عاصم البنا ، أدهشتني..

هل نقول مع السلامه ل (إزيَّكم) و ( المامبو السوداني) وهما - لنصف قرن - ظلتا بطاقة هويتنا الغنائية في جوارنا العربي ؟

مبادرات من هنا وهناك أذكر منها بعض أعمال الأسطوري أحمد الجابري والعاقب محمد حسن وعبد القادر سالم واجترار يتيم
لمحمد الأمين لرائعة محمد عبده (يا ناعم العود) خلت من أي إضافة وفقا لفهمي الضئيل في دهاليز الموسيقى..

لماذا ينتابنا خجل وحرج عظيمين حين نغني بالسلم السباعي كما لو أننا نقترض شيئا من (الآخر) حتى لو كان ذلك الشئ حقا
خالصا لنا من حيث الكلمات واللحن والأداء في الوقت الذي نحتفي فيه بأداء الغير لأغنياتنا أيا كان ذلك الغير؟

إلى متى نتمترس خلف مقولة الدايرنا يجينا وما بنمشي لناس ما بيجونا؟

من هي تلك الجهة التي ننتظر أن تمنحنا شهادة هوية فنية ؟

أسئلة كثيرة دارت في ذهني وانا أستمع ل (عاصم) يغني (عصفور) والتي أنصح كل من يستمع إليها – في مسودتها
هذه – أن يستعين بسماعات خارجية أو سماعات (نضيفه) فالوتريات في هذا التسجيل لاتظهر في السماعات العادية..

شكرا أبا رنيم أنك سعيت للقفز فوق الحواجز الوهمية وقهرت أشباح العتمات التي بظلالهاالكذوب حالت دون
أن نخطو كما ينبغي فظللنا نعيد تدوير القديم بخطوط إنتاج جديدة إلا من رحم ربي ..

الموسيقى - ككل الفنون - طيور جميلة لاتعرف الحدود وجوازات السفر وفصيلة الدم وبطاقات الهوية والنشرة الجوية
وقيل عنها أنها لغة الجنة..

دهشة مريحة (توضأ بها القلب) في زمن ظننت معه أن الدهشة ولت إلى غير رجعة..

أعرف أن (عصفورك) يجيئ كأول الطيور الجميلة وستتبعه أسراب حِسان ..


سر يا عزيزي ، فكما قال ر. إميرسون (إن العالم يفسح الطريق للمرء الذي يعرف إلى أين هو ذاهب ).


.

-

لا لا لا ياخ
معقووووووووووووول

معناها انا تحديداً انضربته 17 صفر
لا حووووووووووووووولا

ياخ الزول دا اشتغل شغل جورج جورج ذات
نفسو عليك الرسول اسمع طاااااارا دى
و اسمع تبكي

لا حولاااااااااااا في المد لاحولاااااا
و بعدين الناس الضاربين خط ديل
ما مننا ولا شنو !!!؟
ياخ و الله يا عصام حطيت على قلبي انا دا
اشهد أن لا اله إلا الله .

يا ود المرتضى كدى النسمع تااانى ونجي

سفيان ... هربته مننا ليه كنا منتظرين سمعك التانى عشان تجينا ونسمع رايك هروبك مابفيد لازم تسلم نفسك المكان محاصر .. الجملة دى كل الناس حافظنها عشان فى المسلسلات بقولوها هى زااااتا كل ضباط الشرطة فى الافلام .... وجلسة ما منظور مثيلة 30 يوم فى السنة بتغنى حفظوها الاطفال ... تخيل عصفور دى تغنت 5 مرات فى اضانك الشمال وخمسة فى اليمين ... واتخيل انا لقيت طريقة ابثها خمسة مرات فى سنة فى خمسة قنوات غير سودانية مشاهدة ... انا خلينى انت بكون احساسك شنو ؟؟؟

غيب وتعال فى انتظارك

محبتى

الهمزاني،
الحريري،
المرتضى

في حضرة مقاماتك أطمئن أننا ما نزال نحن

ــ

الله يزيد قلمك خُضره

والله قمة الابداع يا مرتضى

الله يخليك يا عاصم

محمد عبد الرحمن،

كيفك يا مولاي وأريت حالك زين،
قلت ليك شغِّل الهيدسيت وارجع لي ..
(شُغُل) زي دا لا شك سيكون خصما على الغربة وجمود الغرب،
إستعض على برده بالشيللو والكونترباس ومدات عاصم..

ربنا يحفظك..

لمزيد من الإستماع

نسمع وين نحن مع الايباد سجم الرماد
ادونا رابط - عين - ادونا اي حاجة ياخ :)

Quote: نسمع وين نحن مع الايباد سجم الرماد ادونا رابط - عين - ادونا اي حاجة ياخ :)

عظمة والله ، الآيباد بقى سجم ورماد :)
يا مولانـا ناس هولندا ديل عندهم برد شديد وبنومو بدري بدري
الزول ده أكان ما أديناهو الرابط من بدري ما بيرجاكـ :)

رابط استماع & حفظ

شكرا" مولانا محمد المرتضي

سبحان الله .. المره دي اشتغلت بدون مساعدات خارجيه
لاشك ان الجمال لايقبل الهزيمه ولا يوزع الخذلان

فقد عراني خوفي المزمن من (الديجيتاليات) ولكنني وجدت حيرات
تتنازع في اذنيّ واحاسيسي .. الموسيقي ، الصوت الدافئ العميق ،
الخروج عما الفته الاذن وجماع كل ذلك في قالب ابداعي شجي ..

هذا جمال فوق المألوف .. لا استزيدك منه الان .. حتي اتيح لنفسي
فسحة للتنفس لاقول : شكرا .. اطربتونا .. خالص خالص خالص

عمر علي حسن

الاعزاء

مولانا محمد المرتضي

لم تخذلني يوماً منذ ان بدأت بتتبع بوستاتك
أتوقع المدهش و اجد الادهش

تصويب لمعلومه صغيره اوردتها في سياق هذا البوست
و هي ان اغنيه يا ناعم العود لمحمد عبده

فهذه الاغنيه الفخيمه جداً و بإمتياز لقد ضربت الرقم القياسي
في عدد من تغني بها من الفنانين العرب و علي سبيل المثال:
المخضرم الراحل طلال المداح: http://www.youtube.com/watch?v=c8Yk9Bq9syM
الكويتي حسين جاسم: http://www.youtube.com/watch?v=j6C8PoQGaxE
النجم السعودي محمد عبده: http://www.youtube.com/watch?v=UhVYmQB9b1U&feature=related
فخرنا محمد الامين: http://www.youtube.com/watch?v=4WpcThzXmx4&feature=related
السعودي مؤخراً ماجد المهندس: http://www.youtube.com/watch?v=Jcfk_o3-9Wk
و اخرون و اخريات
فالاغنيه هي من كلمات و الحان المطرب البحريني الراحل عنبر بن طرار
http://www.youtube.com/watch?v=D28cg1QLbdI



لكن تعجبني عند الفنانه الاماراتيه أحلام و لو ما مصدقني شوف براك


التعديل لتصحيح إسم المغنيه من نوال لاحلام
شكراً أستاذ عمران

Quote: لكن تعجبني عند نوال الكويتيه

وقطعاً يا أستاذ محمد حيدر تقصد أحلام وهي أكثر تطريباً من نوال الكويتية ذات الحنجرة التي لا ترتفع ، ولا تنخفض
وزي ما علق واحد أخونا " عامله تسريحته الواحدة دي :) "

Quote: معناها انا تحديداً انضربته 17 صفر لا حووووووووووووووولا

يا سفيان،
مما جريت جبت لي ناس اليمن وكسرت مع الدكالي في المغرب عرفت إنك حاتخد 17/0 ولامجال للتعادل..
الجميل هنا يا سفيان إنو عاصم منذ البداية اصطفى كلمات الرائع أحمد الفرجوني
وقام بالتلحين بنفسه وبالطبع الأداء لايجارى ، أغنية حقتنا رغم أن التوزيع قام
به فطاحلة من سياد الشئ ذاتا وأرجو أن يقدم عاصم نبذة عنهم هنا..
من جماليات هذا العمل المسبوك أنه يجئ في زمن ظننا فيه أننا لن نخرج من نفق
كالح السواد (وأن الخوارق ليست تعاد)..
لي عودة..

انها نقلة عظيمة في تاريخ عاصم البنا

شغل نضيف مية المية

سلامات ود المرتضى..

https://www.facebook.com/video/video.php?v=109038062442522
اعمل لايك للصفحة دي وافتح اللنك دا..

في الدقيقة التامنة تقريبا حتلقاهو بيغني الاغنية دي بالعود في لقاء مع قناة فضائية عربية..
بس طبعا بالاوركسترا فرق كبير..
لكن برض ومرات بحس بصوتو فارق في نوعية الاغاني دي..
ممكن عشان اتعودتا عليه في اغاني الحماسة والعرضة هههههههههههه

Quote: يا سفيان، مما جريت جبت لي ناس اليمن وكسرت مع الدكالي في المغرب عرفت إنك حاتخد 17/0 ولامجال للتعادل.. الجميل هنا يا سفيان إنو عاصم منذ البداية اصطفى كلمات الرائع أحمد الفرجوني وقام بالتلحين بنفسه وبالطبع الأداء لايجارى ، أغنية حقتنا رغم أن التوزيع قام به فطاحلة من سياد الشئ ذاتا وأرجو أن يقدم عاصم نبذة عنهم هنا.. من جماليات هذا العمل المسبوك أنه يجئ في زمن ظننا فيه أننا لن نخرج من نفق كالح السواد (وأن الخوارق ليست تعاد).. لي عودة..

و الله يا مرتضى اخدته ال17 و رضيان و فرحان ياخ رضيان بشير رسمممممى
اصلاً يامرتضى سلوانا ياها السمع الدع و تحليتنا ياهو السكر(بضم السين)
الفي الشاي ، عشان كدا بنباري الغناء كان بقي في اليمن السعيد أو المغرب
أو زنزبار محل ما يكون في صوت ندي وطري و نديان تلقنا دراويش في نوبه.
بعدين أنا ما عندي اي مشكلة شخصية مع عاصم بس دائماً حسب سمعي بشوف انو
يكتفي بغناء الحقيبة لتمكنه الشديد شبه الكامل فيه ، بس الليلة عاصم سكتني
تب و ح ابدأ ارقابه و اترقب نجاحات كبيرة وجديده تقودنا لقدام كمان وكمان
و عليه أن يدقق جيداً جداً فهو الأن في رقبته مسولية شاله ودرعه براهو.
اغرب حاجة تعرف شنو يا مرتضى !؟
في العيد الفات دا في واحده من قنواتنا (الكتييييره و مسيخه دي) عملت لقاء
مع أحمد الفرجوني و معاهو الأمين البنا اها الفرجونى قام قال القصيده دي و انا
سمعته جزء منها (الجزء القالوا او هو قال العنوان ما عارف) بس متأكد انى سمعته
منو مطلعه دا .
اها الغرابه كانت هى أنى لما سمعتها هنا من عاصم (ودى اول مرة) طوالى جاني احساس
أنى الاغنية بعرفه و أني سمعتها قبل كدا من سيدا(الاهو منو ما قادر اتذكرو) بس كنت
كاني بسمع في زول صوتو فيهو حاجة قريبة جداً من سلطان الطرب جورج وسوف (جورج دا
لو سمعتو بغني للست ممكن تموت) ، يعني بالواضح نسيت حكاية أني سمعتها من الفرجوني.
وفعلاً يا مرتضى
الخوارق ليست تعاد
عشان كدا على فردتنا التقدم بقوة وحذر .

و في انتظار جودو يا صاحبي عشان تنضم لينا عن التوزيع و الشغل الموسيقى النفذوهو
منو ؟.

Quote: الله يخليك يا عاصم

آمين،
المثير في الطريق يا الطيب،
ستأتيك (زينب) مزلزلة القلوب بإيقاع المردوم الكردفاني الدارفوري وهو - قريب للإيقاع
الخليجي حتى أظن أنه جاءهم من عندنا ضمن ما كان يأتي به أهلنا حين يحجون وحين يعتمرون -
ستاتيك زينب الأقرب بوجهها القمر وشَعرها الغيهب ..

كن قريبا..

أولاد البنا ديل اصلهم متزبلعين...من زمااان...
كان لمّوا في الدوبيت ...يخلوا قنقرو يطقطق
وكان مشوا لي الحقيبة...بنفضوها هدم هدم..


أها عاصم هنا...داقر ناس كاظم الساهر في ربع تونهم
وبي حرفنة شديدة...وابداع ما بعدو ابداع..
والفرجوني...ركب مع بيرم التونسي في سرج واحد

افتكر كان قبلوا علي الانجليزي...ومشوا لي عمهم
بتلقوا جون مكارثي حايم في ود البناء
وهاك يا بيتلز...

Quote: لمزيد من الإستماع

والإستمتاع،

ولك شكر خاص يا عمران أن قمت بتحويل ملف الفيديو إلى ملف صوتي على هذه الدرجة من النقاء،
الأغنية خرجت بي من العادية منذ بداياتها عندما شرع عاصم في تلحينها منذ حوالي أربعة سنوات
لكن لم أتوقع أن يصل بها إلى تلك المراقي رغم ثقتي في قدراته ومثابرته حتى فاجأني بها
منذ أيام على هذا الشكل..

هدفي يا عمران ليس عرض الأغنية هنا كبقية ما أعجبني من أغان ولكن هو حفز المبدعين من مطربينا
ألا يكتفوا بالقوالب الموروثة بل ارتياد آفاق ومدارات جديدة تسكرنا بالمدهش وللإفاقة من غيبوبة
سببتها غازات الخردل والسارين (الغنائي) المتسرب إلى رئاتنا منذ مدة ليست بالقصيرة.

الحبيب مولانا محمد المرتضى
شكرا جزيلا على امتاعنا بهذا الغناء المدهش ..لقد ابدع حقا عاصم.
الأستاذ الكبير الكابلي له محاولة طيبة للغناء بالسلم السباعي حيث أدّى مقطع من شعر كمال الدين بن النبيه:-

أماناً أيها القمر المظل ** فمن جفنيك أسياف تسل
يزيد جمال وجهك كل يوم ** ولي جسد يذوب ويضمحل
وما عرف السقام طريق جسمي ** ولكن دل من أهوى يدل
تميل بطرفه التركي عني *** صدقتم - إن ضيق العين بخل
أيا ملك القلوب فتكت فيها** وفتكك في الرعية لا يحل
قليل الوصل ينفعها فإن لم ** يصبها وابل منه فطل

يا ريت حبيبنا ود الخليفة يأتي لنا بهذا اللحن الذي سبق ان امتعنا به في احد بوستاته.

ايه الجمال ده كله؟
بالله لو في طريقة شغلوا لينا بي نفس المشغل البستعملو الاخ محمد عثمان
لانو بنعاني من نفس مشكلة خدر، بعد بدينا نسمع من رابط عمران، شايف شلعوا الفايل.
حالة سعبة يا قول اخا الهضبة! 

Quote: نسمع وين نحن مع الايباد سجم الرماد ادونا رابط - عين - ادونا اي حاجة ياخ

مولانا خدر ،

رسل لي الآي باد وبرسل ليك لابتوب،
يا سيدي الفاضل رأيك إنت بالذات يهمني جدا وأتمنى لو أسمع السالب if any قبل الموجب،
أثق جيدا في ان كل كلمة ستقدمها هنا سيكون لها وزنها عند عاصم وعند المستمعين،
بعدين يا مولاي كلام ناس الفن مفيد لنا وأنت في مقدمهم لأنو الغنية السودانية
تحتاج النقد الذي يفضي بصانعيها إلى تجويد أعمالهم ومن ثم يكون رأي الفنان
المثقف مطلوب وأهو سننتظرك في الناصية..

محبتي

محمد المرتضى حامد

اكتر اسم بقرا ليو في سودانيز وبالجد بستمتع بكتاباتك الجميلة والرائعة

وعلى قدر إستمتاعي بكتاباتك على قدر ما بتهيب من التداخل في بوستاتك

خوفا من ان تاتي مداخلة( شترة) وتبوظ الكلام المنمق الجميل

عشان كدة بستمتع بالقراية وامرق

لكن في هذا البوست إجتمعت انت وفناني المفضل عاصم البنا لذلك لم استطيع التفرج من غير ما اقول ليك

تسلم على هذا الإختيار الجميل ويسلم عاصم على هذا الاداء الرائع

ولا داعي لان اطلب منك المزيد من الإمتاع لانك دوما معودنا عليه

فانت يا اخي جميل لذلك تأتي لنا بالجميل

شكرا لك يا استاذ

إبداع بلا حدود من عاصم البنّا..
أما أستاذنا محمد المرتضى..
فما زال يسكُب على أرواحنا من كئوس الجمال ما يدهشنا نحن أيضاً.

Quote: أغنية حقتنا رغم أن التوزيع قام به فطاحلة من سياد الشئ ذاتا وأرجو أن يقدم عاصم نبذة عنهم هنا..

نعم أستاذي محمد..
حقّتنا ونُص وخمسة..
والأغنية قام بتوزيعها الموسيقار المصري المعروف الدكتور جمال سلامة.

لك ولعاصم عميق وُدّي واحترامي

د. عبدالمجيد،
أنت من يستحق الشكر على الإهتمام والمتابعة،
ظللنا يا العزيز - كل العمر نطرب لأم كلثوم وحليم وفيروز وغيرهم
دون أن يوجهنا موجه لما يطربنا، وكذا كان الحال مع كل موسيقى
وغناء الدنيا من اليابان وحتى الساحل الغربي لأمريكا ومن السويد
وحتى كيب تاون ، ولم نحس يوما سوى أن هذا جمال إنساني فدعه يُطرب
دعه يمُر والآن أزف الوقت لكي نفتح نوافذنا لنقدم المزيد من المشاركة
السودانية بمستوى يؤهلها لمكاتفة المتقن خارج الحدود..
مشاركة حقيقية وإسهام في الفن العالمي كمنتجين وليس (مستهلكين).

تسلم.

Quote: سبحان الله .. المره دي اشتغلت بدون مساعدات خارجيه لاشك ان الجمال لايقبل الهزيمه ولا يوزع الخذلان فقد عراني خوفي المزمن من (الديجيتاليات) ولكنني وجدت حيرات تتنازع في اذنيّ واحاسيسي .. الموسيقي ، الصوت الدافئ العميق ، الخروج عما الفته الاذن وجماع كل ذلك في قالب ابداعي شجي .. هذا جمال فوق المألوف .. لا استزيدك منه الان .. حتي اتيح لنفسي فسحة للتنفس لاقول : شكرا .. اطربتونا .. خالص خالص خالص عمر علي حسن

سعادة اللواء ..

(الخروج عما ألفته الأذن) كان وراء إحساسي بالدهشة وعنصر المفاجأة الجميل
رغم أني كنت أعرف الأغنية عندما كانت في طور الحبو وأجدها اليوم وهي تحلق
في ارتفاعات عالية وبيسر وسلاسة ومناورات محببة إلى الأذن المتلقية..
أنتظر عودتك بعد ال ( booster dose ) والفنجان التاني يا أبا أمير..

إحترامي إليك من صميم قلبي..

بالله لو في طريقة شغلوا لينا بي نفس المـشغل البستعملو الاخ محمد عثمان

يا سعد،
محمد عثمان دا أنا زاتو بفتش ليهو،
أكيد عندو مشغل فورويل..
المساعي تجري لتلبية طلبكم يا عزيز..
ذات الشكوى تقدم بها عثمان موسى النيويوركي ..
هسه لو كانت شاكيرا كان سمع وشوف..

Quote: انها نقلة عظيمة في تاريخ عاصم البنا شغل نضيف مية المية

يا الخير النقله ستكون في تاريخ الأغنية السودانية،
طبعا يا العزيز في ناس أطلقوا إسمين فقط على محطات الأغنية
السودانية واختزلوهما في محطتي سرور والكاشف ولكن - في رأيي -أن
هناك عدة أسماء أضافت في هذا الخط كشرحبيل والنور الجيلاني ومصطفى
سيد أحمد وعقدالجلاد وسيكون عاصم محطة وعلامة فارقة بمشروعه الموعود،
أتمنى ، فقد بدأ المشوار وسيكمله آخرون حيث ليس بالضرورة أن ينجز
كل المشروع بنفسه فقط البداية، الساحه الفنيه في حاجة ماسة لفنان
يقوم بدور (المحولجي) في السكه الحديد ..

اخى محمد حيد لك المودة والتقدير على اسهامك الكبير : وردتنى خاطرة اود مشاركتك فيها .. عملت بالسعودية لفترة كنت دائما استغرب لفظ النقل الجماعى كلما ذكر وهو مؤسسة المواصلات العامة بين المدن السعودية لمن لايدرى ... تفصيلا هذا الجملة تشرح المضمون وهى مختصرة .. ناعم العود تجدها فى كل صوب وكل بلد ممثلة فى اغنية يجمع عليها اهل البلد وتصبح الاغنية الشعار مثلا انا افريقى انا سودانى تجدها محفوظة للجميع .. فناعم العود اعتقد انها مثل بص النقل الجماعى يسع الجميع ويوصلهم الى محطة الطرب الزهوى منقطع النظير ....

الله يدينا

مودتى

شكرا الاخ عمر على يكفينى ذلك ويحفزنى كى ارى بعيون اخرى تزيد نظرى جراءة وتخرجنى من انعزالى

لك الشكر والتقير الاكبر

Quote: يا مولانـا ناس هولندا ديل عندهم برد شديد وبنومو بدري بدري الزول ده أكان ما أديناهو الرابط من بدري ما بيرجاكـ :)

نحن برضو في انتظاره يا عمران،
لك الشكر على ما تبذله في هذا البوست يا أمير ..

Quote: تصويب لمعلومه صغيره اوردتها في سياق هذا البوست و هي ان اغنيه يا ناعم العود لمحمد عبده فهذه الاغنيه الفخيمه جداً و بإمتياز لقد ضربت الرقم القياسي في عدد من تغني بها من الفنانين العرب

أستاذ محمد حيدر،
شكرا على التنبيه وعلى الإطراء،
في الواقع سمعت (يا ناعم العود) بصوت محمد عبده ولم أعرف أن الجميع توافروا عليها
لكن بيني وبينك تستاهل أن يغنيها كل مطرب تتيح له (إمكانياته) أداء تلك
الأغنية الرائعة ويبدو أن محمد الأمين كان (مندوبنا) في الأداء كما كان
(الجابري) ممثلنا في (عطشان يا صبايا) وغناها بأفضل من غيره ..

نتمنى أن يأتي اليوم الذي يتسابق غيرنا إلى أغانينا رغم أن هذا ليس
هدف ما أرجوه من تطوير لأغنيتنا ، وبالمناسبة يا عزيزي ، كنت استمعت
لفرقة موريتانية تغني لسيد خليفة وغني عن القول أن أهلنا في القرن
الأفريقي يداومون على أداء أغنياتنا بلونيات تتباين..

تسلم..

يا مولانا سلام،
مافي طريقة تستعمل نفس كود التشغيل الذي استعملته للاغنية الاستثنائية؟
تكون ما قصرت معانا خااااااالص :)

Quote: اعمل لايك للصفحة دي وافتح اللنك دا.. في الدقيقة التامنة تقريبا حتلقاهو بيغني الاغنية دي بالعود في لقاء مع قناة فضائية عربية.. بس طبعا بالاوركسترا فرق كبير.. لكن برض ومرات بحس بصوتو فارق في نوعية الاغاني دي.. ممكن عشان اتعودتا عليه في اغاني الحماسة والعرضة هههههههههههه

شكرا على ال (لايك) وعلى (اللينك) يا ساره،
أتفق معاك إنو في جزء من الأغنية - شوية ثواني - أحسست فيها
ذات الإحساس ونقلته لعاصم ولكن المسألة ليست - كما تفضلت - بأنها ناتجة
عن تعودنا على الاستماع لعاصم في لونية مختلفة ولكن بسبب متطلبات اللحن
على ما أعتقد وكنت أتمنى أن تكون لي معرفة بالموسيقى كيما أستطيع
التعبير عن إحساسي تجاه جزء محدد في الأغنية بلغة أهل الموسيقى ،
دوري ينحصر في الاستمتاع بشكل فطري والتعبير عن الدهشة وإشراك الغير
في الجديد الجميل - وفقا لما يتولد فيّ- وأكيد عاصم سيرد عليك في هذه الملاحظة..
تسلمي يا عزيزة.

Quote: بعدين أنا ما عندي اي مشكلة شخصية مع عاصم بس دائماً حسب سمعي بشوف انو يكتفي بغناء الحقيبة لتمكنه الشديد شبه الكامل فيه ، بس الليلة عاصم سكتني تب و ح ابدأ ارقابه و اترقب نجاحات كبيرة وجديده تقودنا لقدام كمان وكمان و عليه أن يدقق جيداً جداً فهو الأن في رقبته مسولية شاله ودرعه براهو.

والله يا سفيان زولك عارف المسألة شائكة وصعبه ومكلفة من حيث الجهد والأعصاب
والوقت والمال ورغم ذلك أصر على المشي في الطريق الوعر وهذه محمدة تحسب
له وعلى سبيل المثال كلفته هذه الأغنية الكثير وأنت تدرك جيدا أن العمل
الجيد لايأتي مجانا ودون مثابرة وصبر..
عليك بمراقبته ولو قصَّر في شئ لاترحمه نهائيا..

مولانا الحبيب ،،
سلام وعميق تقديري وإحترامي لما يجود به قلمك كل عام مرة،،


بعد أن شهد لك الجميع بالأذن الموسيقية المرهفة : أشهد لك أنا بالعين النجيضة:
فقد ذكرتك بينما كنت جلوساً بالفندق في أديس أبابا هذا الشهر وإذا بثلاثة سودانيين
جلسوا بالقرب مني وأخذوا يحدثون بعضهم بمغامراتهم تبينت من كلامهم أنهم لم يلحظوا
سودانيتي وإلا لما قالوا ماقوله أمامي ،،
قلت في نفسي : الله يقطع شيطانك يامحمد المرتضى : ألهذا الحد أشبه أفورقي؟؟ ههههههه!!

في موضوع البوست : أهديك أغنية أيضاً رددها الكثيرون وعرفناها في السودان مع
هيام يونس وفريد عبد الوهاب وسهرتنا الليلة،،
الآن أسمعها بهذا الشجن والأداء الرهيب للراحل طلال مداح!!

يااااا اخى محمد المرتضى انت الذى ادهشتنى وانت الذى انعشتنى بهذا الاحساس الجميل وهذه المساحة الطيبة التى جعلتنى ارى بام عينى مثل هذه الاقلام التى انبرت تكحل عين العصفور الذى كان حلما يراودنى واناديه واتودد له ليمهلنى القدر حتى يستكن خاطرى واطمئن على ريشاته بين فتك النسور ومجاهل الصحاى .. وها هو عصفورى اراه بين ايد امينة واقلام سنينة ومودة ورحمة وسكينة ....

اخوتى هذه الكلمات هى انفعالى الذى قادنى الى التعبير بسرعة البرق الخاطفة عن سعادتى الا متناهية بان هذا العصفور اصبح طليقا بين طيات السحاب وراح يغرد فى عوصم الدنيا فى الخليج وفى هولندا وامريكا وفى بلادى .القرى والمداين . فاهديه امانكم الذى استقيت احساسه من تعابيركم الرقيقة والرشيقة واهتمامكم غير العادى .

اما عنى فالسعادة تغمرني حتى النخاع واسنة اقلامكم حافز ووجبة حتى الاشباع تكفينى كلمات الاستحسان عن جهد ظل يرهقنى ومابرح خاطرى وانا الحن فى كلمات العصفور بين فيافى البطانة ومنزلى وصالون محمد المرتضى فى مسقط واشبه ذلك بكرة البلياردو فى خبطة واحدة تذهب لتحدها الحدود فى اكثر من اتجاه ولكنها ترسو . ورسى عصفورى بين اياديكم ولم ارثيه او يرثينى ولكم ان تتخيلو نحن حبان لايفرقنا عن الفة متقلب الدهر .. شتاء وصيف وخريف فكم من نظرات استهجان بجهالة التقيناها ولكم من نظرات عطف شعرناها وكم من كلمات شكر سمعناها لم يبارحنى عصفورى بل ظل يرفرف كالعلم بين طياته قلب ينبض ..

اهلى هذا بوح يسوقه خاطرى بدون فرامل ولى عودة بالتفاصيل ولى عودة بالجديد ولى عودة بالمفيد وليس الا ..

بكرى ابوبكر كتر الف خيرك لانى كرهتك اعفى لى ... مولانا مرتضى كان ذلك. قطرة اول الغيث ولك ان ترى الخريف هذا العام .

Quote: يااااا اخى محمد المرتضى انت الذى ادهشتنى وانت الذى انعشتنى بهذا الاحساس الجميل وهذه المساحة الطيبة التى جعلتنى ارى بام عينى مثل هذه الاقلام التى انبرت تكحل عين العصفور الذى كان حلما يراودنى واناديه واتودد له ليمهلنى القدر حتى يستكن خاطرى واطمئن على ريشاته بين فتك النسور ومجاهل الصحاى .. وها هو عصفورى اراه بين ايد امينة واقلام سنينة ومودة ورحمة وسكينة .... اخوتى هذه الكلمات هى انفعالى الذى قادنى الى التعبير بسرعة البرق الخاطفة عن سعادتى الا متناهية بان هذا العصفور اصبح طليقا بين طيات السحاب وراح يغرد فى عوصم الدنيا فى الخليج وفى هولندا وامريكا وفى بلادى .القرى والمداين . فاهديه امانكم الذى استقيت احساسه من تعابيركم الرقيقة والرشيقة واهتمامكم غير العادى . اما عنى فالسعادة تغمرني حتى النخاع واسنة اقلامكم حافز ووجبة حتى الاشباع تكفينى كلمات الاستحسان عن جهد ظل يرهقنى ومابرح خاطرى وانا الحن فى كلمات العصفور بين فيافى البطانة ومنزلى وصالون محمد المرتضى فى مسقط واشبه ذلك بكرة البلياردو فى خبطة واحدة تذهب لتحدها الحدود فى اكثر من اتجاه ولكنها ترسو . ورسى عصفورى بين اياديكم ولم ارثيه او يرثينى ولكم ان تتخيلو نحن حبان لايفرقنا عن الفة متقلب الدهر .. شتاء وصيف وخريف فكم من نظرات استهجان بجهالة التقيناها ولكم من نظرات عطف شعرناها وكم من كلمات شكر سمعناها لم يبارحنى عصفورى بل ظل يرفرف كالعلم بين طياته قلب ينبض .. اهلى هذا بوح يسوقه خاطرى بدون فرامل ولى عودة بالتفاصيل ولى عودة بالجديد ولى عودة بالمفيد وليس الا .. بكرى ابوبكر كتر الف خيرك لانى كرهتك اعفى لى ... مولانا مرتضى كان ذلك. قطرة اول الغيث ولك ان ترى الخريف هذا العام .

عليك النبي يا عاصم اخوي ما تحرمنا من كتاباتك الحلوة زى حضورك الفني

نحن مع غناك القديم بتاع (ناسنا) اما النقلة النوعية للغناء الافرنجي دي فوالله عودي فيها عود مرة علا كان البس احساس أولاد المسالمة الافرنجي .

Quote: أها عاصم هنا...داقر ناس كاظم الساهر في ربع تونهم وبي حرفنة شديدة...وابداع ما بعدو ابداع.. والفرجوني...ركب مع بيرم التونسي في سرج واحد افتكر كان قبلوا علي الانجليزي...ومشوا لي عمهم بتلقوا جون مكارثي حايم في ود البناء وهاك يا بيتلز...

الذين ذكرتهم من الشعراء والفنانين شهد لهم الناس بعلو كعبهم في مجالاتهم يا نزار،
لكن هناك أسماء ضخَّمتها الآلة الإعلامية المجنزرة لاغير ، هناك من طار إلى سماء الشهرة
بصواريخ دفع لاعلاقة لها بالفن الأصيل والموهبة الصقيلة وأنت أدرى بمرماي في هذا
الإتجاه .
صدقني ، بيننا شعراء ومطربين الواحد فيهم لو شافو القمر ينزل يبوس قدميهو.. هسه
أبوصلاح والكاشف ديل لو كانوا في دوله مجاوره كان منازلهم بقت مزارات زي بتاعات
موزارت وكيتس ..
شكرا يا نزار وراقب النماذج التي سأضيفها هنا..

Quote: عاصم البنا ، أدهشتني..

وانا ايضاً وكل من استمع لهذا العمل بل انه ادهش الادهاش نفسه ..

تحية شديييدة ليك يامولانا ولعاصم البنا

اخى عمر لك المحبة والتقدير .. انشاء اللهدايما انت مسوط كده ونكون عند حسن ظنك فالحياة اخد وعطا ونح اخنا منك كده مايكفى للمستقبل حضورك مشرف


مودتى

استاذنا الطيب شيقوق .. ان التى لاقيتها قدرا ايقنت ان لقائها قدرى كنت وكانت قبل معرفتى اياك مثل الماء والشجر .. هذه الكلمات ليست كل الكلمات بل كاللكمات تجذبنى الى الفرنجه وخور المسالمة جيران ناس الركابية ناس مرتضى مايشاكلونا وغالبية الاغنيات جابا الهوا من القلعة وجوهرا وغزلان المسالمة وظباها .. صدقنى يا استاذى حاولت تفادى هذه المحنة الا انى وجدت الاتى :-

قبل مئة عام تقريبا كان الكرير والحوم بييى او الحومبى هما يشكلان وجدان الغناء ويختلف التعبير من منطقة الى اخرى حسب اللهجة وعندما جاءت الحقبة جمعت هذه اللهجات فى لغة وسطية ترضى الجميع وكان ذلك التغير الاول الذى حدث .. وجاء اخوة السر عبدالله ووهبة كى تزداد الوتريات والات النفخ والضخ فى الاغنية الوسطية لتصبح لها روح الالتزام بالموسيقى اكثر من الايقاع والحنجرة والطمبرة بل تعدت الى القراءة والكتابة وسميت بالاغنية الحديثة وكان ذلك بالتغير الثانى ,

ومضى بها فرحا بها ملك الجمال ومكملا غاياته .. واستانس الجميع تلك الانغام المغرقة فى المحلية التى شكلهاالنطق والاحساس الوسطى المدوزن على تعدد لهجات الوسط التى لايرعاها الا القريب جدا ( اب كريك فى اللجج .. ) وسيطر نغم الموسيقى الوسطى على عجبا يقول الناس انك هاجرى فاصبح البعيد العربى بعيدا جدا عن اللغة تشغله الموسيقى الخماسية الملامح والتدقيق فى اقتراب العامية الى اللغة بالاضافة الى سرعة النطق والايقاع على اذانهم ..

ومضت كل التجارب من اساتذتنا العاقب محمد الحسن والجابرى وغيرهم الى محاولة الولوج الى تشكيل حضور انيق بالاغنية واختارو المصرين كى تنشر الافكار خاصة انهم درسو فى المعاهد المصرية والموسيقى لدى المصريين من قبل الفراعنة لها تاريخ محفور ولكن ... كما حدثنى استاذ الاجيال عمارالشريعى قال يا ابنى انت جرىء لانى عرفت معظم الفنانين السودانين يتعاملون مع المقام العربى على استحياء .. ولك ان ترى الخوف فى اذهان المغنين السودانين من مجتمعم المحلى يرفضهم بسبب المقام السباعى ويستمع السودانى الى كل المغنين العرب دون استحياء ..

ياشيقوق هذه الكلمة اللمتنى لانى اعرف اننا معقدون من الداخل والدواخل تظهرها الفنون بالحساس صدقنى لكونى عربى الجد للاب وافريقى الجد للام هذه مشكلة جعلتنا نغلق على نصيب العروبة فى دمائنا فاخذنا اللغة العربية والعامية خطابة وتغنيا وانتهجنا موسيقى الافريقة الحبوبة نغما فكان ذلك البغل اسمية يستطيع ان يحمل على ظهره الكثير ولا يسطيع العدو فى مضمار السباقات العربية او العالمية وان حدثتنى عن الموسيقى بالخماسى فهى كثيرة فى دول العالم ولست اول من تغنى بها او مكتشفا لذا يظل الوجدان حبيس كمنجة السر عبدالله وشعر اهل الحقيبة صناعة وطنية ..
عموما كانت الفكرة مبنية على ان لى وجدان عربى و لى وجدان افريقى وهذه اضافة مؤكة تزيد المكاسب والسؤال

لماذا نتخلى عن حقنا فى المقام العربى ( السباعى) ونرفضه... ولانتخلى عن الدم العربى واعراقنا وجعلى وشايقى ونوبى والخ ... ولا نتخلى عن عروبتنا والتزامنا بالوجود فى خارطة الوطن العربى ونستهجن الغتغنى بالمفام العربى ونصفق لروضة الحاج والفيتورى للمكاسب الشعرية لعربية وغيرهم الا يحيرك هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مولانا , محمد المرتضى حامد
فردتنا , عاصم البنا
و..زوار البوست العامر
ترددت كثيراً قبل ما أكتب رأيي..لأنو النصيحة مرات بتكون حااااارة

الموسيقى جميلة و التوزيع عبقري – لا يختلف عليها اتنين –
الكلمات حنينة و فيها الكثير من" كبكبة" نزار قباني

الأغنية مختلفة – لا شك في ذلك-
الأداء أكثر من رااااائع…طبقات صوت عجيبة ( اللهم أحفظ و بارك)
جاني فيها ابو بكر سالم , محمد عبده , طلال المداح و كمان خالد الشيخ و أغنية "عيناكِ "...
و في حتة كدا طغت فيها حتة الحقيبة , قام جاني فرفور و السر قدور :)
لكن..
لم تدهشني !

