Post: #1 Title: أهم أخبار الخرطوم.. Author: محمد المرتضى حامد Date: 04-04-2013, 08:47 PM Parent: #0
سيعود الرئيس المصري إلى مصر المؤمَّنة بشهادة (بحث ) لأرض صناعية ضخمة قرب الخرطوم..
مافي زول يجي يسألني مساحتها أكبر أم أصغر من حلايب.. وما في زول يسألني ما نوع (الحق) ملك حر ، حكر ، انتفاع، إيجار..إلخ.. لأنه ببساطة لا أملك إجابة ، الموضوع دا عملوهو الأخوان بيناتم..
- نداء: يا الشامي الحبر شوفلي شأه في أي حته قنبك.
Post: #2 Title: Re: أهم أخبار الخرطوم.. Author: محمد المرتضى حامد Date: 04-04-2013, 08:52 PM Parent: #1
المصدر؟
نشرة أخبار ما بعد العشاء في قناة ولاية الخرطوم الشايل حِسَّها بكري عبدالرحمن..
Post: #3 Title: Re: أهم أخبار الخرطوم.. Author: محمد المرتضى حامد Date: 04-04-2013, 08:57 PM Parent: #2
وفقا للهيئة القضائية 52000 حالة طلاق من 122000 زيجة فقط لعام 2012
المصدر؟
قناة أمدرمان ، فقرة (عناوين) بعد موسيقى أنا السودان أنا الدُره البزين أهلي..
Post: #4 Title: Re: أهم أخبار الخرطوم.. Author: Siham Elmugammar Date: 04-04-2013, 09:17 PM Parent: #3
يا مولانا سلامات عليك الله نحن ناقصين لاحولة و لاقوة الا بالله*
نسب الطلاق هينه شوف لينا نسبة الرجال الرفعوا يدهم من بيوتهم و اشتغلوا مزاجين مثنى و ثلات ورباع ديل نسبتهم يجيبوها من وين؟؟؟؟
اما عن المصريين فبطلوا حسادة دول ولاد النيل
_______________________ *مش شاطرة بتعلم بسرعة
Post: #5 Title: Re: أهم أخبار الخرطوم.. Author: أمين محمد سليمان Date: 04-04-2013, 09:21 PM Parent: #4
يا مرتضي ياخي ... أنا بحملك مسؤلية الاخبار دي ... ياخي ما ممكن تتفرج في تلفيزيونات الكيزان و تجي تبلنا نحن !!
Post: #6 Title: Re: أهم أخبار الخرطوم.. Author: محمد المرتضى حامد Date: 04-04-2013, 09:39 PM Parent: #5
Post: #7 Title: Re: أهم أخبار الخرطوم.. Author: محمد المرتضى حامد Date: 04-04-2013, 09:50 PM Parent: #6
أمين حبيبنا، لازم أبليك معاي بقنوات الجماعه، يعني أشيل البلاوي دي براي؟ لازم أوزع منها عشان تكون خفيفه وظريفه..
في مثل قريتو زمان يكون من شلاتين بيقول : Fifty lemons are a load for one person, but for fifty persons they are perfume
برضو قناة أمدرمان قالت واحده في ربك حاولت الإنتحار بسبب مسلسل تركي.. بقينا انترناشيونال يا نوته..
- طبعن مافي زول عندو قروش عشان يعمل قناه غيرهم .. أها نسوي شنو؟ تاني إلا اسبيستون؟
Post: #8 Title: Re: أهم أخبار الخرطوم.. Author: الشامي الحبر عبدالوهاب Date: 04-04-2013, 09:58 PM Parent: #7
Quote: سيعود الرئيس المصري إلى مصر المؤمَّنة بشهادة (بحث ) لأرض صناعية ضخمة قرب الخرطوم..
