قيل ( لا يستطيع الإنسان التجاوب مع العالم إلا إذا تعرض للحزن مرات عديدة)
أها يا ودجبرين .. مثلك قرأت الخبر في الصحف السيارة منذ فترة وحدثتني نفسي بأن نستثمر معا في الحزن والبكاء سيما وأن (مدخلات الإنتاج) على قفا من يشيل، والمواد الأولية ما ليها حد وما ليها قيف، أما الزبائن فهم بالملايين ، لكنني ترددت وقلت على رسلك يا هذا فهناك محاذير وعليك دراسة الأمر من جوانبه المختلفة ولاتتعجل لأنها ربما تكون حالة عابرة ، يعني هوشه كده، لاغرو أن الواحد منا لم يعد يفرق بين الإلهام و الوسواس.
بمرور الأيام وتدوير الأمر في الراس ، if any ، أحسست أني أستملح الفكرة وأجد لها مبررا ولو تحريفا فقلت : أطلبوا البكاء ولو في الصين .. دون مقدمات وشرح وفذلكة أجيب ليك من الآخر وأقول ليك أنا رسيت لي على بر ، إنت شوف الموقع المناسب ومن جانبي سأتكفل بالأثاث من بنابر وبروش وعناقريب لإعانة من هدَّت حيلم الهنهنات والنحيب وطول الصراع وما تنسى الرماد.. في مقهى النحيب ستوفر للعملاء – ضمن الإسعافات الأولية - أسطوانات أوكسجين لدعم الرئات (البَنشَرا) الخذلان . . أما من حيث الزبائن والعملاء والرواد فإني أتوقع ازدحاما حد التدافع وإقبالا غير مسبوق ، وفي شأن ديمومة البزنس وجدواه المادية والعاطفية فإني أضمن له استمرارية وازدهارا لألف عام ، فنحن تموضعنا بين خطوط طول وعرض تعرف جغرافياً بإحداثيات الفجيعة شمال شرق الحزن جوار سافنا الزار المستدام، فقط عليك تسجيل المقهى الملهى كشركة مساهمة عامة رأسمالها أسى خرافي وغبن لاينتهي وجحافل من عينة ال (هزمتني وزادت أنَّتي)..
إي والله ، شركة أصولها حزن مغربل زي ما كنت بسمع المغني في الزمن السمح :أصلو (الحزن) راسمالي، والله كلما أستمع لأولئك المغنين تأخذني السغربة يا طارق، بالله الزمن داك كانوا بيندبوا حظهم؟ ياخ نحن حظ نندبوا ما لاقينو..
صاحبك محمود مصطفى محمود قال مازال يحلم ب (نوره) وب (الفجر الببلل نور عوينات الفقارى).. بالله ناغمو لينا في الإفتتاح يقص الشريط.
ولا تنسى انك من بلاد أهلها : لو فرحوا و ضحكوا قالو استغفر الله، و لو حزنوا و بكوا قالوا أيضاً استغفر الله
.. و جاء في الأثر : أن الفرح هو إخراج اللحظة، و أن الحزن هو استبطان اللحظة. و الاستبطان نوع من الاستثمار
فرحت ود الصائم، فرحت كوستي و الجبلين، و كل من هم على قول شيخنا ود الرضي : دمعي للتياب بلا المشكلة في صحائف الذمة المالية لهذا النوع من البرنس balance sheet and financial statement
حدثنا عن المنطقة الوسطى بين الوسواس و الإلهام : تلك المنطقة التى تتحرك فيها حاليا حركة الجماهير الشايلة الضنى و الأسية
أبدا يا حبيب الناس ودالصايم، لايوجد حزن شخصي فقد تماهى الخاص في العام ، فقط أقترح على صاحبك ودجبريل أن يهتبل سانحة عشان ما يطلع كيت..
يا طارق ، كان محمود ما جا سيتطوع ألف مفجوع لقص شريط الإفتتاح والتداعي ، وبذكائك الإجتماعي المعهود ستخصص مكانا للعائلات وكاتم أنَّات لزوم الستر إيمانا بمقولة استعينوا على ذرف دموعكم بالكتمان.. وبحسك الفني ستتخيَّر الديكور والإضاءة مع خلفية الكمنجات المفجوعة و صولو ساكس محشرج يضج أسى ويذوب حسرة ثم تصدح إحداهن بربع موهبة: إعطني الناي وخنّج ..
بس ما تجيب ودالصائم بضحكته المجلجلة هذه في الإفتتاح، ذلك أمر يتناقض رأسيا وأفقيا مع (جلال) الحال والمناسبة. كدا بتكون عملت زي واحد من فنانين اليومين ديل اللي غنى في حفل الزفاف (عشان أهلك بخليكي).
لست بزبونٍ فحسب بعد التحايا والتجلة والتقدير والمحبة والاحترام ووووووووووو لشخصكم الكريم مولانا وصاحب مقترح شركة الأسى وإن كنت أميل إلى كونها مدينة الأسى فإن تسمحون لنا مولانا بكشكٍ لبعض المرطبات الدسمة فلدينا أطنان أشجان ذات شوكٍ خادشٍ ولدينا أحاديث مع النجوم مبتورة وأزهار أريجها شوك ولدينا أشواق عمشاء عرجاء مما بها من أشواق ولجميعها ويضاف إليها نرى أهليتنا بها لافتتاح كشك بمدينتكم
مولانا ود المرتضى حباب الرجعه للبيت القديم ... ونعم الاستثمار فحياتنا ما بين صرخه البكاء الاولى وصرخه البكاء الاخير تسير على طريق طويل من الاحزان والاحتفاء به حتى اننى اشك اننا سنحزن لو اختفى الحزن من حياتنا .... انظر يا رعاك الله لاغانينا تجدها عباره عن ملحمه من البكائيات المفعمه بالشجن الاليم والحزن النبيل وتفكر فى عاداتنا وتقاليدنا التى تختلط بالحزن فى اشد ساعات الفرح
ود البشرى، حتى بعد داك تشوف قصة الحزن؟ يا أبا المجتبى ، القصه دي ما دايرالا شوف ، ولا تتسبب في إجهاض مشروعنا الحضاري التجاري، ياخ هسه أنا أصف لشريكي المرتقب كيف تكون الجُدُر وكيف تنشر عليها لوحات الفشل وفي الخاطر صور الحاكمين وقوائم بأسماء الخالدين الراحلين في ربع قرن ينصرم ومعهم أصدقاء الزمن الأخضر ، سوريالية في إطار من النوستالجيا المذابة،
يا محمد ، إقترحت عليه لافتة يُكتب عليها (مقهى الزهايمر ) وأن يضع في الزوايا قناديل ذكريات وقليل بخور يتصاعد من جمر خجول يتوهَّج أحيانا بفعل النيران الصديقة..
بالله يا ودالبشرى إنت ذاتك استثمر معنا في لواعج الشعب دا فقد أحل الله البيع والبكا وحرم الربا وشق الجيوب .. بالطبع تلاشى لطم الخدود.. لأسباب تتعلق بالميك أب.
الله عليك يا حبيبنا الله عليك يا جميل.. غايتو في محلك دة أنا حاجز لي حتة للنخجي والجوعير.. حتة تكون ركن كدة ياخي وفيها قهوة حبشية وريحة بخور.. ومحمد ميرغني شغال: ما بتقدر تتوب يا قلبي المودر
المنطقة الوسطى بين الوسواس و الإلهام؟ طراوه ، أسئلتك صعبه ياخ، لكن عموما استصحب منطقة بين اليقظة والأحلام، لكن الجماهير ( الشايله الضنى والأسية) وصلت لمرحلة إستوى فيها الوسواس والإلهام ، الجماهير لها متأخرات أوجاع تنتظر السداد يا ابوحميد، بقج زفرات حرَّى وزكائب من الأحزان .. حتى تغيَّر المثل فأصبح : بلدا ما بلدك أمش فيها فرحان.. تخيل ، الإلهام الذي يحركهم عند ناس تانيين وسواس.. المسألة تعتمد على الموقع والمواقف..
Post: #24 Title: Re: أهو البزنس الناجح .. وأشياء أخرى.. Author: Ahmed al Qurashi Date: 03-17-2013, 08:09 PM Parent: #23
[] عودتك الى الكتابة في المنبر أفرحت كل من يحب لجمال والأدب
يا مرتضى المقهى بتاعك دا ما بينجح الا تعمل على الجدران عزل للصوت
لانو بكاء السودانيين على شاكلة ...
ببكي وبنوح وبصيح ....
والمناديل لاتكفي لتجفيف الدموع فلا بد من ابتكار وسائل اخرى للتعامل مع الفيضانات الدمعية ...
Quote: فإن تسمحون لنا مولانا بكشكٍ لبعض المرطبات الدسمة فلدينا أطنان أشجان ذات شوكٍ خادشٍ ولدينا أحاديث مع النجوم مبتورة وأزهار أريجها شوك ولدينا أشواق عمشاء عرجاء مما بها من أشواق ولجميعها ويضاف إليها نرى أهليتنا بها لافتتاح كشك بمدينتكم
حبيبنا بله ، حسبتك ضمن المدعوين للإفتتاح.. المضروبين جوّه القلب وفي البورصات ، النيرانم مبقبقه غض النظر عن البواعث .. أهل الطموحات الخائبة والرجاءات السائلة المندلقة على الرمال.. رمال الذكرى يا كابتن.. من كلهاري للنهود وبالعكس. أصحاب الأماني الخَّدرت والأكلا الطير بعد ما لَبَّنَت.. وباعتبارك بتحفظ العُشره فلك الكُشك والأشواق وعضوية دائمة مع discount لك ولصاحب /ة أعمق الآهات ..
Post: #26 Title: Re: أهو البزنس الناجح .. وأشياء أخرى.. Author: عمران حسن صالح Date: 03-17-2013, 08:41 PM Parent: #24
الكلمات أفكار ولا يمكن التفكير بدونها ولا كلمات هنا تقال عن صوت الساكس وعلاقة " النغمة " الفيهو بالمكتوب شي أقرب للجنون هذا الذي يفعله هذا " الأمهري " تعيد ثم تعيد ثم تعيد فلا تجد في نفسكـ غير رغبة الإعادة وتكرار الإعادة أي كلمات يمكنها صياغة إحساس السمع هنــا ؟ .....
عدت على مراكب الحزن بحروف تسعد القلب الحزين هنئاً للمنبر بعودتك ولقرائك بمتابعتك
Post: #30 Title: Re: أهو البزنس الناجح .. وأشياء أخرى.. Author: كمال سالم Date: 03-17-2013, 10:25 PM Parent: #29
إبن خالتى !! يأخ يهون عليك تخلينا قدر ده فى الصقيعه دى ؟ البزنس ده خلينا ليكم إنت ود جبرين ,, نحن كتر لينا من الأشياء الأخرى دى . إفتقدناك كتير والله .
حمدا لله على السلامة و ان شاء الله الأمور كلها طيبة غايتو لو كان طولت زيادة كنا حندبل ليك الجرعة مع ود جبرين نقلقلك انت و البحبوك قلقلة ًشديدة كفى الله المؤمنين شر القلقلة ام كراعا بره :)
Post: #36 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-18-2013, 08:40 AM Parent: #34
Quote: ..باقي نحن أهل وجعة ولذلك أكيد سيطول بنا المقام..
حباب محمود، هناك تطيب الزيارة يا أبا مآب لكن لمثلك نفرش بساطا أحمرا ننتظر قدومك شريكا لا أجيرا أو زائرا، ولأنك خبير ، فلن أحذرك من بعض السيدات و الساسة فدموعهم بينها والتماسيح نسب قديم .. لاتهتم بهم ، فقط إحذرهم.. سيشوشون على سمعة المحل وصدقيته ومستوى العملاء والنادلين والنادلات والمنتحبين.. باختصار ، بطفشوا علينا الزباين الأصائل الممكونين جد جد والممكونات.... فشعار مقهانا قول مأثور (ليست النائحة الثكلى كالمستأجرة) شايف الأصاله كيف.. محمود ، حبابك تاني.
Post: #35 Title: Re: أهو البزنس الناجح .. وأشياء أخرى.. Author: وليد عبد اللطيف Date: 03-18-2013, 08:40 AM Parent: #30
اغالب دمعي واتصبر .. واقول يا الله صبرني على فراقك ياغلى الناس .... سواد حظي الملازمني زمااان قالو الغرام قسمة.... حقيقة القسمة بالايد مصيرو الحى يعود تانى.... ويهل فى سمانا اجمل عيد _____________ ياسلام ياسلام يامولانا وقت تهل وتطل علينا هنا حتى بتجيب معاك احلى البشر طراوه ودكتور القريش والكلمه الحلوه بالمره كمان بالله شوفو لينا شيقا وين
الآن فقط عاد للبورد بريقه المفقود.. حبابك قريبي ود حامد..
Post: #38 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-18-2013, 09:13 AM Parent: #37
أحبابنا في الفيس بوك، Albasha Telmeiz Aiman Awad شكرا زاتا شويه، قالوا الفيس يعج بالمواهب ( شكلا ومضمونا) وعليه أستأذنكما في مد يد العون والمساعدة لإيجاد موظفة إستقبال خريجة (خليج من أحزان) ويفضل من لها خبرة في الأنين والنوح واحتمالات الدمع السخي الهتون.. ترحب بكل زبون عند الدخول بابتسامة قابلة للإنهيار في أي لحظة ونظرات هجين تتراوح بين اللوعة والحسرة والهزيمة هامسة : ألف أهلا يا دموع ..
