العذر للاحباب
سلامات يا المرتضى وتسلم من كل شر

شقدي،
سلامات وسنتك الجديده طيبه ياعزيزنا و (الله يخلي الاولاد) كما غنت فيروز،
لازم ياخ،
لازم تجد العذر وأبو اللمين قال بيقولوا الغايب ..
تحايا من قلب مدني ومن يسكن حِداكا.

حبيبنا وعزيزنا محمد المرتضى حامد,,,

الحمد لله كثيرا على النجاة والسلامة وربنا يحفظك لشبابك الحلو
ويخليك ليهم ولينا وإن شاء الله الخٌلعة فكت وآثارها بدأت فى
التلاشى..


فعلا جانا اللوم بغفلتنا الشينة والله خجلتى تتحدث عن نفسها,,


ولا يفوتنا أن نشكر أهل ألمانياو شركة سيارة الشعب العظيمة,,,
فلولاهم لكنا فى أمرا بالحيل ضيق,,

سلامات يا مولانا والحمد لله كثيرا على لطفه وستره,,
وبنتلاقى قريب بإذنه تعالى,,,

عميق معزتى,,

ألف حمداً لله على سلامتك يا الحبيب...

وما تشوف شر إنشاء الله...

Quote: يلا تعال أملانا جمكسين ياخي

قهرتــــــــــــــــــــــــــــــــــــــــــــــــــــــــــــــك بالقاهر و النبي الطاهر يا ودجبرين





حمدلله عالسلامة يا زول يا رائع

الف حمدلله على السلامة

الأخ محمد المرتضى حامد ألف حمداً لله على سلامتك ..
إن شاء الله أجر وعافية ..

الحبيب محمد المرتضى .. ألف لا بأس عليك يا رجل ..

بقرأ وبتابع في قوائم الأسماء الفوق دي ..

زي الممتحن وبيراجع في كشف الناجحين .. وده كلو خوف من اللوم ..

مع الناس السمحين الزيك ... وبسبب الزهايمر المبكر..

لكن اللوم حصل تبْ .. ومن الوش .. بقى في الكيبورد ..

أجر وعافية يا حبيب .. وألف حمد لله ع السلامة ..

Quote: Nagat Sid Ahmed Elshiekh

شكرا محمد المرتضى ،، وحمد لله ألف على سلامتك.

سحرنك بنات الحلة ديك

شكيتن علي الله

ياسمح يازين
الف حمدا لله على السلامة

Quote: لا أنشد من هذه المساحة رد جميل أو بذل إطراء لأحد ، فالسمحين الذين كتبوا في بوست عزيزنا ودشيقوق إبن البردانة لا مكافئ لفضلهم علي ، لكنني فقط وددت أن أذكرهم بدينهم في عنقي ، جميلهم الذي ربما نسوه لأنهم لايحسبوه دينا بل بعض من أصالتهم وسلوكهم اليومي الذي لايرجون من ورائه جميلا وهو ديدن جل السودانيين ، أهل المواساة والمروءة من الذين يدرأوا عنك أثر الخَطب والمصاب قبل أن يعرفوك وأيا كنت وكان اختلافك معهم، ناس كدا يزيلوا الألم ويطيَّبوا خاطرك (على بياض)

صباح الخير عليك يا أصيل....والحمدالله على الطلة البهية...هذا من أصلك يا كريم.

تقديرى وإحترامى,

الف الف حمد لله على السلامة

بياض نيتك وقفت ليك الجبارة


تحياتي

وليد عبد اللطيف سلام،
كل السنه وانت طيب ،
_

آي .. خليك على الصوره دي ..
وعيني بارده..

Quote: سحرنك بنات الحلة ديك شكيتن علي الله

Khaleel
الحله ديك ما قاعد أمشي ليها كلو كلو ..

تسلم يا أمير..

Quote: زي الممتحن وبيراجع في كشف الناجحين .. وده كلو خوف من اللوم ..