ارض لوحدها دا حيعود الي مصر المؤمنة وفي جيبه الخرطوم كلها الرحلة تنظيمية اكثر منها رسمية وما علي الخرطوم الا السمع والطاعة وهكذا تربى الاخوان (السمع والطاعة) والمرشد واحد والشعب واحد وحلايب تروح في الفرقة
الشأة موجودة وجاهزة يا اخ محمد في اطار التكامل البينا
عاطر التحايا والود
Post: #9 Title: Re: أهم أخبار الخرطوم.. Author: محمد المرتضى حامد Date: 04-04-2013, 10:29 PM Parent: #8
يا الشامي، الرجل حشد الطائرة التي أقلته للخرطوم بقبيلة من رجال الأعمال الذين نرجو ألا يكونوا كمن سمعنا عنهم.. عموما باكر بنعرف التفاصيل الحقيقية من ناسنا زاتم عندما يختلفوا بينهم على العمولات.. مافي شي هناك إسمو سر، بالذات عند جماعتنا ديل، المثل البنغلاديشي أو الإيفواري بيقول: لاتختبئ مع جريو أو طفل أو سخله أو واحد من التتار أو زول عندو قحه لأن إندساسك لن يطول..
غايتو نحن بنغني فادن مني وخذ إليك حناني ثم أغمض عينيك حتى تراني
بس مافي زول يجي يقول لينا : يا خوف فؤادي من غد..
Post: #10 Title: Re: أهم أخبار الخرطوم.. Author: محمد المرتضى حامد Date: 04-04-2013, 10:39 PM Parent: #9
ووفقا لذات القناة الأمدرمانية أن وزارة المالية صرحت بأن حكومة الخرطوم ستأخذ 25 دولارا على كل برميل نفط جنوب سوداني..
Post: #11 Title: Re: أهم أخبار الخرطوم.. Author: الشامي الحبر عبدالوهاب Date: 04-04-2013, 10:40 PM Parent: #9
Quote: الرجل حشد الطائرة التي أقلته للخرطوم بقبيلة من رجال الأعمال
لكن لقوا السعوديين والخليجيين سبقوهم
وامكن الحكومة تحي فكرة مصرنة مشروع الجزيرة تاني فتوجيهات بديع على العين والرأس
Quote: عموما باكر بنعرف التفاصيل الحقيقية من ناسنا زاتم عندما يختلفوا بينهم على العمولات.. مافي شي هناك إسمو سر،
وباكر فيها المناكر
Post: #12 Title: Re: أهم أخبار الخرطوم.. Author: خالد العبيد Date: 04-04-2013, 10:41 PM Parent: #9
الرحلة تنظيمية اكثر منها رسمية وما علي الخرطوم الا السمع والطاعة وهكذا تربى الاخوان (السمع والطاعة) والمرشد واحد والشعب واحد وحلايب تروح في الفرقة --------------------------------------------- شكرا يا الشامي عبرت عني تماما
Post: #13 Title: Re: أهم أخبار الخرطوم.. Author: محمد المرتضى حامد Date: 04-05-2013, 11:07 AM Parent: #12
يا الشامي لانعترض على أي استثمار أجنبي في السودان ، على العكس تماما نشجع مثل تلك الخطوة فالعالم أصبح كرة إقتصادية واحدة والدول العظمى تقدم لبعضها تسهيلات في هذا الإتجاه، لكن في ظل الفساد غير المسبوق الذي يضرب السودان الآن أصبحت تلك التسهيلات وسيلة لإثراء نفر تعرفهم جيدا.. في غياب الشفافية وتكافؤ الفرص لن يجني محمد احمد شيئا من مثل هذه القرارت ثلاثية الإبادة ..
Post: #14 Title: Re: أهم أخبار الخرطوم.. Author: الطيب شيقوق Date: 04-05-2013, 12:55 PM Parent: #13
لدى زيارتي للقاهرة في العام المنصرم التقيت بلواء معاش بالجيش المصري سألني سؤال غريب جدا
قال لي هل السودان دا فيهو شركات؟
كانت نيفاشا لفصل الجنوب اما الجايينا دا انما احتلال ناعم للسودان عن طريق الحريات الاربعة
Post: #15 Title: Re: أهم أخبار الخرطوم.. Author: محمد إبراهيم علي Date: 04-05-2013, 01:11 PM Parent: #14
للخرطوم ولا من الخرطوم ؟ حقو يفضو البلد للمصريين الجايين ويرحلو ناس بحري معاهم بالمرة انا من جانبي بمسك ليكم طارق ميرغني هنا في الرياض كمساهمة مني في مشروع الاستيطان المصري في السودان
Post: #25 Title: Re: أهم أخبار الخرطوم.. Author: محمد المرتضى حامد Date: 04-05-2013, 09:14 PM Parent: #15
Quote: حقو يفضو البلد للمصريين الجايين ويرحلو ناس بحري معاهم بالمرة انا من جانبي بمسك ليكم طارق ميرغني هنا في الرياض كمساهمة مني في مشروع الاستيطان المصري في السودان
التحية لك ولطارق الفنان.. السودان لم يعد صالحا لأمثال طارق فقررت الحكومة ملْ الفراغ ..