أدهشتني أكتر و للغاية حكاية انو اغنية زي دي ممكن تصل بعاصم البنا الى " العالمية " !!
هي العالمية دي شنو ؟
لما امشي البرازيل و اغني بالبرازيلي... ببقى عالمية!!؟؟
لما امشي السنغال و اغني بالسنغالي... ببقى عالمية !!؟؟
و لا لما اغنيتي السودانية الاصيلة الأصلية تتسمع في بورما و بورتوريكو و السنغال و البرازيل بكون وصلت للعالمية !!؟؟
مجرد سؤال

ملحوظة :
مجهود رائع و ممتع و جميل جداً يا عاصم البنا
تشكر و تحمد عليه
اتمنى ان نسمع كذلك اغنية زينب" الكردفانية و اتمنى ان توصلك زينب للعالمية
.... يقيني انك قادر على ذلك بإذن الله -

أخي المبدع عاصم

ارى ان شهادتي في مقدراتك الفنية مجروحة لجينات مشتركة بيننا ولإدماني سماع كل الاغاني التي تتغنى بها سواء من جيل الحقيبة او إصدارت عصرنا الحديث .

Quote: استاذنا الطيب شيقوق .. ان التى لاقيتها قدرا ايقنت ان لقائها قدرى كنت وكانت قبل معرفتى اياك مثل الماء والشجر .. هذه الكلمات ليست كل الكلمات بل كاللكمات تجذبنى الى الفرنجه وخور المسالمة جيران ناس الركابية ناس مرتضى مايشاكلونا وغالبية الاغنيات جابا الهوا من القلعة وجوهرا وغزلان المسالمة وظباها .. صدقنى يا استاذى حاولت تفادى هذه المحنة الا انى وجدت الاتى :- قبل مئة عام تقريبا كان الكرير والحوم بييى او الحومبى هما يشكلان وجدان الغناء ويختلف التعبير من منطقة الى اخرى حسب اللهجة وعندما جاءت الحقبة جمعت هذه اللهجات فى لغة وسطية ترضى الجميع وكان ذلك التغير الاول الذى حدث .. وجاء اخوة السر عبدالله ووهبة كى تزداد الوتريات والات النفخ والضخ فى الاغنية الوسطية لتصبح لها روح الالتزام بالموسيقى اكثر من الايقاع والحنجرة والطمبرة بل تعدت الى القراءة والكتابة وسميت بالاغنية الحديثة وكان ذلك بالتغير الثانى , ومضى بها فرحا بها ملك الجمال ومكملا غاياته .. واستانس الجميع تلك الانغام المغرقة فى المحلية التى شكلهاالنطق والاحساس الوسطى المدوزن على تعدد لهجات الوسط التى لايرعاها الا القريب جدا ( اب كريك فى اللجج .. ) وسيطر نغم الموسيقى الوسطى على عجبا يقول الناس انك هاجرى فاصبح البعيد العربى بعيدا جدا عن اللغة تشغله الموسيقى الخماسية الملامح والتدقيق فى اقتراب العامية الى اللغة بالاضافة الى سرعة النطق والايقاع على اذانهم .. ومضت كل التجارب من اساتذتنا العاقب محمد الحسن والجابرى وغيرهم الى محاولة الولوج الى تشكيل حضور انيق بالاغنية واختارو المصرين كى تنشر الافكار خاصة انهم درسو فى المعاهد المصرية والموسيقى لدى المصريين من قبل الفراعنة لها تاريخ محفور ولكن ... كما حدثنى استاذ الاجيال عمارالشريعى قال يا ابنى انت جرىء لانى عرفت معظم الفنانين السودانين يتعاملون مع المقام العربى على استحياء .. ولك ان ترى الخوف فى اذهان المغنين السودانين من مجتمعم المحلى يرفضهم بسبب المقام السباعى ويستمع السودانى الى كل المغنين العرب دون استحياء .. ياشيقوق هذه الكلمة اللمتنى لانى اعرف اننا معقدون من الداخل والدواخل تظهرها الفنون بالحساس صدقنى لكونى عربى الجد للاب وافريقى الجد للام هذه مشكلة جعلتنا نغلق على نصيب العروبة فى دمائنا فاخذنا اللغة العربية والعامية خطابة وتغنيا وانتهجنا موسيقى الافريقة الحبوبة نغما فكان ذلك البغل اسمية يستطيع ان يحمل على ظهره الكثير ولا يسطيع العدو فى مضمار السباقات العربية او العالمية وان حدثتنى عن الموسيقى بالخماسى فهى كثيرة فى دول العالم ولست اول من تغنى بها او مكتشفا لذا يظل الوجدان حبيس كمنجة السر عبدالله وشعر اهل الحقيبة صناعة وطنية .. عموما كانت الفكرة مبنية على ان لى وجدان عربى و لى وجدان افريقى وهذه اضافة مؤكة تزيد المكاسب والسؤال لماذا نتخلى عن حقنا فى المقام العربى ( السباعى) ونرفضه... ولانتخلى عن الدم العربى واعراقنا وجعلى وشايقى ونوبى والخ ... ولا نتخلى عن عروبتنا والتزامنا بالوجود فى خارطة الوطن العربى ونستهجن الغتغنى بالمفام العربى ونصفق لروضة الحاج والفيتورى للمكاسب الشعرية لعربية وغيرهم الا يحيرك هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلامك هذا يا عاصم اخوى يتفق تماما مع ما قاله أستاذنا الموسيقار يوسف الموصلي حول مشاركة الشاب السوداني خالد حسن في برنامج «البوم نجوم العرب»، الذي تقدمه قناة «إم بي سي» حيث قال :

السودان بلد تعرض لدخول العرب اليه في فترة الفتوحات الإسلامية، فامتزج الدم الافريقي بالعربي، وذكر ان لديه بحث استغرق ستة اشهر في منطقتي شرق وغرب السودان، تمخض عنه تدوين المقامات العربية الموجودة في كلا المنطقتين مثل «الكرد» و«النهاوند» وغيرها من تلك المقامات، فضلا عن سيطرة المقام الخماسي، الذي لعبت سيطرة المركز على وسائل الإعلام فيه دورا كبيرا وأدت إلى سيطرته على الذوق السماعي .

ويواصل بقوله «لو تعرضنا لعملية مقارنة بمنطق الارقام لخر المقام العربي السباعي صريعا أمام سلالم الاثني عشر والاوكتاف المزدوج، ولوقفت المدرسة العربية حائرة أمام الدوديكافونية الغربية، علما بأن المؤلفين الغربيين حينما ارادوا الخروج من رتابة المقامية الى ما يسمى باللامقامية لم يجدوا غير المقام الخماسي مخرجا، لانه مقام يشكل كل صوت فيه مركزا قائما بذاته، فتصبح اصواته خمسة مضروبة في خمسة، والناتج خمسة وعشرون صوتا، فعلى الذين يجعلون من المقام الخماسي شماعة يعلقون عليها فشلنا كسودانيين، في أن نوصل أعمالنا إلى العالمين العربي أو الغربي، أن يبحثوا عن شماعة أخرى، فالتقصير نابع من اسباب كثيرة، أهمها عدم وجود وسائل انتاج شجاعة تؤمن بان الفن لم يعد فنا فقط ولكنه صناعة، ونحن في بلد لا يستطيع الفنان فيه أن يمارس مهنة الاحتراف، والفن لا يسد له أو لاسرته رمقا، في بلد يعتبر فيه الفن مجرد ترف حضاري لا غير، فالفنانون في كل انحاء العالم متفرغون لفنهم وتمارينهم وأبحاثهم، أما في السودان فهم متفرغون لسد الرمق وامتهان مهن بعيدة عن مجال تخصصهم، وأقولها، وبكل ثقة، لو وجد الشعر والأدب والموسيقى والغناء (واحد على عشرين) مما تلقاه نظيراتها في الدول الأخرى لكان البون بينه وبين تلك شاسعا». وقدم الدكتور يوسف نظرة ناقدة على قناة «إم بي سي» بقوله «نشكر القناة لإتاحتها الفرصة لخالد الذي أثبت وجوده، وان كنا نعاتبها على عدم إشراك متخصصين موسيقيين محترفين في مثل هذه الأمور، فمع احترامنا لما تم أداؤه، إلا أن تدوين الأغنية السودانية موسيقيا وتوزيعها هي مهمة يقدر عليها السودانيون اكثر من الآخرين، ومشاركة هؤلاء الشباب يجب ان تكون مصحوبة بمساندة معرفية».

لك ولأخي المرتضى كنوز محبة

Quote: في العيد الفات دا في واحده من قنواتنا (الكتييييره و مسيخه دي) عملت لقاء مع أحمد الفرجوني و معاهو الأمين البنا اها الفرجونى قام قال القصيده دي و انا سمعته جزء منها (الجزء القالوا او هو قال العنوان ما عارف) بس متأكد انى سمعته منو مطلعه دا .

الفرجوني يا سفيان شاعر فحل بكل ما تحمل الكلمة من معنى،
للفرجوني قصائد في كافة ضروب الشعر لا أعرف لماذا تبقى حبيسة أوراق
مبعثرة يطالعها في سهول البطانة في ضوء الفانوس أو البطارية
ولاتجد طريقها للمطابع ، رغم أن بعضها مبذول في الشبكة العنكبوتية،
فهو يجيد النظم ومتمكن من لغته ويتقن التصوير بالشعر..
جميل أن يغني عاصم لعمِه الشاعر الفرجوني ، أصلو ناس البنا
ديل شغلهم متكامل مما جميعو ، يكتبوا ويلحنوا ويؤدوا كما لو أن العباسي عناهم بقوله:
لنا الكؤوس ونحن المنتشون بها... منا السقاةُ ومنا الصادح الشادي

التشغيل كيف ؟
دايرين نسمعو يا ود حامد .
عاصم عارفو صعب وجنب في شق عتامير الابداع .
شوف طريقة يا ود حامد خلينا نسمع معاك الشغل ولا كمان الواحد يقوم
يكسر الكمبيوتر ويجدع الشاي بالشباك .

..
يا ود حامد صاحبك حماد زمان بعد ما سمع أغنية الحزن القديم وهي لنج
زولك قام قلب هوبة . وناهد ناهد لا حدد ما كان عايز يقطع ال AORTA .
لكم جميعا التحيات المربعات يا ناس يا فنانيين

Quote: الأستاذ الكبير الكابلي له محاولة طيبة للغناء بالسلم السباعي

نعم أستاذي جعفر، لكن للأسف كل الذين ساروا في هذا الطريق سرعان
ما (أهملوا) الأمر وفي ظني لا لشئ إلا لأن الطريق ليس معبدا ويمر
بين غابات وأكمه ويحتاج إرادة ومثابرة ، ومع احترامي للكابلي
إلا أن محاولاته هنا لم تكن مقصودة لفتح طريق جديد ولكن ربما
لإعجاب بكلمات أو لحن كحالة موسمية لاغير رغم قدراته الفذة.

Quote: محمد المرتضى حامد اكتر اسم بقرا ليو في سودانيز وبالجد بستمتع بكتاباتك الجميلة والرائعة وعلى قدر إستمتاعي بكتاباتك على قدر ما بتهيب من التداخل في بوستاتك خوفا من ان تاتي مداخلة( شترة) وتبوظ الكلام المنمق الجميل عشان كدة بستمتع بالقراية وامرق لكن في هذا البوست إجتمعت انت وفناني المفضل عاصم البنا لذلك لم استطيع التفرج من غير ما اقول ليك تسلم على هذا الإختيار الجميل ويسلم عاصم على هذا الاداء الرائع ولا داعي لان اطلب منك المزيد من الإمتاع لانك دوما معودنا عليه فانت يا اخي جميل لذلك تأتي لنا بالجميل شكرا لك يا استاذ

حايم من قبيل في الأستوديوهات أفتش لي برواز مقاس كلامك دا ياساميه،
إنتي قايله تاني بشتغل بي زول؟
بعد قريت الكلام دا قلت لل (السكرتيره) عاصم كان اتصل قولي ليهو ما فاضي واعتبر
البوست إتقفل.. لكن بيني وبينك لي هسه بتلفَّت !! يا ربي دا كلام عن هضربتي ؟

شكري على هذا الإطراء يا عزيزة ،
الإبداع يأتي من الفنانين أين كان موقعهم في أطلس الجغرافيا وشخصي يكتفي بالنقل لا أكثر يا سيدتي،
هنالك أشياء ياأختي ساميه لاتصل سقف الإمتاع إلا إذا شاركنا وأشركنا فيها الغير،
هسه مش مرات تكوني بتتفرجي في التلفزيون تقومي فجأة تكوركي لزول تعال ألحق يا (...) شوف دا ،
كرة القدم لانشاهدها فرادى وكذا المسرح والطرفه الجميله إلخ..
(عصفور ) ككل الروائع يستحيل أن أبلغ حد نشوتي واحتفائي بها إذا لم تتسرب لآلاف الآذان وتتوهط في كم قلب كدا،
فوق هذا وذاك أردت - بشكل غريزي - أن أدرك ما إذا كان الآخر يتقبلها على ذات الإرتفاع
ويحلق بها بنفس الأجنحة أم أن بي مغالاة وربما مسٌ من عمل الفنان..
صدقيني ليس ثمة مجاملة لعاصم في هذه الأغنية على وجه التحديد وهو يعلم جيدا مدى
صراحتي وقد واجهته بنقد حاد في بعض أغانيه وربما يبلغ البعض حد السغربة في إستخدامي
مصطلح (أدهشتني) لكنها الكلمة المناسبة لأن عاصم ، خلافا لمجايليه وكثير ممن سبقوه،
قام بعمل جاد وهذا واضح من إجماع المتداخلين هنا ولاشك أنهم لايجتمعون على مجرد مجاملة،
ما يهم أيضا أن عزيزنا عاصم استهل مشروعا ضخما أنفق عليه الكثير من الوقت والجهد والمال
غض النظر عن أيلولة النتائج لكنه آمن بشئ وسينفذه بعون الله وتشجيع أمثالكم..

مودتي واحترامي..

مولانا محمد المرتضى حامد
عساك بخير وعافية

والله بوست جميل فائق الجمال ...
في وقت عانينا فيه من الطمام من خيبات شارك وما شارك والوليدات البقوا مساعدين...

أنقذتنا بحق بهذه الدوحة الغناء...
الله يديك العافية ياخ....



كان لقيتني جالس القرفصاء هنا ما تستغرب

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

http://www.youtube.com/watch?v=BNymIkHbeyA
يا سعد وعثمان موسى ..
كي لاتفوتكما وجعلت أحادث قيثاري وأشد الأضلع أوتارا
وأطير بقلبي في الأعلى فرِحا أصطاد الأقمار
وأصيد شعاع نجيمات أهديه لخصرك زنَّارا
وأنظم عقدا من ألق كي أقرأ منك الأسرار

مولانا محمد المرتضى

تحياتي .... زمن طويل جدا جدا.... عساك طيب

كالعادة تتحفنا و تطربنا بكل ما هو جميل و رائع

و ياعاصم البنا ربنا يحفظك و يغطي عليك

ود شيقوق خلاص دخلت قلمك في البوست ده؟ انت قايلوا بوست عنكوليب؟

الباقين ازيكم كلكم بدون فرز

Quote: حقّتنا ونُص وخمسة.. والأغنية قام بتوزيعها الموسيقار المصري المعروف الدكتور جمال سلامة.

سلامات يا علاء،
أعتقد أن موزعها هو د. عبدالمحسن سيد وأرجو من عاصم أن يصححني إن أخطأت لكن هذا
لايقلل من الحقيقة التي تفضلت بها بأن الأغنية (حقتنا ونص وخمسه) ، فالأغنية
كلمات ولحن وأداء ..
مودتي

يالله عليك يا مولانا يا ابو الروائع وانت تاتي بالروائع ....




والي الامام يا عاصم يا ود امدر


محبتي واحترامي للجميع

احبتى .. ارى ان الاسنة انبرت جيدا والظاهرة صحية وهو المطلوب اثباته فالتداخل هو عنوان صحة العمل وكلما زاد الاختلاف استفدنا من ذلك فى الاتى ... اى القادم .. وددت تصحيح بعض الملاحظات وارجو ان تقبلواعذرى ان جمعت حديثى للجميع بسبب شلهتت السودان والعدادات والنوم المقطع والجرى المابكمل ..
ملحوظات :-
اسم المشروع: الاغنية السودانية العربية.
الهدف : استرجاع حقنا العربى فى المقام العربى وهذا لكل من يعترف بعروبته متاح (فاعود لاهل لى عرب سكنو فى الارض السودان.
السبب: اهمال الغناء السودانى لهذا الضرب من الغناء منذ مئات السنين وهو حق مشروع
الاشعار : جميعها لاحمد الفرجونى
الالحان والاداء : لشخصى الضعيف
التوزيع : د. محسن السيد من مصرى :خارج النص ( ناس سرور سو اسطوناتهم هناك ليه ؟)
د. محسن السيد عينه الاستاذ عمار الشريعى قناعة منه بانه خير من يوزع الاعمال الجادة وذلك بعد تبنى الاستاذ عمار للفكرة ومباركتها
الاعمال . وصلنا بحمد الله الى العدد سته . نص دسته متنوعة فيها الممزوج بالخماسى وفيها مايشير الى الفنون السودانية اتركها لتقديراتكم دون تدخل
الانتاج : تمويل خاص من قوت اولادى قناعة منى بان لابد من الحفاظ على النهج العربى فى الغناء السودنى
المنشود : تقديم الغناء بالفصحى البسيطة يتقبله الاخر ايا كان كاسهام منا كسودانين عرب وليس بالضرورة العالمية هذا شىء تقديرى فردى لم ارى فى منهاتن خواجة يستمع الى ام كلثوم وانما العالمية هى وزن الفنون لدى الشعوب واعتدادهم بها . لذا اعتد بسودانيتى ثم عروبتى .

ممكونة :انت راكبة بص السيرة ... انا قلت عصفور حط على قلبى وما قلته ويش لونك ولا مصر ماوحشتكش .. ولاجغرافيا للغناء ولاخرطة لصوت المغنى بالخماسى كان ام العشارى فالغناء هو الغناء ايا كانت ملامحة تناولت غناء الحقيبة بالانجليزى فى ترجمة ادريس البنا ارجو اجر المناولة وعكس جمالها للاخر تبسيطا لعقدة اللغة كى يرى ماهو جميل لدينا وها انا اغنى بالمقام واللغة المشروعة سلفا فى بلادى .

واخيرا ياجماعة اهدف الى خلق اغنية سودانية عربية فصحى تبدا من هذا العام وتتوالى عليها الاجيال لكى يكون لنا اسهام عربى كما كان لنا افريقى .ولا يعنى ذلك ان اتخلى عن الحقبة والكاشف وساعى البريد ناس الحلة ولكن لكل مقام مقال . واعتقد لهذا السبب عاتب استاذى الموصلى الام بى سى لكونها لاتتعاطى ماده مابتجيب دخل اى مشاهدة عالية وهذا واقع الحال فى كل مؤسسات الاعلام لاتشترى البور ونحن منغلقين على بعضنا ومنكسفين بسبب عقد تخصنا نحن ولا يعلمها الاخر وينطبق هذا على الدراما وغيرها من الفنون والفنان خلاق للابداع اذا جاز التعبير ولاحدود او خجل او ولكننا مجتمع محافظ تقليدى مغلق على نفسه لايرى سوى الموروثات فهل ياتى يوما نشجع فيه الفنون وننظر الى ايجابيتها قبل سالبها ؟؟

شيقوق انا جايك .. وماقراته منكم شجعنى جدا اسهامكم وانتم جزء لاينفصل عن مشروعى واعتقد بلاكم خربانة والجاى كتير دى واحدة والتسجيل الجاى فى اول مارس على وعد بان يصلكم جميعا هذا العمل ولو ابيع هدومى

محبتى

عبداللطيف أفورقي،

تحاياي يا مولاي،

(تعلق قلبي) لإمرئ القيس بصوت هيام يونس كانت آسرة لجيلنا بشكل ملفت
والحقيقة كنا طلابا في الأهلية الثانوية العامة عندما كانت الإذاعة تبث
يوم الجمعة برنامجا يقدمه النور موسى بعنوان (من الشرق والغرب) وكان
عدم حضوره كارثة في شريعة الأصحاب، كانت صباح وفهد بلان وفيروز من الأرقام الثابتة
لكن هيام يونس صوتها أهم من فطور الجمعه زاتو حينما تغني تعلق قلبي
وأخرى بعنوان (جدِّلي يا أم الجدائل ) ، هيام لها صوت قيل أن له نسب في
كوكب بلوتو ، إنا لله ، خطيره يا أفورقي .
بالطبع سهرات التلفزيون وإذاعة صوت العرب كانت تتحفنا بأم كلثوم وأذكر
جيدا ان أول شريط كاسيت إقتنيته (ملك حر) كان لأم
كلثوم (هذه ليلتي) وعندما تصل إلى (فادنُ مني وخذ إليك حناني ثم أغمض عينيك حتى تراني)
الواحد يحرد العشا..
ياخ طلال مداح رهيب ، رحمة الله عليه كان في (رمياته) فذا لايجارى،
سمعت (زارنا في الظلام يطلب سترا)؟؟

مولانا والله شهيتنا العودة للاهلية المتوسطة والحياة المتوسطة والسنما الدور الاول والدانوب والباسطة البتسيل لحدى الكوع والعشاءعند مطعم عبدالرازق والفولة 9مل والحياة كانت حياة والناس هاشة وباشة والكل عايش بى مهل والنفوس طيبة والاغنية قدر ماتطول تتمنى ماتكمل مازى هسه بقت زى دعاية البسكويت وكل على هواه والجابرى يوزن العود فى ساعة وجيبو كرسى للفان يخت كراعو يجرو عشرة والغنية الاولى لراقصات الرقبة المهندمات صاحبات شعر ابو مرين الحدو الكرعين والتنية حدها الارض وفى ذلك تتبارى لوادن الاجسام .وياشباب الواقفين هناك ارجعو وراا عشان الحفلة تستمر .. والشارلستون مايديك الدرب والافرو يملا كيس مخده عند الحلاق .

وكان يامكان زمن المحنة والاخوان زمن الرجالة والفرسان ومافى واحد عندو شنب بغنى يقول كلمة حقت نسوان وياما كان فى ام درمان كان يامكان فى زول اسمو انسان .... اختلت موازين العمران واختلفت ملامح الجيران وبقى مابرفع رجلو الفنان بقى يغنى راجل المرا وبقى ######## ... السؤال كيف يصاغ للانسان وجدان ؟؟؟؟؟؟؟؟؟؟؟؟؟؟؟؟؟؟

هذا السؤال من شدة الحرمان ويا ولهى لعودة ذاك الزمان الباسم الفتان وياحليل البرش فى رمضان ونخدم السكان وابريق يوضى عشرة قبل الاذان وفول وطعمية والعصيدة والاخوة فى الحيشان .

والله يامرتضى بسال نفسى انا بعد العاشرة من عمرى لا اذكر انى اكلته ثلاث وجبات فى بيتنا وجرى, ياسر عرفات ماجراه بالحيشان وسك الطير والنبلة والله الدق الادقيتو فى الاغانى دى حرامى مولد ما اخدو بس الله غالب اظننا انجلدنا عشان نغنى كويس ..

اول شريط اغتنيتو انا كان بشهادة بحث هدانى اياه العم العزيز صديق منزول اميرالكرة السودانية رحمه الله حيث زامل والدى فى الهلال وكانا صديقين قربين لبعضهما فهدنى شريط لجلسة خاصة مع لاستاذ وردى فى مصر وكنت شايل الشريط وبشحد المسجل من الجيران اسمع فى الصالون شوية كل اسبوع ... اتخيل

كذلك سؤال يحيرنى لماذا عرف الهادى ادم باغنية ام كلثوم هل يحوى ديونه اغنية واحدة ؟ ام ان مصطفى سند لم يتبقى منه غير احبار جافة على ورق ؟ لابد ياصديقى ان نتروى وننظر بمنظار قزازو نضيييييف

لكم محبتى

الاغنية جميلة والمحاولة تستحق رفع القبعات...

شكرا صاحب البوست والاخوة المتداخلين..

وشكرا عاصم البنا فقد كشفت عن موهبة اخرى الا وهي موهبة الكتابة..فلك اسلوب سلس وجميل..

ان كان لي تعليق على الاغنية بعد التأمين على اعجابي بها اعتقد انها طويلة نوعا ما وان اردنا ان تعرض تجاربنا على القنوات المختلفة وتصل بسرعة يجب ان نواكب ايقاع

العصر السريع. لا اعني بسريع سرعة الايقاع ولكن سرعة العرض على المتلقي فالملاحظ ان معظم اغاني هذا الزمان لا تتعدى الخمسة دقائق..



لنا عودة

بت الهناء

ود شيقوق خلاص دخلت قلمك في البوست ده؟ انت قايلوا بوست عنكوليب؟

يا مسنوحة سيبك من العنكوليب والبطيخ طمئنينا على صحتك ياخ

كتر خير نغم عاصم و قلم المرتضى الطلعنك لينا في الصقيع الاسفيري دا

ود البنا

شيقوق انا جايك .. وماقراته منكم شجعنى جدا اسهامكم وانتم جزء لاينفصل عن مشروعى واعتقد بلاكم خربانة والجاى كتير دى واحدة والتسجيل الجاى فى اول مارس على وعد بان يصلكم جميعا هذا العمل ولو ابيع هدومى


نحن في انتظار المزيد من الابداع يا زعيم ووالله لما نشوف لمة فنانين يتوسطهم عاصم بيكون زى البياض وسط السواد

قلت لي التنية حدها وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ود البنا

شيقوق انا جايك .. وماقراته منكم شجعنى جدا اسهامكم وانتم جزء لاينفصل عن مشروعى واعتقد بلاكم خربانة والجاى كتير دى واحدة والتسجيل الجاى فى اول مارس على وعد بان يصلكم جميعا هذا العمل ولو ابيع هدومى


نحن في انتظار المزيد من الابداع يا زعيم ووالله لما نشوف لمة فنانين يتوسطهم عاصم بيكون زى البياض وسط السواد

قلت لي التنية حدها وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: وانا ايضاً وكل من استمع لهذا العمل بل انه ادهش الادهاش نفسه .. تحية شديييدة ليك يامولانا ولعاصم البنا

وتحية (صفويه) يا جنابو ومبروك الكأس لكل الصفوه رغم أنه حدث عادي بالنسبة لهم ،
والله يا عاصم جنابو عمر دا في الأصل بينفي وطالما قال أدهشت الإدهاش نفسه فمعنى ذلك أن الأغنية أجيزت حتى قبل نسختها النهائية ونقول مبروك وارقد قفا
بس ما تتأخر في (زينب)..

تسلم يا ودعثمان..

شكرا امحمد خليل جنابو وبت الهنا ... مرتضى قالوا اتنين قالووا ليك اضانك مافى اهبشا .. فعلا الاغنية طويلة مدتها 12:55 دقيقة وهى صنع خصيصا للمهرجانات العربية على المسرح وفى بقية المشرع على سبيل المثال زينب 4 ونص دقيقة والمقصود لكل مقام مقال .

شيقوق زمان النسوان كانو فرايد خالى عظم الواحدة لمن ترقص تعمل 8 مع الوااطا والله ناس هسه ديل الواحده تدق ليها تم تم الهوا يشيلا تنفض ليك كتافينا زى ناس الهضبة والكعب العالى لازيها لى قدام عاملة 9 زادو واحد مع الغلاء العالمى والا تجيب لودر يلزها لى ورا .

تعلق قلبى طفلة .. تعرف يامولانا الجملة دى بتدى احساس الشحتفة لمن الزول يخم نفسوو شهيق .. زفير ياربى فى عالم الحب الان فى شهيق زفير ولا الحب بقى يخضع للمنطق فقط ياحليل فرنسا القالت لا تخضعو الحب للمنطق .

ممكونة وبت الهنا الموضوع ماشخصى ... كل الحكاية المقدرا

على استعداد لنشر النصوص اذا اردتم ارجو الافادة

محبتى

سلام ورحمة من الله لكم
طيب تمااام الكلام دخل الحوش و (فردتنا) جاء يحتفي بينا كعادته
يا عاصم سلام ياخ و مبروك الشغل المدهش و الذي يجبر علي التقدير
و يحفزنا علي أن نقرظ عليك فالذي بيننا و بينك هو أنك تعبر عنا
كسودانيين فلذا لن نسكت عن قول ما نشعره و أنت اعلم منا بذلك .

طيب في نقطه اتعرض ليها حبيبنا ود خليل هي:-

Quote: يجب ان نواكب ايقاع العصر السريع. لا اعني بسريع سرعة الايقاع ولكن سرعة العرض على المتلقي فالملاحظ ان معظم اغاني هذا الزمان لا تتعدى الخمسة دقائق..

و قال كلامه السابق في معرض تعرضه لطول الأغنيه و كان رد عصام الموافقه بطول الأغنيه لانها بالفعل
طويلة و لأن اتنين من الأخوة قالوا له ذلك و لسبب اخر وجيه هو أنه اراد بهذه الأغنية المشاركة فى
المهرجانات العربية و أن المهرجانات محكمة بزمن زايد أنها بالفعل مسابقات تعرض فيها كتير من
الأعمال لذا و جب أن تقدم فيها اعمال ازمانها قصيره قصور غير مخل .
و أنا ايضاً ادعم هذا الكلام و عاصم البناء يمكنه أن يتصرف تصرف موسيقي فى عمله هذا و هو يستطيع
ذلك و يعرفه .
فقط اقول أن ذات هذا العمل الطويل من ناحية اخرى طويل دون ملل و رغم أن سلمه سباعي وهو امر يندر
أن تستوعبه الروح السودانيه إلا أنه كذلك غير منفر لها (وهذا من خلال ما حصل معى و من ردود الافعال
في هذا البوست) .
امر اخر اريد أن اتعرض له هو :-
لا زلت استغرب رغم سرعة الزمن و سرعة ايقاع الغناء العربي في هذا العصر لكنى مندهش أن شباب صغير
السن (مصر و الخليج المغرب العربي) لازالوا يستمتعون بغنام ست الغناء العربي - طلال مداح - ابوبكر
سالم - الدكالي - و يستمتعون بغناء الموشحات العربية ليس ذلك وحسب بل لهم فرق و محموعات لغناء سيد
درويش و لغناء الموشحات .
بل أنه فى المقاهي المصريه حينما تغني الست او محمد عبده او عبحليم او الاطرش تجد الشباب في الطاشرات صامتين يستمعون .

قلت هذا الأمر حتى لا نفقد هذا العمل الجيد بسبب الموكبة ، بل يمكن لاخونا عاصم أن يقدمه في المهرجانات بالمعالجة التي يراها مناسبة و يراها تقدمنا بشكل افضل و كذلك يقدمه كاغنية كاملة
في المكان المناسب لها .


و يا عاصم ضربتي 17 ، صفر
مبرووووك و الله فرحان لينا.


و التحية لكم .

Quote: ترددت كثيراً قبل ما أكتب رأيي..لأنو النصيحة مرات بتكون حااااارة الموسيقى جميلة و التوزيع عبقري – لا يختلف عليها اتنين – الكلمات حنينة و فيها الكثير من" كبكبة" نزار قباني الأغنية مختلفة – لا شك في ذلك- الأداء أكثر من رااااائع…طبقات صوت عجيبة ( اللهم أحفظ و بارك) جاني فيها ابو بكر سالم , محمد عبده , طلال المداح و كمان خالد الشيخ و أغنية "عيناكِ "... و في حتة كدا طغت فيها حتة الحقيبة , قام جاني فرفور و السر قدور :) لكن.. لم تدهشني !

الممكونة،
كويس ، عشان ما تكلفتينا كدا ساي أود الرد بما يلي:
1- الموسيقى والكلمات واللحن والأداء كلو (راااائع ) على حد تعبيرك ، من ثم موضوع
مكونات الأغنية حسم أمره وبقي عنصر (الدهشة) وهذه الكلمة الأخيرة هي شعور انتابني
وليس من مكونات الأغنية ، ومن ثم تكون عبارة ( النصيحة مرات بتكون حااااارة) دي
معطوفة على شعوري وليست على الأغنية.

2- إن ما يدهشني ليس بالضرورة يدهش غيري وهذه بدهية ، وبالطبع اشرت أعلاه لأسباب
دهشتي التي تتصل إلى حد كبير ب (مخرجات) مطربي هذه الأيام وأسباب لوعتي و (س خ ف) ما
أسمع من (حاجات) هلكت مسامعي و (زادت أنَّتي).. أضف إلى أنني ما توقعت فنانا شابا
يغني بهذا التوزيع كلمات بحت سودانية ولحن شجي يجعلني أنصت إليه كل يوم منذ بلوغه
مسامعي لأول مرة رغم أنني أبديت ملاحظة على جزئية بسيطة في أداء عاصم ويتفق معي
فيها أخي عمران ، بس عمران رجل شفيف لم يكتبها هنا كي لا يخل بالجمال المبذول فيها.

3- لم يرد في هذا البوست أي حديث عن العالمية ولا أدري من أين جئت بهذا المصطلح
الذي استغرق نصف مداخلتك، إذا كان هذا رأي أحدهم الذي صمم الفيديو في اليوتيوب
فهذا أيضا رأيه ونحترمه حتى لو كان من هاواي أو بورتوريكو أو بوركينا فاسو..

4- الأغنية يا ممكونة هي بداية لمشروع كبير أثق في أنه ستكون له آثاره على
الساحة الفنية وهذا هو الأهم وفي هذا البوست نفسه سأعطيك نموذجا آخر كان الله
مد في العمر..

تسلمي يا عزيزة..

Quote: التشغيل كيف ؟ دايرين نسمعو يا ود حامد . عاصم عارفو صعب وجنب في شق عتامير الابداع . شوف طريقة يا ود حامد خلينا نسمع معاك الشغل ولا كمان الواحد يقوم يكسر الكمبيوتر ويجدع الشاي بالشباك

عثمان موسى ،
على رسلك يا هذا،
منتظر فيد باك منك بعد لينك اليوتيوب النزَّلتو ليك،
ما تجدع شاييك بالشباك،
كان ما اشتغل معاك سأرسل لك الحل..
إنت بالذات لازم تسمع الأغنية دي ب سماعات في الراس مباشرة..
لازم..