كسلا كل سنه وانت طيب والسنه الميلاديه الجديده كلها - وما بعدها - خير عليك.
إنت بالنيه بس ناجح يا عبدالله وحاشاك اللوم،
يا سيدي لم أجامل حين قلت أن كل من لم يرد ذكره كان بعيدا عن المنبر ..
بل أنا من يعتذر عن عدم ذكر من لم يرد ذكره..
تسلم يا أمير.

شكرا يا Rawia
مناي أن تكوني والوالدة بخير وأن يكون 2012 عام سعد وسعادة للجميع..
تسلمي يا بت العباسي.

سلمى تاور،


كياليهيه..

ودجبرين نمرر ليهو في بخور التيمان يرجعو جمكسين..

الزول دا غلبنا تب ، شوفي لينا وصفه ليهو يا دكتوره..

بهت شكريه.

Quote: ألف حمداً لله على سلامتك يا الحبيب... وما تشوف شر إنشاء الله...

ابو الحسين دعاءا مستجاب إن شاء الله،
عارف يا سيدي ، الشر مرات بنجيبوا لروحنا برانا لكن في الحادثة المعنية
أراد الله بي خيرا وأخذت الأمر على أنني لو سلكت طريقا آخرا لالم بي ما لاقبل لي به،
وفي هذا أستصحب (عسى أن تكرهوا ..) ، مش مرات بندعو المولى ألا يكلنا لأنفسنا طرفة عين؟
الكون منظم بدقة يا أبا الحسين.

تسلم من كل مكروه.

Adil Osman

لك من الشكر أجزله،

رد الله غربتنا جميعا يا عادل،

دمت بخير وعافية وحفظ.

Quote: الف عافية و سلامة كفارة وطهور ان شاء الله

أبو حتوت ..
سلامات أبو النسب،
بتنا آيه كيف..
مهاتفتك جهاز أمن معنوي متكامل
داوم على حبي واسأل على قلبي وما تفكر كلو كلو تنساني..

واحد يا ودالبشرى إتصل بي قال لي كنت عايز أقول ليك ربنا يخلِّيك لكن ربنا ما بخلي زول..
نهاااائي..
بالله مش طمني؟

قدر ولطف, يا مولانا.
جاءت متاخرة, لكنها احسن مما لا يتاتي.
السمحيين انت بروازهم الذي يحفهم من كل جانب.
علا خلينا, نحن بنجيب الفوطة,نمسح البرواز كل صباح.


تسلم يا مولانا.

مرتضى ازيك
بركة بالعودة

Quote: ربنا يخلِّيك لكن ربنا ما بخلي زول..نهاااائي..

ذكرتني الطفلة الكتبت رسالة عندما طُلب منهم في الفصل كتابة دعاء
Dear God
why don't you let the people who are already here live instead of killing them and making new ones.

طبعا ما عارفة ابن آدم كان خلوه ما داير يقعد
وقديما قال الشاعر
سئمت تكاليف الحياة ومن يعش *** ثمانين حولاً لا أبالك يسأم
كنت عايزة أرسل ليك الرسالة دي بالمسنجر عشان الناس ما يقولوا لي هسة الجاب السيرة دي هنا شنو
لكن كنت الطيب أخوي لازم يشوفها
الدعاء المخلص لك بطول سلامة ورغد عيش الباقي ساهل.

سهام ،

أريت حالك زين،
كنت بصدد المشاركة بالصور التي جاءتني من الأهل لكن لم تمهلني الأحداث،
حدثني من التقوك من الأهل من جيل غاده أنهم كانوا سيأتوا حتى بدون إشعار مني ، ويبدو
أن غادة العظيمة تجذرت في جيلها وتمددت فروعها في آلاف المعجبين،
قالت لي (ساره) أن الحفل كان حدثا يسعد الروح المُعنى ..
حبور كان الجميع فلك الشكر ولكل ومن ساهم في ذلك المهرجان ..
لك الود يا بت المجمر..

