هههههههههههههههههههههها المسانيح ديل فاكرين الشغلانية خارج سياق المود العام آنئذ يا أمحمد ( طبعا بضم الالف وتسكين الميم وضم الحاء وتشديد الميم) اخوي
Post: #3 Title: Re: مجرد تشابه؟ Author: دينا خالد Date: 07-01-2012, 08:14 PM Parent: #2
مكملين ((للى مش فاهمين نزولنا)) للي مش فاهمين نزولنا للي معاشوش ظلمنا ولا قهرنا وحسوش نزولنا للي مداقوش مر جوعنا اللي مناموش في الشوارع كالدبايح كملوا في الليل عشاهم م الصفايح للي مش فاهمين مهانة الرجال قهر الرجال اللي بيقولوا علينا اننا حبة عيال احنا مش حبة عيال احنا شوفنا النيل بينشف في البيوت واما يجري يتفرش حمام سباحة في قصر باشا مستكترين فيا الغضب؟ مانا كنت غرقان في البشاشة كنت راضي ببؤ مية واقول دي هانت كنت ببكي في القصايد كنت بشتم في القصايد تتقطع ايدي اما قولت حبيبتي ماتت للي مش فاهمين نزولنا للشوارع احنا بندور على الحلم اللي ضايع احنا جرينا النفس في عروق عيالنا يكبروا فاهمين حاجات مفهمنهاش اقبل اني اعيش عشان حلم وقضية بس مقبلش عمري يضيع بلاش ماحنا سيبنالكوا البلد منصفتوهاش متلوموش عاللي اتعجن في المعجنة واللي اتظلم واذا كنتوا فاكرينا غنم على رزقكم انا جدي فاق فاكرين زمان حذرتكم مستني ايه من طفل ربوه بالزعاق غير المشاكل والخناق اذا كنتوا فاكرينا غنم على رزقكم انا جدي فاق للي مش فاهمين نزولنا في الشوارع الحكومة نزلتنا في الشوارع عودتنا على الشوارع الحكومة بيتتنا في الشوارع سكرت على نفسها كل البيبان خوفتنا من البيبان فاترمينا كلنا في حضن الشوارع اكتر مكان لقيناه امان اللي خايفين ع البلد احسن تموت متخافوش الموت سكوت واحنا مش في الخطة اصلا ان بكرة يكون سكوت احنا شايلين حلمنا ومكملين بكرة بيشاور علينا واحنا مش مستعجلين ماحنا لينا كام سنة متقندلين صابحين في طين نايمين في طين احنا بنأسس بلد تسمع شكاوى المظلومين نشتغل نلقى عرقنا قصاد عينينا مش في جيب النصابين نشتكي نلقى الودان نلقى اللي يسمع شكوة الناس الغلابة الطيبين احنا بنشكل بلد لاهي خايفة من صوت الاذان ولا خايفة ان الكنايس تتبني احنا بنأسس وطني عفيان .. غني مش وطن يخدم 15 نفر ويبات جعان احنا مش عايزين وطن مهزوز مهان المصري مش لايقة عليه كلمة مهان ويقولك احنا عملنا فوضى طب احنا بردو عملنا فوضى؟ داحنا كنا بنتجلد ونعيش ونرضى واحنا كنا بنتسرق ونعيش ونرضى كانت الاسعار بتغلى وانا كنت برضى والشرطة بتفتشني عادي في اي وقت في اي حتة بدون مناسبة وكنت برضى والانتخاب من سن كام لسن كام معرفش ليه وكنت برضى جاي النهاردة تقولي احنا عملنا فوضى؟ طب فوضى فوضى ماسورة الغاز بتقفلها لصعيد بلدك وتل ابيب بتفتحها؟ ماسورة الغاز بتقفلها على ولادك وللأعداء بتفتحها؟ وناس شقيانة طول اليوم عشان لقمة وغالي ياخدها ع الجاهز الهي يا رب يطفحها وناس تسكن قصور بتدور وناس الجوع بيدبحها وناس بتموت في الميادين فدى الثورة وناس خايفة على مشاعره لنجرحها احنا هنكمل وهنزق البيبان يارب انت المستعان واللي بيقولوا علينا مغيبين ومسطحين ومعفنين ومنتنين وبوابين ومأجورين قولوا براحتكوا احنا بردو مؤدبين ومسالمين بس احنا بردو مكملين
بس الاستماع يا تضى احسن واجمل مليون مرة صراحة من قرائتها
Post: #4 Title: Re: مجرد تشابه؟ Author: رشا سالم Date: 07-01-2012, 08:58 PM Parent: #3
