Post: #1 Title: ليه يا Emad Abdulla ؟ Author: محمد المرتضى حامد Date: 11-05-2011, 11:45 PM Parent: #0
سوينا ليك شنو؟ عارفو السوق كعب . . قلنا نعيِِّّد عليك إنتا وقائمة الغائبين.. يمين يا عمده المسأله كلها ما بتستاهل.. معقول حتى الدهشه المغربية عربيها وأمازيغيها ما تكون فيها.. ولا أشعارك الأطلسيه.. أجيب ليك (إينوفا)؟
ما تقفلوا وخلي محمد الدرهم ينتهي من (دعائه) .. خليهو.. بس قول آمين..
-
Post: #2 Title: Re: ليه يا Emad Abdulla ؟ Author: خالد المحرب Date: 11-05-2011, 11:55 PM Parent: #1
كل عام وانت طيب يا مولانا
Post: #3 Title: Re: ليه يا Emad Abdulla ؟ Author: Osman Musa Date: 11-06-2011, 01:06 AM
عزيزنا ود حامد سلامات والعيد مبارك عليك وعلي عزيزنا عماد . بتكون شفتو فيلم غزو نورماندي . فيلم عجيب . القصة كلها بتدور عن التأكد من حماية الكنوز الثقافية . .. يا ود حامد صاحبك كنز . صاحبك شفقنا . مالو ؟ وشفقنا برضو علي صحة عزيزتنا الوالدة . أنشاءالله تكون هي بخير بعد العملية . وتلفونو مقطوع في الديوم الشرقية ومنطقة المتروبوليتان . ليه يا عماد عبدالله ؟؟
.. أنشاءالله طبول شيخك البتنتح دي تجيبك .
Post: #4 Title: Re: ليه يا Emad Abdulla ؟ Author: saadeldin abdelrahman Date: 11-06-2011, 03:38 AM Parent: #3
و حياة الشجن و اغلى الذكريات ما تقول كلام يحيي الفات و مات ما تخلي العيون تبكي الامسيات... يا اخوانا، هذا المواطن شوهد في الربوع الثانية بصحبة تأملات في أضحيته ( الا يسردها براهو). يا مرتضى، كل عام و انت و عمدة و عثمان و المحرب والجميع طيبين و مرتاحين و قلوبكم لا يثقلها الا حب الجمال، عشان الناس تحب الناس و زي عينينا يتحبوا زي عينينا.
Post: #5 Title: Re: ليه يا Emad Abdulla ؟ Author: باسط المكي Date: 11-06-2011, 04:53 AM Parent: #4
Quote: .و حياة الشجن و اغلى الذكريات ما تقول كلام يحيي الفات و مات ما تخلي العيون تبكي الامسيات... يا اخوانا، هذا المواطن شوهد في الربوع الثانية بصحبة تأملات في أضحيته ( الا يسردها براهو). يا مرتضى، كل عام و انت و عمدة و عثمان و المحرب والجميع طيبين و مرتاحين و قلوبكم لا يثقلها الا حب الجمال، عشان الناس تحب الناس و زي عينينا يتحبوا زي عينينا.
كل عام وانتم بخير يامحمد المرتضي حاامد وعبرك لعماد عبد الله طول غياابو لعله بخير
Post: #6 Title: Re: ليه يا Emad Abdulla ؟ Author: محمد المرتضى حامد Date: 11-06-2011, 09:28 AM Parent: #5
أبو أحمد سلامات وعيدك مبارك، كل سنه وانت وأم احمد بألف خير.. والله بس الزول دا قلنا نأتِّرو.. كان لميت فيهو ناغمني
الله يجازي الشربوت..
Post: #7 Title: Re: ليه يا Emad Abdulla ؟ Author: Yassir Tayfour Date: 11-06-2011, 09:50 AM Parent: #6
محمّد المرتضى وعماد عبد الله والجميع، كل سنة وأنتم بخير، أعاده الله عليكم بالخير..
Post: #8 Title: Re: ليه يا Emad Abdulla ؟ Author: طارق ميرغني Date: 11-06-2011, 10:26 AM Parent: #7
اخي محمد المرتضي
كل عام وانت واسرتك الكريمة بالف خير
اخي وصديقي عماد عبد الله متوفر بشده ...لكن مش هنا ... في الفيسبوك
وهذا بقي ديدن الكثير من الاصدقاء
ربما قرفوا من العواجيز الزينا وعايزين يجددوا المكنه
انا اتواصل معه في الفيسبوك نعمل شنو؟؟؟؟
المهم العايزو يضمو ليهو وسيجده كل يوم وفي اي زنقه
Post: #9 Title: Re: ليه يا Emad Abdulla ؟ Author: خالد المحرب Date: 11-06-2011, 10:31 AM Parent: #8
Quote: الله يجازي الشربوت..