حفظك المولى..

المرتضى محمد

بركة الشفنا نور حروفك

وسلامة وأجر وعافية

أفتح السويتش بسم الله
وصلى وسلم على أحمد القرشى الهاشمى
وعيك بالطيب ولا تشاقق
وستبقى لك هذه الوصفة من النوائب عاصما
واترك لنا الدهشة!

Quote: يلا تعال أملانا جمكسين ياخي

إنت ما برضك حبيبنا والحنان الفي موروكو،
أخوك تاني بتلاقيهو في حوليه أونلاين وبدل البوست يفتح (زاويه)
بس يا طارق بعد زياره ليك هناك وهروله بين طنجه ونواكشوط
الجمكسين ثبت أنه ضار بالمزروعات ويؤثر على كل خلية بشكل كعب
كعب بالحيل..
زي ما قلت ليك قبل كدا ال (DDT) أمريكا زاتا حظرتو..

شكرا على مهاتفاتك يا أصيل.

ياود حامد
بركة سمعنا طقطقة كي بوردك.
ياخي زول يمتلك محبة هذا الكم والكيف معقول تجيهو عوجة؟
والله يعلم فقدت هاتفك وبحثت عنه حارة حارة.. ففشلت
واكتفيت من (المحادثة) بالكي بورد.
تحياتي ابو أمجد وما تشوف شر
و حول تهانينا بسبلامتكم للدكتورة أم أمجد
"وتحمدلا"لكم بالسلامة من ام "لين" ولشلة العزابة العزاز عليناالف تحية

يازول بركة الجيت راجع وشرك مقسم .

ألف سلامة عليك يا أبو أكرم وما تشوف شر إن شاء الله
سلامتك وناس الحوش كرامتك ,, حوش بكري طبعا
سلامنا عبرك لكل العقاب
وكل سنة وإنتو طيبين ,, سنة جديدة سعيدة عليكم إن شاء الله

نزل لينا صورة الطوارق بعد الحادث

ولا خايف تعمل دعاية لشركة الفلوكسواغن

Quote: الحمد لله كثيرا على النجاة والسلامة وربنا يحفظك لشبابك الحلو ويخليك ليهم ولينا وإن شاء الله الخٌلعة فكت وآثارها بدأت فى التلاشى..

أيمن الطيب،
لامن قريت ( يحفظك لشبابك الحلو) إتكيفت للغايه حتى كدت أن أنام على خدر العبارة،
لامن قريت ( ويخليك ليهم ) أفقت على صوت الحقيقة الفادح أن الشباب ولى وعبر وأن
المعنيين من الحديث هم (أيمن) وأخويه..
بالله مش صدق من قال أن الإنسان حيوان متفائل؟
سعدت بالمحادثة ودام الود ولاشك أن اللقاء قريب إن قدَّر المولى..

حاتكتب لينا عن كورس القياده الكنت مستهونو؟

الف سلامة ود المرتضى وما تشوف شر

شكراً لمن زرعوا المحبة
في فصول الشوق
واحتسبوا المودة
من حياء


يااااخي نلاقيك متين ووين؟
انت من الذين يزينون الحياة فلا غرو ان احبك الناس جميعاً في هذا الحوش
المليء بالعراك في غيرما معترك حفظتك العناية.

سمح السمح .. جاب السمح .. سوى السمح .. مولانا السمح :)


ألف ألف حمدالله بسلامتكـ .. سحروكـ الما بيشبهوكـ :) :)

د. داليا الصفوة،

سلامات وشكرا على الإتصال وياها المحرية فيك،

الأمور عادت لطبيعتها والحمد لله ، وصاحبي معه التفاصيل،

تقبلي سلام الأهل يا عزيزة.