سلامات يا مولانا.. الجخ دا من اجمل الناس في الإلقاء الشعري يقوم شعرة الجلد. الزول دا اثار نقطة مهمة شديد..انو الناس بتستعجل نتائج الثورة والتغيير ودا بيكون سبب أساسي في فشل الثورات يعني القصة ما انك تصلح مشاكل بعينها اقتصادية كانت او سياسية..القصة قصة بلد كامل محتاج يترتب أخلاقيا ويتربى وطنيا أنا مؤمنة جداً انو التغيير جايي وحتمي، لكن الانسان السوداني دا حيتعلم كيف اصول الديمقراطية واحترام الاخر ؟ كيف ممكن تركيبة السوداني تتغير للاحسن ؟ نحنا كسودانيين فينا عيب أساسي اننا ما predictable ممكن ردود افعالنا تكون ما عندها اي علاقة بالفعل..نتأثر بسرعة وننسى بنفس السرعة. بنستهون الحاجات وما بنديها حجمها المطلوب بنحب النص نص وما بنسعى للبيرفيكشن خالص .صفات زي دي ما بتبني بلد ولا بتاسس لامة. عليك الله يا محمد المرتضى من خبراتك الواسعة في الدنيا دي ادينا وجهة نظرك وتصورك لحل مشكلة ما بعد التغيير. وخلينا مكملين عشان نحل كل الحاجات النص نص دي وما مستعجلين .
Quote: وخلينا مكملين عشان نحل كل الحاجات النص نص دي وما مستعجلين .
تسلمي اختي رشا
Post: #6 Title: Re: مجرد تشابه؟ Author: محمد المرتضى حامد Date: 07-01-2012, 10:50 PM Parent: #5
Quote: المسانيح ديل فاكرين الشغلانية خارج سياق المود العام آنئذ يا أمحمد
منو ديل يا شيقا؟ إحدى الزميلات قالت لي الأيام دي لامن ألاقي لي عنوان بوست خارج نطاق المظاهرات ببقى زي العِتِرت.. ف خشية من العَتره وتماشيا مع الإنزلاق السلس للعيون في (المود العام) قلنا نلاقي الناس في ال surfing waves ، المثل بيقول دهنسة علان ولا جغمسة فلان.
Post: #7 Title: Re: مجرد تشابه؟ Author: محمد المرتضى حامد Date: 07-01-2012, 11:18 PM Parent: #6
وطبعا يا الطيب (دغمسه) سيدا معروف أما (دهنسه) دي فشاهد واستمع للدقيقه 1:06 ،
فلا تؤاخذني على إيراد الكلمتين ، ديل قدوتنا .. ول كيف؟
-
زمان كان عندنا زول طريف يقول ليك : ياخ دا خطير ، دا عندو بي إتش دي (هولدر) .
Post: #8 Title: Re: مجرد تشابه؟ Author: محمد المرتضى حامد Date: 07-01-2012, 11:36 PM Parent: #7
Quote: بس الاستماع يا تضى احسن واجمل مليون مرة صراحة من قرائتها
لاشك ، كل أشعار الجخ والأبنودي ونجم كما النواب تأخذ بعدها الإبداعي من أسلوب إلقائهم لها..
Post: #9 Title: Re: مجرد تشابه؟ Author: saadeldin abdelrahman Date: 07-02-2012, 01:29 AM Parent: #8
نعم يا مولانا فسردهم و فكرتهم بسيطة و من الواقع القريب المعاش الذي يقرر الوعي الجمعي أو بعض الناس أن يناموا عنه، يحكون و يرتبون الكلمات ليذكروا بالحاصل عبر وسائل القائهم المحببة، اتمنى أن نصل درجة الوعي و محبة البلد المبذولة هنا و الموجودة في قلوب جيراننا سلامات و أشواق
Post: #10 Title: Re: مجرد تشابه؟ Author: الطيب شيقوق Date: 07-02-2012, 05:22 AM Parent: #9
Quote: زمان كان عندنا زول طريف يقول ليك : ياخ دا خطير ، دا عندو بي إتش دي (هولدر)
اصلا ناس زمان ديل يا أمحمد اخوي طيبين خلاص إت مالك ما شفت جوابات الريدة بيقولوا فيها شنو ؟
ولا نفقد شيئ سوى عدم رؤياكم الغالي
لكن برضو لو الواحد ختوهو امام مذيعة في فضائية دبي بشد الحيل وبملأ العين نامن تفضل ، مش زى ناس هسه ديل الواحد المذيعة توحلو في طينة وضؤ - قال (عندو بي إتش دي (هولدر)
بجيك صاد يا العشاء
Post: #11 Title: Re: مجرد تشابه؟ Author: munswor almophtah Date: 07-02-2012, 05:51 AM Parent: #10
لئلاف فى قريش)
ياخ نفس الملامح والشبه والوقفه ذاتا وقدلتو
يا ربى واقف من متين???