شكراً يا ود البنا على سماحة نفسك و على تقبلك اللطيف للنقد..هذا ان دلٌ فانما يدل على ثقتك بنفسك و بخطواتك المبشرة ان شاء الله...
و نحن وراء بص سيرتكم سائرون..او بالسوداني سايرين...و على العديلة ان شاء الله


مولانا ود حامد..
شعرت في مداخلتك السابقة بصوت لوم..و كان ما اخاف الكضب.."سوط" عتاب..لكنها مبطنة بما عهدناه منك من كياسة و دبلوماسية..
الظاهر في misunderstanding :(
انا - و العهدة على الراوي اللي هو برضو انا- فهمت من مداخلتك الاولى انو ود البنا اتى بجديد على شاكلة البامبو السوداني و ازيكم ...سيخرج بالاغنية السودانية للعالمية ( على حد فهمي)
لك العتبى حتى ترضى..و كان ما رضيت تبقى عوجة كبيرة :(

ياخ كتبته ومسحته ومسحته وكتبته الف مره ماعرفته اقول شنو زاتو خلييييييتو ؟؟

مولانا وضيوفه الاماجد ....... سلام
ربما لخلل نفسى فينى انا او كجنة لغناء السلم السباعى
او ربما اننى مستكتر صوت عاصم الشجى ده على نوع الغناء
ده او ربما لارتباط اسم البنا بالغناء الذى لو مر على الف ميل يخلى
الحجارة طرباً تميل، فانا لا اقبل عاصم الا فى القالب الذى تعودنا وانا
اعرف راى عاصم فى ذلك فقد تحدثنا فى ذلك فى ذات مره هنا فى الرياض
وقد جاءها عاصم زائراً.
لكن اقول ليك يا عصوم صاحبى والذى نفس صديق وعاصم بيده انا
لى هسه ما قادر ابلع ساعى البريد حقت السر قدور.
غايتو قدرك ياجار كرومة ان تعودنا على غناء طروب وبصوت مصمم خصيصاً
للغناء السودانى القديم و تقوم تغير، وانت عارف الفطامة صعبة.
عاصم العزيز طبعاً ده لانقد ولاعندنا مؤهلات نقيم بيها تجربتك وانما مجرد
رأى فطير لانسان روحه ونفسه حقيبة وادمان للتاج مصطفى وصاحب ياناعس
تعال والامين على سليمان وصالح سعد وهلمجر..
يعنى ده كلام ماعنده علاقة بالرأى الفنى زى الشداد ناس مولانا وممكونة
وسفيان نابرى، نحن ناس تطربنا الجرح نوسر بى رمية وبدون اى الة موسيقية
ونراهاافضل من سيمفونيات بتهوفن التسعة ولو جأوا بمثلها مددا.
عاصم مريت للتحية وتسجيل اعجابى بما تقدم فما تشتغل بى كلام زول
تزعجه الصولات الموسيقية وكتين يحشروها فى نص نسيم سحرك لو يسرى
ويبقى الود،،،

ياااامووووج .. اولا لك التحية والاشواق التى تتدفق عبر كلماتى لاصالتك ووفائك لفنك وفى احدى اغانى هذا المشروع اغنية اعتقد فيها مقطع يخصك شخصيا ... مع اننا ذاهبون دون عوده وتبقى الاجيال القادمة ولايبقى الا وجه ربك الاكرم ولكن نحتت الفراعنة لغاتهم وثقافاتم فى كهوف ادركها الانسان وحل شفراته بعد الاف السنين والكاشف تغنى وصدح فى زمن كان فيه الغناء (براااحة) سمى طرزان والان نتحدث عن عبقريات الكاشف السلم السباعى هو حق مشروع تغنت به العرب سؤالى هل نحن من العرب ام لا؟؟؟؟ واذا كان نعم فلم لا ؟

ياصديق انا بخاطب فى مجتمعات غير السودان عشان مايجيبونا بوابين فى المسلسلات وما يستهزىء احدبلفظ
(الزول) ونجد مخرجا لكوننا صعايده فى كل المحافل اى من الدرجة الثانية ودائما تجد تفوقنا فردى مرتبط بنجاح عالم او فنان او رياضى يجر اسم السودان خلفه وقل ما ترى علم السودان فى تلك المحافل لاهمالنا لانفسنا وسياساتنا العقيمة فى رعاية الابداع اينما حل..

وددت الخروج غير مستاذنا للعالم العربى كسودانى بى توبى الذى سمى (سيد اللبن) غير مستنكر ولكنى كنت وكلى عشم ان اصطحب ذوى العقول النيرة فى هذا المشروع حتى ابنى ارضية تؤهلنى للعز والعز اهل ..وياصديق نحن كقطر عمرنا مانجمع على حاجة ولكن تعودنا ان اختلاف الراى لايفسد للود قضية ابدا...

لك التحية يا موج ومرورك مقدر وانشاء الله ماينقطع ابدا واهديك هذه الابيات.

كالنبض السارب فى جسمى ينساب ولا يستاذننى
ينصب هواك على قلبى كالموج المبحر لايدر
لايعرف غير الشطآن لا يعرف غير تداعية
اياما تتبع اياما ليقببل وجه الشطآن

وبريق الحسن بجفنيك عبدا مرضيا سمانى
فتوضأ قلبى ليصلى صلوات العشق الربانى
فالهدب هناك مصلاة والحاجب صوت الاذان
ونداء الكحل بجفنيك لشهود الحضرة نادانى

اواااه وماذا الاه تفيد فالقلب تشرخ اعشارا
عشر يهوا عشر يهويى وعشر ينهانى عن سهوي
وبقية قلبى فى وطنى تبكى من عمق الوجدان

فالبعض مضى وله يمضى ومضى لاصحح عنوانى (جنوب السودان)
فاعود للاهل لى عرب سكنو فى ارض السودان
عرب بمكارم اخلاق يحدوها صدق الايمان
عرب اهلى وانا منهم بيض او سمر الالوان
لك مودتى وما تنقطع

بت الهنا ،
كل سنه وانت طيبه،
وين الحي بيك!!

Quote: ود شيقوق خلاص دخلت قلمك في البوست ده؟ انت قايلوا بوست عنكوليب؟

الحمد لله ربنا حلاّنا منو مؤقتا معاهو وفد حكومي أراحنا منه وقلَّل منامو..

شكرا يا سيدتي على الكلمات البتشبه الأغنية ..
عاصم هو الذي يتحفنا بالجميل وفي هذه المرة أضيف (المثير)..
تسلمي

Quote: يا مولانا سلام، مافي طريقة تستعمل نفس كود التشغيل الذي استعملته للاغنية الاستثنائية؟ تكون ما قصرت معانا خااااااالص

دي حاولتها يا سعد لكن ماجات ،
أتمنى اللينك الخاصة باليوتيوب أدت الغرض.

Quote: في وقت عانينا فيه من الطمام من خيبات شارك وما شارك والوليدات البقوا مساعدين...

الشايقي سلامات،

عارف القصه (إياها) داخله عليك دخله حاااااره، عشان كده يا الحبيب في المنبر
دا بنكتب في أي حاجه إلا ما يسمى بالسياسه ..
شكرا يا سيدي على مشاركتك واعذرني على الرد المتأخر اصلو عاصم جا جاط لي الردود
بتاعتي بقيت ما عارف أرد على منو وأخلي منو فاخترت أخليهو هو ،
زول بس قاعد ينظِّم شغلو ويبوِّظ شغلي
بالله يا الشايقي خليك متابع ما سيأتي من نماذج ورأيك بيهمني فيها مع إنكم إنتو
الشايقيي كان ما جابوا ليكم إيقاع الدليب وقصائد محمد سعيد دفع الله وشغل صديق أحمد
والنعام ما بتجو بالهيني..

يا جمكسين كيفنك
انا غايتو لاني زول نقد ولا عندي مؤهلات ليه
الاغنية جميلة وتوزيعها جميل والأداء جميييييييل شديد
لكن صراحة لم تطربني (يمكن لي شي غلت في اذني)
ود البنا دة لمن يغني شدولك ركب فوق مهرك الجماح
يمين اي صوفة في جسمي بتقوم
يمكن لانه وجدان الزول طبعه السلم الخماسي وايقاع الدليب والبقية
ما عارف ليه حسيت انها ما بتعبر عني كله كله
ممكن تكون الاغنية موجهة للعرب ديل
لكن شخصيا ما حسيت انها بتعبر عني
يمين بالله ود البنا دة لمن يخش علي الكاشف يخلي الزول يدستر عدييييييييل

Quote: والي الامام يا عاصم يا ود امدر

أندريه،
أثق في حساسية أذنك للجميل،
ليس لأمدرمانيتك وأمدرمانية عاصم والأغنية،
شكرا على الرأي والإهتمام بطرحه،
صدقني ، لابد من نقله نوعيه وهذه تتطلب قرارا شجاعا،
وكما يقال ، التغييرات العظيمة تحتاج قرارات عظيمة،



-
كلٌ على قدر الزيت فيه يُضاء.
(مظفر النواب)

والله الحقيقة أنا إندهشت فعلاً من الشغل الجميل ( بالرغم من فرقة الصوت مرة مرة ) ..
ببساطة لأنو عاصم ده ومع قوة صوته لم ينتزع مني في أي أغنية له أي إعجاب ناهيك عن دهشة ...
عشان كده أنا المرة دي إندهشت لأنو قدر يدهشني ...!!!

Quote: ان كان لي تعليق على الاغنية بعد التأمين على اعجابي بها اعتقد انها طويلة نوعا ما وان اردنا ان تعرض تجاربنا على القنوات المختلفة وتصل بسرعة يجب ان نواكب ايقاع العصر السريع. لا اعني بسريع سرعة الايقاع ولكن سرعة العرض على المتلقي فالملاحظ ان معظم اغاني هذا الزمان لا تتعدى الخمسة دقائق..

سبحان الله ،

أبوخليل،
هذا التعليق الموضوعي كان لبعض الأصحاب خارج المنبر وأظن أن عاصم رد عليه أعلاه ،
يا محمد أعتقد أن ثمة فارق بين أغنيات السهرات والأغنيات القصيرة ورغم أن الأغنية
المعنية تمتد ل 12 دقيقة فقط إلا أنها نسبيا معقولة إذا ما قورنت بالأغنيات
الماراثونية متعددة الكوبليهات والتي قد تمتد في زمنها لأربع اضعاف (عصفور)،
إحساسي بيها يا محمد زي وجبة العشاء في السفره مع الأهل أو الأصحاب أما القصيرة
السريعة فهي تماثل سندوتش Subway وانت سايق، لاتعرف تركز في الأكل لا في الشارع.

مودتي يا عزيز.

Quote: مولانا ود حامد.. شعرت في مداخلتك السابقة بصوت لوم..و كان ما اخاف الكضب.."سوط" عتاب..لكنها مبطنة بما عهدناه منك من كياسة و دبلوماسية.. الظاهر في misunderstanding :( انا - و العهدة على الراوي اللي هو برضو انا- فهمت من مداخلتك الاولى انو ود البنا اتى بجديد على شاكلة البامبو السوداني و ازيكم ...سيخرج بالاغنية السودانية للعالمية ( على حد فهمي) لك العتبى حتى ترضى..و كان ما رضيت تبقى عوجة كبيرة :(

ممكونه سلام من وراء ساتر،

معقول كلامي الفوق دا - وغير معدل - يشي ب (لوم) أو مجرد (ريحة) عتاب دعك عن (سوط) ؟
بت بالغي ،
قلتي لي (سوط) و (مبطن) و(كياسه) ؟ هسه ذكرتيني البنجِّدوا المراتب والمخدات ..
يا سيدتي الكريمة مداخلتك ، فيما يختص بالأغنية ، كانت منحازة إليها في نظري وهذا هو المطلوب،
و (المطلوب) معني به ليس (الإنحياز) أو الرأي الموجب بل مجرد الرأي حيث أني التمست رأي القراء
مدحا أو قدحا لأن الأغنية مبذولة هنا ومعروضة للنقد البناء والإستفتاء المنير لطريق التغيير وهذا
ما تفضلتِ به وغيرك من الزائرين الأماجد لكن (الدهشه) دي ما عنصر في الموضوع لكنها حالة خاصة بي
وعشتها لدى استماعي الأول خارج الأغنية..

إشارتي لأغنيتي سيد خليفة عنيت بها الخروج من عباءة سيد خليفة في خطابنا للجوار العربي لاغير،

عارفه يا ممكونه رأيك مهم جدا لأسباب تعرفينها فنقدك موضوعي في جل ما يعرض من أمور متباينة
في هذا المنبر وسأنتظر رأيك في النماذج التالية وفي المشروع برمته..

تسلمي

احبتى ... انا لا اتوقع النجاح ن اليوم الاول اتوقع الكثير من الانتقاد الذى يفيدنى دون شك ان كان يصب فى الامر حقيقة فنحن نبيعكم احساس والاحساس ايا كانت معاييره يجب ان تكون الاحاسيس والدهشة احساس وتختلف الاحاسس من الى .. البعض ذهب الى تفاصيل فنية له الشكر على الملاحظات وسهل التعديلات كما تعلمون .. ولكنى لم ادهش ابدا من ان قرن من الزمان تعود السودانى ان يلتصق بنهج غنائى محدد ويصر على التقوقع فى قاع المحلية المنغلقة على بعضها ... ومشروعى كررت اكثر من مرة فى هذا المقام لاينادى بالتخلى عن محليتنا ولا حتى ادنى تفصيلة من فنوننا وانا اول الرافضين واعتد جدا لانتمائى لمحبى الحقيبة وجيل الكاشف ولكن اكيد البحر ما بيابا الزيادة ونحن جيل مطالب بتقديم شىء فى زمن صعب ولن يرحمنا الدهر . . واعتقد غالبية الاراء ذهبت للنقد او الاستحسان قبل ان تعطى فرصة للعمل ان يتآلف مع اذانهم بالسمع واعطاء الفرصة الكافية فالانطباع الاولى لايعنى الدقة وانا ياجماعة تعبته بالسنين عشان اخاطب جيران بلغاتهم ووجدت من الاستحسان ما شجعنى لانجز الكثير من ذلك المشروع ولكن كما قال مولانا هنالك اشياء لن تشعر بالسعادة فيها الا واهلك من حولك وهذا بالتاكيد هو المنى وليس فرضا .. خاصة اذا خرج العمل بالخارج ووجد القبول نشعر بالاستحسان . لماذا لا يخرج مننا للاخر ؟ لماذا لا نفرض وجودنا ؟ لماذا الف مرة نتحدث ولا نعمل ونترك التقدير للاخر ؟ لماذا نغير لهجتنا خطابة لافهام المستثمر ؟ لماذا نسهل كل الامور للجنبى وتطبيق قواعد الضيافة السودانية ؟ اما عنى فطبقت حق من حقوقى انى عربى ومن حقى ان اتغنى بايا كان من مناهج الغناء خاصة بالعربى . وان كنت فى الابتدائى اليوم غدا ياتى التخرج وانشاء الله بنجاح .

الشكر لكل الاسهامات والشكر لكل من اعطانى دقيقة من وقته وقبل هذا وذاك انت الذى ادهشتى يا محمد المرتضى

محبتى

أغنية رأئعة وأداء رائع وصوت قوي
مليئة بالشجن والطرب

الواضح لي بأن الأستاذ عاصم البنأ لو كمل في هذا المشوار
ستكون هذه مدرسة جديدة بدأت في السودان ودفعة تطور كبيرة
للأغنية السودانية للأتجاه نحو العالمية .. التي إنتظرناها طويلا

أهمس في أذنك يا عاصم :

بأن المشوار طويل والمشجعين كثر وكذلك المحبطين كثر
يجب أن تؤمن بما تعمل .. وتعمل بما تحب وتقتنع .. ففي الطريق أشواك وورود
فتجنب الأشواك أولا لتقطف الزهور ... فتستمتع وتمتع ..

وفقك الله في الطريق الذي بدأته ... فالسودان ينتظر منكم الكثير ..

ويا محمد المرتضي .. أنت دوما توجد حيثما وجد الجمال ...

فلك الحب والإحترام

Quote: ياصديق انا بخاطب فى مجتمعات غير السودان عشان مايجيبونا بوابين فى المسلسلات وما يستهزىء احدبلفظ (الزول) ونجد مخرجا لكوننا صعايده فى كل المحافل اى من الدرجة الثانية ودائما تجد تفوقنا فردى مرتبط بنجاح عالم او فنان او رياضى يجر اسم السودان خلفه وقل ما ترى علم السودان فى تلك المحافل لاهمالنا لانفسنا وسياساتنا العقيمة فى رعاية الابداع اينما حل..

عاصم العزيز اعود وبى من الؤد ما يغنى عن مؤونة التكلف
وحديثى معك لايرقى لحديث الناقد ابداً فمن اين لزعيط ما
يعينه على نط الحيط ونحن لم نتجاوز مرحلة السميعه، وقطعا
بعيوننا حول حقيبى كاشفى لاتخطئه عين، وتخندق فى القديم
بلا مواربة ومرد ذلك ان ما قدم بعد ذلك لايرقى الى السمع.
اقل شىء من وجهة نظر غارقة فى الخصوصية الى ان وصلنا الى
تليب حرامى القلوب فكفانا القديم عن كل مطلوب ومرغوب
حتى زهدنا فى انه يمكن ان يأتى اجود من القديم.
وثانيا نحن اتربينا على هدهدة حبوبات من شاكلة النوم
النوم بكريك بالدوم باصوات تغرى على الوسن وقطعاً بسلم
خماسى معتق فآلفت الاذن هذا الضرب من السلالام وعافت غيره
ولكن ارى ان حتى الغناء العربى اتجه الى سلمنا الخماسى
نبيل شعيل واخرون، فانا اتمنى ان لانذهب اليهم ولكن نغنى
بسلمنا الجميل حتى ياتوننا، مثل ان سمعنا بشكسبير ولم
تكن الكتب مترجمة فتعلمنا الانجليزية لنقرأ لشكسبير
الان اتمنى منكم وخصوصاً اعترافكم واعترافنا ان ما قدمنا
جميل ويرقى الى السمع ان يسمعنا هولاء العرب على طريقتنا
التى تعودنا دون ان نضطر الى كسر المألوف حتى يتم بث فننا
عبر إعلامهم، واستغرب قصور فهمهم وبث اغانى من شاكلة
السح الدح امبو، واحبك ياحمار وحنطرنى وكثير من الغث
المحمول عبر تلك القنوات ولا يبثوا عهد جيرون مثلاً او
فينوس او مريا، يبقى القصور فيهم وليس فى فننا الراقى..
عاصم انحو حيث تريد فانت فنان واتمنى ان لايكون حديثى
شوكاً فى طريق الورد فانا لا اريد تثبيط همتك بقدر ما
اردت ان اسجل اعجاب بعبقريتك وموهبتك،،،

ود المرتضى..
كلم عاصم البنا يديني رد براااااااي عشان يرفع لي روحي المعدنية...

وشكرا,,,

سااارة روحك المعدنية حاااارة دون محمد المرتضى .... والله... مرات بضحك على نفسى من المحنة البقيت فيها ده كلو من مولانا الاندهش ده

لك ياسيدتى عذرى حتى ترضى والسبب المتاوقا للبوست بعد الشلهتة سريع سريع ومحاولة المواكبة بالكضب بعد الجرى

اعذرونى

ولك الشكر على هذا الالق
مودتى

سمعناهو سمعناهو ،
عمل مجيد دون شك و تدارسكم له هنا ايضا يزيد القلب دفقا و يروينا ،
الادهشني و ما طباني يا مولانا و يا عاصم ، اني لي كم يوم ما دخلت البوست ده
لكن امبارح في واحد صاحبي لا افضله عليكم، من النوع الانكشفت عنه الحجب و زالت الغشاوة عن عينيه
و رأى حقيقة الدنيا و استوعب الغاز الكون، فريد في عقلانيته و طريقته التى ارتضاها في الحياة ، وجدته معلقا اغنية تعلق قلبي على استار حائط مبكاه
ناحية الفيسبوك، صادف هذا التعليق عندي ، كنا داخل روضة مافيش حد سوانا، غير أن القمرى يهتف بي هوانا.
انشدهت حقيقة عندما وجدتكم تتداولون عرضحال الشاعر الصعلوك ثم الملك الضلّيل و نوح هيام يونس عالي الجناب
بكل ما يخالجنا ويثيره من ذبذبات و مجالات كهرومغناطيسية،
يا اخوانا كان انتو من ناس الله افيدونا ،و لو غير كده خلونا ناخد ساتر! و
كده و كده،

استاذنا سعد الدين .. طلتك تكفينا فخرا واجلال ونشكرك على الاهتمام وفى بنانك ازدهت الزهور زادت جمل ونضار وطيب يامداعب الغصن الرطيب ... هل بالضرورة ان تزداد الاغصان فى ايادى الحسان فقط ؟؟ ام يمكن تزداد الاقلام فى انامل الكتاب وتزداد ماتزداد لنعتز وننتشى بها فى زهو الخيالات والعطر المكتوب .

جمالك منو ياساتر ...

عطرت مساحاتك لك الشكر والتقدير

مودتى

همسات من ضمير الغيب تشجى مسمعى

يادكتور احمد لك التحية اينما كنت ... الورد لطيف سل عنه سواك لكن لايخلو من الاشواك .
قناعتى اكر منى فى ذلك لشعورى وينتابنى احساس ثور الساقية الذى يدور حول نفسه طول حياته نعم هو الذى يروى الزرع ويرتوى من مائه ولكن كم من فوائد يمكن ان يفيد ويستفيد منها اذا اطلق صراحه .؟

اشكرك على هذا العبير الذى انعشنى

مودتى

تحياتى للشايقى وكل اهلنا فى ديار الشايقية وفنون هم التى علمنى اياها اخى العزيز السر عثمان الطيب حرف حرف واستاذى صديق احمد عندما كنا فى السعودية وفكو لى طلاسم اسحار هذا الفن الراسخ ... ولذا اصطحبتها معى ككل الفنون الاخرى وموروثاتنا كسودانيين فى هذا الموضوع .. فهناك اكثر من اشارة وكان ايقاع الدليب فى احدى الاغنيات حصريا ليشير للاهلنا فى ديار الشايقية العامرة .

والله يامولانا تقرا الفجان انت ..
مودتى

سفياان .. يافردتنا ماقلته بتجينا ويااااحليل مجيكا ... 17 صفر دى ولا 17 سنة عمر الزهور.. فردتك ماتخليو براهو
الحكاية دى سخنت جيب معاك فرد زمان كلهم ... انت الزول وين ؟ وملكة سبا وناس الحلة ماجونى ...

دقيقة النكفى الضيوف .. بس

مودتى

ما شاء الله يا ود البنا ربنا ركّب ليك مكنتين واحدة بنادر وواحدة ضهاري وجربوكس اتوماتيك ومانيوال

ياخ نحن ديل بالماكنة الضهارية الواحدة دي فد كليمة بندرية معاها لوكة لسان بتوحلنا للاضنين علا نكوس الفزع عند ناس ود حامد ( كنز فزعنا البندري)

استاذنا ود البنا تاني رجعت ليك
استمعت للاغنية مرات ومرات
الاغنية ما فيها كلام وزي ما قلت فوق من ناحية التوزيع واللحن والأداء ما في كلام كله كله
لكن بس انا ما حسيت بيها
ودي ممكن تفسرها انه نحن عندنا غنانا البنعرفه والمتعودين عليه
في نظري الغناء دة ابن بيئته
عشان كدة بتفق مع ود الموج في انه الناس ديل لو عايزننا كدة زي ما نحن مرحب بيهم
ومفروض يعرفونا بي حاجاتنا
ياخي اغنية زي المستحيل لي وردي
ولا بعد ايه
تساوي كل غناهم

غايتو دة رأيي
شايفكم طنشتوني انت والجمكسين في الردود
لكن الله في

ياشيقوق ... الجوايا مابروق
تورنى قلق منامى من الشروق
ان قسمتو للناس كتير بحوق
وان خليتو ماليوعندى سوق
لاننى نايم ولانى قادر افوق
واعى حاضر اتجرع و اضوق
طعم الجميل جميل شوف البروق

نسيت مركب كرونة ###### صيد برضو
والراس 6 سلندر

تحياتى

ود البنا

أحلى الكلام ما لم يقال ,,, لذا لن اقول
بل اظل انهل شهقة شهقة ولا أستفيق ,,,,,,







صاحب البوست شكرا لأنك أتيت بالجمال
تحياتى ,,,

اتعلمين؟ ياوضيئة المساء ؟
بأننى كذا والف وقعت شهدت من وقائع النساء
فمرة وقعت فى حبائل العبير
ومرة غرقت عند ضحكة شهيقها مثير
وكم لففت فوق ساعدى جدائلا نعومة حرير
ضفائرا لياليا وعسجدا وكستناء

وجاءنى هواك مثلما يجيى فى بلادنا المطر
بغاية الحنان والخطر
وفيه منك يابهية الضياء
بعض رقة وبعض كبرياء


وعندما يسافر المطر
فانت والقمر
كوكبان فى السماء
لذا فان قلبىً انشطر
فنصفه لحبك الجميل ياحبيبتى
ونصفه للشعر والغناء.

كلمات الفرجونى

اهديك يامنال هذه القصيدة عشان تشهقى كويس

تقديرى لاطلالتك اللطيفة وهذه احدى اغنيات مشروع الاغنية السودانية العربية التى نحن بصددها
لحنت والان فى الفرن فى مصر فى انتظار التنفيذ مطلع مارس انشاء الله بحياتك

مودتى

اخونا طارق جبريل ... سلامة الوالد اولا والف لاباس عليهو شرو مقسم انشاء الله ..
انا ومولانا ماطنشنا والله هو الطلق فينا النار دى بى دهشتو وانا كنت مدسى مرق لى العفريت ده موش العصفور .... اكيد
من حقك والله ان ياسرك ماياسرك من الغناء ولكنى لطفا ارجو منك ان تطلق العنان لاذنيك الحرة كى تستمع للعمل كعمل وليس لمن المغنى حتى تتالف مع ذهنك بغض النظر عن التعبير عننا كسودانيين نحن لسنا بصدد التعبير عن انفسنا وانما نغنى فالتعبير عن الذات لدولة متنوعة الاعراق واالثقافات كالسودان لايمكن ضمها فى عمل واحد وبالتاكيد قد يكون لك عصفور لم يطير بعد ...

والمشكلة الفعلية انو الديرنا يجينا دى والمادايرنا خلت استاذنا وردى ينحسر فى لقب فنان افريقيا الاول موش العالم فالرجل له من الامكانات ماكان احرى ان يتربع على قمم الغناء فى العالم لولا انحسارنا وعدم تقبلنا وتاطير الغناء فى جلباب السودانية ... اصرر على ان الغناء يطرب ايا كان السلم او اللغة او من المغنى لطالما كان العمل متقن من ناحية القواعد الاساسية اما القبول فيختلف من وجدان لاخر ..

وياااحلات شدولك ركب فوق مهرك الجماح والله ان قلتا بسم الله اخد لى معاك سوطين بطان فيها

والكاشف لمن يغنى ببقى زى الزول البحلم فى دعاية اسمعنا مرة بتاعت السر قدور بغنتس وببطل الزفير ...

ماتنقطع وادى العصفور فرقة مع الدلاليك دى يرك فى اضانك شوية . وانشاء الله يلاقينى وبى هواى اصاحو .

مودتى

ولي انا من دخلت البوست دا من اول ...

ياخ الما سمع بي سماعتي ما سمع ذااااتو ..


قلت لي زميلي معاي في المكتب تعال تعال اسمع .. قال لي دا كاظم الساهر .. قلت ليهو دا عاصم صرخ صريخ ...

مبالغة مبالغة يا ود المرتضى ..

ويا عاصم ابداع حقيقي ... بالتوفيق دوما

ود المرتضى وضيوفه..
تحياتي..
طبعا ممكن أتخت في باب خالف تذكر من البعض لكن انا ح أقول كلامي الحسيتو..
العمل ده ممكن نقول عليهو عمل مزعج بي صورة مرتبة..
فيهو كمية من المحاكاة والتقليد والإصطناع اللي أفقد العمل عنصر الجمالية العفوية للأغنية السودانية أو حتى العربية..
عاصم البنا لعب دور المقلد المتكلف الما لاقي روحو وضايع بين سماع محمد عبده وطلال مداح وكاظم الساهر في محاولة للمجاراة..
صوت عاصم ضاع وإن خدمته المؤثرات الصوتية..
مرة بدون ما يشعر يطلع صوت كاظم الساهر..ومة توشك يحشر ليك صوت محمد عبده وتاني طراااخ يجيب حاجة من طلال مداح فضاعت هوية الصوت..
اللحن متكلف لأبعد الحدود إتكسرت رقبتو عنوة لمحاكاة الأغنية العربية فلقينا روحنا كل خمسة ثواني نسمع كسرة في اللحن سواء إستدعى الأمر أم لم يستدعي..ودوووب ما نقول إندمجنا مع جملة لحنية نتفاجا بي تحول اللحن..الحركة دي حلوة في الأغنيات العربية لأنو بتجي بي طريقة إنسيابية وإنت كمستمع براااك بتحس إنو فعلا الحتة دي أو المقطع ده بيحتاج جملة لحنية مختلفة..
يعني لمن تسمع إغضب من أصالة بترتاح مع كل مقاطع بي صورة مختلفة..أو لما تسمع شبيه الريح لي محمد عبده..أو أو..
الغريبة الحاجة الوحيدة اللي تحسب لي عاصم وتعتبر إنها كانت ح تكون النقلة والمجاراة للسلم السباعي هي الحركة السودانية المية مية بتاعت إيقاع السيرة اللي عملا في نهاية الأغنية..سيرة بي شغل حلو ومهضوم ودي هي الرسالة والتحدي المواجهين بيهو عشان ننقل غنانا وإيقاعنا وفننا..
عاصم ما أضاف جديد بي حركتو دي فهو بدل ما جاب أغنية من كلمات نزار قباني جاب الفرجوني بس هي نفس الكلمة العربية الفصحى..وانا كمستمع ما بيهمني الأغنية كاتبا منو نزار العقاد جبران ووو.كما ولا يهمني منو الملحن طالما القالب واحد ومقلد ومحاكاة..أما الأخطر لما تجي تقول لي الفرقة الموسيقية ما حقتنا!!!!!!!
انا أفهم إنو التجربة يثنى عليها إذا الكلمات سودانية قحة والعازفين سودانيين بيووور ورغم عن ذلك قدرنا نخرجا بي صورة السلم السباعي التام غير منقوص وما قدرنا نفرز بينا وبين حافية القدمين مثلا..
حقيقة ما شايف شي ملفت وما زاد الطين بلة التبرير الفطير لي عاصم البنا إنو بهكذا عمل ح يمسح صورة البواب والزول..
صدقني يا عاصم لو باريت إنت الخط ده فيادوووب ح تورطنا وتجيب لينا الكلام لأنو يا صاحب القصة ما أداء موسيقي ولا لحن ولا كلمة..الكلام في خامة الصوت ودي إنت صعبة عليك في الشغل ده وصوتك فيها يكاد يكون عادي ...
الزول الكان ممكن يمرقكم للعالمية بي صوتو كان محمود عبد العزيز مد الله في أيامو واداهو الصحة بس للأسف محمود ضاع ########وهو الحولو..
عاصم مجهودك وإجتهادك مقدر لكن صدقني ما حيوديك أي خطوة لي قدام فيما يتعلق بهدفك لأنك بتفقد المقوم الأساسي للعمل ده وهو الإمكانيات الصوتية....
وده كلو كوم ومجرد فهمنا إنو الغنا العربي إنو نطلع لسانا في حرف الثاء وحينها فقط يقولوا ليك الفنان ده بيدي كل حرف حقو..
تابع أغنيتك ولاحظ إنك وقعت في الشرك ده مرة قلت كلمة بي الثاااء لمن حسيت بيك عايز تطلع لسانك من حلقومك..لمن سرعان وفي أقل من دقيقة رجعت ونطقتها بي حرف السين ورجعت لي فطرتنا...
بالمناسبة ما حصل حضرت لي مسلسل غير المصري جابو فيهو السوداني بواب وبالمناسبة حتى المصريين بيجيبو النوبيين اللي هي ممكن تكون حمالة أوجه سواء أسوانيين أو سودانيين..

عندي نقطتين قبل ما أتردم..
الأولى الكلمات حقت الأغنية..ح أسأل سؤال مباشر للمستمعين للعمل ده ..هل الكلمات رسخت جواكم؟؟هبشتكم؟إستحضرتوها وإنتو بتستمعو؟فكرتا واضحة؟جاتكم رغبة ترجعوا لي حتة عشان تسمعوها أكتر من مرة؟؟؟ولا كل ما تسمعو المقطع التاي بتنسو المقطع القبلو؟؟؟
عن نفسي ما فهمت البداية بتاعت العمل
عصفور حط على قلبي لكن ما أسرع ما طار..
عصفور غرد كأمرأة إمرأة كانت أزاهر !!!!!
وعدم فهمي جاي من قصة العصفور الغرد كإمرأة ده..وهي إمرأة ساي؟؟؟؟ إمرأة كانت أزهارا!!!!
بالجد البداية دي حاسي بيها كلام والسلام..عصفور بقا إمرأة إتقلبت أزهار..

النقطة التانية اللحن والتوزيع الموسيقي..
زمان قالوا لو نثر شعر شوقي لطار في إشارة لي إنو شوقي لافح شعرو دإ من أبيات قيلت من قبل ناس قبالو..
وهكذا أشعر إنو لو نثر لحن وتوزيع عاصم البنا لطار...
كمنجات بنكهة خليجية محمد عبداةية في البداية...قانون أم كلثوم..جيتارات عبد الحليم..تداخل أصوات كاظم الساهر..ثم صفارة محمد عدوية...

تخريمة:
غايتو الزول القال ليك نعمل صوت البكا بي العزف ده أصلو ما نصحك...إيييييهههي.. إيييههي..ياخ دي حركة أبدا ما أتوفقت فيها..

الحقوا منال دي بموية ولا خلعة ...
جاها ابو الشهيق..

عمر الفاروغ..
ما تستغل الفرصة عشان تتشهور..
مش عاصم قال امرأة عصفور؟؟ معناها خلاص الكلام انتهى..
انشاءالله يقول امرأة ودبرق ولا بومة..
بتفهم احسن من عاصم؟؟



_________________
لو رخيت الموضوع دا اوعدك حنتفاهم في موضوع ال12

سارة المرأة الطيرة..
يعني أسة إنتي بتغردي؟
يا قول الولد الأستاذ قال ليهو أدخل كلمة غرد في جملة مفيدة فقال ليهو
غرد الحمار في الحديقة..
بالنسبة للشهورة فصدقيني أخوك مشهور ويكفي إنو مرة في واحد دفع لي في مواصلات أمبدة أبنيران وانا ما بعرفو...
أما بالنسبة لل12 فيازولة عفيتك ود البشرى قال متكفل..وزي ما قال المثل عصفورة في اليد ولااا إمرأة بتغرد..
عاملة عيونك العكرانة دي..

Quote: بالنسبة للشهورة فصدقيني أخوك مشهور ويكفي إنو مرة في واحد دفع لي في مواصلات أمبدة أبنيران وانا ما بعرفو...

محمد المرتضى و ضيوفه إزيكم

.

Quote: الحقوا منال دي بموية ولا خلعة ... جاها ابو الشهيق..

فعلا ياساره كل ما اسمع عاصم بجينى ابوالشهيق
لكن رد عاصم كان كالماء الزلال طفا لى ابوالشهيق




فى البوست ده تتجلى الروعة والدهشة الاثنان معا
يسلم عاصم ويسلم صاحب البوست ,,,,

والله يا ود البنا حاجة تفتح النفس للأسف.. وللأسف لأنو بِترسيخ الغناء "العربي" حتو بعد تِكِسركُم في بِلادِ نا بخلي الخسائِر فادِحة ومؤلمة أنا أخوك.. كِده يا فنان أهلي الرطانه راحو في ستين داهِية.. نشكِل لوبي آخر (نوبي/بِجاوي) يتزامن مع "حركة ترسيخ الغِناء العربي في السودان" بجسم حنسميهو "حركة توطين غناء السُكان الأصليين" حد يصحي وردي يا ناس وين زكي عبدالكريم دقت ساعة الغناء هييييع..

ياخ معقول كِده البلد كُلها حركات.. بس الحق يُقال الأغنية سمحه بِالحيل.. ويا ناس الهلال الخصيب جاكُم غُنا..

أخانا الذي بالرياض، عمر الفاروق ذو الأذن النيكلية:)
طبعا رأيك سيجد محل تقدير و احترام رغم أنه رأي متلقي عنقالي ساي كدا زيي
اسمح لي بما اني متلقي عنقالي زيي زيك كدا واحد، انه اختلف معاك في قصة امكانيات عاصم الصوتية
الكأس ده بالذات لو ادرناهو سيشرب منه 90٪ من الفنانين السودلنيين بما فيهم محمود عبدالعزيز الذي اختلف حول ادائه و صوته سودانيون كثر.
امكانيات عاصم الصوتية و الادائية اختلف حولها العنقالة امثالنا او اتفقوا ،تقييمها المتخصص يجب أن يوكل لأهل الحرفة من النقاد الفنيين و استذة الصوت
نحن كعنقالة بآذان نيكلية لا نملك سوى أن نعلق: والله صوته سمح أو ما سمح، أو هذا العمل جيد أو رديء، لأنه لو سألوك اليوم: ما هو وجه الضعف في الامكانيات المعنية؟
لقلت والله ما عارف بس امكانياتو ما ياها، و بما انه المقام ليس مقام حديث عن سيارات بل بشرا لهم احاسيس و مجهودات يجب أن تُحترم، الاولى بنا أن نطرح رأينا العنقالي
او بتاع (الناس الساي زيينا) بطريقة تليق و تحترم مشاعر الآخر،.
مع ذلك، لا املك الا أن اتفق معك حول محاكاة البكاء بالموسيقى، في رأيي العنقالي و الذي قد يكون وافق عنقالة كُثر زينا، انه لم يكن له ضرورة
فهو لم يرق لمعالجة الكابلي التراثية لمحاكاة صوت الساقية مثلا و لم يطرح خلفية موسيقية كصوت البحر في مريم الأخرى لمصطفى رحمه الله
فصوت البكاء ليست له خصوصية أو تميز تجعل تقليده موسيقيا ضرورة أو فكرة ابداعية، تمنيت لو انه لم يحدث في هذه التجربة الجديرة بالاهتمام و المتابعة.