كتب الاستاذ زمراوى
"شكراً لمن زرعوا المحبة
في فصول الشوق
واحتسبوا المودة
من حياء


يااااخي نلاقيك متين ووين؟
انت من الذين يزينون الحياة فلا غرو ان احبك الناس جميعاً في هذا الحوش
المليء بالعراك في غيرما معترك حفظتك العناية."

شفت الكلام ده كيف؟؟
صادق و واااافى

يا مرتضى أجر وعافية
والؤمن مبتلى
ابتلى الله أفضل عباده من الأنبياء والصديقين
ما تشوف شر تاني يا جميل

ود المرتضى
عام سعيد وعمر مديد وسلامتك الف سلامة وشرك مقسم على النجاض الفى الدنيا ديل


باقات زهور ومحبة يا صديق الزمن الجميل

سلامٌ لرجل السلام والمحبة
الصالب بإيقاعات روحه الفتية
عطن هذا الزمان
سلامٌ عليك صاحبنا الجميل الودود
الباذل للضياء
في الإعتام
طبت وأبقاك الله سنداً لأسرتك، لأصدقائك في العالمين، لمحبي بذلك الدافئ...
طبت ودام فينا تنسم أريجك المختلف
وشرك مقسم
كُنا في سُدةِِ الغياب
فعذراً إن لم يكن مداد قلبنا حاضراً في الأوان

Quote: Dear God why don't you let the people who are already here live instead of killing them and making new ones.

ههههههههههههها الله يجازيك يا دكتورة اسماء

بالغت باااااااالغت العسولة

سيدى الأكرم محمد المرتضى

ألف لا بأس عليك، و حمد لله على السلامة..

المؤمن مصاب و ربنا يعظم الأجر.

سامحنا على التاخير فى الواجب، مرات الواحد بكون حاضر و غائب و الذهن مشتت..

تحياتى عبرك لكل السمحين، و ربنا يحفظ الجميع من كل سوء..

ان تكون في ذيل قائمة السمحين خير من ان تتصدر قائمة المتلومين
- القائل مجهول -
,,,,,,,,,,,,,,,,

ما بسالك ,,, كلوووو كلو

- القائل ممكون-

الف حمدالله على السلامة استاذ محمد المرتضى وربنا قدر ولطف
وانشالله تتعوض العربية بافضل منها وربنا يقيك شر الحوادث

Quote: سلمى تاور، كياليهيه..

كياهاليه

تفتح الزهر حلو

لكن ثغرك احلي

والبان عال شموخ

لكن جبينك اعلي


بعضي لبعضك كل

هل يعشق البعض كلا

آمنت بالحسن لماالحاده فيك صلي ....

يا ضاحك المقلتين .......

هؤلاء السمحين..

بحضورهم في فيللا مولانا ... رحلة اليوم الواحد الي مسقط





دكتور احمد القرشي ، لؤي شمت ، محمد المرتضي، طارق ميرغني و دكتور عاطف كروم

Quote: ربنا يبعد عنك الشرور شقيق ما تقبل

وعن الوطن ...
ازيييييييييييييييييييك يا مواطن



ركز مع الوردة ياخ...

ismeil abbas

شيخنا السمح،
كما قلت سابقا، هي مناسبة لمراجعة أشياء كثيرة،
جرد صاح والحساب ولد ( ما عارف ليه ولد!!) رغم أن البنات
أشطر في الحساب حتى لو قال نزار قباني (
أأحاسب امرأة على نسيانها؟
ومتى استقام مع النساء حساب؟ )
بالله نزار مش ببالغ ؟

كانت يا سيدي خاتمة لعام مذهل..
مذهل بحق على كافة الصعد وبكل المعايير..

أدينا دعواتك يا مولاي..

إنعام حيموره كل دقيقه وانت طيبه ويدك ممدودة لمحتاجيك يا مطمورة غلة المساكين

Quote: قدر ولطف, يا مولانا. جاءت متاخرة, لكنها احسن مما لا يتاتي.