لكنو آه يخلق من الشبه أربعين))
سلام يا آل مسقط إلى ما شاء الله دا جوخ دا موش جخ
منصور
Post: #12 Title: Re: مجرد تشابه؟ Author: نجوان Date: 07-02-2012, 06:15 AM Parent: #11
Quote: احنا شوفنا النيل بينشف في البيوت
______ رائع! الف شكر ..
Post: #13 Title: Re: مجرد تشابه؟ Author: محمد المرتضى حامد Date: 07-02-2012, 07:53 AM
Quote: الزول دا اثار نقطة مهمة شديد..انو الناس بتستعجل نتائج الثورة والتغيير ودا بيكون سبب أساسي في فشل الثورات يعني القصة ما انك تصلح مشاكل بعينها اقتصادية كانت او سياسية..القصة قصة بلد كامل محتاج يترتب أخلاقيا ويتربى وطنيا أنا مؤمنة جداً انو التغيير جايي وحتمي، لكن الانسان السوداني دا حيتعلم كيف اصول الديمقراطية واحترام الاخر ؟ كيف ممكن تركيبة السوداني تتغير للاحسن ؟ نحنا كسودانيين فينا عيب أساسي اننا ما predictable ممكن ردود افعالنا تكون ما عندها اي علاقة بالفعل..نتأثر بسرعة وننسى بنفس السرعة. بنستهون الحاجات وما بنديها حجمها المطلوب بنحب النص نص وما بنسعى للبيرفيكشن خالص .صفات زي دي ما بتبني بلد ولا بتاسس لامة.
د. رشا، لا أغالي إن قلت هذا من خير ما قرأت في الفترة الماضية ، من خلال هذا الميكروسكوب يمكننا رؤية الأسباب ومن ثم معرفة الحالة جيدا وتحرير الوصفة.. الثورات تغيير في الشعوب وليس الأنظمة ، فالأنظمة مقدور عليها وتغييرها تحتمه حركة التاريخ ..
Quote: عليك الله يا محمد المرتضى من خبراتك الواسعة في الدنيا دي ادينا وجهة نظرك وتصورك لحل مشكلة ما بعد التغيير. وخلينا مكملين عشان نحل كل الحاجات النص نص دي وما مستعجلين .
طبعا بعد كلامك التشخيصي أعلاه لايمكنني إضافة شئ ، لكن يا عزيزه رغم أن أي طفل سوداني يمكنه أن يكتب سِفرا في عيوب النظام إلا أن جل الكبار يهربون من الإجابة على مجرد سؤال هو لماذا بقي هذا اللانظام ل 23 عاما، وعندما يجدوا الإجابة الصحيحة ويعملوا بها لن يبقى هذا اللانظام 23 يوما أخرى. علينا - كما تفضلت - تغيير الكثير من مفاهيمنا ثم تفعيل إرادة التغيير لنتغير.. ما بعد ذهاب النظام يؤسس على الديمقراطية والقانون ومعرفة أن الحقوق تقابلها واجبات.
Post: #14 Title: Re: مجرد تشابه؟ Author: محمد المرتضى حامد Date: 07-02-2012, 11:54 AM Parent: #13
Quote: اتمنى أن نصل درجة الوعي و محبة البلد المبذولة هنا و الموجودة في قلوب جيراننا
الحب وحده لايكفي أحيانا يا سعد، سبق أن نقلت في بوست كلاما عن كتاب جون برادشو ( Creating Love ) قال فيه: I learned that love cannot happen unless I am willing to commit myself to making it happen . And I learned that love is a process that requires hard work and courage الأناشيد لاتكفي في حب الأوطان كما أن القصائد والأغاني لاتكفي مع المعشوقه التي ستمل يوما سالفة (زدني في هجراني وفي هواك يا جميل العذاب سراني)....