Post: #17 Title: Re: أهم أخبار الخرطوم.. Author: محمد المرتضى حامد Date: 04-05-2013, 04:29 PM Parent: #14
Quote: قال لي هل السودان دا فيهو شركات؟
تخيل، قانون الشركات ( Sudan Companies Act ) عندنا منذ 1925 ناسك ديل كبقية شعوب الأرض فيهم من يجهل حتى موقع (كوم أمبو) ، لكن بذات القدر فيهم علماء لايشق لهم غبار، عارف يا الطيب ، الناس ديل زمان كان بيغتربوا عندنا وبيقبضوا بالإسترليني، حكت لي زميلة في جامعة الإسكندرية أن والدها كان (مغتربا) في السودان وأنه كان محظوظا بالعمل هناك وأنه لدى سماعهم الخبر كان الأهل والجيران يزورونه ليقولوا (مبروك) فقد زارته ليلة القدر باختياره للعمل في السودان وأن والدها كان من خيرة المنحازين للسودان والسودانيين بعد انتهاء فترة اغترابه هناك..
شايف الفارق بين ليلة القدر وليلة الغدر.. دنيا يا شيقا..
Post: #16 Title: Re: أهم أخبار الخرطوم.. Author: Osman Musa Date: 04-05-2013, 01:39 PM Parent: #1
أرض ؟ و شهادة بحث ؟ يا محمد يا أخوي ما هو الحالة وأحدة . وبعدين ياخ الدقون أتلاحقت . يا محمد قالوا بعد السلام الجمهوري طوالي الجماعة شغلوا أغنية : ( الحجل بي الرجل يا مرسي سوقنا معاك ) ياخ الشعبين يحلهم الحل المنتخب الأنجليزي من روجي ميلا .
Post: #18 Title: Re: أهم أخبار الخرطوم.. Author: Balla Musa Date: 04-05-2013, 04:35 PM Parent: #16
يا محمد المرتضى
ناسنا ناس دنيا ومصر أمها فمن يخطب وداد الدنيا ويعشق عيونها فعليه باستمالة حماته أولا.
Post: #29 Title: Re: أهم أخبار الخرطوم.. Author: محمد المرتضى حامد Date: 04-06-2013, 08:04 AM Parent: #18
Quote: ناسنا ناس دنيا ومصر أمها فمن يخطب وداد الدنيا ويعشق عيونها فعليه باستمالة حماته أولا.
د.بله،
رغم أنك أوجدت التحليل المنطقي للعلاقة بحساب المثلثات لكنك ظلمت (أخواتنا بتوع شمال الوادي) فلم نسمع عنهم هتافية (لا للسلطة ولا للجاه) .. من زماااان قالوا للسلطه ،
.. طبعا الجاه بيجي وراها جري..
Post: #19 Title: Re: أهم أخبار الخرطوم.. Author: Mahmoud Mustafa Mahmoud Date: 04-05-2013, 04:40 PM Parent: #16
شبكونا ليك: تكامل تكامل تكامل تكامل..
بعد مساااااااافة كدا...الألف وقع..
بقت : تكمِّل
كِمِلنا من لحم الدنيا دي با ولاد النيل...
كملوها المصارية..
مولاي كيفنك ياخ؟؟
والله حقو الواحد ياخد إجازة ويجي "متكاملكم"..
..
.