Post: #39 Title: Re: أهو البزنس الناجح .. وأشياء أخرى.. Author: Mahmoud Mustafa Mahmoud Date: 03-18-2013, 10:01 AM Parent: #38
يا مولانا حبيب الكل..
ياخ أمبارح ساهر بي مقطوع الطاري القاوت..
والليلة جد جد كاسر كرونة...الذهاب إلى الحمام هو أكبر همومي التي أنجزها بمشقة لا تقل عن مشقة تسلق قمة إيفرست...
للدرجة دي ..تصدق؟؟
الظاهر علينا اتملينا في الشية والمرارة بتاعة كرامة العودة..
غايتو.. الله غالب..
الـ Foundation والـ Setup والــ Layout كلها ما شاء الله تم تنفيذها بخبرات حزن السنين
عيني باردة وكدي....
قال فقيد الوطن "حميد"..
"يا نفس فجر القصايد...ما ضِهِبْ في بعدي عنك..
أصلي متغرب عشانك...راضي بالجاييني منك..
(ما شكيت) شُحْ الليالي...
(ولا بكيت) نُحْ شلتوا حالي..
رغم إنه الحال بيفضح..
إلا كُتْ في الحارة بصرخ:
يا وطن عز الشدايد...
=============
إن شاء الله يا مولانا القاوت دا يخليني أقدر على التعاطي مع حكاية الكونسيبت ديك...
.. يعني يا مولانـا خليتنا ندحرج التحايا بي هناك وانت منداح بي هنـا ..؟ نورت يا مولانـا .. نحن لما نجيك خاشين بنجيك مدلدلين يدينا وكاشفين صدورنـا اما ما باليد من ضيف ذات اليد .. يعني في شنو حاجة سمحه ما مسختها ..؟ وما في القلـب .. في القلــب يا مولانـا
Post: #42 Title: Re: أهو البزنس الناجح .. وأشياء أخرى.. Author: محمد عبد الله الامين Date: 03-18-2013, 11:50 AM Parent: #41
والله كنت حاضرة، أنت من ناس هنا وشريك مدير، سألتك بالذي سمك السماء بلا عمد أن تخصصي لأصحابك ، ونحن معهم، ركنا قصيا كتب عليه VIPs يا عزيزة ، ما تنسينا .. نحن ما ناسَك ما ناسك. أو كما تغنى صاحب الصوت السماوي صالح الضي.
شكرا على الكلام وشكرا على التواصل .. يا عزيزة ، الطيب شيقوق في الدندر، إتصلت به هاتفيا في أمسية من الأسبوع المنصرم وعرفت منه أنه في جلسة مع الأهل والعشيرة والصحاب بين طيَّات السحاب، أنسته أنَّة المجروح والتبادل الإلكتروني زاتو، ماسك ماعون اللبن المقنن بيد وبالأخرى آيفون.. يطرا ستيف جوبز ويدوبي لود الشلهمة، ناس الباديه ديل مشاكلم بسيطه يا وضاحة وبالريده بتحل زي ما قال الضخم أبوداؤود،
سليمان يا القرشي سلام، سألتك بالله حزننا ما بقا mikachinna زي ما قال القدال؟ كدي بس شوف وقول النصيحة و كلمني..
Post: #48 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-19-2013, 00:13 AM Parent: #47
Quote: البكاء مريح ياخ
مريح الشويه دي؟ بس كل على ليلاه ، أطهره على ما اجترحنا من ذنوب وأقساه على وطن لم يعد له مساحة إلا في الذاكرة، عارف يا حمد ، الشعب دا شقي ، قيل أتعس الناس من كان بذاكرة قوية وماض أليم ، لكن نحن تعاستنا أننا بماض جميل وحاضر براك شايفو.. ثم ذاكرة تتأرجح بين الخدَر والغيبوبة..
;hx
Post: #49 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-19-2013, 10:28 AM Parent: #48
Quote: حمد الله بالسلامة محمد وطراوة
حبيبنا شمس الدين، طراوه رفيق زمن طفلين كنا لاشايلين هم لاعارفين بكرا الجايينا، حفيانين حالقين في الطريق الشاقي الترام، و (الجايينا) دا يا ود ساتي هذا البوست بعض نتائجه، طراوه يتمم كيف كل رفاق الأيام الجميله قبل أن تشتتنا المنافي على الأطلس، بالله بس شوال عيش وانشرط من لوري جاري.. قلت ليك الوطن الإنسان والزمان والمكان تاني إلا في الجنه،
حائط مبكى بطول البلاد من حلفا لنمولي والجعير ما يديك الدرب وكل على ليلاه
والغاوي ينقط بدموعه
تاني حمد الله على السلامة في البوست الاساسي
Post: #51 Title: Re: أهو البزنس الناجح .. وأشياء أخرى.. Author: عمر علي حسن Date: 03-19-2013, 01:29 PM Parent: #50
انت ليك يومين هنا .. وانا ماجايب خبر .. هذا وحده سبب كاف للبكاء بلا توقف .. ما يفوت من السعادة يحزن ..
كنا حزاني لغيابك .. وها هي دموعنا تفيض اذ تعود ونلتقي .. عجبت لدموع الفرح مثل دموع الحزن ترطب القلب .. وتغسل ادرانه وما علق به ..
قال لنا الاهل .. الضحك بلا سبب قلة ادب .. والبكا بلا سبب شناة طبع .. اي هذين جائز هنا .. والموقف مفرح حد البكاء ..
اقترح ان تضيفوا لاواني المقهي قوارير تصرف للرواد مثل قوارير دموع نيرون .. تجمع فيها كل قطرة دمع يذرفها الباكي ويسلمها عند خروجه .. ف(نقوم) بتصديرها للقاسية قلوبهم .. و(نقوم) .. لكوني منكم .. وعندي من (الاسية) ما اسد به حاجة المقهي اذا تغيب البكاؤون ..
دموع المذكرة التفسيرية، ليت أيامك يندن يا khaleel،
Post: #53 Title: Re: أهو البزنس الناجح .. وأشياء أخرى.. Author: عمران حسن صالح Date: 03-19-2013, 04:23 PM Parent: #52
. .
. .
Post: #54 Title: Re: أهو البزنس الناجح .. وأشياء أخرى.. Author: اسماعيل يوسف محمد Date: 03-19-2013, 09:24 PM Parent: #53
المترع روعة وجمالا حد الاكتفاء الزول السمح الفات كل الناس رمانة هذا المنبر وكل المنابر شلالات الفرح التى عمت القرى والحضر لم تدع لنا ما نقوله وان كنا اكثر الناس سعادة بعودة الالق وتفتح البنفسج ياخ شايف طلتك عملت فى الناس شنو ؟ معاك شفنا طراوة الجميل وقرشى وعرفنا اخبار شيقوق فرفقا بنا ما تطول الغيبه ونحن نلقاها من وين ولا من وين الاسية من الحاصل علينا ولا من غيابك أعترف لك أستاذى مرتضى انك واحد من قلائل أشعرتونا ان سودانيز اونلاين دى بيتنا فحرام ان نهجر من بيتنا مرتين
Quote: انظر يا رعاك الله لاغانينا تجدها عباره عن ملحمه من البكائيات المفعمه بالشجن الاليم والحزن النبيل وتفكر فى عاداتنا وتقاليدنا التى تختلط بالحزن فى اشد ساعات الفرح
يا سامي ، الدكتور أحمد القرشي له سِفر في شأن البكا والحزن في الأغنية يضاهي Gray's Anatomy في مرجعيته ، بوست كنا نسميه الأنتونوف 225 ماريا ، قدم فيه بمعية عماليق الحقيبة ناس ودالموج وطراوه والسمار والغاوين والصِيِّع ومن لف لفهم من رواد الفضاء ألعابا بهلوانية تشيل منام العين حتى لكأني بالجقر وعوض بابكر خاتين الخمسه في اللتنين ، ياخ الشباب ديل أظنهم اخترعوا الكحل قبل أن يولد ال (رشا) زاتو ، صدقني كان عملا تفوق على ملحمة جلجامش ، دموع حتى خشيت على القراء من الكَتَراكت والكيراتايتس ، بكا ما خمج ، ياخ لامن بكري أبوبكر دق سدرو وحلف يطبع البوست على نفقتو ليبقى مرجعا للحيارى وتراتيلا في محراب ناس ليلى .. ترانيما يصفها الحكماء لكل من باتت شكواه مويه في غربال ..
Post: #56 Title: Re: أهو البزنس الناجح .. وأشياء أخرى.. Author: الزاكى عبد الحميد Date: 03-20-2013, 10:37 AM Parent: #55
للحزن جمال كامن تكون الأذن-أحياناَ- أسرع من العين لاكتشافه.. هكذا قال بشار بن برد الضرير: ياقوم اذني لبعض الحي عاشقة..................... ......................والاذن تعشق قبل العين احيانا قالوا بمن لاترى تهذي فقلت لهم............... ....................الاذن كالعين توفي القلب ما كانا وهو ذات الشيء الذي أكّده صهيل السكسفون في المقدمة إذ فعل بالوجدان ما يفعله الطل حين يدغدغ ذرات الثرى العطشى فيرحل الدعاش مبشراً ببدء دورة جديدة من الحياة.. أسعدتني يا صديقي بهذا الحزن النبيل... أما فيما يتعلق بالبزنس بتاعك وشريكك ود جبرين فلنا أجر المناولة .. بجيب ليكم كترة زبائن عييييييك..وأنا أولهم ...وإذا لقينا الحكاية ماشة نرفع معاكم شعار "الدمعة" بجنيه...يفهموها بطريقتم بعدما يخشو.. يا أبا أكرم ليك القومة..
"تعديل خطأ مطبعي"
Post: #57 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-20-2013, 11:56 AM Parent: #56
قباني سلامات،
الخبر اللكيد قالوا اونتاريو اترشَّت وميساساقا تبقبق للصباح ما انفشَّت .. وهذا مبرر كاف لتغيير المزاج في كل الإتجاهات مع دندنة بصوت خفيض بأغنية زمن الربيع حل على قراءة مبارك حسن بركات، ياخ أدام المولى عليكم نعمة الراحه والجيهة البيغادي ديك وبالطبع أنتم غير مدعوين لمقهى ودجبريل (الزهايمر الوطني) لكن سمعت تحت تحت أنه تم اختراع جهاز لقياس الحزن يماثل اختبار (بيك) لتقدير الإكتئاب ، كان وقع في عينك قول لي عووك ، سيستخدم الجهاز في فرز صدقية العضوية.
يا عمار ، (الناي) دا مقبول وحانعتبرو مساهمة عينية وسندرجه في البالانص شيت القال عليها طراوه.. الناي يا ودعبدالله إكتشاف أسطوري لايقل وفاءا للخاطر عن الساكسفون ويتميز عليه في التخصص .. أظنك تدرك أن صولو الناي ليلا يعيد للخلايا نشاط نموها ويصححها رغم إنو بيشمِّت في المستمع العواذل..
Quote: الكلمات أفكار ولا يمكن التفكير بدونها ولا كلمات هنا تقال عن صوت الساكس وعلاقة " النغمة " الفيهو بالمكتوب شي أقرب للجنون هذا الذي يفعله هذا " الأمهري " تعيد ثم تعيد ثم تعيد فلا تجد في نفسكـ غير رغبة الإعادة وتكرار الإعادة أي كلمات يمكنها صياغة إحساس السمع هنــا ؟ .....
عمران.. ناداف هبر زول مريح في المذاهب الأربعة الساكس آلة عبقرية وبالنسبة لي ارتبطت بأحداث محددة في الطفولة الجميلة في زمن كان المسرح القومي يستضيف الفرق الأجنبية وتحديدا جيراننا في الثراء الوجداني ناس القرن الأفريقي، أيام تلاهون قسسا وألامايو من أديس وحليمه وسعاد وربشه ومريم وناجي من مقديشو، بالله شوف الثلاث دول تشظَّت وأصبح ( التجزؤ فيها جزاء).. عموما ، كان ضربتك الدنيا أمشي أسمع قيتاش مكورا وهو يعزف عزه في هواك، أو يارد تفرا يعزف (المانسونا) بس عبدالله دينق بتاع جاز المدرعات كان يعزفها برتبة فريق، وسأوردها في الصفحة التالية كان ربنا مد في العمر والكيبورد..
ياخ الساكس دا.. خليهو بس .. ربنا يحفظو ..
شايف البيرقص على عزف قيتاشو دا أين يضع كفه؟ في مكان الإصابة مباشرة..
Quote: بالله كثر لينا من موسيقى الساكسفون فهى تُريح الأعصاب وتُعدل المزاج كطبيعة أرض هولاء العازفين المهره ..
دي حقيقة، المرحوم فوستو بابيتي ملك الألتو ساكس كان بيكتبوهو روشتة لمن أزرى بهم الدهر ، يعني بدل الصيدلية تمشي أقرب محل أسطوانات تشيل واحد سي دي تسمع منو مقطوعه عند اللزوم، بالطبع الإستماع لكامل الألبوم في يوم واحد عندو نتائج عكسية، فوستو زول خطير ، Kenny G بالنسبه ليهو دافوري ساي.. دي كلها منتجات الحزن الجميل الأصيل يا مولاي.. شكرا سيدي عبدالكريم..
يا ودحلتنا ازيك يا اخي ماداير - اممدر البوست - عشان مانحكي حزن ناس امدر قلنا نخليه حزن عام لكل العامه مشكلتنا في العرس بنبكي وفي الفراش بنبكي وفي الوداع بنبكي وفي الجيه بنبكي وفي النجاح بنبكي وفي الفشل بنبكي وفي الكشتينه بنبكي ياربي مويت النيل دي فيها سر البكاء دهـ ولا فهمونا السبب ناس دمعة في طرف عينه
كسره - يا ابوعلي: هسع بيت البكاء بقوا يأجروا ليهو بكايات - عشنا وشفنا
Quote: يا مرتضى المقهى بتاعك دا ما بينجح الا تعمل على الجدران عزل للصوت
لانو بكاء السودانيين على شاكلة ...