و هذا و المحبة و الاحترام للجميع عنقالة كعمر أو مبدعين كغبره :)

سلام يا فاروق و تحيات
و يا صاحبي كلامي الجاي دا ما دفاع عن العمل دا و لا عن عاصم بس عايز اوضح و جهات نظر محددة فى مجمل اعتراضك على هكذا اعمال و دا الفهمتو من خلال مداخلتك .
في و جهة نظري انك حسيت بالمحاكاة لسبب و احد هو أنك لم تسمع السودانيين يغنون هذا اللون من الغناء بهذه الموسيقه ، اغرب حاجة انو فى داخل اعتراضك دا بتجد نافي له وهو قولك (عفوية الأغنية العربية) لانو فى ذات اللحظة و التو انك قسمته عاصم بين طلال و كاظم و محمد عبده فكيف يا صاحبي العمل فقد الجمالية و في ذات اللحظة ما عفوي لكنه شابه لك هولاء الفنانين!!! ح تقول لي دا التقليد و المحاكأة الأنا قاصده صح ؟ ح اقول ليك اصلاً طريق الفنون هو محاكأة ز ازيد ليك كلامي بما بدأت به مداخلتى و ردي عليك وهو :-
أنك لم تسمع السودانيين يغنون بهذا اللون و كل سمعك (زي كتير مننا) مركز على السلم الخماسي و هو السلم السائد و الاعم فى السودان المركزي لكنه ليس السلم الاوحد للشعوب السودانيه و يمكننا ان نعدد هنا سلالم موسيقيه تعبر عن شعوب السودان سلالم حتى مسمياتها وحفظها مشكله كبيرة و خذ نموذج :- ناس شرق السودان عندهم إيقاع الكبرول هو أساس الريزم بالكامل ، ناس الانقسنا عندهم سلم بعرفوهو براهو اخونا عاصم الطيب في تجلياته العظيمه بسميهو (النقي نق نا) اما غرب السودان و في كردفان تحديداً تتنوع السلالم و تجد أن السباعي المتغير احدهم دون نزاع و قد مر على سمعي في بعض شرائط الكاسيت القديمة حوارات لاسماعين عبد المعين و دكتور الطاهر عن السودان و السلم السباعي .
يا عمر اتفهم تمام أن لا يعجبك العمل و تراه غير مناسب لكن أن تكون جملة اعتراضك هى التقليد و المحاكاة و بدوافع و أسباب منطقها ضعيف كما ذهبت يجعلني في حيرة من آمري و اريد تبيان لوجهة نظرك مستفيضة الشرح لما عهدته في صدقك و قوة حجتك و فوق هذا سمعك النضيف .
بخصوص اللحن فيا عمر اللحن سباعي ما فيهو اي كلام (عدي اخر الأغنية) و ما انكسر نهائي للمحاكاة أو المجارة و غير متكلف كل القصة و ببساطة انك اصلاً من البداية سمعته الاعنية و جاءك انطباع التقليد و الانطباع دا عم كل الأغنية و اتلبسك و خلاص .
الدليل ببساطة ممكن انو الأغنية هسي لو كان غناها و احد من التلاته ديك كان بكون ما عندك إي مشكله رغم انو ملحنه عاصم و شا عره الفرجوني صح؟
ممكن يا عمر تخت لي موضوع محمد الأمين و ناعم العود في جملة منطقية من خلال كلامك دا؟
سوالي دا قاصدوا تمام عشان عندي من خلالو فهم محدد .(معليش علي الواو بتاعة سوال عندى مشكلة عظيمة فى الكيبورد).
يا عمر كلامك عن ايقاع السيرة صاح و هو رآي محترم شديد و أنا من انصاره برضو و هو أننا نقدم نفسنا بلغتنا و حاجاتنا بس زي ما قلته ليك فوق القصة دي صعبه لاننا لسه شعوب متعدده (الكلام دا يا عمر سياسه و اجتماع و ما بخلص) و ما تراه آنت يعبر عن السودان كشعب يراه خلا فك غير ذلك.
بخصوص التنفيذ الموسيقي و انو العازفين غير سودانيين اتخيل لي ببساطة اننا محتاجين نسمع الظرف الخلاها كدا شنو من اخونا عاصم ، لانو ببساطة أنا بتخيل لي احتمال السبب هو أن عاصم فضل التسجيل يكون في استديو نضيف أو لاي سبب بسيط اخر و ليس لان الموسقيين السودانيين بغلبهم هذا العمل (أنت ما قلته كدا عارف بس انا بفكر في كل الاحتمالات).

بخصوص العالمية دي كلامي ح يكون عام و ما ليك يا عمر ، انا شايف غنانا دا عالمي لاني لاقيت مصرين و حبش و ارتريين و كنغوليين و تشاديين و اتنين سعوديين و كم فلسطيني و امريكان كتاااار بسمعوا غناء سوداني و مبسوطين منو .

مداخلتك التانية اجاباتى فيها بقت و اضحه صح؟


في حاجات كتيره ما بقدر اقول فيها و جهة نظري لانو هي موجهة لعاصم هيمسلف .
بس يا عمر انتبه معاك لكلام عزام حسن فرح لانو كلامو مهم جداً و بوضح و جهات نظر الشعوب السودانية و حقوقهم .

و محبتى التى تعلمهايا عمر .

يا عاصم فردتنا ياخ مشتاقين و بجيك برواقه خلينا نباصر بلدكم دي ياخ
بالمناسبة يازول أنت قصة اصبعك دا شنو ؟
و الله آمي كل ما تشوفك تقولي عاصم دا اصبعوا مالو ؟
فجاوب خلينا نرتاح من الاسئله لووووول.

أخانا الذي ما عارفو وين سعد الدين بتاع حلةيات سعد الدين..
طيب خلينا نعكسا بتكون أسهل..في ناس إمكانياتهم الصوتية مهولة وما بيختلف فيها إتنين وإن إختلف الناس حول ادائهم..سواء كانت الآذان نيكلية أو ألمونيمية أو حتى جلدية..
كلامك صاح لو سألونا الضعف وين بيغلبنا لكن يا ابو السعود الكلام ده مرات بيتحس أكتر من إنو بيتشرح..عارف وما تقليل من شأن عاصم ولا جرح لي مشاعيرو لكن معظم الناس بلاحظ إنها بتتفق على مقولة عاصم غناي لكن نادرا ما بسمع عبارة عاصم صوتو سمح..إمكن دي الحاجة الأنا بقصدها..عاصم بيقعد الغنا وبيرتبو وبيهندمو صاح بس انا ما حاسي تميز في صوتو ..ما حاسي بي بصمة صوتية فارقة ..ما قاعد يرسخ لي كصوت مميز..وده دايما إختلافي مع كتيرين إنو أهمممممم مقوم لي نجاح الأغنية والفنان مفرووض يكون الصوت ثم الصوت ثم الصوت فاللحن فالكلمة..
أتفق معاك إنو ده رأي شخصي وما بيحق لي أتهجم أو أتغول على اراء الآخرين وده القاعد اعمل فيهو..
انا فعلا شايف إنو محمود صوت فريد واكاد أحس إنو 90% ممكن يتفقوا معاي في إنو صوتو بصمة وإن إختلفوا حول طريقة غناهو...
محمود ده عجيييييييييب يا سعد الدين عجيييييب..
ياخ انا كل ما أسمع لي أوبريت عربي ولامين فيهو شرذمة ودهماء الفنانين العرب أستغرب كيف محمود ما قائد للأصوات دي..

سفيان يا وديع..أو يا صاحب..طبعا ما قاصد وديع الصافي:-)
يا حبوب خليني في الأول أشيل ليك فهم مغلوط من راسك..أبدا ما قلت التقليد لأني أول مرة أسمع عمل سوداني بي الطريقة دي ..نوووو يا حبوب.انا سمعت فنانة مغربية ما متذكر إسمها بس أول ما خشت قلبي كان بي سماعي لي أغنية زييييي حقت عاصم دي تجربة جديدة بي لغة عربية فصحى بي سلم سباعي بي طريقة حقت عرب الخليج والشام..
الزولة دي من بداية الأغنية ليييي نهايتا ما إتقمصت دور أي فنان أو أيييي شخصيية غير شخصيتا..
كلامك الفوق ونصيحتك دي كانأحلى لو قلتها لي عاصم لأنو هو الوقع في شرك السمع للاخرين وبقا ما قادر يلغي وجودهم من أضانو...
انا أكاد أجزم يا سفيان..عاصم لما قرر يخوض التجربة دي ردم شوالات بتاعت أشرطة عربية وسمع كتيييير لكن للأسف ده ضراهو وخلاهو بيغني وجواهو الجماعة ديل لأنو قرر إنو يكون ليهم ند ويقول انا بقدر أعمل زيييكم وااااحد..
بالمناسبة وعشان أوريك التناقض أو خلينا نقول نفي أول مرة نسمع شغل سوداني بي الطريقة دي..ليييي ما إتذكرت معاك تجربة خالد حسن بتاع نجوم العرب داك؟؟؟غير أغاني الناس غنو شغل حقهم بي نفس الموسيقى ونفس الألحان بس أبدا ما حسيتو بيقلد..
تجربة عاصم ما الأولى بكل تأكيد وقبلو سمعت سودانيين يا سفيان..
عاصم تاه مش قلد..عاصم في الأغنية غلبو يمسك خط واحد فلا هو مسك في الخليجي ولا المصري ولا الشامي..إستعجل التجربة والنجاح فقرر يختهم كللللهم في عمل واحد..
بالمناسبة صدق أو لا تصدق أكتر موسيقى حبيتا هي موسيقى كردفان و الإنقسنا ديل...عاصم ده عبقري ومبدع انا ممكن أسمعو اليوم كلو قوالبو الموسيقية غريبة وبتدخل القلب..
عبدالقادر سالم لو خت الرحمن في قلبو وساب النطيط ده وهذب ليهو فرقة متكاملة ح يضرب شغل موسيقي غريب..
يا نابري ممكن تديني سبب وجيه يخلي عاصم في لحظة صوتو يشبه طلال مداح؟؟؟؟هل دي طبقة عاصم البيغني فيها؟؟؟
هل من سبب وجيه يخلي عاصم فجأة يبقا كاظم الساهر؟؟؟هل دي مساحات عاصم؟؟؟
عاصم غنى الأغنية دي بي فهم عنصري وزول موجوع وعايز يقول نحن بنعرف نعمل زييييييكم لكن ما فكر يقول نحن بنعمل أحسسسن منكم عشان كده عمل ليهم حاجاتهم هم ما حاجاتو هو..
نجي للإنكسار ..انا ما قصدت السلم طش لكن عاصم كتتتتر التحويل والقلبات اللحنية بي صورة النص الشعري ما كان محتاج ليها..
انا ما ملحن لكن مرات الملحنين لمن يقررو يدو كوبليه جملة لحنية مختلفة بيكون لأنو فعلا الكوبليه بيتناسب معاهو القالب ده مش لأنو انا لاااازم أحشر لي تنوووع موسيقي رجااالة كده..
يا مان كلامي ده ما هجوم على عاصم لكن الفكرة اللي على أساسا قرر عاصم يخوض التجربة كانت باطلة عشان كده جاء كلام ما بني على باطل فهو باطل...

تكرار..

عمر الفاروق...

أحترمتك والله العظيم.. ياخ إنت زول فاهم عديل..

المسألة عندك ما طولة لسان ساي..بل المسألة معرفة وتذوق

وتقدر تقول لأساسي ..بالرااااااحة... أنزل لينا هنا بالله..


إنتهى...


مولانا ود حامد..كيفك يا زول يا سمح..

أدهشك عاصم البنا؟؟

عاصم حضور جميل في المسرح ..

مجتهد..

مجيد للغناء...

مجدِّد؟؟؟ لا طبعاً..

صوت فريد؟؟

لا طبعاً..



يدهشني جداً عاصم البنا في ترديد أغنيات وتراث أسلافه الخالدين

"جنَّننني نغمات القمري وخلني...محتار في أمري..

إن شاء الله أكون كتبتها صاح الكلمة (المجنونة) دي..

في كلمة فيها خمسة نونات دفعة واحدة؟؟


التحية ليك يا مولانا..ولضيوفك الأكارم..

ثم السلام على زميلنا ود البنا.. على المثابرة والاجتهاد..

لكن من وجهة نظري الخاصة جداً: السكة دي غلط والفضاء العربي

قد لا ينتظر جديداً "عربياً" من السودان..

أمسك في عمك الفرجوني شديد..أطال الله عمره..

فالرجل قامة ثقافية وكنز من كنوز السودان..

هذا مع صادق احترامي وتقديري..

محمود العربي..

..
.
التعديل: تصحيح إملائيات وكدا...
..
.

الأحباب الذين مروا من هنا وشاركوا بوقتهم الثمين وجهدهم وإبداء مرئياتهم
أود أن أشكركم على كل حرف بذلتموه هنا لأن الهدف من البوست استمزاج
آراء القراء والمتداخلين في (مسودة) لبنة في جدار مشروع والأغنية التي
قدمتها كعينة إجتذبت أقلاما تباينت في رؤاها ومعاييرها لكنها اجتمعت
على اهتمامها بالأغنية السودانية وكيفية تطويرها وأثق أن كل من تداخل
هنا له تقدير لعاصم ولولا ذلك التقدير وتلك المكانة لما كانت تلك
المشاركة الصادقة وليس بالضرورة أن يجتمع الناس على الإعجاب بعمل
سيما الفنون لأن إستقبال العمل الفني رهين بعناصر تتباين باختلاف المتلقي
وهذه بدهية ..

زاملتني دارسة ألمانية وكانت الطيبانه تعتقد خطأ أني من زمرة المثقفين وفي
مرة أهدتني سي دي لسيمفونيه قالت (شاقاها) وبعد يومين سألتني رأيي وقلت ليها
ما فهمتها ولوكانت تعرف أن لنا أغنية بعنوان الكنداكه سيدي سيدي الأراكا
لأهدتني سي دي الكنداكه عوضا عن موتزارت وشوبان أو أهدتني دوبيت ونمَّه للطيب ودام سيّاله
الشالو مني من سنين وما رجَّعو واحد أول حرف من إسمو د. أحمد القرشي.

سأعود للمتداخلين واحد واحدة وأعتذر عن التأخير لأسباب العمل وسبل
كسب العيش والفتريته وانهيار جهاز اللابتوب ومنتظر (خدر) يرسل لي
آي باد وعارف معزتي عندو وما بيخذلني ، أما شغيغكم عاصم من امبارح
ضارب الخلا وجاييكم واحد واحده ..

بصدق أقول لكم أنكم ناس تشرفوا وقدتم ووجّهتم البوست لما هو مطلوب منه
ونرجو أن يستمر الحوار بكل أريحية وآراء نيرة ونقد جاد بنَّاء
لأن ذلك حتما سيضيف لأصحاب التجارب الأخرى ورفد الفن برؤى جديدة
تغيِّر من دور ثور الساقيه كما قال عاصم أو حال ال blinkered horse لا قَّدر المولى...

نواصل

تعرف يامولانا ... انا بحاول ارد لعمر الفاوق وامسح واكتب مالقيت غير الجملة دى اختم بيها ومسحتا كل باقى الكلا م .


عموما يا اخى الفاضل اتحفتنا





هسه مودتى حقتى دى اكتبا كيف ؟؟؟

سلام يا محمد
احتمال اكون انا اول سودانى سمع الاغنية دى لمن نزلت فى اليوتوب ...
بصراحة لم استطع اكمالها .....
فى شئ غلط .. .... بس ما عارفو وين !!
احتمال يكون الغلط فى اذنى انا وليس فى العمل ....

على كل التحية لعاصم لاجتهاده فى التجديد واتمنى ان
لا يتضايق من طرح رائ بكل وضوح مع اخد فى الاعتبار اننى لم
اقرا اى من المداخلات عدا بداية البوست ...

اخونا النصرى .. شكرا لحضورك الراقى وهو معبر جدا وطبيعى كما هو الحال فى طبيعة الاشياء فالقبول والرفض جائز بما فى ذلك البيع والشراء ربما معظم الناس تستنكر منى انا بالذات الغناء بهذه الطريقة لتعودهم على اسلوب ادائى محدد منى واختلاف التعود لم يتيح الفرصة للمستمع ان يقبلنى فى ثوب غير المتعود عليه وعليه اسال . ماهو انطباع الذى يستمع الى لاول مرة من خارج السودان؟ او غير السودانى تحديدا ... اول اشارة ستكون انى سودانى واذا افلحت فى جذبه كمغنى بغض النظر عن هويتى سيكون لك ممثل فى آذان الاخرين غير السودانيين وطبعى ما ترى فى كل العالم فنانين يتغنون بلهجات بلاد غير بلادهم واساليب غير اسلوب بلادهم وينجحون لان المجتمعات الاخرى متحررة من العقدة السمعية وتنظر الى العمل كعمل وتستخلص مضمونه الفنى بالاحساس لا العقل والمنطق الذى يريده المستمع ولما استطاع فنان ان يجد معجبين اذا كان هذا هو المنطق علما بانى تغنيت باللغة العربية ولم اعوج لسانى لا احد وتناولت السباع كحق مشرووع ضائع من عروبتى . ولذا اقولها لكل واهم هذا الفن السودانى قلة من خارج السودان هم معجبية بل نادرا بالمقارنة مع الفنون الاخرى وانتهى زمن شماعة الاعلام لانها بالية بعد ان دخلنا الفضاء . فكيف نتحرر ونطلق العنان لانفسنا اولا كمستمعين بالاحساس ونترك شخصية الموكل بالاستماع والبحث عن السوالب لاجل الانتقاد قبل الانطباع النفسى

لك الشكر على اسهامك

موددتى

أخونا محمد المرتضى..
معليش ممكن أسألك عشان انا زي بقيت ما فاهم ..
الغرض من البوست شنو؟؟؟
والسؤال الأهمممم وفعلا محتاجك تجاوبني عليهو نيابة عن عااصم بإفتراض إنك ممكن تعبر ليهو بدل ما هو يمسح ويكتب:
عاصم غرضو شنو من الأغنية؟؟؟ هل عايز يقول انا سوداني بعرف أغني سلمسباعي؟؟ ولا عايز يقول ده غنانا السوداني هاكم أسمعوهو؟؟؟ الإجابة على النقطة دي مهمة جدا جدا جدا...

لم أكمل الإستماع
وأكيد لن أحاول سماعها مرة أخرى

وشكرا مولانا أن جعلت تشغيلها اختيارى

سلام مولانا محمد المرتضى
والتحيات للفنان عاصم البنا عندما يذكرنا بأيام صفانا السودانى!!

Quote: يا جمكسين كيفنك انا غايتو لاني زول نقد ولا عندي مؤهلات ليه الاغنية جميلة وتوزيعها جميل والأداء جميييييييل شديد لكن صراحة لم تطربني (يمكن لي شي غلت في اذني) ود البنا دة لمن يغني شدولك ركب فوق مهرك الجماح يمين اي صوفة في جسمي بتقوم يمكن لانه وجدان الزول طبعه السلم الخماسي وايقاع الدليب والبقية ما عارف ليه حسيت انها ما بتعبر عني كله كله ممكن تكون الاغنية موجهة للعرب ديل لكن شخصيا ما حسيت انها بتعبر عني يمين بالله ود البنا دة لمن يخش علي الكاشف يخلي الزول يدستر عدييييييييل

سلامات يا جمكسين،
ستجد لي العذر في التأخير مع ظروف لا داعي لسردها لكن صدقني لو أنهم يبيعون
الوقت معلبا كان الواحد إشترى علبتين تلاته للنوم..
أتمنى على المولى أن يكون الوالد بلغ العافية..

لاشك أن مسألة (الطرب مسألة) بحت ذاتية subjective لذا رغم أنك أكدت على قوة صوت عاصم وجمال
اللحن والتوزيع وبالطبع ال (غلت) ليس في أذنك ولا مستقبلاتك الداخلية ومسألة أن تطربك أغنية
من عدمه مسألة لاتتصل بأي معيار موضوعي objective هذا ينطبق على كافة أنواع الفنون ، ولا أريد
الإطناب في سوق النماذج فكثيرا ما تحضر حفلا لفنان وتجد الناس يتململون وهم يستمعون لأغنية
متكاملة لحنا وأداءا وكلمات بذل فيها جهد ألف ميجاوات وبمجرد أن يبدأ ذات المغني أغنية
من عيارالمدفع الرزام دقاتو من صدرك تلاقي البشر كلها شغاله صقريه وتتطاير العمائم والعصي والطواقي
وتصبح ساحة الحفل كقاعدة كيب كانيفرال أرض جو.. لوحة الجرنيكا لبيكاسو لو عرضت حتى في بعض
المتاحف الإسبانيه لن يلتفت لها شخص أما لو عرضت في مكان آخر فستجد صفوفا أمام المتحف
لتحظى بنظرة وهكذا ،هذا يا طارق لايعني البتة أن أغنية عاصم هي الجرنيكا أو أن
شدولك ركب لاتطرب ، لكن هذا البوست طرح أسئلة واضحة عرضتها لا ليؤكد لي قارئ دهشتي
فهذه الأخيرة ( حالة) تقمصتني عند استماعي للأغنية واستمتاعي بها ولا أنتظر أحدا يسألني
لماذا اندهشت ، فبعد الدهشة تراءت لي أسئلة كما هي مبذولة أعلاه وإعجاب مصدره أن هناك
عملا جميلا و (مختلف) عن كثير من أعمال عاصم التي لم تخرج عن النمط اليومي لأغاني السابقين،

ليس مطلوبا على الإطلاق أن يجمع الناس على الإشادة بالأغنية فالبشر لم يجمعوا على أي عمل حتى
لو كان متكاملا وعاصم لم يطلب الإشادة لكن حاول إشراك الناس في التجربة لأسباب عرضها
في مداخلاته التي لاعلاقة لي بها فأنا مستمع عادي ولست متخصصا في الموسيقى لكن الغناء
الذي يعجبني أعبر عنه بوضوح ،المهم عاصم ألقى حجرا في المياه الراكدة للأغنية السودانية
وكسر الدائرة الرتيبة التي تعانيها للدرجة التي لم نعد نفعل سوى اجترار القديم حتى كاد
أن يصبح القديم بلا لون أو طعم أو رائحة سوى القليل النادر، وأكاد أجزم أنك يا طارق لاتعرف
أي أغنية لمغني ظهر في العقدين الأخيرين باستثناء
(قنبله) و (وحرامي الهبوب تلب) .. وهذا ليس بسبب عدم اطلاعك على ما يجري لكن بسبب أن المُنتَج
أصبح ملوثا ويتم التعامل معه ب (الكرعين) وليس بالقلب والأذن..
وسيستمر الحوار ..
محبتي

اخونا عزام حسن فرح ... لك التحية والاحترام على ما اضفته والشكر اجزله ..وودت ان افيديك بان اللغة المعتمدة رسميا لدى اهل السودان قاطبة هى اللغة العربية وهى التى تعبر عن الجميع بما فى ذلك عربى جوبا وهو الشىء الوحيد الذى نجمع علية بما فى ذلك الاديان رغم اختلافها كما اختلاف اصول اعراقنا كقبائل متفرقة شكلت دولة ... دوما كنت افكر فى شىء غريب جدا لماذا قسم الاستعمار هذه القارة عموديا ؟؟ مصر ثم السودان ثم كينيا جنوبا ؟؟ لماذا لم يكن التقسيم بخط العرض ؟؟؟ تلاحظ فيه سحنات متشابه عرقا نوعا ما واذا لاحظت ان السمرة فى الالوان فى كل الدول فى العالم تزداد كلما اتجهت جنوبا حتى فى الهند وماجاورها ليست لدينا اى فكرة فى فرض لونية معينة من الغناء فقط نغنى ونغنى وكثيرا ما ذكرت بان الفكرة بعد الاعتراف بالحق المشروع فى التغنى بالسباعى كحق اصيل وليس مكتسب خاصة وان السلم الذى اخترته لمعظم الاغانى هو سلم الكورد ومنه انتقلت الى الصبا المزمزم .. علم بان الكورد هو مقام اغانى كردفان السائدة ...

الفكرة لاتحمل اى نوع من العرقية طالما كل الرطانة فى بلادى يدعونها ويتحدثون العامية عندما نلتقى فى مكان عام وخاصة هنا ااكد لك ان كثير من المتداخلين يمكن ان يكونو لهم لهجات خاصة بمناطقهم

اتمنى ان اكون قد وفييت

مودتى

تحية لك استاذي محمد المرتضي ان اهديتنا نغما...ان تهدي نغما ونحن غارقون في لجة القلق شيئ يسعد الخاطر ليرتوي للحظات لها ما بعدها نحو الاستدارة للحالة الطبيعية للاشياء ظنا او افتراضاان لم يكن واقعا معاشا...

اتابع عاصم منذ وقت واستمتع بالحانه ويعجني اتزانه مطبوعا عليه ابتسامتة الواثقة المفرحة..واجتهاده وجهده المستمر نحو الارتقاء في مجال هو رافد من روافد العلاج والصحة النفسية واعتدال المزاج..

عند استماعي المبدئي للاغنية او اللحن كنت مهتما ان اري عاصما يتمدد صوته علي السلم السباعي تمدد الشذي علي الرهر او الثوب اللافت علي القوام الممشوق ...كان عاصما مثل الشذي والحرير بصوته السوداني المستحب الينا في عبقه ومزاجه...المحاولات المتكررة ستخرج نكهة الصوت وتماوجه وامتداده ومداه عند عاصم وسيمسك عندئذ رسن الالحان يقودها ولا تقوده ...تتماوج معه وتكون طوع بنانه..

في زمن صالر خاليا من الدهشة ..ادهشتنا يا عاصم...

Quote: تعرف يامولانا ... انا بحاول ارد لعمر الفاوق وامسح واكتب مالقيت غير الجملة دى اختم بيها ومسحتا كل باقى الكلا م . عموما يا اخى الفاضل اتحفتنا هسه مودتى حقتى دى اكتبا كيف ؟؟؟

الأخ عاصم البنا

لم أفهم هذا الرد بتاتاً، وأظن (آثِماً) أن الكثيرين لم يفهموا أيضاً.

تابعت هذا البوست منذ بدايته وأعتقد أن أكثر شخص جدير بالرد المُفّصّل هو عمر الفاروق، فما أثاره هو نقد مباشر للتجربة وملاحظات سمعية جديرة بتوضيحها من جانبك.


أتمنى أن لا يكون ما قاله (عمر) أغضبك، وحتى إن فعل نرجو العودة (برواقة) والرد على النقاط حتى نستفيد نحن القراء من هذا الرد ومعرفة نقاط فوة وضعف هذا العمل كتجويد لآذاننا.


ملحوظة:

استعمت لهذا العمل بحيادية تامة وهذا ديدني منذ صغري فأنا اتعامل مع الموسيقى ككائن عالمي لا اهتم كثيراً بمن هو المغنى أو إلى اي دولة ينتمى.

للسبب اعلاه لا استطيع ان اتفق مع عمر الفاروق (زاوية الاستماع) لذلك استمتعت بهذا العمل كعمل في حد ذاتو وكموسيقى (حقيقةً لا آبه كثيراً للكلمات بشكل عام)، ولك التحية على هذه الموسيقى الجميلة

اخى الصادق اسماعيل احييك على انارتك هذه المساحة واطلالتك الرشيقة القيمة .. ظللت اكتب فى هذا المقام بشكل يومى رغم كل الظروف ودائما اعتذر واسهر الليل حفاظا على التواصل مع من يسمعنى بكل احترام وشفافية تامة ووضوح غامر ... لكنى اكاد احس بانى بدات اكرر توضيحاتى لكثيرين لسبب بسيط ان بعض الاخوة لم يتابعو ماكتبته ويكتفون بانطباعاتهم وينتظرون منى تبريرا علما بانى سالفا فى احدى مداخلاتى شرحت تفصيلا ماهية المشروع وبدايته ومحطته الاخيرة واسبابه كل ما الى ذلك تفصيلا ثم اتجهت الى التواصل مع الردود ومحاولة الشكر والتقدر لانى المستفيد الاول من هذه الاراء التى تعيننى فى رحلتى فى القادم .. ا

اما تفاصيل الحب والكراهية والمقارنات والتوقعات فى مشروع اخذ من عمرى اكثر من عشرسنوات قتلته بحثا مع الاخر الغير سودانى ووجدت مافيه خير لنفسى اولا لانى اعتمدت مهنة الغناء مهنة اساسية تركت لها كل اغترابى ووظائفى المكتبية فى السودان متفرغا للتفاصيلها فلا يمكن ان (اللعب بنفسى) بعد جهد لتكوين فنا ارضاه اولا لنفسى ولمن هم حولى .

الاخ عمر الفاروق قد يكون فى نظرك .انتقد العمل ولست بهذه السطحية لانتظر جمل الثناء والاطراء والاستحسان من الجميع ولكن عندما يتعدى الامر اللياقة والتشكيك فى الامر وبخس الناس اشيائهم لا اعتقد ان لى من الوقت ما استبيحه عنوة لمتابعة ما لايمكن ان اجد له تبريرا منطقيا لذا كتبت ومسحت ولم اجد الوصف المناسب للحالة لذا كنت محتفيا بما اتحفنى فعلا وقد اكون صدمت بعض الشىء وخاصة عندما تكون لديك فكرة عن شخص بعينه تعتد بها وياتيك بما يذيب كل آمالك فيه عندما ينطق ... وصدقنى لم اغضب ابدا ولكنى حزين لان اصلا الموضوع مبنى على حب الناس مذاهب . ونحن فى الواجهة نستطيع قراءة ماتقوله العيون لكثرة تعاملنا المباشر مع الجمهور المنوع فما بالك مابين السطور .؟يا اخى الفاضل انا لا ابحث عن تقييم وانما التفاكر حول الفكرة ولربما اجد مايضيف اليها فكرة ومضمونا.

لك الشكر وانا على اتم الاستعداد للرد على اى سؤال يوضح لك ماشئت فى كل الاوقات

مودتى

استاذى محمد الكامل لك التحية اتمنى ان اكون دوما عند حسن ظنك واتوقع منك مزيدا من الاستماع ورايك ونقدك المؤسس يفيدنا كثيرا قطع شك وان فى انتظارك مع الشكر الكثير

مودتى

تحياتي وسلامات أخي عاصم بابكر البنا
رمية
ترجع بي أصول الأهل والعشيرة والنشأة والصبا والمزاج لمدينة رفاعة وبطانتها وباديتها
وكذلك أنت ( ويا لفخرنا )
تابعت مسيرتك الفنية وراهنت عليك منذ ( نسايم الليل ) والمرحوم الفريق إبراهيم عبدالكريم - ذلك الجواهرجي الأصيل الذي يعرف الدر الثمين - ينتظر قدومك في إجازاتك السنوية من أرض الحجاز ليستضيفك فرحاً متهللاً .
وبعد ذلك
..
..
حتى هذا البوست

هذا التقديم لم أقصد به ( عصبية قبيلة ) وما طمحت من خلاله في صفة ( تفضيلية ) تميزني عن أخواني وأخواتي المتداخلين
لكن قصدت به وحيث أن رباط ( الأهل ) يجري فينا في مجاري الدم أن أصدقك القول " فالرائد لا يكذب أهله " والله لو كذبنا أهل البورد جميعاً ما كذبناك ولو جاملنا أهل البورد جميعاً ما جاملناك .

في الموضوع

تابعت هذا البوست
واستمعت للأغنية أكثر من مرة
وقرأت ردودك على المتداخلين

جهزت مداخلة أظنها تختلف عن رؤيتك ولا تتفق في ذات الوقت مع رؤية من لم يعجبهم العمل وهممت بإنزالها

لكنني توقفت عند رد فعلك مع إسهام الأخ عمر الفاروق

تجاهل لا يليق بك كإنسان يرى أن الإختلاف في التذوق ( طبيعى كما هو الحال فى طبيعة الاشياء فالقبول والرفض جائز بما فى ذلك البيع والشراء ) ولا يليق بك كنجم وضع سقف آماله أن يضع الغناء السوداني في وضعه ( المفقود ) في الخارطة العربية . أو كنجم وضع سقف طموحاته أن يواصل الرسالة الفنية التي بدأها الراحل المقيم العظيم إبراهيم الكاشف " كان ذلك رأى سمعته منك في أحد حلقات نسايم الليل "
ثم هو تجاهل لا يليق بزميلنا عمر الفاروق
الرجل - مع شتارته - قد قدم رؤية متكاملة من وجهة نظره
رؤية تستحق الرد المباشر عليها أياً كان موقفك منها لا الإشارة إليها ( لمزاً ) من خلال الردود على المتداخلين الآخرين
أجزم أن كثيرين يرون مثلما يرى ، لكن ما يميزه هنا في هذا البورد أنه دائماً ( يكون نفسه ).
لا يمضغ الكلمات .
يجهر بالكلام الذي يردده الكثيرون سراً بينهم وبين أنفسهم أو بينهم وبين أخلائهم في مجالسهم الخاصة
لي بالطبع تحفظات على بعض ما ورد في مداخلاته
ورؤيتي النقدية تختلف إختلافاً أساسياً عن الخط الذي سار فيه عمر
لكنني أتحدث هنا عن المبدأ

رد فعلك هذا أخي عاصم جعلني أتراجع عن إنزال كلمات قد تكون أنت ( وفق الصورة التي تكاد تتكون في مخيلتنا ) قد لا تكون في حاجة لها.
هو عهد قديم مع النفس أن نتحدث عندما يكون لحديثنا قيمة عن سامعيه

لكنني قبل أن أختم أقول لك ( مخلصاً )

إمكانياتك
وشخصيتك
وإرثك الفني
يرشحونك لتقديم الكثير في مجال الأغنية

أنت تحتاج لهيئة إستشارية تعينك وتصدقك النصيحة ( قد تكون موجودة بالفعل وأنا لا أدري )
لكن الذي أعلمه يقيناً أنك تحتاج ضمن هذه الهيئة إلى أعضاء مثل الأخت ( ممكونة ) وتحتاج بالقطع إلى أعضاء مثل الأخ ( عمر الفاروق )
أناس بينهم وبين الصدق مع النفس ومع الآخر عهد قديم
ومثالهما كما تعلم نادر
خاصة إن إقتضى الأمر التعامل مع ( نجوم )

لك ود مقيم


____________________

تحياتي وسلامات مولانا محمد المرتضى

Quote: [يجهر بالكلام الذي يردده الكثيرون سراً بينهم وبين أنفسهم أو بينهم بين أخلائهم في مجالسهم الخاصة ]

أنا منهم يا أخي عاطف يشهد الله ..
وما منعني إلا ما بينته في ذيل مداخلتك ...
أحيي الاخ عمر الفاروق على أذنه النضيفة فعلاً وشجاعته التي أغبطه عليها....
بس كمان بصراحة يا عمر إنت عايز يعني عمل سباعي دون هنات من الوهلة الأولى ؟؟؟
دي صعبة بل مستحيلة ...
ياخي على الأقل الراجل ليه أجر الإجتهاد والمحاولة .. حتى ولو شاب العمل التقليد في مناطق كتيرة ... ( وده كان لازم يحصل بالمناسبة )
بمزيد من التجريب والتطوير أرى بكل تواضع أننا موعودين بإنتاج جميل وجديد شكلا وموضوعا


أحلى ما في الفيلم ده كلو إيقاع السيرة في نهاية الاغنية ...
كانت فكرة جيده ....بس.كأنما كان الغرض منها مجرد خلق توأمة وتوليفة بين إيقاعاتنا السودانية الخالصة مع الغناء السباعي الخالص ...!..


أرجو ألا يقع كلامي ده موقع سيئ عند أخينا عاصم ...ومعجبيه..

الأخوان الوقفوا معاي في فطتي شكرا ليكم ..لكن أبشركم انا عمري ما بركز أو بهتم بي قصة الفططان ده وطالما بديت فكرتي بتمها لي نهايتها وبدافع عن رأيي حتى يثبت العكس..
عاصم جا بي نظرية المحرش ما بيكاتل ..شكلو جاي مووووصى ومشحون بي كلمات..فهو لا يعرفني ولا أعرفه بس لو كان كلف نفسه مشقة وعناء في الأرشيف حق بكري ده كان ح يلقى إني أول زول كتب عنو وأثنى عليهو ووقتها كان لسة ما عرف يلبس البدلة البيضا والقميص الأسود ..
يا عاصم يا أخوي كلامك مستفز وانا جيتك بالدرب..بس عشان ما تشرخ لينا في الإسطوانة بتاعت تركت الغربة من أجل رسالة الغناء وصرفت على أعمالي من قوت أولادي إنت مش ياكا عاصم اللي لمن رجع كان بيقدم برامج في التلفزيون؟؟؟
بعدين ماف حاجة إسمها إقتطعت من قوت أولادي من أجل رسالة..ده إسمو بيزنس والبيزنس ما عيب ..ده إستثمار قد ينجح وقد يفشل لأنو ممكن العمل الصرفت فيهو الاف الدولارات ده ممكن يجيب ليك ملايين الدولارات..التاجر بيخش السوق بي رأس مالو كللللو لكن ما بيجي يقول إقتطعت من قوت أولادي من أجل التجارة لأنو بيكون عمل الحركة دي بالعكس عشان يأمن قوت أولادو..
بالنسبة لي تبريرك الفطير لي عدم الرد علي فياخ وربي وربي خجلت ليك..كدي أرجع من البداية شوف كم واحد وواحدة إنتقدوا العمل بي نففففس الكلمات وجيت رديت ليهو منفرد وعلى نفففففس السؤال...لكن إنت طبعا شكلك عايز قبل الإنتقاد أووووول شي الزول يسمعك أسطوانة يا سليل أولاد البنا يا رواد الصيد في السودان يا أسياد الحقيبة ةيا حافظ الأمجاد شكرا على هذا العمل ولكن لي ملاحظات...