Post: #20 Title: Re: أهم أخبار الخرطوم.. Author: بكرى ابوبكر Date: 04-05-2013, 04:47 PM Parent: #19
Post: #32 Title: Re: أهم أخبار الخرطوم.. Author: محمد المرتضى حامد Date: 04-06-2013, 04:31 PM Parent: #20
الحاله ده وزير الخارجية يا بكري، الحكومة قررت منح قطعة أرض (كبيرة جدا) .. وسيعود مرسي ب (وثيقة) لم يبين طبيعة الوثيقة.. تخوِّفوا يا ناس اللنغاز..
نحن راضين ب 10000000000 اثيوبى يانا بنشبهم و بيشبهونا و بنطرب لغناهم و بينطربو لغنانا بس هم يختووووونا ما دايرين ولا مصرى مستثمر فى البلد دى
Post: #23 Title: Re: أهم أخبار الخرطوم.. Author: حمد عبد الغفار عمر Date: 04-05-2013, 06:37 PM Parent: #22
2000000 (مليونيييين) متر مربع؟
وفي الخرطوم الضيقة دي ؟
دي لو زرعوها بصل ما كان حلت مشكلة؟
تحياتي
Post: #24 Title: Re: أهم أخبار الخرطوم.. Author: الشامي الحبر عبدالوهاب Date: 04-05-2013, 09:13 PM Parent: #23
Quote: لانعترض على أي استثمار أجنبي في السودان ، على العكس تماما نشجع مثل تلك الخطوة فالعالم أصبح كرة إقتصادية واحدة والدول العظمى تقدم لبعضها تسهيلات في هذا الإتجاه، لكن في ظل الفساد غير المسبوق الذي يضرب السودان الآن أصبحت تلك التسهيلات وسيلة لإثراء نفر تعرفهم جيدا.. في غياب الشفافية وتكافؤ الفرص لن يجني محمد احمد شيئا من مثل هذه القرارت ثلاثية الإبادة ..
نعم اخ محمد الاستثمار في ظل الشفافية وتكافؤ الفرص هو المطلوب وكان المطلوب اهتمام عربي شامل في اطار الجامعة العربية لتطبيق حقيقة ان السودان سلة الغذاء العالم العربي ولكن في ظل هذه السياسة القائم على الفساد البين باعتراف اهله فالامر لا يعدو ان يكون تفريط في الحقوق ولن يجنى منه محمد احمد شئياً
Post: #26 Title: Re: أهم أخبار الخرطوم.. Author: عماد ساتي Date: 04-05-2013, 10:00 PM Parent: #22
Quote: نحن راضين ب 10000000000 اثيوبى يانا بنشبهم و بيشبهونا و بنطرب لغناهم و بينطربو لغنانا
آاااى ... والله
Post: #27 Title: Re: أهم أخبار الخرطوم.. Author: محمد المرتضى حامد Date: 04-05-2013, 10:44 PM Parent: #26
Quote: وبعدين ياخ الدقون أتلاحقت .
فَشَر.. دقون ناسنا مصبوغة مثنى وثلاث ورباع..
- إنت أقعد باري لي في بيوت لوس أنجلس وشاكيرا لامن تلاقى المليون ميل مربع تبخرت.. تاني محل تفرش طبليه ما تلقى...
Post: #28 Title: Re: أهم أخبار الخرطوم.. Author: علي محمد الفكي Date: 04-05-2013, 11:00 PM Parent: #27
Quote: الاستثمار في ظل الشفافية وتكافؤ الفرص هو المطلوب
ولكن مع استثمارات اولاد بمبة موعودين بمزيد من الفساد
سلام حضرة المستشار
Post: #30 Title: Re: أهم أخبار الخرطوم.. Author: محمد المرتضى حامد Date: 04-06-2013, 01:34 PM Parent: #19
Quote: شبكونا ليك: تكامل تكامل تكامل تكامل..
منذ تحتمس وحتشبسوت نسمع هذا الكلمة لكن ، وبعد أن تقدم تحتمس في السن، إكتشف أن المسألة لاتخرج عن حاجة بلده لأرض وماء وحاجة أنظمتنا للبقاء .. أي حكومة عندنا تنزنق تجري لمصر دايرين تكامل..مع ترديد أنا غيرك ما حبيت .. كان مت ذنبي عليك..
متاب أريتا طيبه يا محمود..
