قطع شك الشافع اب صلعة ده كوستاوي , انا شايف روحي اكتر في التاني اب شعر
__ مبالغة يا محمد لكن, الله يضحكك كان كتلتني بالضحك باقي الليل ده
Post: #4 Title: Re: كوستاوي وخدر، بتبالغوا.. Author: Magdi Ahmed Elsheikh Date: 06-08-2010, 01:19 AM Parent: #3
ود المرتضي ..
انت متاكد بكرى ما معاهم..!!
كدي عاين كويس..!!.....
Post: #8 Title: Re: كوستاوي وخدر، بتبالغوا.. Author: محمد المرتضى حامد Date: 06-08-2010, 03:43 AM Parent: #4
Quote: انت متاكد بكرى ما معاهم..!!
كدي عاين كويس..!!.....
يا مجدي ، قسماً عظماً عارفو وشايفو.. زولك في الثانية 6 والثانية 13 بين الأشجار يراقب ويسخِّن في الأنجيرا من بعيد، أها قام بعد داك ، في الثانية 37 ، ظهر عديل وبيأشِّر كمان، بس الكلام دا خليهو بيناتنا.
_
يا مجدي مسئول من الخير ، أم فانله حمرا دي منو؟
Post: #6 Title: Re: كوستاوي وخدر، بتبالغوا.. Author: محمد المرتضى حامد Date: 06-08-2010, 03:07 AM Parent: #3
Quote: قطع شك الشافع اب صلعة ده كوستاوي , انا شايف روحي اكتر في التاني اب شعر
والله قصص، هسه الشاب ده علاقتو شنو بالصلعة؟ بعدين يا خدر حديث الصلع دا بجيب لينا كتاحه من أريزونا ويلخبط الأنجيرا بالمكرونه. أسكت ساي واستمتع بساكسفون الرائع Yared Teferra
Post: #7 Title: Re: كوستاوي وخدر، بتبالغوا.. Author: Osman Musa Date: 06-08-2010, 03:43 AM Parent: #6
جد يا ود حامد Teferra ده خترى . يا أخى الزول بمعط الساكسفون معط مافى منو .
Post: #9 Title: Re: كوستاوي وخدر، بتبالغوا.. Author: ندى عثمان حسن Date: 06-08-2010, 05:31 AM Parent: #7
Post: #11 Title: Re: كوستاوي وخدر، بتبالغوا.. Author: محمد عبد الماجد الصايم Date: 06-08-2010, 01:13 PM Parent: #10
الغريبة يا عمكـ عندي إحساس إنو كوستاوي دا زمنو فارق في الغنا .. النوع البخلي الفنان لو عاين ليهو بمرق من الزمن عشان كـدا شايف الاتنين ديل ماف واحد قاعد يعاين للتاني!
Quote: عندي إحساس إنو كوستاوي دا زمنو فارق في الغنا .
يا Messi ، شقيقي الرشيد من المعجبين برقص (علوبه) الشهير في حفلات الخرطوم، حكى لي إنو مره علوبه جا طالع والحفله يا دوب اشتغلت، سألوهو : وين يا علوبه ماشي؟ قال ليهم : ياخ زِحوا ، دا فنان أشتر وزمنو فارق بحلج رُكبنا ساكت.
هسه يعني كوستاوي دا نقول عليهو مأساة الحلاج؟
Post: #13 Title: Re: كوستاوي وخدر، بتبالغوا.. Author: محمد عبد الماجد الصايم Date: 06-08-2010, 02:32 PM Parent: #12
Quote: هسه يعني كوستاوي دا نقول عليهو مأساة الحلاج؟
مأساتين يا عمكـ مأساة الحلاج القلتها دي ومأساة إنو ما قادر يمش الحلاق
يا عثمان ، الأخطر منو Getatchew Mekurya وهو كبيرهم الذي علمهم الزار والذي اشتهر بعزفه لموسيقى (عزه في هواك) بمستوى لايجارى، ، كدي شوفو عمل شنو هنا والشاب الرقص الإسكستا دا،
Post: #16 Title: Re: كوستاوي وخدر، بتبالغوا.. Author: Osman Musa Date: 06-08-2010, 04:36 PM Parent: #15
يا ود حامد يا أخى Mekurya ده أصلو قاطع حبلو من زمان . ديل ناس فنانين نوع الفن العالى . يا أخى زولك البرقص ساعة وقع تخ أنا فاكرو مات . والله صاح الفنون جنون . .. غايتو لو ما خج الأنتخابات الفاتت دى كنا عملنا وحدة مع الحبشة عديل .
حبيبنا أبوالعزائم، سلامات ياخ، سلامة النظر، أذكر أنك - منذ عقدين - كنت من المعجبين بمصطلح (تظبظب) الشهير في مسرحية شقائق النعمان للراحل الرائع الماغوط وبالطريقة الحلوه في نطق دريد لحام، أها كدي شوف الفيديو تاني - تظبظب وما تبالغ. تحايا لعزيزنا ماضي.
لكن ماقلت لي هي منو ذات الفنلة الحمراء...........!!