أخواني الحبوبين عاطف ودغيس وود التيجاني... زي ما ناس عاصم ديل عندهم رسالة نحن كمان عندنا رسالة وعليه انا ماشي في خطي رد عاصم فط عاصم ..انا بعرف عمل وموسيقى بسمع فيهم وبتكلم عنهم لا لي شغلة في عاصم ولا في الصياد الصغير..فانا مستمع

هذا رأيي و ليس دفاعا عن عاصم
فهو اولى بالدفاع عن نفسه ان كان يشعر أن هناك من هاجمه أو نال منه.
هناك مسافة و فرق كبير بين التعبير عن رأي و التجريح، ارى أن رأي عمر الفاروق قد تجاوز النقد الى التجريح في شيئين،
1/ زعمه بأن عاصم امكانياته الصوتية لا تؤهله لمثل هذا العمل و هذا لعمري شيئ عجيب أن يصدر من متلقي مثلنا كأنه وحي تنزل عليه،
2/ المقارنة بمحمود دي ابدا ما فيها اي ذوق يا عمر، ياخي أنا لو قلت كتابة فلان هنا اطعم من كتابتك و فيها ذوق حتضايق دعك من الاآخرين،
عليه لا الوم عاصم على الفططان فرب فطة خير من الف اسفاف أو قول غليظ يحسب عليه.
على عمر أن يقول رأيه بالطريقة التي يعرف، و على الناس أن تتفاعل معها أو تفطها أو توسع تكتها بس ،، فلا تلوموا الناس على ردة فعلها
هذا جزء أيضا من حرية التعبير ولا شنو؟

Quote: والله الحقيقة أنا إندهشت فعلاً من الشغل الجميل ( بالرغم من فرقة الصوت مرة مرة ) .. ببساطة لأنو عاصم ده ومع قوة صوته لم ينتزع مني في أي أغنية له أي إعجاب ناهيك عن دهشة ... عشان كده أنا المرة دي إندهشت لأنو قدر يدهشني ...!!!

العزيز عثمان دغيس،

تحية ومودة،

لا أغالي إن قلت أن مداخلتك أعلاه في نظري المتواضع من أهم المشاركات في هذا البوست،
السبب في ذلك أن معظم المتداخلين تفرقوا في ثلاثة مواقع واتجاهات ، منهم من يرى
أنه على عاصم التوقف عن أداء اللونية المطروحة للنقاش هنا ، وفريق آخر يؤيد بالكامل
ويبدي إعجابه باللونية من خلال هذه الأغنية وفريق ثالثاتخذ بين ذلك سبيلا
اما أنت فرأيك أن عاصم لم يدهشك بل لم يعجبك في أي يوم إلا في هذه الأغنية، وشخصي
الضعيف ليس في مقام التحليل العلمي للأعمال الموسيقية ولم أدرس موسيقى لكنني أتخذ
مشاركتك انموذجا ومثالا ناصعا على ما سبق وقلته في إحدى مداخلاتي بأن تقييم العمل
الفني للمتلقي العادي لايخضع لقالب أو معيار محدد مهما زعم الأكاديميون في هذا
الإتجاه.
أنت يا دغيس - خلافا - للجميع أبديت ما لم أتوقعه ومن هنا كان تفرد (حالتك) وإن
كنت فهمت مشاركتك بشكل صحيح فإني أسمعك كما لو انك تقول لعاصم : شوف يا زول هوي
شغلك الفات دا كلو خلاس أنساهو وواصل في مشروعك الجديد لتمتعني فأنت لم تمتعني
ولم تدهشني إلا الآن..

أنتهز فرصة ردي على مداخلتك الأولى يا عزيزي عثمان وأشير إلى الثانية لأقول لك
أنني لا أرى أن تتوقف عن إبداء رايك في كل ما يخص الأغنية بسبب رد عاصم
على أخي عمر الفاروق الذي سآتي على مداخلته في ترتيب المتداخلين وكما يقول أهل القانون

each case is governed by its own merits

ولك ولعمر ولعاصم الشكر

اخونا عاطف عمر .... لك التحية والاحترام اينما كنت اشكرك على هذه المتابعة الكريمة واتمنى ان اجد مايمكن اقدمه لك دوما فى هذا الزمان العكر بكسر الكاف ... اهلك قالو (حقيقة الراجل اصلو فوق عروضو بموت والجاياك بتصلك والاجل مااااا بفوت )

هناك خلط للاوراق اولا هذا البوست للاخ محمد المرتضى حامد مولانا شعرت باحساس المشاركة واياكم فشاركت وبعض الاصدقاء الذين يعرفونى قديما مثل سفيان وممكونة وبت الهنا والزول وملكة سبا واخرين واخريات اطلقو على لقب فردتنا واعتقد لكونى استكين فى موضع السكون . فاصبحت فردتهم . فلا اجادل او ادافع او اكورك .

الشىء الاخر ان فكرت فى هذا الامر بصدق تجده برمته غريب . فانا غنيت اغنية والكثيرين استمعو فيهم من اعجب ومن رفض ومن قطع الاستماع ومن فقدنى كمغنى لانى اخترقت عادات اذنه وفيهم الخ . سالتنى عن عدم ردى وهو نابع من انه بدا من خالف تذكر نفيا وانتهى اليها تاكيدا بعد شخصنة الامر دون سبب ... فانا كذلك احتفظ بحق الرد لنفسى . سالتنى ضمن رسالتك اجبت فهل هذا لمز ؟

لنا ان نعبر اينما شئنا عن انفسنا ولكن لا نتعدى حدود الاخرين وفى نظرى تعدى الامر ذلك ...

انا فى انتظار رايك فى العمل فهو دون شك يفيدنا

مع فائق تشكراتى والتقدير والاحترام

مودتى

سعد الدين..
قبل كل شي عايزك تعرف إنو انا فعلا ما بكتب عشان اجي انتظر رد زول والكلام ده ما هنا بس لاحظ لي في كتير من المشاركات بكتب وبتخارج ..
عاصم الوجعك مقارنتو بي محمود انا أبدا ما بقارن لأنو المقارنة في الأمكانات الصوتية معدووووومة والبون واااسع ودي انا موافق جيب أجعص بتاع موسيقى ويجي يطلع كلامي ده غلط..
عاصم امكاناتو الصوتية عادية جدا مقارنة بي إمكانات محمود وده حرية رأي برضو ومدعم بي رأي خبراء ما تشوفني عنقالي كده بعرف برضو ...
المقارنة حقت محمود دي مالا ما وجعتك في كاظم الساهر ومحمد عبده وجرحتك؟؟!!
الناس التانين ليهم حق الرد عليك فيما يخصهم بس انا فعلا ما ح اشتغل بي رد عاصم من عدمه..ومع إني عارف في ردودي الأخيرة احرجتهم بي مداخلاتي البعيدة من الموصثوع....

يا عمر أنا كلامي مع الناس الاتجاوزت مداخلتك و ما جاء فيها ، وده ياهو انت و زولنا و بنعرف طريقتك،
كلامي معاهم هم الاتجاوزوا الفظاظة الجات فيها و اسمح لي اكون معاك صريح زي ما انت بتحب الصراحة
ناس كتيرة جات بينت انه العمل ما عجبا ابتداءا من شيقوق و طارق جبريل، مافي حد فيهم قال ليهو امكانيتك ولا محمود و لا عبدالسميع
ليه؟ لانه ليست من اللياقة و الاحترام للآخر غض النظر عن من هو ، انك تجي تقول ليهو ياخ انت كرعينك الاتنين شمال و كرعين فلان داك ما شاء الله و صلاة النبي مقاس 37
و كان ما عاينت لا فوق تقول دي كيم كارداشيان!
كلامي عديل قصدت بيهو عمنا عاطف و اخونا الصادق الما شافوا الخشونة في رأيك و طالبين رد من عاصم، حين يكون الصمت ابلغ من الكلام
و حتى السطرين الكتبهم معبرا عن حيرته الناس ما ريحتوا فوقهم، انت ممكن تقول اي كلام و من حقك، غيرك لا يستطيع و هذا ايضا من حقه
و لاحظ كلامي ده للأخوان الطالبين رد.
مع كل احترامي 

غايتو يا عاصم اخوى انا الليلة اول مرة اسمع الاغنية دي كولها وبمزاج شديييييييييد وقفلت الابواب خالص عشان ما يحصل لي اى انتربشن .

اقول ليك واقول للجماعة ديل كوووووولهم والله سمعتها لحدى النهاية وتاني شغلتها وراخي اضاني وفي تقديري صوت رائع واداء متميز وهجين موسيقي متناغم تماما مع صوت الفنان عاصم .


ليس لدى شك في مهنية الاخ فاروق ولا املك مقدراته النقدية غير اني كمتلقى املك ان اقول انني قد سمعتها مثنى وثلاث ورباع وكنت في قمة الاستمتاع وخلصت لنتيجة مفادها ان المسألة من حيث الامتاع شخصية جدا subjective .

غني يا عاصم ففي اي مناسبة تغنى فيها قد وقد لا يكون هنالك فاروقا .

ياخ ربنا يخليك ويحفظك .

تحياتي وسلامات يا سعد
وينك يا راجل ؟؟

Quote: يا عمر أنا كلامي مع الناس الاتجاوزت مداخلتك و ما جاء فيها ، وده ياهو انت و زولنا و بنعرف طريقتك، كلامي معاهم هم الاتجاوزوا الفظاظة الجات فيها و اسمح لي اكون معاك صريح زي ما انت بتحب الصراحة ناس كتيرة جات بينت انه العمل ما عجبا ابتداءا من شيقوق و طارق جبريل، مافي حد فيهم قال ليهو امكانيتك ولا محمود و لا عبدالسميع ليه؟ لانه ليست من اللياقة و الاحترام للآخر غض النظر عن من هو ، انك تجي تقول ليهو ياخ انت كرعينك الاتنين شمال و كرعين فلان داك ما شاء الله و صلاة النبي مقاس 37 و كان ما عاينت لا فوق تقول دي كيم كارداشيان! كلامي عديل قصدت بيهو عمنا عاطف و اخونا الصادق الما شافوا الخشونة في رأيك و طالبين رد من عاصم، حين يكون الصمت ابلغ من الكلام

عارف يا سعد
أنني قد لاحظت لمداخلتك ( قبل الأخيرة ) واشتممت منها رائحة أنني ربما أكون المقصود بها ومع ذلك لم أشأ أن أعلق عليها لجملة أسباب من ضمنها أنني لا أريد أن أسهم في تحويل هذا البوست عن وجهته الأصلية ، لكن ما دام قد ذكرت إسمنا صراحة فلا مناص لنا سوى التعقيب وسامحني إن لم أعد للتعليق مرة أخرى على أى رأى بخصوص هذه الجزئية

طيب

لو لاحظت يا عزيزي أنني تعمدت في مداخلتي الأولى أن أتحدث عن المبادئ
أكرر ( المبادئ ) وتركت عامداً الخوض في التفاصيل و ( شياطينها )
ومع ذلك فقد ذكرت عن مساهمة أخونا عمر الفاروق

Quote: الرجل - مع شتارته - قد قدم رؤية متكاملة من وجهة نظره

Quote: لي بالطبع تحفظات على بعض ما ورد في مداخلاته ورؤيتي النقدية تختلف إختلافاً أساسياً عن الخط الذي سار فيه عمر

الشتارة التي ذكرتها
وتحفظاتي على بعض ما ورد في مداخلات عمر مما ذكرته أنت ومما لم تذكره لكنه علق بنفسي
كل هذه لا تنفي أن في مداخلات الأخ عمر ما يستحق الوقوف عنده وتفنيده والرد عليه
حتى إن كان عمر لا يستحق الرد من وجهة نظر أخونا عاصم إلا أن ما كتبه عمر لم يعد ملكه بأى حال من الأحوال ،تلقفه آخرون وربما أصبح جزءاً من قناعاتهم . لذلك وعشان ( الآخرين ) الذين قد يقتنعون بوجهة نظر الأخ عمر ( منهم من صرح بذلك في البوست ) وأكيد منهم بعض هؤلاء القراء الذين شارفوا حدود الـ ( 4000 ) قارئ حتى الآن ، عشان كل هذا كانت مداخلتنا
كنت أتمنى - من الأساس - لو ركز أخونا عمر الفاروق مداخلاته على الجوانب الفنية للتجربة الفنية المعروضة وابتعد عن الشخصي
وكنت أتمنى لو رد أخونا عاصم البنا على الجوانب الفنية التي أثيرت في مداخلات الفاروق و تسامى على ( رذاذ ) الشخصي الذي أصابه ، فالناس هنا تقرأ وتقدر وتقيم

لك شكري الجزيل

اهلا بيك يا عم عاطف ويا ريت عم دي ما تضايقك لانه المقامات محفوظة و انت ممن ننجل هنا
فعم اعتبرها انك تكبرنا عقلا، :)
تفهمت ما عنيته و لا أود أن ازيد حتى لا اضايقك و اضطرك للعودة و الرد ،
العفو ان قصر بي فهمي عن كل ما رميت اليه.

محبتي الاكيدة 

سعد الدين يا حبوب..
معليش انا في حاجة ما فاهما..إنت عاصم ده فنان ولا إستشاري مخ وأعصاب؟؟؟
الفنان إذا الةاحد عايز ينتقدو في إما في صوتو يا كلماتو ي الحانو يا الاداء..
أها انا جيت إنتقدت الصوت تقوم تقول لي جرحتو؟؟؟؟؟
موضوع المقارنة ده ح اخليهو على جمب أو خلينا نقول ده ما كان مخلو مع إنو يا حبوب جبتو لأنو فعلا الزول الوحيد السمعتو بيغني أعمال حتى ولو عربية بي بصمته دون الوقوع في شرك الغير هو محمود...

قبيل يا عمر اخوي، اتفقنا انه مافي مشكلة في انه انا و انت نصدح برأينا،
و ابدا عاصم ما استشاري مخ و اعصاب بل فنان له قاعدته الجماهيرية البتشوف فيهو زي ما انت بتشوف في محمود
ليس بالضرورة انه أنا أكون منهم، عشان كدا يا عمك قلت ليك دي مسألة اذواق و اختلاف اراء ليس الا
لانه القلتو ده رايك و هو قطعا ليس نقدا لكنه رأي،مستحق و الا لما كانت هناك وظيفة و مجال يسمى بالنقد الفني و اساتذة موسيقى و كدا
المشكلة كانت في الطريقة الطرحتو بيها، فيا حبوب لما تقول لفنان امكانياتك الصوتية مش ولا بد لازم تدعم كلامك ده بي منطق على الاقل،
أو تقول العمل الفني ده انا كمتلقي شايف انه كذا كذا، زي ما اتفقنا في قصة محاكاة البكاء بالموسيقى
لانه الزول لما يجتهد لازم نقدر له ذلك على الاقل، يعني كلنا ممكن نقول اي رأي لأي حد و في وجهه مش في البورد براهو ، بس هل ده من الكياسة انه اقول لي فلان انت دمرت نفسك و فنك
أو انت ما بتعرف تغني؟ الهدف شنو يعني؟
لذلك تجد اكثر الفنانين الكبار مثل وردي و و ود الامين ريحوا نفسهم من الاراء الجارحة، و الناس يقولوا ليك ديل مفترين،
مفترين بحقهم :)

-------
لا اقارن بين الناس هنا و لكنه ضرب مثل لتوضيح اشكالية العلاقة بين الفنان و المتلقي عندنا
فلا بعض المتلقين يحترمون الفنان و لا بعض الفنانين يتواضع للمتلقي حرصا على مشاعرهم و فشفاشهم أن لا يورم زيي كدا :)
أو لعلة اصيلة في بعضهم.

الأخ سعدالدين

أنا من الذين يؤمنون بأن أي شخص عرض عمله على الآخرين عليه أن يتمتع بطول البال وسعة الصدر، والذي فعله الاستاذ عاصم هو أنه كتب رد ثم مسحه، وأنا كنت اتمنى أن اسمع رده حتى ولو كان خشناً.

قرأت كلام عمر الفاروق ولم ارى فيه ما رأيته أنت (وهذا لا يمنع ان يكون تقييمك هو الصحيح وأنا على خطأ). ونقطة مقارنة الإمكانات الصوتية فهذا شئ عادي، وأغلب المتداخلون في هذا البوست يعرفون أن إمكانيات محمود عبد العزيز الصوتية افضل بكثير من معظم المغنيين الموجودين في الساحة.

أنا مثلاً كان استمتاعي بالموسيقى، وكما قلت لا اهتم بالكلمات وأحياناً لا اهتم بالمغنى نفسه فأنا استمع دوماً للموسيقى وهي تأسرني وواحدة من مشكلاتي مع الموسيقى السودانية هي أن اغلبها يفتقد للهارموني بين الالات المختلفة.

على العموم أنا اعجبني العمل جداً واستمتعت بالموسيقى ولم أرى ما رأه عمر الفاروق. لكني أعتقد أن عمر الفاروق من الأشخاص (السميعين) ورأيه حتى لو كان جارح أو مشاتر هو رأي جدير بالرد وهذا ما فعله عاصم في أول الأمر ثم غيّر رأيه، فأنا كنت اتمنى أن اسمع هذا الرد، لأني عندما رجعت وسمعت على ضوء مداخلة عمر الفاروق انتبهت لجزء من ملاحظات عمر الفاروق، خصوصاً فيما يتعلق بكاظم الساهر.

الصادق يا وديع...
انا بالجد مستغرب بس حبيت أركب مع الجماعة الموجة لكن والله لا أرى في كلامي شتارة ولا حتى تجريح وأسة أسة يجيبو كلامي مسار الجدل ويوروني الشتارة والتجريح...
انا مع رأيك في شغل الموسيقى وده الخلاني أقول التجربة غير جديرة بي الأهتمام على مستوى الغناء والسودنة لأنو بي بساطة العازفين ما سودانين..عليه كان بيكون جميل لو طرح الموضوع على أساس تقييم عاصم الملحن بدون فلسفة وزج إسم السودان وغناء السودان وعالمية التجربة ورفع إسم السودان بأننا نغني السباعي...
الموسيقى عربية والعازفين عرب وعليه فالعمل وكأنك تسمع لي الفرقة الماسية أو لي فرقة سورية ...
عندي سؤال محرقني...
لو فنان حبشي تغنى بي أغنية باللغة العربية وبالموسيقى العربية وبالسلم السباعي..هل يحق لهذا الفنان أن يقول أنه نقل الأغنية الحبشية للعرب؟؟؟؟؟؟؟؟؟؟

الصادق ازيك ياخ و لعلك طيب،
الفاروق صاحبي و بيننا مشاغلت و عارفو سميع لذا نعته بذي الأذن النيكلية في اول تداخلنا هنا،
بس كمان احساسو العالي ده لما يجي يعبر عنو بجيب ضقلا يلولح، كم مرة مضايرنو في شبك اسفيرية
بي سبب التصريجات بتاعتو دي رغم انه ذو ذائقة جيدة و امدرماني قح.
شفت زي تعليقو الاخير الاتفق معاك فيهو ده لو طرحو بي نفس الطريقة و سأل صاحب الاغنية انه كيف يستقيم ادعائك بأنه الأغنية سودانية بسلم سباعي تزعم أن لنا فيه نصيب، في حين أن العازفين عرب؟
ده مش مدخل وجيه؟
لا بس ده صاحبنا و عارفين كورتو :)

Quote: مولانا وضيوفه الاماجد ....... سلام ربما لخلل نفسى فينى انا او كجنة لغناء السلم السباعى او ربما اننى مستكتر صوت عاصم الشجى ده على نوع الغناء ده او ربما لارتباط اسم البنا بالغناء الذى لو مر على الف ميل يخلى الحجارة طرباً تميل، فانا لا اقبل عاصم الا فى القالب الذى تعودنا وانا اعرف راى عاصم فى ذلك فقد تحدثنا فى ذلك فى ذات مره هنا فى الرياض وقد جاءها عاصم زائراً. لكن اقول ليك يا عصوم صاحبى والذى نفس صديق وعاصم بيده انا لى هسه ما قادر ابلع ساعى البريد حقت السر قدور. غايتو قدرك ياجار كرومة ان تعودنا على غناء طروب وبصوت مصمم خصيصاً للغناء السودانى القديم و تقوم تغير، وانت عارف الفطامة صعبة. عاصم العزيز طبعاً ده لانقد ولاعندنا مؤهلات نقيم بيها تجربتك وانما مجرد رأى فطير لانسان روحه ونفسه حقيبة وادمان للتاج مصطفى وصاحب ياناعس تعال والامين على سليمان وصالح سعد وهلمجر.. يعنى ده كلام ماعنده علاقة بالرأى الفنى زى الشداد ناس مولانا وممكونة وسفيان نابرى، نحن ناس تطربنا الجرح نوسر بى رمية وبدون اى الة موسيقية ونراهاافضل من سيمفونيات بتهوفن التسعة ولو جأوا بمثلها مددا. عاصم مريت للتحية وتسجيل اعجابى بما تقدم فما تشتغل بى كلام زول تزعجه الصولات الموسيقية وكتين يحشروها فى نص نسيم سحرك لو يسرى ويبقى الود،،،

يا موج،

1- بالله بفنك الغزير دا كلو وشايلنك مرجع في الغناء تجي تقول مكجن السلم السباعي؟ هسه عايز تقنعني إنك تحت تحت لايذيبك عبدالحليم أو وديع أو جورج وسوف ولطفي بوشناق والدكالي وثومه؟

2- يا موج ، أنت أعلم مني أنه ليس للفن وطن ، نعم عاصم جار كرومه وربما لاتصدقني إن قلت لك أنه ضمن قلة لاتتعدى ثلاثة من مجايليه الذين أستمع إليهم بانتظام ليس لأنه ، وآخر ، يحترم حضوره أداءا وجوهرا ومظهرا ولكن لأنه أيضا يجوِّد ويجتهد ويسعى لفتح طرق جديدة ويقبل النقد الفني ( الموضوعي) ولولا تلك الصفات لما لاقى عاصم القبول فنحن السودانيين لا نجامل في مسألة الطرب ولانمنح شهادة مزورة لأنصاف المبدعين ولولا أن عاصم أشجى الملايين لما كان عاصم اليوم وهذه شهادتك فيه ولم آت بجديد لكن يا موج إلام نبقى في إطار الجرح نوسر وتجاهل إرتياد آفاق جديدة ربما تضيف الكثير للأغنية السودانية.

3- بعدين منو القال ليك أنا من( الشُداد) ومفتي الديار الموسيقية ؟ يا موج انا مستمع عادي لكل الموسيقى والغناء من جميع القارات ولا أجامل في هذه الجزئية لأنو الفن يا أسكرني وأدمعني وخلاَّني أتَّرتح يا ما بسمعو كلو كلو ، وبذات القدر الذي تذيبني (هوى الخلخال) بأداء عاصم برمية ودالرضي الخيالي يسكرني حليم في (زي الهوى) وممكن جدا أضيع من بيتنا لو استمعت لعمل من Enigma وأنا في سيارتي وما هماني شي ، الطرب لايحتاج لشرح ودراسة فالأطفال يطربوا قبل أن يتهجوا خطواتهم الأولى فيتمايلوا ولايهمهم بعد ذلك السلم أو الأسانسير ولا مقام النهوند أو السوزناك ، الشئ الآخر هناك من يعتقد أن السلم الخماسي سوداني وماخد جنسيه من وزارة الداخليه في شارع النيل وأن السلم السباعي عربي وكمان صناعة يمنية ويطالب بتغيير علي عبدالله صالح ومن قبيلة حاشد وبالطبع هذه فرضيات خاطئة تم بناء تنميط نتائج كثيرة عليها للأسف ..

4- يا موج ، أتفق مع كثير مما ورد في حديثك وأتعلم منك لكن محاولة عاصم تستحق الوقوف عندها وهي القطرة الأولى من مطر قادم وأظنه قد نجح منذ البداية والدليل على ذلك الحوار الموضوعي - في معظمه - الذي لازَم هذا البوست.

5- الوالد - أمد الله في أيامه - كنا نشاهد معا سهرة في التلفزيون وطرِب لكثير من الأغاني ليلتها وفجأة أطلت علينا مجموعة كورية
من الجماعه الكانوا في معهد الموسيقى يؤدوا أغنية سودانية فقام قال لي والله والله الكوريين ديل عايزين يكرهونا غنانا ، قلت له
يا أبوي ديل بيأصلوا الموسيقى بشكل علمي : قال لي والله دا الفضل ، يعني دايرين يفهمونا نطرب كيف؟ قوم اقفل الفارغين ديل.

مودتي يا صدِّيق.

الاخ سعد

صباحك ورد

Quote: ناس كتيرة جات بينت انه العمل ما عجبا ابتداءا من شيقوق

ياخ عفوا انا ما قلت الكلام دا مالك ملهمني الشينة في صمة خشمى
عطفا راجع كلامي فوق ياخ


معزتي

Quote: سفيان يا وديع..أو يا صاحب..طبعا ما قاصد وديع الصافي:-) يا حبوب خليني في الأول أشيل ليك فهم مغلوط من راسك..أبدا ما قلت التقليد لأني أول مرة أسمع عمل سوداني بي الطريقة دي ..نوووو يا حبوب.انا سمعت فنانة مغربية ما متذكر إسمها بس أول ما خشت قلبي كان بي سماعي لي أغنية زييييي حقت عاصم دي تجربة جديدة بي لغة عربية فصحى بي سلم سباعي بي طريقة حقت عرب الخليج والشام.. الزولة دي من بداية الأغنية ليييي نهايتا ما إتقمصت دور أي فنان أو أيييي شخصيية غير شخصيتا.. كلامك الفوق ونصيحتك دي كانأحلى لو قلتها لي عاصم لأنو هو الوقع في شرك السمع للاخرين وبقا ما قادر يلغي وجودهم من أضانو... انا أكاد أجزم يا سفيان..عاصم لما قرر يخوض التجربة دي ردم شوالات بتاعت أشرطة عربية وسمع كتيييير لكن للأسف ده ضراهو وخلاهو بيغني وجواهو الجماعة ديل لأنو قرر إنو يكون ليهم ند ويقول انا بقدر أعمل زيييكم وااااحد.. بالمناسبة وعشان أوريك التناقض أو خلينا نقول نفي أول مرة نسمع شغل سوداني بي الطريقة دي..ليييي ما إتذكرت معاك تجربة خالد حسن بتاع نجوم العرب داك؟؟؟غير أغاني الناس غنو شغل حقهم بي نفس الموسيقى ونفس الألحان بس أبدا ما حسيتو بيقلد.. تجربة عاصم ما الأولى بكل تأكيد وقبلو سمعت سودانيين يا سفيان.. عاصم تاه مش قلد..عاصم في الأغنية غلبو يمسك خط واحد فلا هو مسك في الخليجي ولا المصري ولا الشامي..إستعجل التجربة والنجاح فقرر يختهم كللللهم في عمل واحد.. بالمناسبة صدق أو لا تصدق أكتر موسيقى حبيتا هي موسيقى كردفان و الإنقسنا ديل...عاصم ده عبقري ومبدع انا ممكن أسمعو اليوم كلو قوالبو الموسيقية غريبة وبتدخل القلب.. عبدالقادر سالم لو خت الرحمن في قلبو وساب النطيط ده وهذب ليهو فرقة متكاملة ح يضرب شغل موسيقي غريب.. يا نابري ممكن تديني سبب وجيه يخلي عاصم في لحظة صوتو يشبه طلال مداح؟؟؟؟هل دي طبقة عاصم البيغني فيها؟؟؟ هل من سبب وجيه يخلي عاصم فجأة يبقا كاظم الساهر؟؟؟هل دي مساحات عاصم؟؟؟ عاصم غنى الأغنية دي بي فهم عنصري وزول موجوع وعايز يقول نحن بنعرف نعمل زييييييكم لكن ما فكر يقول نحن بنعمل أحسسسن منكم عشان كده عمل ليهم حاجاتهم هم ما حاجاتو هو.. نجي للإنكسار ..انا ما قصدت السلم طش لكن عاصم كتتتتر التحويل والقلبات اللحنية بي صورة النص الشعري ما كان محتاج ليها.. انا ما ملحن لكن مرات الملحنين لمن يقررو يدو كوبليه جملة لحنية مختلفة بيكون لأنو فعلا الكوبليه بيتناسب معاهو القالب ده مش لأنو انا لاااازم أحشر لي تنوووع موسيقي رجااالة كده.. يا مان كلامي ده ما هجوم على عاصم لكن الفكرة اللي على أساسا قرر عاصم يخوض التجربة كانت باطلة عشان كده جاء كلام ما بني على باطل فهو باطل...

تمام يا عمر
بس كلامك دا فيهو تناقض كبير اهو أنت بتقول أنك ما قاصد التقليد التقليد و بتجي بتجزم في ذات الوقت أنو عاصم ردم شوالات الكاست و السي دي عشان كدا لما جاء غنى طلعوا من جواهو ناس الشوالات دي !!!
طيب احلها معاك حل وسط ايه رايك؟
انا فهمته عليك تمام بس المشكلة انو كلامى الفوق في مداخلتى معاك انت طنشتو و ما ركزته فيهو صح؟
أنا قلته ليك بالضبط المشكلة دي في انك أنت ما مستوعب غناء و بسلم سباعي يغنيهو سوداني دي مشكلتك يا عمر و بالمناسبة من حقك تقول كدا (عارفك قطيم ممكن تقول لي بالاااااهي من حقي!!!؟) المهم اهو ناس كتااار في البوست دا قالوها طوالي .
يا عمر الفاروق لو فكرتي الشويه دى اقتنعته بيها بنتحاور في البوست دا حوار كتير اوكي ؟

تحياتي .

تحياتي وسلامات
المحتفى به الأخ عاصم البنا
مولانا محمد المرتضى حامد
متداخلي وضيوف البوست الكرام

رمية

( تشوبرت ) في مداخلتي السابقة وقلت أن لدى ( رؤية نقدية..... ) ..
قاطع الله القرضمة والنفخة الكضابة ،
وحيث لم أجد في نفسي التأهيل العلمي ولا الخبرات العملية ما يؤهلني لتحقيق ما يقتضيه معنى تقديم ( رؤية نقدية ) ، وحيث ليس من الممكن أيضاً ( بلع ) الجملة وإلغاؤها فليس أمامي سوى تعديلها لتقرأ
لدى رؤية نقدية ( عنقالية )
والحمد لله أن جعل في خاصية التعديل ( مخرجاً ) لـ ( المتشوبرين ) أمثالنا

في الموضوع

إبتدر مولانا هذا البوست بقوله

Quote: هل نقول مع السلامه ل (إزيَّكم) و ( المامبو السوداني) وهما - لنصف قرن - ظلتا بطاقة هويتنا الغنائية في جوارنا العربي ؟ مبادرات من هنا وهناك أذكر منها بعض أعمال الأسطوري أحمد الجابري والعاقب محمد حسن وعبد القادر سالم واجترار يتيم لمحمد الأمين لرائعة محمد عبده (يا ناعم العود) خلت من أي إضافة وفقا لفهمي الضئيل في دهاليز الموسيقى..

ومولانا رجل يزن كلماته بميزان الذهب
سار عزيزنا المحتفى به عاصم البنا في نفس الخط قائلاً

Quote: المنشود : تقديم الغناء بالفصحى البسيطة يتقبله الاخر ايا كان كاسهام منا كسودانين عرب وليس بالضرورة العالمية

Quote: واخيرا ياجماعة اهدف الى خلق اغنية سودانية عربية فصحى تبدا من هذا العام وتتوالى عليها الاجيال لكى يكون لنا اسهام عربى كما كان لنا افريقى

Quote: ياصديق انا بخاطب فى مجتمعات غير السودان عشان مايجيبونا بوابين فى المسلسلات وما يستهزىء احد بلفظ (الزول)

- أول ما يجب الإشارة إليه بل والإشادة به هو تفكير فنان ( شاب ) للقفز فوق ( سور المحلية ) التي كبلتنا زماناً في جميع أوجه الإبداع وليس مجرد التفكير بل والسعى الجاد وتنزيل هذا السعى لعمل بين أيدي الناس فهذا لعمري منحى إيجابي أظنه واجب علينا قبل أن يكون حق لعاصم أن نشيد به.
- أول سؤال تبادر لذهني ، هل هناك نمط ( غناء عربي ) موحد له مواصفاته وتوجب على من أراد أن يلج لسوحه الإلتزام بهذه المواصافات القياسية ؟؟
في ظني لا ....
( تقرأ ظني هذه مقرونة بعنقاليتي التي قدمت بها نفسي ، فما أنا سوى ( بناى متعلم ) ، أسمع الأغاني لأروح بها عن نفسي ساعة بعد ساعة كيلا يعمى قلبي إذا أصابه الكلل )
أقول في ظني لا
فلأهل الخليج نمطهم في الغناء
ولأهل الشام نمطهم في الغناء
ولأهل شمال إفريقيا نمطهم
ولأهل مصر نمطهم في الغناء

النمط المصري قد ساد لزمان ولا يزال
فمصر لأسباب كثيرة هى ( هوليود ) العرب ومركز إنطلاق النجوم ،
لذلك رأينا نجوماً كثيرة من أرض الشام ومن الشمال الإفريقي قد أتوا لمصر واستقروا فيها و( ركلوا ) موروثهم الفني وتبنوا ( النمط المصري ) في الغناء . منهم من أصبحوا نجوماً كباراً ومنهم من توارى .
- السؤال الثاني الذي تبادر لذهني ، هل السلم الخماسي ( أقل ) شأناً من السلم السباعي بالمعنى الرياضي للجملة ( 5 أصغر من 7 ) ؟؟ وهل هذا هو السبب الحقيقي لعدم إنتشار الأغنية السودانية ؟؟؟
لا أظن
المامبو السوداني وإزيكم الذان صدر بهما مولانا المرتضى بوسته يقفان أول الدلائل أليست الأغنيتان من ( فصيلة السلم الخماسي ) ؟؟
لن أبرح محطة المامبو السوداني وإزيكم بسهولة لأنها تقوداني لنقطة أخرى ذكرها الأخ عاصم وهى سعيه لـ ( تقديم الغناء بالفصحى البسيطة يتقبله الاخر ) فلسخرية التاريخ أن الفنان الراحل المقيم سيد خليفة كان هو الفنان الأبرز من مجايليه الذي تغنى بـ ( الفصحى البسيطة ) ومن أشعار أبرز من أشعر بلغة الضاد في زمانهم إدريس جماع والتجاني يوسف بشير وعوض أبوالعلا فهل تقبل ( الآخر ) الذي نسعى له ومن ( نفس المغني ) وبذات ( السلم الخماسي ) فهل تقبل الآخر ( ولى المساء / أسراب الحسان / أنت السماء بدت لنا واستعصمت بالبعد عنا ) ؟؟؟
لا
تقبلوا وأرادوا لنا أن نعرف بـ ( المامبو السوداني وإزيكم ) وهى وبكل المقاييس ( أضعف ) ما تغنى الفنان العظيم سيد خليفة مقارنة بأعماله هو شخصياً .
ولن أتحدث عن ( كدا كدا يا التريلا .. قاطرا قندراني )
في ذات صياغ التساؤل أواصل
إن كان السلم الخماسي هو العائق لتلقي / تفهم / تفاعل ( الآخر في الجوار العربي ) لأغنياتنا السودانية ، فلماذا وكيف تفاعل وهضم هذا ( الآخر ) أغنيات ( وسط الدايرة ) للفنان العظيم وردي أو أغنية ( الليل الهادي ) للفنان الكبير شرحبيل أحمد فقط عندما تغنى بهما الفنان ( المصري ) محمد منير ( ولا إسمو شنو كدا ما عارف ) .
موضوع تقبل ( الآخر في الجوار العربي ) ) لإنتاجنا الفني يحتاج في ظني لنقاش كبير وصريح ومواجهة مع النفس فمعك أتفق أن ( شماعة ضعف الإمكانيات الإعلامية ) لم تعد هى المتكأ، لكن في المقابل ( تقديم أنفسنا وإنتاجنا ) للآخر قد أصبح علماً يدرس في الجامعات وبدون حذقه لن يلتفت إلينا أحد . لعلي في هذا السياق أحي صديقي البروف معز عمر بخيت الذي بح صوته وهو يحدث أهل السودان عن ضرورة ( تسويق أنفسهم وإنتاجهم ) للعالم .


أواصل بحول الله

عمنا شيقوق ازيك و اريتك طيب،

الفهمتو من مداخلاتك الاولى انك متعود على عاصم في اداءه لغناء ناسنا
و انه التجربة دي لم تجد نفس الوقع عندك، و لو كان فهمي صحيح فإن هذا رأي قد وافقك عليه الموج و آخرون
و ان لم يكن كما فهمت و اختلطت علي عبارة الافرنجي، نرجو العفو.