لم تجئ متأخرة يا الفاضل،
عارف يا زين الشباب ، في ناس كده كان ما شفتهم بتحس إنهم قاعديييين..
ما بغيبوا حتى لو لم ترد أسماؤهم..
زي الصمت الضاج..

لك المعزة والإحترام..

Quote: مرتضى ازيك بركة بالعودة Quote: Quote: ربنا يخلِّيك لكن ربنا ما بخلي زول..نهاااائي.. ذكرتني الطفلة الكتبت رسالة عندما طُلب منهم في الفصل كتابة دعاء Dear God why don't you let the people who are already here live instead of killing them and making new ones. طبعا ما عارفة ابن آدم كان خلوه ما داير يقعد وقديما قال الشاعر سئمت تكاليف الحياة ومن يعش *** ثمانين حولاً لا أبالك يسأم

أستاذتي الماجده د. أسماء،

دعاء الطفلة لاتعوزه الوجاهة والمنطق ولكل من كان في سنها أن يتعامل مع المسألة بهذا
الفهم قبل أن يبلغ حالة زهير بن سلمى الذي سئم تكاليف الحياة لأسباب معروفة، لكن الطفلة
تلك حين تصل إلى سن بعينها ستعي جيدا مقولة نجيب محفوظ:

(هذه هي الحياة أنك تتنازل عن متعك الواحدة بعد الأخرى حتى لا يبقي منها شيء وعندئذ تعلم أنه قد حان وقت الرحيل)

محبتي المعروفة..

Quote: أفتح السويتش بسم الله وصلى وسلم على أحمد القرشى الهاشمى وعيك بالطيب ولا تشاقق وستبقى لك هذه الوصفة من النوائب عاصما واترك لنا الدهشة!

هيهيـات يا د. بله،
هيهـات..
والله لو تركت لك الدهشة سيتفرق دمك بين القبائل..
لن تتركك عبس و(سفيان)..
سفيان نابري..

Quote: مرات الواحد بكون حاضر و غائب و الذهن مشتت..

صدقت ، وغلب اللقاط يا أباذر،

كلنا في الهم شرق..

أتابع ( لغة ً تفتش عن أراض خصبةً... شمسا ً تغير طعم فاكهة الشتاء ..)

شكرا يا أباذر،

Quote: باقات زهور ومحبة يا صديق الزمن الجميل

لك مثلها يا تيسير،
قبل أيام طالعت صورة بعض أهل ذلك الزمان وضحكت .. مرسله لك في الإيميل..
بس يا تيسير كنت أصغر مننا كثير ... سنا بالطبع..
تحاياي للعزيز كمال والأسرة.

خالد المامنسي،
إنجمامتنا،
نسأل المولى ان يجنب الجميع الشرور والمصائب،
نسأل الله أن يجعلها طهور ..
غايتو يا خالد كان زادت رصيد بهناك فألف مرحبا ..
محبتي يا أمير.

Quote: شفت الكلام ده كيف؟؟ صادق و واااافى

بت المجمر سلام،
مولانا عبدالإله يشرفني بكلام تقصر عنه قامتي ،
هو الكرم أن يمنحك إنسان من عنده فوق ما تستحق ..
أنت أعطيتني ايضا فوق ما أنا أهل له يا أم غادة..
أدام المولى الود والمعروف بين عباده..

Quote: الف سلامة ود المرتضى وما تشوف شر

تسلمي يا وضاحه،
حمد الله بسلامة العودة
عودتك والإنجمامة،
شكرا على مشاركاتك في العصفور وسآتي عليها في موضعها..

Quote: واكتفيت من (المحادثة) بالكي بورد.

دي يا محمد الشيخ زي رضيت من الغنيمة بالإياب،
الله يطراهو بالخير أديبنا مروان حامد الرشيد..
مسقط الجميله في تطور مدهش ومهرجانها سيأتي في الفاتح من فبراير..
عد لها وزر الأصحاب القدامى ..
فقدت أجلاء كود الخدر والسر العمرابي الذين عادا للوطن بعد أن قدما الكثير ..