ببكي وبنوح وبصيح ....
والمناديل لاتكفي لتجفيف الدموع فلا بد من ابتكار وسائل اخرى للتعامل مع الفيضانات الدمعية ...
مالو دمعي فاض شابه البحر
يا ودالقرشي، السودانيين في جوه الجوه صادقين ، عدا من اتسعت بقعة "وكر الشيطان" في أدمغتهم، لذا تجد أغلبهم صادقين في بكاهم، وزي ما قال د. علوبه أعلاه نحن أي موقف بيبكينا، ياخ لو إتنين إتصالحوا بعد قطيعة أمامنا لانملك سوى التجاوب بدمع لايمسكه التصنقع.. نبكي لتلاوة عوض عمر وأغاني ودالرضي وسيرة الرسول ولامن فريقنا القومي يشيل كاس وأيضا لأم ضاع طفلها في الزحام ومع محمد الأمين وهو يقدم التماسه الشهير : تعال فرح ليالينا، لعلك تذكر ذلك اللاعب في كاس العالم الذي إغرورقت عيناه بالدمع حين عزف النشيد الوطني لبلاده فأدمعنا معه.. الحزن أصيل يا أحمد لذا تطول إقامته في النفس خلافا لكل العواطف ياخ.. ما بيطلع بالساهل تعتقد أنه قد ولى لكنه يعود ولو بعد ألف عام .. ديتول القلوب..
أليس يتوج كل منهما بالدموع، معاوية المدير العام للود.. شكرا على المناغمة السابقة ولكن القلم ليهو رافع، يعني إنت وطارق وسعد الدين وآخرين شغالين لَز لامن نوم عيني بقا لي سهر.. دي حركه عملوها أحبابنا شمس الدين السنوسي وياسر طيفور في ال CN Tower الإنت عارفو ، كلما أتذكرها حيلي يموت .. خدعوني وأوقفوني على زجاج يرتفع عن الأرض 600 متر.. ياخ الشلل أسبابو كتيره.. المنبر دا يا مولاي يتطلب حالة نفسية عصية وعزيزة ولا أظنها ستتوفر قريبا أو تأتي،
Quote: البزنس ده خلينا ليكم إنت ود جبرين ,, نحن كتر لينا من الأشياء الأخرى دى .
يا كمال ،
الأشياء الأخرى دي قررت أعمل بيها بوست مختلف، ودالبشرى وودالصائم وأبوحسين غيروا رأيي ، يبدو أن خطوط الضغط العالي لن تتحمل المزيد.. الناس ديل قالوا الفيهم مكفيهم وأنا أتفق معهم،
سلامات يا دكتور بله، ربما لايكون (بزنس) بالمعني المتعارف عليه لأن الأصل فيه (العمل الخيري) ولكن (الدفع ) لايمكن الإستغناء عنه لسداد بعض الفواتير، نحن نطور فكرة (بيت البكاء) لأن هذا الأخير يجمع أناسا ربط بينهم شخص وهو الفقيد أو أهله لكن المقهى المقترح الرابط فيه بين الرواد هو (المصيبة) نفسها ، الحزن وما يجاوره من مشاعر .. قبل فترة كنا نتحدث عن ظاهرة بيت البكا وشخوصه والأسباب الحقيقية من وراء الحضور ، أي من نطلق عليهم (معزين) ، على اختلاف مشاربهم وأعمارهم ومآربهم ، وخلصنا إلى أن من بين الحضور فقط من يبحث عن مكان يفرغ فيه أحزانه الشخصية ( وهذه الشريحة) معظمها من (المعزيات) والتي قد تكون لم تعرف المتوفى أو المتوفية في حياتها ، فهي تستصحب مصيبتها الشخصية والتي قد تكون فشلا شخصيا يحتاج تجمعا من الناس لبثه في الفضاء والواحده ترجع برئة أفضل وأوسع وأنشط، فقلنا نهيئ لتلك الفئة بالذات مكان عام لممارسة التنفيس بدل ما يفتشوا بيوت البكا لفش الغبينه وتسوية المتأخرات وجعل أهل الميت يكتفون بالميتة بدون خراب ديار..
يا دوك ، ممكن تتبرع لينا ب سي دي فيهو غنية إنت طبيبي واموت في جراحي..
Post: #70 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-22-2013, 08:46 AM Parent: #69
يا أبا السهروردي،
كل الشعوب حزنها مؤقت (زيارة سياحية) أما عندنا فهو مقيم ، لدرجة أني أحيانا ينتابني شعور أن الآخرين حزنـهم (فالصو) * ونحن حزننا ماس أصلي ، يا أخي في قمة مأساة ناجازاكي لم نسمع بياباني قال:
يا دمعي الإتشتت وغلب اللقاط.
شكرا يا سني.. أشواقك ضيعوني.
- * فالصو ساكت تعني (غير حقيقي) ويقال أنها إيطالية falso أو تركية يرادفها في الإنجليزية false وهي متداولة بين النساء ويندر استعمالها بين الرجال ويرادفها في قاموس ناس التويتر (ماسوره).. لو معنعن قول كلموني.
لو في لون ل (الهم) ممكن تجيبو لينا هنا ، أصلو والرسامين والموسيقيين والمنشدين هم الوحيدين القادرين على اللعب بأمزجتنا بعد أن ولى زمن الخطباء إلى غير رجعة.. برضو لو عارف شكل للأسى وكيف بيتنحت تكون ما قصرت .. مقترح دوام جزئي بالمقهى.. الديكور مهم يا ناصر.. سيما أنه أصبح الغالب على الأشياء..بزنس ومشاعر ..
Quote: غايتو لو كان طولت زيادة كنا حندبل ليك الجرعة مع ود جبرين نقلقلك انت و البحبوك قلقلة ًشديدة كفى الله المؤمنين شر القلقلة ام كراعا بره :)
المنبر دا يا سعد (بياكل) ليهو ساعه من يومك إذا نشطت فيه وهذا يتعارض مع التزامات لاتنتهي، عشان كده لامن القماش يقصِّر بتبدا ترقع من هنا وتلتِّق من هناك وتتبدل الأولويات واللغه والحروف زي ما قال د. شادول وتبدأ عملية التضحية بعدة حاجات جميله للأسف ، سيما أن هذا المنبر غنى له فضل الله محمد في ستينيات القرن المنصرم (الغريبه الساعه جمبك تبدو) وأنت أدرى بما كان عليه الحال في الستة شهور الأخيرة التي استعار فيها ودالرضي لساني قائلا (لا أعي إقبالي صرت من البَي شخصي كاد يغبالي) .. لكن لا أخفيك عندما يمر المنبر بموسم التحاريق ويختفي زملاء الطرابيزه والناس البيقُصُو في ويست البوست بتمانيه وتهاجر القماري ، بنمشي البحر، حتى مرات يكون في كلام دايرين نقولـوا نقوم نقطِّعوا في مصارينا بين الساحل والصحراء..
عموما يا سعد، السوق جد كعب.
Post: #74 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-23-2013, 09:38 AM Parent: #73
Quote: مصيرو الحى يعود تانى.... ويهل فى سمانا اجمل عيد
شكرا على المجاملة ياود عبداللطيف، كما أشرت أعلاه ، إضافة إلى الأسباب الأخرى إلا أنك أحيانا إذا ما اخترت الإستماع فقط برضو ستعرف أن من يستمع الآن يجد له شهابا رصدا.
Quote: حتى بتجيب معاك احلى البشر طراوه ودكتور القريش والكلمه الحلوه بالمره كمان بالله شوفو لينا شيقا وين
يا الوليد زولك دا كأنه يتنصت لأخبار المنبر فقد إتصل من أحد صالات الترانزيت ليتابع مجريات الأمور في سودانيزأونلاين ، يعني عايزني ألخص ليهو ما جرى أثناء خلوته المجيدة في قريته البردانة بالدندر قبل أن يصل مسقط، بالله الطيب دا مش متفائل؟ على الرغم من أنه غادرنا برتبة ملازم حزين لقضاء عطلة في البلد لكنه سيصل اليوم بحمولة حزن تؤهله للترقي لرتبة فريق ولاتسلني ياتو فريق أو ياتو غريق ، الرجل في رحلته من الدندر مرورا بالخرطوم سيأتينا بذخيرة من مواضيع على طبيعتها لم تعدل وراثيا .. فترقبوه..
Post: #75 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-23-2013, 11:36 AM Parent: #74
لا أخشى على هذا المشروع إلا من المسؤولين عن الضرائب والزكاة ودمغة الجريح وهيئة فقهاء الأحزان وعلماء الوجع المفلتر، الناس ديل يا أيمن دياب ، كلما انبتنا قناة ركَّبوا للقناة سونكي صدئ، لكن ربك كريم لو عملوا كشه أو أتوا بأمر حجز على موجودات المحل فلن يجدوا غير مناديل بللتها المشاعر ووقتها سنغني لهم بابتسامة مؤقتة : أصلو (الحزن) كان دربا مشيتو كسيح كان مقهى فتحتو بكا و(قبضتوا) الريح.
-
تعازينا في رحيل العم برعي جعله المولى من أهل عليين
Quote: "يا نفس فجر القصايد...ما ضِهِبْ في بعدي عنك..
أصلي متغرب عشانك...راضي بالجاييني منك..
(ما شكيت) شُحْ الليالي...
(ولا بكيت) نُحْ شلتوا حالي..
رغم إنه الحال بيفضح..
إلا كُتْ في الحارة بصرخ:
يا وطن عز الشدايد...
يا محمود يقال أن كل الأشياء في هذه الحياة عبارة عن صورة متخيلة مترجمة في المخ، الحاجات كلها ذبذبات ، خيرها وشرها ، اللون والمشاعر والصوت والرائحة والطعم، وحتى الخلايا بالطبع.. وهذا ما دعا كاتب لأن يقول أن الإنسان المكون من ذرات ماهو إلا mad dance of electrons وأن هذه الذبذبات لاتفنى وتسافر في الكون الفسيح على موجات مختلفة الطول، بعضهم يسميها الأرواح، ونحن يا جيِّد نعزي النفس بأن حميد وأمثاله قاعدين ولانحسبهم أمواتا بل أحياء في فضائهم مسافرون... الموت ليس نهاية للإنسان كما تعرف.. لكن لقلة علمنا وضعفنا نجزع لفراق من كانوا معنا، عشان كدا حزننا على انعتاق أرواح المجيدين والأحباب من أجسادهم يجب أن يكون فرصة للتأمل وليس طريقا لبلوغ جرف الوجع أوشفير الكمد..
هات غنيه لسياد البلد.. يا حليلم..
Post: #77 Title: Re: أهو البزنس الناجح .. وأشياء أخرى.. Author: Ahmed al Qurashi Date: 03-23-2013, 05:13 PM Parent: #76
Quote: البعض فتح ليك بوستات حدادي مدادي و البعض الآخر قامو الليل و دعوا في الثلث الأخير منه لي عودتك و إنت جايي ليهم بالحزن ......!!!!!
ABUHUSSEIN طبعا، جئتهم بالأصالة المستدامة بعيدا عن الفرح الزائف المؤقت، أولئك الأحباب لايستأهلوا كل أصيل يا عزيز، لاتنتظر أن أغني (الليله جيت شايل الفرح) .. هسه خليك مني أنا ، إنت مستوى الحزن في صدرك كم درجه ؟ حكِّم ضميرك ..
Post: #79 Title: Re: أهو البزنس الناجح .. وأشياء أخرى.. Author: سيف الدولة كامل Date: 03-23-2013, 06:48 PM Parent: #77
حباب الرجل الجميل ,,,, شفت يا مولانا طلتك فرحت الناس كيف؟
Quote: نحن لما نجيك خاشين بنجيك مدلدلين يدينا وكاشفين صدورنـا اما ما باليد من ضيف ذات اليد .. يعني في شنو حاجة سمحه ما مسختها ..؟ وما في القلـب .. في القلــب يا مولانـا
بالعكس يا تمبس
ما قاعد تجي (مدلدل يديك ) نحن بنشوف المشاعر وهي الأبقى نعم ، مافي القلب في القلب إكتفيت بالمشاركة الهاتفية في فقدكم الجلل وسعدت كثيرا بتجاوزكم والعزيزة داليا الحزن نسأل المولى أن يبدلكم خيرا وعوضا وأن يتقبل دعاء كل من رفعوا أكفهم للسماء تسلم يا علاء
Quote: لكن ربك كريم لو عملوا كشه أو أتوا بأمر حجز على موجودات المحل فلن يجدوا غير مناديل بللتها
وانت فاكر المناديل ما شغالة يا اللخو ؟ ولا قاصد تبخس المناديل اشياءها ساااااااااااى ؟
Post: #82 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-24-2013, 11:22 AM Parent: #60
Quote: ياهلا ومسهلا بمولانا نزلت اهلا وحللت سهلا
وداللمين كيفك يا سيدي وشكرا على الترحيب، والله يا محمد كنت – وما زلت – على قناعة أن المقهى عمل ناجح بكل المقاييس، هل حدث وأغمضت عينيك وقمت ب (رص) أحلامك عن الوطن وإمكانية تحقق 10% منها بوضعها في المتاح من مربعات الواقع؟ هذا حال معظم المهاجرين ، ولم يبق في العمر الكثير، أما أهل الداخل فأحلامهم تتبخر أمام أعينهم، لذا رأيت أن جميعنا يحتاج المحل المقترح أثناء تلك الإغماضة، لكن برضو، عملناالمقهى ولا ما عملناهو الله في..