Quote: نحن مع غناك القديم بتاع (ناسنا) اما النقلة النوعية للغناء الافرنجي دي فوالله عودي فيها عود مرة علا كان البس احساس أولاد المسالمة الافرنجي .

تحياتي

(عمنا) عاطف - والله أنا كدا بكون مرتاح شديد بمخاطبتك و كتر خير اخونا - ياخ أنت كلامك
بتاع هل فى غناء عربي و ماهو ؟ ياخ دا كلام صعب و اهو أنا برضك في مداخلتي و ردي لاخونا
عمر الفاروق كل مرة الف و ادور و اقول (الشعوب السودانية) هسى أنت طاااخ عايز بسوالك
دا تودينا الحته الأنا ما عايز اناقشه و كل العايزوا أني اتعامل مع الغناء و المزيكا
باعتبار أنها للغة عالمية (زي ما قال اخونا الصادق إسماعيل - فى النقطة دى اعملوا
حساب الصادق دا ما يفتح فيها نيران) .
المهم سوالك دا اجابتو و اضحه في الموشحات و في تلحين الأشعار العربية النحوية و غنائها
غير دا كل الغناء البتغني هو غناء بالعربي المحلي للمغنيين .
اها أغنية عاصم دي ممكن انا اعتبره اغنية باللغة العربية النحوي (اوعه يا عمر تجي تقول
لي اعرب ) ، كذلك ممكن تلقي البعض عند بقية الفنانين العرب .

اها كلامك دا حينقلنا نقله عجيبة في البوست لو البفكر فيهو دا حصل بعد شوية .

الله يستر ..!

و تحياتى و تصل بالسلامة .

عاصم دائما مدهش بس ماعندو البومات فى السوق ياهو الالبوم الواحد الحايم

ياعاصم طالبة منك البوم كارب


ياناس مسقط مشتاقين

توضيح يهمنى

اولا : المشروع فكرة خاصة بنا انا والفرجونى مستقاة من خلاصة تجارب من سبقونا من الرواد وتجاربهم الناجحة والفاشلة واسبابها بعد تداول كبير مهما كانت امكاناتنا ضعيفة لم يبتكرها غيرنا ومن قدم عملا فى هذا الدرب كان لايملكه الفرق اننا نملكه نصا ولحنا .. للعلم اصبح التوزيع لامركزى فى العالم كله وعادى جدا توزع وتنفذ الاعمال الخليجية وتفذ فى تركيا مثلا . من ينتهج هذا الخط لاحقا فهو تابع باحسان

ثانيا : نفذ هذا العمل فى قاعة الصداقة امام موفودى الاذاعات العربية والان اسعى للحصول على نسخة لبثها لكم لترو مدى استحسان اهل الاذاعات العربية للفكرة .

ثالثا : لم اسرق من احد او احاكى احد ولست بهذه السذاجه ولدى الان من الاعمال تتسم بالطابع والتطريب السودانى اشكك الف مرة فى قدرات اى فنان عربى يستطيع ان يغوص فى تفاصيلاه .لديا ابيات اقولها كرمز بطريقة الدوبيت .. واشارات اكثر من ايقاعات السيرة فى وحدة كانت الاشارة زعروته سودانية فقط .

رابعا : اذا كنا نتحدث عشرات السنين عن الاعلام فلماذا لا انتج اعمالى فى اشارة لكلام د. معز عمر بخيت كيف نقدم انفسنا ؟ انا اتحدث عن حق مشررووووووع التغنى بالسباعى لانى عربى فقط وهذا لا يجبرنى على ترك اسلوبى فى الغناء المتبع والمعتمد داخليا .

خامسا: لن نغير نطقنا للغة العربية ارضاء للاخر فالعربى هو العربى .. وضح من تجارب الاخرين ان هناك اشكالات فى معالجة العامية السودانية مع الخماسى مع سرعة الغناء والكلام مما ضيع المتلقى الاخراصبحنا نكهه موسيقية فقط فى اذانهم ... وازيكم ... وشقيتها المامبو .. اغنيتين خفيفتين تتميز بقصر الشطرات .. ازيكم .. كيفنكم ... هذه فواصل تتيح للاخر فهم الكلمات بسهولة ولهذا السبب لم يعرف العرب أعلى الجمال تغار منا؟ وظلت حبيسة السودان .. علما بانه نفس الشخص ونفس الصوت والخ

سادسا: التنفيذ فى مصر لان وجد العازف السودانى تتطبع على احساس الخماسى المعروف والمهضوم لديه وانا شخصيا قليل الخبرة فى هذا المجال لذا استفيد من ذوى الخبرة فى التنفيذ . وياما سجلت الحقيبة فى مصر وياما غنى الكاشف الشوق والريد بفرق مصرية وكان شكل الموسيقى غريب علينا كما هو الحال الان وبكرة نتعود .

سابعا :كل الفنون تقديرية مطروحة للاحساس وبالاحساس فلابد من ان حب الناس مذاهب اذا اخذناها على انها تجربة شخصية فالمحمدة والزم لى واذا وطننناها فهى للجميع .. وانا ماسماه بعض الاخوان فرقة فى الصوت وبدى لهم غريبا كان تطريبا مختلفا لدى غير السودانين وعلى راسهم استاذ الاجيال عمار الشريعى هو راعى هذا المشروع ويسجل فى ستديوهاته الخاصة بتخفيض 50% من المصاريف .. وهو يحفظ هذه الصخرة للعاقب محمد الحسن واخرين من رواد الفن السودانى ويعيب عليهم انهم يتعاملون مع السباعى (على استحياء) وان اقول انها عقدتنا لان غالبية الاراء فى من يتغنى بالسباعى غير سودانى ..فصل الدين عن الدولة .. الغناءليس له حدود جغرافية والعيب فى نظرى شخصيا هو تغيير اللهجة . واخترت الفصحى لهجتى العربية الاصيلة ونفتخر باننا اقرب اللهجات للضاض.

اخيرا : ارجو من الاخوة من بعد اذن مولانا محمد المرتضى ان اعفى نفسى من الردود الشخصية واظل متابعا واكتفى بالرد على الاستفسارات اذا كان هناك استفسارا . لانى بشر مثلكم ولى انفعالاتى وماهو معروف عنى انى متوازن بعض الشىء ولا اريد ان اخوض فى بحر لا شاطئ له ولم اسمع بفنان اجتمع عليه الجميع بالاستحسان لذا الراى لكم والغناء والعمل لى ..

اشكر كل من كتب حرفا ايمانا منه بالقضية الكبرى وهى ماهو اسهامنا نحواحى العالم العربى ومن بعده العالمية اذا كنا نغنى قرن من الزمان بنهج واحد. ويعمينى مافى زول كتب غير ازيكم وكيفنكم ... هل ازيكم تعبر عنا كنص شعرى ؟ ام انها ابسط من ولى المساء لدرجة عدم المقارنة ... وماذا اذا غنى سيد خلية ولى المسا بالسباعى .. وازيكم بالخماسى .. الاتكون اضافة ؟؟ هل فى العرب من له هذه الامكانات ؟ ام انهم انتبهو جديدا للخماسى واصبح حلية اى تحلية لهم بسبب الرتابة التى شابت اعمالهم والوهن الذى انتابها ..

التشدد فى السياسات نعم. وانما فى الغناء فهو لايخضع للمنطق لانه مرتبط بالحب والكراهية وهما احاسيس خاصة مختلفة من شخص لاخر فيجب ان نترك فرض انطباعاتنا ومحاولة تعميمها على افتراض ان كل منا هو الافضل سمعا او تقديرا وانا اول المعترضين على اللجان التى تقيٍم الفنون .. واوافق على تاطير ضوابط اساسية تحكم الجودة .

اهلى هذا انا وهذا ما خرجت به بعد عراك مع الزمن ومشكلات التنوع الاثنى واللغوى واختلاف الامزجة فى السودان وكنت ابحث عن معين وكلمة معين ذكرتنى باستاذنا اسماعيل عبد المعين الذى قاد التغنى بالزنجران له الشكر الاكبر على انه رائد الفنانين السودانيين اصحاب التجارب والفنون تجارب وال######## هو من يتخفى وراء ارضاء القلة .

وارى ان يعمل من يستطيع ونترك الثرثة والتنظير لانها لم تقدم من زمن ابو العزايم والصحافة كانت صحافة لان الباب كان مغلقا وصدى الصوت يرتد على نفسه ... واتحدى من يغلق الباب عليه وصدح للصباح كان من كان ويجد معجبين .


شكرا لكم جميعا وعلى اوقاتكم واهتمامكم وتجدونى قريبا اذا كان هناك استفسار حول هذا المشروع بكل الحب

مودتى

ومعكم نواصل

يقول الخبراء في علم ( الجودة ) أن أهم نقطة يجب تحديدها عند التفكير في عمل ما هو ( الشريحة المستهدفة ) من هذا العمل .
عزيزنا عاصم يقول أنه بعمله الفني هذا ( بخاطب فى مجتمعات غير السودان )
فهل يعني هذا أن ( نطلع نحن من الشغلانية ) ونتركك ( تاكل نارك براك ) مع ( مجتمعات غير السودان ) ؟؟
وهل يعني أن جميع من تداخلوا في هذا البوست معلقين على ( عصفورنا ) كانوا ( يعرضون برا الحلقة ) إبتداءاً من ( كبيرنا ) الذي علمنا حب الجمال مولانا المرتضى حتى ( المشاتر ) عمر الفاروق ؟؟
الإنطلاق للعالمية يكون من خلال ( تجويد ) المحلية والإنطلاق بها
أقول عامداً الإنطلاق للعالمية ولا يجب عليك أن تستحي من التفكير فيها " إن نظرت أنظر قمر .. "
تجربة أستاذنا الكبير الراحل المقيم الطيب صالح خير دليل بل هى الملهم
شهرته عمت الآفاق بـ مؤلفات نقل فيها ( المحلية ) السودانية كما هى ولم يضع في ذهنه لحظة ( تزويقها ) وتجميلها ليتقبلها الآخر
فصدق رهانه
وترجمت رواياته لجميع لغات العالم الحية
صدقني يا عاصم
كنت ( ولا أزال ) أقرأ وأعيد قراءة روايات أستاذنا الطيب الصالح واستغرب ( بغرور ) أن كيف ( يتلذذ ) بجمالياتها من لم تتح له فرصة العيش في القرى وفهم تفاصيل حيواتها وكنت ( ولا أزال ) أستغرب كيف إنفعل بها ( ناس الخرطوم وأمدرمان ) القريبين ديل دع عنك العرب خارج الحدود والفرنجة في بلاد الله الواسعة .
مثل آخر
كيف دخل المصريون لحياتنا في أغانيهم ومسلسلاتهم
وكيف أصبحت مفرداتهم المحلية ( التي لا نعرف لها أصل ) كيف أصبحت جزءاً تلقائياً من تفاصيل حياتنا
" يا لهوي..... ، يا دي النيلة....... ، الهباب دا ......."
نفس المثل أجيره لك عن السوريين
وكيف أصبحت مفرداتهم المحلية ( التي لا نعرف لها أصل ) كيف أصبحت جزءاً تلقائياً من تفاصيل حياتنا
" لكااااااان ........ / منيحة ......"
تجويد المحلية هو العصا السحرية
لتكون ( شريحتك المستهدفة ) هى العالم بأسره ، لكن خلال ( تجويد ) ما برعت فيه
تسألني عن رأيي في العمل
أقول لك أن جهداً حقيقياً قد بذل فيه
إمكانياتك الفنية ليست موضوع النقاش

لكنني لم أحس بالعمل في دواخلي
لم أحس أن للعمل طعماً ( سودانياً ) من ذلك الطعم الذي شكل وجداني
لم أجد فيه عاصم البنا ( الفنان الذي أحب )
لم أجد فيه عاصم البنا بانطلاقاته غير المحدودة
إنما وجدت فناناً بصوت شجي لكنني أحسسته ( مكتف / مقيد / مكبل ... )
على كل حال هى ( أحاسيس ) والأحاسيس لا تفسر
ربما وجدتني أتذكر وأردد
" ياتو السمح ...هو منو السمح...غيرك سمح.... لون الدهب ولا القمح ...إنت السماح لابسك وشاح ... إنت الصباح شافك فرح....وإنت الأمان وسط الأهل ........"
وأتذكر الإنطلاقات في ( إنتااااااااااااااااا )







أواصل بحول الله

والله يا نابري يا اخوي محننتني في بت أم رويحتي دي..
وكان فهمت حاجة أتقص..يا قول جارتنا:-)
بس صدقني انا ما متناقض وانت قد يكون ما وقع ليك..

تخريمة
الإعراب خليو..أشرح العصفور الغرد كأمرأة داك..

Quote: أغنية رأئعة وأداء رائع وصوت قوي مليئة بالشجن والطرب

د. أحمد ،
يبدو أن هذا لم يكن شعوري وحدي وفيه التقينا مع معظم من استمع للأغنية بحياد ..
وأفيدك أن الأغنية المعنية وجدت إعجابا كاسحا في حفل إتحاد الإذاعات العربية
وسأحصل على تسجيل الفيديو وإنزاله هنا ، لكن ، وأنت أعلم مني ، أن هذه هي
البداية نحو عمل متكامل وفقا لرأي عاصم نفسه يستهل به ما نتمنى أن يكون (نقله)
وكل بداية حتما تلازمها عيوب ومعاناة وإلا لما جاءت كلمة (تجويد) في القواميس ..

Quote: الواضح لي بأن الأستاذ عاصم البنأ لو كمل في هذا المشوار ستكون هذه مدرسة جديدة بدأت في السودان ودفعة تطور كبيرة للأغنية السودانية للأتجاه نحو العالمية .. التي إنتظرناها طويلا أهمس في أذنك يا عاصم : بأن المشوار طويل والمشجعين كثر وكذلك المحبطين كثر يجب أن تؤمن بما تعمل .. وتعمل بما تحب وتقتنع .. ففي الطريق أشواك وورود فتجنب الأشواك أولا لتقطف الزهور ... فتستمتع وتمتع .. وفقك الله في الطريق الذي بدأته ... فالسودان ينتظر منكم الكثير ..

أتفق معك في كل حرف وقد عبَّر عاصم نفسه عن هذا الفهم وعن المتوقع..

شكرا يا سيدي..

اخونا عاطف .. اجتهادك معى والله صدق او لا تصدق اشعر بانه مريح جدا. ودلالة على ان هناك موضوعية احيييك يا اخى الفاضل ... ولكن اشعر بان هناك ازدواجية فى المعاييير فى نظرك اكرر فيها ان الغناء حالة والشعر حالة مختلفة وكذلك التلحين الحالات الثلاثة لاتستطيع ان تقارنها بمعيار واحد بما فى ذلك الرواية لانهاتبداء بالنظر اولا ثم تترجم فى العقل فتحرك الاحساس . وفى هذه الحالة اذا كانت الرواية تغنى نفسهااذا افترضنا غياب اللحن والصوت ومجموع رسالاتهم للتقييم داخل الاحساس وهذه فلسفة ساكت نقول .

من السهل ان يزورك او تزور دولة لم تزرها وتندهش للريف وللطبيعة فيها وخاصة اللغة فتحاول ان تتفهم عسى ان تجد لغتك بينهم وهذا مفتاح الجو العام لروايات كبيرنا الطيب صالح رحمه الله . اما عن الغناء ومخاطبة المجتمعات فانا اعنى خلق نهج سباعى بنكهة سودانية جديد باللغة العربية الفصيحة يبدا من الان فصاعدا والايام ستاكد لك ان هذا ماكان يفترض عمله كعنصر مفقود من موقومات وعناصر فنوننا المهملة وتسالت لماذا ل ؟ الست عربيا ....

سئل الاستاذ الطيب صالح عن هويته وهو يتلقى اولى الجوائز العربية والافريقة سئل عن هويته فرد : عربى انا وزيادة افريقى انا وزيادة .. وللمعلومية بدأ هذا المشروع من هذه الجملة تحديدا .

ربما صرخة لون الدهب مدهشة لى ولك والهوى لو كان مشتركا .. ولكن وللعلم ان الخماسى ناقص حرفين مسيقيا من السباعى الكامل ولذا النطه من حرف لى حرف بتكون عالية وقوية اما فى السباعى لينة مخففة مدرجة سهلة جعلتك ترى فى صوتى عدم القوة عكس الكواريك البكوريكا فى غنيواتى البلديات ديل ... لون الدهب دى لو فكيتا فى السباعى تعمل قفص عصافير كواريك بس .

تجويد المحلية : هل تعتقد ان وردى لايجود ؟ هل تعتقد التجويد هو معيار مخاطبة الاطرش ؟ نحن بنتعامل مع عرب لايفهمون لغتنا الا اذا تحدثنا برااااحة جدا واحدة واحدة زى ازيكم دى .. فهل نغير نبتدى من لالف ب عشان يفهمونا ؟ كثيرون من جودو اعمالهم ولكن خيبة الامل كانت نصيبهم لان الخلل الرئيسى موجود فى النصوص والبحور المستعملة مخالفة للعرب والالحان افريقية لغتها عربية مخالفة للمشهور وكيفية تقديم انفسنا هى الفاصل المدارى.

اخيرا ولا امل التكرار ان هذا الفن الغنائى ليس له سوى معيار واحد يختلف من شخص لاخر وحسب خالته المزاجية فى لحظة الاستماع .و لا يخضع لتقييم الا فى حالة الثوابت الاساسية مثل التيونق (الدوزنة) والايقاع والوزن الشعرى فيما عدا ذلك انشاء الله تغنى بالعشارى


احييك على تفهمك

واتمنى اكون قد اوصلت فكرتى

مودتى

أواصل الجزء الثالث والأخير من مداخلتي

الخلاصة
المطلوب من وجهة نظري

" هو أغان سودانية بنكهة سودانية تسهم في صياغة الوجدان السوداني وتكون في ذات الوقت مرغوبة ومطلوبة وتسهم في صياغة الوجدان الإنساني خارج حدودنا"

هل الفنان عاصم بابكر البنا ووفقاً لما ذكرته في المداخلتين السابقتين وللخلاصة المذكورة أعلاه هل هو مؤهل للقيام بهذه الخطوة في سيرورة نقل الأغنية السودانية من تكبيل المحلية لآفاق العالمية ؟؟

بثقة كبيرة أقول نعم

- إمكانياته الفنية ليست محل إختبار فقد أجازه الخبراء في علوم الموسيقي والغناء وأجازه الجمهور العريض
- يستند على إرث فني غني عن التعريف وهو إرث أسرة البنا العريقة في مجال الفن . يستمد هذا الإرث قوته من عنصره المكتوب وعنصره البشري فوجود عدد ( ما شاء الله ) من الأسرة مهتمين بأمر الغناء إبتداء من الأستاذ إدريس البنا وحتى أصغر عناقيدهم سوف يشكل دعماً معرفياً هائلاً للأخ عاصم
- يمتلك كارزيما فنية لافتة ( يحتاج كنصيحة أخوية صادقة أن يعطي مساحة أكبر لاختلاف وجهات النظر ويعود نفسه على طول البال ) ، هذه الكاريزما وهذا القبول الإلهي يسهمان في خلق علاقات واسعة داخل وخارج السودان وهو الأمر المطلوب تماماً لعملية ( تسويق أنفسنا وإنتاجنا ) للآخر
- قارئ ومطلع ( خلافاً لكثير من أقرانه الفنانين ) ويعرف تماماً الأمر الذي إحترفه .


هذا ما رأيت
وليس لما رأيت عصمة
فهى آراء بشر خطاء


التحايا مجددة لمولانا المرتضى
وللأخ الفنان عاصم البنا
ولجميع المتداخلين والضيوف

بالله عليك يا عاصم تسلم لى على القرد (عمر)
قول ليهو النصرى بسلم عليك من كندا

..مولانا محمد المرتضى حامد..
مساك الله بخيره واختياره.ومنحه وعفوه ورضاه..وستره...
وللبلبل الغريد عاصم البنا..كل اهازيج المنى ..وتبيان النشيد...
استمعت..وانسجمت. واستمتعت.وسافرت فى اضابير الرؤى...وحلقت فى مدارات معاجم اللغه..واستخرت واسترحت.وانتشيت...وتأملت..وامالت..وافرخت تلك الرؤى
فى احضان ارتعاشى كل تلك الوشوشه الرضاب فى عطاء زاخر وانس عجيب..وسرحت فى مقامات متسعه وفى افاق تتسع...ولبست دثار المخمل..والبسنى الطرب وشاحات الدمقس ..
وخيلاء اللحظات وركاب الانتشاء وسرح بى وسرحت فيه..واشجانىشجو ذلك الصوت..وهو يحملنى على اجنحة رهيف الهمس وهو يتلبسنى .ويتملكنى.
وسكننى .واسكنه فى انسجام فى مضاجع ملاذ الهدأه وفى معارج الهدوء...
مولانا ....
وانت مقدم الركب...والركاب..وانت تعلم ان الموسيقى لغة عالميه تستدعى وتستجوب وتاثر وهى تصور فى انسيابها همس ذلك الارتعاش الصبوه..
وانها تملك مفاتيح الايناس والاعجاز...ورسم الهوى..تتخلل وتحتل..وتفيض وتعيد وتبترد..وتهمس فى هبوبها مثل نسيم الاصباح حين يغشى برطب
يلفح الوجوه ويكسر الدواخل ويسلب الاحساس....ويغسل كل تراكم يختزن...
والكل ربما يتسأل .كيف تاتى لنا ان نستمع لكل اهازيج الغناء من كل اصناف الموسيقى لكل الحان الغناء من شرقها وغربها|...ونحن نخضعها الى موازيين
تلقينا ونطرب لها ..ونحس بها وننسجم معها..ونعيش فيها..ونفرح بها...ونحن مكوناتنا خماسية ..وهى فى اصل للباحث والعارف والعازف والمتبحر..ان السلم الخماسى
الان هو مقصد واهتمام واساس كل الغناء الغربى فى تجانس واختلاط لكل الالحان المةوسيقيه فى جملها الموسيقيه التى تستعمل فى تركيبتها التشكيل الخماسى ...
ما احسست به وعشته فى هذه الاندهاشه..هوحفيف الكلمه..ورشقها..وتفردها...وامتلاكها المساحه والمسافه وهى تجنح وتحق وتبترد...ثم زخم الالحان فى تداخلها
وفى انسيابيتها وتوزيعها اللحنى والموسيقى ...ومكوناته ..وجسارته..وهو يطرق تلك الافاق...ثم جرس رنين الصوت وتغريده شجوه وهو يتخطى المسارات ويعتلى ذلك السبق
.وهو يتحكم فى فيوض ...وعطاء لا يجارى....
اليك ايها الفنان المرهف المبدع... عاصم البنا....
فى هذه التجربه الفريده الجميله وانت تسعى وتجتهد وتقدم هذا النمط البديع
وانت تاتى بهذا المزيج المزن...فى سحر اختلاطه وتخلطه...وهو الهام فى مجمل منحه....وعطاء مسترسل .فيه الطرب وفيه الراحه وفيه الاستراحه وفيه قطرات الندى الرعاش...
ونحن نتكىء على روح الكلمه فى صياغة الشاعر الفرجونى .وفى روائع صياغته.وفى همس نداوة الابداع اللغوى...
ثم ااتى اليك مولانا محمدالرتضى حامد.....
وانت تشركنا فى اهازيج الفرح المنساب ..تبطرا..وتأطرنا.وحلاوه..وتذكرنبى بما سره وافصحبه المتنبى فى قصيدة اعتذاره الشهير لسيف الدوله.التى اختصها فى لغة ذلك الوصف
التمكن ..حين اورد تلك الكلمات المعارف البليغه..
وعندى لك الشرد السائرات..لا يختصصن من الارض دارا..
قوافى اذا سرن عن مقولى . عبرنا الجبالا.وخضنا البحارا......


ولعلها ..اشارة فى صياغة كلمات الشاعر الفنان الفريجونى...فى هذه القصيده...
ولعل فى استركاب حالات المنى الابتهاج المحلقه فى ذرى اللحن..
ولعل جرس رنين صوت عاصم الفنان ..وهو يحلق بنا ..
كل ذلك يشكل مواسم الاخضرار فى ربيع احساس دواخلنا..وهويمنحنا المتعه والامتاع...

لك الجمال مولانا محمد المرتضى..
وانت تبهجنا وتنقلنا الى مدرات تلك الكواكب النجوم..وتحلقبنا
لكم جميعا محبتى..وكثافة الاعزازاااا

ياعصمت التحية لك والله والله والله هوا لندن اللذيذ داك لفح وشى خلاانى اترنح بالفرح طربان ياخى كلامك غنا زانو ... غلبنى اعبر والله واستقللت كلماتى امام قلمك الساحر واشكرك على هذا الفيض الذى هو اكثر من استحقاقى

حفظك الله ورعاك

ياجماعة اسمحولى وكانى رزقت مولودا ... سفيان ... حاقيف جمب الدايات طوالى انا
مودتىر

العزيز الابن سعد الدين

Quote: نحن مع غناك القديم بتاع (ناسنا) اما النقلة النوعية للغناء الافرنجي دي فوالله عودي فيها عود مرة علا كان البس احساس أولاد المسالمة الافرنجي .

Quote: الفهمتو من مداخلاتك الاولى انك متعود على عاصم في اداءه لغناء ناسنا و انه التجربة دي لم تجد نفس الوقع عندك، و لو كان فهمي صحيح فإن هذا رأي قد وافقك عليه الموج و آخرون و ان لم يكن كما فهمت و اختلطت علي عبارة الافرنجي، نرجو العفو.

نعم يا سعد غير اني قصدت بها مدحا للابداع العاصمي وقدحا في ادواتي الاستيعابية

اخونا محمد المرتضى..
طلب بسيييط واكون ممنونك والله..
ياريت لو تفط تعليقي أو ياريت لو ما تفلفلو ولا تمشي فيهو كتير تجنبا لي تكرارك لي كلمة -موضوعي- البقيت تحشرا في ردودك من بعد مشاركتي ...
واكون شاكرك يا حبوب


تخريمة..
غايتو يا سعد الدين زولك ده لو كان لحق شارك في عرب أيدول كان لحق سلمى...:-)

Quote: ود المرتضى.. كلم عاصم البنا يديني رد براااااااي عشان يرفع لي روحي المعدنية... وشكرا,,,

ساره سلامات،

أقول لك ما يقوله بكري done

أشكر لك الإهتمام والمشاركة ..

فاروغنا الذي بالرياض
انت لو ما عايز يفلفلوا ليك تعليقك، ما تخرم تاني :)

اوووو سعدنا يا من ما عارفو وين..
فهمتني غلط..:-)..
انا والله خجلت لي ود المرتضى في الحركة الما بتشبهو دي..بقا بعد كل مداخلتين يخت بين شختتين كلمة النقد الموضوعي مع عاصم البنا

الاخ محمد المرتضى والاخ عاصم البنا

استمعت للاغنية قبل شوية ، وليسمح لي الاخ عاصم البنا اني ابدي رأي رغم اني ما زولة متخصصة لا في موسيقى ولا بعرف فيها كتير سوى بحاول استمع بشكل جيد

اولا اي عمل مهما اختلف الناس حوله في النهاية له الاحترام لاجر المحاولة والمجهود المبذول

قريت في مقدمة العمل انه محاولى للوصول للعالمية ، الجملة دي لفتت انتباهي شوية ، لانه مفهوم العالمية مفهوم فضفاض ، من هم المقصود توصيل الاغنية لهم ؟ الخواجات ام العرب لانه كل واحد فيهم عنده فهمه الخاص للموسيقي والاغنية
فهل هي محاولة لنقل الاغنية السودانية باستخدام سلم موسيقي مختلف ام انه يمكن نقل الاغنية السودانية بنفس مقوماتها للاخر ايا كان خواجات ام عرب؟
هل العالمية هي استخدام ادوات الغير الموسيقية ام تجويد ما لدينا من امكانيات بحيث يستطيع الاخر الاستماع له؟


الاغنية فيها مجهود مبذول لكن حقيقي رغم كدا حسيت بنوع الشتارة ( وااسف لاستخدام الكلمة ) لكن تحديدا ده الاحساس الوصلني وانا بسمع فيها
فهي خليط ما بين الوان من الفن الخليجي المتنوع ، بصمة محمد عبده ، مرة بصمة ابوبكر سالم ، مع بصمة سودانية بعيدة الملامح
في النهاية صوت عاصم البنا او بصمته ضاعت ما بين كل ذلك
حسيت بنوع من الجوطة الموسيقية بشكل ممكن يكون افقد الاغنية المضمون الكان عاوزة توصله للمستمع سواء موسيقى او كلمات ، في حالة عدم اتزان في الاغنية
فهل مسالة الاهتمام بتوصيل الاغنية السودانية للعالمية لعبت دور في اضفاء حالة الجوطة والشتارة!



ولكم التقدير

أخي عمر الفاروق،

تحية طيبه وسلام أتمنى لو يصلك وأنت هادئ الخاطر،

كنت بصدد الرد على مداخلاتك مجتمعة حين يأتي دور الرد عليك وهو ديدني في هذا المنبر
وقرأت محاولاتك دفعي للرد عليك قبل الذين شاركوا قبل دخولك هنا رغم أن البوست ابتدر في 26 نوفمبر وجاءت أولى مساهماتك في 6 ديسمبر ، أي بعد أيام عشر ، والآن أستأذن من سبقوك في المشاركة فقط لأطرح أسئلة مشروعة ، ليس للرد على مداخلاتك من حيث الموضوع، وردك عليها يستتبعه العرض لمداخلاتك ، إن شئت يا سيدي ، فأرجو أن أجد عليها إجابات شافيات وهي كالآتي:
قلت لسعد الدين:

Quote: اوووو سعدنا يا من ما عارفو وين.. فهمتني غلط..:-).. انا والله خجلت لي ود المرتضى في الحركة الما بتشبهو دي..بقا بعد كل مداخلتين يخت بين شختتين كلمة النقد الموضوعي مع عاصم البنا

1- هل ثبت أني أدنت في جناية أو جنحة مخلة بالأمانة والشرف لتخجل لي؟
2- أين( الحركة المابتشبهني) ؟ هل هي قولي لعثمان دغيس:

Quote: أنتهز فرصة ردي على مداخلتك الأولى يا عزيزي عثمان وأشير إلى الثانية لأقول لك أنني لا أرى أن تتوقف عن إبداء رايك في كل ما يخص الأغنية بسبب رد عاصم على أخي عمر الفاروق الذي سآتي على مداخلته في ترتيب المتداخلين وكما يقول أهل القانون each case is governed by its own merits ولك ولعمر ولعاصم الشكر

؟؟؟
3- أين (حشرت كلمة "موضوعي" في "ردودي " من بعد مشاركاتك ؟ سوى إيرادي للكلمة مرة واحدة فقط في معرض ردي لصديق الموج وكانت في هذا السياق:

Quote: - يا موج ، أنت أعلم مني أنه ليس للفن وطن ، نعم عاصم جار كرومه وربما لاتصدقني إن قلت لك أنه ضمن قلة لاتتعدى ثلاثة من مجايليه الذين أستمع إليهم بانتظام ليس لأنه ، وآخر ، يحترم حضوره أداءا وجوهرا ومظهرا ولكن لأنه أيضا يجوِّد ويجتهد ويسعى لفتح طرق جديدة ويقبل النقد الفني ( الموضوعي) ولولا تلك الصفات لما لاقى عاصم القبول فنحن السودانيين لا نجامل في مسألة الطرب ولانمنح شهادة مزورة لأنصاف المبدعين ولولا أن عاصم أشجى الملايين لما كان عاصم اليوم وهذه شهادتك فيه ولم آت بجديد لكن يا موج إلام نبقى في إطار الجرح نوسر وتجاهل إرتياد آفاق جديدة ربما تضيف الكثير للأغنية السودانية.

4- هل وجدت كلمة (موضوعي) في أية مداخلة أخرى لي؟
5- هل تعتقد أن إيرادي لكلمة موضوعي كانت على سبيل (التحشير) أي أنها لم تكن في سياق التعبير ولم أرصد لها مكانها المريح في الجملة فاضطررت لتحشيرها حشرا وأنت أدرى بدلالات اللفظ ومعنى المصطلح؟
6- لماذا اعتقدت أو ظننت أنك معني بكلمة النقد ال (موضوعي) دون غيرك ممن لم تعجبه الأغنية كالدكتور بله موسى أو الأستاذ النصري أمين أو الأستاذ عمران حسن صالح والأستاذ صديق الموج؟ لماذا اصطفيت نفسك دون المشاركين لتلصق بنفسك أنك المعني بعدم الموضوعية ؟ اليس هناك احتمال أني عنيت بها مشاركات المستقبل التي ستأتي وليست المبذولة في الماضي؟
7- ألم يخطر ببالك قط أنك ممن ساهموا بنقد (موضوعي) في هذا البوست ومن ثم فإنك لست ضمن المخاطَبين بالعبارة أو الكلمة؟ أم أنك تبنيت مقولة العرب (سوء الظن من حسن الفطن)؟
8- قلت لي قبل مسألة النقد (الموضوعي) ما يلي:

Quote: اخونا محمد المرتضى.. طلب بسيييط واكون ممنونك والله.. ياريت لو تفط تعليقي أو ياريت لو ما تفلفلو ولا تمشي فيهو كتير تجنبا لي تكرارك لي كلمة -موضوعي- البقيت تحشرا في ردودك من بعد مشاركتي ... واكون شاكرك يا حبوب

وقيدت يدي بسلاسل وألقيتني في الماء ثم طلبت مني أن أسبح و (خجلت لي ) وشكرتني كمان هسه أنا أسوي شنو؟
دي حاله يا عمر الساحر (هوديني) ما بيمرق منها.. دعك عن العبد الضعيف لله الجسمو انتحل أها كيف العمل؟

برضو قبل ما أرد على مداخلاتك التي أثرت الحوار عايز اقول ليك حاجه بسيطه ، لم ألتحق بعضوية المنبر لأسئ لإنسان أو أسهم في مهاترات رغم أن الرد بالدليل والحجة والمنطق والقانون والسوابق هو عملي اليومي ولكنه مهنتي وسمعت أني أجيدها حسب ما يقال، لكن هنا لم ولن أخسر أي عضو ولايشرفني ولا يريحني أن تسوء علاقتي بأي إنسان على الأرض دعك عن زملاء المنبر الذين أحترمهم والذين لم أسمع منهم إلا كل خير (عدا رجل وامرأة ) عرضا لي بالشتم رغم أني لم أسئ – لاسمح الله - أيا منهما تصريحا أو تلميحا وفي موضوع رأي عام وسامحتهم لوجه الله لكنني ابتعدت عن كل ما يشاركا فيه هنا ولا أنام بضغينة ، وأتمنى دائما ألا أظلِم ولا أُظلَم وتفريعا على هذا لن يسعدني ، بل يقلق منامي ويقض مضجعي، أن يكون في خاطر عمر الفاروق شئ في النفس عني حتى في أمر خطير دعك عن حوار أخوي حول أغنية طربت لها ولم يطرب لها عمر ، فالبشر لم يجمعوا حتى على وجود الله دعك عن أغنية ، وفوق هذا وذاك يا الفاروق إن ما تبقى لي في هذه الحياة لايكفي لأنهل بعض الجميل فكيف أضيعه في القبيح؟

لك ودي واحترامي ومعزتي ولاشك أسعدني وجودك في البوست بل أرجو لو يتمدد إسهامك.

maia >>> التحية والاحترام وبعد ... انا لم اتحدث عن العالمية قط وفى الكثير من مداخلاتى شرحت شرحا وافيا ماهي الفكرة المعنية ارجو الرجوع لها وتكوين راى بالمقارنة مع ما ابديته مع سمعك واحترم عدم توافق سمعك مع العمل واشكرك على التقدير لجهودنا ... وفى انتظارك مرة اخرى .

وتجدونا كما كنا

مودتى

الأخ محمد المرتضى

جاءني احساس أنك غضبت من مداخلة عمر الفاروق، وحقيقة رجعت وقريت مداخلتك ولم أجد شيئاً مما أشار له عمر الفاروق.

الغريبة أنا منتظر بفارغ الصبر ردودك على مداخلة عمر الفاروق (حسب ترتيب الردود والذي هو ديدنك دائماً) لأنى اتوقع أن تثري (ردودك) البوست لما فيها من اختلاف بائن على تذوق الأغنية.

بالطبع من حقك أن تغضب، فإشارة عمر الفاروق غير صحيحة البتة، فكلمة نقد موضوعي حينما قراتها لم اشعر انها موجهة لكلام عمر الفاروق، بل فهمتها على أن عاصم لن يقبل النقد الغير موضوعي والذي لن يفيده ولن يفيد أي شخص.

على العموم احب أن اقول أن هذه المداخلة أريدها فقط أن تعمل كمخفف لهذا الموقف وابعاده إن صح التعبير عن مقام (الحدة وتبرئة النفس) فأرجو أن يستصحبها عمر الفاروق معه في رده عليك، وا، تظل أنت في موقف (لك ودي واحترامي ومعزتي ولاشك أسعدني وجودك في البوست بل أرجو لو يتمدد إسهامك)، والذي اعرف أنك تُجهد نفسك للبقاء فيه دائماً.