بالله تحايا ل (لين) وأمها وكل الأحباب طرفكم..

تسلم يا باش..

Quote: يازول بركة الجيت راجع وشرك مقسم .

عاصم سلامات،

الواحد زاتو ما عارف يقعد يتزاوغ كده لمتين..

الدوهات كملن يا أبا رنيم لكن الأعمار بيد الله..

سلام للبيت كلو..

Quote: ألف سلامة عليك يا أبو أكرم وما تشوف شر إن شاء الله سلامتك وناس الحوش كرامتك ,, حوش بكري طبعا سلامنا عبرك لكل العقاب وكل سنة وإنتو طيبين ,, سنة جديدة سعيدة عليكم إن شاء الله

سلامات يا سومه وعساك بعافيه وألف خير في برد الخواجات العجيب ..
كثيرون قرروا العودة إلى هناك وود الجنيد لاشك يطلعك على ما يستجد،
العقاب بي هناك ..
يمين البقت علينا بس ياها القالا ودالمكي ( فتلة في الرياح وثرثرة في الصخب)..
بالله سلام كتير لمؤيد الأنيق..
مودتي

Quote: يااااخي نلاقيك متين ووين؟

شاعرنا المجيد مولانا عبدالإله زمراوي،

ألفين سلام يا عزيز،

قريبا جدا، وفي الدوحة، نسوي شنو عاد،

ياخ ناس دول الخليج ديل متلومين معانا ، لازم نمشي ليهم ونادرا ما يصلونا،

بالذات ناس الدوحه ديل مشينا ليهم لامن حفينا غايتو الله يبارك في الهادي هباني ..

على ذكر العراك في المنبر، ذكرتني مقولة واحد في المسالمه قال مافي أمسخ من الكوتشينه البلاش،

العراك دا بدون أتعاب مسيخ عشان كدا أصلو ما لاقاني محامي مشارك في معارك الأسافير "الملح" دي

حمدا لله على سلامتك يابا وما تشوف شر إن شاء الله

ودي هدية بسيطة إن شاء الله تعجبك

Quote: خالد المامنسي، إنجمامتنا، نسأل المولى ان يجنب الجميع الشرور والمصائب، نسأل الله أن يجعلها طهور .. غايتو يا خالد كان زادت رصيد بهناك فألف مرحبا .. محبتي يا أمير.

مـــا ينساك الكريم من كرم رحمته ونعيمه
يا محمد

منتظرين نشوفك في الإنجمامة
تعال إنجم شوية أشرب معنا قهوة الضحى

تحياتي ومودتي

Quote: سلامٌ لرجل السلام والمحبة الصالب بإيقاعات روحه الفتية عطن هذا الزمان سلامٌ عليك صاحبنا الجميل الودود الباذل للضياء في الإعتام طبت وأبقاك الله سنداً لأسرتك، لأصدقائك في العالمين، لمحبي بذلك الدافئ... طبت ودام فينا تنسم أريجك المختلف وشرك مقسم كُنا في سُدةِِ الغياب فعذراً إن لم يكن مداد قلبنا حاضراً في الأوان

حبيبنا بله ،
بكل الصدق المتاح لي في هذه اللحظة أقول لك أني تمنيت في قرارة نفسي
أن أكون بحجم كلامك عني أو بمستوى اللغة الرفيعة التي كانت ماعونا للمعاني
السمحة التي رفعتني إلى سقفها..
يا سيدي حفظ الله قلبك ومداد الخاطر وادام المولى الود والصفاء..
آمين.

على كل حال كان مناما لطيف الملامح ياعراب..وددنا بعدها ان كل شي على مايرام..مامنعنا عنك إلا البعيد القوي.نحبك فكن على خير