Quote: غايتو لا أملك إلا أن أقول لك بعد الترحيب ,,, كامل تضامنى معاك يا مولانا فى ورطتك الأسفورية دا,,
يا أيمن ، تضامنك خليهو معاك، عارفك محشور في زمرة الشامتين، إنت بالذات ومعك ودجبرين وسعد ومحمود والمدير،
Quote: ياخ إنت حارم وصلنا مالك,,
إذا كان الواحد طريقك دايمن فارشو ورد وطريقي مدني - الخرطوم فلا بد من تفاديك، الحال في حالو يا ود الطيب لم يتغير ، غيب وتعال تلقانا.. وبمناسبة غيب دي يا أيمن هاشم ميرغني – له الفردوس – فنان سوداني أصيل، مافي غيرو بيناسب هذا الشعب، ياخ الزول دا كان مفروض أي من أغانيه تكون النشيد الوطني بدلا عن سالفة جند الله جند الوطن .. بالذات البقول فيها ( هسه خايف) .. عارف يا أيمن ، أذكر جيدا كيف شغلت أغاني (حان الزفاف) و (في الليله ديك) و ( بخاف) و ( الطيف) الشعب السوداني لدرجة أن الإذاعة كانت تبث تلك الأغاني في نشرة الأخبار زاتا مع أخبار الفياتكونغ في سايغون والأوبك في فيينا ، والنميري في كركوج وودنوباوي وحتى ضمن أخبار الطقس وحار جاف حزنا وشتاءا ورياح ناس ليلى التجارية.. بالنسبة لنا كانت تلك الخوالد أهم من الجمعيه الأدبية.. الغريبه كنا نعتقد أننا وحدنا زبائن للحزن ونتبناه نيابة عن الغير لكني لحظت أن الكبار كانوا يفوقونا ارتفاعا على خطوط اللوعة..
Quote: ولو لا مشروع البزنس الجبتو ده كان عملنا Bankruptcy
حوِّل..
ول أقول ليك يا عثمان ، إنت ما شبه الدموع وانت ما شبه العذاب .. انت ما جار شاكيرا ولاعب وسط الماديسون اسكوير.. البكا والنحيب وبف نفس القطار دا خليهو لينا نحن كتجارة لاتبور..
Quote: البزنس ده ممكن ينجح بنظام سوداني وخليك سوداني
حائط مبكى بطول البلاد من حلفا لنمولي والجعير ما يديك الدرب وكل على ليلاه
والغاوي ينقط بدموعه
الموقع المقترح هو السودان يا مايا، أي بقعة عشوائية في المليون ميل موجَّع (سابقا)، (نمولي) دي كانت زمان قبل أن يصبح الألم 9000 فهرنهايت .. أما بالنسبة لحائط المبكى فابشرك بأنه في تقاصر مطرد ، كان بطول النيل لكن مع الشايفو دا سيصبح بطول شارع النيل.. ربنا يحفظ ما تبقى من النيل، ويحفظك..
Quote: اقترح ان تضيفوا لاواني المقهي قوارير تصرف للرواد مثل قوارير دموع نيرون .. تجمع فيها كل قطرة دمع يذرفها الباكي ويسلمها عند خروجه .. ف(نقوم) بتصديرها للقاسية قلوبهم .. و(نقوم) .. لكوني منكم .. وعندي من (الاسية) ما اسد به حاجة المقهي اذا تغيب البكاؤون ..
يا سعادتك ، وفقا لمعلوماتي المتواضعة أن أهل روما كانوا ينعمون بعافية بدنية على الأقل، حتى مع نيرون والحريق الشافوهو ناس إسبرطة، لكن زبائننا ديل يعوزهم إسعافا مجهزا يرابط عند الباب ، الجلوكوز والصوديوم كلورايد ضرورية وبالجردل كمان تحسبا لاحتمالات الجفاف، المحاليل مهمة يا أبا أمير، سي سي في سي سي في الوريد الرئيسي أو كما تغنى أحد (مطربي) الزمن الخائب،
تذكرتك جيدا وأنا أعالج موسيقى Yared Tefera لتنزيلها في الصفحة هذه وهي مقطوعة لأغنية بيزونيش بيكيلي كنت أطرب لها كثيرا في الطفولة عندما يعزفها عبدالله دينق عازف الساكس بفرقة جاز المدرعات بعنوان (المانسونا) ، كان زمنا سمحا.. هسه جاز للفانوس مافي والمدرعات بقت مكنات لحام..
يا سعادتك ما زلنا ننتظر بوست وعدتنا به عن الهضبة.. أرحنا به قبل السنين الممحوقه تجري .. ..
Post: #87 Title: Re: أهو البزنس الناجح .. وأشياء أخرى.. Author: عمر علي حسن Date: 03-24-2013, 08:25 PM Parent: #86
Quote: يعوزهم إسعافا مجهزا يرابط عند الباب ، الجلوكوز والصوديوم كلورايد ضرورية وبالجردل كمان تحسبا لاحتمالات الجفاف،
استاذي الحبيب ارثي لحالك .. وانت تفكر في الاسعاف والجلوكوز والصوديوم .. اذن فانت تحتاج لدراسة جدوي جديده .. قد لا تدفعك لتبدل موقفك وتتخلي عن فكرة المقهي .. ولكنها ستدفعك للتفكير في حجم الامكانات ومقدار الانفاق الذي يجب توفيره لتقديم الحد الاقل مما ذكرت ..
فمقهاك هذا لن تقل مساحته عن 700 الف كيلو متر مربع .. بعد (التخفيض) الذي منحك اياه ربك الكريم في 9 يوليو 2011 واقتطع معه عشرة ملايين بكّاء كانوا سيقطمون وسطك بمزيد من الاحتياجات ادناها انهم لن يستطيعوا الحضور للمقهي للبكاء وسيطلبون ان يحضر المقهي اليهم ..
مقهي بهذه المساحة وبالعدد المتوقع من الرواد لا يصلح ان يزود بسيارات الاسعاف ولا بالمحاليل .. وسيكون افضل لحسن ادارته ان يترك لكل شاة ان تعلق نفسها من عصباتها ....... ويمكنك ان تاخذ الحكمة من ادارة المقهي الحالية فهي متمرسة وتسندها خبرة 24 عاما الا ستة وتسعين يوما ..
واعزيك في المشروع العظيم .. وابكيييييييييييي انا .. كل ما ذكرت جماله ..
عمر علي حسن
Post: #88 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-25-2013, 08:55 AM Parent: #87
Quote: عدت على مراكب الحزن بحروف تسعد القلب الحزين
أستاذنا الجيِّد الشامي المفيد ودعبدالوهاب .. لم أعد على مركب حزن ، هذا المركب – كبعض الفيتناميين ولاجئي القوارب – أقيم فيه بشكل مستدام جزاءا وفاقا على تبني قائمة الرجاءات المستحيلة، ولا ألوم أحدا ، أعرف أسباب تلك الٌإقامة وأعيها جيدا ، فأنا من نفر أدمنوا الحلم بجنات من أعناب أُبدِلت بأخرى ذوات أكل خمط وأثل وشيء من سدر قليل وحتى السدر غادر الخلاء وسوق المَلَجه وأصبح في السوق الأسود ، نستاهل يا عزيز، فالواحد منا بسط الأماني كل البسط وقعد ملوما محسورا ، أكثرنا الجدال والمراء ثم التفتنا فوجدنا المساء قد ولى ومعه الصباح فقدمنا عرضحالا يتململ منه إنشتاين في قبره ختمناه بطلب نسج على نولِ إبراهيم الرشيد يقول: يا زمن وقِّف شويه..
وهيهات ..
الشامي .. برضي ليك المولى الموالي
Post: #89 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-25-2013, 11:15 AM Parent: #88
Quote: عودا حميدا
Mayada Yousif
شكرا على الترحيب يا مياده، لكن هنا في ناس كتابتهم بطعم نعناع صديق للبيئة والشعب الهوائية ، تفتح ممرات الرئة وتزيل مخلفات الكتاتيح وترتق الأوزون..
-
Aiman Awad
لا أغالي يا سيدي إن قلت لك أني سعيد بأن أعرف أنك من المتابعين لهذياني هنا، سبق أن قرأت لك كلاما على ذات النسق في بوست آخر أطلقته من منصة الفيسبوك،
هذه المداخلات من الفيسبوك فكرة عبقرية لأنها بوصلة تعين الأعضاء في إبحارهم الليلي وتجنبهم الشعب المرجانية وتقودهم إما إلى موانئ السلامة أو تسليم شارة الكابتنية والتنحي ..
-
Albasha Telmeiz
والله كان رجعت الفيسبوك حاتكون إنت السبب.. تسلم يا أمير..
يا رجل هذه حاتمية منك تفوق ما أقدمه هنا ، لكن يا محمد زي الكلام دا يرهقني ، يجعلني أرجع البصر كرتين قبل البث ..
محبتي.
-
Balal Balal
ناس أمدرمان جوَّه الجوه، بالله استوديو الوادي؟ وعلي يسراك الطيب سيد مكي وأمامك الشيخ أحمد الشيخ، هل ابتعت أيام الثانوي العام رِداء (شورت) كاكي استاكبورد من سانتي الهندي؟ هل مررت بحلويات الدانوب؟ مكي باي نايت؟ كان لاقيت الخرده كوستاوي، شارع الفيل؟ ياخ والله إنت بكلامك دا .. غايتو.. لكن البكا كلو هناك .. في تلك البقاع.. كانت كاتيوشا وأصبحت سكود.. أين من عيني هاتيك المنصات
Quote: ونحن نلقاها من وين ولا من وين الاسية من الحاصل علينا ولا من غيابك
طابت أيامك يا اسماعيل
يا سيدي ستعرف بعد قليل أن الأمر يتطلب (مداراة) وأنه لابد من حالة هروب كامل لإنجاز مسائل لامجال فيها للتأجيل أو المجاملة.. هذا المنبر جمعنا بأناس ستعرفهم وستسعد بهم وهم من يدفعك للبقاء ويعملون كحوائط صد ضد الزحف الصحرواي ونكوص النفس والإحباط ، ستعرف أن ما يجري من عمل خير بعيدا عن الأعين في هذا الموقع ربما يفوق ما يراه العامة.. يا عزيز.. أشكر لك الكلام السمـح وأتمنى لك رحلة طويلة ممتعة مع سفريات سودانيز المشرقة..
Quote: وهو ذات الشيء الذي أكّده صهيل السكسفون في المقدمة إذ فعل بالوجدان ما يفعله الطل حين يدغدغ ذرات الثرى العطشى فيرحل الدعاش مبشراً ببدء دورة جديدة من الحياة.. أسعدتني يا صديقي بهذا الحزن النبيل... أما فيما يتعلق بالبزنس بتاعك وشريكك ود جبرين فلنا أجر المناولة .. بجيب ليكم كترة زبائن عييييييك..وأنا أولهم ...وإذا لقينا الحكاية ماشة نرفع معاكم شعار "الدمعة" بجنيه...يفهموها بطريقتم بعدما يخشو..
الكتابه عقب مداخلاتك صعبة يا الزاكي، مِحنَه عديل، يا الباهي، كلامنا الدراش بنحاول نجمله بموسيقى وكلمات الآخرين ، الساكسفون محفِّز لغدد الكلام وبقدرما هو مطرب لكنه جارُ للحزن والشجن الحيطه بالحيطه.. رأيت إقبالا على (مشروعي) حتى قبل اكتمال الفكرة ، كنت أظن أن الرهق حالة خاصة ويبدو أن الكل في نصب معتق ولغوب مزمن ، وسعيد بأن (أضمن) مشاركتك المبكرة وأثق أنك لن تضن علينا بنصحك وإرشاداتك .. شعار (الدمعة) جد مبتكَر، هم (سيفهموها بطريقتم بعدما يخشو) لكن بعد ما يخلصوا حايقولوا عايزين (إنسانية)..
ممدرو يا علي، ممدرو ياخ.. أمدر ناطق رسمي باسم الحزاني في ما تبقى من وطن، حتى صناجتها سيف الدسوقي - أمد الله في أيامه - ربما غير رأيه المعلن في (المصير).. ممدرو يا دوك.
Quote: الصيف القدامنا ده كان ما جيت سنتصرف في نصيبك من الخضرة والماء والوجه الحسن..
إلا دي يا ياسر، أديني فترة سماح، إلى حين ميسرة .. يا ود طيفور ، نعم ، المولى قال لقد خلقنا الإنسان في أحسن تقويم لكن برضو قال في كبد .. أمهلني ..
Post: #94 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-26-2013, 11:21 AM Parent: #90
Quote: و في الكورة برضو بتبكوا
بالحيل يا سعد، هسه ما يسمى بالفريغ الغومي وما فعلوه به في كوماسي هذا الأسبوع مش بيبكي العدو قبل الصديق؟ زمان كان عندنا فرق يضربوا بيها المثل هسه يضربوا بيها الحيطه وتعتذر للحيطه..
Quote: مرحباً مولانا والعود أحمد وأنت تمتهن بزنساً لا تبور تجارته فى بلدى....