Quote: .ومشروعى كررت اكثر من مرة فى هذا المقام لاينادى بالتخلى عن محليتنا ولا حتى ادنى تفصيلة من فنوننا وانا اول الرافضين واعتد جدا لانتمائى لمحبى الحقيبة وجيل الكاشف ولكن اكيد البحر ما بيابا الزيادة ونحن جيل مطالب بتقديم شىء فى زمن صعب ولن يرحمنا الدهر . . واعتقد غالبية الاراء ذهبت للنقد او الاستحسان قبل ان تعطى فرصة للعمل ان يتآلف مع اذانهم بالسمع واعطاء الفرصة الكافية فالانطباع الاولى لايعنى الدقة وانا ياجماعة تعبته بالسنين عشان اخاطب جيران بلغاتهم ووجدت من الاستحسان ما شجعنى لانجز الكثير من ذلك المشروع ولكن كما قال مولانا هنالك اشياء لن تشعر بالسعادة فيها الا واهلك من حولك وهذا بالتاكيد هو المنى وليس فرضا .. خاصة اذا خرج العمل بالخارج ووجد القبول نشعر بالاستحسان . لماذا لا يخرج مننا للاخر

الاخ عاصم البنا

تحياتي
وارجو انه تتقبل اسئلتي
اعلم انه االفنان بطبعه لما يقدم مجهود للاخرين بيكون في حوجة للتشجيع اكتر من الاسئلة والنقد

فكرة العالمية اخي عاصم موجودة في طي كلماتك ، لانه فكرة المشروع بالاساس كما تفضلت وذكرت هي مشروع الاغنية السودانية العربية اضافة لانه هي موجهة للاخر ، الاخر بالتاكيد هو غير المستمع السوداني الممكن يكون اي جنسية اخرى
غير انه الاغنية في اليوتيوب موضح فيها كدا انه ( محاولة للوصول للعالمية )
ايا كان العالمية سواء خواجات او عرب فهدف توصيل الاغنية لمستمع اخر غير السوداني بتصب في خانة العالمية
يمكن من النقطة دي جاء تساؤلي انه المقصود شنو بالعالمية ! او دعني اقول ماذا يعني مشروع الاغنية السودانية العربية ؟ هل هي اضفاء صبغة سودانية على لحن عربي
اقدر جهودك كمستمعة في محاولة الوصول بالفن السوداني لنقاط اوسع
لكن المسالة مش عدم تألف مع الموسيقى او العمل و كما ذكرت انه الناس ذهبت للنقد او الاستحسان قبل ما تدي فرصة للعمل ،
لانه اخي عاصم العمل الموسيقي ما بحتاج لفرصة للدخول لاذن المستمع ، لانه في الحالة دي ببقا كانه هي محاولة فرض لاذن للمستمع ، العمل الموسيقي بعتمد بالاساس من الوهلة الاولى لاستماعه على انتشاره الرقيق لداخل الاذن بدون اي محاولات اعطائه فرصه لانه بيفرض فرصته براه في الحالة دي
يعني بيكون في حالة تجانس تام من البداية انه ماشي تمام وما فيهو خلل
تماما زي اغنية ناعم العود لما اداها الفنان محمد الامين ، تقبلها المستمع بسلاسة
يعني المسالة ما هي رفض للحن غير السوداني

بقدر ما هي تقبل المستمع لتجانس الاغنية ككل ، كلمات ولحن وموسيقى ، الشيء الحسيت بيهو مفقود في اغنية عصفور ، يمكن رآيك انه تركيزك كان على اضفاء خصوصيتك كمغني سوداني في اغنية عربية الملامح
لكن للاسف كمستمعة حسيت بانك كأنك بتغني اغنية زي ( هل تذكري ايام صفانا) بلحن خليجي
وبرضو ده ما بنفي انه في مجهود مقدر بذل وانه العمل ده ما هو نهاية المطاف وممكن جدا يحصل تجويد اكبر لقادم الاعمال

اسفة للاطالة

مسختو علينا الاغنية بي كترة النقة والتشريح والملاحظات

ياعاصم اسمع كلام الجمهور خليك من كلام الخبراء والتنظير

والجمهور بقول ليك (مبروووك شغل نضيف)

جنابو عمر عثمان نيابة عن الجمهور

الاخت maia لك الشكر والتقدير مرة اخرى على وقتك اولا وثانيا الاغنية لم انزلها انا باليو تيوب بل هو اخى طارق البنا اضاف بعض الكلمات فرحا بها حسب حالته فى تلك اللحظة وهو عكس ما شعرت انت به ... الامر الهام الاخر قدم استاذنا محمد الامين ناعم العود وهى اغنية اصلا مشهورة ولا نملك منها سوى الاداء كما قدمت فى اول البوست من اكثر من مغنى عربى . ثالثا اكرر انا لا اتحدث عن العالمية نهائيا بل اتحدث عن اعادة الحق الضائع فى السلم السباعى فى غنائنا كعرب هل اجرمت ؟؟ رابعا لماذا لا نضع العيب فى اذاننا ووجداننا الذى تالف مع المغنى السودانى منذ قرن من الزمان وهو يتعاطى الخماسى وايام صفانا ...؟ لذلك طلبت فرصة للعمل بتجرد ... انا لم اسمع سوى استحسان من الاخر الذى اخاطبه .. وللعلم لدى ثلاث جهات ذاهب اليها للتقديم فى دبى ولبنان ومصر بناء على طلب الاخر ... اليس من الحكمة ان اطلب مزاملة اهلى فى هذا المشوار خاصة وانى الا اتحدث عن مكسب شخصى كما جرت العادة ... اخيرا النقد فى نظرى لايعنى انطباعك عن العمل لانه متفاوت من شخص لاخر .. وانما هو تحديد الخلل شعرا او لحنا او اداء ثم تحليله .. ولا ننسى اننا شعب خماسى الاذان ولايتفق انك تستمع الى فنانين عرب . فالاستماع جزئى وليس كلى وشى اخر كما للصوت قبول واستحسان فالاذنين خلل ومزاج عام لايرضى التغيير بسهولة .... وصدقينى ان كان هذا العمل نجح فى مهرجان بعينه لاحفلت انت اول الناس ووجد عند القبول الكافى كما جرت العادة لانعرف الاعب المميز عندنا الا بعد احترافه خارجيا او نيل الميداليات وانا حاولت ان اسبح ضد التيار .. ومن يسبح ضد التيار فلابد وانه يغرق ... واعتقد انى غرقت فى اطار المحلية اللتى لاترحم والتى هى غارقة ومنغلقة على نفسها .... ولى من الحق ان اتقدم واسجل لنفسى خطوة ... اما الاخر تاكدى انه لايمكن ان يتعامل مع هذا العمل بطريقة ايام صفانا لانه لايعرفهاااا رغم جمالها الدخلى
واضف لك ولن يعرفها ابد الدهر لان بها خلل مركب ... واذا اعطيته النص مكتوبا يصفق لك محبا له واذا غيرت لحنها تقوم مظاهرات فى السوق العربى ويقولو خرب الاغنية ...

ياجماعة العمل مطروح للنقاش واضافة افكار يمكن اصطحابها فى البقية والمشروع حاليا فيه 7 اغنيات هذه الاولى التى تم تنفيذها اشعر وكانى اجرمت والله لكون الناس متعوده على فى لونية معينة واذا كان السودان يغنى بالخماسى فقط ستجونى يوما اغنى بكل المقامات لانى مؤمن بان الموسيقى ماحقة زول

لك الشكر والتقدير

مودتى

Quote: مسختو علينا الاغنية بي كترة النقة والتشريح والملاحظات ياعاصم اسمع كلام الجمهور خليك من كلام الخبراء والتنظير والجمهور بقول ليك (مبروووك شغل نضيف) جنابو عمر عثمان نيابة عن الجمهور

هييييييييييع جنابو البمرق الحد في السروبة عديييييييييييييل

عافي منك دنيا وآخرة

ولي يا حبوب...
سودانيز ده مشكلتو عاس الابري بي الحلو مر..وإنت الصادق يا وليد والله حرف واحد بعد داك انا قريتو لي عاصم ده ماف..خلاص إتكشف بالنسبة لي ويا قول حافلات الشنقيطي إنت لو عاجباك نفسك نحن برضو العزة فينا:-)
عشان كده انا بحب البدلة البيضا والشبشب الأبيض بحس بيهم بيدو الزول طاقة وهمية كده..

تخريمة
يامان في جزم ملونة موووت رسل المقاس وشوف اقرب زول جاي عليكم..العرض ده ينتهي بنهاية البوست ده

Quote: تخريمة يامان في جزم ملونة موووت رسل المقاس وشوف اقرب زول جاي عليكم..العرض ده ينتهي بنهاية البوست ده

100%

لو في زول تاني مكركب معاك اشر لي
عشان ارشو ليك
وترسل مع الجزمة بنطلون وقميص


________
41 يا معلم 41

الاخ عاصم

انت لم تجرم وما في زول قال كدا ، العفو والله ، على العكس اكدت في مداخلتي اكتر من مرة انه يظل الاحترام والتقدير لكل مجهود ببذل في سبيل الاغنية والفن الجميل
يمكن اكون ما زولة مثقفة موسيقيا وكتبت رأي من خلال اني مستمعة فقط ، عذرا يمكن اكون فهمت غلط وانه العمل مطروح للمستمعين العاديين انه يكتبوا ارأئهم حسب ما يتوفر لهم من حس فني عادي للموسيقي باعتبار انهم غير اكاديميين
لكن ابدا ليس هناك تقليل من شأن مجهودك وامكانياتك وحلمك في تنفيذ مشروعك

بس اسمح لي اعلق على جزئية انه العمل لو نجح في مهرجان عربي ودولي ساكون من المحتفين به من مبدأ انه المعترف به لدى الاخر يجد القبول على الفور
الامر ليس كذلك اخي عاصم ، في النهاية الموسيقي والفن ما بتحتمل فكرة ان تكون تابع او امعة في اعجابك به لمجرد ان الاخر اعجب به
لانه هي مسالة احساس وتذوق فني بالعمل نفسه وتفاعلك معه وما بتخضع لمقاييس الغير ومدى اعجابهم بيه


تمنياتي لك بالتوفيق والنجاح وان نرى اسم عاصم البنا عاليا في سماء الفن التي لا حدود لها لانه ده اكيد شيي بيسعد كل زول محب للفن والموسيقي

لك التقدير

Quote: ود البنا أحلى الكلام ما لم يقال ,,, لذا لن اقول بل اظل انهل شهقة شهقة ولا أستفيق ,,,,,, صاحب البوست شكرا لأنك أتيت بالجمال تحياتى ,,,

الأخت منال،
لك الشكر على المشاركة..
بالفعل أحلى الكلام لم يُقَل بعد..

مودتي.

لكل مجتمع ثقافته الخاصة التي استلهمها من بيئته وأكتسبها في الصراع مع الثقافات الأخرى ، وهو يتبناها ويفتخر بها حتى وان كانت تحسب عند ثقافة أخرى غثاءً وتخلفا، ولا يمكن أن نلوم أحد على ذوقه وإجباره على تغييره أو نسخر من ثقافته وتراثه، ومن ضمن هذه الثقافة الأغاني وما يرتبط بها من لحن وموسيقى ، وما يطرب هذه المجتمع ويهزه ويلامس وجدانه ليس بالضرورة أن يكون له نفس التأثير على مجتمع آخر، وينطبق هذا القول على الأفراد داخل المجموعة الواحدة فما يطرب أحدهم يصم يدير الآخر ظهره عند سماعه وينأى عنه لأنه لا يحتمل سماع هذه الكلمات أو ذاك اللحن ويعتبره نشازا ، وهذه غرائز وأحاسيس داخل الإنسان يحكمها الوجدان والذوق والحالة الاجتماعية والنفسية للمستمع . والأغنية التي لا تطرب الشخص في وقت ما يمكنها أن تثير مشاعره وتلامس وجدانه في وقت آخر فيما إذا تغيرت تلك الظروف الإجتماعية والنفسية وتناغمت معها كلمات الأغنية و لحنها فتولد في دواخله لذة وانتشاءا وفرحا فيتراقص معها طربا وحبورا ، وينسحب هذا الحديث على مختلف أنواع الفنون بين الثقافات المختلفة وداخل الثقافة الواحدة . والبعض لا تهمه جودة الموسيقى أو الكلمات وإنما يضع رأيه في الأغنية لأن ذلك المتلقي لا يعجبه الفنان عندما يتحدث او طريقة لبسه و تسريحة شعره فيصبح هذا السلوك حاجزا للاستمتاع بأغانيه ، وبعض المستمعين يكون قد وضع رأيا مسبقا في مطرب ما لان أول أغنية استمع لها منه لم تهز مشاعره أو تطربه أو كان هذا المطرب منافسا لفنان يحبه ويعشقه فينسحب حكمه هذا على بقية أعمال هذا المغني.

نواصل

أذكر وأنا في صباي كنت أستمع إلى أغاني الفنانين الشباب آنذاك وكان منهم نجم الدين الفاضل ولقد أطربتني كثيرا أغنيته قطع السكر بالرغم من أن بعض النقاد كان يهاجمها كثيرا بحجة إنها أغنية هابطة ،وكان يهزنا الطرب عند الاستماع إلى الفنان إسماعيل حسب الدائم وأغانيه خاصة (أديني رضاك قدامي سفر وأكون سواح) ولا أنسى كذلك الفنان مجذوب اونسة وأغنية (الريد الريد يا أهل )، وكنت أتضايق كثيرا عندما يأخذ والدي الريكودر الوحيد (المسجل) ويستمع إلى الفنان أحمد المصطفى والذي كنت لا أطيقه غنائه في ذلك الوقت ولكن لاستماعي المتكرر والإجباري للفنان أحمد المصطفى منتظرا الوالد حتى ينتهي من طربه لأظفر بذلك المسجل بغية الأستماع لتلك الكاسيتات التي اقتنيتها بعد ربط أحزمة البطن وتقليل المصروفات استوعبت موسيقى وألحان هذا الفنان وهضمتها جيدا فأصبحت لا اسمع غيره لا سيما بعد أن أدركت أن أغنية (سفري) والتي تغنى بهما الفنان عبدالوهاب الصادق في حفلة زواج بمدينة بارا والتي هزتني كثيرا هي لذلك الفنان القامة وكذلك أغنية (تمر أيام) والتي استمعت لها أيضا من الفنان عبدالوهاب الصادق، وتواصل حبي وعشقي للفنان أحمد المصطفى في الفترة التي كنت فيها في مدرسة خور طقت الثانوية و كنت وقتئذ لا أستمع لأغاني الفنان محمد الأمين حيث أن أغنيته (تتعلم من الأيام ) كان يعشقها معظم الطلاب في ذلك الوقت، تأخذ كل وقت الفسحة والتي كانت مدتها الزمنية عشرين دقيقة ولا يسمح الزمن ببث أغنية أخرى معها من إذاعة المدرسة ،وكنا نحن عشاق أحمد المصطفى لا تشجينا هذه الأغنية ولا تحرك شيئا في وجداننا لأنها كانت تحرمنا من الاستماع لأغاني أحمد المصطفى ، وهذه الأغنية لامست وجداني بعد ذلك ومعها درر محمد الأمين الأخرى بعد أن زالت تلك الحواجز وأصبح هنالك متسعا للوقت للاستماع لأحمد المصطفى ومحمد الأمين وغيره من الفنانين ، أما الفنان عثمان حسين فكنت لا استمع إليه نهائيا حتى زارني الأخ العزيز صديق الأصم ومعه كاسيت للفنان عثمان حسين و قصاصة عليها كلمات أغنية لا تسلني مكتوبة حتى يلفت نظري لكلمات أغاني هذا الفنان القامة فاستمعت إليها بكل حواسي فأحتوتني هذه الأغنية كلمة ولحنا وموسيقى ومن بعدها أغنية (من أجل حبي) فكانت هذه بداية استلطافي لعثمان حسين الى ان وصلت حد الثمالة . فأغانيه التي كانت لا تشجيني صارت بلسما للقلب حينما جرح مرة ، وجميع هؤلاء الفنانين الذين كنت لا أطيق سماعهم في صغري لم أتجرأ يوما عليهم في ذلك الوقت وأقول أن صوتهم غير جميل أو أن أغانيهم فيها قصور في الموسيقى أواللحن ، بل كنت احترمهم لأنهم اهدوا سعادة وفرحا وطربا لأشخاص آخرين وكان ذلك يسرني وأظن أن ذلك كان وعي مبكر بهذه الفكرة واحتراما لذوق الآخرين . و ثمة كثير من المغنيين لا يطربني ولا أحب أغانيهم اليوم غير أني احترمهم واقدر فنهم لأنهم أهدوا فرحا ومنحوا طربا لغيري وبذلوا جهدا في تلك الأعمال و استثني من ذلك الاحترام تلك الأعمال الهابطة والجارحة للذوق والقيم والأخلاق .
نواصل

تحياتي وسلامات عزيزي سفيان
عليك الله هسع كان ما شلاقة مننا ساااااى كدا ،
الواحد يجي يتكلم ( بنفس مفتوحة ) كدا في الغناء والبوست فيه أنتم يا معشر الفطحل

Quote: عمنا) عاطف - والله أنا كدا بكون مرتاح شديد بمخاطبتك و كتر خير اخونا - ياخ أنت كلامك بتاع هل فى غناء عربي و ماهو ؟ ياخ دا كلام صعب و اهو أنا برضك في مداخلتي و ردي لاخونا عمر الفاروق كل مرة الف و ادور و اقول (الشعوب السودانية) هسى أنت طاااخ عايز بسوالك دا تودينا الحته الأنا ما عايز اناقشه و كل العايزوا أني اتعامل مع الغناء و المزيكا باعتبار أنها للغة عالمية (زي ما قال اخونا الصادق إسماعيل - فى النقطة دى اعملوا حساب الصادق دا ما يفتح فيها نيران) . المهم سوالك دا اجابتو و اضحه في الموشحات و في تلحين الأشعار العربية النحوية و غنائها غير دا كل الغناء البتغني هو غناء بالعربي المحلي للمغنيين . اها أغنية عاصم دي ممكن انا اعتبره اغنية باللغة العربية النحوي (اوعه يا عمر تجي تقول لي اعرب ) ، كذلك ممكن تلقي البعض عند بقية الفنانين العرب . اها كلامك دا حينقلنا نقله عجيبة في البوست لو البفكر فيهو دا حصل بعد شوية . الله يستر ..! و تحياتى و تصل بالسلامة .

( تصالحت ) منذ زمن مع يا ( عمنا ) ويا ( خالنا ) ،
فعندما ( تقلب صفحة ) نصف القرن من عمرك تجد نفسك مهيأ لـ ( جدو ) ذات نفسها خاصة إن كانت ذريتك الأول ( بنات ) كما هو حالي .

وفي الموضوع

صدقني ما يجول بخاطرك يجول بخاطري وتلك المناطق التي تقود لتلك النقلات الجوهرية للبوست
لذلك تجدني في مد وجذر أن هل هذا البوست - الذي قصد مولانا أن يكون إحتفائياً- هل هو المكان المناسب للمناقشة ؟؟
يعزز هذا التردد مداخلة جنابو عمر عثمان بأن ( صه يا متحذلقة ) ودعونا نستمتع بالعمل
حاولنا ألا نفسد للإحتفاء ألقه لكن في غير تنازل عما نرى صوابه فعذراً إن جاءت كلماتنا - دبشية - ( طااااخ )
فقد علمتنا معارفنا الرياضية منذ عهد الطلب أن ننظم ( معطياتنا ) لنصل بسهولة ويسر لـ ( المطلوب إثباته )
( الطاقة ) إنفتحت على كل حال
سوف نجد أنفسنا نناقشها ذات بوست فلم نتعود إستعجال النتائج
وظني أنه سوف يكون نقاشاً ماتعاً


كن بخير

Quote: صدقني ما يجول بخاطرك يجول بخاطري وتلك المناطق التي تقود لتلك النقلات الجوهرية للبوست لذلك تجدني في مد وجذر أن هل هذا البوست - الذي قصد مولانا أن يكون إحتفائياً- هل هو المكان المناسب للمناقشة ؟؟ يعزز هذا التردد مداخلة جنابو عمر عثمان بأن ( صه يا متحذلقة ) ودعونا نستمتع بالعمل حاولنا ألا نفسد للإحتفاء ألقه لكن في غير تنازل عما نرى صوابه فعذراً إن جاءت كلماتنا - دبشية - ( طااااخ ) فقد علمتنا معارفنا الرياضية منذ عهد الطلب أن ننظم ( معطياتنا ) لنصل بسهولة ويسر لـ ( المطلوب إثباته ) ( الطاقة ) إنفتحت على كل حال سوف نجد أنفسنا نناقشها ذات بوست فلم نتعود إستعجال النتائج وظني أنه سوف يكون نقاشاً ماتعاً

شكراً يا(عمنا) و بالجد النقاش دا حيتفتح ح يتفتح
لانه لابد منه .
ولا اظن أن هذا مقامه لكن كتير من المداخلات هنا
سيحسمها زي النقاش المسكوت عنه دا .
و يا سيدي المسكوتات دى هي الغطست حجرنا .


تعرف أنا هسى برد عليك و حارس ليك ود القرشي الفوق دا
حراسه شديده ياخ الزول دا اظنو بتكلم عنيً أنا بالضبط
ياخ محمد الأمين بعظمتوا دى كلها انا كنت ما بحب اسمعو
مش عشان بكرهو لا لا بس عشان ما بقدر اسمع معاهو محمد
ميرغني !!!؟

المهم كدى النقعد كويس عشان نعرف و نتعلم.

كن بخير يا صاحبي .

مما تقدم يمكنني القول بأن ما يُطرب زيدا قد لا يطرب غيره ، وبعض الأغاني تحتاج وقتا وصبرا وحدثا وظرفا ملائما لتُطرب ،إذن فالحكم من أول مرة على نجاح أو فشل أي عمل غنائي دائما يجانبه الصواب ، فثمة أغاني منسية لم تجد أذنا صاغية في وقتها ولكن اليوم أصبحت من الأغاني المشهورة والمسموعة وأيضا هنالك بعض المطربين لم يحالفهم التوفيق في حياتهم ولكن بعد رحيلهم بسنوات أصبحت أغانيهم تردد دائما في كل المناسبات وتطلب في البرامج الإذاعية بصوتهم أو في الحفلات الخاصة والعامة بصوت مطربين آخرين.
دائما كل تجربة جديدة في الغناء يصعب استيعابها وهضمها من أول استماع خاصة إن كانت التجربة ضمن السلم السباعي والذي لا يتغنى به السودانيون ولا يطرقونه إلا نادرا ، لذلك التقييم المتسرع للأعمال الجديدة لا يتعدى كونه انطباعا شخصيا يمكن الاتفاق أو الاختلاف حوله ،واستماع بعض الشعب السوداني إلي الغناء بالسلم السباعي قديم حيث كان بعضهم ينتظرون حفل أم كلثوم الشهري على إذاعة صوت العرب للاستمتاع بالجديد من أغانيها ، ولقد اندهشت السيدة أم كلثوم للاستقبال الكبير الذي وجدته في مطار الخرطوم خلال الستينات من القرن الماضي واحتفاء المستمع السوداني بها وبأغانيها فأكرمته بغناء رائعة الهادي ادم (أغدا القاك)، أيضا عشق الشعب السوداني عبدالحليم حافظ وفيروز وأغاني صباح وفريد الأطرش وعبدالوهاب كما أن بعض الفنانين تأثر بالغناء المصري ولقد ذكر ذلك الفنان احمد المصطفى حيث قال انه كان يداوم على مشاهدة الأفلام التي كان يغني فيها عبدالوهاب،وتغنى له برائعته (عندما يأتي المساء)، ولقد لحن الفنان العاقب محمد الحسن أغنية هذه الصخرة في السلم السباعي وغيرها من الأغاني. أيضا تغني أحمد الجابري بأغنية لسيد درويش وأدخل السلم السباعي في بعض مقاطع أغنية هات يا زمن كما أدخله الفنان أحمد المصطفى في أغنية الليلة ما جاني ولقد تغنى الفنان محمد الأمين بأغنية يا ناعم العود يا سيد الملاح وهي من الأغاني الخليجية المشهورة ولقد استمعت إليها بصوت الفنان الكويتي حسين جاسم والفنان طلال المداح والفنان محمد عبده والأمثلة كثيرة في هذا المجال ، وأيضا استعان بعض المخرجين المصريين بالفنانين السودانيين في أفلامهم لتقديم أغنيات بالسلم الخماسي حيث شاهدنا الفنان أحمد المصطفي في فيلم وهبتك عمري وهو يغني مع صباح أغنية رحماك يا ملاك وسيد خليفة يغني المامبو دا سوداني في فيلم تمر حنة وهي من كلمات الشاعر عبدالمنعم عبدالحي وإبراهيم عوض في فيلم إسماعيل يس طرزان حيث تغنى بأغنية (أظهر وبان) وأظنها أيضا من كلمات عبدالمنعم عبدالحي والحان برعي محمد دفع الله وبعد عرض الفيلم استفاد إبراهيم عوض من ذلك اللحن الجميل ليغني به أغنية أعز مكان وطني السودان وهي من كلمات سيف الدين الدسوقي ، أما في مصر فلقد تغنت شادية بأغنية في السلم الخماسي صادفت نجاحا باهرا في مصر وهي أغنية (يا حبيبي عود لي تاني) وهي من كلمات فتحي قورة وألحان منير مراد ويقال أن الفنانة شادية طلبت تلحينها بالسلم الخماسي عند زيارتها للسودان سنة 1960 ولم يتسن لي التأكد من هذه المعلومة ، أما عبدالوهاب فلقد ادخل السلم الخماسي عند ذكر اسم السودان في أغنية (الاما الخلف بينكم الاما) وتسمى أيضا أغنية السودان وهي من كلمات الشاعر احمد شوقي . وفي الخليج تغنت فرقة ميامي بالحان سودانية فوجدت نجاحا وقبولا في تلك الدول. ولا أنسى المطربة الشابة زينة أفثيموس واغنية اسمر جميل للفنان الكاشف والتي تغنت بها لوحدها ومرة أخرى ثنائي مع المبدع عاصم البنا
نواصل

Quote: وأيضا استعان بعض المخرجين المصريين بالفنانين السودانيين في أفلامهم لتقديم أغنيات بالسلم الخماسي حيث شاهدنا الفنان أحمد المصطفي في فيلم وهبتك عمري وهو يغني مع صباح أغنية رحماك يا ملاك وسيد خليفة يغني المامبو دا سوداني في فيلم تمر حنة وهي من كلمات الشاعر عبدالمنعم عبدالحي وإبراهيم عوض في فيلم إسماعيل يس طرزان حيث تغنى بأغنية (أظهر وبان) وأظنها أيضا من كلمات عبدالمنعم عبدالحي والحان برعي محمد دفع الله وبعد عرض الفيلم استفاد إبراهيم عوض من ذلك اللحن الجميل ليغني به أغنية أعز مكان وطني السودان وهي من كلمات سيف الدين الدسوقي ، أما في مصر فلقد تغنت شادية بأغنية في السلم الخماسي صادفت نجاحا باهرا في مصر وهي أغنية (يا حبيبي عود لي تاني) وهي من كلمات فتحي قورة وألحان منير مراد ويقال أن الفنانة شادية طلبت تلحينها بالسلم الخماسي عند زيارتها للسودان سنة 1960 ولم يتسن لي التأكد من هذه المعلومة ، أما عبدالوهاب فلقد ادخل السلم الخماسي عند ذكر اسم السودان في أغنية (الاما الخلف بينكم الاما) وتسمى أيضا أغنية السودان وهي من كلمات الشاعر احمد شوقي . وفي الخليج تغنت فرقة ميامي بالحان سودانية فوجدت نجاحا وقبولا في تلك الدول. ولا أنسى المطربة الشابة زينة أفثيموس واغنية اسمر جميل للفنان الكاشف والتي تغنت بها لوحدها ومرة أخرى ثنائي مع المبدع عاصم البنا

متابعة
شكراً يا دكتور

متابعين يا دكتور







تليشة:
على المستوى الشخصي طبع وجداني السلم الخماسي
ويمرقه مني الجليل غايتو

شكرا عزيزي عاطف عمر واليك أغنية يا حبيبي عود لي تاني بصوت الفنانة شادية

ولك كل الود والتقدير

حباااابك يادكتور ... لميت ليكم فى اول انطباع عربى عن الاغنية وحا اديهو لى سيد البوست ينزلو محل مايعجبو ..... احمد القرشى شخصيا هذا فخر لنا

محبتى
ومودتى

Quote: ولي انا من دخلت البوست دا من اول ... ياخ الما سمع بي سماعتي ما سمع ذااااتو .. قلت لي زميلي معاي في المكتب تعال تعال اسمع .. قال لي دا كاظم الساهر .. قلت ليهو دا عاصم صرخ صريخ ... مبالغة مبالغة يا ود المرتضى .. ويا عاصم ابداع حقيقي ... بالتوفيق دوما

عزيزتنا إنعام سلام،

1- تاني ما تتأخري ..
2- الظاهر سماعتك Bose وهي سماعات ما بتتلحق..
3- عاصم مبدع والفكره لاتقتصر على هذه الأغنية التي قلت رأيي في جزئية منها لصاحبها لكننا نتحدث
عن مستقبل مضمون الفكرة (المشروع) يا إنعام والتي يريد عاصم أن يوسع بها ماعون الأغنية المسموعة
محليا وإقليميا ونتمنى أن يعبِّد عاصم هذا الطريق الشائك حتى يسهل على الأجيال القادمة العبور من
خلاله إلى مساحات أخرى.

شكرا إنعام..

ياجماعة قلنا الخماسى حاليا اصبح حلية لدى العرب للخروج عن رتابة الالحان وتكرار اللونية الواحدة امد بعييد..

نحن اصلا خماسيين لما نغنى السباعى حانطلع فى الكفر بس نقدمو كيف دى اللعبة زاااااتا ... فاليكن غير مقبولا حاليا للخماسيين .. أ غدا القاك ؟؟

ياربى لو اتغنت بالخماسى كان فى حد عببر الهادى ادم ..؟ وين مصطفى سند واين البقية اتخمسو فى خبر كان ولم تبقى منهم الا احبار اقلامهم بعدما جفت.. ولا فى زول خمس ليهم حاجا

الفنان إبراهيم الكاشف كان قد لحن أغنية الشوق والريد من كلمات الشاعر السر أحمد قدور واشتهرت بهذا اللحن ولدى زيارته لمصر تم تغيير لحن الأغنية وإعادة توزيعها وتنويتها وإدخال كورس نسائي مصري عليها بالتعاون مع بعض الموسيقيين المصريين وتم تسجيلها لإذاعة ركن السودان بمرافقة اوركسترا مصرية كاملة و عند عودته إلى السودان قال له بعض العازفين إن اللحن الأول أجمل وأروع من اللحن الجديد ومنذ ذلك التاريخ لم يقدم الكاشف هذه الأغنية باللحن والتوزيع الجديد لجمهوره ، وبعدئذ توارى ذلك اللحن عن مسامع عشاق الكاشف، وفي عام1991 التقيت صدفة بالعازف بدر التهامي - له الرحمة - في البص وهو في طريقه للأبيض لزيارة أسرة باهي نور فاستفسرته عن دواعي غياب بعض الآلات الموسيقية عن الاوركسترا السودانية مثل الشيلو والقانون والكاونترباص ولقد كانت في السابق جزءا من الاوركسترا السودانية التي ترافق الفنانين فقال لي إن العازفين لا يفضلوا هذه الآلات لأنها يصعب حملها والتحرك بها من المنزل إلي الإذاعة أو إلى موقع الحفل فتحول عازفوها إلي الكمان فاختفت هذه الآلات من الاوركسترا السودانية منذ فتر طويلة إلا نادرا ، ولقد حمل الفنان مصطفى سيد أحمد بعض العازفين السودانيين المسئولية في عدم تطور الأغنية السودانية وذلك لكسلهم وعدم صبرهم على البروفات التي تقام للأغاني الجديدة التي يقدمها الشباب وكان دائما يقولون لهم ( غنوا المسموع) حيث قال في كتاب أهل المغنى والذي ألفه الأستاذ يوسف الموصلي صفحة 24 ( من أول احتكاكاتي بالوسط الفني تبينت الصعاب التي ستواجهني، وكبار العازفين آنذاك يساعدون كثيرا في تثبيط الهمم عند الشباب لعدم رغبتهم في القيام بمجهود لتوقيع أعمالهم الجديدة ، فدائما في الإذاعة وفي التلفزيون وفي المسرح القومي يتذمرون من توقيع الجديد بل ويسخرون منه قبل سماعه ويطالبون أن تغني المسموع ، فالعامل بأوركسترا الإذاعة والتلفزيون يقبض مرتبه كموظف ، والحفلات الخاصة أجورها سخية وغناؤها مسموع ومكرر وكانوا حواريين حول كبار الفنانين وبعبارة (غني مسموع) كانوا يؤسسون ظاهرة التقليد ويجهضون المقدرات الجديدة ) ويواصل الفنان مصطفى سيد احمد في صفحة 25 قائلا ( ففي مهرجان الثاني (مهرجان الواعدين) هنالك من الفنانين في لجنة التقييم من أعطى لأغنية مجازة نصا ولحنا وأداءً ونفذت بأوركسترا منتخبة من القائمين بشئون الموسيقى والغناء هنالك من أعطاها صفر من عشرة .) انتهى. ومن هذا المفهوم وئدت تجربة الفنان إبراهيم الكاشف في مهدها . أيضا هنالك بعض الأغاني رفضتها لجنة النصوص لأسباب رأتها في ذلك الوقت لكنها وجدت نجاحا وقبولا بين المستمعين ، ولقد ذكر الدكتور عوض إبراهيم عوض في كتابه عن الإذاعة إن أغنية صدقيني كان قد سجلها الفنان عثمان حسين للإذاعة ولكن لجنة النصوص رفضت هذه الأغنية فلم تبث منذ تسجيلها في ستينات القرن الماضي وفي سنة 1979 وجدت الأستاذة سهام العمرابي هذه الأغنية في مكتبة الإذاعة فبثتها من خلال برنامج كانت تقدمه في ذلك الوقت فصادفت الأغنية نجاحا منقطع النظير وصارت تُطلب باستمرار في برنامج ما يطلبه المستمعون .

نواصل

متعكم الله ياخ،
بالله يا نابري ما تدفر :)

Quote: متعكم الله ياخ، بالله يا نابري ما تدفر :)

يا صاحبي ادفر شنو أنا ما داير اتلفت ذاتو
مركز تركيز شديد كان اتعلم .

الموضع بداهو ود المرتضي بدهشة
هسى الدهشة قلبت فصل مدرسي رسمي
غايتو ما اظن فى زول مبسوط قدري .


يا فردتنا شفته من أغنية و صلنا و ين؟
بالمناسبة رد علي موضوع الاصبع ياخ الموضوع
دا الوالدة تعبتنى بيهو ، يا ترد يا ما تظهر
في القنوات دي اوكى ؟

العزيز طارق جبريل

شكرا للمتابعة

واتمنى ان يكون الوالبد قد بلغ الصحة والعافية

ولك كل الود والتقدير


الرائع دوما سفيان نابري

سعيد جدا بك وانا من المتابعين دائما لكتاباتك الرائعة

وهنالك اشياء كثيرة مشتركة تجمع بيننا

مودتي

أبوحسين،

ألفين سلام يا العزيز ،
لك شكري على الإهتمام والزيارة..
أرجو أن تتابع ما سيأتي ..

محبتي.