Post: #31 Title: Re: أهم أخبار الخرطوم.. Author: محمد عبد الله الامين Date: 04-06-2013, 01:59 PM Parent: #30
يامولانا يااخ انا مغروض لي في 5 ( خمسة ) فدان بس بتحلحل لي مشاكل متيرة خلاس ان شاء الله ايجار طويل الاجل ... عمنا دة ينوبو ثواب مابديني ليها ......
Post: #33 Title: Re: أهم أخبار الخرطوم.. Author: محمد المرتضى حامد Date: 04-06-2013, 07:33 PM Parent: #31
Quote: اقول ليك قول وكتين هى اصلها خربانه
نحن راضين ب 10000000000 اثيوبى يانا بنشبهم و بيشبهونا و بنطرب لغناهم و بينطربو لغنانا
يا سهام، بالله ما تحرفي لينا البوست .. إستثمار أحبابنا شرق القلب لم يتطور ونتمنى أن يتخطى الخط التقليدي الذي انحصر في المطاعم والمقاهي، عموما مرحبا بهم فهم يرفدونا بجمال موسيقاهم.... http://www.youtube.com/watch?v=0HXErgun-oY شوفي سماعات نضيفه واسمعي.
Post: #34 Title: Re: أهم أخبار الخرطوم.. Author: محمد المرتضى حامد Date: 04-06-2013, 11:26 PM Parent: #33
Quote: 2000000 (مليونيييين) متر مربع؟
وفي الخرطوم الضيقة دي ؟
دي لو زرعوها بصل ما كان حلت مشكلة؟
يا حمد، خليك من مليوني متر مربع ، الناس ديل كان عندهم 200 مليون فدان ، هل استطاعوا الحفاظ عليها دعك عن استغلالها؟
Post: #35 Title: Re: أهم أخبار الخرطوم.. Author: محمد المرتضى حامد Date: 04-07-2013, 10:59 AM Parent: #34
Quote: ولكن مع استثمارات اولاد بمبة موعودين بمزيد من الفساد
يا علي ،
آن أوان مصارحة النفس، أولاد بمبه إذا ثبت فساد أحدهم فمصيره المحاكم والسجن والبهدلة وإنت براك شايف وكان هذا ديدنهم منذ أيام توفيق عبدالحي ورشاد عثمان ومن لفهم في ثمانينيات القرن المنصرم، أما نحن فعلى الرغم من أن (المسؤولين) في الدولة يقرون بالفساد فلم نسمع عن محاكمات على الملأ والسبب كما تعلم (خلوها مستوره) ، أليس من المحزن أن يخرج تقرير المراجع العام سنويا متضمنا الإشارة إلى اختلاسات بالمليارات دون تقديم حالة واحدة لمحاكمة؟ المحاكم يا علي نصبت لمن تخالف الزي (الإسلامي) ومرتادي الحفلات ومن يناهض الفساد، يا عزيزي بلغ بنا الحال أن تعترف وزيرة إتحادية أمام وسائل (الآلام) بأن هناك فسادا يضرب وزارتها وحددت الفاسدين بدقة ، بل صعقت الجميع بقولها أنها تكتمت على الفساد بسبب (توجيهات عليا).. صدق أو لاتصدق.. شاهدتها مساء الأمس في نشرة الأخبار كما لو أنه لم يحدث شئ ...
تقول لي أولاد بمبه!!
Post: #36 Title: Re: أهم أخبار الخرطوم.. Author: محمد المرتضى حامد Date: 04-07-2013, 04:08 PM Parent: #31
Quote: يامولانا يااخ انا مغروض لي في 5 ( خمسة ) فدان بس بتحلحل لي مشاكل متيرة خلاس ان شاء الله ايجار طويل الاجل ... عمنا دة ينوبو ثواب مابديني ليها ......
تستاهل مزرعه في كافوري يا محمد ، أخوك لو لقى ليهو مترين في البكري أو أحمد شرفي بتحلحل ليهو مشاكلو كلها.. بس للأسف الإتنين إتملوا للآخر.. غايتو تاني الواحد إلا يدفنوهو جوار محطة شل كما تمنت عاشقة أندريه..