مولانا أبوبكر، ربما عدت للكتابة المتواضعة التي ترى لكنني كنت أشارك بالقراءة في الشهور الست الأخيرة التي لم أكتب فيها لأسباب ذكرتها أعلاه وغيرها من الأسباب التي أنت أدرى بها باعتبارك من قبيلة القانونيين وتدرك ضيق ذات (الوقت) وقلة مايُمكِّن من المشاركة المفيدة هنا،
مقهانا يا مولانا كان خِتا التتار بيقفِّل ويتعرض للتصفية ولكن نحن ماشين في الخطوة نمد كل منا يدندن: ما بخاف من شئ برضي خابر المقدر لا بد يكون ، شايف كيف !
كثير من الأحداث مرت في الفترة المعنية يا أبا بكر وكثير من السمحين قضوا وتركونا لهذه الفانية ولولا إيمان بالله وخشية من إثم سب الدهر لردَّدنا مع المتنبئ:
يازول انت كت غاطس وين ( خوفي ان تكون قد التهمتك بنات آوي) وبما انني من قبيلة البهجة والسرور العظمة فدخولي للاطمئنان على البزبس البكائي حارفدك قريبا بما كتبته في زمن سابق عن بكائية السوداني هسة دخلت اطايبك
اخونا الزمان احمد طراوة .. اجمل من لعب تنس طاولة .. ياخ مشتاقين
Quote: ولا تنسى انك من بلاد أهلها : لو فرحوا و ضحكوا قالو استغفر الله، و لو حزنوا و بكوا قالوا أيضاً استغفر الله
.. و جاء في الأثر : أن الفرح هو إخراج اللحظة، و أن الحزن هو استبطان اللحظة. و الاستبطان نوع من الاستثمار
فرحت ود الصائم، فرحت كوستي و الجبلين، و كل من هم على قول شيخنا ود الرضي : دمعي للتياب بلا المشكلة في صحائف الذمة المالية لهذا النوع من البرنس balance sheet and financial statement
حدثنا عن المنطقة الوسطى بين الوسواس و الإلهام : تلك المنطقة التى تتحرك فيها حاليا حركة الجماهير الشايلة الضنى و الأسية
إلهي .. و سيدي يا محمد .. مرتضى .. جيت ؟؟ .. يا سلام ياخي .. دايرك أنا في شي بيخصك .
قدورة " قِده " في مرة جاني و جاب آخرو : قده : عملت دراسن جدون عند أستازه نعمات المحامية بت ناس عمك عبدالمنعم .. كلمتها بموضوع كده ، قامت كتر خيرا عملت لي الحاجة دي .. مجان و الله . هسه خلاس بقيت عليهو .. لاكين قت في اللول نشاور اللخوان .. وللا شنو ؟؟ ما خابا مين اشتشار . أنا : أها قده : فضلة خيرك دايرين نعمل مخبازة و كده !! فتحت خشمي و رجيت تمامة الكلام لهذه دراسن جدون " دراسة الجدوي " .. أنا : أها !! قده : مخبااااازه قت ليك .. مخبازه . أنا : مخبازه دي أكلة يا قدد .. ما مشروع . قده : أيوه أكلة أصلية بتدي طاخات كويسه و نظامات .. فيها اي شي محتاجو اللنسان .. ربنا اداها للمساكين تعويض .. إنت قايل شنو ؟ أنا : يعني ح تعمل دكان متخصص مخبازه ؟؟ .. طبلية مثلاً ؟.. طربيزة ؟؟ .. شنو بالظبط ؟ قده : لا لا .. نظام غنا حبش نضيف . أنا : ......... !!! قده : شوف ، نأجر بيت .. نجيب حبش سمحين كده و عندهم ركايز و نظامات . ديوان كبير كده و نفرشو سجاجات و تكايات تراخيم .. كويس معاك ؟ .. و الود سامي جلوطه كويس في نظام الدلوكة و البونقوز . كويس معاك ؟ .. نجيبو نديهو حرباشات تفتوفه كده و حنك سنين .. ح يوافق . شفت شنو .. نقوم نقول للحبش ديل يغنو و يرقصوا لكن بالهداوة عشان ناس الكبسونة ما يفرنبوا علينا .. كويس معاك ؟ .. لو فرنبو زاتو ما مشكلة .. طه أخو ناس فوزي اب شعر شغال بومبه .. بندخلو في القصة دي . كويس معاك ؟ .. إنت زاتك تشتغل معانا . أنا : أشتغل معاكم شنو أنا ؟؟ .. رنت و منو ؟؟ قده : أنا و سامي و الحبش و طه البومبه . إنت بس تعمل لينا المخبازه . مش إنت كنت في بورسودان مدة كده ؟؟ أنا : أعمل المخبازه وين أنا ؟؟ وين أعملا ؟؟ قده : في بيت الحبش ده .. لكن بره من الديوان . نعمل ليك نظامات بره في الشارع و لمبه و نجيب عبدو قريب ناس منعم السر . يغسل الكواري .. الود ده كويس ، ما تشوفو مكبس كده .. شاطر . أنا : أيوااااااا .. أها و منو الزباين ؟ قده : الزباين هم اللخوان البجو للبشكة بتاعت الرقيص و الغنا دي .. أصحابنا الزمان ناس السيلما و ناس الليق ، و برضو اللخوان الكانو بيقعدو جنب الساحة الشعبية و عيادة فاروغ و ناس عباس في ميدان البقر .. هسه طبعن الحاجات دي كلها قفلت . ديل زباين كدددده .. صدقني مكسب تقيل و ح نغندل .. شفت شنو . ح يعرفو موضوعنا ده و يتكبو يجو يعبو بطارياتهم عندك و يدخلو يرقصو .. شفت شنو . و ديل ضمان ح يدخلوا و يجوك طالعين تاني .. تديهم مخبازه ، يدخلو تاني و يجو طالعين، تديهم تاني .. تاني يدخلو .. نظام زي ده . لغاية الساعة حداشر بيكون خلاص .. شطبنا و غلتنا معانا . اشيل انا نص الستة و إنت و سامي و الحبش و طه البومبه و عبدو تخشو قسمة لباقي الأووله . نجي تاني يوم كده برضو . أنا : أيواااااا . قده : اها .. كيف معاك ؟؟ أنا : إنت بتعرف محمد المرتضى ؟؟ قده : أيوه .. مش بتاع مغلغ التضامون ؟ أنا : هو عندو مغلق ؟؟ قده : كيف ما عندو ؟ .. مغلغ بابين في سوق السجانة . زول طويل كده و صلعه و كاضم طوااااالي .. صاح ؟ .. خال ناس المرحوم نصر الدين عابدين الله يرحمو .. بعرفو كويس ، مالو ؟ أنا : مافي شي .. أديني منفاخ العجل بتاع الشفع ديل لو صلحتو . ماشي أنفخ .
Quote: إلهي .. و سيدي يا محمد .. مرتضى .. جيت ؟؟ .. يا سلام ياخي .. دايرك أنا في شي بيخصك .
قدورة " قِده " في مرة جاني و جاب آخرو : قده : عملت دراسن جدون عند أستازه نعمات المحامية بت ناس عمك عبدالمنعم .. كلمتها بموضوع كده ، قامت كتر خيرا عملت لي الحاجة دي .. مجان و الله . هسه خلاس بقيت عليهو .. لاكين قت في اللول نشاور اللخوان .. وللا شنو ؟؟ ما خابا مين اشتشار . أنا : أها قده : فضلة خيرك دايرين نعمل مخبازة و كده !! فتحت خشمي و رجيت تمامة الكلام لهذه دراسن جدون " دراسة الجدوي " .. أنا : أها !! قده : مخبااااازه قت ليك .. مخبازه . أنا : مخبازه دي أكلة يا قدد .. ما مشروع . قده : أيوه أكلة أصلية بتدي طاخات كويسه و نظامات .. فيها اي شي محتاجو اللنسان .. ربنا اداها للمساكين تعويض .. إنت قايل شنو ؟ أنا : يعني ح تعمل دكان متخصص مخبازه ؟؟ .. طبلية مثلاً ؟.. طربيزة ؟؟ .. شنو بالظبط ؟ قده : لا لا .. نظام غنا حبش نضيف . أنا : ......... !!! قده : شوف ، نأجر بيت .. نجيب حبش سمحين كده و عندهم ركايز و نظامات . ديوان كبير كده و نفرشو سجاجات و تكايات تراخيم .. كويس معاك ؟ .. و الود سامي جلوطه كويس في نظام الدلوكة و البونقوز . كويس معاك ؟ .. نجيبو نديهو حرباشات تفتوفه كده و حنك سنين .. ح يوافق . شفت شنو .. نقوم نقول للحبش ديل يغنو و يرقصوا لكن بالهداوة عشان ناس الكبسونة ما يفرنبوا علينا .. كويس معاك ؟ .. لو فرنبو زاتو ما مشكلة .. طه أخو ناس فوزي اب شعر شغال بومبه .. بندخلو في القصة دي . كويس معاك ؟ .. إنت زاتك تشتغل معانا . أنا : أشتغل معاكم شنو أنا ؟؟ .. رنت و منو ؟؟ قده : أنا و سامي و الحبش و طه البومبه . إنت بس تعمل لينا المخبازه . مش إنت كنت في بورسودان مدة كده ؟؟ أنا : أعمل المخبازه وين أنا ؟؟ وين أعملا ؟؟ قده : في بيت الحبش ده .. لكن بره من الديوان . نعمل ليك نظامات بره في الشارع و لمبه و نجيب عبدو قريب ناس منعم السر . يغسل الكواري .. الود ده كويس ، ما تشوفو مكبس كده .. شاطر . أنا : أيوااااااا .. أها و منو الزباين ؟ قده : الزباين هم اللخوان البجو للبشكة بتاعت الرقيص و الغنا دي .. أصحابنا الزمان ناس السيلما و ناس الليق ، و برضو اللخوان الكانو بيقعدو جنب الساحة الشعبية و عيادة فاروغ و ناس عباس في ميدان البقر .. هسه طبعن الحاجات دي كلها قفلت . ديل زباين كدددده .. صدقني مكسب تقيل و ح نغندل .. شفت شنو . ح يعرفو موضوعنا ده و يتكبو يجو يعبو بطارياتهم عندك و يدخلو يرقصو .. شفت شنو . و ديل ضمان ح يدخلوا و يجوك طالعين تاني .. تديهم مخبازه ، يدخلو تاني و يجو طالعين، تديهم تاني .. تاني يدخلو .. نظام زي ده . لغاية الساعة حداشر بيكون خلاص .. شطبنا و غلتنا معانا . اشيل انا نص الستة و إنت و سامي و الحبش و طه البومبه و عبدو تخشو قسمة لباقي الأووله . نجي تاني يوم كده برضو . أنا : أيواااااا . قده : اها .. كيف معاك ؟؟ أنا : إنت بتعرف محمد المرتضى ؟؟ قده : أيوه .. مش بتاع مغلغ التضامون ؟ أنا : هو عندو مغلق ؟؟ قده : كيف ما عندو ؟ .. مغلغ بابين في سوق السجانة . زول طويل كده و صلعه و كاضم طوااااالي .. صاح ؟ .. خال ناس المرحوم نصر الدين عابدين الله يرحمو .. بعرفو كويس ، مالو ؟ أنا : مافي شي .. أديني منفاخ العجل بتاع الشفع ديل لو صلحتو . ماشي أنفخ .
الله يجازي محنك يا عماد كتلتنا بالضحك يا مسنووووووووووووووووح
صلاح مصطفى مُريح يا سيف، يا للهوى ياللشباب يا للدعاء.. إنت بس قول آمين.. كيفك يا سيف في بلد اليانكي .. هجرات داخل هجرات فوقها ظلمات.. بقت علينا قصة يونس والبحر والحوت.. بس قول ربنا يسهل لينا الخروج ويهيئ لينا يقطين نداوي بيهو بُقَّاق السنين.. إنت بس قول آمين الله قال أدعوني أستجب لكم..
حمدا لله عالسلامه يا شيقا.. إفتتاح فرع في البردانه سيوفر دفئا لها وضواحيها يُنسي أهلها أحلامهم في النفط، بالمناسبة ، طالما إنو البلد كلها نفطها راح شمار في ويكه فاستثمر في الأنابيب.. بالله شوف ، لدرجة أسميناه مزيج البردانة وحددنا سعرو وقلنا يقول لبرنت قوم وانا أقعد مكانك.. بالله قلت لي حتى بير المويه دفنوها؟ الله يغيز الصينيين.. والتتار..
اها بدل دموع الحزن بنقلبها ليك دموع بهجة يا حبيبنا عمتي حواء بت الخضر ود كنيش سووولا عملية في العين «موية بيضاء» ربنا يواليها بالعافية.. قالولا دايري شي بعد فك البنج قالتلهم فاطنة سوت شنو مع كريم الله لا كسبهم عمي حسن سألها قالها انت شن عاجبك في الخرابة دي قالتلو: الرسول يا الحسن شوفتة سماحة الـ«شـطــ...» العند الخرابة دي قالها: نان قايلاهن متل ألاتك العلي المُعلاق ديل قالتلو: الرسول يا الحسن لا تضحكني تخرب علي عيني باقي ولادي دافعلهم فيها قروشا قدر الفني.. قالها: سمح اتغمتي نومي لا توووجعي راسنا قالتلو: الغمتي اليلحقك مصطفى الكان داير فاطنة قبل يموت قالها: انت باقيلي بعد موت ود عمي مكاوي دايري تبقي متل المحامي العرس أم كريم قالتلو: والله حلات الدنيا عليهو وحنين يسكت يبوس فيها قالها: البوس اليلحقك جدي ود قرنين قالتلو: بري مالك علي.. غور من فوقي وشوفلي سفة بالدس ولادي لا يقوموا فوقي قالها: يسفوا عليك.. هسي البُكان السمح دة دايري تسفي فيهو الله لا تاجرك قالتلو: أسكت داعَني وجيبلي سفة يجيبوك مقلم انت قالها: هههههههههه الله لا كسبك اللمشي أشوفلك سفة ماك مرة شي
Post: #103 Title: Re: أهو البزنس الناجح .. وأشياء أخرى.. Author: Osman Musa Date: 03-27-2013, 01:00 AM Parent: #102
محمد ود المرتضي وعماد عبدالله والطيب وطارق أنشاءالله بكري ابوبكر يقوم عليكم يشطبكم واحد ورا واحد .