الشربوت من ناحيه اجتماعيه شرعيه ما اظن فيه حاجه حتى لو كان قارص ..وجه ضاحك ... ولا شنو تحياتى يا جميل
Post: #28 Title: Re: ليه يا Emad Abdulla ؟ Author: محمد المرتضى حامد Date: 11-08-2011, 04:09 PM Parent: #8
Quote: خي وصديقي عماد عبد الله متوفر بشده ...لكن مش هنا ... في الفيسبوك
تكون (إستراحة محارب)؟
إنت رميت ليك عماره يا عمده؟
Post: #10 Title: Re: ليه يا Emad Abdulla ؟ Author: محمد البشرى الخضر Date: 11-06-2011, 10:35 AM Parent: #7
Quote: أجيب ليك (إينوفا)؟
جيبها !!
كل سنة وانت طيب يا مولانا و يعود عليكم بالصحة و العافية
Post: #11 Title: Re: ليه يا Emad Abdulla ؟ Author: صديق الموج Date: 11-06-2011, 12:19 PM Parent: #10
مولانا ...عيدك مبارك التحيه لعماد عبد الله فى علاه الفوق،،،
Post: #12 Title: Re: ليه يا Emad Abdulla ؟ Author: Emad Abdulla Date: 11-06-2011, 12:42 PM Parent: #10
مرتضى يا ابن خالتي .. هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري .
Post: #13 Title: Re: ليه يا Emad Abdulla ؟ Author: سفيان بشير نابرى Date: 11-06-2011, 01:37 PM Parent: #12
اقببببببض و الله هنا في عيد ماكن خلاص
عيدكم سعيد كلكم نفر نفر .
Post: #14 Title: Re: ليه يا Emad Abdulla ؟ Author: سفيان بشير نابرى Date: 11-06-2011, 02:27 PM Parent: #13
خلوني ... خلوني
Post: #15 Title: Re: ليه يا Emad Abdulla ؟ Author: الطيب شيقوق Date: 11-06-2011, 02:44 PM Parent: #14
المحرب
Quote: الشربوت من ناحيه اجتماعيه شرعيه ما اظن فيه حاجه
اوع تشممو برتكان
المرتضى
ربنا يعدل دربك والعفو والعافية
Post: #16 Title: Re: ليه يا Emad Abdulla ؟ Author: سفيان بشير نابرى Date: 11-06-2011, 04:50 PM Parent: #15
Post: #17 Title: Re: ليه يا Emad Abdulla ؟ Author: ابو جهينة Date: 11-06-2011, 07:21 PM Parent: #16
تحياتي اخي محمد المرتضى ولك الشكر أن جعلت هذا الزول الفنجري يطفح على سطح هذه البحيرة عقبال الباقين كل سنة وأنت وعماد وكل الأحبة بألف خير
Post: #18 Title: Re: ليه يا Emad Abdulla ؟ Author: طلال عفيفي Date: 11-06-2011, 10:08 PM Parent: #17
موفق يا مرتضى.. كل سنه وإنت وعماد طيبين
... طلال
Post: #19 Title: Re: ليه يا Emad Abdulla ؟ Author: أبو عبيدة البصاص Date: 11-06-2011, 11:01 PM Parent: #18
يا مرتضى وعماد ... ياخي والله انتو العيد؟
كل سنه والباقين بي خير
البصاص
Post: #20 Title: Re: ليه يا Emad Abdulla ؟ Author: تبارك شيخ الدين جبريل Date: 11-07-2011, 07:46 AM Parent: #19
الفيسبوك بايظ ولاّ شنو؟
الجماعة ديل الليلة مالم؟
ولاّ جايين يعيّدوا ومتخارجين؟
كان كدي كل عام وانتم بخير ...
... المهم ...
Post: #21 Title: Re: ليه يا Emad Abdulla ؟ Author: عبدالمجيد المقابل Date: 11-07-2011, 08:09 AM Parent: #20
مولانا محمد المرتضي , كل عام و أنت بألف خير و عافية و ربنا يحقق الأماني التحية عبرك للأخ عماد
Post: #54 Title: Re: ليه يا Emad Abdulla ؟ Author: محمد المرتضى حامد Date: 11-17-2011, 12:22 PM Parent: #21
Quote: كل عام و أنت بألف خير و عافية و ربنا يحقق الأماني التحية عبرك للأخ عماد
د. عبدالمجيد، عساك من عواده يا عزيز، يبدو أن العيد متعدد البهجة هذا العام، صاحبك ودالقرشي برضو في العصر مرورو..
دمت يا محبوب ودامت الأفراح..
Post: #22 Title: Re: ليه يا Emad Abdulla ؟ Author: محمد عبدالرحمن محمد Date: 11-07-2011, 08:26 AM Parent: #20
رتضى يا ابن خالتي .. هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري .
الصفي الصافي المرتضي، كتر خيرك جِبتَلنا عدد واحد مضاد حيوي نقاومبو أدواء الأسافير
عِندك طريقه تجيبلنا تانين؟ عُزاز شامي مَثلاً؟
ياخ عَيّانين ضُمّه ضُمّه ـ رجعتك يا عماد عيديه
المطرطش
Post: #55 Title: Re: ليه يا Emad Abdulla ؟ Author: محمد المرتضى حامد Date: 11-18-2011, 02:13 AM Parent: #22
Quote: كتر خيرك جِبتَلنا عدد واحد مضاد حيوي نقاومبو أدواء الأسافير
العمده فقري يا محمد، يخلي الناس صاحيين (يحكوا للأفلاك مساهرين).. من البيأشروا شمال ويلفوا يمين..
فقري..
Post: #51 Title: Re: ليه يا Emad Abdulla ؟ Author: محمد المرتضى حامد Date: 11-15-2011, 12:02 PM Parent: #19
البصاص .. إزيّك يا أبا عبيدة، صاحبنا دا قرَّبت أغني ليهو (آه "الأحرف" أبا ما يلم) بس عرف كويس إنو لو إتأخر حا أمش ليهو بالدرب عديل ومشيتي بالدرب ما من مصلحتو.. عِرِفا.. شكرا يا البصاص على كلماتك البتطيب الخاطر..
Post: #43 Title: Re: ليه يا Emad Abdulla ؟ Author: محمد المرتضى حامد Date: 11-13-2011, 02:51 PM Parent: #15
Quote: ربنا يعدل دربك والعفو والعافية
لله والرسول يا شيقا ربنا يعدلها عليك شقيش ما قبلت
Post: #42 Title: Re: ليه يا Emad Abdulla ؟ Author: محمد المرتضى حامد Date: 11-13-2011, 11:19 AM Parent: #13
Quote: و الله هنا في عيد ماكن خلاص
العيد يوم من أيام الله يا سفيان لكنه يكسر العادية ، عماد من الذين يكسرون العادية وتسعدك صحبتهم في الطرق غير الممهدة والمرتفعات الوعرة ..
مُتعِب..
Post: #25 Title: Re: ليه يا Emad Abdulla ؟ Author: محمد المرتضى حامد Date: 11-07-2011, 01:48 PM Parent: #4
يا سعد، عيدك مبارك، زي ما قال عزيزنا طارق ميرغني عن المشو من هنا يكتبوا بشكل راتب هناك، حاجه ما بتبقى كلو كلو .. في زول يخلي برشلونه ويلعب في ... مافي داعي ..
بيبالغوا ...
Post: #23 Title: Re: ليه يا Emad Abdulla ؟ Author: محمد المرتضى حامد Date: 11-07-2011, 10:07 AM Parent: #3
Post: #26 Title: Re: ليه يا Emad Abdulla ؟ Author: محمد المرتضى حامد Date: 11-07-2011, 02:09 PM Parent: #24
باسط عيدك مبارك، يادوب عرفت عماد الحاصل عليهو شنو، قبل شويه شهدت حلقة في قناة استضافت (مغنيه) عندها أغنيه بعنوان 6 من 6 والغنيه التانيه ما عارف عنوانا لكن بتقول يا أب كرش والبرش وإندرش.. والله صحي.. وبمناسبة الحليفه دي تحايا لمعاويه المدير وود البشاري ..
Post: #27 Title: Re: ليه يا Emad Abdulla ؟ Author: محمد المرتضى حامد Date: 11-08-2011, 09:46 AM Parent: #26
الحبيب القريب ياسر، كل سنه وانت طيب، فرح بعودة صاحبي العمدة وصديقي طلال وحزين برحيل أختنا أناهيد، هي الحياة تعطي بقدرما تأخذ.
حذاري توصل سلام لشمس الدين السنوسي وعندي معاهو كلام تاني .. وقول ليهو ما داير كلام كلو كلو..
Post: #29 Title: Re: ليه يا Emad Abdulla ؟ Author: نصرالدين صلاح Date: 11-08-2011, 05:49 PM Parent: #27
الشكر ليك كتير يامولانا
و عيدية مبالغة بي جيبتك لي سيد النجيضة
العمدة - عماد -
Quote: مرتضى يا ابن خالتي .. هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري .
Post: #30 Title: Re: ليه يا Emad Abdulla ؟ Author: Hadeer Alzain Date: 11-08-2011, 09:24 PM Parent: #29
Quote: ليه يا Emad Abdulla ؟
Quote: أجيب ليك (إينوفا)؟
يا مولانا عماد عمدة دا جيب ليهو Enigma ومحتاج نرسل ليهو كتاب زا سيكريت وأيضآ زا باوور يا عماد أوعدك ببوست إنقيمي كارب يعدل المزاج بس قول ربنا يسهل ..!
حمدا لله كمان بعودة مولانا المرتضى للمنبر بعد طول غياب
كل سنة وإنتو طيبين وربنا يحفظكم أجمعين
Enigma - Why
_
Post: #31 Title: Re: ليه يا Emad Abdulla ؟ Author: محمد المرتضى حامد Date: 11-09-2011, 12:04 PM Parent: #30
Quote: الشربوت من ناحيه اجتماعيه شرعيه ما اظن فيه حاجه حتى لو كان قارص ..وجه ضاحك ... ولا شنو
قصة قارص وما قارص دي يا خالد ما بعرفا لكن الشربوت الما بخليك تسلِّم على الشارع من طرف دا زاتو ما شربوت.. بس كمان ما لدرجة التَكَّاي.. ناس عماد بيسموهو (عصير البلح)..