لازم تساعدا ب (جكه) يا أبو السعود.. دون تفصيل لماهية (الجكه)..
كلام سليم و عميق يا مولانا كما عودتنا ،الامريكان الشفوت بيستخدموا مصطلح making it happen دلالة على الانجاز و الطموح و تأكيد الذات ، وجه شبه غريب طبعا بينهم و بين المصريين الذين تحفل لغتهم بال(عملية) حين يقولون انجز و خلّص ، لانهم رغوا ما شاء الله لهم فلم يجدوا بدا من الجكة فهل نحن هاربون من هذه الجكة؟ كلٍ على طريقته؟ لذلك لم يكتمل ربيع الحب؟
Post: #15 Title: Re: مجرد تشابه؟ Author: محمد المرتضى حامد Date: 07-02-2012, 01:00 PM Parent: #11
Quote: سلام يا آل مسقط إلى ما شاء الله دا جوخ دا موش جخ
المنصور سلام، ناس هشام ديل - ضمن آخرين - هدوا عرش مبارك وكان يسخر منهم آل مبارك وباقي الروايه معروف.. شوف جمال مبارك في هذا الفيديو ومآلات (التريقه) .. أي زول بيعمل كدا سيأخذ حقه كاملا بإذن الله..
.
مبارك وجماعتو صرفوا على الأجهزه الأمنية وملايين منسوبيها ما إن مفاتحه لتنوء بالعصبة أولي القوة وقعدوا يسخروا من عباد الرحمن وتحدوا الشعب الأعزل إلا من إيمانه لكن رغم ذلك ما قالوا للشعب نحن شلناها بالقوه والراجل يجي يقلعنا أو يلحس كوعو ولم يقولوا أنهم لن يسلموها إلا للمسيح.. هسه زولك بجيبوهو المحكمه على محفه وعامل فيها غمران.. .
Post: #17 Title: Re: مجرد تشابه؟ Author: محمد المرتضى حامد Date: 07-02-2012, 02:32 PM Parent: #15
Quote: Quote: احنا شوفنا النيل بينشف في البيوت
______ رائع! الف شكر ..
يا نجوان القصيدة كما لو أنها قُدَّت على حجمنا وحالنا مع حكومة الألغاز .. كثيرا ما تجف مواسيرنا في قلب العاصمة ونحن على مرمى جُغمة من النيل وهذا أهون الشرور.. وصفوا المتظاهرين بشذاذ وعطاله ومأجورين (هل قالوا معفنين)؟ ياخ مولانا العارف بالله علي عثمان قال عن المتظاهرين (فئة معزولة) ..
الأكل من مقالب الزبالة ومقالب الحكام هو نفسه هنا وهناك .. زي ما قال ، فعلا الحكومة نزلتنا في الشوارع .. عودتنا على الشوارع .. الحكومة بيتتنا في الشوارع .. وفعلا احنا دايرين نأسس لوطن عفيان يا علي عثمان.. مش وطن يخدم 15 نفر ويبات جعان .. بس إحنا برضو مكملين .. ليس بالضرورة الآن ..
Post: #18 Title: Re: مجرد تشابه؟ Author: Ahmed al Qurashi Date: 07-02-2012, 06:20 PM Parent: #17
ما زلت أتسأل كيف صبر الشعب السوداني على هذه الحكومة طوال هذه الفترة،
بعملية كشف حساب بسيطة لم تنجز الحكومة شيئا في مصلحة الشعب السوداني
الجسور التي تفتخر بها هو عمل البلديات في كل الدول المتقدمة
سد مروي بعد انجازه وافتتاحه زادت الحكومة اسعار الكهرباء
اين انجازات الحكومة في الصحة والتعليم وبقية الخدمات الاجتماعية
تدمير كامل وشامل للتعليم ، وتجفيف المستشفيات من الادوية المجانية
وأصبح التعليم والعلاج المجاني ذكرى قديمة عند كبار السن يحكونها للجيل الحالي
فساد منسوبي المؤتمر الوطني يزكم الأنوف ، ليس هنالك سببا واحدا يجعل هذا الشعب يصبر
على هذه الفئة الظالمة . لذلك الخروج الى الشارع في مظاهرات هادرة واجب كل مواطن حر ينشد
Post: #20 Title: Re: مجرد تشابه؟ Author: محمد المرتضى حامد Date: 07-02-2012, 07:43 PM Parent: #18
Quote: حين يقولون انجز و خلّص ، لانهم رغوا ما شاء الله لهم فلم يجدوا بدا من الجكة فهل نحن هاربون من هذه الجكة؟ كلٍ على طريقته؟ لذلك لم يكتمل ربيع الحب؟
أحد مذيعي كرة القدم يا سعد كان معجبا بفريق كرة القدم الألماني وقال أنه زار ألمانيا ووجد أحد عمال البلدية يعمل تحت المطر في شئ ما في الشارع فسأل العامل ، وكان في منتصف العمر ، لماذا لايتوقف ريثما يتوقف هطول المطر ، فكانت إجابة العامل أننا الألمان لانتوقف عن عمل قبل أن نكمله.. لذا كانت ألمانيا ألمانيا..