Quote: قده : أنا و سامي و الحبش و طه البومبه . إنت بس تعمل لينا المخبازه . مش إنت كنت في بورسودان مدة كده ؟؟ أنا : أعمل المخبازه وين أنا ؟؟ وين أعملا ؟؟ قده : في بيت الحبش ده .. لكن بره من الديوان . نعمل ليك نظامات بره في الشارع و لمبه و نجيب عبدو قريب ناس منعم السر . يغسل الكواري .. الود ده كويس ، ما تشوفو مكبس كده .. شاطر .
ههههههههه، قدة للمخبازة و المدايد! مفتح قدة ده ياخ، عايز ادردق الزبائن بجيرانها الصبوحين و يستخدمكم مع الشباب كعمالة خبيرة، بركة الما طالبكم بي تلاتة صور مختلفة ؛)
Quote: إفتتاح فرع في البردانه سيوفر دفئا لها وضواحيها يُنسي أهلها أحلامهم في النفط،
كنا بنحلم بالانفصال برضو ونذهب بنفطنا بعيدا عنكم ونخليكم تجقلبوا وتقولوا تبقت فقط 10 في المئة من منتجات النفط وبعد شوية تفكروا في تصدير مزيد من الاطباء والنبق واللالوب . بس كمان المصيبة البندر غير منتج للنبق ولا حتى اللالوب وربما حتى الجمال بضم الجيم ..
Quote: بالله قلت لي حتى بير المويه دفنوها؟
ولقيت ليك اللارنجا قائمة في قنطورها تهبهب وكأنها مروية بماء زمزم .
لشنو يا تدى ؟ يمكن محلها غنية بالمخصبات التي كانت ايام زمان تحت الطنضب .
Post: #106 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-27-2013, 09:48 AM Parent: #105
Quote: عجبتني فتواك واكثر ما ريحني فيها الوسوسة
مثلك يتوقع منه أن يقول (عجبتني الوسوسة وأكثر ما ريحني فيها فتواك) أنا لاأفتي ، لكنني أتجمل.. ناس الفتيا في مضارب بني ربيعة أما أنا (عقلي بات كل ساعة ينقص لي..) محمد يمين الله مشتاق لخمجك.. يا دكتور ، والله ما باقي كتير ،إنت قايل شنو.. أهديك صولو الساكس دا، أحيانا أستعيض به عن ال COVERSYL 5 mg
يا اخوانا انا هسه قريت اعلان ابو جمال الكويتي - ياخ دا ما فضل ليهو الا يكتب في اعلانو أن تكون المتقدمة :
هيفاءُ مقبلةٌ عجزاءُ مدبرةٌ لا يُشتكى قِصَرٌ منها ولا طولُ
Post: #108 Title: Re: أهو البزنس الناجح .. وأشياء أخرى.. Author: بله محمد الفاضل Date: 03-27-2013, 10:36 AM Parent: #107
هسي بالله عليك يا عماد عبد الله دا مشروع تجليهوا كان تتفقوا وتقلعوا المغلغ الليل التضامون تفتحوا المشروع قاليك عامل دراسن جدون تحسبوا هامل ساي
شيء لله يا اخي
أو كما قال أخونا عثمان موسى إن شاء الله بكري يلم فيكم يرفتكم جت
Post: #113 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-28-2013, 00:07 AM Parent: #103
Quote: محمد ود المرتضي وعماد عبدالله والطيب وطارق أنشاءالله بكري ابوبكر يقوم عليكم يشطبكم واحد ورا واحد .
ليه يا عثمان.. هسه الطيب دا ذنبو شنو؟ ياخ دا مالك الحزين زاتو حزنان ليهو .. دا بيتم حفروهو كلو قالوا ليهم عندكم نفط .. هدموا البيت وطلع النفط عند باقان .. هسه لا لقى الغنيمة لا الإياب.. برضو يشطبوهو؟
Post: #109 Title: Re: أهو البزنس الناجح .. وأشياء أخرى.. Author: عمران حسن صالح Date: 03-27-2013, 10:53 AM Parent: #98
Quote: قده : اها .. كيف معاك ؟؟ أنا : إنت بتعرف محمد المرتضى ؟؟ قده : أيوه .. مش بتاع مغلغ التضامون ؟ أنا : هو عندو مغلق ؟؟ قده : كيف ما عندو ؟ .. مغلغ بابين في سوق السجانة . زول طويل كده و صلعه و كاضم طوااااالي .. صاح ؟ .. خال ناس المرحوم نصر الدين عابدين الله يرحمو .. بعرفو كويس ، مالو ؟ أنا : مافي شي .. أديني منفاخ العجل بتاع الشفع ديل لو صلحتو . ماشي أنفخ .
هههههههههههههههه قده بمزاج إن شاء الله كل يوم يصابحكـ في إجازتكـ الجاية ده لو فكرت يعني ههههههههههه
Quote: مقهي بهذه المساحة وبالعدد المتوقع من الرواد لا يصلح ان يزود بسيارات الاسعاف ولا بالمحاليل .. وسيكون افضل لحسن ادارته ان يترك لكل شاة ان تعلق نفسها من عصباتها ....... ويمكنك ان تاخذ الحكمة من ادارة المقهي الحالية فهي متمرسة وتسندها خبرة 24 عاما الا ستة وتسعين يوما ..
واعزيك في المشروع العظيم .. وابكيييييييييييي انا .. كل ما ذكرت جماله ..
يا سعادتك طموحاتي للمشروع لاتتعدى بضعة أمتار مربعة تتضمن حوش بأركان تزيد على دستة خلافا لكل نظريات الهندسة المعروفة والغير معروفة، أعتمد على الجُدُر لإسناد الرؤوس فقد ولى زمن الإتكاءة على كتف حبيب أو حجر رؤوف أو طلب اللجوء إلى صدر حان، لا أتفق معك على مقترح أن نترك كل شاة أن تعلق نفسها من عصباتها ( عرقوبا) ، دا مقهى يا مولاي وليس وزارات أو محليَّات، بل هذا المقترح مدعاة للفوضى التي تسببت في أن تصبح 700 ألف ميل مربع بيت بكا.
اها اه يك والقرأء واحمد القرشي وطراوة وكا عصبة الكلينيكس ما كتبته يوما في سودانيات
Quote: بنت نوفل بين بين (وجع )عبد الله و (شهيق) الدكتور بسم الله الرحمن الرحيم لم تكن تدري تلك القادمة من وادي الارز محملة بعبق الشرق ونداوة المتوسط حين حطت رجلها في سودانيات ان القوم في ( حضرة) يرددون : في حضرة من اهوى عصفت بي الاشواق حدقت بلا ,وجه ورقصت بلا ساق مملوكك لكني سلطان العشاق. ولم يدر بخلدها ان الكهان والسدنة يطلقون البخور ويتنسمون الدلكة والتي مع ملمس الفركة تجعل العقل لكة وللخمرة ( بضم الخاء وتسكين الميم وتشتت الراء والتاء الم######شة في اعماق النخاشيش) حضور قوي في اوساط المتزوجين مما حدى باحد حيران سودانيات ان يصيح ( عووووووووك بدور اعررررررررررررس) ان هنالك يا بنت نوفل ( تقابة من نارالغضا): جربت من نار الهوى ما تنطفي نا ر الغضا وتكل عما تحرق. ولم تعلم اخيتنا ان حائط المبكى يمتد بعمق 2 مليون كلم مربع وما اقدس البكاء: يا عيوني اسكبي دمع الحنين لو يفيد الدمع او يجدي الانين الى ان يصل الذروة فيقول: يا عيوني ابكي دم شوقا لهم. وهنالك من يدعي مواساة الباكين وهو يتفطر : انا المساح دمع البكا. وهناك من يستر دموعه تحت البسمة الوقورة: يقول لي وهو يحكي البرق مبتسما يا أنت يا ذا وعمدا لا يسميني. اما السابلة فيطلقون العبارة البسيطة العفوية والتي تجمع تبكي بس وتقش الدمعة بالدس. وفي ركن قصي من هذا الحائط هنالك سرادق منصوب للعياط، والعياط حالة من النشيج والوحيح والووب والروب والسكليب وارضا زحيح مثل حالة ود مجمر: وعيط ود مجمر زيييييييييييييييييين شان الزينة رقصت زين. واعود لحالة الوجع والتي هي حالة بين الصحو والأنجذاب ،حين تنفجر كل البراكين الداخلية وبدلا من ان تتناثر ، تتجمع كل الأبجدية في كلمة من ثلاثة احرف ( وجع) بأنة الواو وترجيع وتشديد وتعطيش الجيم وعنعنة العين في الاعماق ، حتى يصير للكلمة صدى لا تخبر تردده الا الاذن العارفة لمواجع الوله ونتمنى ان تكوني منهم ارجو ان اكون قد فسرت فانت اخيتي في طقس خرافي هجين بين الجنون والتصوف والمجون كما قال ذلك الذي تعاطى رحيق الذرة البيضاء في جنوب السودان واجترع (المريسة) لا الوم ولا الام واختم بان آخر دعوانا ان الحمد لله رب العالمين
وقيل يا ابوحميد : أصدق الحزن ابتسامة في عيون دامعة وما قول الحلنقي وما تغنى به وداللمين في هذه المحطة ببعيد ، بس تاني ما معانا كتمت دموع وبكيت من غير بصل أو بمبان... تجينا هناك وستجد عندنا ما يرضيك ... مع إمكانية ليزر وليزك.. عارف يا محمد، دموع المحبين والكلام الكنا بنقراهو زمن الثانوي العام داك تبخر.. الجيل الذي جاء بعدنا (عملي) جدا ، موبايل .. إيميل .. واتساب .. قائمة إحتياطي ..(شَتِّت).. كان قالت ليهو حا أتأخر 5 دقائق يقول ليها فلتذهبي فلست من أضع الندامة في شريعة مذهبي .. مافي عُشره..
في خطوة تهدف للتنفيس عن المصابين بالاكتئاب، افتُتِح في شرق الصين مقهى للحزن، يتيح لرواده التعبير عن حزنهم بالبكاء الجماعي. وأكد خبير أمراض نفسية وعصبية أن هذه الطريقة تساعد في علاج المشكلات النفسية، مشيرًا إلى أن لها أساسًا علميًّا في طب النفس يعرف باسم العلاج الجماعي، الذي يعتمد على اجتماع أصحاب المشكلات النفسية في مكان واحد للتنفيس عما بداخلهم بالفضفضة والحديث عن مشاكلهم. وأكد خبير أمراض نفسية وعصبية أن هذه الطريقة تساعد في علاج المشكلات النفسية، مشيرًا إلى أن لها أساسًا علميًّا في طب النفس يعرف باسم العلاج الجماعي، الذي يعتمد على اجتماع أصحاب المشكلات النفسية في مكان واحد للتنفيس عما بداخلهم بالفضفضة والحديث عن مشاكلهم. وذكرت صحيفة "تشاينا ديلي" في طبعتها التي تصدر في هونج كونج، أن تكلفة ارتياد المقهى تبلغ 50 يوان (6 دولارات) لكل ساعة، مع تقديم أفضل المشروبات للزبائن الذين يذهبون للبكاء. ويوفر المقهى أيضًا المناديل وزيت النعناع لتخفيف آلام المكتئبين، كما يقدم البصل والفلفل الأحمر لمساعدة الذين يرغبون في ذرف الدموع.
وفي ظل هذه الأجواء، تُعزف الموسيقى الحزينة داخل المقهى الذي يوفر لأصحاب العلاقات العاطفية المحطمة دمى على شكل نساء، ليدفعوها جانبًا أو يضربوها للتنفيس عن غضبهم أيضًا. وقالت الصحيفة إن المقهى حقق نجاحًا كبيرًا، ويجتذب أعدادًا كبيرة من الرواد المكتئبين يوميًّا. وفي تعليقه على هذه التجربة، قال الدكتور أنور الإتربي -أستاذ الأمراض النفسية والعصبية بجامعة عين شمس-: "فكرة هذا المقهى تقوم على أساس علمي مأخوذ من العلاج النفسي ويعرف باسم الجماعة أو الجماعي، وتقوم فكرته على اجتماع أصحاب المشكلات النفسية في مكان واحد ليتحدث كل فرد عن مشكلته، وهو ما يعرف باسم الفضفضة، ما ينفس عنهم".
وأوضح الدكتور الإتربي "أن المريض النفسي يميل للعزلة، ولذلك فإن مجرد خروجه من عزلته بالاجتماع مع الآخرين يعد درجة من العلاج"، مشيرًا إلى وجود مراكز في أوروبا مخصصة لهذا الشأن، فيجد فيها الشخص كافة العوامل التي تساعده للتنفيس عما بداخله، فمثلًا الذي يريد البكاء يجد شخصًا يستند على كتفيه ويبكي".