Post: #25 Title: والله يا اخوانا عمو كوستاوي دا (وجاهااااتك عديييييل) ..ساكت ظلمتوهو وختيتوهو في سطر واحد مع خدر Author: داليا الكباشى Date: 06-08-2010, 09:18 PM Parent: #24
Post: #26 Title: Re: والله يا اخوانا عمو كوستاوي دا (وجاهااااتك عديييييل) ..ساكت ظلمتوهو وختيتوهو في سطر واحد مع Author: esam gabralla Date: 06-08-2010, 09:23 PM Parent: #25
يا محمد المرتضي الله يفتحا قدامك دنيا و آخرة , من الصباح قابلنى بوستك ده , خمشت الفيديو و رشيتو في الفيسبوك - و شكرتك هناك - حتى البت دى جات حايمة بي هناك ... و يومى استعدل عيب كلامك انت جبت سير و اسامى هنا بتطفش البهجة دى , بعاعيت و صلع و شنبات و حلاقيم .... المرة الجاية انتبه , سمح؟
Post: #44 Title: Re: والله يا اخوانا عمو كوستاوي دا (وجاهااااتك عديييييل) ..ساكت ظلمتوهو وختيتوهو في سطر واحد مع Author: محمد المرتضى حامد Date: 06-09-2010, 08:12 PM Parent: #25
د. داليا سلام، عنوان البوست كان مفروض يكون (الفَرِك) بين كوستاوي وخدر، الشباب ديل قدموا عرض زغني مبالغه، _
Quote: غايتو لو ما خج الأنتخابات الفاتت دى كنا عملنا وحدة مع الحبشة عديل .
معليش يا عثمان, حاول أنسى الخج وتذكر الأنجيرا، إهمل كل القصص الكذوب الزيوف المعنونة ب (تحت جزمتي) وتذكر Aster Aweke ، أعمل رايح من سالفة لاللسلطه ولا للجاه وتذكر إبداعات تالاهون، باختصار يعني ركِّز على الإيجابيات، الناس دي كلها ماشه يا أبا عفان والبقاء لله، هي لله .. أوكي؟
Post: #33 Title: Re: كوستاوي وخدر، بتبالغوا.. Author: محمد المرتضى حامد Date: 06-09-2010, 06:08 AM Parent: #14
Quote: عينك فى الباشمهندس وتطعن فى ضلو....غايتو جنس هرشات
محمد زكريا ، ياخ عليك الله بكري دا ما تجيب سيرتو، جني وجن السياسه والدليخ والقبانيت، هسه يقوم يسحب الباسويرد البوست دا إلا تتموهو مويه.
يا دكتور مجدي أب بكور دا مش مفروض يرفد نفسه من البورد لمخالفته دستور بورد بكري? هى لو بقت على الصلعة ما كان قلنا حاجة لكن دا زول ساكن الحلفايا (لا مواخذا)
أميره الشيخ سلام، نقطه؟ نقطه بس؟ المره الجايه أعمليها (مركز)، وفي رواية أخرى ( تُمنه)..
واحد زميلنا كان قاضي أيام الإنتفاضه ، قال لواحد ضابط شرطه ياخ إنتو ما عايزين تضرِبوا مع الناس ليه؟ الضابط قال ليهو : يا مولانا هسه كان رفدوك بتفتح ليك مكتب ، أها أنا أفتح لي نقطه؟
Quote: عيب كلامك انت جبت سير و اسامى هنا بتطفش البهجة دى , بعاعيت و صلع و شنبات و حلاقيم .... المرة الجاية انتبه , سمح؟
والله يا عصام ، وما طالبني حليفه، كنت عارف (الأسماء) و(السِير) بتطفش الناس من الساكس والإسكستا والفرِك السووهو العيال ديل ، لكن نسوي شنو ، ربنا قاسم لينا صحبة البعاعيت على قولك ، والله أنا زاتي بتونس معاهم مِغَمِّد، وكمان جابت ليها طواقي بزيت فرامل.
عارف يا كوستا ، الصوره دي بالذات كنت شاهدا على التقاطها وزولك ظابط خيمه في الخارج للحلف ايه والحلف الكتاب كلو لكن حوالي الساعه أربعه ، وبعد أن إطمأن إنو كلو في محلو وسالفة الغدا انتهت، تكأكأ عليه نفر ممن لا مواعيد لهم ونزلوا عليهو زي التقول فتح بوست عن ندى القلعه ، وللحيظات حسبت أن الباش حايقول ليهم (قرفنا) أو (كفايه) تكلفة البناء أرخس من كرامتو ، ومن يومها والمشاوير بين رأسه والشعر ( تزداد نأيا وبُعدا). ياخ في زول عاقل بيعزم ناس قرض؟
Post: #50 Title: انتو امريكا دي بتحلي الناس وجيهين ولا الناس دي (وجيهه) اساسا ..؟؟ Author: داليا الكباشى Date: 06-10-2010, 05:08 PM Parent: #49
Quote: د. داليا سلام، عنوان البوست كان مفروض يكون (الفَرِك) بين كوستاوي وخدر، الشباب ديل قدموا عرض زغني مبالغه،
والله يا ود المرتضى طبعن, (الفرك) شاسع , يعني (اقيس الليل بي شعــرو , والقى الفرك شــاسع .. وشاسع)
Post: #58 Title: Re: انتو امريكا دي بتحلي الناس وجيهين ولا الناس دي (وجيهه) اساسا ..؟؟ Author: محمد المرتضى حامد Date: 06-10-2010, 09:57 PM Parent: #50
Quote: الحاجه مستوره كدا بتدعي ليكم ,, كللللكم ..
الله يبشِّرك ويريحك دنيا وأخرى، - شكرا لمتابعة (الفرك) الشاسع. دا يا داليا مسلسل إسمو (الخرد) أجارك الله. تسلمي
عارف يا مجدي مع صورة بكري ( خذيني باليمين وانا زاحف شمال) دي مفروض تكتب شورت تكست مسجز زي بتاعت تلفزيزن السودان أو النيل البنفسجي أو الباقيات البرسلوها المشاهدين وأنا أرسل ليك رسائل وقال انا في الجزائر ومنبرنا راكِّي اريت أبصلعه طاير .. أصلو اليومين دي أخوك في إجازه ومتفرِّغ للرسائل..