الحميد..
Post: #32 Title: Re: ليه يا Emad Abdulla ؟ Author: saadeldin abdelrahman Date: 11-09-2011, 02:39 PM Parent: #31
والله لولا الشربوت لصرنا الى أمرٍ ضيق، بالكاد بعد التفاعلات والفورانات سارت الامور الى طيب الا بارك الله في طيب الذكرالشربوت و اكثر من امثاله. يا مولانا لقد جمدنا بعضا منه في انتظارك :)
Post: #33 Title: Re: ليه يا Emad Abdulla ؟ Author: عمران حسن صالح Date: 11-09-2011, 03:26 PM Parent: #32
يا مولانــا غلبنا نسمع صوتكـ " في العيد " رغم الإستعانة بصديق قلت لنفسي يمكن الرقم حصل ليه ( أبديت ) بسبب الفايروس الضارب تلفوني
Post: #34 Title: Re: ليه يا Emad Abdulla ؟ Author: saadeldin abdelrahman Date: 11-09-2011, 06:04 PM Parent: #31
مكرر
Post: #35 Title: Re: ليه يا Emad Abdulla ؟ Author: سارة عيسى أحمد Date: 11-09-2011, 07:02 PM Parent: #34
صحي ليه يا عماد عبدالله ؟!!
بدون شك من الناس البتدي المكان دا رونق ...أرجع ياخ انشالله ..
فلّقنا :)
Post: #36 Title: Re: ليه يا Emad Abdulla ؟ Author: سناء الصباغ Date: 11-09-2011, 11:19 PM Parent: #35
كل سنة وانتوا طيبين
بالجد البوست دا بصاحبه والزول الكان رايح واتلقى والضيوف الخشوا ما عيدية بس دا فطور عيد كااارب لا ناقص شية لا مرارة لا شطة لا تحلية
القابلة احزاننا وأحزان عماد والوطن مغسولة فل
Post: #37 Title: Re: ليه يا Emad Abdulla ؟ Author: محمد المرتضى حامد Date: 11-10-2011, 10:54 AM Parent: #36
Quote: جيبها !!
ودالبشرى، ياخ عيدك مبارك والسنه دي إنت والأسرة بألف خير ودام عليك الهنا والسرور، (إنوفا) خيمتنا الأخيرة كما قال درويش وقالوا آخر العلاج الكي، بس البركه صاحبك جا بالمضادات.. سلامي المشدد المحروس للظبي الفي مقيلو غافل آيه وفي الآآآخر كده للدود النتر مجتبى..
Post: #38 Title: Re: ليه يا Emad Abdulla ؟ Author: محمد المرتضى حامد Date: 11-10-2011, 01:24 PM Parent: #34
المـــــــــــــــــــــوج عيدك مبارك ، عارف لامن تربيزة الهارت تكون مميّله؟ ياهو حال المنبر بدون العمده وطلال ونفر كريم عودونا على (أداء) لايتوفر إلا بوجودهم.
Post: #39 Title: Re: ليه يا Emad Abdulla ؟ Author: محمد المرتضى حامد Date: 11-12-2011, 11:49 AM Parent: #38
Quote: مرتضى يا ابن خالتي .. هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري .
كتبت هنا ذات بوست قصة قرأتها عن لاعب الكرة الفذ بيليه مضمونها أن (الجوهرة السوداء) عرض عليه اللعب لفريق إيطالي مقابل مبلغ تشيب له ولدان البنوك دعك عن الشافع بيليه أو فريق سانتوس أو أي ناد برازيلي في ستينيات القرن المنبطح . بمجرد ما الكلام دا وصل أضان رئيس البرازيل إميليو _ حسب القصة- أصدر قرارا جمهوريا فحواه أن بيليه ثروة قومية غير قابلة للتصدير ..
عضو بالمنبر يكتب زي الكلام المقتبس أعلاه يمشي يكتب في الفيس بوك دون أن تصدر العضوية مرسوما يشبه مرسوم إيميليو دا كلام ما مقبول كلو كلو.. عارف يا عمده ، وصلت مطار الخرطوم يوم العيد وبقيت منتظرا زهاء الساعة ومعي حوالي 200 نفر من مختلف الجنسيات وسير العفش واقف سألت أحد العمال كل عام وأنتم بخير ، يا بركه سيركم دا واقف ليه؟ فأجابني : والله ياخي العفش جاهز جمب السير من أكتر من نص ساعه لكن الضابط المفروض يجي ما جا وما ممكن السير يتحرك إلا يجي.. صدقني نفس الروايه بذات التفاصيل حدثت لي في يوم عيد الفطر الماضي وأيضا في مطار الخرطوم وأعتقد أن العيد فاجأ هؤلاء المسئولين .. المسئولين عن السير .. والسلوك. بس لكن كمان نسوي شنو؟ ديل إستوردناهم؟ ياهم أهلنا.. عرفت كيف!! نعم ، حكومه ومعارضه وبشر عاديين من دون خلق الله سويناها في الجامع.. كلامك دا جاييهو ببوست براهو كان الله مد في عمري.. أنا مبسوط بجيَّتك.. حرررررَّم مبسوط ومشنق طاقيتي وما همَّاني شي.