واعتبر الدكتور الإتربي أن هذا المقهى هو تطوير لفكرة المقهى المصري الذي تذهب لتتسلى مع أصدقائك وتحدثهم عن مشكلاتك، خاصة وأن غياب الوازع الديني من المجتمع الصيني يجعلهم في حاجة للبحث عمن يواسيهم ويقف بجوارهم حتى إن كانوا أصدقاء وهميين". وعن إمكانية تطبيق هذه الفكرة في مجتمعاتنا العربية، قال الإتربي: "نحن لسنا في حاجة إلى هذا النموذج حتى الآن، لأن الشخص العربي خاصة في الأرياف لديه صديقه الحقيقي وأقاربه الذين يقفون بجواره في أية محنة، لكن بعض المدن بدأت تشهد تفككًا أسريًّا واجتماعيًّا وقد تحتاج إلى مثل هذا النموذج قريبًا".
مسافر كنت.. والله يا المسافر إنت مما صححتني في سالفة ( واناري الما بقيت سواق) تتذكر؟ بوست رالي داكار.. أها من يوما عرفتك شغال في الأرشيف الوطني .. (أول وين) دي من الثانـوي العام ما سمعتها..
Quote: ( نظرة باكية حزينة )
إي والله ، وأيم الله وحَّدوا بينا البارحونا راحو.. أحيييييييييا..
والله يا عماد (دراسن جدون عند أستازه نعمات المحامية بت ناس عمك عبدالمنعم) دي فوق الإبداع.. محامية ودراسن جدوى.. عارف زولك القده دا أحسن كتير من زوله بهجة تستخدم المصطلحات في غير موضعها ، يعني حموده حلاق الجامعة بالنسبة ليها الأصمعي، عادي جدا تقول ليك في الونسه : الشرطة عملت للحرامية (وكر) وهي تقصد ( كمين) ، وتسألها عن صحتها فتقول لك أنها تعاني من الديسك وارتفاع السكر والضغط وتختم بالقول : لكن شئ خير من لاشئ.. من أروع إبداعاتها أنها لاتفرق بين الشعر والقرآن والأحاديث والأمثال الشعبية سيما في حالة التعب ونهاية الدوام ويمكن بكل بساطة تقول ليك : وزي ما ربنا قال في محكم تنزيلو : وللحرية الحمراء باب بكل يد مضرجة يدق.. وتضيف ( صدق "رسول" الله) .. عِلِم..
وأما إذا نعِست أو كانت متعبة أو في حالة ضجر فيرتفع مؤشر الإبداع لديها ، فقد ذكر عنها رفاق الحج أنها فاجأتهم في صعيد عرفات ، وكان ملتهبا ، أنها همست لزميلة لها(الحمد لله الحج دا ما جانا في رمضان) .. قالت ذلك دون أن يطرف لها جفن وهي تطلب قنينة ماء بارد زي الماحصل شئ .. تقبل الله.
كان هذا نهجها منذ يفاعتها فقد حكت عنها زميلة دراسة أنها في المدرسة الأولية سئلت في حصة الدين سؤالا يحمل إجابته فيه حين سألتها المعلمة : ماذا تستقبلي عند الوضوء فكان جوابها : الماسوره..
(وارقو..)
تذكرني تلك السيدة بمفتش صحة، كان يحكي عنه أحد الزملاء في بلدتهم ، مفتش (يمتاز) بمحدود ية الأفق والسراب معا وكان يمر على باعة الأغذية الجائلين والجماعه بتاعين الرغيف بالذات وسط كرنفالات الذباب وديسكو من الغبار معنفا إياهم : إنتو ما بتغتوا الرغيف المفروش في الطاولات دا ليه؟ ولأنهم كاشفين دورو ومحدوديته يسألوه ساخرين عن الحكمة من تغطية الرغيف فيرد عليهم: ما بتخافوا من العين؟
Quote: ليه يا عثمان.. هسه الطيب دا ذنبو شنو؟ ياخ دا مالك الحزين زاتو حزنان ليهو .. دا بيتم حفروهو كلو قالوا ليهم عندكم نفط .. هدموا البيت وطلع النفط عند باقان .. هسه لا لقى الغنيمة لا الإياب.. برضو يشطبوهو؟
تسلم يا المرتضى لكن حلاة الحسادة عند ود موسى
محمد سعد دياب او حميدة ابو عشر مش قال غضبك جميل زي بسمتك ؟
اها حسادة عثمان دي جميلة زى امبنتك؟
دحين سمعت بى (ام بنّة)؟
هسع بجيك المسنى ب س ف ل ي ه و بجيب ليكم خبرها
Post: #121 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-29-2013, 08:19 AM Parent: #119
Quote: ههههههههه، قدة للمخبازة و المدايد! مفتح قدة ده ياخ، عايز ادردق الزبائن بجيرانها الصبوحين و يستخدمكم مع الشباب كعمالة خبيرة، بركة الما طالبكم بي تلاتة صور مختلفة ؛
دا واعي ، ما بيطلب تلاته صور ، بيطلب صوره واحد 3D بالله يا سعد مش الحمدلله إنو زولك النخناخ دا رمى فكرته لعماد المصيبه.. دا لو كان ودَّاها صحيفة الغفله إياها كان في الملحمة دي ما تفرز المخبازة من الإلياذة..
Post: #122 Title: Re: أهو البزنس الناجح .. وأشياء أخرى.. Author: شمس الدين ساتى Date: 03-29-2013, 08:58 AM Parent: #121
Quote: عمتي حواء بت الخضر ود كنيش سووولا عملية في العين «موية بيضاء» ربنا يواليها بالعافية.. قالولا دايري شي بعد فك البنج قالتلهم فاطنة سوت شنو مع كريم الله لا كسبهم عمي حسن سألها قالها انت شن عاجبك في الخرابة دي قالتلو: الرسول يا الحسن شوفتة سماحة الـ«شـطــ...» العند الخرابة دي قالها: نان قايلاهن متل ألاتك العلي المُعلاق ديل قالتلو: الرسول يا الحسن لا تضحكني تخرب علي عيني باقي ولادي دافعلهم فيها قروشا قدر الفني.. قالها: سمح اتغمتي نومي لا توووجعي راسنا قالتلو: الغمتي اليلحقك مصطفى الكان داير فاطنة قبل يموت قالها: انت باقيلي بعد موت ود عمي مكاوي دايري تبقي متل المحامي العرس أم كريم قالتلو: والله حلات الدنيا عليهو وحنين يسكت يبوس فيها قالها: البوس اليلحقك جدي ود قرنين قالتلو: بري مالك علي.. غور من فوقي وشوفلي سفة بالدس ولادي لا يقوموا فوقي قالها: يسفوا عليك.. هسي البُكان السمح دة دايري تسفي فيهو الله لا تاجرك قالتلو: أسكت داعَني وجيبلي سفة يجيبوك مقلم انت قالها: هههههههههه الله لا كسبك اللمشي أشوفلك سفة ماك مرة شي
English Forum
27-03-2013, 01:00 AM
Osman Musa
تاريخ التسجيل: 28-11-2006 مجموع المشاركات: 11244 ضع اعلانك مجانا هنا
تعرف يا مولانا .. لدى صديق .. مرضان مرض جد بالحقيبة اسمو عثمتن (ابو عفان ) عندو مرض إسمو بركات وكان بيغنى معاهو
ولديه كمية هائلة من الأشرطة منذ السبعينات..
اجمل ما فيها .. لو معنعن قول كلمونى
احرمونى ولا تحرمونى.. ياخ دى انا باسمعها فى اليوم مية مرة
Post: #123 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-29-2013, 10:18 AM Parent: #122
Quote: يا مولانا كلام نسيبنا دا ما لك ما رديت عيهو
هسه يا شمس لو في زول فنان عمل ليك زخرفة (مغربية) في الحيطه الرئيسة في صالونك بتجي بي وراهو تدق فيها مسامير تعلِّق فيهم عراريقك؟
Post: #124 Title: Re: أهو البزنس الناجح .. وأشياء أخرى.. Author: شمس الدين ساتى Date: 03-29-2013, 11:26 AM Parent: #123
Quote: هسه يا شمس لو في زول فنان عمل ليك زخرفة (مغربية) في الحيطه الرئيسة في صالونك بتجي بي وراهو تدق فيها مسامير تعلِّق فيهم عراريقك؟
عراريق شنو يا مولانا ... دى دايرة ليها نجيمات ذهبية فى الأول ولآخر
لاحظ (نجيمات) وليس هلالين
تعرف يا مولانا .. أنا أمدر بتاعتكم دى أنا ما بعرف فيها غير بيت المال لأنو واحد زميلة لى وصديقة شخصية ساكنة هناك وهى برضو
زيكم مولاناية (يعنى قانونية) وأخرى فى نواحى أبو روف من الحضارمة بت الأرنائوطى والتالتة بت الطريفى وخالها هو الرياضى المطبوم المرحوم صاحب قصيدة
المريخ والله اسمو طار من راسى .. كلنا كان يجمعنا البنك التجارى فرع شارع القصر .. فى الثمانينات كان عندو مرض اسمه سبق الخيل وكنا انا وابنة اخته نمشى
ساعة الإفطار عشان نشترى كتيب صغير إسمه الترايزاكتا . دى الأماكن البعرفها فى أم در لأنى كنت بوصلهم بسيارتى الخاصة. وبرضو عرفنا لاحقا حى العباسية
بعد زواج شقيقى الأكبر من إحدى بنات المرحوم الطيب فرح وهو والد محمد الطيب فرح الوكيل السابق للمالية . ثم . طبعا على رأس كل ذلك إستاد مريخنا العظيم
Post: #125 Title: Re: أهو البزنس الناجح .. وأشياء أخرى.. Author: عمر علي حسن Date: 03-29-2013, 12:37 PM Parent: #124
Quote: بل هذا المقترح مدعاة للفوضى التي تسببت في أن تصبح 700 ألف ميل مربع بيت بكا.
بالضبط ..واذن نحن متفقان ..
ورغم الاتفاق بيننا فانني احذر من ان يكون المراد انشاء حايط مبكي .. نصطف فيه خلف بعضنا ونتقدم رويدا حتي نبلغه .. ونبكي .. في هذه الحاله فان امثالي من كبار السن سيموتون في الصف قبل الوصول للحائط ..ونموت دون ان نبكي .. ونحمل غبيتنا للاخرة فنحاسب عليها .. مثلما سنحاسب علي الفَرْض البِصَلُّو النَّاسْ النِسِينا أوْكَاتو ..
وابكي انا كلما ذكرت جماله .. وكل ماذكرت الثلاثمائه الف كيلو التي وقعت مني .. وكل ما ذكرت شيئا ..
Imad Hassan شكرا على إيراد الخبر كاملا رغم إني لا أتفق مع الدكتور ود ناس بمبه القال إنو الصينيين بيحتاجو المكان دا عشان يبكوا لأنهم ما عندهم دين.. وطبعن إنت عارف إنو كثير ممن يدعوا أنهم حراس الدين عملوا في خلق الله شنو.. وبالطبع البكايين فيهم صفوف..
Quote: وأوضح الدكتور الإتربي "أن المريض النفسي يميل للعزلة، ولذلك فإن مجرد خروجه من عزلته بالاجتماع مع الآخرين يعد درجة من العلاج"، مشيرًا إلى وجود مراكز في أوروبا مخصصة لهذا الشأن، فيجد فيها الشخص كافة العوامل التي تساعده للتنفيس عما بداخله، فمثلًا الذي يريد البكاء يجد شخصًا يستند على كتفيه ويبكي".
حليل زمن الكتف داك.. يعني نسميهو (مقهى التكاتف) يا Imad؟
وبالمره يا طارق ال staff يرتدون تي شيرتات وبلوزات كتب عليها ( إنت لو داير بكايا ألف أهلن يا دموع).. بالله فكر لي في فروع في ودمدني وبورتسودان .. الأبيض ممكن.. ناس النهود مضمونين..
Post: #128 Title: Re: أهو البزنس الناجح .. وأشياء أخرى.. Author: الزاكى عبد الحميد Date: 03-30-2013, 10:49 AM Parent: #127
Quote: المكانة الاجتماعية أحد الهواجس التي تشغل الناس أينما كانوا، والبريطانيون ليسوا استثناء من ذلك وحسب، بل إن الأمر ربما كان من أولويات الناس الرئيسية وهمومهم الكبرى. وليس أشق على عائلة بريطانية من أن تودع فقيدا لها من دون مشيعين أو بعدد قليل منهم.
ولهذا بدأ تيار جديد يشتد تدفقا هذه الأيام، وهو اتجاه الأسر لاستئجار «بكائين محترفين» ـ مقابل 45 جنيها استرلينيا (70 دولارا) للبكّاء الواحد ـ عبارة عن ممثلين يمشون في ركب الجنازة ويحضرون مراسم الدفن ويظهرون حزنا قد يصل إلى مرحلة ذرف الدمع السخين على الفقيد الغالي.
ووفقا لصحيفة «ديلي ميل» التي أوردت النبأ، فإن هذه العادة تجد أصولها في الصين وبعض دول الشرق الأخرى، لكن تدفق التيارات الثقافية عبر الحدود العالمية أتى بها إلى بريطانيا أخيرا.
وتقول مراجع عدة على الإنترنت إن البكاء لقاء المال ـ أو تحت التهديد ـ بدأ في الأصل لدى قدماء المصريين وكان شائعا في مجتمعاتهم وانتقل منهم إلى الإغريق ثم إلى مختلف الأماكن عبر العصور.
والتطور الجديد في بريطانيا الآن أن بعض أنحاء البلاد بدأت تشهد نهوض شركات متخصصة في خدمات البكائين.
والتقت الصحيفة بإيان روبرتسون، مؤسس إحدى هذه الشركات في برينتري، مقاطعة إيسيكس، فقال إن طاقم شركته من البكائين المحترفين يبلغ 20 الآن.