منذ عقدين من الزمان قرأت أحد إصدارات سلسلة عالم المعرفة الكويتية بعنوان (اليابانيون) ولإعجابي بالكتاب واليابانيين ظللت أقرأ ما يكتب عنهم ، تصور بلدا قليل الموارد والمساحة والجغرافيا الصعبة والزلازل ويكوِّن ثاني أكبر إقتصاد في العالم وريادة في التكنولوجيا مع محافظة على التقاليد والقيم والأدب والإحترام.. إنه العمل الجاد.. طبعا يتبرعون من فضل الزاد والظهر لناس لا للسلطة ولا للجاه .. مساكين اليابانيين والألمان .. لا يعرفون الجغمسه والدهنسه والسخف الراتب صباح مساء.
Post: #22 Title: Re: مجرد تشابه؟ Author: محمد المرتضى حامد Date: 07-02-2012, 08:28 PM Parent: #18
Quote: ما زلت أتسأل كيف صبر الشعب السوداني على هذه الحكومة طوال هذه الفترة،
يا القرشي عزيزنا عمر عشاري كان عندو بوست قبل أيام إنزلق بقشرة موز في رخام هذا المنبر، وقمت برفعه قبل قليل ، أرجو مراجعته فقد تجد فيه بعض ضالتك.. بالصور والتعليق ...أقولُ قولي هذا ولا أبالي
Post: #23 Title: Re: مجرد تشابه؟ Author: الزبير صالح الزبير Date: 07-02-2012, 08:53 PM Parent: #22
Quote: ما زلت أتسأل كيف صبر الشعب السوداني على هذه الحكومة طوال هذه الفترة،
بعملية كشف حساب بسيطة لم تنجز الحكومة شيئا في مصلحة الشعب السوداني
الجسور التي تفتخر بها هو عمل البلديات في كل الدول المتقدمة
سد مروي بعد انجازه وافتتاحه زادت الحكومة اسعار الكهرباء
اين انجازات الحكومة في الصحة والتعليم وبقية الخدمات الاجتماعية
تدمير كامل وشامل للتعليم ، وتجفيف المستشفيات من الادوية المجانية
وأصبح التعليم والعلاج المجاني ذكرى قديمة عند كبار السن يحكونها للجيل الحالي
احمد القرشي كيف يا راجل ما عملوا حاجة للبلد يبدو انك اما في عينيك رمد ( لا قدر الله ) او ما عندك قريب او زميل او جار من البدريين كان في سالف العصر والأوان من ذوي المسغبه وهسي عيني باردة علية ، ممكن تشوف إنجازات الإنقاذ واثر الطفرة الحضارية في معيشته وركوبته وسكنته وتعليم اولادة اوع تكون انت من الشعب الفضل وعاوز تشوف إنجازات الإنقاذ العظيمه ، يا اخي بالغت لكن ما كفاية عليك انو الإنقاذ خلتك عايش لغاية هسي ورضيانيين تنق عليهم وتحسدهم دي براها ما نعمه منهم بالله عليك دمت بألف خير بالمناسبة يا احمد القرشي صورتك دي ما غريبة علي يبدو اننا تقابلنا في مكان ما في زمن ما ، انا متأكد لكن وين دة هو السؤال
Post: #24 Title: Re: مجرد تشابه؟ Author: ASHRAF MUSTAFA Date: 07-02-2012, 09:05 PM Parent: #22
مولانا محمد المرتضى حامد
إزيك ياخ ولعلك بخير
قلنا ندخل نسلم عليك
Post: #26 Title: Re: مجرد تشابه؟ Author: محمد المرتضى حامد Date: 07-03-2012, 12:30 PM Parent: #24
Quote: لكن ما كفاية عليك انو الإنقاذ خلتك عايش لغاية هسي ورضيانيين تنق عليهم وتحسدهم دي براها ما نعمه منهم بالله عليك
أحمد القرشي جاحد يا الزبير، الإنقاذ تمن عليه أن علمته أصول دينه ووحدت دولته وأعادت المنهوب من ثرواته وأطعمته ورهطه من جوع وآمنته من خوف. الإنقاذ هي من انتخبها أحمد لتحكمه واستضافته في استراحاتها الأمنية زمنا، علمته أن رسالة الإسلام محورها بناطيل النساء وشعر النساء وهي الفروض وما عداها نوافل ، وهل في الحياة رسالة غير أزياء النساء، 23 عاما وهي تطل عليه صباح مساء براقصيها ولاحسيها فأسبغوا عليه وأهله لقب شذاذ.. ليس ذلك وحسب ، بل تعدِه ب 23 أخرى في جمهورية ثانية , كان فضل شي من عمرو الأردب سمسم.. أبشر يا دكتور ، وباعتبارك غير متزوج فأنت موعود بالحور العين.. والعديله تقدِّم وتبرا..