Post: #40 Title: Re: ليه يا Emad Abdulla ؟ Author: saadeldin abdelrahman Date: 11-12-2011, 02:35 PM Parent: #39
حمدلله على سلامة المرقة من السير يا مولانا، نحن مشينا نجيب جماعة واصلين من القاهرة على متن - تحت سطح- سن اير أو قل صنقير، باب الطيارة ابى افتح زهاء الساعة!
Post: #41 Title: Re: ليه يا Emad Abdulla ؟ Author: Mohamed Moatasim Date: 11-12-2011, 03:46 PM Parent: #40
عمده
الغالى تمر السوق
Post: #44 Title: Re: ليه يا Emad Abdulla ؟ Author: عبدالرحمن إبراهيم محمد Date: 11-13-2011, 07:57 PM Parent: #41
Post: #45 Title: Re: ليه يا Emad Abdulla ؟ Author: HAYDER GASIM Date: 11-13-2011, 09:04 PM Parent: #44
Quote: اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ ..
حبيبنا الراضي والمرضي والمرتضى عنه ... كل سنة وإنت طيب
Post: #46 Title: Re: ليه يا Emad Abdulla ؟ Author: سلمى تاور Date: 11-13-2011, 11:46 PM Parent: #45
Quote: أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟
ليه يا Emad Abdulla ؟؟
Post: #47 Title: Re: ليه يا Emad Abdulla ؟ Author: محمد المرتضى حامد Date: 11-14-2011, 10:49 AM Parent: #46
Quote: تحياتي اخي محمد المرتضى ولك الشكر أن جعلت هذا الزول الفنجري يطفح على سطح هذه البحيرة عقبال الباقين
الريِّس أبوجهينة، كل سنه وأنت والأسرة بألـف خير، والله عماد وبعض المتوقفين - مؤقتا - أقدِّر ظرفهم لكنه العشم يا ريِّس، عارف يا مولاي ، الأسى لو خليناهو كدا ساي بياكلنا كلنا لكن الهم المقسَّم هو في حد ذاته تعزية.. دايرين نشيل مع عمـــاد وطلال ومنى ونفر كريم غيرهم (همومنا) .. عماد براهو ما بقدر يشيل همومنا.. التوزيع ضروري يا أبا جهينة، في مقولة قريبه من الفكره دي قريتا زمـــان بتقول: Fifty lemons are a load for one person, but for fifty persons they are perfume الباقين عندهم خاطر لي وبيرجعوا.. سوف يأتون.. تسلم يا حبيب..
Post: #48 Title: Re: ليه يا Emad Abdulla ؟ Author: محمد المرتضى حامد Date: 11-14-2011, 10:15 PM Parent: #47
Quote: موفق يا مرتضى.. كل سنه وإنت وعماد طيبين
... طلال
وين كلامك عن ناس مغمورين مافي زول بيطراهم غير الزيَّك، عماد لامن جاب (سيرتك الذاتية) متمثلة في صور ناس تانيين قلت كل واحد من هؤلاء سيكون موضوع (بوست) لطلال مدجج بكل ما يمكن أن يكون سمحا.. بس ما جيت.. يا طلال إشتقنا ليك والله، تعال يا أنيق و موفق ..
Post: #49 Title: Re: ليه يا Emad Abdulla ؟ Author: saadeldin abdelrahman Date: 11-15-2011, 05:22 AM Parent: #48
يا عمدة و مولانا لنا موعد مع شرحبيل باذن الله :)
Post: #50 Title: Re: ليه يا Emad Abdulla ؟ Author: هاشم محمد الحسن عبدالله Date: 11-15-2011, 06:47 AM Parent: #49
الأخ محمد المرتضى ، تحياتى ، أحييك وأشكرك على البوست المميز، وبالفعل نفتقد الأنسان الجميب عماد عبدالله فى البورد ، ونأمل ببركة العيد السعيد أن يواصل الحضور والابداع فرجل مثله ، كسب كبير للمنبر ، مودتى .
Post: #52 Title: Re: ليه يا Emad Abdulla ؟ Author: ibrahim kojan Date: 11-15-2011, 12:35 PM Parent: #50
حليل أيام الكتابه أم رغوة وجنون.....
حليل البلد
أحبكم جميعاً ... كما إتفق أم لم يتفق!
لم تزدني هذه المدينة إلاّ شكوكاً.... لم تزدني إلاّ نكوصاً علي مداراتها لم تزدني غير التمزّق (نفسي تنكر نفسي), المساء ملئ برؤوس مقطّعة والصباح قبور ما الذي كان أرضاً ما الذي كان سماء؟ هوذا تتدثّر أوجاعنا وتخوض في مهمةٍ من دماء... تلك المدينه... تلك بلادي!