لكنه قال إنها بصدد توظيف المزيد منهم «بسبب ارتفاع الطلب عليهم بشكل مطرد، وإن كان المفهوم نفسه جديدا على البريطانيين».
وقال: «استلهمنا الفكرة من السرعة الفائقة التي يتنامى بها هذا النشاط في الصين بشكل خاص. العادة موجودة أيضا في بعض بلاد الشرق الأوسط وتتعلق بنساء ينحن ويولولن على الميت. لكننا في بريطانيا نعتبر هذا مغالاة مرفوضة ونركن إلى أن يتم الأمر بشيء من الوقار».
وأضاف قوله: «الحجوزات ارتفعت بنسبة 50% مقارنة بالفترة نفسها من العام الماضي. وبالطبع فإن العاملين لدينا يلتقون أهل الفقيد ويتلقون منهم المعلومات الأساسية عنه من عادات ونجاحات وإخفاقات أيضا ويتفقون معهم على كل التفاصيل. بل إن بوسع «البكاء» ملاقاة الشخص الذي يتوقع الرحيل في وقت قريب والتعرف إليه شخصيا بحيث يصبح الرابط الاجتماعي حقيقيا قدر الممكن».
وكالات
مرتضى العزيز: شن قولك؟ الخواجات ديل يعني ما سمعوا بينا نحنا ولا حقارة منهم ساااي؟
Quote: وابكي انا كلما ذكرت جماله .. وكل ماذكرت الثلاثمائه الف كيلو التي وقعت مني .. وكل ما ذكرت شيئا ..
أيها الناس نحن من نفر قَسَّموا الأرض حيثما قطنوا.. الكبار الأقوياء يتجمعون والاقزام الضعاف يتفرقون.. هنالك عَرَض يسمى هشاشة النظام يا سعادتك والمصيبة أن نتائجه حزن مستدام.. ما بروح كلو كلو.. حزن من يورانيوم منضب ..
Post: #132 Title: Re: أهو البزنس الناجح .. وأشياء أخرى.. Author: Osman Musa Date: 03-31-2013, 04:38 AM Parent: #131
يا محمد المرتضي ياخ كيف ما كيف . تكلم بكري ابوبكر ينقل بوست البزنس ده . بوست البزنس ده يا محمد أنعش المنبر الكان هامد زي نيويورك أيامات أعصار ساندي . ياخ الانتعاش وضح كان في تعاملات البورصة في وول ستريت نيويورك ولا كان في سوق الترلات في كرين بحري . الناس يا محمد تاني ما بتتحمل الخسائر .
Post: #134 Title: Re: أهو البزنس الناجح .. وأشياء أخرى.. Author: محمد المرتضى حامد Date: 03-31-2013, 10:15 AM Parent: #132
Quote: الخواجات ديل يعني ما سمعوا بينا نحنا ولا حقارة منهم ساااي؟
سمعوا بينا وفات أضانم يا باهي، عارفين كمان إننا بنمشي ورا الجنازة بالآلاف وبنبكي لامن نلحق المرحوم ، وعارفين كمان إنو السودانيين بالذات ما بتلحقوا في (منظومة) البكاء دي ، نحن نبكي في كل أحوالنا وأحداثنا وعلى رأسها الفقد ، أيا كان سبب الفقد وأيا كان الفقيد، رحيل الأعزاء وسفر المريود ونهاية الريدة وهجر الوطن.. الغريبه أهلنا في القرن الأفريقي والمغرب العربي يلتقون معنا في شلالات الدموع تلك، وربما ذلك هو السبب في إحساسنا بأنهم (ناسنا) ويكتبون عن الفقيد كما لو أنه أول من اشترع الموت ، هل سمعت بواحد إسكندنافي مات وجارته سَكـلَبت حي ووب وود حِلَّتم في جزع قال: الليله انكسر المِرِق واتشتت الرصاص؟
Quote: هو شنو غير (الكتف) الخلاهم يشتتو الدمع الغلبو اللقاط مابين الاحفاد و ........بيت الامانة ثم الهرولة من المؤتمر لى عند اولاد سوميت فى حى الضباط !! يمين بالله مايرضيهم غير باسطه (بين) او درس عصر عند كرف او نورين الختم ياخىىىىىىى البكاء حقى براى منو البيقاسى معاى
يا بلال، كنت أظن أننا وحدنا من يبكي الماضي وكل ما يتعلق بالماضي بدموع من sulphuric acid حتى قرأت خبرا من نيوزيلنده يقول أن تجمعا من القدماء طالبوا بعودة قطار البخار وبصافرته الحميمة تلك والتي تطربني كأي فلوت بين أصابع (أميقو) عليه الرحمة، وبصفتي من الذين ركبوا نوعية تلك القطارات (مشترك الخرطوم نيالا) فأستطيع تفهم تلك المطالبة لنوستالجية بذات تفهم باسطة (بيِّن) والطيب سيد مكي ودري العصُر عند (كَرَف) أو (ربيع)، ومن هنا ورايح أرجو تنوين الأسماء درءا للخلط من قِبَل غير الناطقين بها وناس سانت ماري وكيبس وكيكس..
حليل ودعشانا الأوليه بنين..
Post: #136 Title: Re: أهو البزنس الناجح .. وأشياء أخرى.. Author: Osman Musa Date: 03-31-2013, 03:18 PM Parent: #134
أيام الخلوة يا محمد عندنا صاحب دحشتو ماتت جكنانة في الجدول . وحقيقة الدحشة كانت دحشة سمحة وعديلة وكانت عندو ولا ال G M C موديل 2013 . والله يا محمد الود 36 يوم ما ضاق طعم الشاي من حزنو علي الدحشة الحمامية . الناس يا محمد في ديك البلد المكوية بالحزن طويل التيلة . أصلها بتحزن علي أي فقد . .. يا محمد هي فقد الدحشة الحمامية خليو . ياخ في وأحد جاو من أمريكا اللوتري العديل ده قامت حبوبتو أتنفخت . الدكتور يا محمد قال : سبب موت المريضة عليها الرحمة كتمت النفخة . ( الزولة ماتت بسبب كتمان نفخة حزنها علي سفر ود بتها اللوترابي المعصلج ). الناس كلها الكانت بتبكي وبتوصف كانت بتقول يا ريت الحاجة لو ما كتمت .. ياريت لو س######ت .
يا عثمان خليك من الدحشة وأمها الحمارة 4WD لحما ودما وعظما وأحاسيس نبيلة، الجاغريو فقد منديلو الجاي من غزل المحله و غزل البنات ، قام كتب مناحتو الشهيرة ودعا عليه بجدك ودامريوم:
منديلي ضاع منــــــــــــــي والشالو ما يتنـــــــــي مايشيل خلافـــــــــــه يا ابو فركة ابوي والــــــي في حمو اللهيب اصلي مايشيل خلافـــــــــــه ياودحسونــــه الحـــــــــــار يا صاحب الــــــدردار حيبر ديري في البـــــــــدار اخلوهو من الــــــــــــدار مايشيل خلافـــــــــــه ود ريا الرابعـــــــــــــــــــــه يا اب فيضا نابعـــــــا سل روحه تابعـــــــــــــــــه يشيلوه الاربعــــــــــه مايشيل خلافـــــــــــه يارجال اب حــــــــــــــــراز مافيكم انفــــــــــــراز هيا اطلعوا البـــــــــــــــراز خلوه يمشــــــــي راز مايشيل خلافــــــــــه يا العركيين ســــــــــــــــــوا ابلوه شيلو الــــــــدوا يشرب من غــــــــــير روا طيرو بيهو في الهــوا مايشيل خلافــــــــــــه ود عيسي الفي المسيــــد زروق الماك كسيـــــد منديلي ما تقلـــــــــــــــيد الشاله شِل لي الايـــد مايشيل خلافــــــــــــه حامد اب عصا سيـــــف هيا للمنديل اقيـــــــــف الشاله يصبح ضيــــــــف في الشبر الما نضيــف مايشيل خلافـــــــــــــه ياراجل ام مرحـــــــــــــي قول للرخا افرحــــــي ماتسهي وتسرحــــــــــي الشاله يمحــــــــــــــي مايشيل خلافــــــــــــــه ياالشيخ ود ام مريـــــوم خليه اليعيش مسقـــوم منديلي مامسيــــــــــــوم يبقي له اخر يـــــــــوم مايشيل خلافــــــــــــــه يابرير والنقــــــــــــــــــر الشاله لي ما قـــــــــــر يضوق سم الدقـــــــــــــر ابوه يكون عقــــــــــــر مايشيل خلافـــــــــــــــه دي هديه جات تهـــــوش فينا وتسوي البــــوش الشاله راســــــــه يدوش والبومه تحرس الحوش مايشيل خلافـــــــــــــــه يااهل الله بيهو همــــــــو ومن مكه اتلمـــــــــــوا القشه بيه فمــــــــــــــــه تحرق حشا امــــــــــــه مايشيل خلافــــــــــــــــه صليت علي الرســـــــول عد مافي الكون محصول الشاله غير اصـــــــــول من البشر مفصـــــــــــول مايشيل خلافـــــــــــــــه
وغناها عدد من مطربي البلاد والعباد وخلدوا ذلك المنديل فتلة فتلة.. ما يشيل خلافه.
Post: #140 Title: Re: أهو البزنس الناجح .. وأشياء أخرى.. Author: محمد المرتضى حامد Date: 04-01-2013, 10:24 AM Parent: #139
Quote: ya gout, go out
يا محمود أنا كتبت في إحدى المداخلات أننا مع مصيبة متوسطة كنكوص صديق أو خيانة حبيب أو رحيل زميل ربما نستدعي كل مصائبنا السابقة ونبكيها معا مره واحدة في عملية سداد متأخرات أو جرد للخاطر ، يعني ممكن يكون عندك دسك مؤلم أو قرحة في حالة هياج أو حتى (قطيعة) في الكتف تؤرق عليك نهارك وصابر عليها ، لكن أحيانا تصادف واحدة من تلك الأدواء مصيبة متوسطة المستوى ولو 3 بمقياس ريختر فتبكي آلامك كلها مع بعض ، يعني زي لما تلم هدوم الغسيل كلها و (تحسما) كلها في قعده واحدة ، وبكلمات أخرى تصبح ال(قطيعة) كالقطرة التي أترعت الكتف أو القندول الشنقل التَندَه وربما كامل السفنجه البدفورد أو الأوستن موديل (أبيض ضميرك)....
ياخ منديل الراجل ده وخاتم الياقوت وقطر الخميس ما خلو لينا صفحة نرقد عليها
Post: #146 Title: Re: أهو البزنس الناجح .. وأشياء أخرى.. Author: محمد المرتضى حامد Date: 04-02-2013, 11:29 AM Parent: #144
Quote: طارق يا محمد قصدو يوريك طريقة العصفور قدوم احمر ومسكانو للسعفة الدهبية أو ( الحنقوقة الدهبية )
عثمان،
عاين، مليون مره قلت ليك المنبر فيهو ناس من مواليد عهد الإنقاذ وليس شيقوق وحده القارئ.. أقترح أن توضح أدنى مداخلاتك معاني الكلمات كالمشار إليها أعلاه..
مجرد إقتراح..
Post: #147 Title: Re: أهو البزنس الناجح .. وأشياء أخرى.. Author: Osman Musa Date: 04-02-2013, 01:20 PM Parent: #146
يا محمد وأحد ساق بتو معاو من نيويورك للسودان .. والبنية من مواليد عهد كلينتون .. أها يازول جماعتك من المطار وعلي الشمالية .. تاني يوم الفطور كان ( كرارة ) قامت البت قالت لزوجة عمها : يا عمتي ملاحك ده ( ديليشز ) قامت زوجة عمها قالت ليها . : يا بنيتي الدليشات التديك العافية . هههههههههههها
Quote: ياخ منديل الراجل ده وخاتم الياقوت وقطر الخميس ما خلو لينا صفحة نرقد عليها
صادق أقولها يا مسافر، لم يعد هناك طعم للأشياء، كل الأشياء .. أعرف المنديل الذي تعنيه جيدا وخاتم الياقوت إن أعجب البنّوت أو لم يعجبهن، وأعرف قطر الخميس والإثنين وباقي أيام الأسبوع جيدا.. أحن إليه حتى لو انكسر في بابنوسه وتأخر عمال الدريسة في إنجاز التصليح.. وأعرف (الصفحة) والذكرى ال(تحرق الجنبه الشمال).. وأعرف أني لاأريد أن أعيش في الحاضر وأرفضه جملة وتفصيلا.. ياخ كباية الشاي اللحمر القدامي دي ، ضمن أشياء أخرى ، أصبحت لاتزيد عن كونها مجرد عادة.. ربنا يجعل لينا حسن الخاتمة..
Quote: يا محمد وأحد ساق بتو معاو من نيويورك للسودان .. والبنية من مواليد عهد كلينتون .. أها يازول جماعتك من المطار وعلي الشمالية .. تاني يوم الفطور كان ( كرارة ) قامت البت قالت لزوجة عمها : يا عمتي ملاحك ده ( ديليشز ) قامت زوجة عمها قالت ليها . : يا بنيتي الدليشات التديك العافية . هههههههههههها
قالوا يا عثمان بعض الإخوة في كندا تشيلم الهاشمية مع أغنيات السيرة والحماسة في الحفلات العامة ويرقصوا الصقرية مما يصيب الأبناء بحرج أمام رصفائهم، وذات ليلة وهم في الطريق لحفل مشابه طلبت طفلة من أبيها ألا يرقص ال chicken dance .