تهليل..
وساهله ليك بيضا ...
Post: #27 Title: Re: مجرد تشابه؟ Author: محمد المرتضى حامد Date: 07-03-2012, 12:59 PM Parent: #24
Quote: قلنا ندخل نسلم عليك
أشرف حبابك وشرفت يا عزيز..
Post: #28 Title: Re: مجرد تشابه؟ Author: جعفر محي الدين Date: 07-03-2012, 01:19 PM Parent: #27
تصور يا أستاذ محمد المرتضى بعد ما كملت كل بوستات الثورة قلت أشوف حاجة غير الثورة قمت عترت في الثورة
Quote: احنا شوفنا النيل بينشف في البيوت واما يجري يتفرش حمام سباحة في قصر باشا مستكترين فيا الغضب؟ مانا كنت غرقان في البشاشة كنت راضي ببؤ مية واقول دي هانت
يخلق من الشبه جارين جاري فيهم نيل
Post: #29 Title: Re: مجرد تشابه؟ Author: Osman Musa Date: 07-03-2012, 01:29 PM Parent: #28
والله السلامات جملة والشوق بحر يا محمد .. ياخ جر كراعك وجر معاك ودالقرشي وجرجر شيقوق عشان نتقابل في العين . الدنيا ما معروفة . شايف بتلفح كيف ؟ شايف ؟ تحياتي
Post: #30 Title: Re: مجرد تشابه؟ Author: محمد المرتضى حامد Date: 07-03-2012, 03:31 PM Parent: #28
Quote: قلت أشوف حاجة غير الثورة قمت عترت في الثورة
قالوا العتره بتصلِّح المشيه يا جعفر اخوي، مع إنو المشي هنا صعب بالحيل..
Quote: يخلق من الشبه جارين جاري فيهم نيل
لا أغالي إن قلت لك أني كنت أود أن يكون عنوان هذا البوست (يخلق من الشبه أربعين) وأعقد فيه مقارنات بين ما جرى في الشمال وما يجري في الجنوب فنقاط الإلتقاء كثيرة يا جعفر والطريق زاتو الطريق والرمال زاتا الرمال واللواري ياها اللواري ولامن يوحلوا تلقى (الصاجات) نفسها الصاجات وفي الآخر يغني كل متفرج مع الطيب عبدالله: المشيه زاتا وقدلتو وتفريعا على هذا تصبح محطة الوصول معروفة..
ما عندك غنية ودسالم نركب أم كركابه ونتدلى في ام روابه؟
ما دوامه..
Post: #31 Title: Re: مجرد تشابه؟ Author: محمد المرتضى حامد Date: 07-03-2012, 03:42 PM Parent: #30
Quote: ما عندك غنية ودسالم نركب أم كركابه ونتدلى في ام روابه؟
وحتى لا أعدِّل مداخلتي أعلاه أضيف بأن الأغنية ربما كانت لمطرب آخر فقد سمعتها بصوت إبراهيم موسى أبا الجميل وسمعتها بصوت الراحل الرائع محمد أحمد عوض ولا أعرف لها شاعرا لكن تم تداولها على نطاق واسع من قبل معارضي نميري فغنوها في حفلاتهم وكتبوها على الجُدُر وصم الحجاره..