(بالتصرف من أقوال أدونيس)...
كل عام وانتم بخير...
ك
Post: #53 Title: Re: ليه يا Emad Abdulla ؟ Author: محمد المرتضى حامد Date: 11-16-2011, 09:38 AM Parent: #52
Quote: الفيسبوك بايظ ولاّ شنو؟
الجماعة ديل الليلة مالم؟
ولاّ جايين يعيّدوا ومتخارجين؟
كان كدي كل عام وانتم بخير ...
... المهم ...
شايف يا عماد .. جبت لينا الكلام في صمة خشمنا.. مش قلت ليك مرصود.. ود الناظر شيخ الدين سؤالو وجيه والبيان بالعمل.. فيسبوك شنو البقدر عليك.. قادر الله..
يتبارك عليك العيد يا تبارك..
Post: #71 Title: Re: ليه يا Emad Abdulla ؟ Author: محمد المرتضى حامد Date: 11-22-2011, 11:23 AM Parent: #50
Quote: ونأمل ببركة العيد السعيد أن يواصل الحضور والابداع فرجل مثله ، كسب كبير للمنبر
[green]شكرا أخي هاشم، الزول دا كان رجع للكتابه الطيّاره تاني ما بتلقاني هنا، قرايه بس..
Post: #69 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 07:44 PM Parent: #46
Quote: ليه يا Emad Abdulla ؟؟
د. سلمى تاور في العيد بنقول العيد يتبارك عليك والأسرة الكريمة، كنت عارف حايجي يقدم عرضحال - خلافا للعادة - يبدأ بهجوم من نوع (ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو .) ولايمكنه أن ينسى الدعاء علينا من عيار (أنحنا تحبنا الشكلوتة بركة إلهي و إنت جاهي ) ولأسباب موضوعيه في نظري لاتنتهي بسبب من عينة (أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا ) البيزعلو جد قصة ( و كللللو ده و نحنا قاعدين محلك سر .. !!) وأنا أتفق معه في كل ما ذهب إليه وفي إيمانه الثابت بأنو: (مخير الله ) ..
ما بِنهَبِش..
Post: #56 Title: Re: ليه يا Emad Abdulla ؟ Author: محمد المرتضى حامد Date: 11-18-2011, 05:55 PM Parent: #29
Quote: عيدية مبالغة بي جيبتك لي سيد النجيضة
نصر الدين عيدك مبارك.. عارف يا نصر ، في هذا البلد علينا تفقد بعضنا بشكل دوري.. ياخ ناس العمده ديل لو مروا صدفة بجريدة أو تلفزيون ممكن يتشلوا، أجد له العذر .. الحاجات غلط.. والله غلط لامن غلط..
Post: #57 Title: Re: ليه يا Emad Abdulla ؟ Author: محمد المرتضى حامد Date: 11-19-2011, 00:43 AM Parent: #56
Quote: يا مولانا عماد عمدة دا جيب ليهو Enigma ومحتاج نرسل ليهو كتاب زا سيكريت وأيضآ زا باوور يا عماد أوعدك ببوست إنقيمي كارب يعدل المزاج بس قول ربنا يسهل ..!
موسيقى إنيقما يا هدير بتشبه العمده المعروف بإصابته القديمة المزمنة بعبدالعزيز داؤود ، كان ترفقي ليهو نموذج صوتي من الأعمال القديمة البتفتح نفاج للمجرات المجاورة Stargate ويعمل الدرب مع الجالاكسي ساساقا.
أنا زاتي راجي البوست ..
Post: #58 Title: Re: ليه يا Emad Abdulla ؟ Author: الطيب شيقوق Date: 11-19-2011, 12:44 PM Parent: #57
فعلا (ليه يا عماد عبد الله؟) تكسر خاطر الناس ديل كوووووووووووولهم
Post: #59 Title: Re: ليه يا Emad Abdulla ؟ Author: Osman Musa Date: 11-19-2011, 02:11 PM Parent: #58
عزيزنا ود حامد سلامات عماد وطلال وكوجان وشتات وعبدالغني وعادل عبدالرحمن والجندرية الناس ديل وين ؟ هسع يا ود حامد عليك الله دي ما حكومة عديل ؟ ودي مشغوليات شنو أصلو ؟ يا ود حامد تقوم هسع تحاول تشوف phone card نوع أبو 99 ساعة . وتدور دقش في الجماعة ديل . الناس عارفين لسانك بمشهد المصاعب . العودة ضرورية يازول والدنيا كريسماس . ياود حامد عليك الله Call a head وأحد وأحد . ولهم عموم التحية
Post: #60 Title: Re: ليه يا Emad Abdulla ؟ Author: بله محمد الفاضل Date: 11-19-2011, 04:36 PM Parent: #59
وليه ليه ليه نسيت أيامنا ليه
إتو يا ناس الأجر دا ما دايرينو أها أغشونا بالسلام ساهي وإن أديتونا العيدية ياها المحرية الله يرضى عليكم جميعاً ويجعل أيامكم كلها فرح
تسلم يا ود المرتضى وقد فقدت الأريج والزهر بعد غياب لك...