هسه انا اقول شنو واعمل شنو
دخلت البوست كثيرا وكل ما ادخل بسمع الاغنية اكثر من تلاتة مرات
لانها محاوله جيده جدا جدا
على كل حال محمد المرتضى حامد مابجيب شيتن شين
راقي حتى في انتقاء الاصدقاء دا لو متابعين وملاحظين معاي ومنهم دكتور القريش وطارق (ابو الفن) ولؤي
موش قالو البجاور السعيد بسعد اها ونسة ساكت مع الناس اضانو بتكون اتعلمت السمع النظيف


.
.
نقطة سطر جديد
كثيرا انتقدت هنا الفنان عاصم البنا امكن في بعض الاعمال
لان اخونا عاصم حسب متاباعتنا له منذ بداياتة
يستعجل كثيرا ولم يحالفة الحظ في بعض الاوقات وتكون خصم عليه
وهذا لايمنع انه شاب متطور ومثقف فنيا
رسالة للاخ عاصم
سبق وقدمت اعمال بالعود للراحل ابو داؤود وكانت في قمة الروعة اداء وتطريب عالي
وهذا العملاق او الهرم الفني من الصعب الوصول الى قمة تطريبة
وقبلها سبق تقابلنا في حنة العريس صديقنا جمال فرفور في البيت وكنت انت تغني بالعود
ومعنا فنان الصبابي المرحوم ميرغني
وذكرت وسمعت لك كل الاغاني التي ردتها وخاصة اغنية ( عودتني غيابك )
ودي انا برضو بعتبرها من اصعب الاغاني التي اجدتها اجادة تامة حتى ردك لي انت من وين جبت الكلام دا
هذا يدل على انك زول محل اهتمامنا واذا حصل تقصير اكيد برضو لم تسلم من النقد
وقليل من الاعمال لم تنجح بها امام التلفزيون برضو الواحد بيعزي مثل هذه الاشياء على فترة البروفات
وعدم الجاهزية لذلك كثيرا كنت اقول واناشد عن الابتعاد عن برنامج اعاني واعاني لانه خصم الكثير منك انت شخصيا


نقة نقة نقة علي قول عمر جنابو كرهتونا الاغنية والفنان محمد عبده زاتو
اها عشان تأمنو وتقتعوا بس ومافي واحد يقول لي شن عرفك في السلم السباعي اقل فنان هنا بجينا كان محمد عبده وطلال مداح
يعني بتاع البوفيه بتاعنا بفهم في السلم السباعي وبنسمع موسيقى وبنسجل من تصبح الى ان تصبح تاني


يا ود البنا الاغنية عجبتني وادهشتني كما ادهشت محمد المرتضى
وشامي فيك ريحة الفنان ( ابوبكر سالم بن فقية )
وياريت لو مره تزورنا ونعرفك بالناس دي طبعا دا لو عندك رغبة
وان شاء الله ما ح نقصر معاك وحسابنا كله مع صاحبك سفيان نابرى

Quote: لو في زول تاني مكركب معاك اشر لي عشان ارشو ليك وترسل مع الجزمة بنطلون وقميص ________ 41 يا معلم 41

في زمتك ياوليد في حارس مرمى بيلبس مقاس 41 ديل من خمسة واربعين ولي فوق
طيب ناس محمد المتوكل ووليد معني يلبسو كم
ياولي مره سقت معاي وليد معني الجامعة قلت اقشر بيه
الجكس قال لي انت وليد ودا وليد بالله
انت كمان ياوليد ماتهظر وتقول بتلبس مقاس 41

(( ونفتخر باننا اقرب اللهجات للضاض))

والضاض دى خماسية ول سباعية؟

اخى الحبيب الدكتور احمد القرشى....... اصوغ كلماتى عسى ان تعبر عن فخرى واعزازى بك يا ايها الرجل الذى ادهشنى جمالا وكنز لايحصى ... تركتنا نهدا ونتنسم عبير تلك الفترة يغشانا فى الرايحة والجاية .... كم وكم من ماسى وتجارب حدثت لنا وكم من رفض وكم من قبيح سمعناه من جاهل غشيم وكم من ثناء غامر يغمرك بالسعادة والابتسام سمعنا ... ولكنى ياصديقى هذه القضية لم ارى مثلها ولا فى الكتب .. لانها متجزرة وضاربة فى اعماق الوجدان ولا اعتقد سوى الزمن توجد كفالة للتاكيدها ... فى كل ما ذكرت كان الفنان سابقا جيله بعشرين سنه ضوئية وبعد مماته تدرس فنونه وتظهر له عبقريات ... لماذا ؟؟ يا احمد زمان كنا بندرس حصة موسيقى فى المدرسة دو رى مى .. انا كنت بشوف الاستاذ اهبل اهبل زى العوير .. وكنت بعزف باجادة تامة 7 الات باتقان وتنافس مع زرياب برعى محمد دفع الله متنافسين فى الدورة المدرسية على لقب الطفل المعجزة ... كنت لا ارضى ان استمع الى حصة الموسيقى والسبب انى تعلمت الغناء والموسيقى بدون اسس علمية فى حوشنا وكان لى نوعية محددة من الطرب الذى يحركنى فانا اعلم تماما انه ليس من السهل تقبل الغريب الجديد الشاذ عن القاعدة السمعية وا اتفق معك يوما ما سنعزف لحنا انسانيا .. المهم التواجد والتكرار

التحقت بالاتحاد (الاتحاد العام للمحن الموسيقية)(قاصده) كان عضوا فى لجنة القبول الاستاذ محمدية متعه الله بالصحة والعافية كان يناصحنى كمتسب جديد قال لى احمد المصطفى كان لا يغنى اغني جديدة الا كل ثلاث سنوات تقريبا وكان يلف بها الارجاء لتحفيظ بعد تسميع للجمهور ثم ياتى باحرى

فلا بد من تكرار الامر

مودتى

عاصم البنا فنان مجتهد ومثابر ، الفن عنده ليس مهنة ونغما في جيناته فحسب وإنما قضية تبناها وهواية عشقها ورسالة يبذل الجهد دائما لإيصالها للمستمعين ، وهو يحرص دائما على اختيار المفردات والكلمات التي يتغنى بها ، ولم يعتمد على ترديد أغاني الآخرين فقط بل له الكثير من الأغاني الخاصة والتي لاقت نجاحا وقبولا بين المستمعين ، واستطاع بهذا الجهد المبذول كسب قاعدة عريضة من الجمهور .
أغنية عصفور هي تجربة جديدة خاضها عاصم البنا وقد يستسيغها ويستلطفها بعض المستمعين وبعضهم قد لا تعجبه الأغنية أو يطرب لها وينسحب هذا القول على جميع ميادين الفن والغناء ، وقد تجد القبول اليوم أو بعد حين ،وربما لا تحظى بذلك النجاح المنشود . الرأي عندي هو أن النجاح والفشل في الفنون شئ نسبي ، والحكم عليها بالفشل في هذه المرحلة سابق لأوانه (premature.) فلا يوجد ثمة معيار لتصنيفها بكل دقة بكونها ناجحة كانت أم فاشلة ، فأحيانا استساغة أي عمل غنائي يمكن أن يحدث بتكرار الاستماع والبث من الأجهزة الإعلامية ، وهذا ما تتحكم فيه عوامل الإنتقاء المعرفي والتي تعتمد على الحدة والتكرار(intensity & frequency )، فهنالك بعض الفنانين كانوا يرفضون تماما بث أغنياتهم في الوقت الميت (منتصف النهار) لأن معظم المستمعين في هذا الوقت يكونون في دوامهم ، لذلك سمي بعض المطربين ( بفناني الساعة 12) ، ولقد ظُلموا كثيرا من قبل الإذاعة السودانية في ذلك الوقت ،ولم تصادف أغانيهم نجاحا يذكر إلا مؤخرا بعد أن رددها بعض الفنانين الشباب أو في البرامج الإذاعية والتلفزيونية التي تُقدم تخليدا لذكراهم ، ولا أظن أن الكثير من القراء يستحضر أغنية للفنان الأمين علي سليمان ، الفنان خالد محمد احمد أو الفنان حسن ضرار ، وفي وقت مضى كانت هنالك مسابقة لأجمل أغنية في الموسم ، يشارك فيها بعض الفنانين ، يتم اختيارها من قبل حاضري المسابقة . وكان هنالك برنامج (ما يطلبه المستمعون) وكان معيار نجاح أي عمل غنائي وقتئذ كثرة المطالبة به من قبل مستمعي البرنامج .
إن أغنية عاصم البنا(عصفور) هي تجربة أولى خاضها وبذل فيها مجهودا مقدرا ،وقد حازت على قبول الكثيرين ممن استمعوا إليها ،فإن صادفت نجاحا فهذه هي الغاية المبتغاة وإلا فهي مجرد بداية يمكن أن يعوّل عليها لتلافي السلبيات وأوجه القصور ولذلك ينبغي أن نفرد إليها مساحة زمنية وبعدئذ يمكن الحكم عليها ونقدها على أسس موضوعية وفقا لمعطياتها الفنية.
شكرا عزيزي عاصم البنا على هذا المجهود الكبير وأتمنى أن تجد هذه الأغنية النجاح والقبول من المستمع السوداني وان تستصحب معك الأراء الموضوعية ايجابية كانت أم سلبية في هذا البوست لتستفيد منها في أعمالك القادمة.
شكرا عزيزي محمد المرتضى لإتاحتك لي هذه الفرصة
.

Quote: لكل مجتمع ثقافته الخاصة التي استلهمها من بيئته وأكتسبها في الصراع مع الثقافات الأخرى ، وهو يتبناها ويفتخر بها حتى وان كانت تحسب عند ثقافة أخرى غثاءً وتخلفا، ولا يمكن أن نلوم أحد على ذوقه وإجباره على تغييره أو نسخر من ثقافته وتراثه، ومن ضمن هذه الثقافة الأغاني وما يرتبط بها من لحن وموسيقى ، وما يطرب هذه المجتمع ويهزه ويلامس وجدانه ليس بالضرورة أن يكون له نفس التأثير على مجتمع آخر،

إستهلال بريع لمداخلة وضيئة
ظني أنك لو وضعت نقطة في نهايتها لكانت مداخلة كاملة المعنى وافرة الفهم
كما ذكرت لـ سفياننا
لا تزال في النفس أشياء من حتى
لكنني كما أسلفت القول في أول تداخل ، تعاف مني النفس الحديث إن هى رأت نفوراً عند السامعين أقلهم أو بعضهم

تحياتي وتشكراتي للسياحة الماتعة عزيزي د. القرشي وتشكراتي للهدية اللطيفة
أملي أن ألتقيكم لذات الموضوع في ( ذات بوست ) إذا أمد الله في آجالنا

أخي عزام ،

لك الشكر على إسهامك بالرأي حول التجربة ونتمنى أن نفيد من وجهة نظرك أيضا في النماذج
الآتية والتي تختلف من حيث اللحن والكلمات ..

تسلم يا عزيز.

Quote: ولذلك ينبغي أن نفرد إليها مساحة زمنية وبعدئذ يمكن الحكم عليها ونقدها على أسس موضوعية وفقا لمعطياتها الفنية.

وهو كذلك دكتور احمد القرشي
لابد من اعطاء هذه الاغنية مساحة زمنية كما تفضلت
وايضا يمكن عرضها على بعض الفنانين العرب لتقييمها
كما سمعنا راي فنان العرب محمد عبده في محاولة محمد الامين في اغنية ياناعم العود
ولاننسى بأن هذه اللونية صعبة غير انها سلم سباعي وتعتمد على لهجة خليجية
وكما يقول الاعلامي سليمان محمد سليمان لونية الكنتري الكنتري البيئة يعني الفنان لازم يكون من نفس البيئة
وغير ذلك تكون المحاولة صعبة جدا جدا قد تقابل الرفض او القبول ....
لذلك نرجع نقول لابد من المساحة الزمنية لهذه الاغنية ...

سلام وتحية سيدى ود مرتضى

مازلت تبحر بنا عبر فضاءات الحب ناثرا الجمال الجمال عسى ولعل ان ان تجد الانفس مريح سكن

تعرف يامرتضى وانا فاتح البوست واستمع الى الاغنية وبالقرب منى احد الزملاء عمانى سألنى مباشرة عن الاغنية والتى استمع اليها كاملا بعد ماعرف ان المغنى ليس خليجى

ولكنه لم يجد فرقا ولقد استمتع جدا بالايقاع والاداء من الاستاذ عاصم البنا وانزل الاغنية فى فى جهازه المحمول

التحية عبرك للاستاذ عاصم فى طرق ابوابا تخوف منها الكثيرين واتمنى ان يضيف الكثير والكثير وهو قادر على ذلك فنيا واكاديميا فله كل الود


دمت بألف خير سيدى ود مرتضى

رسالة رقم (2) للاستاذ عاصم البناء
في اغنية ( يارشا ياكحيل ) رائعة الاستاذ ابو صلاح
في يوم من الايام تم تسجيلها من قبلك افتكر بصورة جميلة جدا
وكانت في شريط كاسيت وصراحة ماسمعتها تاني منك الا يوم امس في التلفزيون
صراحة المقدمة الموسيقية ولا الطريقة التي غنيت بها عجبتني هذه الاغنية
في التسجيل الاول الاعتماد كان على امكانيات الصوت والتطريب الذي به
والملاحظ المره الثانية اعتمدت على الموسيقي وقلبتها جاز وديسكو عديل
وهذه اللونية تختلف عنك تماما ولكن اذا غناها شرحبيل احمد وبنفس طريقتك
امكن قد تجد قبول من الجمهور ...
وهذا ماتحدثت عنه فوق احيانا لم توفق
او لما تحب ان تعمل اضافات تشوه العمل القديم
بالله ارجع للعمل وللمرتين السجلت فيهم الاغنية وشوف الفرق كيف
في التسجيل الاول والثاني
في الثاني حرمتنا من جمال الكلمات


يارشا كحيل
===
يا رشا يا كحيل غيثني هواك سباني
يا الأمرضني وما طباني
في خديدك يلوح نور رباني
نيران اشواقك لاهباني
وسهام ألحاظك نشباني
من ضمن ألحانك تعباني
مهموم تشهق قصرك بان
يتهادى يميل خصرك فريع بان
====
يا رشا يا كحيل غيثني هواك سباني
هبت لروائح دهشاني
يا نسيم عقد وعود علشاني
قوليه غرامك أغشاني
وأدركني الدمع الراشاني
حسنك شانك والحب شاني
يا نسيم روح بلغ آه وأغشاني
بحق من أنشاك وأنشاني
====
يا رشا يا كحيل هواك سباني
جمر الأشواق هب قلاني
من إنطفأ بي دمعي البلاني
أنا لا أسلاك لو تسلاني
حبيبي غرامك أبلاني
ملكني هواك وخلاني
فارقت أقاربي وخلاني
حسنك والاك والحب والاني
====
يا رشا يا كحيل هواك سباني
لهملات حسنوا شجاني
ليك نور ولي نار سارجاني
رقيق اللمحته الجان
في بحور اشواقك زجاني
خاطر بي وما نجاني
أعلم أقبل سعدي وأتاني
لو طيفك في الأحلام ناجاني
يا رشا يا كحيل غيثني

Quote: يدهشني جداً عاصم البنا في ترديد أغنيات وتراث أسلافه الخالدين "جنَّننني نغمات القمري وخلني...محتار في أمري.. إن شاء الله أكون كتبتها صاح الكلمة (المجنونة) دي.. في كلمة فيها خمسة نونات دفعة واحدة؟؟ التحية ليك يا مولانا..ولضيوفك الأكارم.. ثم السلام على زميلنا ود البنا.. على المثابرة والاجتهاد.. لكن من وجهة نظري الخاصة جداً: السكة دي غلط والفضاء العربي قد لا ينتظر جديداً "عربياً" من السودان.. أمسك في عمك الفرجوني شديد..أطال الله عمره.. فالرجل قامة ثقافية وكنز من كنوز السودان.. هذا مع صادق احترامي وتقديري.. محمود العربي..

لك التجلة يا محمود،

عذرا للتأخير، الواحد يا ود مصطفى وكت لبوست واحد ما عندو هسه عندي بوستين ..
زي أم التوأم ..
وفي رواية أخرى .. راجل المرتين..
لا أريد أن أكون مملا أكثر مما أنا عليه وأردد عبارة المعيار الذاتي التي وردت في أكثر من موضع في هذا البوست
والتي تقول أن الذائقة الموسيقية والفنية لها أحكامها وتتباين حتى بين التوأمين ، بس
يا العزيز أنا استهللت البوست بأسئلة بغيت منها حوارا هادئا - بمثل مداخلتك ودونما مجاملة - لأن
التجربة أعجبتني ، بل الأغنية نفسها أعجبتني ، لكن الحمد لله أن كثيرين تفهموا موضوع البوست وأدلوا
برأيهم ، لكن يا محمود لا أتفق معك في قولك أن (السكه دي غلط) ولعل في مداخلات الإخوة أعلاه ما يكفي
لإثبات أن السكه دي صاح سيما إذا ما استصحبنا تطور الأغاني السودانية بالذات..
رغم ذلك تجدني أتفق معك ميه الميه في أن جننني نغمات القمري وأخواتها عندي من المسكرات والسبب
في ذلك أن أذني (تعودت) على نمط محدد وربما تعتاد نمطا آخر لو مد الله في العمر ، والله يا محمد عندي
تسجيل لأغنية ود الرضي الذرية بي هوى الخلخال جابو لي عاصم قبل حوالي 5 سنوات ومن يومها لم ينزل
من السياره وكانت موضوع بوست إبتدرته بعنوان هذه هي الأغنية .. وهذا يؤكد مقولتك لكن (فتح) طرق جديدعه ونوافذإلى العالم شئ جميل..
أرجو أن يستمع الإخوة الذين تحدثوا عن صوت عاصم إلى هذه الأغنية أيضا.

محبتي ..

أول حاجة الزول لو ما شايفها عيب..كان يزغرد عديييييييييل..

يا مولانا بركة اللقيت طريقة ترد علينا بعد ما فقدنا الأمل مرة واحدة..

أحيي فيك صبرك وموضوعيتك الحارقة عمر الفاروق دا..

لكن ..

عندما قلت إن السكة دي غلط..أقصد بها إنه هذه ليست السكة لتقديم الأغنية السودانية..

حيث أن الأغنية موضوع البوست لا تعتبر أغنية سودانية "بحال"..

ليس من شك إنه عاصم قادر طبعاً إنه يطرح نفسه كمغني عربي

أو مؤدي للأغنية العربية بمقاماتها ومدارسها ..

حتى هذا لا يعتبر جديداً أو نقلة..

قولوا لماذا؟؟

أجيبكم:

وردة الجزائرية..فريد الأطرش واسمهان..سميرة سعيد ..أصالة نصري..وغيرهم

كثيرون ممن قدموا أنفسهم كمؤدين للأغنية العربية التي نجح الإعلام المصري

في تسويق فكرتها على أنها الأغنية التي تؤدى وتنفذ باللهجة المصرية ، عطفاً

على ذات مفهوم الفيلم العربي..اللي هو مصري إلى يوم الناس هذا..


السكة دي غلط ليه يا أخ عاصم ويا مولانا ود حامد..؟؟

لأنه الأغنية السودانية هي تلك الأغنية ذات الهوية المعروفة

بخماسيتها إن صاحبتها الموسيقى..فرقة مصاحبة ..أو عود فقط

(بالمناسبة..عاصم البنا عواد خطير جداً...ومتمكن من الآلة إلى درجة ممتازة)..

وبالكورس إن تم تقديمها بغير الموسيقى..وبالإيقاعات المعروفة..

لن يجمل وجه الأغنية السودانية محاولة تقديمها بغير صورتها المعروفة..

الأغنية الموريتانية مثلاً...قد لا نطيق استماعها..حتى لو بلغت "معلومة بنت الميداح"

من الجمال شأواً بعيدا... لكنها تظل أغنية محترمة محافظة على نكهتها ولونيتها..

وهكذا...

كاظم البنا ...أو عاصم الساهر ..ما فرقت...الأغنية العربية قااااااااااعدة...

الدرب هدااااااااااااااااك...

لكن الأغنية السودانية الواحدة دي.....أبداً دا ما دربها ولا شتين...

أقول ما تسمعون واستغفر الله العظيم لي ولكم...

هذا مع صادق الاحترام والتقدير...

محمود العربي..
..
.

سعادة المستشار محمد المرتضي

هذا الرجل الجميل يا صديقي انحزت اليه في كل ما قدم وفي اغاني واغاني كنت اراه الاصيل في كل ما قدم

يقعد الغناء والوحيد فيهم الذي يتابع الاوركسترا موجها لتدارك بعض الاخطاء التي لا يلحظها المشاهد او المستمع العادي

فكنت احسه وبنظراته مع العازفين كانما القائد

ليتني علمت من قبل انه يسكن المغتربين بحري لان دارنا علي بعد خطوات منه فكنت وصلته وتواصلت معه

اما بخصوص اللحن ساعود باذن الله مرة اخري

اما بخصوص الاندهاش انا ايضا مثلك مندهش للونية التي غني بها

واجمل ما في الفنان انه يدهش او يصدم بلونية غير

والابداع في التجويد غض النظر عن السلالم التي تعاطاها الفنان

والاندهاش لكون عاصم عودنا للاستماع عليه في الحقيبه او البلدي

لكني اتمني ان اسمعه في المزيد من هذه اللونية الجديدة

وليد عبداللطيف شكرا ياحبيب على جمالك ومنتظرين سمع اهل الشان

اول شريط انتجته فى حياتى سجل فى صوت الجزيرة فى بنى مالك وقابلت الاستاذ محمد عبده بواسطة الاخ كمال موسى وسالته عن معطلات وصول اغنيتنا السودانية وافادنى .. وصدفة قابلت فى الطيران الخاص فى طمار الملك عبد العزيز الاستاذ. عبدالمجيد عبدالله وافادنى فكونت فى خاطرى فكرة من السوالب وعولجت وكنت استصحبها فى كل عمل خاص بى واوعدك بانى منتبه تماما لان الفرصة حينما تاتى ساخذ معى خماسياتى الخاصة بعد مراعاة محاذيرر الاستاذين محمد عبده وعبد المجيد عبدالله . واشكر تواضعهما كل الشكر كل الشكر ,.

مرة فى مطار دبى وانا فى طريقى للخرطوم وفى انتظار الرحلة ذهبت الى السوق الحر فوجدت صورة للاستاذ عبدالقادر سالم فى احد الارفف انتبهت لانها اسطوانة cd لاتتصور الاحساس الذى تملكنى بالفخر واحساس بانى مقييم .وكان ذلك بسبب جيرانه فى ذلك الرف وانه يتوسط مجموعة كبيرة من الفناين العرب وامتلكنى وتمنيت ان تجلس صورتى فى هذا الرف ممثلا لكم فى يوم من الايام وان التفت للحظة وقلت بسم الله ستجدنى قريبا فى تلك الارفف ..

وليد نحتاج الى اراء الغير سودانين سمع على قدر ما تستطيع واعكس لنا الاراء تفيدنا خاصة من الاخرين لكونهم الهدف


التحية للجميع ولى عودة

انشاء الله


مودتى

استانا طارق مرغنى ... شكر الجزيل لاسهامك واوعدك انشاء الله دوما اكون عند حسن ظنك .. وااكد لك ياسيدى ان طالما فى العمر بقية ان اجتهد لان الانسان تاريخ والفنان عطاء والعطاء يستمد من مثلكم بكل هكذا جمال... والفخر بكم

مودتى

Quote: ومنتظرين سمع اهل الشان

عيييييييييك...

قوموا لفوا يا ناس..

الزول دا ما عنده شغلة بيكم..

الأغنية ليست لكم..

ناس قريعتي راحت...عمر الفاروق ووليد الشفت وشخصي وطارق جبريل..وآخرين

You are NOT concerned

لكن عشان الفكرة تكون أوضح شوية...

أليس هنالك فرق بين أن يقوم سوداني في بني مالك مثلاً ببيع (الطعام)

المكون من سليق وكبسة أو حتى معجنات..

وبين آخر في ذات الحي..ولكنه يبيع (الطعام) السوداني..

كسرة وملاح وشية جمر وأم فتفِتْ؟؟

أخشى أن "يتأفف" الزبائن ويكتفوا بالتندر والتهكُّم كعادتهم..

ولا شيء شخصي البتة...Nothing Personal

جمعة مباركة على الجميع..

..
.

يا شباب،
الما عجبتوا القصة ممكن ما يسمع عاااادي
لا توجد بسطونة لجلد من لم يعجبه العمل بالمناسبة :)

Quote: احتمال اكون انا اول سودانى سمع الاغنية دى لمن نزلت فى اليوتوب ... بصراحة لم استطع اكمالها ..... فى شئ غلط .. .... بس ما عارفو وين !! احتمال يكون الغلط فى اذنى انا وليس فى العمل .... على كل التحية لعاصم لاجتهاده فى التجديد واتمنى ان لا يتضايق من طرح رائ بكل وضوح مع اخد فى الاعتبار اننى لم اقرا اى من المداخلات عدا بداية البوست ...

عزيزي النصري،

لاشك أن ذائقتك تجد احتراما لدى عاصم ، بل يتوجب أن تجد التقدير لدى كل إنسان،
ولحظت أنك ود. بله موسى لم تستطعا إكمال الإستماع إليها وكنت أتمنى لو تفعلا حتى
يكون حكمكما على أمر استجمعتما كافة أطرافه حتى لو كلفكم زمنا إضافيا ، فالإنسان
لايمكن أن يصدر حكما على أمر لم يلم بكافة تفاصيله ، أو هكذا علمونا في مهنتنا ،
عارف يا النصري من الملاحظ أننا أصبحنا لانرضى إلا بما اعتدنا عليه من المطرب
حتى يخال إلي أن أحدا لن يقبل أن يستمع لشرحبيل مثلا يغني أغنية حقيبة بل حتى
لو تزيّا بعمامة وأمسك ب (الرق) كبادي وأجد المبرر النفسي لهؤلاء لكن سيأتي
اليوم الذي سيتغير فيه كل شئ لذا أنت أثنيت على عاصم (لاجتهاده في التجديد)
فعاصم لم يقل أنه أتى بما لم تستطعه الأوائل بل أوضح كثيرا أن هذه بداية ستعقبها
محاولات أخرى نتمنى أن تستمر ويستمر الحوار حولها سيما من العارفين وبعيدا
عن ما لا يفيد موضوع البوست .

لك التقدير والإعزاز.

http://www.youtube.com/watch?v=hYMrjdfE9og

كتبت مداخلة طويييييييييييييييييييلة
لحستوها موش ؟


ما مشكلة

خلاصتها للمتقندف الاستاااااااااااذ الكبيييييييييييييييييير ود البنا

قوم لف

وللفرحانين اصحاب الفنانين ناس سعد الدين، ده بورد للحوار ما للاستماع .. بنكتب راينا
الما عاجبو كلامنا يطق راسو باقرب بوست


الطناش وعدم الرد بعبر عن شخصية الشخص المتجاهل
عموما دي تصرفات التامينها موية

يا وليد عبد اللطيف
41 نعم لكن كانت لعابة خلاص

يا عمر الفاروق
صحبك قالو دي طباعو داخل وخارج الاسافير
اكثر من نفر قال الكلام دة ، الزول مخلوع ودخل مجال الفن عبر الجينات
فما تخت في بالك

لحسوها ليك؟
عجبني، لانه كورتك بقت كلها في الكشافات.
انت يا ولي بتجبر زول يرد علي كلام ما عجبو؟
دي اول مرة تلاقيني والله،
بعدين القال ليك انا صاحبه منو؟
هسة انت لو ما صاحبي كان استوسَختك زااااتي :)

Quote: وليد عبداللطيف شكرا ياحبيب على جمالك ومنتظرين سمع اهل الشان اول شريط انتجته فى حياتى سجل فى صوت الجزيرة فى بنى مالك وقابلت الاستاذ محمد عبده بواسطة الاخ كمال موسى وسالته عن معطلات وصول اغنيتنا السودانية وافادنى .. وصدفة قابلت فى الطيران الخاص فى مطار الملك عبد العزيز الاستاذ. عبدالمجيد عبدالله وافادنى فكونت فى خاطرى فكرة من السوالب وعولجت وكنت استصحبها فى كل عمل خاص بى واوعدك بانى منتبه تماما لان الفرصة حينما تاتى ساخذ معى خماسياتى الخاصة بعد مراعاة محاذيرر الاستاذين محمد عبده وعبد المجيد عبدالله . واشكر تواضعهما كل الشكر كل الشكر ,.

ياخي كل الجمال عندك ياود البنا بالزات لما تجينا وتطل على الشاشة بالبلدي ... ودا كلام افضل نخليهو على جنب ودا موضوع كبير ومهم

الفنان محمد عبده وما ادراك ما محمد عبده
طبعا ياود البنا زي ما شايف جميع من يعمل بي استديو (صوت الجزيرة ) سودانيين
وغير ذلك سكرتيرة الخاص سوداني ( ادريس ) ومدير اعماله ايضا سوداني
وهذا لانه يحب السودانيين جدا جدا
والمهم في دا كله ولم تتطرق اليه بان صديقك او صاحبك ( كمال موسى ) لم تبين هويته للمتابعين هنا
بأنه هو مهندس صوت (استديو صوت الجزيرة ) الذي يدخلة عتاولة الفن بالخليج والذي تعاملت معه انت
وبالمناسبة الفنان (عبد المجيد عبد الله) كان معجب بصوت الفنان الراحل المقيم عبد العظيم حركة جدا
وغير ذلك مهندس الصوت المصري (محمد حسيب ) باستديو المنصور صديق لكل من الاستاذ عمر احساس و ابوعركي البخيت
وهو معجب بصوت ابوعركي جدا جداوسبق قام بتسجيل شريط لمحمود عبد العزيز وقتها هو كان يعمل بمصر
طبعا وكما تفضلت الناس دي بتعيب علينا باننا نتحدث بسرعة يعني كلامنا سريع .. هو صحي ننحنا بنتكلم سريع ؟
تعرف يا استاذ عاصم انا بعجبني الانسان الجريئي الذي لا يخاف ويحاول يوصل حاجاته
سبق وصاحبك الفنان جمال فرفور حضر هنا وقلت له كل السودان بغني ولكن لازم تعمل شيء يصل كل العالم
وذهبت به الى جريدة عكاظ وعملت له لقاء صحفي كا إعلام له ودعاية وفعلا نزل اللقاء بالصحف عام 1998م
وكان لقاء جميل وقابلنا هناك الشاعر عبد العال السيد و الاستاذ ياسر .. ونوعدك بنفس البرنامج في حال حضورك لنا هنا
استاذ ود البنا اذا مابتعرفنا نحنا سمعناك هنا قبل ما تظهر في السودان كفنان وتنبأنا لك بان يكون لك مكانه اذا ذهبت السودان
وفعلا لم تخزلنا ...
ياجمبل لنا لقاء بإذن الله
وتحياتي لود المرتضى حامد وضيوفة وتحيات خاصة هنا الى طارق ميرغني (ابو الفن )

يا سعد الدين :
لكن يبدو إنو البيشكر عاصم قال ليهو بديك مصاصة وحلاوة شوكلاتة وهمبوكة ..

وليد يا مبارك ..:
عارف زماااان بيقولوا إذا تفلسف الحمار رفس ..
بعدين زولك ده يا وليد عايز ينكر ود اهلو احمد البنى ود الجقر ..ما ينكرنا نحن ؟؟؟
دي الخلعة يا وليد الخلـــــــــــــــــــــعة ..

نرجع لي موضوعنا الأساسي و حاجة لفتت نظري للناس البيستشهدوا بي إنو الأغنية لفتت إنتباه العرب ..

نحن ما عندنا ثقة في روحنا وفي حاجاتنا عشان كده بنفتكر إنو الجماعة ديل لو لواحد منهم بس أثنى على عمل نقيم الدنيا ولا نقعدها ..شنو يعني عماني سمع الأغنية وقام حفظها في اللاب حقو .. هو وينو الغنا العماني زااااتو ..ما هي المقارنة بين فننا السوداني والفن العماني ..انا متأكد جدا جدا إنو تلاتة عمانيين ممكن يحددو مصير نجاح وتقييم أعمالنا لأننا بنفتكر إنو الناس ديل أعلى مننا..وهم اللي بيوقعوا نجاح وفشل تجاربنا ..ده الحالة عماني فمابالك لو الحفظ الاغنية في اللاب توب سعودي من بني جلدة محمد عبده !!!؟؟


النجاح الحقيقي والإنبساطة الحقيقية لمن تقول لي في عماني سمع أغنية خاف من الله أو من غير ميعاد وقام حفظهم في اللاب توب ..
النجاح الحقيقي لمن تقول لي قلنا ما ممكن تسافر هبشت ليها إماراتي تم إرسال زوجته لبعثة دراسية ..
النجاح الحقيقي لمن مصرية تتحزم وتربط نصها عشان ترقص العشرة بلدي على أنغام يا بت النيل النييل وأحب النيل يا جميييل..
مش يا هم ديل العاصم قاعد يتفلسف عشان يخليهم يسمعونا لأنو بيفتكر هم ديل الح يعتمدوا فننا ؟؟؟

لسة سؤالي قائم وهو سؤال ليس للإجابة .. هل الفنان أو المادح الإيراني الإنجليزي سامي يوسف نشر الأغنية الإيرانية أو الإنجليزية لمجرد إنو تغنى بي أغاني على السلم السباعي بي ألحان عربية وموسيقى عربية ؟؟
انا متأكد أغلبية الناس حتى ما عارفين جنسيته شنو !!!

تخريمة :
يا نابري عملت لي شنو في العصفور الغرد كإمرأة داك ؟؟؟ لقيت ليها شرح ولا ناكل باسطة ؟؟؟

Quote: النجاح الحقيقي والإنبساطة الحقيقية لمن تقول لي في عماني سمع أغنية خاف من الله أو من غير ميعاد وقام حفظهم في اللاب توب .. النجاح الحقيقي لمن تقول لي قلنا ما ممكن تسافر هبشت ليها إماراتي تم إرسال زوجته لبعثة دراسية .. النجاح الحقيقي لمن مصرية تتحزم وتربط نصها عشان ترقص العشرة بلدي على أنغام يا بت النيل النييل وأحب النيل يا جميييل.. مش يا هم ديل العاصم قاعد يتفلسف عشان يخليهم يسمعونا لأنو بيفتكر هم ديل الح يعتمدوا فننا ؟؟؟

حبيبي ياعمر الفاروق انت
تعرف ياعمر الفاروق نحنا نتميز عن كل شعوب العالم في سمعنا عارف ليه
لان منذ القدم شعبنا كان يتمتع بحركة رهيبة نحو الشرق والغرب والجنوب والشمال
اذا كان من اجل الغربة ( مغتربين ) و طلب العلم او التجارة
لذلك كل هذه المعطيات خدمتنا كثير وزادت من المعرفة والعلم بكل اشكال والوان الموسيقى المختلفة
وهذه الهجرات ايضا كانت عكسية بعودتها مره اخرى ويحملون معهم ثقافات جديده ينشرونها
هل سمعت مغترب سعودي في السودان هلى سمعت عماني مغترب في السودان
لذلك ياعمر من الصعب الناس تتذوق غنانا ياخي نحنا بتتعب تعب شديد عشان نوضح الفنان قاصد شنو في كلماتة
لذلك نحاول نقعدها ليهو واحده واحده ...

Quote: نرجع لي موضوعنا الأساسي و حاجة لفتت نظري للناس البيستشهدوا بي إنو الأغنية لفتت إنتباه العرب ..

عمر الفاروق متين الاشياء تلفت الانتباه اذا كان لك للعرب
اذا واحد غنى غنانا بلفت انتباهنا مثل الطفلة التي غنت (انا بدري صحيت من نومي ) وحملت بها جائزه
وهي نفسها التي تغنت بأغنية الكاشف ( اسمر جميل ) وعجبت الناس رغم في اشياء ناقصة في اللهجة من حيث
التعبير في قيمة الكلمه كما كان يفعلها الكاشف ليه لانها هبشت غنانا وثقافتنا الغنائية
ياعر الفاروق ياخي نحنا حتى عندنا في السودان لما الود الجنوبي في نجوم الغد تغني باغاني اهل الشمال
الناس تعاطفت معه وتفاعلت معه ناهيك عن السياسية الولد دا اخذ جائزة في نجوم الغد
حتى انا اتكيفت منه ولكن اعترض على الجائزة لان في شباب احق منه لان معظم مخارج الحروف كانت غلط
والعرب نفس القصة لما واحد يغني غناهم يكونوا في قمة الانبساط لان الفنان اكيد بكون عبش ثقافتهم
وحتى تقيمهم للعمل يترك لنا اثر كبير لانهم اهل لها من حيث الموسيقى ومخارج الحروف وجودة العمل ...

Quote: وليد يا مبارك ..: عارف زماااان بيقولوا إذا تفلسف الحمار رفس .. بعدين زولك ده يا وليد عايز ينكر ود اهلو احمد البنى ود الجقر ..ما ينكرنا نحن ؟؟؟ دي الخلعة يا وليد الخلـــــــــــــــــــــعة ..

طبعا ياود الفاروق صحافتنا والاعلام تعمل وتقول الكثير وهذه ليست اول مره
ونحنا حقو عشان البوست ما ياخذ منحنى اخر حقو نتحدث عن تقييم العمل من جميع النواحي
ونترك مثل هذه الامور جانبا وانت زول برضو كريم والكلمة الطيبة زيها مافي
ممكن تقول لواحد انت مابتعرف تغني ودي وجهة نظرك ومافي زول بيفرض عليك شيء
وانا مثلك اسمع بان الفنان عاصم البنا متعالي ومتكبر ولكن كل هذا لايهمني
غير اننا نسمع اعماله ونقول راينا اذا كان سلبي او ايجابي
بعدين ياخي برضو بقولو المابعرفك بيجهلك ولا انا غلطان ياعمر الفاروق
من الافضل لاتترك مساحة لمثل هذه الاشياء في نفسك ودا اسمو الاتجاه السلوكي وقد يقودك اليه شخص اخر
وخليك مقتنع بشيء واحد لاتحكم على انسان إلا اذا تعاملت معه شخصيا بالزات في الاشياء الشخصية
.
.
وليد المبارك عندي ليك هدية حزاء مقاس 41 بشرط تلبسه في اول تحدي لنا وتكون زميلي