ياااا حليل نميري ياخ ..
ول كيف يا د. بله..
Post: #32 Title: Re: مجرد تشابه؟ Author: محمد المرتضى حامد Date: 07-03-2012, 05:19 PM Parent: #31
Quote: .. ياخ جر كراعك وجر معاك ودالقرشي وجرجر شيقوق عشان نتقابل في العين . الدنيا ما معروفة . شايف بتلفح كيف ؟ شايف ؟
مشتاقين إنت متين تجينا وسهرانين (الليل) طال علينا .. (طولا يجنن ..) وطبعا (الليل) دا هو زاتو الغنى عنو زيدان وقال ليهو يا ليل البعد ما بتتعب أنا تعبت.. بالله ارفع يديك داعيا المولى أن يزيله..
عاين.. د. أحمد القرشي في مدينة لوى ، يعني من العين فركة كعب ( Rubbing the heel حسب ترجمة قوقل بتاعكم الأمريكي) سأصطحب القرشي إلى مدينة العين لو أتاحت له المستشفى فرصة وما كان أون كول.. والعين تشوف العين والليد تصافحو قبل جمعة الدغمسة .. .. سمعت أن المستشار شيقوق لن يكون متواجدا بالسلطنة في الأيام القادمة ..
Post: #33 Title: Re: مجرد تشابه؟ Author: Ahmed al Qurashi Date: 07-03-2012, 05:44 PM Parent: #32
شضالاخ العزيز / الزبير صالح الزبير تحية واحترام قسمت الانقاذ منذ بداية انقلابها الشعب السوداني الى شريحتين ، شريحة صغيرة معظمها من مؤيديها والفاسدين والمتسلقين والذين أصبحوا يملكون كل شئ ويستأثرون بكل الخدمات من علاج وتعليم وعيش رغيد ، وشريحة تمثل غالبية الشعب السوداني وهم العامة من الفقراء والمساكين والذين يكتوون بجمرها ويحترقون بنارها ، صاغت الإنقاذ القوانين واللوائح التي تقنن سرقتهم ونهبهم لأموال هذا الشعب من دون خجل او حياء ، التحق بركبها الانتهازيين وطلاب الشهرة فاستفادت هي من دعمهم لها واستفادوا هم من برك الفساد الآسنة التي تحيط بها من كل جانب . لا تنكأ الجراح عزيزي الزبير، فكلما اتذكر فساد وسرقة أهل المؤتمر الوطني تزداد الآمي وأحزاني ،والصحة اصبحت لا تحتمل مزيدا من الفواجع ، عُدنا لا نحتمل سماع حكاوي فسادهم التي ازكمت الانوف ، فمنذ 30 يونيو 1989 عاهدنا انفسنا بالوقوف ضدها والعمل على اسقاطها فذقنا في سبيل ذلك التشريد من العمل والاعتقال والإهانة والذل ولكن لم تلن لنا قناة او عزيمة. مودتي
يمكن نكوزن التقينا في جامعة الخرطوم او خورطقت الثانوية او مستشفى الاسنان ،
Quote: بكرة بيشاور علينا واحنا مش مستعجلين ماحنا لينا كام سنة متقندلين صابحين في طين نايمين في طين
أجمل ما قرأت مؤخراً
نحن برضو مش مستعجلين
أربعه وعشرون سنه .. مرت ... لم يتبق الكثير
مش مستعجلين
لكن ناسنا ديل هم المستعجلين لحتفهم بأيديهم
Post: #35 Title: Re: مجرد تشابه؟ Author: محمد المرتضى حامد Date: 07-03-2012, 09:33 PM Parent: #34
Quote: نحن برضو مش مستعجلين
وبعض الذين لم ينعم عليهم المولى بالإعتبار من التاريخ أو مجرد مراجعة الحديث منه يظنون أن التغيير يتم بين عشية وضحاها وفرحوا أن (الموجة) مرت بسلام وأن سفينتهم استوت على الجودي فقالوا بعدا للقوم المتظاهرين ، لكنهم قريبا سيعرفوا كيف يكون تتراكم الإهتزازات وكيف يجئ التسونامي..
الغريبه يا أسامه الناس ديل ، وكما قال أحدهم عن البوربون ، إنهم لم يتعلموا شيئا ولم ينسوا شيئا..