Post: #61 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 12:50 PM Parent: #58
Quote: والله لولا الشربوت لصرنا الى أمرٍ ضيق، بالكاد بعد التفاعلات والفورانات سارت الامور الى طيب الا بارك الله في طيب الذكرالشربوت و اكثر من امثاله. يا مولانا لقد جمدنا بعضا منه في انتظارك :)
يا سعد،
ممكن تجمد عضويتي في المنبر لكن ما تجمد شربوتي،
- واحد من جماعة إدغام بغُنة زار صديقنا للمعايده، أها بسبب (مظهره) دار الحوار الآتي: - يا شيخنا نديك بيبسي ؟ - ما بشربو، - نديك شاي؟ - لا بيعمل لي حرقان ، - قهوة؟ - بعدين بتساهر بي.. - شربوت؟ - بس ما يكون سُكّرو كتير..
الشربوت - حسب دراسات أنثروبولوجيه - مفيد ك ( كاموفلاج) لبعضهم/ن ..
Post: #62 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 02:27 PM Parent: #61
Quote: قلت لنفسي يمكن الرقم حصل ليه ( أبديت ) بسبب الفايروس الضارب تلفوني
حبيبنا عمران ، الفيروسات البتعمل أبديشن دي وصلتكم هناك ؟ أنا كنت قايلا حكرا على ناس هولاكو، ناس الفيروسات الجد؟ كل سنه وانت وأحبابك في خير ونجاح يا عمران..
Post: #63 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 02:39 PM Parent: #62
Quote: ...أرجع ياخ انشالله ..
فلّقنا :)
إي والله .. إن كان المشروع الحضاري يداوي جراحنا ، أرجع فلِّقنا.. إن شاء الله كمفلِّق ولائي .. المهم الإستجابة لمناشدة ساره .. ..
Post: #64 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 02:52 PM Parent: #63
في مسرحية (كاسك يا وطن) ثمة مشهد يسأل فيه الأب المتوفى بصوته الآتي من العالم الآخر إبنه (دريد لحام) ضمن أسئلة كثيرة عما إذا كانوا بعد كل سنوات العذاب والضحايا والشهداء قد حققوا الوحدة العربية؟؟ جاء رد الإبن المترنِّح بفعل السلاف: يابا صعَّبت علي الأسئلة.. أو طَيَّرت علينا السَكرَه .. أو شيئا من هذا القبيل.. هسه صعَّبتِ علي الأماني وجهجهتي الرجاءات والشربوت يا سناء.. مغسوله فُل؟؟ القابله القريبه دي يا سناء؟
اللهم آمين. مافي شئ بعيد على الله..
Post: #65 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 03:09 PM Parent: #64
Quote: جماعة واصلين من القاهرة على متن - تحت سطح- سن اير أو قل صنقير، باب الطيارة ابى افتح زهاء الساعة!
هسه كان الكابتن دق بيها المدرج ، يعني tachaha ، كان الباب فتح يا سعد ووفر ليكم (زهاء الساعه) دي ووفر الجميع.. لكن تقول شنو!!
Post: #66 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 03:19 PM Parent: #65
Quote: الغالى تمر السوق
العمده دا بجيك راجع يا المعتصم ويقول ليك صلِّحا ( تمر المدينة).. لكن صحي ، زولك كان قسَّمو ما بحوق..
Post: #67 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 04:37 PM Parent: #66
أستاذي الجليل البروف عبدالرحمن، توقعت مثل هذا التعليق وأنا أفكر في مناشدة العمدة بالعودة، وربما لاتصدقني إن قلت أن بيت اسماعين حسن الذي (تصرفت فيه) أيضا مر بخاطري ، قلت والله هسه يجي واحد يقول لي Look, who's talking بس أنا كنت متابع وراجع لكن عماد كتَّرا.. لامتابع لا جا راجع وماممكن أقول عنو (متلاعب ليس إلا ما موضوع مطامع ).. زمان لامن روماريو يغيب عن التمارين كان مدرب الفريق البرازيلي بيفتش ليهو في محلات الدافوري.. هسه الفيسبوك والتويتر البسكسك فيهم الولد دا مش دافوري؟
محبتي يا سيدي ..
Post: #68 Title: Re: ليه يا Emad Abdulla ؟ Author: محمد المرتضى حامد Date: 11-20-2011, 05:13 PM Parent: #67
Quote: كيف يعنى هذا العماد, وبكل ما أوتي من صدارة إنسانية عبقة, ومن
ثقافة لازمة لمعاني الحياة في تدوارها الجياب, ومن عمق في خلخلة
الممض والناقص والناشف فينا حتى نطيب. فكيف يعنى يختفي عن صفحة
دوالنا العام والذي هو أعز مكتسباتنا, في زمننا الإستثنائي المستطيل.
وبعدين يا عماد الغاغة والفاقة وكترت النقة ديل ركائز في بناءآتنا
النفسية, والله إجازي الكان السبب... المهم, وعلى قول تبارك, إنو على
الأقل فهمنا حاجة من شدة ######ونة ومفارقات حوارتنا العامة, حاجة تبدو
سالبة في نمطية الحكم العام, لكنها مفيدة لنعرف أنفسنا على حقيقتنا
ولنعيد تشخيص أدوائنا الإجتماعية والسياسية والنفسية وفق معطيات صحيحة
وليست متخيلة. وهذا جيد في عموم مسيرنا لأن نطيب.
هناك ركن في مقيدنا الثقافي الكلاسيكي بدأ يهتز وكثيرا في دواخلي, فمن
طبعنا أن نشكو وأن ندعو وأن نستدعي حضرة السماء لمعالجة أوضاعنا الدنيوية.
فثقافة التوكل هذه أجتزأت قسطا كبيرا من مقررنا الفكري المنوط إستخدامه
لمجابهة أمر حياتنا الدنيوية وكبشر, أو كسائر الناس. كما أنها ثقافة تربي
رويدا رويدا وريد العداء حتى يصبح مطلقا وسافرا وبلا حدود. فتخيلو معى كم
من اللغة الزافرة تنطلق من ألسنة العباد وفي أعلى مقر للعبادة. حيث نشكو
لخالقنا أحوال إسرائيل ونسب الشيوعية ونجهر بأمانينا في زوال الحضارات
التي لا نتفق معها, كما نشكو الجار المكابر والشخص الظالم والعدو القائم
والمزمع, ونملأ على بساط العبادة صدورنا بغل, نعتبره جزء من الإيمان. فيما
نهج الدنيا يسير بحسب جهد الناس وتقديرهم وصرفهم للأحوال وعدلهم وظلمهم
وعلمهم ولحسب إرتفاع وإنخفاض همتهم... كوكتيل يشبه الحياة القائمة حين
يعتمرها الناس ويدفعون بدفتها. فأرجو أن ننسق أحوالنا في قيد مجراها
الواقعي والعملي جدا. وأن نكتسب معارفنا وأن نؤيد مرسوم أخلاقنا بدفع من
مسئولتنا كبشر إستخلفنا المولى عز وجل على أمر دنيانا, فنعمرها بفاضل
حيدر قاسم .. أعلم مدى حزنك على كمال شيبون الراحل المقيم ومثلك الأعزاء الذين التقيتهم هناك، ربنا يجبر كسركم يا حيدر ويعوض السودانيين في كندا زول بمستوى كمال.. تقدمنا الكمال في الطريق لكن بسيرة حسنة نسأل المولى أن يقيض لنا مثلها في هذه الفانية.. إنا لله وإنا إليه راجعون..
- وددت الإقتباس من مداخلتك ولم أستطع.. أوجزت وأبنت ما كان سيكلفني حبرا كثيرا عن الحال الهناك وهو بعض مما يعاني الجميع وليس عماد وحده ، كنت هناك ووجدت العذر لكثيرين.. محبتي يا حيدر.. أسأل الله أن نلتقي قريبا..
Post: #70 Title: Re: ليه يا Emad Abdulla ؟ Author: الطيب شيقوق Date: 11-20-2011, 08:43 PM Parent: #68
Quote: واحد من جماعة إدغام بغُنة
الله يجازيك
السناحة دي الا عند ناس الضهاري ؟
Post: #72 Title: Re: ليه يا Emad Abdulla ؟ Author: محمد المرتضى حامد Date: 11-22-2011, 09:26 PM Parent: #70
مستر كوجان ..
Quote: حليل أيام الكتابه أم رغوة وجنون.....
حليل البلد
أحبكم جميعاً ... كما إتفق أم لم يتفق!
تصرفاتك في نص أدونيس تطفش النوم البقا مابجي حتى بالديازيبام يا إبراهيم، فوقك طه ويس وهود، ننتظرك كما اتفق أو لم يتفق ،
معقول يا الخليل البتسوو فيهو دا؟
Post: #73 Title: Re: ليه يا Emad Abdulla ؟ Author: محمد المرتضى حامد Date: 11-23-2011, 00:00 AM Parent: #72
Quote: وليه ليه ليه نسيت أيامنا ليه
إتو يا ناس الأجر دا ما دايرينو أها أغشونا بالسلام ساهي وإن أديتونا العيدية ياها المحرية الله يرضى عليكم جميعاً ويجعل أيامكم كلها فرح
والله يا بله الباقي ما كتير، عماد عارف الكلام دا كويس، هسه كان باكر جا ولقى المنبر بكري ضاربو بوهيه سودا والدور كان علي حا يندم، والله كان يندم ندامه وأشمت عليهو وأنا في البرزخ.. عشان كدا جا.. جبر الخاطر.. عِرِفا.. أنا هسه ماشي للباقين أشوفم.. زي العمده .. العظما المثلوا أعظم دور..
